BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

រថយន្តសាំយ៉ុងមួយគ្រឿងដាច់ហ្វ្រាំជ្រុលទៅបុករថយន្តមួយគ្រឿងទៀត បណ្តាលឲ្យមនុស្ស៦នាក់រងរបួសធ្ងន់ស្រាល

កំពង់ចាម ៖ មានករណីរថយន្តសាំយ៉ុងមួយគ្រឿងដាច់ហ្វ្រាំជ្រុលទៅបុករថយន្តមួយគ្រឿងទៀត បណ្តាលឲ្យមនុស្ស ៦នាក់ រងរបួសធ្ងន់ស្រាល នៅចំណុចរង្វង់មូលគល់ស្ពានគីហ្សូណា ខេត្តកំពង់ចាម ។ករណីគ្រោះថ្នាក់ចរាចរណ៍កើតឡើងនៅថ្ងៃទី២៥ ខែវិច្ឆិកា ឆ្នាំ២០២១ វេលាម៉ោង ៩នឹង៣០នាទី នៅចំណុចរង្វង់មូលគល់ស្ពានគីហ្សូណា ស្ថិតក្នុងភូមិទី៣ សង្កាត់វាលវង់ ក្រុងកំពង់ចាម ខេត្តកំពង់ចាម រវាងរថយន្តម៉ាកសាំយ៉ុងពណ៌ទឹកប្រាក់ ពាក់ស្លាកលេខភ្នំពេញ 2T. 9750 បើកបរពីទិសដៅ ពីកើតទៅលិច បើកបញ្ច្រាសរង្វង់មូលទៅបុកប៉ះ និងរថយន្តម៉ាក ហ្វុយហ្សូ ពណ៌បៃតង ពាក់ស្លាកលេខ ចង្កូតស្ដាំ KCH.0038 សណ្តោងសឺមីរ៉ឺម៉ក ពាក់ស្លាកលេខ កំពង់ចាម 4A.0397 (ដឹកស្រូវចំនួន២៥តោន) ។ក្នុងហេតុការណ៍នេះ មិនបណ្តាលឲ្យមនុស្សបាត់បង់អាយជីវិតឡើយ ប៉ុន្តែ មានមនុស្ស៦នាក់រងរបួសធ្ងន់ស្រាល នឹងបានបញ្ជូនទៅមន្ទីរពេទ្យខេត្តភ្លាមៗ។បច្ចុប្បន្ន កងកម្លាំងសមត្ថកិច្ចយកវត្ថុតាងទាំងពីរមករក្សាទុកជាបណ្ដោះអាសន្ន នៅអធិការដ្ឋាននគរបាលក្រុងកំពង់ចាម និងកសាងសំណុំរឿងតាមនីតិវិធី៕

ជនសង្ស័យម្នាក់ ក្នុងចំណោមបក្ខពួក២នាក់ លួចកាច់.កម៉ូតូមិនសម្រេចត្រូវពលរដ្ឋចាប់ ប្រគល់ឲ្យសមត្ថកិច្ច

