BTV NEWS

ស្នងការរាជធានី ដាក់ចេញនូវគោលការណ៍បង្ការ ទប់ស្កាត់រាល់បទល្មើស និង អនុវត្តប្រកបដោយក្រមសីលធម៌វិជ្ជាជីវៈនគរបាល

ក្មេងទំនើង៣នាក់បំផ្លាញទ្រព្យសម្បត្តិសាធារណៈត្រូវបានឃាត់ខ្លួន ធ្វើកិច្ចសន្យាអប់រំណែនាំដោយមានការធានាពីអាណាព្យាបាល ដើម្បីអប់រំនៅមូលដ្ឋានបន្ត

រយៈពេល១ខែកន្លះចុងឆមាសទី១នេះ សមត្ថកិច្ចរាជធានី បង្ក្រាបបទល្មើសគ្រឿងញៀន ឃាត់មនុស្ស៧៣នាក់

កម្លាំងនគរបាលស្រុកស្វាយជ្រំយកចិត្តទុកដាក់ទប់ស្កាត់និងបង្ក្រាប ធ្វើឱ្យបទល្មើសថយចុះស្ទើរទាំងស្រុង

សន្តិសុខ និង សង្គម

អ្នកជំងឺ២៤នាក់ រួមមានកុមារ១២នាក់ស្លាប់ រយៈពេលតែ១ថ្ងៃ នៅមន្ទីរពេទ្យប្រទេសឥណ្ឌា

កុមារ១២នាក់ បានស្លាប់ក្នុងរយៈពេលតែមួយថ្ងៃ នៅមន្ទីរពេទ្យនៅក្នុងរដ្ឋ Maharashtra ប្រទេសឥណ្ឌា កាលពីថ្ងៃអាទិត្យ បង្កឲ្យមានព្យុះនយោបាយរយៈពេលច្រើនថ្ងៃក្រោយមក។ យោងតាមមន្ត្រីមន្ទីរពេទ្យ និងប្រព័ន្ធផ្សព្វផ្សាយក្នុងតំបន់បានឲ្យដឹងថា អ្នកស្លាប់មានចំនួន២៤នាក់ នៅមន្ទីរពេទ្យរដ្ឋាភិបាល Shankarrao Chavan ក្នុងស្រុក Nanded ។ អ្នកនយោបាយគណបក្សប្រឆាំង បានចោទប្រកាន់រដ្ឋាភិបាលតំបន់ និងអាជ្ញាធរមន្ទីរពេទ្យ ពីការមិនយកចិត្តទុកដាក់កាលពីថ្ងៃអង្គារ។ កូនរបស់លោក Ramesh Chokovasadavarti បានស្លាប់នៅមន្ទីរពេទ្យ។ លោកនិយាយថា យើងត្រូវបានគេប្រាប់ថាកូនរបស់យើង មានដំបៅរលួយហើយត្រូវការវះកាត់ដើម្បីកុំឲ្យឆ្លង។ ពួកគេបានសុំការព្រមព្រៀងពីយើង ហើយយើងភ័យខ្លាចនិងបានចុះហត្ថលេខាលើពាក្យសុំការយល់ព្រម ហើយក្រោយមកសាកសពអ្នកស្លាប់ជាកូនរបស់លោក បានយកចេញមក។ប្រធាននៅមន្ទីរពេទ្យ ពុំបានឆ្លើយតបជាមួយសារព័ត៌មានរ៉យទ័រសម្រាប់ការសុំអត្ថាធិប្បាយនោះទេលើការចោទប្រកាន់នេះ ឬការចោទប្រកាន់ប្រឆាំងពីការធ្វើប្រហែស។ ប៉ុន្តែនិយាយទៅកាន់ ទីភ្នាក់ងារសារព័ត៌មាន ANI កាលពីព្រឹកថ្ងៃអង្គារ លោកបាននិយាយថា អ្នកជំងឺពេញវ័យម្នាក់ បានស្លាប់ដោយសារមានជំងឺច្រើន រួមទាំងជំងឺទឹកនោមផ្អែម ជំងឺថ្លើម និងតម្រងនោម។រដ្ឋាភិបាលរដ្ឋ គ្រប់គ្រងដោយគណបក្សរបស់នាយករដ្ឋមន្ត្រីលោក Narendra Modi និងសម្ព័ន្ធមិត្ត បានចាប់ផ្តើមការស៊ើបអង្កេតលើករណីអ្នកស្លាប់។ភាពចលាចល បានបញ្ជាក់ពីភាពច្របូកច្របល់កាន់តែខ្លាំង នៅមន្ទីរពេទ្យរដ្ឋាភិបាល ក្នុងប្រទេសដែលមានប្រជាជនច្រើនបំផុតលើពិភពលោក។ ប្រព័ន្ធថែទាំសុខភាពសាធារណៈរបស់ប្រទេសឥណ្ឌាគ្មានការបំពាក់សម្ភារៈ និងត្រូវបានញាំញីដោយកង្វះបុគ្គលិកនិងសម្ភារៈ។

