BTV NEWS

ជនសង្ស័យម្នាក់ ត្រូវបានឃាត់ខ្លួន ក្រោយញុះញង់ឱ្យចូលរួមធ្វើបដិវត្តពណ៌ផ្ដួលរំលំរាជរដ្ឋាភិបាល

១សប្តាហ៍ គ្រោះថ្នាក់ចរាចរណ៍ បន្តឆក់យកជីវិតមនុស្ស២៨នាក់ របួសជិត៧០នាក់

ឃាត់ខ្លួនជនសង្ស័យម្នាក់ក្នុងចំណោមបក្ខពួក ៤នាក់ ករណីឆក់ប្រដាប់អាវុធ ៣ករណី

នគរបាលមន្ទីរប្រឆាំងបទល្មើស គ្រឿងញៀនចុះឆ្មក់បង្ក្រាបទីតាំងអគារមួយកន្លែងឃាត់ខ្លួនបានមនុស្សប្រុសស្រីជាច្រើននាក់

សន្តិសុខ និង សង្គម

ភ្លៀងធ្លាក់ខ្លាំងបង្កជាទឹកជំនន់ និងធ្វើឲ្យអាក់ខានដល់ការដឹកជញ្ជូននៅក្នុងប្រទេសជប៉ុន

ជប៉ុន៖ កាលពីថ្ងៃសុក្រ និងព្រឹកថ្ងៃសៅរ៍ ប្រទេសជប៉ុនមានភ្លៀងធ្លាក់ខ្លាំង បង្កឲ្យកើតមានទឹកជំនន់ និងបង្អាក់ដល់ការដឹកជញ្ជូន ។ ភ្លៀងធ្លាក់ខ្លាំង បានកើតមាន ពេលដែលព្យុះកំបុតត្បូង Mawarបោកបក់ឆ្លងកាត់កោះសំខាន់ Honshuស្ថិតនៅភាគខាងត្បូងប្រទេសជប៉ុន ។ មនុស្សម្នាក់ ត្រូវបានគេប្រទះឃើញស្លាប់នៅខេត្តភាគកណ្តាល Aichi ហើយមនុស្ស ២នាក់ផ្សេងទៀត កំពុងបាត់ខ្លួននៅខេត្តភាគខាងលិច Wakayama ។ ដោយឡែក រថភ្លើងល្បឿនលឿន Shinkansen បានផ្អាកសេវាកម្មរបស់ខ្លួនចេញពីទីក្រុងតូក្យូ ទៅកាន់ទីក្រុង Nagoya នៅភាគកណ្តាលជប៉ុនកាលពីថ្ងៃសុក្រ ហើយនិងបានចាប់ផ្តើមប្រតិបត្តិការឡើងវិញនៅវេលាថ្ងៃត្រង់ ថ្ងៃសៅរ៍ ៕

ក្រុមការងារបន្តប្រតិបត្តិការជួយសង្រ្គោះពេញមួយយប់នៅកន្លែងកើតហេតុការណ៍រថភ្លើងបុកគ្នានៅឥណ្ឌា

ឥណ្ឌា៖ ក្រុមការងារជួយសង្រ្គោះ បានរុករកអ្នករស់រាន និងសាកសពពេញមួយយប់ ក្រោយរថភ្លើង ៣ខ្សែបុកគ្នានៅរដ្ឋ Odisha ដោយបានសម្លាប់មនុស្សយ៉ាងហោច ២៨៨នាក់ ។ ប្រតិបត្តិការរុករក និងជួយសង្រ្គោះទ្រង់ទ្រាយធំ ត្រូវបានបង្កើន ដោយមានបុគ្គលិកមកពីនាយកដ្ឋានពន្លត់អគ្គិភ័យ និងក្រុមមន្រ្តីនគរបាលរាប់រយនាក់ ក៏ដូចជាសុនខហិតក្លិន ។ ក្រុមកងកម្លាំងឆ្លើយតបគ្រោះមហន្តរាយជាតិ បាននៅកន្លែងកើតហេតុផងដែរ។ អ្នករស់រានពីហេតុការណ៍រថភ្លើងបុកគ្នានេះ បាននិយាយថា ពួកគេបានឮសំឡេងយ៉ាងខ្លាំង ពេលដែលរថភ្លើងបុកគ្នា ។ លោក Saman Mistry គឺជាអ្នករស់រានម្នាក់ និងជាជាងគំនូរ និយាយថា លោកកំពុងទម្រេតខ្លួននៅលើគ្រែក្នុងរថភ្លើង ។ ពេលរថភ្លើងឈប់ ទើបលោកអាចចមកក្រៅបាន ។ អ្នកដំណើរប្រហែល ១ពាន់នាក់ បានរងរបួស និងត្រូវបានបញ្ជូនទៅព្យាបាលនៅមន្ទីរពេទ្យជាច្រើននៅស្រុក Balasore, Mayurbhanj, Bhadrak, Jajpur និងស្រុក Cuttack ។ យោងតាមការអះអាងរបស់ក្រសួងផ្លូវដែកឥណ្ឌា បានឲ្យដឹងថា បណ្តាញផ្លូវដែករបស់ពួកគេ សម្របសម្រួលការដឹកជញ្ជូនអ្នកដំណើរប្រហែល ១៣លាននាក់ ជារៀងរាល់ថ្ងៃ ប៉ុន្តែការគ្រប់គ្រងផ្តាច់មុខដោយរដ្ឋ មានប្រវត្តិសុវត្ថិភាពពុំសូវល្អនោះទេ ដោយសារតែហេដ្ឋារចនាសម្ព័ន្ធផ្លូវដែកមានអាយុកាលប្រើប្រាស់យូរមកហើយ ៕

