BTV NEWS

វិស័យឯកជនលើកទឹកចិត្តអ្នកស្វែងរកការងារ បង្កើនចំណេះ ជំនាញ ដើម្បីឆ្លើយតបតម្រូវការកម្លាំងពលកម្មជំនាញកើនឡើង

ប្រាសាទប្រែរូប ស្ថាបត្យកម្មឥដ្ឋដ៏លេចធ្លោសម័យអង្គរ និងការគ្រប់គ្រងបេតិកភណ្ឌ

ផ្លូវថ្មើរជើងចតុមុខបង្កើតឱកាសការងារ និងជំរុញសេដ្ឋកិច្ចមូលដ្ឋានកាន់តែរស់រវើក

សម្ដេចតេជោ បង្ហាញការចាប់អារម្មណ៍ចំពោះលិខិតចំហររបស់លោក Surachart Bamungsuk អ្នកជំនាញផ្នែកសន្តិសុខ និងភូមិសាស្ត្រនយោបាយរបស់ថៃ និងចែករំលែកជូនប្រជាជន កម្ពុជា និងថៃបានជ្រាបបន្ថែម

ព័ត៌មានជាតិ

ខួបលើកទី១៦២ ទិវាពិភពលោកកាកបាទក្រហម, កាកបាទក្រហមកម្ពុជា អំពាវនាវសប្បុរសជនមកពីគ្រប់មជ្ឈដ្ឋានចូលរួមបរិច្ចាគគាំទ្រការងារមនុស្សធម៌

ភ្នំពេញ៖ កាកបាទក្រហមកម្ពុជា បានអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន ចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារមនុស្សធម៌ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។នេះបើយោងតាម សេចក្តីប្រកាសព័ត៌មាន ស្តីពីខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ៖ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។សប្បុរសជនគ្រប់មជ្ឈដ្ឋាន អាចបរិច្ចាគជូនកាកបាទក្រហមកម្ពុជា តាមរយៈក្រុមប្រចាំការទទួលបដិសណ្ឋារកិច្ច និងរៀបចំកម្មវិធីប្រគល់-ទទួលថវិកា សម្ភារ រៀងរាល់ម៉ោងធ្វើការចាប់ពីថ្ងៃទី ១ ខែមេសា ឆ្នាំ២០២៥នេះតទៅ នៅទីស្នាក់ការកណ្តាលកាកបាទក្រហមកម្ពុជា ឬធ្វើការបរិច្ចាគតាមរយៈគណនីធនាគាររបស់កាកបាទក្រហមកម្ពុជា ដូចខាងក្រោម៖ ១. ធនាគារពាណិជ្ជកម្មក្រៅប្រទេសនៃកម្ពុជា (FTB)៖ - អ្នកទទួលផល : កាកបាទក្រហមកម្ពុជា- គណនីឈ្មោះ : CRC Internal Funds Raised - គណនីប្រាក់រៀល : 100004348127- គណនីប្រាក់ដុល្លារអាម៉េរិក : 300001709996២. ធនាគារវឌ្ឍនៈអាស៊ីចំកាត់ (ABA)៖ - អ្នកទទួលផល : កាកបាទក្រហមកម្ពុជា- គណនីឈ្មោះ : CAMBODIAN RED CROSS- គណនីប្រាក់រៀល : 777 766 168- គណនីប្រាក់ដុល្លារអាម៉េរិក : 777 788 168 រាល់ព័ត៌មានបន្ថែម សូមមេត្តាទំនាក់ទំនង៖ ១. លោកជំទាវ ពុំ ចន្ទីនី លេខទូរសព្ទ 012 921 105២. លោកជំទាវ ម៉ែន នារីសោភ័គ លេខទូរសព្ទ 012 810 854៣. ឯកឧត្តម ឌួង អេលីត លេខទូរសព្ទ 017 248 888

គណៈកម្មាធិការសាខាគណបក្ស “ខ១១” នៃគណៈកម្មាធិការគណបក្ស ខុទ្ទកាល័យ សម្តេចមហាបវរធិបតី ហ៊ុន ម៉ាណែត អញ្ជើញគោរពវិញ្ញាណក្ខន្ធអ្នក ឧកញ៉ា ឧត្ដម មេត្រីវិសិដ្ឋ ហ៊ុន សាន

ភ្នំពេញ៖ គណៈកម្មាធិការសាខាគណបក្ស “ខ១១”នៃគណៈកម្មាធិការគណបក្ស ខុទ្ទកាល័យ សម្តេចមហាបវរធិបតី ហ៊ុន ម៉ាណែត នៅថ្ងៃទី៣១ ខែមីនា ឆ្នាំ២០២៥ បានចូលគោរពវិញ្ញាណក្ខន្ធសព ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន ដែលតម្កល់ធ្វើបុណ្យតាមប្រពៃណីនៅគេហដ្ឋាន។ក្នុងវេលាពោរពេញដោយ សមានទុក្ខនេះ គណៈកម្មាធិការសាខាគណបក្ស “ខ១១” នៃគណៈកម្មាធិការគណបក្ស ខុទ្ទកាល័យ សម្តេចមហាបវរធិបតី ហ៊ុន ម៉ាណែត បានសម្តែងនូវសមានទុក្ខដ៏មហាក្រៀមក្រំបំផុត និងតក់ស្លុត ក្នុងចិត្ត ជាអនេកប្បការ ចំពោះការទទួលមរណភាព របស់ ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុនសាន រដ្ឋលេខាធិការ ក្រសួងសាធា រណការនិងដឹកជញ្ជូនត្រូវជាបងប្រុសបង្កើតរបស់សម្តេចតេជោនិងបានចាត់ទកមរណភាព របស់ឯកឧត្តមអ្នកឧកញ៉ាឧត្តមមេត្រីវិសិដ្ឋិ គឺជាការបាត់បង់នូវឥស្សរជនដ៏ឆ្នើម១រូប បិតា បិតាក្មេក និងជីតា ប្រកបដោយ ព្រហ្មវិហារធម៌ និងជាបងប្រុសជាទីគោរពស្រឡាញ់បំផុតរបស់សម្តេចតេជោ ហ៊ុន សែន ព្រមទាំងក្រុមគ្រួសារ សាច់ញាតិដ៏គួរឱ្យសោកសង្រេងនិងអាឡោះអាល័យ។ គំរូវីរភាពនិងស្នាដៃរបស់ឯកឧត្តមអ្នកឧកញ៉ា ឧត្តមមេត្រីវិសិដ្ឋ បានដក់ជាប់ ក្នុងក្រឳបេះដូងប្រជាពលរដ្ឋគ្រប់ៗរូប ដែលបានលះបង់កម្លាំងកាយ ចិត្ត ប្រាជ្ញា ស្មារតី និងធនធានផ្ទាល់ខ្លួន ចូលរួមចំណែកកសាងជាតិមាតុភូមិជាមួយរាជរដ្ឋាភិបាល ក្រោមម្លប់សុខសន្តិភាព។ជាមួយនឹងសមានទុក្ខដ៏សែនក្រៀមក្រំនេះ គណៈកម្មាធិការសាខាគណបក្ស “ខ១១” នៃគណៈកម្មាធិការគណបក្ស ខុទ្ទកាល័យ សម្តេចមហាបវរធិបតី ហ៊ុន ម៉ាណែត បានឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន បានសោយសុខក្នុងសុគតិភពកុំបីឃ្លៀងឃ្លាតឡើយ។សូមបញ្ជាក់ថា ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន បងប្រុសច្បងរបស់ សម្តេចតេជោ ហ៊ុន សែន បានទទួលអនិច្ចកម្ម នាម៉ោង២៖២៧នាទីព្រឹកថ្ងៃទី២៨ ខែមីនា ឆ្នាំ២០២៥ ក្នុងជន្មាយុ៧៨ឆ្នាំ ដោយរោគាពាធ៕

