នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបាន​បណ្ដេញ​ចេញ​ពី​កម្ពុជា
សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ
ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក
ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សន្តិសុខ និង សង្គម

សំណើបទឈប់បាញ់ នឹងត្រូវបញ្ជូនទៅក្រុមហាម៉ាស ខណៈសង្រ្គាមបន្តផ្ទុះឡើងនៅហ្កាហ្សា

2024/01/30 01:05:49 pm        76
Facebook Telegram Linkin
អ្នកសម្របសម្រួលប្រទេសកាតា និយាយកាលពីថ្ងៃចន្ទថា ក្របខ័ណ្ឌមួយនឹងបញ្ឈប់ការប្រយុទ្ធគ្នានៅតំបន់ហ្កាហ្សា និងការដោះលែងចំណាប់ថ្នូរ នឹងត្រូវបញ្ជូនទៅក្រុមហាម៉ាស ខណៈជម្លោះដ៏ជូរចត់ បានផ្ទុះឡើងជុំវិញទីភ្នាក់ងារផ្តល់ជំនួយរបស់អង្គការសហប្រជាជាតិសម្រាប់ដែនដីប៉ាឡេស្ទីន។ ខណៈការប្រយុទ្ធដ៏ឃោឃៅជាថ្មីម្តងទៀត បានធ្វើឱ្យរង្គោះរង្គើតំបន់ហ្កាហ្សា ការព្រួយបារម្ភនៃជម្លោះក្នុងតំបន់រីកកាន់តែធំ បន្ទាប់ពីសម្ព័ន្ធមិត្តជិតស្និតបំផុតរបស់អ៊ីស្រាអ៊ែល គឺទីក្រុងវ៉ាស៊ីនតោន បានប្តេជ្ញាឆ្លើយតបចំពោះការវាយប្រហារ ដែលបានសម្លាប់ទាហានអាមេរិកបីនាក់នៅប្រទេសហ្ស៊កដានី។ ក្រសួងសុខាភិបាល បាននិយាយនៅក្នុងដែនដីប៉ាឡេស្ទីនគ្រប់គ្រងដោយក្រុមហាម៉ាសថា ការទម្លាក់គ្រាប់បែករបស់អ៊ីស្រាអែល ទៅលើតំបន់ហ្កាហ្សា បានសម្លាប់មនុស្ស ២១៥នាក់បន្ថែមទៀត ក្នុងរយៈពេល ២៤ម៉ោង រួមទាំងសមាជិក ២០នាក់ នៃគ្រួសារមួយ។ កងកម្លាំងទ័ពជើងគោក ដែលគាំទ្រដោយរថក្រោះ បានផ្តោតទៅលើទីក្រុងសំខាន់ Khan Younis នៅភាគខាងត្បូង ជាស្រុកកំណើតរបស់មេដឹកនាំរបស់ក្រុមហាម៉ាស់ នៅហ្កាហ្សា លោក Yahya Sinwar។ កងទ័ពបាននិយាយថា ការិយាល័យរបស់លោក Sinwar ទីតាំងយោធា និង ទីតាំងផលិតគ្រាប់រ៉ុក្កែតដ៏សំខាន់ ត្រូវបានវាយឆ្មក់ដោយកងទ័ពអ៊ីស្រាអែល។ ដោយពលរដ្ឋតំបន់ហ្កាហ្សា កំពុងប្រឈមមុខទៅនឹងស្ថានភាពមនុស្សធម៌ធ្ងន់ធ្ងរ បន្ទាប់ពីសង្រ្គាមជិត ៤ ខែ អង្គការផ្តល់ជំនួយអន្តរជាតិចំនួន ២០ បាននិយាយថាពួកគេ «ខឹងសម្បារ» ចំពោះការផ្អាកការផ្តល់មូលនិធិដល់ទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) ។ ម្ចាស់ជំនួយធំៗជាច្រើន រួមមានសហរដ្ឋអាមេរិក និងអាល្លឺម៉ង់ បានបញ្ឈប់ការផ្តល់មូលនិធិជុំវិញការអះអាងរបស់អ៊ីស្រាអែលថា បុគ្គលិកទីភ្នាក់ងារ UNRWA មួយចំនួន បានជាប់ពាក់ព័ន្ធក្នុងការវាយប្រហារថ្ងៃទី ៧ ខែតុលា របស់ក្រុមហាម៉ាស ដែលបង្កឱ្យមានការប្រយុទ្ធគ្នា។ ប្រភពពីទីភ្នាក់ងារ UNRWA បានប្រាប់សារព័ត៌មាន AFP ថា ការផ្អាកការផ្តល់មូលនិធិ ពុំទាន់មានផលប៉ះពាល់ជាមូលដ្ឋាននៅឡើយ។

កងកម្លាំងការពារអ៊ីស្រាអែល៖ ទាហានបានបំផ្លាញប្រព័ន្ធផ្លូវរូងក្រោមដីរបស់ក្រុមហាម៉ាសដែល នៅក្រោមទីបញ្ចុះសពហ្កាហ្សា

