BTV NEWS

ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត

តំណាងអយ្យការ មិនទាន់បញ្ចប់ការស៊ើបអង្កេត និងស្តាប់ចម្លើយមន្ត្រីជាន់ខ្ពស់នគរបាល២រូប និងជនសង្ស័យពីររូបទៀតនៅឡើយទេពាក់ព័ន្ធករណីសង្ស័យស៊ីសំណូក និងសម្អាតប្រាក់ពីក្រុមឆបោក តាមប្រព័ន្ធបច្ចេកវិទ្យា

ប្រព័ន្ធលូបង្ហូរទឹក ជាផ្នែកសំខាន់ដែលអាជ្ញាធរមូលដ្ឋានត្រូវយកចិត្តទុកដាក់ ដើម្បីបញ្ចៀសការជន់លិចនៅរដូវវស្សា

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

សន្តិសុខ និង សង្គម

មនុស្សយ៉ាងហោចណាស់៦នាក់បានស្លាប់ ក្នុងគ្រោះថ្នាក់ចរាចរណ៍រថយន្តក្រុងនៅប្រទេសបូលីវី

មនុស្សយ៉ាងហោចណាស់ ៦នាក់បានស្លាប់ និងមនុស្សប្រហែល ២០នាក់ បានរងរបួសនៅភាគខាងលិចប្រទេសបូលីវី បន្ទាប់ពីរថយន្តក្រុងដឹកអ្នកដំណើរមួយគ្រឿង បានបង្កគ្រោះថ្នាក់នៅលើផ្លូវហាយវេ កាលពីល្ងាចថ្ងៃអង្គារ។ បើយោងតាមមន្ត្រីម្នាក់ កាលពីថ្ងៃពុធ (១៨ តុលា) បានឲ្យដឹងថា គ្រោះថ្នាក់នោះបានកើតឡើងនៅម៉ោងប្រហែល ៩ យប់ (ម៉ោងក្នុងស្រុក) នៅជិតទីក្រុងខារ៉ាហ្សានី (Charazani) ភាគខាងលិច។លោក អេដហ្គា ខូតេស (Edgar Cortez) ប្រធាននាយកដ្ឋាននគរបាល ឡាប៉ាស បាននិយាយថា ចំនួនអ្នកស្លាប់ ដែលរាប់បញ្ចូលទាំងអ្នកបើកបររថយន្តក្រុង នៅតែជាតួលេខបឋមនៅឡើយ។ ប្រធាននគរបាលរូបនេះបានបន្តថា ក្រុមមន្រ្តីបានចាប់ផ្តើមជួយសង្គ្រោះមនុស្សដែលជាប់នៅក្នុងរថយន្តក្រុងនោះ កាលពីព្រឹកថ្ងៃពុធផងដែរ។គ្រោះថ្នាក់ចរាចរណ៍នៅប្រទេសបូលីវី កើតមានជាញឹកញាប់ ហើយបើយោងតាមរបាយការណ៍របស់នគរបាល បានឲ្យដឹងថា គ្រោះថ្នាក់ទាំងនោះភាគច្រើនបណ្តាលមកពីកម្រិតនៃការមើលឃើញមិនល្អ ភាពគ្មានទំនួលខុសត្រូវរបស់អ្នកបើកបរ និងការទទួលទានគ្រឿងស្រវឹងផងដែរ៕

ប្រជាជនរុស្ស៊ីប្រហែល១.000នាក់ នៅតំបន់ហ្គាហ្សា ស្នើសុំឲ្យរដ្ឋាភិបាលរុស្ស៊ីជម្លៀសចេញ

