BTV NEWS

ដកហូតអាជ្ញាបណ្ណកាស៊ីណូ ដែលផ្តល់ជូនក្រុមហ៊ុន សៀងហៃ រីហ្សត ពាក់ព័ន្ធករណីឆបោកតាមប្រព័ន្ធបច្ចេកវិទ្យា

មន្ទីរប្រឆាំងគ្រឿងញៀន បង្ក្រាបសំបុកក្រុមជួញដូរគ្រឿងញៀនយ៉ាងសកម្មក្នុងភូមិសាស្ត្រខេត្តតាកែវ ប្រដាប់ដោយអាវុធ បានបាញ់មកលើកម្លាំងនគរបាល២នាក់របួសធ្ងន់កំពុងសង្គ្រោះបន្ទាន់ ចាប់ខ្លួនជនល្មើសបានចំនួន ៧នាក់

BREAKING NEWS | តំណាងអយ្យការសម្រេចចោទប្រកាន់កូនស្នងការរងខេត្តបន្ទាយមានជ័យបើកបរបុកស្លាប់មនុស្ស ៦នាក់ នៅស្រុកមោងឫស្សី ចំនួន ២បទល្មើស

ខែមីនាកន្លងទៅនេះ នគរបាលជាតិឃាត់ខ្លួនជនងប់ល្បែង ៧៤នាក់ ខ្លះបញ្ជូនទៅតុលាការ មុនបន្តទៅពន្ធនាគារ ខ្លះបានទៅផ្ទះវិញ

សន្តិសុខ និង សង្គម

ឆ្នាំ២០២១ គ្រោះមហន្តរាយបណ្ដាលឲ្យមនុស្សស្លាប់ និងរបួសជាង ២៣០នាក់

ភ្នំពេញ៖ នៅឆ្នាំ២០២១គ្រោះមហន្តរាយផ្សេងៗ មានគ្រោះទឹកជំនន់ ខ្យល់កន្ត្រាក់ និងរន្ទះបាញ់ ជាដើម បានកើតឡើងគ្រប់រាជធានីខេត្ត បណ្ដាលឲ្យមានមនុស្សស្លាប់ និងរបួសជាង ២៣០នាក់ ដែលក្នុងនោះអ្នក ស្លាប់ដោយសាររន្ទះច្រើនជាងគេ ។នៅក្នុងកិច្ចប្រជុំសម្របសម្រួលរវាងគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម) និងអង្គការដៃគូ លើការងារគ្រប់គ្រងគ្រោះមហន្តរាយនៅកម្ពុជា នៅថ្ងៃទី២១ខែកុម្ភៈនេះ ឯកឧត្តម ឡាំ ហេងហួត អនុប្រធាន និងជាអគ្គលេខាធិការ គ.ជ.គ.ម បានឱ្យដឹងថា ឆ្នាំ២០២១ គ្រោះទឹកជំនន់ បានប៉ះពាល់ចំនួន ១៨រាជធានីខេត្ត លើពលរដ្ឋជិត ៥ម៉ឺនគ្រួសារ និងបណ្ដាលឲ្យមនុស្សស្លាប់ចំនួន១៣នាក់។ឯកឧត្តម បានបន្តថា នៅឆ្នាំដដែលនេះ បញ្ហាគ្រោះមហន្តរាយ ដែលបង្កឡើងដោយខ្យល់កន្ត្រាក់ ក៏បានបណ្ដាលឲ្យមនុស្សចំនួន ៩នាក់ស្លាប់ និងរបួស ចំនួន ៧៦នាក់ ខណៈបាតុភូតរន្ទះបាញ់ បានធ្វើឲ្យមនុស្សចំនួន ៨៣នាក់ស្លាប់ និងរបួស ៥០នាក់ និងមានងាប់គោក្របី ចំនួន ៥៧ក្បាល។ឯកឧត្តម ឡាំ ហេងហួត បានបន្ថែមថា ទោះបញ្ហាគ្រោះមហន្តរាយបានកើតឡើងជារៀងរាល់ឆ្នាំ ប៉ុន្តែអត្រានៃអ្នកស្លាប់ និងរបួសមានការថយចុះ ដែលការថយចុះនេះ ដោយសារមានការចូលរួមពីគ្រប់ភាគីនានា ដែលមានស្ថាប័នរដ្ឋ និងអង្គការដៃគូជាដើម ដោយបានជួយសង្គ្រោះពលរដ្ឋ បានទាន់ពេលវេលាច្រើននោះ ។លោកស្រី អេលីហ្សាប៊ែត ភៀស៍ (Elizabeth Pearce) នាយកអង្គការ Save the Children ប្រចាំនៅកម្ពុជា និងជាសហប្រធាន JAG បានលើកឡើងថា នារយៈពេល២ឆ្នាំនេះ ការត្រៀមបម្រុងលើបញ្ហា គ្រោះមហន្តរាយ មានភាពស្មុគស្មាញ ដោយសារបញ្ហាកើតឡើងស្របគ្នា ក្នុងនោះមានបញ្ហាគ្រោះទឹកជំនន់ និងបញ្ហាជំងឺកូវីដ-១៩ ប៉ុន្តែរាជរដ្ឋាភិបាលកម្ពុជា អង្គការសហប្រជាជាតិ និងដៃគូផ្សេងៗ បានសហការគ្នាឆ្លើយតបឲ្យបានទាន់ពេលវេលា ហើយការងារទទួលបានជោគជ័យជាច្រើន ។ជាមួយគ្នានេះ លោកស្រី បានជំរុញដល់គ្រប់ភាគីពាក់ព័ន្ធ ធ្វើការបណ្ដុះបណ្ដាលធនធានមនុស្ស លើការងារឆ្លើយតបនឹងគ្រោះមហន្តរាយ រួមទាំងការផ្ដល់ហិរញ្ញវត្ថុដល់មន្ត្រីអាជ្ញាធរមូលដ្ឋាន និងជនងាយរងគ្រោះ មានកុមារស្ត្រី ជនមានពិការភាព និងជនជាតិដើមភាគតិចជាដើម ៕អត្ថបទ៖ បាន សុខរិទ្ធ