2024/01/30 12:00:04 pm        98
Facebook Telegram Linkin
កងកម្លាំងការពារអ៊ីស្រាអែល (IDF) បាននិយាយកាលពីថ្ងៃចន្ទថា យោធាអ៊ីស្រាអែល បានបំផ្ទុះផ្លូវរូងក្រោមដីមួយ នៅក្រោមទីបញ្ចុះសពក្នុងតំបន់ហ្កាហ្សា បន្ទាប់ពីបានរកឃើញថា ក្រុមភេរវករហាម៉ាស កំពុងប្រើប្រាស់ផ្លូវរូងក្រោមដីសម្រាប់សកម្មភាពរបស់ខ្លួន។កងកម្លាំងការពារនេះ បាននិយាយថា ទាហានអ៊ីស្រាអែល បានឆ្មក់ចូលប្រព័ន្ធផ្លូវរូងក្រោមដីក្នុងសង្កាត់ បានីស៊ុហេឡា (Bani Suheila) ក្នុងទីក្រុងហ្កាហ្សាភាគខាងត្បូងនៃទីក្រុងខាន់យូនីស (Khan Younis) ដោយបានរកឃើញគ្រឿងផ្ទុះ ទ្វាររុញ និងទ្វារការពារការផ្ទុះ។ ក្រុមភេរវករ នៅតែនៅខាងក្នុង ហើយត្រូវបានគេសម្លាប់ នេះបើយោងតាមយោធាអ៊ីស្រាអែល។កងកម្លាំងការពារអ៊ីស្រាអែល បាននិយាយថា ផ្លូវរូងក្រោមដីទាំងនោះ មានការិយាល័យរបស់មេបញ្ជាការក្រុមហាម៉ាស បន្ទប់ប្រតិបត្តិការ និងកន្លែងរស់នៅសម្រាប់សមាជិកជាន់ខ្ពស់នៃក្រុមហាម៉ាស។ កងកម្លាំងនេះ បានបន្ថែមថា ផ្លូវរូងក្រោមដីនេះ ត្រូវបានប្រើដើម្បីរៀបចំផែនការវាយប្រហារប្រឆាំងនឹងយោធាក៏ដូចជាការវាយប្រហារដ៏សាហាវកាលពីថ្ងៃទី៧ ខែតុលា លើអ៊ីស្រាអែល។កងកម្លាំងការពារអ៊ីស្រាអែល បានបន្ថែមទៀតថា ផ្លូវរូងក្រោមដីនេះ ជាផ្នែកមួយនៃលំហរក្រោមដីដ៏ស្មុគស្មាញមួយ ហើយមានប្រវែងប្រហែលមួយគីឡូម៉ែត្រ និងជម្រៅ ២០ម៉ែត្រ។ អង្គភាពវិស្វកម្មពិសេស Yahalom បានរុះរើផ្លូវរូងក្រោមដី នៅចុងបញ្ចប់នៃការស៊ើបអង្កេតរបស់ខ្លួន។យោងតាមការវិភាគពីផ្កាយរណបដោយសារព័ត៌មាន AP ហាក់ដូចជាទីបញ្ចុះសពស៊ុងហាដាបានីស៊ុហេឡា (Shuhadaa Bani Suheila)។ អ្វីដែលនៅសេសសល់នោះ គឺជារណ្តៅដ៏ធំមួយនៃកម្ទេចថ្មលាយនឹងគ្រោងឆ្អឹង ដែលត្រូវបានបន្សល់ពីការផ្ទុះនោះ។

នគរបាលបង្ហាញមុខជនសង្ស័យ០៥នាក់ ពាក់ព័ន្ធករណីលួច និងប្លន់យ៉ាងសកម្ម​ក្នុងភូមិសាស្រ្តរាជធានីភ្នំពេញ

