នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក
កម្លាំងចម្រុះនៃគណៈបញ្ជាការឯកភាពរដ្ឋបាលខេត្តសៀមរាបឃាត់ខ្លួនជនសង្ស័យចំនួន៤នាក់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា
ជនសង្ស័យម្នាក់ ត្រូវបានឃាត់ខ្លួន ក្រោយញុះញង់ឱ្យចូលរួមធ្វើ​បដិវត្តពណ៌​ផ្ដួល​រំលំ​រាជ​រដ្ឋាភិបាល​
១សប្តាហ៍ គ្រោះថ្នាក់ចរាចរណ៍ បន្តឆក់យកជីវិតមនុស្ស២៨នាក់ របួសជិត៧០នាក់

សន្តិសុខ និង សង្គម

ទឹកជំនន់នៅរដ្ឋ អាហ្សាំ របស់ឥណ្ឌា បានសម្លាប់មនុស្ស៥នាក់បន្ថែមទៀត ក្នុងរយៈពេល២៤ ម៉ោងចុងក្រោយនេះ នាំឲ្យចំនួនអ្នកស្លាប់ឡើងដល់៨៤នាក់

2024/07/11 11:00:54 am        132
Facebook Telegram Linkin
យោងទៅតាមរបាយការណ៍និងព័ត៌មាន ពីប្រព័ន្ធគ្រប់គ្រងគ្រោះមហន្តរាយ រដ្ឋអាស្សាំ(Assam) មនុស្ស ៥ នាក់ផ្សេងទៀតបានស្លាប់នៅក្នុងរដ្ឋ អាហ្សាំ ក្នុងរយៈពេល ២៤ ម៉ោងចុងក្រោយកាលពីថ្ងៃពុធដែលនាំឱ្យចំនួនអ្នកស្លាប់ពាក់ព័ន្ធទឹកជំនន់កើនឡើងដល់ ៨៤ នាក់។មនុស្សជិត១ លាននាក់នៅក្នុង ស្រុកចំនួន ២៧ ត្រូវបានរងផលប៉ះពាល់ដោយទឹកជំនន់។ទឹកជំនន់បានជន់លិចភូមិចំនួន ២៥៨០ ។ មនុស្សចំនួន១៥៧.០០០នាក់ កំពុងបន្តជ្រកកោនក្នុងជំរំ និងមជ្ឈមណ្ឌលចែកចាយចំនួន ៣៦៥ កន្លែង ។ កម្រិតទឹកនៃទន្លេ ព្រហ្មបុត្រ (Brahmaputra) កំពុងហូរកួចខ្លាំងលើសពីកម្រិតគ្រោះថ្នាក់។យោងតាមក្រុមអាជ្ញាធរឧទ្យានកាលពីថ្ងៃពុធ សប្ដាហ៍នេះ បានឱ្យដឹងថាសត្វព្រៃចំនួន ១៥៩ ក្បាលរួមទាំងសត្វរមាសចំនួន ៩ ក្បាលបានស្លាប់នៅឧទ្យានជាតិ កាហ្ស៊ីរាំងកា (Kaziranga) ដោយសារតែទឹកជំនន់ធ្ងន់ធ្ងរនៅក្នុងដ្ឋនេះ ៕

មនុស្សយ៉ាងហោចណាស់១៨នាក់ស្លាប់ បន្ទាប់ពីរថយន្តក្រុងបុកជាមួយរថយន្តដឹកទឹកដោះគោ នៅឥណ្ឌា

2024/07/10 01:39:32 pm        65
Facebook Telegram Linkin
អាជ្ញាធរតំបន់ បាននិយាយថា មនុស្សយ៉ាងហោចណាស់១៨នាក់បានស្លាប់ និង១៩នាក់ បានរងរបួស បន្ទាប់ពីរថយន្តក្រុងមួយគ្រឿងបានបើកបុកជាមួយរថយន្តដឹកទឹកដោះគោនៅក្នុងរដ្ឋ អ៊ុតារៈ ប្រទេស(Uttar Pradesh) ភាគខាងជើងប្រទេសឥណ្ឌា នៅព្រឹកថ្ងៃពុធ ទី១០ ខែកក្កដានេះ។រថយន្តក្រុងធ្វើដំណើរទៅកាន់ទីក្រុង New Delhi កំពុងធ្វើដំណើរពីរដ្ឋ Bihar ភាគខាងកើត ខណៈរថយន្តនេះ បានបុកជាមួយរថយន្តដឹកទឹកដោះគោ នៅលើផ្លូវ Expressway ក្នុងស្រុក Unnao រដ្ឋ អ៊ុតារៈ ប្រទេស(Uttar Pradesh)។វីដេអូ បានបង្ហាញពីអ្នកដំណើររងរបួស ត្រូវបានដឹកតាមរថយន្តគិលានសង្គ្រោះទៅកាន់មន្ទីរពេទ្យ នៅ ក្នុងស្រុក Unnao ជាកន្លែងដែលពួកគេរង់ចាំការព្យាបាល។សមាជិកគ្រួសារជាច្រើនដែលមានការព្រួយបារម្ភត្រូវបានគេឃើញ ខណៈមន្ត្រីស្រុក Unnao បាននិយាយទៅកាន់ប្រព័ន្ធផ្សព្វផ្សាយនៅខាងក្រៅអគារសង្គ្រោះបន្ទាន់របស់មន្ទីរពេទ្យ។ នគរបាលនិយាយថា ពួកគេនៅតែផ្ទៀងផ្ទាត់ឲ្យបានច្បាស់លាស់ ថាតើមានអ្នកដំណើរប៉ុន្មាននាក់នៅលើរថយន្តក្រុង។