កម្ពុជារកឃើញករណីឆ្លងកូវីដចំនួន ៤៨៨នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៤៨៨នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ៤៧៣នាក់ ។ក្រសួង បានបញ្ជាក់ទៀតថា ថ្ងៃនេះករណីស្លាប់ចំនួន៣នាក់ ក្នុងនោះ ២នាក់ គឺមិនបានចាក់វ៉ាក់សាំង។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០២០នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២៦,៩៧៧នាក់នៅទូទាំងប្រទេស។ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១២០,៧៦៧នាក់ហើយ ត្រូវបានព្យាបាលជាសះស្បើយឡើងវិញ៕

សត្វទន្សោងជាប់អន្ទាក់ព្រាន ងាប់មួយក្បាលក្នុងព្រៃសង្ឃរុក្ខាវ័ន

ឧត្តរមានជ័យ៖ សត្វទន្សោងឈ្មោលមួយក្បាលបានងាប់ ខណៈជាប់អន្ទាក់ព្រានអត់អាហារជាច្រើនថ្ងៃ ក្នុងព្រៃសហគមន៍សង្ឃរុក្ខាវ័ន ត្រូវបានកម្លាំងការពារព្រៃឈើ សហគមន៍ដើរល្បាតប្រទះឃើញ បន្ទាប់ពីលឺ ឮសំឡេងឆ្កែព្រួស ស្ថិតនៅត្រង់ចំណុចភូមិសាស្ត្រព្រៃសន្លុង ភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមមានជ័យ នៅថ្ងៃទី១៨កុម្ភៈ ២០២២នេះ។លោក សា ថ្លៃ ប្រធានបណ្តាញសហគមន៍ព្រៃឈើនៅខេត្តឧត្តរមានជ័យ បានឧ្យដឹងថា សត្វទន្សោងឈ្មោលមួយក្បាល ដែលបានងាប់បន្ទាប់ពីជាប់អន្ទាក់របស់ព្រានព្រៃ ត្រូវរបួសជើងក្រោយ ផ្នែកខាងស្តាំ បន្ទាប់ពីបានដាច់ចេញពីអន្ទាក់រត់អស់ជាច្រើនថ្ងៃ នៅក្នុងព្រៃសហគមន៍សង្ឃរុក្ខាវ័ន្ត។ខណៈព្រានបាននាំសត្វឆ្កែតាមរកហើយត្រូវបានដេញខាំឱ្យរងរបួស រួមនិងព្រានបានធ្វើការវ៉ៃថែមផងទៀតនោះ ធ្វើឲ្យសត្វទន្សោងបណ្តាឲ្យងាប់តែម្តង។បច្ចុប្បន្នសត្វទន្សោងមួយក្បាលនោះ ត្រូវបានដឹកយកទៅទីស្នាក់ការកណ្តាលសហគមន៍ព្រៃសង្ឃរុក្ខាវ័ន ដើម្បីធ្វើពិធីបង្សុកូល និងកប់នៅទីនោះ។គួរបញ្ជាក់ថា កន្លងមកនៅចំណុចព្រៃសង្ឃរុក្ខាវ័ន្ត ទោះបីមានកម្លាំងសហគមន៍រួមទាំងកម្លាំងបរិស្ថាន ព្រះសង្ឃធ្វើការទប់ស្កាត់ការពារយ៉ាងណាក្តី ក៏នៅតែមានជនខិលខូចដែលជាព្រានព្រៃលប លួចចូលធ្វើសកម្មភាពដាក់អន្ទាក់សត្វ ឬក៏បរបាញ់បានដោយរលូនផងដែរ៕អត្ថបទ៖ ឃិន សារិទ្ធ