កាកបាទក្រហមខេត្តបន្ទាយមានជ័យ ប្រគល់ផ្ទះជូនគ្រួសារទីទ័លក្រ ២គ្រួសារនៅស្រុកមង្គលបូរី

បន្ទាយមានជ័យ៖ នៅព្រឹកថ្ងៃទី៣១ ខែមីនា ឆ្នាំ២០២៤ ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រហម កម្ពុជាខេត្តបន្ទាយមានជ័យ បានអញ្ជើញប្រគល់ផ្ទះថ្មីជូនបងប្អូនប្រជាពលរដ្ឋ មានការលំបាកទីទាល់ក្រខ្វះទីជម្រកស្នាក់នៅ ២គ្រួសារក្នុងស្រុកមង្គលបូរី ខេត្តបន្ទាយមានជ័យ។លោក ធូ សុីភ័ណ្ឌ នាយកប្រតិបត្តិសាខាកាកបាទក្រហមខេត្ត បានបញ្ជាក់ឲ្យដឹងថា ក្រុមប្រតិបត្តិសាខាសហការជាមួយក្រុមអនុសាខាកាកបាទក្រហមស្រុកមង្គលបូរ បានចុះធ្វើការប៉ាន់ប្រមាណតម្រូវការរបស់គ្រួសារឈ្មោះ លឹម ស៊ីណា ភេទស្រីអាយុ ៤៤ឆ្នាំប្តី ឈ្មោះ មឿន វណ្ណៈអាយុ ៤៥ ។ គ្រួសារនេះរស់នៅក្នុងសភាពក្រីក្រលំបាកពិតប្រាកដដោយរស់នៅអចិន្ត្រៃយ៍ ក្នុងបន្ទប់មានកូនរហូតដល់ទៅ៨នាក់ ស្រីចំនួន៤នាក់ សរុបទាំងប្ដីប្រពន្ធទាំងអស់មានចំនួន១០នាក់ មុខរបរមិនពិតប្រាកដគ្រួសារនេះ មានទីលំនៅស្ថិតនៅក្នុងភូមិខ្លាខាំឆ្កែ ឃុំតាឡំ ស្រុកមង្គលបូរី ។ ឯមួយគ្រួសារទៀតឈ្មោះ ពៅ សេក អាយុ ៨៣ឆ្នាំ ដែលជាជនចាស់ជរាក្រីក្រគ្មានទីពឹងរស់នៅក្នុងបន្ទប់ចំនួន ២នាក់ស្ថិតនៅក្នុងភូមិ ផាសុីស្រា ឃុំឫស្សីក្រោក ស្រុកមង្គលបូរី ដោយពិនិត្យឃើញថាគ្រួសារទាំងពីរមានលក្ខណសម្បត្តិដែលសាខាកំណត់គឺជាគ្រួសារក្រីក្រខ្វះខាតគ្មានជម្រកពិតប្រាកដ ប៉ុន្តែពួកគាត់មានដីសម្រាប់ សងផ្ទះបានមើលឃើញបញ្ហាពីប្រឈមបែបនេះ សាខាកាកបាទក្រហមខេត្តក៏បានសម្រេចធ្វើការសាងសង់ផ្ទះថ្មីជូនពួកគាត់ដែលមានទំហំ ៤ម៉ែត្រ បណ្តោយ ៧ម៉ែត្រកម្ពស់ ៣,៨ម៉ែត្រ សង់ពីដែកប្រក់ស័ង្កសីជញ្ជាំងស័ង្កសី បាតស៊ីម៉ង់សង់ផ្ទាល់ដីព្រមទាំងសាងសង់បង្គន់អនាម័យបន្ថែម ដោយចំណាយថវិកាក្នុងផ្ទះនីមួយៗអស់ចំនួន ២៣៤៩ដុល្លារសហរដ្ឋអាមេរិក ។ក្នុងនោះដែរឯកឧត្តម អ៊ុំ រាត្រី បានមានប្រសាសន៍ថា ផ្ទះថ្មីទាំងពីរខ្នងនេះ គឺជាផ្ទះមនុស្សធម៌របស់សាខាកាកបាទក្រហមដែលមានលក្ខណៈរឹងមាំអាចកាត់បន្ថយភាពងាយរងគ្រោះបានមួយកម្រិតហើយគិតត្រឹមមកដល់ពេលនេះ សាខាកាកបាទក្រហមបានអនុវត្តសាងសង់ផ្ទះជូនដល់បងប្អូនដែលមានជីវភាពខ្ចះខាតលំបាកពិតប្រកដ សរុបបានចំនួន ២០ខ្នងផ្ទះមកហើយ។ ក្នុងឱកាសនោះឯកឧត្តម ក៏បានផ្តល់នូវអំណោយមនុស្សធម៌បន្ថែមទៀតរួមមាន៖ អង្ករ៥០គីឡូក្រាម ត្រីខ១យួរមី១កេស ទឹកត្រី១យួរ មុង១ ភួយ១ សារុង ១ ក្រមា១ ធុងទឹក១ ឆ្នាំង២ ចានបាយចំនួន៥ ស្លាបព្រា៥ កន្ទេល ជ័រ១ និងថវិកាមួយថវិកា ។ រីឯប្រជាពលរដ្ឋទីទ័លក្រ ១០គ្រួសារផ្សេងទៀតក៏ទទួលអំណោយមនុស្សធម៌ដូចៗគ្នាផងដែរដោយក្នុងមួយគ្រួសារទទួលបានអង្ករម្ភៃ ២៥គីឡូក្រាម មី១កេស ត្រីខ១យួរទឹកត្រី ១យួរ មុង១ ភួយ១ ភួយ១ សារុង១ ក្រមា១និងថវិកាមួយចំនួនផងដែរ ៕ ឃិនសារិទ្ធ

