BTV NEWS

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

រដ្ឋមន្រ្ដីក្រសួងយុត្តិធម៌ដឹកនាំកិច្ចប្រជុំផ្សព្វផ្សាយច្បាប់ស្ដីពីការប្រឆាំងការឆបោកតាមប្រព័ន្ធបច្ចេកវិទ្យា ដល់មន្ត្រីអនុវត្តច្បាប់ក្នុងវិស័យយុត្តិធម៌

ត្រឹមសប្តាហ៍ទី៣ ខែមេសានេះ ក្រសួងបរិស្ថានបានបន្តបណ្តុះកូនឈើចម្រុះបានប្រមាណ ៣លានដើម សម្រាប់ចែកជូនសាធារណជនយកទៅដាំ ក្នុងគោលដៅបង្កើនគម្របបៃតងនៅកម្ពុជា

មន្រ្តីជំនាញកំពុងយកចិត្តទុកដាក់ខ្ពស់ថែរក្សាឯកសារប្រវត្តិសាស្រ្ដនៅសារមន្ទីរទួលស្លែងមិនឱ្យបាត់បង់

ព័ត៌មានជាតិ

ឯកឧត្តមឧបនាយករដ្ឋមន្ត្រី ហ៊ុន ម៉ានី ផ្តល់អនុសាសន៍ ចំនួន៤ ជូនដល់សិក្ខាសាលាឌីជីថលូបនីយកម្មក្នុងរដ្ឋបាលសាធារណៈ

មុនបញ្ចប់សុន្ទរកថា ឯកឧត្តមឧបនាយករដ្ឋមន្ត្រី ហ៊ុន ម៉ានី បានផ្តល់អនុសាសន៍ ចំនួន៤ ជូនដល់សិក្ខាសាលាឌីជីថលូបនីយកម្មក្នុងរដ្ឋបាលសាធារណៈ នាព្រឹកថ្ងៃទី២៦ ខែសីហា ឆ្នាំ២០២៥ ដែលមានសិក្ខាកាមជាតិ និងអន្តរជាតិ ចូលរួមដោយផ្ទាល់ និងតាមប្រព័ន្ធអនឡាញ។ ចំណុចទាំង៤ រួមមាន៖ (១) បន្តរួមគ្នាអភិវឌ្ឍសមត្ថភាពមន្ត្រីរាជការ ក្នុងការបង្កើនជំនាញប្រើប្រាស់បច្ចេកវិទ្យា ឌីជីថល និងគ្រប់គ្រងប្រព័ន្ធទិន្នន័យ, (២) បន្តបង្កើនការផ្តល់សេវាសាធារណៈតាមប្រព័ន្ធអនឡាញ ស្របតាមសម័យកាល ឌីជីថល, (៣) បន្តពង្រឹងប្រព័ន្ធសុវត្ថិភាពទិន្នន័យ ដើម្បីទប់ស្កាត់ហានិភ័យនៃការបំពាន និងការ បាត់បង់ព័ត៌មាន, និង(៤) បន្តពង្រឹងកិច្ចសហប្រតិបត្តិការជាមួយដៃគូថ្នាក់តំបន់ និងអន្តរជាតិ ក្នុងការជំរុញ ឌីជីថលូបនីយកម្មក្នុងកិច្ចការរដ្ឋបាលសាធារណៈ។

យុទ្ធនាការថ្ងៃទី៩ ដើម្បីជំរុញការផ្តល់ឱកាសការងារជូនដល់ពលករខ្មែរទើបត្រឡប់មកពីប្រទេសថៃ ក្រុមការងារក្រសួងការងារបានចុះទៅដល់រោងចក្រ សហគ្រាសចំនួន ១៤៣៥

ភ្នំពេញ៖ ថ្នាក់ដឹកនាំ និងមន្រ្តីរាជការ នៃក្រសួងការងារ និងបណ្តុះបណ្តាលវិជ្ជាជីវៈ បានបន្តចុះជួបជាមួយតំណាងរោងចក្រ សហគ្រាស ក្រុមហ៊ុន និងសហជីព ប្រតិភូបុគ្គលិកជាច្រើនទីតាំងបន្ថែមទៀត នាថ្ងៃទី២៦ ខែសីហា ឆ្នាំ២០២៥ តាមការណែនាំដ៏ខ្ពង់ខ្ពស់របស់ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ដើម្បីបង្កើននូវភាពជាដៃគូយ៉ាងជិតស្និទ្ធបន្ថែមទៀតរវាងអ្នកគ្រប់គ្រងសហគ្រាស ក្រុមហ៊ុន និងរោងចក្រ សហជីព និងប្រតិភូបុគ្គលិក ក្នុងការរួមគ្នាក្នុងស្មារតីខ្មែរស្រឡាញ់ខ្មែរ ខែ្មរជួយរកការងារឱ្យខ្មែរ និងជំរុញការអភិវឌ្ឍសេដ្ឋកិច្ចជាតិឱ្យកាន់តែរីកចម្រើនរឹងមាំថែមទៀត។គិតត្រឹមថ្ងៃទី២៥ ខែសីហា ឆ្នាំ២០២៥ ថ្នាក់ដឹកនាំ និងមន្រ្តីរាជការ នៃក្រសួងការងារ និងបណ្តុះបណ្តាលវិជ្ជាជីវៈ បានចុះទៅដល់សហគ្រាស ក្រុមហ៊ុន និងរោងចក្រ ចំនួន ១៤៣៥ ស្មើនឹងកម្មករនិយោជិតសរុប ៩៣៤ ៣៤១នាក់។ ការចុះសំណេះសំណាលនេះ នឹងបន្តធ្វើរហូតដល់គ្រប់គោលដៅទូទាំងប្រទេស ដើម្បីក្តាប់បានស្ថានភាពតម្រូវការកម្លាំងពលកម្ម និងដឹងពីស្ថានភាពជាក់ស្តែង នៃការជ្រើសរើសពលករត្រឡប់មកពីប្រទេសថៃឱ្យចូលបម្រើការងារនៅតាមសហគ្រាស ក្រុមហ៊ុន និងរោងចក្រទាំងអស់នោះ។នាឱកាសនោះដែរ ថ្នាក់ដឹកនាំ និងមន្រ្តីរាជការក្រសួង បានថ្លែងអំណរគុណចំពោះការផ្ដល់ឱកាសការងារ និងទទួលយកបងប្អូនពលករខ្មែរ ដែលទើបត្រឡប់មកពីប្រទេសថៃឱ្យចូលបម្រើការងារ និងផ្តល់កិច្ចសហការសម្របសម្រួលដោយយកចិត្តទុកដាក់ និងទន់ភ្លន់ពីសំណាក់សហគ្រាស ក្រុមហ៊ុន និងរោងចក្រដល់បងប្អូនពលករ។ មិនតែប៉ុណ្ណោះ ការចុះទៅកាន់សហគ្រាស ក្រុមហ៊ុន និងរោងចក្រពីសំណាក់ថ្នាក់ដឹកនាំនាពេលនេះ ក៏ដើម្បីផ្ដល់ភាពកក់ក្ដៅដល់បងប្អូនពលករខ្មែរដែលទើបទទួលបានការងារនៅតាមសហគ្រាស ក្រុមហ៊ុន និងរោងចក្រផងដែរ។ជាមួយគ្នានេះ តំណាងភាគីសហគ្រាស ក្រុមហ៊ុន និងរោងចក្រ បានបង្ហាញអារម្មណ៍ត្រេកអរ និងកោតសរសើរចំពោះកិច្ចខិតខំប្រឹងប្រែងរបស់រាជរដ្ឋាភិបាល ព្រមទាំងក្រសួងក្នុងការជួយស្វែងរកការងារឱ្យពលករខ្មែរដែលត្រឡប់មកពីប្រទេសថៃ និងបានប្តេជ្ញាចិត្តចូលរួមជាមួយរាជរដ្ឋាភិបាល ក៏ដូចជាក្រសួងក្នុងការបំពេញបេសកកម្មនេះ។ក្នុងនោះផងដែរ ពលករខ្មែរដែលទើបត្រឡប់មកពីប្រទេសថៃ បានថ្លែងអំណរគុណចំពោះរាជរដ្ឋាភិបាល ព្រមទាំងក្រសួងការងារ និងបណ្តុះបណ្តាលវិជ្ជាជីវៈ ដែលបានយកចិត្តទុកដាក់ និងជួយរកការងារឱ្យពួកគាត់។ ពួកគាត់ បានលើកឡើងថា ការបំពេញការងារនៅក្នុងស្រុកទទួលបានអត្ថប្រយោជន៍យ៉ាងច្រើន មានភាពងាយស្រួល កក់ក្តៅក្នុងចិត្ត និងរស់នៅជិតក្រុមគ្រួសារ ដោយមិនចាំបាច់ចំណាយថវិកាលើការធ្វើលិខិតឆ្លងដែន។លើសពីនេះ ក្រុមការងារក្រសួងបានបន្តជំរុញឱ្យសហគ្រាស ក្រុមហ៊ុន និងរោងចក្រ សហការផ្ដល់ព័ត៌មានអំពីតម្រូវការកម្លាំងពលកម្មមកក្រសួងរៀងរាល់ ២សប្តាហ៍ម្តង និងការចូលរួមវេទិកាការងារ ឬយុទ្ធនាការសម្ភាសជ្រើសរើសបុគ្គលិកដោយផ្ទាល់ ឬតាមរយៈប្រព័ន្ធ Zoom ដែលក្រសួងរៀបចំក្នុងករណីមានតម្រូវការជ្រើសរើសបុគ្គលិក៕

