នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ
ឃាត់​ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេស​ស្នាក់​នៅខុស​ច្បាប់​ជា​ច្រើន​នាក់​ទៀត
នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា
ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

រថយន្តធន់ធំ២គ្រឿង ដឹកថ្ម បើកជែងគៀគ្នាក្រឡាប់ផ្ងាជើង ចាក់ថ្មរាយពេញផ្លូវ

2021/04/27 02:59:58 am        411
Facebook Telegram Linkin
ភ្នំពេញ ៖ រថយន្តធន់ធំមួយគ្រឿង បើកចេញពីកន្លែងប៉ះកង់ ឡើងមកមហាវិថី វិមានឈ្នះឈ្នះ ខ្វះការប្រុងប្រយ័ត្ន បណ្តាលឱ្យជ្រុលគៀអូសរថយន្តធន់ធំមួយគ្រឿងទៀត ក្រឡាប់ផ្ងាជើង ចាក់ថ្មរាយពេញផ្លូវ តែមិនបណ្តាលឱ្យនរណាម្នាក់រងរបួសនោះទេ។ ហេតុការណ៍នេះបានកើតឡើងកាលពីវេលាម៉ោង ១២ និង១០ថ្ងៃត្រង់ ថ្ងៃទី៣១ ខែមិនា ឆ្នាំ២០២១ ស្ថិតតាមបណ្តោយ មហាវិថី វិមានឈ្នះឈ្នះ ក្នុងសង្កាត គោករកា ខណ្ឌព្រែកព្នៅ រាជធានីភ្នំពេញ ។នគរបាលបានអោយដឹងថា តៃកុងរថយន្តក្រឡាប់ មានឈ្មោះ វី មុនី ភេទប្រុស អាយុ២៨ ឆ្នាំ ស្នាក់នៅភូមិភ្នំធំត្បូង ឃុំអូប្រាសាទ ស្រុកមង្គល់បុរី ខេត្តបន្ទាយមានជ័យ។តាមប្រភពព័ត៌មាននៅកន្លែងកើតហេតុបានប្រាប់ឱ្យដឹងថា មុនពេលកើតហេតុ គេបានឃើញរថយន្តធន់ធំមួយគ្រឿង ពណ៌ខៀវ លាយស ពាក់ស្លាកលេខ ភ្នំពេញ 3A-6005 បើកដោយបុរសម្នាក់ ដឹកថ្មតូចៗពេញឡាន តាមបណ្តោយ មហាវិថីវិមានឈ្នះឈ្នះ ទិសដៅពីលិចទៅកើត ខណៈពេលមកដល់ចំណុចកើតហេតុស្រាប់តែមានរថយន្តធន់ធំមួយគ្រឿងទៀត ពណ៌ខៀវ ពាក់ស្លាកលេខ ភ្នំពេញ 3E-4751 បើក ចេញពីកន្លែង ប៉ះកង់ឡើងមកមហាវិថីវិមានឈ្នះឈ្នះ ដោយខ្វះការប្រុងប្រយ័ត្ន បណ្តាលឱ្យគៀគ្នា រហូតរថយន្តធន់ធំដែលដឹកថ្ម បួងចង្កូតគេចឡើងលើសួនច្បារពុះចែកទ្រូងផ្លូវ ក្រឡាប់ផ្ងាជើងម្ខាង ចាក់ថ្មរាយពេញផ្លូវ បណ្តាលឱ្យរថយន្តក្រឡាប ដាច់ក្រឡេកង់ខាងមុខ និង រថយន្តមួយគ្រឿងទៀតរងការខូចខាតទ្រង់ខាងក្រោយ តែមិនបណ្តាលឱ្យនរណាម្នាក់រងរបួសនោះទេ ចំណែកតៃកុងរថយន្តដែលបើកឡើងពីកន្លែងប៉ះកង់ បានចុះពីលើរថយន្តរត់គេចខ្លួនបាត់។ក្រោយពេលកើតហេតុ កម្លាំងសមត្ថកិច្ចមូលដ្ឋាន រួមកម្លាំងសមត្ថកិច្ចជំនាញ បានចុះមកដល់ចំណុចទីតាំងកើតហេតុរួចធ្វើការវាស់វែងយករថយន្តទាំងពី ទៅរក្សាទុកនៅការិយាល័យចរាចរណ៍ផ្លូវគោករងចាំការដោះស្រាយនៅពេលក្រោយ៕អត្ថបទ ​ ៖ កុម្ភះ

