នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅ​ម៉ារ៉ុកវិញពីដែនដី Ceuta
[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី​ Ceuta របស់អេស្ប៉ាញ ខណៈមាន​អ្នកស្លាប់ ៣៤នាក់​
របាយការណ៍៖ ណាតូចង់​ពង្រីកខែល​ការពារ​នុយក្លេអ៊ែរ នៅអឺរ៉ុប ក្នុង​ពេលមានការគំរាមកំហែង​ពីរុស្ស៊ី
មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

ព័ត៌មានអន្តរជាតិ

អ្នកវិភាគ៖ អតីតអ្នកចរចាអាមេរិក-អ៊ីរ៉ង់ និយាយថា ទីក្រុងវ៉ាស៊ីនតោនត្រូវតែពន្លឿនការចរចាជាមួយទីក្រុងតេអេរ៉ង់

2026/07/03 04:58:48 pm        77
Facebook Telegram Linkin
អតីតអ្នកចរចាអាមេរិក-អ៊ីរ៉ង់ម្នាក់បាននិយាយទៅកាន់សារព័ត៌មាន Al Jazeera ថា សហរដ្ឋអាមេរិកត្រូវមានចំណាត់ការឲ្យបានកាន់តែលឿន ដើម្បីរក្សាសន្ទុះក្នុងការចរចាជាមួយទីក្រុងតេអេរ៉ង់ នៅពេលដែលពិធីបុណ្យសពរបស់អតីតមេដឹកនាំកំពូលអ៊ីរ៉ង់ លោក Khamenei បញ្ចប់។ លោក Alan Eyre ជាអ្នកការទូតដ៏លេចធ្លោម្នាក់នៅវិទ្យាស្ថានស្រាវជ្រាវតំបន់មជ្ឈិមបូព៌ាមានមូលដ្ឋាននៅទីក្រុងវ៉ាស៊ីនតោន បាននិយាយថា ភាគីទាំងពីរចាំបាច់ត្រូវពិភាក្សាគ្នាឲ្យបានញឹកញាប់ និងយូរជាងពេលមុនៗ។ លោក Eyre និយាយថា «នេះគឺជាដំណើរការដ៏ស្មុគស្មាញខ្លាំងរហូតមកដល់ពេលនេះ។ ខ្ញុំយល់ថា ពួកគេបានផ្អាកក្នុងពេលពិធីបុណ្យសពរបស់ លោក Ayatollah Khamenei ប៉ុន្តែក្រោយពីពិធីបុណ្យចប់ ខ្ញុំសង្ឃឹមថាភាគីអាមេរិក ពិតជានឹងបង្កើនល្បឿនការងារនេះ»។ លោកបាននិយាយបន្ថែមថា «ភាគីទាំងពីរនៅមិនទាន់បានចាកចេញពីចំណុចចាប់ផ្តើមទាក់ទងនឹងការដាក់ចេញយន្តការនៃការធ្វើឲ្យច្រកសមុទ្រHormuzបើកទូលាយ និងរបៀបដែលច្រកសមុទ្រនេះត្រូវបានគ្រប់គ្រងនៅឡើយទេ ហើយក៏នៅមានបញ្ហាប្រទេសលីបង់ដែលត្រូវដោះស្រាយ និងបញ្ហានុយក្លេអ៊ែរដែលជាមូលហេតុចម្បងនៃរឿងរ៉ាវទាំងអស់»។

អ្នកវិភាគ៖ អាមេរិកគួរតែផ្តល់អាទិភាពដល់ការបើកឡើងវិញច្រកសមុទ្រ Hormuz និងបន្ថយភាពតានតឹងក្នុងកិច្ចចរចាជាមួយអ៊ីរ៉ង់

