នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឃាត់​ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេស​ស្នាក់​នៅខុស​ច្បាប់​ជា​ច្រើន​នាក់​ទៀត
នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា
ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា
សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជន​បរទេសជាង ៣០០នាក់

សន្តិសុខ និង សង្គម

អ្នកការទូត៖ ប្រទេសប៉ូឡូញចាប់ផ្តើមការត្រៀមលក្ខណៈផ្នែកយោធាជុំថ្មី ក្រោមលេសសិប្បនិម្មិត

2023/08/10 12:34:45 pm        101
Facebook Telegram Linkin
រុស្ស៊ី៖ អនុរដ្ឋមន្ត្រីការបរទេសរុស្ស៊ី លោក មីកហេល ហ្គាលុហ្ស៊ីន (Mikhail Galuzin) បានថ្លែងប្រាប់សារព័ត៌មាន TASS នៅថ្ងៃព្រហស្បតិ៍នេះថា ប្រទេសប៉ូឡូញ បានចាប់ផ្តើមការត្រៀមលក្ខណៈផ្នែកយោធាជុំថ្មី ដោយផ្អែកលើលេសក្លែងក្លាយ។ លោកបានថ្លែងនៅក្នុងបទសម្ភាសន៍មួយជាមួយសារព័ត៌មានTASSថា៖ ការដាក់ពង្រាយកងកម្លាំងទាហានស៊ីឈ្នួលWagner របស់ PMC [ក្រុមហ៊ុនយោធាឯកជន] នៅក្នុងសាធារណៈរដ្ឋបងប្អូនរបស់យើង គឺគ្មានអ្វីក្រៅពីលេសសិប្បនិម្មិតមួយផ្សេងទៀតសម្រាប់ទីក្រុងវ៉ាសូវី ( Warsaw) ដើម្បីចាប់ផ្តើមការត្រៀមលក្ខណៈផ្នែកយោធាជុំថ្មីនោះទេ។យោងតាមលោកហ្គាលុហ្ស៊ីន ផែនការរបស់ប៉ូឡូញ ដើម្បីពង្រឹងព្រំដែនជាមួយបេឡារុស បន្ទាប់ពីការដាក់ពង្រាយកងកម្លាំង Wagnerរបស់PMC នៅក្នុងសាធារណរដ្ឋនេះ គឺពិតជាគំរាមកំហែងដល់សន្តិសុខរបស់រដ្ឋសហភាពនេះ។អ្នកការទូតរូបនេះ បានកត់សម្គាល់ថា៖«វាមិនងាយស្រួលទេក្នុងការពិចារណាការសម្រេចចិត្តបែបនេះ ក្រៅពីគោលនយោបាយយូរអង្វែងនៃការកសាងវឌ្ឍនភាពយោធាដ៏មានសក្ដានុពលរបស់អង្គការណាតូនៅតាមបរិវេណនៃព្រំដែនភាគខាងលិចនៃរដ្ឋសហភាពនេះ និងយោធូបនីកម្មជាក់ស្តែងរបស់ប្រទេសប៉ូឡូញ រួមជាមួយនឹងគោលនយោបាយបង្កហេតុរបស់ខ្លួនទាក់ទងនឹងប្រទេសរុស្ស៊ី និងបេឡារុស»៕