រថយន្ត២គ្រឿងបុកគ្នាពេញទំហឹង តែអ្នកបើកបរទាំង២ មិនរងគ្រោះថ្នាក់

2021/04/27 02:59:58 am        204
Facebook Telegram Linkin
កំពង់ឆ្នាំង ៖ នៅវេលាម៉ោង៨ព្រឹក ទី៣១ ខែមីនា ឆ្នាំ២០២១ នៅចំណុចជិតដំរីស ក្រុងកំពង់ឆ្នាំង មានករណីគ្រោះ​ថ្នាក់ចរាចរណ៍មួយ​បានកើតឡើង​ដោយរថយន្ត២គ្រឿងបុកគ្នាពេញទំហឹង តែជាសំណាងល្អ អ្នកបើកបរទាំងសងខាងមិនមានរបួស ខណៈដែលអ្នកបើកបរម្នាក់គៀបក្នុងកាប៊ីនឡាន ត្រូវបានសមត្ថកិច្ច និងប្រជាពលរដ្ឋជួយសង្គ្រោះយកចេញបាន។ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រ លេខ៨៦ និង៨៧ ត្រង់ចំណុចផ្លូវបំបែកចូលរោងទឹកកកស្ថិតក្នុងភូមិត្រពាំងចឹក្សា សង្កាត់កំពង់ឆ្នាំង ក្រុង ខេត្តកំពង់ឆ្នាំង ។នគរបាលចរាចរណ៍ក្រុងកំពង់ឆ្នាំង ដែលចុះដល់កន្លែងកើតហេតុបានឲ្យដឹងថារថយន្តម៉ាកហ៊ីយ៉ាន់ដាយ ពណ៌ស ពាក់ផ្លាកលេខ ព្រះស៊ីហនុ 3A-7277 អ្នកបើកបរមិនស្គាល់អត្តសញ្ញាណ ហើយត្រូវបានរថយន្តម៉ាកហ៊ីយ៉ាន់ដាយពណ៍ទឹកក្រូច លាយស ពាក់ផ្លាកស្លាកលេខ-PP 3F-4851 អ្នកបើកបរឈ្មោះ នួន សុខឿន ភេទប្រុសអាយុ៤២ឆ្នាំ រសនៅក្នុងភូមិប្រស្និប ឃុំប្រស្និប ស្រុកអង្គស្នួល ខេត្តកណ្តាល មុខរបរបើកបររថយន្តអោយក្រុមហ៊ុនវីរ:ប៊ុនថាំ ត្រូវបានគៀបជាប់ក្នុងការប៉ឺនរថយន្ត បើកបរក្នុងទិសដៅស្របទិសគ្នាពីជើងទៅត្បូង ។ប្រជាពលរដ្ឋដែលបានឃើញហេតុការណ៍ខាងលើនេះនិយាយឲ្យដឹងនៅកន្លែងកើតហេតុថា: នៅមុនពេលកើតហេតុពួកគាត់បានឃើញរថយន្ត០២ គ្រឿង បើកបន្តកន្ទុយគ្នា ពីជើងទៅត្បូងដល់ចំណុចចុះទួល រថយន្តកូរ៉េធុនធំមានដងសន្ទូច បានបត់ឆ្វេង ស្រាប់តែត្រូវបានរថយន្តកូរ៉េធុនតូចរបស់ក្រុមហ៊ុនវីរៈប៊ុនថាំ បានបុកចំបណ្ដាលឡាន បណ្តាលឱ្យក្រឡាប់ផ្ងារជើង បណ្តាលអោយរងគ្រោះថ្នាក់អ្នកបើកបររថយន្តធុនតូច ត្រូវបានគៀបជាប់នៅក្នុងកាប៉ឺនរថយន្ត តែភាគីខាងរថយន្តធុនធំមិនមានគ្រោះថ្នាក់នោះឡើយ ។ក្រោយពេលកើតហេតុប្រជាពលរដ្ឋ ក៏ដូចជាសមត្ថកិច្ចនគរបាលចរាចរណ៍ក្រុងខេត្ត បានចុះដល់កន្លែងកើតហេតុជួយធ្វើអន្តរាគមន៍ យករថយន្តទាញអ្នកបើកបរចេញពីក្នុងកាប៉ឺនឡាន ដោយពុំមានគ្រោះថ្នាក់អ្វីឡើយ ។ពាក់ព័ន្ធករណីខាងលើនេះប្រជាពលរដ្ឋដែលបានឃើញហេតុការណ៍បាននិយាយឲ្យដឹងទៀតថាការបើកបររបស់រថយន្តទាំងពីរគ្រឿងនេះបើកបរខ្វះការប្រុងប្រយ័ត្ន ទើបបណ្ដាលឱ្យកើតមានគ្រោះថ្នាក់បែបខាងនេះតែអ្វីដែលជាសំណាងមួយនោះ គឺមិនមានគ្រោះថ្នាក់ដល់អ្នកបើកបរទាំងពីរនោះឡើយ។ក្រោយពេលកើតហេតុរថយន្តទាំង០២គ្រឿង ត្រូវបានសមត្ថកិច្ចនាំយកទៅការរិយាលយ័ចរាចរផ្លូវគោគ ធ្វើការដោះស្រាយតាមនិតវិធីផងដែរ ៕អត្ថបទ ៖ វាសនា

រថយន្តដឹកអង្ករធុនធំ បើកចុះពីលើភ្នំព្រឹក ចាប់ប្រាំងមិនស៊ីក្រឡាប់ បណ្ដាលឲ្យមនុស្ស ០៤នាក់ស្លាប់

