BTV NEWS

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

ទួរគីបង្កើនការវាយប្រហារសងសឹក ទាំងក្នុងប្រទេសខ្លួន ទាំងនៅអ៊ីរ៉ាក់ ក្រោយការបំផ្ទុះគ្រាប់បែកក្នុងរដ្ឋធានីអង់ការ៉ា

ទួរគី៖ ទួរគី និយាយថា ខ្លួនបានបើកការវាយប្រហារតាមអាកាស ដាក់គោលដៅលើក្រុមសកម្មប្រយុទ្ធនៅក្នុងប្រទេសអ៊ីរ៉ាក់ភាគខាងជើង និងបានឃុំខ្លួនជនសង្ស័យជាច្រើននាក់ទាំងយប់នៅក្នុងទីក្រុងអ៊ីស្តង់ប៊ុល ប៉ុន្មានម៉ោង បន្ទាប់ពីក្រុមសកម្មប្រយុទ្ធឃើដ បាននិយាយថា ពួកគេបានវាយប្រហារដោយគ្រាប់បែកលើកដំបូងនៅក្នុងរដ្ឋធានីអង់ការ៉ា(Ankara) ក្នុងរយៈពេលប៉ុន្មានឆ្នាំមកនេះ។ កាលពីព្រឹកថ្ងៃអាទិត្យ ខ្មាន់គ្រាប់បែក២នាក់បានបំផ្ទុះគ្រាប់បែក ជិតអគាររដ្ឋាភិបាល ក្នុងរដ្ឋធានីអង់ការ៉ា ដោយខ្មាន់បំផ្ទុះគ្រាប់បែកទាំង២នាក់បានស្លាប់ និងនគរបាល២នាក់រងរបួស ។ ក្រុមសកម្មប្រយុទ្ធគណបក្សពលករឃឺដក្រៅច្បាប់បានអះអាងទទួលខុសត្រូវ។ ទួរគី បានបង្កើនសកម្មភាពយោធាប្រឆាំងនឹងគណបក្សពលករឃឺដ PKK នៅក្នុងប្រទេសអ៊ីរ៉ាក់ភាគខាងជើងកាលពីប៉ុន្មានឆ្នាំមុន ក្នុងប្រតិបត្តិការជាច្រើន ដែលខ្លួននិយាយថាពួកគេត្រូវបានធ្វើឡើងក្រោមសិទ្ធិការពារខ្លួនស្របតាមមាត្រាទី៥១នៃច្បាប់ធម្មនុញ្ញរបស់អង្គការសហប្រជាជាតិ។ ចំណែកលោកប្រធានាធិបតីអ៊ីរ៉ាក់ អាប់ឌុល ឡាទីហ្វ រ៉ាស៊ីដ (Abdul-Latif Rashid) បាននិយាយក្នុងការអត្ថាធិប្បាយដែលបានចេញផ្សាយកាលពីថ្ងៃចន្ទថា អ៊ីរ៉ាក់ បានទាត់ចោលម្ដងហើយម្ដងទៀតថា ការវាយប្រហារតាមអាកាសរបស់ទួរគី ឬ វត្តមានរបស់មូលរដ្ឋានទួរគី នៅក្នុងតំបន់ឃឺដ ហើយសង្ឃឹមថា នឹងមានកិច្ចព្រមព្រៀងមួយជាមួយទីក្រុងអង់ការ៉ាដើម្បីដោះស្រាយបញ្ហានេះ។ គណបក្សពលករឃឺដ PKK ត្រូវបានចាត់ទុកជាអង្គការភេរវកម្មដោយប្រទេសទួរគី សហរដ្ឋអាមេរិក និងសហភាពអឺរ៉ុប ។ ទួរគី បានបើកការវាយប្រហារលើក្រុមបះបោរក្នុងភាគអាគ្នេយ៍ប្រទេសទួរគីកាលពីឆ្នាំ១៩៨៤ និងបានបណ្ដាលឲ្យមនុស្សជាង៤ម៉ឺននាក់ស្លាប់ ក្នុងជម្លោះនេះ៕

អ៊ុយក្រែន ជឿជាក់ថាខ្លួន នឹងទទួលបានការគាំទ្រកាន់តែខ្លាំង ខណៈក្រុមរដ្ឋមន្ត្រីអឺរ៉ុបជួបជុំគ្នានៅក្នុងរដ្ឋធានីគីវ

