BTV NEWS

បង្រ្កាបអគារប្រព្រឹត្តបទល្មើស Online Scams នៅទីតាំង ១កន្លែង ក្នុងក្រុងប៉ោយប៉ែត ឃាត់ខ្លួនមនុស្សប្រមាណ ៣០០នាក់

កម្លាំងគណៈបញ្ជាការឯកភាពរាជធានី បន្តប្រតិបត្តិការឆ្មក់ចុះបង្ក្រាប Online Scams នៅខណ្ឌ៧មករា ឃាត់ជនបរទេស៤០នាក់

ជនជាតិចិន ៣២៩នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញពីព្រះរាជាណាចក្រកម្ពុជា

ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត

សន្តិសុខ និង សង្គម

អ៊ីស្រាអែលនិយាយថា កងកម្លាំងរបស់ខ្លួនបានឡោមព័ទ្ធទីក្រុងហ្កាហ្សាហើយ

យោធាអ៊ីស្រាអែលបាននិយាយថា កងកម្លាំងរបស់ខ្លួន កាលពីថ្ងៃព្រហស្បតិ៍បានឡោមព័ទ្ធទីក្រុងហ្កាហ្សា ជាទីក្រុងសំខាន់របស់ហ្កាហ្សាស្ទ្រីប (Gaza Strip)ក្នុងការវាយលុករបស់ពួកគេលើក្រុមហាម៉ាស ប៉ុន្តែក្រុមសកម្មប្រយុទ្ធប៉ាឡេស្ទីនបានទប់ទល់នឹងវាយប្រហារដ៏សន្ធាប់របស់ពួកគេ វាយប្រហារពីផ្លូវរូងក្រោមដី។ ទីក្រុងនៅភាគខាងជើងតំបន់ហ្កាហ្សាស្រ្ទីប បានក្លាយជាគោលដៅចម្បងបំផុតនៃការវាយប្រហារសម្រាប់អ៊ីស្រាអែល ដែលបានប្តេជ្ញាថានឹងបំផ្លាញរចនាសម្ព័ន្ធបញ្ជាការដ្ឋានរបស់ក្រុមអ៊ីស្លាមមួយនេះ ហើយបានប្រាប់ជនស៊ីវិលឱ្យភៀសខ្លួនទៅកាន់ភាគខាងត្បូង។ លោកនាយករដ្ឋមន្ត្រី បេន ចាមីន ណេតាន យ៉ាហ៊ូ (Benjamin Netanyahu) បាននិយាយនៅក្នុងសេចក្តីថ្លែងការណ៍មួយថា យើងឈានដល់កម្រិតកំពូលនៃសមរភូមិ។ យើងបានទទួលជោគជ័យគួរឱ្យចាប់អារម្មណ៍ ហើយបានឆ្លងផុតហួស ជាយក្រុង ហ្កាហ្សា ហើយ ។ យើងកំពុងឈានទៅមុខ ។ លោកពុំបានផ្តល់ព័ត៌មានលម្អិតបន្ថែមទេ។ ស្របពេលមានការផ្ទុះយ៉ាងខ្លាំងនៅក្នុងតំបន់ហ្កាហ្សា អ្នកនាំពាក្យយោធាអ៊ីស្រាអែល លោកឧត្តមនាវីទោដានីញែល ហាហ្គារី (Daniel Hagari) បានប្រាប់អ្នកយកព័ត៌មានថា កងទ័ពប្រទេសរបស់លោកបានបញ្ចប់ការឡោមព័ទ្ធទីក្រុង ហ្កាហ្សា ហើយ ដែលជាចំណុចស្នូលនៃអង្គការភេរវកម្មហាម៉ាស ។ចំណែក លោក អាប៊ូ អ៊ូបៃដា(Abu Ubaida) អ្នកនាំពាក្យក្រុមប្រដាប់អាវុធហាម៉ាសបាននិយាយក្នុងសុន្ទរកថាតាមទូរទស្សន៍មួយកាលពីថ្ងៃព្រហស្បតិ៍ថា ចំនួនអ្នកស្លាប់របស់ទាហានអ៊ីស្រាអែលនៅហ្កាហ្សាមានចំនួនច្រើនជាងដែលយោធាបានប្រកាស។ លោកបាននិយាយថា ទាហានរបស់អ្នកនឹងត្រលប់មកវិញដោយថង់រុំសាកសពពណ៌ខ្មៅ ។អ៊ីស្រាអែលបាននិយាយថា ខ្លួនបានបាត់បង់ទាហាន១៨នាក់ និងបានសម្លាប់ពួកសកម្មប្រយុទ្ធរាប់សិបនាក់ ចាប់តាំងពីប្រតិបត្តិការថ្មើរជើងបានពង្រីកកាលពីថ្ងៃសុក្រមក៕