សហជីពក្រុមហ៊ុន Samsung នៅកូរ៉េខាងត្បូង ប្ដេជ្ញាធ្វើកូដកម្មដោយគ្មានកំណត់

2024/07/10 01:14:21 pm        85
Facebook Telegram Linkin
សហជីពកម្មករនៅក្រុមហ៊ុនបច្ចេកវិទ្យាខ្នាតយក្ស សែមសុង អេឡិចត្រូនិកស៍ (Samsung Electronics) នៅកូរ៉េខាងត្បូង បាននិយាយនៅថ្ងៃពុធ (១០ កក្កដា) នេះថា ខ្លួននឹងបន្តធ្វើកូដកម្មដោយគ្មានកំណត់ ដោយបង្កើនយុទ្ធនាការរបស់ខ្លួនដើម្បីទាមទារប្រាក់ឈ្នួលខ្ពស់ជាងមុន និងអត្ថប្រយោជន៍កាន់តែប្រសើរឡើង។សហភាព Samsung អេឡិចត្រូនិកស៍ជាតិ (NSEU) ដែលមានសមាជិកប្រហែល ៣០.០០០ នាក់បង្កើតបានស្ទើរតែមួយភាគបួននៃកម្លាំងពលកម្មរបស់ក្រុមហ៊ុនកូរ៉េខាងត្បូងមួយនេះ បាននិយាយថា ខ្លួនបានសម្រេចចិត្តបន្តធ្វើកូដកម្ម ដោយសារតែថ្នាក់គ្រប់គ្រងមិនបានបង្ហាញបំណងចរចា បន្ទាប់ពីកូដកម្មដែលបានចាប់ផ្តើមកាលពីថ្ងៃចន្ទ។សហជីពបាននិយាយថា ខ្លួននឹងបន្តរយៈពេលធ្វើកូដកម្ម ដែលដំបូងឡើយគ្រោងនឹងមានរយៈពេលបីថ្ងៃប៉ុណ្ណោះរហូតដល់ថ្ងៃពុធនេះ។ លោក លី ហ្យ៉ុនគុក (Lee Hyun-kuk) អនុប្រធានសហជីពបានប្រាប់សារព័ត៌មានរ៉យទ័រថា កូដកម្មបានរំខានដល់ដំណើរការផលិតនៃបណ្ដាញបន្ទះឈីបមួយចំនួន ប៉ុន្តែក្រុមហ៊ុន Samsung បាននិយាយថា កូដកម្មមិនបានបង្កការរំខានអ្វីឡើយក្នុងអំឡុងពេលបីថ្ងៃដំបូងនេះ។លោក Lee បាននិយាយថា កម្មករប្រហែល ៦.៥០០ នាក់បាននិងកំពុងចូលរួមក្នុងកូដកម្ម ហើយថាសហជីពនឹងលើកទឹកចិត្តឱ្យមានសមាជិកបន្ថែមទៀតចូលរួម។ ក្រុមអ្នកវិភាគបាននិយាយថា វានឹងពិបាកក្នុងការផ្ទៀងផ្ទាត់ថាតើកូដកម្មនេះបានរំខានដល់ផលិតកម្មដែរឬអត់ណាស់ លុះត្រាតែសហជីពផ្តល់ព័ត៌មានលម្អិតថាតើប៉ះពាល់យ៉ាងដូចម្ដេច៕

តំបន់សមុទ្រការ៉ាអ៊ីប រងផលប៉ះពាល់សេដ្ឋកិច្ចធ្ងន់ធ្ងរ បន្ទាប់ពីខ្យល់ព្យុះទីមួយប្រចាំរដូវកាល