សាកលវិទ្យាល័យភូមិន្ទវិចិត្រសិល្បៈ ត្រៀមរៀបចំព្រឹតិ្តការណ៍ពិព័រណ៍ទេពកោសល្យ និងស្នាដៃនិសិ្សត លើកទី៨ ដើម្បីអបអរសាទរសង្រ្កាន្តឆ្នាំថ្មី

សាកលវិទ្យាល័យភូមិន្ទវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ បានត្រៀមរៀបចំព្រឹតិ្តការណ៍ពិព័រណ៍ទេពកោសល្យ និងស្នាដៃនិសិ្សត លើកទី៨ ចាប់ពីថ្ងៃទី៤ រហូតដល់ថ្ងៃទី៦ ខែមេសា ឆ្នាំ២០២៥ខាងមុខនេះ ដើម្បីអបអរសាទរសង្រ្កាន្តឆ្នាំថ្មី។ លោក ជីង ឆោមមុនី សាកលវិទ្យាធិការរង នៃសាកលវិទ្យាល័យភូមិន្ទវិចិត្រសិល្បៈ ទទួលបន្ទុកមហាវិទ្យាល័យសិល្បៈសូនរូប បានថ្លែងប្រាប់BTV ព័ត៌មាន នាព្រឹកថ្ងៃទី៣១ ខែមីនា ឆ្នាំ២០២៥នេះថា ជារៀងរាល់ឆ្នាំ សាកលវិទ្យាល័យភូមិន្ទវិចិត្រសិល្បៈ តែងតែប្រារព្ធព្រឹតិ្តការណ៍ក្នុងគោលដៅបង្ហាញអំពីស្នាដៃ និងទេពកោសល្យរបស់និសិ្សត ដែលហៅថា មរតកទាំង៥ ហើយមរតកទាំង៥ ចង់ឆ្លុះបញ្ចាំងអំពីអត្តសញ្ញាណនៃវប្បធម៌ជាតិរបស់ខ្មែរយើង ដែលសាកលវិទ្យាល័យភូមិន្ទវិចិត្រសិល្បៈ មានជំនាញខាងបណ្តុះបណ្តាលទាំងអស់នេះ។ ដូច្នេះហើយប្អូនៗនិសិ្សត ក៏ដូចជាប្រធាននិសិ្សត ដែលបានដឹកនាំកន្លងមកជាបន្តបន្ទាប់ តែងតែយកចិត្តទុកដាក់លើប្រធានបទ មរតកទាំង៥ ដែលជាស្នាដៃដូនតា។ ហើយគោលដៅដែលថ្នាក់ដឹកនាំរៀបចំនេះ គឺរៀបចំជាសង្រ្កាន្តសាកលវិទ្យាល័យភូមិន្ទវិចិត្រសិល្បៈថ្មី។ចំណែកនិសិ្សត ហេង ឆេងលិញ ឆ្នាំទី៣ ផ្នែកស្ថាបត្យកម្ម និងនិសិ្សត ជូ ឡុងហេង ឆ្នាំទី១ ផ្នែកស្ថាបត្យកម្ម បានលើកឡើងរួមគ្នាថា ព្រឹតិ្តការណ៍ខាងលើនេះ គឺជាពេលវេលាដ៏សំខាន់សម្រាប់និសិ្សតទាំង៥មហាវិទ្យាល័យ រួមមាន៖ មហាវិទ្យាល័យបុរាណវិទ្យា មហាវិទ្យាល័យសិល្បៈសូនរូប មហាវិទ្យាល័យសិល្បៈនាដសាស្រ្ត មហាវិទ្យាល័យស្ថាបត្យកម្ម និងនគរោបនីយវិទ្យា មហាវិទ្យាល័យតូរ្យតន្រី្ត ដេប៉ាតឺម៉ង់ថ្នាក់ឆ្នាំសិក្សាមូលដ្ឋាន បានដាក់តាំងបង្ហាញជូននូវស្នាដៃដែលខិតខំប្រឹងប្រែងសិក្សាបណ្តាឆ្នាំនាពេលកន្លងមក។បើតាមនិសិ្សត ឡាយ យូមាសម៉ានិត ឆ្នាំទី៤ ឯកទេសគំនូរសាគមនាគមន៍ និងជាអ្នករៀបចំកម្មវិធី បានឲ្យដឹងថា ព្រឹតិ្តការណ៍ពិព័រណ៍ទេពកោសល្យ និងស្នាដៃនិសិ្សត លើកទី៨ ចាប់ពីថ្ងៃទី៤ រហូតដល់ថ្ងៃទី៦ ខែមេសា ឆ្នាំ២០២៥ នៅក្នុងបរិវេណសាកលវិទ្យាល័យភូមិន្ទវិចិត្រសិល្បៈ ទីតាំងទី២ អគារ «ខ» សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ចាប់ពីម៉ោង៨ព្រឹក រហូតដល់ម៉ោង៩យប់ ចូលរួមទស្សនាដោយសេរី មានការចូលរួមដាក់តាំងបង្ហាញស្នាដៃរបស់និស្សិតទាំង៥មហាវិទ្យាល័យ (មរតកទាំង៥) មហាវិទ្យាល័យបុរាណវិទ្យា មហាវិទ្យាល័យសិល្បៈសូនរូប មហាវិទ្យាល័យសិល្បៈនាដសាស្រ្ត មហាវិទ្យាល័យស្ថាបត្យកម្ម និងនគរោបនីយវិទ្យា មហាវិទ្យាល័យតូរ្យតន្រី្ត ដេប៉ាតឺម៉ង់ថ្នាក់ឆ្នាំសិក្សាមូលដ្ឋាន មជ្ឈមណ្ឌលស្រាវជ្រាវវប្បធម៌ និងនវានុវត្តន៍ កាកបាទក្រហមកម្ពុជា ការសម្តែងទស្សនីយភាព សិល្បៈបុរាណ ប្រពៃណី ការប្រគំតន្ត្រីចម្រុះ និងការលេងល្បែងប្រជាប្រិយខ្មែរផងដែរ៕ អត្ថបទ រដ្ឋា

ឯកឧត្តម ប្រាក់ សុខុន អញ្ជើញជួបពិភាក្សាការងារជាមួយព្រះអង្គម្ចាស់ Guillaume Jean Joseph Marie រជ្ជទាយាទ នៃប្រទេសលុចសំបួ