ការចាប់ខ្លួនអ្នកយកព័ត៌មានទួរគីដ៏លេចធ្លោបីនាក់ បានបង្កឲ្យមានការព្រួយបារម្ភអំពីសេរីភាពក្នុងការបញ្ចេញមតិយោបល់

ក្រុមអ្នកតស៊ូមតិក្នុងសេរីភាពនៃការបញ្ចេញមតិ បានសម្តែងការព្រួយបារម្ភរបស់ពួកគេ កាលពីថ្ងៃព្រហស្បតិ៍ ជុំវិញការពង្រីកការបង្រ្កាបរបស់រដ្ឋលើសេរីភាពសារព័ត៌មាននៅក្នុងប្រទេសទួរគី បន្ទាប់ពីការចាប់ខ្លួនអ្នកកាសែត ដែលមានកេរ្តិ៍ឈ្មោះល្បីបីនាក់ ពីបទចោទប្រកាន់ថា «ផ្សព្វផ្សាយព័ត៌មានមិនពិត»។ប្រព័ន្ធផ្សព្វផ្សាយទួរគី បានរាយការណ៍ថា លោក Tolga Sardan និង Dicer Gokce ត្រូវបានឃុំខ្លួនដាច់ដោយឡែកពីគ្នា និងចោទប្រកាន់ កាលពីថ្ងៃពុធ។ ពួកគេ ត្រូវបានឃុំខ្លួនក្រោមអ្វីដែលហៅថា «ច្បាប់ព័ត៌មានមិនពិត» ដែលត្រូវបានអនុម័ត កាលពីឆ្នាំមុន ដែលនៅក្រោមច្បាប់នេះ អ្នកសារព័ត៌មាននិងអ្នកប្រើប្រព័ន្ធផ្សព្វផ្សាយសង្គម ប្រឈមនឹងការជាប់ពន្ធនាគាររហូតដល់បីឆ្នាំ ប្រសិនបើត្រូវបានកាត់ទោស។តុលាការមួយ បានចាប់ឃុំខ្លួនលោក Sardan មានវ័យ៥៥ឆ្នាំ បន្ទាប់ពីការិយាល័យអគ្គរដ្ឋអាជ្ញាក្រុងអ៊ីស្តង់ប៊ុល បានបើកការស៊ើបអង្កេតលើការរាយការណ៍របស់គាត់លើប្រព័ន្ធតុលាការ និងទីភ្នាក់ងារស៊ើបការណ៍សម្ងាត់ជាតិទួរគី (MIT) នេះបើយោងតាមសារព័ត៌មាន T24 ជាកន្លែងដែលលោកធ្វើការនោះ។មជ្ឈមណ្ឌលសម្រាប់ការប្រយុទ្ធប្រឆាំងនឹងព័ត៌មានមិនពិតរបស់រដ្ឋាភិបាលដែលគ្រប់គ្រងដោយនាយកប្រតិបត្តិផ្នែកទំនាក់ទំនងរបស់ការិយាល័យប្រធានាធិបតី បាននិយាយថា អត្ថបទមួយរបស់លោក Sardan មានព័ត៌មានមិនពិត ហើយផ្អែកលើរបាយការណ៍របស់MITដែលមិនមានទេ។

មនុស្សរាប់រយនាក់ចូលរួមដង្ហែក្បួនគាំទ្រប៉ាឡេស្ទីនក្នុងរដ្ឋធានី អាក្រា (Accra)ប្រទេសហ្គាណា

