BTV NEWS

ជនជាតិវៀតណាមសរុប ៣៤នាក់ ត្រូវបានបណ្តេញចេញពីកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិបាវិត ខេត្តស្វាយរៀង

កាស៊ីណូ ស៊ីលវើរ ស្តារនៅក្រុងបាវិតត្រូវបានព្យួរអាជ្ញាប័ណ្ណបន្ទាប់ពី រកឃើញមានជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា

ឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក

កម្លាំងចម្រុះនៃគណៈបញ្ជាការឯកភាពរដ្ឋបាលខេត្តសៀមរាបឃាត់ខ្លួនជនសង្ស័យចំនួន៤នាក់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា

សន្តិសុខ និង សង្គម

កម្ពុជារកឃើញករណីឆ្លងកូវីដចំនួន ៣៥៧នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៣៥៧នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ៣០០នាក់ ។ក្រសួង បានបញ្ជាក់ទៀតថា ករណីមនុស្សស្លាប់ដោយសារជំងឺកូវីដ-១៩ ចំនួន០១ គឺមិនបានចាក់វ៉ាក់សាំង។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០៤៣នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១៣៣,០៦៥នាក់នៅទូទាំងប្រទេស។ក្រសួងសុខាភិបាល បញ្ជាក់ថា អ្នកជំងឺកូវីដ-១៩ សរុបរហូតដល់ ១២៧,៣៤៤នាក់ហើយ ត្រូវបានព្យាបាលជាសះស្បើយ៕

ភ្លៀងធ្លាក់កក់ខែលាយឡំខ្យល់កន្រ្ទាក់មួយមេធំ បណ្តាឲ្យផ្ទះសំបែងពលរដ្ឋ៤៤ខ្នង រងការខូចខាត

ឧត្តរមានជ័យ៖ ភ្លៀងធ្លាក់កក់ខែលាយឡំ ដោយខ្យល់កន្រ្ទាក់មួយមេធំ រងការខូចខាតនិងរងផលប៉ះពាល់ដល់ផ្ទះសំបែងរបស់ប្រជាពលរដ្ឋអស់ជាង ៤៤ខ្នង ក្នុងភូមិចំនួន១០ នៅសង្កាត់សំរោង ខេត្តក្រុងសំរោង ខេត្តឧត្តរមានជ័យ កាលពីល្ងាចថ្ងៃទី៧ខែមិនា ឆ្នាំ២០២២នេះ។លោក ញឺន កួន ប្រធានមន្ទីរធនធានទឹកនឹងឧត្តុនិយម ខេត្តឧត្តរមានជ័យ បានបញ្ជាក់ថា ក្នុងករណីភ្លៀងធ្លាក់កក់ខែលាយលំដោយខ្យល់កន្រ្ទាក់នោះវាមិនបណ្តាលឲ្យមានផលប៉ះពាល់ណាមួយធ្ងន់ធ្ងរដល់អាយុជីវិត ឬក៏សត្វពាហនៈរបស់ប្រជាពលរដ្ឋនោះឡើយគ្រាន់តែរងការខូចខាតប៉ើងដំបូលផ្ទះមួយផ្នែកតូចតែប៉ុណ្តោះ។លោក បន្តថា បញ្ហាទាំងនេះដែរ ក្រុមការងារនៅតាមបណ្តាមូលដ្ឋានបានចុះជួយអន្តរាគមន៍ភ្លាមៗផងដែរក្នុងការជួយជុសជុលផ្ទះសំបែងរបស់បងប្អូនប្រជាពលរដ្ឋឡើងវិញទៅតាមអ្វីដែរអាចធ្វើបាន។យ៉ាងណាម៉ិញ លោក បានឲ្យដឹងទៀតថា ពាក់ព័ន្ធនឹងបញ្ហាអាកាសធាតុមានការបម្រែបម្រួលមិនទៀងទាត់នេះដែរ បងប្អូនប្រជាពលរដ្ឋត្រូវតែមានវិធានការប្រុងប្រយ័ត្នឲ្យខ្ពស់ចំពោះផ្ទះសំបែងរបស់បងប្អូននៅតំបន់ជាប់ជើងភ្នំ នឹងតំបន់ខ្ពស់រាបជៀសវាងបញ្ហាប្រឈមផ្សេងៗដែលកើតមានឡើងជាយថាហេតុ ដោយសារគ្រោះធម្មជាតិយ៉ាងដូច្នេះ៕អត្ថបទ៖ ឃិន សារិទ្ធ៨

ខណ្ឌទួលគោក ជូនដំណឹងដល់ពលរដ្ឋបញ្ឈប់ការប្រមាថលើសមត្ថកិច្ចក្នុងពេលចុះរៀបចំសណ្ដាប់ធ្នាប់តាមដងផ្លូវ

