BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

ពលករខ្មែរជាង ១០០នាក់ត្រូវបានអាជ្ញាធរថៃ ចាប់បញ្ជូនមកតាមច្រកខេត្តបាត់ដំបង

បាត់ដំបង៖ ពលករខ្មែរចំនួន ១២០នាក់ ត្រូវបានអាជ្ញាធរថៃចាប់បញ្ជូនមកតាមច្រកតំបន់អូរអន្លក់ ក្នុងស្រុកកំរៀង ខេត្ដបាត់ដំបង ខណៈការបើកសាកល្បងទទួលពលករកម្ពុជា ចូលធ្វើការនៅក្នុងប្រទេសថៃ តាមច្រកទ្វារ ព្រំដែនអន្តរជាតិដូង-បានឡែម ចំនួនពីរថ្ងៃ មានពលរដ្ឋខ្មែរជាង ៦០នាក់ បានចូលទៅធ្វើការស្របច្បាប់ ក្នុងខេត្តចាន់បុរី ប្រទេសថៃ ។លោកវរសេនីយ៍ឯក ម៉ង់ ស៊ី មេបញ្ជាការវរៈ ៨១៩ កាលពីម្សិលមិញ បានចាត់កម្លាំងប៉ុស្តិ៍អូរអន្លក់ សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យ បានទទួលពលករវិលត្រឡប់មកស្រុកវិញ ដែលភាគីថៃបានបញ្ជូនមកតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្ដបាត់ដំបង ដែលមានពលករសរុបចំនួន១២០នាក់ ។បន្ទាប់ពីសាកសួរ និងអប់រំណែនាំអំពីវិធានការការពារការឆ្លងជំងឺកូវីដ-១៩ រួចដោយគោរពតាមវិ ធានការរបស់ក្រសួងសុខាភិបាល ក្រុមគ្រូពេទ្យ បានធ្វើតេស្តរហ័សជាលទ្ធផលអវិជ្ជមានកូវីដ-១៩ទាំងអស់ ក្នុងនោះ ពលករចំនួន៣២នាក់ បានបញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន ដោយសារមិនទាន់បានចាក់វ៉ាក់ការពារជំងឺកូវីដ-១៩ ។លោក មាស តារា ប្រធានមន្ទីរការងារ និងបណ្ដុះបណ្ដាលវិជ្ជាជីវៈ ខេត្ដបាត់ដំបង បានឱ្យដឹងថា ការបើកសាកល្បងទទួលពលករខ្មែរ ទៅកាន់ប្រទេសថៃ តាមច្រកទ្វាព្រំដែនអន្តរជាតិដូង-បានឡែម ចំនួន ពីរថ្ងៃ គឺថ្ងៃទី៨-៩ ខែធ្នូនេះ មានពលរដ្ឋកម្ពុជាបានឆ្លងដែនស្របច្បាប់ទៅធ្វើការនៅខេត្តចាន់បុរី ប្រទេសថៃ ចំនួន៦១នាក់។ក្នុងកិច្ចប្រជុំពិភាក្សាដើម្បីពង្រឹងកិច្ចសម្ព័ន្ធមេត្រីភាពសហប្រតិបត្ដិការ រវាងកម្ពុជា និងថៃ កាលពី ដើមខែវិច្ឆិកា ឆ្នាំ២០២១ ឯកឧត្ដម សុថេ ថងយ៉ាំ អភិបាលខេត្ដចាន់បុរី បានបញ្ជាក់ថា ពលករកម្ពុជា ដែល អាចឆ្លងដែនទៅបម្រើការងារនៅប្រទេសថៃ ត្រូវគោរពតាមលក្ខខណ្ឌ ដូចជា ពលករត្រូវមានថៅកែជាជន ជាតិថៃធានា និងកំណត់កាលបរិច្ឆេទធ្វើដំណើរឱ្យបានជាក់លាក់។ពលករត្រូវភ្ជាប់មកនូវលិតខិតធ្វើ ដំណើរឆ្លងដែន ដែលចេញដោយប្រទេសកម្ពុជា ឬលិខិតផ្សេងៗ ដែលចេញដោយក្រសួងការងារ និង តម្រូវឱ្យពលករភ្ជាប់មកជាមួយនូវឯកសារភស្ដុតាង បញ្ជាក់ថា ធ្វើតេស្ដអវិជ្ជមានជំងឺកូវីដ១៩ មិនឱ្យលើស ៧២ម៉ោងនោះទេ ព្រមនឹងបណ្ណចាក់វ៉ាក់សាំងបាន២លើក ដែលយ៉ាងហោចណាស់ ត្រូវបានចាក់វ៉ាក់លើស ពី១៤ថ្ងៃឡើង ។ឯកឧត្ដម បន្ថែមថា ពលករកម្ពុជា តម្រូវឱ្យធ្វើចត្តាឡីស័កយ៉ាងតិចបំផុត៧ថ្ងៃ និងត្រូវតេស្ដរកជំងឺ កូវីដ-១៩ពីរលើក ក្នុងពេលកំពុងធ្វើចត្តាឡីស័ក ដោយលើកទី១ ត្រូវតេស្ដនៅថ្ងៃដំបូងនៃការធ្វើចត្តាឡីស័ក និងតេស្ដលើកទី២ នៅថ្ងៃទី៦ ឬទី៧ នៃការធ្វើចត្តាឡីស័ក ហើយពលករកម្ពុជា ត្រូវបានអនុញ្ញាតឱ្យបម្រើ ការងារនៅក្នុងប្រទេសថៃ រយៈពេល៣០ថ្ងៃប៉ុណ្ណោះក្នុងការបោះត្រាម្ដង៕អត្ថបទ៖ នឿត សុភក្ត្រ