2021/04/27 02:59:58 am        417
Facebook Telegram Linkin
បាត់ដំបង៖ មានហេតុការណ៍គ្រោះថ្នាក់ចរាចរណ៍មួយករណី បង្កឡើងដោយរថយន្តដឹកអង្ករ ០១គ្រឿង បានចុះពីលើភ្នំព្រឹក ដែលមានចំណោទ ហើយដាច់ប្រាំងក៏បានក្រឡាប់ បណ្តាលឲ្យអ្នកបើកបរ និងអ្នករួមដំណើរ ០៣នាក់ទៀត ​បាត់បង់ជីវិត​។ហេតុការណ៍នេះ បានកើតឡើងកាលពីវេលាម៉ោង​ ២រសៀល ថ្ងៃទី៣០ ខែមីនា ឆ្នាំ​២០២១ នៅចំណុចផ្លូវជាតិលេខ៥៩ ស្ថិតភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង​។លោក ផាន់ ស្រស់ នាយនគបាលប៉ុសិ៍រដ្ឋបាល​ឃុំអូររំដួល បានឲ្យដឹងថា រថយន្តដឹកអង្ករ​រងគ្រោះខាងលើ​ម៉ាក់​ហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខត្បូងឃ្មុំ 3A-0409 របស់ក្រុមហ៊ុន​ដាក់ថាអក្សរ ខេ (k) បានបើកចុះពីលើភ្នំព្រឹក ដែលមានទិសដៅពីជើងទៅត្បូង ដោយផ្លូវ​មាន​ជំរេលរថយន្តនេះ បានចុះមកកាន់តែលឿនទៅៗ ហើយមកដល់ផ្លូវកោងក៏ដាច់ប្រាំង​ក្រឡាប់តែម្តង​។​លោកបញ្ជាក់ថា រថយន្តខាងលើនេះ បានដឹកអង្ករមកពីខេត្តផ្សេង ដើម្បីយកមកបោះឲ្យម៉ូយ ក្នុងស្រុកភ្នំព្រឹក ហើយតាមការសន្និដ្ឋានតៃកុងឡានខាងលើ ទំនងជាមិនស្គាល់ភូមិសាស្រ្តនៅតំបន់នេះ ហើយដឹកអង្ករមកលើកទីមួយទៀត ទើបមិនបានប្រុងប្រយ័ត្ន។ លោកមេប៉ុស្តិ៍​បញ្ជាក់ថា ប្រហែលតៃកុងឡាន ពេលបើកចុះពីលើភ្នំមិនបានត្រៀមដាក់ប្រាំងទប់តាំងពីពេលចុះដំបូងមក ទើបចាប់ប្រាំងមិនជាប់ ហើយល្បឿន​ឡានលឿនទៅលឿនទៅ​ចាប់ប្រាំងមិនស៊ី បណ្តាលឲ្យគ្រោះថ្នាក់បែបនេះ។លោកបញ្ជាក់ថា ទីតាំងដែលឡានក្រឡាប់នេះ សំណាងហើយមិនមានផ្ទះប្រជាពលរដ្ឋនៅក្បែរនោះដោយសារទីតាំងរងគ្រោះជាដីទំនេរមិនមានមនុស្សរស់នៅ ។ជនរងគ្រោះដែលស្លាប់ទាំង ០៤នាក់ រួមមាន៖១.សួង សុជា ភេទប្រុស អាយុ ១៨ឆ្នាំ រស់នៅភូមិឃ្លាំង សាំង សង្កាត់ឬស្សីកែវ រាជធានីភ្នំពេញ ២.ឈ្មោះ ឧត្តម ភេទប្រុស អាយុប្រហែល ២៥ឆ្នាំ រស់នៅខេត្តព្រៃវែង ៣.ឈ្មោះ ម៉ៅ ភេទប្រុស អាយុ ៣៣ឆ្នាំ រស់នៅខេត្តកំពង់ស្ពឺ និង៤.ឈ្មោះ សីហា អាយុប្រហែល ២៥ឆ្នាំ រស់នៅស្រុកសំឡូត ខេត្តបាត់ដំបង​។ បច្ចុប្បន្ននេះ សមត្ថកិច្ចកំពុងរង់ចាំសាច់ញាតិជនរងគ្រោះមកទទួលយកសាកសព ដើម្បីទៅធ្វើបុណ្យតាមប្រពៃណី៕ អត្ថបទ៖ បាន សុខរិទ្ធ

បញ្ចូនខ្លួន ជនសង្ស័យ១៤នាក់ទៅតុលាការ ករណីបង្ខាំងជំរិតទារប្រាក់ ដោយប្រើរូបភាពបន្លំធ្វើគ្រូពេទ្យ នាំទៅធ្វើចត្តាឡីស័ក

2021/04/27 02:59:58 am        147
Facebook Telegram Linkin