សេចក្តីប្រកាសព័ត៌មានរបស់ក្រសួងការបរទេសរុស្ស៊ីកាលពីថ្ងៃទី១៧ ខែតុលា បានឲ្យដឹងថា ប្រជាជនរុស្ស៊ីប្រហែល ១.000 នាក់ និងក្រុមគ្រួសាររបស់ពួកគេ បានស្នើសុំឲ្យរដ្ឋាភិបាលរុស្ស៊ីជួយក្នុងការជម្លៀសចេញពីតំបន់ហ្គាហ្សាស្ទ្រីប។សេចក្តីថ្លែងការណ៍ បានកំណត់អត្តសញ្ញាណជនជាតិរុស្ស៊ី ១.000នាក់ និងគ្រួសាររបស់ពួកគេថា ជា«ចំណាប់ថ្នូរដោយគ្មានហេតុផលនៃការបិទផ្លូវយោធារបស់តំបន់ហ្គាហ្សា»។ សេចក្តីថ្លែងការណ៍នោះ ក៏បានរិះគន់ «មនុស្ស៣នាក់ធ្វើការរួមគ្នា ឬហៅថាTroika លោកខាងលិច»របស់សហរដ្ឋអាមេរិក ចក្រភពអង់គ្លេស បារាំង និងប្រទេសផ្សេងទៀតសម្រាប់ការរារាំងសំណើរបស់រុស្ស៊ីឲ្យមានសេចក្តីសម្រេចបទឈប់បាញ់ ដែលបានស្នើឡើង នៅអង្គការសហប្រជាជាតិ។សំណើដែលស្នើឡើងដោយរុស្ស៊ី មិនទទួលស្គាល់ការវាយប្រហាររបស់ហាម៉ាសលើអ៊ីស្រាអែល ឬសិទ្ធិការពារខ្លួនរបស់អ៊ីស្រាអែល ដោយជំរុញឲ្យតំណាងអចិន្ត្រៃយ៍របស់សហរដ្ឋអាមេរិកប្រចាំក្រុមប្រឹក្សាសន្តិសុខអង្គការសហប្រជាជាតិ Linda Thomas-Greenfield បោះឆ្នោតប្រឆាំងនឹងវានោះ។ដោយសារសហរដ្ឋអាមេរិកជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ការបោះឆ្នោតរបស់លោកស្រី Thomas-Greenfield មានន័យថា សំណើសុំសេចក្តីសម្រេចរបស់រុស្ស៊ីនេះ ត្រូវបានវេតូ។

UN៖ វិបត្តិមនុស្សធម៌នៅតំបន់ហ្គាហ្សា គឺជា«មហន្តរាយ មិនធ្លាប់មានពីមុនមក»

មហន្តរាយដែលមិនធ្លាប់មានពីមុនមក កំពុងកើតឡើងចំពោះជនស៊ីវិល នៅតំបន់ហ្គាហ្សា នេះបើយោងតាមអង្គការសហប្រជាជាតិ ដែលកំពុងអង្វរដល់ក្រុមមេដឹកនាំឥស្លាម ឲ្យអនុញ្ញាតឲ្យមានកិច្ចខិតខំប្រឹងប្រែងមនុស្សធម៌ចូលទៅក្នុងទឹកដី ដើម្បីជួយអ្នកដែលជាប់នៅទីនោះ។ទីភ្នាក់ងារជំនួយនិងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើមបូព៌ា (UNRWA) បានចេញសេចក្តីថ្លែងការណ៍មួយកាលពីថ្ងៃពុធ ដោយជំរុញឲ្យក្រុមប្រឹក្សារដ្ឋមន្ត្រីការបរទេសនៃអង្គការសហប្រតិបត្តិការឥស្លាម «គាំទ្រយ៉ាងរឹងមាំ និងដោយគ្មានលក្ខខណ្ឌចំពោះកិច្ចខិតខំប្រឹងប្រែងមនុស្សធម៌ ដើម្បីការពារជនស៊ីវិល នៅតំបន់ហ្គាហ្សា»។អគ្គស្នងការ UNRWA លោក Philippe Lazzarini បានបញ្ចេញ «រូបភាពដ៏អាក្រក់» ពីមន្ទីរពេទ្យ Al-Ahli ក្នុងតំបន់ហ្គាហ្សា ជាកន្លែងដែលមនុស្សជិត ៥០០នាក់ ត្រូវបានសម្លាប់នៅក្នុងការបំផ្ទុះ កាលពីយប់ថ្ងៃអង្គារ ដើម្បីបង្ហាញពីស្ថានភាពជនស៊ីវិល ដែលបន្តរស់នៅក្នុងហ្គាហ្សា។ លោក Lazzarini បាននិយាយថា ការវាយប្រហារតាមផ្លូវអាកាសមួយផ្សេងទៀត បានត្រូវចំសាលារៀនមួយរបស់UNRWA ដែលផ្តល់ជម្រកដល់ជនភៀសខ្លួនចំនួន ៤.000 នាក់ កាលពីថ្ងៃអង្គារ ដោយបានបណ្តាលឲ្យមនុស្សយ៉ាងហោចណាស់ ៦ នាក់ ស្លាប់។លោក Lazzarini បាននិយាយទៀតថា៖«មហន្តរាយដែលមិនធ្លាប់មានពីមុនមកនេះ កំពុងកើតឡើងចំពោះយើងទាំងអស់គ្នា»។ «តំបន់ហ្គាហ្សា កំពុងត្រូវបានបំផ្លាញស្ទើរតែទាំងស្រុង ហើយពិភពលោកហាក់ដូចជាបាត់បង់មនុស្សជាតិរបស់ខ្លួន»។