ភ្នំពេញ៖ អាជ្ញាធរខណ្ឌទួលគោក បានស្នើឱ្យប្រជាពលរដ្ឋបញ្ឈប់សកម្មភាពបង្កការញុះញង់ រហូតមានការគប់ផ្លែឈើ និងជេរប្រមាថលើកម្លាំងសមត្ថកិច្ច ក្នុងពេលសមត្ថកិច្ចចុះរៀបចំសណ្ដាប់ធ្នាប់។រដ្ឋបាលខណ្ឌទួលគោក បញ្ជាក់ថា ប្រសិនបើបងប្អូននៅតែបន្តសកម្មភាពល្មើសតទៅទៀត នឹងត្រូវប្រឈមនិងការឃាត់ខ្លួន កសាងសំណុំរឿងបញ្ជូនទៅតុលាការ។អាជ្ញាធរតម្រូវឲ្យរៀបចំសណ្តាប់ធ្នាប់សាធារណៈ តាមរយៈសេចក្តី ណែនាំស្តីពីការរៀបចំសណ្តាប់ធ្នាប់តាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ ក្នុងភូមិសាស្ត្ររាជធានីភ្នំពេញ ដើម្បីរក្សាសណ្តាប់ធ្នាប់ ចរាចរណ៍ លើកកម្ពស់សោភ័ណភាពទីក្រុង ព្រមទាំងកាត់បន្ថយបានការកកស្ទះចរាចរណ៍ អនាម័យ បរិស្ថានល្អ។កន្លងមករដ្ឋបាលខណ្ឌទួលគោក បានអនុវត្តវិធានការអប់រំដោយបានចេញនូវសេចក្តីជូនដំណឹងជាច្រើនលើកច្រើនសារ និងផ្សព្វផ្សាយគ្រប់មធ្យោបាយតម្រូវឲ្យបងប្អូនចូលរួមជាមួយអាជ្ញាធរនៅក្នុងការអនុវត្តរៀបចំសណ្តាប់ធ្នាប់តាមបណ្តោយផ្លូវម៉ៅសេទុង(ផ្លូវ២៤៥) នេះ។ផ្ទុយទៅវិញបងប្អូនអាជីវករមួយចំនួននៅតែបន្តសកម្មភាពលក់ដូរយ៉ាងអាណាធិបតេយ្យនៅលើចិញ្ចើមផ្លូវ និងទ្រង់ផ្លូវនេះដដែល ដូច្នេះរដ្ឋបាលខណ្ឌគ្មានជំរើសណាក្រៅពីការអនុវត្តវិធានការរដ្ឋបាលចំពោះបុគ្គលទាំងឡាយ ដែលមិនអនុវត្តតាមសេចក្តីជូនដំណឹងនានារបស់រដ្ឋបាលខណ្ឌដែលបានដាក់ចេញកន្លងមក។ជាក់ស្ដែងនៅថ្ងៃទី០៤ ខែមីនា ឆ្នាំ២០២២ កម្លាំងគណៈបញ្ជាការឯកភាពរដ្ឋបាលខណ្ឌទួល គោក រួមជាមួយនឹងកម្លាំងការិយាល័យនគរបាលសណ្ដាប់ធ្នាប់ នៃស្នងការនគរបាលរាជធានី ភ្នំពេញ បានចុះអនុវត្តនូវវិធានការរដ្ឋបាល តែនៅយប់ថ្ងៃទី០៥ ខែមីនា ឆ្នាំ២០២២ កំឡុងពេលអនុវត្តវិធានការរដ្ឋបាលមានជនមួយក្តាប់តូចបានធ្វើសកម្មភាពញុះញង់ និងរារាំងកម្លាំងសមត្ថកិច្ច ដោយប្រើហិង្សា និងយកសម្ភារៈផ្សេងៗគប់ព្រមទាំងប្រើពាក្យសំដីជេរប្រមាថមកលើមន្ត្រី និងកងកម្លាំងដែលកំពុងបំពេញភារកិច្ច។លើសពីនេះទៅទៀត នៅយប់ថ្ងៃទី០៦ ខែមីនា ឆ្នាំ ២០២២ ជនមួយចំនួនដដែលនោះ នៅតែបង្កើនសកម្មភាពញុះញង់ និងរារាំងខ្លាំងជាងមុន ដោយអ្នកខ្លះបានគប់ផ្លែឈើ និងជេរប្រមាថ ធ្ងន់ៗមកលើមន្ត្រី នឹងកងកម្លាំងមានសមត្ថកិច្ច ព្រមទាំងបានយកសម្ភារៈផ្សេងៗមកគរបិទកំណាត់ ផ្លូវម៉ៅសេទុង (ផ្លូវ២៤៥) ធ្វើឲ្យកកស្ទះ និងបង្កការគ្រោះថ្នាក់ដល់អ្នកធ្វើដំណើរទៀតផង។រដ្ឋបាលខណ្ឌ ប្រកាសជូនដំណឹងដល់សាធារណជនទាំងអស់មេត្តាជ្រាបជាព័ត៌មាន ពិសេសជនដែលបានប្រើហិង្សាកន្លងមក សូមបញ្ឈប់សកម្មភាពបង្កការញុះញង់បង្កើតជាបទល្មើសជាបន្ទាន់ ហើយងាកមកចូលរួមជាមួយអាជ្ញាធរមានសមត្ថកិច្ចក្នុងការអនុវត្តច្បាប់។ករណីនៅតែបន្តសកម្មភាពល្មើសតទៅទៀត រដ្ឋបាលខណ្ឌនឹងចាត់វិធានការតាមផ្លូវច្បាប់ និង ឃាត់ខ្លួន កសាងសំណុំរឿងបញ្ជូនទៅតុលាការតាមនីតិវិធីច្បាប់៕ អត្ថបទ៖ កុម្ភះ