អ៊ុយក្រែន៖បណ្ដារដ្ឋមន្ត្រីការបរទេសសហភាពអឺរ៉ុប បានបង្ហាញការគាំទ្រចំពោះអ៊ុយក្រែន អំឡុងជំនួបមួយនៅក្នុងរដ្ឋធានី គីវ(Kyiv) របស់អ៊ុយក្រែន កាលពីថ្ងៃចន្ទ ជាជំនួបលើកដំបូងរបស់ប្រទេសមិនមែនជាសមាជិក បន្ទាប់ពីបេក្ខជនគាំទ្រប្រទេសរុស្ស៊ី បានជាប់ឆ្នោតនៅក្នុងប្រទេសស្លូវ៉ាគី ហើយសភាអាមេរិក បានទុកចោលជំនួយសង្គ្រាមអ៊ុយក្រែននៅក្រៅច្បាប់សម្រាប់ការចំណាយ។ រដ្ឋធានីគីវ បានទាត់ចោលក្ដីបារម្ភដែលថា ការគាំទ្រសម្រាប់កិច្ចខិតខំប្រឹងប្រែងសង្រ្គាមរបស់ខ្លួនកំពុងធ្លាក់ចុះទាំងសងខាងនៃប្រទេសនៅតំបន់អាល្លង់ទិក ពិសេសនៅក្នុងសហរដ្ឋអាមេរិក ជាទីដែលសភា បានដកជំនួយដល់អ៊ុយក្រែនចេញពីច្បាប់គ្រាអាសន្នដើម្បីទប់ស្កាត់ការបិទរដ្ឋាភិបាល។ ប្រមុខការបរទេសអ៊ុយក្រែន លោក ឌីមីត្រូ គូឡេបា (Dmytro Kuleba) បានប្រាប់ក្រុមអ្នកសារព័ត៌មានខណៈលោកទទួលស្វាគមន៍ប្រធានគោលនយោបាយកិច្ចការបរទេសសហភាពអឺរ៉ុប លោក ចូសេប បូរ៉េល (Josep Borrell) ថា យើងពុំមានអារម្មណ៍ថា ការគាំទ្ររបស់សហរដ្ឋអាមេរិកធ្លាក់ចុះទេ ព្រោះថា សហរដ្ឋអាមេរិក យល់ថា អ្វីដែលកើតមាននៅក្នុងប្រទេសអ៊ុយក្រែន គឺមានទំហំធំជាងអ៊ុយក្រែនទៅទៀត ។ការលុបឈ្មោះអ៊ុយក្រែនចេញពីច្បាប់ចំណាយរបស់សហរដ្ឋអាមេរិក ដោយការបានបញ្ជូនក្រុមមន្ត្រី គាំទ្ររដ្ឋធានីគីវ ដែលកំពុងព្យាយាមស្វែងរកធម្យោបាយល្អបំផុតដើម្បីទទួលបានការអនុម័តសម្រាប់ជំនួយបន្ថែមលើទឹកប្រាក់ចំនួន ១១៣ ពាន់លានដុល្លារក្នុងផ្នែកសន្តិសុខ សេដ្ឋកិច្ច និងជំនួយមនុស្សធម៌ដែលសហរដ្ឋអាមេរិកបានផ្តល់ចាប់តាំងពីរុស្ស៊ីបានវាយលុកកាលពីខែកុម្ភៈឆ្នាំ ២០២២។ លោក Borrell បានប្រាប់សន្និសីទសារព័ត៌មានជាមួយលោកគូឡេបា ថា សហភាពអឺរ៉ុបនៅតែរួបរួមគ្នាគាំទ្រអ៊ុយក្រែនដដែល។ លោកបានស្នើកញ្ចប់ចំណាយពីសហភាពអឺរ៉ុប សម្រាប់រដ្ឋធានីគីវ ចំនួន៥ពាន់លានអឺរ៉ូ ស្មើ ៥,២៥ ពាន់លានដុល្លារ នៅឆ្នាំ២០២៤ ដែលលោកសង្ឃឹមថានឹងទទួលបានការយល់ព្រម៕

លោកអូឡាហ្វ សូល៖អាល្លឺម៉ង់នឹងមិនអនុញ្ញាតឲ្យវិបត្តិជនភៀសខ្លួនរបូតចេញពីការគ្រប់គ្រងទេ