មនុស្សជាង៤.៩០០នាក់ ត្រូវបានសម្លាប់នៅក្នុងជម្លោះដែលកំពុងបន្ត រវាងប៉ាឡេស្ទីន និងអ៊ីស្រាអែល

ជម្លោះរវាងប៉ាឡេស្ទីន និងអ៊ីស្រាអែល ជាបន្តបន្ទាប់ បានសម្លាប់មនុស្សជាង ៤.៩០០នាក់ នៅភាគីទាំងសងខាង ខណៈសង្រ្គាមឈានចូលដល់ថ្ងៃទី១៤ នៅថ្ងៃព្រហស្បតិ៍ (១៩ តុលា) នេះ។ ក្រុមអាជ្ញាធរសុខាភិបាលប៉ាឡេស្ទីន បាននិយាយនៅថ្ងៃព្រហស្បតិ៍ (១៩ តុលា) នេះថា គិតត្រឹមម៉ោង ១៤:០០ (ម៉ោងក្នុងស្រុក) ប្រជាជនប៉ាឡេស្ទីនសរុបចំនួន ៣.៥៤០នាក់ ត្រូវបានសម្លាប់នៅក្នុងជម្លោះនេះ ហើយមនុស្សជាង ១៣.៣០០នាក់ ផ្សេងទៀតបានរងរបួស។ជម្លោះដ៏បង្ហូរឈាមនេះ ក៏បានសម្លាប់មនុស្សជាង ១.៤០០នាក់ និងធ្វើឲ្យមនុស្សជាង ៤.៤៧៥នាក់ របួសនៅខាងអ៊ីស្រាអែល នេះបើយោងតាមក្រសួងសុខាភិបាលអ៊ីស្រាអែល ដែលត្រូវបានដកស្រង់ដោយសារព័ត៌មាន The Jerusalem Post នៅថ្ងៃដដែលនេះ។ យោធាអ៊ីស្រាអែល បានបើកការវាយប្រហារតាមអាកាសលើតំបន់ហ្កាហ្សា ស្ទ្រីប កាលពីយប់ថ្ងៃពុធ (១៨ តុលា) ដោយទម្លាក់គ្រាប់បែកលើអគារលំនៅដ្ឋានជាច្រើនខ្នង នៅក្នុងសង្កាត់ តែល អាល់ហាវ៉ា (Tel Al-Hawa) ហើយរហូតមកដល់ពេលនេះ មិនទាន់មានសេចក្តីរាយការណ៍ពីអ្នកស្លាប់ និងរបួសនៅឡើយទេ។នៅខាងប៉ាឡេស្ទីនវិញក៏មានការរាយការណ៍ដែរថា កងពលតូច អាល់កាសាម (Al-Qassam) ដែលជាស្លាបយោធានៃចលនាតស៊ូអ៊ីស្លាមប៉ាឡេស្ទីន (Hamas) បាននិយាយថា ខ្លួនបានបាញ់រ៉ុក្កែតឆ្ពោះទៅកាន់ទីក្រុង Tel Aviv របស់អ៊ីស្រាអែល កាលពីយប់ថ្ងៃពុធ ផងដែរ៕