ភ្នំពេញ៖ ជនសង្ស័យម្នាក់ ក្នុងចំណោមបក្ខពួក២នាក់ ដែលលួចកាច់សោរ.កម៉ូតូ មួយគ្រឿងមិនសម្រេច ត្រូវប្រជាពលរដ្ឋដេញចាប់ប្រគល់ឲ្យសមត្ថកិច្ច កាលពីវេលាម៉ោង ១២ និង០០នាទីថ្ងៃត្រង់ ថ្ងៃទី២៥ខែវិច្ឆិកា ឆ្នាំ២០២១ ស្ថិតនៅតាមបណ្តោយមហាវិថីព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។សមត្ថកិច្ច បានឲ្យដឹងថា ម្ចាស់ម៉ូតូឈ្មោះ អ៊ុ ស្រី អាយុជាង៥០ឆ្នាំ ស្នាក់នៅម្តុំទីតាំងកើតហេតុ មានស្រុកកំណើតក្នុងខេត្តកណ្តាល។ ជនសង្ស័យ មានឈ្មោះ សំ ញ៉ាញ់ ភេទប្រុសអាយុ២៦ឆ្នាំ ស្នាក់នៅបន្ទប់ជួល ក្នុងភូមិសាមគ្គីសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។តាមប្រភពព័ត៌មាននៅកន្លែងកើតហេតុ បានប្រាប់ឲ្យដឹងថា មុនពេលកើតហេតុ ជនរងគ្រោះជាម្ចាស់ម៉ូតូម៉ាក ហុងដាឌ្រឹមសង់សេ១២៥ សេរីឆ្នាំ២០១៦ ពាក់ស្លាកលេខ 1FP-2668 ទុកចោលនៅចិញ្ចើមផ្លូវ ខណៈពេលនោះ ជនរងគ្រោះបានចុះទៅបត់ជើងតូច ស្រាប់តែពេលនោះ ក៏លេចមុខជនសង្ស័យ២នាក់ ក្នុងចំណោមបក្ខពួកម្នាក់ បានមកធ្វើសកម្មភាពលួចកាច់សោរ.កម៉ូតូ តែមិនបានសម្រេច ក៏ត្រូវជនរងគ្រោះឃើញទាន់ស្រែកផ្អើលឆាឡោថា ចោរៗ ភ្លាមៗនោះ ប្រជាពលរដ្ឋនាំគ្នាដេញតាមចាប់ឃាត់បានម្នាក់ រឺឯម្នាក់ទៀតបានរត់គេចខ្លួន។ក្រោយកើតហេតុ កម្លាំងសមត្ថកិច្ចបានឃាត់ខ្លួនយកទៅប៉ុស្តិ៍នគរបាលរដ្ឋបាលស្រះចក ដើម្បីធ្វើការសួរនាំ និងកសាងសំណុំរឿងចាត់ការបន្តតាមផ្លូវច្បាប់៕អត្ថបទ៖ កុម្ភះ

សមត្ថកិច្ចខេត្តស្ទឹងត្រែង រឹបអូសគ្រឿងញៀនប្រមាណ១៧០គីឡូក្រាមពីក្រុមឧក្រិដ្ឋជនឡាវ

ស្ទឹងត្រែង ៖ សមត្ថកិច្ចខេត្តស្ទឹងត្រែង កាលពីព្រលប់ថ្ងៃទី២៤ ខែវិច្ឆិកានេះ បានធ្វើការបង្ក្រាបករណីជួញដូរគ្រឿងញៀនមួយរបស់ក្រុមឧក្រិដ្ឋកម្មជនឡាវ និងបានរឹបអូសគ្រឿងញៀនចំនួន១៧០កញ្ចប់ធំ ដែលតាមការប៉ាន់ ស្មានគឺប្រមាណ១៧០គីឡូក្រាម។កម្លាំងនគរបាលវរការពាព្រំដែនប៉ុស្ដិ៍អូរស្វាយ និងកម្លាំងប្រតិបត្តិការសឹករងស្រុកបូរីអូរស្វាយ ខេត្ត ស្ទឹងត្រែង បានសហការគ្នាប្រតិបត្តិការបង្ក្រាបករណីដឹកជញ្ជូនគ្រឿងញៀនតាមទូក ក្នុងគោលបំណងជួញដូរ ដែលមានប្រភពចេញមកពីប្រទេសឡាវ។សមត្ថកិច្ច បានឱ្យដឹងថា គ្រឿងញៀនទាំងនេះ ត្រូវបានក្រុមឧក្រិដ្ឋជនដឹកតាមទូកចេញមកពីកោះ ស្ដាំ ក្នុងទឹកដីឡាវ ហើយឆ្លងចូលមកទឹកដីកម្ពុជា ត្រូវកម្លាំងសមត្ថកិច្ចនគរបាលវរការពារព្រំដែន ដែល កំពុងចេញល្បាត ដេញស្ទាក់ឃាត់បាននៅចំណុចក្បាលកោះល្ង ក្នុងស្រុកបូរីអូរស្វាយសែនជ័យ ។សមត្ថកិច្ច មិនបានឃាត់ខ្លួនឧក្រិដ្ឋជួញដូរគ្រឿងញៀនទាំងនោះទេ ដោយសារពួកគេគេចខ្លួនបាន ចំណែកគ្រឿងញៀន ដែលរឹបអូសបាន ត្រូវបានប្រគល់ជូនសមត្ថកិច្ចជំនាញ នៃការិយាល័យប្រឆាំងគ្រឿងញៀនស្នងការខេត្តស្ទឹងត្រែង ៕អត្ថបទ៖ មាស ផល្លា

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម៣២នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស៣២នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ៣នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩១៨នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,០០៩នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៣៨៧នាក់ហើយ ត្រូវបានព្យាបាលជាសះស្បើយឡើងវិញ៕