កម្ពុជារកឃើញករណីឆ្លងកូវីដចំនួន ៥៥២នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៥៥២នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ៥៣៩នាក់ ។ប៉ុន្ដែក្រសួង បានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២៥,៧៥៣នាក់នៅទូទាំងប្រទេស។ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១២០,១៦៥នាក់ហើយ ត្រូវបានព្យាបាលជាសះស្បើយឡើងវិញ៕

ករណីអូមីក្រុង ត្រូវបានរកឃើញបន្ថែមទៀត ក្នុងសហគមន៍ខេត្តឧត្តរមានជ័យ

ឧត្តរមានជ័យ៖ លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បានអំពាវនាវឲ្យប្រជាពលរដ្ឋ ត្រូវបង្កើនការប្រុងប្រយ័ត្នបន្ថែមទៀតឱ្យបានខ្ពស់ ខណៈថ្មីៗនេះ មានអ្នកឆ្លងអូរមីក្រុង និងកំពុងបន្តកើនឡើងក្នុងសហគមន៍។លោកវេជ្ជបណ្ឌិត ឃ្លោក ហួត បានឲ្យដឹងថា ប្រជាពលរដ្ឋក្នុងសហគមមន៍ ខេត្តឧត្ដរមានជ័យ ៣១ នាក់ហើយ ត្រូវបានរកឃើញឆ្លងអូមីក្រុង តែ១០នាក់ ត្រូវបានក្រុមគ្រូពេទ្យព្យាបាលជាសះស្បើយ វិញហើយ។លោកវេជ្ជបណ្ឌិត បានបញ្ជាក់ថា ការឆ្លងរីករាលដាលជំងឺនេះ ដោយសារពលរដ្ឋ មិនអនុវត្តវិធាន ការការពារឱ្យបានល្អ នៅតែមានការជួបជុំគ្នាក្នុងកម្មពិធីផ្សេងៗ។ លោកវេជ្ជបណ្ឌិត បានអំពាវនាវឲ្យប្រជាពលរដ្ឋបង្កើនការប្រុងប្រយ័ត្ន ចំណែកអ្នកដែលពុំទាន់បានទទួលការចាក់វ៉ាក់សាំងដូសជំរុញទី៣ និងដូស ជំរុញទី៤ ត្រូវទៅទទួលការចាក់ឲ្យបានលឿន ខណៈអូមីក្រុង កំពុងរាតត្បាតចូលដល់សហគមន៍ហើយនោះ៕អត្ថបទ៖ ឃិន សារិទ្ធ

កម្ពុជារកឃើញករណីឆ្លងកូវីដចំនួន ៤១៤នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៤១៤នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ៣៨៨នាក់ ។ប៉ុន្ដែក្រសួង បានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២៥,២០១នាក់នៅទូទាំងប្រទេស។ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៩,៨៨០នាក់ហើយ ត្រូវបានព្យាបាលជាសះស្បើយឡើងវិញ៕

