BTV NEWS

ជនជាតិចិន ៣២៩នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញពីព្រះរាជាណាចក្រកម្ពុជា

ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត

តំណាងអយ្យការ មិនទាន់បញ្ចប់ការស៊ើបអង្កេត និងស្តាប់ចម្លើយមន្ត្រីជាន់ខ្ពស់នគរបាល២រូប និងជនសង្ស័យពីររូបទៀតនៅឡើយទេពាក់ព័ន្ធករណីសង្ស័យស៊ីសំណូក និងសម្អាតប្រាក់ពីក្រុមឆបោក តាមប្រព័ន្ធបច្ចេកវិទ្យា

ប្រព័ន្ធលូបង្ហូរទឹក ជាផ្នែកសំខាន់ដែលអាជ្ញាធរមូលដ្ឋានត្រូវយកចិត្តទុកដាក់ ដើម្បីបញ្ចៀសការជន់លិចនៅរដូវវស្សា

សន្តិសុខ និង សង្គម

បច្ចុប្បន្នក្រុមហ៊ុនកម្ពុជាចំនួន១៥ហើយ បានដាក់លក់ផលិតផលលើ អាលីបាបា

ភ្នំពេញ៖ មន្រ្តីជាន់ខ្ពស់នៃក្រសួងពាណិជ្ជកម្មកម្ពុជា បានឲ្យដឹងថា គិតមកដល់ពេលនេះ មានក្រុមហ៊ុនកម្ពុជាចំនួន ១៥ រួចហើយ ដែលបានដាក់លក់ផលិតផលលើថ្នាលពាណិជ្ជកម្មតាមប្រព័ន្ធអេឡិចត្រូនិករបស់ក្រុមហ៊ុន Alibaba.com។ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យនៃក្រសួងពាណិជ្ជកម្ម បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវី ឲ្យដឹងថា សព្វថ្ងៃនេះ ផលិតផលកម្ពុជារបស់ក្រុមហ៊ុនចំនួន១៥ ដែលបានដាក់តាំងលក់លើថ្នាលពាណិជ្ជកម្មតាមប្រព័ន្ធអេឡិចត្រូនិកលើ អាលីបាបា មានដូចជា អង្ករ និងផ្លែមៀនជាដើម ក្នុងនោះផ្លែមៀនកម្ពុជា ដែលបានដាក់លក់សាកល្បងដំបូងលើថ្នាល eWTP ក្នុងចំនួនប្រមាណ ១៨តោន។ ឯកឧត្តម បានបន្តថា ក្រសួងពាណិជ្ជកម្ម និងក្រុមហ៊ុន អាលីបាបា នឹងបង្កើតក្រុមការងារកម្ពុជាមួយ នៅក្នុងគម្រោង eWTP ដើម្បីសម្របសម្រួលដល់ការធ្វើពាណិជ្ជកម្មអេឡិចត្រូនិច រវាងកម្ពុជា និងបណ្ដាប្រទេសនៅក្នុងពិភពលោកបន្ថែមទៀតផងដែរ។សូមរម្លឹកថា កាលពីថ្ងៃទី១៧ ខែតុលា ឆ្នាំ២០២៣កន្លងទៅ ក្នុងបេសកកម្មរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅប្រទេសចិន ដើម្បីចូលរួម “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា បានចុះហត្ថលេខាលើអនុស្សារណៈនៃការយោគយល់ ជាមួយនឹងថ្នាក់ដឹកនាំក្រុមហ៊ុនអនឡាញខ្នាតយក្សមួយគឺ អាលីបាបា ដើម្បីដាក់លក់ដោយត្រង់នូវផលិតផលកម្ពុជាលើទីផ្សារចិន ខណៈបច្ចុប្បន្ន អាលីបាបា មានអតិថិជនសរុបចំនួនប្រមាណ ១ ៣០០លាននាក់ នៅទូទាំងសាកលលោក។បើតាមឯកឧត្តម ប៉ែន សុវិជាតិ តាមរយៈការចុះអនុស្សរណៈខាងលើនេះ ភាគីទាំងពីរ នឹងសហការគ្នាបន្ថែមទៀត ក្នុងការស្វែងរកលទ្ធភាពបើកដំណើរការ ឡាហ្សាដា ( Lazada) នៅកម្ពុជា។ បន្ថែមពីនេះទៀត នឹងអនុវត្តកម្មវិធីកសាង និងពង្រឹងសមត្ថភាពសហគ្រិន ឲ្យយល់ដឹងបន្ថែមអំពីពាណិជ្ជកម្មតាមប្រព័ន្ធអេឡិចត្រូនិច និងលើកកម្ពស់បច្ចេកវិទ្យាឌីជីថល និងវិស័យទេសចរណ៍៕អត្ថបទ៖ ឈិត បូរ៉ាវី