អាល្លឺម៉ង់៖ អធិការបតីអាល្លឺម៉ង់ លោក អូឡាហ្វ សូល (Olaf Scholz) បានថ្លែងថា រដ្ឋាភិបាលរបស់លោក នឹងធ្វើឲ្យ ប្រាកដថា ស្ថានភាពជនភៀសខ្លួនបច្ចុប្បន្ន ស្ថិតក្រោមការគ្រប់គ្រង ហើយជនអន្តោប្រវេសន៍ ដែលគ្មានឯកសារ នឹងត្រូវបានបញ្ជូនត្រឡប់ទៅប្រទេសកំណើតរបស់ពួកគេវិញកាន់តែលឿន នាពេលអនាគត។លោកសូល បាននិយាយនៅឯកិច្ចប្រជុំសាលាក្រុងក្នុងទីក្រុងហាំប៊ឺក (Hamburg) កាលពីថ្ងៃចន្ទថា អ្នកស្វែងរកសិទ្ធិជ្រកកោន ដែលត្រូវបានបដិសេធ នឹងត្រូវចាកចេញម្តងទៀត។ យើងនឹងធ្វើការប្រឆាំងនឹងការបាត់បង់ការគ្រប់គ្រងជានិច្ច ព្រោះវាមិនល្អសម្រាប់រដ្ឋមួយ ឬប្រទេសលទ្ធិប្រជាធិបតេយ្យមួយទេ។លោកអធិការបតី ក៏បាននិយាយផងដែរថា ច្បាប់អន្តោប្រវេសន៍ទូទៅរបស់សហភាពអឺរ៉ុប នឹងធានាថា ជនអន្តោប្រវេសន៍ ត្រូវបានចុះឈ្មោះនៅក្នុងប្រទេសសហភាពអឺរ៉ុប ដែលពួកគេចូលប្លុកនេះ ជាលើកដំបូង។ លោកបានបន្តទៀតថា ចន្លោះពី៧០ភាគរយទៅ៨០ភាគរយនៃអ្នកចូលទៅក្នុងប្រទេសអាល្លឺម៉ង់ពីមុន បានស្ថិតនៅក្នុងរដ្ឋសហភាពអឺរ៉ុបមួយផ្សេងទៀត «ប៉ុន្តែមិនត្រូវបានចុះឈ្មោះ នៅទីនោះទេ»។សម្ព័ន្ធបីគណបក្សរបស់លោកសូល បានស្ថិតនៅក្រោមសម្ពាធកាន់តែខ្លាំងឡើងក្នុងការផ្លាស់ប្តូរគោលនយោបាយអន្តោប្រវេសន៍ដ៏ធូររលុងរបស់អាល្លឺម៉ង់ ដោយមើលឃើញពីចំនួនកើនឡើងយ៉ាងខ្លាំង និងការគំរាមកំហែងផ្នែកនយោបាយ ដែលកំពុងកើនឡើងពីគណបក្សជម្រើសស្តាំនិយមអាល្លឺម៉ង់។យោងតាមទិន្នន័យរបស់រដ្ឋាភិបាលបានឲ្យដឹងថា មនុស្សជាង ២០៤.000នាក់ បានស្នើសុំសិទ្ធិជ្រកកោននៅក្នុងប្រទេសអាល្លឺម៉ង់រហូតដល់ខែសីហា ពោលគឺកើនឡើង ៧៧ភាគរយ បើធៀបនឹងរយៈពេលដូចគ្នាកាលពីឆ្នាំមុន។ អាជ្ញាធរមូលដ្ឋានជាច្រើន បានព្រមានថា ពួកគេលែងមានលទ្ធភាពផ្តល់លំនៅឋានទៀតហើយ៕

អាល់ហ្សេរីអះអាងថា ប្រទេសនីហ្សេទទួលយកការសម្រុះសម្រួលរបស់ខ្លួន ក្នុងការដោះស្រាយវិបត្តិនយោបាយ

