BTV NEWS

ជនជាតិឥណ្ឌូនេស៊ី ២១នាក់ ពាក់ព័ន្ធនឹងការលួចឆ្លងដែន ស្នាក់នៅ និងធ្វើការងារខុសច្បាប់ ត្រូវបានបណ្ដេញចេញពីកម្ពុជា

ជនជាតិឥណ្ឌូនេស៊ី ៧២នាក់ ពាក់ព័ន្ធនឹងOnline Scams ត្រូវបានបណ្ដេញចេញពីកម្ពុជា

ក្រសួងសន្តិសុខសាធារណៈចិន ចុះពិនិត្យទីតាំងធ្លាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យានៅតំបន់ OP ក្រុងបាវិត

ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ

សន្តិសុខ និង សង្គម

តំណាងរាស្ត្រអ៊ីស្រាអែលជំរុញឲ្យមេដឹកនាំពិភពលោកទទួលយកជនភៀសខ្លួនហ្កាហ្សា ខណៈមានសង្រ្គាម

តំណាងរាស្ត្រជាន់ខ្ពស់ចំនួន២រូបរបស់អ៊ីស្រាអែល បានជំរុញដល់មេដឹកនាំពិភពលោកឲ្យទទួលយកជនភៀសខ្លួនប៉ាឡេស្ទីន ស្របពេលសង្រ្គាមអ៊ីស្រាអែល-ហ្កាហ្សា នៅក្នុងលិខិតមួយដែលបានចេញផ្សាយកាលពីថ្ងៃអង្គារនៅក្នុងសារពេ័ត៌មាន The Wall Street Journal។ សមាជិកគណបក្សលីគូដ (Likud ) លោក ដានី ដាណុន(Danny Danon) និងសមាជិក បក្ស យ៉េសអាទីដ (Yesh Atid) លោករាំបេនបារ៉ាក់ (Ram Ben-Barak)បាននិយាយថា មេដឹកនាំមានការចាំបាច់ខាងសីលធម៌ ដើម្បីជួយប្រជាជន ហ្កាហ្សា ដោយអនុញ្ញាតឱ្យជនភៀសខ្លួន ចំនួនមានកំណត់ ដែលចង់ផ្លាស់ប្តូរទីលំនៅពីតំបន់ហែកហួរដោយសង្រ្គាមចូលទៅក្នុងប្រទេសរបស់ពួកគេ។ អង្គការសហប្រជាជាតិបានប៉ាន់ប្រមាណថា យុទ្ធនាការទម្លាក់គ្រាប់បែករបស់អ៊ីស្រាអែល និងការលុកលុយថ្មើរជើងនៅតំបន់ហ្កាហ្សាបានធ្វើឱ្យមនុស្សជាង ១.៥ លាននាក់ផ្លាស់ទីលំនៅ។ អង្គការសហប្រជាជាតិ បាននិយាយថាផ្ទះសម្បែងប្រហែលមួយភាគបួនលានក៏ត្រូវបានខូចខាត ឬបំផ្លាញផងដែរ។យោធាអ៊ីស្រាអែលបានជំរុញឱ្យ ពលរដ្ឋហ្កាហ្សា ផ្លាស់ទីពីភាគខាងជើងនៃដែនដី ទំហំ១៤០ ម៉ាយក្រឡាទៅភាគខាងត្បូង ដើម្បីជៀសវាងការជាប់ខ្លួននៅក្នុងជម្លោះអស់រយៈពេលជាច្រើនសប្តាហ៍ ទោះបីជាការវាយប្រហារនៅតែបន្តកើតមានពាសពេញតំបន់ក៏ដោយ។ តំណាងរាស្ត្រទាំងពីរបានលើកឡើងថា ការទទួលយកជនភៀសខ្លួន ហ្កាហ្សានឹងមិនខុសពីកិច្ចខិតខំប្រឹងប្រែងរបស់អឺរ៉ុបក្នុងការទទួលយកជនភៀសខ្លួនពីសង្គ្រាមស៊ីវិលស៊ីរី និងលីប៊ីក្នុងទសវត្សរ៍ចុងក្រោយនេះ និងការខិតខំប្រឹងប្រែងស្រដៀងគ្នាទាក់ទងនឹងសង្គ្រាមយូហ្គោស្លាវីកាលពីទសវត្សរ៍ឆ្នាំ ១៩៩០នោះឡើយ។ លោកទាំង២បានសរសេរថា បណ្តាប្រទេសជុំវិញពិភពលោកគួរតែផ្តល់ជម្រកសម្រាប់ក្រុមពលរដ្ឋហ្កាហ្សា ដែលស្វែងរកការផ្លាស់ទីលំនៅ ។ប្រទេសនានាអាចសម្រេចបានដោយបង្កើតកម្មវិធីផ្លាស់ប្តូរទីលំនៅដែលមានរចនាសម្ព័ន្ធល្អ និងសម្របសម្រួលជាអន្តរជាតិ៕

