នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ថ្នាក់ដឹកនាំក្រសួងការពារជាតិ អញ្ជើញចុះសួរសុខទុក្ខ និងលើកទឹកចិត្តដល់កងទ័ពនៅសមរភូមិមុខ ក្នុងឱកាសអបអរពិធីបុណ្យចូលឆ្នាំថ្មីប្រពៃណីជាតិខ្មែរ
ក្រសួងសេដ្ឋកិច្ច និងហិរញ្ញវត្ថុ ផ្ដល់អំណោយដល់កងកម្លាំងប្រដាប់អាវុធដែលឈរជើងតាមបន្ទាត់ព្រំដែន ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ
អាកាសយានដ្ឋានអន្តរជាតិភ្នំពេញ នឹងបើកជាសួនសាធារណៈ នៅក្នុង​ឱកាស​ពិធី​បុណ្យ​ចូល​ឆ្នាំ​ខ្មែ​រ
សម្ដេចធិបតី នាយករដ្ឋមន្រ្ដី បាន​អំពាវនាវឱ្យមានកិច្ចសហការសុខភាព​សកលឱ្យកាន់​តែរឹងមាំ​នៅកិច្ចប្រជុំ​កំពូលស្តីពីសុខភាពតែមួយនៅប្រទេសបារាំង

ព័ត៌មានជាតិ

កម្ពុជា-ឥណ្ឌា ពង្រឹងកិច្ចសហប្រតិបត្តិការដែលផ្តល់ផលប្រយោជន៍​ទៅវិញទៅមកបន្ថែមទៀត

2026/03/23 04:11:05 pm        103
Facebook Telegram Linkin
រដ្ឋមន្ត្រីការបរទេសកម្ពុជា និងអនុរដ្ឋលេខាធិការទទួលបន្ទុកតំបន់ខាងកើត នៃក្រសួងការបរទេសឥណ្ឌា បានពិភាក្សាអំពីមធ្យោបាយនានាដើម្បីពង្រឹងកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមកបន្ថែមទៀត ក្នុងវិស័យនានា ដូចជា ពាណិជ្ជកម្ម វិនិយោគ ទេសចរណ៍ វប្បធម៌ ការតភ្ជាប់ ការពារជាតិ និងសន្តិសុខ ព្រមទាំងការអភិវឌ្ឍធនធានមនុស្ស។ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានទទួលជំនួបសម្តែងការគួរសមរបស់ ឯកឧត្តម Shri P. Kumaran អនុរដ្ឋលេខាធិការទទួលបន្ទុកតំបន់ខាងកើត នៃក្រសួងការបរទេសឥណ្ឌា នៅទីស្តីការក្រសួង នៅព្រឹកថ្ងៃទី២៣ ខែមីនា ឆ្នាំ២០២៦ ក្នុងឱកាសដែលឯកឧត្តមអញ្ជើញមកបំពេញទស្សនកិច្ច នៅព្រះរាជាណាចក្រកម្ពុជា។ផ្អែកលើទំនាក់ទំនងមិត្តភាពដ៏យូរអង្វែង និងកិច្ចសហប្រតិបត្តិការយ៉ាងជិតស្និទ្ធ ភាគីទាំងពីរបានពិភាក្សាអំពីមធ្យោបាយនានាដើម្បីពង្រឹងកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមកបន្ថែមទៀត ក្នុងវិស័យនានា ដូចជា ពាណិជ្ជកម្ម វិនិយោគ ទេសចរណ៍ វប្បធម៌ ការតភ្ជាប់ ការពារជាតិ និងសន្តិសុខ ព្រមទាំងការអភិវឌ្ឍធនធានមនុស្ស។ ភាគីទាំងពីរ ក៏បានពិភាក្សាពីការត្រៀមរៀបចំទស្សនកិច្ចជាន់ខ្ពស់នៅពេលអនាគតផងដែរ ។ ក្នុងជំនួបពិភាក្សា ឯកឧត្តមឧបនាយករដ្ឋមន្ត្រី ប្រាក់ សុខន បានធ្វើបច្ចុប្បន្នភាពអំពីការវិវត្តថ្មីៗនៃស្ថានភាពព្រំដែនកម្ពុជា-ថៃ ជូនឯកឧត្ដម Shri P. Kumaran អនុរដ្ឋលេខាធិការទទួលបន្ទុកតំបន់ខាងកើត នៃក្រសួងការបរទេសឥណ្ឌា៕ អត្ថបទ៖ វង្ស សុភាព

សិល្បករ សិល្បការិនី ហាត់សមរបាំចម្រុះ ដើម្បីត្រៀមចូលរួមសម្តែង ក្នុងព្រឹតិ្តការណ៍បុណ្យទន្លេ លើកទី១០

2026/03/23 04:07:58 pm        89
Facebook Telegram Linkin
នាព្រឹកថ្ងៃទី២៣ ខែមីនា ឆ្នាំ២០២៦នេះ សិល្បករ សិល្បការិនី នៃនាយកដ្ឋានសិល្បៈទស្សនីយភាព បានហាត់សមរបាំចម្រុះ ដើម្បីត្រៀមចូលរួមសម្តែង ក្នុងព្រឹតិ្តការណ៍បុណ្យទន្លេ លើកទី១០ នៅខេត្តក្រចេះ ដែលចាប់ផ្តើមពីថ្ងៃទី២៧ រហូតដល់ថ្ងៃទី២៩ ខែមីនា ឆ្នាំ២០២៦ខាងមុខនេះ។លោក ឈាង ឆដាភ័ក្ត្រ ប្រធាននាយកដ្ឋានសិល្បៈទស្សនីយភាព នៃក្រសួងវប្បធម៌ និងវិចិត្រសិល្បៈ ថ្លែងប្រាប់BTV ព័ត៌មាន នាព្រឹកថ្ងៃទី២៣ ខែមីនានេះថា សិល្បករ សិល្បការិនី កំពុងហាត់សមរបាំចម្រុះ ដើម្បីត្រៀមចូលរួមសកម្មភាពបុណ្យទន្លេលើកទី១០ នៅខេត្តក្រចេះ ដែលចាប់ផ្តើមនៅចុងខែមីនានេះ។ សម្រាប់បុណ្យទន្លេនេះ នាយកដ្ឋានមានសិល្បៈចំនួន០២ទម្រង់ ដើម្បីចូលរួមសម្តែង ទី១.របាំចម្រុះ(លើកបង្ហាញអំពីគុណប្រយោជន៍នៃទឹកទន្លេមេគង្គ ដែលជួយទៅដល់ប្រជាជនដែលរស់នៅតាមដងទន្លេមេគង្គ ដោយពួកគាត់អាស្រ័យផលទៅលើទឹកទន្លេ អាស្រ័យផលទៅលើការដាំដំណាំ បន្លែបង្ការផ្សេងៗទៀត មានន័យថាទឹកទន្លេ និងជិវិតរស់នៅរបស់មនុស្ស មិនអាចកាត់ផ្តាច់ពីគ្នាបាននោះទេ) និងទី២.ល្ខោនមហោរី ។លោក ឈាង ឆដាភ័ក្ត្រ បានបញ្ជាក់ទៀតថា គ្រប់ទម្រង់សិល្បៈវប្បធម៌ និងសកម្មភាពសិល្បៈដែលមន្រី្តបានខិតខំសម្តែងនាពេលកន្លងមកនេះ សង្កេតឃើញថា សិល្បៈ មានការផ្សាភ្ជាប់ជាមួយជីវិតមនុស្សយ៉ាងខ្លាំង។ របាំសហសម័យ យើងបានលើកអំពីព្រឹតិ្តការណ៍វប្បធម៌ និងផ្សាភ្ជាប់ជាមួយព្រឹតិ្តការណ៍ជាតិនាពេលថ្មីៗនេះ ក្នុងនោះយើងលើកអំពីវីរៈភាព និងគុណបំណាច់របស់វីរកងទ័ព ដែកពួកគាត់បានព្យាយាម តស៊ូ លៈបង់អាយុជីវិត លៈបង់សាច់ស្រស់ ឈាមស្រស់ ដើម្បីបុព្វហេតុការពារជាតិ ការពារមាតុភូមិរបស់យើង។ ហើយចំនុចពិសេសខាងលើនេះ គឺពិតជាមានសារសំខាន់មែនទែន យើងដឹងហើយថាទម្រង់សិល្បៈរបស់ជាតិនីមួយៗ មាននិរន្តរភាព និងភាពរីកចម្រើន គឺអាស្រ័យទៅលើយុវជន ដោយសារពួកគាត់ គឺជាកម្លាំងដ៏សំខាន់ ក្នុងការគាំទ្រវប្បធម៌ និងសិល្បៈបុរាណរបស់ជាតិយើង៕អត្ថបទ រដ្ឋា 