បង្ក្រាបករណីជួញដូរគ្រឿងញៀនឃាត់ខ្លួនជនសង្ស័យ៤នាក់ រឹបអូសគ្រឿងញៀនជិត ៦៥ គីឡូក្រាម និងអាវុធ ៣ដើម

ភ្នំពេញ ៖ សមត្ថកិច្ចជំនាញមន្ទីរប្រឆាំងគ្រឿងញៀន បង្ក្រាបក្រុមជួញដូរគ្រឿងញៀន ប្រដាប់ដោយអាវុធ ចាប់ខ្លួនជនសង្ស័យ ៤នាក់ (ខ្មែរ១ ថៃ៣) រឹបអូសគ្រឿងញៀន ជិត ៦៥ គីឡូក្រាម និងអាវុធ ៣ដើម ។សមត្ថកិច្ចជំនាញមន្ទីរប្រឆាំងគ្រឿងញៀន ប្រាប់អោយដឹងថា ដោយអនុវត្តតាមបញ្ជាដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ អនុវត្តតាមបញ្ជាផ្ទាល់ដោយ ឯកឧត្តម នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ និង ឯកឧត្តម ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន កាលពីថ្ងៃទី០៣ ខែមីនា ឆ្នាំ២០២២ នៅវេលាម៉ោង១៣ និង១០នាទី កម្លាំងជំនាញ នៃមន្ទីរប្រឆាំងគ្រឿងញៀន (ក១១) ដឹកនាំដោយលោកឧត្តមសេនីយ៍ទោ ស៊ី ផល្លា , លោក វរ:សេនីយ៍ឯក ជាវ តុលា នាយករងមន្ទីរ លោក វរ:សេនីយ៍ទោ សេង ឃុនណាង នាយការិយាល័យ (ក១១) សហការជាមួយស្នងការដ្ឋាននគរបាលរាជធានីភ្នំពេញ ក្រោមការសម្របសម្រួលពីលោក សាយ ណូរ៉ា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានធ្វើការស៊ើបអង្កេតស្រាវជ្រាវ បង្រ្កាប បទល្មើសគ្រឿងញៀន ២គោលដៅផ្សេងគ្នា ។ គោលដៅទី១: នៅចំណុច ស្ថានីយ៍ប្រេង ឥន្ទន: តេឡា ផ្លូវបេតុង ស្ថិតក្នុង ភូមិជម្ពូវន្ត័ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ចាប់ខ្លួនជនសង្ស័យ ០១នាក់ រថយន្ត ១គ្រឿង និងសារធាតុញៀនប្រមាណជាង ៦០គីឡូក្រាម ។ គោលដៅទី២:នៅវេលាម៉ោង១៤ និង៣០នាទី ថ្ងែ ខែ ឆ្នាំដដែល ឃាត់ខ្លួនជនសង្ស័យ ៣នាក់ រថយន្ត ២គ្រឿង និង អាវុធ ០៣ដើម ( វែង១ដើម ខ្លី២ដើម ) នៅចំណុច បូរី ពិភពថ្មី ផ្លូវ១៥B សង្កាត់កំបូល ខណ្ឌកំបូល រាជធានីភ្នំពេញ។ជនសង្ស័យទាំង ៤ នាក់ ដែលត្រូវឃាត់ឃាត់ខ្លួន ១-ឈ្មោះ ទិន ទី ភេទប្រុស អាយុ ៣១ឆ្នាំ ជនជាតិ ខ្មែរ (មានដីកាចាប់ខ្លួន) មានគ្រឿងញៀនជាង ៦០គីឡូ ដែលចាប់បាន ។ ២-ឈ្មោះ ដាវ ឌីឌឹន (DAV DE DAN) ភេទប្រុស អាយុ២២ឆ្នាំ ជនជាតិ ថៃ ។ ៣-ឈ្មោះ វ៉ាន់ឆៃ លឿងផូត (VANCHAI LOEUNG PKUOUCH) ភេទប្រុស អាយុ៣៣ឆ្នាំ ជនជាតិ ថៃ ។ ៤-ឈ្មោះ មង្គល សុខហម (MONG SOKHORM) ភេទ ប្រុស អាយុ៤១ឆ្នាំ ជនជាតិ ថៃ ។វត្ថុតាងចាប់យក -មេតំហ្វេតាមីន (ICE)ទម្ងន់ សុទ្ធ ៤២គីឡូនិង៧៥៩.៨៤ក្រាម ។ -ហេរ៉ូអុិន (HEROIN) ទម្ងន់ សុទ្ធ ២១គីឡូ និង១២០ក្រាម ។ សរុប សារធាតុញៀនប្រមាណ ៦៣គីឡូ និង ៨៧៩.៨៤ក្រាម។ -អាវុធ AK ១ដើម និងអាវុធខ្លី២ដើម - រថយន្ត ៣គ្រឿង ។ជនសង្ស័យ ព្រមទាំងវត្ថុតាង សមត្ថកិច្ចជំនាញមន្ទីរប្រឆាំងគ្រឿងញៀន បានកសាងសំណុំរឿង បញ្ជូនទៅសាលាដំបូងរាជធានី ដើម្បីផ្តន្ទាទោសតាមនីតិវិធី ៕អត្ថបទ ៖ តារាវុទ្ធី