2024/01/30 11:41:32 am        493
Facebook Telegram Linkin
ជនសង្ស័យប្រុសស្រីចំនួន ៥នាក់ពាក់ព័ន្ធករណីលួចប្លន់យ៉ាងសកម្ម ក្នុងភូមិសាស្ត្រ​រាជធានី​ភ្នំពេញ ត្រូវ​បាន​នគរបាល​ព្រហ្ម​ទណ្ឌ​កម្រិតស្រាល នៃ​ស្នងការដ្ឋាន​នគរបាល​រាជធានី​ភ្នំពេញ​ធ្វើ​ការ​បង្ហាញ​មុខ​ជាសាធារណៈ នាព្រឹកថ្ងៃទី ៣០ ខែមករា ឆ្នាំ២០២៤នេះ។តាមមន្ត្រីនគរបាល នៃការិយាល័យព្រហ្មទណ្ឌកម្រិតស្រាល នៃ​ស្នង​ការដ្ឋាន​នគរបាល​រាជ​ធានី​ភ្នំពេញ បានឲ្យដឹងថាជនសង្ស័យប្រុសស្រីទាំង ០៥នាក់​នេះ​ជា​មុខ​សញ្ញា​លួចឆ​ក់​ប្លន់​យ៉ាង​សកម្ម​ក្នុង​ភូមិ​សាស្ត្ររាជធានីភ្នំពេញដែលកាលពីថ្ងៃទី២៥ ទី២៦ ខែមករា ឆ្នាំ២០២៤ កន្លង​ទៅ​នា​ពេល​ថ្មី​ៗ​នេះ ក្រុមជនសង្ស័យបានធ្វើសកម្មភាពលួច ឆក់ ប្លន់ទ្រព្យ​សម្បត្តិ​របស់​ប្រជាពលរដ្ឋ​នៅ​ក្នុង​ភូមិសាស្ត្រ ខណ្ឌពោធិ៍សែនជ័យ ខណ្ឌកំបូលនិងខណ្ឌសែនសុខជាបន្តបន្ទាប់។ ក្រោយ​ទទួល​បាន​ពាក្យ​បណ្ដឹង​របស់ជនរងគ្រោះកម្លាំងជំនាញបានធ្វើការស្រាវជ្រាវ កំណត់មុខ​សញ្ញា​រហូត​ឈាន​ដល់​ការ​ឃាត់​ខ្លួនជ​នសង្ស័យទាំង ០៥នេះតែម្ដង។មន្ត្រីដដែលបានបញ្ជាក់ថា ក្រុមជន​សង្ស័យ​ទាំង​នេះ​បាន​ធ្វើសកម្មភាព​ព្រួត​គ្នា​វាយ​ទាត់​ធាក់ និង​យក​កាំ​ភ្លើង​ខ្លីភ្ជង់ជនរងគ្រោះ ដើម្បីប្លន់យកម៉ូតូពីជនរងគ្រោះបានសម្រេច​ជាច្រើន​ករណី​ផង​ដែរ​។ក្រោយធ្វើការបង្ហាញមុខជាសាធារណៈជនសង្ស័យទាំង ០៥​នាក់​នេះត្រូ​វ​បាន​នគរបាល​បញ្ជូន​ខ្លួន​ទៅ​អយ្យការអមសាលាដំបូងរាជធានីភ្នំពេញដើម្បីចាត់ការតាមនីតិវិធី៕ អត្ថបទ៖ កុម្ភៈ

កុមារ៧នាក់បានស្លាប់ ក្នុងឧបទ្ទវហេតុផ្ទុះនៅសាលាអ៊ីស្លាម ក្នុងប្រទេសនីហ៊្សេរីយ៉ា

2024/01/30 11:16:49 am        146
Facebook Telegram Linkin
បំណែកសម្លៀកបំពាក់ ស្បែកជើង និងកម្ទេចកម្ទីជាច្រើនត្រូវបានខ្ចាត់ខ្ចាយនៅសាលារៀនមួយកន្លែង ដែលកុមារចំនួន ៧នាក់ ត្រូវបានសម្លាប់នៅភាគឦសានប្រទេសនីហ៊្សេរីយ៉ា ដោយឧបករណ៍បំផ្ទុះកែច្នៃ កាលពីថ្ងៃសៅរ៍ (២៧ មករា) ដែលជនរងគ្រោះទាំងនោះច្រឡំថាជាសំណល់អេតចាយ។កុមារចំនួន ៦នាក់ ដែលមានអាយុចន្លោះពី ៧ឆ្នាំទៅ ១១ឆ្នាំ បានរើសគ្រឿងផ្ទុះ រួមជាមួយនឹងសំណល់អេតចាយមួយចំនួន ហើយបានរក្សាទុកនៅក្នុងអគារដែលសាងសង់មិនទាន់រួចរាល់នៅសាលាអ៊ីស្លាមមួយក្នុងតំបន់ ហ្គូប៊ីអូ (Gubio) នៃរដ្ឋ ប័រណូ (Borno) ដែលជាចំណុចកណ្ដាលនៃក្រុមបះបោរអ៊ីស្លាមនិយមដ៏យូរអង្វែងមួយ។មេភូមិក្នុងតំបន់ ហ្គូប៊ីអូ បានប្រាប់សារព័ត៌មានរ៉យទ័រ កាលពីថ្ងៃចន្ទ (២៩ មករា) ថាឧបករណ៍នោះបានផ្ទុះឡើង ខណៈក្មេងៗបានព្យាយាមលក់វាជាដែកអេតចាយទៅឱ្យក្មេងរើសអេតចាយម្នាក់អាយុ ១៥ឆ្នាំ។ អ្នកទាំង ៧នាក់នោះបានស្លាប់ក្នុងហេតុការណ៍នេះ។សិស្សនៅសាលា ដែលបង្រៀនក្មេងៗសូត្រគម្ពីរកូរ៉ាននោះ ច្រើនតែប្រមូលដែកអេតចាយ ដើម្បីលក់ឲ្យសហគមន៍មូលដ្ឋានផ្សេងៗ៕

កូរ៉េខាងត្បូង៖ កូរ៉េខាងជើងបាញ់មីស៊ីល តម្រង់គោលដៅជាច្រើនគ្រាប់ នៅថ្ងៃអង្គារនេះ ជាលើកទី៣ក្នុងមួយសប្ដាហ៍