ក្រុមអ្នកជំនាញសិក្សារូងភ្នំជាង៦០នៅតាមតំបន់ភ្នំចំនួន១០ នៅខេត្តបាត់ដំបងរកឃើញសត្វគួរឱ្យចាប់អារម្មណ៍ជាច្រើនជាប្រភេទថ្មី និងកម្រ

2026/03/23 04:03:07 pm        219
Facebook Telegram Linkin
របាយការណ៍ស្តីពីការសិក្សាជីវ:ចម្រុះនៅតំបន់ភ្នំថ្មកំបោរ ដែលបានបោះពុម្ពផ្សាយនៅថ្ងៃនេះ បានបង្ហាញពីប្រភេទសត្វជាច្រើនដែលរស់នៅក្នុងតំបន់ភ្នំថ្មកំបោរនៅក្នុងប្រទេសកម្ពុជា។ តាមរយៈការសិក្សារូងភ្នំជាង៦០នៅតាមតំបន់ភ្នំចំនួន១០ នៅខេត្តបាត់ដំបងនៃប្រទេសកម្ពុជា ការសិក្សាស្រាវជ្រាវនេះបានរកឃើញសត្វដែលគួរឱ្យចាប់អារម្មណ៍ជាច្រើនដែលមួយចំនួនធំគឺមានតែនៅក្នុងតំបន់ជាក់លាក់នេះប៉ុណ្ណោះ។ដឹកនាំដោយអង្គការសត្វព្រៃ និងរុក្ខជាតិ សហការជាមួយក្រសួងបរិស្ថាន និងអ្នកជំនាញប្រព័ន្ធចំណែកថ្នាក់ យើងបានរកឃើញសត្វជាច្រើនដែលជាប្រភេទថ្មីសម្រាប់វិទ្យាសាស្ត្រ ដោយក្នុងនោះមាន តុកកែថ្មីចំនួន ៣ ប្រភេទ ដូចជា តុកកែភ្នំកំពីងពួយ(Cyrtodactylus kampingpoiensis) ជីងចក់ភ្នំខ្ពស់ (Hemiphyllodactylus khpoh) និង ជីងចក់ស្លឹកបាត់ដំបង(Dixonius noctivagus) ប្រភេទខ្យង២ ប្រភេទ ខ្យងឧទយាទិត្យ (Clostophis udayaditinus) និង ខ្យង Chamalycaeus aduncus) ប្រភេទម្រើមព្រះ ២ ប្រភេទ (Orthomorpha efefai) និង Orthomorpha battambangiensis) ដែលប្រភេទថ្មីទាំង ៧ នេះត្រូវបានបោះពុម្ពផ្សាយជាសាធារណ: ខណៈដែលតុកកែថ្មីចំនួន ៣ ប្រភេទទៀត (Gehyra sp. nov.) (Cyrtodactylus sp. nov. ) និង (Dixonius sp. nov.) និងប្រភេទពស់ pit viper (Trimeresurus sp. nov.) កំពុងត្រូវបានកំណត់អត្តសញ្ញាណ។ការស្រាវជ្រាវនេះ ក៏បានកត់ត្រានូវវត្តមាននៃប្រភេទសត្វដែលរងការគំរាមកំហែងជាសកលជាច្រើនប្រភេទ រួមមាន៖ សត្វពង្រូល ស្វាព្រាម ស្វាក្តាម ស្វាត្រោស ក្ងោក និងសត្វកែះជាដើម ដែលបង្ហាញពីតម្រូវការបន្ទាន់ក្នុងការការពារជម្រកទាំងនេះ។តំបន់ទេសភាពភ្នំថ្មកំបោរគឺជាការបណ្តុំចូលគ្នានៃភ្នំថ្មកំបោរ និងរូងភ្នំ ដែលបង្កើតបានជាលក្ខណៈពិសេសៗដូចជារណ្តៅទឹក ប្រភពទឹក និងអូរក្រោមដីជាដើម។ ទោះបីជាការស្រាវជ្រាវនៅតំបន់នេះនៅមានកម្រិតនៅឡើយ តែតំបន់ភ្នំថ្មកំបោរគឺជាជម្រកដ៏សំខាន់បំផុតមួយនៅលើផែនដី ដែលសំបូរទៅដោយជីវ:ចម្រុះដ៏ពិសេសៗមានវត្តមានតែនៅក្នុងតំបន់ជាក់លាក់ណាមួយប៉ុណ្ណោះ ។ តំបន់ទេសភាពទាំងនេះក៏មានសារៈសំខាន់ខាងផ្នែកវប្បធម៌ និងសាសនាចំពោះសហគមន៍មូលដ្ឋាន ហើយត្រូវបានគេឱ្យតម្លៃកាន់តែខ្លាំងឡើងៗសម្រាប់អេកូទេសចរណ៍ផងដែរ។តំបន់ទេសភាពភ្នំថ្មកំបោរ កំពុងប្រឈមនឹងការគំរាមកំហែងកាន់តែខ្លាំងឡើងពីការជីកយករ៉ែ ការគ្រប់គ្រងសកម្មភាពទេសចរណ៍មិនត្រឹមត្រូវ ភ្លើងឆេះព្រៃ ការកាប់ព្រៃឈើ និងការបរបាញ់សត្វព្រៃខុសច្បាប់ជាដើម។ឯកឧត្ដម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យនៃក្រសួងបរិស្ថាន មានប្រសាសន៍ថា៖ ការសិក្សាស្រាវជ្រាវដ៏មានសារ:សំខាន់នេះបង្ហាញជាថ្មីម្តងទៀតថា កម្ពុជាគឺជាប្រទេសដែលមានភាពសម្បូរបែបនៃធនធានធម្មជាតិ និងជីវជម្រុះដែលមានតម្លៃទាំងនៅក្នុងស្រុក និងសម្រាប់សកលលោក។ ប្រព័ន្ធអេកូឡូស៊ីរបស់យើង មិនត្រឹមតែជាទីជម្រកនៃប្រភេទសត្វកម្រ និងប្រភេទថ្មីៗសម្រាប់ពិភពលោកប៉ុណ្ណោះទេ ប៉ុន្តែវាក៏ផ្តល់នូវតម្លៃផ្នែកវប្បធម៌ ប្រពៃណី និងសេដ្ឋកិច្ចដល់សហគមន៍មូលដ្ឋានផងដែរ។ រាជរដ្ឋាភិបាលកម្ពុជា តាមរយៈក្រសួងបរិស្ថាន បានប្តេជ្ញាចិត្តយ៉ាងមុតមាំក្នុងការពង្រឹងការការពារ និងការគ្រប់គ្រងធនធានទាំងនោះប្រកបដោយនិរន្តរភាព។ យើងនឹងបន្តធ្វើការយ៉ាងជិតស្និទ្ធជាមួយដៃគូរបស់យើង ដើម្បីធានាថាការអភិវឌ្ឍន៍មានតុល្យភាពជាមួយនឹងការអភិរក្ស ជាលទ្ធផលបេតិកភណ្ឌធម្មជាតិរបស់យើងត្រូវបានការពារសម្រាប់មនុស្សជំនាន់ក្រោយ។កញ្ញា ធី សុធារ៉ែន មន្ត្រីសម្របសម្រួលផ្នែកជីវ:ចម្រុះគម្រោងតំបន់ទេសភាពភ្នំថ្មកំបោរ បានរៀបរាប់ថា៖ តំបន់ទេសភាពភ្នំថ្មកំបោរនៅក្នុងប្រទេសកម្ពុជាគឺជាកំណប់ដ៏អាថ៌កំបាំងនៃវិទ្យាសាស្ត្រដែលកំពុងរង់ចាំការស្រាវជ្រាវ។ ក្រៅពីនៅអាចមានវត្តមានប្រភេទល្មូន និងខ្យងដែលយើងមិនទាន់រកឃើញ ឬក៏រូងភ្នំដែលលាក់បាំងខ្លួន ក៏អាចនៅមានអ្វីៗជាច្រើនណាស់ដែលយើងមិនដឹងអំពីប្រព័ន្ធអេកូឡូស៊ីដ៏ពិសេសនេះ និងប្រភេទជីវៈចម្រុះដែលរស់នៅក្នុងតំបន់នោះ។ បើគ្មានការគ្រប់គ្រងប្រកបដោយចីរភាពទេ យើងប្រហែលជាបាត់បង់ឱកាសរកឃើញនូវអ្វីៗដ៏ពិសេសដែលមាននៅតំបន់ទាំងនេះ។ តំបន់ទេសភាពភ្នំថ្មកំបោរ កំពុងប្រឈមមុខនឹងបញ្ហាប្រឈមដែលកើតចេញពីកត្តាមនុស្ស ហើយប្រភេទជីវៈចម្រុះសំខាន់ៗក៏អាចផុតពូជមុនពេលវាត្រូវបានគេរកឃើញ និងកត់ត្រា។ យើងបាននិងកំពុងធ្វើការជាមួយរាជរដ្ឋាភិបាលកម្ពុជា និងដៃគូក្នុងស្រុក ដើម្បីពង្រឹងការការពារតំបន់ទេសភាពទាំងនេះ ដោយអាទិភាពទីមួយគឺផ្តោតលើការគ្រប់គ្រង និងការប្រើប្រាស់ប្រកបដោយចីរភាព។អង្គការសត្វព្រៃ និងរុក្ខជាតិ បាននិងកំពុងធ្វើការជាមួយដៃគូក្នុងស្រុកដើម្បីអភិរក្សតំបន់ទេសភាពភ្នំថ្មកំបោរនៅក្នុងប្រទេសកម្ពុជា។ ថ្មីៗនេះ យើងក៏បានចេញផ្សាយនូវគោលការណ៍ណែនាំសម្រាប់ការអភិវឌ្ឍ និងការគ្រប់គ្រងល្អាងភ្នំប្រកបដោយចីរភាព។ គោលការណ៍ណែនាំនេះរួមបញ្ចូលទាំងការអនុវត្តល្អៗស្របតាមស្តង់ដាអន្តរជាតិ និងសមស្របជាមួយបរិបទកម្ពុជា ដោយផ្តល់នូវវិធានការជាក់ស្តែងដើម្បីការពារបណ្តុំសត្វប្រចៀវ និងជីវ:ចម្រុះដ៏កម្រនៅក្នុងរូងភ្នំ អប់រំផ្សព្វផ្សាយទាក់ទងនឹងការប្រមូលលាមកប្រចៀវក្នុងល្អាងប្រកបដោយនិរន្តរភាព និងធានាឱ្យបាននូវការអភិវឌ្ឍន៍ទេសចរណ៍ប្រកបដោយទំនួលខុសត្រូវ។របាយការណ៍សិក្សាស្រាវជ្រាវជីវៈចម្រុះនេះផ្តោតទៅលើក្រុមប្រភេទសត្វសំខាន់ៗមានដូចជា ប្រភេទសត្វប្រចៀវ ឧរង្គសត្វ (ល្មូន) និងថជលិកសត្វ (កង្កែប) ប្រភេទខ្យង សត្វឥតឆ្អឹងកងក្នុងរូង និងរួមបញ្ចូលការសិក្សាដោយម៉ាស៊ីនថតស្វ័យប្រវត្ត (ផ្តោតលើថនិកសត្វ និងប្រភេទសត្វស្លាបលើគោក)។

