BTV NEWS

កម្លាំងចម្រុះនៃគណៈបញ្ជាការឯកភាពរដ្ឋបាលខេត្តសៀមរាបឃាត់ខ្លួនជនសង្ស័យចំនួន៤នាក់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា

ជនសង្ស័យម្នាក់ ត្រូវបានឃាត់ខ្លួន ក្រោយញុះញង់ឱ្យចូលរួមធ្វើបដិវត្តពណ៌ផ្ដួលរំលំរាជរដ្ឋាភិបាល

១សប្តាហ៍ គ្រោះថ្នាក់ចរាចរណ៍ បន្តឆក់យកជីវិតមនុស្ស២៨នាក់ របួសជិត៧០នាក់

ឃាត់ខ្លួនជនសង្ស័យម្នាក់ក្នុងចំណោមបក្ខពួក ៤នាក់ ករណីឆក់ប្រដាប់អាវុធ ៣ករណី

សន្តិសុខ និង សង្គម

មនុស្ស៣នាក់ស្លាប់ និង១០នាក់ផ្សេងទៀត របួសធ្ងន់ស្រាល ក្នុងរយៈពេល៣ថ្ងៃ នៃពិធីបុណ្យកាន់បិណ្ឌ និងភ្ជុំបិណ្ឌ នៅខេត្តស្វាយរៀង

ស្វាយរៀង៖ បើទោះជាការរិតបណ្តឹងច្បាប់ចរាចរណ៍ផ្លូវគោកថ្មី យ៉ាងណាក្តីតែអត្រាគ្រោះថ្នាក់ចរាចរណ៍ នៅតែមានគ្រប់មូលដ្ឋាន ខណៈដែលពលរដ្ឋប្រើប្រាស់យានយន្តមានកំណើនកើនឡើងពីមួយឆ្នាំទៅមួយឆ្នាំ និងអ្នកបញ្ជាយានយន្តមានធ្វើការធ្វេសប្រហែសនៅពេលបើកបរ ។លោកវរៈសេនីយឯក អ៊ុច សារ៉ាន នាយកការិយាលយ័ចរាចរណ៍ផ្លូវគោក នៃស្នងការនគរបាលខេត្តស្វាយរៀង នៅល្ងាចថ្ងៃទី២៧ ខែកញ្ញាឆ្នាំ២០២២បានប្រាប់ BTVអោយដឹងថា នៅក្នុងរយៈពេល៣ថ្ងៃ នៃពិធីបុណ្យកាន់បិណ្ឌ និងភ្ជុំបិណ្ឌ នៅទូទាំងខេត្តមានគ្រោះថ្នាក់ចរាចរណ៍កើតឡើងចំនួន៤លើក ក្នុងនោះកើតឡើងនៅលើផ្លូវជាតិចំនួន ៣លើក ផ្លូវខេត្តចំនួន១លើក បើប្រៀបធៀបទៅនិងឆ្នាំ២០២១ មានការថយចុះចំនួន១ស្មើនិង២០% បង្កអោយមនុស្សគ្រោះថ្នាក់ចំនួន១៣នាក់ ក្នុងនោះមានមនុស្សចំនួន៣នាក់បានស្លាប់ និងរបួសធ្ងន់ ស្រាលចំនួន១០នាក់។ លោកបានបញ្ជាក់បន្ថែមថា ការគ្រោះថ្នាក់ចរាចរណ៍ខាងលើនេះ បណ្តាលមកពីបើកបរក្នុងល្បឿនលឿនចំនួន២ករណី បើកបរក្នុងស្ថានភាពស្រវឹង១ករណី បើកបរវ៉ាជែង១ករណី ក្នុងចំណោមអ្នកបើកបរម៉ូតូចំនួន៤នាក់ មានម្នាក់មិនពាក់មួកសុវត្ថិភាព ធ្វើអោយមធ្យោបាយខូចខាតមានចំនួន៦គ្រឿង រួមមាន រថយន្តតូច ១គ្រឿងខូចខាតធ្ងន់ ម៉ូតូចំនួន៤គ្រឿង និងកង់អាគុយខូចស្រាលចំនួន១គ្រឿង ការគ្រោះថ្នាក់នេះបានបង្កឡើង នៅក្នុងស្រុកស្វាយជ្រំចំនួន២លើក ក្រុងស្វាយរៀង១លើក និងស្រុកចន្ទ្រា១លើក ។លោកបានបន្ថែមថា គ្រោះថ្នាក់ចរាចរណ៍ខាងលើនេះ កងកម្លាំងនគរបាលចរាចរណ៍ផ្លូវគោកខេត្ត ស្រុក ក្រុង បានចុះធ្វើការវ៉ាស់វែង និងបំពេញសំណុំរឿងសរុបចំនួន៤ករណី និងឃាត់ខ្លួនអ្នកបើកបររថយន្តម្នាក់ ៕

រដ្ឋបាលរាជធានីភ្នំពេញប្រជុំដាក់វិធានការលុបបំបាត់ល្បែងស៊ីសង និងប្រឆាំងអំពើជួញដូរមនុស្ស

