BTV NEWS

ស្នងការរាជធានី ដាក់ចេញនូវគោលការណ៍បង្ការ ទប់ស្កាត់រាល់បទល្មើស និង អនុវត្តប្រកបដោយក្រមសីលធម៌វិជ្ជាជីវៈនគរបាល

ក្មេងទំនើង៣នាក់បំផ្លាញទ្រព្យសម្បត្តិសាធារណៈត្រូវបានឃាត់ខ្លួន ធ្វើកិច្ចសន្យាអប់រំណែនាំដោយមានការធានាពីអាណាព្យាបាល ដើម្បីអប់រំនៅមូលដ្ឋានបន្ត

រយៈពេល១ខែកន្លះចុងឆមាសទី១នេះ សមត្ថកិច្ចរាជធានី បង្ក្រាបបទល្មើសគ្រឿងញៀន ឃាត់មនុស្ស៧៣នាក់

កម្លាំងនគរបាលស្រុកស្វាយជ្រំយកចិត្តទុកដាក់ទប់ស្កាត់និងបង្ក្រាប ធ្វើឱ្យបទល្មើសថយចុះស្ទើរទាំងស្រុង

សន្តិសុខ និង សង្គម

Update ..តំណាងអយ្យការ ចេញដីកាសន្និដ្ឋានបញ្ជូនរឿងឱ្យស៊េីបសួរ លេីជនសង្ស័យពីបទ បើកបរធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ច

ភ្នំពេញ ៖ ជនបើករថយន្ត Jeep បង្កគ្រោះថ្នាក់ចរាចរណ៍បណ្ដាលឲ្យស្លាប់មនុស្សនៅខណ្ឌទួលគោក ត្រូវបានតំណាងអយ្យការ ចេញដីកាសន្និដ្ឋានបញ្ជូនរឿងឱ្យស៊េីបសួរ លេីជនសង្ស័យពីបទ: បើកបរធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ចដែលបទប្បញ្ញត្តិស្តីពីចរាចរណ៍ផ្លូវគោកតម្រូវបណ្តាលឲ្យស្លាប់អ្នកដទៃ ជាបទល្មេីសព្រហ្មទណ្ឌដែលមានចែងអោយផ្តន្ទាទោសតាមបញ្ញត្តិមាត្រា៨៥ នៃច្បាប់ស្តីពីចរាចរណ៍ផ្លូវគោក រួចហេីយ។ នេះបើតាមការបញ្ជាក់របស់ លោក ប៉េង ម៉េងគ័ង អ្នកនាំពាក្យ និងជាព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ នៅរសៀលថ្ងៃទី២៤ ខែធ្នូ ឆ្នាំ២០២៣នេះ។គួរបញ្ជាក់ផងដែរ កាលពីវេលាម៉ោង១១ព្រឹកថ្ងៃទី២៣ ម្សិលមិញនេះ ជនបើករថយន្តបង្កឈ្មោះ ព្រហ្ម វិចិត្រសុសក្ដា ត្រូវបានអាណាព្យាបាលនាំខ្លួនចូលមកកាន់ស្នងការដ្ឋាននគរបាលរាជធានីភ្នំពេញ ដើម្បីប្រគល់ជូន នគរបាលនៃស្នងការដ្ឋាននគរបាលជំនាញ ដើម្បីធ្វើការសាកសួរនាំដោយផ្ទាល់តាមនីតិវិធី ។ គួររំលឹកថា ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ ថ្ងៃទី១៤ ខែធ្នូ ឆ្នាំ២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅពីលិចទៅកើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បានបើកបរក្នុងល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះមកដល់ចំណុចកើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេលនោះរថយន្តបើកលឿនបោះពួយទៅបុកម៉ូតូពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែករថយន្តនៅមានល្បឿនបានអូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុករថយន្តចោល ហើយគេចខ្លួនបាត់ ៕ អត្ថបទ ៖ កុម្ភៈ

នគរបាលបញ្ជូនជនបើករថយន្ត Jeep បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌទួលគោក ទៅដល់តុលាការនៅព្រឹកថ្ងៃនេះ