អ្នកជំនាញមកពីសាធារណរដ្ឋកូរ៉េ ធ្វើបទបង្ហាញប្លង់មេនៃការផ្លាស់ប្ដូរឌីជីថល ក្នុងសិក្ខាសាលាស្ដីពីឌីជីថលូបនីយកម្មក្នុងរដ្ឋបាលសាធារណៈ

សៀមរាប៖ នាព្រឹកថ្ងៃទី២៦ ខែសីហា ឆ្នាំ២០២៥ ដែលជាថ្ងៃដំបូងនៃសិក្ខាសាលាស្ដីពីឌីជីថលូបនីយកម្មក្នុងរដ្ឋបាលសាធារណៈ លោកសាស្ត្រាចារ្យ Kim Min Han ដែលជាអ្នកជំនាញមកពីសាធារណរដ្ឋកូរ៉េ ក្នុងក្របខ័ណ្ឌអាស៊ានបូកបី បានធ្វើបទបង្ហាញស្ដីពីប្លង់មេនៃការផ្លាស់ប្ដូរឌីជីថល (Digital Transformation Blueprint of AMS countries) ជូនដល់សិក្ខាកាម ជាគណៈប្រតិភូនៃបណ្ដាប្រទេសជាសមាជិកអាស៊ាន និងប្រទេសទីម័រឡេស្តេ លេខាធិការដ្ឋានអាស៊ាន និងមន្ត្រីរាជការតំណាងក្រសួង ស្ថាប័ន នៃព្រះរាជាណាចក្រកម្ពុជា ដែលបានចូលរួមក្នុងសិក្ខាសាលា។ ក្រោយបទបង្ហាញរបស់លោកសាស្ត្រាចារ្យ Kim Min Han បានបញ្ចប់ បទបង្ហាញចំនួន៣ផ្សេង ទៀត លើប្រធានបទតែមួយ ស្ដីពី ឧត្ដមានុវត្តន៍/ករណីសិក្សាលើប្លង់មេនៃការផ្លាស់ប្ដូរឌីជីថលត្រូវបានរៀបចំជាបន្តបន្ទាប់ពីប្រទេសចំនួន៣ផ្សេងគ្នាគឺ៖ កម្ពុជា ប្រ៊ុយណេ និងឥណ្ឌូនេស៊ី។ក្រោយបទបង្ហាញ សិក្ខាសាលាបានរៀបចំឱ្យមានវេទិកាពិភាក្សា និងសំណួរចម្លើយដើម្បីទទួលបានធាតុចូលបន្ថែម ការស្រាយបំភ្លឺ និងការចែករំលែកបទពិសោធនានាជុំវិញប្រធានបទដែលបានកំណត់។

អាជ្ញាធរជាតិប្រយុទ្ធនឹងជំងឺអេដស៍ បើកកិច្ចប្រជុំក្រុមប្រឹក្សាបច្ចេកទេស លើកទី៨ ដើម្បីជំរុញការផ្តល់មូលនិធិសុខាភិបាលសម្រាប់ប្រជាជនគន្លឹះ

