នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា
សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជន​បរទេសជាង ៣០០នាក់
កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់​ជន​បរទេស​ ២៧នាក់
គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

សន្តិសុខ និង សង្គម

បុរសម្នាក់បន្លំធ្វើសមត្ថកិច្ចដាក់កុងត្រូលជជុះ ទារលុយពីអ្នកដឹកបន្លែ ស្ថិត​ក្នុង​​ដំណាក់កាល​ចៅ​ក្រមស៊ើប​​សួរ​បន្ត​តាម​នីតិវិធី

2021/08/25 03:56:53 am        415
Facebook Telegram Linkin
ភ្នំពេញ ៖ បន្ទាប់ពីតំណាង​អយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី២៤ ខែសីហា ឆ្នាំ២០២១ បានបើកការស៊ើបសួរ​ជនត្រូវចោទ ម្នាក់ពាក់ព័ន្ធករណី​បន្លំធ្វើសមត្ថកិច្ច ដាក់កុងត្រូលជជុះ ចាំទារលុយពីអ្នកដឹកបន្លែ ពេលនេះតំណាងអយ្យការចោទប្រកាន់ហើយ។នៅព្រឹកថ្ងៃទី២៥ ខែសីហា ឆ្នាំ២០២១នេះ លោក ប្លង់ សុផល ព្រះរាជអាជ្ញារង និង ជា​អ្នកនាំពាក្យ​អយ្យការអមសាលាដំបូងរាជធានីភ្នំពេញ បានបញ្ជាក់ឲ្យដឹងថា បន្ទាប់ពីតំណាង​អយ្យការ​អម​សាលាដំបូង​រាជធានីភ្នំពេញ ត្រូវបានចោទប្រកាន់​ជនត្រូវចោទពីបទ​គំរាមកំហែង​ដោយ​មាន​បញ្ជា​ឲ្យបំពេញ​លក្ខខណ្ឌ​អ្វីមួយ​ តាម​មាត្រា​ ២៣២​ នៃក្រមព្រហ្មទណ្ឌ​ និង​បញ្ជូនទៅឲ្យចៅ​ក្រមបន្តការ​ស៊ើបសួរបន្តតាមនីតិវិធី។សមត្ថកិច្ច បានឲ្យដឹងថា ជនសង្ស័យមានឈ្មោះ ចិន គោ ភេទប្រុស អាយុ៣៥ ឆ្នាំ មុខរបរ មិនពិត​ប្រាកដ មានស្រុកកំណើត នៅភូមិកំពង់ត្រាច ស្រុករមាសហែក ខេត្តស្វាយរៀង ។គួរបញ្ជាក់ផងដែរ នារសៀលថ្ងៃទី២៣ ខែសីហា ឆ្នាំ២០២១ សមត្ថកិច្ចជំនាញនៃការិយាល័យ​ប្រឆាំង​បទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ ​បានបញ្ជូនជនសង្ស័យ០១នាក់ ទៅ​សាលា​ដំបូង​រាជធានីភ្នំពេញ ​ដើម្បីផ្តន្ទាទោស​តាមនីតិវិធីច្បាប់ ​ពាក់ព័ន្ធករណី ក្លែងបន្លំជា​សមត្ថកិច្ច​ដាក់កុងត្រូជជុះឃាត់រថយន្តដឹកបន្លែរបស់ពលរដ្ឋ ​ដើម្បីសំឡុត​គំរាមកំហែង​ទារប្រាក់។ បន្ទាប់​ពីទទួល​បានបណ្តឹងពីប្រជាពលរដ្ឋ កម្លាំងមូលដ្ឋានអាវុធហត្ថខណ្ឌដង្កោ​បានជិះល្បាតក្នុង​ភូមិសាស្រ្ត​របស់ខ្លួនក៏ប្រទះឃើញមានករណីនេះ​កើតមានពិតប្រាកដមែន ភ្លាមនោះកម្លាំង​ល្បាត​ធ្វើការបង្ក្រាបបានជាក់ស្តែង នៅវេលាម៉ោង១២និង៤០នាទីយប់ ថ្ងៃទី២១ ខែសីហា ឆ្នាំ២០២១ ចំណុចមុខការដ្ឋានផ្ទះល្វែង ផ្លូវជាតិលេខ៣ ក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ព្រមទាំង​ដកហូត​វត្ថុតាងរួមមាន រថយន្តម៉ាកford ចង្កូត​ស្តាំ​មួយគ្រឿង ​ពណ៌ទឹកសមុទ្រ​រួម​នឹង​វត្ថុតាង​មួយ​​ចំនួនទៀត។ជនសង្ស័យបានសារភាពថា ខ្លួននិងបក្ខពួកម្នាក់ទៀត ពិតជា​បានឃាត់រថយន្ត​ហ៊ីយ៉ានដាយ​ដឹក​បន្លែ​មួយគ្រឿង ​ដោយខ្លួនអះអាងប្រាប់តៃកុងឡានថា ខ្លួនជាសមត្ថកិច្ច និង​បាន​គំរាមកំហែង​ទារប្រាក់​ពីតៃកុងឡាន ពិតប្រាកដមែន៕អត្ថបទ៖ កុម្ភះ