ភ្នំពេញ ៖ ក្រុមជនសង្ស័យ១៤នាក់ មានជនជាតិចិន៧នាក់ និងវៀតណាម៧នាក់ ដែលជាប់ពាក់ព័ន្ធនឹងការប្រើល្បិចបន្លំជាក្រុមគ្រូពេទ្យចុះនាំខ្លួនជនរងគ្រោះជាជនជាតិចិនម្នាក់ទៅធ្វើចត្តាឡីស័ក រួចបែរជាយកទៅបង្ខាំងជំរិតទារប្រាក់៣ម៉ឺនដុល្លារ កាលពីពេលកន្លងទៅនោះ ត្រូវបានកម្លាំងនគរបាលខណ្ឌចំការមន បញ្ចូនខ្លួនទៅកាន់សាលាដំបូងរាជធានីភ្នំពេញ នៅវេលាព្រឹកថ្ងៃទី៣០ ខែមិនា ឆ្នាំ២០២១នេះ ដើម្បីបន្តនីតិវិធីច្បាប់ ។ គិតត្រឹមវេលាម៉ោង១៣ រសៀលថ្ងៃខែដដែលនេះ តុលាការកំពុងបន្តនីតិវិធីសាកសួរនាំ ដោយពុំទាន់សម្រេចយ៉ាងណាទាំងអស់ទៅលើពួកគេនៅឡើយនោះទេ ។ សូមបញ្ជាក់ថា ជនសង្ស័យទាំង១៤នាក់ ត្រូវបានកម្លាំងនគរបាល នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាល នៃស្នងការដ្ឋាននគរបាលរាជធានីភ្នំពេញ នគរបាលខណ្ឌចំការមន និងនគរបាលខណ្ឌដូនពេញ បានបើកការស្រាវជ្រាវ រហូតឈានទៅបង្ក្រាបពួកគេបាន កាលពីថ្ងៃទីយប់ថ្ងៃទី២៥ ខែមិនា ឆ្នាំ២០២១ នៅចំណុចសណ្ឋាគារ POSITANO BOUTIQUE HOTEL ដែលមានទីតាំងផ្ទះលេខ០៤ និងលេខ ០៦ ផ្លូវលេ១៤៤ ភូមិ៦ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ។ ជុំវិញដំណើររឿងហេតុ នៃអំពើជំរិតទារប្រាក់នេះ បើតាមប្រភពព័ត៌មានអោយដឹងថា ៖ នៅថ្ងៃទី២០ ខែមិនា ឆ្នាំ២០២១ ក្រុមជនសង្ស័យ បានបន្លំខ្លួនជាក្រុមគ្រូពេទ្យ ដោយបានស្លៀកឈុតសជាគ្រូពេទ្យយ៉ាងត្រឹមត្រូវ នឹងបាននាំគ្នាទៅដល់បន្ទប់របស់ជនរងគ្រោះជនជាតិចិនម្នាក់ ស្ថិតក្នុងសណ្នាគារ ដឹព្រីនស៍ ស្ថិតនៅផ្លូវលេខ ៧៨ សង្កាត់ទន្លេបាសាក់ ខណ្ឌចំការមន ដោយបានប្រាប់ជនរងគ្រោះថាមានជាប់ពាក់ព័ន្ធនឹងជម្ងឺកូវីដ១៩ នឹងតម្រូវអោយទៅធ្វើចត្តាឡីស័ក ហើយជនរងគ្រោះក៏យល់ព្រមទៅជាមួយ ។ បន្ទាប់ពីជនរងគ្រោះយល់ព្រមទៅហើយនោះ ក្រុមជនសង្ស័យបាននាំខ្លួនជនរងគ្រោះយកទៅបង្ខាំងទុកនៅសណ្នាគារ SKAYLINE ស្ថិតនៅផ្លូវ១៣៤ ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ ដោយធ្វើការជំរិតទារប្រាក់ចំនួន ៣ម៉ឺនដុល្លារអាមេរិក ជាថ្នូរនឹងការដោះលែង។ រហូតដល់ថ្ងៃទី២៣ ខែមីនា ឆ្នាំ ២០២១ ទើបក្រុមជនសង្ស័យបានដោះលែងជនរងគ្រោះ ក្រោយពីជម្រិតទារប្រាក់បានសម្រេច ។ បន្ទាប់ពីខ្លួនរួចខ្លួនពីកណ្តាប់ដៃរបស់ក្រុមឧក្រិដ្ឋជនខាងលើរួចមក ជនរងគ្រោះ ក៏បានប្តឹងទៅសមត្ថកិច្ចក្រសួងមហាផ្ទៃដើម្បីសុំកិច្ចអន្តរាគមន៍ ហើយក៏ត្រូវបានកម្លាំងនគរបាលពាក់ព័ន្ធ បានបើកការស្រាវជ្រាវរហូតឈានទៅបង្ក្រាបក្រុមខាងលើបានជាក់ស្តែងតែម្តងទៅ ៕ អត្ថបទ ៖ លីហេង