2024/07/10 01:08:30 pm        39
Facebook Telegram Linkin
បណ្ដាមេដឹកនាំនៅទូទាំងតំបន់ការ៉ាអ៊ីប (Caribbean) នៅតែកំពុងទូទាត់ផលប៉ះពាល់ផ្នែកហិរញ្ញវត្ថុ ដែលបង្កឡើងដោយព្យុះអាត្លង់ទិកដំបូងបំផុតក្នុងកំណត់ត្រាដែលកើនឡើងដល់កម្រិតអតិបរមាប្រភេទទី៥ បន្ទាប់ពីព្យុះនេះបានបន្សល់ទុកដាននៃការបំផ្លិចបំផ្លាញដ៏ធំធេងនៅលើប្រទេសកោះហ្សាម៉ាអ៊ីក និងប្រជុំកោះនៃភាគខាងកើតតំបន់ការ៉ាអ៊ីប។នាយករដ្ឋមន្ត្រីប្រទេសកោះ ហ្រ្គើណាដ លោក ឌីកខុន មីតឆែល (Dickon Mitchell) បានប្រាប់សន្និសីទសារព័ត៌មានមួយកាលពីថ្ងៃអង្គារថា «គ្មានការសង្ស័យទេ ដែលថាគ្រោះមហន្តរាយនេះនឹងជះឥទ្ធិពលធ្ងន់ធ្ងរទៅលើស្ថានភាពសេដ្ឋកិច្ចរបស់ ហ្រ្គើណាដ (Grenada)។ ការខាតបង់គឺអាចមានតម្លៃរាប់រយលានដុល្លារ ហើយនិងត្រូវចំណាយរាប់រយលានដុល្លារទៀតដើម្បីសាងសង់ឡើងវិញ»។ជំនន់ទឹកភ្លៀង និងកម្ទទេចកម្ទីបានរារាំងការវាយតម្លៃផលប៉ះពាល់នៅក្នុងប្រទេសហ្សាម៉ាអ៊ីក ដែលមានវិស័យកសិកម្មដំបូងគេបានរាយការណ៍អំពីការខូចខាតជាង ៦ លានដុល្លារ។ ទោះបីជាមានការបំភាយឧស្ម័នតិចតួចក៏ដោយ ក៏បណ្ដាប្រទេសការ៉ាអ៊ីបស្ថិតក្នុងចំណោមប្រទេសដែលងាយរងគ្រោះបំផុតចំពោះបម្រែបម្រួលអាកាសធាតុ ដែលកំពុងបង្កើនភាពញឹកញាប់ និងកម្រិតនៃព្យុះដ៏ខ្លាំងក្លា។ តំបន់នេះបានអំពាវនាវជាយូរមកហើយឱ្យមានសកម្មភាពបន្ថែមទៀតពីប្រទេសអ្នកមានទ្រព្យដែលបំពុលបរិស្ថាន ឱ្យគោរពការសន្យាអាកាសធាតុរបស់ពួកគេ និងពិចារណាលើការបន្ធូរបន្ថយបំណុល ប៉ុន្តែការផ្តល់ហិរញ្ញប្បទានទាក់ទងនឹងអាកាសធាតុ និងប្រាក់កម្ចី បានប្រមូលយកប្រាក់រាប់ពាន់លានដុល្លារត្រឡប់ទៅឱ្យប្រទេសអ្នកមានទាំងនោះវិញ៕

មនុស្សជាង ១៣០ ត្រូវជាប់ខ្លួននៅក្បែរព្រំដែនតំបន់ទីបេ របស់ចិន ដោយសារព្យុះភ្លៀងខ្លាំង