លីបង់ដែលបែកបាក់ មិនមានលទ្ធភាពធ្វើសង្រ្គាមមួយទៀតរវាងក្រុមហេសបូឡា និងអ៊ីស្រាអែល

ដោយនឹងសេដ្ឋកិច្ចកំពុងរងការបំផ្លិចបំផ្លាញ និងរដ្ឋដួលរលំ ប្រទេសលីបង់ មិនអាចមានលទ្ធភាពធ្វើសង្រ្គាមមួយទៀតរវាងក្រុមហេសបូឡា និងអ៊ីស្រាអែលទេ។ប្រភពជាច្រើន បាននិយាយថា ក្រុមហេសបូឡាដែលគាំទ្រដោយអ៊ីរ៉ង់ដឹងពីរឿងនេះ ហើយកំពុងរក្សាវិបត្តិរបស់ប្រទេសលីបង់ក្នុងចិត្ត ខណៈដែលខ្លួនរៀបចំផែនការជំហានបន្ទាប់ នៅក្នុងជម្លោះជាមួយអ៊ីស្រាអែល។នៅពេលដែលសង្រ្គាមរវាងអ៊ីស្រាអែល និងក្រុមហាម៉ាស ដែលជាសម្ព័ន្ធមិត្តប៉ាឡេស្ទីនរបស់ក្រុមហេសបូឡា ផ្ទុះឡើងនៅទូទាំងមជ្ឈិមបូព៌ា ហានិភ័យនៃសង្គ្រាមរវាងក្រុមហេសបូឡា និងអ៊ីស្រាអែល នៅតែមានកម្រិតខ្ពស់ជាងចំណុចណាមួយ ចាប់តាំងពីជម្លោះដ៏ធំចុងក្រោយរបស់ពួកគេ ក្នុងឆ្នាំ២០០៦។ក្រុមអ្នកវិភាគ និយាយថា ក្រុមស៊ីអ៊ីត អាចនឹងកើនឡើង ប្រសិនបើក្រុមហាម៉ាស ហាក់ដូចជាបរាជ័យនៅតំបន់ហ្គាហ្សាស្ទ្រីបមានចម្ងាយ២០០ គីឡូម៉ែត្រ (១៣០ម៉ាយ) ខណៈពេលដែលមេដឹកនាំលីបង់ ភ័យខ្លាចថា អ៊ីស្រាអែល អាចជ្រើសរើសបង្កជម្លោះដ៏ធំមួយជាមួយក្រុមហេសបូឡា។

អ្នកស្រុករស់នៅក្នុងទុក្ខព្រួយពីកង្វះការផ្គត់ផ្គង់ប្រេងឥន្ធនៈនៅតំបន់ហ្កាហ្សា ដែលកំពុងរងការទម្លាក់គ្រាប់បែក