រថយន្តធន់ធំជាច្រើនគ្រឿង​ដឹកខ្សាច់ធ្លាក់តាមបណ្ដោយផ្លូវជាតិលេខ៦A កំពុងបង្កផលប៉ះពាល់​ដល់​ពលរដ្ឋ​ធ្វើ​ដំណើរ​ជួប​គ្រោះថ្នាក់​ចរាចរណ៍​ជាញឹកញាប់

2021/08/24 12:38:16 pm        700
Facebook Telegram Linkin
ភ្នំពេញ ៖ រថយន្តធន់ធំជាច្រើនគ្រឿងដឹកខ្សាច់មិនបានគ្របឲ្យបានត្រឹមត្រូវ ធ្វើដីខ្សាច់ធ្លាក់រាយប៉ាយ​តាមបណ្ដោយផ្លូវជាតិលេខ៦A អភិបាលនៃគណៈអភិបាលខណ្ឌជ្រោយចង្វារលោក ឃ្លាំង ហួត មិនបានយកចិត្តទុកដាក់ និងអនុវត្តតាមការណែនាំរបស់សាលារាជធានី​ភ្នំពេញ​នៅឡើងទេ​ បណ្ដោយឲ្យរថយន្តធន់ធំដឹកខ្សាច់ធ្លាក់ និងទឹកខួរ​អណ្តែង​ចេញពីរថយន្តប្រឡាក់​​ពេញផ្លូវ​សាធារណៈ ​របស់រដ្ឋ។គួរបញ្ជាក់ថា កន្លងមករហូតដល់បច្ចុប្បន្ននេះ រដ្ឋបាលរាជធានីភ្នំពេញ នៅតែបន្តបាន​យកចិត្តទុក​ដាក់​យ៉ាងខ្លាំង ចំពោះបញ្ហាតាមដងផ្លូវ ដើម្បីសម្រួល​ដល់ការធ្វើដំណើររបស់បងប្អូនប្រជាពលរដ្ឋ ទោះជាយក្រុង ឬទីប្រជុំជនជាពិសេសរក្សា​ចិញ្ជើម​ផ្លូវ​ទុក​សម្រាប់អ្នកថ្មើជើង ឬជនពិការភាព​ធ្វើដំណើរ ។ជាក់ស្ដែងនៅតាមបណ្ដោយផ្លូវជាតិលេខ៦A ម្ដុំចំណុចស្ពានទី៧ និងទី៨ មូលដ្ឋានសង្កាត់បាក់ខែង ខណ្ឌជ្រោយចង្វារ មានទីតាំងដេប៊ូខ្សាច់ជាច្រើនកន្លែង រថយន្តដឹកដីខ្សាច់ធំៗ ​ចេញពីដេប៊ូខ្សាច់ បានដឹកខ្សាច់​មិនគោរពតាមការណែនាំរបស់អាជ្ញាធរ កំពុងតែប្រឈម​នឹង​គ្រោះថ្នាក់​ដល់អ្នក​ធ្វើ​ដំណើរជាយថាហេតុ បណ្ដាលមកពីរថយន្តដឹកខ្សាច់រាប់សិបគ្រឿង​តែងតែបើកប្រដេញ​បន្ត​កន្ទុយគ្នា​ជាខ្សែ​ និងដឹកដីខ្សាច់មិនមានការគ្របឲ្យ​បានត្រឹមត្រូវ​ធ្វើធ្លាក់ដីប្រឡាក់ពេញផ្លូវ។បងប្អូនប្រជាពលរដ្ឋ ដែលមានទីលំនៅអមសងខាងផ្លូវជាតិលេខ៦A បាន​ត្អូញត្អែរ​ពី​សកម្មភាព​របស់​ក្រុមរថយន្តដឹកខ្សាច់ចេញពីដេប៉ូទាំងនោះ ដឹកផ្ទុក​គ្មានសណ្តាប់ធ្នាប់ ហូរហៀរទឹក ធ្លាក់ខ្សាច់​មក​លើផ្លូវ​បង្កឲ្យកើតមានគ្រោះថ្នាក់​ចរាចរណ៍ជា​​ញឹកញាប់ ជាពិសេសជាងនេះ​ទៅទៀត​នោះ ធ្វើឲ្យ​ហុយ​មក​ចូលផ្ទះ​សម្បែង​ពួកគាត់ បង្កឲ្យការរស់នៅរបស់ពួកគាត់ប្រឈម​គ្រោះថ្នាក់​ជាច្រើន​ដោយ​សារដេប៉ូខ្សាច់ទាំងនេះ ។ប្រជាពលរដ្ឋបានបន្តទៀតថា ការរស់នៅរបស់ពួកគាត់សព្វថ្ងៃប្រៀប ដូចជារស់នៅលើគំនរខ្សាច់ ព្រោះរថយន្តដឹកខ្សាច់ចេញពីដេប៉ូហៀរហូរធ្លាក់គរពេញផ្លូវ នៅខាងមុខផ្ទះគាត់កើបមិនអស់ ចំណែកអ្នកធ្វើដំណើរដោយម៉ូតូជួបនូវផលវិបាកប្រឈមនឹងគ្រោះថ្នាក់​រអិលដួល បើ​មិន​ដូច្នេះ​គឺ​ហុយ​​ងងិតអួរអ័ព្វ ហុយចូលបាយសម្លរ​ចូលផ្ទះសម្បែង​ប៉ះពាល់ដល់មុខរបររកស៊ី​របស់ពួកគាត់​ជាពិសេសសុខភាពរស់នៅប្រចាំថ្ងៃ។ជាចុងក្រោយ​ពលរដ្ឋ​សំណូម​និង​ស្នើសុំទៅដល់អាជ្ញាធរ ដែលពាក់ព័ន្ធមេត្តាជួយចុះពិនិត្យ​មើលដង​ផ្លូវជាតិ​លេខ៦A ផងចាប់ពីចំណុចស្ពានទី៨ មូលដ្ឋានសង្កាត់បាក់ខែង រហូតដល់​ផ្លូវបត់​ចូល​មហាវិថីឈ្នះឈ្នះ​នេះផង ព្រោះពលរដ្ឋអ្នករស់នៅអមសងខាងផ្លូវ រួមទាំងអ្នកធ្វើដំណើរ ជួបការ​លំបាកជាខ្លាំងណាស់៕អត្ថបទ ៖ កុម្ភះ