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ទូទាំងប្រទេសមកនៅត្រឹម៣៤នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស៣៤នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៥នាក់ទៀត បានស្លាប់ដោយសារជំងឺកូវីដ-១៩ ក្នុងនោះ៣នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩១៤នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១១៩,៩៧៧នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៣៥៧នាក់ហើយ ត្រូវបានព្យាបាលជាសះស្បើយឡើងវិញ៕

តុលាការសម្រេចឃុំខ្លួនបណ្ដោះអាសន្ន មន្ដ្រីយោធា៣នាក់ទៀត ក្នុងករណីជួញដូរអាវុធជាច្រើនដើមនៅបាត់ដំបង

បាត់ដំបង ៖ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនមន្ដ្រីយោធា៣នាក់ទៀត តាមការចោទប្រកាន់របស់តំណាងអយ្យការ នៅក្នុងសំណុំរឿងជួញដូរអាវុធជាច្រើនដើម ក្នុងខេត្តបាត់ដំបង។សំណុំរឿងជួញដូរអាវុធជាច្រើនដើមក្នុងភូមិសាស្ត្រខេត្តបាត់ដំបង និងឈានដល់មានការឃាត់ខ្លួនមនុស្សមួយចំនួន មានទាំងថ្នាក់ឧត្ដមសេនីយ៍យោធាផងដែរ មកដល់ព្រឹកថ្ងៃទី២៤ ខែវិច្ឆិកា ឆ្នាំ២០២១ លោក ហម ម៉េងសែ អនុប្រធានសាលាដំបូងរាជធានីភ្នំពេញ និងជាចៅក្រមស៊ើបសួរក្នុងសំណុំរឿងនេះ បានសម្រេចឃុំខ្លួនមនុស្ស៣នាក់ទៀត សរុបចំនួន៧នាក់ហើយ ក្នុងសំណុំរឿងជួញដូរអាវុធនេះ។ការសម្រេចចេញដីកាបង្គាប់ឱ្យឃុំខ្លួនមន្ដ្រីយោធាទាំងនេះ គឺតាមការចោទប្រកាន់របស់លោក ប្លង់ សុផល ព្រះរាជអជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី២៣ ខែវិច្ឆិកា ឆ្នាំ២០២១ ដែលបានចោទមន្ដ្រីទាំង៣នាក់នោះពីបទជួញដូរនាំចេញ និងសន្និធិអាវុធគ្រឿងផ្ទុះ និងគ្រាប់រំសេវ ដោយគ្មានការអនុញ្ញាតពីអាជ្ញាធរមានសមត្ថកិច្ច តាមមាត្រា ៤៨៨ និងមាត្រា២០ នៃក្រមព្រហ្មទណ្ឌ និងច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ ។ជនត្រូវចោទទាំង៧នាក់ ដែលចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនបណ្ដោះអាសន្នក្នុងសំណុំរឿងជួញដូរអាវុធនេះ មានទី១៖ ឧត្ដមសេនីយ៍ត្រី អូន ពិសិដ្ឋ បម្រើការងារនៅអគ្គនាយកដ្ឋានសម្ភារៈបច្ចេកទេស ក្រសួងការពារជាតិ។ ទី២៖ មន្ត្រីយោធាជាអតីតអនុប្រធានផ្នែកសឹករង។ ទី៣៖ ជាមន្ត្រីយោធាធម្មតា ទី៤៖ ឈ្មោះ គង់ ណោរ៉ាន់ ភេទប្រុស អាយុ៦២ឆ្នាំ។ ទី៥៖ ឈ្មោះ យូ សំណាង ភេទប្រុស អាយុ៤១ឆ្នាំ។ ទី៦៖ ឈ្មោះ ព្រុំ សុភ័ក្រ្ត ភេទប្រុស អាយុ៤២ឆ្នាំ និងម្នាក់ទៀតមិនត្រូវបានគេស្គាល់ឈ្មោះ។ក្នុងសំណុំរឿងនេះ កម្លាំងកងរាជអាវុធហត្ថ និងនគរបាលជាតិបានសហការគ្នាចាប់ខ្លួនមនុស្សជា បន្តបន្ទាប់ កាលពីថ្ងៃទី១៩ និងថ្ងៃទី២០ខែវិច្ឆិកា ឆ្នាំ២០២១ នៅ ទីកន្លែងផ្សេងៗគ្នា ក្នុងខេត្តសៀមរាប និងខេត្តបាត់ដំបង ។សូមជម្រាបថា កាលពីថ្ងៃទី១២ ខែវិច្ឆិកា ឆ្នាំ២០២១ អាវុធជាច្រើនដើមត្រូវបានប្រជាពលរដ្ឋប្រទះឃើញ និងសមត្ថកិច្ចរកឃើញជាបន្តបន្ទាប់ ដែលបានលាក់ទុកនៅចំណុចចំការមៀន ស្ថិតក្នុងក្រុមទី ២ ភូមិអូររំដួល ឃុំអូររំដួល ស្រុកភ្នំព្រឹកខេត្តបាត់ដំបង ដោយមិនទាន់មានការអះអាងថា ជាការលាក់ ដើម្បីហេតុផលអ្វីឱ្យប្រាកដនៅឡើយទេ៕អត្ថបទ ៖ ប្រាក់ វ៉ាន់ដា