ក្រសួងពាណិជ្ជកម្ម រកឃើញទីតាំងប្រេងឥន្ធនៈលក់មិនគ្រប់បរិមាណ ២៦៧កន្លែង ក្នុងរយៈពេលពីរខែ

ភ្នំពេញ៖ មន្រ្តីជាន់ខ្ពស់នៃក្រសួងពាណិជ្ជកម្ម បានឲ្យដឹងថា គិតក្នុងខែមករា និងខែកុម្ភៈ ដើមឆ្នាំ២០២២នេះ បានរកឃើញស្ថានីយ ឬដេប៉ូនានា ដែលប្រកបអាជីវកម្មមិនសុចរិតចំនួនសរុប ២៦៧កន្លែង ស្មើប្រមាណជាង ៣៤ភាគរយ នៃចំណោមទីតាំងចុះត្រួតពិនិត្យទូទាំងប្រទេសចំនួន ៧៦៨កន្លែង។ឯកឧត្តម ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ នៅព្រឹកថ្ងៃទី៧ ខែមីនា បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវីថា ក្នុងរយៈពេល ២ខែ ដើមឆ្នាំ២០២២ មន្រ្តីអគ្គនាយកដ្ឋាន បានចុះត្រួតពិនិត្យភាពអនុលោមទៅនឹងបទប្បញ្ញាត្តិ ពាក់ព័ន្ធនឹងការធ្វើអាជីវកម្មប្រេងឥន្ធនៈនៅតាមបណ្តាស្ថានីយ និងដេប៉ូនានានៅទូទាំងប្រទេសបានចំនួន៧៦៨ ដោយរកឃើញដេប៉ូប្រេងឥន្ធនៈចំនួន២៦៧ ស្មើ៣៤.៧៦% ប្រកបអាជីវកម្មមិនសុចរិត។ឯកឧត្តម ឲ្យដឹងទៀតថា បើប្រៀបធៀបជាមួយរយៈពេលដូចគ្នានៃឆ្នាំ២០២១ បទល្មើសពាក់ព័ន្ធនឹងអាជីវកម្មប្រេងឥន្ធនៈមានការថយចុះចំនួនជាង ៣ភាគរយ។ពាក់ព័ន្ធករណីអ្នកប្រកបអាជីវកម្មមិនសុចរិតខាងលើនេះ ឯកឧត្តមអគ្គនាយកបានបញ្ជាក់ថា ក្នុងករណីដែល អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ រកឃើញស្ថានីយ/ដេប៉ូប្រេងឥន្ធនៈណា ដែលនៅតែបំពាន ឬមិនអនុលោមក្នុងវិស័យប្រេងឥន្ធនៈនេះ ម្ចាស់ស្ថានីយ/ដេប៉ូប្រេងឥន្ធនៈ នឹងរងការកសាងសំណុំរឿងបញ្ជូនទៅតុលាការ។ បន្ទាប់ពីរកឃើញដូច្នេះ មន្ត្រីក.ប.ប. បានពិន័យអន្តរការណ៍ និងណែនាំឱ្យម្ចាស់ដេប៉ូធ្វើការកែតម្រូវ និងឈប់ប្រព្រឹត្តល្មើសនឹងច្បាប់ស្ដីពីកិច្ចការពារអ្នកប្រើប្រាស់។ គិតមកដល់ពេលនេះនេះ តម្លៃលក់រាយប្រេងឥន្ធនៈនៅកម្ពុជាថ្លៃ ៤ ៨០០រៀល ក្នុង១លីត្រ សម្រាប់សាំងធម្មតា។ ដោយឡែកប្រេងម៉ាស៊ូតថ្លៃ ៤ ៥០០រៀល ក្នុង១លីត្រ។ តម្លៃនេះត្រូវបានលក់ចាប់ពីថ្ងៃទី១ ដល់ថ្ងៃទី១៥ ខែមីនា ឆ្នាំ២០២២៕អត្ថបទ៖ ឈិត បូរ៉ាវី

កម្ពុជារកឃើញករណីឆ្លងកូវីដចំនួន ៣០៦នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៣០៦នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ២៦៤នាក់ ។ក្រសួង បានបញ្ជាក់ទៀតថា ករណីមនុស្សស្លាប់ដោយសារជំងឺកូវីដ-១៩ ចំនួន០១ គឺមិនបានចាក់វ៉ាក់សាំង។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០៤២នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១៣២,៧០៨នាក់នៅទូទាំងប្រទេស។ក្រសួងសុខាភិបាល បញ្ជាក់ថា អ្នកជំងឺកូវីដ-១៩ សរុបរហូតដល់ ១២៦,៩២១នាក់ហើយ ត្រូវបានព្យាបាលជាសះស្បើយ៕

ព្រះរាជអាជ្ញារងខេត្តព្រះវិហារ និងឈ្មោះ រស់ សុធី ដឹកនាំកម្លាំងចុះចាប់ឡានចង្កូតស្ដាំ៤គ្រឿង នៅតាមផ្ទះ នៅភូមិកំពង់ស្រឡៅ