2024/07/10 01:01:30 pm        72
Facebook Telegram Linkin
យោងតាមប្រព័ន្ធផ្សព្វផ្សាយរដ្ឋរបស់ចិន បានឱ្យដឹងថា មនុស្សជាង ១៣០ នាក់ រួមទាំងអ្នកទេសចរត្រូវបានជាប់ខ្លួននៅក្នុងតំបន់ទីបេ (Tibet) ក្បែរព្រំដែនតំបន់ភ្នំហិម៉ាឡៃដ៏រដិបរដុបរបស់ប្រទេសចិន ជាមួយប្រទេសនេប៉ាល់ នៅថ្ងៃពុធ (១០ កក្កដា) នេះបន្ទាប់ពីភ្លៀងធ្លាក់ឥតឈប់ឈរបានធ្វើឱ្យមានបំណាក់ដី និងទឹកជំនន់ ដែលកាត់ផ្តាច់បណ្ដាញផ្លូវថ្នល់។ប្រព័ន្ធផ្សព្វផ្សាយបានរាយការណ៍ថា ផ្នែកជាច្រើននៃផ្លូវហាយវ៉េដ៏សំខាន់មួយឆ្ពោះទៅកាន់ទីប្រជុំជនទីបេ ដាច់ស្រយាល ចិនថាង (Zhentang) ត្រូវបានបំផ្លាញដោយទឹកជំនន់ ឬត្រូវបានរារាំងដោយបំណាក់ដី ស្របពេលមានភ្លៀងធ្លាក់ជាបន្តបន្ទាប់ចាប់តាំងពីថ្ងៃអាទិត្យមក។រហូតមកដល់ពេលនេះ មនុស្ស ៣៤២ នាក់ដែលជាប់គាំងត្រូវបានជម្លៀសទៅកាន់ក្រុងផ្សេងទៀតដោយក្រុមអ្នកជួយសង្គ្រោះ ប៉ុន្តែយ៉ាងហោចណាស់ ១៣០ នាក់ រួមទាំងអ្នកទេសចរនៅតែជាប់ខ្លួននៅក្នុងតំបន់ជុំវិញក្រុង ចិនថាង ដោយសារតែផ្លូវខូចខាត ភ្លៀងធ្លាក់ខ្លាំង និង «កង្វះកម្លាំងកាយ» ដោយសារតែផ្លូវត្រូវឆ្លងកាត់ឆ្ងាយខ្លាំងពេក។ប្រព័ន្ធផ្សព្វផ្សាយរដ្ឋបានព្រមានថា ព្យុះនៅក្នុងតំបន់រហូតដល់ថ្ងៃព្រហស្បតិ៍ នឹងបង្កើត «កម្រិតនៃការលំបាកកាន់តែខ្លាំង» ក្នុងការងារជួយសង្គ្រោះ។ យោងតាមការព្យាករអាកាសធាតុជាតិបានឱ្យដឹងថា ភ្លៀងធ្លាក់ពីកម្រិតមធ្យមទៅខ្លាំង ត្រូវបានគេរំពឹងថានឹងកើតមាននៅក្នុងភាគនិរតីនៃប្រទេសចិន រួមទាំងផ្នែកខ្លះនៃតំបន់ទីបេ ខេត្តស៊ីឈួន (Sichuan) និងខេត្ត យ៉ុនណាន (Yunnan)៕

កងទ័ពជើងទឹកកូឡុំប៊ី ប្រទះឃើញជនអន្តោប្រវេសន៍១៥នាក់ នៅលើសមុទ្រ ម្នាក់ស្លាប់ និង ៤នាក់ បាត់ខ្លួន

2024/07/10 12:48:18 pm        104
Facebook Telegram Linkin
យោងតាមការរាយការណ៍ចែករំលែកដោយកងទ័ពជើងទឹករបស់ប្រទេសអាមេរិកខាងត្បូង កាលពីថ្ងៃអង្គារបានឲ្យដឹងថា ជនអន្តោប្រវសេន៍១៥នាក់ ត្រូវបានប្រទះឃើញកំពុងរសាត់អណ្តែតនៅលើសមុទ្រ មានចម្ងាយប្រហែលមួយម៉ាយ ពីភាគខាងលិចកោះ San Andres របស់ប្រទេសកូឡុំប៊ី។អាជ្ញាធរ បានជួយសង្គ្រោះមនុស្សពេញវ័យ៩នាក់ មាន ជនជាតិកូឡុំប៊ី អេក្វាឌ័រ អ៊ីរ៉ង់ នីការ៉ាហ្គ័រ កាហ្សាក់ស្ថាន និងវ៉េណេស៊ុយអេឡា។អាជ្ញាធរ ក៏បានជួយសង្គ្រោះអនីតិជន ដែលរួមមានពីរនាក់មកពីប្រទេសកាហ្សាក់ស្ថាន បីនាក់មកពីវ៉េណេស៊ុយអេឡា និងម្នាក់ទៀតមិនទាន់ត្រូវបានកំណត់អត្តសញ្ញាណ។អាជ្ញាធរ បានរកឃើញសាកសពមនុស្សម្នាក់ និងបន្តស្វែងរកមនុស្ស៤នាក់ទៀត។ យោងតាមមេបញ្ជាការអង្គភាពឆ្មាំល្បាតឆ្នេរ កោះ San Andres បាននិយាយថា ជនអន្តោប្រវេសន៍ទាំងនេះ កំពុងព្យាយាមដើម្បីបានទៅដល់កោះមួយមានឈ្មោះថា Corn Island នៅក្នុងប្រទេសនីការ៉ាហ្គ័រ។