ករណីបង្ក្រាបគ្រឿងញៀននៅខេត្តកំពង់ស្ពឺ ដកហូតថ្នាំញៀន ១៤០០គីឡូក្រាម សមត្ថកិច្ចបាញ់សម្លាប់ជនជាតិចិនម្នាក់

កំពង់ស្ពឺ៖ កម្លាំងសមត្ថកិច្ចនគរបាល កាលពីយប់មិញ បានបើកប្រតិបត្តិការបង្រ្កាបគ្រឿងញៀនទ្រង់ទ្រាយធំ នៅទីតាំងកែច្នៃក្រុមហ៊ុនចិនមួយក្នុងខេត្តកំពង់ស្ពឺ និងបានបាញ់សម្លាប់ជនជាតិចិនម្នាក់ ដោយសារជនសង្ស័យបានបាញ់តដៃជាមួយកម្លាំងសមត្ថកិច្ច។កម្លាំងសមត្ថកិច្ច នៃមន្ទីរប្រឆាំងគ្រឿងញៀន នៃអគ្គស្នងការនគរបាលជាតិ កាលពីថ្ងៃទី១២ ខែធ្នូម្សិលមិញ បានសហការជាមួយកម្លាំងនគរបាល នៃស្នងការដ្ឋាននគរបាលរាជធានីខេត្តចំនួន៤ បង្ក្រាបករណីគ្រឿងញៀនទ្រង់ទ្រាយធំ នៅខេត្តកំពង់ស្ពឺ ដោយដកហូតថ្នាំញៀនបានចំនួន ១៤០០គីឡូក្រាម។ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន បានឲ្យដឹងថា ការបង្ក្រាប ករណីគ្រឿងញៀនដ៏ធំសម្បើមនេះ បានធ្វើឡើងនៅក្នុងរោងចក្រផលិតដំណាំស្វាយមួយកន្លែង ឈ្មោះ ហ្វាមអេស៊ាង.ក នៅក្នុងឃុំសង្កែសាទប ស្រុកឱរ៉ាល់ ខេត្តកំពង់ស្ពឺ នៅយប់រំលងអាធ្រាត្រ ឈានចូលថ្ងៃ ទី១២ ខែធ្នូនេះ ក្រោមកិច្ចសហប្រតិបត្តិការរួមគ្នារវាងមន្ទីរប្រឆាំងគ្រឿងញៀន សហការ និងស្នងការដ្ឋាន នគរបាលខេត្តកំពង់ស្ពឺ កោះកុង ព្រះសីហនុ និងរាជធានីភ្នំពេញ។លោកបានបញ្ជាក់ថា ក្នុងប្រតិបត្តិការបង្ក្រាបនេះ ក្រុមឈ្មួញគ្រឿងញៀន បានបាញ់មកលើកម្លាំង សមត្ថកិច្ច បណ្ដាលឱ្យមានការផ្ទុះអាវុធតទល់គ្នា បណ្ដាលឱ្យមានជនសង្ស័យម្នាក់ស្លាប់នៅនឹងកន្លែងនិងពីរនាក់ត្រូវបានចាប់ខ្លួន៕អត្ថបទ៖ ម៉ឺន កុម្ភៈ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១៥នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ១៥នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ ២នាក់ គឺមិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៨៩នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,៣៧០នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៧២០នាក់ហើយ ត្រូវបានព្យាបាលជាសះស្បើយឡើងវិញ៕