ភ្នំពេញ ៖ ជនបើករថយន្ត Jeep បង្កគ្រោះថ្នាក់ចរាចរណ៍បណ្ដាលឲ្យស្លាប់មនុស្សនៅខណ្ឌទួលគោក ត្រូវបាននគរបាលចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ បញ្ជូនទៅដល់អយ្យការអមសាលាដំបូងរាជធានីភ្នំពេញ នៅព្រឹកថ្ងៃទី២៤ ខែធ្នូ ឆ្នាំ២០២៣នេះ ដើម្បីបន្តនីតិវិធី។គួរបញ្ជាក់ផងដែរ កាលពីវេលាម៉ោង១១ព្រឹកថ្ងៃទី២៣ ម្សិលមិញនេះ ជនបើករថយន្តបង្កឈ្មោះ ព្រហ្ម វិចិត្រសុសក្ដា ត្រូវបានអាណាព្យាបាលនាំខ្លួនចូលមកកាន់ស្នងការដ្ឋាននគរបាលរាជធានីភ្នំពេញ ដើម្បីប្រគល់ជូន នគរបាលនៃស្នងការដ្ឋាននគរបាលជំនាញ ដើម្បីធ្វើការសាកសួរនាំដោយផ្ទាល់តាមនីតិវិធី ។ គួររំលឹកថា ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ ថ្ងៃទី១៤ ខែធ្នូ ឆ្នាំ២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅពីលិចទៅកើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បានបើកបរក្នុងល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះមកដល់ចំណុចកើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេលនោះរថយន្តបើកលឿនបោះពួយទៅបុកម៉ូតូពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែករថយន្តនៅមានល្បឿនបានអូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុករថយន្តចោល ហើយគេចខ្លួនបាត់ ៕ អត្ថបទ ៖ កុម្ភៈ

អគ្គិភ័យឆេះអគារ City of Sky បានរលត់ទាំងស្រុងហើយ

ភ្នំពេញ៖ គិតត្រឹមល្ងាចថ្ងៃទី២៣ ខែធ្នូ ឆ្នាំ២០២៣ ជាថ្ងៃទីបួន នៃរង្វង់ប្រតិបត្តិការអន្តរាគមន៍លើករណីឆេះអគារ City of Sky ស្ថិតក្នុងខណ្ឌចំការមន រាជធានីភ្នំពេញ ត្រូវបានកងកម្លាំងចម្រុះគ្រប់គ្រងបានទាំងស្រុង ១០០ភាគរយ។ តាមរយៈរង្វង់ប្រតិបត្តិការដឹកនាំ និងសម្របសម្រួលរបស់ឯកឧត្តម នាយឧត្តមសេនីយ៍ គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ សហការជាមួយគណៈបញ្ជាការរដ្ឋបាលរាជធានីភ្នំពេញ និងការចូលរួមពីនាយកដ្ឋានពន្លត់អគ្គិភ័យ អគ្គស្នងការនគរបាលជាតិ និងបណ្តាកងរុករក និងសង្គ្រោះរបស់កងពលតូចលេខ៧០ និងបញ្ជាការដ្ឋានទ័ពពិសេស បានធ្វើការអន្តរាគមន៍រួមគ្នារយៈពេល៤ថ្ងៃ ក្នុងអគ្គិភ័យដែលបានឆេះកម្ពស់៥ជាន់។ ក្រោយរង្វង់ប្រតិបត្តិបិទបញ្ចប់ ឯកឧត្តមទេសរដ្ឋមន្ត្រី បានថ្លែងអំណរគុណដល់អាជ្ញាធរ និងកងកម្លាំងចម្រុះទាំងអស់ដែលបានខិតខំប្រឹងប្រែងសហការបានយ៉ាងល្អរហូតឈានមកដល់ការគ្រប់គ្រងស្ថានការណ៍ទាំងស្រុង នៃអគ្គិភ័យដែលមានរយៈពេលច្រើនថ្ងៃកន្លងមក។ ឯកឧត្តមទេសរដ្ឋមន្រ្តី ថ្លែងថា រង្វង់ប្រតិបត្តិការចំពោះករណីអគ្គិភ័យលើកនេះជាបទពិសោធន៍ថ្មីទៀតរបស់អាជ្ញាធរពាក់ព័ន្ធ និងកងកម្លាំងទាំងអស់ ក្នុងការរៀនសូត្រពីការអនុវត្តជាក់ស្តែងក្នុងស្ថានភាពអគារដែលមានភាពស្មុគស្មាញ និងលំបាកដល់ក្រុមពន្លត់។ ឯកឧត្តមទេសរដ្ឋមន្រ្តី ថ្លែងថា ប្រតិបត្តិការនេះជួបបញ្ហាស្មុគស្មាញ ដោយសារតែសំណង់អគារមានបន្ទះដែក និងបន្ទះអ៊ីសូឡង់យ៉ាងច្រើន។សូមជម្រាបថា ប្រតិបត្តិការពន្លត់អគ្គិភ័យខាងលើ បានចំណាយពេល៨០ម៉ោង នឹងប្រើប្រាស់រថយន្តពន្លត់អគ្គិភ័យ ៥០គ្រឿង ស្នើនឹងឡានទឹកប្រើប្រាស់ចំនួន៣៥០០ជើង និងកម្លាំងសរុបរួមជាង៤០០នាក់៕

[UPDATE] ជនសង្ស័យបើករថយន្ត Jeep បុកមនុស្សស្លាប់នៅខណ្ឌទួលគោក នឹងត្រូវបញ្ចូនទៅតុលាការនៅថ្ងៃស្អែក

លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានប្រាប់ BTV នាល្ងាចថ្ងៃទី២៣ ខែធ្នូ ឆ្នាំ២០២៣នេះ ឱ្យដឹងថា ករណីគ្រោះថ្នាក់ចរាចរណ៍រថយន្តម៉ាក Jeep ដែលបានបង្កគ្រោះថ្នាក់ចរាចរណ៍បុកមនុស្សស្លាប់នៅខណ្ឌទួលគោក ជនសង្ស័យ គឺនឹងត្រូវបញ្ចូនទៅសាលាដំបូងរាជធានីភ្នំពេញ នៅថ្ងៃទី២៤ធ្នូ ស្អែកនេះ ដើម្បីបន្តនីតិវិធីច្បាប់ ។ លោកវរសេនីយ៍ឯក បានបន្តឱ្យដឹងថា ៖ ជនបើករថយន្តបង្កឈ្មោះ ព្រហ្ម វិចិត្រសុសក្ដា ត្រូវបានអាណាព្យាបាលនាំខ្លួនចូលមកកាន់ស្នងការដ្ឋាននគរបាលរាជធានីភ្នំពេញ នាវេលាម៉ោង ១១ព្រឹកថ្ងៃទី២៣ធ្នូនេះ ដោយក្នុងនោះ គឺមានវត្តមានលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ជាអ្នកដឹកនាំក្រុមមន្ត្រីការិយាល័យជំនាញ ដើម្បីធ្វើការសាកសួរនាំដោយផ្ទាល់តាមនីតិវិធី ។ គួររំលឹកថា ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១ និង៤០នាទីយប់ ថ្ងៃទី១៤ ខែធ្នូ ឆ្នាំ២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅពីលិចទៅកើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បានបើកបរក្នុងល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះមកដល់ចំណុចកើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេលនោះរថយន្តបើកលឿនបោះពួយទៅបុកម៉ូតូពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែករថយន្តនៅមានល្បឿនបានអូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុករថយន្តចោលហើយគេចខ្លួនបាត់៕ អត្ថបទ៖ លីហេង

ជនសង្ស័យបើករថយន្ដ Jeep បុកមនុស្សស្លាប់នៅខណ្ឌទួលគោក បានចូលខ្លួនសារភាពហើយ

ជនសង្ស័យបើករថយន្ដ Jeep ដែលបុកមនុស្សស្លាប់នៅខណ្ឌទួលគោក បានចូលខ្លួនសារភាពហើយនៅថ្ងៃទី២៣ ខែធ្នូ ឆ្នាំ២០២៣នេះ នៅស្នងការដ្ឋាននគរបាលរាជធានីភ្នំពេញ។លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ បានបញ្ជាក់ថា ជនសង្ស័យបើករថយន្ដ Jeep ឈ្មោះ ព្រហ្ម វិចិត្រសុសក្ដា បានចូលខ្លួនមកកាន់ស្នងការដ្ឋាននគរបាលរាជធានីភ្នំពេញនៅថ្ងៃនេះ ដើម្បីទទួលស្គាល់កំហុសរបស់ខ្លួនតាមផ្លូវច្បាប់។ នៅចំពោះមុខនេះ កម្លាំងសមត្ថកិច្ចជំនាញកំពុងធ្វើការសួរនាំជនបង្ក និងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់។សូមជម្រាបថា ជនបង្កដែលជាអ្នកបើករថយន្ដទំនើបម៉ាក Jeep បុកបុរសម្នាក់ស្លាប់ភ្លាមៗនៅកន្លែងកើតហេតុ ស្ថិតក្នុងខណ្ឌទួលគោក រាជធានីភ្នំពេញ កាលពីថ្ងៃទី១៤ ខែធ្នូ ឆ្នាំ២០២៣។ ហើយបានរត់គេចខ្លួន រហូតមកដល់ព្រឹកថ្ងៃទី២៣ ខែធ្នូ ឆ្នាំ២០២៣ បានចូលខ្លួនសារភាពនៅស្នងការដ្ឋាននគរបាលលរាជធានីភ្នំពេញ៕

ក្រុមអាជ្ញាធរចម្រុះកំពុងបន្តកិច្ចអន្តរាគមន៍សង្គ្រោះអគារ Sky City ដែលត្រូវភ្លើងឆេះ៤ថ្ងៃហើយ