ភ្នំពេញ ៖ នាព្រឹកថ្ងៃទី២៦ ខែសីហា ឆ្នាំ២០២៥ នេះដោយទទួលបានការចាត់តាំងពីឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមបណ្ឌិត ឈឹម ឃិនដារ៉េត អគ្គលេខាធិការ និងជាប្រធានក្រុមប្រឹក្សាបច្ចេកទេសអាជ្ញាធរជាតិប្រយុទ្ធនឹងជំងឺអេដស៍ បានអញ្ជើញដឹកនាំកិច្ចប្រជុំក្រុមប្រឹក្សាបច្ចេកទេសអាជ្ញាធរជាតិប្រយុទ្ធនឹងជំងឺអេដស៍លើកទី៨ ឆ្នាំ២០២៥ ដើម្បីជំរុញការផ្តល់មូលនិធិសុខាភិបាលសម្រាប់ប្រជាជនគន្លឹះ។កិច្ចប្រជុំនេះត្រូវអញ្ជើញចូលរួមពីឯកឧត្តម លោកជំទាវ លោក លោកស្រី ជាក្រុមការងារក្រុមប្រឹក្សាបច្ចេកទេស នៃគណៈកម្មាធិការប្រយុទ្ធជំងឺអេដស៍ក្រសួង ស្ថាប័ន និងរាជធានី ខេត្ត រួមនឹងតំណាងអង្គការយូអ៊ិនអេដស៍ (UNAIDS)ប្រចាំប្រទេសកម្ពុជា និងអង្គការសង្គមស៊ីវិលតាមរយៈចូលរួមដោយផ្ទាល់ និងតាមប្រព័ន្ធអនឡាញចំនួនសរុបប្រមាណ៧២នាក់។បន្ទាប់ពីអង្គប្រជុំទាំងមូលបានក្រោកឈរស្មិងស្មាធិ៍គោរពវិញ្ញាណក្ខន្ធវីរកងទ័ពកម្ពុជាដែលបានពលីជីវិតក្នុងបុព្វហេតុប្រយុទ្ធការពារទឹកដីប្រឆាំងនឹងសត្រូវសៀមឈ្លានពានមក ឯកឧត្តមបណ្ឌិតអគ្គលេខាធិការបានមានប្រសាសន៍ថា សេចក្តីសម្រេច១៩០សសរ ចុះថ្ងៃទី២៥ ខែកញ្ញា ឆ្នាំ២០២៤ ស្តីពីការដាក់ឱ្យអនុវត្តសូចនាករតាមដានរួមគ្នា ឆ្នាំ២០២៤-២០២៨ រាជរដ្ឋាភិបាលបានកំណត់ការគ្របដណ្តប់សេវាគាំពារសង្គមដល់ក្រុមប្រជាជនគន្លឹះឱ្យបាន២៥ភាគរយ នៅឆ្នាំ២០២៥។ លើសពីនេះទៀត កាលពីថ្ងៃទី១៥ ខែមីនា ឆ្នាំ២០២៤ រាជរដ្ឋាភិបាល ក្រោមកិច្ចដឹកប្រកបដោយគតិបណ្ឌិត ឈ្លាសវៃ និងស្វាហាប់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានដាក់ចេញនូវគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍ សម្រាប់ឆ្នាំ២០២៣-២០២៨ ដោយក្នុងនោះបានកំណត់ការគ្របដណ្តប់នៃកម្មវិធីគាំពារសង្គមសម្រាប់អ្នកផ្ទុកមេរោគអេដស៍ និងក្រុមប្រជាជនគន្លឹះ។ឯកឧត្តមបណ្ឌិតបានបញ្ជាក់ថា គិតត្រឹមត្រីមាសទីមួយ ឆ្នាំ២០២៥ អ្នកផ្ទុកមេរោគអេដស៍ចំនួន៥០.៤៣៥នាក់ ស្មើនឹង៧១% នៃអ្នកផ្ទុកមេរោគអេដស៍សរុប៧០.៦៥៤នាក់ ដែលកំពុងទទួលឱសថប្រឆាំងមេរោគអេដស៍(ART) បានទទួលប័ណ្ណមូលនិធិសមធម៌សុខាភិបាលហើយប្រជាជនគន្លឹះប្រមាណ ១៥.៤៥៤ ត្រូវជាប្រមាណ៩% បានទទួលបណ្ណមូលនិធិសមធម៌សុខាភិបាល។ ក្រោយលោក ឡាត់ ម៉ារ៉ា អនុប្រធាននាយកដ្ឋានបញ្ជិកា និងភាគទាននៃបេឡាជាតិសន្តិសុខសង្គម បានធ្វើបទបង្ហាញ «ស្តីពីនីតិវិធីនៃការផ្តល់ប័ណ្ណមូលនិធិសុខាភិបាលសម្រាប់បុគ្គលបម្រើក្នុងសេវាកម្សាន្តទេសចរណ៍នៃសេដ្ឋកិច្ចក្រៅប្រព័ន្ធ»មក អង្គប្រជុំបានធ្វើការពិភាក្សាយ៉ាងផុសផុលដោយលើកពីលទ្ធផលដែលសម្រេចបាន និងបញ្ហាប្រឈមនៃការផ្តល់ប័ណ្ណសមធម៌សុខាភិបាលទាំងលើទិដ្ឋភាពផ្នែកតម្រូវការ (Demand site) និងផ្នែកផ្គត់ផ្គង់(Supply site) ដើម្បីរកដំណោះស្រាយរួមឱ្យមានកាន់តែមានប្រសិទ្ធភាព។មុននឹងបញ្ចប់ ឯកឧត្តមបណ្ឌិត ឈឹម ឃិនដារ៉េតអគ្គលេខាធិការបានថ្លែងការកោតសរសើរ និងថ្លែងអំណរគុណដល់សមាជិក សមាជិកាអង្គប្រជុំ និងសូមឱ្យក្រុមប្រឹក្សាបច្ចេកទេសទាំងអស់បន្តប្រឹងប្រែងធ្វើការរួមគ្នាដោយពង្រឹងកិច្ចសហការជាមួយអ្នកពាក់ព័ន្ធឱ្យកាន់តែប្រសើរ ដើម្បីឆ្ពោះទៅសម្រេចគោលដៅដែលបានកំណត់៕អត្ថបទ រដ្ឋា

រដ្ឋមន្ត្រីក្រសួងឧស្សាហកម្ម ជំរុញឱ្យសហគ្រាសចាប់យកសេដ្ឋកិច្ចឌីជីថល ដើម្បីរួមចំណែកនៅឆ្នាំ២០២៩