សហរដ្ឋអាមេរិក នឹងបន្តផ្តល់ជំនួយស្បៀងអាហារទូទាំងប្រទេសអេត្យូពី នៅខែក្រោយ

សេចក្តីថ្លែងការណ៍របស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) ដែលឃើញដោយ Reuters កាលពីថ្ងៃអង្គារថា ទីក្រុងវ៉ាស៊ីនតោន នឹងបន្តផ្តល់ជំនួយស្បៀងអាហារដល់ប្រជាជននៅ ទូទាំងប្រទេសអេត្យូពី នៅខែក្រោយ បន្ទាប់ពីជំនួយត្រូវបានផ្អាកកាលពីដើមឆ្នាំនេះ បន្ទាប់ពីការអនុវត្តកំណែទម្រង់ដ៏ទូលំទូលាយ។ វិបត្តិស្បៀងអាហាររបស់ប្រទេសអេត្យូពី បានកាន់តែខ្លាំងឡើងក្នុងប៉ុន្មានឆ្នាំថ្មីៗនេះ ដោយសារសង្គ្រាម នៅក្នុងតំបន់ទីហ្រ្គេ(Tigray) និងគ្រោះរាំងស្ងួតដ៏អាក្រក់បំផុតរបស់ទ្វីបអាហ្រ្វិក ក្នុងរយៈពេលជាច្រើនទសវត្សរ៍។សេចក្តីថ្លែងការណ៍ បាននិយាយថា៖«USAID កំពុងប្តេជ្ញាចិត្តចំពោះរយៈពេលសាកល្បងមួយឆ្នាំនៃការបន្តឡើងវិញទូទាំងប្រទេស ក្នុងអំឡុងពេលដែលយើងនឹងតាមដាន និងវាយតម្លៃជាបន្តបន្ទាប់អំពីប្រសិទ្ធភាពនៃកំណែទម្រង់ដែលដាក់ចេញដោយ USAID ដៃគូអនុវត្ត និងរដ្ឋាភិបាលនៃប្រទេសអេត្យូពី»។កាលពីខែមិថុនា USAID បាននិយាយថា ខ្លួនកំពុងផ្អាកជំនួយស្បៀងអាហារដល់ប្រទេសអេត្យូពី ដោយសារតែជំនួយរបស់ខ្លួន ត្រូវបានគេលួច ហើយកាលពីខែមុន បានបន្តជំនួយស្បៀងអាហារដល់ ជនភៀសខ្លួននៅក្នុងប្រទេសនេះ។ការសម្រេចចិត្តនេះ បានប៉ះពាល់ដល់កន្លែងជនភៀសខ្លួនរាប់សិបកន្លែង ប៉ុន្តែគ្មាននរណាម្នាក់នៅក្នុងទីតំបន់ទីហ្គ្រេដែលជាកន្លែងសង្គ្រាមរយៈពេលពីរឆ្នាំរវាងរដ្ឋាភិបាលសហព័ន្ធ និងកងកម្លាំងដែលដឹកនាំដោយគណបក្សនយោបាយលេចធ្លោក្នុងតំបន់ បានបញ្ចប់ក្នុងបទឈប់បាញ់កាលពីខែវិច្ឆិកាឆ្នាំមុន។ ជម្លោះនេះ បានបណ្តាលឲ្យមនុស្សរាប់ម៉ឺននាក់ ស្លាប់ និងបង្កើតលក្ខខណ្ឌដូចជាការស្រេកឃ្លានសម្រាប់មនុស្សរាប់សែននាក់។