មនុស្សម្នាក់ស្លាប់ និង២នាក់បាត់ខ្លួន នៅប្រទេសជប៉ុនបន្ទាប់ពីភ្លៀងធ្លាក់ខ្លាំង ដោយសារព្យុះត្រូពិក Mawar

ជប៉ុន៖ អាជ្ញាធរបាននិយាយនៅថ្ងៃសៅរ៍នេះថា ភ្លៀងធ្លាក់ខ្លាំងនៅទូទាំងផ្នែកជាច្រើនរបស់ប្រទេសជប៉ុន បណ្តាលឲ្យមនុស្សម្នាក់ស្លាប់ និង២នាក់បាត់ខ្លួន ដោយមនុស្សរាប់ពាន់នាក់ត្រូវបានចេញការព្រមានពីការជម្លៀសខ្លួន និង គ្មានអគ្គិសនីប្រើប្រាស់។ ការជនលិចនេះ បានបង្កឡើងដោយចំហាយសេសសល់ពីព្យុះទីហ្វុង Mawar ដែលបច្ចុប្បន្នធ្លាក់ចុះដល់ព្យុះត្រូពិក។ មន្ត្រីទីក្រុងបានប្រាប់សារព័ត៌មាន AFP ថាក្រុមជួយសង្គ្រោះនៅទីក្រុង Toyohashi របស់តំបន់ Aichi ភាគកណ្តាល ជាទីដែលមានការប្រកាសអាសន្នពីការជម្លៀសខ្លួនកម្រិតខ្ពស់បំផុតរបស់ប្រទេស បានចេញកាលពីថ្ងៃសុក្រ ត្រូវបានរកឃើញបុរសម្នាក់ ក្នុងវ័យប្រហែលខ្ទង់៦០ឆ្នាំ ស្ថិតនៅក្នុងរថយន្តលិចទឹក ប៉ុន្តែក្រោយមកលោកត្រូវបានគេប្រកាសថាបានស្លាប់។ មន្ត្រីនិយាយថា នៅខេត្ត Wakayama ភាគខាងលិច ជាទីដែលទន្លេជាច្រើនហៀរលើច្រាំង ដែលពួកគេបានបន្តការស្វែងរកបុរសម្នាក់ និងស្ត្រីម្នាក់ ដែលកំពុងបាត់ខ្លួននៅក្នុងតំបន់នោះ។នៅប្រទេសជប៉ុន ភាគខាងលិច និងភាគកណ្តាល បទបញ្ជាជម្លៀសខ្លួនជាច្រើនដែលពុំមែនជាការបង្ខំនោះទេ ទោះបីជាស្ថិតក្នុងកម្រិតខ្ពស់បំផុតក៏ដោយ ត្រូវបានបន្ទាបនៅថ្ងៃសៅរ៍នេះ ខណៈទឹកភ្លៀងបានថយចុះ។ ប៉ុន្តែការព្រមានថ្មីត្រូវបានចេញនៅក្នុងតំបន់នានាជិតទីក្រុងតូក្យូ កាលពីពេលព្រឹកជុំវិញហានីភ័យនៃទឹកជំនន់។ ក្រុមហ៊ុនផ្គត់ផ្គង់ថាមពលអគ្គិសនី បាននិយាយថា ពលរដ្ឋប្រមាណ៤ពាន់គ្រួសារ នៅក្នុងតំបន់នានាជិតទីក្រុងតូក្យូ បានទទួលរងការដាច់ចរន្តអគ្គិសនី៕

ព្យុះ Mawar នាំមកនូវភ្លៀងធ្លាក់ខ្លាំង និងបង្កហានិភ័យនៃបំណាក់ដីនៅតាមបណ្តាកោះភាគខាងត្បូងប្រទេសជប៉ុន