រមណីយដ្ឋានធម្មជាតិ «ទឹកឆា» ត្រូវបានអភិវឌ្ឍន៍ប្រកបដោយស្តង់ដារ និងបានដាក់សម្ពោធដាក់ឱ្យប្រើប្រាស់ជាផ្លូវការ

2026/03/23 03:53:14 pm        137
Facebook Telegram Linkin
កំពង់ចាម៖ នៅរសៀលថ្ងៃអាទិត្យ ទី២២ ខែមីនា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញចូលរួមសម្ពោធដាក់ឱ្យប្រើប្រាស់ជាផ្លូវការ នូវហេដ្ឋារចនាសម្ព័ន្ធមួយចំនួន ស្ថិតក្នុងបវេណ រម្យណីយដ្ឋានធម្មជាតិ "ទឹកឆា" ដោយមានការអញ្ជើញចូលរួមពីថ្នាក់ដឹកនាំ មន្ត្រីរាជការ អាជ្ញាធរមូលដ្ឋាន និងបងប្អូនប្រជាពលរដ្ឋយ៉ាងច្រើនកុះករ។មានប្រសាសន៍សំណេះសំណាលក្នុងឱកាសនោះ អភិបាលខេត្តកំពង់ចាម ឯកឧត្តម អ៊ុន ចាន់ដា ថ្លែងថា សម្រាប់គោលនយោបាយជាយុទ្ធសាស្ត្រចំបងរបស់រាជរដ្ឋាភិបាល និត្តិកាលទី៧ ក្រោមការដឹកនាំដ៏ឈ្លាសវៃ និងស្វាហាប់ ប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា សម្រេចយកវិស័យទេសចរណ៍ គឺជាវិស័យស្នូល និងជាឆ្អឹងខ្នងនៃសេដ្ឋកិច្ចជាតិ។ ឯកឧត្តម អភិបាលខេត្ត បន្តថា អ្វីដែលកាន់តែពិសេសសម្រាប់រម្យណីយដ្ឋានទឹកឆា ឆ្នាំនេះ គឺការរៀបចំសង្ក្រាន្តធំ របស់រដ្ឋបាលស្រុកព្រៃឈរ ដោយបានការសហការជាមួយក្រុមហ៊ុនដៃគូរវិនិយោគ ដែលបានត្រៀមអាហារសម្រន់ មាននំអន្សម នំគម នំបត់ ជាង ១៥០.០០០នំ រួមនិងការលេងល្បែងប្រជាប្រិយខ្មែរគ្រប់ទំរង់ផងដែរ។ក្នុងឱកាសនោះ ឯកឧត្តម អភិបាលខេត្ត ក៏បានថ្លែងការកោតសរសើរដល់លោក ឃុន សំបូរ និងភរិយា (ដៃគូវិនិយោគ) ដែលបានខិតខំកែប្រែលើកសម្រស់ រម្យណីយដ្ឋានធម្មជាតិទឹកឆា ឲ្យមានភាពស្រស់បំព្រង ទ្វេរឡើង និងបានប្រែក្លាយតំបន់នេះទៅជាគោលដៅអេកូទេសចរណ៍បែបធម្មជាតិ និងវប្បធម៌ដ៏ល្បីល្បាញមួយនៅក្នុងខេត្តកំពង់ចាម។ គួរបញ្ជាក់ថា រម្យណីយដ្ឋានទឹកឆា មានភាពទាក់ទាញខ្លាំង ដោយសារទឹកមានសភាពថ្លាឈ្វេង និងហូរជាប្រចាំគ្រប់រដូវកាល ដែលធ្វើឱ្យអ្នកទេសចរនិយមទៅកម្សាន្ត ជាពិសេសនៅថ្ងៃឈប់សម្រាក។ រមណីយដ្ឋាននេះ មានចំងាយប្រមាណ៥៦ គីឡូម៉ែត្រ ពីទីរួមខេត្តកំពង់ចាម មានទីតាំងស្ថិតនៅក្នុងឃុំក្រូច និងឃុំបឹងណាយ ស្រុកព្រៃឈរ៕