មនុស្សមួយចំនួនចូលខ្លួនសារភាពក្នុងករណីបាញ់បោះសេរីជាង ២០០គ្រាប់លើភ្នំគិរីរម្យ

ករណីបាញ់បោះសេរីជាង ២០០គ្រាប់លើភ្នំគិរីរម្យ មានមនុស្សមួយចំនួនបានចូលខ្លួនសារភាព និងកំពុងត្រូវបាននគរបាលសាកសួរ។ប្រភពព័ត៌មានបានឲ្យដឹងថា ករណីបាញ់បោះសេរីជាង ២០០គ្រាប់លើភ្នំគិរីរម្យ មានមនុស្សចំនួន ៤នាក់ បានចូលខ្លួនសារភាពនៅការិយាល័យសន្តិសុខ នៃស្នងការដ្ឋាននគរបាលខេត្តកំពង់ស្ពឺ កាលពីយប់ថ្ងៃទី១៤ ខែវិច្ឆិកាម្សិលមិញ ហើយមកដល់ពេលនេះនគរបាលបាននឹងកំពុងបន្តការសាកសួរ។ លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺបានប្រាប់នៅព្រឹកថ្ងៃទី១៥ ខែវិច្ឆិកា ឆ្នាំ២០២៣ ឲ្យដឹងថា ករណីនេះនគរបាលកំពុងបន្តនីតិវិធី មិនទាន់បានបញ្ជូនខ្លួននរណាម្នាក់ទៅតុលាការនោះទេ។ ទោះជាយ៉ាងណា លោកមិនបានបញ្ជាក់អំពីអត្តសញ្ញាណមនុស្សទាំង ៤នាក់នោះទេ។ប្រភពព័ត៌មានបានបន្ថែមឲ្យដឹងថា កាលពីថ្ងៃទី១៤ ខែវិច្ឆិកាម្សិលមិញ តុលាការបានចេញដីកាបញ្ជាឲ្យនាំខ្លួនជនបង្កក្នុងករណីបាញ់បោះសេរីនេះផងដែរ។សូមជម្រាបថា កាលពីព្រឹកថ្ងៃទី១៣ ខែវិច្ឆិកា ឆ្នាំ២០២៣ អាជ្ញាធរខេត្តកំពង់ស្ពឺ បានបង្កើតគណៈកម្មការចំរុះមួយ ដោយមានការដឹកនាំ និងសម្របសម្រួលដោយតំណាងអយ្យការផង បានចុះទៅស្រាវជ្រាវនៅចំណុចផ្ទះលំហែស្ថិតនៅភូមិថ្មី តំបន់ចំការតែ ឃុំចំបក់ ស្រុកភ្នំស្រួច ខេត្តកំពង់ស្ពឺ ដោយបានទទួលព័ត៌មានថា កាលពីថ្ងៃទី១១ ខែវិច្ឆិកា ឆ្នាំ២០២៣ ចាប់ពីវេលាម៉ោង១៦និង០០នាទី រហូតដល់យប់ជ្រៅ នៅទីតាំងកើតហេតុមានកម្មពីធីខួបកំណើតឈ្មោះ ឆាយ ភេទប្រុស រស់នៅរាជធានីភ្នំពេញ និងមានការបាញ់បោះសេរីជាបន្តបន្ទាប់ ដោយបានរកឃើញសំបកគ្រាប់កាំភ្លើងខ្លីចំរុះចំនួន ១១២គ្រាប់ សំបកគ្រាប់កាំភ្លើងM16 ចំនួន ៣៦គ្រាប់ និងសំបកគ្រាប់កាំភ្លើង AKចំនួន ៥៥គ្រាប់៕ អត្ថបទ ៖ ប្រាក់ វ៉ាន់ដា

មន្ត្រីអាមេរិករាប់រយនាក់ បានចុះហត្ថលេខាលើលិខិតទាមទារឲ្យមានបទឈប់បាញ់ ក្នុងសង្គ្រាមអ៊ីស្រាអែល-ហាម៉ាស