2026/07/03 04:56:00 pm        93
Facebook Telegram Linkin
លោក Alan Eyre អ្នកស្រាវជ្រាវផ្នែកការទូតដ៏លេចធ្លោម្នាក់នៅវិទ្យាស្ថានមជ្ឈិមបូព៌ាមានមូលដ្ឋាននៅទីក្រុងវ៉ាស៊ីនតោន បាននិយាយថា ក្នុងការចរចាជាមួយអ៊ីរ៉ង់ សហរដ្ឋអាមេរិកគួរតែផ្តល់អាទិភាពដល់ការបើកឡើងវិញច្រកសមុទ្រ Hormuz បញ្ចប់សង្គ្រាម និងធ្វើឱ្យស្ថានការណ៍នៅប្រទេសលីបង់មានស្ថិរភាព។ លោក Eyre ដែលធ្លាប់បម្រើការជាអ្នកចរចាអាមេរិក-អ៊ីរ៉ង់ក្នុងអំឡុងរដ្ឋបាលប្រធានាធិបតីសហរដ្ឋអាមេរិក លោក Barak Obama បាននិយាយថា លោកជឿថាបញ្ហាកម្មវិធីនុយក្លេអ៊ែររបស់អ៊ីរ៉ង់ អាចត្រូវបានដោះស្រាយ។ លោកបាននិយាយបន្ថែមថា ពុំមាន «ការគំរាមកំហែងភ្លាមៗ» របស់អ៊ីរ៉ង់ក្នុងការអភិវឌ្ឍអាវុធនុយក្លេអ៊ែរនោះទេ ដោយលើកឡើងពីសកម្មភាពយោធារបស់សហរដ្ឋអាមេរិកលើទីតាំងនុយក្លេអ៊ែរអ៊ីរ៉ង់។ ទោះជាយ៉ាងណា លោកបានព្រមានថា ការគំរាមកំហែងនេះមិនអាចត្រូវបានរារាំងដោយគ្មានកំណត់នោះទេ។ «យើងមិនអាចបំផ្លាញសមត្ថភាពនុយក្លេអ៊ែររបស់អ៊ីរ៉ង់បានទេ ព្រោះនៅទីបំផុតវាស្ថិតនៅក្នុងគំនិតរបស់អ្នកវិទ្យាសាស្ត្រនុយក្លេអ៊ែររាប់ពាន់នាក់»។ លោក Eyre បញ្ជាក់ថា «លោកប្រធានាធិបតី Trump ចង់បញ្ចប់សង្គ្រាមនេះ និងបើកច្រកសមុទ្រ Hormuz ព្រោះលោកដឹងថា បើច្រកសមុទ្រនេះនៅតែបិទ ឬនៅតែត្រូវបានរឹតត្បិតកាន់តែយូរ លោកគិតថាផ្នែកសេដ្ឋកិច្ចកាន់តែរងផលប៉ះពាល់ច្រើន»។

[UPDATE] ថៃកំពុងបើកការស៊ើបអង្កេតមូលហេតុក្មេងអាយុ១១ឆ្នាំ បើករថយន្តបំបុកចូលក្បួនព្រះពុទ្ធសាសនាសម្លាប់ព្រះសង្ឃ៩អង្គ

2026/07/03 04:52:40 pm        108
Facebook Telegram Linkin
ក្រុមមន្ត្រីបាននិយាយថា ក្មេងប្រុសអាយុ ១១ ឆ្នាំម្នាក់បានបើករថយន្តសេរីភីកអាប់មួយគ្រឿងបំបុកចូលក្នុងក្បួនដង្ហែព្រះពុទ្ធសាសនា ដែលកំពុងនិមន្ត និងដើរធម្មយាត្រានៅភាគឦសានប្រទេសថៃកាលពីថ្ងៃព្រហស្បតិ៍២មិថុនាសប្ដាហ៍នេះ ដោយបានសម្លាប់ព្រះសង្ឃ ៩ អង្គ។ មូលហេតុនៃគ្រោះថ្នាក់កំពុងស្ថិតក្រោមការស៊ើបអង្កេត ប៉ុន្តែនគរបាលបាននិយាយថា ព្រះសង្ឃបានពិពណ៌នាអំពីការមើលឃើញរថយន្តនោះរេចង្កូតមុនពេលរធ្លាក់ចេញពីផ្លូវ ហើយជ្រុលទៅបុកក្រុមមនុស្សតែម្ដង។ ព្រះសង្ឃសរុបចំនួន ៣៥ អង្គមកពីខេត្ត Mukdahan ចម្ងាយប្រហែល ៦០០ គីឡូម៉ែត្រភាគឦសាននៃរដ្ឋធានីបាងកក បានធ្វើដំណើរធម្មយាត្រា។ ព្រះសង្ឃចំនួន ៥ អង្គបានសុគតនៅនឹងកន្លែងកើតហេតុ ចំណែកព្រះសង្ឃចំនួន ៤ អង្គទៀតបានសុគតនៅមន្ទីរពេទ្យ។ យោងតាមរដ្ឋបាលខេត្ត ព្រះសង្ឃចំនួន ១៣ អង្គបានសម្រាកព្យាបាលនៅមន្ទីរពេទ្យ ដោយព្រះសង្ឃចំនួន ៣ អង្គស្ថិតក្នុងស្ថានភាពធ្ងន់ធ្ងរ។ធម្មយាត្រានេះបានចាប់ផ្តើមនិមន្ត និង ដើរចម្ងាយ ២៦០ គីឡូម៉ែត្រទៅកាន់ខេត្ត Ubon Ratchathani ប្រហែល ៣០ នាទីមុនពេលមានគ្រោះថ្នាក់។ វីដេអូកាមេរ៉ាសុវត្ថិភាពដែលបានចែករំលែកដោយក្រុមជួយសង្គ្រោះក្នុងស្រុក គឺសមាគមជួយសង្គ្រោះ Ruam Jai Mukdahan Rescue Association បង្ហាញពីព្រះសង្ឃកំពុងនិមន្តជាជួរតែមួយនៅម្ខាងផ្លូវ មុនពេលរថយន្តបុកព្រះសង្ឃទាំងនោះ។ នគរបាលនិយាយថា ក្មេងប្រុសរូបនេះកំពុងត្រូវបានឃុំខ្លួន ហើយនឹងត្រូវសួរចម្លើយនៅពេលដែលមន្ត្រីការពារកុមាររដ្ឋមកដល់។ លោកឧត្តមសេនីយ៍ទោ Pairoj Thaiphutsa មេបញ្ជាការនគរបាលខេត្ត Mukdahan បាននិយាយថា «ជនសង្ស័យជាកុមារ។ រថយន្តបង្កហេតុត្រូវបាននាំយកទៅធ្វើកោសល្យវិច្ច័យដើម្បីកំណត់មូលហេតុ»៕