គណៈកម្មការទី៤ រដ្ឋសភា បើកកិច្ចប្រជុំពិនិត្យសេចក្តីព្រាងច្បាប់ប្រឆាំងការឆបោកតាមប្រព័ន្ធបច្ចេកវិទ្យា

2026/03/23 03:45:37 pm        83
Facebook Telegram Linkin
ភ្នំពេញ៖ នៅព្រឹកថ្ងៃទី២៣ ខែមីនា ឆ្នាំ២០២៦ គណៈកម្មការទី៤ នៃរដ្ឋសភា ដឹកនាំដោយឯកឧត្តម កែប ជុតិមា ប្រធានគណៈកម្មការ មហាផ្ទៃ ការពារជាតិ មុខងារសាធារណៈ និងកិច្ចការព្រំដែន បានបើកកិច្ចប្រជុំផ្ទៃក្នុង ដើម្បីពិនិត្យ និងសិក្សា លើសេចក្តីព្រាងច្បាប់ «ស្តីពីការប្រឆាំងការឆបោកតាមប្រព័ន្ធបច្ចេកវិទ្យា»។ សេចក្តីព្រាងច្បាប់នេះមានគោលបំណងពង្រឹងការបង្ក្រាបបទល្មើសឌីជីថល ដោយកំណត់បង្កើតបទល្មើសព្រហ្មទណ្ឌថ្មីចំនួន ៥ រួមមាន៖១.បទឆបោកតាមប្រព័ន្ធបច្ចេកវិទ្យា២.បទរៀបចំ ឬដឹកនាំមជ្ឈមណ្ឌលឆបោក៣.បទជ្រើសរើស ឬបណ្តុះបណ្តាលបុគ្គលឱ្យប្រព្រឹត្តអំពើឆបោក៤.បទប្រមូលព័ត៌មានផ្ទាល់ខ្លួនដោយចេតនាទុច្ចរិត៥.បទសម្អាតប្រាក់ដែលពាក់ព័ន្ធនឹងការឆបោក។ សេចក្តីព្រាងច្បាប់នេះ មាន ៥ ជំពូក និង ២៤ មាត្រា ត្រូវបានអនុម័តដោយគណៈរដ្ឋមន្ត្រី កាលពីថ្ងៃទី១៣ ខែមីនា ឆ្នាំ២០២៦ ហើយកាលពីថ្ងៃទី១៩ ខែមីនា ឆ្នាំ២០២៦ គណៈកម្មាធិការអចិន្ត្រៃយ៍រដ្ឋសភា បានសម្រេចប្រគល់ភារកិច្ចឱ្យគណៈកម្មការនីតិកម្ម និងយុត្តិធម៌ នៃរដ្ឋសភា សហការជាមួយគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែន ដើម្បីសិក្សាឱ្យបានលម្អិត មុននឹងធ្វើរបាយការណ៍ដាក់ជូនគណៈកម្មាធិការអចិន្ត្រៃយ៍រដ្ឋសភាការរៀបចំច្បាប់នេះ មានគោលបំណងធានាប្រសិទ្ធភាពក្នុងការទប់ស្កាត់ និងបង្ក្រាបបទល្មើសតាមប្រព័ន្ធបច្ចេកវិទ្យា ស្របតាមស្តង់ដារអន្តរជាតិ និងអនុសញ្ញាអង្គការសហប្រជាជាតិពាក់ព័ន្ធ៕

ទូតកម្ពុជាប្រចាំប្រទេសជប៉ុន ដឹកនាំកិច្ចប្រជុំលើកទី៥ នៃគណៈកម្មាធិការរៀបចំពិព័រណ៍កម្ពុជា លើកទី១០ ឆ្នាំ២០២៦ នៅប្រទេសជប៉ុន