មន្ត្រីអាមេរិកជាង ៥០០នាក់ បានផ្ញើលិខិតមួយច្បាប់កាលពីថ្ងៃអង្គារទៅកាន់លោកប្រធានាធិបតី ចូ បៃដិន ដែលរិះគន់គោលនយោបាយរបស់លោក ក្នុងសង្គ្រាមអ៊ីស្រាអែល និងក្រុមហាម៉ាស ហើយបានអំពាវនាវឲ្យមានបទឈប់បាញ់ជាបន្ទាន់ ដោយបង្ហាញពីការបែកបាក់រវាងលោកបៃដិន និងមនុស្សជាច្រើន នៅក្នុងរដ្ឋបាលរបស់ខ្លួនជុំវិញការគាំទ្រអ៊ីស្រាអែល។លិខិតដែលត្រូវបានរាយការណ៍កាលពីថ្ងៃអង្គារដោយសារព័ត៌មាន New York Times បានបង្ហាញពីក្រុមប្រឆាំងលោកបៃដិនដែលប្រឈមមុខនឹងការរីកចម្រើនជាច្រើន សូម្បីតែអ្នកខ្លះដែលធ្វើការឲ្យលោកសម្រាប់ការគាំទ្រឥតឈប់ឈររបស់លោកចំពោះអ៊ីស្រាអែល ខណៈដែលវាជំរុញឲ្យមានការវាយប្រហារតាមអាកាស នៅតំបន់ហ្កាហ្សា បន្ទាប់ពីការវាយប្រហាររបស់ពួកហាម៉ាស កាលពីថ្ងៃទី៧ ខែតុលា។សារព័ត៌មាន The Times បានរាយការណ៍ថា អ្នកចុះហត្ថលេខា ដែលគ្របដណ្តប់ទីភ្នាក់ងាររដ្ឋាភិបាលចំនួន៤០ និងរាប់បញ្ចូលទាំងអ្នកគេតែងតាំង និងបុគ្គលិកផ្នែកនយោបាយ នៅតែមិនបញ្ចេញឈ្មោះ ដោយលើកឡើងពីការព្រួយបារម្ភនៃការបាត់បង់ការងារ និងសុវត្ថិភាពផ្ទាល់ខ្លួនរបស់ពួកគេ។លិខិតនោះសរសេរថា៖«យើងអំពាវនាវឲ្យលោកប្រធានាធិបតីបៃដិនទាមទារជាបន្ទាន់នូវបទឈប់បាញ់។ និងដើម្បីអំពាវនាវឲ្យមានការបន្ធូរបន្ថយជម្លោះបច្ចុប្បន្ន ដោយធានាឲ្យមានការដោះលែងចំណាប់ថ្នូរអ៊ីស្រាអែលជាបន្ទាន់ និងការឃុំខ្លួនជនជាតិប៉ាឡេស្ទីនតាមអំពើចិត្ត ការស្ដារឡើងវិញនូវទឹកប្រើប្រាស់ ប្រេងឥន្ធនៈ អគ្គិសនី និងសេវាមូលដ្ឋានផ្សេងទៀត និងការអនុម័តជំនួយមនុស្សធម៌គ្រប់គ្រាន់ទៅដល់តំបន់ហ្កាហ្សាស្ទី្រប»។

មន្ត្រីហាម៉ាស៖ សង្រ្គាមហ្កាហ្សា ធ្វើឲ្យមន្ទីរពេទ្យ២៥ ក្នុងចំណោមមន្ទីរពេទ្យ ៣៥ កន្លែងក្នុងតំបន់ហ្កាហ្សាមិនអាចដំណើរការបាន

មន្ត្រីក្រុមហាម៉ាស បាននិយាយកាលពីថ្ងៃអង្គារថា ការទម្លាក់គ្រាប់បែក និងការលុកលុយរបស់អ៊ីស្រាអែលទៅលើតំបន់ហ្កាហ្សាស្ទ្រីប បានធ្វើឱ្យមន្ទីរពេទ្យចំនួន ២៥ក្នុងចំណោមមន្ទីរពេទ្យ ៣៥កន្លែង នៅក្នុងដែនដីដែលត្រូវបានឡោមព័ទ្ធមួយនេះ លែងដំណើរការបាន ។ លោក អូសាម៉ា ហាំដាន (Osama Hamdan) មន្ត្រីក្រុមហាម៉ាស ដែលមានមូលដ្ឋាននៅទីក្រុង បេរូត(Beirut) បានប្រាប់សន្និសីទសារព័ត៌មាននៅរដ្ឋធានីប្រទេសលីបង់ថា សង្គ្រាមនេះក៏បានបំផ្លាញអគាររដ្ឋាភិបាលចំនួន ៩៤ កន្លែង និងសាលារៀនចំនួន ២៥៣ កន្លែងផងដែរ។ ប្រជាជនប៉ាឡេស្ទីនដែលជាប់នៅក្នុងមន្ទីរពេទ្យដ៏ធំបំផុតរបស់តំបន់ហ្កាហ្សាកំពុងជីកផ្នូរដ៏ធំមួយកាលពីថ្ងៃអង្គារដើម្បីបញ្ចុះសពអ្នកជំងឺដែលបានស្លាប់នៅក្រោមការឡោមព័ទ្ធរបស់អ៊ីស្រាអែល ហើយបាននិយាយថាមិនមានផែនការណាមួយដើម្បីជម្លៀសទារកនោះទេ ទោះបីជាអ៊ីស្រាអែលបានប្រកាសពីការផ្តល់ជូនឧបករណ៍ចិញ្ចឹមទារកចល័តក៏ដោយ។ កងកម្លាំងអ៊ីស្រាអែលបានឡោមព័ទ្ធមន្ទីរពេទ្យអាល់ស៊ីហ្វា(Al-Shifa) ក្នុងទីក្រុង ហ្កាហ្សា ដែលពួកគេនិយាយថា ស្ថិតនៅលើទីស្នាក់ការក្រោមដីរបស់ពួកសកម្មប្រយុទ្ធហាម៉ាស។ក្រុមហាម៉ាស ដែលបានគ្រប់គ្រងតំបន់ហ្កាហ្សានេះ បានបដិសេធថាក្រុមយុទ្ធជន មានវត្តមាន ហើយនិយាយថាអ្នកជំងឺ ៦៥០ នាក់និងជនស៊ីវិលដែលផ្លាស់ទីលំនៅផ្សេងទៀតចាប់ពី៥.០០០នាក់ ទៅ ៧.០០០នាក់ ត្រូវបានជាប់នៅក្នុងបរិវេណមន្ទីរពេទ្យក្រោមការបាញ់ប្រហារឥតឈប់ឈរពីកងកម្លាំង ឆ្មក់បាញ់ស៊ីប និងយានដ្រូន ។ ក្រុមនេះនិយាយថាអ្នកជំងឺ ៤០ នាក់បានស្លាប់ក្នុងរយៈពេលប៉ុន្មានថ្ងៃថ្មីៗនេះ រួមទាំងទារកកើតមិនគ្រប់ខែចំនួន ៣ នាក់ដែលឧបករណ៍ចិញ្ចឹមទារក ត្រូវបានបិទនៅពេល ដាច់ភ្លើង៕