ជប៉ុន៖ ព្យុះកំបុតត្បូងចុះខ្សោយកម្លាំង Mawarបាននាំមកនូវភ្លៀងធ្លាក់ខ្លាំងនៅតាមបណ្តាកោះសំខាន់ៗនៅភាគខាងត្បូងប្រទេសជប៉ុននាថ្ងៃសុក្រនេះ ក្រោយបោកបក់ឆ្លងកាត់ប្រជុំកោះ Okinawan និងបណ្តាលឲ្យមនុស្សជាច្រើននាក់ រងរបួស ។ ប្រជាពលរដ្ឋនៅតាមតំបន់ងាយរងគ្រោះ ត្រូវបានគេព្រមានពីលទ្ធភាពនៃទឹកជំនន់ធ្ងន់ធ្ងរ និងបំណាក់ដី ហើយជើងហោះហើរក្នុងស្រុករាប់សិបវ៉ុល ត្រូវបានលុបចោលរយៈពេល១ថ្ងៃ ។ នៅប្រជុំកោះ Okinawa ខ្យល់បក់ខ្លាំងនៅតែបន្តកើតមាន ហើយមនុស្ស ៨នាក់ បានរងរបួស ។ ស្រ្តីវ័យចំណាស់ម្នាក់ដែលដួល បានរងរបួសក្បាលធ្ងន់ធ្ងរនៅទីក្រុង Nishihara ប៉ុន្តែអ្នករងរបួសផ្សេងទៀត មានស្ថាភាពស្រាលប៉ុណ្ណោះ ។ ទីភ្នាក់ងារឧតុនិយមជប៉ុន រាយការណ៍ថា ព្យុះ Mawar ដែលមុននេះគឺជាប្រភេទព្យុះកំណាចទីហ្វុង បានបោកបក់ក្នុងល្បឿន ៩០គ.មក្នុង១ម៉ោង ពេលដែលវាធ្វើដំណើរឆ្លងកាត់តំបន់ភាគខាងកើតកោះ Okinoerabujima ស្ថិតក្នុងមហាសមុទ្រប៉ាស៊ីហ្វិក ។ ទីភ្នាក់ងារឧតុនិយមជប៉ុន រាយការណ៍ទៀតថា ស្របពេលដែលការខូចខាតដោយសារកម្លាំងខ្យល់នៅមានដែនកំណត់នៅប្រជុំកោះ Okinawaនោះ ខ្យល់ក្តៅ និងសំណើមពីព្យុះត្រូពិក បានធ្វើឲ្យភ្លៀងធ្លាក់កាន់តែខ្លាំង គំរាមកំហែងឲ្យកើតមានទឹកជំនន់ និងបំណាក់ដី ។ សូមបញ្ជាក់ថា ព្យុះ Mawar បានបោកបក់ឆ្លងកាត់កោះតៃវ៉ាន់ និងប្រទេសហ្វីលីពីនផងដែរ ក្រោយពេលវាបោកបក់ទៅលើកោះ Guam របស់សហរដ្ឋអាមេរិក កាលពីសប្តាហ៍មុន ៕

ក្រសួងសុខាភិបាលរម្លឹកពីការចាក់វ៉ាក់សាំងកូវីដ-១៩ដូសជំរុញដល់ពលរដ្ឋអាយុចាប់ពី៣ឆ្នាំឡើងទៅ