2026/03/23 03:37:39 pm        87
Facebook Telegram Linkin
ឯកឧត្តម ជុំ សុន្ទរី ឯកអគ្គរាជទូតតែងតាំងនៃព្រះរាជាណាចក្រកម្ពុជាប្រចាំប្រទេសជប៉ុន និងជាប្រធានគណៈកម្មាធិការពិព័រណ៍កម្ពុជា កាលពីរសៀលថ្ងៃទី២២ ខែមីនា ឆ្នាំ២០២៦ បានដឹកនាំកិច្ចប្រជុំលើកទី៥ នៃ គណៈកម្មាធិការរៀបចំពិព័រណ៍កម្ពុជាលើកទី១០ ឆ្នាំ២០២៦។កិច្ចប្រជុំ ត្រូវបានធ្វើឡើងដោយមានការចូលរួមដោយផ្ទាល់ និងអនឡាញ ពីសំណាក់អនុប្រធានគណៈ កម្មាធិការ សមាជិកគណៈកម្មាធិការ កុងស៊ុលកិត្តិយសកម្ពុជាប្រចាំតំបន់សេនដាយ ប្រធានក្រុមការងារ និងសមាជិកនៃក្រុមការងារនីមួយៗ រួមមានទាំងជនជាតិខ្មែរ និងជប៉ុនដែលស្រលាញ់វប្បធម៌ខ្មែរ ព្រមទាំង មន្ត្រី និងបុគ្គលិកស្ថានឯកអគ្គរាជទូតកម្ពុជា ប្រចាំប្រទេសជប៉ុន។កិច្ចប្រជុំបានពិនិត្យយ៉ាងលម្អិតអំពីវឌ្ឍនភាពរបស់ក្រុមការងារនីមួយៗដែលកំពុងអនុវត្តតាមផែនការការងារ រៀងៗខ្លួន រួមមានការធ្វើបច្ចុប្បន្នភាពស្តីពីការងារឡូជីស្លឹក ការរៀបចំកម្មវិធី ការទទួលប្រាក់ឧបត្ថម្ភ ទំនាក់ ទំនងសាធារណៈ និងការសម្របសម្រួលជាមួយភាគីពាក់ព័ន្ធ។ កិច្ចប្រជុំបានពិភាក្សាអំពីសមិទ្ធិផលសំខាន់ៗ នាពេលបច្ចុប្បន្ន កំណត់បញ្ហាប្រឈមដែលនៅសេសសល់ និងបានពិនិត្យលើវិធានការជាក់ស្តែង ដើម្បី ដោះស្រាយបញ្ហាដែលលេចធ្លោឱ្យបានទាន់ពេលវេលា និងប្រកបដោយប្រសិទ្ធភាព។ កិច្ចប្រជុំក៏បាន សង្កត់ធ្ងន់លើសារៈសំខាន់នៃការពង្រឹងកិច្ចសម្របសម្រួលរវាងក្រុមការងារ ដោយប្រកាន់ខ្ជាប់នូវការកំណត់ ពេលវេលាដែលបានឯកភាព និងការដោះស្រាយបញ្ហាយ៉ាងសកម្ម សំដៅធានាឱ្យការរៀបចំទាំងអស់នឹង ត្រូវបញ្ចប់ដោយរលូន និងត្រៀមខ្លួនសម្រាប់ការរៀបចំព្រឹត្តិការណ៍ពិព័រណ៍ប្រកបដោយជោគជ័យ។ក្នុងឱកាសកិច្ចប្រជុំ ឯកឧត្តមឯកអគ្គរដ្ឋទូត បានថ្លែងអំណរគុណយ៉ាងស្មោះស្ម័គ្រ និងវាយតម្លៃខ្ពស់ចំពោះ ការបន្តកិច្ចខិតខំប្រឹងប្រែង កិច្ចសហប្រតិបត្តិការដ៏ល្អ និងការគាំទ្រឥតងាករេរបស់សមាជិកគណៈកម្មាធិការ និងក្រុមការងារទាំងអស់។ ឯកឧត្តមបានកោតសរសើរចំពោះស្មារតីទទួលខុសត្រូវខ្ពស់ ការយកចិត្តទុក ដាក់ និងការបំពេញភារកិច្ចប្រកបដោយវិជ្ជាជីវៈរៀងៗខ្លួន ដែលបានរួមចំណែកយ៉ាងសំខាន់ដល់វឌ្ឍនភាព ក្នុងការរៀបចំព្រឹត្តិការណ៍នេះ។ ឯកឧត្តមក៏បានកត់សម្គាល់ពីសារៈសំខាន់នៃការសម្របសម្រួលយ៉ាងជិតស្និទ្ធ ការទំនាក់ទំនងទាន់ពេលវេលា និងការប្តេជ្ញាចិត្តរួមគ្នារវាងភាគីពាក់ព័ន្ធទាំងអស់ ដើម្បីធានាបាននូវ ការរៀបចំព្រឹត្តិការណ៍នេះប្រកបដោយជោគជ័យ ព្រមទាំងលើកទឹកចិត្តឱ្យសមាជិកទាំងអស់រក្សានូវសន្ទុះ និងស្មារតីសហការរហូតដល់ដំណាក់កាលចុងក្រោយនៃការរៀបចំ។កិច្ចប្រជុំបានឯកភាពនឹងរៀបចំកិច្ចប្រជុំបន្ទាប់នៅថ្ងៃទី១៨ ខែមេសា ឆ្នាំ២០២៦ ដើម្បីពិនិត្យបន្ថែម និង បញ្ចប់រាល់ការងារសម្រាប់ត្រៀមរៀបចំព្រឹត្តិការណ៍ពិព័រណ៍កម្ពុជាលើកទី១០ (ឆ្នាំ២០២៦) ដែលគ្រោង នឹងប្រព្រឹត្តទៅនៅថ្ងៃទី៣-៤ ខែឧសភា ឆ្នាំ២០២៦ នៅនៅឧទ្យានយ៉ូយ៉ូតិ (Yoyogi Park)៕

ក្រសួងទេសចរណ៍ និងសុខាភិបាល​សហការ​រៀបចំ​ព្រឹត្តិការណ៍​ដំណើរ​ទស្សន​កិច្ច​តំបន់​អង្គរ​ក្នុង​យុទ្ធនា​ការ​រៃអង្គាសថវិកា «Walk for a Smile» បង្ហាញអំពីទឹកចិត្តសប្បុរសធម៌ខ្មែរជួយខ្មែរ