នីហ្សេ៖ ក្រសួងការបរទេសរបស់ប្រទេសអាល់ហ្សេរី បាននិយាយកាលពីថ្ងៃចន្ទថា ប្រទេសនីហ្សេ បានទទួលយកការផ្តល់ជូនរបស់អាល់ហ្សេរីក្នុងការសម្រុះសម្រួលក្នុងវិបត្តិនយោបាយរបស់ខ្លួន រយៈពេល៥សប្តាហ៍បន្ទាប់ពីប្រទេសអាហ្វ្រិកខាងជើងនេះ បានស្នើសុំដំណើរការស្តារស្ថានភាពឡើងវិញរយៈពេល៦ខែ ដែលដឹកនាំដោយជនស៊ីវិលម្នាក់។ក្រសួងបាននិយាយនៅក្នុងសេចក្តីថ្លែងការណ៍មួយថា ប្រទេសអាល់ហ្សេរីបានទទួលការជូនដំណឹងជាផ្លូវការរបស់នីហ្សេអំពីការទទួលយករបស់ខ្លួននូវគំនិតផ្តួចផ្តើមសម្របសម្រួលរបស់លោកប្រធានាធិបតី អាប់ឌែលម៉ាដជីដ តេបបោន (Abdelmadjid Tebboune) ។ពុំមានការអត្ថាធិប្បាយភ្លាមៗពីរបបយោធា ដែលកំពុងកាន់អំណាចរបស់នីហ្សេទេ។ ប្រទេសអាល់ហ្សេរីបានព្រមានម្តងហើយម្តងទៀតប្រឆាំងនឹងការឆ្លើយតបខាងយោធាចំពោះវិបត្តិ នៅក្នុងប្រទេសនីហ្សេជិតខាង ដែលឆ្មាំប្រធានាធិបតី បានដណ្តើមអំណាច និងបង្កើតរបបយោធា កាលពីខែកក្កដា ដោយនិយាយថា ខ្លួនចង់បានដំណើរការស្តារស្ថានភាពឡើងវិញ រយៈពេលបីឆ្នាំ។កាលពីចុងខែសីហា រដ្ឋមន្ត្រីការបរទេសអាល់ហ្សេរី លោក អាម៉េដ អាតតាហ្វ (Ahmed Attaf) បានថ្លែង អាល់ហ្សេរី បាននិយាយជាច្រើនដងទៅកាន់មេដឹកនាំយោធារបស់នីហ្សេ ហើយបានស្នើឲ្យមានការផ្តួច ផ្តើមគំនិត ដើម្បីធ្វើឲ្យប្រទេសនេះវិលត្រឡប់ទៅការរៀបចំឲ្យមានសណ្តាប់ធ្នាប់តាមធម្មនុញ្ញធម្មតាវិញ៕

ក្រុមសង្គ្រោះបន្តស្វែងរកអ្នកបាត់ខ្លួន បន្ទាប់ពីការបាក់រលំអណ្តូងរ៉ែនៅហ្ស៊ីមបាបវ៉េ បានសម្លាប់មនុស្ស១៣នាក់

ហ្ស៊ីមបាបវ៉េ៖ កាលពីថ្ងៃចន្ទ (២ តុលា) ក្រុមអាជ្ញាធរហ្ស៊ីមបាបវ៉េ នៅតែបន្តស្វែងរកអ្នកនៅរស់រានមានជីវិត ដែលបានជាប់ខ្លួននៅក្រោមដី នៅពេលអណ្តូងរ៉ែមាសដែលបានបោះបង់ចោលបានបាក់កាលពីសប្តាហ៍មុន ខណៈសាច់ញាតិជនរងគ្រោះមួយចំនួន ចាប់ផ្តើមបាត់បង់ក្តីសង្ឃឹមដែលថាមនុស្សជាទីស្រលាញ់របស់ពួកគេអាចនៅមានជីវិត។គ្រោះថ្នាក់នៅក្នុងអណ្តូងរ៉ែដែលប្រើប្រាស់រួច គឺជារឿងធម្មតាទៅហើយនៅក្នុងប្រទេសហ្ស៊ីមបាបវ៉េ ជាទីដែលសិប្បករ ឬក្រុមអ្នករុករករ៉ែតូចតាច ប្រឆាំងនឹងក្រុមអាជ្ញាធរដោយការជីកយករ៉ែនៅក្នុងកំណាត់ថ្មចាស់ៗ ដែលងាយនឹងដួលរលំ។ ឧប្បត្តិហេតុចុងក្រោយនេះ បានកើតឡើងនៅភូមិ Chegutu ចម្ងាយប្រហែល១០០គីឡូម៉ែត្រ ភាគខាងលិចនៃរដ្ឋធានី ហារ៉ារ៉េ កាលពីថ្ងៃសុក្រ (២៩ កញ្ញា)។អនុប្រធានាធិបតីហ្ស៊ីមបាបវ៉េ លោក Constantino Chiwenga បានប្រាប់សារព័ត៌មាន SM ថា មនុស្ស១៣នាក់បានស្លាប់ ក្នុងការបាក់រលំនោះ នៅក្នុងទីតាំងអណ្ដូងរ៉ែដែលមិនបានបិទឱ្យបានត្រឹមត្រូវ។ អនុរដ្ឋមន្ត្រីក្រសួងរ៉ែ លោក Polite Kambamura មិនអាចប្រាប់បានទេថា តើមានមនុស្សប៉ុន្មាននាក់ទៀត ដែលជាប់នៅក្រោមដី បន្ទាប់ពីអណ្តូងរ៉ែដែលមានជម្រៅ៧០០ម៉ែត្រ បានដួលរលំ។ សមាជិកគ្រួសារជនរងគ្រោះរាប់សិបនាក់ បានទន្ទឹងរង់ចាំដោយសង្ឃឹមថា នឹងមានដំណឹងពីសាច់ញាតិខ្លួន ខណៈអ្នកខ្លះព្រួយបារម្ភថា អ្នកបាត់ខ្លួនទាំងនោះអាចនឹងបាត់បង់ជីវិតបាត់ទៅហើយ៕