Update .តុលាការសម្រេច ឃុំខ្លួនជនជាតិចិនម្នាក់ ដែលគេចខ្លួនជិត២ឆ្នាំ ក្រោយធ្វើសកម្មភាពចាប់ជំរិតជនជាតិចិនដូចគ្នា

ភ្នំពេញ ៖ បុរសជនជាតិចិនម្នាក់ ដែលគេចខ្លួនជិត២ឆ្នាំ ត្រូវបានកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ ចាប់ខ្លួន បន្ទាប់ពីធ្វើសកម្មភាព ចាប់ជំរិតជនជាតិចិនដូចគ្នា នារសៀល ថ្ងៃទី១៧ ខែកុម្ភៈ ឆ្នាំ២០២២ ត្រូវបានសមត្ថកិច្ចបញ្ជូនខ្លួនជនត្រូវចោទ ទៅកាន់សាលាដំបូងរាជធានីភ្នំពេញ ដើម្បីបន្តនីតិវិធី។លោក ហន សុខេមរិន ចៅក្រមស៊ើបសួរសាលាដំបូងរាជធានីភ្នំពេញ ក្រោយបើកការស៊ើបសួរ ចោទប្រកាន់ជាផ្លូវការ រហូតសម្រេច ឃុំខ្លួនជនត្រូវចោទនៅពន្ធនាគារជាបណ្តោះអាសន្ន។សូមបញ្ជាក់ថា ប្រតិបត្តិការឃាត់ខ្លួនបានធ្វើឡើងនៅព្រឹកថ្ងៃទី ទី១៧ ខែកុម្ភៈ ឆ្នាំ២០២២ នៅចំណុចមុខកាស៊ីណូណាហ្គា២ មូលដ្ឋានសង្កាត់ទន្លេបាសាក់ ខណ្ឌចំការមន រាជធានីភ្នំពេញ តាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ។ជនត្រូវចោទដែលជាជនជាតិចិនរូបនេះមានឈ្មោះ យី សោស៊ែន កាលពីថ្ងៃទី៧ ខែកក្កដា ឆ្នាំ២០២០កន្លងទៅ ត្រូវបានលោក ហន សុខេមរិន ចៅក្រមស៊ើបសួរសាលាដំបូងរាជធានីភ្នំពេញ ចេញដីកាបង្គាប់ឲ្យចាប់ខ្លួនពាក់ព័ន្ធបទល្មើសលួចមានស្ថានទម្ងន់ទោសដោយសារការធ្វើទារុណកម្ម ឬ អំពើឃោរឃៅ តាមមាត្រា៣៥៣និង៣៥៩ នៃក្រមព្រហ្មទណ្ឌ ។ ដែលបានប្រព្រឹត្តកាលពីថ្ងៃទី៣០ ខែមេសា ឆ្នាំ២០២០ នៅខុនដូ ភាឡាឡេស បន្ទប់លេខ២១០៥ ផ្លូវលេខ៣៦៦ សង្កាត់ទួលស្វាយព្រៃទី១ ខណ្ឌបឹងកេងកង ។បច្ចុប្បន្នជនត្រូវចោទ ត្រូវបាននគរបាលបញ្ជូនទៅឃុំខ្លួននៅពន្ធនាគារ ម.១ ជាបណ្តោះអាសន្ន៕ អត្ថបទ៖ កុម្ភះ

កម្ពុជារកឃើញករណីឆ្លងកូវីដចំនួន ៤៤៤នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៤៤៤នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ៤៣០នាក់ ។ប៉ុន្ដែក្រសួង បានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២៤,៧៨៧នាក់នៅទូទាំងប្រទេស។ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៩,៦៣៣នាក់ហើយ ត្រូវបានព្យាបាលជាសះស្បើយឡើងវិញ៕

រដ្ឋបាលរាជធានីភ្នំពេញ នឹងចាត់វិធានការតាមច្បាប់ និងគ្មានការលើកលែង ប្រសិនបើអតីតបុគ្គលិកណាហ្គាបន្តធ្វើបាតុកម្ម