អ៊ីរ៉ង់ព្រមាននាវាដឹកប្រេងឱ្យប្រើប្រាស់ផ្លូវដែលត្រូវបានអនុម័តក្នុងច្រកសមុទ្រ Hormuz ពុំនោះនឹងប្រឈមការឆ្លើយតបដោយកម្លាំង

2026/07/03 03:46:16 pm        85
Facebook Telegram Linkin
បញ្ជាការយោធារួមរបស់អ៊ីរ៉ង់បានព្រមានកាលពីថ្ងៃព្រហស្បតិ៍ ២ កក្កដា សប្ដាហ៍នេះ ថានាវាដឹកប្រេងទាំងអស់ដែលធ្វើដំណើរឆ្លងកាត់ច្រកសមុទ្រ Hormuz ត្រូវតែប្រើប្រាស់ផ្លូវដែលត្រូវបានអនុម័តរបស់ខ្លួន ពុំនោះនឹងប្រឈមការឆ្លើយតបដោយកម្លាំង ដោយបង្កើនភាពតានតឹងម្តងទៀតលើផ្លូវទឹកដ៏សំខាន់សម្រាប់ការផ្គត់ផ្គង់ថាមពលអន្តរជាតិមួយនេះ។ ច្រកសមុទ្រ ដែលជាមាត់តូចចង្អៀតនៃឈូងសមុទ្រពែក្ស បានលេចចេញជាបញ្ហាធំបំផុតមួយនៅក្នុងការចរចាស្វែងរកការបញ្ចប់ជាអចិន្ត្រៃយ៍នៃសង្គ្រាមអ៊ីរ៉ង់។ សេចក្តីថ្លែងការណ៍ពីបញ្ជាការយោធា Khatam al-Anbiya ដែលត្រូវបានរាយការណ៍ដោយទូរទស្សន៍រដ្ឋអ៊ីរ៉ង់ បានកើតឡើងបន្ទាប់ពីអ្នកក្រុមការទូតអាមេរិក និងអ៊ីរ៉ង់ បានជួបជាមួយក្រុមអ្នកសម្របសម្រួលកាលពីថ្ងៃពុធសប្ដាហ៍នេះនៅប្រទេសកាតា។ អ៊ីរ៉ង់ កំពុងរៀបចំសម្រាប់ពិធីបុណ្យសពរបស់មេដឹកនាំកំពូលលោក Ayatollah Ali Khamenei ដែលត្រូវបានសម្លាប់ក្នុងថ្ងៃដំបូងនៃសង្គ្រាមកាលពីខែកុម្ភៈឆ្នាំនេះ។កាលពីយប់ថ្ងៃព្រហស្បតិ៍ ប្រព័ន្ធផ្សព្វផ្សាយរដ្ឋអ៊ីរ៉ង់ បានចេញផ្សាយរូបភាពនៃអ្វីដែលខ្លួននិយាយថាជាមឈូសដែលមានសាកសពរបស់លោក Khamenei ទៅដល់សាល Imam Khomeini Hussainiya សម្រាប់ពិធីលាគ្នា។ គេមិនច្បាស់ទេថាអ្វីដែលបានបង្កឱ្យមានការព្រមានរបស់អ៊ីរ៉ង់កាលពីថ្ងៃព្រហស្បតិ៍អំពីនាវាដឹកប្រេងដែលធ្វើដំណើរឆ្លងកាត់ច្រកសមុទ្រ Hormuz។ ទោះជាយ៉ាងណាក៏ដោយ បញ្ជាការកណ្តាលរបស់យោធាអាមេរិកបានចេញសេចក្តីថ្លែងការណ៍មួយអំពីកិច្ចប្រជុំជាមួយមន្ត្រីមកពីប្រទេសមជ្ឈិមបូព៌ានៅបារ៉ែន ដែលបាននិយាយថាក្រុមមេដឹកនាំបានគូសបញ្ជាក់ពីការប្តេជ្ញាចិត្តរួមគ្នារបស់ពួកគេចំពោះលំហូរពាណិជ្ជកម្មដោយសេរីតាមរយៈច្រកសមុទ្រនេះ។ អ៊ីរ៉ង់ និងអាមេរិកបានព្រមព្រៀងគ្នាជាផ្នែកមួយនៃកិច្ចព្រមព្រៀងបណ្តោះអាសន្នដើម្បីអនុញ្ញាតឱ្យនាវាឆ្លងកាត់ដោយមិនបង់ប្រាក់រយៈពេល៦០ ថ្ងៃ។ ប៉ុន្តែទីក្រុងតេអេរ៉ង់បានទទូចថាខ្លួនត្រូវតែគ្រប់គ្រងផ្លូវរបស់នាវា ហើយក្រោយមកគិតថ្លៃសម្រាប់ការឆ្លងកាត់ ដែលផ្លាស់ប្តូរការអនុវត្តរាប់ទសវត្សរ៍នៅក្នុងផ្លូវទឹកមួយនេះ៕