2024/01/30 10:56:31 am        112
Facebook Telegram Linkin
យោធាកូរ៉េខាងត្បូងនិយាយថា កូរ៉េខាងជើងបានបាញ់មីស៊ីលតម្រង់គោលដៅ(cruise missiles)មិនស្គាល់ប្រភេទជាច្រើនគ្រាប់ នៅថ្ងៃអង្គារ ទី៣០ខែមករា នេះ ចូលទៅក្នុងសមុទ្រក្បែរឆ្នេរសមុទ្រភាគខាងលិចរបស់ខ្លួន ក្លាយជាលើកទី៣ ដែលទីក្រុងព្យុងយ៉ាង បានបាញ់សាកល្បងមីស៊ីលតម្រង់គោលដៅក្នុងពេលមិនដល់មួយសប្ដាហ៍ផង។ នាយអគ្គសេនាធិការចម្រុះកូរ៉េខាងត្បូងបាននិយាយនៅក្នុងសេចក្ដីថ្លែងការណ៍មួយថាមីស៊ីលនេះត្រូវបានបាញ់នៅម៉ោងប្រហែល៧ព្រឹក ម៉ោងនៅឧបទ្វីបកូរ៉េ ។ ប្រភពខាងលើបាននិយាយថា ក្រុមអាជ្ញាធរចារកម្មអាមេរិក និងកូរ៉េខាងត្បូង កំពុងតាមដានយ៉ាងដិតដល់ពីស្ថានភាពនោះ។ ការបាញ់នេះ បានកើតមានឡើង ស្របពេលភាពតានតឹងកើនឡើងខ្លាំង នៅលើឧបទ្វីបកូរ៉េ និងក្រោយការបាញ់មីស៊ីលតម្រង់គោលដៅមួយគ្រាប់ផ្សេងទៀត ដោយកូរ៉េខាងជើងជិតឆ្នេរសមុទ្រខាងកើតរបស់ខ្លួនកាលពីថ្ងៃអាទិត្យ។សារព័ត៌មានរដ្ឋកូរ៉េខាងជើង KCNA បានរាយការណ៍កាលពីសប្ដាហ៍មុនថា ប្រទេសនេះបានសាកល្បងមីស៊ីលតម្រង់គោលដៅយុទ្ធសាស្ត្រប្រភេទថ្មីមួយគ្រាប់៕

កំហឹងរបស់ក្រុមកសិករបែលហ្ស៊ិក រាលដាលកាន់តែខ្លាំង ឈានដល់ការបិទផ្លូវហាយវេ និងតវ៉ាក្នុងទីក្រុងព្រុចសែល

2024/01/30 10:52:42 am        188
Facebook Telegram Linkin
ក្រុមកសិករបាននាំគ្នាបិទផ្លូវហាយវេនានានៅក្នុងភាគខាងត្បូងប្រទេសបែលហ្ស៊ិក និងចតត្រាក់ទ័រ តម្រៀបគ្នានៅមុខសភាសហភាពអឺរ៉ុបកាលពីថ្ងៃ ជាការចូលរួមចលនាតវ៉ា ដែលបានដាក់សម្ពាធលើរដ្ឋាភិបាលនានារបស់ប្លុកអឺរ៉ុប រយៈពេលប៉ុន្មានខែមុនការបោះឆ្នោតនៅសហភាពអឺរ៉ុប ។ ត្រាក់ទ័រចន្លោះពី៣០ទៅ៤០គ្រឿង ត្រូវបានចតនៅលើផ្លូវ E19 ក្នុងភាគខាងត្បូងទីក្រុងព្រុចសែល កាលពីព្រឹកថ្ងៃចន្ទ ដោយកសិករភាគច្រើន បានចំណាយពេលស្នាក់នៅពេលយប់ក្នុងបន្ទប់បើកបរ ឬនៅជុំវិញភ្នក់ភ្លើង នេះជាការបិទមួយក្នុងការចំណោមការបិទផ្លូវមួយចំនួននៅតំបន់ វ៉ាឡូនីញ៉ា (Wallonia) និយាយភាសាបារាំង ភាគច្រើន ។ នៅក្នុងទីលានចតុរង្គ ឌឺ ម៉េស (de Meeûs) ស្ថិតនៅបីប្លុកពីសភាសហភាពអឺរ៉ុប ត្រាក់ទ័រជាច្រើនគ្រឿងក៏បានចតផងដែរដោយចុចស៊ីផ្លេ ជាអ្វីដែលក្រុមអ្នករៀបចំនិយាយថា ក្នុងបំណងបង្អាក់ផែនការដែលបានគ្រោងទុកសម្រាប់កិច្ចប្រជុំកំពូលមេដឹកនាំសហភាពអឺរ៉ុបនៅក្នុងទីក្រុងនេះនៅថ្ងៃព្រហស្បតិ៍សប្ដាហ៍នេះ។ ក្រុមកសិករបានស្ដីបន្ទោសសហភាពអឺរ៉ុបចំពោះអ្វីដែលពួកគេនិយាយថា ស្តង់ដារកសិកម្មកំពុងរឹតត្បិតកាន់តែខ្លាំង ដែលធ្វើឲ្យប៉ះពាល់ដល់ប្រាក់ចចំណូលធុកិច្ចរបស់ពួកគេ និងបន្ទាបតម្លៃផលិតផលកសិកម្មរបស់ពួកគេ ដោយបើកឲ្យមានការនាំចូលផលិតពីបរទេសក្នុងតម្លៃទាប ប៉ះពាល់ដល់ជីវិភាពរស់នៅប្រចាំថ្ងៃរបស់ពលរដ្ឋ។ សកម្មភាពនេះ បានឆ្លុះបញ្ចាំងពីព្រឹត្តិការណ៍ស្រដៀងគ្នានៅក្នុងប្រទេសបារាំងដែរ ជាទីដែលត្រាក់ទ័រជាច្រើនបានបិទផ្លូវហាយវេ ជុំវិញទីក្រុងប៉ារីស កាលពីថ្ងៃចន្ទ៕