ភ្នំពេញ៖ យោងចំណារឯកភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ កម្ពុជាលើលិខិតរបស់គណៈប្រចាំការនៃគណៈកម្មការជាតិប្រយុទ្ធនឹងជំងឺកូវីដ-១៩ និងដោយសង្កេតឃើញថាក្នុងពេលថ្មីៗនេះ វីរុសកូវីដ-១៩ បំប្លែងថ្មី ពពួក Omicron XBB.1.5 និងពពួកថ្មីៗទៀតកំពុងមានការឆ្លងរីករាលដាលនៅតាមបណ្ដាប្រទេសមួយចំនួននៅលើសាកលលោក និងនៅក្នុងតំបន់ ក្រសួងសុខាភិបាលនៅថ្ងៃទី២ ខែមិថុនា ឆ្នាំ២០២៣នេះ បានក្រើនរម្លឹកដល់ប្រជាពលរដ្ឋមានអាយុចាប់ពី ៣ ឆ្នាំ ទៅចាក់វ៉ាក់សាំងកូវីដ-១៩ដូសជំរុញ។យោងតាមសេចក្តីជូនព័ត៌មានរបស់ក្រសួងសុខាភិបាលបានឱ្យដឹងថា គណៈកម្មការចំពោះ កិច្ចចាក់វ៉ាក់សាំងកូវីដ-១៩ (គ.វ.ក-១៩) បានក្រើនរម្លឹកដល់សាធារណជន អំពីការចាក់វ៉ាក់សាំងកូវីដ-១៩ ដូសជំរុញ តាមគោលការណ៍ស្ម័គ្រចិត្ត និងដោយមានការកែសម្រួលគម្លាតនៃការចាក់វ៉ាក់សាំងដូសជំរុញណែនាំពីអង្គការសុខភាពពិភពលោកដោយគម្លាតនៃការចាក់វ៉ាក់សាំងកូវីដ-១៩ ដូសជំរុញត្រូវធ្វើចាប់ពី ៦ ខែឡើងទៅ បន្ទាប់ពីចាក់ដូសចុងក្រោយ។ ក្រសួងសុខាភិបាលបញ្ជាក់ថា ប្រទេសកម្ពុជាកំពុងបន្តផ្តល់ការចាក់វ៉ាក់សាំងកូវីដ-១៩ ចំពោះកុមារដែលមានអាយុចាប់ពី ៣ ឆ្នាំ ដល់អាយុក្រោម ៥ ឆ្នាំទាំងអស់ដែលបានចាក់វ៉ាក់សាំងកូរីដ-១៩ ដូសទី១ និង ដូសទី២ (ដូសមូលដ្ឋាន) រួចរាល់ហើយ មានគម្លាតចាប់ពី ៦ ខែឡើង បន្ទាប់ពីការចាក់វ៉ាក់សាំងកូរីដ-១៩ ដូស ចុងក្រោយ អាណាព្យាបាលរួសរាន់នាំកូន ក្មួយ ឬចៅទៅទទួលយកការចាក់វ៉ាក់សាំងកូវីដ-១៩ ដូសទី ៣ ឬដុសទី៤ ឱ្យបានគ្រប់ៗគ្នា។ ចំពោះកុមារដែលមានអាយុចាប់ពី ៥ ឆ្នាំដល់អាយុក្រោម ១២ ឆ្នាំទាំងអស់ដែលបានចាក់វ៉ាក់សាំងកូវីដ-១៩ ដូសទី១ និងដូសទី២ (ដូសមូលដ្ឋាន) រួចរាល់ ហើយមានគម្លាតចាប់ពី ៦ ខែឡើង បន្ទាប់ពីការចាក់វាក់សាំងកូវីដ-១៩ ដូសចុងក្រោយ ត្រូវរួសរាន់នាំកូន ក្មួយ ឬចៅ ទៅទទួលយកការចាក់វ៉ាក់សាំងកូវីដ-១៩ ដូសទី៣ ដូសទី៤ ឬដូសទី៥ ឱ្យបានគ្រប់ៗគ្នា។ ចំពោះប្រជាជនដែលមានអាយុចាប់ពី១២ឆ្នាំឡើងទាំងអស់ដែលបានចាក់វ៉ាក់សាំងកូវីដ-១៩ ដូសទី១ និងដូសទី២ ឬបានចាក់វាក់សាំងចនសុន និងចនសុនមួយដូស (ដូសមូលដ្ឋាន) រួចរាល់ហើយមានគម្លាតចាប់ពី៦ខែឡើងបន្ទាប់ពីការចាក់ វ៉ាក់សាំងកូវីដ-១៩ ដូសចុងក្រោយ សូមរួសរាន់អញ្ជើញទៅទទួលការចាក់វ៉ាក់សាំងកូវីដ-១៩ ដូសទី៣ ដូសទី៤ ដូសទី៥ ឬដូសទី៦ ឱ្យបានគ្រប់ៗគ្នា។ ចំពោះទីតាំងនៃការចាក់វ៉ាក់សាំងកូវីដ-១៩ គឺនៅតាមមូលដ្ឋានសុខាភិបាលសាធារណៈរួមមានមន្ទីរពេទ្យជាតិ មន្ទីរពេទ្យបង្អែក និងមណ្ឌលសុខភាព ទូទាំងរាជធានី-ខេត្តទាំង ២៥ ដែលស្ថិតនៅជិតទីសំណាក់ របស់បងប្អូន៕អត្ថបទ៖ វ៉ន ដារ៉ា

បេសកកម្ម Boeing ក្នុងការបញ្ជូនអវកាសយានិក NASA ទៅកាន់ស្ថានីយអវកាស ប្រឈមនឹងការពន្យារពេលយូរ