ក្រុមបាតុករពលរដ្ឋហ្គាណារាប់រយនាក់បានដើរតាមដងផ្លូវនៃរដ្ឋធានី អាក្រា (Accra) កាលពីថ្ងៃព្រហស្បតិ៍ ទី ២ ខែវិច្ឆិកា ដើម្បីទាមទារឲ្យមានបទឈប់បាញ់ នៅក្នុងតំបន់ ហ្កាហ្សា ខណៈជម្លោះរវាងអ៊ីស្រាអែល និងក្រុមសកម្មប្រយុទ្ធ ហាម៉ាសនៅតែបន្ត និងរីកកាន់តែធំ។ ក្រុមអ្នកតវ៉ាបានប្រមូលផ្តុំគ្នានៅផ្លូវដ៏សំខាន់មួយដែលត្រូវបានដាក់ឈ្មោះ ថា ក្វេមគ្រូម៉ា (Kwame Nkrumah) ដែលជាឈ្មោះ ប្រធានាធិបតីទីមួយរបស់ប្រទេសនេះ និងជាមេដឹកនាំឯករាជ្យ ដោយបិទផ្លូវចរាចរណ៍ដ៏សំខាន់នេះ ។ក្រុមបាតុករ រួមទាំងកូនស្រីរបស់លោកគ្រូម៉ា (Nkrumah) ឈ្មោះ សាមីយ៉ា គ្រូម៉ា (Samia Nkrumah) បានកាន់បដាដែលមានរូបភាពជនជាតិប៉ាឡេស្ទីន រងរបួស និងឃ្លា ដូចជា និយាយថាទេចំពោះឧក្រិដ្ឋកម្មសង្រ្គាម ។ ការតវ៉ាជាអន្តរជាតិបាននិងកំពុងកើនឡើងក្នុងរយៈពេលប៉ុន្មានថ្ងៃកន្លងមកនេះ ដោយមានបាតុកម្មទ្រង់ទ្រាយធំនៅក្នុងទីក្រុងមួយចំនួន ដូចជាទីក្រុងឡុងដ្រ និងញូវយ៉ក ជាដើម បានអំពាវនាវឲ្យមានបទឈប់បាញ់ដើម្បីមនុស្សធម៌ អនុញ្ញាតឲ្យមានជំនួយចូលទៅក្នុងតំបន់ ហ្កាហ្សា៕

សេចក្តីថ្លែងការណ៍ផ្លូវការ៖ ហ្ស៊កដានី នឹងប្រាប់លោកប្ល៊ីនខិនថា អ៊ីស្រាអែលត្រូវតែបញ្ឈប់សង្គ្រាម នៅតំបន់ហ្កាហ្សាជាបន្ទាន់

រដ្ឋមន្ត្រីការបរទេសហ្ស៊កដានី លោក Ayman Safadi នឹងប្រាប់រដ្ឋមន្ត្រីការបរទេសអាមេរិក លោកអង់តូនី ប្ល៊ីនខិន ( Antony Blinken) នៅទីក្រុងអាម៉ាន ( Amman) នៅថ្ងៃសៅរ៍ថា អ៊ីស្រាអែល ត្រូវតែបញ្ចប់សង្រ្គាមរបស់ខ្លួនលើតំបន់ហ្កហ្សា ជាកន្លែងដែលលោក បាននិយាយថា ខ្លួនកំពុងប្រព្រឹត្តឧក្រិដ្ឋកម្មសង្គ្រាមដោយការទម្លាក់គ្រាប់បែកលើជនស៊ីវិល និងដាក់ការឡោមព័ទ្ធនៅទីនោះ។នៅក្នុងសេចក្តីថ្លែងការណ៍របស់ក្រសួងការបរទេស លោក Safadi បានព្រមានថា ការមិនត្រៀមខ្លួនរបស់អ៊ីស្រាអែលក្នុងការបញ្ចប់សង្រ្គាម កំពុងជំរុញតំបន់នេះឆ្ពោះទៅរកសង្រ្គាមក្នុងតំបន់យ៉ាងឆាប់រហ័ស ដែលគំរាមកំហែងដល់សន្តិភាពពិភពលោក។លោក Safadi បាននិយាយថា៖«Safadi នឹងបញ្ជាក់(ចំពោះលោក ប៊្លីនខិន) នូវតម្រូវការ ដើម្បីចាត់វិធានការជាបន្ទាន់ ក្នុងការបញ្ឈប់សង្គ្រាមអ៊ីស្រាអែលនៅតំបន់ហ្កាហ្សា ... ហើយថា អ៊ីស្រាអែលត្រូវគោរពតាមច្បាប់អន្តរជាតិ និងបញ្ឈប់ការបំពានរបស់ខ្លួន។ថ្លែងទៅកាន់អ្នកសារព័ត៌មានមួយសន្ទុះ មុននឹងចេញដំណើរជាលើកទីពីរទៅកាន់មជ្ឈិមបូព៌ា ក្នុងរយៈពេលមិនដល់មួយខែផងនោះ លោក ប្ល៊ីនខិន បាននិយាយថា ការពិភាក្សាអំពីអនាគតនៃតំបន់ហ្កាហ្សា នៅពេលណា និងប្រសិនបើក្រុមហាម៉ាស ត្រូវបរាជ័យ ហើយវិធីដើម្បីធានាថា ជម្លោះមិនរីករាលដាល នឹងក្លាយជាផ្នែកនៃការផ្តោតដ៏សំខាន់ ក្នុងអំឡុងពេលធ្វើដំណើររបស់លោកផងដែរ។