ក្រុមអ្នកស្រុកហ្កាហ្សាបានតម្រង់ជួរនៅស្ថានីយ៍ប្រេងឥន្ធនៈមួយដោយកាន់ធុងទទេកាលពីថ្ងៃចន្ទ រង់ចាំទទួលបានប្រេងម៉ាស៊ូត និងឧស្ម័នដែលត្រូវការជាបន្ទាន់ដើម្បីចម្អិនអាហារ និងដំណើរការយានជំនិះរបស់ពួកគេ។ អ្នកស្រុកម្នាក់និយាយថាលោករស់នៅ តំបន់ហ្កាហ្សា លោកបានមកចូលរួមពិធីមង្គលការរបស់ប្អូនប្រុសលោក រថយន្តពិបាកដំណើរការណាស់ យើងមានសាំងល្មមតែសម្រាប់ចេញពីទីនេះទៅជ្រលងភ្នំ ប៉ុណ្ណោះ។លោកបារម្ភពីការអស់សាំងតាមផ្លូវ។ ពួកគេបាននិយាយថា នៅទីនេះប្រហែលជាមានសាំង។ យើងគ្មានភ្លើង គ្មានទឹក គ្មានសាំង។ ហេតុអ្វីត្រូវជួបស្ថានភាពយ៉ាប់យ៉ឺនខ្លាំងបែបនេះ?។អ្វីៗ ត្រូវជាប់គាំងទាំងអស់។ ចំណែក លោក Jihad Al Sarhi ជាអ្នកស្រុកមកពីជ្រលងភ្នំ Falah ក៏បានសម្តែងការខកចិត្តផងដែរ។ លោកនិយាយថា លោកបានឈរតម្រង់ជួរតាំងពីព្រឹក ដើម្បីទទួលបានសាំង ក៏ដូចជាទឹក។ ដូចអ្នកឃើញហើយ ស្ថានការណ៍ចលាចលខ្លាំងណាស់ គ្មានសាំង គ្មានហាងនំប៉័ង គ្មានអ្វីទាំងអស់ ស្ថានភាពពិបាកខ្លាំងណាស់ នេះជាគ្រោះមហន្តរាយ យើងកំពុងចម្អិនអាហារដោយប្រើអុស ។ យើងបានដើរថយក្រោយត្រឡប់ទៅរកយុគសម័យថ្ម។ ភាពលំបាកដែលប្រឈមដោយប្រជាជននៃតំបន់រងការឡោមព័ទ្ធមាត់សមុទ្រដែលរងការទម្លាក់គ្រាប់បែកគឺជាភស្តុតាង ខណៈអ្នកស្រុកម្នាក់ទៀតបានចែករំលែកការតស៊ូរបស់លោកដើម្បីទទួលបានសាំងសូម្បីតែមួយលីត្របន្ទាប់ពីឈរតម្រង់ជួរអស់រយៈពេលបួនថ្ងៃជាប់ៗគ្នា។ គេបានមើលឃើញមនុស្សជាច្រើនកំពុងចម្អិនអាហារនៅខាងក្រៅផ្ទះដោយប្រើអុសព្រោះគ្មានឧស្ម័ន និងអគ្គិសនី។យោងតាមសមាគមអឌ្ឍចន្ទក្រហមប៉ាឡេស្ទីនក្បួនរថយន្តជំនួយមនុស្សធម៌ទីបួនបានចូលទៅក្នុងតំបន់ហ្កាហ្សា ដែលត្រូវបានបិទកាលពីថ្ងៃអង្គារតាមច្រកព្រំដែន Rafah របស់ប្រទេសអេហ្ស៊ីប ដែលនាំឱ្យចំនួនរថយន្តជំនួយសរុបចូលទៅក្នុងហ្កាហ្សាកើនឡើងដល់ទៅ៦២គ្រឿង ៕

ទួរគី៖ លោកខាងលិចមិនអើពើសិទ្ធិមនុស្សនៅតំបន់ហ្កាហ្សា ព្រោះអ្នកស្លាប់មិនមែនជាពលរដ្ឋពួកគេ

ប្រធានាធិបតីទួរគី លោក Tayyip Erdogan បាននិយាយកាលពីថ្ងៃព្រហស្បតិ៍ (២៦ តុលា) ថា បណ្ដាប្រទេសលោកខាងលិច មិនយកចិត្តទុកដាក់លើការរំលោភសិទ្ធិមនុស្សនៅក្នុងតំបន់ហ្កាហ្សា នោះទេ ព្រោះថា «ឈាមដែលកំពុងហូរស្រក់នោះ គឺជាឈាមរបស់ពលរដ្ឋមូស្លីម មិនមែនជាពលរដ្ឋរបស់ពួកគេឡើយ» ។នៅក្នុងសុន្ទរកថាក្នុងវិមានប្រធានាធិបតីរបស់ខ្លួន លោក Erdogan បាននិយាយថា ការវាយប្រហាររបស់អ៊ីស្រាអែល លើតំបន់ហ្កាហ្សា បានប្រែក្លាយទៅជា «ភាពព្រៃផ្សៃ» ហើយបានរិះគន់បណ្ដាប្រទេសលោកខាងលិច ចំពោះការផ្តល់ការគាំទ្រដោយគ្មានលក្ខខណ្ឌសម្រាប់ការវាយប្រហាររបស់អ៊ីស្រាអែល ជំនួសឱ្យការអំពាវនាវឱ្យមានការអត់ធ្មត់សម្រាប់សង្រ្គាម។ប្រទេសទួរគី បានគាំទ្រពលរដ្ឋប៉ាឡេស្ទីន និងគាំទ្រដំណោះស្រាយរដ្ឋពីរចំពោះជម្លោះអ៊ីស្រាអែល-ប៉ាឡេស្ទីន ដែលមានអាយុកាលរាប់ទសវត្សរ៍ ហើយបានទទួលសមាជិកនៃក្រុមសកម្មប្រយុទ្ធហាម៉ាស ផងដែរ។ ទោះបីជាទីក្រុងអង់ការ៉ា កំពុងធ្វើការដើម្បីជួសជុលទំនាក់ទំនងជាមួយអ៊ីស្រាអែល មុនពេលការប្រយុទ្ធគ្នាបានចាប់ផ្តើមក៏ដោយ ក៏ប្រទេសនេះបានពង្រឹងជំហររបស់ខ្លួនប្រឆាំងនឹងអ៊ីស្រាអែល ខណៈដែលការប្រយុទ្ធគ្នា និងវិបត្តិមនុស្សធម៌នៅតំបន់ហ្កាហ្សា កាន់តែធ្ងន់ធ្ងរឡើង៕