ភ្នំពេញ ៖ ឯកឧត្តម ហែម វណ្ណឌី ជំរុញឱ្យសហគ្រាសត្រៀមរៀបចំខ្លួនសម្រាប់សេដ្ឋកិច្ចឌីជីថល លើកកម្ពស់ការស្រាវជ្រាវ និងនវានុវត្តន៍ ក៏ដូចជាការគ្រប់គ្រង និងកាត់បន្ថយនូវហានិភ័យ ដែលអាចកើតឡើងជាយថាហេតុ ដើម្បីរួមចំណែកគាំទ្រដល់ដំណើរចាកចេញរបស់ កម្ពុជាពីឋានៈក្រុមប្រទេសមានការអភិវឌ្ឍតិចតួចនៅឆ្នាំ២០២៩។ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងនៅក្នុងកម្មពិធីបិទ បញ្ចប់គម្រោងពង្រឹងរចនាសម្ព័ន្ធ សម្រាប់ការលើកកម្ពស់សហគ្រាសធុនតូច និងមធ្យម ក្នុងតំបន់អាស៊ាន (ASEAN-SME) នៅថ្ងៃទី ២៦ ខែសីហា ឆ្នាំ២០២៥ នេះថា ការពង្រឹងរចនាសម្ព័ន្ធតំបន់ ដើម្បីជំរុញសហគ្រាសធុនតូច និងមធ្យមអាស៊ាន គឺជាគម្រោងដ៏មាន សារៈប្រយោជន៍ គាំទ្រដល់ការផ្សាភ្ជាប់បណ្តាសហគ្រាសធុនតូច និងមធ្យម ឱ្យទទួលបានសេវាគាំទ្រការផ្តល់ព័ត៌មានអាជីវកម្ម ប្រឹក្សាយោបល់ ផ្គូផ្គងអាជីវកម្មតាមថ្នាលព័ត៌មានប្រចាំតំបន់ ហៅថា ASEAN ACCESS និងថ្នាលព័ត៌មានជាតិហៅថា KhmerSME។ ឯកឧត្តមរដ្ឋមន្ត្រី លើកឡើងបន្ថែមថា បញ្ហានេះក្រសួងបានយកចិត្តទុកដាក់លើកកម្ពស់សហគ្រិនភាព និងការអភិវឌ្ឍ សហគ្រាសធុនមីក្រូ តូច និងមធ្យម ការងារអភិវឌ្ឍសេដ្ឋកិច្ចក្រៅប្រព័ន្ធ ក្នុងការបង្កើតការងារសមរម្យ ការតម្រង់ទិសរួម ជាមួយការ បង្កើតនិងកែសម្រួលក្របខណ្ឌគតិយុត្ត និងបទប្បញ្ញត្តិគាំទ្រពាក់ព័ន្ធនានា ដែលធានាបរិបទមួយឆ្ពោះទៅមុខប្រកបដោយនិរន្តរភាព មានលក្ខណៈចម្រុះ មានការទទួលខុសត្រូវខាងបរិស្ថាន និងសង្គមខ្ពស់ ហើយពង្រីកបាននូវអន្តរកម្មសេដ្ឋកិច្ច រវាងផ្នែកកម្មន្តសាល ជាមួយវិស័យកសិកម្ម ពាណិជ្ជកម្ម និងសេវាកម្ម ដើម្បីជំរុញសមាហរណកម្មសេដ្ឋកិច្ច ខ្សែច្រវាក់តម្លៃ និងភាពប្រកួតប្រជែង របស់កម្ពុជានៅក្នុងតំបន់ និងពិភពលោក។ ឯកឧត្តម គូសបញ្ជាក់ថា ថ្នាលព័ត៌មានថ្នាក់តំបន់ Asean Access និងថ្នាលព័ត៌មានថ្នាក់ជាតិ KhmerSME គឺជាសក្ខីភាព បញ្ជាក់យ៉ាងច្បាស់ ពីកិច្ចខិតខំប្រឹងប្រែងរបស់ក្រសួង លើការទទួលបានព័ត៌មានសម្រាប់ SME នៅកម្ពុជា និងក្នុងតំបន់ តាមរយៈការ យកចិត្តទុកដាក់ពីសារៈសំខាន់ ក្នុងការផ្តល់ព័ត៌មានគ្រប់ជ្រុងជ្រោយ មានទំនុកចិត្ត និងអាចជឿជាក់បាន ខណៈដែលសហគ្រាសធុន មីក្រូ តូច និងមធ្យម នៅប្រទេសកម្ពុជា ភាគច្រើនជាអាជីវកម្មបែបគ្រួសារ ហើយការទទួលបានព័ត៌មានគឺនៅមានកម្រិត ដែលធ្វើឱ្យ ប៉ះពាល់ខ្លាំងដល់ការប្រកួតប្រជែង។ លើសពីនេះ ហេដ្ឋារចនាសម្ព័ន្ធផ្នែកបច្ចេកវិទ្យានៅទូទាំងប្រទេស កំពុងត្រូវបានពង្រីក, ថ្នាល ព័ត៌មានថ្នាក់តំបន់ Asean Access និងថ្នាលព័ត៌មានថ្នាក់ជាតិ KhmerSME ជាពិសេស KhmerSME Match នឹងក្លាយខ្លួន ជាបណ្តុំនៃព័ត៌មានអាជីវកម្មពេញលេញ ដែលផ្តល់ឱកាសដល់អាជីវករ ផលិតករ សេវាករ រួមទាំងសិស្ស-និស្សិត បានសិក្សាស្វែងយល់ ពីអាជីវកម្មគ្រប់វិស័យនៅកម្ពុជា និងតំបន់។ឯកឧត្តមរដ្ឋមន្ត្រី បន្ថែមថា ភាពចាំបាច់របស់កម្ពុជានៅពេលនេះ គឺការកសាងប្រព័ន្ធអេកូឡូស៊ីខ្សែច្រវាក់ផ្គត់ផ្គង់ក្នុងស្រុក ពេញលេញមួយ ដែលមានទាំងពីការផ្គត់ផ្គង់វត្ថុធាតុដើម និងការកែច្នៃ រហូតដល់សេវាឡូជីស្ទីក ការធានាគុណភាព និងលទ្ធភាពចូល ក្នុងទីផ្សារ។ ឯកឧត្តម ក៏បានចូលរួមអបអរសាទរដល់សហគ្រាសធុនតូច និងមធ្យមនៅកម្ពុជា ដែលទទួលបានសមិទ្ធផលពីការ អនុវត្តគម្រោងស្តីពី ការពង្រឹងរចនាសម្ព័ន្ធ តំបន់ដើម្បីជំរុញសហគ្រាសធុនតូច និងមធ្យមអាស៊ាន ដែលត្រូវបញ្ចប់នៅថ្ងៃនេះ ប្រកបដោយជោគជ័យ៕អត្ថបទ៖ សុន រ៉ាឌី