រថយន្តកូរ៉េដឹកទំនិញ បើកបុកជាមួយម៉ូតូជិះគ្នា២នាក់ បណ្តាលឲ្យរងរបួសធ្ងន់ត្រូវបញ្ជូនទៅសង្គ្រោះ

ភ្នំពេញ៖ រថយន្តកូរ៉េដឹកទំនិញមួយគ្រឿង បើកបរក្នុងល្បឿនលឿនក៏ជ្រុលទៅបុកជាមួយម៉ូតូមួយគ្រឿងដែលជិះគ្នា២នាក់បណ្តាលឲ្យរងរបួសធ្ងន់ ត្រូវបញ្ជូនទៅសង្គ្រោះបន្ទាន់ភ្លាមៗ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១០និង៣០នាទីព្រឹក ថ្ងៃទី១១ ខែធ្នូ ឆ្នាំ២០២១ ស្ថិតនៅតាមបណ្តោយផ្លូវ១០៣ ក្នុងសង្កាត់សំរោង ខណ្ឌព្រែកព្នៅ រាជធានីភ្នំពេញ។តាមប្រភពព័ត៌មានពីប្រជាពលរដ្ឋដែលរស់នៅកន្លែងកើតហេតុ បានប្រាប់ឱ្យដឹងថា នៅមុនពេលកើតហេតុគេបានឃើញរថយន្តកូរ៉េដឹកទំនិញ មួយគ្រឿងពណ៌ស ពាក់ស្លាកលេខ ភ្នំពេញ 2G-5971 ដោយបើកបរក្នុងទិសដៅពីកើតមកលិច មកដល់ត្រង់ចំណុចកើតហេតុ ស្រាប់តែបានបុកគ្នាជាមួយនឹងម៉ូតូមួយគ្រឿងទៀត ម៉ាកហុងដាឌ្រីសង់ សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1CS-0496 ដែលជិះបញ្ច្រាសទិសគ្នា ក្នុងនោះបានបណ្ដាលឲ្យមនុស្ស២នាក់ បានរងរបួសធ្ងន់ ត្រូវបានរថយន្តសាម៉ុយមកដឹកយកទៅសង្គ្រោះបន្ទាន់ នៅឯមន្ទីរពេទ្យភ្លាមៗផងដែរ។ក្រោយពេលកើតហេតុ ម្ចាស់រថយន្តត្រូវបានសមត្ថកិច្ចធ្វើការឃាត់ខ្លួនទុកនៅនឹងកន្លែង និងបានទាក់ទងទៅកម្លាំងសមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង យករថយន្ត និងម៉ូតូ ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមផ្លូវច្បាប់៕អត្ថបទ៖ កុម្ភះ