អាមេរិក៖ អាចនឹងមានការពន្យាពេលដ៏យូរជាងនេះ សម្រាប់យានអវកាស Starliner របស់ក្រុមហ៊ុន Boeing ដែលត្រូវបានផលិតឡើង ដើម្បីបញ្ជូនអវកាសយានិកទៅ និងមកពីស្ថានីយអវកាសអន្តរជាតិ (ISS) ខណៈបេសកកម្មនេះ ធ្វើឡើងក៏ដើម្បីប្រកួតប្រជែងជាមួយយានអវកាស Crew Dragon របស់ក្រុមហ៊ុនអវកាស SpaceX ផងដែរ។ក្រុមហ៊ុន Boeing បានសម្រុកការងាររបស់ខ្លួនយ៉ាងខ្លាំង ដើម្បីឆ្ពោះទៅរកការបាញ់បង្ហោះចុងខែកក្កដានៃការហោះហើរសាកល្បងយានអវកាស Starliner ដែលមានអវកាសយានិកដំបូងបង្អស់។ ប៉ុន្តែលោក Mark Nappi អនុប្រធាន និងជាអ្នកគ្រប់គ្រងកម្មវិធីរបស់ Boeing សម្រាប់យានអវកាស CST-100 Starliner បាននិយាយក្នុងសន្និសីទសារព័ត៌មានខ្លី កាលពីថ្ងៃព្រហស្បតិ៍ថា៖ «យើងមានបញ្ហាថ្មីចំនួនពីរ ដែលបានរកឃើញ ក្នុងដំណើរការត្រួតពិនិត្យឡើងវិញរបស់យើង។ ដូច្នេះ យើងបានចំណាយពេលមួយសប្តាហ៍ចុងក្រោយនេះ ដើម្បីស្វែងរកមើលបញ្ហានោះឲ្យបានល្អិតល្អន់បន្ថែមទៀត»។នៅទីបំផុត បន្ទាប់ពីបានពិគ្រោះយោបល់ជាមួយនាយកប្រតិបត្តិក្រុមហ៊ុន Boeing លោក Dave Calhoun និង NASA រួចមក ក្រុមហ៊ុនបានសម្រេចចិត្តបញ្ឈប់ការប៉ុនប៉ងបាញ់បង្ហោះ នៅខែកក្កដា ដើម្បីដោះស្រាយបញ្ហានានា។បញ្ហាមួយទាក់ទងនឹងការរលាស់ឆ័ត្រយោង និងផ្នែកនៃគ្រឿងយន្តមួយហៅថា «តំណភ្ជាប់ផ្នែកទន់» ដែលមានកម្រិតទាបជាងការរំពឹងទុកដំបូង ហើយលោក Nappi បានប្រាប់ថា បញ្ហាផ្សេងទៀតទាក់ទងនឹងប្រទាប់រុំ ដែលត្រូវបានប្រើសម្រាប់ការពារខ្សែកុំឲ្យរហែក។ ស្រទាប់រុំនោះ ត្រូវបានរកឃើញថា អាចនឹងឆេះបានដោយងាយ។បើទោះបីជជាការបាញ់បង្ហោះនៅឆ្នាំនេះ នៅតែមានលទ្ធភាពអាចធ្វើទៅបានក៏ដោយ ក៏មន្ត្រីរបស់ក្រុមហ៊ុន បាននិយាយថា ពួកគេនឹងមិនកំណត់កាលបរិច្ឆេទច្បាស់លាស់ សម្រាប់ការបាញ់បង្ហោះថ្មីទេ រហូតដល់ពួកគេដឹងប្រាកដប្រជាអំពីបញ្ហាថ្មីៗជាមុនសិន។កាលពីឆ្នាំ២០២២ យានអវកាស Starliner ដែលគ្មានអវកាសយានិក ត្រូវបានបាញ់បង្ហោះសាកល្បងលើកទីពីរ ទៅកាន់គន្លងតារាវិថី ប៉ុន្តែបញ្ហាដែលមានជាមួយយានអវកាស Starliner មានអវកាសយានិកនេះ បានកើតមានឡើងសឹងគ្រប់ដំណាក់កាលនៃកម្មវិធីអភិវឌ្ឍន៍របស់យាន៕

រុស្ស៊ីនិយាយថា ខ្លួនបានវាយកម្ទេចការវាយប្រហាររបស់អ៊ុយក្រែនតាមព្រំដែន ខណៈបង្កើនការវាយប្រហារលើទីក្រុង Kyiv សម្លាប់មនុស្ស៣នាក់