ប្រធានាធិបតីម៉ិកស៊ិក រិះគន់ការគាំទ្រយោធារបស់អាមេរិកសម្រាប់អ៊ុយក្រែន

អ៊ុយក្រែន៖ ប្រធានាធិបតីម៉ិកស៊ិក លោក Andres Manuel Lopez Obrador កាលពីថ្ងៃចន្ទ (២ តុលា) បានរិះគន់ជំនួយយោធារបស់សហរដ្ឋអាមេរិកដល់អ៊ុយក្រែន ដោយលើកឡើងថា វាជារឿង «មិនសមហេតុផល» ហើយបានបង្កើនការរិះគន់លើកិច្ចខិតខំប្រឹងប្រែងសង្រ្គាម ខណៈដែលលោកបានជំរុញឱ្យទីក្រុងវ៉ាស៊ីនតោន លះបង់ធនធានបន្ថែមទៀត ដើម្បីជួយដល់បណ្ដាប្រទេសនៅអាមេរិកឡាទីន។ លោក Lopez Obrador បានអំពាវនាវជាយូរមកហើយឱ្យសហរដ្ឋអាមេរិក លះបង់មូលនិធិបន្ថែមទៀតដើម្បីជួយដល់ការអភិវឌ្ឍន៍សេដ្ឋកិច្ចនៅអាមេរិកកណ្តាល និងតំបន់មហាសមុទ្រការ៉ាអ៊ីប ដើម្បីបន្ធូរបន្ថយសម្ពាធពីការធ្វើអន្តោប្រវេសន៍។ក្នុងអំឡុងពេលសន្និសីទសារព័ត៌មានប្រចាំថ្ងៃរបស់ខ្លួន លោក Lopez Obrador បានរិះគន់សភាសហរដ្ឋអាមេរិក ចំពោះការមិនបញ្ចេញថវិកាសម្រាប់តំបន់ មុនពេលធ្វើការយោងទៅលើជម្លោះកាលពីសប្តាហ៍មុនលើសេចក្ដីស្នើច្បាប់ផ្តល់មូលនិធិបញ្ឈប់ ដែលដកជំនួយបន្ថែមសម្រាប់អ៊ុយក្រែន។ ប្រធានាធិបតីឆ្វេងនិយម លោក Lopez Obrador បានព្យាយាមរក្សាប្រទេសម៉ិកស៊ិកឱ្យដ្ថិតក្នុងភាពអព្យាក្រឹតក្នុងសង្រ្គាមអ៊ុយក្រែន ហើយបានរិះគន់ជំនួយយោធាលោកខាងលិចសម្រាប់ទីក្រុងគីវ។ លោកក៏បានអំពាវនាវឲ្យមានការចរចាសន្តិភាពដើម្បីបញ្ចប់ជម្លោះរុស្ស៊ី និងអ៊ុយក្រែនផងដែរ។កាលពីពីរសប្តាហ៍មុន លោក Lopez Obrador បានការពារវត្តមានរបស់អង្គភាពយោធារុស្ស៊ីនៅក្នុងក្បួនដង្ហែរចុងសប្តាហ៍ ដែលប្រារព្ធទិវាឯករាជ្យរបស់ប្រទេសម៉ិកស៊ិក បន្ទាប់ពីមានការរិះគន់យ៉ាងខ្លាំងថាប្រទេសរបស់លោក បានផ្តល់វេទិកាមួយដល់កងកម្លាំងដែលបានឈ្លានពានអ៊ុយក្រែន។ ទោះជាយ៉ាងណាក៏ដោយ រដ្ឋាភិបាលរបស់លោក Lopez Obrador ក៏បានគាំទ្រសេចក្ដីសម្រេចសំខាន់ៗមួយចំនួនរបស់អង្គការសហប្រជាជាតិ ដែលរិះគន់តួនាទីរបស់រុស្ស៊ីនៅក្នុងជម្លោះជាមួយអ៊ុយក្រែនផងដែរ៕

រដ្ឋអាជ្ញារដ្ឋ New Yorkនិយាយថា លោក Trump ប្រមូលប្រាក់បានជាង ១០០លានដុល្លារតាមរយៈការក្លែងបន្លំ ខណៈការជំនុំជម្រះក្ដីចាប់ផ្ដើម