ក្រុមអាជ្ញាធរ និងកងកម្លាំងចម្រុះគ្រប់ជាន់ថ្នាក់ បានសហការគ្នាបន្តយកចិត្តទុកដាក់ក្នុងកិច្ចអន្តរាគមន៍សង្គ្រោះអគារ Sky City ដែលត្រូវភ្លើងឆេះ៤ថ្ងៃហើយ នៅតែមិនទាន់រលត់ទៅវិញនៅឡើយ។ មន្ត្រីអាជ្ញាធរជាន់ខ្ពស់ថ្នាក់រាជធានីភ្នំពេញមួយរូប បានប្រាប់ BTV ឱ្យដឹងថា គិតត្រឹមព្រឹកថ្ងៃទី២៣ ខែធ្នូ ឆ្នាំ២០២៣ ស្ថានភាពភ្លើងនៅតែបន្តមានការឆាបឆេះ ប៉ុន្តែឆាបឆេះតែ២ជាន់ ប៉ុណ្ណោះ គឺជាន់ទី៤ និងជាន់ទី៥ ខណៈអាគារ មានកម្ពស់តែ៥ជាន់ប៉ុណ្ណោះ ។ មន្ត្រីរូបនោះបន្តថា ការឆាបឆេះនេះ ក្រុមចម្រុះទាំងអស់ បានជួបប្រទះនូវការលំបាកច្រើនណាស់ ដោយសារស្ថានភាពច្រកចូលចង្អៀត ហើយបន្ទប់តាមជាន់ក្នុងអាគារមានភាពស្មុគស្មាញបំផុត ម្យ៉ាងចំណុចដែលមានការឆេះ គឺនៅទីខ្ពស់ ទើបធ្វើឱ្យមានការពិបាកដល់កម្លាំងទាំងអស់ក្នុងការចូលអន្តរាគមន៍ ទោះបីជាមានសម្ភារះបំពាក់លើដងខ្លួនគ្រប់គ្រាន់ សម្រាប់ការការពារ ដើម្បីចូលទៅបាញ់ទឹកពន្លត់អណ្តាតភ្លើងក៏ដោយ ។ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ជាក់ថា ការឆាបឆេះរយៈពេល៣យប់៤ថ្ងៃមកនេះ កងកម្លាំងចម្រុះទាំងអស់បានប្រើប្រាស់រថយន្តពន្លត់អគ្គីភ័យសរុប អស់ជាង ២ពាន់គ្រឿងហើយ។ កម្លាំង បានសហការគ្នា ដោយការដាក់វេណគ្នា ដើម្បីចូលទៅបាញ់ទឹកជាបន្តបន្ទាប់ ដោយមិនឱ្យដាច់ទឹកនោះឡើយ ដើម្បីធានាបានខ្ពស់លើការគ្រប់គ្រងស្ថានការណ៍ឱ្យបានល្អប្រសើរឡើងនៅពេលឆាប់ៗខាងមុខនេះ ។ នាយការិយាល័យបន្ថែមថា ៖ ៤ថ្ងៃនេះ ពុំមានបណ្តាលឱ្យមនុស្សណាម្នាក់រងរបួស ឬប៉ះពាល់ដល់អាយុជីវិតឡើយ ប៉ុន្តែមន្ត្រីអគ្គីភ័យម្នាក់ ត្រូវរងរបួសដៃ ដោយត្រូវកញ្ចក់ធ្លាក់លើពេលកំពុងអន្តរាគមន៍។ក្រុមមន្ត្រីជំនាញផ្នែកសំណង់អាគារ ទាំងថ្នាក់រាជធានី និងថ្នាក់ក្រសួង បានប្រាប់ថា បច្ចុប្បន្ននេះ មន្ត្រីជំនាញ មិនអាចធ្វើការវាយតម្លៃផ្ទៃអាគារបាននៅឡើយនោះទេ រងចាំសមត្ថកិច្ចជំនាញធ្វើការពន្លត់ឱ្យបានរួចរាល់ជាមុនសិន ទើបធ្វើការពិនិត្យវាយតម្លៃថា អាគារនេះអាចនៅបន្តទុកបាន ឬត្រូវវាយកម្ទេចចោល ។ មន្ត្រីដដែលបន្តថា ប្រសិនបើក្នុងករណីភ្លើងនៅបន្តមានការឆាបឆេះក្នុងរយៈពេលយូរដែលមិនអាចពន្លត់បាន ផ្ទៃអាគារ អាចនឹងមានការប្រេះបាក់តាមផ្នែកជាក់ជាមិនខាន ប៉ុន្តែការបាក់ស្រុត គឺមិនកំណត់បាន។ សូមបញ្ជាក់ថា កម្លាំងពាក់ព័ន្ធជាច្រើនដែលបានចូលរួមក្នុងការអន្តរាគមន៍បន្ថែមក្នុងគ្រោះអគ្គីភ័យខាងលើនេះ រួមមាន កងប្រតិបត្តិការរុករក និងសង្គ្រោះ មកពីអង្គភាពង៧០ , ក្រុមការងារជំនាញ គណៈកម្មាធិការជាតិគ្រប់គ្រងគ្រោះមហន្តរាយ ក៏ដូចជានគរបាលជំនាញថ្នាក់ក្រសួងមហាផ្ទៃ រួមទាំងកម្លាំងអាជ្ញាធរចម្រុះថ្នាក់រាជធានីភ្នំពេញទាំងអស់ផងដែរ ដោយមានវត្តមានថ្នាក់ដឹកនាំ នៃបណ្តាស្ថាប័ន្ថទាំងអស់ចុះដឹកនាំ និងបញ្ជារប្រតិបត្តិការសង្គ្រោះដោយផ្ទាល់ផងដែរ។ គួររំលឹកថា ករណីអគ្គីភ័យខាងលើនេះ បានកើតឡើងកាលពីវេលាម៉ោង១០ និង៣០នាទីព្រឹកថ្ងៃទី២០ ខែធ្នូ ឆ្នាំ២០២៣ ដោយបានឆាបឆេះចេញពីជាន់ទី៣ ហើយបន្តរាលដាលរហូតដល់ជាន់ទី៥។ ទីតាំងឆាបឆេះ ជាសណ្ឋាគារដែលកំពុងដំណើរការផង និងកំពុងជួសជុលកែលម្អរបន្ថែមផងដែរ៕ អត្ថបទ ៖ លីហេង