ភ្នំពេញ ៖ គណៈបញ្ជាការឯកភាពរដ្ឋបាលរាជធានីបានប្រជុំដាក់វិធានការបន្ត ដើម្បីលុបបំបាត់ល្បែងស៊ីសងគ្រប់ប្រភេទនិងការប្រយុទ្ធប្រឆាំងអំពើជួញដូរមនុស្សគ្រប់ទម្រង់នៅក្នុងរាជធានី។ការបង្ក្រាបបទល្មើសល្បែងស៊ីសងគ្រប់ប្រភេទនៅរាជធានីភ្នំពេញ នៅតែត្រូវបានយកចិត្តទុកដាក់ពីគណៈបញ្ជាការឯកភាពរដ្ឋបាលរាជធានីភ្នំពេញ សំដៅធ្វើយ៉ាងណាលុបបំបាត់ឱ្យអស់ តាមអនុសាសន៍ដ៏ខកពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី។ នេះបើតាមមន្ដ្រីរដ្ឋបាលរាជធានីភ្នំពេញថ្លែងឱ្យដឹង។ជាក់ស្តែងនៅរសៀលថ្ងៃទី២៧ ខែកញ្ញា ឆ្នាំ២០២២នេះ ឯកឧត្តម ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ បានអញ្ជើញដឹកនាំកិច្ចប្រជុំគណៈបញ្ជាការឯកភាព ដើម្បីត្រួតពិនិត្យ និងដាក់វិធានការបន្ត ឈានដល់ការលុបបំបាត់ល្បែងសុីសងខុសច្បាប់គ្រប់ប្រភេទ និងការប្រយុទ្ធប្រឆាំងអំពើជួញដូរមនុស្សគ្រប់ទម្រង់នៅក្នុងភូមិសាស្រ្តរាជធានីភ្នំពេញ។មន្ដ្រីរដ្ឋបាលរាជធានីភ្នំពេញ បានបន្ថែមថា ក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញនារសៀលថ្ងៃទី២៧ ខែកញ្ញា ឆ្នាំ២០២២នេះ មានការចូលរួមពីលោកស្នងការនរគបាលរាជធានីភ្នំពេញ មេបញ្ជាការរងកងរាជអាវុធហត្ថរាជធានីភ្នំពេញអភិបាលខណ្ឌ ដែលជាប្រធានគណៈបញ្ជាការឯកភាពរដ្ឋបាលខណ្ឌទាំង១៤ និងមន្ទីរជំនាញពាក់ព័ន្ធមួយចំនួនទៀត៕ អត្ថបទ ៖ ប្រាក់ វាន់ដា

ពិធីបុណ្យកាន់បិណ្ឌ-ភ្ជុំបិណ្ឌឆ្នាំ២០២២នេះ គ្រោះអគ្គិភ័យកើតឡើង៣០លើកនៅទូទាំងប្រទេស

រយៈពេល១៥ថ្ងៃ នៃពិធីបុណ្យកាន់បិណ្ឌ-ភ្ជុំបិណ្ឌ ឆ្នាំ២០២២នេះ មានគ្រោះអគ្គិភ័យបានកើតឡើងប្រមាណ ៣០លើក កើនឡើងចំនួន៦ករណី បើប្រៀបនឹងរយៈពេលដូចគ្នាឆ្នាំ២០២១។ លោកឧត្តមសេនីយឯក នេត វន្ថា ប្រធាននាយកដ្ឋានបង្ការ ពន្លត់អគ្គិភ័យ និងសង្គ្រោះ បានឱ្យដឹងនាព្រលប់ថ្ងៃទី២៦ ខែកញ្ញា ឆ្នាំ២០២២ថា នៅថ្ងៃបុណ្យកាន់បិណ្ឌចាប់ពីថ្ងៃទី១១ ដល់ថ្ងៃទី២៣ ខែកញ្ញា ឆ្នាំ២០២២គ្រោះអគ្កិភ័យបានកើតឡើងចំនួន ២៦លើក។ ចំណែកចាប់ពីថ្ងៃទី២៤ ដល់ថ្ងៃទី២៦ ខែកញ្ញា ឆ្នាំ២០២២ (រយៈពេល៣ថ្ងៃ) នៃពិធីបុណ្យភ្ជុំបិណ្ឌ គ្រោះអគ្គិភ័យបានកើតឡើងចំនួន ០៤លើក (ដូចឆ្នាំមុន) បើសរុបទាំង១៥ថ្ងៃ គឺមានចំនួន៣០លើក កើនឡើង៦លើកធៀបនឹងឆ្នាំមុន។របាយការណ៍របស់នាយកដ្ឋានបង្ការ ពន្លត់អគ្គិភ័យ និងសង្គ្រោះ បានបង្ហាញថា នៅថ្ងៃបុណ្យកាន់បិណ្ឌចាប់ពីថ្ងៃទី១១ ដល់ថ្ងៃទី២៣ ខែកញ្ញា ឆ្នាំ២០២២ គ្រោះអគ្កិភ័យបានកើតឡើងចំនួន ២៦លើក កើនឡើងចំនួន៦លើកប្រៀបធៀបនឹងឆ្នាំ២០២១។ ក្នុងនោះរួមឆេះផ្ទះ ២៣ខ្នង, ឆេះបន្ទប់ ០១ករណី, តូបលក់ដូរ០១ករណី, ឆេះរថយន្ត ០៣គ្រឿង, ស្លាប់មនុស្សម្នាក់ និងរបួសម្នាក់។ ចំពោះមូលហេតុបណ្ដាលមកពីឆ្លងចរន្តអគ្គិសនី ១៧លើក, ភ្លើងចង្ក្រាន ០២លើក, ភ្លើងទៀនធូប០១លើក, មនុស្សដុត ០២លើក និងកំពុងបន្តស្រាវជ្រាវរកមូលហេតុ ០៣លើក។ ចំណែករយៈពេល៣ថ្ងៃនៃពីធីបុណ្យភ្ជុំបិណ្ឌ គឺចាប់ពីថ្ងៃទី២៤ ដល់ថ្ងៃទី២៦ ខែកញ្ញា ឆ្នាំ២០២២ គ្រោះអគ្គិភ័យបានកើតឡើងចំនួន ០៤លើក ពោលគឺស្មើគ្នាបើប្រៀបធៀបនឹងឆ្នាំ២០២១។ ក្នុងនោះឆេះផ្ទះ ០៤ខ្នង មូលហេតុបណ្តាលមកពីឆ្លងចរន្តអគ្គិសនី ០១លើក, ភ្លើងទៀនធូប ០២លើក និងមនុស្សដុត ០១លើក។បើសរុបរយៈពេល១៥ថ្ងៃ ចាប់ពីថ្ងៃបិណ្ឌ០១ ដល់បិណ្ឌទី១៤ នៃថ្ងៃប្រារព្ធពិធីបុណ្យកាន់បិណ្ឌ-ភ្ជុំបិណ្ឌឆ្នាំ២០២២ គ្រោះអគ្គិភ័យបានកើតឡើងចំនួន ៣០លើក (កើនឡើង ៦លើក) ប្រៀធៀបនឹងឆ្នាំ២០២១៕