ទង់ជាតិត្រូវបានបង្ហូតត្រឹមពាក់កណ្តាលដង ខណៈប្រទេសនីហ្សេកាន់ទុក្ខទាហាន២៩នាក់ស្លាប់

ពលរដ្ឋនីហ្សេ ភ្ញាក់ឡើង បានឃើញសារព័ត៌មានដែលនិយាយថា ទាហាននីហ្សេយ៉ាងហោចណាស់២៩នាក់ស្លាប់ ក្នុងការវាយប្រហារដោយក្រុមបះបោរប្រដាប់អាវុធ នៅជិតព្រំដែនរបស់ប្រទេសជាមួយប្រទេសម៉ាលី។ យោងតាមអំណានសេចក្តីថ្លែងការណ៍ នៅលើទូរទស្សន៍នីហ្សេបានឲ្យដឹងថា ទាហាន២៩នាក់បានស្លាប់ និង២នាក់រងរបួសធ្ងន់។ ទង់ជាតិត្រូវបានបង្ហូតត្រឹមពាក់កណ្តាលដង ខណៈប្រទេសនីហ្សេ កាន់ទុក្ខទាហានស្លាប់ទាំង២៩នាក់។មនុស្សជាច្រើនបានចូលរួមរំលែកទុក្ខសម្រាប់ទាហានដែលបានស្លាប់ ខណៈអ្នកផ្សេងទៀតបារម្ភថា រដ្ឋាភិបាលថ្មី ពុំអាចមានសមត្ថភាពបញ្ឈប់ភាពអសន្តិសុខនៅក្នុងប្រទេសនេះ។ក្រសួងការពារជាតិ បាននិយាយថាទាហានជាច្រើន បានវិលត្រលប់ពីប្រតិបត្តិការប្រឆាំងក្រុមសកម្មប្រយុទ្ធ នៅពេលពួកគេត្រូវបានដាក់គោលដៅដោយអ្នកវាយប្រហារជាង១០០នាក់ ជិះតាមយានយន្ត និងម៉ូតូ ដោយប្រើប្រាស់ឧបករណ៍បំផ្ទុះ និងគ្រាប់បែកអត្តឃាត។