រដ្ឋមន្ត្រីការពារជាតិ៖ រុស្ស៊ីនឹងបង្កើនសន្តិសុខនៅព្រំដែនភាគខាងលិច

2023/08/10 12:30:37 pm        137
Facebook Telegram Linkin
រុស្ស៊ី៖ រដ្ឋមន្ត្រីក្រសួងការពារជាតិរុស្ស៊ី លោក Sergei Shoigu បានបង្ហាញពីផែនការដើម្បីបញ្ជូនកងទ័ពបន្ថែមទៀតនៅតាមបណ្តោយព្រំដែនរុស្ស៊ីភាគខាងលិច ក្នុងការឆ្លើយតបទៅនឹងអ្វីដែលលោកហៅថាជាការគំរាមកំហែងធ្វើឡើងដោយសម្ព័ន្ធយោធាណាតូ។ លោក shoigu បានថ្លែងសុន្ទរកាថា នៅក្នុងកិច្ចប្រជុំក្រសួងការពារជាតិ កាលពីថ្ងៃពុធ។ លោកបានទទូចថា ការគាំទ្រផ្នែកយោធាដោយសហរដ្ឋអាមេរិក និងបណ្តាប្រទេសអឺរ៉ុប សម្រាប់អ៊ុយក្រែន កំពុងបង្កើតឲ្យមានការគំរាមកំហែងចំពោះហានីភ័យដើម្បីធ្វើឲ្យស្ថានភាពបច្ចុប្បន្នកាន់តែធ្ងន់ធ្ងរឡើង។ លោកនិយាយថា ការគំរាមចំពោះសន្តិសុខរបស់រុស្ស៊ីមានច្រើនឡើង នៅប្រទេសរុស្ស៊ីភាគពាយព្យ និងភាគខាងលិច ដោយលើកឡើងពីការពង្រីកខ្លួនរបស់ណាតូ ជាមួយប្រទេសហ្វាំងឡង់ដែលបានចូលរួមជាសម្ព័ន្ធមិត្ត។ លោកបានកត់សំគាល់ថា ប្រទេសប៉ូឡូញ ជាសមាជិកណាតូ បានទិញអាវុធពីសហរដ្ឋអាមេរិក និងប្រទេសផ្សេងទៀត ដើម្បីបង្កើនកងកម្លាំងយោធារបស់ខ្លួន។ លោក Shoigu និយាយថា ការឆ្លើយតបគ្រប់គ្រាន់គឺចាំបាច់ចំពោះដំណោះស្រាយចំពោះការគំរាមកំហែងទាំងនេះ។ រដ្ឋាភិបាលប៉ូឡូញ មានការប្រុងប្រយ័ត្នខ្ពស់ខណៈប្រទេសបេឡារុស ត្រូវបានគេជឿថាកំពុងទប់ទល់ក្រុមអ្នកប្រយុទ្ធពីក្រុមហ៊ុនទាហានស៊ីឈ្នួលឯកជន Wagner បន្ទាប់ពីពួកគេ ធ្វើការប៉ះបោប្រដាប់អាវុធរយៈពេលខ្លីនៅក្នុងប្រទេសរុស្ស៊ី។ អនុរដ្ឋមន្ត្រីក្រសួងមហាផ្ទៃប៉ូឡូញ បានប្រាប់ប្រព័ន្ធផ្សព្វផ្សាយក្នុងតំបន់កាលពីថ្ងៃពុធថា ប្រទេសនេះនឹងដាក់ពង្រាយកងទ័ពបន្ថែមចំនួន២.០០០នាក់ ទៅកាន់តំបន់មួយនៅជិតព្រំដែនជាមួយប្រទេសបេឡារុស។  ប្រធានាធិបតីរុស្ស៊ី លោក Vladimir Putin បាននិយាយកាលពិខែមុនថា ការឈ្លានពានណាមួយទៅលើប្រទេសបេឡារុស នឹងត្រូវបានពិចារណាខណៈជាការឈ្លានមកលើរុស្ស៊ី។ ក្រសួងការពារជាតិប្រទេសបេឡារុស បានប្រកាសនៅសប្តាហ៍នេះថា ខ្លួននឹងធ្វើសមយុទ្ធយោធា នៅក្នុងតំបន់មួយជិតប្រទេសប៉ូឡូញ ដែលធ្វើឲ្យមានការព្រួយបារម្ភថា ភាពតានតឹងអាចកើនឡើងបន្ថែមទៀត៕

អាជ្ញាធររដ្ឋធានីប៉េកាំង សន្យាស្តារក្រុងឲ្យបានពេញលេញឡើងវិញក្នុងរយៈពេលបីឆ្នាំបន្ទាប់ពីគ្រោះទឹកជំនន់ដ៏មហន្តរាយ