អ៊ីស្រាអែល ធ្វើសមយុទ្ធយោធានៅជិតព្រំដែនជាមួយប្រទេសលីបង់

អ៊ីស្រាអែល បានធ្វើសមយុទ្ធយោធានៅជិតព្រំដែនរបស់ខ្លួនជាមួយប្រទេសលីបង់ កាលពីថ្ងៃព្រហស្បតិ៍ (២៦ តុលា) ។ ក្រុមប្រដាប់អាវុធធុនធ្ងន់ ហេសបូឡា ដែលជាផ្នែកមួយនៃសម្ព័ន្ធភាពក្នុងតំបន់គាំទ្រដោយអ៊ីរ៉ង់ បានចូលរួមក្នុងការបាញ់ប្រហារប្រចាំថ្ងៃជាមួយកងកម្លាំងអ៊ីស្រាអែល នៅតាមព្រំដែននេះ ចាប់តាំងពីសង្គ្រាមផ្ទុះឡើងរវាងអ៊ីស្រាអែល និងក្រុមហាម៉ាស កាលពីថ្ងៃទី៧ ខែតុលា មក។រហូតមកដល់ពេលនេះ អ្នកប្រយុទ្ធនៃក្រុម ហេសបូឡា ជាង៤០នាក់ ត្រូវបានសម្លាប់នៅតំបន់ព្រំដែនមួយនេះ ខណៈយោធាអ៊ីស្រាអែលនិយាយថា យ៉ាងហោចណាស់ទាហានរបស់ខ្លួនចំនួន ៧នាក់ត្រូវបានសម្លាប់។ សមយុទ្ធយោធា ដែលពាក់ព័ន្ធនឹងរថក្រោះជាច្រើនគ្រឿង ត្រូវបានធ្វើឡើងបន្ទាប់ពីកងកម្លាំងជើងគោកអ៊ីស្រាអែល កាលពីថ្ងៃពុធ (២៥ តុលា) បានវាយឆ្មក់ទីតាំងរបស់ក្រុមហាម៉ាស នៅតំបន់ហ្កាហ្សា ដោយវាយប្រហារទៅលើគោលដៅរបស់ក្រុមហាម៉ាស ជាច្រើនទីតាំងមុនពេលដកទ័ពចេញ។សេចក្តីថ្លែងការណ៍យោធា ដែលបានបង្ហោះតាមអនឡាញមួយនោះបាននិយាយថា ការវាយឆ្មក់ត្រូវបានអនុវត្ត «ក្នុងការរៀបចំសម្រាប់ដំណាក់កាលបន្ទាប់នៃការប្រយុទ្ធ» ដែលនោះជាឯកសារយោងនៃលទ្ធភាពសម្រាប់ការវាយលុកទ្រង់ទ្រាយធំ ដែលមេដឹកនាំអ៊ីស្រាអែលបានគំរាមកំហែងថាជាផ្នែកមួយនៃសង្រ្គាមដើម្បីកម្ចាត់ក្រុមហាម៉ាស៕

កម្លាំងអាវុធហត្ថខេត្តបាត់ដំបង បង្រ្កាបគ្រឿងញៀនជាង ១០គីឡូក្រាម និងឃាត់ខ្លួនជនសង្ស័យ ២នាក់