អ៊ុយក្រែនបញ្ជាក់ថា រុស្ស៊ីនឹងខាតបង់ដ៏ធ្ងន់ធ្ងរសម្រាប់ទីក្រុងអាវឌីអ៊ីវកា (Avdiivka)

ប្រធានាធិបតីអ៊ុយក្រែន លោក វ៉ូឡូមៀ ហ្សេឡិនស្គី ( Volodymyr Zelenskiy) បាននិយាយកាលពីថ្ងៃអង្គារថា ការការពារទីក្រុង Avdiivka ភាគខាងកើតដែលរងការខូតខាតធ្ងន់ធ្ងរ គឺជាគន្លឹះនៃផែនការសង្រ្គាមរបស់ ទីក្រុងគីវ ជាមួយនឹងការបាត់បង់ដ៏ធ្ងន់ធ្ងររបស់រុស្ស៊ីនៅទីនោះ ទំនងជាធ្វើឲ្យខូចដល់ដំណើរការរបស់ទីក្រុងម៉ូស្គូចំពោះជម្លោះកាន់តែធំនេះ។ទន្ទឹមនឹងនោះ ប្រធានបុគ្គលិករបស់លោហ្សេឡិនស្គី បានទទួលស្គាល់ជាលើកដំបូងថា កងកម្លាំងរបស់អ៊ុយក្រែន នៅតំបន់ Kherson ភាគខាងត្បូង បានបង្កើតទីតាំងឈរជើង នៅច្រាំងខាងកើតនៃទន្លេ Dnipro ដែលអាចបើកការវាយប្រហារថ្មីមួយឆ្ពោះទៅកាន់តំបន់គ្រីម៉េ(Crimea)។កងទ័ពរុស្ស៊ី បានបោះបង់ចោលច្រាំងខាងលិច កាលពីមួយឆ្នាំមុន ហើយបានកាន់កាប់ទីតាំងនៅត្រើយខាងកើត ដែលពួកគេបានវាយលុកទីក្រុងមួយចំនួន និងភូមិនានា ដែលនៅទល់មុខច្រាំងនេះ។កងកម្លាំងរបស់ទីក្រុងម៉ូស្គូ បានផ្តោតទៅលើអ៊ុយក្រែនភាគខាងកើត ចាប់តាំងពីការបរាជ័យក្នុងការរុលចូលទៅទីក្រុងគីវ ក្នុងថ្ងៃដំបូងនៃការលុកលុយខែកុម្ភៈ ឆ្នាំ ២០២២។ ពួកគេ បានផ្តោតគោលដៅនៅទីក្រុងអាវឌីអ៊ីវកា តាំងពីពាក់កណ្តាលខែតុលា ហើយមន្ត្រីមកពីទីក្រុង ដែលមានប្រជាជនមុនសង្គ្រាមចំនួន ៣២.០០០ នាក់ បាននិយាយថា ពុំមានអគារណាមួយ ស្ថិតក្នុងស្ថានភាពដើមនោះទេ។

មន្ត្រីតំបន់ហ្កាហ្សា ព្រមានពីការវាយឆ្មក់របស់អ៊ីស្រាអែល ទៅលើមន្ទីរពេទ្យអាល់ស៊ីហ្វា