ប៉ាគីស្ថាន និងអ៊ីរ៉ង់ព្រមព្រៀងពង្រីកកិច្ចសហប្រតិបត្តិការសន្តិសុខ ក្រោយការវាយប្រហារដោយមីស៊ីល

2024/01/30 10:44:42 am        126
Facebook Telegram Linkin
ប៉ាគីស្ថាន និងអ៊ីរ៉ង់កាលពីថ្ងៃចន្ទ២៩ មករាបាននិយាយថា ពួកគេគោរពអធិបតេយ្យភាពនិងបូរណភាពទឹកដីរបស់គ្នាទៅវិញទៅមក ហើយនឹងពង្រីកកិច្ចសហប្រតិបត្តិការសន្តិសុខ ដើម្បីផ្សះផ្សាទំនាក់ទំនង បន្ទាប់ពីការវាយប្រហារដោយមីស៊ីល ទៅលើអ្វីដែលពួកគេនិយាយថាជាគោលដៅរបស់ក្រុមសកម្មប្រយុទ្ធ។រដ្ឋមន្ត្រីការបរទេសប្រទេសទាំងពីរបានជួបពិភាក្សាគ្នានៅក្នុងរដ្ឋធានីរបស់ប៉ាគីស្ថានប៉ុន្មានថ្ងៃបន្ទាប់ពីការចល័តយោធារបស់ពួកគេកាលពីដើមខែមករា បានបង្កើនការព្រួយបារម្ភអំពីអស្ថិរភាពកាន់តែធ្ងន់ធ្ងរនៅក្នុងតំបន់ចាប់តាំងពីសង្គ្រាមរវាងអ៊ីស្រាអែលនិងក្រុមហាម៉ាសបានផ្ទុះឡើងកាលពីថ្ងៃទី ៧ ខែតុលា។ រដ្ឋមន្ត្រីការបរទេសចាំផ្ទះរបស់ប៉ាគីស្ថាន លោក ចាលីល អាបាស ជីឡានី(Jalil Abbas Jilani) បាននិយាយនៅក្នុងសន្និសីទសារព័ត៌មានរួមមួយជាមួយសមភាគីអ៊ីរ៉ង់លោក ហូសេន អាម៊អាប់ដូឡាហៀន(Hossein Amir Abdollahian)បាននិយាយថា ប្រទេសជិតខាងទាំង២នេះ មានបណ្តាញទំនាក់ទំនងខ្លាំងជាច្រើនជាមួយគ្នាទៅវិញទៅមក។ លោក ជីឡានី បាននិយាយថា ប្រទេសទាំងពីរក៏បានព្រមព្រៀងគ្នាក្នុងការប្រយុទ្ធប្រឆាំងនឹងអំពើភេរវកម្មនៅក្នុងតំបន់រៀងៗខ្លួន និងបង្កើតប្រព័ន្ធពិគ្រោះយោបល់នៅកម្រិតរដ្ឋមន្ត្រីការបរទេស ដើម្បីត្រួតពិនិត្យវឌ្ឍនភាពលើវិស័យនានា។ ចំណែក លោក អាប់ដូឡាហៀន បាននិយាយថា ប្រទេសទាំងពីរមានការយោគយល់គ្នាល្អ ហើយថាមិនដែលមានការខ្វែងគំនិតគ្នាលើទឹកដី ឬសង្រ្គាមរវាងអ៊ីរ៉ង់ និងប៉ាគីស្ថានឡើយ។លោក បានបន្ថែមថា ប្រធានាធិបតីអ៊ីរ៉ង់ លោក អ៊ីប្រាហ៊ីម រ៉េស៊ី (Ebrahim Raisi) នឹងធ្វើទស្សនកិច្ចនៅប៉ាគីស្ថាន ក្នុងពេលឆាប់ៗនេះ។ទំនាក់ទំនងរវាងប្រទេសទាំងពីរបានជូរចត់ខ្លាំង បន្ទាប់ពីការវាយប្រហារដោយមីស៊ីល ដែលធ្វើឲ្យប្រទេសប៉ាគីស្ថានបានកោះហៅឯកអគ្គរដ្ឋទូតរបស់ខ្លួនប្រចាំនៅទីក្រុងតេអេរ៉ង់ ហើយមិនអនុញ្ញាតឱ្យសមភាគីរបស់លោកត្រឡប់ទៅទីក្រុងអ៊ីស្លាម៉ាបាដ ក៏ដូចជាការលុបចោលរាល់ទំនាក់ទំនងការទូត និងពាណិជ្ជកម្មកម្រិតខ្ពស់ទាំងអស់៕