ភ្នំពេញ៖ នៅព្រឹកថ្ងៃទី៣១ ខែមីនា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានជួបពិភាក្សាការងារទ្វេភាគីជាមួយព្រះអង្គម្ចាស់ Guillaume Jean Joseph Marie រជ្ជទាយាទ នៃប្រទេសលុចសំបួ នៅទីស្តីការក្រសួង។ ឯកឧត្តមឧបនាយករដ្ឋមន្ត្រី និងព្រះអង្គម្ចាស់រជ្ជទាយាទ បានគូសបញ្ជាក់ពីសារៈសំខាន់នៃការបង្កើនកិច្ចសហប្រតិបត្តិការទ្វេភាគីលើវិស័យសេដ្ឋកិច្ច ពាណិជ្ជកម្ម ទេសចរណ៍ និងការផ្លាស់ប្តូររវាងប្រជាជន-ប្រជាជន។ ភាគីទាំងពីរ ក៏បានផ្លាស់ប្តូរទស្សនៈស្តីពីបញ្ហាតំបន់ និងអន្តរជាតិ ផងដែរ។បន្ទាប់មក កិច្ចព្រមព្រៀងស្តីពីកិច្ចសហប្រតិបត្តិការទូទៅ រវាងរដ្ឋាភិបាលកម្ពុជា និងរដ្ឋាភិបាលលុចសំបួ ត្រូវបានចុះហត្ថលេខា ដោយឯកឧត្តមឧបនាយករដ្ឋមន្ត្រី ប្រាក់ សុខុន និងឯកឧត្តម Xavier Bettel ឧបនាយករដ្ឋមន្ត្រី និងជារដ្ឋមន្ត្រីការបរទេស ពាណិជ្ជកម្មបរទេស កិច្ចសហប្រតិបត្តិការអភិវឌ្ឍន៍ និងកិច្ចការមនុស្សធម៌ លុចសំបួ ដែលជាជំហានដ៏សំខាន់មួយ ឆ្ពោះទៅពង្រឹងទំនាក់ទំនងទ្វេភាគី៕

នៅសល់២សប្តាហ៍ទៀត ពិធីបុណ្យប្រពៃណីចូលឆ្នាំខ្មែរនឹងមកដល់ ក្រុមការងាររៀបចំព្រឹត្តិការណ៍អង្គរសង្ក្រាន្តឆ្នាំ២០២៥ កំពុងតែញាប់ដៃ

ទន្ទឹមនេះក្រុមការងារកម្មវិធីល្បែងប្រជាប្រិយ នៃសហភាពសហព័ន្ធយុវជនកម្ពុជា កាលពីថ្ងៃអាទិត្យ ទី៣០ ខែមីនា ឆ្នាំ២០២៥បានធ្វើការជួបជុំគ្នាជាមួយយុវជនស្ម័គ្រចិត្តល្បែងប្រជាប្រិយ ព្រមទាំងបានហាត់សមនូវល្បែងប្រជាប្រិយខ្មែរជាច្រើន ដើម្បីត្រៀមលក្ខណៈក្នុងការចូលរួមក្នុងព្រឹត្តិការណ៍អង្គរសង្ក្រាន្ត ឆ្នាំ២០២៥ នាពេលខាងមុខ។ល្បែងប្រជាប្រិយខ្មែរដែលកំពុងហាត់សមដើម្បីលើកយកមកសម្ដែងបង្ហាញក្នុងព្រឹត្តិការណ៍នាពេលខាងមុខរួមមាន ៖ ល្បែងចោលឈូង, ល្បែងស៊ីខួង, ល្បែងលាក់កន្សែង, ល្បែងចង់ជើងរួមមិត្ត, ល្បែងទាញព្រ័ត្រ, ល្បែងចាប់កូនខ្លែង, ល្បែងវាយក្អម, ល្បែងស្វាដណ្ដើមទី, ល្បែងលោតបាវ, ល្បែងខ្លាស៊ីគោ, ល្បែងដណ្ដើមស្លឹកឈើ, ល្បែងពង្រាត់កូនក្រមុំ, ល្បែងលោតអន្ទាក់, ល្បែងស្ដេចចង់, ល្បែងរាវបង្កង, ល្បែងលាក់កូនមាន់, ល្បែងបោះអង្គញ់, ល្បែងប្រណាំងកង់យឺត, ល្បែងឡើងសសរខ្លាញ់ និង ល្បែងរុញអង្រែ។ជាមួយគ្នានេះ ឯកឧត្ដម ហ៊ឺ វីរៈ ប្រធាននាយកដ្ឋានជំរុញចលនាវប្បធម៌ សាសនា និងប្រវត្តិសាស្រ្ត នៃ សហភាពសហព័ន្ធយុវជនកម្ពុជាកាលពីថ្ងៃទី២៤ ខែមីនា ឆ្នាំ២០២៥ បានអញ្ជើញចុះជួបសំណេះសំណាលជាមួយលោកគ្រូ អ្នកគ្រូ និងប្អូនៗសិល្បករ សិល្បការិនី និងពិនិត្យមើលការហាត់សមស្នាដៃសិល្បៈទស្សនីយភាព ដែលបង្ហាត់បង្រៀនដោយអ្នកគ្រូ ឱម យុវណ្ឌី សាស្ត្រាចារ្យរបាំបុរាណ និងជាជំនួយការក្រសួងវប្បធម៌និងវិចិត្រសិល្បៈ នៅសាលាមធ្យមវិចិត្រសិល្បៈ ដើម្បីត្រៀមសម្រាប់សម្តែងក្នុងព្រឹត្តិការណ៍អង្គរសង្ក្រាន្ត នៅខេត្តសសៀមរាបនោះដែរ។សូមបញ្ជាក់ថា ព្រឹត្តិការណ៍ចូលឆ្នាំខ្មែរឬ សង្ក្រាន្តឆ្នាំ២០២៥នៅសៀមរាប រៀបចំឡើងចាប់ពី ពីថ្ងៃទី១៤-១៦ ខែមេសា ឆ្នាំ ២០២៥ ខាងមុខក្រោមប្រធានបទ «ញញឹមសាទរសង្ក្រាន្តឆ្នាំថ្មី»។យោងតាមក្រុមការងារនៃសហភាពសហព័ន្ធយុវជនកម្ពុជាដែលរៀបចំព្រឹត្តិការណ៍នេះបានអោយដឹងថា សង្ក្រាន្តឆ្នាំថ្មីនេះ នឹងរៀបចំឡើងរហូតទៅដល់ចំនួន៦ទីតាំង គឺនៅបរិវេណប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, King’s Road, Pub street និងអង្គរឃ្យុងយូ។អ្នករៀបចំបានអះអាងថា សម្រាប់ព្រឹត្តិការណ៍អង្គរសង្ក្រាន្ត ឆ្នាំ២០២៥នេះ គឺរិតតែមានលក្ខណៈពិសេស និងអស្ចារ្យជាងឆ្នាំមុនៗ ដែលធ្វើយ៉ាងណាផ្តល់ស្នាមញញឹម និងផ្តល់ភាពសប្បាយរីករាយដល់មហាក្រុមគ្រួសារខ្មែរ នៅលើទឹកដីអង្គរ ជាមួយនឹងកម្មវិធីកម្សាន្តជាច្រើន អមជាមួយការលេងល្បែងប្រជាប្រិយ រួមនឹងផ្ទាំងទស្សនីយភាពដ៏អស្ចារ្យជាច្រើនទៀត។ព្រឹត្តិការណ៍អង្គរទសង្ក្រាន្តឆ្នាំ២០២៥ នេះ នឹងរៀបចំប្លែកពីឆ្នាំមុនៗ ដោយនាំយកនូវ ទស្សនីយភាពប្លែកភ្នែក បង្ហាញពីវប្បធម៌ខ្មែរ ដើម្បីអបអរពិធីបុណ្យចូលឆ្នាំខ្មែរប្រពៃណីជាតិ និងដើម្បីផ្តល់ស្នាមញញឹមដល់មហាគ្រួសារខ្មែរទាំងមូល ជាពិសេស កម្មវិធីសម្តែងទស្សនីយភាពចង្វាក់បេះដូងអង្គរ។ក្រៅពីនេះ កម្មវិធីកម្មវិធីកម្សាន្តសប្បាយៗ មានជាច្រើនទៀត មានដូចជា កម្មវិធីភូមិខ្ញុំ, កម្មវិធីការប្រកួតអុកចត្រង្គ, កម្មវិធីក្បួនដង្ហែអង្គរសង្រ្កាន្ត, កម្មវិធីយុទ្ធគុនចម្រុះបុរាណខ្មែរ, កម្មវិធីរបាំបុរាណប្រពៃណី និងប្រជាប្រិយ, កម្មវិធីសួនញញឹមអង្គរ, កម្មវិធីតោះៗលេងទឹក, កម្មវិធីសួនមុនីហឫទ័យ, កម្មវិធីផ្សារស្ទឹងសៀមរាប, កម្មវិធីប្រណាំងរទេះគោ ក្របី និងពិធីស្រង់ព្រះជាដើម។សូមបញ្ជាក់ថា ព្រឹត្តិការណ៍អង្គរសង្ក្រាន្ត ២០២៥នេះ រៀបចំឡើងមានគោលបំណងលើកកម្ពស់វប្បធម៌ ប្រពៃណី និងការអភិវឌ្ឍទេសចរណ៍វប្បធម៌។ ការរៀបចំព្រឹត្តិការណ៍អង្គរសង្ក្រាន្តកន្លងមកបានបង្កើតឱកាសអោយបងប្អូន ប្រជាពលរដ្ឋខ្មែរទាំងអស់បានស្គាល់ពីទម្រង់សិល្បៈ វប្បធម៌ ទំនៀមទម្លាប់ប្រពៃណីខ្មែរដ៏សម្បូបែប។ លើកទឹកចិត្តដល់យុវជនជំនាន់ក្រោយឲ្យមានមោទនភាពក្នុងការថែរក្សានិងលើកស្ទួយ វប្បធម៌ «ព្រះរាជាណាចក្រអច្ឆរិយៈ» ។សូមរំលឹកថា ព្រឹត្តិការណ៍អង្គរសង្ក្រាន្ត កាលពីឆ្នាំ ២០១៧ ទទួលបាន ភ្ញៀវទេសចរ ចំនួន ជាង១លាន៦សែន៣ម៉ឺននាក់ ពោលគឺបាន កើនឡើង២២,៧៣ភាគរយ បើប្រៀបធៀប កាលពី ព្រឹត្តិការណ៍ អង្គរសង្ក្រាន្តឆ្នាំមុន។ ហើយព្រឹត្តិការណ៍អង្គរសង្ក្រាន្ត កាលពីឆ្នាំ ២០២៣ ទទួលបានភ្ញៀវ ទេសចរ និង អន្តរជាតិ ព្រមទាំងបងប្អូន ប្រជាពលរដ្ឋបាននាំគ្នាដើរកម្សាន្ត ចំនួនជាង២លាន១សែននាក់៕