ស៊ែរប៊ីចាប់ខ្លួនជនសង្ស័យសំខាន់ជុំវិញការសម្លាប់នគរបាលកូសូវ៉ូ

ក្រសួងមហាផ្ទៃ បាននិយាយថា ប្រទេសស៊ែរប៊ី កាលពីថ្ងៃអង្គារ បានចាប់ខ្លួនមេដឹកនាំនៃក្រុមខ្មាន់កាំភ្លើង ដែលគេសង្ស័យ បានសម្លាប់នគរាបាលកូសូវ៉ូ កាលពីថ្ងៃទី២៤ ខែកញ្ញា។ក្រសួងបាននិយាយនៅក្នុងសេចក្តីថ្លែងការណ៍មួយថា លោក Milan Radoicic ត្រូវបានឃុំខ្លួន នៅក្នុងមន្ទីរឃុំឃាំងរយៈពេល៤៨ម៉ោង ហើយបានប្រគល់ទៅឲ្យការិយាល័យរដ្ឋអាជ្ញាសាធារណៈនៃទីក្រុងបែលហ្គ្រាដ ដោយបន្ថែមថា នគរបាល បានឆែកឆេរផ្ទះល្វែងរបស់គាត់ និងទ្រព្យសម្បត្តិផ្សេងទៀត ប៉ុន្តែមិនបានបញ្ជាក់ថា គាត់ត្រូវបានចាប់ខ្លួន នៅទីណានោះទេ។លោក Radoicic មានវ័យ៤៥ឆ្នាំ គឺជាពាណិជ្ជករម្នាក់ និងជាអតីតអ្នកនយោបាយជនជាតិភាគតិចកូសូវ៉ូដ៏មានឥទ្ធិពល។រដ្ឋអាជ្ញាធរ បាននិយាយថា លោករួមជាមួយនឹង«ជនមិនស្គាល់មុខជាច្រើន» ត្រូវបានគេសង្ស័យថា បានផលិត កាន់កាប់ និងជួញដូរអាវុធ និងសារធាតុផ្ទុះដោយគ្មានការអនុញ្ញាត ព្រមទាំងឧក្រិដ្ឋកម្មធ្ងន់ធ្ងរប្រឆាំងនឹងសុវត្ថិភាពទូទៅ។ពួកគេ បាននិយាយនៅក្នុងសេចក្តីថ្លែងការណ៍មួយថា នៅចន្លោះខែមករា និងថ្ងៃនៃការវាយប្រហារនោះ លោក Radoicic កំពុងទិញអាវុធពីប្រទេសជិតខាងគឺ បូស្នៀ (Bosnia) ហើយបន្ទាប់មកដឹកជញ្ជូន និងរក្សាទុកអាវុធទាំងនោះនៅទីតាំងដែលមិនបានបញ្ជាក់«ក្នុងទីក្រុងកូសូវ៉ូ។

ក្រុមគ្រួសារនៅតែស្វែងរកអ្នកបាត់ខ្លួនក្នុងទឹកជំនន់នៅទីក្រុង Derna របស់ប្រទេសលីប៊ី

ចាប់តាំងពីគ្រោះទឹកជំនន់ដ៏មហន្តរាយ បានលេបត្របាក់តំបន់ទាំងមូលនៃទីក្រុង Derna របស់ប្រទេសលីប៊ី កាលពីខែមុន ជាមួយនឹងសាកសពជាង៤.០០០នាក់មកទល់ពេលនេះមក អ្នករស់រានមានជីវិតនៅតែបន្តស្វែងរកសាច់ញាតិដែលបានបាត់ខ្លួន។ ពួកគេមិនរំពឹងថានឹងអាចរកឃើញពួកគេនៅរស់ទេ ប៉ុន្តែពួកគេចង់កប់អ្នកទាំងនោះឲ្យបានត្រឹមត្រូវដើម្បីឱ្យមានផ្នូរសម្រាប់កាន់ទុក្ខ។លោក Abdulsalam al-Kadi វ័យ៤៣ឆ្នាំ ដែលបានចំណាយរយៈពេលពីរថ្ងៃក្នុងការធ្វើដំណើរទៅទីក្រុង Derna ពីលំនៅឋានថ្មីរបស់លោកនៅសហរដ្ឋអាមេរិក ដើម្បីស្វែងរកឪពុក និងបងប្រុសរបស់ខ្លួន បាននិយាយថា «ខ្ញុំគិតថាប្រហែលជាសមុទ្របានបោកបក់យកពួកគេទៅក្នុងទឹក ហើយប្រហែលជាពួកគេជាប់នៅក្រោមកំពង់ផែ ប៉ុន្តែគ្រាន់តែរកមិនទាន់ឃើញ»។រយៈពេលបីសប្តាហ៍ បន្ទាប់ពីទឹកជំនន់បានសម្លាប់មនុស្សរាប់ពាន់នាក់មក អ្នកនៅរស់រានមានជីវិតជាច្រើនមិនទាន់រកឃើញមនុស្សជាទីស្រលាញ់របស់ពួកគេទេ ខណៈក្រុមបក្សគូប្រជែងរបស់ប្រទេសលីប៊ីបាននឹងកំពុងជជែកវែកញែកអំពីថា អ្នកណាដែលត្រូវស្តីបន្ទោសចំពោះគ្រោះមហន្តរាយនេះ និងមធ្យោបាយកសាងទីក្រុងដែលខូចនោះឡើងវិញ។ឥឡូវនេះ ក្រុមគ្រួសារជាច្រើនប្រឈមមុខនឹងការរំពឹងទុកថា ពួកគេមិនអាចរកឃើញថាមានអ្វីកើតឡើងចំពោះឪពុកម្តាយ កូនៗ ឬសាច់ញាតិផ្សេងទៀតរបស់ពួកគេនោះទេ ទោះបីជាមានការខិតខំប្រឹងប្រែងដើម្បីកំណត់អត្តសញ្ញាណសាកសពក៏ដោយ ខណៈសាកសពជាច្រើនត្រូវបានកប់យ៉ាងប្រញាប់ប្រញាល់នៅក្នុងផ្នូរដ៏ធំមួយដោយប្រើរូបថត ឬការធ្វើតេស្តឌីអិនអេ (DNA) ជាដើម៕