2023/08/10 12:27:21 pm        67
Facebook Telegram Linkin
ចិន៖ រដ្ឋធានីប៉េកាំង ប្រទេសចិន គ្រោងនឹងចំណាយពេល៣ឆ្នាំខាងមុខ ដើម្បីស្តារក្រុងឡើងវិញយ៉ាងពេញលេញពីផលប៉ះពាល់នៃភ្លៀងធ្លាក់យ៉ាងគំហុក ដែលបានវាយលុកទីក្រុងនេះចាប់ពីថ្ងៃទី២៩ ខែកក្កដាដល់ថ្ងៃទី២ ខែសីហា ហើយបានបណ្តាលឱ្យមនុស្សយ៉ាងហោចណាស់៣៣នាក់ស្លាប់ និងមនុស្ស១៨នាក់ផ្សេងទៀតកំពុងបាត់ខ្លួន នេះបើតាមក្រុមអាជ្ញាធរក្រុងកាលពីថ្ងៃពុធ។ដោយថ្លែងនៅក្នុងសន្និសីទសារព័ត៌មានស្តីពីការគ្រប់គ្រងទឹកជំនន់ និងការងារសង្គ្រោះចុងក្រោយបង្អស់នៅក្នុងទីក្រុង អភិបាលរងក្រុងប៉េកាំងលោក សៀ លីនម៉ៅ (Xia Linmao) បានបង្ហាញពីផែនការដ៏ទូលំទូលាយរបស់ទីក្រុង ក្នុងការការស្តារឡើងវិញក្រោយគ្រោះមហន្តរាយ និងតាមដានការអភិវឌ្ឍន៍ប្រកបដោយចីរភាព។យោងតាមលោក សៀ បានឲ្យដឹងថា ផែនការនេះពាក់ព័ន្ធនឹងវិធីសាស្រ្ត៣យ៉ាងគឺ ការងើបឡើងវិញជាមូលដ្ឋានក្នុងរយៈពេលមួយឆ្នាំ ការកែលម្អយ៉ាងទូលំទូលាយក្នុងរយៈពេលបីឆ្នាំ និងចក្ខុវិស័យរយៈពេលវែងសម្រាប់ការអភិវឌ្ឍន៍ប្រកបដោយចីរភាព។ យោងតាមក្រុមមន្ត្រីក្រុងប៉េកាំង បានឲ្យដឹងថា ភ្លៀងធ្លាក់ដ៏ខ្លាំងដែលមិនធ្លាប់មានក្នុងរយៈពេល១៤០ឆ្នាំនោះ បានបណ្តាលឱ្យមានការបំផ្លិចបំផ្លាញយ៉ាងខ្លាំង។ក្រុមជួយសង្គ្រោះប្រហែល៣០.០០០នាក់បានចូលរួមក្នុងការងារសង្គ្រោះគ្រោះមហន្តរាយនៅរដ្ឋធានីប៉េកាំង។ យោងតាមក្រុមអាជ្ញាធរក្រុងបានឱ្យដឹងថា ផ្លូវទៅកាន់តំបន់ដែលរងគ្រោះខ្លាំងបំផុតនៃស្រុកម៉ិនថូវហ្គូវ និងស្រុកហ្វាងសាន ត្រូវបានស្តារឡើងវិញជាបណ្តើរៗ ហើយទីក្រុងកំពុងខិតខំប្រឹងប្រែងអស់ពីលទ្ធភាព ដើម្បីបន្តការផ្គត់ផ្គង់ទឹក ថាមពល និងសេវាទូរគមនាគមន៍នៅកន្លែងទាំងនោះឡើងវិញ៕

មនុស្សជាង១០នាក់រងរបួស ខណៈព្យុះត្រូពិកខ្លាំងបោកបក់មកលើប្រទេសជប៉ុន

2023/08/10 12:23:10 pm        85
Facebook Telegram Linkin
ជប៉ុន៖ មនុស្សជាង១០នាក់បានរងរបួស ខណៈព្យុះត្រូពិកដ៏មានឥទ្ធិពល បាននាំមកនូវកម្លាំងខ្យល់បោកបក់និងភ្លៀងធ្លាក់ខ្លាំង មកកាន់ប្រទេសជប៉ុនភាគខាងលិច។ ព្យុះទីហ្វុង Khanun បានធ្វើឲ្យជនលិចតំបន់Kyushu និងតំបន់ Shikoku ដោយមានភ្លៀងធ្លាក់ខ្លាំង ដែលបានបង្កើនហានីភ័យគ្រោះមហន្តរាយ។ ក្រុមពពកភ្លៀង កំពុងបង្កើតផ្លូវនៃព្យុះ ខណៈមន្ត្រីកំពុងព្រមានពលរដ្ឋឲ្យមានការប្រុងប្រយ័ត្នចំពោះទឹកទន្លេកើនឡើង ទឹកជំនន់ និងលំហូរដីល្បប់។មនុស្សយ៉ាងហោចណាស់១៤នាក់ បានរងរបួស នៅក្នុងតំបន់ Kyushu ដោយសារតែខ្យល់បក់ខ្លាំង។ ព្យុះនេះបានកាត់ផ្តាច់អគ្គិសនីដល់គ្រួសារជាង១ម៉ឺនគ្រួសារ នៅក្នុងតំបន់នេះ។ បំណាក់ដីល្បប់ បានកើតឡើងនៅម្ខាងផ្លូវ និងបានកាត់ផ្តាច់ចរចារណ៍។ ការដឹកជញ្ជូនក៏ត្រូវបានកាត់ផ្តាច់នៅក្នុងផ្នែកមួយចំនួននៅប្រទេសជប៉ុនភាគខាងលិច រួមទាំងសេវារថភ្លើងក្នុងតំបន់ និងជើងហោះហើរក្នុងស្រុក។ ព្យុះមួយផ្សេងទៀតត្រូវបានគេរតំពឹងថា នឹងចូលមកដល់ប្រជុំកោះ Ogasawara របស់ប្រទេសជប៉ុន នៅសមុទ្រប៉ាស៊ីហ្វិក រហូតដល់ថ្ងៃសៅរ៍។ ផ្លូវព្យុះត្រូពិកធ្ងន់ធ្ងរ Lan នៅតែពុំទាន់ច្បាស់នៅឡើយ ប៉ុន្តែមន្ត្រីអាកាសធាតុ និយាយថាវាអាចខិតទៅជិតកោះធំ Honshu របស់ប្រទេសជប៉ុន នៅសប្តាហ៍ក្រោយ៕