កម្ពុជា​បន្ដ​រក​ឃើញ​មនុស្ស​៤៦៦នាក់​​ឆ្លង​កូវីដ-១៩​ ខណៈ​​អ្នក​ជំងឺ​៥១២នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/08/24 12:07:25 pm        532
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​ ៤៦៦នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន ៥១២នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន ៣៧២នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ៩៤នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស១៣នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៨២១នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប ៨៦ ១៣០នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៩០ ១០៧នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

ស្ថានភាពកូវី១៩ ខេត្តបន្ទាយមានជ័យមិនទាន់ធូរស្បើយ អាជ្ញាធរសម្រេច​ដាក់ទីតាំង​មួយចំនួន​ជាតំបន់ក្រហម

2021/08/24 11:10:22 am        565
Facebook Telegram Linkin
បន្ទាយមានជ័យ ៖ ស្ថានភាពការឆ្លងរាលដាលជំងឺកូវីដ១៩ នៅក្នុងខេត្តបន្ទាយមានជ័យ មិនទាន់មានការធូរស្បើយនៅឡើយទេ ក្នុងរយៈពេលចុងក្រោយនេះ ដោយអាជ្ញាធរនៅបន្តរកឃើញអ្នកមានវិជ្ជមាន ក្នុងចំនួនច្រើនករណីជារៀងរាល់ថ្ងៃ និងទីតាំងពាក់ព័ន្ធមួយចំនួន ត្រូវបានធ្វើការបិទខ្ទប់ និងដាក់ជាតំបន់ក្រហមផងដែរ ។យោងតាមសេចក្តីប្រកាសព័ត៌មាន របស់រដ្ឋបាលខេត្តបន្ទាយមានជ័យ បង្ហាញថា កាលពីថ្ងៃទី២៣ ខែសីហា ឆ្នាំ២០២១ អាជ្ញាធរបានរកឃើញអ្នកវិជ្ជមានកូវីដ១៩ រហូតដល់ចំនួន ១៩៩នាក់ ដោយ​ធ្វើ​សំណាកតាមរយៈឧបករណ៍តេស្តរហ័ស ដែលភាគច្រើនអ្នកពាក់ព័ន្ធព្រឹត្តការណ៍​សហគមន៍២០កុម្ភៈ និងពលករទើបត្រឡប់មកពីប្រទេសថៃ ហើយនៅថ្ងៃដូចគ្នានេះ មានអ្នកជាសះស្បើយចំនួន ១០៥នាក់ ។ពាក់ព័ន្ធការឆ្លងកូវីដ១៩ មិនទាន់ថមថយនេះ អាជ្ញាធរខេត្តបន្ទាយមានជ័យ ក៏បានធ្វើការបិទខ្ទប់ និងដាក់ជាតំបន់ក្រហមនូវទីតាំងមួយចំនួន គឺកាលពីថ្ងៃទី២៣ ខែសីហា ផ្សារចក្រី ស្ថិតក្នុងភូមិចក្រី ឃុំជប់វ៉ារី ស្រុកព្រះនេត្រព្រះ ដោយបានធ្វើការបិទខ្ទប់រយៈពេល៧ថ្ងៃ គឺចាប់ពីថ្ងៃទី២៤ ដល់ថ្ងៃទី៣០ ខែសីហា ដោយអាជ្ញាធរចាត់ទុកថា ផ្សារនេះមានការឆ្លងរាលដាលច្រើន ។កាលពីម្សិលមិញនោះដែរ រដ្ឋបាលខេត្ត ក៏បានសម្រេចកំណត់ភូមិសាស្ត្រមួយចំនួនទៀត ក្នុង​សង្កាត់ទឹកថ្លៃ និងសង្កាត់កំពង់ស្វាយ ក្រុងសិរិសោភ័ណ ជាតំបន់ក្រហម ដោយសារតំបន់ទាំងនោះ មានការឆ្លងរាលដាលនៃជំងឺកូវីដ១៩ ធ្ងន់ធ្ងរ និងគួរឲ្យព្រួយបារម្ភ ។ក្នុងសេចក្តីសម្រេចបន្តថា សម្រាប់តំបន់មួយចំនួនក្នុងក្រុងសិរិសោភ័ណ ត្រូវបានដាក់ជាតំបន់​ក្រហមនោះ មានបរិវេណផ្សារទឹកថ្លៃ វត្តភ្នំជញ្ជាំង ខាងកើតឈាងខាងជើងវត្តទឹកថ្លា ទីតាំងទាំង៣នេះ ស្ថិតក្នុងសង្កាត់ទឹកថ្លា និងបរិវេណផ្សារពង្រ ស្ថិតក្នុងសង្កាត់កំពង់ស្វាយ ។គួរបញ្ជាក់ថា បច្ចុប្បន្នសកម្មភាព នៃការធ្វើដំណើរឆ្លងដែនរបស់ពលករ មកពីប្រទេសថៃ តាមច្រកនានា​ជាប់ខេត្តបន្ទាយមានជ័យ នៅតែមានចំនួនច្រើន ដោយក្នុងមួយថ្ងៃៗគឺចាប់ពី៤០០ ទៅ៥០០នាក់ ដោយពលករក្នុងចំណោមទាំងអស់នេះ ត្រូវបានមន្ត្រីសុខាភិបាល ធ្វើសំណាក​រក​ឃើញថា មានប្រមាណ១០ភាគរយ មានវិជ្ជមានកូវីដ១៩ ហើយបច្ចុប្បន្នខេត្តមួយនេះ បានរកឃើញ​អ្នកវិជ្ជមានកូវីដ១៩ ប្រភេទបំប្លែងថ្មីដែលតា (Delta) ចំនួន១៤៦នាក់ហើយ ៕

កម្ពុជា​បន្ដ​រក​ឃើញ​មនុស្ស​៤១០នាក់​​ឆ្លង​កូវីដ-១៩​ ខណៈ​​អ្នក​ជំងឺ​៥៣៧នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/08/23 12:24:11 pm        379
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​ ៤១០នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន ៥៣៧នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន២៧៨នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ១៣២នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស១៦នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៨០៨នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប ៨៥ ៦១៨នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៨៩ ៦៤១នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