៣ថ្ងៃ នៃថ្ងៃឈប់សម្រាកបុណ្យភ្ជុំបិណ្ឌ ៖ មនុស្ស ២៧នាក់ស្លាប់បាត់ និងរបួស ៥៧នាក់នៅក្នុងគ្រោះថ្នាក់ចរាចរណ៍

ភ្នំពេញ៖ រយៈពេល ៣ថ្ងៃ នៃថ្ងៃឈប់សម្រាកពិធីបុណ្យភ្ជុំបិណ្ឌ គឺចាប់ពីថ្ងៃទី២៤-២៥-២៦ ខែកញ្ញា ឆ្នាំ២០២២ គ្រោះថ្នាក់ចរាចរណ៍ទូទាំងប្រទេសកើតឡើងចំនួន ៣៤លើក បានបណ្តាលឲ្យមនុស្សចំនួន ២៧នាក់ស្លាប់បាត់បង់ជីវិត និងរបួសធ្ងន់ស្រាលចំនួន ៥៧នាក់ ដោយក្នុងនោះរបួសធ្ងន់ចំនួន ៣៤នាក់ និងស្រាលចំនួន ២៣នាក់។ នេះបើតាមការបញ្ជាក់របស់អ្នកនាំពាក្យអគ្គស្នងការដ្ឋាននគរបាលជាតិប្រាប់BTVនៅរសៀលថ្ងៃទី២៦ ខែកញ្ញា ឆ្នាំ២០២២។

សមត្ថកិច្ចឃាត់ខ្លួនជនសង្ស័យជាជនជាតិវៀតណាម ២៤នាក់ ករណីបង្ខាំងមនុស្ស៣ទីតាំង

កម្លាំងនគរបាល នៃស្នងការនគរបាលខេត្តសៀមរាប បានឃាត់ខ្លួនជនជាតិវៀតណាមចំនួន ២៤នាក់(ស្រី១១នាក់) និងដកហូតរថយន្តចំនួន ០២គ្រឿង ដែលជាប់ពាក់ព័ន្ធ លើករណីបង្ខាំងមនុស្សដោយខុសច្បាប់ក្នុងអំពើធ្វើទារុណកម្ម។ ប្រតិបត្តិការនេះ ធ្វើឡើងកាលពីវេលានៅវេលាម៉ោង ១២និង០០នាទីថ្ងៃទី២៥ ខែកញ្ញា ឆ្នាំ២០២២។យោងតាមរបាយការណ៍សមត្ថកិច្ចបានឱ្យដឹងថា ការឃាត់ខ្លួនជនជាតិវៀតណាមនេះ ធ្វើឡើងចំនួន៣កន្លែង។ ទីតាំងទី០១ ស្ថិតនៅតាមបណ្តោយផ្លូវជាតិលេខ ៦ត្រង់អក្សរTខាងកើតរង្វង់មូលស្រុកក្រឡាញ់ស្ថិតនៅភូមិកំពង់ថ្កូវ២ ឃុំកំពង់ថ្កូវ ស្រុកក្រឡាញ់ ដោយឃាត់មនុស្សបានចំនួន០៨នាក់(ស្រី២នាក់) និងរថយន្តម៉ាកស្តារិចពណ៌ស០១គ្រឿង។ ទីតាំងទី២ នៅក្នុងផ្ទះវីឡាជួលស្ថិតនៅក្រុមទី០៩ ភូមិគ្រួស សង្កាត់ស្វាយដង្គុំ ក្រុងសៀមរាប ឃាត់ខ្លួនជនជាតិវៀតណាមចំនួន៩នាក់ (ស្រី៥នាក់) និងដកហូតរថយន្ត០១គ្រឿងម៉ាកតូយូតា១២កៅអីពណ៌ស០១គ្រឿង។ ទីតាំងទី០៣ ស្ថិតនៅភូមិក្រសាំង សង្កាត់ជ្រាវ ក្រុងសៀមរាប ឃាត់ខ្លួនជនជាតិវៀតណាម៧នាក់ (ស្រី៤នាក់ទាំងរងគ្រោះម្នាក់)។ របាយការណ៍សមត្ថកិច្ចដដែល បានបង្ហាញថា តាមការសន្និដ្ឋានដំបូង ជាករណីចាប់ជំរិត ដោយសារមានស្ត្រីម្នាក់មានរបួសស្នាមដោយការធ្វើទារុណកម្ម។ ប៉ុន្ដែទោះបីយ៉ាងណា សមត្ថកិច្ចនៅមិនទាន់បញ្ជាក់លំអិតអំពីការបង្ក្រាបករណីបង្ខាំងមនុស្សដោយធ្វើទារុណកម្មខាងលើនេះ ដែលដើមចមនេះផ្តើមចេញដោយសារអ្វី ហើយចេញមកពីណាប្រាកដ។ បច្ចុប្បន្នមនុស្ស២៤នាក់ខាងលើជាចំណាត់ការរបស់នគរបាលសួរនាំអនុវត្តតាមនិតិវិធី៕