បាត់ដំបង៖ ដោយមានការសម្របសម្រួលនីតិវិធីពី លោក កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង កម្លាំងអាវុធហត្ថខេត្តបាត់ដំបងដឹកនាំដោយលោកវរសេនីយ៍ឯក រ៉ុង ប៉ុក មេបញ្ជាការរងទទួលការងារស្រាវជ្រាវ និងបង្ក្រាបបទល្មើស បានចុះបង្រ្កាបករណីដឹកជញ្ជូនគ្រឿងញៀនជាង ១០គីឡូក្រាម និងឃាត់ខ្លួនជនសង្ស័យ ២នាក់។ប្រតិបត្តិការបង្រ្កាបគ្រឿងញៀនេះធ្វើឡើងកាលពីថ្ងៃទី២៥ ខែតុលា ឆ្នាំ២០២៣ នៅចំណុចស្ពានត្រស់ស្ថិតនៅភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង ដោយបានឃាត់ខ្លួនជនសង្ស័យចំនួន ២នាក់ ក្នុងនោះទី១,ឈ្មោះ ប៊ូ សុផាត (ហៅហ៊ុល) ភេទប្រុស អាយុ ៦៣ឆ្នាំ មុខរបរគ្មាន ទីលំនៅភូមិ អូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង ។២,ឈ្មោះ លី ធារិទ្ធ ភេទ ប្រុស អាយុ ៤២ ឆ្នាំ មុខរបរគ្មាន ទីលំនៅភូមិ កងវ៉ា សង្កាត់កំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ ។កម្លាំងបានចាប់យកវត្ថុតាងគ្រឿងញៀនប្រភេទម៉ាទឹកកកICE ចំនួន ២៥ កញ្ចប់ ទម្ងន់ ១០,៣៣៤.៦០ ក្រាម, រថយន្ត ១ គ្រឿង, ទូរសព្ទដៃ ២ គ្រឿង ។បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តបាត់ដំបង កំពុងអនុវត្តតាមនីតិវិធី៕

អ៊ីរ៉ង់កំពុងបង្កើនសង្គ្រាមស្រមោលជាមួយអ៊ីស្រាអែល ដើម្បីបង្កើនឥទ្ធិពលរបស់ខ្លួន ប៉ុន្តែវាអាចនឹងមានប្រតិកម្មតបវិញ

ចំពេលសង្រ្គាមរវាងអ៊ីស្រាអែល និងក្រុមហាម៉ាស ក្រុមមន្ត្រីអាមេរិក បានព្រមានក្នុងសប្តាហ៍នេះថា កងជីវពលដែលគាំទ្រដោយអ៊ីរ៉ង់ គ្រោងនឹងបង្កើនការវាយប្រហារលើមូលដ្ឋានទ័ពអាមេរិក នៅមជ្ឈិមបូព៌ា។មន្ត្រីអាមេរិកម្នាក់ក្នុងតំបន់ បានប្រាប់សារព័ត៌មាន CNN ថា មានភ្លើងក្រហមភ្លឺចាំងគ្រប់ទីកន្លែង។ក្រុមអ្នកវិភាគ បានប្រាប់សារព័ត៌មាន Insider ថា ភ្នាក់ងារអ៊ីរ៉ង់ កំពុងព្យាយាមទាញយកប្រយោជន៍ពីភាពចលាចល ដែលកើតឡើងដោយការវាយប្រហារភេរវកម្មថ្ងៃទី៧ ខែតុលា ដើម្បីបំផ្លាញអ៊ីស្រាអែលបន្ថែមទៀត និងបង្កើនឥទ្ធិពលរបស់ខ្លួន នៅក្នុងតំបន់នេះ។ប៉ុន្តែប្រទេសអ៊ីរ៉ង់ កំពុងស្ថិតក្នុងស្ថានភាពដ៏លំបាក ហើយទោះបីជាវាហាក់ដូចជាចង់បំផ្លាញអ៊ីស្រាអែល តាមរយៈបណ្តាញកងជីវពល និងក្រុមតំណាងក៏ដោយ ក៏ប្រទេសនេះមានការប្រុងប្រយ័ត្នចំពោះការវាយប្រហារពីសហរដ្ឋអាមេរិក និងអ៊ីស្រាអែលដែរ។អ៊ីស្រាអែល និងអ៊ីរ៉ង់ បានចូលរួមក្នុងសង្គ្រាមស្រមោលនៅមជ្ឈិមបូព៌ាជាយូរយារណាស់មកហើយ ដោយប្រទេសទាំងពីរ បានចូលរួមនៅក្នុងគំរូនៃសកម្មភាពអរិភាពដែលកើនឡើងបន្តិចម្តងៗ។ជាផ្នែកមួយនៃសង្រ្គាមសម្ងាត់នេះ អ៊ីរ៉ង់ បានផ្តល់មូលនិធិ និងបណ្តុះបណ្តាលបណ្តាញកងជីវពលដែលត្រូវដាក់ពង្រាយនៅពាសពេញមជ្ឈឹមបូព៌ា។ កងជីវពលទាំងនេះ ត្រូវបានប្រើប្រាស់ជាអ្នកតំណាង ដើម្បីធ្វើសង្គ្រាមប្រឆាំងនឹងសត្រូវ ក្នុងតំបន់របស់ខ្លួន។