អ្នកនាំពាក្យក្រសួងសុខាភិបាលហ្កាហ្សា បានព្រមាននៅថ្ងៃពុធ (១៥ វិច្ឆិកា) នេះអំពីលទ្ធភាពនៃការវាយឆ្មក់របស់អ៊ីស្រាអែល លើអគារមន្ទីរពេទ្យ អាល់ស៊ីហ្វា (Al Shifa) នៃតំបន់នេះ ដោយនិយាយថាអ៊ីស្រាអែល បានជូនដំណឹងដល់មន្ត្រីសុខាភិបាលហ្កាហ្សា ថាកងកម្លាំងរបស់ខ្លួននឹងវាយឆ្មក់ទីតាំងនោះ។ យោធាអ៊ីស្រាអែល ដែលត្រូវបានស្នើសុំការអត្ថាធិប្បាយបាននិយាយថា ខ្លួនកំពុងពិនិត្យមើលបញ្ហានេះ។អ្នកនាំពាក្យក្រសួងសុខាភិបាលហ្កាហ្សា លោក Ashraf al-Qidra បានប្រាប់សារព័ត៌មាន Al Jazeera ថា អ៊ីស្រាអែល «បានជូនដំណឹងយើងថា ខ្លួននឹងវាយឆ្មក់អគារមន្ទីរពេទ្យ អាល់ស៊ីហ្វា នៅប៉ុន្មាននាទីខាងមុខនេះ»។ប៉ុន្តែលោកបានបន្ថែមថា៖ «អ៊ីស្រាអែលមិនបានបញ្ជាក់ថា តើកងកម្លាំងរបស់ខ្លួននឹងចូលទៅក្នុងបរិវេណមន្ទីរពេទ្យនោះឬយ៉ាងណាទេ ប៉ុន្តែបាននិយាយថា ក្នុងរយៈពេលប៉ុន្មាននាទី ទាហាននឹងវាយឆ្មក់នៅបរិវេណនោះ។ យើងក៏មិនដឹងពីចេតនារបស់អ៊ីស្រាអែល ជាមួយនឹងការវាយឆ្មក់នោះដែរ»។កងកម្លាំងអ៊ីស្រាអែលបានឡោមព័ទ្ធមន្ទីរពេទ្យ អាល់ស៊ីហ្វា ដែលជាមន្ទីរពេទ្យដ៏ធំបំផុតរបស់តំបន់ហ្កាហ្សា បន្ទាប់ពីបានធ្វើការប្រយុទ្ធគ្នាតាមដងផ្លូវយ៉ាងស្វិតស្វាញជាមួយនឹងក្រុមសកម្មប្រយុទ្ធហាម៉ាស ដែលពួកគេបានចោទប្រកាន់ថា មានប៉ុស្តិ៍បញ្ជាការនៅក្រោមអគារនោះ។ សហរដ្ឋអាមេរិក កាលពីថ្ងៃអង្គារ បានលើកឡើងពីការស៊ើបអង្កេត ដែលគាំទ្រការអះអាងរបស់អ៊ីស្រាអែល ជុំវិញទីបញ្ជាការសម្ងាត់នោះ ប៉ុន្តែក្រុមហាម៉ាស បានបដិសេធ៕

កូរ៉េខាងជើង ធ្វើតេស្តលើដីនៃម៉ាស៊ីនប្រភេទថ្មីសម្រាប់មីស៊ីលដោយជោគជ័យ

កូរ៉េខាងជើងនិយាយថា ខ្លួនបានធ្វើតេស្តលើដីជាលើកដំបូងដោយជោគជ័យនូវម៉ាស៊ីនឥន្ធនៈរឹងប្រភេទថ្មីសម្រាប់មីស៊ីលបាលិស្ទិកកម្រិតមធ្យម។ ប្រព័ន្ធផ្សព្វផ្សាយរដ្ឋរបស់ប្រទេសនេះបានរាយការណ៍នៅថ្ងៃពុធ (១៥ វិច្ឆិកា) នេះថា ការធ្វើតេស្តនៃម៉ាស៊ីនដំណាក់កាលទីមួយ និងម៉ាស៊ីនដំណាក់កាលទីពីរ ត្រូវបានធ្វើឡើងនៅថ្ងៃសៅរ៍ និងថ្ងៃអង្គារ រៀងគ្នា។ទីក្រុងព្យុងយ៉ាង បានបាញ់សាកល្បងម្តងហើយម្តងទៀតនូវមីស៊ីលបាលិស្ទិកកម្រិតមធ្យមប្រភេទឥន្ធនៈរាវ ដោយមីស៊ីលខ្លះបានហោះរំលងប្រទេសជប៉ុន។ បណ្ដាប្រទេសដែលពាក់ព័ន្ធ កំពុងស្ថិតក្នុងការប្រកាសអាសន្នមុនថ្ងៃសៅរ៍ នៅពេលដែលកូរ៉េខាងជើង ត្រូវបានគេរំពឹងថា នឹងប្រារព្ធ «ទិវាឧស្សាហកម្មមីស៊ីល» ដែលខ្លួនទើបតែបានបង្កើតឡើង៕