ចំនួនអ្នកជំងឺដោយសារក្ដៅខ្លាំងនៅជប៉ុនកើនឡើងបួនដង ខណៈសីតុណ្ហភាពក្ដៅខ្លាំងសម្លាប់មនុស្ស៦នាក់

2024/07/10 12:16:54 pm        130
Facebook Telegram Linkin
ទិន្នន័យបឋមពីទីភ្នាក់ងារគ្រប់គ្រងគ្រោះមហន្តរាយ និងអគ្គិភ័យបានបង្ហាញកាលពីថ្ងៃអង្គារសប្ដាហ៍នេះ ថា ចំនួនអ្នកជំងឺបញ្ជូនទៅមន្ទីរពេទ្យ ដោយសារជំងឺក្ដៅខ្លាំងពេក ឬសុរិយរោគ ក្នុងសប្តាហ៍នេះ បានកើនឡើងបួនដងធៀបនឹងសប្តាហ៍មុន ខណៈសីតុណ្ហភាពក្ដៅខ្លាំងឡើងដល់៤០ អង្សាសេនៅក្នុងទីក្រុងមួយចំនួន ស្របពេលមានរលកកម្ដៅក្ដៅខ្លាំង។ ក្នុងអំឡុងពេលនោះ មនុស្សចំនួន៩.១០៥នាក់ បានស្វែងរកការព្យាបាលនៅមន្ទីរពេទ្យសង្គ្រោះបន្ទាន់សម្រាប់ករណីការសង្ស័យថាមានជំងឺសុរិយរោគនៅទូទាំងប្រទេស ដែលច្រើនជាងពីរដងនៃចំនួន ក្នុងអំឡុងពេលដូចគ្នាកាលពីឆ្នាំមុន។ អ្នកដែលមានអាយុចាប់ពី ៦៥ ឆ្នាំឡើង ទៅមានចំនួន ៥.៣៧៨ នាក់ ស្មើនឹង ៥៩,១ នៃចំនួនសរុប។ស្ថានភាពក្តៅ និងសំណើមនៅពីក្រោយការស្លាប់ថ្មីៗមួយចំនួននៅក្នុងប្រទេសជប៉ុន បានជំរុញអ្នកស្រុកឱ្យប្រើប្រាស់ "ជម្រកត្រជាក់" ថ្មីដែលបានបង្កើតឡើងនៅជុំវិញរដ្ឋធានីកាលពីថ្ងៃអង្គារ ៩ កក្កដារួមទាំងនៅកន្លែងទេសចរណ៍ដ៏ពេញនិយម Tokyo Tower ។វិធានការនេះបានធ្វើឡើងខណៈអ្នកស្លាប់ដោយសារអាកាសធាតុក្ដៅខ្លាំងបានកើនឡើងដល់៦នាក់ ។ ក្រុមអាជ្ញាធរក្នុងប្រទេសជប៉ុនបានព្រមានកាលពីថ្ងៃអង្គារចំពោះហានិភ័យនៃជំងឺសុរិយរោគ នៅទីក្រុងតូក្យូ និងតំបន់នានានៅភាគខាងកើត និងខាងលិច ហើយបានជំរុញឱ្យប្រជាជនជៀសវាងការហាត់ប្រាណ ខណៈរបាយការណ៍ប្រព័ន្ធផ្សព្វផ្សាយក្នុងស្រុកបាននិយាយថា មនុស្សមួយចំនួនត្រូវបានបញ្ជូនទៅមន្ទីរពេទ្យ ក្នុងនោះខ្លះបានស្លាប់ ដោយសាររោគសញ្ញានៃជំងឺសុរិយរោគក្នុងរយៈពេលប៉ុន្មានថ្ងៃចុងក្រោយនេះ៕