ថ្ងៃនេះ មានហេតុការណ៍អគ្គិភ័យពីរករណីក្នុងរាជធានី បំផ្លាញផ្ទះពលរដ្ឋជិត១០០ខ្នង

ភ្នំពេញ៖ នគរបាលបានឱ្យដឹងថា ក្នុងភូមិសាស្ត្ររាជធានីភ្នំពេញ នៅថ្ងៃទី១០ ខែធ្នូ ឆ្នាំ២០២១នេះ មានគ្រោះអគ្គិភ័យចំនួន២លើក បានឆាបឆេះផ្ទះប្រជាពលរដ្ឋ។ គ្រោះអគ្គិភ័យលើកទី១ បានកើតឡើងនៅវេលាម៉ោង៦ និង៣០នាទីព្រឹក ត្រង់តំបន់សំណង់មិនរៀបរយស្របតាមផ្លូវរថភ្លើង ស្ថិតក្នុងក្រុម៣៤ ក្រុម៣៥ និងក្រុម៣៩ ភូមិ៣ សង្កាត់ស្រះចក ខណ្ឌដូនពេញ។ អគ្គិភ័យនេះបានឆាបឆេះរយៈពេលជិត២ម៉ោង និងបានបំផ្លិចបំផ្លាញផ្ទះប្រជាពលរដ្ឋសរុបចំនួន ៨០ខ្នងផ្ទះ ដោយមិនមានគ្រោះថ្នាក់ដល់មនុស្សនោះទេ។ គ្រោះអគ្គីភ័យនេះ គឺបណ្ដាលមកពីឆ្លងចរន្តអគ្គិសនី។នគរបាលបន្ថែមថា ក្រោយមកនៅវេលាម៉ោង៨ និង១៥នាទីព្រឹកថ្ងៃដដែលនេះ គ្រោះអគ្គិភ័យមួយលើកទៀតបានកើតឡើងនៅតំបន់សំណង់មិនរៀបរយជាប់មាត់ទន្លេសាប ក្បែរផ្លូវជាតិលេខ៥ ស្ថិតក្នុងក្រុម៥ ភូមិ៣ សង្កាត់ច្រាំងចំរេះទី១ ខណ្ឌឫស្សីកែវ ដោយបានបំផ្លិចបំផ្លាញផ្ទះប្រជាពលរដ្ឋចំនួន១៧ខ្នងផ្ទះ ហើយគ្រោះអគ្គិភ័យនេះ ក៏បណ្ដាលមកពីឆ្លងចរន្តអគ្គិភ័យដែរ ។សមត្ថកិច្ច បានឱ្យដឹងទៀតថា គ្រោះអគ្គិភ័យលើកទី២នេះ មិនបណ្ដាលឱ្យមានគ្រោះថ្នាក់ដល់មនុស្សនោះទេ។ គ្រោះអគ្គីភ័យទាំង២លើកនេះ នគរបាលបង្ការ និងពន្លត់អគ្គិភ័យ និងក្រុមហ៊ុនឯកជនជាច្រើនបានចេញរថយន្តពន្លត់អគ្គិភ័យបាញ់ទឹកអន្តរាគមន៍ជាបន្តបន្ទាប់ផងដែរ៕អត្ថបទ៖ ក្រុមសន្តិសុខ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១៥នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ១៥នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ៣នាក់ គឺមិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៧៨នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,៣២៧នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៦៨០នាក់ហើយ ត្រូវបានព្យាបាលជាសះស្បើយឡើងវិញ៕

អភិបាលខណ្ឌទួលគោក ដឹកនាំកម្លាំងឆ្មក់ចុះបង្ក្រាប ទីតាំងអ៊ីនធើណែតបង្កប់ល្បែងស៊ីសងឃាត់ខ្លួនមនុស្ស៥នាក់