2026/03/23 02:42:32 pm        194
Facebook Telegram Linkin
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តមសាស្ត្រាចារ្យ ឈាង រ៉ា រដ្ឋ​មន្ត្រី​ក្រសួង​សុខាភិបាល អញ្ជើញជាគណៈអធិបតីក្នុងព្រឹត្តិការណ៍ «Walk for a Smile» ដើម្បី​ទ្រទ្រង់​សកម្ម​ភាព​មនុស្សធម៌របស់អង្គការស្នាមញញឹមកម្ពុជា ដែលនេះគឺជាលើកទី១ សម្រាប់​ក្រសួង​ទេសចរណ៍ ​និងជាលើកទី៨ ដែលកម្មវិធី Walk for a Smile ត្រូវបានរៀបចំ​ឡើង​នៅ​លើ​ទឹក​ដី​ដ៏​ពិសិដ្ឋ ​និងជាតំបន់វប្បធម៌បេតិកភណ្ឌនៃខេត្តសៀមរាប ស្របពេលដែល​ថ្ងៃ​នេះក៏​ជា​ថ្ងៃ​នៃ​ព្រឹត្តិ​ការណ៍​សម​រាត្រីអង្គរ។ក្នុងកម្មវិធីមនុស្សធម៌នេះ មានការអញ្ជើញចូលរួមពីលោក ចាន់ កុក ចយ នាយកប្រតិបត្តិ​អង្គការ​ស្នាម​ញញឹម​កម្ពុជា (smile Cambodia), ឯកឧត្តម លោកជំទាវ ថ្នាក់ដឹកនាំក្រសួងទេសចរណ៍ និង​ក្រសួងសុខាភិបាល, ឯកឧត្តម ឌី រ៉ាដូ អភិបាលរងខេត្តសៀមរាប តំណាង ឯកឧត្តម ប្រាក់ សោ​ភ័ណ អភិបាលនៃគណៈអភិបាលខេត្តសៀមរាប, ឯកឧត្តម លោកជំទាវ លោក លោកស្រី មកពី​អង្គការស្នាមញញឹមកម្ពុជា, ក្រុមគ្រូពេទ្យស័្មគ្រចិត្ត, តំណាងអាជ្ញាធរជាតិអប្សរា, មន្ទីរ​ពាក់​ព័ន្ធ​ជុំវិញ​ខេត្ត, សមាគមក្នុងឧស្សាហកម្មទេសចរណ៍, CATA, ធនាគារ, ក្រុមហ៊ុន- ដៃគូឧបត្ថម្ភ និង​វិស័យឯកជន សរុបប្រមាណ ៣០០នាក់។ជាមួយ​គ្នា​នេះ ឯកឧត្តមរដ្ឋមន្ត្រី បានគូសបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់ លោក​ជំទាវ​បណ្ឌិត ពេជ ចន្ទមុន្នី ប្រធានក្រុមប្រឹក្សាភិបាលអង្គការស្នាមញញឹមកម្ពុជា ព្រម​ទាំង​ការ​ជួយ​ជ្រោម​ជ្រែងសព្វគ្រប់បែបយ៉ាងពីក្រសួងសុខាភិបាល ក្រោមការដឹកនាំ​របស់​ឯកឧត្តម​សាស្រ្តា​ចារ្យ ឈាង រ៉ា រដ្ឋមន្ត្រីក្រសួងសុខាភិបាល, អង្គការស្នាមញញឹមកម្ពុជា (Smile Cambodia​) បានបំពេញបេសកកម្មផ្ដល់សេវាវះកាត់ ដោយឥតគិតថ្លៃ ជូនអ្នកជំងឺមាត់ឆែប ក្រអូម​មាត់​ឆែប រលាក ព្យាបាលមាត់ធ្មេញ និងពិការមុខមាត់ នៅទូទាំងប្រទេស។ សូមបញ្ជាក់ជូនថា អង្គការស្នាមញញឹមកម្ពុជា (smile Cambodia) ក៏បាន​អញ្ជើញ​ក្រុម​គ្រូពេទ្យ​ដែល​ស្ម័គ្រ​ចិត្តពីសាធារណរដ្ឋប្រជាមានិតចិន មកពីអង្គការចំនួន ២ គឺ Future Smile China និង​BEAM Hong Kong ដើម្បីចូលរួមកម្មវិធីខាងលើនេះផងដែរ។ ឯក​ឧត្តម​រដ្ឋមន្ត្រី បានគាំទ្រយ៉ាងពេញទំហឹងនូវរាល់សកម្មភាពដែលផ្សារភ្ជាប់ ទេសចរណ៍ សុខ​ភាព និងមនុស្សធម៌ ដែលព្រឹត្តិការណ៍ដើរនៅថ្ងៃនេះ បានបង្ហាញឱ្យពិភពលោកឃើញថា កម្ពុជា​មិន​ត្រឹម​តែ​មាន​ប្រាសាទ​បុរាណដ៏អស្ចារ្យ និងតំបន់ទេសចរណ៍ធម្មជាតិ​ដ៏​ស្រស់​ត្រកាល​ប៉ុណ្ណោះ​ទេ ​ប៉ុន្តែកម្ពុជាគឺជា “ព្រះរាជាណាចក្រ អច្ឆរិយៈដែលផ្តល់នូវភាពកក់ក្តៅ” តាមរយៈ​បេះដូង​សប្បុរស​ធ​ម៌​របស់ប្រជាជនយើង ជាមួយនឹងស្នាមញញឹម ដែលត្រូវបានពិភពលោក ប្រសិទ្ធ​នាម​ថា​ «ស្នាមញញឹមកម្ពុជា»។ទន្ទឹមនឹងនេះ ឯកឧត្តមរដ្ឋមន្ត្រី បានគូសបញ្ជាក់បន្ថែមថា សកម្មភាពនៅថ្ងៃនេះ ក៏បាន​ចូល​រួម​ចំណែក​យ៉ាង​សំខាន់ក្នុងការលើកកម្ពស់រូបភាពវិជ្ជមានរបស់កម្ពុជា ទៅកាន់ពិភពលោកថា យើង​គឺ​ជា​ប្រជាជាតិមួយដែលពោរពេញដោយក្តីស្រឡាញ់ និងការចែករំលែក។តាមកម្ម​វិធីដែលបានគ្រោងទុក «Walk for a Smile» គណៈប្រតិភូក៏​បាន​ចូល​រួម​ទស្សនា​ប្រាសាទ​នានា​នៅតំបន់អង្គរ និងការទស្សនាព្រឹត្តិការណ៍ សមរាត្រីអង្គរ (Angkor Equinox) ដែល​ជាបាតុភូតធម្មជាតិដ៏​អស្ចារ្យ​ដែល​ព្រះ​អាទិត្យ​រះ​ចំកណ្តាល​កំពូល​ប្រាសាទ​អង្គរ​វត្ត​ចំនួន​២​ដង​ជា​រៀង​រាល់ឆ្នាំ គឺនៅរដូវប្រាំង ចាប់ពីថ្ងៃទី២០ ដល់ថ្ងៃទី២២ ខែមីនា, និងរដូវវស្សា ចាប់​ពី​ថ្ងៃ​ទី​២១ ដល់ថ្ងៃទី២៣ ខែកញ្ញា ពោលគឺព្រឹត្តិការណ៍ដ៏អស្ចារ្យនេះ តែងតែបាន​ទាក់​ទាញ​ភ្ញៀវ​ទេសចរ​ជាតិ និងអន្តរជាតិ ចូលរួមទស្សនានិងផ្តិតយករូបភាពនៃបាតុភូតពិសេសនេះ នៅប្រាសាទអង្គរវត្ត ជា​រៀងរាល់ឆ្នាំ៕