រាជរដ្ឋាភិបាលកំពុងតាមដាន និងត្រៀមដាក់ចេញវិធានការ អំពីផលប៉ះពាល់នានាដែលកំពុងកើតឡើង

ភ្នំពេញ ៖ រាជរដ្ឋាភិបាលកំពុងតាមដាន និងវាយតម្លៃស្ថានការណ៍ជាក់ស្តែង ដើម្បីត្រៀមដាក់ចេញនូវវិធានការ សំដៅរក្សាចលនការនៃការ អភិវឌ្ឍសង្គម-សេដ្ឋកិច្ច និងប្រែក្លាយបញ្ហាប្រឈមឲ្យក្លាយទៅជាកាលានុវត្តភាព ខណៈដែលស្មារតីសេ្នហាជាតិ និងចលនារួបរួមជាតិ កំពុងមានសម្ទុះខ្លាំងក្លា បន្ទាប់ពីមានការការផ្ទុះឡើងនូវជម្លោះព្រំដែន និងការប៉ះពាល់នៃការដាក់ពន្ធគយបដិកា។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លើកឡើងនៅក្នុង ពិធីបិទមហាសន្និបាតបូកសរុបការងារ និងបិទបញ្ចប់អាណត្តិទី៤ របស់សហព័ន្ធស្រូវ-អង្ករកម្ពុជា នៅថ្ងៃទី២៥ ខែសីហា ឆ្នាំ២០២៥ ក្នុងឆ្នាំ២០២៥នេះ, ការដាក់ពន្ធគយបដិការរបស់សហរដ្ឋអាម៉េរិក និងការផ្ទុះឡើងនូវជម្លោះព្រំដែន ដែលបង្កឡើងដោយប្រទេសជិតខាងរបស់កម្ពុជានាពេលថ្មីៗនេះ បានបន្ថែមសម្ពាធមកលើសេដ្ឋកិច្ចកម្ពុជា។ នៅចំពោះមុខបញ្ហាប្រឈមទាំងនេះ ទន្ទឹមនឹងការឆ្លើយតបដោយម៉ឺងម៉ាត់ ប្រកបដោយការទទួលខុសត្រូវខ្ពស់ ក្នុងការការពារអធិបតេយ្យ, បូរណភាពដែនដី និងកិត្យានុភាពជាតិ, រាជរដ្ឋា- ភិបាល, ក្រោមការដឹកនាំដ៏ឈ្លាសវៃ និងប៉ិនប្រសប់ប្រកបដោយជវភាព របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បាននិងកំពុងតាមដាន និងវាយតម្លៃស្ថានការណ៍ជាក់ស្តែង ដោយយកចិត្តទុកដាក់បំផុត ព្រមទាំងថ្លឹងថ្លែង និងត្រៀមដាក់ចេញនូវវិធានការឆ្លើយតបមុតស្រួចលើគ្រប់វិស័យទាំងឡាយសំដៅ រក្សាចលនការនៃការអភិវឌ្ឍសង្គម-សេដ្ឋកិច្ច។ឯកឧត្តមអគ្គបណ្ឌិតសភាចារ្យ លើកឡើងបន្តថា ដើម្បីប្រែក្លាយបញ្ហាប្រឈមទាំងនេះ ឲ្យក្លាយទៅជាកាលានុវត្តភាព, ជាពិសេសសម្រាប់ការលើកកម្ពស់សហគ្រាសធុនតូច និងមធ្យម ខណៈដែលស្មារតីសេ្នហាជាតិ និងចលនារួបរួមជាតិកាន់តែមាន សម្ទុះខ្លាំងឡើង ដែលជំរុញដល់ការលើកស្ទួយ និងការឲ្យតម្លៃខ្ពស់ដល់ផលិតផលក្នុងស្រុក។ ការណ៍នេះ, គឺជាកាលានុវត្តភាពមួយដ៏វិសេសសម្រាប់ការអភិវឌ្ឍសមត្ថភាព, ការធ្វើពិពិធកម្មផលិតផលក្នុងស្រុក, និងការពង្រឹងឧត្តមភាពប្រកួតប្រជែងរបស់កម្ពុជា ដែលនឹងរួមចំណែកដល់ការជំរុញកំណើនសេដ្ឋកិច្ច និងការពង្រឹងឯករាជ្យភាពនៃសេដ្ឋកិច្ចជាតិ។ និយាយជារួម, រាជរដ្ឋាភិបាលនឹងបន្ត ពង្រឹងភាពប្រកួតប្រជែង ភាពរឹងមាំ និងភាពធន់ទៅនឹងវិបត្តិ តាមរយៈការកែលម្អបរិយាកាសធុរកិច្ច, ការបន្តធ្វើពិពិធកម្មសេដ្ឋកិច្ច, ការពង្រឹងលទ្ធភាពលើកកម្ពស់ខ្សែច្រវាក់ផ្គត់ផ្គង់ក្នុងស្រុក សំដៅជំរុញការតភ្ជាប់ទៅនឹងខ្សែច្រវាក់ផ្គត់ផ្គង់ក្នុងតំបន់ និងសកល, ការ ចាប់យកសកម្មភាពផលិតកម្មដែលបង្កើតតម្លៃបន្ថែមខ្ពស់, ការបង្កើតការងារសម្រាប់កម្លាំងពលកម្មដែលមានជំនាញ, ការពង្រីកមូល ដ្ឋានសេដ្ឋកិច្ចជាតិ ឲ្យកាន់តែទូលំទូលាយជាដើម។ ឯកឧត្តមឧបនាយករដ្ឋមន្រ្តី បន្ថែមថា ជាលទ្ធផល, ផ្អែកលើសូចនាករម៉ាក្រូសេដ្ឋកិច្ច ៧ ខែដើម ឆ្នាំ២០២៥, សេដ្ឋកិច្ច កម្ពុជានៅបន្តមានចលនការល្អ ដោយក្នុងនោះទោះបីវិស័យខ្លះហាក់មិនទាន់អាចស្ទុះងើបខ្លាំងដូចការរំពឹងទុក ប៉ុន្តែវិស័យមួយចំនួនក៏ សម្រេចបានវឌ្ឍនភាពល្អជាងការរំពឹងទុក ខណៈវិស័យកសិកម្មនៅបន្តរក្សាបាននូវស្ថិរភាពនៃកំណើន។ និយាយដោយឡែក, ចំពោះ វិស័យស្រូវ-អង្ករ, រាជរដ្ឋាភិបាលសម្រាប់នីតិកាលទី៧នេះ នៃរដ្ឋសភា នៅតែបន្តយកចិត្តទុកដាក់ខ្ពស់ ដូចនីតិកាលមុនៗផងដែរ ដែលការណ៍នេះ ត្រូវបានឆ្លុះបញ្ចាំងយ៉ាងច្បាស់ក្នុងយុទ្ធសាស្ត្របញ្ចកោណដំណាក់កាលទី១ ។ ជាក់ស្តែងរាជរដ្ឋាភិបាលបាននិងកំពុងផ្ដល់ការគាំទ្រ និងធ្វើអន្តរាគមន៍យ៉ាងសកម្មចំពោះវិស័យស្រូវ-អង្ករ ដើម្បីរួមចចំណែកដល់ការអភិវឌ្ឍន៍សេដ្ឋកិច្ច-សង្គម៕ អត្ថបទ៖ សុន រ៉ាឌី

លោកអភិបាលខណ្ឌ៧មករា ដឹកនាំមន្រ្តីចុះសម្អាតបរិស្ថានអនាម័យ ក្នុងបរិវេណវិទ្យាល័យបាក់ទូក ត្រៀមជាមណ្ឌលប្រឡងទុតិយភូមិរបស់សិស្សានុសិស្ស