មេដឹកនាំក្រុមហេសបូឡា នឹងនិយាយអំពីការជាប់ពាក់ព័ន្ធក្នុងសង្គ្រាមអ៊ីស្រាអែល-ហាម៉ាស

លោក Hassan Nasrallah មេដឹកនាំក្រុមហេសបូឡា បានត្រៀមខ្លួនរួចជាស្រេច ដើម្បីនិយាយអំពីសង្គ្រាមអ៊ីស្រាអែល និងក្រុមហាម៉ាស នៅក្នុងសុន្ទរកថាសាធារណៈលើកដំបូងរបស់ខ្លួន នៅថ្ងៃសុក្រនេះ។ក្រុមហេសបូឡា ដែលគាំទ្រដោយប្រទេសអ៊ីរ៉ង់ បាននិងកំពុងជួញដូរអាវុធជាមួយកងកម្លាំងអ៊ីស្រាអែលនៅតាមព្រំដែនជាមួយប្រទេសលីបង់ ក្នុងប៉ុន្មានសប្តាហ៍ថ្មីៗនេះ ប៉ុន្តែបានរារាំងពីការប្រកាសសង្គ្រាមទ្រង់ទ្រាយធំលើអ៊ីស្រាអែល។ក្រុមមន្ត្រី បានបង្ហាញពីការត្រៀមខ្លួនប្រយុទ្ធរបស់ក្រុមនេះ ទោះបីជាលោក Nasrallah បាននៅស្ងៀមក៏ដោយ។លោក Nasrallah អាចផ្តល់ការចង្អុលបង្ហាញច្បាស់បំផុតនៅឡើយទេអំពីសកម្មភាពដែលក្រុម Hezbollah នឹងធ្វើ នៅពេលដែលអ៊ីស្រាអែលដាក់សម្ពាធលើការវាយលុករបស់ខ្លួន នៅតំបន់ហ្កាហ្សាស្រ្ទីប។ទោះបីជាមានទំនាក់ទំនងជាមួយក្រុមហាម៉ាសក៏ដោយ សំណួរនៅតែលើកឡើងអំពីថាតើក្រុមនេះ ចង់បញ្ចូលខ្លួនចូលទៅក្នុងសង្រ្គាមពេញលេញដែរឬយ៉ាងណា ជាវិធានការមួយដែលអាចផ្លាស់ប្តូរការគិតសម្រាប់សហរដ្ឋអាមេរិក និងទាញវាចូលទៅក្នុងជម្លោះនេះដោយផ្ទាល់តែម្តង។

កុបកម្មប្រឆាំងជនជាតិជ្វីហ្វនៅរុស្ស៊ី ធ្វើឱ្យជនជាតិជ្វីហ្វក្នុងស្រុកមួយចំនួនមានអារម្មណ៍មិនស្ងប់

ជនជាតិជ្វីហ្វមួយចំនួន ដែលទៅកាន់ទីបញ្ចុះសពរបស់ជនជាតិជ្វីហ្វដ៏ធំទូលាយមួយនៃទីក្រុង Derbent ក្នុងតំបន់ដាហ្គេស្ថាន (Dagestan) ដែលមានជនជាតិមូស្លីមរស់នៅភាគច្រើន របស់ប្រទេសរុស្ស៊ី បាននិយាយកាលពីថ្ងៃព្រហស្បតិ៍ (២ វិច្ឆិកា) ថា កុបកម្មប្រឆាំងជនជាតិជ្វីហ្វ កាលពីរយៈពេលបួនថ្ងៃមុន បានធ្វើឱ្យពួកគេមានអារម្មណ៍មិនស្ងប់ទាល់តែសោះ។កុប្បកម្ម ដែលបានកើតឡើងនៅអាកាសយានដ្ឋាននៃរដ្ឋធានីក្នុងតំបន់ Makhachkala ចម្ងាយ ១០៧គីឡូម៉ែត្រ ពីទីក្រុង Derbent បានមើលឃើញអ្នកស្រុកដាហ្គេស្ថាន រាប់រយនាក់ ដែលភាគច្រើនជាបុរសវ័យក្មេង បានសម្រុកចូលតាមអគារស្ថានីយ និងនៅតាមផ្លូវដើរនានានៃអាកាសយានដ្ឋាន ដើម្បីរារាំងជនជាតិអ៊ីស្រាអែល និងជនជាតិជ្វីហ្វ ដែលទើបតែមកដល់ក្នុងប្រទេសរុស្ស៊ី នៅលើជើងហោះហើរពីទីក្រុង Tel Aviv របស់អ៊ីស្រាអែល។នគរបាលបានធ្វើការចាប់ខ្លួនមនុស្សជាង ៨០នាក់ ហើយប្រធានាធិបតីរុស្ស៊ី លោក វ្លាឌីមៀ ពូទីន ដែលបានចោទប្រកាន់លោកខាងលិច និងអ៊ុយក្រែន ថាបានបង្កបញ្ហានេះកើតឡើងនោះ បានកោះប្រជុំបន្ទាន់ជាមួយបណ្ដាប្រមុខសន្តិសុខដើម្បីពិភាក្សាពីអ្វីដែលអាចធ្វើបាន ដើម្បីការពារមិនឲ្យហេតុការណ៍បែបនោះកើតឡើងម្តងទៀត។សហគមន៍ជ្វីហ្វ ដែលស្ថិតនៅភាគកណ្តាលនៃទីក្រុង Derbent មួយនេះ ធ្លាប់មានប្រជាជនចំនួន ១៣.០០០នាក់ក្នុងឆ្នាំ១៩៨៩ រយៈពេលពីរឆ្នាំមុនការដួលរលំនៃសហភាពសូវៀត ប៉ុន្តែចាប់តាំងពីការដួលរលំនោះមក ចំនួនមនុស្សបានធ្លាក់ចុះមកត្រឹមរាប់រយនាក់ប៉ុណ្ណោះ។ មនុស្សជាច្រើនបានឆ្លៀតយកប្រយោជន៍ពីព្រំដែនដែលទើបបើកថ្មីដើម្បីធ្វើអន្តោប្រវេសន៍ទៅកាន់អ៊ីស្រាអែល រួមទាំងផ្លាស់ទៅទីក្រុងមូស្គូ ឬទីក្រុងផ្សេងទៀតក្នុងប្រទេសរុស្ស៊ី ផងដែរ៕

ការស្អប់ខ្ពើមជនជាតិជ្វីហ្វ បានរីករាលដាលកាន់តែខ្លាំងទូទាំងពិភពលោក ស្របពេលសង្រ្គាមនៅតំបន់ហ្កាហ្សា