[BREAKING NEWS] លោកKevin McCarthy ត្រូវបានបណ្តេញចេញពីតំណែងជាប្រធានសភានៅក្នុងការបោះឆ្នោតជាប្រវត្តិសាស្ត្រ

អាមេរិក៖ ប្រធានសភាសហរដ្ឋអាមេរិក លោក Kevin McCarthy ត្រូវបានដកចេញពីតំណែងនៅក្នុងការបោះឆ្នោតជាប្រវត្តិសាស្ត្រមួយកាលពីថ្ងៃអង្គារបន្ទាប់ពីការបះបោរស្តាំនិយមចំពោះការពឹងផ្អែករបស់លោកលើគណបក្សប្រជាធិបតេយ្យដើម្បីអនុម័តការផ្តល់មូលនិធិដើម្បីទប់ស្កាត់ការបិទរដ្ឋាភិបាល។ការបោះឆ្នោតចុងក្រោយគឺ សំឡេងគាំទ្រ២១៦ ទល់នឹង២១០ដោយមានគណបក្សសាធារណរដ្ឋចំនួន៨រូបចូលរួមជាមួយគណបក្សប្រជាធិបតេយ្យទាំងអស់ដើម្បីបោះឆ្នោតដើម្បីដកលោក McCarthy ចេញពីតំណែង។ នេះគឺជាលើកទីមួយហើយដែលប្រធានសភាត្រូវបានដកចេញនៅក្នុងការបោះឆ្នោតដកសេចក្ដីទុកចិត្ត៕

កូនប្រុសរបស់លោកយ៉េវហ្គេ ព្រីហ្គោហ្ស៊ី (Yevgeny Prigozhin)«កាន់កាប់ទីបញ្ជាការរបស់ក្រុមទាហានស៊ីឈ្នួល Wagner»