ភ្នំពេញ៖ រដ្ឋបាលរាជធានីភ្នំពេញ បានចេញសេចក្តីជូនដំណឹងថា នឹងចាត់វិធានការរដ្ឋបាលផ្លូវច្បាប់ និងគ្មានការលើកលែងនោះទេ ចំពោះអតីតបុគ្គលិកណាហ្គាវើលដ៍ ប្រសិនបើនៅបន្តរឹងរូសធ្វើបាតុកម្មដោយគ្មានការអនុញ្ញាត ។យោងតាមសេចក្តីជូនដំណឹងរបស់ រដ្ឋបាលរាជធានីភ្នំពេញ ដែលទូរទស្សន៍BTVទទួលបាននាថ្ងៃទី ១៥ ខែកុម្ភៈ ឆ្នាំ២០២២នេះ បានលើកឡើងថា រដ្ឋបាលរាជធានីភ្នំពេញបានខិតខំសម្របសម្រួលគ្រប់លទ្ធភាព តាមរយៈការស្នើទៅក្រសួងការពារ និងបណ្តុះបណ្តាលវិជ្ជាជីវៈឲ្យអញ្ជើញភាគីពាក់ព័ន្ធទៅដោះស្រាយតាមយន្តការច្បាប់ ប៉ុន្តែក្រុមបាតុករនៅតែបន្តសកម្មភាពរបស់ខ្លួនដដែលជាដដែល ហើយថា ការបន្តធ្វើបាតុកម្មរយៈពេល៤៩ថ្ងៃ រហូតបានរកឃើញវិជ្ជមានម្នាក់ និងបន្តរកឃើញជាបន្តបន្ទាប់ ខណៈបាតុករមួយចំនួនមិនព្រមសហការយកសំណាកនៅកោះពេជ្រ។តាមសេចក្តីជូនដំណឹងរបស់រដ្ឋបាលរាជធានីភ្នំពេញ ដដែលបានលើកឡើងទៀតថាក្នុងរយៈពេលនៃការធ្វើបាតុកម្មខុសច្បាប់ សកម្មភាពនេះ បានបង្កឲ្យប៉ះពាល់យ៉ាងធ្ងន់ធ្ងរដល់សណ្តាប់ធ្នាប់ របៀបរៀបរយសាធារណៈ ការកកស្ទះចរាចរ ព្រមទាំងបង្ករការរំខានដល់ការប្រកបរបរអាជីវកម្ម និងការងារប្រចាំថ្ងៃរបស់ពលរដ្ឋជាដើមនោះ។យ៉ាងណាក៏ដោយរដ្ឋបាលភ្នំពេញ បានព្រមានថា ដើម្បីទប់ស្កាត់ការរាលដាលកូវីដ-១៩ ជាពិសេសអូមីក្រុង ក៏ដូចជាការធានាបាននូវសន្តិសុខ សណ្តាប់ធ្នាប់ សាធារណៈ អាជ្ញាធរមិនអនុញ្ញាតដាច់ខាតឲ្យមានការប្រមូលផ្តុំធ្វើសកម្មភាពបាតុកម្មរបស់អតីត និងបុគ្គលិកណាហ្គាវើលដ៍នៅក្នុងសង្កាត់ទន្លេបាសាក់ ខណ្ឌចំការមនឡើយ។ ប្រសិនបើ«មានការរឹងរូស បន្តសកម្មភាព រដ្ឋបាលភ្នំពេញ នឹងចាត់វិធានការរដ្ឋបាល និងវិធានការច្បាប់ដោយគ្មានការលើកលែងនោះឡើយ»៕ អត្ថបទ៖ បាន ចក់