ថ្ងៃភ្ជុំបិណ្ឌ ! មនុស្ស ១១នាក់ស្លាប់ និងរបួសធ្ងន់-ស្រាល ១៩នាក់ដោយគ្រោះថ្នាក់ចរាចរណ៍

ភ្នំពេញ៖ មនុស្សចំនួន ១១នាក់ បានស្លាប់ និងរងរបួសធ្ងន់-ស្រាលចំនួន ១៩នាក់ (ធ្ងន់ ១២នាក់ និងស្រាល ៧នាក់)ក្នុងហេតុការណ៍គ្រោះថ្នាក់ចរាចរណ៍ទូទាំងប្រទេសនាថ្ងៃទី២៥ ខែកញ្ញា ឆ្នាំ២០២២ នេះ។តួលេខអ្នកស្លាប់ និងរបួសដោយគ្រោះថ្នាក់ចរាចរណ៍នេះ គឺគិតត្រឹមម៉ោង ៤រសៀល។ នេះបើតាមការបញ្ជាក់របស់ឯកឧត្តមឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ ថ្លែងប្រាប់BTV។

គ្រោះថ្នាក់ចរាចរណ៍ថ្ងៃនេះ !ស្លាប់ចំនួន ៨នាក់ និងរបួសធ្ងន់-ស្រាលចំនួន ១៤នាក់

ភ្នំពេញ៖ មនុស្សចំនួន ៨នាក់បានស្លាប់ និងរងរបួសធ្ងន់-ស្រាលចំនួន ១៤នាក់ (ធ្ងន់៩នាក់ និងស្រាល៥នាក់)ដោយគ្រោះថ្នាក់ចរាចរណ៍ទូទាំងប្រទេសនាថ្ងៃទី២៤ ខែកញ្ញា ឆ្នាំ២០២២ នេះ។ គ្រោះថ្នាក់ចរាចរណ៍បានកើតឡើងចំនួន ៨លើក នៅរាជធានី-ខេត្តចំនួន៨ដូចជា៖ ខេត្តកំពង់ចាម ស្លាប់ ១នាក់ , កំពង់ស្ពឺ ស្លាប់ ១នាក់ និងរបួស ២នាក់ , កំពង់ឆ្នាំង ស្លាប់ ២នាក់ , កំពត ស្លាប់ ១នាក់ និងរបួស ៤នាក់ , កណ្តាល ស្លាប់ ២នាក់ និងរបួស ១នាក់ , ភ្នំពេញ របួស ៣នាក់ , ពោធិ៍សាត់ ស្លាប់ ១នាក់ និងរបួស ១នាក់ និងខេត្តតាកែវ របួស ៣នាក់៕

ព្រហ្មទណ្ឌកំរិតស្រាលបង្ក្រាបករណីបង្ខាំងមនុស្សជំរិតទារប្រាក់១ម៉ឺនដុល្លារចាប់ខ្លួន៤នាក់