រុស្ស៊ី៖ ទីក្រុង Moscow បាននិយាយកាលពីថ្ងៃព្រហស្បតិ៍ថា ខ្លួនបានវាយកម្ទេចការប៉ុនប៉ងរបស់អ៊ុយក្រែន ក្នុងការលួចចូលក្នុងព្រំដែនភាគនិរតីរបស់ខ្លួន ខណៈកងកម្លាំងរុស្ស៊ី បានវាយសន្ធាប់ដោយមីស៊ីលទៅលើទីក្រុង Kyiv បណ្ដាលមនុស្ស៣នាក់ស្លាប់ រួមទាំងកុមារម្នាក់ ។ រដ្ឋធានីរបស់អ៊ុយក្រែន បានប្រឈមការវាយឆ្មក់តាមអាកាសទាំងកណ្ដាលអធ្រាត្រ កាលពីខែឧសភា និងការវាយប្រហារពេលថ្ងៃខុសពីទម្លាប់ធម្មតាកាលពីថ្ងៃចន្ទ ដែលបង្ខំឲ្យប្រជាពលរដ្ឋរត់ទៅរកជម្រកមានសុវត្ថិភាព។ ខណៈទីក្រុង Kyiv បានដាក់ពង្រាយប្រព័ន្ធការពារដែនអាកាសរបស់ខ្លួនប្រឆាំងនឹងការវាតប្រហារដោយមីស៊ីលថ្មីរបស់រុស្ស៊ី ទីក្រុង Moscow និយាយថា ខ្លួនបានវាយបកការប៉ុនប៉ងមួយពីសំណាក់កងទ័ពអ៊ុយក្រែនក្នុងបំណងឈ្លានពានតំបន់ Belgorod ភាគនិរតីរបស់ខ្លួន នៅម៉ោងប្រហែល៣ព្រឹម៉ោងក្នុងប្រទេសរុស្ស៊ី។ ក្រសួងការពារជាតិរុស្ស៊ី បាននិយាយនៅពេលល្ងាចថា ការវាយប្រហារចូលរួមដោយក្រុមសកម្មប្រយុទ្ធសរុបមានដល់៧០នាក់ក្នុងនោះ មានរថក្រោះ៥គ្រឿង រថពាសដែក៤គ្រឿង និងរថយន្ត pickup ចំនួន៧គ្រឿង និងរថយន្តធុនធំKamazមួយគ្រឿង ដោយមានសេចក្ដីរាយការណ៍ពីការព្យាយាមឆ្លងព្រំដែនយ៉ាងហោចណាស់៣លើក។ ក្រសួងខាងលើនិយាយថា រុស្ស៊ី បានប្រើកងកម្លាំងទ័ពអាកាសនិង កាំភ្លើងធំដើម្បីវាយទប់នឹងការវាយប្រហារនេះ ដែលបានសម្លាប់ក្រុមអ្នកប្រយុទ្ធអ៊ុយក្រែនជាង៥០នាក់។តំបន់ Belgorod ដែលបានមើលឃើញការវាយប្រហារមិនធ្លាប់មានក្នុងការលបវាយឆ្មក់ប្រដាប់អាវុធ២ថ្ងៃ កាលពីសប្ដាហ៍មុន បានកើតឡើង ក្រោមការបាញ់ប្រហារកាន់តែខ្លាំងក្នុងពេលប៉ុន្មានថ្ងៃមុននោះ៕

អ្នកមគ្គុទេសក៍ជនជាតិនេប៉ាល់ សង្រ្គោះជីវិតអ្នកឡើងភ្នំម៉ាឡេស៊ីពីលើកំពូលភ្នំ Everest

នេប៉ាល់៖ មន្រ្តីរដ្ឋាភិបាល និយាយកាលពីថ្ងៃពុធថា អ្នកឡើងភ្នំម៉ាឡេស៊ីម្នាក់ ត្រូវបានជួយសង្រ្គោះអាយុជីវិត ក្រោយអ្នកមគ្គុទេសក៍ជនជាតិនេប៉ាល់ បានអូសគាត់ចុះពីតំបន់ក្បែរកំពូលភ្នំ Everest ដែលជាប្រតិបត្តិការជួយសង្រ្គោះលើរយៈកម្ពស់ខ្ពស់ដ៏កម្រមួយ ។ លោក Gelje Sherpa វ័យ ៣០ឆ្នាំ បាននាំភ្ញៀវជនជាតិចិនម្នាក់ទៅកាន់កំពូលភ្នំ Everest ដែលមានកម្ពស់ ៨.៨៤៩ម៉ែត្រ កាលពីថ្ងៃទី ១៨ ខែឧសភា ពេលដែលលោកបានឃើញអ្នកឡើងភ្នំជនជាតិម៉ាឡេស៊ី តោងឡើងតាមខ្សែពួរ និងញ័រខ្លួនប្រាណដោយសារអាកាសធាតុត្រជាក់ខ្លាំង នៅតំបន់មរណៈ ជាកន្លែងដែលសីតុណ្ហភាពអាចធ្លាក់ចុះរហូតដល់ ដក ៣០អង្សាសេ ។ លោក Gelje បានអូសអ្នកឡើងភ្នំម្នាក់នេះចុះ ចម្ងាយ ៦០០ម៉ែត្រ ពីតំបន់ Balconyទៅកាន់តំបន់ South Colដោយប្រើរយៈពេលប្រហែល ៦ម៉ោង ជាកន្លែងដែលលោក Nima Tahi Sherpaគឺជាអ្នកមគ្គុទេសក៍ម្នាក់ទៀត ចូលរួមប្រតិបត្តិការជួយសង្រ្គោះ ។ ក្រោយមក ឧទ្ធម្ភាគចក្រ បានប្រើខ្សែលើកគាត់ពីជំរំ Camp III ស្ថិតលើរយៈកម្ពស់ ៧.១៦២ម៉ែត្រ រួចដឹកបញ្ជូនទៅកាន់ជំរំមូលដ្ឋាន ។ លោក Bigyan Koirala គឺជាមន្រ្តីក្រសួងទេសចរណ៍នេប៉ាល់ និយាយប្រាប់ទីភ្នាក់ងារព័ត៌មានរ៉យទ័រថា វាគឺជារឿងដែលស្ទើតែពុំអាចទៅរួចក្នុងការជួយសង្រ្គោះអ្នកឡើងភ្នំនៅលើរយៈកម្ពស់ខ្ពស់បែបនេះ ។ វាគឹជាប្រតិបត្តិការដ៏កម្រមួយ ៕