អ៊ុយក្រែនអំពាវនាវជាបន្ទាន់ដល់សម្ព័ន្ធមិត្តជិត ៤០ សម្រាប់ប្រព័ន្ធស្ទាក់ចាប់មីស៊ីល Patriot ក្រោយរុស្ស៊ីវាយប្រហារសម្លាប់មនុស្សជិត៣០នាក់

2026/07/03 03:28:32 pm        216
Facebook Telegram Linkin
ក្រសួងការពារជាតិអ៊ុយក្រែន បាននិយាយកាលពីថ្ងៃព្រហស្បតិ៍ ២ កក្កដា សប្ដាហ៍នេះថា រដ្ឋមន្ត្រីក្រសួងការពារជាតិលោក Mykhailo Fedorov បានអំពាវនាវដល់ប្រទេសដៃគូជិត ៤០ ឲ្យផ្ទេរប្រព័ន្ធស្ទាក់ចាប់មីស៊ីល Patriot ជាបន្ទាន់ពីឃ្លាំងរបស់ពួកគេនៅក្នុងខែកក្កដានេះ ជាថ្នូរនឹងការដឹកជញ្ជូននាពេលអនាគតដែលបានចុះកិច្ចសន្យារួចហើយសម្រាប់អ៊ុយក្រែន។ការអំពាវនាវនេះកើតឡើងបន្ទាប់ពីរុស្ស៊ីបានបើកការវាយប្រហារតាមអាកាសដ៏ធំបំផុតមួយប្រឆាំងនឹងទីក្រុងគីវ កាលពីយប់ថ្ងៃទី ២ ខែកក្កដា នោះដែរ។ រុស្ស៊ីបានបាញ់យានដ្រូនរាប់រយគ្រឿង និងមីស៊ីលរាប់សិបគ្រាប់ ទៅលើរដ្ឋធានីគីវ ប្រទេសអ៊ុយក្រែន កាលពីព្រឹកព្រលឹមថ្ងៃព្រហស្បតិ៍ ដោយបានសម្លាប់មនុស្សយ៉ាងហោចណាស់ ២៧ នាក់ របួស ៩១ នាក់ និងបំផ្លាញអគារប្រហែល ១៣០ ខ្នង ដែលជាការវាយប្រហារដ៏សាហាវបំផុតលើរដ្ឋធានីនេះក្នុងឆ្នាំនេះ។ ការផ្ទុះជាច្រើនបានអង្រួនកណ្តាលទីក្រុងគីវពេញមួយយប់ ខណៈប្រជាជនរាប់ពាន់នាក់បានប្រញាប់ប្រញាល់ទៅកាន់ជម្រកមានសុវត្ថិភាព និងស្ថានីយ៍រថភ្លើងក្រោមដីគេចពីការទម្លាក់គ្រាប់បែក ។ យោងតាមក្រសួងការពារជាតិ អ៊ុយក្រែន បានចុះហត្ថលេខាលើកិច្ចសន្យាសម្រាប់មីស៊ីល PAC-2 Patriot រាប់រយគ្រាប់រួចហើយ ដោយមានការគាំទ្រពីអាល្លឺម៉ង់ ប៉ុន្តែការដឹកជញ្ជូនមិនត្រូវបានគេរំពឹងថានឹងចាប់ផ្តើមរហូតដល់ប៉ុន្មានឆ្នាំខាងមុខ ទេ។ យោងតាមក្រសួងខាងលើ ទីក្រុងគីវ ក៏បានចាត់វិធានការមួយឆ្ពោះទៅរកការទិញប្រព័ន្ធស្ទាក់ចាប់មីស៊ីល Patriot ប្រហែល ១០០ គ្រាប់បន្ថែមផងដែរ តាមរយៈប្រាក់កម្ចី ១ ពាន់លានអឺរ៉ូគាំទ្រដោយសហភាពអឺរ៉ុប ខណៈដៃគូអឺរ៉ុបបានចាប់ផ្តើមផ្ទេរមីស៊ីលពីឃ្លាំងស្តុកផ្ទាល់ខ្លួនរបស់ពួកគេជាលើកដំបូងនៅឆ្នាំនេះ។ ក្រសួងការពារជាតិបានបន្ថែមថា អ៊ុយក្រែនបានបង្កើនប្រសិទ្ធភាពនៃប្រព័ន្ធ Patriot ជាងទ្វេដងប្រឆាំងការធ្វើសមយុទ្ធមីស៊ីល Iskanderរបស់រុស្ស៊ីដោយអនុវត្តតាមបទដ្ឋាន After Action Review របស់ណាតូ។ លោក Fedorov ក៏បានអំពាវនាវផងដែរដល់ប្រទេសដៃគូឱ្យចូលរួមចំណែកដល់គំនិតផ្តួចផ្តើម PURL និង JUMPSTART ដែលក្រសួងនេះបានហៅថាជាយន្តការលឿនបំផុត និងគួរឱ្យទុកចិត្តបំផុតសម្រាប់ការផ្គត់ផ្គង់មីស៊ីល Patriot ដល់អ៊ុយក្រែន៕