ភ្នំពេញ៖ យោងតាមប្រភពព័ត៌មានពីនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ ដែល BTV ទទួលបាន នាព្រឹកថ្ងៃទី២៤ កញ្ញា ឱ្យដឹងថា កាលពីថ្ងៃទី២២ ខែកញ្ញា ឆ្នាំ២០២២ វេលាម៉ោង១៧ និង ៥០ នាទី ដោយមានការអនុញ្ញាតពីលោក ម៉ុត ដារ៉ា ព្រះរាជអាជ្ញារង នៃអយ្យការអមសាលដំបូងរាជធានីភ្នំពេញ កម្លាំងការិយាល័យ សហការជាមួយសមត្ថកិច្ចមូលដ្ឋានបានចុះធ្វើការត្រួតពិនិត្យផ្ទះសំណាក់ហ្វែរីឡែន ផ្ទះលេខ៩៩ ផ្លូវលេខ១៤១ សង្កាត់វាលវង់ ខណ្ឌ៧មករា រាជធានីភ្នំពេញ ចាប់ខ្លួនជនសង្ស័យ ៤នាក់ ពាក់ព័ន្ធករណីចាប់ឃុំឃាំង និងបង្ខាំងជនរងគ្រោះធ្វើទារុណកម្មជំរិតទារប្រាក់ ចំនួន ១០,០០០ដុល្លារអាមេរិក ។ហេតុការណ៍នេះ បានកើតឡើងកាលពីថ្ងៃទី២៧ ខែសីហា ឆ្នាំ២០២២មកម្លេះ រហូតដល់ថ្ងៃទី២២ ខែកញ្ញា ឆ្នាំ២០២២ ទើបសមត្ថកិច្ចស្រាវជ្រាវបង្ក្រាបបាន ។ ជនសង្ស័យទាំង ៤នាក់ ១-ឈ្មោះ VO HONG QUAN ភេទប្រុស អាយុ ៣៥ ឆ្នាំ ជនជាតិ វៀតណាម មុខរបរ លក់ដូរ ស្នាក់នៅមិនពិតប្រាកដ ។២-ឈ្មោះTRAN TINH HUY ភេទ ប្រុស អាយុ ៣៣ ឆ្នាំ ជនជាតិ វៀតណាម មុខរបរ កសិករ ស្នាក់នៅមិនពិតប្រាកដ ។ ៣-ឈ្មោះ NGUYEN VAN VO ភេទប្រុស អាយុ៤២ ឆ្នាំ ជនជាតិវៀតណាម ស្នាក់នៅមិនពិតប្រាកដ ។ ៤-ឈ្មោះ LUONG VON THIET ភេទប្រុស អាយុ២៥ ឆ្នាំ ជនជាតិវៀតណាម ស្នាក់នៅមិនពិតប្រាកដ ។ ចំណែកជនរងគ្រោះឈ្មោះ HUYNH VAN PHONG ភេទ ប្រុស ជនជាតិវៀតណាម ។សមត្ថកិច្ច ប្រាប់បញ្ជាក់អោយដឹងថា ករណីនេះផ្តើមឡើង ដោយសារការខ្ចីលុយលេងល្បែងកាស៊ីណូ ហើយជនរងគ្រោះមិនមានលុយសងក្រុមជនសង្ស័យវិញ កើតឡើងកាលពីថ្ងៃទី២៧ ខែសីហា ឆ្នាំ២០២២ រហូតដល់ថ្ងៃទី២២ ខែកញ្ញា ឆ្នាំ២០២២ ទើបសមត្ថកិច្ចបង្ក្រាបបាន ។ចំពោះករណីនេះ សមត្ថកិច្ចជំនាញកំពុងកសាងសំណុំរឿង ដើម្បីបញ្ជូនទៅកាន់សាលាដំបូងរាជធានីភ្នំពេញ ផ្តន្ទាទោសតាមច្បាប់ ៕ តារាវុទ្ធី

អ្នកជួយសង្គ្រោះជនរងគ្រោះម្នាក់លិចទូក រដ្ឋបាលខេត្ត នឹងផ្តល់ជូនថវិកាលើកទឹកចិត្ត២លានរៀល

ភ្នំពេញ៖ ប្រតិបត្តិការនៃការស្វែងរកជនរងគ្រោះបាត់ខ្លួនទាំង ២៣នាក់ បាននិងកំពុងធ្វើឡើងនៅផ្ទៃសមុទ្រ ដែលជាទីតាំងលិចទូក និងភូមិសាស្ត្រជុំវិញទីតាំងកើតហេតុ នៅចន្លោះពយសារឿង និងកោះតាងស្ថិតក្នុងភូមិសាស្រ្តខេត្តព្រះសីហនុ កាលពីថ្ងៃទី២២ ខែកញ្ញា ឆ្នាំ២០២២។ រដ្ឋបាលខេត្តព្រះសីហនុ សូមប្រកាសដល់ក្រុមជួយសង្គ្រោះ ឬទូកនេសាទទាំងអស់ ក្នុងករណីសង្គ្រោះបានជនរងគ្រោះម្នាក់ នឹងផ្តល់ជូនថវិកាលើកទឹកចិត្តចំនួន ២លានរៀន។ករណីខាងលើនេះ ក្រោយពីបានធ្វើការសាកសួរទៅលើឈ្មោះ CHENGUI SHENG ភេទប្រុស ឆ្នាំកំណើត ១៩៩៥ ស្រុកំណើត ខេត្តហ្វូចៀន ប្រទេសចិន ជាតំណាងជនរងគ្រោះ បានប្រាប់ថា នៅលើទូកមានជនជាតិចិនសរុបចំនួន ៤១នាក់ ស្រី ០៣នាក់ សង្រ្គោះបាន១៨នាក់ បាត់ខ្លួនចំនួន ២៣នាក់ ស្រី ០៣នាក់។ បច្ចុប្បន្នជនរងគ្រោះទាំង ១៨នាក់ ត្រូវបានយកទៅរក្សាទុក នៅវរសេនាតូចលេខ២៤០ (កោះរ៉ុង) ដើម្បីធ្វើការសួរនាំ និងកំពុងស្វែងរកជនរងគ្រោះបាត់ខ្លួន ២៣នាក់បន្តទៀត។ ជាមួយគ្នានេះ កម្លាំងអង្គភាពបានធ្វើការឃាត់ទូកចំនួន ០១គ្រឿងផ្សេងទៀត មានមនុស្សចំនួន ០២នាក់ជាជនជាតិខ្មែរ ដោយបានប្រគល់ជូនអធិការដ្ឋាននគរបាលក្រុងព្រះសីហនុ ខេត្តព្រះសីហនុ សួរនាំតាមនីតិវិធី ដោយឡែកទូករក្សាទុកនៅអង្គភាព។ នេះជាការបញ្ជាក់ឱ្យដឹងពីអ្នកនាំពាក្យសាលាខេត្ដព្រះសីហនុ លោក ឃាង ភារម្យ។ជនរងគ្រោះ បានឱ្យដឹងថា ទូកនេះ បានធ្វើដំណើរចេញពីប្រទេសចិន (កំពង់ផែក្វាងចូវ) តាមកប៉ាល់លឿន ០១គ្រឿង នៅថ្ងៃទី១១ ខែកញ្ញា ឆ្នាំ២០២២ រួចបានសាងមកទូកឈើ ០១គ្រឿង នៅអំឡុងថ្ងៃទី១៧ ខែកញ្ញា ឆ្នាំ២០២២ នៅសមុទ្រអន្តរជាតិជាមួយតៃកុងទូកជនជាតិខ្មែរ ០២នាក់ និងបានបន្តនៅលើទូកឈើនោះ រហូតដល់ថ្ងៃទី២២ ខែកញ្ញាឆ្នាំ២០២២ ទូកឈើនោះខូចក៏ចាប់ផ្តើមលិចបន្តិចម្តងៗ ទើបមានទូកនេសាទ ១គ្រឿង ប្រភេទទូកអូសពណ៌បៃតង មានមនុស្ស ០៦នាក់ បានមកទទួលយកតៃកុងខ្មែរ ០២នាក់នោះ ចេញទៅបាត់ ដោយទុកតែអ្នកធ្វើដំណើរនៅលើទូក ក្រោយមកទូកនេះក៏បានលិចបាត់នេះនៅកណ្តាលសមុទ្រ។ ករណីនេះ ត្រូវបានសមត្ថកិច្ចដាក់ការសន្និដ្ឋានថា ពាក់ព័ន្ធនឹងការការជួញដូរពលកម្ម សមត្ថកិច្ច បាននិងបន្តស្វែងរកអ្នកដែលកំពុងបាត់ខ្លួននៅក្នុងសមុទ្រទាំងនោះ។សូមបញ្ជាក់ថា ករណីលិចទូកចំនួន ០១គ្រឿង ស្ថិតនៅ ចំណុច និយាមកាម១០.២៥N ១០៣.១៦E នៅចន្លោះពយសារឿង និងកោះតាងស្ថិតក្នុងភូមិសាស្រ្តខេត្តព្រះសីហនុ។ បន្ទាប់ពីទទួលបានព័ត៌មាន កម្លាំងនាយកដ្ឋាននគរបាលការពារព្រំដែនទឹក បានដឹកនាំកម្លាំងអង្គភាពបង្រ្កាបចំនួន ១៦នាក់ និងមធ្យោបាយចំនួន ០២គ្រឿង (១.៦០០សេស ០១គ្រឿង និង៧០០សេស ០១គ្រឿង) ចេញទៅជួយសង្រ្គោះ និងសង្រ្គោះមនុស្សបានចំនួន១៨នាក់៕អត្ថបទ៖គង់ ប៊ុនថា