តម្លៃអង្ករកើនឡើងដល់កម្រិតខ្ពស់បំផុតក្នុងរយៈពេលជិត១៥ឆ្នាំនៅអាស៊ី

2023/08/10 12:20:41 pm        99
Facebook Telegram Linkin
អាស៊ី៖ របាយការណ៍ប្រព័ន្ធផ្សព្វផ្សាយបាននិយាយថា តម្លៃអង្ករបានឡើងដល់កម្រិតខ្ពស់បំផុតក្នុងរយៈពេលជិត១៥ឆ្នាំនៅក្នុងទ្វីបអាស៊ី ជំរុញឲ្យមានកង្វល់កាន់តែខ្លាំងឡើងលើការផ្គត់ផ្គង់ពិភពលោក ខណៈដែលអាកាសធាតុស្ងួតគំរាមកំហែងដល់ផលិតកម្មនៅក្នុងប្រទេសថៃ ព្រមទាំងបន្ទាប់ពីក្រុមហ៊ុនដឹកជញ្ជូនដ៏ធំរបស់ឥណ្ឌា បានហាមឃាត់ការនាំចេញនៃប្រភេទអង្ករមួយចំនួន។របាយការណ៍នោះបាននិយាយថា អង្ករមានសារៈសំខាន់សម្រាប់របបអាហាររបស់មនុស្សរាប់ពាន់លាននាក់នៅអាស៊ី និងអាហ្រ្វិក ហើយកំណើននៃតម្លៃអាចបន្ថែមសម្ពាធអតិផរណា និងជំរុញតម្លៃនាំចូលសម្រាប់អ្នកទិញ។ ការគំរាមកំហែងចុងក្រោយក្នុងការផ្គត់ផ្គង់ គឺមកពីប្រទេសថៃ ដែលជាប្រទេសផ្គត់ផ្គង់អង្ករធំបំផុតទីពីររបស់ពិភពលោក។ ទីភ្នាក់ងារព័ត៌មាន Bloomberg បានរាយការណ៍ថា ក្រុមអាជ្ញាធរប្រទេសថៃកំពុងលើកទឹកចិត្តកសិករឱ្យប្តូរទៅដាំដំណាំដែលត្រូវការទឹកតិច ខណៈដែលប្រទេសនេះកំពុងប្រឈមមុខនឹងស្ថានភាពស្ងួត ជាមួយនឹងការចាប់ផ្តើមនៃបាតុភូតអាកាសធាតុ អ៊ែលនីញ៉ូ។កំណើនតម្លៃនឹងធ្វើឱ្យមានភាពតានតឹងកាន់តែខ្លាំងឡើងនៅក្នុងទីផ្សារម្ហូបអាហារពិភពលោក ដែលត្រូវបានរង្គោះរង្គើដោយអាកាសធាតុដ៏ធ្ងន់ធ្ងរ និងកាត់បន្ថយការផ្គត់ផ្គង់គ្រាប់ធញ្ញជាតិពីតំបន់សមុទ្រខ្មៅដោយសារតែសង្គ្រាមរុស្ស៊ី និងអ៊ុយក្រែន៕

ខ្យល់បក់និងភ្លៀងធ្លាក់ខ្លាំង វាយបក់មកលើកូរ៉េខាងត្បូង ខណៈព្យុះ Khanun ធ្វើឲ្យមានបំណាក់ដី