ប្រទេសជាច្រើនជុំវិញពិភពលោក បានចាប់ផ្តើមមើលឃើញកំណើននៃការស្អប់ខ្ពើមចំពោះជនជាតិជ្វីហ្វ ដោយបានផ្ទុះឡើងកាន់តែខ្លាំង ស្របពេលជម្លោះជុំថ្មីនៃសង្រ្គាមរវាងអ៊ីស្រាអែល និងក្រុមហាម៉ាស ដែលបានសម្លាប់មនុស្សរាប់ពាន់នាក់។ រូបតំណាងក្នុងទង់ជាតិអ៊ីស្រាអែល គឺរូបផ្កាយខៀវ ដែលត្រូវបានប្រើថ្នាំបាញ់ជាប់ជញ្ជាំងរាប់សិបផ្ទាំង បានគ្របដណ្តប់លើអគារលំនៅឋានក្នុងទីក្រុងប៉ារីស ក្នុងសប្តាហ៍នេះ ក្នុងឧប្បត្តិហេតុមួយ ដែលទីក្រុង និងរដ្ឋាភិបាលបារាំង ចាត់ទុកថាបង្កឡើងដោយអ្នកប្រឆាំងនឹងជនជាតិជ្វីហ្វ។អគារនានា ដែលមានស្លាកសញ្ញាគំនូរបែបនេះ គ្រាន់តែជាឧទាហរណ៍មួយក្នុងចំនោមឧទាហរណ៍ថ្មីៗនៃឧប្បត្តិហេតុប្រឆាំងជនជាតិជ្វីហ្វ ដែលបានកើនឡើងទូទាំងពិភពលោក ចាប់តាំងពីការវាយប្រហារដោយខ្មាន់កាំភ្លើងក្រុមហាម៉ាស លើភាគខាងត្បូងអ៊ីស្រាអែល កាលពីថ្ងៃទី៧ ខែតុលា ព្រមទាំងសង្រ្គាមជាបន្តបន្ទាប់ លើក្រុមអ៊ីស្លាមនិយមមួយនេះ ដែលបានចាប់ផ្តើមដោយអ៊ីស្រាអែល នៅតំបន់ហ្កាហ្សា ស្ទ្រីប មក។នៅសហរដ្ឋអាមេរិក ក្រុមមន្ត្រីសេតវិមាន បានសម្តែងការព្រួយបារម្មណ៍ក្នុងសប្តាហ៍នេះចំពោះរបាយការណ៍ជាច្រើនស្តីពីឧប្បត្តិហេតុប្រឆាំងជនជាតិជ្វីហ្វ។ ក្រុមមន្ត្រីរដ្ឋបាលលោកប្រធានាធិបតី ចូ បៃដិន ក៏បានជួបជាមួយបណ្ដាមេដឹកនាំជនជាតិជ្វីហ្វ សញ្ជាតិអាមេរិក ដើម្បីពិភាក្សាអំពីវិធីទប់ស្កាត់ការកើនឡើងនៃការប្រឆាំងជនជាតិជ្វីហ្វ ជាពិសេសនៅតាមបណ្ដាសកលវិទ្យាល័យអាមេរិក។នៅក្នុងបណ្ដាប្រទេសជាច្រើន មានដូចជាសហរដ្ឋអាមេរិក អង់គ្លេស បារាំង អាល្លឺម៉ង់ និងអាហ្វ្រិកខាងត្បូង បានបង្ហាញកំណើនបញ្ហាទាំងនោះយ៉ាងច្បាស់ ដោយចំនួនឧបទ្ទវហេតុប្រឆាំងជនជាតិជ្វីហ្វ បានកើនឡើងរាប់រយភាគរយចាប់តាំងពីថ្ងៃទី៧ ខែតុលា មកបើធៀបនឹងរយៈពេលដូចគ្នាកាលពីឆ្នាំមុន៕

UN៖ ការវាយប្រហាររបស់អ៊ីស្រាអែល លើជំរំជនភៀសខ្លួនតំបន់ហ្កាហ្សា អាចជាឧក្រិដ្ឋកម្មសង្គ្រាម

ការិយាល័យសិទ្ធិមនុស្សរបស់អង្គការសហប្រជាជាតិ បាននិយាយកាលពីថ្ងៃពុធ (១ វិច្ឆិកា) ថា ការវាយប្រហារតាមអាកាសរបស់អ៊ីស្រាអែល ទៅលើជំរំជនភៀសខ្លួនដ៏ធំបំផុតរបស់តំបន់ហ្កាហ្សា ស្រ្ទីប «អាចស្មើនឹងឧក្រិដ្ឋកម្មសង្គ្រាម»។ ការវាយប្រហាររបស់អ៊ីស្រាអែល បានកំណត់គោលដៅលើជំរំជនភៀសខ្លួន ចាបាលីយ៉ា (Jabalia) ចំនួនពីរដងក្នុងរយៈពេលពីរថ្ងៃ ដោយបានបណ្ដាលឲ្យមនុស្សស្លាប់ និងរបួសរាប់សិបនាក់ នេះបើយោងតាមក្រសួងសុខាភិបាលនៅក្នុងទឹកដីប៉ាឡេស្ទីន គ្រប់គ្រងដោយក្រុមហាម៉ាស។ការិយាល័យសិទ្ធិមនុស្ស របស់UN បានសរសេរនៅលើបណ្ដាញសង្គម X ថា «ដោយសារចំនួនជនស៊ីវិលស្លាប់ និងរបួសច្រើន ព្រមទាំងទំហំដ៏ធំនៃការបំផ្លិចបំផ្លាញ បន្ទាប់ពីការវាយប្រហារតាមអាកាសរបស់អ៊ីស្រាអែល លើជំរំជនភៀសខ្លួន ចាបាលីយ៉ា យើងមានការព្រួយបារម្ភយ៉ាងខ្លាំងថា ប្រតិបត្តិការទាំងនេះគឺជាការវាយប្រហារមិនសមាមាត្រ ដែលអាចឈានដល់ឧក្រិដ្ឋកម្មសង្គ្រាម»។សូមបញ្ជាក់ថា គោលការណ៍សមាមាត្រ ដែលអង្គការសហប្រជាជាតិសំដៅទៅលើនោះ ដើរតួនាទីសំខាន់ក្នុងច្បាប់សង្គ្រាម ដែលកំណត់ដោយអនុសញ្ញាទីក្រុងហ្សឺណែវ។ ឧក្រិដ្ឋកម្មនៃសង្រ្គាមមួយត្រូវបានប្រព្រឹត្តឡើង នៅពេលដែលការវាយប្រហារត្រូវបានធ្វើឡើងដោយចេតនាប្រឆាំងនឹងជនស៊ីវិល ឬប្រសិនបើទំហំនៃការខូចខាតដល់ជនស៊ីវិល គឺហួសប្រមាណបើប្រៀបធៀបទៅនឹងអត្ថប្រយោជន៍យោធា៕