ភ្នំពេញ៖ កម្លាំងអាជ្ញាធរនៃរដ្ឋបាលខណ្ឌ៧មករា បានចុះបាញ់ទឹកលាង បោសសម្អាត និងត្រួតពិនិត្យមើលតាមបន្ទប់អាគារសាលានិងបន្ទប់ទឹក ក្នុងបរិវេណវិទ្យាល័យបាក់ទូក ត្រូវធានាថាបរិស្ថានអនាម័យល្អប្រសើរ ត្រៀមជាមណ្ឌលប្រឡងទុតិយភូមិ ជូនដល់សិស្សានុសិស្ស នាសម័យប្រឡង ថ្ងៃទី២៨ ,២៩ ខែសីហា ឆ្នាំ២០២៥ខាងមុខនេះ។ការចុះសម្អាតនិងត្រួតពិនិត្យ បានធ្វើឡើងនារសៀលថ្ងៃទី២៦ ខែសីហា ឆ្នាំ២០២៥នេះ ក្រោមវត្តមាន លោក ថេង សុថុល អភិបាលខណ្ឌ៧មករា រួមជាមួយ លោកចៅសង្កាត់វាលវង់ គណៈគ្រប់គ្រងសាលាបាក់ទូក មន្រ្តីពាក់ព័ន្ធ និងក្រុមហ៊ុនមីហ្សូដា ដើម្បីបោសសម្អាត បាញ់ទឹកលាងតាមដងផ្លូវ ជាពិសេសបន្ទប់ទឹក ត្រូវមានអនាម័យល្អ សម្រាប់សិស្សានុសិស្ស ប្រើប្រាស់មានផាសុកភាពផងដែរ។លោក ថេង សុថុល អភិបាលខណ្ឌ៧មករា បានលើកឡើងថា ការចុះបាញ់ទឹកលាងសម្អាតនេះដើម្បីធានាឲ្យមានបរិស្ថានអនាម័យល្អ ជាពិសេសបន្ទប់ទឹកតែម្ដងត្រូវមានអនាម័យស្អាត និងតាមបន្ទប់មណ្ឌលប្រឡងត្រូវមានអំពូលភ្លើង និងកង្ហារ គ្រប់គ្រាន់សម្រាប់សិស្សានុសិស្ស ពេលប្រឡង។លោកអភិបាលបានបន្ថែមនិងថ្លែងអំណរអរគុណដល់គណៈគ្រប់គ្រងវិទ្យាល័យបាក់ទូកបានរៀបចំហេដ្ឋារចនាសម្ព័ន្ធ បរិស្ថានក្នុងបរិវេណសាលាបានល្អប្រសើរ បន្ទប់ទឹកមានអនាម័យល្អ ក្នុងបន្ទប់នៃអាគារសាលារៀននីមួយៗ មានបំពាក់ភ្លើងអគ្គិសនី និងកង្ហាគ្រប់គ្រាន់ សម្រាប់សិស្ស។ជាចុងក្រោយលោកអភិបាលខណ្ឌបានបញ្ជាក់ថាក្នុងនាមរដ្ឋបាលខណ្ឌ៧មករាសូមជូនពរដល់សិស្សានុសិស្សដែលត្រូវប្រឡងទុតិយភូមិនាសម័យប្រឡងប៉ុន្មានថ្ងៃខាងមុខនេះ ទទួលបានជោគជ័យនិងលទ្ធផលល្អគ្រប់ៗគ្នា៕អត្ថបទ៖ កុម្ភៈ

សម្តេចធិបតី និងលោកជំទាវបណ្ឌិត ពេជ ចន្ទមុន្នីហ៊ុនម៉ាណែត ផ្តល់ក្ដីសង្ឃឹមថ្មីដល់ក្មួយស្រី “សុខ រក្សា” ក្នុងការព្យាបាលជំងឺដុំសរសៃឈាម (Hemangioma) នៅរដ្ឋធានីតៃវ៉ាន់

ភ្នំពេញ ៖ ប្អូនស្រី សុខ រក្សា ភេទស្រី អាយុ ៩ឆ្នាំ រស់នៅក្រុងរុនតាឯក ខេត្តសៀមរាប ក្មួយស្រីមានជំងឺប្រចាំកាយគឺ ជំងឺដុំសរសៃឈាម (Hemangioma) ។ ដោយបុណ្យវាសនាខ្ពស់ ជំងឺរបស់ក្មួយស្រីត្រូវបាន «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» ចាត់ឱ្យក្រុមគ្រូពេទ្យ នៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សហការជាមួយក្រុមគ្រូពេទ្យរបស់អង្គការឆឺជី (Tzu Chi) បញ្ជូនទៅវះកាត់ព្យាបាល នៅមន្ទីរពេទ្យឆឺជី នៃរដ្ឋធានីតៃវ៉ាន់ រហូតដល់ទទួលបានភាពជោគជ័យ។ សូមរំលឹកបញ្ជាក់ផងដែរថា៖ កាលពីខែកញ្ញា ឆ្នាំ២០២៤ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានរៀបចំបេសកកម្មពិនិត្យ និងព្យាបាលជំងឺដោយឥតគិតថ្លៃជូនប្រជាជនរស់នៅមូលដ្ឋានក្រុងរុនតាឯក ខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្ត្រីទីមួយនៃព្រះរាជាណាចក្រកម្ពុជា និងជាអនុប្រធានសមាគម TYDA ។ ក្នុងពេលដែល លោកជំទាវបណ្ឌិត កំពុងចុះសួរសុខទុក្ខផ្ទាល់ដល់ប្រជាជនដែលចូលរួមពិធី លោកជំទាវបណ្ឌិត បានប្រទះឃើញក្មេងស្រីម្នាក់កំពុងជួបទុក្ខព្រោះមានដុំធំម្យ៉ាងនៅលើត្រចៀកខាងស្តាំ។ ភ្លាមនោះ លោកជំទាវបណ្ឌិត បានប្រញាប់រូតរះទៅសួរនាំក្មួយស្រី និងដោយមានការពិនិត្យពីក្រុមគ្រូពេទ្យជំនាញរបស់សមាគម ទើបវិនិច្ឆ័យថាក្មួយស្រីមាន ជំងឺដុំសរសៃឈាម (Hemangioma) ។ ដោយមានក្តីអាណិត មេត្តា ករុណាដ៏ខ្ពង់ខ្ពស់ លោកជំទាវបណ្ឌិត បានចាត់ឱ្យក្រុមគ្រូពេទ្យនៃសមាគម TYDA សហការជាមួយអង្គការឆឺជី (Tzu Chi) ពិនិត្យ និងពិគ្រោះយ៉ាងល្អិតល្អន់។ បន្ទាប់ពីការពិភាក្សាគ្នារួចរាល់ ក្រុមគ្រូពេទ្យនៃសមាគម TYDA និងក្រុមគ្រូពេទ្យជំនាញរបស់អង្គការឆឺជី (Tzu Chi) បានសម្រេចបញ្ជូនក្មួយស្រីទៅវះកាត់ព្យាបាលដោយផ្ទាល់នៅមន្ទីរពេទ្យឆឺជី នៃរដ្ឋធានីតៃវ៉ាន់ កាលពីខែតុលា ឆ្នាំ២០២៤ ដោយអង្គការឆឺជី (Tzu Chi) ទទួលបន្ទុកទាំងស្រុងលេីរាល់ការចំណាយលើការព្យាបាល ការហូបចុក និងការស្នាក់នៅក្នុងអំឡុងពេលព្យាបាល ក្រោមការសម្របសម្រួលដ៏ថ្លៃថ្លាបំផុតរបស់ សម្តេចធិបតី និង លោកជំទាវបណ្ឌិត។ ក្រោយការពិនិត្យ និងវះកាត់ព្យាបាលយ៉ាងយកចិត្តទុកដាក់ពីក្រុមគ្រូពេទ្យ ភ្ជាប់ជាមួយភាពក្លាហានរបស់ក្មួយស្រី ពេលនេះ ប្អូនស្រី សុខ រក្សាបានត្រឡប់មកកម្ពុជាវិញជាមួយនឹងសុខភាពល្អមាំមួន និងក្តីសង្ឃឹមសារជាថ្មី។ ទឹកចិត្តមនុស្សធម៌ដ៏ធំធេងមិនអាចកាត់ថ្លៃបានរបស់ សម្តេចមហាបវរធិបតី និងលោកជំទាវបណ្ឌិត បានធ្វើឱ្យក្មួយស្រី ព្រមទាំងក្រុមគ្រួសារមានក្តីសង្ឃឹមសារជាថ្មី មានអនាគតភ្លឺថ្លាត្រចះត្រចង់ និងសូមគោរពដឹងនូវគុណូបការៈដ៏ខ្ពង់ខ្ពស់មួយនេះ ដោយសន្យាថានឹងខិតខំរៀនសូត្រ រួមទាំងអភិវឌ្ឍខ្លួនដើម្បីក្លាយជាធនធានមនុស្សបម្រើជាតិ មាតុភូមិ ក្រោមការដឹកនាំដ៏ឈ្លាសវៃបំផុតរបស់ សម្តេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នីហ៊ុនម៉ាណែត៕