ព្រះវិហារ៖ ព្រះរាជអាជ្ញារងខេត្តព្រះវិហារ និងឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ ដឹកនាំកម្លាំងចុះចាប់រថយន្ដចង្កូតស្ដាំ៤គ្រឿងនៅតាមផ្ទះ ខណៈថ្ងៃឱសានវាទចុះចាប់រថយន្ដចង្កូតស្តាំ ឡានអត់ពន្ធ នៅតាមផ្ទះ មិនទាន់មានបទបញ្ជាឲ្យចាប់នោះទេ ។ប្រតិបត្ដិការនេះ ធ្វើឡើងនៅថ្ងៃទី០៤ ខែមិនា ម្សិលមិញនេះ នៅចំណុចភូមិកំពង់ស្រឡៅ ឃុំកំពង់ស្រឡៅ១ ខេត្តព្រះវិហារ ដឹកនាំដោយព្រះរាជអាជ្ញារងខេត្តព្រះវិហារលោក វុធ សាវី ,លោកឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ ,លោក ហួត ឃាន នាយរងការិយាល័យ,លោក ស៊ុំ សំណាង ស្នងការង និងចូលរួមកម្លាំងប៉ុស្ដិ៍ស្រឡៅ ផងដែរ។ពាក់ព័ន្ធករណីនេះ ព្រះរាជអាជ្ញារងខេត្តព្រះវិហារលោក វុធ សាវី បានឲ្យដឹងនៅថ្ងៃនេះថា ក្នុងប្រតិបត្ដិការនេះ ដងហូតបានរថយន្ដ៤គ្រឿង និង៤គ្រឿងទៀតបើកគេច ហើយម្ចាស់រថយន្ដម្នាក់បានរត់គេចទៅចូលទឹកដីឡាវ ហើយលោកក៏បានដឹងអត្តសញ្ញាណផងដែរ កំពុងបើកការអង្កេត។ ចំពោះរថយន្ដដែលរឹបអូសបាន សហការជាមួយគយឲ្យចុះមកពិនិត្យ និងប្រគល់ជូនគយ។ ចំណែកឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ ក៏BTV News ធ្វើការទំនាក់ទំនងតាមប្រព័ន្ធតេឡាក្រាមផងដែរ តែគ្មានការឆ្លើយតប។បើតាមប្រភពច្បាស់ការណ៍សុំមិនបញ្ចេញឈ្មោះ បានឲ្យយើងដឹងថា ឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ បានលួចនាំរថយន្ដឆ្លងដែនទៅប្រទេសឡាវ ស្ថិតនៅចំណុចខ្ទមអ្នកតាកំពង់ស្រឡៅ១ រាប់សិបគ្រឿងមកហើយមិនដែលបានមន្ដ្រីណា ឬថ្នាក់លើចុះមកបង្ក្រាប រឹបអូសនោះទេ ទើបតែថ្មីៗនេះ ទំនងមិនបានចែកលាភសក្ការៈដល់សមត្ថកិច្ចមួយចំនួន ក៏បែកធ្លាយព័ត៌មានបំបែកឆ្នាំងបាយ ខណៈខ្លួនជាសមត្ថកិច្ចផែនបង្ក្រាបផងដែរនោះ ហើយការចុះចាប់កាលពីថ្ងៃទី០៤ ខែមិនា អាចជាគំណុំផ្ទាល់ខ្លួន ឬលាងឈ្មោះខ្លួនឯងបង្ហាញស្នាដៃជូនថ្នាក់លើ ខណៈអាជ្ញាធរភូមិឃុំមួយចំនួនមិនឯកភាពប្រតិបត្តិការនេះ ។ពាក់ព័ន្ធឡានអត់ពន្ធនេះ នារសៀលថ្ងៃទី២៣ ខែកុម្ភៈនេះ នៅសណ្ឋាគារសុខាភ្នំពេញ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អញ្ជើញជាអធិបតីភាព ក្នុងពិធីបិទសន្និបាតត្រួតពិនិត្យលទ្ធផលការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ សម្តេចតេជោ ហ៊ុន សែន អំពាវនាវឲ្យមានស្មារតីបង់ពន្ធជូនរដ្ឋតាមច្បាប់ដែលបានកំណត់។ ទន្ទឹមនឹងនឹងនោះ កម្លាំងប្រដាប់អាវុធមានតួនាទីសំខាន់ណាស់សម្រាប់កិច្ចការមួយនេះ។ សម្តេច បញ្ជាក់ថា “បើមានលុយទិញឡានហើយ សូមទុកលុយដើម្បីបង់ពន្ធផង”។កាលពីពេលថ្មីៗនេះ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបញ្ជាក់ថា ការអនុគ្រោះម្ដងហើយម្ដងទៀត ភាពច្រំដែលនឹងនៅតែបន្ត ហើយរថយន្តចង្កូតស្តាំ ឡានអត់ពន្ធ ជ្រកក្រោមនេះ ជ្រកក្រោមនោះ មិនអនុញ្ញាតឱ្យមានទៀតទេ។ អស់លោកគយ ត្រូវធ្វើកិច្ចការងារនេះ ដើម្បីប្រមូលឡានដែលអត់មានពន្ធនេះទុក ឬផាកពិន័យទៅតាមគោលការណ៍ ដែលមានរួចមកហើយ។សម្តេចតេជោ ហ៊ុន សែន បានលើកឡើងថា គ្មានអ្នកក្រណាមានលុយទៅទិញឡានជិះនោះទេ ខណៈអ្នកមាន ឬពួកអ្នកធំមានលុយទិញឡានជិះហើយបែជាលួចពន្ធ និងមិនព្រមបង់ពន្ធចូលរដ្ឋទៅវិញ៕