តុលាការសម្រេចចោទប្រកាន់មន្ដ្រីយោធា៣នាក់ទាក់ទិនករណីលាក់អាវុធជាច្រើនដើមនៅខេត្តបាត់ដំបង

ភ្នំពេញ ៖ សាលាដំបូងរាជធានីភ្នំពេញបានបញ្ចប់ការសាកសួរក្នុងតំណាក់កាលអយ្យការហើយក្នុងសំណុំរឿងលាក់អាវុធជាច្រើនដើមក្នុងខេត្តបាត់ដំបង ហើយនៅថ្ងៃស្អែកចៅក្រមស៊ើបសួរនឹងបន្តនីតិវិធីសួរដេញដោលបន្ត ក្រោយតំណាងអយ្យការបានធ្វើការចោទប្រកាន់។សំណុំរឿងលាក់អាវុធជាច្រើនដើមក្នុងភូមិសាស្ត្រខេត្តបាត់ដំបង និងឈានដល់មានការឃាត់ខ្លួនមនុស្សមួយចំនួន មានទាំងថ្នាក់ឧត្ដមសេនីយ៍យោធាផងដែរនោះ សមត្ថកិច្ចបានបន្តនីតិវិធីដល់ស្ថាប័នតុលាការហើយ។ បន្ទាប់ពីធ្វើការសាកសួរអស់ជាច្រើនម៉ោងនៅរសៀលថ្ងៃទី២៣ ខែវិច្ឆិកា ឆ្នាំ២០២១ លោក ប្លង់ សុផល ព្រះរាជអជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានបញ្ជាក់ថា តំណាងអយ្យការបានបើកការស៊ើបសួរលើសុំណុំរឿងរបស់ជនត្រូវចោទទាំង៣នាក់ ពីបទ «ជួញដូរ នាំចេញ និងសន្និធិអាវុធ គ្រឿងផ្ទុះ និងគ្រាប់រំសេវ ដោយគ្មានការអនុញ្ញាតពីអាជ្ញាធរមានសមត្ថកិច្ច តា មមាត្រា ៤៨៨ និងមាត្រា ២០ នៃក្រមព្រហ្មទណ្ឌ និងច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ »រួចបញ្ជូនទៅចៅក្រមស៊ើបសួរបន្តតាមនីតិវិធី។ក្រោយការសម្រេចចោទប្រកាន់ពីតំណាងអយ្យការជនត្រូវចោទទាំង៣នាក់ត្រូវបានកម្លាំង កងរាជអាវុធហត្ថ នាំខ្លួនចេញពីសាលាដំបូងរាជធានីភ្នំពេញនៅរសៀលថ្ងៃទី២៣ ខែវិច្ឆិកា ឆ្នាំ២០២១ដដែល នឹងត្រូវនាំខ្លួនទៅកាន់សាលាដំបូងរាជធានីម្ដងទៀតនៅថ្ងៃស្អែកទី២៤ វិច្ឆិកា ដើម្បីចៅក្រមស៊ើបសួរបន្តនីតិវិធី មុននឹងសម្រេចឃុំខ្លួនបណ្ដោះអាសន្ន ឬមិនឃុំនោះ។ការនាំខ្លួនជនត្រូវចោទទាំង៣នាក់នាព្រឹកមិញ និងនាំចេញពីតុលាការវិញនារសៀលថ្ងៃដដែលនេះឃើញមានវត្តមានឧត្តមសេនីយ៍យោធាឈ្មោះ អ៊ួន ពិសិដ្ឋ និងបក្ខពួក២នាក់ទៀត ដែលត្រូវបានកម្លាំងកងរាជអាវុធហត្ថដឹកតាមរថយន្ត។ការចាប់ខ្លួន មនុស្សជា បន្តបន្ទាប់ពាក់ព័ន្ធករណី ជួញដូរ អាវុធ ខុសច្បាប់នេះបានធ្វើ ឡើងកាលពីថ្ងៃទី ១៩ និងថ្ងៃទី២០ ខែវិច្ឆិកា ឆ្នាំ ២០២១ នៅទីកន្លែងផ្សេងៗគ្នា ដោយ ឧត្តម សេនីយ៍ ត្រីយោធាឈ្មោះ អ៊ួន ពិសិដ្ឋ ភេទ ប្រុស ជាអនុប្រធាន រោង ជាងជួសជុល ចម្រុះចំណុះអគ្គនាយកដ្ឋាន បច្ចេក ទេសម្ភារៈនៃ ក្រសួងការពារជាតិ ត្រូវបានចាប់ខ្លួន នៅមុខភោជនីយដ្ឋានស្យាម ស៊ី ហ្វូត ស្ថិតក្នុង ភូមិចុង កៅស៊ូ សង្កាត់ ស្លរក្រាម ក្រុង សៀមរាប ខេត្តសៀមរាប។ ក្រោយមកសមត្ថកិច្ចក៏បានបន្តឃាត់ខ្លួនមនុស្ស ចំនួន២នាក់ទៀត ដែលជា មន្ត្រី យោធា នៅ ខេត្តបាត់ដំបង មាន ព្រិន្ទបាលឯក វី វិន ហាយ ជាយោធា សឹករងស្រុក ភ្នំ ព្រឹកខេត្តបាត់ដំបងចាប់ខ្លួន កាលពី ថ្ងៃទី ១៩ ខែវិច្ឆិកានៅ ស្រុកកំរៀង ខេត្តបាត់ដំបង និងអ្នកទី៣ វរសេនីយ ទោ ប៉ុល នី ភេទ ប្រុស មន្ត្រី យោធា នៅអង្គភាព សឹករង ស្រុកកំរៀង ខេត្តបាត់ដំបង ចាប់ខ្លួនកាលពី ថ្ងៃទី ២០ ខែវិច្ឆិកា នៅស្រុកកំរៀង ខេត្តបាត់ដំបង ។សូមជម្រាបថា កាលពី ថ្ងៃទី ១២ ខែវិច្ឆិកា ឆ្នាំ ២០២១ អាវុធជាច្រើន ដើមត្រូវបានប្រជាពលរដ្ឋប្រទះឃើញ និងសមត្ថកិច្ច រកឃើញជា បន្តបន្ទាប់ដែលបាន លាក់ទុក នៅចំណុច ចំការមៀន ស្ថិតក្នុង ក្រុមទី ២ ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង ដោយមិនទាន់មានការអះអាងថា ជាការលាក់ដើម្បីហេតុផលអ្វីឱ្យប្រកាដនៅឡើយទេ៕អត្ថបទ ៖ ប្រាក់ វ៉ាន់ដា