ពលករចូលតាមច្រកបន្ទាយមានជ័យ ប្រចាំថៃ្ង៤០០ទៅ៥០០នាក់ និងមាន១០ភាគរយ រកឃើញវិជ្ជមាន

2021/08/23 11:17:40 am        648
Facebook Telegram Linkin
ភ្នំពេញ៖ ការវិលត្រឡប់របស់ពលករខ្មែរពីប្រទេសថៃ តាមច្រកនានាជាប់ខេត្តបន្ទាយមានជ័យ ជាប្រចាំថ្ងៃនៅតែបន្តមាន ក្នុងរង្វង់ចាប់ពី៤០០ទៅ៥០០នាក់ ហើយត្រូវបានមន្ត្រីសុខាភិបាលខេត្ត ធ្វើសំណាកតាមរយៈឧបករណ៍តេស្តរហ័ស ដើម្បីរកវីរុសកូវីដ១៩ ជាលទ្ធផលមានប្រមាណ ១០ភាគរយ នៃពលករទាំងនោះ មានវិជ្ជមានកូវីដ១៩ ។ឯកឧត្តម អ៊ុ រាត្រី អភិបាលខេត្តបន្ទាយមានជ័យ មានប្រសាសន៍ថា ចាប់តាំងពីមានការបើក​ព្រំដែន​ជាមួយប្រទេសថៃ ក្នុងការឲ្យពលករខ្មែរត្រឡប់មកស្រុកកំណើតវិញ នៅថ្ងៃទី១៣ ខែសីហា ឆ្នាំ២០២១ មានពលករខ្មែរចូលតាមច្រកខេត្តបន្ទាយមានជ័យ នៅតែមានចំនួនច្រើន និង​មាន១០ភាគរយ នៃពលករទាំងអស់នោះ វិជ្ជមានកូវីដ១៩ ហើយត្រូវបញ្ជូនទៅសម្រាកព្យាបាល តាមមណ្ឌលនានា ដែលមាននៅក្នុងខេត្តសរុបចំនួនជិត ២០កន្លែង ។ឯកឧត្តម បានបន្តថា ដោយកំណើនមកជាបន្តបន្ទាប់នេះ អាជ្ញាធរខេត្តបានរៀបចំមណ្ឌល​ចត្តាឡីស័ក នៅក្នុងក្រុងសិរីសោភ័ណ និងតាមបណ្ដាស្រុកមួយចំនួន រហូតដល់ចំនួន ២២កន្លែង និងបច្ចុប្បន្នមានអ្នកកំពុងធ្វើចត្តាឡីស័ក តាមមណ្ឌលនានាចំនួន ៦ ៦២៧នាក់ ។ឯកឧត្តមអភិបាលខេត្ត បន្ថែមថា ទន្ទឹមនឹងការរកឃើញអ្នកវិជ្ជមានកូវីដ១៩ អាជ្ញាធរ និងមន្ត្រី​សុខាភិបាល​ខេត្ត បាននិងកំពុងពន្លឿនក្នុងការចាក់វ៉ាក់សាំង ជូនប្រជាពលរដ្ឋនៅទូទាំងខេត្ត ដោយ​រហូតមកដល់ពេលនេះ អ្នកមានអាយុចាប់ពី ១៨ឆ្នាំឡើង ចាក់បានជាង ៣០ម៉ឺននាក់ និងនៅថ្ងៃទី២៣ ខែសីហានេះ ចាប់ផ្ដើមយុទ្ធនាការចាក់វ៉ាក់សាំងដល់កុមារ និងយុវវ័យ ចាប់ពី​អាយុ១២ឆ្នាំ ទៅដល់ក្រោម១៨ឆ្នាំ ដែលគម្រោងត្រូវចាក់ចំនួន ១០៩ ០០០នាក់ នៅមណ្ឌលសុខភាពក្នុងខេត្តចំនួន ៦៨ទីតាំង ។ឯកឧត្តម អ៊ុ រាត្រី បញ្ជាក់ថា ពុំមានករណីយុវជននៅមណ្ឌលបន្សាប់គ្រឿងញៀន រត់ចេញពី​មណ្ឌល​នោះ គឺគ្រាន់តែពួកគេពេលដឹងថា ​មានករណីវិជ្ជមានកូវីដ១៩ ហើយនោះ ចង់ស្វែងរក​ទីតាំង​ព្យាបាល ប៉ុន្តែបច្ចុប្បន្នអាជ្ញាធរបាន​សម្រួល​ឲ្យពួកគេ បានទៅមណ្ឌលព្យាបាលខាងក្រៅចំនួន ១៥០នាក់ និងក្រៅពីនោះព្យាបាលនៅក្នុងមណ្ឌលបន្សាប់គ្រឿងញៀន ។កាលពីថ្ងៃទី២២ ខែសីហា ឆ្នាំ២០២១ អាជ្ញាធរខេត្តបានរកឃើញអ្នកវិជ្ជមានកូវីដ១៩ ចំនួន២៨២នាក់ និងជាសះស្បើយចំនួន ១៦៨នាក់ ។ រហូតមកដល់ពេលនេះ នៅខេត្តបន្ទាយមានជ័យ ក្រសួង​សុខាភិបាល​បានរកឃើញអ្នកវិជ្ជមានវីរុសបំប្លែងថ្មីដែលតា​ (Delta) ចំនួន១៤៦នាក់ និង​សរុប​នៅទូទាំងប្រទេសកម្ពុជា គឺបានរកឃើញអ្នកវិជ្ជមានវីរុសនេះ ចំនួន៩៩៩នាក់ ប៉ះពាល់លើរាជធានី និងខេត្តសរុបចំនួន២៣ លើកលែងខេត្តកែប និងខេត្តក្រចេះ ៕អត្ថបទ បាន សុខរិទ្ធ