សមាជិក​ក្រុម​ប្រឹក្សា​សង្កាត់​ប៉ោយប៉ែត​ម្នាក់​ត្រូវ​បាន​ឃាត់​ខ្លួន​ពី​បទ​ដឹក​មនុស្ស​ឆ្លង​ដែន​ខុស​ច្បាប់​

2021/04/27 02:59:58 am        37
Facebook Telegram Linkin
បន្ទាយមានជ័យ៖ សមាជិក​ក្រុម​ប្រឹក្សា​សង្កាត់​ប៉ោយ​ប៉ែត​ម្នាក់ ​និង​បក្ស​ពួក​២​នាក់​លួច​ដឹក​មនុស្ស​ឆ្លង​ដែនខុស​ច្បាប់​តាម​ច្រក​របៀង​១​កន្លែង​ផ្គើន​នឹង​អនុសាសន៍​របស់​សម្តេច​តេជោ​ នាយករដ្ឋ​មន្រ្តី​ ត្រូវ​បាន​កម្លាំងសមត្ថកិច្ច​ចម្រុះ​ ឃាត់​ខ្លួន​បាន​កាលពី​ព្រឹក​ថ្ងៃ​ទី២៩​ ខែ​មីនា ឆ្នាំ​២០២១ ​នៅ​ច្រក​របៀង​មួយ​កន្លែង​ក្រោយ​ផ្ទះ​របស់​ខ្លួន​ឋិត​ក្នុង​ភូមិ​សាមគ្គី​មាន​ជ័យ​ សង្កាត់​ប៉ោយប៉ែត ​ក្រុង​ប៉ោយប៉ែត​ខេត្ត​បន្ទាយមានជ័យ​។ តាម​ការ​ឲ្យ​ដឹង​ពី​កម្លាំង​សមត្ថកិច្ច​ចម្រុះ ​កង​អាវុធ​ហត្ថ​ក្រុង​ប៉ោយប៉ែត ​នឹង​កម្លាំង​កង​ពលតូច​ថ្មើរ​ជើង​លេខ៥១​ កម្លាំង​វរសេនា​តូច​នគរបាល​ការពារ​ព្រំដែន​គោក​លេខ​៩១១ ​បាន​សហការណ៍​បង្ក្រាប​នៅ​នឹង​ផ្ទះ​ជនសង្ស័យ​តែ​ម្តង​ប៉ុន្តែ​ខណៈ​ពេល​ចុះ​បង្រ្កាប​នោះ​ដែរ​ ពលករ​ទាំង​នោះ​បាន​នាំគ្នា​រត់​ឆ្ពោះ​ទៅ​ខាង​ភាគី​ថៃ​តែ​ម្ដង​ នៅ​សល់​តែ​មេខ្យល់​ និង​សម្ភារៈ​មួយ​ចំនួន​ទើប​ឃាត់​ខ្លួន​បញ្ជូន​ទៅ​កាន់​កង​រាជ​អាវុធ​ហត្ថ​ក្រុង​ប៉ោយប៉ែត​ ដើម្បី​ធ្វើការ​សួរ​នាំ​ប​ន្ត។ដោយ​ឡែក​ជន​សង្ស័យ​ដែល​កម្លាំង​ចម្រុះ​ឃាត់​ខ្លួន​នោះ​រួមមាន៖១-ឈ្មោះ យឹម នៅ ភេទប្រុស អាយុប្រហែល៤៧ឆ្នាំ មាន​តួនាទី​ជា​សមាជិក​ក្រុម​ប្រឹក្សា​សង្កាត់​ប៉ោយ​ប៉ែត​រស់​នៅ​ភូមិ​សាមគ្គី​មានជ័យ ​សង្កាត់-ក្រុងប៉ោយប៉ែត (ជាអ្នកដឹកមនុស្ស)។ ២-ឈ្មោះ ចាន់ ណារ៉ុង ភេទប្រុស អាយុ៤០ឆ្នាំ បុគ្គលិកកាស៊ីណូ (ម្ចាស់ផ្ទះ)​ រស់​នៅ​ភូមិ​សាមគ្គី​មានជ័យ ​សង្កាត់-​ក្រុង​ប៉ោយ​ប៉ែត ​ ។ ៣.ឈ្មោះ ដែង ជុំ ភេទប្រុស អាយុ៤៦​ឆ្នាំ ​បុគ្គលិក​កាស៊ីណូ​ស្នាក់​នៅ​ភូមិ​ក្បាល​ស្ពាន​១ សង្កាត់-​ក្រុង​ប៉ោយប៉ែត​ ។ក្នុងហេតុការណ៍​នោះ​ដែរ​សមត្ថកិច្ច​បាន​ឲ្យ​ដឹង​ថា ​ ពេលដែ​ល​មាន​ប្រជាពលរដ្ឋ​បាន​រាយការណ៍​ភ្លាម​ៗ​នោះ ជន​សង្ស័យ​បាន​ធ្វើ​សកម្មភាពដា​ក់​មនុស្ស​ចូល​រថយន្ត​នៅ​ចំណុច​ក្រោយ​ផ្ទះ​សំណាក់​លី​ហួត ​លុះដល់​ផ្ទះជន​សង្ស័យ​ក្បែរ​មាត់​អូរ​ព្រំដែន​នៅខា​ង​ជើង​ចុង​ស្រល ​ក្នុង​ភូមិ​ក្បាល​ស្ពាន​១​ សង្កាត់​ប៉ោយប៉ែត ​ក្រុង​ប៉ោយប៉ែត ​បាន​ធ្វើ​សកម្មភាព​បញ្ជូន​មនុស្ស​ចេញ​ទៅ​ខាង​ទឹក​ដី​ថៃ​តែ​ម្ដង​។សមត្ថកិច្ច​បញ្ចាក់​ថា ​អ្នក​ដែល​ជា​មេខ្យល់​លួច​នាំ​ឆ្លង​ដែន​នោះ​មាន​គ្នា​៥​នាក់ ​ទំនង​ជា​ជាតិ​ថៃ ​ក្រោយ​ពីឃាត់​ខ្លួន​សមត្ថកិច្ច​បាន​ដក​ហូតរ​ថយន្ត​ម៉ាក​កាម៉ារី​ឆ្លាម​ពណ៌​ស​មួយ​គ្រឿង ​ស្លាក​លេខ​ ព្រះសីហនុ​.2A.​1354 ​និង​កាបូប​ដាក់​ខោអាវ​២ ​ចង្ក្រាន​អគ្គីសនី​មួយ​ផង​ដែរ​។ សមត្ថកិច្ចបា​ន​បញ្ជាក់​ថា ​គេ​ឃើញ​រថយន្ត​ជន​សង្ស័យ​ខាង​លើ​ធ្វើ​ដំណើរ​ចេញ​ចូល​ជា​ច្រើន​លើក​ច្រើន​សារ​តែមិ​ន​បាន​ចាប់​អារម្មណ៍​ដោយ​សារ​អាង​គាត់​ជា​សមាជិក​ក្រុម​ប្រឹក្សា​សង្កាត់ ​ហើយ​ផ្ទះ​របស់​គាត់​នៅចំ​ណុចកើត​ហេតុ​នោះ​ផង​ដែរ​៕​ អត្ថបទ៖ ឃិន សារិទ្ធ

ព្រះរាជអាជ្ញា​រងព្រះវិហារ​ ដឹកនាំកម្លាំង​ចុះបង្ក្រាបក្រុមជន​ទុច្ចរឹត​ប្រើគ្រឿង​ចក្រឈូសឆាយ​ដីព្រៃ​ស្រោងជាង៧ហិកតា កសាងសំណុំរឿង​បញ្ជូន​ទៅ​តុលាការ​