នៅក្នុងបន្ទប់សង្គ្រោះបន្ទាន់តំបន់ហ្គាហ្សា ៤០ភាគរយនៃអ្នករងរបួសគឺជាកុមារ

វេជ្ជបណ្ឌិតប៉ាឡេស្ទីនអង់គ្លេស លោក Ghassan Abusittah នៅមន្ទីពេទ្យដែលលោកបម្រើការងារក្នុងទីក្រុងតំបន់ហ្គាហ្សា បានរង្គើរទាំងយប់ទាំងថ្ងៃ ដោយសារតែការបំផ្ទុះគ្រាប់បែក។លោក Abusittah បានប្រាប់សារព័ត៌មានរ៉យទ័រកាលពីថ្ងៃពុធថា ៤០ភាគរយនៃករណីទាំងអស់ ដែលលោកបានឃើញ គឺជាកុមារ ខណៈកំពុងធ្វើការវះកាត់សង្គ្រោះបន្ទាន់លើអ្នកជំងឺវ័យក្មេង នៅមន្ទីរពេទ្យ Al Shifa ។លោកកំពុងធ្វើការក្នុងបន្ទប់វះកាត់ នៅមន្ទីរពេទ្យ Al-Ahli al-Arabi នៅពេលនោះការផ្ទុះបានសម្លាប់មនុស្សរាប់រយនាក់នៅក្នុងអគារតែមួយ។ ភ្លាមៗដែលលោកបានលឺសំឡេងផ្ទុះដ៏ខ្លាំង ពិដានបន្ទប់វះកាត់បានបាក់រលំ មកលើលោក និងគ្រូពេទ្យផ្សេងទៀត។ នៅក្នុងទីធ្លានោះ លោកអាចមើលឃើញសាកសព និងអវៈយវៈ នៅគ្រប់ទីកន្លែង។ លោកបានព្យាបាលបុរសម្នាក់ដែលជើងរបស់គាត់ បានដាច់ចេញ។ នៅក្នុងការសងសិកសម្រាប់ការវាយប្រហារ កាលពីថ្ងៃទី៧ ខែតុលា ធ្វើឡើងដោយក្រុមសកម្មប្រយុទ្ធហាម៉ាស់ ប្រទេសអ៊ីស្រាអែលបានសន្យាបោសសម្អាតក្រុមហាម៉ាស់ក្នុងការវាយលុកឥតបង្អង់ដៃ ទៅលើតំបន់ហ្គាហ្សា។ កំហឹងកើតឡើងថ្មី បានរាលដាលនៅទូទាំងតំបន់មជ្ឈិមបូព៌ា កាលពីថ្ងៃអង្គារនៅពេលមានការផ្ទុះនៅមន្ទីរពេទ្យតំបន់ហ្គាហ្សា ដែលបានបណ្តាលឲ្យមនុស្សរាប់រយនាក់បានស្លាប់។ មន្ត្រីអ៊ីស្រាអែល និងប៉ាឡេស្ទីន បានបន្ទោសគ្នាទៅវិញទៅមក សម្រាប់ការស្លាប់នេះ។

អ៊ីស្រាអែល អនុញ្ញាតឲ្យជំនួយមួយចំនួនចូលទៅតំបន់ហ្កាហ្សា បន្ទាប់ពីសំណើររបស់លោក Biden

អ៊ីស្រាអែល និយយថាខ្លួនបានបើកមួយផ្នែកនៃការបិទច្រកតំបន់ហ្កាហ្សា បន្ទាប់ពីមានសំណើពីលោកលោកប្រធានាធិបតីអាមេរិក Joe Biden អំឡុងដំណើរទស្សនកិច្ចរបស់លោក។កាលពីថ្ងៃពុធទីក្រុងតេល អាវីវ បាននិយាយថា (Tel Aviv) ខ្លួននឹងមិនបញ្ឈប់ការដឹកជំនួយចេញពីអេហ្ស៊ីប ចូលទៅក្នុងតំបន់ហ្កាហ្សាទេ ហើយអេហ្ស៊ីប និយាយថា អាមេរិក បានព្រមព្រៀងឲ្យមានការបើកច្រកព្រំដែនឆ្លងកាត់នាំយកជំនួយមួយចំនួនចូលក្នុងតំបន់ត្រូវបានឡោមព័ទ្ធមួយនេះ។ រថយន្តដឹកជំនួយ និងបុគ្គលិកស្ម័គ្រចិត្ត បានទៅដល់ប្រទេសអេហ្ស៊ីប រយៈពេលជាច្រើនថ្ងៃមកហើយ ខណៈអង្គការសហប្រជាជាតិ ព្រមានពីគ្រោះមហន្តរាយមនុស្សធម៌។ការវាយប្រហារចំមន្ទីរពេទ្យក្រុងហ្កាហ្សា បានបង្កឲ្យមានការតវ៉ា ទូទាំងពិភពអារ៉ាប់ ដោយមានផ្ទុះអំពើហិង្សានៅក្នុងប្រទេសមួយចំនួន និងមានការជជែកដេញដោលជុំវិញមូលហេតុ។លោក Biden និយាយថា ផ្អែកលើព័ត៌មានដែលយើងបានមើលឃើញថ្ងៃនេះ ទំនងជាដោយសារបរាជ័យការបាញ់រ៉ូកែត ដោយក្រុមភេរវករនៅក្នុងតំបន់ហាម៉ាស ។ សហរដ្ឋអាមេរិក ឈរនៅដោយមិនលម្អៀង ការពារអាយុជីវិតជនស៊ីវិល អំឡុងជម្លោះ ហើយលោកបានបង្ហាញភាពក្រៀមក្រំដល់ក្រុមគ្រួសារដែលបានស្លាប់ ឬរបួសក្នុងសោកនាដកម្មនេះ៕

ជនសង្ស័យទន្ទ្រានយកដីព្រៃរបស់រដ្ឋ ដែលរត់គេចខ្លួនជាច្រើនឆ្នាំ ត្រូវនគរបាលខេត្តមណ្ឌលគិរីចាប់ខ្លួន