លោក Biden ប្រឈមនឹងសម្ពាធក្នុងការវាយប្រហារប្រទេសអ៊ីរ៉ង់ បន្ទាប់ពីទាហានអាមេរិកត្រូវបានសម្លាប់

2024/01/30 09:05:26 am        118
Facebook Telegram Linkin
ការសម្លាប់ទាហានអាមេរិកបីនាក់ និងរបួសរាប់សិបនាក់ កាលពីថ្ងៃអាទិត្យដោយក្រុមសកម្មប្រយុទ្ធដែលគាំទ្រដោយអ៊ីរ៉ង់ កំពុងដាក់សម្ពាធនយោបាយលើលោកប្រធានាធិបតី ចូ បៃដិន (Joe Biden) ដើម្បីដោះស្រាយការវាយប្រហារដោយផ្ទាល់ប្រឆាំងនឹងអ៊ីរ៉ង់ ដោយជាជំហានមួយដែលលោកស្ទាក់ស្ទើរក្នុងការធ្វើដោយភ័យខ្លាចការបញ្ឆេះសង្រ្គាមកាន់តែទូលំទូលាយ។ក្រុមអ្នកជំនាញបាននិយាយថា ជម្រើសឆ្លើយតបរបស់លោក បៃដិន អាចមានច្រើនយ៉ាងរាប់ចាប់ពីការកំណត់គោលដៅលើកងកម្លាំងអ៊ីរ៉ង់នៅខាងក្រៅ រហូតដល់ខាងក្នុងប្រទេសអ៊ីរ៉ង់ ឬជ្រើសរើសការវាយប្រហារសងសឹកដែលមានការប្រុងប្រយ័ត្នជាងនេះ ប្រឆាំងនឹងពួកសកម្មប្រយុទ្ធដែលគាំទ្រដោយអ៊ីរ៉ង់ ដែលជាអ្នកទទួលខុសត្រូវលើការវាយប្រហារលើកងទ័ពអាមេរិក។កងកម្លាំងអាមេរិកនៅមជ្ឈិមបូព៌ាត្រូវបានវាយប្រហារច្រើនជាង ១៥០ដង ដោយកងកម្លាំងគាំទ្រដោយអ៊ីរ៉ង់ នៅក្នុងប្រទេសអ៊ីរ៉ាក់ ស៊ីរី ហ្ស៊កដានី និងនៅក្រៅឆ្នេរសមុទ្រនៃប្រទេសយេម៉ែន ចាប់តាំងពីសង្រ្គាមអ៊ីស្រាអែល និងក្រុមហាម៉ាស បានផ្ទុះឡើងក្នុងខែតុលាមក។ការវាយប្រហារផ្សេងទៀតមិនបានសម្លាប់ទាហានអាមេរិក ឬបង្កឲ្យរងរបួសច្រើននាក់នោះទេ គឺមានតែការវាយប្រហារកាលពីថ្ងៃអាទិត្យ លើប៉ុស្តិ៍យោធាដាច់ស្រយាលមួយដែលគេស្គាល់ថាជា ប៉ម-២២ (Tower 22) នៅជិតព្រំដែនភាគឦសាននៃប្រទេសហ្ស៊កដានី ជាមួយប្រទេសស៊ីរីនេះប៉ុណ្ណោះ។ ហេតុការណ៍នោះបានអនុញ្ញាតឱ្យលោក បៃដិន មានលំហនយោបាយដើម្បីឆ្លើយតបនឹងការសងសឹករបស់សហរដ្ឋអាមេរិក ដោយធ្វើការវាយប្រហារបកលើកងកម្លាំងដែលគាំទ្រដោយអ៊ីរ៉ង់ ហើយមិនប្រថុយនឹងការកើតមានសង្រ្គាមដោយផ្ទាល់ជាមួយទីក្រុងតេអេរ៉ង់៕

អ៊ីស្រាអែល ចូលវាយលុកថ្មីទីក្រុងហ្កាហ្សា ខណៈអាមេរិកប្តេជ្ញាថា នឹងចាត់វិធានការចាំបាច់បន្ទាប់ពីទាហានត្រូវបានសម្លាប់