ជនសង្ស័យ ជាមុខសញ្ញាឆក់យ៉ាងសកម្ម ចំនួន០៤នាក់ ត្រូវនគរបាលឃាត់ខ្លួន

2024/07/09 04:44:18 pm        104
Facebook Telegram Linkin
ភ្នំពេញ៖ មុខសញ្ញាចាស់ឆក់យ៉ាងសកម្មក្នុងរាជធានីភ្នំពេញ ត្រូវកម្លាំងជំនាញនៃនាយកដ្ឋាននគរបាលព្រហ្មទណ្ឌធ្វេីការឃាត់ខ្លួន។ ប្រតិបត្តិការនេះធ្វើឡើងវេលាម៉ោង០២និង៥០នាទី ទាបភ្លឺ ថ្ងៃទី០៧ ខែកក្កដា ឆ្នាំ២០២៤ ត្រង់ចំណុចផ្ទះសំណាក់យីហោ ដូងមាសថ្មី ផ្លូវលេខ០៣ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ។ក្រោយទទួលបានបទបញ្ជាដ៏ម៉ឺងម៉ាត់ របស់ថ្នាក់ដឹកនាំ លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋានទទួលផែនបានសហការគ្នាជាមួយលោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន បានដឹកនាំកម្លាំងជំនាញនាយកដ្ឋាន បានការធ្វេីការឃាត់ខ្លួនជនសង្ស័យបានចំនួន៤នាក់ និងដកហូតវត្ថុតាងមួយចំនួន។នគរបាលបានឲ្យដឹងថា ជនសង្ស័យទាំង០៤ នាក់មានឈ្មោះ ទី១៖ឈ្មោះ ថៃ បញ្ញា ហៅ ភុច ភេទប្រុស អាយុ១៩ឆ្នាំ ។ទី២៖ឈ្មោះ ស៊ី សុភ័ក្រ ហៅ តេង ភេទប្រុស អាយុ១៨ឆ្នាំ ។ទី៣៖ឈ្មោះ រ៉េត វិរះ ហៅ ឆ្កែ ភេទប្រុស អាយុ១៧ឆ្នាំ ។ និងទី៤៖ឈ្មោះ យ៉ាន់ ឧត្តម ហៅ ភេទប្រុស អាយុ២១ឆ្នាំ ។ក្នុងរង្វង់ប្រតិបត្តិការកម្លាំងនគរបាលបានដកហូតរួមមាន៖ ម៉ូតូម៉ាកស៊ុយស៊ូគីនិច ពណ៌ខ្មៅ ពាក់ស្លាកលេខ ភ្នំពេញ 1HI-3204(របស់ជនសង្ស័យ) និងម៉ូតូម៉ាកស៊ុយស៊ូគីនិច ពណ៌ស ពាក់ស្លាកលេខ ភ្នំពេញ 1KS-5724(របស់ជនសង្ស័យ)។បច្ចុប្បន្នជនសង្ស័យនឹងវត្ថុតាងត្រូវបាននគរបាលឃាត់និងកសាងសំណុំរឿង បញ្ជូន ទៅអយ្យការអមសាលាដំបូងរាជធានីភ្នំពេញ៕ អត្ថបទ ៖ កុម្ភះ

សាកសពអ្នក​ឡើងភ្នំជនជាតិអាមេរិកម្នាក់ ត្រូវបានរកឃើញនៅប៉េរូ បន្ទាប់ពីបាត់ខ្លួនអស់ ២២ឆ្នាំ

2024/07/09 01:43:57 pm        148
Facebook Telegram Linkin
នគរបាលប៉េរូ បាននិយាយកាលពីថ្ងៃចន្ទ (០៨ កក្កដា) ថា សាកសពអ្នកឡើងភ្នំជនជាតិអាមេរិកម្នាក់ ដែលបានបាត់ខ្លួនកាលពី ២២ ឆ្នាំមុន ខណៈពេលកំពុងឡើងភ្នំព្រិលនៅប្រទេសប៉េរូ ត្រូវបានរកឃើញបន្ទាប់ពីសាកសពត្រូវបង្ហាញឱ្យឃើញដោយសារការរលាយទឹកកកដែលបណ្ដាលមកពីបម្រែបម្រួលអាកាសធាតុ។លោក វីលៀម ស្តែមហ្វល (William Stampfl) ត្រូវបានគេរាយការណ៍ថាបានបាត់ខ្លួននៅក្នុងខែមិថុនា ឆ្នាំ២០០២ ក្នុងវ័យ ៥៩ ឆ្នាំ នៅពេលដែលបំណាក់ព្រិលដ៏ធំបានកប់សាកសពរបស់លោកនៅលើភ្នំ វ័រស្ការ៉ាន (Huascaran) ដែលមានកម្ពស់ជាង ៦.៧០០ ម៉ែត្រ ហើយកិច្ចខិតខំប្រឹងប្រែងស្វែងរក និងជួយសង្គ្រោះមិនទទួលបានលទ្ធផលទេនៅពេលនោះ។នគរបាលប៉េរូបាននិយាយថា សាកសពរបស់លោកត្រូវបានបង្ហាញដោយការរលាយទឹកកកនៅលើជួរភ្នំ ខឌីលឡេរ៉ា ប្លង់កា (Cordillera Blanca) នៃតំបន់ភ្នំអង់។ រាងកាយរបស់លោក Stampfl ក៏ដូចជាសម្លៀកបំពាក់ ខ្សែសុវត្ថិភាព និងស្បែកជើងកវែងរបស់លោកត្រូវបានរក្សាបានយ៉ាងល្អដោយសារភាពត្រជាក់ នេះបើយោងតាមរូបភាពចែកចាយដោយនគរបាល។ លិខិតឆ្លងដែនរបស់លោកត្រូវបានរកឃើញក្នុងចំណោមវត្ថុផ្សេងទៀត ដែលអនុញ្ញាតឱ្យនគរបាលងាយស្រួលកំណត់អត្តសញ្ញាណសាកសព។តំបន់ភ្នំនៅភាគពាយព្យនៃប្រទេសប៉េរូ ជាទីដែលមានកំពូលភ្នំព្រិលជាំច្រើនដូចជា ភ្នំ វ័រស្ការ៉ាន និងភ្នំ ខាសសាន (Cashan) គឺជាទីពេញចិត្តរបស់អ្នកឡើងភ្នំមកពីជុំវិញពិភពលោក។ កាលពីខែឧសភា សាកសពរបស់អ្នកឡើងភ្នំជនជាតិអ៊ីស្រាអែលម្នាក់ត្រូវបានគេរកឃើញនៅទីនោះ ជិតមួយខែបន្ទាប់ពីបានបាត់ខ្លួន។ ហើយនៅក្នុងខែមិថុនា អ្នកឡើងភ្នំជនជាតិអ៊ីតាលីដែលមានបទពិសោធន៍ម្នាក់ ត្រូវគេរកឃើញថាបានស្លាប់ ក្រោយធ្លាក់ពីលើភ្នំ ខណៈពេលដែលព្យាយាមឡើងទៅកំពូលភ្នំអង់មួយទៀត៕