ក្រោមម្លប់ព្រះបារមីនៃអង្គព្រះមហាក្សត្រ ប្រជានុរាស្ត្របានរស់នៅប្រកបដោយសេចក្ដីសុខក្សេមក្សាន្ត រុងរឿងថ្កុំថ្កើងជាលំដាប់

ក្រោមម្លប់ព្រះបារមីនៃអង្គព្រះមហាក្សត្រជាទីសក្ការៈដ៏ខ្ពង់ខ្ពស់បំផុត ប្រជានុរាស្ត្របានរស់នៅប្រកបដោយសេចក្ដីសុខក្សេមក្សាន្ត រុងរឿងថ្កុំថ្កើងជាលំដាប់។ តាមរយៈសុខសន្តិភាព ស្ថិរភាព និងការអភិវឌ្ឍ ប្រជាពលរដ្ឋមានឱកាសក្នុងការសិក្សារៀនសូត្រ ស្វែងយល់ នូវមរតកវប្បធម៌ អរិយធម៌ អត្ដសញ្ញាណ ប្រពៃណី ទំនៀមទម្លាប់ខ្មែរ ព្រមទាំងបានពង្រីកនូវកេរ្តិ៍ឈ្មោះល្អរបស់កម្ពុជានៅក្នុងតំបន់និងលើឆាកអន្តរជាតិឱ្យកាន់តែល្បីសុះសាយទូទាំងសកលលោក។ ព្រះរាជតម្រិះ ព្រះរាជសកម្មភាព ព្រះករុណាជាអម្ចាស់ជីវិតលើត្បូង ស្តេចយាងគ្រប់គ្រង អភិបាលផែនដីព្រះរាជាណាចក្រកម្ពុជា បានរុញច្រាននាវាកម្ពុជាទៅកាន់ត្រើយសុភមង្គល។ នាពេលខាងមុខនេះព្រះករុណាជាអម្ចាស់ជីវិតលើត្បូងស្តេចយាងជាព្រះរាជាធិបតីក្នុងព្រះរាជពិធីបួងសួងចម្រើនសេចក្តីសុខដល់ព្រះរាជាណាចក្រកម្ពុជា ដែលជាព្រះរាជបវេណីដ៏ល្អផូរផង់ នៃព្រះរាជាខ្មែរ រាប់ជំនាន់ដ៏យូរលង់។សហភាពសហព័ន្ធយុវជនកម្ពុជា សូមព្រះបរមរាជានុញ្ញត បង្ហាញនូវអនុស្សាវរីយ៍នៃកម្មវិធីពិព័រណ៍ព្រះបរមឆាយាលក្ខណ៍ព្រះមហាក្សត្រ ដែលបង្ហាញពីព្រះរាជជីវប្រវត្តិ ព្រះរាជសកម្មភាព ស្នាព្រះហស្ថ ក្នុងព្រះរាជកិច្ចដឹកនាំព្រះរាជាណចក្រកម្ពុជា នាឱកាស ខួបលើកទី ២០ នៃព្រះរាជពិធីយាងគ្រងព្រះបរមសិរីរាជសម្បត្តិព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជាជាទីសក្ការៈដ៏ខ្ពង់ខ្ពស់បំផុត៕