គុយបា ស្តីបន្ទោសទណ្ឌកម្មអាមេរិក ដែលបង្កឱ្យមានការធ្វើអន្តោប្រវេសន៍មិនទៀងទាត់ ចំពេលមនុស្សសម្រុកចាកចេញ

ក្រុមមន្ត្រីគុយបា និងសហរដ្ឋអាមេរិក បានជួបប្រជុំគ្នាកាលពីថ្ងៃអង្គារ ១៤ វិច្ឆិកា នៅទីក្រុង ឡាហាវ៉ាន់ ដើម្បីពិភាក្សាអំពីការធ្វើអន្តោប្រវេសន៍ ដែលជាកិច្ចប្រជុំលើកទី ២ នៅឆ្នាំនេះ ខណៈ ប្រទេសទាំងពីរកំពុងពិភាក្សាអំពីមធ្យោបាយល្អបំផុតដើម្បីបន្ថយលំហូរបំបែកកំណត់ត្រានៃប្រជាជនគុយបា ភាគខាងជើងសម្រុកទៅកាន់សហរដ្ឋអាមេរិក ។ សហរដ្ឋអាមេរិក ដែលជាគោលដៅធំបំផុតសម្រាប់ការធ្វើអន្តោប្រវេសន៍គុយបា កាលពីឆ្នាំ២០២២ បានពិភាក្សាជាថ្មីជាមួយគុយបា ហើយចាប់តាំងពីពេលនោះមក បានបង្កើនផ្លូវច្បាប់លើការធ្វើអន្តោប្រវេសន៍សម្រាប់គុយបា រួមទាំងការទទួលបានទិដ្ឋាការនៅទីក្រុងឡាហាវ៉ាន់ ការជួបជុំគ្រួសារ និងកម្មវិធីលើកលែងទោសមនុស្សធម៌ ក្នុងបំណងទប់ស្កាត់ការធ្វើអន្តោប្រវេសន៍ខុសច្បាប់។ អនុរដ្ឋមន្ត្រីការបរទេសគុយបាលោក ខាឡូស ហ្វឺណាដេស ដឺកូស៊ីសូ (Carlos Fernandez de Cossio)បាននិយាយថា ប៉ុន្តែបញ្ហានឹងមិនរលាយបាត់ឡើយ រហូតដល់សហរដ្ឋអាមេរិកបន្ធូរបន្ថយទណ្ឌកម្មលើកោះនេះ ដែលគុយបា បានស្តីបន្ទោសចំពោះការបំផ្លិចបំផ្លាញសេដ្ឋកិច្ចគ្រប់គ្រងដោយរដ្ឋដែលកំពុងរងគ្រោះស្រាប់។អាមេរិកនិយាយថា ទណ្ឌកម្ម គឺចាំបាច់ដើម្បីលើកកម្ពស់សិទ្ធិមនុស្ស និងសេរីភាពជាមូលដ្ឋាននៅគុយបា និងធ្វើឱ្យមានការលើកលែងសម្រាប់គោលបំណងមនុស្សធម៌។ ក្រសួងការបរទេសសហរដ្ឋអាមេរិកបាននិយាយនៅក្នុងសេចក្តីថ្លែងការណ៍ខ្លីមួយថា កិច្ចពិភាក្សាកាលពីថ្ងៃអង្គារគឺ ស្របតាមចំណាប់អារម្មណ៍របស់យើងក្នុងការជំរុញការជួបជុំគ្រួសារឡើងវិញ និងលើកកម្ពស់ការគោរពកាន់តែច្រើនឡើងសម្រាប់សិទ្ធិមនុស្ស និងសេរីភាពជាមូលដ្ឋាននៅក្នុងប្រទេសគុយបា ។គួររម្លឹកថា ពលរដ្ឋគុយបាស្ថិតក្នុងចំណោមមនុស្សរាប់ម៉ឺននាក់មកពីប្រទេសមួយចំនួននៅអាមេរិកឡាទីន និងតំបន់សមុទ្រការ៉ាអីប ដែលបានឆ្លងចូលសហរដ្ឋអាមេរិកពីម៉ិកស៊ិកក្នុងប៉ុន្មានសប្តាហ៍ថ្មីៗនេះ ដែលបានបង្កក្ដីបារម្ភដល់មន្ត្រីនៅក្នុងទីក្រុងជាប់ព្រំដែនសហរដ្ឋអាមេរិក និងជំរុញឱ្យមានការពន្យារពេលការធ្វើពាណិជ្ជកម្ម៕