2023/08/10 12:18:20 pm        78
Facebook Telegram Linkin
កូរ៉េខាងត្បូង៖ ទឹកភ្លៀង បានធ្លាក់នៅទីក្រុងកំពុងផែ Busan ភាគខាងត្បូង ប្រទេសកូរ៉េខាងត្បូងនៅព្រឹកថ្ងៃព្រហស្បតិ៍ទី១០ ខែសីហានេះ ខណៈព្យុះទីហ្វុងKhanun បង្កឲ្យមានបំណាក់ដីនៅឆ្នេរភាគខាងត្បូងរបស់ប្រទេស។ ការព្រមានជាច្រើន ត្រូវបានចេញនៅទូទាំងប្រទេសកូរ៉េខាងត្បូង ដោយជើងហោះហើរជាង៣៣០ជើង ត្រូវបានលុបចោល ហើយមនុស្សជាង១ម៉ឺននាក់ ត្រូវបានជម្លៀស។ ព្យុះទីហ្វុង Khanun ស្ថិតនៅលើមហាសមុទ្រ ហើយកំពុងឆ្លងកាត់នៅចន្លោះកោះ Kyushu និងកោះធំនៅភាគនិរតីប្រទេសជប៉ុនមានចម្ងាយប្រមាណ៨៦០គីឡូម៉ែត្រពីទីក្រុងតូក្យូ និងឧបទ្វីបកូរ៉េ។ដោយមានបរិយាកាសសើម ពីព្យុះទីហ្វុង Khanun ភ្លៀងធ្លាក់ខ្លាំង ត្រូវបានគេរំពឹងថា នឹងធ្លាក់នៅជុំវិញប្រទេសកូរ៉េភាគខាងត្បូង ហើយរដ្ឋបាលឧតុនិយមកូរ៉េនិយាយថា ព្យុះទីហ្វុងកំពុងវាយបក់ឆ្ពោះទៅភាគខាងជើង ក្នុងល្បឿន២២គីឡូម៉ែត្រក្នុងមួយម៉ោង។ រដ្ឋបាលឧតុនិយមកូរ៉េនិយាយថា ការកើនឡើងខ្លាំងនៃព្យុះទីហ្វុង Khanun ត្រូវបានព្យាករណ៍ថា នឹងថយចុះមកដល់កម្រិតមធ្យម ពីកម្រិតខ្លាំង៕

មនុស្ស៣នាក់បានស្លាប់នៅប្រទេសអូស្ត្រាលី បន្ទាប់ពីបរិភោគផ្សិតព្រៃមានជាតិពុល

2023/08/10 12:14:45 pm        134
Facebook Telegram Linkin
អូស្ត្រាលី៖ នគរបាលអូស្ត្រាលីបាននិយាយនៅក្នុងសន្និសីទសារព័ត៌មានមួយកាលពីថ្ងៃចន្ទថា មនុស្ស៣នាក់បានស្លាប់ និងមនុស្សម្នាក់ស្ថិតក្នុងស្ថានភាពធ្ងន់ធ្ងរពីការបរិភោគផ្សិតពុល។យោងតាមការចេញផ្សាយរបស់សារព័ត៌មានកាលពីថ្ងៃទី៥ ខែសីហា បានឲ្យដឹងថា ក្រុមនគរបាលប្រឆាំងមនុស្សឃាត វីកតូរៀ បាននិយាយថា មនុស្ស៤នាក់ត្រូវបានបញ្ជូនទៅមន្ទីរពេទ្យ បន្ទាប់ពីទទួលទានអាហារនៅផ្ទះឯកជនមួយកន្លែងនៅទីក្រុង Leongatha ដែលទីក្រុងមួយនៅភាគអាគ្នេយ៍នៃប្រទេសអូស្ត្រាលីកាលពីថ្ងៃទី២៩ ខែកក្កដា នៅពេលនោះនគរបាលបាននិយាយថាស្ត្រីពីរនាក់ វ័យ៦៦ឆ្នាំ និងវ័យ៧០ឆ្នាំ ព្រមទាំងបុរសម្នាក់វ័យ៧០ឆ្នាំបានស្លាប់ បន្ទាប់ពីឧប្បត្តិហេតុនោះ។ ជនរងគ្រោះទី៤ ភេទប្រុស វ័យ៦៨ឆ្នាំ កំពុងសម្រាកព្យាបាលនៅមន្ទីរពេទ្យ ។ក្រុមស៊ើបអង្កេតករណីឃាតកម្មបាននិងកំពុងស៊ើបអង្កេតករណីនេះ។ នគរបាលបានសម្ភាសនារីម្នាក់នោះ ដែលសារព័ត៌មាន BBC កំណត់អត្តសញ្ញាណថាឈ្មោះអ្នកស្រី Erin Patterson ជាអ្នកចម្អិនម្ហូបនៅផ្ទះរបស់ខ្លួនកាលពីថ្ងៃទី២៩ ខែកក្កដា ប៉ុន្តែមិនបានធ្លាក់ខ្លួនឈឺនោះទេ។ ណគរបាលបានដោះលែងអ្នកស្រី Patterson ដោយមិនបានចោទប្រកាន់អ្វីឡើយ ប៉ុន្តែនិយាយថា អ្នកស្រីនៅតែជាជនសង្ស័យ។នាយកដ្ឋាននគរបាល វីកតូរៀ លោកអធិការ Dean Thomas បាននិយាយថា គេមិនច្បាស់ថាផ្សិតប្រភេទណាដែលអ្នកទាំងនោះបានបរិភោគនោះទេ ប៉ុន្តែរោគសញ្ញារបស់ពួកគេគឺស្របទៅនឹងរោគសញ្ញាដែលកើតឡើងបណ្ដាលពីផ្សិតមួកមរណៈ ជាផ្សិតមានជាតិពុលខ្លាំងមួយប្រភេទ៕