ពលរដ្ឋអ៊ីរ៉ង់និយាយថា ជីវិតរស់នៅប្រចាំថ្ងៃល្អប្រសើរជាងមុន តែសម្ពាធនៅតែកើតមាន

2026/07/03 03:41:33 am        49
Facebook Telegram Linkin
ពលរដ្ឋរស់នៅក្នុងទីក្រុងតេអេរ៉ង់ និយាយប្រាប់ទីភ្នាក់ងារព័ត៌មានរ៉យទ័រនៅថ្ងៃព្រហស្បតិ៍នេះថា ជីវិតរស់នៅប្រចាំថ្ងៃហាក់ល្អប្រសើរជាងមុន ប៉ុន្តែការលំបាកដូចជាអត្រាគ្មានការងារខ្ពស់ និងកង្វះខាតថវិកានៅតែកើតមាន ។លោក Hossein Kheiri គឺជាពលរដ្ឋមួយរូបរស់នៅក្នុងទីក្រុងតេអេរ៉ង់និយាយថា អ៊ីរ៉ង់នឹងមិនបណ្តោយឲ្យប្រទេសរបស់ពួកគេដួលរលំដោយសារតែការងារលំបាកទាំងអស់នេះឡើយ ។លោកថា ការលំបាកលើការចំណាយថ្លៃជួល ការលំបាកលើការចំណាយច្រើន ពួកយើងបានជួបគ្រប់រស់ជាតិនៃជីវិតបែបនេះ ប៉ុន្តែពួកយើងមិនបណ្តោយឲ្យប្រទេសពួកយើងដួលរលំនោះទេ ។ បដា និងផ្ទាំងប៉ាណូមានរូបរបស់អតីតមេដឹកនាំកំពូលអ៊ីរ៉ង់លោក Ayatollah Ali Khamenei ត្រូវបានមើលឃើញនៅទូទាំងរដ្ឋធានីតេអេរ៉ង់ ស្របពេលដែលពួកគេត្រៀមរៀបចំពិធីបុណ្យរបស់លោក ។បុព្វជិតវ័យ ៨៦ឆ្នាំរូបនេះ ដែលជាអ្នករិះគន់ឥតសំចៃមាត់លើសហរដ្ឋអាមេរិក បានគ្រប់គ្រងប្រទេសអ៊ីរ៉ង់អស់រយៈពេល ៣៦ឆ្នាំមកហើយ មុនពេលរូបលោកត្រូវបានសម្លាប់ នៅថ្ងៃដំបូងនៃការវាយប្រហារព្រួតដៃគ្នារបស់សហរដ្ឋអាមេរិក និងអ៊ីស្រាអែលលើអ៊ីរ៉ង់កាលពីថ្ងៃទី ២៨ ខែកុម្ភៈ ។សូមបញ្ជាក់ថា ពិធីបុណ្យសពរបស់លោកនឹងប្រព្រឹត្តទៅនៅថ្ងៃសៅរ៍ ទី ៤ ខែកក្កដា ក្នុងទីក្រុងតេអេរ៉ង់ ហើយនិងបញ្ចប់ទៅជាមួយពិធីបញ្ចុះសពលោកនៅថ្ងៃព្រហស្បតិ៍សប្តាហ៍ក្រោយ នៅឯទីក្រុងកំណើត Mashad ៕