នាំខ្លួនមន្ដ្រីយោធា៣នាក់ មកតុលាការ ទាក់ទិនករណីលាក់អាវុធជាច្រើនដើម នៅខេត្តបាត់ដំបង

ភ្នំពេញ ៖ កងរាជអាវុធហត្ថលើផ្ទៃប្រទេស បានបញ្ជូនខ្លួនឧត្ដមសេនីយ៍យោធាម្នាក់ និងបក្ខពួក ២នាក់ មកដល់សាលាដំបូងរាជធានីភ្នំពេញ នៅព្រឹកថ្ងៃទី២៣ ខែវិច្ឆិកា ឆ្នាំ២០២១ ទាក់ទិននឹងការរកឃើញ ករណីលាក់អាវុធជាច្រើនដើម នៅខេត្តបាត់ដំបង។ការនាំខ្លួនមនុស្សទាំង៣នាក់នេះ គេឃើញមានវត្តមានឧត្តមសេនីយ៍យោធាម្នាក់ឈ្មោះ អ៊ួន ពិសិដ្ឋ និងបក្ខពួក២នាក់ទៀត ត្រូវបានកម្លាំងកងរាជអាវុធហត្ថ បញ្ជូនតាមរថយន្តមកកាន់សាលាដំបូង រាជធានីភ្នំពេញ ដើម្បីតំណាងអយ្យការ និងចៅក្រមស៊ើបសួរបន្តនីតិវិធីសួរដេញដោល ដោយមិនទាន់មានការសម្រេចបែបណានៅឡើយទេ នៅវេលាថ្ងៃត្រង់នេះ។ការចាប់ខ្លួនមនុស្សជា បន្តបន្ទាប់ពាក់ព័ន្ធករណីជួញដូរអាវុធខុសច្បាប់នេះ បានធ្វើឡើងកាលពីថ្ងៃទី១៩ និងថ្ងៃទី២០ ខែវិច្ឆិកា ឆ្នាំ២០២១ នៅទីកន្លែងផ្សេងៗគ្នា ដោយឧត្តមសេនីយ៍ត្រីយោធាឈ្មោះ អ៊ួន ពិសិដ្ឋ ភេទ ប្រុស ជាអនុប្រធានរោងជាងជួសជុលចម្រុះចំណុះអគ្គនាយកដ្ឋានបច្ចេកទេសសម្ភារៈនៃក្រសួងការពារជាតិ ត្រូវបានចាប់ខ្លួន នៅមុខភោជនីយដ្ឋានស្យាមស៊ី ហ្វូត ស្ថិតក្នុងភូមិចុងកៅស៊ូ សង្កាត់ស្លរក្រាម ក្រុងសៀមរាប ខេត្តសៀមរាប។ក្រោយមកសមត្ថកិច្ច ក៏បានបន្តឃាត់ខ្លួនមនុស្សចំនួន២នាក់ទៀត ដែលជាមន្ត្រីយោធានៅខេត្តបាត់ដំបង មានព្រិន្ទបាលឯក វីវិន ហាយ ជាយោធាសឹករងស្រុកភ្នំព្រឹក ខេត្តបាត់ដំបង ចាប់ខ្លួនកាលពីថ្ងៃទី ១៩ខែវិច្ឆិកានៅ ស្រុកកំរៀង ខេត្តបាត់ដំបង និងទី៣ វរៈសេនីយទោ ប៉ុល នី ភេទប្រុសមន្ត្រីយោធា នៅអង្គភាពសឹករងស្រុកកំរៀង ខេត្តបាត់ដំបង ចាប់ខ្លួនកាលពីថ្ងៃទី២០ ខែវិច្ឆិកា នៅស្រុកកំរៀង ខេត្តបាត់ដំបង ។សូមជម្រាបថា កាលពីថ្ងៃទី១២ ខែវិច្ឆិកា ឆ្នាំ ២០២១ អាវុធជាច្រើនដើម ត្រូវបានប្រជាពលរដ្ឋប្រទះឃើញ ជាបន្តបន្ទាប់ ដែលបានលាក់ទុកនៅចំណុចចំការមៀន ស្ថិតក្នុងក្រុមទី២ ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង ដោយមិនទាន់មានការអះអាងថា ជាការលាក់ដើម្បីហេតុផលអ្វីឱ្យប្រកដនៅឡើយទេ៕អត្ថបទ ៖ ប្រាក់ វ៉ាន់ដា

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ទូទាំងប្រទេសមកនៅត្រឹម៣៩នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស៣៩នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ២នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩០៩នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១១៩,៩៤៣នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៣២០នាក់ហើយ ត្រូវបានព្យាបាលជាសះស្បើយឡើងវិញ៕

ជនជាតិចិន៣នាក់ ត្រូវបានបញ្ជូនខ្លួនទៅកាន់តុលាការ ពាក់ព័ន្ធបទល្មើសបង្ខាំងជនជាតិថៃ ចំនួន៩៩នាក់ ជម្រិតទារប្រាក់