នគរបាលបង្ហាញខ្លួនសង្ស័យ៨នាក់ ពាក់ព័ន្ធករណីប្លន់ប្រដាប់អាវុធនៅក្បែរផ្សារស្ទឹងមានជ័យ

ភ្នំពេញ៖ ជនសង្ស័យ៨នាក់ពាក់ព័ន្ធនឹងករណីប្លន់នៅផ្សារស្ទឹងមានជ័យ កាលពីថ្ងៃទី១៨ ខែឧសភា ឆ្នាំ២០២៣ វេលាម៉ោង០៧ និង១០ នាទី ត្រូវបានសមត្ថកិច្ចការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ធ្វើការស្រាវជ្រាវឃាត់ខ្លួន ដកហូតវត្ថុតាងពាក់ព័ន្ធមួយចំនួនធំ ។សមត្ថកិច្ចការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ប្រាប់ឲ្យដឹងនារសៀលថ្ងៃទី៣១ខែឧសភាថា កាលពីថ្ងៃទី១៨ ខែឧសភា ឆ្នាំ២០២៣ មានករណី ប្លន់យកកាបូបស្ពាយ រួមមាន៖ មាស ចំនួន ១២តម្លឹង,ផ្លាកទីន ចំនួន ១០០តម្លឹងជាង និងប្រាក់ចំនួន១ លានរៀលជាង) នៅចំណុចក្រោយផ្សារស្ទឹងមានជ័យចាស់ ផ្លូវលំភូមិថ្មី សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ បង្កឡើងដោយជនសង្ស័យចំនួន ០៥ នាក់ ជិះម៉ូតូ ចំនួន ០២គ្រឿង និងរ៉ឺម៉កម៉ូតូចំនួន ០១ គ្រឿង ប្រដាប់ដោយអាវុធខ្លីចំនួន០៤ដើម ។ ក្រុមជនសង្ស័យធ្វើសកម្មភាពប្លន់នេះ ខណៈជនរងគ្រោះកំពុងដើរស្ពាយកាបូបស្ពាយ ។បន្ទាប់ពីធ្វើសកម្មភាព សមត្ថកិច្ចការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានបើកការស្រាវជ្រាវចាប់ពីថ្ងៃទី២៧ ដល់ថ្ងៃទី៣០ ខែឧសភា ឆ្នាំ២០២៣ ដោយសហការជាមួយនគរបាលខេត្តកណ្តាល,ខេត្តកំពង់ស្ពឺ និងខេត្តកំពង់ចាម ឃាត់ខ្លួនជន សង្ស័យចំនួន ០៨ នាក់ជាបន្តបន្ទាប់ ។ជនសង្ស័យសមត្ថកិច្ចការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕ អត្ថបទ៖ តារាវុទ្ធី

សហភាពអឺរ៉ុបបង្កើនទ្វេដងកងយន្តហោះពន្លត់ភ្លើងឆេះព្រៃ ជាការត្រៀមទប់ទល់ផលប៉ះពាល់ដោយសារបម្រែបម្រួលអាកាសធាតុ

សហភាពអឺរ៉ុប៖ សហភាពអឺរ៉ុប បាននិយាយកាលពីថ្ងៃអង្គារថា ពួកគេនឹងបង្កើនទ្វេដងកងយន្តហោះពន្លត់ភ្លើងឆេះព្រៃសម្រាប់រដូវក្តៅឆ្នាំ ២០២៣ ស្របពេលដែលករណីភ្លើងឆេះព្រៃកើនឡើងដោយសារវិបត្តិអាកាសធាតុ ។ លោក Janez Lenarcic គឺជាស្នងការគ្រប់គ្រងវិបត្តិ និយាយថា ក្នុងរយៈពេលប៉ុន្មានឆ្នាំចុងក្រោយនេះ ពួកយើងបានមើលឃើញភ្លើងឆេះព្រៃ បានឆាបឆេះនៅតាមបណ្តាប្រទេសជាច្រើននៅអឺរ៉ុបកណ្តាល ហើយនិងសូម្បីតែនៅអឺរ៉ុបខាងជើង ។ នេះគឺជាហេតុផលដែលពួកយើងត្រូវតែបង្កើនសមត្ថភាពឆ្លើយតបរបស់ពួកយើងនៅគ្រប់យន្តការ ទាំងអស់ ដែលរួមទាំងសមត្ថភាពរបស់ពួកយើងក្នុងការដោះស្រាយបញ្ហាភ្លើងឆេះព្រៃផងដែរ ។ សហភាពអឺរ៉ុប និយាយថាសម្រាប់រដូវភ្លើងឆេះព្រៃខាងមុខនេះ កងយន្តហោះបម្រុងពន្លត់ភ្លើងឆេះព្រៃ RescEU នឹងរួមបញ្ចូលយន្តហោះ ២៤គ្រឿង និងឧទ្ធម្ភាគចក្រ ៤គ្រឿង មកពីរដ្ឋសមាជិក ១០ប្រទេស ។ លោក Lenarcic បាននិយាយនៅព្រឹត្តការណ៍ប្រារព្ធខួបលើកទី ១០នៃការបង្កើតមជ្ឈមណ្ឌលសម្របសម្រួលការឆ្លើយតបបន្ទាន់របស់សហភាពអឺរ៉ុបនៅក្នុងទីក្រុងព្រុចសែល ប្រទេសបែលហ្ស៊ិកថា ក្រុមនៅដីនឹងមានភ្នាក់ងារពន្លត់អគ្គិភ័យជិត ៤៥០នាក់ មកពីរដ្ឋជាសមាជិក ១១ប្រទេស ដែលនឹងត្រូវឈរជើងនៅក្នុងប្រទេសបារាំង ក្រិក និងព័រទុយក្រែន ។ ដោយឡែក តំបន់អឺរ៉ុបខាងត្បូង កំពុងប្រឈមនឹងគ្រោះរាំងស្ងួតដ៏ធ្ងន់ធ្ងរអំឡុងរដូវក្តៅ ក្នុងនោះតំបន់មួយចំនួន បានជួបកង្វះខាតទឹករួចទៅហើយៗក្រុមប្រជាកសិកររំពឹងថា ពួកគេនឹងទទួលបានទិន្នផលដ៏អាក្រក់បំផុតក្នុងរយៈពេលជាច្រើនទសវត្សរ៍កន្លងមកនេះ ៕