ពលរដ្ឋអរគុណរាជរដ្ឋាភិបាល ដាក់ចេញការកាត់បន្ថយពន្ធលើប្រេងឥន្ធនៈបន្ថែមទៀត

2026/03/23 01:51:22 pm        191
Facebook Telegram Linkin
ប្រជាពលរដ្ឋ បានសម្ដែងការពេញចិត្ត និងអរគុណ ខណៈដែលរាជរដ្ឋាភិបាល បានដាក់​ចេញ​នូវ​ការ​កាត់​បន្ថយពន្ធ លើប្រេងឥន្ធនៈបន្ថែមទៀត ដើម្បីគ្រប់គ្រង តម្លៃប្រេង ដើម្បីសម្រួល​ដល់​ការ​ចំណាយ​លើ​ការ​រស់នៅ ស្របពេលដែលមានការកើនឡើងតម្លៃប្រេងឥន្ធនៈជាសកល។ ថ្លែងប្រាប់BTVនៅថ្ងៃទី២៣ ខែមីនា ឆ្នាំ២០២៦នេះ ពលរដ្ឋបានប្រាប់ថា ពួកគាត់ ត្រូវ​ធ្វើ​ដំណើរ​ឆ្ងាយ​ក្នុង​មួយថ្ងៃៗ ដើម្បីដឹកជញ្ជូនទំនិញ ដែលចំណាយថ្លៃសាំងកើនពីជាង៨ពាន់រៀល ទៅ​ជិត​២​ម៉ឺន​រៀល។ តម្លៃប្រេងបច្ចុប្បន្នឡើងថ្លៃ តែមិនមែនឡើងតែកម្ពុជានោះទេ គឺឡើង​គ្រប់​ប្រទេស​ទាំង​អស់​ ព្រោះឥទ្ធិពលសង្រ្គាមនៅមជ្ឈិមបូព៌ា។ សម្រាប់ពលរដ្ឋ អរគុណរាជរដ្ឋាភិបាល ដែល​បន្ត​បញ្ចុះ​ពន្ធ​ជួយទប់តម្លៃមិនឲ្យឡើងខ្ពស់ពេក និងរក្សាបានស្ថិរភាពប្រេងសម្រាប់ប្រើប្រាស់។លោក ឧត្ដម បុគ្គលិកស្ថានីយ៍ប្រេងឥន្ធនៈ ស្ថិតនៅសង្កាត់ជើងឯក ខណ្ឌដង្កោ រាជធានីភ្នំពេញ បាន​ប្រាប់ថា បច្ចុប្បន្ននេះ ពលរដ្ឋមិនផ្អើលនាំគ្នាមកទិញសាំង និងប្រេងម៉ាស៊ូត ស្ដុកទុក​ព្រោះ​ខ្លាច​គ្មាន​ប្រេង ដូចកាលពីដើមខែមីនានោះទេ។ ការរក្សាបានប្រក្រតីភាពនេះ ក៏ព្រោះពលរដ្ឋ​មាន​ទំនុក​ចិត្ត​លើរាជរដ្ឋាភិបាល លើការធានា ការផ្គត់ផ្គង់ប្រេង ខណៈដែលស្ថានីយ៍របស់លោក ធានា​បាន​ស្ថិរភាព ទាំងការផ្គត់ផ្គង់ និងតម្លៃ ស្របតាមការកំណត់របស់ក្រសួង។ សូមជម្រាបជូនថា វិបត្តិតម្លៃប្រេងឡើងថ្លៃបច្ចុប្បន្ននេះ បង្កឡើងព្រោះឥទ្ធិពល សង្រ្គាម​នៅ​មជ្ឈិម​បូព៌ា​ហើយ​មិនមែនតែកម្ពុជានោះទេ ដែលរងសម្ពាធប្រេងឡើងថ្លៃ ប្រទេសទាំង​អស់​លើ​ពិភ​ព​លោក​សុទ្ធ​តែរងប៉ះពាល់ដូចគ្នា។ សម្រាប់រាជរដ្ឋាភិបាលកម្ពុជា នៅតែអាចរក្សា​បាន​ប្រភព​ផ្គត់​ផ្គង់​ប្រេង ​ដោយអាចធានាបានពីស្ថិរភាពប្រេង សម្រាប់ពលរដ្ឋប្រើប្រាស់ប្រចាំថ្ងៃ។ ហើយរដ្ឋាភិបាល បាន​បន្ត​បញ្ចុះតម្លៃលក់រាយប្រេងឥន្ធនៈ នៅកម្ពុជា ៦,៥សេនដុល្លារ/លីត្រ ស្មើជាង​២០០​រៀល​លុយ​ខ្មែរ ​ព្រមទាំងបានបន្តបញ្ចុះ១សេនដុល្លារ/លីត្របន្ថែមទៀត ដោយសារ​ថ្លៃ​ប្រេង​សាំង​អន្ដរជាតិ ​ឡើងលើសពី ៩០ដុល្លារ/បារ៉ែល និងប្រេងម៉ាស៊ូតអន្ដរជាតិ ឡើងលើសពី ១០០​ដុល្លារ/​បារ៉ែល​។ ​លើសពីនេះ រដ្ឋាភិបាល បន្តបញ្ចុះអាករពិសេស លើប្រេងម៉ាស៊ូត ពី ៤% មក ០% និង​បញ្ចុះ​អាករ លើតម្លៃបន្ថែម លើប្រេងសាំង និងប្រេងម៉ាស៊ូត ពី ១០% មក ៤% ដោយ​រាជ​រដ្ឋាភិបាល​ទទួល​បន្ទុកជំនួសចំនួន ៦%៕ អត្ថបទ ៖ លៀ ស៊ីណា 

ពលរដ្ឋខ្មែររស់នៅអាម៉េរិក និងជប៉ុន ត្រៀមរួចរាល់​មកលេង​ប្រទេស​កម្ពុជា​ក្នុង​ឱកាស​ពិធី​បុណ្យ​ចូល​ឆ្នាំថ្មី

2026/03/23 01:40:59 pm        147
Facebook Telegram Linkin
ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ នៅខែមេសាខាងមុខនេះ ពលរដ្ឋខ្មែរ​កំពុង​រស់​នៅ​សហរដ្ឋ​អាម៉េរិក និងប្រទេសជប៉ុន ត្រៀមខ្លួនរួមចរាល់មកលេងប្រទេសកំណើត ដើម្បី​ចូល​រួម​ចំណែក​ជំរុញ​សេដ្ឋកិច្ចជាតិ។តាមរយៈវីឌីអូឃ្លីប ដែលBTVទទួលបាននៅថ្ងៃទី២៣ ខែមីនា នេះ លោក ឃុន សារឿន ពលរដ្ឋ​ខ្មែរ​កំពុងរស់នៅប្រទេសជប៉ុន បានលើកឡើងថា ដើម្បីជាការចូលរួមចំណែកជំរុញសេដ្ឋកិច្ចជាតិ នៅ​ក្នុង​ខែមេសាខាងមុខនេះ លោកនឹងមកលេងប្រទេសកម្ពុជា ចូលរួមអបអរពិធីបុណ្យចូលឆ្នាំថ្មី ប្រពៃណី​ជាតិ ជាពិសេសចង់ចូលរួមក្នុងព្រឹត្តិការណ៍ «នគរសង្ក្រាន្ត» ។ បន្ថែមលើនេះ លោក​ក៏​បាន​បបួល​មិត្តភក្តិជាជនជាតិខ្មែរ និងបរទេសមកលេងប្រទេសកម្ពុជាដែរ។លោក ហ៊ន វណ្ណនាដ ពលរដ្ឋខ្មែរកំពុងរស់នៅសហរដ្ឋអាម៉េរិក បាន​គាំទ្រ​ការ​រៀប​ចំ​ពិធី​បុណ្យ​ចូល​ឆ្នាំ​ថ្មី ​ប្រពៃណីជាតិ គឺជារឿងត្រឹមត្រូវ ព្រោះជាទំនៀមទម្លាប់ប្រពៃណីខ្មែរតពីដូនតាមក។ ហើយ​រូប​លោក ​និងគ្រួសារនឹងមកចូលរួមពិធីបុណ្យចូលឆ្នាំ។គួរបញ្ជាក់ដែរថា ពិធីបុណ្យ ចូលឆ្នាំថ្មី ប្រពៃណីជាតិ នឹងប្រព្រឹត្តិទៅ ក្នុងរយៈពេល៣ថ្ងៃ ពោល​ចាប់​ពី​ថ្ងៃ​ទី១៤ដល់ថ្ងៃទី១៦ ខែមេសា ឆ្នាំ២០២៦ ដោយប្រជាពលរដ្ឋខ្មែរទាំងក្នុង និង​ក្រៅ​ប្រទេស​​បានត្រៀមទៅជួបជុំ ឳពុក ម្តាយ បងប្អូន សាច់ញាតិ និងដើរ​លេង​កម្សាន្ត​​នៅ​ទីតាំង​ទេសចរណ៍​ផ្សេង​ៗក្នុងប្រទេសកម្ពុជា ក្នុងនោះក៏មានព្រឹត្តិការណ៍«នរគសង្ក្រាន្ត»មួយផងដែរ៕ អត្ថបទ៖ ទូច សោភ័ណ 

សិប្បករ៖ តម្រូវការក្រមានៅតាមទីផ្សារមានកំណើន ខណៈក្រុម​យុវជន​ធ្វើ​យុទ្ធនាការ​១ម៉ឺន​ក្រមា​ ដើម្បី​កងទ័ព