2024/01/30 09:01:46 am        123
Facebook Telegram Linkin
ប្រទេសអ៊ីស្រាអែល បានបើកការវាយលុកទៅលើទីក្រុងធំបំផុតនៅតំបន់ហ្កាហ្សា ប៉ុន្មានសប្តាហ៍បន្ទាប់ពីការដកខ្លួនចេញពីទីក្រុងនេះ ខណៈទីក្រុងវ៉ាស៊ីនតោនបានប្តេជ្ញាកាលពីថ្ងៃចន្ទថា នឹងចាត់វិធានការចាំបាច់ទាំងអស់ដើម្បីការពារកងទ័ពរបស់ខ្លួន បន្ទាប់ពីការវាយប្រហារដ៏ឃោឃៅនៅប្រទេសហ្ស៊កដានី ជាការស្លាប់របស់យោធាសហរដ្ឋអាមេរិកលើកដំបូងនៅមជ្ឈិមបូព៌ា ចាប់តាំងពីសង្គ្រាមហ្កាហ្សា បានចាប់ផ្តើម។ មួយថ្ងៃ បន្ទាប់ពីសមាជិកអង្គភាពសេវាអាមេរិកបីនាក់នៅក្នុងប្រទេសហ្ស៊កដានី ត្រូវបានសម្លាប់ និងយ៉ាងហោចណាស់ ៣៤ នាក់ បានរងរបួស ជាអ្វីដែលទីក្រុងវ៉ាស៊ីនតោន ហៅថាការវាយប្រហារដោយយានដ្រូនធ្វើឡើងដោយក្រុមសកម្មប្រយុទ្ធគាំទ្រដោយអ៊ីរ៉ង់ រដ្ឋបាលរបស់ប្រធានាធិបតី លោក Joe Biden កំពុងស្ថិតនៅក្រោមសម្ពាធដើម្បីឆ្លើយតបយ៉ាងម៉ឺងម៉ាត់ ដោយមិនបង្កឱ្យមានសង្រ្គាមកាន់តែរីកធំ។ រដ្ឋមន្ត្រីការពារជាតិ លោក Lloyd Austin បាននិយាយកាលពីថ្ងៃចន្ទ នៅមន្ទីរបញ្ចកោណ ថា លោកប្រធានាធិបតី និងលោក នឹងមិនអត់ធ្មត់ចំពោះការវាយប្រហារលើកងកម្លាំងសហរដ្ឋអាមេរិកនោះទេ ហើយយើងនឹងចាត់វិធានការចាំបាច់ទាំងអស់ដើម្បីការពារសហរដ្ឋអាមេរិក និងកងទ័ពរបស់យើង។ អ្នកនាំពាក្យសន្តិសុខជាតិសេតវិមានលោក John Kirby បាននិយាយថា យើងមិនចង់ឱ្យមានសង្រ្គាមកាន់តែរីកធំជាមួយប្រទេសអ៊ីរ៉ង់នោះទេ។ នៅតំបន់ហ្កាហ្សាភាគខាងជើង ពលរដ្ឋបាននិយាយថា ការវាយប្រហារតាមអាកាស កាលពីថ្ងៃចន្ទលើសង្កាត់នានានៅទូទាំងទីក្រុងហ្កាហ្សា ជាទីក្រុងធំបំផុតនៃតំបន់ហ៊ុមព័ទ្ធ បានសម្លាប់ និងធ្វើឲ្យរបួសមនុស្សជាច្រើននាក់។ ពួកគេ បាននិយាយថា ខណៈរថក្រោះអ៊ីស្រាអែល បានបាញ់ផ្លោងនៅតំបន់ភាគខាងកើតទីក្រុង នាវាកងទ័ពជើងទឹក បានបាញ់ទៅលើតំបន់ឆ្នេរនៅភាគខាងលិច។ ការជំរុញជាថ្មីរបស់អ៊ីស្រាអែល នៅក្នុងទីក្រុងហ្កាហ្សា ជាកន្លែងដែលពលរដ្ឋរាយការណ៍ពីការប្រយុទ្ធគ្នាដោយកាំភ្លើងយ៉ាងខ្លាំង នៅជិតមន្ទីរពេទ្យ Al-Shifa ដោយបាននិយាយថា សង្រ្គាមនឹងពុំមានផែនការទេ។

អ៊ីស្រាអែល ចោទបុគ្គលិកអង្គការសហប្រជាជាតិចំនួន ១៩០នាក់ ថាជាសមាជិកក្រុមសកម្មប្រយុទ្ធ