ភ្នំពេញ ៖ នាព្រឹកថ្ងៃទី២២ខែវិច្ឆិកា ឆ្នាំ២០២១ តំណាងអយ្យការអមសាលាដំបូងរាជធានីភ្នំពេញ បានបើកការស៊ើបសួរលើសំណុំរឿងរបស់ជនត្រូវចោទដែលជាជនជាតិចិន៣នាក់ បន្ទាប់ពីកម្លាំង នគរបាលក្រសួងមហាផ្ទៃ បញ្ជូនខ្លួនទៅកាន់សាលាដំបូងរាជធានីភ្នំពេញ « ពាក់ព័ន្ធការបង្ខាំងជនជាតិថៃចំនួន៩៩នាក់ ដើម្បីជម្រិតទារប្រាក់» បន្ទាប់ពីត្រូវបានមេខ្យល់បោកពួកគេមកធ្វើការឱ្យក្រុមហ៊ុនលក់ផលិតផលតាមអនឡាញ មួយស្ថិតក្នុងខណ្ឌសែនសុខ រាជធានីភ្នំពេញ។គួររំលឹកថា លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ នៅរសៀលថ្ងៃទី២១ ខែវិច្ឆិកា បានបញ្ជាក់ថា ជនជាតិចិនចំនួន៣នាក់ នឹងត្រូវសមត្ថកិច្ចកសាងសំណុំរឿងបញ្ជូនទៅសាលាដំបូង រាជធានីភ្នំពេញ បន្ទាប់ពីពួកគេត្រូវបាន សមត្ថកិច្ចរកឃើញពាក់ព័ន្ធនឹងការប្រព្រឹត្តបទល្មើសក្នុងចំណោមជនជាតិចិនចំនួន៧៧នាក់។លោកឧត្តមសេនីយ៍ បញ្ជាក់ទៀតថា កាលពីថ្ងៃទី១៨វិច្ឆិកា ឆ្នាំ២០២១ សមត្ថកិច្ចជំនាញក្រសួងមហាផ្ទៃ បានធ្វើប្រតិបត្តិការបង្ក្រាបក្រុមជនជាតិចិនមួយក្រុម នៅក្នុងផ្ទះមួយកន្លែង ក្នុងខណ្ឌសែនសុខ រាជធានីភ្នំពេញ ។ ក្នុងប្រតិបត្តិការនោះ សមត្ថកិច្ចបានរំដោះជនជាតិថៃបានសរុប៩៩នាក់ ប៉ុន្តែជនជាតិថៃទាំងនោះ សុទ្ធតែចូលមកប្រទេសកម្ពុជា ដើម្បីបំពេញការងារដោយខុសច្បាប់។ ហេតុដូច្នេះ សមត្ថកិច្ចជំនាញ បានចាប់ខ្លួនពួកគេប្រគល់ឲ្យផ្នែកអន្តោប្រវេសន៍កម្ពុជា។បច្ចុប្បន្នជនត្រូវចោទទាំង៣នាក់ កំពុងស្ថិតក្នុងដំណាក់កាលតំណាងអយ្យការបើកការស៊ើបសួរនៅឡើយរងចាំការចោទប្រកាន់ នឹងបញ្ជូនទៅចៅក្រមស៊ើបសួរបន្តនីតិវិធី៕អត្ថបទ ៖ កុម្ភះ

បណ្ដាញសង្គម

ព័ត៌មានថ្មីៗ

គ្រូ Manila ថាជួបគ្នាយប់នេះ គ្មានអ្វីខុសប្លែក តែគ្រូព្រះខ័នរាជ ថាមិនដូចគ្នាឡើយ

រដ្ឋបាលខេត្តបន្ទាយមានជ័យ៖ ក្រុមការងារកំពុងដំណើរការសាងសង់ផ្ទះបណ្តោះអាសន្នលើផ្ទៃដីទំហំ ៤០០ហិកតាជូនពលរដ្ឋភៀសសឹកដែលត្រូវទាហានចូលឈ្លានពានមិនទាន់អាចទៅផ្ទះវិញបាន

អនុប្រធានាធិបតីអាមេរិក នឹងដឹកនាំគណៈប្រតិភូទៅប៉ាគីស្ថាន ដើម្បីចរចាជាមួយអ៊ីរ៉ង់ នៅថ្ងៃសៅរ៍

មេដឹកនាំបក្សប្រឆាំងកោះតៃវ៉ាន់៖ដំណើរទស្សនកិច្ចនៅចិនដីគោកដើម្បីសាបព្រោះ«គ្រាប់ពូជនៃសន្តិភាព»

ព្រះខ័នរាជ រៀបចំរចនាសម្ព័ន្ធ និងនាំចូលកីឡាការិនីខ្មែរ-បរទេសជាច្រើន ត្រៀមលីគរដូវកាល

ប្រទេសបារាំង ប្រកាសពីការជំរុញថវិកាចំនួន ៣៦ ពាន់លានអឺរ៉ូ ដើម្បីធ្វើឲ្យប្រសើរឡើងវិញផ្នែកសព្វាវុធ

ប្រេងឡើងថ្លៃ ខណៈក្រុមវិនិយោគិននៅតែមានការប្រុងប្រយ័ត្នចំពោះបទឈប់បាញ់រអាមេរិក-អ៊ីរ៉ង់