អាមេរិក៖ ជនជាប់ចោទលោក Donald Trump បានវាយប្រហាររដ្ឋអាជ្ញា និង ចៅក្រមរបស់រដ្ឋ New Yorkដែលកំពុងពិនិត្យការកាត់ក្តីពីបទក្លែងបន្លំរដ្ឋប្បវេណីរបស់លោក ស្របពេលចាប់ផ្តើមជំនុំជម្រះក្ដីកាលពីថ្ងៃចន្ទ ដោយមានមេធាវីប្រចាំរដ្ឋមួយរូប បានចោទប្រកាន់អតីតប្រធានាធិបតីរូបនេះ ថាបានរកប្រាក់ជាង ១០០លានដុល្លារ ដោយការកុហកពីអាណាចក្រអចលនទ្រព្យរបស់លោក។ រដ្ឋអាជ្ញា លោកស្រី ឡេទីស្ហា ជេមស៍ (Letitia James) កំពុងស្វែងរកការផាកពិន័យយ៉ាងតិច ២៥០ លានដុល្លារ ដែលជាការហាមប្រាមជាអចិន្ត្រៃយ៍ប្រឆាំងនឹងលោកTrump និងកូនប្រុសរបស់លោកគឺលោក ដូណាល់ជូនៀរ (Donald Jr) និងលោក ដូណាល់ អ៊ីរីក(Donald Eric) មិនឲ្យបើកអាជីវកម្មនៅទីក្រុង New York និងការហាមប្រាមលោកTrumpនិងអង្គការ Trump Organization មិនឲ្យធ្វើអាជីវកម្មផ្នែកអចលនទ្រព្យពាណិជ្ជកម្មរយៈពេល៥ឆ្នាំ។ ការផ្តល់សក្ខីកម្មនៅក្នុងបន្ទប់សវនាការក្នុងសង្កាត់ម៉ាន់ហាថាន់(Manhattan)បានចាប់ផ្តើមបន្ទាប់ពីការបើកសេចក្តីថ្លែងការណ៍ដោយមានលោក Donald Bender ដែលជាដៃគូអង្គការ Mazars USA និងជាគណនេយ្យករយូរអង្វែងសម្រាប់អាជីវកម្មរបស់លោក Trump ជាសាក្សីដំបូងរបស់រដ្ឋនេះ។ លោក Trump បានប្រាប់ក្រុមអ្នកសារព័ត៌មានមុនពេលការកាត់ក្តីចាប់ផ្តើមថា ករណីនេះគឺជា ការបោកប្រាស់ ទង្វើគ្មានការអៀនខ្មាស់ និងការសងសឹកផ្នែកនយោបាយដោយរដ្ឋអាជ្ញាលោកស្រី ជេមន៍ ហើយក្នុងអំឡុងពេលសម្រាកអាហារថ្ងៃត្រង់ លោកបានហៅក្រុមអ្នកប្រជាធិបតេយ្យថា ជាមនុស្សពុករលួយ និងជាមនុស្សដ៏គួរឱ្យខ្លាច។ លោក Trump បានប្រាប់ក្រុមអ្នកយកព័ត៌មានថា នេះគឺជាចៅក្រមដែលគួរត្រូវបានដកចេញ។ នេះជាចៅក្រមដែលគួរតែចុះចេញពីតំណែង៕

សម្តេចធិបតី ហ៊ុន ម៉ាណែត អញ្ជើញចុះជួបសំណេះសំណាលជាមួយកម្មករ និយោជិត តាមរោងចក្រសហគ្រាសជិត២ម៉ឺននាក់ នៅខណ្ឌមានជ័យ និងខណ្ឌដង្កោ

ភ្នំពេញ៖ សម្តេចធិបតីនាយករដ្ឋមន្រ្តី ហ៊ុន ម៉ាណែត នៅព្រឹកថ្ងៃទី០៣ ខែតុលា ឆ្នាំ២០២៣នេះ បានអញ្ជើញចុះជួបសំណេះសំណាលជាមួយកម្មករ និយោជិត តាមរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ។រោងចក្រ សហគ្រាសទាំង២២នេះ ជាប្រភេទរោងចក្រកាត់ដេរសម្លៀកបំពាក់ចំនួន១៨ រោងចក្រផលិតផលិតផលធ្វើដំណើរ និងកាបូបចំនួន២រោងចក្រដេរស្បែកជើងចំនួន១ និងរោងចក្រផលិតឆត្រចំនួន១។នេះ គឺជាលើកទី៥ ដែលសម្តេចមហាបវរធិបតី ហ៊ុន ម៉ាណែត បានអញ្ជើញចុះជួបសំណេះសំណាលជាមួយនឹងបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុងឋានៈជា នាយករដ្ឋមន្ត្រី នៃព្រះរាជាណាចក្រកម្ពុជា៕