ភ្នំពេញ៖ លោក ជា ពិសី អភិបាលនៃគណៈអភិបាលខណ្ឌទួលគោក បានដឹកនាំ កម្លាំងគណៈបញ្ជាការឯកភាពរដ្ឋបាលខណ្ឌទួលគោក ចុះបង្ក្រាបល្បែងភ្នាល់បាល់ តាមប្រព័ន្ធអ៊ីនធ័រណេត មួយកន្លែងឃាត់ខ្លួនមនុស្ស៥នាក់ និងវត្ថុតាងមួយចំនួនទៀត។ប្រតិបត្តិការនេះ បានធ្វើឡើងនាវេលាម៉ោង ០៤ និង១១នាទីរសៀល ថ្ងៃទី៨ ខែធ្នូ ឆ្នាំ២០២១ ចំណុចទីតាំងអ៊ីនធើណែត យីហោ សេវាកម្មកុំព្យូទ័រ ស្ថិតនៅ ផ្ទះលេខ ២៥៦CE0 ផ្លូវ១៨២ ភូមិ៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។តាមប្រភពព័ត៌មានពីមន្រ្តីអាជ្ញាធរខណ្ឌទួលគោក បានឲ្យដឹង មុនឈានដល់ការឆ្មក់ចុះបង្ក្រាប់ទីតាំងបើកអ៊ីនធ័រណេត មួយកន្លែង ដែលលួចបង្កប់ការភ្នាល់បាល់តាមប្រព័ន្ធអនឡាញ កម្លាំងគណៈបញ្ជាការឯកភាពរដ្ឋបាលខណ្ឌទួលគោកបានទទួលព័ត៌មានរហូតស្រាវជ្រាវ និង បានចុះបង្ក្រាបជាក់ស្តែង ទីតាំងនេះតែម្ដង។ ប្រតិបត្តិការនេះ កម្លាំងគណៈបញ្ជាការឯកភាពខណ្ឌ បានធ្វើការឃាត់ខ្លួនមនុស្សចំនួន ០៥នាក់ រួមមាន បុគ្គលិកម្នាក់ និងអ្នកភ្នាល់៤នាក់ ព្រមទាំង បានដកហូតសម្ភារៈ រួមមានកុំព្យូទ័រចំនួន០៩ឈុត។បច្ចុប្បន្ននេះ ទីតាំងអ៊ីនធើណែត យីហោ សេវាកម្មកុំព្យូទ័រ ត្រូវបានអាជ្ញាធរបិទ ។ដោយឡែកមនុស្ស និងវត្ថុតាង ត្រូវបានបញ្ជូនទៅកាន់ អធិការដ្ឋាននគរបាលខណ្ឌ ដើម្បីអនុវត្តតាមនិតិវិធីច្បាប់បន្ត ៕អត្ថបទ៖ កុម្ភះ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១២នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ១២នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៣នាក់ទៀត បានស្លាប់ដោយសារជំងឺកូវីដ-១៩ អ្នកទាំងបីនាក់នេះ គឺមិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៧៤នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,៣១២នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៦៦៨នាក់ហើយ ត្រូវបានព្យាបាលជាសះស្បើយឡើងវិញ៕

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១៤នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ១៤នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ២នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៧១នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,៣០០នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៦៥៥នាក់ហើយ ត្រូវបានព្យាបាលជាសះស្បើយឡើងវិញ៕

អាជ្ញាធរខណ្ឌចំការមនចុះត្រួតពនិត្យទីតាំងអ៉ិនធើណែតបង្កប់ល្បែងស៉ីសង និងបិទភោជនីយដ្ឋានយីហោ ទួគី បង្កសម្លេងរំខានដល់អ្នកជិតខាង