ការអនុវត្តបំរាមគោចរជាង២០ថ្ងៃ ឃាត់មនុស្សពិន័យ អប់រំជាង៣៧០០០នាក់ និងបញ្ជូន៩៥នាក់​ទៅ​តុលាការ

2021/08/23 10:31:05 am        216
Facebook Telegram Linkin
ភ្នំពេញ៖ ការអនុវត្តរឹតបន្តឹងបំរាមគោចរ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ក្នុងរយៈពេលជាង ២០ថ្ងៃ ក្នុងនោះសមត្ថកិច្ចនៅតាមគោលដៅអនុវត្តវិធានការនានា បានឃាត់អ្នកល្មើសនឹងបំរាមគោចរបានចំនួនជាង ៣៧០០០នាក់ ធ្វើការអប់រំនិងពិន័យ ខណៈមានអ្នកល្មើសធ្ងន់ធ្ងរចំនួន ៩៥នាក់ទៀត ត្រូវបានបញ្ជូនទៅតុលាការចាត់ការនីតិវិធី ។យោងតាមសេចក្តីជូនដំណឹងរបស់គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ បានឲ្យដឹងថា ចាប់ពីថ្ងៃទី២៩ ខែកក្កដា រហូតដល់ថ្ងៃទី២២ ខែសីហា ឆ្នាំ២០២១ ការអនុវត្តវិធាន​ការច្បាប់ពាក់ព័ន្ធនឹងបំរាមគោចរបានចំនួន ១៩ ២១០ករណី ដោយឃាត់ខ្លួនអ្នកល្មើស ដើម្បី​ធ្វើការ​ពិន័យ និងអប់រំចំនួន ៣៧ ៨៣៤នាក់ ក្នុងនោះ ជនបរទេសចំនួន ២១៩នាក់ ។សេចក្តីជូនដំណឹង បានបន្តថា ការអនុវត្តនេះ បានឃាត់យានយន្តចំនួន១៦ ៤៣៧គ្រឿង និងបាន​ថវិកា​បានចំនួន ៧៤១ ៦០០ ០០០រៀល និងបិទទីតាំងអាជីវកម្ម ដែលល្មើសនឹងបំរាមចំនួន ៥ទីតាំង ។ចំពោះការល្មើសបំរាមគោចរ នារយៈពេលចុងក្រោយនេះ បានថយចុះច្រើន ជាក់ស្ដែងនៅយប់​ថ្ងៃទី២២ ខែសីហា ឆ្នាំ២០២១ សមត្ថកិច្ចអនុវត្តវិធានការច្បាប់ចំនួន ២២២ករណី ឃាត់មនុស្សបានចំនួន ៤១១៤នាក់ ដើម្បីធ្វើការអប់រំ និងពិន័យជាប្រាក់បានចំនួន ៤ ២០០ ០០០រៀល និងឃាត់រថយន្ត ៦៨គ្រឿង និងម៉ូតូ ១២៦គ្រឿង ។ពាក់ព័ន្ធការអនុវត្តរឹតបន្តឹងបំរាមគោចរនេះ សម្រាប់រាជធានីភ្នំពេញ និងបន្តអនុវត្តរហូតដល់ថ្ងៃទី២៦ ខែសីហា ឆ្នាំ២០២១ ខណៈនៅតាមបណ្ដាខេត្តមួយចំនួន ក៏មានការធូរស្បើយ នៃការរកឃើញអ្នក​វិជ្ជមានកូវីដ១៩ ហើយមានការបើកផ្សារ ឲ្យក្រុមអាជីវករលក់ដូរឡើងវិញ ។ប៉ុន្តែយ៉ាងណាក៏ដោយ ក្រសួងសុខាភិបាល ក៏បានចេញសេចក្តីជូនដំណឹងដល់ខេត្តចំនួន១៥ ពិសេសខេត្តនៅជាប់ព្រំដែន ត្រូវបន្តបំពេញកាតព្វកិច្ចពាក់ម៉ាស់ រក្សាគម្លាតសុវត្ថិភាព ដើម្បី​ទប់ស្កាត់ការឆ្លងរាលដាលនៃជំងឺកូវីដ១៩ ពិសេសប្រភេទបំប្លែងថ្មីដែលតា ខណៈកម្ពុជា បានរកឃើញអ្នកឆ្លងវីរុសថ្មីនេះ មានជិតចំនួន ១០០០ករណី ៕អត្ថបទ ៖ សុខរិទ្ធ

កម្លាំងកងរាជអាវុធហត្ថរាជធានីភ្នំពេញ ឡោមព័ទ្ធឃាត់ខ្លួនជនជាតិចិនជាង៨០នាក់នៅអាគារខុនដូរមួយកន្លែងក្នុងខណ្ឌចំការមន