អាជ្ញាធរខណ្ឌចំការមន ចុះបង្រ្កាបហ្គេមបាញ់ត្រីមួយកន្លែង ឃាត់មនុស្សជិត១០នាក់ និងរឹបអូសទូហ្គេម

ភ្នំពេញ៖ ដោយមានការបញ្ជាផ្ទាល់ពីលោក ថេង សុថុល អភិបាលខណ្ឌ និងជាប្រធានគណៈបញ្ជាការឯកភាពខណ្ឌចំការមន ចុះប្រតិបត្តិការបង្រាបល្បែងស៊ីសងហ្គេមបាញ់ត្រី ឃាត់ខ្លួនមនុស្សជិត១០នាក់។ប្រតិបត្តិការនេះ បានធ្វើឡើងនៅថ្ងៃទី០៥ ខែមីនា ឆ្នាំ២០២២ លោក យស យុទ្ធី អភិបាលរងខណ្ឌចំការមន បានដឹកនាំកម្លាំងគណៈបញ្ជាការឯកភាពខណ្ឌចំការមន ចុះបង្រាបល្បែងស៊ីសង ហ្គេមបាញ់ត្រី ស្ថិតនៅភូមិ៤ ផ្លូវ៩៧ កែងផ្លូវ៥០៨ សង្កាត់ផ្សារដើមថ្កូវ ខណ្ឌចំការមន។មន្រ្តីសាលាខណ្ឌចំការមន បានឲ្យដឹងថា នៅមុនឈានដល់ការចុះបង្ក្រាបទីតាំងហ្គេមបាញ់ត្រីនេះ ដោយការរាយការណ៍ពីបងប្អូនប្រជាពលរដ្ឋ រស់នៅជិតខាងទីតាំងលួចបើកល្បែងស៊ីសងនេះ និងមានមនុស្សប្រុសស្រីក្មេងៗ ស្ទាវៗ ចេញចូលលេងពពាក់ពពូន បង្កភាពអសន្តិសុខ ដល់ការរស់នៅរបស់បងប្អូនពលរដ្ឋ។ក្នុងរង្វង់ប្រតិបត្តិការនេះ កម្លាំងសមត្ថកិច្ចបាន ឃាត់មនុស្សចំនួន០៧ ស្រី០២នាក់ និងទូហ្គេមបាញ់ត្រីចំនួន ០២ទូ និងទូកុំព្យូទ័រចំនួន០៦គ្រឿង រួចយកទៅរក្សារទុកនៅសាលាខណ្ឌចំការមន ដើម្បីចាត់ការតាមនីតិវិធី៕ អត្ថបទ៖ កុម្ភះ

នគរបាលឃាត់ខ្លួនជនសង្ស័យ២នាក់ បញ្ជូនទៅតុលាការពាក់ព័ន្ធករណីចេញសែកស្អុយជាង ១០ម៉ឺនដុល្លារ