ភ្នំពេញ៖ កម្លាំងគណៈបញ្ជាការឯកភាពខណ្ឌចំការមន បានឆ្មក់ចុះបង្ក្រាប់ទីតាំង internet មួយកន្លែងដែលកន្លងមកមានព័ត៌មានបានឲ្យដឹងថាមានបង្កប់ល្បែង តែពេលអាជ្ញាធរចុះដល់ទីតាំងអាជីវកម្មសេវាអ៉ិនធេីណេត ម្លប់ ជ្រៃ នោះពុំមានសកម្មភាពបេីកដំណេីរនោះទេ ដោយទីតាំងនេះមានស្នាមរុះរេី ចេញអស់ហេីយ និងបានចាក់សោរបិទជិត ។ និងបន្តចុះត្រួតពិនិត្យភោជនីយដ្ឋាន យីហោ ទួគី ដែលប្រជាពលរដ្ឋប្ដឹងថាបង្កសម្លេងរំខានដល់អ្នកជិតខាង។ប្រតិបត្តិការនេះធ្វើឡើងនៅរសៀលថ្ងៃចន្ទ ២កេីត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៦ ខែធ្នូ ឆ្នាំ២០២១ ដោយមានការបញ្ជាផ្ទាល់ពីលោក ថេង សុថុល អភិបាល នៃគណៈអភិបាលខណ្ឌចំការមន ក្រុមការងាររដ្ឋបាលខណ្ឌចំការមន ដឹកនាំដោយលោក យស យុទ្ធី អភិបាលរងខណ្ឌចំការមន បានចុះត្រួតពិនិត្យទីតាំងអាជីវកម្ម ចំនួន ០២ទីតាំង រួមមាន៖ទីតាំងទី១. អាជីវកម្មសេវាអ៉ិនធេីណេត ម្លប់ ជ្រៃ ដែលស្ថិតនៅផ្លូវលេខ៤៧៤ ភូមិ៨ សង្កាត់បឹងត្របែក ខណ្ឌចំការមន ក្រុមការងារបានត្រួតពិនិត្យឃេីញថា ទីតាំងខាងលេីពុំមានសកម្មភាពបេីកដំណេីរនោះទេ ដោយទីតាំងនេះមានស្នាមរុះរេី ចេញអស់ហេីយ និងបានចាក់សោរបិទជិត (គ្មានមនុស្សនៅខាងក្នុងនោះទេ)។ និងទីតាំងទី២. ភោជនីយដ្ឋាន យីហោ ទួគី ដែលស្ថិតនៅផ្លូវលេខ១៣៥ សង្កាត់ទួលទំពូងទី១ ខណ្ឌចំការមន ដែលមានបណ្ដឹង និងបង្កសំឡេងរំខានដល់អ្នកជិតខាង។ សូមបញ្ចាក់ផងដែរ ទីតាំងភោជនីយដ្ឋាន ពុំទាន់មានលិខិតអនុញ្ញាត(អាជ្ញាប័ណ្ណទេសចរណ៍)។ក្រោយប្រតិបត្តិការអាជ្ញាធរបាន ណែនាំដល់ម្ចាស់អាជីវកម្មមិនឱ្យមានការប្រគុំតន្ត្រី នឹងបង្កសម្លេងរំខានដល់អ្នកជិតខាង និងស្នើរសុំលិខិតអនុញ្ញាតប្រកបអាជីវកម្ម ករណីម្ចាស់អាជីវកម្មមិនអនុវត្តតាមការណែនាំទេ នោះអាជ្ញាធរនិងដកហូតឧបករណ៍ប្រគុំតន្ត្រី មិនទទួលខុសត្រូវរាល់ការខូចខាតឡើយ និងបិទទីតាំងអាជីវកម្ម ជាស្ថាពរ៕អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

អគ្គិភ័យឆាបឆេះរោងចក្រចម្រាញ់ប្រេង Lavan របស់អ៊ីរ៉ង់ រយៈពេលប៉ុន្មានម៉ោងក្រោយមានបទឈប់បាញ់

អារ៉ាប់រួម គូវ៉ែត បារ៉ែន រាយការណ៍ការវាយប្រហារ បើទោះបីជាមានបទឈប់បាញ់អ៊ីរ៉ង់-អាមេរិក

ក្រុមហ៊ុន VINCI Airports ប្ដេជ្ញាបន្តចូលរួមជាមួយរាជរដ្ឋាភិបាល ដើម្បីជំរុញ និងអភិវឌ្ឍឧស្សាហកម្មអាកាសចរណ៍នៅកម្ពុជា

អនុប្រធានាធិបតីអាមេរិក លោក Vance បញ្ជាក់ថា ជម្លោះអ៊ុយក្រែន គឺ «ពិបាកដោះស្រាយបំផុត»

លោក Trump ប្រាប់ថា គ្មានការបង្កើនសារធាតុអ៊ុយរ៉ានីញ៉ូមនៅអ៊ីរ៉ង់ទេ និងសន្យាដាក់ពន្ធ ៥០% លើអ្នកផ្គត់ផ្គង់អាវុធ