ក្រុមដែលមានទំនាក់ទំនងជាមួយកងជីវពល បាននិយាយថា កូនប្រុសរបស់ លោក យ៉េវហ្គេ ព្រីហ្គោហ្ស៊ី បានចូលកាន់កាប់ទីបញ្ជាការរបស់ក្រុមទាហានស៊ីឈ្នួល Wagner ហើយកំពុងចរចាជាមួយទីក្រុងម៉ូស្គូអំពីការបញ្ជូនអ្នកប្រយុទ្ធរបស់ខ្លួនទៅចូលរួមសង្រ្គាមនៅអ៊ុយក្រែនវិញ។ វិទ្យាស្ថានសម្រាប់ការសិក្សាសង្គ្រាម (ISW) បាននិយាយថា លោក ប៉ាវ៉ែល ព្រីហ្គោហ្ស៊ី (Pavel Prigozhin) មានវ័យ ២៥ឆ្នាំ កំពុងពិភាក្សាជាមួយឆ្មាំការពារជាតិរុស្ស៊ីអំពីអនាគតនៃក្រុមទាហានស៊ីឈ្នួលដែលបង្កើតឡើងដោយឪពុករបស់ខ្លួន នេះបើយោងតាមបណ្តាញ Telegram ដែលមានទំនាក់ទំនងជាមួយក្រុមទាហានស៊ីឈ្នួល Wagner ដ៏លេចធ្លោនេះ។សមាសភាពប្រយុទ្ធសំខាន់ៗរបស់ក្រុម Wagner ត្រូវបានខ្ចាត់ខ្ចាយនៅក្នុងប្រទេសជាច្រើន រួមទាំងបេឡារុស សាធារណរដ្ឋអាហ្វ្រិកកណ្តាល លីប៊ី និងម៉ាលី ដោយយុទ្ធជនរបស់ខ្លួន បានដកខ្លួនចេញពីអ៊ុយក្រែន កាលពីដើមឆ្នាំនេះ។ក្រុមនេះ មិនមានមេដឹកនាំច្បាស់លាស់ទេ ចាប់តាំងពីការស្លាប់របស់ លោក យ៉េវហ្គេ ព្រីហ្គោហ្ស៊ី ក្នុងឧប្បត្តិហេតុធ្លាក់យន្តហោះ ក្នុងខែសីហា រយៈពេលពីរខែ បន្ទាប់ពីគាត់បានដឹកនាំការបះបោរ ដែលបរាជ័យក្នុងគោលបំណងដកតំណែងមេដឹកនាំយោធាជាន់ខ្ពស់របស់រុស្ស៊ីជុំវិញការបរាជ័យប្រតិបត្តិការ នៅក្នុងសង្គ្រាមអ៊ុយក្រែន។

ក្រុមគ្រូពេទ្យអាឡឺម៉ង់ ចាប់ផ្តើមធ្វើកូដកម្មជុំវិញបញ្ហាប្រាក់ឈ្នួល និងអតិផរណាខ្ពស់

ក្រុមវេជ្ជបណ្ឌិតរាប់ពាន់នាក់ កាលពីថ្ងៃច័ន្ទ (២ តុលា) បានធ្វើដំណើរតាមដងផ្លូវទូទាំងប្រទេសអាល្លឺម៉ង់ ដោយត្អូញត្អែរអំពីកំណើនថ្លៃចំណាយប្រចាំថ្ងៃ ស្របពេលមានការកើនឡើងជាបន្តបន្ទាប់នៃអតិផរណា ដែលបានញាំញីបណ្ដាប្រទេសអឺរ៉ុបជាច្រើន។ ក្រុមវេជ្ជបណ្ឌិតនៅទីក្រុងប៊ែរឡាំង បានប្រមូលផ្តុំគ្នានៅខាងក្រៅទីស្នាក់ការកណ្តាលរបស់ក្រសួងសុខាភិបាលសហព័ន្ធ ដោយសម្តែងការទាមទាររបស់ពួកគេសម្រាប់ការគាំទ្រផ្នែកហិរញ្ញវត្ថុបន្ថែមទៀត។ក្រុមអ្នករៀបចំការតវ៉ាបាននិយាយថា កំណើនការចំណាយលើថាមពល បរាជ័យការប៉ុនប៉ងអនុវត្តឌីជីថល និងកង្វះអ្នកមានជំនាញ បានធ្វើឱ្យគ្លីនិកសម្រាកព្យាបាលកាន់តែមានភាពតានតឹង ដែលមិនអាចគ្រប់គ្រងបាន។ ពួកគេបាននិយាយថា ថវិកាដ៏តឹងរ៉ឹងរបស់រដ្ឋាភិបាល បានរួមបញ្ជូលក្នុងវិបត្តិសេដ្ឋកិច្ចរបស់ពួកគេ ហើយការបិទគ្លីនិកបន្តបន្ទាប់អាចប្រែទៅជារឿងធម្មតា ប្រសិនបើស្ថានភាពបច្ចុប្បន្នមិនផ្លាស់ប្តូរ។យោងតាមគ្រូពេទ្យម្នាក់ក្នុងអំឡុងពេលតវ៉ាបានឲ្យដឹងថា ដោយអស់សង្ឃឹមក្នុងការទប់ទល់ថ្លៃចំណាយ គ្លីនិកមួយចំនួនយល់ថា ពួកគេត្រូវបង្ខំចិត្តទទួលបន្ទុកអ្នកជំងឺលើសកំណត់ ដែលមិនត្រឹមតែបង្កើនបន្ទុកការងាររបស់គ្រូពេទ្យប៉ុណ្ណោះទេ ថែមទាំងប៉ះពាល់ដល់គុណភាពនៃការថែទាំដែលផ្តល់ឲ្យអ្នកជំងឺផងដែរ ដោយសារពេលវេលាពិគ្រោះសុខភាពតិច និងមានកំណត់៕