សភាអាមេរិក បរាជ័យក្នុងការបណ្តេញសមាជិកបក្សសាធារណរដ្ឋ លោក George Santos ចេញពីតំណែង

ការបោះឆ្នោតបណ្ដេញសមាជិកសភាមកពីបក្សសាធារណៈរដ្ឋ លោក ចច សានតូស (George Santos) ចេញពីសភាតំណាងរាស្រ្តអាមេរិក បានបរាជ័យកាលពីថ្ងៃពុធ (១ វិច្ឆិកា) នៅពេលដែលសមាជិកសភាតិចជាង ពីរភាគបី បានគាំទ្រសេចក្ដីសម្រេចនេះ។សមាជិកសភាមកពីរដ្ឋញ៉ូវ យ៉ក វ័យ ៣៥ឆ្នាំរូបនេះ បានផ្ដល់ចម្លើយពីភាពគ្មានទោសក្នុងការចោទប្រកាន់របស់ខ្លួន ពីឧក្រិដ្ឋកម្មេជាច្រើនករណី រួមទាំងការសម្អាតប្រាក់ដើម្បីទូទាត់ការចំណាយផ្ទាល់ខ្លួន ការទទួលបានអត្ថប្រយោជន៍ពីភាពគ្មានការងារធ្វើដោយខុសច្បាប់ និងទូទាត់ប្រាក់ពីប័ណ្ណឥណទានរបស់ម្ចាស់ជំនួយ ដោយគ្មានការយល់ព្រមពីពួកគេផងដែរ។សមាជិកសភានៃបក្សសាធារណៈរដ្ឋមកពីរដ្ឋញ៉ូវ យ៉ក ផ្សេងទៀត បាននិយាយកាលពីខែមុនថា ពួកគេនឹងដាក់ចេញនូវសេចក្ដីសម្រេចមួយដើម្បីបណ្តេញលោក សាន់តូស ចេញពីតំណែង ប៉ុន្តែចំណាត់ការនេះត្រូវបានពន្យារពេលជាច្រើនសប្តាហ៍ នៅពេលដែលសភាអាមេរិក ពុំមានអ្នកដឹកនាំបន្ទាប់ពីការបណ្តេញអតីតប្រធានសភា លោក Kevin McCarthy ចេញពីតំណែង។ការបណ្តេញសមាជិកសភា តម្រូវឱ្យមានការបោះឆ្នោតដោយសំឡេងពីរភាគបីនៃសភា។ មានតែមនុស្ស ៥នាក់ប៉ុណ្ណោះ ដែលត្រូវបានបណ្តេញចេញពីសភាក្នុងប្រវត្តិសាស្ត្ររបស់ប្រទេសនេះ ដោយមនុស្ស ៣នាក់ ត្រូវបានបោះឆ្នោតបណ្ដេញចេញដោយសារការប្រយុទ្ធប្រឆាំងនឹងរដ្ឋាភិបាលសហរដ្ឋអាមេរិក នៅក្នុងសង្គ្រាមស៊ីវិល របស់ប្រទេសមួយនេះ៕-