ពលរដ្ឋប៉ាឡេស្ទីន រត់គេចពីការប្រយុទ្ធ ខណៈអ្នកសម្រុះសម្រួលជំរុញកិច្ចព្រមព្រៀងបទឈប់បាញ់

2024/07/09 11:25:59 am        70
Facebook Telegram Linkin
ពលរដ្ឋប៉ាឡេស្ទីន បានរត់ភៀសខ្លួនចេញពីការប្រយុទ្ធគ្នាខ្លាំងនៅទីក្រុងហ្កាហ្សា ខណៈយោធាអ៊ីស្រាអែល បានពង្រីកបទបញ្ជាជម្លៀសខ្លួន រយៈពេល៩ខែក្នុងសង្រ្គាមរបស់ខ្លួនជាមួយក្រុមសកម្មប្រយុទ្ធហាម៉ាស។យោងតាមមន្ត្រីបាននិយាយឲ្យដឹងថា ខណៈការប្រយុទ្ធគ្នាកាន់តែខ្លាំងឡើង ក្រុមហាម៉ាស និងអ៊ីស្រាអែល បានដាក់ការទាមទាររបស់ពួកគេសម្រាប់កិច្ចចរចាបទឈប់បាញ់ ខណៈអ្នកសម្រុះសម្រួលមកពីប្រទេសអេហ្ស៊ីប និងកាតា កំណត់ពេល ដើម្បីរៀបចំកិច្ចប្រជុំថ្មី ក្នុងសប្តាហ៍នេះ។យោងតាមទីភ្នាក់ងារការពារជនស៊ីវិល នៅក្នុងទឹកដីគ្រប់គ្រងដោយក្រុមហាម៉ាស បានឲ្យដឹងថា ទាហាន និងរថក្រោះរបស់អ៊ីស្រាអែល បានរុលចូលទៅក្នុងផ្នែកខ្លះនៅទីក្រុងហ្កាហ្សា នៅភាគខាងជើងទឹកដីដែលត្រូវបានហ៊ុមព័ទ្ធ ហើយបានប្រយុទ្ធជាមួយក្រុមសកម្មប្រយុទ្ធប៉ាឡេស្ទីន។ មនុស្សរាប់ពាន់នាក់កំពុងបន្តភៀសខ្លួនម្តងទៀត។ អ្នកនាំពាក្យកងទ័ពអ៊ីស្រាអែលម្នាក់ បាននិយាយនៅលើបណ្តាញផ្សព្វផ្សាយសង្គមថា យោធាអ៊ីស្រាអែល បានអំពាវនាវឱ្យពលរដ្ឋប៉ាឡេស្ទីន ចាកចេញពីផ្នែកមួយចំនួននៅភាគខាងលិចទីក្រុងហ្កាហ្សា( Gaza City) ដោយបានពង្រីកតំបន់ជម្លៀសខ្លួននៅក្នុងទីក្រុងធំបំផុតរបស់ដែនដីនេះ ដោយមានបទបញ្ជាមិនដល់២សប្តាហ៍ ។ នៅកន្លែងផ្សេងទៀតក្នុងតំបន់ហ្កាហ្សា រូបភាពរបស់ប្រព័ន្ធផ្សព្វផ្សាយ AFPTV បានបង្ហាញសមាជិកអឌ្ឍចន្ទក្រហមប៉ាឡេស្ទីន យកសាកសពចេញពីគំនរបាក់បែក បន្ទាប់ពីការវាយប្រហារនៅស្រុក Jabalia តំបន់ហ្កហ្សា។ យោធាអ៊ីស្រាអែល បានរាយការណ៍ថា ការវាយប្រហារបានដាក់ទៅលើគោលដៅជាច្រើនកន្លែង នៅក្នុងទីក្រុង Rafah និងទីក្រុង Khan Yunis ភាគខាងត្បូងតំបន់ហ្កហ្សា។