2021/08/21 03:55:32 pm        857
Facebook Telegram Linkin
ភ្នំពេញ៖ កម្លាំងកងរាជអាវុធហត្ថរាជធានីភ្នំពេញ សហការជាមួយអាវុធហត្ថមូលដ្ឋានខណ្ឌចំការមន បានចបានចុះឡោមព័ទ្ធទីតាំងខុនដូរមួយកន្លែង បានឃាត់ខ្លួនជនជាតិប្រុសស្រីជាង ៨០នាក់ បញ្ជូនខ្លួនទៅកងរាជអាវុធហត្ថរាជធានីភ្នំពេញដើម្បីចាត់ការបន្ត។ប្រតិបត្តិការការនេះបានធ្វើឡើងកាលពីវេលាម៉ោង១១និង៣០នាទីថ្ងៃត្រង់នាថ្ងៃទី២១ ខែសីហា ឆ្នាំ២០២១ នៅចំណុចខុនដូរមួយលេខ ៩៧ ផ្លូវ៥០៨ មូលដ្ឋានសង្កាត់ផ្សារដើមថ្កូវ ខណ្ឌចំការមន។តាមប្រភពព័ត៌មានបានឲ្យដឹងថា នៅមុនពេលដែលកម្លាំងកងរាជអាវុធហត្ថរាជធានីភ្នំពេញឈានដល់ការឡោមព័ន្ធទីតាំងខុនដូរនេះ កម្លាំងជំនាញបានធ្វើការស៊ើបអង្កេតស្រាវជ្រាវ រហូតកំណត់ទីតាំងច្បាស់លាស់ បានឃាត់ខ្លួនជនជាតិចិនប្រុសស្រីជាង៨០នាក់ បញ្ជូនខ្លួនឡើងរថយន្ត រួចនាំខ្លួនទៅកងរាជអាវុធហត្ថរាជធានីភ្នំពេញដើម្បីសាកសួរ និងបន្តវិតិវិធីតាមផ្លូវច្បាប់៕ពាក់ព័ន្ធករណីនេះភ្ញាក់ងារទូរទស្សន៍ BTV News បានធ្វើទំទាក់ទំទងតាមរយះទូរស័ព្ទទៅ លោក វរសេនីយ៍ឯក ម៊ាំង សុខលុច នាយការិយាល័យបង្ក្រាប់បទល្មើសព្រហ្មទណ្ឌនៃកងរាជអាវុធរាជធានីភ្នំពេញ ដែលដឹកនាំប្រតិបត្តិការផ្ទាល់ សុំព័ត៌មានក្នុងវង្វង់ប្រតិបត្តិការ ឃាត់ខ្លួនជនជាតិចិន និងបទល្មើសអ្វីនោះ គាត់បានប្រាប់ថា កំពុងជាប់រវល់សិន រួចក៏បិទក៏ទូរស័ព្ទ៕អត្ថបទ៖ កុម្ភះ

កម្ពុជា​បន្ដ​រក​ឃើញ​មនុស្ស​៤៩៣នាក់​​ឆ្លង​កូវីដ-១៩​ ខណៈ​​អ្នក​ជំងឺ​៦៥៥នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/08/21 12:31:52 pm        347
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​ ៤៩៣នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន ៦៥៥នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន៣០៤នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ១៨៩នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស១៦នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៧៧៨នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប ៨៤ ៥០៦នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៨៨ ៧៣៥នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

អត្រា​អ្នកឆ្លង​ជំងឺកូវីដ-១៩​ បំប្លែងថ្មី​ប្រភេទdelta​ មានការកើនឡើងដល់១៦៥នាក់​ក្នុង​ភូមិ​សាស្រ្ត​ខេត្តឧត្តរមានជ័យ