មណ្ឌលគិរី៖ ករណីទន្ទ្រានដីព្រៃរបស់រដ្ឋ កាប់គាស់រុនរានដីព្រៃ ឆ្ការព្រៃ និងឈូសឆាយដីព្រៃដើម្បីយក ដីធ្វើជាកម្មសិទ្ធិ នៅចំណុចភ្នំរហាំង ភូមិពូឆប ឃុំដាក់ដាំ ស្រុកអូររាំង ខេត្តមណ្ឌលគីរី កាលពីឆ្នាំ២០២០ ដែលមានជនសង្ស័យជាច្រើននាក់ជាប់ពាក់ព័ន្ធនិងត្រូវចាប់ខ្លួនដាក់ពន្ធនាគារ កាលពីថ្ងៃទី១៨ ខែតុលា ម្សិលមិញនេះ ជនសង្ស័យម្នាក់ទៀតជាប់ពាក់ព័ន្ធក្នុងករណីខាងលើ ត្រូវ នគរបាលខេត្តមណ្ឌលគិរី ឃាត់ខ្លួនបាននៅឃុំប៊ូស្រា ស្រុកពេជ្រាដា ខេត្តមណ្ឌលគិរី ។ការិយាល័យនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តមណ្ឌលគិរី ដឹកនាំដោយលោកវ/ឯក ចំរើន ភីរុណ ស្នងការរងទទួលដឹកនាំការិ.ព្រហ្មទណ្ឌកម្រិតធ្ងន់ និងចូលរួមដោយកម្លាំងអធិការដ្ឋាននគរបាលស្រុកពេជ្រាដា ចុះអនុវត្តដីកាបង្គាប់ឲ្យចាប់ខ្លួន ចុះថ្ងៃទី១៤.កក្កដា.២០២១ របស់ លោក លឹម មករន្ទ ប្រធានក្រុមប្រឹក្សាជំនុំជម្រះ នៃសាលាដំបូងខេត្តក្រចេះ លើឈ្មោះ សារឿនម៉ាប់ ហៅម៉ាប់ប៊ូស្រា ភេទប្រុស អាយុ៤២ឆ្នាំ ជាតិខ្មែរ ទីកន្លែងកំណើតនៅភូមិពូរាំង ឃុំប៊ូស្រា ស្រុកពេជ្រាដា ខេត្តមណ្ឌលគិរី ពីបទ៖ កាប់គាស់រុករានដីព្រៃ ឆ្កាព្រៃ និងឈូសឆាយដីព្រៃដើម្បីយកដីធ្វើកម្មសិទ្ធិ។ក្រោយការចាប់ខ្លួនជនសង្ស័យខាងលើ កម្លាំងជំនាញបានធ្វើកំណត់ហេតុ អនុវត្តដីកា និងធ្វើកំណត់ហេតុ ប្រគល់ ទទួល ជនសង្ស័យទៅឱ្យខាងប៉ុស្តិ៍នគរបាលរដ្ឋបាលក្រញ៉ូងសែនជ័យ នៃស្នងការដ្ឋាននគរបាល ខេត្តក្រចេះ។គួរម្លឹកដែរថា តាមសាលក្រមព្រហ្មទណ្ឌកំបាំងមុខលេខ២៥២១ ខ ចុះថ្ងៃទី១៤ កក្កដា ២០២១ របស់សាលាដំបូងខេត្តក្រចេះ ប្រកាសផ្តន្ទាទោស ឈ្មោះ សារឿន ម៉ាប់ ហៅម៉ាប់ប៊ូស្រា ដាក់ពន្ធនាគារកំណត់ ៥ឆ្នាំ និងពិន័យជាប្រាក់ចំនួន ៦០ (ហុកសិប)លានរៀល ពីបទ៖ កាប់គាស់រុនរានដីព្រៃ ឆ្ការព្រៃ និងឈូសឆាយដីព្រៃដើម្បីយក ដីធ្វើជាកម្មសិទ្ធិ ប្រព្រឹត្តនៅចំណុចភ្នំរហាំង ភូមិពួឆប ឃុំដាក់ដាំ ស្រុកអូររាំង ខេត្តមណ្ឌលគីរី កាលពីថ្ងៃទី ០៩ ខែកញ្ញា ឆ្នាំ២០២០។ - បទល្មើសព្រហ្មទណ្ឌដែលត្រូវផ្តន្ទាទោសតាមមាត្រា៦២ ចំណុច១ និងមាត្រា៥៦ ចំណុច៤ នៃច្បាប់ស្តីពីតំបន់ការពារធម្មជាតិ ៕អ៊ិត ភីរុណ