អ៊ុំដែលប្រើហិង្សាលើក្មួយស្រីអាយុ៦ឆ្នាំត្រូវបានតុលាការសម្រេចឱ្យនៅក្រៅឃុំបណ្ដោះអាសន្ន

ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចមិនឃុំខ្លួនជនត្រូវចោទឈ្មោះ ឃុន វ៉ាន់ដា ដែលបានប្រើអំពើហិង្សាលើក្មួយស្រីអាយុ៦ឆ្នាំ ការសម្រេចរបស់តុលាការបែបនេះធ្វើឡើងក្រោយក្រុមគ្រួសារសម្រេចដកពាក្យបណ្តឹង។លោក អ៉ី រិន អ្នកនាំពាក្យសាលាដំបូងរាជធានីភ្នំពេញ បានឱ្យអ្នកសារព័ត៌មានដឹងថា ជនត្រូវចោទឈ្មោះ ឃុន វ៉ាន់ដា ភេទស្រី ជាប់ចោទពីបទ ហិង្សាដោយចេតនាមានស្ថានទម្ងន់ទោសទាក់ទងទៅនឹងជនរងគ្រោះ ប្រព្រឹត្តនៅចំណុចផ្ទះលេខ៣០៩K ផ្លូវបេតុង ភូមិទួលគោក សង្កាត់ទួលសង្កែ១ ខណ្ឌប្ញស្សីកែវ រាជធានីភ្នំពេញ កាលពីថ្ងៃទី១៦ ខែធ្នូ ឆ្នាំ២០២៣ ត្រូវបានចៅក្រមស៊ើបសួរនៃសាលាដំបូងរាជធានីភ្នំពេញ ដាក់ឱ្យស្ថិតនៅក្រោមការត្រួតពិនិត្យតាមផ្លូវតុលាការ។ការដាក់ឱ្យស្ថិតនៅក្រោមការត្រួតពិនិត្យតាមផ្លូវតុលាការនេះ ដោយសារម្ដាយឪពុកកុមារីរងគ្រោះ និងក្រុមគ្រួសារទាំងមូលសម្រេចដកបណ្ដឹង និងសំណូមពរឱ្យមានការដោះលែងជនត្រូវចោទឈ្មោះ ឃុន វ៉ាន់ដា ដោយហេតុថា ជនជាប់ចោទជាអ្នកមើលថែរក្សាក្មេងស្រីរងគ្រោះជាច្រើនឆ្នាំមកហើយ ព្រមទាំងមើលថែរក្សាក្មេងៗ៣នាក់ទៀតដោយក្ដីស្រលាញ់ បន្ទាប់ពីម្ដាយឪពុគក្មេងៗទាំង៤នាក់ចេញទៅធ្វើការនៅឆ្ងាយច្រើនឆ្នាំហើយ។សូមរំលឹកថា នៅថ្ងៃទី១៦ ខែធ្នូ ឆ្នាំ២០២៣ វេលាម៉ោង២០និង០០នាទី នៅចំណុចផ្ទះ៣០៩K ក្រុម៥ ផ្លូវបេតុង ភូមិទួលគោក សង្កាត់ទួលសង្កែ១ ខណ្ឌឫស្សីកែវ មានករណីហិង្សាដោយចេតនាលើអនិតិជន ដោយសកម្មភាពចង និងទះកំភ្លៀងលើកុមារី អាយុ៦ឆ្នាំ ។ បើតាមសមត្ថកិច្ចបានឲ្យដឹងថា នគរបាលបានឃាត់ខ្លួនជនសង្ស័យម្នាក់ឈ្មោះ ឃុន វ៉ាន់ដា ភេទស្រី អាយុ៣៨ឆ្នាំ មុខរបរនៅផ្ទះ មានទីលំនៅផ្ទះកើតហេតុ ដែលត្រូវជាអ៊ុស្រីកុមារីរងគ្រោះ។ មុនពេលកើតហេតុ ជនសង្ស័យបានហៅក្មួយចំនួន០៤នាក់ហូបបាយជុំគា្ននៅក្នុងនោះក៏មានក្មេងស្រីរងគ្រោះផងដែរ ។ក្រោយពេលហូបបាយរួចជនសង្ស័យបានហៅជនរងគ្រោះមករៀន ប៉ុន្តែជនរងគ្រោះមិនមករៀនធើ្វឲ្យជនសង្ស័យខឹងទ្រាំមិនបានក៏ទាញដៃជនរងគ្រោះចេញពីផ្ទះមកឈនៅខាងមុខផ្ទះក្រៅរបងរួចជនសង្ស័យបានបិទទា្វររបងផ្ទះដើរចូលក្នុងផ្ទះចំណែកជនរងគ្រោះក៏បានស្រែកយំ និងយកដៃវាយទ្វាររបងផ្ទះធើ្វឲ្យជនសង្ស័យខឹងទ្រាំមិនបានក៏បើកទ្វាររបងផ្ទះយកក្រម៉ាដែលទុកនៅលើម៉ូតូយកមកធ្វើសកម្មភាពចងជើងចងដៃជនរងគ្រោះឲ្យដេកផ្កាប់មុខទៅនិងដី ហើយជីដូនជនរងគ្រោះចេញពីក្នុងផ្ទះមកអង្គុយពីលើជនរងគ្រោះជួយចងជើង រួចដើរចូលក្នុងផ្ទះវិញបិទទ្វាររបងផ្ទះចំណែក ជនរងគ្រោះនៅតែស្រែកយំធ្វើឲ្យជនជនសង្ស័យទ្រាំមិនបានបើកទា្វររបងផ្ទះចេញមកក្រៅទះកំភ្លៀងជនរងគ្រោះចំនួន០៣ដៃទៅលើផ្ទៃមុខ។ សកម្មភាពហិង្សានេះក៏ត្រូវបានអ្នកជិតខាងថតបាននិងចែកចាយតាមបណ្ដាញសង្គម ក្រោយទទួលបានដំណឹងនេះកម្លាំងសមត្ថច្ចកិខណ្ឌឫស្សីកែវ និងនគរបាលប៉ុស្តិ៍ទួលសង្កែ១ បានចេញជួយអន្តរាគម ដោយឃាត់ជនសង្ស័យអនុវត្តនិតិវិធី ។ សូមបញ្ជាក់ថា ឈ្មោះ ឃុន សុខគីម ភេទស្រីអាយុ៣៦ឆាំ្នមុខរបរគ្រូពេទ្យ ត្រូវជាម្តាយជនរងគ្រោះ បានយកកូនចំនួន០៤នាក់នៅក្នុងនោះក៏មានជនរងគ្រោះម្នាក់ផងដែរ យកទៅឲ្យម្តាយបង្កើត និងបងស្រីដែលត្រូវជាជនសង្ស័យចិញ្ចឹមបីបាច់រៀនសូត្រ រយៈពេល០៤ឆ្នាំមកហើយ មុនឪពុកម្តាយលែងលះគ្នា៕ អត្ថបទ ៖ ប្រាក់ វ៉ាន់ដា