បណ្ដាញសង្គម

ព័ត៌មានថ្មីៗ

ពលរដ្ឋនៅតំបន់អតីតជម្លោះបង្ហាញភាពរីករាយ និងសាទរក្រោយយោធាកម្ពុជា និងថៃ​សម្រេច​ដក​អាវុធ​ធុន​ធ្ងន់​ទៅមូលដ្ឋានដើមវិញ
11/02/2025 10:11 AM
Facebook Telegram Linkin
មនុស្ស ១៥នាក់ស្លាប់ និង ៣០នាក់បាត់ខ្លួន ក្នុងហេតុការណ៍បំណាក់ដីនៅប្រទេសកេនយ៉ា
11/02/2025 10:11 AM
Facebook Telegram Linkin
មនុស្ស ១២នាក់ស្លាប់ និង ជាច្រើននាក់ផ្សេងទៀតរងរបួស ក្នុងហេតុការណ៍ជាន់គ្នានៅប្រទេសឥណ្ឌា
11/02/2025 10:11 AM
Facebook Telegram Linkin
រដ្ឋបាលខេត្តមណ្ឌលគិរី សហការជាមួយមន្ទីរទេសចរណ៍ខេត្ត រៀបចំព្រឹត្តិការណ៍ “សម្លព្រូង​បំពង់​ប្ញស្សី” លើកទី១ រយៈពេល៣ថ្ងៃ ដើម្បីលើកស្ទួយមុខម្ហូបជនជាតិដើមភាគតិច
11/02/2025 10:11 AM
Facebook Telegram Linkin
រដ្ឋមន្រ្តីក្រសួងការងារ៖ ដើម្បីឆ្លើយតបនឹងបម្រែបម្រួលឌីជីថលនីយកម្ម និងស្វ័យប្រវត្តិកម្ម ការពង្រឹងជំនាញ TVET និងជំនាញបច្ចេកវិទ្យា គឺជាកត្តាចាំបាច់បំផុត
11/02/2025 09:11 AM
Facebook Telegram Linkin
យោធភូមិភាគទី៤កម្ពុជា និងកងទ័ពភូមិភាគទី២ថៃ ចាប់ផ្តើមនៃការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ ក្រោមការសង្កេតការណ៍ពីក្រុម AOT
11/01/2025 07:11 PM
Facebook Telegram Linkin
ឯកឧត្តម សាយ សំអាល់៖ ការរស់នៅបានសុខក្នុងសន្តិភាព ធ្វើឲ្យជាតិសាសន៍នានានៅកម្ពុជារួមគ្នាប្រឆាំងសង្គ្រាម
11/01/2025 06:11 PM
Facebook Telegram Linkin
សម្តេចរដ្ឋសភាធិបតី ឃួន សុដារី អញ្ជើញដឹកនាំគណៈប្រតិភូរដ្ឋសភានិវត្តន៍មកកាន់មាតុប្រទេសវិញ ក្រោយបញ្ចប់ដំណើរទស្សនកិច្ចនៅប្រទេសហុងគ្រី និងចូលរួមវេទិកាសន្តិភាពប៉ារីស នៅប្រទេសបារំាង
11/01/2025 06:11 PM
Facebook Telegram Linkin
អភិបាលខេត្តព្រះវិហារ អញ្ជើញបើកបវេសនកាលឆ្នាំសិក្សាថ្មី ២០២៥-២០២៦ នៅសាលាបឋមសិក្សាគោកស្រឡៅ និង វិទ្យាល័យហ៊ុនសែនជាំក្សាន្ត ក្នុងស្រុកជាំក្សាន្ត
11/01/2025 06:11 PM
Facebook Telegram Linkin
អភិបាលខេត្តកំពង់ស្ពឺ ជំរុញមន្ទីរអប់រំពង្រឹងគុណភាពគ្រូបង្រៀន ដើម្បីបង្កើនគុណភាពមូលធនមនុស្ស
11/01/2025 05:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.