គម្រោងស្ថាបនាហេដ្ឋារចនាសម្ព័ន្ធជនបទចំនួន១១ទីតាំងនៅខេត្តស្វាយរៀងអាចគ្មានគុណភាពប្រើប្រាស់

ស្វាយរៀង ÷ គម្រោងស្ថាបនាហេដ្ឋារចនាសម្ព័ន្ធរូបប្រវន្ត័ មានប្រព័ន្ធគមនាគមន៍ ប្រព័ន្ធធារាសាស្ត្រ និងសាលារៀន ចំនួន១១គម្រោងទីតាំងស្ថិតនៅក្នុងស្រុកកំពង់រោទិ៍ចំនួន៣គម្រោង និងស្រុកស្វាយជ្រំចំនួន៨គម្រោង អាចគ្មានគុណភាពប្រើប្រាស់បានយូរអង្វែង ខណៈដែលម្ចាស់គម្រោងតាមបណ្ដាឃុំទាំងអស់បានទទលយកកញ្ចប់ថវិកាកម្រិតទាប បន្ទាប់ពីក្រុមម៉ៅការសំណង់ធ្វើការដេញថ្លៃយកមកស្ថាបនាគម្រោងទាំងនោះ។បើតាមមតិពីអ្នកចូលរួមដេញថ្លៃដោយសុំមិនបញ្ចេញឈ្មោះបានប្រាប់ទូរទស្សន៍ btvនៅសាលាស្រុកស្វាយជ្រំថ្ងៃទី៣១ ខែមីនា ឆ្នាំ ២០២៥ នេះថា ការដេញថ្លៃតែងតែធ្វើទៅតាមការណែនាំរបស់រាជរដ្ឋាភិបាល ពោលគឺដេញថ្លៃដើម្បីរកចំណេញថវិកាជាតិ ដោយធានាគុណភាពសំណង់ ពិតជាត្រឹមត្រូវ ។ តែកន្លងមកការដេញថ្លៃនៅកម្រិតទាប គ្រប់សំណង់នីមួយៗនៅក្នុងភូមិសាស្ត្រខេត្តតែងតែមានការរិះគន់ ពីពលរដ្ឋនៅគ្រប់មជ្ឈដ្ឋាន ពីព្រោះការដេញថ្លៃនេះធ្វើឲ្យក្រុមហ៊ុនកិបកេងបន្ថែមនាំឲ្យគុណភាពសំណង់ មិនអាចធានាប្រើប្រាស់បានយូរអង្វែង ជាក់ស្ដែងនៅប៉ុន្មានថ្ងៃនេះក្នុងភូមិសាស្ត្រខេត្តស្វាយរៀងរដ្ឋបាលខេត្ត ស្រុក ឃុំ សង្កាត់បានដាក់ឲ្យក្រុមអ្នកវិនិយោគរកស៊ីវិស័យសំណង់ដាក់អោយដេញថ្លៃមានកម្រិតក្រោម៥០% នៃគម្រោងប៉ាន់ស្មានសំណង់។ ទាក់ទងទៅនឹងការដែលក្រុមហ៊ុនចូលធ្វើការដេញថ្លៃគម្រោងសំណង់ មន្ត្រីបច្ចេកទេសរបស់រដ្ឋបាលខេត្ត បានបញ្ជាក់ប្រាប់ BTVថា ការដេញថ្ងៃនេះគឺជាគោលការណ៍របស់រាជរដ្ឋាភិបាលដើម្បីរក្សាការពារថវិការជាតិឲ្យបានផ្គត់មត់ ដោយដេញថ្លៃពីតម្លៃខ្ពស់(តម្លៃប៉ាន់ស្មាន)ចុះមកក្រោមអ្នកដែលដេញថ្លៃទាបគឺទទួលបានគម្រោងយកទៅស្ថាបនា តែត្រូវគោរពតាមការណែនាំរបស់ម្ចាស់គម្រោង ដោយធ្វើឲ្យបានត្រឹមត្រូវធានាទាំងគុណភាពនិងសោភ័ណ្ឌភាព។

អភិបាលខេត្តកំពង់ឆ្នាំងព្រមានអនុវត្តច្បាប់ចំពោះមន្ត្រី ឬសមត្ថកិច្ចណាហ៊ាននៅពីក្រោយ ឬធ្វើជាខ្នងបង្អែកអោយបទល្មើសនេសាទ