ការតវ៉ាបានផ្ទុះឡើងនៅភាគនិរតីនៃប្រទេសឥណ្ឌា ជុំវិញបញ្ហាការងារ

ឧបទ្ទវហេតុនៃការតវ៉ា និងអំពើហឹង្សាជាបន្តបន្ទាប់ ដោយប្រជាជននៃសហគមន៍ ម៉ារ៉ាថា (Maratha) ត្រូវបានរាយការណ៍ពីរដ្ឋ ម៉ាហារ៉ាស្រ្តា (Maharashtra) ភាគនិរតីនៃប្រទេសឥណ្ឌា ក្នុងរយៈពេលប៉ុន្មានថ្ងៃកន្លងមកនេះ។តម្រូវការចម្បងរបស់បាតុករ គឺទទួលបានឳកាសការងារក្នុងគ្រឹះស្ថានឧត្តមសិក្សា និងការងាររដ្ឋាភិបាល។ ឧប្បត្តិហេតុនៃការតវ៉ា និងអំពើហឹង្សា ត្រូវបានរាយការណ៍ពីស្រុកចំនួន ៨ នៅទូទាំងរដ្ឋរបស់ឥណ្ឌាមួយនេះ។ក្នុងរយៈពេលពីរថ្ងៃកន្លងមកនេះ មនុស្សរាប់រយនាក់ ត្រូវបាននគរបាលក្នុងតំបន់ឃាត់ខ្លួនពីបទប្រើប្រាស់ហិង្សា និងបំផ្លាញទ្រព្យសម្បត្តិរបស់រដ្ឋាភិបាល។ ជាមួយគ្នានោះដែរ គេហដ្ឋាន និងការិយាល័យរបស់សមាជិកសភាថ្នាក់រដ្ឋចំនួនពីររូប ត្រូវបានដុតបំផ្លាញនៅក្នុងស្រក ប៊ីដ (Beed) កាលពីថ្ងៃចន្ទ។របាយការណ៍ប្រព័ន្ធផ្សព្វផ្សាយបាននិយាយថា បន្ទាប់ពីមានការតវ៉ា និងឧបទ្ទវហេតុនៃអំពើហិង្សាដោយសហគមន៍ ម៉ារ៉ាថា កងកម្លាំងសន្តិសុខជាច្រើនត្រូវបានបញ្ជូនទៅការពាររដ្ឋមន្ត្រី និងជុំវិញអចលនទ្រព្យដែលគ្រប់គ្រងដោយមន្រ្តីថ្នាក់ខ្ពស់ទាំងនោះនៅទូទាំងរដ្ឋ ម៉ាហារ៉ាស្រ្តា របស់ប្រទេសឥណ្ឌា មួយនេះផងដែរ៕

បណ្ដាញសង្គម

ព័ត៌មានថ្មីៗ

កងទ័ព៖ ខ្មាន់កាំភ្លើងធ្វើការវាយប្រហារក្នុងពេលដំណាលគ្នា នៅក្នុង និងក្រៅរដ្ឋធានីរបស់ម៉ាលី

រដ្ឋមន្ត្រីការបរទេសអ៊ីរ៉ង់ជួបពិភាក្សាជាមួយប្រមុខកងទ័ពប៉ាគីស្ថាន អំពីលទ្ធភាពនៃការចរចាជុំទី២ ជាមួយអាមេរិក

អ៊ីរ៉ង់ប្រហារជីវិតបុរសម្នាក់ ជុំវិញ «បេសកកម្ម» តំណាងឲ្យទីភ្នាក់ងារចារកម្មអ៊ីស្រាអែល

សម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ

សម្តេចតេជោ ហ៊ុន សែន ណែនាំដល់មន្ត្រីយកចិត្តទុកដាក់គ្រប់គ្រងនិងមើលថែដល់អតីតយុទ្ធជន និងនិវត្តជននៅតាមមូលដ្ឋាន

មនុស្ស ៣នាក់ស្លាប់ អំឡុងការប៉ះទង្គិច នៅភាគឦសានរដ្ឋមានជម្លោះ Manipur របស់ឥណ្ឌា

របាយការណ៍៖ អ៊ីរ៉ង់បញ្ជាក់ថា សមត្ថភាពមីស៊ីលភាគច្រើនមិនត្រូវបានប្រើឡើយ ក្នុងសង្គ្រាមជាមួយអាមេរិក

រដ្ឋមន្ត្រីការបរទេស៖ ទួរគីអាចនឹងពិចារណាតួនាទីដោះមីន នៅច្រកសមុទ្រ Hormuz ក្រោយមានកិច្ចព្រមព្រៀងអ៊ីរ៉ង់-អាមេរិក

អ្នកចរចាអាមេរិក នឹងទៅទីក្រុងអ៊ីស្លាម៉ាបាដ ប៉ុន្តែអ៊ីរ៉ង់ប្រាប់ថា មិនមានការចរចាដោយផ្ទាល់ទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877