កូរ៉េខាងត្បូង ជប៉ុន និងអាមេរិក ថ្កោលទោសការផ្គត់ផ្គង់អាវុធរបស់កូរ៉េខាងជើងទៅឲ្យរុស្ស៊ី

សេចក្តីថ្លែងការណ៍រួម ដែលបានចេញនៅថ្ងៃព្រហស្បតិ៍នេះបាននិយាយថា ប្រទេសកូរ៉េខាងត្បូង ជប៉ុន និងសហរដ្ឋអាមេរិក បានថ្កោលទោសយ៉ាងខ្លាំងចំពោះការផ្គត់ផ្គង់អាវុធ និងយុទ្ធោបករណ៍របស់ប្រទេសកូរ៉េខាងជើងទៅឲ្យប្រទេសរុស្ស៊ី និងបាននិយាយថា ពួកគេបានបញ្ជាក់ពីការដឹកជញ្ចូនអាវុធជាច្រើន។ ប្រទេសរុស្ស៊ី និងកូរ៉េខាងជើង បានបដិសេធការផ្ទេរអាវុធ ពីប្រទេសកូរ៉េខាងជើងសម្រាប់ការប្រើប្រាស់ក្នុងសង្គ្រាមរបស់រុស្ស៊ីនៅអ៊ុយក្រែន ក្នុងពេលមានរបាយការណ៍ថាទីក្រុងវ៉ាស៊ីនតោន និងក្រុមអ្នកស្រាវជ្រាវ បាននិយាយពីសកម្មភាពដែលបានបង្ហាញនាវាជាច្រើនគ្រឿងផ្ទុកទូទំនិញដែលទំនងជាអាវុធ រវាងកំពង់ផែរបស់ប្រទេសទាំងពីរ។ខណៈវាពុំអាចធ្វើទៅបានដើម្បីបញ្ជាក់ពីចំនួននៃការដឹកជញ្ជូន របាយការណ៍បាននិយាយថា ទូទំនិញមកពីប្រទេសកូរ៉េខាងជើង ក្រោយមកត្រូវបានគេឃើញដឹកជញ្ចូនទៅកាន់ទីតាំងស្តុកគ្រាប់រំសេវរបស់រុស្ស៊ី នៅជិតព្រំដែនជាមួយអ៊ុយក្រែន។ សេចក្តីថ្លែងការណ៍ និយាយថា សាធារណៈរដ្ឋកូរ៉េ សហរដ្ឋអាមេរិក និងប្រទេសជប៉ុន បានថ្កោលទោសយ៉ាងខ្លាំងចំពោះការផ្តល់យុទ្ធោបករណ៍ និងគ្រាប់រំសេវ ធ្វើឡើងដោយសាធារណៈរដ្ឋប្រជាមានិតប្រជាធិបតេយ្យកូរ៉េ ទៅឲ្យសហព័ន្ធរុស្ស៊ីសម្រាប់ការប្រើប្រាស់ប្រឆាំងរដ្ឋាភិបាល និងប្រជាជនអ៊ុយក្រែន។ សេចក្តីថ្លែងការណ៍ ដែលចេញដោយរដ្ឋមន្ត្រីការបរទេសរបស់ប្រទេសទាំងបី បាននិយាយថាការដឹកជញ្ជូនអាវុធទាំងនេះ ភាគច្រើនដែលយើងបានអះអាងនៅពេលនេះបានបញ្ចប់រួចហើយ ដែលនឹងបង្កើនយ៉ាងសំខាន់នូវចំនួនអ្នកស្លាប់ពីសង្គ្រាមឈ្លានពានរបស់រុស្ស៊ី។ សេចក្តីថ្លែងការណ៍និយាយថា ប្រទេសកូរ៉េខាងជើង កំពុងស្វែងរកជំនួយយោធាពីប្រទេសរុស្ស៊ី ដើម្បីជំរុញសមត្ថភាពយោធារបស់ខ្លួនជាថ្នូរទៅនឹងការគាំទ្រអាវុធរបស់ខ្លួនទៅឲ្យទីក្រុងមូស្គូ។