សត្វផ្សោតមួយក្បាលចុងក្រោយនៅអន្លង់កោះឈើទាល ដងទន្លេមេគង្គលើ បានងាប់ផុតពូជហើយ

ស្ទឹងត្រែង៖ នៅព្រឹកថ្ងៃទី១៥ខែកុម្ភៈនេះ លោក ផយ វណ្ណា សមាជិកសហគមន៍អេកូទេសចរណ៍ ផ្សោតព្រះរំកិល បានបញ្ជាក់ថា សត្វផ្សោតដ៏កម្រ នៅសល់ចុងក្រោយមួយក្បាល បានងាប់ផុតពូជទៅហើយ ដោយសារកន្ទុយជាប់មង ពេលកន្លងទៅ ព្រោះចាប់ចំណីមិនបាន ហែលមិនរួច និងមិនមានអង្គការ ឬមន្ត្រីជំនាញណាអាចជួយសង្គ្រោះបាន ។លោកបន្តថា នៅពេលដែលពិនិត្យការស្លាប់របស់វា មានសភាពស្គមស្គាំង និងនៅលើខ្លួនមានស្នាមដំបៅ ដោយសាជាប់មង ហើយចាប់ពីពេលនោះទៅ នៅអន្លង់កោះឈើទាលនេះ ផុតពូជសត្វផ្សោតហើយ។លោក រស់ វាសនា ភ្ញៀវទេចរមកពីស្រុកសន្ទុក ខេត្តកំពុងធំ បានសម្ដែងការសោកស្ដាយ ព្រោះសត្វផ្សោតដ៏កម្រនេះ មានតែនៅទន្លេមេគង្គលើតែប៉ុណ្ណោះ ហើយភ្ញៀវទេសចរកំពុងពេញនិយមជិះទូកទស្សនាវាហែលលេងទៅមក ដែលជាចំណែកមួយបំរើឱ្យវិស័យទេសចរណ៍ធម្មជាតិ។លោក អ៊ន ប៉ោសឿន ប្រធានមន្ទីទេសចរណ៍ខេត្តស្ទឹងត្រែង បានបញ្ជាក់ថា៖ ករណីនេះ ដោយសារតែខាងភាគីឡាវ នៅជិតតំបន់អន្លង់អភិរក្សផ្សោតមិនបានចូលរួមអភិរក្ស ចេះតែមកដាក់មង ដោយមិនគិតពីផលប៉ះពាល់មកដល់ជីវិតសត្វផ្សោត ក្នុងភូមិសាស្ត្រទន្លេមេគង្គនៅជាប់គ្នា៕អត្ថបទ៖ ផល្លា

បណ្ដាញសង្គម

ព័ត៌មានថ្មីៗ

រដ្ឋសភាបញ្ជូនសេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភាទៅក្រុមប្រឹក្សាធម្មនុញ្ញ

រាជរដ្ឋាភិបាលកម្ពុជាបានតវ៉ាជាផ្លូវការជាថ្មីទៀត ចំពោះសកម្មភាពខុសច្បាប់របស់ថៃកាន់កាប់នៅតំបន់ភូមិជោគជ័យ និងច្រកទ្វារអន្តរជាតិអូរស្មាច់

ក្រសួងការងារលើកទឹកចិត្តអ្នកស្វែងរកការងាររៀនជំនាញទន់បន្ថែម ដើម្បីត្រៀមខ្លួនមុនចូលទីផ្សារការងារ

ក្រសួងកសិកម្មជំរុញលើកទឹកចិត្តឱ្យប្រជាកសិករប្រើប្រាស់ថាមពលសូឡា ក្នុងបរិបទតម្លែប្រេងឥន្ធនៈឡើងថ្លៃ

អាហ្វហ្គានីស្ថាន រងការវាយប្រហារដោយរញ្ជួយដីកម្រិត ៥,៩ រ៉ិចទ័រ បណ្តាលឲ្យមនុស្សមួយចំនួនស្លាប់

ការវាយប្រហារនៅពេលថ្ងៃថ្មីរបស់រុស្ស៊ី បានសម្លាប់មនុស្សច្រើននាក់នៅអ៊ុយក្រែន

តំណាងរដ្ឋមន្រ្តីការពារជាតិ ចុះសួរសុខទុក្ខ និងជូនពរជ័យ សិរីសួស្តីដល់យោធិនដែលកំពុងបំពេញបេសកកម្មការពារបូរណភាពទឹកដី នៅសមរភូមិមុខ នៅទិសទី២ យោធភូមិភាគទី៤

សេតវិមានស្វែងរកថវិកាការពារជាតិ១,៥សែនកោដ៍ដុល្លារអាមេរិក ខណៈសង្គ្រាមនៅអ៊ីរ៉ង់ជំរុញការចំណាយ