រុស្ស៊ី ធ្វើការវាយប្រហារដោយយានដ្រូនទ្រង់ទ្រាយធំលើតំបន់ជាច្រើនក្នុងទីក្រុងគីវ

យានដ្រូនជាច្រើនគ្រឿងរបស់រុស្ស៊ី បានធ្លាក់ទៅលើទីក្រុងគីវ នៅព្រឹកថ្ងៃសុក្រ (២២ ធ្នូ) នេះដោយអភិបាលក្រុង លោក វីតាលី គ្លីតស៍ឆ្កូ (Vitali Klitschko) និងក្រុមមន្ត្រីផ្សេងទៀតរាយការណ៍ពីការវាយប្រហារទៅលើតំបន់លំនៅដ្ឋានដាច់ដោយឡែកពីគ្នា។ នេះជាការវាយប្រហារដោយដ្រូនលើកទីប្រាំមួយលើរដ្ឋធានីក្នុងខែនេះ ហើយមនុស្សពីរនាក់បានរងរបួស។លោក គ្លីតស៍ឆ្កូ បានសរសេរនៅលើកម្មវិធីផ្ញើសារតេឡេក្រាម បាននិយាយថា យានដ្រូនទាំងនោះបានហោះបុកប្លុកផ្ទះល្វែងមួយនៅក្នុងសង្កាត់ សូឡូមយ៉ានស្គី (Solomyanskyi) ភាគខាងត្បូងនៃតំបន់កណ្តាលក្រុង ដោយបង្កឱ្យមានអគ្គិភ័យឆេះនៅជាន់ខាងលើ ប៉ុន្តែត្រូវបានគ្រប់គ្រងយ៉ាងឆាប់រហ័ស។សេវាកម្មសង្គ្រោះបន្ទាន់ បានសរសេរនៅលើបណ្ដាញតេឡេក្រាមថា ផ្នែកជាច្រើនត្រូវបានខូចខាតនៅថ្ងៃទីជាន់ទី២៤ ទី២៥ និងទី២៦ នៃអគារលំនៅឋាននោះ។ មនុស្សពីរនាក់បានរងរបួសក្នុងនោះមានម្នាក់កំពុងសម្រាកព្យាបាលនៅមន្ទីរពេទ្យ ហើយការជូនដំណឹងពីការវាយប្រហារតាមអាកាសក្រោយមកត្រូវបានដកចេញនៅស្ទើរគ្រប់តំបន់៕