វិបត្តិនៅម៉ាលី៖ ការប្រយុទ្ធគ្នាខ្លាំងផ្ទុះឡើង បន្ទាប់ពីក្រុមឧទ្ទាម Tuareg សម្លាប់ទាហានជាង៨០នាក់

ការប្រយុទ្ធគ្នាខ្លាំង បានផ្ទុះឡើងនៅប្រទេសម៉ាលី ភាគខាងជើងដោយក្រុមឧទ្ទាម Tuareg និយាយថា ពួកគេ បានចូលគ្រប់គ្រងទីក្រុង Bamba ពីក្រុមទាហាន។ ការចូលគ្រប់គ្រប់ទីក្រុង បានកើតឡើងបន្ទាប់ពីក្រុមអ្នកប្រយុទ្ធផ្តាច់ខ្លួន បាននិយាយថា ពួកគេបានសម្លាប់ទាហានជាង៨០នាក់នៅភាគកណ្តាលប្រទេស។ រដ្ឋាភិបាល បានបញ្ចាក់ថា មូលដ្ឋានកងទ័ពមួយកន្លែង ក្នុងតំបន់ Mopti ត្រូវបានដាក់គោលដៅកាលពីថ្ងៃព្រហស្បតិ៍ ប៉ុន្តែពុំបានផ្តល់ព័ត៌មានលម្អិតនោះទេ។ ការកើនឡើងអំពើហិង្សា បានកើតឡើងខណៈកងរក្សាសន្តិភាពអង្គការសហប្រជាជាតិដែលត្រូវបានដាក់ពង្រាយ ទៅកាន់ប្រទេសម៉ាលី ក្នុងឆ្នាំ២០១៣ បានដកមកវិញតាមបទបញ្ជារបស់កងទ័ព។ការវាយឆ្មក់កាលពីថ្ងៃព្រហស្បតិ៍លើទីក្រុង Dioura នៅចុងភាគខាងត្បូង គឺជាការវាយឆ្មក់មួយ ចាប់តាំងពីក្រុមឧទ្ទាម Tuareg បន្តការប្រយុទ្ធក្នុងខែសីហា បន្ទាប់ពីការដួលរលំកិច្ចព្រមព្រៀងសន្តិភាពឆ្នាំ២០១៥។រឿងនេះ បានកើតឡើងស្របគ្នាជាមួយការកើនឡើងអំពើហិង្សាពីក្រុមសកម្មប្រយុទ្ធអ៊ីស្លាមនិយម ទោះបីជាមានការដាក់ពង្រាយទាហានស៊ីឈ្នួលក្រុមហ៊ុន Wagner របស់រុស្ស៊ី កាលពីខែធ្នូ ឆ្នាំ២០២១ក៏ដោយ។

ការប៉ះទង្គិចគ្នានៅទីក្រុងបាដាដ ខណៈក្រុមអ្នកតវ៉ាប្រារព្ធខួបលើកទី៤ នៃការប្រមូលផ្តុំទ្រង់ទ្រាយធំ