លោក Biden មិនទំនងជាចូលរួមកិច្ចប្រជុំកំពូលអាស៊ាននៅខែកញ្ញានោះទេក្នុងដំនើរទស្សនកិច្ចមកអាស៊ី

2023/08/10 12:12:17 pm        78
Facebook Telegram Linkin
អាមេរិក៖ប្រភពជាច្រើន បានប្រាប់សារព័ត៌មានរ៉យទ័រថា ប្រធានាធិបតីសហរដ្ឋអាមេរិក លោក Joe Biden មិនទំនងជាចូលរួមក្នុងកិច្ចប្រជុំកំពូលជាមួយមេដឹកនាំអាស៊ីអាគ្នេយ៍នៅក្នុងទីក្រុងហ្សាកាតាប្រទេសឥណ្ឌូនេស៊ីនៅខែក្រោយនោះទេ ជាអវត្តមានដែលនឹងលើកឡើងជាសំនួរជាច្រើនអំពីការប្តេជ្ញាចិត្តរបស់សហរដ្ឋអាមេរិកមកកាន់តំបន់មួយដែលចាំចាប់ក្នុងកិច្ចប្រឹងប្រែងរបស់ខ្លួនដើម្បីរុញច្រានប្រឆាំងឥទ្ធិពលដែលកំពុងពង្រីករបស់ប្រទេសចិន។ លោក Biden បានកំណត់ពេលចូលរួមកិច្ចប្រជុំកំពូលG20 នៅក្នុងប្រទេសឥណ្ឌា នៅថ្ងៃទី៩ ដល់ថ្ងៃទី១០ ខែកញ្ញា ហើយបាននិយាយកាលពីថ្ងៃអង្គារទី៩ ខែសីហាថា លោកមានផែនការធ្វើទស្សនកិច្ចនៅប្រទេសវៀតណាមជាដៃគូនៅអាស៊ីអាគ្នេយ៍ដែលកំពុងលេចចេញដ៏សំខាន់ ដើម្បីធ្វើឲ្យទំនាក់ទំនងប្រសើរឡើង ប៉ុន្តែវត្តមានរបស់លោកនៅក្នុងកិច្ចប្រជុំកំពូលនៅថ្ងៃទី៤ ដល់ថ្ងៃទី៧ ខែកញ្ញា របស់ប្រទេសសមាគមប្រជាជាតិអាស៊ីអាគ្នេយ៍ឬអាស៊ាន ស្ថិតក្នុងភាពមន្ទិលសង្ស័យខ្លាំង។ ប្រភពមួយដែលដឹងច្បាស់អំពីបញ្ហា បាននិយាយថា លោក Biden នឹងមិនទៅកាន់ប្រទេសឥណ្ឌូនេស៊ីនោះទេ ហើយប្រភពមួយផ្សេងទៀតបានលើកឡើងថា ឯកអគ្គរដ្ឋទូតមានមូលដ្ឋាននៅទីក្រុងវ៉ាស៊ីនតោនមកពីសមាជិកអាស៊ាន និយាយថា ប្រទេសឥណ្ឌូនេស៊ី ត្រូវបានគេប្រាប់កាលពីថ្ងៃចន្ទថា លោកBiden នឹងមិនទៅទីនោះទ។ នៅពេលត្រូវបានសួរថាតើវាពិតឬទេដែលលោក Biden នឹងមិនទៅកាន់ប្រទេសឥណ្ឌូនេស៊ី មន្ត្រីជាន់ខ្ពស់សេតវិមាន បានប្រាប់សារព័ត៌មានរ៉យទ័រកាលពីថ្ងៃអង្គារថា យើងនៅកំពុងធ្វើការលើរឿងនេះ យើងប្រហែលជានឹងមានអ្វីៗច្រើនទៀតដើម្បីនិយាយអំពីរឿងនេះឆាប់ៗ។  ប្រភពជាច្រើន និយាយថា កាលបរិច្ឆេទរបស់លោក Biden មកកាន់អាស៊ី នៅមិនទាន់ផ្លូវការនៅឡើយរហូតដល់ដំណើរនោះ ត្រូវបានគេប្រកាស ហើយនឹងអាចផ្លាស់ប្តូរ៕

រដ្ឋមន្ត្រីឥណ្ឌា ទម្លាក់កំហុសលើភាពចលាចលក្នុងប្រទេសជិតខាងមីយ៉ាន់ម៉ា ជាមូលហេតុនៃការបង្ហូរឈាមនៅរដ្ឋម៉ានីពួរ