2021/04/27 02:59:58 am        66
Facebook Telegram Linkin
ព្រះវិហារ ៖ កាលពីពេលថ្មីៗនេះ តំណាងអយ្យការ អមសាលាដំបូង​ខេត្តព្រះវិហារ ​បានដឹកនាំក្រុមការងារ ជំនាញខណ្ឌរដ្ឋបាលព្រៃឈើ សហការ​ជាមួយអាជ្ញាធរមូលដ្ឋានឃុំត្បែងពីរ ស្រុកគូលែន ខេត្តព្រះវិហារ បើកការស៊ើប​អង្កេត ស្វែងរកមុខសញ្ញាក្រុមឈ្មួញទុច្ចរឹត ពាក់ព័ន្ធនឹងការប្រើប្រាស់គ្រឿងចក្រ វាយ​កំទេចព្រៃស្រោង ជាង៧ហិកតា គ្រប់គ្រងដោយសមត្ថកិច្ចរដ្ឋបាលព្រៃឈើ នៅក្នុងភូមិក្តាក់ ឃុំត្បែងពីរ ស្រុកគូលែន ខេត្តព្រះវិហារ ។តាមប្រភពព័ត៌មានពីប្រជាពលរដ្ឋនៅក្នុងតំបន់នោះ បានឲ្យដឹងថា បទល្មើស​ខាងលើនេះ ជនល្មើសអាចប្រព្រឹត្តបានគឺដោយសារតែមានការ​ឃុបឃិត​គ្នាពីសំណាក់អាជ្ញាធរស្រុកគូលែន​ គឺមានមេភូមិក្តាក់ មេឃុំត្បែង២ នឹង​សមត្ថកិច្ចមួយ​ចំនួនទៀតនៅក្នុងមូលដ្ឋាននោះ ដែលទទួលបានលាភសក្ការៈ ដើម្បី បើកភ្លើងខៀវ ឲ្យក្រុមជនទុច្ចរឹតខាងលើប្រព្រឹត្តបទល្មើសនេះ ។ក្នុងប្រជុំបន្ទាន់ ទាក់ទង នឹងករណីបំផ្លាញព្រៃឈើនៅភូមិក្តាក់ ឃុំត្បែងពីរ ស្រុកគូលែន ខេត្តព្រះវិហារ នៅថ្ងៃទី២៥ ខែមីនា ឆ្នាំ២០២១ថ្មីៗនេះ លោក នួន សុខុម នាយខណ្ឌរដ្ឋបាលព្រៃឈើព្រះវិហារ បានលើកឡើងថា ក្រោយពីការ​ចុះត្រួតពិនិត្យ និងកំណត់ផែនទីទិន្នន័យជាក់ស្តែង នៅក្នុងទីតាំងដីព្រៃ ដែល​ក្រុមឈ្មួញប្រើប្រាស់គ្រឿងចក្រ វាយបំផ្លិចបំផ្លាញ នៅប៉ុន្មានថ្ងៃថ្មីៗនេះ មានទំហំប្រមាណ៧ហិកតា ដែលជាប្រភេទព្រៃស្រោងគ្រប់គ្រង ដោយរដ្ឋបាលព្រៃឈើខេត្តព្រះវិហារ ពិតប្រាកដមែន ។លោក បានបន្ដថា បុគ្គលដែលប្រព្រឹត្តទង្វើផ្ទុយនឹង មាត្រា៩៧ ច្បាប់ ស្តីពីព្រៃឈើ ។ វិធានការបន្តទៀតនេះលោកនឹង រៀបចំឯកសារ ដាក់ទៅថ្នាក់លើ និងបញ្ជូនសំណុំរឿងទៅកាន់តុលាការឆាប់ៗនេះ ដោយបច្ចុប្បន្ន មន្រ្តីជំនាញ កំណត់បាន មុខសញ្ញាជនសង្ស័យអស់ហើយ ចំពោះក្រុមឧក្រិដ្ឋជន ដែលនៅពីក្រោយខ្នង នៃបទល្មើសបំផ្លិចបំផ្លាញព្រៃឈើ នៅទីតាំងខាងលើនេះ ។ជាមួយគ្នានោះ លោក វុធ សាវី ព្រះរាជអាជ្ញារង តំណាងអយ្យការ អមសាលា​ដំបូង​ខេត្តព្រះវិហារ បានថ្លែងថា ចំពោះអ្នកពាក់ព័ន្ធក្នុងករណីនេះ សមត្ថកិច្ចជំនាញ​កំណត់បានអត្តសញ្ញាណអស់ហើយ ដោយស្ថាប័នតុលាការ​នៅរងចាំសំណុំរឿងពីខាងជំនាញបញ្ជូនមកតែប៉ុននោះ ។ លោក ក៏បាន​សម្តែងនូវការ​សោកស្តាយ ចំពោះព្រៃឈើធំៗ ដែលជាប្រភេទព្រៃស្រោង​ជាច្រើនហិកតា ដែលត្រូវបានបាត់បង់ ដោយស្នាដៃក្រុមឈ្មួញទុច្ចរឹត​ទាំងអស់នោះ​ មួយប៉ព្រិចភ្នែក ដូច្នេះហើយ ក្នុងនាមតំណាងអយ្យការ អមសាលាដំបូងខេត្តព្រះវិហារ នឹងប្តេជ្ញាបន្តនីតិវិធី ចាត់ការតាមច្បាប់ជាធរមាន ដោយមិនឲ្យឧក្រិដ្ឋកម្មបំផ្លាញព្រៃទាំងនោះរួចខ្លួនជាដាច់ខាត ។សូមបញ្ជាក់ ថាកាលពីថ្ងៃទី២៤ ខែមីនា ឆ្នាំ២០២០១កន្លងទៅនេះ មាន​​ករណីឈូសឆាយ​ដីព្រៃដោយខុសច្បាប់ នៅភូមិសាស្រ្ត ភូមិ ក្តាក់ ឃុំត្បែង២ ស្រុកគូលែន ខេត្តព្រះវិហារ ក្រោយទទួលបានព័ត៌មាន រាយការណ៍ ពីប្រជាពលរដ្ឋ លោក វុធ សាវី នឹងលោក ចក់ សម្បត្តិ ព្រះរាជអាជ្ញា រងអមសាលាដំបូងខេត្ត ព្រះវិហារ បានចុះទៅដល់ទីតាំងកើតហេតុខាង​លើជាមួយជំនាញរដ្ឋបាលព្រៃឈើ នឹងមន្រ្តីរដ្ឋបាល ប៉ុស្តិ៍ គឺពិនិត្យឃើញថា ពិតជាមានករណីឈូសឆាយដីព្រៃនេះពិតប្រាកដមែន ។ ខណៈនោះលោក​ព្រះរាជអាជ្ញា បានឃាត់ដកហូតទូរស័ព្ទ នឹងសោ ហើយបានហៅអ្នកបើកគ្រឿង​ចក្រមកសួររនាំពាក់ព័ន្ធ ករណីនេះ ស្រាប់តែ មានបក្សពួក ក្រុមជនល្មើស​មួយក្រុម ប្រដាប់ដោយដំបង នឹងដុំដែក បានផ្ទុះហឹង្សា តាមប្រើអំពើហឹង្សា​ទៅលើ លោកព្រះរាជអាជ្ញា រួមទាំងអ្នកសារព័ត៌មានយើងដែរ គឺមានផ្ទុះអាវុធ​មួយគ្រាប់បាញ់ឡើងលើ ពីមន្រ្តីនគរបាលប៉ុស្តិ៍ ដើម្បី ការពារលោកព្រះរាជអាជ្ញា កុំឲ្យក្រុមជនល្មើសប្រើអំពើហឹង្សាទៅលើរូបលោក នឹងក្រុមការងារ ។  មុខសញ្ញា នឹងអ្នកដែលពាក់ព័ន្ធ គឺកំណត់បានហើយ  យើងរង់ចាំមើលថា វាសនា របស់ក្រុមជនឧក្រិដ្ឋ នឹងអ្នកពាក់ព័ន្ធ រួចពីសំណាញ់ច្បាប់ រឺយ៉ាងណា ៕