អ៊ីស្រាអែលវាយប្រហារទូទាំងលីបង់សម្លាប់មនុស្សជាង២៥០នាក់ក្រោយបទឈប់បាញ់រវាងអ៊ីរ៉ង់-អាមេរិក

មនុស្សជិត២០០នាក់ត្រូវបានចាប់ខ្លួន បន្ទាប់ពីការវាយប្រហារ លើស្ថានកុងស៊ុលអ៊ីស្រាអែល

លោក Trump ជួបពិភាក្សាអំពីការចាកចេញពីសម្ព័ន្ធយោធា NATO ជាមួយលោក Rutte ក្រោយរិះគន់ខ្លាំងៗលើសម្ព័ន្ធនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

រថយន្តសាំយ៉ុងមួយគ្រឿងដាច់ហ្វ្រាំជ្រុលទៅបុករថយន្តមួយគ្រឿងទៀត បណ្តាលឲ្យមនុស្ស៦នាក់រងរបួសធ្ងន់ស្រាល

ជនសង្ស័យម្នាក់ ក្នុងចំណោមបក្ខពួក២នាក់ លួចកាច់.កម៉ូតូមិនសម្រេចត្រូវពលរដ្ឋចាប់ ប្រគល់ឲ្យសមត្ថកិច្ច

សមត្ថកិច្ចខេត្តស្ទឹងត្រែង រឹបអូសគ្រឿងញៀនប្រមាណ១៧០គីឡូក្រាមពីក្រុមឧក្រិដ្ឋជនឡាវ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម៣២នាក់នៅថ្ងៃនេះ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ទូទាំងប្រទេសមកនៅត្រឹម៣៤នាក់នៅថ្ងៃនេះ

តុលាការសម្រេចឃុំខ្លួនបណ្ដោះអាសន្ន មន្ដ្រីយោធា៣នាក់ទៀត ក្នុងករណីជួញដូរអាវុធជាច្រើនដើមនៅបាត់ដំបង

តុលាការសម្រេចចោទប្រកាន់មន្ដ្រីយោធា៣នាក់ទាក់ទិនករណីលាក់អាវុធជាច្រើនដើមនៅខេត្តបាត់ដំបង

នាំខ្លួនមន្ដ្រីយោធា៣នាក់ មកតុលាការ ទាក់ទិនករណីលាក់អាវុធជាច្រើនដើម នៅខេត្តបាត់ដំបង

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ទូទាំងប្រទេសមកនៅត្រឹម៣៩នាក់នៅថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

រថយន្តសាំយ៉ុងមួយគ្រឿងដាច់ហ្វ្រាំជ្រុលទៅបុករថយន្តមួយគ្រឿងទៀត បណ្តាលឲ្យមនុស្ស៦នាក់រងរបួសធ្ងន់ស្រាល

ជន​សង្ស័យ​ម្នាក់​ ក្នុងចំណោមបក្ខពួក២នាក់ លួចកាច់.កម៉ូតូមិនសម្រេច​ត្រូវពលរដ្ឋចាប់ ប្រគល់​ឲ្យ​សមត្ថកិច្ច

សមត្ថកិច្ចខេត្តស្ទឹងត្រែង រឹបអូសគ្រឿងញៀនប្រមាណ១៧០គីឡូក្រាមពីក្រុមឧក្រិដ្ឋជនឡាវ

តុលាការសម្រេចឃុំខ្លួនបណ្ដោះអាសន្ន មន្ដ្រីយោធា៣នាក់ទៀត ក្នុងករណីជួញដូរអាវុធជាច្រើនដើមនៅបាត់ដំបង

តុលាការសម្រេចចោទប្រកាន់មន្ដ្រីយោធា៣នាក់ទាក់ទិនករណីលាក់អាវុធជាច្រើនដើមនៅខេត្តបាត់ដំបង

នាំខ្លួនមន្ដ្រីយោធា៣នាក់ មកតុលាការ ទាក់ទិនករណីលាក់អាវុធជាច្រើនដើម នៅខេត្តបាត់ដំបង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជនសង្ស័យម្នាក់ ក្នុងចំណោមបក្ខពួក២នាក់ លួចកាច់.កម៉ូតូមិនសម្រេចត្រូវពលរដ្ឋចាប់ ប្រគល់ឲ្យសមត្ថកិច្ច