ក្រុមប្រឹក្សាអន្តរកាលប្រជាធិបតេយ្យរបស់ប្រទេសហៃទី អះអាងថា អគ្គលេខាធិការ ត្រូវបានគេចាប់ពង្រត់

ប្រធានគណៈកម្មាធិការដែលត្រូវបានប្រគល់ភារកិច្ចឲ្យបង្កើតផែនទីបង្ហាញផ្លូវសម្រាប់ការបោះឆ្នោត ដែលបានគ្រោងធ្វើនៅឆ្នាំក្រោយបាននិយាយថា លោក Anthony Virginie Saint-Pierre អគ្គលេខាធិការនៃក្រុមប្រឹក្សាអន្តរកាលជាន់ខ្ពស់របស់ប្រទេសហៃទី (HCT) ត្រូវបានចាប់ពង្រត់ ។ប្រទេសហៃទីដែលមានការបោះឆ្នោតចុងក្រោយក្នុងឆ្នាំ២០១៦ និងគ្មានអ្នកតំណាងជាប់ឆ្នោត ចាប់តាំងពីខែមករានោះ កំពុងប្រឈមមុខនឹងវិបត្តិមនុស្សធម៌ ដែលជំរុញដោយក្រុមជនអន្ធពាលដ៏មានឥទ្ធិពល ដែលគ្រប់គ្រងផ្នែកធំៗនៃរដ្ឋធានីនេះ និងបានចាប់ជំរិតមនុស្សរាប់រយ នាក់។ប្រព័ន្ធផ្សព្វផ្សាយក្នុងស្រុក បានរាយការណ៍ដោយដកស្រង់សម្តី ប្រធាន HCT លោក Mirlande Manigat ថា លោក Saint-Pierre ត្រូវបានចាប់ពង្រត់ នៅពេលថ្ងៃត្រង់ ក្នុងសង្កាត់ Debussy នៃរដ្ឋធានីព័រអូប្រាំង ដោយក្រុមបុរសប្រដាប់អាវុធធុនធ្ងន់ស្លៀកពាក់ជាមន្រ្តីនគរបាល។នៅតំបន់ Petion-Ville ក្បែរនោះ ប្រព័ន្ធផ្សព្វផ្សាយក្នុងស្រុក បាននិយាយថា ការប៉ះទង្គិចគ្នា បានកើតឡើងរវាងនគរបាលជាតិរបស់ប្រទេសហៃទី និងសមាជិកនៃក្រុមជនអន្ធពាល Kraze Barye។

អ៊ីរ៉ង់អំពាវនាវឲ្យបណ្ដាប្រទេសអ៊ីស្លាម ដាក់ទណ្ឌកម្មអ៊ីស្រាអែល ខណៈ OPEC គ្មានគម្រោងចាត់វិធានការភ្លាមៗ