អាមេរិក៖ ក្រុមហាម៉ាស មានមជ្ឈមណ្ឌលទីបញ្ជាការនៅក្រោមមន្ទីរពេទ្យអាល់ស៊ីហ្វាក្នុងតំបន់ហ្កាហ្សា

សហរដ្ឋអាមេរិកនិយាយថា ខ្លួនមានរបាយការណ៍ចារកម្មថា ក្រុមហាម៉ាស មានមជ្ឈមណ្ឌលទីបញ្ជាការមួយស្ថិតនៅក្រោមមន្ទីរពេទ្យ អាល់ស៊ីហ្វ(Al-Shifa) ក្នុងទីក្រុង ហ្កាហ្សា។អ្នកនាំពាក្យសន្តិសុខជាតិ លោក John Kirby បាននិយាយថា ក្រុមនេះបានរក្សាទុកអាវុធនៅទីនោះ ហើយត្រូវបានត្រៀមសម្រាប់ការវាយប្រហារលើប្រទេសអ៊ីស្រាអែល។នេះជាលើកទីមួយហើយដែលអាមេរិកបានគាំទ្រដោយឯករាជ្យលើការអះអាងរបស់សម្ព័ន្ធមិត្តជិតស្និទ្ធ អ៊ីស្រាអែល ដែលថាក្រុមហាម៉ាស ប្រើប្រាស់មន្ទីរពេទ្យដើម្បីលាក់មូលដ្ឋានរបស់ខ្លួនតែ ក្រុមហាម៉ាសបដិសេធរឿងនេះ។សេចក្តីថ្លែងការណ៍នេះបានកើតឡើង ស្របពេលអ៊ីស្រាអែលប្រឈមនឹងសម្ពាធពិភពលោកកាន់តែខ្លាំងឡើងឲ្យការពារជនស៊ីវិល ដែលជាប់នៅក្នុងមន្ទីរពេទ្យនោះ។លោកប្រធានាធិបតីអាមេរិកលោក Joe Biden បាននិយាយថា មន្ទីរពេទ្យ Al-Shifa ត្រូវតែទទួលបានការគាំពារ ពីការប្រយុទ្ធគ្នាដ៏ខ្លាំងក្លានៅជុំវិញបរិវេណនោះ ហើយនាយករដ្ឋមន្ត្រីអង់គ្លេសលោក រីស៊ី ស៊ូណាក់ (Rishi Sunak) បាននិយាយថា អ៊ីស្រាអែលត្រូវតែចាត់វិធានការស្របតាមច្បាប់អន្តរជាតិ។ នៅតំបន់ជុំវិញ មន្ទីរពេទ្យ Al-Shifa ដែលជាមន្ទីរពេទ្យដ៏ធំបំផុតរបស់ តំបន់ហ្កាហ្សា បានក្លាយជាចំណុចសំខាន់នៃការប្រយុទ្ធគ្នាក្នុងពេលប៉ុន្មានថ្ងៃថ្មីៗនេះ។ មនុស្សរាប់ពាន់នាក់ត្រូវបានគេជឿថាកំពុងស្នាក់នៅក្នុងមន្ទីរពេទ្យនោះ។ លោក Kirby បាននិយាយថា សហរដ្ឋអាមេរិកមានព័ត៌មានចារកម្មខ្លួនឯង ដែលប្រមូលបានពីប្រភពផ្សេងៗ ដោយលើកឡើងថា ក្រុមហាម៉ាស និងក្រុមអ៊ីស្លាមជីហាដ បានប្រើប្រាស់មន្ទីរពេទ្យនានាក្នុងតំបន់ហ្កាហ្សាស្ទ្រីប និងរូងក្រោមដី នៅពីក្រោមមន្ទីរពេទ្យ ដើម្បីធ្វើប្រតិបត្តិការយោធា និងឃុំខ្លួនចំណាប់ថ្នូរ៕

បណ្ដាញសង្គម

ព័ត៌មានថ្មីៗ

កម្ពុជា-ឡាវ ប្តេជ្ញាបន្តពង្រឹងកិច្ចសហប្រតិបត្តិការសភា និងត្រៀមបន្តសុពលភាព MOU ឆ្នាំ២០២៧

អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន

ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ

ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា

សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី

សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម

សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី

កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូយុទ្ធសាស្ត្រជាមួយគ្នាឱ្យកាន់តែរីកចម្រើន

ធុរជននិយាយភាសាបារាំងមើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី

កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877