2023/08/10 12:09:21 pm        73
Facebook Telegram Linkin
ឥណ្ឌា៖ កាលពីថ្ងៃពុធ (៩ ខែសីហា) រដ្ឋមន្ត្រីក្រសួងមហាផ្ទៃឥណ្ឌា លោក Amit Shah បានទម្លាក់កំហុសលើភាពចលាចលក្នុងសហភាពមីយ៉ាន់ម៉ា ជាមូលហេតុនៃជម្លោះជនជាតិភាគតិចនៅរដ្ឋម៉ានីពួរ ភាគឦសាននៃប្រទេសឥណ្ឌា ដែលនៅជិតខាង ហើយជំរុញឱ្យភាគីជម្លោះទាំងពីរនៅក្នុងរដ្ឋម៉ានីពួរ ដោះស្រាយជម្លោះរបស់ពួកគេតាមរយៈការសន្ទនា។លោក Shah បានប្រាប់សភាថា អស្ថិរភាពនយោបាយនៅក្នុងសហភាពមីយ៉ាន់ម៉ា បានជំរុញឱ្យជនភៀសខ្លួនរាប់ពាន់នាក់ភៀសខ្លួនឆ្លងកាត់ព្រំដែនចូលទៅក្នុងរដ្ឋម៉ានីពួរ។ មនុស្សជាង១៨០នាក់ត្រូវបានសម្លាប់ ជាច្រើនរយនាក់ទៀតរងរបួស និងមនុស្សរាប់ម៉ឺននាក់បានបាត់បង់ផ្ទះសម្បែងនៅក្នុងរដ្ឋម៉ានីពួរ ចាប់តាំងពីខែឧសភាមក។ចាប់តាំងពីរដ្ឋប្រហារនៅមីយ៉ាន់ម៉ាក្នុងឆ្នាំ២០២១ របបសឹកបានប្រយុទ្ធប្រឆាំងនឹងកងកម្លាំងគាំទ្រលទ្ធិប្រជាធិបតេយ្យនៅទូទាំងប្រទេស។ លោក Shah បានជំរុញភាគីជម្លោះជនជាតិភាគតិចទាំងពីរនៅក្នុងរដ្ឋម៉ានីពួរ ដែលភាគច្រើនជាជនជាតិម៉ីតី និងជនជាតិគូគី ឲ្យមកចូលតុចរចាសន្តិភាព និងដោះស្រាយបញ្ហាតាមរយៈការសន្ទនា។អំពើហឹង្សាបានកើតឡើងបន្ទាប់ពីតុលាការក្នុងខែកុម្ភៈបានស្នើថា សិទ្ធិពិសេសៗជាច្រើនត្រូវបានផ្តល់ដល់ជនជាតិភាគតិចគូគី រួមមានចំនួន១៦% នៃចំនួនប្រជាជនទាំងអស់របស់រដ្ឋ ដែលបានពង្រីកខ្លួនទៅជាជនជាតិម៉ីតី និងជាប្រជាជនភាគច្រើននៅរដ្ឋម៉ានីពួរ៕

យ៉ាងហោចណាស់មនុស្ស២នាក់ បានស្លាប់ ក្នុងការប៉ះទង្គិចគ្នានៅប្រទេសលីបង់

2023/08/10 12:07:11 pm        78
Facebook Telegram Linkin
លីបង់៖ ប្រភពសន្តិសុខបានប្រាប់សារព័ត៌មាន រ៉យទ័រ ថា មនុស្ស២នាក់ បានសម្លាប់កាលពីថ្ងៃពុធ (៩ សីហា) នៅក្នុងការប៉ះទង្គិចគ្នារវាងសមាជិកនៃក្រុមប្រដាប់អាវុធ ស៊ីអ៊ីថេ ហេសបូឡា (Shi'ite Hezbollah) និងក្រុមអ្នកស្រុកនៃទីក្រុងគ្រិស្តសាសនា បន្ទាប់ពីអ្នកស្រុកបានឡោមព័ទ្ធរថយន្តដឹកទំនិញដែលបានក្រឡាប់មួយគ្រឿង។ទូរទស្សន៍លីបង់ Al-Jadeed បានចាក់ផ្សាយវីដេអូពី ក្រុមបុរសស្លៀកពាក់ស៊ីវិលបាញ់កាំភ្លើងនៅតាមផ្លូវ។ ក្រោយមកពួកគេបានបង្ហាញពី កងទ័ពលីបង់ដែលបានដាក់ពង្រាយជុំវិញរថយន្តដឹកទំនិញនោះនៅពេលយប់ ខណៈរថយន្តស្ទូចមួយគ្រឿងបានទាញយកប្រអប់ឈើចេញពីរថយន្តនោះ។ អ្នកស្រុកជាច្រើនក្រុមធំបានប្រមូលផ្តុំគ្នា ដោយមានមនុស្សជាច្រើនប្រាប់អ្នកផ្សាយព័ត៌មានថា ពួកគេមានបំណងបិទផ្លូវ។ប្រភពនោះបាននិយាយថា រថយន្តដឹកទំនិញបានក្រឡាប់នៅលើផ្លូវចុះចំណោតក្បែរទីក្រុងភ្នំ កាហាឡេ (Kahaleh) កាលពីល្ងាចថ្ងៃពុធ ហើយអ្នកស្រុកបានបិទផ្លូវជុំវិញនោះយ៉ាងលឿន។ ប្រភពសន្តិសុខម្នាក់បាននិយាយថា រថយន្តដឹកទំនិញនោះជាកម្មសិទ្ធិរបស់ក្រុម ហេសបូឡា ហើយម្នាក់ក្នុងចំណោមអ្នកស្លាប់គឺជាសមាជិកនៃក្រុមនោះ ខណៈអ្នកទីពីរជាពលរដ្ឋកាន់សាសនាគ្រឹស្តរស់នៅក្នុងទីក្រុង។ ប្រភពទាំងនោះមិនអាចផ្តល់ព័ត៌មានលម្អិតអំពីខ្លឹមសារនៃរថយន្តនោះបានទេ ហើយក៏មិនមានការអត្ថាធិប្បាយភ្លាមៗពីក្រុម ហេសបូឡា ផងដែរ៕