យន្តហោះដែលត្រូវបានបាញ់ទម្លាក់ បង្កើនហានិភ័យថ្មីសម្រាប់លោកTrump ខណៈទីក្រុងតេអេរ៉ង់ ស្វែងរកអាកាសយានិកអាមេរិកដែលបាត់ខ្លួន

ប្រមុខការពារជាតិកម្ពុជាចុះសួរសុខទុក្ខ និងជូនពរជ័យសិរីសួស្តីដល់យោធិនដែលកំពុងបំពេញបេសកកម្មដ៏ឧត្តុង្គឧត្តមការពារបូរណភាពទឹកដីនៅសមរភូមិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ឆ្នាំ២០២១ គ្រោះមហន្តរាយបណ្ដាលឲ្យមនុស្សស្លាប់ និងរបួសជាង ២៣០នាក់

កម្ពុជារកឃើញករណីឆ្លងកូវីដចំនួន ៤៨៨នាក់ប្រភេទអូមីក្រុងទាំងអស់

សត្វទន្សោងជាប់អន្ទាក់ព្រាន ងាប់មួយក្បាលក្នុងព្រៃសង្ឃរុក្ខាវ័ន

កម្ពុជារកឃើញករណីឆ្លងកូវីដចំនួន ៥៥២នាក់ប្រភេទអូមីក្រុងទាំងអស់

ករណីអូមីក្រុង ត្រូវបានរកឃើញបន្ថែមទៀត ក្នុងសហគមន៍ខេត្តឧត្តរមានជ័យ

កម្ពុជារកឃើញករណីឆ្លងកូវីដចំនួន ៤១៤នាក់ប្រភេទអូមីក្រុងទាំងអស់

កម្ពុជារកឃើញករណីឆ្លងកូវីដចំនួន ៤៤៤នាក់ប្រភេទអូមីក្រុងទាំងអស់

សត្វផ្សោតមួយក្បាលចុងក្រោយនៅអន្លង់កោះឈើទាល ដងទន្លេមេគង្គលើ បានងាប់ផុតពូជហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ឆ្នាំ២០២១ គ្រោះមហន្តរាយបណ្ដាលឲ្យមនុស្សស្លាប់ និងរបួសជាង ២៣០នាក់

កម្ពុជា​រក​ឃើញ​ករណី​ឆ្លង​​កូវីដចំនួន ៤៨៨នាក់ប្រភេទអូមីក្រុងទាំងអស់

សត្វទន្សោងជាប់អន្ទាក់ព្រាន ងាប់មួយក្បាលក្នុងព្រៃសង្ឃរុក្ខាវ័ន

កម្ពុជា​រក​ឃើញ​ករណី​ឆ្លង​​កូវីដចំនួន ៥៥២នាក់ប្រភេទអូមីក្រុងទាំងអស់

ករណីអូមីក្រុង ត្រូវបានរកឃើញបន្ថែមទៀត ក្នុងសហគមន៍ខេត្តឧត្តរមានជ័យ

កម្ពុជា​រក​ឃើញ​ករណី​ឆ្លង​​កូវីដចំនួន ៤១៤នាក់ប្រភេទអូមីក្រុងទាំងអស់

កម្ពុជា​រក​ឃើញ​ករណី​ឆ្លង​​កូវីដចំនួន ៤៤៤នាក់ប្រភេទអូមីក្រុងទាំងអស់

សត្វផ្សោតមួយក្បាលចុងក្រោយនៅអន្លង់កោះឈើទាល ដងទន្លេមេគង្គលើ បានងាប់ផុតពូជហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជារកឃើញករណីឆ្លងកូវីដចំនួន ៤៨៨នាក់ប្រភេទអូមីក្រុងទាំងអស់

កម្ពុជារកឃើញករណីឆ្លងកូវីដចំនួន ៥៥២នាក់ប្រភេទអូមីក្រុងទាំងអស់

កម្ពុជារកឃើញករណីឆ្លងកូវីដចំនួន ៤១៤នាក់ប្រភេទអូមីក្រុងទាំងអស់

កម្ពុជារកឃើញករណីឆ្លងកូវីដចំនួន ៤៤៤នាក់ប្រភេទអូមីក្រុងទាំងអស់