ម៉ាឡេស៊ីត្រៀមបង្កើតភ្លៀង និងបិទសាលារៀន ខណៈគុណភាពខ្យល់កាន់តែអាក្រក់

នាយកដ្ឋានបរិស្ថានបាននិយាយថា ប្រទេសម៉ាឡេស៊ី នឹងព្យាយាមបង្កើតភ្លៀងសិប្បនិមិត្ត ដោយការបណ្ដុះពពក និងរៀបចំបិទសាលារៀន ខណៈគុណភាពខ្យល់នៅកន្លែងផ្សេងៗក្នុងប្រទេស កាន់តែមានភាពយ៉ាប់យ៉ឺន ដោយបង្កើនការភ័យខ្លាចនៃការបំពុលជាថ្មីពីចំហេះព្រៃ។ស្ទើរតែរៀងរាល់រដូវប្រាំង ផ្សែងហុយចេញពីចំហេះ ដែលដុតសម្រាប់ឈូសឆាយដីចំការដូងប្រេង ព្រមទាំងចំការឈើ និងក្រដាស ក្នុងប្រទេសឥណ្ឌូណេស៊ី បណ្ដាលឲ្យមានផ្សែងអណ្តែតពាសពេញផ្ទៃមេឃពាសនៅតាមតំបន់មួយចំនួន ដែលនាំមកនូវហានិភ័យដល់សុខភាពសាធារណៈ និងការព្រួយបារម្ភដល់ប្រតិបត្តិករទេសចរណ៍ និងក្រុមហ៊ុនអាកាសចរណ៍ជាដើម។ ម៉ាឡេស៊ីបាននិយាយកាលពីសប្តាហ៍មុនថា ចំហេះព្រៃនៅក្នុងប្រទេសឥណ្ឌូនេស៊ីជិតខាង បានបង្កឱ្យមានការបំពុល ទោះបីជាឥណ្ឌូនេស៊ីបានបដិសេធ មិនបានរកឃើញផ្សែងដែលហុយចេញពីព្រំដែនរបស់ខ្លួន ចូលទៅក្នុងប្រទេសម៉ាឡេស៊ីក៏ដោយ។អគ្គនាយកនៃនាយកដ្ឋានបរិស្ថាន លោក Wan Abdul Latiff Wan Jaffar បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃច័ន្ទ (២ តុលា) ថា កិច្ចខិតខំប្រឹងប្រែងដើម្បីសម្អាតខ្យល់ជាមួយនឹងភ្លៀងសិប្បនិមិត្តដោយការបណ្តុះពពក និងវិធានការផ្សេងទៀតដើម្បីទប់ទល់នឹងការបំពុល នឹងចូលជាធរមាននៅពេលដែលតួលេខសន្ទស្សន៍បំពុលបរិយាកាស API ឈានដល់កម្រិត១៥០ អស់រយៈពេលជាង ២៤ម៉ោង។ លោកបានបន្ថែមថា សាលារៀន និងសាលាមត្តេយ្យសិក្សា ត្រូវតែបញ្ឈប់សកម្មភាពខាងក្រៅទាំងអស់នៅពេលដែលសន្ទស្សន៍បំពុល API ឈានដល់កម្រិត១០០ ហើយនឹងបិទសាលារៀនតែម្ដងនៅពេលដែលសន្ទស្សន៍ឈានដល់កម្រិត២០០ ដែលជាកម្រិតដ៏គ្រោះថ្នាក់មួយ៕

បេសកជនUN អំពាវនាវឱ្យមាន «យន្តការបង្រួបបង្រួម» ដើម្បីដឹកនាំការកសាងទីក្រុងប៉ះពាល់ដោយទឹកជំនន់នៅលីប៊ីឡើងវិញ