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

2026/07/03 03:38:55 am        178
Facebook Telegram Linkin
នារសៀលថ្ងៃទី២ ខែកក្កដា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវ Flerida Ann Camille P. Mayo ឯកអគ្គរដ្ឋទូតវិសាមញ្ញ និងពេញសមត្ថភាព​ចប់អាណត្តិ​ នៃសាធារណរដ្ឋហ្វីលីពីន ប្រចាំព្រះរាជាណាចក្រកម្ពុជា និងគណៈប្រតិភូ ចូលជួបសម្តែងការគួរសម និងជម្រាបលា នៅវិមានសន្តិភាព។ក្នុងឱកាសនៃជំនួប, លោកជំទាវឯកអគ្គរដ្ឋទូត បានសម្តែងនូវការអបអរសាទរចំពោះការអភិវឌ្ឍរីកចម្រើនលើគ្រប់វិស័យរបស់កម្ពុជា ព្រមទាំងបានសម្តែងនូវការពេញចិត្តចំពោះភាពរីកចម្រើននៃទំនាក់ទំនងទ្វេភាគី ហ្វីលីពីន-កម្ពុជា ដែលបានឈានដល់កម្រិតថ្មីមួយបន្ថែមទៀត។ លោកជំទាវឯកអគ្គរដ្ឋទូតបានវាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិការដ៏ជិតស្និទ្ធរវាងប្រទេសទាំងពីរលើវិស័យជាច្រើន ដូចជា៖ សេដ្ឋកិច្ច និងពាណិជ្ជកម្ម, អប់រំ, បណ្តុះបណ្តាលវិជ្ជាជីវៈ, កសិកម្ម,​ វប្បធម៌,​ ការពារជាតិ និងសន្តិសុខ​ ជាដេីម។ ទន្ទឹមនឹងនេះ, លោកជំទាវក៏បានអបអរសាទរចំពោះការដាក់ចេញនូវវិធានការមុតស្រួចរបស់រាជរដ្ឋាភិបាល ក្នុងការប្រយុទ្ធប្រឆាំងនឹងបទល្មើសឆបោកតាមប្រព័ន្ធបច្ចេកវិទ្យា ព្រមទាំងវាយតម្លៃខ្ពស់ចំពោះកិច្ចសហការដ៏ល្អរវាងកម្ពុជា និងហ្វីលីពីន ជាពិសេស កិច្ចសហការស្អិតរមួតជាមួយក្រសួងស្ថាប័នពាក់ព័ន្ធកម្ពុជាលើការងារនេះ។ លោក​ជំទាវ​ឯកអគ្គរដ្ឋទូត​បាន​បន្តថា​ សម្រាប់ឆ្នាំ២០២៧ ខាងមុខនេះ គឺជាខួបទី៧០ឆ្នាំនៃការបង្កេីតទំនាក់ទំនងការទូត​ រវាងហ្វីលីពីន និងកម្ពុជា ដែលនេះជាពេលវេលាដ៏សំខាន់ ដែលប្រទេសទាំងពីរត្រូវបន្តពូនជ្រុំទំនាក់ទំនងទ្វេភាគីឱ្យកាន់តែខ្លាំងក្លាថែមទៀត។ លោកជំទាវឯកអគ្គរដ្ឋទូតបានក៏បានគូសបញ្ជាក់ថា​ ​ក្រុម​អ្នកសង្កេតការណ៍​អាស៊ាន (AOT) ដែលដឹកនាំដោយហ្វីលីពីន នៅនឹង​បន្ត​អនុវត្ត​បេសកកម្ម ​ប្រកប​ដោយ​តម្លាភាព និង​អព្យាក្រឹត។ជាការឆ្លើយតប, សម្ដេចធិបតី បានសម្តែងនូវការអបអរសាទរចំពោះភាពជោគជ័យរបស់លោកជំទាវឯក​អគ្គរដ្ឋទូត​ ក្នុងការបំពេញបេសកកម្មការទូតនៅកម្ពុជា។ សម្ដេចធិបតី បានសម្តែងការពេញចិត្ត និងវាយតម្លៃខ្ពស់ចំពោះតួនាទីរបស់លោកជំទាវ​ឯកអគ្គរដ្ឋទូត​ ដែលបានចូលរួមចំណែកយ៉ាងសកម្មក្នុងការជួយពង្រឹង និងពង្រីកទំនាក់ទំនង និងកិច្ចសហប្រតិបត្តិការទ្វេភាគី ឱ្យកាន់តែរីកចម្រើនបន្ថែមទៀត។ សម្ដេចធិបតី បានគូសបញ្ជាក់ថា កម្ពុជា និងហ្វីលីពីន នៅមានកាលានុវត្តភាព និងសក្តានុពលជាច្រើនថែមទៀត ក្នុងការជំរុញកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ​ និង​ខ្លាំងក្លា ជាពិសេស, លើវិស័យកសិកម្ម និងទេសចរណ៍។សម្ដេចធិបតី ក៏បានវាយតម្លៃខ្ពស់ចំពោះតួនាទីរបស់ហ្វីលីពីន ក្នុងនាមជាប្រធានអាស៊ានប្តូរវេន ដែលបានជួយសម្របសម្រួលក្នុងការដោះស្រាយបញ្ហាព្រំដែនកម្ពុជា-ថៃនាពេលកន្លងមក ព្រមទាំងបានជម្រាបជូនលោកជំទាវឯកអគ្គរដ្ឋទូតអំពីការវិវត្តថ្មីៗនៃស្ថានភាពព្រំដែនកម្ពុជា-ថៃ ជាមួយនឹងការគូសបញ្ជាក់អំពីការប្តេជ្ញាចិត្ត និងជំហររបស់កម្ពុជាក្នុងការដោះស្រាយបញ្ហាព្រំដែន​ ដោយសន្តិវិធី, ផ្អែកលើច្បាប់អន្តរជាតិ និងអនុលោមតាមអនុសញ្ញា, សន្ធិសញ្ញា និងកិច្ចព្រមព្រៀងដែលមានស្រាប់រវាងកម្ពុជា និងថៃ៕

ប្រភព៖ មនុស្ស ១៥នាក់រងរបួស ខណៈ​ ៥នាក់មាន​ស្ថានភាពធ្ងន់ធ្ងរ ក្នុងហេតុការណ៍ផ្ទុះ នៅទីក្រុងដាម៉ាស