2026/03/23 01:29:06 pm        149
Facebook Telegram Linkin
អំឡុងពេលក្រុមយុវជនសហភាពសហព័ន្ធយុវជនកម្ពុជា រៀបចំយុទ្ធនាការ ១ម៉ឺនក្រមា និង​បណ្ណ​ជូន​ពរ​ ដើម្បីវីរកងទ័ពជួរមុខ បានធ្វើឱ្យបណ្តាសិប្បកម្មតម្បាញក្រមានៅជាយរាជធានីភ្នំពេញ បាន​នឹង​កំពុងមានភាពមមាញឹកខ្លាំងក្នុងការត្បាញក្រមា ដើម្បីចែកចាយបោះដុំតាមទីផ្សារ និង​ការ​ប្រើ​ប្រាស់​អំឡុងថ្ងៃបុណ្យចូលឆ្នាំថ្មីប្រពៃណីជាតិខ្មែរឈានចូលមកដល់។សិប្បករត្បាញក្រមាក្នុងខណ្ឌច្បារអំពៅច្បារ រាជធានីភ្នំពេញ បានថ្លែងប្រាប់BTV នៅថ្ងៃទី២៣ ខែ​មីនា​នេះ​ថា ព្រឹត្តិការណ៍បុណ្យចូលឆ្នាំថ្មីប្រពៃណីជាតិខ្មែរឆ្នាំនេះ ដែលអម​ដោយ​មាន​រៀប​ចំ​ព្រឹត្តិការណ៍​នគរសង្ក្រាន្ត នៅរាជធានីភ្នំពេញជាលើកដំបូងនេះ គឺបានធ្វើឲ្យអាជីវករ​លក់​បោះ​ដុំ​តាម​ទីផ្សារ​នានា មានតម្រូវការ​ប្រមូល​ទិញ​ក្រមា​ពី​តាម​បណ្តា​សិប្បកម្ម​តម្បាញ​ក្រមា​មាន​កំណើន​កើន​ឡើង​ច្រើន ដើម្បីយកទៅចែកចាយលក់បន្តជូនពលរដ្ឋ ប្រើប្រាស់ធ្វើជាកាដូ នៅក្នុងឱកាស​បុណ្យ​​ចូលឆ្នាំថ្មី ហើយបណ្តាសិប្បករ បានស្នើក្រុមយុវជនរៀបចំយុទ្ធនាការ ១ម៉ឺនក្រមា រៀង​រាល់​ឆ្នាំ​ ដើម្បីលើក​កម្ពស់​ការ​ប្រើប្រាស់​ក្រមា​ខ្មែរ​ដែល​ជា​សម្បតិ្ត​បេតិភណ្ឌ​របស់​ពិភព​លោក​ឲ្យ​ទទួល​បា​ន​ការ​គាំទ្រកាន់ខ្លាំងក្លាថែមទៀត។សូមបញ្ជាក់ថា យុវជនសហភាពសហព័ន្ធយុវជនកម្ពុជា រៀបចំយុទ្ធនាការ ១ម៉ឺនក្រមា និង​បណ្ណ​ជូន​ពរ​ដើម្បីវីរកងទ័ពជួរមុខ បានធ្វើឡើងក្នុងគោលបំណងយកទៅជូនពរលើកទឹកចិត្តវីរកងទ័ព និង​រំលឹកដឹងគុណវីរកងទ័ពដែលបានលះបង់កម្លាំងកាយចិត្តដើម្បីជាតិមាតុភូមិ នៅក្នុង​អំឡុង​ថ្ងៃ​បុណ្យ​ចូល​ឆ្នាំថ្មីប្រពៃ ណីខ្មែរជិតឈានចូលដល់។ពិធីទទួលការ​បរិច្ចាគក្រមាពីពលរដ្ឋទាំងអស់គ្នា បច្ចុប្បន្នបាននឹងកំ​ពុង​ធ្វើ​ឡើង​នៅ​ទីតាំង​សិល្បៈ​ដើម្បី​ស​ន្តិភាព នៅសួនច្បារវត្តបុទុមវត្តី ចាប់ពីថ្ងៃទី១៩ ខែមីនា រហូតដល់ថ្ងៃទី៧ ខែមេសា ឆ្នាំ​២០២៦​ ចាប់ពីម៉ោង៤:៣០នាទីរសៀល ដល់ម៉ោង៨:៣០យប់៕ អត្ថបទ៖ ស៊ុម សុខជា 

បណ្ដាញសង្គម

ព័ត៌មានថ្មីៗ

ថ្នាក់ដឹកនាំក្រសួងការពារជាតិ អញ្ជើញចុះសួរសុខទុក្ខ និងលើកទឹកចិត្តដល់កងទ័ពនៅសមរភូមិមុខ ក្នុងឱកាសអបអរពិធីបុណ្យចូលឆ្នាំថ្មីប្រពៃណីជាតិខ្មែរ
04/08/2026 02:04 PM
Facebook Telegram Linkin
អ្នកនយោបាយអាមេរិក មានប្រតិកម្មចំពោះបទឈប់បាញ់នៅអ៊ីរ៉ង់របស់លោក Trump
04/08/2026 02:04 PM
Facebook Telegram Linkin
ក្រសួងសេដ្ឋកិច្ច និងហិរញ្ញវត្ថុ ផ្ដល់អំណោយដល់កងកម្លាំងប្រដាប់អាវុធដែលឈរជើងតាមបន្ទាត់ព្រំដែន ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ
04/08/2026 02:04 PM
Facebook Telegram Linkin
អាកាសយានដ្ឋានអន្តរជាតិភ្នំពេញ នឹងបើកជាសួនសាធារណៈ នៅក្នុង​ឱកាស​ពិធី​បុណ្យ​ចូល​ឆ្នាំ​ខ្មែ​រ
04/08/2026 02:04 PM
Facebook Telegram Linkin
សម្ដេចធិបតី នាយករដ្ឋមន្រ្ដី បាន​អំពាវនាវឱ្យមានកិច្ចសហការសុខភាព​សកលឱ្យកាន់​តែរឹងមាំ​នៅកិច្ចប្រជុំ​កំពូលស្តីពីសុខភាពតែមួយនៅប្រទេសបារាំង
04/08/2026 02:04 PM
Facebook Telegram Linkin
ការរៀបចំតុបតែងលម្អតំបន់វត្តភ្នំ កំពុងដំណើរការយ៉ាងសស្រាក់សស្រាំ ខណៈ​ថ្ងៃចូល​ឆ្នាំ​កាន់​តែកៀក
04/08/2026 01:04 PM
Facebook Telegram Linkin
ជនបរទេសចំនួន ៣៩៨នាក់ ត្រូវបានឃាត់ខ្លួនក្នុងប្រតិបត្តិការបោសសម្អាតបទល្មើសអនឡាញស្កេម នៅភ្នំពេញ កែប និងបន្ទាយមានជ័យ
04/08/2026 01:04 PM
Facebook Telegram Linkin
កម្ពុជា-កូរ៉េ នឹងជំរុញអភិវឌ្ឍន៍សេដ្ឋកិច្ចនៃប្រទេសទាំងពីរ ឈានដល់កម្រិតថ្មីមួយទៀត
04/08/2026 01:04 PM
Facebook Telegram Linkin
ឯកឧត្តមបណ្ឌិតសភាចារ្យ ហង់ជួន ណារ៉ុន តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត អញ្ជើញជាអធិបតីក្នុងពិធីអបអរសាទរ “ទិវាព្រះពុទ្ធសាសនាអន្តរជាតិ” ​ឆ្នាំ២០២៦
04/08/2026 01:04 PM
Facebook Telegram Linkin
សម្ដេចតេជោ ហ៊ុន សែន ផ្ដាំផ្ញើ​ដល់​ឯកអគ្គរដ្ឋទូត​តួកគី​យ៉េ​ចប់​អាណត្តិ​ឱ្យបន្ត​ធ្វើ​ជា​ទូត​របស់​កម្ពុជា​ផ្សព្វ​ផ្សាយ​ពី​កម្ពុជា ដើម្បីទាក់ទាញវិនិយោគ និងទេសចរណ៍មកម្ពុជា
04/08/2026 12:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.