ពិធីបិទមហាសន្និបាត សហព័ន្ធស្រូវអង្ករកម្ពុជា អាណត្តិទី៤ និងការបោះឆ្នោតជ្រើសរើសប្រធានសហព័ន្ធ ប្រធាន និងសមាជិកក្រុមប្រឹក្សាភិបាល នៃសហព័ន្ធស្រូវអង្ករកម្ពុជា អាណត្តិទី៥

ភ្នំពេញ៖ នារសៀលថ្ងៃអង្គារ ទី២៦ ខែសីហា ឆ្នាំ២០២៥ នៅសណ្ឋគារសូហ្វីតែលភ្នំពេញភូគីត្រា លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអញ្ជើញចូលរួមក្នុង ពិធីបិទមហាសន្និបាត សហព័ន្ធស្រូវអង្ករកម្ពុជា អាណត្តិទី៤ និងការបោះឆ្នោតជ្រើសរើសប្រធានសហព័ន្ធ ប្រធាន និងសមាជិកក្រុមប្រឹក្សាភិបាល នៃសហព័ន្ធស្រូវអង្ករកម្ពុជា អាណត្តិទី៥ ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដែលមានការអញ្ជើញចូលរួមពីឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង នវានុវត្ត តំណាងក្រសួង-ស្ថាប័នពាក់ព័ន្ធ អង្គការដៃគូអភិវឌ្ឍន៍ ព្រមទាំងមានការអញ្ជើញចូលរួមពីថ្នាក់ដឹកនាំ និងសមាជិកសហព័ន្ធស្រូវអង្គរកម្ពុជា និងភ្ញៀវជាតិ និងអន្តរជាតិជាច្រើនរូបផងដែរ។នាឱកាសនោះ លោកជំទាវរដ្ឋមន្រ្តី បានគោរពរាយការណ៍ជូនអំពីដំណើរការបោះឆ្នោតជ្រើសរើសប្រធានសហព័ន្ធសហព័ន្ធស្រូវអង្ករកម្ពុជា ប្រធាន និងសមាជិកក្រុមប្រឹក្សាភិបាល អាណត្តិទី៥ ក្រោមការរៀបចំនិងពិនិត្យដោយគណៈកម្មការៀបចំការបោះឆ្នោតបង្កើតទ្បើងដោយក្រសួងពាណិជ្ជកម្ម ក្នុងនាមអាណាព្យាបាលបច្ចេកទេស។ លោកជំទាវរដ្ឋមន្ត្រី បានគូសបញ្ជាក់ផងដែរថា សម្រាប់អាណត្តិទី៥ ផែនការរបស់សហព័ន្ធស្រូវអង្ករកម្ពុជា ផ្តោតលើសរសរស្តម្ភចំនួន ៤ រួមមាន៖ (១.) អភិបាលកិច្ច៖ បន្តពង្រឹងអភិបាលកិច្ចរបស់ខ្លួនឱ្យកាន់តែប្រសើរឡើងប្រកបដោយការទទួលខុសត្រូវ និងគណនេយ្យភាព (២.) ជំរុញផលិតកម្មពូជស្រូវ៖ បន្តនិងចូលរួមសហការជាមួយក្រសួងកសិកម្ម រុក្ខាប្រមាញ់ និងនេសាទក្នុងគោលនយោបាយជំរុញការផលិតពូជស្រូវ និងចែកចាយដល់ប្រជាកសិករ និងធ្វើកិច្ចសន្យាកសិកម្មដើម្បីធានាបាននូវតម្លៃស្រូវ ជាពិសេសជាមួយសហគមន៍ទំនើប (៣.) ទីផ្សារ និងការធ្វើពីពាធកម្ម ៖ ជំរុញការនាំចេញ ដោយរៀបចំផែនការយុទ្ធសាស្រ្តទីផ្សារគោលដៅ ស្របតាមប្រភេទពូជស្រូវ និងផលិតផល ស្របតាមគោលនយោបាយយុទ្ធសាស្ត្រពិពិធកម្មទីផ្សាររបស់ក្រសួងពាណិជ្ជកម្ម និង (៤.) ការស្រាវជ្រាវ និងអភិវឌ្ឍន៍៖ រៀបចំឱ្យមានមូលនិធិឯកជនរបស់សហព័ន្ធស្រូវអង្ករបន្ថែមដើម្បីស្រាវជ្រាវ អភិវឌ្ឍន៍លើប្រភេទពូជស្រូវ ដែលអាចឆ្លើយតបការប្រែប្រួលបរិយាកាសទីផ្សារ និងទិន្នផល។ បន្តជំរុញការប្រើប្រាស់បច្ចេកវិទ្យាសម្រាប់ការដាំដុះ ការកិនកែច្នៃ និងជំរុញឱ្យមានស្តង់ដារតម្រូវគ្រប់ប្រភេទរបស់រោងម៉ាស៊ីនកិនស្រូវក្នុងការនាំចេញ។ជាលទ្ធផល ក្នុងចំណោមសមាជិកដែលមានសិទ្ធិបោះឆ្នោតចំនួន ១១៧រូប ការបោះឆ្នោតជ្រើសរើសប្រធានសហព័ន្ធ ប្រធាន និងសមាជិកក្រុមប្រឹក្សាភិបាល នៃសហព័ន្ធស្រូវអង្ករកម្ពុជា អាណត្តិទី៥ នេះ ទទួលបានលទ្ធផល ដូចខាងក្រោម៖- ឧកញ៉ា ទ្បាយ ឈុនហួ ត្រូវបានជាប់ឆ្នោតធ្វើជាប្រធានសហព័ន្ធស្រូវអង្ករកម្ពុជាអាណត្តិទី៥ - សមាជិក ២៨ រូប ត្រូវបានជាប់ឆ្នោតជា សមាជិកក្រុមប្រឹក្សាភិបាល - សមាជិកក្រុមប្រឹក្សាភិបាលចំនួន ៣ រូប ដែលបានបោះឆ្នោតជ្រើសរើសដោយសហគមន៍កសិកម្ម- ឧកញ៉ា ចាន់ សុឃាំង ត្រូវបានជាប់ឆ្នោតធ្វើជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជាអាណត្តិទី៥៕