មន្ត្រីជាន់ខ្ពស់របស់អង្គការសហប្រជាជាតិ ក្នុងប្រទេសលីប៊ី កាលពីថ្ងៃចន្ទ (២ តុលា) បានអំពាវនាវឱ្យមានយន្តការបង្រួបបង្រួមមួយ ដើម្បីដឹកនាំការកសាងឡើងវិញនូវទីក្រុងឆ្នេរសមុទ្រ ដែលត្រូវបានបំផ្លាញដោយទឹកជំនន់ដ៏មហន្តរាយកាលពីខែមុន។បេសកជនពិសេសរបស់អង្គការសហប្រជាជាតិទទួលបន្ទុកប្រទេសលីប៊ី លោក Abdoulaye Bathily បាននិយាយនៅក្នុងសេចក្តីថ្លែងការណ៍មួយថា យន្តការបែបនេះត្រូវបានទាមទារ ស្របពេលដែល «គំនិតផ្តួចផ្តើមឯកតោភាគី និងប្រកួតប្រជែង» ដោយបណ្ដាក្រុមហ៊ុន និងស្ថាប័ននានារបស់លីប៊ី លើការកសាងឡើងវិញនៃទីក្រុងសមុទ្រមេឌីទែរ៉ាណេ Derna និងតំបន់ដែលរងផលប៉ះពាល់ដោយទឹកជំនន់ផ្សេងៗទៀត។ក្រុមមន្ត្រីរដ្ឋាភិបាល និងទីភ្នាក់ងារផ្តល់ជំនួយ បានផ្តល់ការប៉ាន់ស្មានចំនួនអ្នកស្លាប់ ចាប់ពីជាង៤.០០០នាក់ ទៅជាង១១.០០០នាក់។ សាកសពមនុស្សជាច្រើននាក់ នៅតែស្ថិតនៅក្រោមគំនរបាក់បែក ឬនៅក្នុងសមុទ្រមេឌីទែរ៉ាណេ នេះបើតាមក្រុមស្រាវជ្រាវ។ខណៈលីប៊ីនៅតែមានការខ្វែងគំនិតគ្នា ដោយមានរដ្ឋបាលគូប្រជែងពីរក្រុម ទាមទារភាពស្របច្បាប់ ហើយម្នាក់ៗចង់មើលការខុសត្រូវលើការស្ថាបនាឡើងវិញនៃទីក្រុង Derna លោក Bathily បានអំពាវនាវឱ្យមាន «យន្តការជាតិបង្រួបបង្រួម ដែលតម្រូវឱ្យអនុវត្តកិច្ចខិតខំប្រឹងប្រែងកសាងឡើងវិញនៅក្នុងតំបន់ដែលរងផលប៉ះពាល់ដោយទឹកជំនន់» ប្រកបដោយប្រសិទ្ធភាព៕

ប្រធានទីភ្នាក់ងារទេសន្តរប្រវេសន៍ថ្មីរបស់UN បារម្ភថា ការស្លាប់តាមទូក ក្លាយជា«រឿងធម្មតា»