បែលហ្ស៊ិកក្លាយជាចំណុចចេញដំណើរថ្មីសម្រាប់ជនអន្តោប្រវេសន៍ទៅកាន់អង់គ្លេស

ជប៉ុនអះអាងថា ការបាញ់មីស៊ីលចុងក្រោយរបស់កូរ៉េខាងជើងពិតជាមិនអាចទទួលយកបាននោះទេ

អារម្មណ៍ច្របូកច្របល់នៅទីក្រុងតែល អាវីវ ចំពោះការប្រកាសបទឈប់បាញ់សង្រ្គាមអ៊ីរ៉ង់របស់លោក Trump

ពលរដ្ឋលីបង់សង្ឃឹមថា នឹងមានការរាប់បញ្ចូលពួកគេនៅក្នុងបទឈប់បាញ់សហរដ្ឋអាមេរិក-អ៊ីរ៉ង់

អគារនៅក្នុងទីក្រុងបាកដាដ ប្រទេសអ៊ីរ៉ាក់ រងការខូចខាតដោយសាការវាយប្រហាររបស់កាំជ្រួចផ្លោង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ពលករខ្មែរជាង ១០០នាក់ត្រូវបានអាជ្ញាធរថៃ ចាប់បញ្ជូនមកតាមច្រកខេត្តបាត់ដំបង

ករណីបង្ក្រាបគ្រឿងញៀននៅខេត្តកំពង់ស្ពឺ ដកហូតថ្នាំញៀន ១៤០០គីឡូក្រាម សមត្ថកិច្ចបាញ់សម្លាប់ជនជាតិចិនម្នាក់

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១៥នាក់នៅថ្ងៃនេះ

រថយន្តកូរ៉េដឹកទំនិញ បើកបុកជាមួយម៉ូតូជិះគ្នា២នាក់ បណ្តាលឲ្យរងរបួសធ្ងន់ត្រូវបញ្ជូនទៅសង្គ្រោះ

ថ្ងៃនេះ មានហេតុការណ៍អគ្គិភ័យពីរករណីក្នុងរាជធានី បំផ្លាញផ្ទះពលរដ្ឋជិត១០០ខ្នង

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១៥នាក់នៅថ្ងៃនេះ

អភិបាលខណ្ឌទួលគោក ដឹកនាំកម្លាំងឆ្មក់ចុះបង្ក្រាប ទីតាំងអ៊ីនធើណែតបង្កប់ល្បែងស៊ីសងឃាត់ខ្លួនមនុស្ស៥នាក់

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១២នាក់នៅថ្ងៃនេះ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម ១៤នាក់នៅថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ពលករខ្មែរជាង ១០០នាក់ត្រូវបានអាជ្ញាធរថៃ ចាប់បញ្ជូនមកតាមច្រកខេត្តបាត់ដំបង

ករណីបង្ក្រាបគ្រឿងញៀននៅខេត្តកំពង់ស្ពឺ ដកហូតថ្នាំញៀន ១៤០០គីឡូក្រាម សមត្ថកិច្ចបាញ់សម្លាប់ជនជាតិចិនម្នាក់

រថយន្តកូរ៉េដឹកទំនិញ បើកបុកជាមួយម៉ូតូជិះគ្នា២នាក់ បណ្តាលឲ្យរងរបួសធ្ងន់​ត្រូវ​បញ្ជូន​ទៅ​សង្គ្រោះ

ថ្ងៃនេះ មានហេតុការណ៍អគ្គិភ័យពីរករណីក្នុងរាជធានី បំផ្លាញផ្ទះពលរដ្ឋជិត១០០ខ្នង

អភិបាលខណ្ឌទួលគោក ដឹកនាំកម្លាំងឆ្មក់ចុះបង្ក្រាប ទីតាំងអ៊ីនធើណែតបង្កប់ល្បែងស៊ីសងឃាត់ខ្លួនមនុស្ស៥នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រថយន្តកូរ៉េដឹកទំនិញ បើកបុកជាមួយម៉ូតូជិះគ្នា២នាក់ បណ្តាលឲ្យរងរបួសធ្ងន់ត្រូវបញ្ជូនទៅសង្គ្រោះ