អាវុធហត្ថ​ខេត្តតាកែវ​ បង្ក្រាប​គ្រឿងញៀន​បាន​ជិត​៦​កី​ឡូ​ក្រាម​

2021/04/27 02:59:58 am        220
Facebook Telegram Linkin
​​តាកែវ​៖ គ្រឿងញៀន​ជិត​៦​គីឡូ ​និង​ជនសង្ស័យ​ចំនួន​២​នាក់ ​ត្រូវ​កម្លាំង​កងរាជអាវុធហត្ថ​ខេត្តតាកែវ​សហការ​ជាមួយ​កងកម្លាំង​អាវុធហត្ថ​លើ​ផ្ទៃ​ប្រទេស​ បាន​ចុះ​ឃាត់ខ្លួន​នៅ​ក្នុង​ខេត្តតាកែវ​ម្នាក់​ និង​ម្នាក់ទៀត​ នៅ​រាជធានី​ភ្នំពេញ ​ពាក់ព័ន្ធ​និង​ការ​ចែកចាយ​ និង​ជួញដូរ​គ្រឿង​ញៀន​ខុសច្បាប់ ។លោក​ឧ​ត្ត​ម​សេនីយ៍​ត្រី ឡា ឡៃ ​មេបញ្ជាការ​កងរាជអាវុធហត្ថ​ខេត្តតាកែវ​ បានឲ្យ​ដឹងថា ​មន្ត្រី​ការិយាល័យ​គ្រឿងញៀន ​របស់​អាវុធហត្ថ​ខេត្តតាកែវ​ កាល​ពី​យប់​ថ្ងៃទី​២២ ខែ​មិនា​ ឆ្នាំ​២០២១ ​ បាន​ចុះ​បង្ក្រាប​ករណី​ជួញដូរ​គ្រឿងញៀន ​នៅ​ត្រង់​ចំណុច​ភូមិ​ពេជចង្វារ ឃុំ​បឹង​ត្រាញ់​ខាងជើង​ ស្រុក​សំរោង​ខេត្តតាកែវ​ ដោយ​ធ្វើការ ​ឃាត់ខ្លួន​ជនសង្ស័យ​បាន​ម្នាក់​ ឈ្មោះ​ ចែម គីម​ស្រ៊ុន ​ភេទ​ប្រុស​អាយុ ២៧​ឆ្នាំ ​រស់នៅ​កន្លែងកើតហេតុ ​នឹង ដកហូត​វត្ថុតាង​ ក្រាម​ពណ៌​ស​ថ្លា​(​សង្ស័យ​គ្រឿងញៀន​)​បាន​ចំនួន ០១​កញ្ចប់​ ទម្ងន់​២៥,៩១​ក្រាម ទូរស័ព្ទ​ចំនួន​០១​គ្រឿង ។លោក​ឧ​ត្ត​ម​សេនីយ៍​ត្រី ឡា ឡៃ បាន​បន្តថា ក្រោយពី​ស្ដាប់​ចម្លើយ​ជនសង្ស័យ​ខាងលើ​បាន​សារភាពថា​ខ្លួន ជា​អ្នក​ដឹកជញ្ជូន​គ្រឿងញៀន​ពី​នារី​ម្នាក់​ នៅ​ម្ដុំ​ផ្លូវ​បេតុង ​ស្ថិតក្នុង​ភូមិ​ព្រៃ​ព្រីង​ខាងជើង​២ ​សង្កាត់​ចោមចៅ​៣ ​ខណ្ឌ​ពោធិ​សែន​ជ័យ រាជធានី​ភ្នំពេញ ​និង​ដោយ​បាន​ការអនុញ្ញាត​ពី​លោក ជីវ ចាន់​តារា ព្រះរាជអាជ្ញា​អម​សាលាដំបូង​ខេត្តតាកែវ​ ក៏​បានធ្វើការ​ពន្លាត​ដែន​សមត្ថកិច្ច ទៅ​រាជធានី​ភ្នំពេញ​ ដោយ ​សហការ​ជាមួយ​ការិយាល័យ​ប្រឆាំង​គ្រឿងញៀន​កងរាជអាវុធហត្ថ​លើ​ផ្ទៃ​ប្រទេស​ នឹង​ដោយ​បាន​ការ​អនុញ្ញាតិ​ពី​លោក ច្រឹង ខ្មៅ ព្រះរាជអាជ្ញា​អម​សាលាដំបូង​រាជធានី​ភ្នំពេញ ជា​លទ្ធផល ៖ ​១-​ចាប់បាន​ជនសង្ស័យ​ម្នាក់ទៀត​ឈ្មោះ ហេង ច្រឹប ភេទ​ស្រី​អាយុ​៣១​ឆ្នាំ​ ជនជាតិខ្មែរ​ស្នាក់​នៅផ្ទះ​ជួល​ភូមិ​ព្រៃទា​១ សង្កាត់​ចោមចៅ​៣ ខណ្ឌ​ពោធិ​សែន​ជ័យ ​២-​ក្រាម​ពណ៌​ស​ថ្លា​(ICE)​ចំនួន​០៥​កញ្ចប់​ទម្ងន់​ប្រហែល​៥០០​ក្រាម​ ៣-​ម៉ូតូ​ចំនួន​០១​គ្រឿង​ម៉ាក​ឃ្លី​ក​ពណ៌​សលាយ​ទឹកក្រូច ពាក់​ស្លាក​លេខ​PP-1IR-4377 ភ្នំពេញ ។​និង​បន្តទៅ​ឆែកឆេរ​ផ្ទះ​ជួល​របស់​ជនសង្ស័យ​ឈ្មោះ​ ហេង ច្រឹប ​នៅវេលា​ម៉ោង​១៥​និង​៤០​នាទី ​ទទួល​បាន​លទ្ធផល ៖ ​១-​ក្រាម​ពណ៌​ស​ថ្លា​(ICE)​ចំនួន​០៥​ដុំ​ធំ ទម្ងន់​ប្រហែល​៥​គីឡូក្រាម ,២-​ស្លាក​លេខ​រថយន្ត​ចំនួន​០៦ ​ស្មើ​និង​០៣​រថយន្ត ​។ នៅ​ចំពោះមុខ​ជនសង្ស័យ​បាន​ទទួល​ស្គាល់​វត្ថុតាង​ខាងលើ​ពិតជា​របស់​ខ្លួន​ប្រាកដ​មែន ។បើតាម​លោក​មេ​បញ្ជា​ការ​កងរាជអាវុធហត្ថ​ខេត្តតាកែវ បច្ចុប្បន្ន​ជនសង្ស័យ​រួម​ និង​វត្ថុតាង​ការិយាល័យ​ជំនាញ​ អាវុធហត្ថ​ខេត្តតាកែវ ​ចាត់ការ​តាម​នីតិ​វិធី​បន្ត ៕​ដោយ​៖​គុជ វិភាគ