ក្រុមហាម៉ាសនិយាយថា មិនមានការដោះលែងចំណាប់ថ្នូរទៀតទេរហូតទាល់តែសង្រ្គាមបញ្ចប់

ក្រុមហាម៉ាស ដែលជាអ្នកគ្រប់គ្រងតំបន់ហ្កាហ្សាស្ទ្រីប បានច្រានចោលការដោះលែងចំណាប់ថ្នូរបន្ថែមទៀត រហូតដល់អ៊ីស្រាអែលយល់ព្រម «បញ្ឈប់ការឈ្លានពានទាំងស្រុង»។ អ៊ីស្រាអែល បាននិយាយថាខ្លួនបានសម្លាប់យុទ្ធជនក្រុមហាម៉ាសជាង ២.០០០នាក់ នៅហ្កាហ្សាចាប់តាំងពីបទឈប់បាញ់កាលពីដើមខែនេះបញ្ចប់ នៅពេលដែលចំណាប់ថ្នូរជាង ១០០នាក់ត្រូវបានដោះលែង។មនុស្សប្រហែល ១២០នាក់ទៀតដែលត្រូវបានចាប់ខ្លួនពីអ៊ីស្រាអែល នៅថ្ងៃទី០៧ ខែតុលា ត្រូវបានគេជឿថានៅតែជាប់ឃុំឃាំងនៅតំបន់ហ្កាហ្សា។ កិច្ចខិតខំប្រឹងប្រែងនៅតែបន្តនៅអង្គការសហប្រជាជាតិដើម្បីអនុម័តសេចក្ដីសម្រេចស្តីពីសង្គ្រាម។ សហរដ្ឋអាមេរិកបាននិយាយថា ខ្លួននៅតែមានការព្រួយបារម្ភយ៉ាងខ្លាំងចំពោះពង្រាងសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដោយការបោះឆ្នោត ដែលត្រូវបានពន្យារពេលដល់ថ្ងៃសុក្រ (២២ ធ្នូ) នេះ។នៅក្នុងសេចក្តីថ្លែងការណ៍មួយ ក្រុមហាម៉ាសបាននិយាយថា «មានការសម្រេចរបស់ប៉ាឡេស្ទីន ដែលថាមិនគួរមានការពិភាក្សាអំពីអ្នកទោស ឬកិច្ចព្រមព្រៀងដោះដូរអ្វីនោះទេ លើកលែងតែបន្ទាប់ពីអ៊ីស្រាអែលបញ្ចប់ការឈ្លានពានពេញលេញរបស់ពួកគេ»។ការចរចាលើបទឈប់បាញ់ថ្មី បាននិងកំពុងប្រព្រឹត្តទៅនៅទីក្រុងគែរ ប្រទេសអេហ្ស៊ីប ទោះបីជាកិច្ចចរចាដំបូងកាលពីថ្ងៃពុធមិនមានការព្រមព្រៀងក៏ដោយ។ អ៊ីស្រាអែលបាននិយាយថា ខ្លួនគិតថាវិធីល្អបំផុតក្នុងការដោះលែងចំណាប់ថ្នូរ គឺដាក់សម្ពាធយោធាលើក្រុមហាម៉ាស និងដោយដំណើរការប្រតិបត្តិការជួយសង្គ្រោះ ប៉ុន្តែរហូតមកដល់ពេលនេះ វិធីសាស្ត្រនោះពិតជាមិនមានប្រសិទ្ធភាពទេ៕

ការវិភាគ៖ឥទ្ធិពលរបស់ក្រុមហាម៉ាស បានកើនឡើង ចាប់តាំងពីការវាយប្រហាររបស់ខ្លួនទៅ លើអ៊ីស្រាអែល