ប្រធានទីភ្នាក់ងារទេសន្តរប្រវេសន៍ថ្មីរបស់អង្គការសហប្រជាជាតិកាលពីថ្ងៃចន្ទ បានសម្តែងការព្រួយបារម្ភថាការស្លាប់នៅសមុទ្រមេឌីទែរ៉ាណេ កំពុងត្រូវបានធ្វើឲ្យក្លាយជាលក្ខណៈធម្មតា ហើយបានប្តេជ្ញាថា នឹងធ្វើការជាមួយរដ្ឋាភិបាល ដើម្បីផ្តល់ជម្រើសសម្រាប់ការធ្វើចំណាកស្រុកសេដ្ឋកិច្ច ដើម្បីជួយដោះស្រាយវិបត្តិនេះ។អតីតទីប្រឹក្សាសេតវិមាន អ្នកស្រី អាមី ប៉ូប ( Amy Pope) បានចាប់ផ្តើមជាប្រធានអង្គការអន្តរជាតិសម្រាប់ទេសន្តរប្រវេសន៍(IOM) កាលពីថ្ងៃទី១ ខែតុលា ក្នុងពេលដែលកំណត់ត្រានៃការផ្លាស់ទីលំនៅដោយបង្ខំនៅជុំវិញពិភពលោក និងភាពតានតឹងនយោបាយខ្ពស់ជុំវិញការធ្វើអន្តោប្រវេសន៍មិនទៀងទាត់។ក្នុងរយៈពេលប៉ុន្មានថ្ងៃថ្មីៗនេះ រដ្ឋមន្ត្រីអ៊ីតាលី និងមហាសេដ្ឋី Elon Musk បានរិះគន់ប្រទេសអាល្លឺម៉ង់សម្រាប់ការគាំទ្រសប្បុរសធម៌ជួយជនអន្តោប្រវេសន៍ដែលមានទុក្ខព្រួយនៅលើផ្លូវដ៏គ្រោះថ្នាក់បំផុតរបស់ពិភពលោក គឺសមុទ្រមេឌីទែរ៉ាណេ ដែលមនុស្ស ២២.000 នាក់ បានស្លាប់ ឬបាត់ខ្លួន ចាប់តាំងពីឆ្នាំ ២០១៤។ ក្រសួងការបរទេសអាល្លឺម៉ង់ បានការពារគោលនយោបាយរបស់ខ្លួន។ដោយស្នើឲ្យសួរដើម្បីធ្វើអត្ថាធិប្បាយលើការជជែកដេញដោលនោះ លោកស្រី ប៉ូប បាននិយាយថា៖ «កង្វល់ធំបំផុតរបស់យើង គឺការស្លាប់នៅសមុទ្រមេឌីទែរ៉ាណេ ត្រូវបានធ្វើឲ្យក្លាយជាលក្ខណៈធម្មតា ហើយមនុស្សជាច្រើនយល់ថា នេះគឺគ្រាន់តែការខាតបង់ពីការធ្វើដំណើររបស់មនុស្សប៉ុណ្ណោះ»។

បណ្ដាញសង្គម

ព័ត៌មានថ្មីៗ

សម្ពោធដាក់ឱ្យជាផ្លូវការអគារសាលាបឋមសិក្សាថ្មី១ខ្នង ២បន្ទប់ បន្ទាប់ពីជួសជុល និងសាងសង់ឡើងវិញរួចរាល់ ដើម្បីបម្រើឱ្យវិស័យអប់រំនៅក្នុងមូលដ្ឋាន

ការពិនិត្យឡើងវិញ៖ ភាពយន្តឯកសារពីតំបន់ហ្កហ្សារបស់ BBC បំពានគោលការណ៍ណែនាំអំពីភាពត្រឹមត្រូវ

មនុស្សជាច្រើននាក់ស្លាប់ក្នុងអគ្គិភ័យនៅមជ្ឈមណ្ឌលសង្គ្រោះ ក្នុងរដ្ឋ Massachusetts

ជំនួយការរបស់លោក Netanyahu ប្រឈមនឹងការចោទប្រកាន់ផ្លូវការ ជុំវិញការបែកធ្លាយព័ត៌មានយោធា

រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន នឹងចូលរួមកិច្ចប្រជុំរបស់ EU

អ៊ីរ៉ង់៖ ការដាក់ទណ្ឌកម្មជាថ្មីរបស់ UN នឹងជួបជាមួយការឆ្លើយតបយ៉ាងសមស្រប

វិមានក្រឹមឡាំង៖ ការបញ្ជូនអាវុធ និងគ្រាប់រំសេវទៅអ៊ុយក្រែនពីអាមេរិក កំពុងបន្តមានធម្មតា

នគរបាលឃាត់ខ្លួនមនុស្ស ៨នាក់ ក្រោយមានការប៉ះទង្គិចរបស់ក្រុមប្រឆាំងជនអន្តោប្រវេសន៍ ក្នុងទីក្រុងនៅអេស្ប៉ាញ

ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន

EU នឹងត្រៀមបញ្ជីពន្ធ ២៤,៥២ពាន់លានដុល្លារ សម្រាប់ទំនិញរបស់អាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877