កំពង់ឆ្នាំង៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅថ្ងៃទី៣១ ខែមីនា ឆ្នាំ២០២៥នេះ បានព្រមានសារជាថ្មីទៀតដល់មន្ត្រី ឬសមត្ថកិច្ចណាក៏ដោយដែលនៅពីក្រោយបទល្មើស ធ្វើជាខ្នងបង្អែកបង្កលក្ខណៈអោយជនល្មើសទាំងនោះ ប្រព្រឹត្តបទល្មើសនេសាទក្នុងភូមិសាស្ត្រខេត្តកំពង់ឆ្នាំង នឹងត្រូវចាត់វិធានការច្បាប់ភ្លាមដោយមិនលើកលែងឡើយ ប្រសិនបើឯកឧត្តមដឹងច្បាស់ ។ ឯកឧត្តមបានថ្លែងបែបនេះ នៅក្នុងកិច្ចជួបប្រជុំ និងផ្តល់គ្រឿងឧបភោគបរិភោគមួយចំនួនដល់កម្លាំងកងទ័ព ដែលចុះបង្ក្រាបបទល្មើសនេសាទ តាមបញ្ជាដ៏ខ្ពង់ខ្ពស់របស់ថ្នាក់ដឹកនាំជារៀងរាល់ថ្ងៃនៅក្នុងខេត្តកំពង់ឆ្នាំង ។ ឯកឧត្តមអភិបាលខេត្តបានបន្តថា៖ ចាប់ពីថ្ងៃនេះទៅ ប្រសិនបើឯកឧត្តម ទទួលបានព័ត៌មានច្បាស់លាស់ទាក់ទងនឹងមន្ត្រី ឬសមត្ថកិច្ចណា ដែលនៅពីក្រោយបទល្មើស ហើយកំពុងធ្វើជាខ្នងបង្អែកអោយជនល្មើសប្រព្រឹត្តបទល្មើសនេសាទនោះ ឯកឧត្តមនឹងចាប់ខ្លួន កសាងសំណុំរឿងបញ្ជូនឈ្មោះអ្នកទាំងនោះទៅតុលាការ ដោយមិនលើកលែងអោយឡើយ។ បទល្មើសនេសាទធំៗដូចជា សម្រាស់, របាំងសាច់អួនវែងៗ, របាំងស្បៃមុង, ជន, ឆក់ក្តៅ ឆក់ត្រជាក់, នាម, មងបង្ក្រាប ដែលកំពុងបង្ក្រាបដោយកម្លាំងតំបន់ប្រតិបត្តការសឹករងកំពង់ឆ្នាំង កម្លាំងយោធភូមិភាគ៥ កម្លាំងកងទ័ពពិសេស៩១១ កម្លាំងកងពលតូចលេខ៧០ និងកម្លាំងកងទ័ពនៅអង្គភាពផ្សេងៗទៀតនោះ ឃើញថាបង្ក្រាបបានច្រើន តែជនល្មើសមួយចំនួនតូចនៅតែគឃ្លើនមិនខ្លាចច្បាប់ ពេលកម្លាំងកងទ័ពបង្ក្រាបរួច ប៉ុន្មានថ្ងៃក្រោយកើតឡើងវិញ ហើយឯកឧត្តមដឹងព័ត៌មានមួយចំនួនថា មានមន្ត្រីអាជ្ញាធរមូលដ្ឋាន សមត្ថកិច្ច និងអ្នកពាក់ព័ន្ធមួយចំនួនតូច បាន និងកំពុងលូកដៃចូលក្នុងកិច្ចការបង្រ្កាបនេះ។ ម្យ៉ាងទៀតអាជ្ញាធរស្រុកឃុំ ត្រូវឆ្លៀតពេលខ្លះជួបជាមួយបងប្អូនប្រជានេសាទលក្ខណៈគ្រួសារដែលកំពុងនេសាទត្រីដោយប្រើប្រាស់ឧបករណ៍ត្រូវច្បាប់មាន មង, សំណាញ់ និងសន្ទូច រួមនិងបងប្អូននៅតាមភូមិដ្ឋានជាប់ដងទន្លេមួយចំនួន ដើម្បីពន្យល់ណែនាំអោយពួកគាត់កាន់តែយល់អំពីផលប៉ះពាល់ពេលពួកគាត់នេសាទត្រីដោយប្រើឧបករណ៍ខុសច្បាប់ស្តីពីជលផល និងប្រាប់ពីទោសទណ្ឌដែលពួកគាត់ត្រូវទទួលក្រោយពេលប្រើប្រាស់ឧបករណ៍ខុសច្បាប់ទាំងនោះ។ ឯកឧត្តម ក៏បានថ្លែងអំណរគុណដល់សម្តេចធិបតី ហ៊ុន ម៉ាណែត នាយករដ្ឋមន្ត្រី , ឯកឧត្តមនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទព័ជើងគោក, និងកម្លាំងកងទ័ពទាំងអស់ ដែលបានខិតខំថែរក្សាការពារទន្លេសាប បឹងទន្លេសាប និងរក្សាធនធានធម្មជាតិ និងមច្ឆាជាតិទឹកសាប អោយគង់វង្ស សំរាប់ផ្គត់ផ្គង់ជីវភាពបងប្អូនប្រជានេសាទ និងប្រជាពលរដ្ឋខ្មែរជាង១៧លាននាក់បន្តទៅមុខ៕ កាំង ហុងវាស្នា

សម្តេច ឃួន សុដារី៖ រដ្ឋសភា គាំទ្ររាល់ច្បាប់ទាំងឡាយដែលលេីកកម្ពស់ដល់សុខុមាលភាពប្រជាជន