ការវិភាគថ្មីរបស់ទីភ្នាក់ងារចារកម្មអាមេរិក បានព្រមានថា ភាពជឿជាក់ និងឥទ្ធិពលរបស់ក្រុមហាម៉ាស បានកើនឡើងយ៉ាងខ្លាំង ក្នុងរយៈពេលពីរខែ ចាប់តាំងពីការវាយប្រហារភេរវកម្មនៅថ្ងៃទី៧ ខែតុលា និងការចាប់ផ្តើមនៃការឆ្លើយតបយោធារបស់អ៊ីស្រាអែលនៅមជ្ឈិមបូព៌ា និងហួសពីនេះ។ខណៈដែលយុទ្ធនាការតាមអាកាសឥតឈប់ឈររបស់អ៊ីស្រាអែល បានសម្លាប់ជនស៊ីវិលរាប់ពាន់នាក់ នៅក្នុងតំបន់ហ្កាហ្សា ក្រុមហាម៉ាសដែលត្រូវបានចាត់ទុកថា ជាក្រុមភេរវករ ដោយសហរដ្ឋអាមេរិក និងអឺរ៉ុបអាចបង្ហាញខ្លួនជាក្រុមប្រដាប់អាវុធតែមួយគត់ដែលប្រយុទ្ធនឹងការគៀបសង្កត់យ៉ាងឃោរឃៅ ដែលបានសម្លាប់ស្ត្រី និងកុមារ។ ក្រុមមន្ត្រីដែលដឹងពីការវាយតម្លៃផ្សេងៗគ្នា និយាយថា ក្រុមនេះ បានកំណត់ទីតាំងដោយជោគជ័យ នៅទូទាំងផ្នែកខ្លះនៃពិភពអារ៉ាប់ និងមូស្លីមជាអ្នកការពារបុព្វហេតុប៉ាឡេស្ទីន និងជាអ្នកប្រយុទ្ធដ៏មានប្រសិទ្ធភាពប្រឆាំងនឹងអ៊ីស្រាអែល។ឥទ្ធិពលរបស់ក្រុមហាម៉ាស កើនឡើង បន្ទាប់ពីការវាយប្រហារ នៅខែតុលា ដ៏សាហាវរបស់ខ្លួនទៅលើអ៊ីស្រាអែល ដែលបានសម្លាប់មនុស្សប្រុស ស្រី និងកុមារប្រហែល ១.២០០ នាក់។ សហរដ្ឋអាមេរិក បានការពារយ៉ាងម៉ឺងម៉ាត់នូវសិទ្ធិរបស់អ៊ីស្រាអែល ក្នុងការការពារខ្លួន បន្ទាប់ពីការវាយប្រហារនេះ រួមទាំងយុទ្ធនាការរបស់ខ្លួន ដើម្បីកម្ចាត់ក្រុមហាម៉ាសទាំងស្រុង។ប្រភពទាំងនេះ និយាយថា តាមទស្សនៈរបស់ក្រុមហាម៉ាស ការវាយប្រហារកាលពីថ្ងៃទី ៧ ខែតុលា ទៅលើអ៊ីស្រាអែលភាគខាងត្បូង គឺជាជោគជ័យនៃប្រតិបត្តិការគួរឲ្យភ្ញាក់ផ្អើល ហើយក្នុងរយៈពេលប៉ុន្មានខែមកនេះ វាបានទទួលកិត្តិយស ជាពិសេស នៅតំបន់វេសបែងដែលគ្រប់គ្រងដោយអ៊ីស្រាអែល សម្រាប់ការចរចារដោះលែងអ្នកទោសប៉ាឡេស្ទីនរាប់រយនាក់ និងអ្នកជាប់ឃុំ ដែលអ៊ីស្រាអែលឃុំខ្លួន ជាថ្នូរនឹងចំណាប់ថ្នូរមួយចំនួន ដែលក្រុមនេះបានចាប់ពីការវាយប្រហារនោះ។

បណ្ដាញសង្គម

ព័ត៌មានថ្មីៗ

UN៖ គោលដៅអភិវឌ្ឍន៍ប្រកបដោយចីរភាព 'កំពុងយឺតយ៉ាវ' ខណៈមនុស្ស ៨០០លាននាក់ រស់ក្នុងភាពក្រីក្រ

ភាពតានតឹងពន្ធរវាង BRICS និងអាមេរិក ជះស្រមោលលើកិច្ចប្រជុំ G20 នៅអាហ្វ្រិកខាងត្បូង សប្ដាហ៍នេះ

ប្រមុខ UN ថាបទឈប់បាញ់ហ្កាហ្សា 'មិនគ្រប់គ្រាន់ទេ' ដោយជំរុញឱ្យមានដំណោះស្រាយរដ្ឋពីរ

ប្រមុខការទូតប្លុកអឺរ៉ុប ថាពេលកំណត់ ៥០ថ្ងៃរបស់លោក Trump លើលោក Putin គឺយូរពេកហើយ

ក្រសួងការងារកម្ពុជា និងអង្គការសហប្រជាជាតិ ឯកភាពបន្តលើកកម្ពស់ការងារសមរម្យ និងការគាំពារសង្គមនៅកម្ពុជា

សម្តេច ឃួន សុដារី៖ កម្ពុជាមានឆន្ទៈមោះមុតចូលរួមការពារសុខសន្តិភាពតំបន់ ពិភពលោក តាមការសន្ទនា និងកិច្ចសហប្រតិបត្តិការដោយយកពលរដ្ឋជាស្នូល

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

សម្ដេចតេជោ ជំរុញឱ្យកម្ពុជា-កូរ៉េខាងត្បូងលើកកម្ពស់ទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឱកាសខួប៣០ឆ្នាំនៃទំនាក់ទំនងប្រទេសទាំងពីរ

ប្រមុខការពារជាតិកម្ពុជា ទាមទារឲ្យអតីតទាហានព្រៃថៃ សូមទោសកងទ័ពខ្មែរជាសាធារណៈ ខណៈអាចឡើងដល់តុលាការ

ទូតកូរ៉េខាងត្បូងជម្រាបសម្ដេចតេជោថា ស្ពានមិត្តភាពកម្ពុជា-កូរ៉េខាងត្បូងនឹងបើកការដ្ឋានសាងសង់នៅឆ្នាំ២០២៦

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877