បណ្ដាញសង្គម

ព័ត៌មានថ្មីៗ

អាមេរិក រំពឹងថាការពន្យារពេលជើងហោះហើរនឹងកាន់តែអាក្រក់ទៅៗ ខណៈអ្នកត្រួតពិនិត្យ ខកខានការទទួលបានប្រាក់ខែ

ក្រុមហ៊ុនសាជីវកម្មស្ពាន-ថ្នល់ចិន (CRBC) ចាប់អារម្មណ៍ និងមានគម្រោងអភិវឌ្ឍតំបន់សក្តានុពលទេសចរណ៍តាមដងព្រែកជីកហ្វូណនតេជោ

សម្ព័ន្ធមិត្តរបស់ទីក្រុងគីវ ជំរុញឱ្យប្រើប្រាស់ឲ្យបានឆាប់រហ័សទ្រព្យបង្កករបស់រុស្ស៊ី

ឯកឧត្តម ប្រាក់ សុខុន អញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន ខណៈអង្គប្រជុំបានគូសបញ្ជាក់ពីកិច្ចខិតខំប្រឹងប្រែងរួមគ្នាដើម្បីកសាងសហគមន៍អាស៊ានឱ្យកាន់តែរឹងមាំ

ឯកឧត្តម គង់ ភោគ ចូលរួមកិច្ចប្រជុំឧត្ដមមន្ត្រីអាស៊ាន (SOM) នៅទីក្រុងគូឡាឡាំពួ ដើម្បីពិភាក្សាលើវឌ្ឍនភាពនៃការកសាងសហគមន៍អាស៊ាន

ព្រះមហាក្សត្រី Sirikit របស់ប្រទេសថៃ យាងសោយព្រះពិរាល័យក្នុងព្រះជន្មាយុ៩៣ព្រះវស្សា

ឯកឧត្តម ហ៊ុន ម៉ានី៖ ការប្រឡងជ្រើសរើសគ្រូបង្រៀនចំនួន ៣២១២នាក់ ពេលនេះនឹងចូលរួមដោះស្រាយបញ្ហាកង្វះគ្រូបង្រៀន និងពង្រឹងគុណភាពអប់រំនៅតាមមូលដ្ឋាន

ប្រមុខការទូតកម្ពុជារំឭកពីការប្តេជ្ញាចិត្តរបស់កម្ពុជាគាំទ្រកិច្ចខិតខំរបស់អាស៊ានជំរុញការអនុវត្ត 5PC និងជួយមីយ៉ាន់ម៉ាដោះស្រាយវិបត្តិរបស់ខ្លួន

ឯកឧត្តម ប្រាក់ សុខុន អញ្ជើញចូលរួមកិច្ចពិគ្រោះយោបល់ក្រៅផ្លូវការពាក់ព័ន្ធការប្តេជ្ញាចិត្តរបស់អាស៊ានចំពោះកិច្ចព្រមព្រៀងជាឯកច្ឆន្ទប្រាំចំណុច (5PC) ដើម្បីសន្តិភាព និងដំណោះស្រាយយូរអង្វែងនៅមីយ៉ាន់ម៉ា

សម្តេចរដ្ឋសភាធិបតី ឃួន សុដារី ដឹកនាំគណៈប្រតិភូជាន់ខ្ពស់រដ្ឋសភាទៅបំពេញទស្សនកិច្ចផ្លូវការនិងមិត្តភាព នៅប្រទេសហុងគ្រី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877