2021/08/21 11:23:12 am        608
Facebook Telegram Linkin
ឧត្តរមានជ័យ ៖ លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បានលើកឡើងថា អត្រាចំនួនអ្នកឆ្លងជំងឺកូវីដ-១៩បំប្លែងខ្លួនថ្មីប្រភេទdelta មានចំនួនកើនឡើងដល់ ១៦៥នាក់ ក្នុងនោះស្រី៨០នាក់ គិតត្រឹមថ្ងៃទី ២០សីហា ឆ្នាំ២០២១នេះ។លោកវេជ្ជបណ្ឌិត បន្តថា បច្ចុប្បន្ននេះ​ជំងឺដែលគួរឲ្យខ្លាច​ និងបារម្មណ៍ខ្លាំង​នៃការ​ចម្លងលឿន​ជាងគេនោះ គឺប្រភេទជំងឺបំប្លែងខ្លួនថ្មី delta វាចម្លងលឿន​ពី​បុគ្គលម្នាក់​​ទៅបុគ្គលម្នាក់​ទៀត​តាមរយៈខ្យល់ដង្ហើម។លោកវេជ្ជបណ្ឌិត បន្តឲ្យដឹងទៀតថា ទោះបីជាស្ថានភាព​នៃការឆ្លងរាលដាលជំងឺកូវីដ-១៩ មាន​ការថមថយចុះលើពលករឆ្លងដែន និងប្រជាពលរដ្ឋ​ក្នុងសហគមន៍​បន្តិចក្តី​ ក៏​បងប្អូនមិនត្រូវ​មាន​ការធ្វេស​ប្រហែស​នោះឡើយ​ ត្រូវអនុវត្តវិធានការកាតព្វកិច្ច ពាក់ម៉ាស​ រក្សាគម្លាត​សុវត្ថិភាព​សង្គម សំអាត​អនាម័យ​លាងដៃ​ជាមួយសាប៊ូ​ ឬក៏​ជេល ឲ្យបានខ្ចប់ខ្ចួនជាប់ជាប្រចាំ​ទើបគ្រប់គ្នាអាចជៀស​ផុត​ពីការចម្លង​ជំងឺដ៏​កាចសហាវនេះបាន៕អត្ថបទ ៖ ឃិនសារិទ្ធ

បណ្ដាញសង្គម

ព័ត៌មានថ្មីៗ

អ្នកការទូតបារាំងបាននិយាយថា ក្រុមហេសបូឡា ត្រូវតែជ្រើសរើសរវាងប្រទេសលីបង់ និងអ៊ីរ៉ង់»
04/10/2026 02:04 PM
Facebook Telegram Linkin
UN៖ បុគ្គលិកជំនួយជាង ១.០០០នាក់ ត្រូវបានសម្លាប់ នៅទូទាំងពិភពលោក ក្នុងរយៈពេល ៣ឆ្នាំ កន្លងមកនេះ
04/10/2026 02:04 PM
Facebook Telegram Linkin
គូវ៉ែតចោទអ៊ីរ៉ង់ថា បានវាយប្រហារដោយដ្រូន ខណៈរោងចក្រថាមពលអារ៉ាប៊ីសាអ៊ូឌីត ត្រូវរងការវាយប្រហារ
04/10/2026 02:04 PM
Facebook Telegram Linkin
រដ្ឋមន្ត្រីការបរទេសអ៊ីរ៉ង់ព្រមានអាមេរិកកុំឲ្យលោក NETANYAHU «សម្លាប់ការទូត»
04/10/2026 02:04 PM
Facebook Telegram Linkin
លោក NETANYAHU និយាយថា គ្មានបទឈប់បាញ់នៅលីបង់ទេ ខណៈអ៊ីស្រាអែលគម្រោងចរចាជាមួយក្រុងបេរូត
04/10/2026 02:04 PM
Facebook Telegram Linkin
គណៈគ្រប់គ្រងនៃវិទ្យាស្ថានខ្មែរជំនាន់ថ្មី រៀបចំសង្ក្រាន្ត បំផុសស្មារតីបុគ្គលិក សិស្សនិស្សិត លេងល្បែងប្រជាប្រិយ ដើម្បីថែរក្សាប្រពៃណីជាតិ
04/10/2026 02:04 PM
Facebook Telegram Linkin
ក្រសួងការងារ ស្នើដល់ម្ចាស់ការ​ដ្ឋានសំណង់​ឱ្យ​ជួយ​ជំរុញបងប្អូនអតីតពលករ​ដែលមកពីថៃ​មកចុះ​ឈ្មោះ​ធ្វើ​តេស្ដទទួលស្គាល់​ជំនាញ​ដោយ​ឥត​គិត​ថ្លៃ
04/10/2026 01:04 PM
Facebook Telegram Linkin
Mohammed Kudus របួសភ្លៅចាស់ទំនងត្រូវការវះកាត់ ទំនងមិនអាចបង្ហាញខ្លួននៅ World Cup
04/10/2026 01:04 PM
Facebook Telegram Linkin
នៅសល់ ៧ ប្រកួត Roberto de Zerbi ត្រូវធ្វើបែបណាដើម្បីសង្គ្រោះ Spurs គេចពីការកាត់ចេញ?
04/10/2026 01:04 PM
Facebook Telegram Linkin
វិស័យរដ្ឋគ្រោងដាក់ឱ្យអនុវត្តសាកល្បងកម្មវិធី «គន្លងអប់រំថ្មី» ដើម្បីពង្រឹងគុណភាពអប់រំបច្ចេកទេសនិងវិជ្ជាជីវៈ
04/10/2026 01:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.