អ្នកនាំពាក្យក្រសួងការបរទេស៖កម្ពុជាបានផ្ញើលិខិតតវ៉ាជាថ្មីទៅភាគីថៃប្រឆាំងនឹងការរំលោភបំពានរបស់យោធាថៃមកលើអធិបតេយ្យកម្ពុជា

ភ្នំពេញ៖ ឯកឧត្តម ជុំ សុន្ទរី អ្នកនាំពាក្យក្រសួងការបរទេសនិងសហប្រតិបត្តិការអន្តរជាតិ បានថ្លែងក្នុងសេចក្តីសង្ខេបព័ត៌មានប្រចាំថ្ងៃស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នាវេលាម៉ោង ៤:០០ រសៀលថ្ងៃទី២៦ ខែសីហា ឆ្នាំ២០២៥ ថា ក្រសួងការបរទេសនិងសហប្រតិបត្តិការអន្តរជាតិបានបញ្ជូនលិខិតទៅកាន់ភាគីថៃនៅថ្ងៃទី២៥ ខែសីហា ឆ្នាំ២០២៥ នូវការតវ៉ាប្រឆាំងដ៏ខ្លាំងក្លារបស់រាជរដ្ឋាភិបាលកម្ពុជា ចំពោះការរំលោភជាបន្តបន្ទាប់ដោយកងកម្លាំងរបស់ថៃចូលមកក្នុងទឹកដីរបស់កម្ពុជា។ជាមួយគ្នានេះដែរ ឯកឧត្តម ជុំ សុន្ទរី បានមានប្រសាសន៍បន្ថែមថា នេះគឺជាការតវ៉ាលើកទី៣ ហើយបន្ទាប់ពីមានការតវ៉ាចំនួន២លើកមុននេះ នៅថ្ងៃទី១៤ និងថ្ងៃទី១៩ ខែសីហា ឆ្នាំ២០២៥ ដែលការតវ៉ាលើកនេះគូសបញ្ជាក់ថា នៅថ្ងៃទី២៥ ខែសីហា ឆ្នាំ២០២៥ វេលាម៉ោង ១៤:២០ នាទី យោធាថៃបានបន្តដាក់ខ្សែលួសបន្លានៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ សកម្មភាពនេះគឺជាការំលោភបំពានថ្មីមួយទៀតរបស់យោធាថៃចូលមកក្នុងទឹកដីរបស់កម្ពុជាហួសពីទីតាំងរបស់ពួកគេនៅថ្ងៃទី១២-១៣ ខែសីហា ឆ្នាំ២០២៥។អ្នកនាំពាក្យក្រសួងការបរទេសនិងសហប្រតិបត្តិការអន្តរជាតិបានបញ្ជាក់ថា សកម្មភាពនេះគឺជាការំលោភទៅលើអធិបតេយ្យភាពរបស់កម្ពុជា ហើយក៏ឆ្លុះបញ្ចាំងអោយឃើញពីការប៉ុនប៉ងដោយចេតនារបស់ថៃក្នុងការពង្រីកជម្លោះចូលទៅក្នុងតំបន់ប្រជាជនស៊ីវិល។ ជាងនេះទៅទៀត ការរំលោភនេះក៏អាចធ្វើឱ្យមានគ្រោះថ្នាក់បន្ថែមទៀតទៅដល់បទឈប់បាញ់ដែលកំពុងតែមានភាពផុយស្រួយ ហើយវាក៏ជាការផ្ទុយស្រឡះទៅនឹងកិច្ចព្រមព្រៀងឈប់បាញ់ដែលសម្រេចបាននៅថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាចាយ៉ាប្រទេសម៉ាឡេស៊ី ក៏ដូចជាស្មារតីកំណត់ហេតុនៃកិច្ចប្រជុំវិសាមញ្ញរបស់គណៈកម្មាធិការកិច្ចការព្រំដែនទូទៅ (GBC) កាលពីថ្ងៃទី៧ ខែសីហា ឆ្នាំ២០២៥ នៅទីក្រុងកូឡាឡាំពួរដែលត្រូវបានគូសបញ្ជាក់បន្ថែមទៀតដោយកិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់តំបន់ (RBC) រវាងយោធភូមិភាគទី៥ របស់កម្ពុជា ជាមួយនិងបញ្ជាការដ្ឋានការពារព្រំដែនចាន់បុរី-ត្រាតរបស់ថៃ៕

បណ្ដាញសង្គម

ព័ត៌មានថ្មីៗ

ជនភៀសខ្លួនរ៉ូហ៊ីងយ៉ា ប្រឈមសេចក្តីស្លាប់ក្នុងសមុទ្រ ដើម្បីស្វែងរកជីវិតល្អប្រសើរ

ជនអន្តោប្រវេសន៍ចង់បានភាពស្របច្បាប់ចំណាយពេលពេញមួយយប់នៅក្រៅសាលាក្រុងអេស្ប៉ាញ

EU រំពឹងថានឹងមានការសម្រេចចិត្តវិជ្ជមានលើប្រាក់កម្ចី ៩០ពាន់លានអឺរ៉ូដល់អ៊ុយក្រែននៅថ្ងៃពុធស្អែកនេះ

ខ្មាន់កាំភ្លើងសម្លាប់ស្រ្តីជនជាតិកាណាដាម្នាក់ និងមនុស្សជាច្រើននាក់ទៀតរងរបួសនៅពីរ៉ាមីត Teotihuacan

នាយអគ្គលេនាធិការកងទ័ពរុស្ស៊ី៖ កងកម្លាំងទីក្រុងមូស្គូ ដណ្តើមបានទឹកដី ១.៧០០គ.មក្រឡារបស់អ៊ុយក្រែនក្នុងឆ្នាំនេះ

ប្រភព៖ នាវាអ៊ីរ៉ង់ដែលរឹបអូសបានទំនងជាដឹកទំនិញប្រើបានទាំងយោធា និងស៊ីវិល

ឈីលី និងសហរដ្ឋអាមេរិក ចុះហត្ថលេខាលើកិច្ចព្រមព្រៀងរ៉ែ និងសន្តិសុខ

ក្រុមអ្នកវិទ្យាសាស្រ្តរចនាកម្មវិធីលើកដំបូងរបស់អាហ្វ្រិកខាងត្បូង ដើម្បីព្រមានពលរដ្ឋពីកម្រិតកង្វក់បរិយាកាស

ប្រេសិតក្រុមប្រឹក្សាសន្តិភាពមានសុទិដ្ឋិនិយមចំពោះការអនុវត្តផែនការតំបន់ហ្កាហ្សា

អាមេរិកមានជំនឿចិត្តថា កិច្ចប្រជុំសន្តិភាពជាមួយអ៊ីរ៉ង់នឹងបន្ត ខណៈឱសានវាទបទឈប់បាញ់ជិតមកដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877