រដ្ឋមន្ត្រីការបរទេសអ៊ីរ៉ង់ លោក ហូសេន អាមៀអាប់ដូឡាហៀន (Hossein Amirabdollahian) បាននិយាយកាលពីថ្ងៃពុធទី១៨ ខែតុលា ថា សមាជិកនៃអង្គការសហប្រតិបត្តិការឥស្លាម (OIC) គួរតែដាក់ទណ្ឌកម្មប្រេង និងទណ្ឌកម្មផ្សេងទៀតលើអ៊ីស្រាអែល ហើយបណ្តេញឯកអគ្គរដ្ឋទូតអ៊ីស្រាអែលទាំងអស់ចេញពីក្នុងប្រទេសជាសមាជិក។ កិច្ចប្រជុំបន្ទាន់មួយរបស់ OIC កំពុងប្រព្រឹត្តទៅនៅទីក្រុង ចេដា (Jeddah) ប្រទេសអារ៉ាប៊ីសាអ៊ូឌីត ដើម្បីពិភាក្សាអំពីជម្លោះអ៊ីស្រាអែល និងប៉ាឡេស្ទីនដែលកំពុងរីកកាន់តែធំ បន្ទាប់ពីមានការបំផ្ទុះនៅមន្ទីរពេទ្យមួយនៅតំបន់ហ្កាហ្សា កាលពីល្ងាចថ្ងៃអង្គារសម្លាប់ប្រជាជនប៉ាឡេស្ទីនជាង៥០០នាក់។ក្រសួងការបរទេសអ៊ីរ៉ង់បាននិយាយនៅក្នុងសេចក្តីថ្លែងការណ៍មួយថា បណ្ដារដ្ឋមន្ត្រីការបរទេសអំពាវនាវឱ្យមានការដាក់ទណ្ឌកម្មជាបន្ទាន់ និងពេញលេញលើអ៊ីស្រាអែលដោយបណ្ដាប្រទេសអ៊ីស្លាម រួមទាំងទណ្ឌកម្មប្រេង បន្ថែមពីលើការបណ្តេញឯកអគ្គរដ្ឋទូតអ៊ីស្រាអែល ប្រសិនបើទំនាក់ទំនងជាមួយរបបប្រឆាំងជ្វីហ្វ (Zionist) ត្រូវបានបង្កើតឡើង ។រដ្ឋមន្ត្រីការបរទេសអ៊ីរ៉ង់រូបនេះ ក៏បានអំពាវនាវឱ្យមានការបង្កើតក្រុមមេធាវីអ៊ីស្លាម ផងដែរ ដើម្បីចងក្រងឯកសារឧក្រិដ្ឋកម្មសង្គ្រាមដែលអាចប្រព្រឹត្តដោយអ៊ីស្រាអែលនៅតំបន់ហ្កាហ្សា។ សូមបញ្ជាក់ថា ប្រទេសអ៊ីរ៉ង់មិនមានទំនាក់ទំនងការទូតជាមួយអ៊ីស្រាអែលទេ។ មុនពេលការផ្ទុះនៅមន្ទីរពេទ្យហ្កាហ្សាកាលពីថ្ងៃអង្គារ ក្រុមអាជ្ញាធរសុខាភិបាលក្នុងតំបន់នេះបាននិយាយថា មនុស្សយ៉ាងហោចណាស់ជាង៣.០០០ នាក់បានស្លាប់ក្នុងអំឡុងការទម្លាក់គ្រាប់បែករយៈពេល ១១ ថ្ងៃរបស់អ៊ីស្រាអែលដែលបានចាប់ផ្តើមបន្ទាប់ពីការវាយលុករបស់ពួកហាម៉ាសកាលពីថ្ងៃទី ៧ ខែតុលា ទៅលើសហគមន៍អ៊ីស្រាអែលភាគខាងត្បូង ដែលមនុស្ស ១.៣០០ នាក់បានស្លាប់ និងប្រមាណ២០០ នាក់ ត្រូវបាន ក្រុមហាម៉ាស ចាប់ជាចំណាប់ថ្នូរចូលទៅក្នុងតំបន់ហ្កាហ្សា៕

ការកើនឡើងផ្សព្វផ្សាយព័ត៌មានមិនពិត ជំរុញការដុតបញ្ឆេះជម្លោះរវាងអ៊ីស្រាអែល និងក្រុមហាម៉ាស