អ៊ីស្រាអែលបដិសេធការអំពាវនាវឲ្យមានបទឈប់បាញ់ ខណៈក្រុមហាម៉ាស់និយាយថា ចំនួនអ្នកស្លាប់នៅហ្គាហ្សាកំពុងកើនឡើង

វិបត្តិមនុស្សធម៌កាន់តែអាក្រក់ឡើងនៅតំបន់ហ្គាហ្សា កំពុងនាំឲ្យមានការថ្កោលទោសពីក្រុមមេដឹកនាំពិភពលោក។លោកអង់តូនីញ៉ូ ហ្គុយតឺរេស ( Antonio Guterres) អគ្គលេខាធិការអង្គការសហប្រជាជាតិ បានអំពាវនាវឲ្យមានបទឈប់បាញ់មនុស្សធម៌ជាបន្ទាន់ នៅក្នុងសង្គ្រាមអ៊ីស្រាអែល-ក្រុមហាម៉ាស។ លោក បានថ្កោលទោសការសម្លាប់រង្គាល ដែលធ្វើឡើងដោយក្រុមសកម្មប្រយុទ្ធហាម៉ាស ក្នុងប្រទេសអ៊ីស្រាអែល កាលពីថ្ងៃទី៧ ខែតុលា ប៉ុន្តែក៏បាននិយាយថា «ការវាយប្រហារគួរឲ្យរន្ធត់ទាំងនោះ មិនអាចបង្ហាញអំពីភាពត្រឹមត្រូវនៃការដាក់ទណ្ឌកម្មរួមរបស់ប្រជាជនប៉ាឡេស្ទីនបានទេ» ។ទោះបីជាមានការអំពាវនាវក៏ដោយ អ៊ីស្រាអែល កំពុងបន្តយុទ្ធនាការទម្លាក់គ្រាប់បែកលើទឹកដីប៉ាឡេស្ទីនដែលគ្រប់គ្រងដោយក្រុមហាម៉ាស ហើយការរំពឹងទុកនៃការលុកលុយរបស់អ៊ីស្រាអែលលើតំបន់ហ្គាហ្សានៅតែអាចកើតឡើង។ ឯកអគ្គរដ្ឋទូតអ៊ីស្រាអែលប្រចាំអង្គការសហប្រជាជាតិ ក៏បានអំពាវនាវឲ្យលោក ហ្គុយតឺរេស លាលែងពីតំណែងកាលពីថ្ងៃអង្គារ បន្ទាប់ពីលោក បានអំពាវនាវឲ្យមានបទឈប់បាញ់។កាលពីថ្ងៃពុធ លោកហ្គុយតឺរេស បានច្រានចោល«ការបកស្រាយខុស»នូវសេចក្តីថ្លែងការណ៍កាលពីថ្ងៃអង្គាររបស់ខ្លួន។លោកអគ្គលេខាធិការ បាននិយាយថា៖«ខ្ញុំភ្ញាក់ផ្អើលជាមួយនឹងការបកស្រាយខុសដោយអ្នកខ្លះនូវសេចក្តីថ្លែងការណ៍របស់ខ្ញុំ កាលពីម្សិល មិញ នៅក្នុងក្រុមប្រឹក្សាសន្តិសុខ ប្រសិនបើខ្ញុំបង្ហាញភាពត្រឹមត្រូវចំពោះអំពើភេរវកម្មដោយក្រុមហាម៉ាស។ «នេះគឺមិនពិត ហើយវាផ្ទុយពីនេះ»។