2026/07/03 03:32:45 am        58
Facebook Telegram Linkin
ការផ្ទុះ នៅក្នុង​ទីក្រុងដាម៉ាសរបស់ប្រទេស​ស៊ីរី នា​ថ្ងៃព្រហស្បតិ៍ (ទី​២ ខែកក្កដា ឆ្នាំ២០២៦) នេះ បានបណ្តាលឱ្យមនុស្សយ៉ាង​ហោចណាស់​ ១៥នាក់រងរបួស ក្នុង​នោះ ៥នាក់ស្ថិតក្នុងស្ថានភាពធ្ងន់ធ្ងរ។ នេះបើយោងតាមប្រភពរបស់​ប្រព័ន្ធផ្សព្វផ្សាយ​ Al Arabiya។នៅ​មុននេះ អ្នកឆ្លើយឆ្លងព័ត៌មានម្នាក់របស់​ប្រព័ន្ធផ្សព្វផ្សាយ​ Al Arabiya បានរាយការណ៍ថា មានការផ្ទុះនៅក្នុងហាងកាហ្វេមួយ ក្បែរវិមានយុត្តិធម៌ ក្នុងទីក្រុងដាម៉ាស។ចំណែក​អ្នកឆ្លើយឆ្លងព័ត៌មានរបស់ទីភ្នាក់ងារ​សារព័ត៌មាន AFP បានឃើញរថយន្តសង្គ្រោះបន្ទាន់បើកឆ្លងកាត់ចរាចរណ៍ ដោយមានសំឡេងស៊ីរ៉ែនបន្លឺឡើង នៅពេលពួកគេធ្វើដំណើរទៅកាន់តំបន់នោះ។រីឯ​ទូរទស្សន៍រដ្ឋបានរាយការណ៍ថា មនុស្សជាច្រើនបានរងរបួសដោយសារតែការផ្ទុះមួយ នៅជិតវិមានយុត្តិធម៌ ហើយថា ប្រភេទ និង​ដើមហេតុ​នៃ​ការផ្ទុះ កំពុងត្រូវបានស៊ើបអង្កេត៕

ជប៉ុនព្រមានពីទឹកជំនន់ និងបំណាក់​ដី នៅតំបន់ភាគខាងកើត និងខាងលិច អំឡុង​ពេល​ភ្លៀងធ្លាក់ខ្លាំង

2026/07/03 03:26:33 am        61
Facebook Telegram Linkin
ភ្លៀងធ្លាក់ខ្លាំងបានកើតមាន​នៅ​ភាគខាងជើងនៃកោះ Kyushu នៅថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) នេះ ខណៈដែលតំបន់​ភ្លៀងធ្លាក់តាមរដូវ និងប្រព័ន្ធសម្ពាធទាប បានប៉ះពាល់ដល់កោះដ៏​សំខាន់ នៅ​ភាគនិរតីរបស់ប្រទេសជប៉ុន ដោយ​អ្វីដែលហៅថា ខ្សែបន្ទាត់​ភ្លៀងបានកើត​មាន​នៅទូទាំងខេត្តចំនួន ៥ គឺ Fukuoka, Saga, Nagasaki, Kumamoto និង Oita។ទីភ្នាក់ងារឧតុនិយមជប៉ុនបានព្រមានអំពីបំណាក់ដី ទឹកជំនន់ និងទឹក​ទន្លេឡើង​ខ្ពស់​ ខណៈដែលស្ថានភាពបរិយាកាសប្រែប្រួល​មិនទៀង​ បានរីករាលដាលពាសពេញភាគខាងលិច និងភាគខាងកើតរបស់​ប្រទេស។នៅតំបន់​ Saikai ខេត្ត Nagasaki កម្រិតទឹក​ភ្លៀង​​ជាង ៨០​មីលីម៉ែត្រ បាន​ធ្លាក់​ក្នុងរយៈពេលតែ​ ១ម៉ោង មុនថ្ងៃរះ។ ភ្លៀងធ្លាក់ខ្លាំងបានបង្កឱ្យមានបំណាក់​ដីនៅទី​កន្លែង​ជាច្រើននៅទីក្រុង​ Hita ខេត្ត Oita ខណៈដែលទឹក​ទន្លេ Chikugo ក្នុងខេត្ត Kumamoto បានឡើង​ហូរហៀរ។ប្រព័ន្ធសម្ពាធទាបត្រូវបានគេរំពឹងថា នឹងឆ្ពោះទៅទិសខាងកើត នៅ​ភាគខាងកើតប្រទេសជប៉ុន រហូតដល់ថ្ងៃទី៣ ខែកក្កដា ខណៈដែលតំបន់​ភ្លៀងធ្លាក់ រំកិល​បន្តិចម្តងៗទៅភាគខាងត្បូង។ ស្ថានភាពបរិយាកាសនៅតែប្រែប្រួល​មិនទៀង​ នៅ​ខេត្ត Kagoshima ជាកន្លែងដែលអាចមានផ្គររន្ទះ និងខ្យល់បក់ខ្លាំងរហូតដល់ល្ងាចថ្ងៃទី៣ ខែកក្កដា​។ទីភ្នាក់ងារក៏បានជំរុញផង​ដែរ​ឱ្យមានការប្រុងប្រយ័ត្នជាបន្តបន្ទាប់ នៅភាគខាងជើង Kyushu ជាកន្លែងដែលដីសើម និងទឹក​ទន្លេឡើង​ខ្ពស់​ នៅតែជាកង្វល់ បន្ទាប់ពីភ្លៀងធ្លាក់យូរ៕