វិនិយោគិនថៃជាច្រើន គ្រោងចុះមកសិក្សាគម្រោងវិនិយោគឧស្សាហកម្មនៅកម្ពុជា

ភ្នំពេញ៖ ប្រធានសមាគមពាណិជ្ជកម្មថៃនៅកម្ពុជា លើកឡើងថា នឹងរៀបចំគម្រោងចុះសិក្សារបស់ក្រុមពាណិជ្ជករ ធុរកិច្ច និងវិនិយោគិនថៃជាច្រើន ស្វែងរកសក្តានុពលវិនិយោគនៅកម្ពុជា ជាពិសេសសិក្សាគម្រោងបង្កើតរោងចក្រផលិតចំណីអាហារ និងការបង្កើតរោងចក្រឧស្សាហកម្មមិនមែនកាត់ដេរជាដើម។លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា លើកឡើងក្នុងកិច្ចចុះអនុស្សារណៈព្រមព្រៀងគ្នារវាងមន្ទីរពេទ្យ រាំងសេត (Rangsit) ប្រទេសថៃ ជាមួយតំណាងនៅកម្ពុជា នៅថ្ងៃទី ២២ ខែកញ្ញា ឆ្នាំ២០២២នេះថា បន្ទាប់ពីរាជរដ្ឋាភិបាលកម្ពុជា ទប់ស្កាត់ការរីករាលដាលជំងឺកូវីដ១៩ បានល្អប្រសើរ ក្រុមពាណិជ្ជករ ធុរកិច្ច និងវិនិយោគិនថៃ ដែលចូលមកតាមរយៈសមាគម និងតាមរយៈការទំនាក់នងស្ថានទូតថៃ មានចំនួនយ៉ាងច្រើនគួរឲ្យកត់សម្គាល់ ដើម្បីស្វែងរកឱកាសទីផ្សារ សម្រាប់ការធ្វើពាណិជ្ជកម្មដូចជា ការស្វែងរកទីផ្សារលក់ផលិតផល គម្រោងពង្រីក និងគម្រោងបង្កើតរោងចក្រ សហគ្រាសជាដើម។លោកស្រី បន្តថា នៅខែក្រោយនេះ ក្រុមធុរកិច្ចថៃ នឹងចូលមកកម្ពុជាកាន់តែច្រើនថែមទៀត ក្នុងនោះវិនិយោគិនបានផ្តោតសំខាន់លើឱកាសវិនិយោគរោងចក្រផលិតចំណីអាហារ ដើម្បីផលិតសម្រាប់ផ្គត់ផ្គង់ និងចែកចាយនៅក្នុងទីផ្សារប្រទេសកម្ពុជា ក្រៅពីនេះ មានក្រុមវិនិយោគិនថៃមួយចំនួនទៀត នឹងចុះមកសិក្សាគម្រោងបង្កើតរោងចក្រឧស្សាហកម្មមិនមែនកាត់ដេរ ជាមួយដៃគូវិនិយោគិនជប៉ុនផងដែរ ដើម្បីបង្កើតនូវបរិយាកាសវិនិយោគ នៅព្រះរាជាណាចក្រកម្ពុជាឲ្យកាន់តែសំបូរបែប។សូមបញ្ជាក់ថា ទាក់ទងការធ្វើពាណិជ្ជកម្មទ្វេភាគីរវាងកម្ពុជា-ថៃ តាមរបាយការណ៍ក្រសួងពាណិជ្ជកម្ម បង្ហាញឲ្យដឹងថា នៅក្នុងរយៈពេល ៦ ខែ ឆ្នាំ ២០២២ នេះ ទំហំពាណិជ្ជកម្មរវាងប្រទេសទាំងពីរ មានទឹកប្រាក់ប្រមាណជិត ២ ៣០០ លានដុល្លារអាមេរិក កើនឡើងជាង ២៣% ក្នុងនោះកម្ពុជាបាននាំចេញ មានទឹកប្រាក់ជាង ៤៩៥ លានដុល្លារ កើនឡើង ៣៧% ខណៈការនាំចូលមានទំហំទឹកប្រាក់ជាង ១ ៨០០ លានដុល្លារ កើនឡើងជាង ១៩% បើធៀបរយពេលដូចគ្នាឆ្នាំ ២០២១៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

អ៊ីស្រាអែល បានទទួលសាកសពចំណាប់ថ្នូរម្នាក់ទៀតហើយ ពីក្រុមហាម៉ាស

ប្រទេសបារាំងប្រកាសតាមដានដោយយកចិត្តទុកដាក់ចំពោះការអនុវត្តជាក់ស្តែងលើកិច្ចព្រមព្រៀងសន្ដិភាពរបស់កម្ពុជា-ថៃ និងបន្តការដោះស្រាយជម្លោះព្រំដែន តាមរយៈការសន្ទនា និងច្បាប់អន្តរជាតិ

លោក Trump លើកសរសើរមេដឹកនាំស្ត្រី "ដ៏អស្ចារ្យ" របស់ជប៉ុន ខណៈសាទរទំនាក់ទំនងយ៉ាងរឹងមាំបំផុត

លោក Putin ជួបប្រមុខការទូតកូរ៉េខាងជើង ដោយសាទរទំនាក់ទំនងថាកំពុងរីកចម្រើនដូចការគ្រោងទុក

ប្រភពព័ត៌មាន៖ ក្រុមហ៊ុន Amazon កំណត់គោលដៅកាត់បន្ថយការងារសាជីវកម្មរហូតដល់៣០.០០០កន្លែង

ទួរគី និងអង់គ្លេស ចុះកិច្ចព្រមព្រៀងយន្តហោះចម្បាំងអឺរ៉ុប តម្លៃ១១ពាន់លានដុល្លារខណៈដំណើរទស្សនកិច្ចរបស់លោក Starmer

រដ្ឋមន្ត្រីការបរទេសចិន និងអាមេរិកពិភាក្សាតាមទូរស័ព្ទ មុនជំនួបកំពូលរវាងលោកTrump និងលោកXi

កិច្ចចរចាបទឈប់បាញ់រវាងអាហ្វហ្គានីស្ថាន និងប៉ាគីស្ថាន បានឈានចូលដល់ថ្ងៃទីបី

មេដឹកនាំចាស់បំផុតលើពិភពលោកបានជាប់ឆ្នោតជាថ្មីនៅកាមេរូន ខណៈក្រុមប្រឆាំងបញ្ឆេះការតវ៉ា បណ្ដាលឲ្យមានមនុស្សស្លាប់