នគរបាល វ៉េណេស៊ុយអេឡា ដណ្តើមការគ្រប់គ្រងពន្ធនាគារ ក្នុងបេសកកម្មប្រឆាំងជនអន្ធពាល

នគរបាលប្រទេសវ៉េណេស៊ុយអេឡា បានសម្រុកចូលពន្ធនាគារមួយកន្លែង នៅភាគខាងជើង ប្រទេសវ៉េណេស៊ុយអេឡា កាលពីថ្ងៃពុធ ក្នុងបេសកកម្មប្រឆាំងជនអន្ធពាលរបស់រដ្ឋាភិបាល ដែលស្វែងរកការដណ្តើមយកមកវិញការគ្រប់គ្រងពន្ធនាគារ។ វីដេអូដែលបានចែករំលែក ដោយរដ្ឋាភិបាល បានបង្ហាញពីនគរបាល ត្រូវបានដាក់ពង្រាយនៅខាងក្នុងពន្ធនាគារ និងបានបង្ហាញពីអាវុធដែលរឹបអូសបាន នៅក្នុងមណ្ឌលពន្ធនាគារជាតិ នៅទីក្រុង Valencia ដែលគេស្គាល់ថាជាពន្ធនាគារ Tocuyito ។រដ្ឋមន្ត្រីសន្តិសុខ យុត្តិធម៌ និងសន្តិភាព លោក Remigio Ceballos បាននិយាយថាពន្ធនាគារ Tocuyito គឺជាមណ្ឌលពន្ធនាគារដែលមានមនុស្សច្រើនបំផុត នៅក្នុងប្រទេសនេះ ដោយមានអ្នកទោសជាង២.០០០នាក់។សាច់ញាតរបស់អ្នកទោស បានមកប្រមូលផ្តុំគ្នានៅខាងក្រៅពន្ធនាគារ ដើម្បីស្វែងរកព័ត៌មានអំពីការផ្លាស់ប្តូរដែលអាចធ្វើទៅបានទៅកាន់ទីតាំងផ្សេងទៀតនៃមនុស្សជាទីស្រលាញ់របស់ពួកគេ។ បេសកកម្មនេះ កើតមានឡើង មិនដល់មួយខែនោះទេ បន្ទាប់ពីប្រតិបត្តិការប្រឆាំងជនអន្ធពាលមួយផ្សេងទៀត នៅក្នុងពន្ធនាគារ Tocoron ជាកន្លែងដែល រដ្ឋាភិបាលវ៉េណេស៊ុយអេឡា បាននិយាយថា ខ្លួនបានរំលាយចោលក្រុមជនអន្ធពាលឧក្រិដ្ឋកម្មដ៏គ្រោះថ្នាក់ ដែលគេស្គាល់ថាក្រុម Tren de Aragua ។

បណ្ដាញសង្គម

ព័ត៌មានថ្មីៗ

លោក Netanyahu ថាលោកទទួលការព្យាបាលជំងឺមហារីកក្រពេញប្រូស្តាតដោយជោគជ័យ

លោក Zelenskiy ធ្វើដំណើរទៅដល់អារ៉ាប៊ីសាអ៊ូឌីត ដើម្បីស្វែងរកកិច្ចសហប្រតិបត្តិការសន្តិសុខ

មនុស្ស ២នាក់ស្លាប់ អំឡុងការវាយប្រហារតាមអាកាស ខណៈយោធោអ៊ីស្រាអែលចេញការព្រមានជម្លៀស នៅភាគខាងត្បូងលីបង់

សមាជិកសភាហេសបូឡា៖ បទឈប់បាញ់ «គ្មានន័យ» ទេ ដោយសារតែការវាយប្រហាររបស់អ៊ីស្រាអែល

កងកម្លាំងរក្សាសន្តិភាពឥណ្ឌូនេស៊ីរបស់ UN ស្លាប់ដោយសាររបួស អំឡុងការផ្ទុះ នៅលីបង់

ទីក្រុងប៉េកាំងច្រានចោលការចោទប្រកាន់របស់លោក Trumpថា នាវាអ៊ីរ៉ង់ស្ទាក់ចាប់បានមានអំណោយពីចិន

អាល្លឺម៉ង់ និងអ៊ីតាលី សង្កត់ធ្ងន់លើការរួបរួម ក្នុងចំណោមសមាជិករបស់អង្គការណាតូ

លោក Putinនិយាយថា រុស្ស៊ីនឹងការពារផលប្រយោជន៍របស់ខ្លួននៅតំបន់អាក់ទិក

ក្តីបារម្ភ និងភាពមិនច្បាស់លាស់កើតមាននៅអ៊ីរ៉ាក់ ខណៈអាមេរិកបញ្ឈប់ការដឹកជញ្ជូនប្រាក់ដុល្លារ

គណៈកម្មការស៊ើបអង្កេតតង់ហ្សានី៖ មនុស្សជាង ៥០០នាក់ ត្រូវបានសម្លាប់ក្នុងអំពើហិង្សាបោះឆ្នោតឆ្នាំមុន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877