ក្រុមជួយសង្រ្គោះបន្តរកឃើញសាកសព ខណៈមនុស្សស្លាប់ក្នុងការវាយប្រហាររបស់រុស្ស៊ីលើទីក្រុងគីវ កើនឡើងដល់ ២០នាក់

2026/07/03 03:23:01 am        44
Facebook Telegram Linkin
នៅថ្ងៃព្រហស្បតិ៍នេះ ក្រុមជួយសង្រ្គោះ បានរកឃើញសាកសពមនុស្សម្នាក់ទៀតពីអគារស្នាក់នៅរងការបំផ្លិចបំផ្លាញនៅក្នុងទីក្រុងគីវ ប្រទេសអ៊ុយក្រែន ក្រោយការវាយប្រហារកាលពីយប់កន្លងទៅរបស់រុស្ស៊ី ។រុស្ស៊ី បានបើកការវាយប្រហារយានដ្រូនរាប់រយគ្រឿង និងមីស៊ីលរាប់សិបគ្រាប់លើរដ្ឋធានីគីវ កាលពីព្រឹកថ្ងៃព្រហស្បតិ៍នេះ ។ការវាយប្រហារនេះ បណ្តាលឲ្យមានការខូចខាតទ្រង់ទ្រាយធំបំផុតនៅទីក្រុងគីវ មកទល់នឹងពេលនេះ ក្នុងឆ្នាំនេះ ហើយនិងជាការវាយប្រហារស្លាប់មនុស្សច្រើនបំផុត ចាប់តាំងពីខែឧសភា ពេលដែលមនុស្ស ២៤នាក់ ត្រូវបានសម្លាប់នៅក្នុងការវាយប្រហារមួយដែលធ្វើឲ្យអគារផ្ទះល្វែងមួយខ្នងរាបដល់ដី ។លោក Tymur Tkachenko គឺជាប្រធានរដ្ឋបាលយោធាទីក្រុងគីវ និយាយថា ចំនួនមនុស្សស្លាប់ បន្ទាប់ពីការវាយប្រហារយានដ្រូន និងមីស៊ីលរបស់រុស្ស៊ីនៅថ្ងៃព្រហស្បតិ៍ បានកើនឡើងដល់ ២០នាក់ ។អភិបាលក្រុងគីវ លោក Vitali Klitschko បានប្រកាសកាន់ទុក្ខក្នុងទីក្រុងរបស់លោកនៅថ្ងៃសុក្រស្អែកនេះ ។ខណៈពេលនោះដែរ ប្រធានាធិបតីអ៊ុយក្រែនលោក Volodymyr Zelenskiy ដែលកាន់បន្ថយដំណើរទស្សនកិច្ចរបស់លោកនៅអៀរឡង់ ដើម្បីប្រញាប់ប្រញាល់មកកាន់ប្រទេសជាតិវិញនោះ និយាយថា ការខូចខាត ត្រូវបានរាយការណ៍ថា កើតមាននៅទីតាំងជាង ២០កន្លែង ទូទាំងរដ្ឋធានីគីវ ៕

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅ​ម៉ារ៉ុកវិញពីដែនដី Ceuta
07/31/2026 09:07 PM
Facebook Telegram Linkin
[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី​ Ceuta របស់អេស្ប៉ាញ ខណៈមាន​អ្នកស្លាប់ ៣៤នាក់​
07/31/2026 09:07 PM
Facebook Telegram Linkin
របាយការណ៍៖ ណាតូចង់​ពង្រីកខែល​ការពារ​នុយក្លេអ៊ែរ នៅអឺរ៉ុប ក្នុង​ពេលមានការគំរាមកំហែង​ពីរុស្ស៊ី
07/31/2026 09:07 PM
Facebook Telegram Linkin
មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី
07/31/2026 09:07 PM
Facebook Telegram Linkin
មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត
07/31/2026 09:07 PM
Facebook Telegram Linkin
អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន
07/31/2026 08:07 PM
Facebook Telegram Linkin
ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ
07/31/2026 08:07 PM
Facebook Telegram Linkin
BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី​ Ceuta របស់អេស្ប៉ាញ ខណៈមាន​អ្នកស្លាប់ ៣៤នាក់​
07/31/2026 08:07 PM
Facebook Telegram Linkin
ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស
07/31/2026 08:07 PM
Facebook Telegram Linkin
កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅ​កាន់តែខ្លាំង
07/31/2026 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.