ភ្នំពេញ ៖ កម្លាំងនគរបាលការិយាល័យព្រហ្មទណ្ឌកំរិតធ្ងន់ នៃនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានធ្វើការឃាត់ខ្លួនបុរសពីរនាក់ យោងតាមពាក្យបណ្ដឹងរបស់ជនរងគ្រោះ ពាក់ព័ន្ធការទូទាត់ថ្លៃប្រេង ដោយចេញសែកស្អុយចំនួនពីរសន្លឹក សរុបជាទឹកប្រាក់ជាង ១០ម៉ឺនដុល្លារ និងបានបញ្ជូនខ្លួនទៅអយ្យការអមសាលាដំបូង រាជធានីភ្នំពេញ កាលពីរសៀលថ្ងៃទី០៤ ខែមិនាម្សិលមិញនេះ ដើម្បីចាត់ការតាមនីតិវិធី។នគរបាល បានឲ្យដឹងថា ជនសង្ស័យ ទាំង២នាក់មានឈ្មោះ ទី១, ប៉ែន សុភាព ភេទប្រុស អាយុ៣៨ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន និងទី២,ឈ្មោះ ស៊ាង ថៃ ភេទប្រុស អាយុ ៣៨ឆ្នាំ ជនជាតិខ្មែរមុខរបរបុគ្គលិកក្រុមហ៊ុន ពាក់ព័ន្ធករណីមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ។នគរបាល បានបញ្ជាក់បន្ថែមថា ជនសង្ស័យទាំងត្រូវបានកម្លាំងនគរបាលជំនាញឃាត់ខ្លួនកាលពីថ្ងៃទី០៣ ខែមិនា ឆ្នាំ២០២២ នៅម្ដុំសង្កាត់ទន្លេបាសាក់ ខណ្ឌចំការមន រាជធានីភ្នំពេញ តាមពាក្យបណ្ដឹងរបស់ជនរងគ្រោះ។គួរបញ្ជាក់ផងដែរ កាលពីថ្ងៃទី ១៦និងថ្ងៃទី៣០ ខែធ្នូឆ្នាំ ២០២១ ពាក់ព័ន្ធជាមួយនឹងករណីចេញសែកស្អុយនេះ បុរសពីរនាក់ដែលជាជនសង្ស័យតំណាងឲ្យក្រុមហ៊ុន E-zone express បានធ្វើការទូទាត់ថ្លៃប្រាក់ទិញប្រេងតាមរយៈមូលប្បទានប័ត្រ(សែក) ចំនួនពីរសន្លឹកដែលសរុបជាទឹកប្រាក់ជាង ១០ម៉ឺនដុល្លារ ក្រោយពីបានចេញសែករួចមក ជនរងគ្រោះឃើញថា សែកទាំងពីរ មិនមានសាច់ប្រាក់ក្រោយមកជនរងគ្រោះ បានព្យាយាមចរចាដោះស្រាយបំណុលតែមិនបានលទ្ធផលសោះ ហើយបុគ្គលទាំងពីរនាក់មានចេតនាគេចវេសមិនបំពេញកាតព្វកិច្ចចំពោះឧបករណ៍ដែលបានជួញដូរ ធ្វើឲ្យប៉ះពាល់ផលប្រយោជន៍យ៉ាងធ្ងន់ធ្ងររបស់ក្រុមហ៊ុនជនរងគ្រោះ ។បច្ចប្បន្ន ជនសង្ស័យទាំង២នាក់ កំពុងស្ថិតក្នុងដំណាក់កាលតំណាងអយ្យការបើកការស៊ើបសួរនៅឡើយរងចាំការចោទប្រកាន់ជាផ្លូវការ បញ្ជូនទៅចៅក្រមស៊ើបសួរដើម្បីបន្តនីតិវិធី៕អត្ថបទ៖ កុម្ភះ

កម្ពុជារកឃើញករណីឆ្លងកូវីដចំនួន ៣៣៤នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៣៣៤នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ៣១៣នាក់ ។ក្រសួង បានបញ្ជាក់ទៀតថា ករណីមនុស្សស្លាប់ដោយសារជំងឺកូវីដ-១៩ ចំនួន០២ គឺមិនបានចាក់វ៉ាក់សាំង។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០៤០នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១៣២,០៧២នាក់នៅទូទាំងប្រទេស។ក្រសួងសុខាភិបាល បញ្ជាក់ថា អ្នកជំងឺកូវីដ-១៩ សរុបរហូតដល់ ១២៦,០៣១នាក់ហើយ ត្រូវបានព្យាបាលជាសះស្បើយ៕

បណ្ដាញសង្គម

ព័ត៌មានថ្មីៗ

មនុស្សយ៉ាងហោច ៥២នាក់ស្លាប់ ពេលដែលព្យុះទីហ្វុង Kalmaegi បង្កភាពវឹកវរនៅប្រទេសហ្វីលីពីន

សម្ដេចតេជោ ហ៊ុន សែន៖ ភាពសប្បាយរីករាយបុណ្យអុំទូក បង្ហាញ ការថែរក្សាវប្បធម៌ជាលក្ខណៈមហាគ្រួសារខ្មែរ ក្រោមម្លប់សន្តិភាព

មនុស្សយ៉ាងហោច ៣នាក់ស្លាប់ និង ១១នាក់រងរបួស ក្នុងហេតុការណ៍ធ្លាក់យន្តហោះដឹកទំនិញនៅរដ្ឋ Kentucky

ឧត្តរមានជ័យមានស្ថានីយកសិកម្មចិញ្ចឹមសត្វ និងដាំបន្លែសម្រាប់ផ្គត់ផ្គង់កងទ័ពជួរមុខ

សម្ដេចតេជោ ហ៊ុន សែន បានប្រាប់មិត្តបរទេសថា ថៃបិទច្រកព្រំដែនជាមួយកម្ពុជាមិនត្រឹមតែផ្ដាច់ការតភ្ជាប់រវាងកម្ពុជា-ថៃ ទេ តែជាការកាត់ផ្តាច់ការតភ្ជាប់អាស៊ាន និងអាស៊ីផងដែរ

ប្រភពពីរដ្ឋាភិបាល៖ ក្រុមប្រឹក្សាដែលគាំទ្រដោយកងទ័ពស៊ូដង់ នឹងជួបប្រជុំគ្នា ដើម្បីពិភាក្សាអំពីសំណើបទឈប់បាញ់របស់អាមេរិក

ឥណ្ឌាស្វែងរកការគាំទ្រពីប្រទេសបារ៉ែនក្នុងការពង្រឹងទំនាក់ទំនងជាមួយក្រុមប្រឹក្សាសហប្រតិបត្តិការឈូងសមុទ្រ

កម្ពុជា និងអាម៉េរិក កំណត់គោលដៅជំរុញកិច្ចសហប្រតិបត្តិការកាន់តែស៊ីជម្រៅ

នាយករដ្ឋមន្ត្រីអ៊ីរ៉ាក់ និយាយថា អាចរំសាយអាវុធពីក្រុមនានាបាន លុះត្រាតែអាមេរិកដកកងទ័ពចេញ