ខណៈជម្លោះរវាងអ៊ីស្រាអែល និងក្រុមហាម៉ាស រាលដាលកាន់តែធំ ក្រុមនិយតករ និងក្រុមអ្នកវិភាគ និយាយថា រលកនៃការផ្សព្វផ្សាយព័ត៌មានក្លែងក្លាយតាមអ៊ីនធឺណិត ប្រឈមការដុតបញ្ឆេះភាពតានតឹង បន្ថែមទៀត និងធ្វើឲ្យជម្លោះរីកកាន់តែធំក្នុងសង្គ្រាមដ៏ធ្ងន់ធ្ងរមួយនេះ។ ការផ្ទុះនៅមន្ទីរពេទ្យហ្កាហ្សា (Gaza) ដែលបានសម្លាប់ជនជាតិប៉ាឡេស្ទីនរាប់រយនាក់កាលពីថ្ងៃអង្គារ គឺជាការផ្តោតចុងក្រោយនៃសកម្មភាពកើនឡើង ខណៈក្រុមអ្នកគាំទ្រភាគីទាំងពីរនៅក្នុងការប្រយុទ្ធគ្នារវាងអ៊ីស្រាអែល និងក្រុមហាម៉ាសព្យាយាម ពង្រឹងការនិទានរឿងរបស់ភាគីខ្លួន និងដាក់ការសង្ស័យទៅលើភាគីម្ខាងទៀត។ លោកប្រធានាធិបតីអាមេរិក Joe Biden បានសំដៅលើបញ្ហាប្រឈមនៃការផ្ទៀងផ្ទាត់ព័ត៌មានក្នុងអំឡុងពេលជម្លោះនៅក្នុងការកត់សម្គាល់អំពីការផ្ទុះនៅមន្ទីរពេទ្យក្នុងដំណើរទស្សនកិច្ចទៅកាន់ប្រទេសអ៊ីស្រាអែលកាលពីថ្ងៃពុធ ដោយនិយាយថាការទទួលខុសត្រូវចំពោះឧបទ្ទវហេតុ នេះទំនងជាស្ថិតនៅជាមួយសត្រូវរបស់អ៊ីស្រាអែល។ អង្គភាពត្រួតពិនិត្យការពិតរបស់សារព័ត៌មាន Reuters បានកំណត់ករណីជាច្រើននៃការបង្ហោះតាមប្រព័ន្ធផ្សព្វផ្សាយសង្គមដោយប្រើរូបភាពក្លែងក្លាយ និងព័ត៌មានអំពីជម្លោះអ៊ីស្រាអែល និងក្រុមហាម៉ាស និងផ្សេងទៀតដែលការភាន់ច្រឡំជាជាងការចេរញផ្សាយព័ត៌មានមិនពិតដោយចេតនានាំឲ្យ មានភាពតានតឹងកាន់តែខ្លាំងឡើង។គណនី X មួយមានឈ្មោះ ថា Farida Khan ដែលអះអាងថាជាអ្នកយកព័ត៌មានរបស់ក្រុមហ៊ុន Al Jazeera ក្នុងតំបន់ Gaza បានបង្ហោះសារមួយដោយនិយាយថា ពួកគេមានវីដេអូនៃការបាញ់របស់ក្រុមហាម៉ាស បានធ្លាក់លើមន្ទីរពេទ្យនៅក្នុងឧបទ្ទវហេតុកាលពីថ្ងៃអង្គារ។ ក្រុមហ៊ុនប្រព័ន្ធផ្សព្វផ្សាយAl Jazeera បានជូនដំណឹងជាបន្តបន្ទាប់ដល់អ្នកប្រើប្រាស់ប្រព័ន្ធផ្សព្វផ្សាយសង្គមថាគណនីនេះមិនមានទំនាក់ទំនងជាមួយសេវាកម្មព័ត៌មាននោះទេ ។ សារព័ត៌មាន Al Jazeera បានប្រាប់សារព័ត៌មាន Reuters ថា ខ្លួនពុំបានជួលបុគ្គលដែលមានឈ្មោះ Farida Khan ទេ។ ក្រោយមកគណនីត្រូវបានលុបចេញ៕

បណ្ដាញសង្គម

ព័ត៌មានថ្មីៗ

រាជរដ្ឋាភិបាលកម្ពុជា បង្កើតក្រុមការងារចម្រុះចំណុះលេខាធិការដ្ឋាន គ.ប.ឆ.ប.ដើម្បីបង្កើនប្រសិទ្ធភាពបង្ក្រាប និងបោសសម្អាតការឆបោកតាមប្រព័ន្ធបច្ចេកវិទ្យា

អភិបាលរាជធានីណែនាំឱ្យមន្ត្រី និងកងកម្លាំងប្រឹងប្រែងបន្ថែមទៀតលើការរក្សាសន្តិសុខ និងការងារនានា

រុស្ស៊ី អះអាងថាបានវាយប្រហារលើគោលដៅអ៊ុយក្រែន ខណៈអ៊ុយក្រែនថាបានវាយប្រហារលើស្ថានីយ៍បូមប្រេង

លោក Trump អះអាងពីការគ្រប់គ្រងពេញលេញច្រកសមុទ្រ Hormuz ខណៈអ៊ីរ៉ង់រៀបចំបញ្ជីគោលដៅសងសឹក

ការវាយប្រហារតាមច្រកអាកាសរុស្ស៊ីសម្លាប់មនុស្ស ២នាក់នៅទីក្រុងកំពង់ផែ Odesa របស់អ៊ុយក្រែន

ក្រុមហ៊ុននានា កំពុងបញ្ឈប់បុគ្គលិកនៅឆ្នាំនេះ រួមមាន Meta, Amazon និង Oracle ផងដែរ

សង្គ្រាមអ៊ីរ៉ង់ប៉ះពាល់ការផ្គត់ផ្គង់សារធាតុប៉ូលីយេស្ទ័ររបស់អាស៊ី ចំពោះម៉ូដសម្លៀកបំពាក់តម្លៃទាបសកល

អាមេរិក៖ កីឡាករអ៊ីរ៉ង់ត្រូវបានស្វាគមន៍នៅ World Cup អំឡុងមានពាក្យចចាមអារ៉ាម ពាក់ព័ន្ធអ៊ីតាលី

ប្រព័ន្ធផ្សព្វផ្សាយ៖ នាវាដឹកទំនិញអ៊ីរ៉ង់ទៅដល់កំពង់ផែ ក្រោយមានការប៉ុនប៉ងរឹបអូសដោយអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877