បណ្ដាញសង្គម

ព័ត៌មានថ្មីៗ

សម្តេចធិបតីសង្ឃឹមយ៉ាងមុតមាំថា គណៈកម្មការចម្រុះព្រំ​ដែនប្រទេសទាំងពីរកម្ពុជា-ថៃ​អាចចាប់ផ្តើមអនុវត្តការងារវាស់វែងបានឆាប់រហ័ស តាមស្មារតីដែលបានឯកភាពគ្នាក្នុងសេចក្តីប្រកាសរួម
04/11/2026 08:04 PM
Facebook Telegram Linkin
ផ្ទះទេវតា១ខ្នងដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ,សម្ដេចធិបតី ហ៊ុន ម៉ាណែត និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាពនៅខេត្តកំពង់ធំ
04/11/2026 08:04 PM
Facebook Telegram Linkin
អេស្តូនីនឹងមិនឃាត់នាវារុស្ស៊ីនៅក្នុងសមុទ្របាល់ទិក ដោយសារតែហានិភ័យនៃការកើនឡើងភាពតានតឹង
04/11/2026 05:04 PM
Facebook Telegram Linkin
ប្រជាជនលីបង់នៅទីក្រុងបេរូត បង្ហាញពីភាពមិនប្រាកដប្រជា មុនពេលមានការចរចាជាមួយអ៊ីស្រាអែល
04/11/2026 05:04 PM
Facebook Telegram Linkin
កូរ៉េខាងជើងដាក់តាំងបង្ហាញស្ករគ្រាប់រាងដូចមីស៊ីល និងរថក្រោះ នៅក្នុងពិធីតាំងពិព័រណ៍
04/11/2026 05:04 PM
Facebook Telegram Linkin
ក្រុមអ្នកជួយសង្គ្រោះ កំពុងស្វែងរកមនុស្សបាត់ខ្លួន បន្ទាប់ពីទូកទេសចរណ៍លិចនៅភាគខាងជើងឥណ្ឌា
04/11/2026 05:04 PM
Facebook Telegram Linkin
លីប៊ីចុះហត្ថលេខាលើថវិការដ្ឋបង្រួបបង្រួមលើកដំបូង ក្នុងរយៈពេលជាង ១ ទសវត្សរ៍
04/11/2026 05:04 PM
Facebook Telegram Linkin
សួនរុក្ខជាតិអង្គរ ពិព័រណ៍ “មិត្តសត្វព្រៃ និងពិភពសត្វល្អិត” សម្រាប់អ្នកទេសចរទស្សនា ក្រៅ​ពី​អង្គរវត្ដ
04/11/2026 05:04 PM
Facebook Telegram Linkin
សម្ដេចព្រះមហាសង្ឃរាជ បួរ គ្រី ផ្ដល់ព្រះរាជអំណោយដល់កងទ័ព និង​ធ្វើ​បុណ្យ​ឧទ្ទិសកុសល​ដល់​យុទ្ធជន​ពលី
04/11/2026 04:04 PM
Facebook Telegram Linkin
តាមបណ្តាសាកលវិទ្យាល័យ រៀបចំលេងល្បែងប្រជាប្រិយមុនថ្ងៃចូលឆ្នាំថ្មី និងលើក​តម្កើង​អត្ត​សញ្ញាណ​វប្បធម៌ខ្មែរ
04/11/2026 04:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.