មនុស្សរាប់ពាន់នាក់បន្ថែមទៀតភៀសខ្លួនចេញ ខណៈជម្លោះនៅស៊ូដង់ជួបទុរ្ភិក្សនិងការវាយលុកថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជារកឃើញករណីឆ្លងកូវីដចំនួន ៣៥៧នាក់ប្រភេទអូមីក្រុងទាំងអស់

ភ្លៀងធ្លាក់កក់ខែលាយឡំខ្យល់កន្រ្ទាក់មួយមេធំ បណ្តាឲ្យផ្ទះសំបែងពលរដ្ឋ៤៤ខ្នង រងការខូចខាត

ខណ្ឌទួលគោក ជូនដំណឹងដល់ពលរដ្ឋបញ្ឈប់ការប្រមាថលើសមត្ថកិច្ចក្នុងពេលចុះរៀបចំសណ្ដាប់ធ្នាប់តាមដងផ្លូវ

បង្ក្រាបករណីជួញដូរគ្រឿងញៀនឃាត់ខ្លួនជនសង្ស័យ៤នាក់ រឹបអូសគ្រឿងញៀនជិត ៦៥ គីឡូក្រាម និងអាវុធ ៣ដើម

ក្រសួងពាណិជ្ជកម្ម រកឃើញទីតាំងប្រេងឥន្ធនៈលក់មិនគ្រប់បរិមាណ ២៦៧កន្លែង ក្នុងរយៈពេលពីរខែ

កម្ពុជារកឃើញករណីឆ្លងកូវីដចំនួន ៣០៦នាក់ប្រភេទអូមីក្រុងទាំងអស់

អាជ្ញាធរខណ្ឌចំការមន ចុះបង្រ្កាបហ្គេមបាញ់ត្រីមួយកន្លែង ឃាត់មនុស្សជិត១០នាក់ និងរឹបអូសទូហ្គេម

នគរបាលឃាត់ខ្លួនជនសង្ស័យ២នាក់ បញ្ជូនទៅតុលាការពាក់ព័ន្ធករណីចេញសែកស្អុយជាង ១០ម៉ឺនដុល្លារ

កម្ពុជារកឃើញករណីឆ្លងកូវីដចំនួន ៣៣៤នាក់ប្រភេទអូមីក្រុងទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​រក​ឃើញ​ករណី​ឆ្លង​​កូវីដចំនួន ៣៥៧នាក់ប្រភេទអូមីក្រុងទាំងអស់

ភ្លៀងធ្លាក់កក់ខែលាយឡំខ្យល់កន្រ្ទាក់មួយមេធំ បណ្តាឲ្យផ្ទះសំបែងពលរដ្ឋ៤៤ខ្នង រងការខូចខាត

បង្ក្រាបករណីជួញដូរគ្រឿងញៀនឃាត់ខ្លួនជនសង្ស័យ៤នាក់ រឹបអូសគ្រឿងញៀនជិត ៦៥ គីឡូក្រាម និងអាវុធ ៣ដើម

ក្រសួងពាណិជ្ជកម្ម រកឃើញទីតាំងប្រេងឥន្ធនៈលក់មិនគ្រប់បរិមាណ ២៦៧កន្លែង ក្នុងរយៈពេលពីរខែ

កម្ពុជា​រក​ឃើញ​ករណី​ឆ្លង​​កូវីដចំនួន ៣០៦នាក់ប្រភេទអូមីក្រុងទាំងអស់

អាជ្ញាធរខណ្ឌចំការមន ចុះបង្រ្កាបហ្គេមបាញ់ត្រីមួយកន្លែង ឃាត់មនុស្សជិត១០នាក់ និង​រឹបអូស​ទូហ្គេម

នគរបាលឃាត់ខ្លួនជនសង្ស័យ២នាក់ បញ្ជូន​ទៅតុលាការ​ពាក់ព័ន្ធករណីចេញសែកស្អុយជាង ១០ម៉ឺនដុល្លារ

កម្ពុជា​រក​ឃើញ​ករណី​ឆ្លង​​កូវីដចំនួន ៣៣៤នាក់ប្រភេទអូមីក្រុងទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជារកឃើញករណីឆ្លងកូវីដចំនួន ៣៥៧នាក់ប្រភេទអូមីក្រុងទាំងអស់

កម្ពុជារកឃើញករណីឆ្លងកូវីដចំនួន ៣០៦នាក់ប្រភេទអូមីក្រុងទាំងអស់

អាជ្ញាធរខណ្ឌចំការមន ចុះបង្រ្កាបហ្គេមបាញ់ត្រីមួយកន្លែង ឃាត់មនុស្សជិត១០នាក់ និងរឹបអូសទូហ្គេម

នគរបាលឃាត់ខ្លួនជនសង្ស័យ២នាក់ បញ្ជូនទៅតុលាការពាក់ព័ន្ធករណីចេញសែកស្អុយជាង ១០ម៉ឺនដុល្លារ

កម្ពុជារកឃើញករណីឆ្លងកូវីដចំនួន ៣៣៤នាក់ប្រភេទអូមីក្រុងទាំងអស់