2024/01/30 08:56:06 am        122
Facebook Telegram Linkin
ឯកសារស៊ើបការណ៍ចារកម្មសម្ងាត់របស់អ៊ីស្រាអែល ដែលបានជំរុញឱ្យប្រទេសមួយចំនួនបញ្ឈប់ការផ្តល់មូលនិធិសម្រាប់ទីភ្នាក់ងារជំនួយរបស់អង្គការសហប្រជាជាតិប៉ាឡេស្ទីន រួមបញ្ចូលការចោទប្រកាន់ថាបុគ្គលិកមួយចំនួនរបស់ទីភ្នាក់ងារនេះបានចូលរួមក្នុងការចាប់ខ្លួន និងការសម្លាប់ក្នុងអំឡុងពេលការវាយឆ្មក់កាលពីថ្ងៃទី០៧ ខែតុលា ដែលបង្កឱ្យមានសង្រ្គាមនៅតំបន់ហ្កាហ្សា។ឯកសារដែលមានប្រាំមួយទំព័រ ឃើញដោយសារព័ត៌មានរ៉យទ័រនោះ បានចោទប្រកាន់ថាបុគ្គលិករបស់ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនជាតិប៉ាឡេស្ទីន UNRWA ប្រហែល ១៩០នាក់ រួមទាំងគ្រូបង្រៀនជាច្រើននាក់ គឺជាសមាជិកក្រុមហាម៉ាស ឬពួកសកម្មប្រយុទ្ធអ៊ីស្លាមជីហាដ។អ្នកនាំពាក្យអង្គការសហប្រជាជាតិ លោក ស្តេហ្វាន ឌូចារីក (Stephane Dujarric) បាននិយាយកាលពីថ្ងៃចន្ទ ថាអង្គការសហប្រជាជាតិមិនទាន់បានទទួលច្បាប់ចម្លងឯកសារផ្លូវការនោះទេ។ ប៉ាឡេស្ទីនបានចោទប្រកាន់អ៊ីស្រាអែលពីបទក្លែងបន្លំព័ត៌មានដើម្បីបង្ខូចទីភ្នាក់ងារជំនួយ UNRWA ដែលបាននិយាយថាខ្លួនបានបណ្តេញបុគ្គលិកមួយចំនួន និងកំពុងស៊ើបអង្កេតការចោទប្រកាន់នេះ។មន្ត្រីអ៊ីស្រាអែលម្នាក់បានប្រាប់សារព័ត៌មានរ៉យទ័រថា មនុស្ស ១៩០នាក់ ដែលបានរៀបរាប់នៅក្នុងឯកសារនោះគឺជា «អ្នកប្រយុទ្ធដ៏រឹងរូស និងជាឃាតករ» ចំណែកឯបុគ្គលិកទីភ្នាក់ងារ UNRWA ប្រហែល ១០ភាគរយ ត្រូវបានគេជឿថាមានទំនាក់ទំនងទូទៅជាមួយក្រុមហាម៉ាស និងក្រុមអ៊ីស្លាមជីហាដ៕

បណ្ដាញសង្គម

ព័ត៌មានថ្មីៗ

មន្ត្រីសុខាភិបាល OD មេគង្គ អំពាវនាវអាណាព្យាបាលនាំកូនៗអាយុក្រោម៥ឆ្នាំ ទៅទទួលថ្នាំបន្តក់គ្រុនស្វិតដៃជើង
05/09/2026 02:05 PM
Facebook Telegram Linkin
អភិបាលខេត្តកោះកុង ជំរុញដល់កម្មករកម្មការិនី និងនិយោជក ចាត់ទុករោងចក្រជាឆ្នាំងបាយរួម និងជាផ្ទះទីពីរ
05/09/2026 02:05 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញក្នុងពិធីប្រគល់-ទទួលថវិកា ៥០០,០០០ ដុល្លារ ពីក្រុមហ៊ុន ជីប ម៉ុង ដើម្បីសាងសង់ផ្ទះចំនួន ១០០ខ្នងជូនអតីតយុទ្ធជន និងនិវត្តជន
05/09/2026 01:05 PM
Facebook Telegram Linkin
កសិដ្ឋានផ្សិតប៊ូតុង ប្រើបច្ចេកវិទ្យាខ្ពស់ ដើម្បីផ្គត់ផ្គង់ផ្សិតមានគុណភាពល្អដល់ទីផ្សារកម្ពុជា
05/09/2026 01:05 PM
Facebook Telegram Linkin
ជន​ជាតិចិន ៣១៩នាក់ ពាក់​ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ត្រូវបានបណ្ដេញចេញពីកម្ពុជា
05/09/2026 01:05 PM
Facebook Telegram Linkin
នាយករដ្ឋមន្ត្រី៖ លីបង់លីបង់កំពុងស្វែងរកការពង្រីងនូវការអនុវត្តបទឈប់បាញ់ជាមួយអ៊ីស្រាអែល មុនពេលការចរចាជុំបន្ទាប់
05/09/2026 01:05 PM
Facebook Telegram Linkin
សហភាពអឺរ៉ុប អនុញ្ញាតឱ្យក្រុមហ៊ុនអាកាសចរណ៍អឺរ៉ុប ប្រើប្រាស់ប្រេងឥន្ធនៈយន្តហោះរបស់អាមេរិកដើម្បីកាត់បន្ថយបញ្ហាកង្វះប្រេង
05/09/2026 01:05 PM
Facebook Telegram Linkin
លោកTrump៖ សហរដ្ឋអាមេរិក រំពឹងថានឹងមានការឆ្លើយតបពីអ៊ីរ៉ង់ចំពោះសំណើរបស់អាមេរិក
05/09/2026 12:05 PM
Facebook Telegram Linkin
ប្រទេសគុយបា ធ្វើសមយុទ្ធយោធា ក្នុងពេលមានទំនាក់ទំនងតានតឹងជាមួយសហរដ្ឋអាមេរិក
05/09/2026 12:05 PM
Facebook Telegram Linkin
រដ្ឋមន្ត្រីការបរទេសអាមេរិក សួរអំពីការគាំទ្ររបស់សម្ព័ន្ធមិត្តលើអ៊ីរ៉ង់ បន្ទាប់ពីពិភាក្សាជាមួយមេដឹកនាំអ៊ីតាលី
05/09/2026 12:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.