កាលពីថ្ងៃអាទិត្យ កងកម្លាំងអ៊ីរ៉ាក់ បានប៉ះទង្គិចជាមួយក្រុមអ្នកតវ៉ាចេញដើរតាមដងផ្លូវដើម្បីប្រារព្ធខួបលើកទី៤ នៃការតវ៉ាកាលពីខែតុលា ដែលបានផ្ទុះឡើងលើកដំបូងក្នុងឆ្នាំ២០១៩។ ក្រុមអ្នកតវ៉ា បានកាន់ទង់ជាតិអ៊ីរ៉ាក់ និងដុតសំរាមនៅលើដងផ្លូវ ខណៈអំពាវនាវការបះបោរឲ្យបន្តរហូតដល់តម្រូវការរបស់ពួកគេត្រូវបានបំពេញ។កវីអ៊ីរ៉ាក់ម្នាក់ លោក Mouayad al-Khalidi បាននិយាយថា ដើម្បីប្រារព្ធខួបលើកទី៤ នៃការតវ៉ា និងការចាប់ផ្តើមការតវ៉ាលើកដំបូង ក្នុងឆ្នាំ២០១៩ ទី១ ត្រូវប្រារព្ធខួបនេះ និងមានមោទនភាព ព្រមទាំងចលនាដ៏ភ្លឺស្វាងនៅក្នុងប្រវត្តិសាស្ត្រអ៊ីរ៉ាក់។ ទី២ យើងនឹងរក្សាដើម្បីទទួលបានការទាមទារបស់យើងសម្រាប់ការផ្លាស់ប្តូរ ដែលយើងប៉ងប្រាថ្នា និងបណ្តេញចេញក្រុមពុករលួយនេះនៅក្នុងអំណាច ដែលបានធ្វើឲ្យប្រទេសអ៊ីរ៉ាក់ជួបការលំបាកចាប់តាំងពីឆ្នាំ២០០៣មក។នៅក្នុងឆ្នាំ២០១៩ ការតវ៉ាជាច្រើន បានផ្ទុះឡើងប្រឆាំងរដ្ឋាភិបាលរបស់លោក Adel Abdul Mahdi ដែលក្រុមបាតុករបានទាមទារការផ្លាស់ប្តូរប្រព័ន្ធនយោបាយ ខណៈពួកគេមើលឃើញថាជាអំពើពុករលួយចាក់ឬសជ្រៅ និងធ្វើឲ្យប្រជាជនអ៊ីរ៉ាក់ភាគច្រើនស្ថិតភាពភាពក្រីក្រ។ មនុស្សជាង៥៦០នាក់ ភាគច្រើនជាបាតុករគ្មានអាវុធ ប៉ុន្តែក៏មានសមាជិកកងកម្លាំងសន្តិសុខផងដែរ បានស្លាប់ក្នុងពេលកងកម្លាំងសន្តិសុខ និងខ្មាន់កាំភ្លើងមិនស្គាល់អត្តសញ្ញាណ បានបង្ក្រាប។

បណ្ដាញសង្គម

ព័ត៌មានថ្មីៗ

អ៊ីរ៉ង់ប្ដេជ្ញាថាច្រកសមុទ្រ Hormuz នឹងមិនបើកឡើងវិញទេ ខណៈអាមេរិក បន្តបិទកំពង់ផែអ៊ីរ៉ង់

ភាគហ៊ុនអាស៊ី ហក់ឡើងតាម Wall Street ដល់កម្រិតខ្ពស់បំផុត តែការកើនឡើងតម្លៃប្រេងមិនឋិតឋេរ

ក្នុងកិច្ចប្រជុំលើកទី១ នៃយន្តការកិច្ចសន្ទនាយុទ្ធសាស្ត្រ “២+២” មិត្តចិនបានបង្ហាញពីការគាំទ្រលើកកម្ពស់កិច្ចសហប្រតិបត្តិការ និងធ្វើទំនើបកម្មវិស័យយោធាកម្ពុជា

លោក Zelenskyy និយាយថា ការចរចាលើបញ្ហាអ៊ុយក្រែនមិនអាចរង់ចាំរហូតដល់សង្គ្រាមអ៊ីរ៉ង់ចប់បានទេ

សម្ដេចធិបតី អញ្ជើញដឹកនាំកិច្ចប្រជុំគណៈរដ្ឋមន្ត្រីដើម្បីពិនិត្យ និងសម្រេចលើរបៀបវារៈសំខាន់ៗចំនួន៥

មានសញ្ញាចម្រុះ ស្តីពីការបន្ថែមពេលបទឈប់បាញ់រវាងសហរដ្ឋអាមេរិក និងអ៊ីរ៉ង់

ប្រធានាធិបតីទួរគី៖ ប្រទេសលោកកំពុងប្រឹងប្រែងដើម្បីធ្វើឲ្យរស់ឡើងវិញកិច្ចចរចារុស្ស៊ី និងអ៊ុយក្រែន

ក្រសួងមុខងារសាធារណៈ និងក្រសួងប្រៃសណីយ៍ និងទូរគមនាគមន៍ ជួបពិភាក្សាពិនិត្យសេចក្តីព្រាងអនុក្រឹត្យស្តីពី «ការរៀបចំនិងការប្រព្រឹត្តទៅរបស់ ក្រសួងប្រៃសណីយ៍និងទូរគមនាគមន៍»

ព្រះខ័នរាជស្វាយរៀងនឹងត្រូវជួប Al Kuwait SC របស់គូវ៉ែត ក្នុងវគ្គផ្ដាច់ព្រ័ត្រ AFC Challenge League

ប្រាសាទទន្លេស្ងួត៖ ពីមន្ទីរពេទ្យបុរាណ មកជាមរតកវប្បធម៌ដ៏មានជីវិត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877