សម្តេចរដ្ឋសភាធិបតី ឃួន សុដារី ប្រធានរដ្ឋសភា ថ្លែងថា រដ្ឋសភា កម្ពុជាទាំងមូលមានការគាំទ្រខ្ពស់រាល់ច្បាប់ទាំងឡាយដែលលេីកកម្ពស់ដល់សុខុមាលភាពប្រជាជន។ការថ្លែងរបស់សម្តេចរដ្ឋសភាធិបតី ឃួន សុដារី ប្រធានរដ្ឋសភា ធ្វើឡើងនាថ្ងៃទី៣១ ខែមីនា ឆ្នាំ២០២៥ ក្នុងឱកាសអញ្ជើញបើកសិក្ខាសាលាសភាថ្នាក់តំបន់ស្ដីពី បម្រែបម្រួលប្រជាសាស្រ្ដ និងជំងឺមិនឆ្លង គោលនយោបាយឆ្លើយតបបញ្ហាប្រឈម សម្រាប់ប្រជាសកម្មនិងយុវជន នៅវិមានរដ្ឋសភា ដែលមានការចូលរួមពីរដ្ឋមន្រ្តីក្រសួងសុខាភិបាល, នាយកប្រតិបត្តិ នៃ វេទិកា សមាជិកសភាអាស៊ី ស្តីពីប្រជាជន និងការអភិវឌ្ឍ, តំណាងអង្គការសុខភាពពិភពលោកប្រចាំនៅកម្ពុជា, នាយកប្រតិបត្តិមជ្ឈមណ្ឌលសភាអាស៊ី ព្រមទាំងតំណាងក្រសួង/ស្ថាប័នពាក់ព័ន្ធ ដៃគូអភិវឌ្ឍន៍ អង្គការជាតិ និងអន្តរជាតិ សហជីព និងមន្រ្តីជំនាញ។ នាឱកាសនោះ សម្តេចប្រធានរដ្ឋសភា មានប្រសាសន៍ថា សិក្ខាសាលានេះគឺជាព្រឹត្តិការណ៍ឆ្លុះបញ្ចាំងពីចាំបាច់នៃកិច្ចសហប្រតិបត្តិការពីគ្រប់តួអង្គ និងភាគីពាក់ព័ន្ធនៅក្នុងការលើកកម្ពស់សុខភាពសាធារណៈ ដោយសារសុខភាពជាទ្រព្យសម្បត្តិដ៏មានតម្លៃបំផុត មិនអាចកាត់ថ្លៃបានសម្រាប់មនុស្សគ្រប់រូប។ សម្តេចប្រធានរដ្ឋសភា មានប្រសាសន៍ទៀតថា មនុស្សគឺជាគ្រឹះសំខាន់បំផុតសម្រាប់ការកសាង និងអភិវឌ្ឍសង្គមជាតិ ពិសេសក្នុងយុទ្ធសាស្រ្តអភិវឌ្ឍន៍ជាតិ ចាប់ពីយុគសម័យនៃការដឹកនាំរបស់ សម្តេចតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា បន្តរហូតដល់បច្ចុប្បន្ន ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ដែលជាថ្នាក់ដឹកនាំវ័យក្មេង ប្រកបភាពស្វាហាប់ ឈ្លាសវៃ និងពោរពេញដោយថាមវន្ត បានចាត់ទុក “មូលធនមនុស្ស” ជាកត្តាអាទិភាពក្នុងយុទ្ធសាស្រ្តបញ្ចកោណដំណាក់កាលទី១ គឺ មនុស្សជាកត្តាអាទិភាពទី ១ ក្នុងចំណោមអាទិភាពចំបង ទាំង ៥ រួមមាន "មនុស្ស ទឹក ផ្លូវ ភ្លើង និងបច្ចេកវិទ្យា" សម្រាប់ការកសាង និងអភិវឌ្ឍប្រទេសឱ្យកាន់តែមានភាព ជឿនលឿន និងឈានទៅសម្រេចបាននូវចក្ខុវិស័យរបស់កម្ពុជា ក្នុងការប្រែក្លាយខ្លួនជាប្រទេសចំណូលមធ្យមកម្រិតខ្ពស់ត្រឹមឆ្នាំ២០៣០ និងបន្តក្លាយខ្លួនជាប្រទេសមានចំណូលកម្រិតខ្ពស់ នៅឆ្នាំ២០៥០។ ជាមួយគ្នា សម្តេចប្រធានរដ្ឋសភា បញ្ជាក់ថា សភាកម្ពុជាសូមគាំទ្រ និងអបអរសាទរដល់កិច្ចខិតខំប្រឹងប្រែង និងសមិទ្ធ-ផល ដែលរាជរដ្ឋាភិបាលសម្រេចបានកន្លងទៅ ក្នុងការលើកកម្ពស់គុណភាព ប្រសិទ្ធ ភាព និងសមធម៌ នៃសេវាសុខភាព តាមរយៈការបង្កើនកញ្ចប់ថវិកា ការធ្វើទំនើបភាវូបនីយកម្មប្រព័ន្ធសុខាភិបាល និងបង្កើន ការបង្ការហានិភ័យហិរញ្ញវត្ថុ ដើម្បីធានាឱ្យបាននូវសមធម៌ នៃការផ្តល់សេវាសុខភាពមានគុណភាព ដល់ប្រជាពលរដ្ឋគ្រប់រូប ទាំងទីប្រជុំជន និងនៅជនបទ ជាពិសេសការផ្តល់សេវាជូនស្រ្តីនិងក្មេងស្រី។សម្តេចប្រធានរដ្ឋសភា បញ្ជាក់ទៀតថា សភាកម្ពុជាបានយកចិត្តទុកដាក់ខ្ពស់ ក្នុងការពិនិត្យ និងអនុម័តសេចក្តីព្រាងច្បាប់ និងសេចក្តីស្នើច្បាប់នានា ដែលមានគោលដៅការពារ និងលើកកម្ពស់សុខុមាលភាពប្រជាពលរដ្ឋ។ ជាក់ស្តែង ក្នុងនីតិកាលកន្លងទៅ រដ្ឋសភាបានអនុម័តច្បាប់ ស្តីពីកិច្ចការពារអ្នកប្រើប្រាស់ និងការប្រកួតប្រជែងមិនស្មោះត្រង់ និងច្បាប់ស្តីពីសុវត្ថិភាពចំណីអាហារជាដើម ដែលជាការបោះជំហានថ្មីមួយថែមទៀត ក្នុងការកាត់បន្ថយហានិភ័យនៃការកើតជំងឺមិនឆ្លង ដោយប្រើប្រាស់វិធានការបន្ថែមក្នុងវិស័យសុខាភិបាល។ក្នុងឱកាសនោះដែរ សម្តេចប្រធានរដ្ឋសភា មានជំនឿយ៉ាងមុតមាំថា តាមរយៈការចូលរួមយ៉ាងសកម្ម និងការបេ្តជ្ញាចិត្តរបស់ភាគីពាក់ព័ន្ធទាំងអស់នឹងអាចរកឃើញនូវវិធីសាស្រ្តនិងយន្តការដ៏មានប្រសិទ្ឋភាព និងជាក់ស្តែង ក្នុងការបង្ការ ការពារ និងទប់ស្កាត់ជំងឺមិនឆ្លង ដើម្បីលើកកម្ពស់សុខភាព និងភាពសុខសាន្តរបស់ប្រជាពលរដ្ឋក្នុងប្រទេសនៃតំបន់ និងពិភពលោកទាំងមូល៕

បណ្ដាញសង្គម

ព័ត៌មានថ្មីៗ

អ៊ីរ៉ង់បដិសេធរបាយការណ៍អំពីការលាលែងពីតំណែងរបស់ប្រធានាធិបតី

ប្រធានសហព័ន្ធបាល់ទាត់លើតុចាត់ទុកជើងឯកថ្នាក់ជាតិលើកដំបូងជាសញ្ញាណល្អក្នុងការអភិវឌ្ឍ

ប្រធានាធិបតីស៊ីរីបានសន្ទនាតាមទូរស័ព្ទជាមួយលោក TRUMP អំពីការគាំទ្រដល់សេដ្ឋកិច្ចរបស់ក្រុងដាម៉ាស

អ៊ីរ៉ង់ព្រមានសាធារណជនកុំយកចិត្តទុកដាក់នឹងពាក្យចចាមអារ៉ាមអំពីការចរចាជាមួយអាមេរិក

សមត្ថកិច្ចចុះត្រួតពិនិត្យទីតាំងចំនួន៣ នៅក្រុងប៉ោយប៉ែតលួចប្រព្រឹត្ត Online Scams ឃាត់ខ្លួនជនបរទេស និងខ្មែរចំនួន ១៥២នាក់

យោធាគូវ៉ែត៖ ប្រព័ន្ធការពារដែនអាកាសស្ទាក់ចាប់ការវាយប្រហារដោយមីស៊ីល និងយានដ្រូនរបស់សត្រូវ

PSG អបអរពាន Champions League នៅទីក្រុងប៉ារីសក្រោយឈ្នះ Arsenal

ប្រធានគណៈកម្មាធិការយោធា៖ សមាជិក NATO អាចដើរតួនាទីក្នុងការបើកច្រកសមុទ្រហ័រមូស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877