ពលរដ្ឋភៀសសឹក នៅមណ្ឌលវត្តពោធិ៍៥០០០ដើម ក្នុងស្រុកគូលែន ខេត្តព្រះវិហារ បាននាំគ្នាវិលត្រឡប់ទៅកាន់ផ្ទះសម្បែងវិញបណ្ដើរៗហើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

រដ្ឋបាលរាជធានីភ្នំពេញប្រជុំដាក់វិធានការលុបបំបាត់ល្បែងស៊ីសង និងប្រឆាំងអំពើជួញដូរមនុស្ស

ពិធីបុណ្យកាន់បិណ្ឌ-ភ្ជុំបិណ្ឌឆ្នាំ២០២២នេះ គ្រោះអគ្គិភ័យកើតឡើង៣០លើកនៅទូទាំងប្រទេស

៣ថ្ងៃ នៃថ្ងៃឈប់សម្រាកបុណ្យភ្ជុំបិណ្ឌ ៖ មនុស្ស ២៧នាក់ស្លាប់បាត់ និងរបួស ៥៧នាក់នៅក្នុងគ្រោះថ្នាក់ចរាចរណ៍

សមត្ថកិច្ចឃាត់ខ្លួនជនសង្ស័យជាជនជាតិវៀតណាម ២៤នាក់ ករណីបង្ខាំងមនុស្ស៣ទីតាំង

ថ្ងៃភ្ជុំបិណ្ឌ ! មនុស្ស ១១នាក់ស្លាប់ និងរបួសធ្ងន់-ស្រាល ១៩នាក់ដោយគ្រោះថ្នាក់ចរាចរណ៍

គ្រោះថ្នាក់ចរាចរណ៍ថ្ងៃនេះ !ស្លាប់ចំនួន ៨នាក់ និងរបួសធ្ងន់-ស្រាលចំនួន ១៤នាក់

ព្រហ្មទណ្ឌកំរិតស្រាលបង្ក្រាបករណីបង្ខាំងមនុស្សជំរិតទារប្រាក់១ម៉ឺនដុល្លារចាប់ខ្លួន៤នាក់

អ្នកជួយសង្គ្រោះជនរងគ្រោះម្នាក់លិចទូក រដ្ឋបាលខេត្ត នឹងផ្តល់ជូនថវិកាលើកទឹកចិត្ត២លានរៀល

វិនិយោគិនថៃជាច្រើន គ្រោងចុះមកសិក្សាគម្រោងវិនិយោគឧស្សាហកម្មនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

រដ្ឋបាលរាជធានីភ្នំពេញប្រជុំដាក់វិធានការលុបបំបាត់ល្បែងស៊ីសង និងប្រឆាំងអំពើជួញដូរមនុស្ស

ពិធីបុណ្យកាន់បិណ្ឌ-ភ្ជុំបិណ្ឌឆ្នាំ២០២២នេះ គ្រោះអគ្គិភ័យកើតឡើង៣០លើកនៅទូទាំងប្រទេស

៣ថ្ងៃ នៃថ្ងៃឈប់សម្រាកបុណ្យភ្ជុំបិណ្ឌ ៖ មនុស្ស ២៧នាក់ស្លាប់បាត់ និងរបួស ៥៧នាក់នៅក្នុងគ្រោះថ្នាក់ចរាចរណ៍

សមត្ថកិច្ច​ឃាត់​ខ្លួន​ជន​សង្ស័យ​ជា​ជនជាតិ​វៀតណាម​ ២៤​នាក់ ​ករណី​បង្ខាំង​មនុស្ស​៣​ទីតាំង​

ថ្ងៃភ្ជុំបិណ្ឌ ! មនុស្ស ១១នាក់ស្លាប់​ និងរបួសធ្ងន់-ស្រាល ១៩នាក់ដោយគ្រោះថ្នាក់ចរាចរណ៍

គ្រោះថ្នាក់ចរាចរណ៍ថ្ងៃនេះ !ស្លាប់ចំនួន ៨នាក់ និងរបួសធ្ងន់-ស្រាលចំនួន ១៤នាក់

ព្រហ្មទណ្ឌកំរិតស្រាលបង្ក្រាបករណីបង្ខាំងមនុស្សជំរិតទារប្រាក់១ម៉ឺនដុល្លារចាប់ខ្លួន៤នាក់

អ្នកជួយសង្គ្រោះជនរងគ្រោះម្នាក់លិចទូក រដ្ឋបាលខេត្ត នឹងផ្តល់ជូនថវិកាលើកទឹកចិត្ត២លានរៀល

វិនិយោគិនថៃជាច្រើន គ្រោងចុះមកសិក្សាគម្រោងវិនិយោគឧស្សាហកម្មនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សមត្ថកិច្ចឃាត់ខ្លួនជនសង្ស័យជាជនជាតិវៀតណាម ២៤នាក់ ករណីបង្ខាំងមនុស្ស៣ទីតាំង

ថ្ងៃភ្ជុំបិណ្ឌ ! មនុស្ស ១១នាក់ស្លាប់ និងរបួសធ្ងន់-ស្រាល ១៩នាក់ដោយគ្រោះថ្នាក់ចរាចរណ៍