ក្រុម​ឈ្មួញ​នាំ​ជ្រូក​ឆ្លងដែន​ខុសច្បាប់ ត្រូវ​បាន​សមត្ថកិច្ច​ជំនាញ​ចុះ​បង្ក្រាប​​បាន ​ក្នុងភូមិ​សាស្ត្រ​ក្រុង​ស្ទឹងត្រែង​

2021/04/27 02:59:58 am        29
Facebook Telegram Linkin
​ស្ទឹងត្រែង ៖ ​សកម្មភាព​ជួញដូរ​សត្វ​ជ្រូក​ឆ្លងដែន​ពី​ប្រទេស​ឡាវ​ តាម​ច្រកព្រំដែន វឺ​នខា​ម​ ចំណុច​ដើម​ល្វា ​ត្រូវបាន​កម្លាំង​សមត្ថកិច្ច​ជំនាញ ​របស់​អគ្គនាយកដ្ឋាន​សុខភាព​សត្វ​ និង​ផលិតកម្ម​សត្វ ​ចុះ​បង្ក្រាប​បាន ​ក្នុងភូមិ​លើ​ សង្កាត់​ស្ទឹងត្រែង​ ក្រុង​ស្ទឹងត្រែង កាលពីយប់ថ្ងៃទី​២៣ ខែមិនា ម្សិលមិញនេះ ។ពាក់ព័ន្ធ​ករណី​ចុះបង្ក្រាប​សត្វ​ជ្រូក​ឆ្លងដែន​ពី​ប្រទេស​ឡាវ​ខាងលើនេះ ​ត្រូវបាន លោក តាន់ ផាន់​ណា​រ៉ា អគ្គនាយកដ្ឋាន​សុខភាព​សត្វ​និង​ផលិតកម្ម​សត្វ​ បាន​ឲ្យ​ដឹងថា ​សត្វ​ជ្រូក​ដែល​ក្រុម​ឈ្មួញ​ធ្វើ​សកម្មភាព​ដឹក​ឆ្លងដែន​ពី​ឡាវ​ ចូល​តាម​ច្រក​ល្បៀ​ង ​ចំណុច​ដើម​ល្វា ​រវាង​ព្រំដែន​កម្ពុជា ឡាវ គឺ​គ្មាន​ច្បាប់​​នោះ​ទេ​។លោក​ អគ្គនាយកដ្ឋាន​សុខភាព​សត្វ​ បន្ត​ឲ្យ​ដឹង​ទៀតថា​ តាម​ការស្រាវជ្រាវ​របស់​ក្រុមការងារ ជ្រូក​ទាំងអស់នេះ ​គេ​បាន​នាំចូល​ពី​ប្រទេស​ថៃ ​រួច​ឆ្លងដែន​ចូល​ប្រទេស​ឡាវ​ ហើយ​បន្ដ​ឆ្លងដែន​មក​ទឹកដី​កម្ពុជា​ តាម​ច្រក​ល្បៀង​ប៉ុស្តិ៍​ទឹក​ ក្នុង​ចំណុចដើម​ល្វា​ ស្ថិតក្នុង​ឃុំ​អូរ​ស្វាយ ​ស្រុក​បូរី​អូរ​ស្វាយ​សែន​ជ័យ​ របស់​ខេត្តស្ទឹងត្រែង​ ហើយ​សត្វ​ជ្រូក​ដែល​ក្រុម​ឈ្មួញ​ បាន​នាំ​យក​មកនេះ​ ទី​១ ​មិន​មាន​មាន​ច្បាប់​ទម្លាប់​ត្រឹមត្រូវ​ មានតែ​លិខិត​របស់​ខេត្ត ​អនុញ្ញាត​ឲ្យ​ដឹកជញ្ជូន​ក្នុងស្រុក​តែប៉ុណ្ណោះ​ តែ​ក្រុម​ឈ្មួញ​ បែរ​ជា​ដឹក​ជ្រូក​ឆ្លងដែន​ពី​ក្រៅប្រទេស​ ហើយ​មិន​មាន​មន្ត្រី ​បសុពេទ្យ​ខេត្ត​ចុះ​បូម​ឈាម​ពិនិត្យ​និង​ធ្វើ​ច​ត្តា​ឡី​ស័ក ​នោះឡើយ​។លោក តាន់ ផាន់​ណា​រ៉ា បាន​បញ្ជាក់ថា បច្ចុប្បន្ន សត្វ​ជ្រូក​នេះ ​ត្រូវ​បាន​គេ​រក​ឃើញ​មាន​កើត​ជំងឺ ប៉េស​អាហ្វ្រិក​ នៅក្នុង​ប្រទេស​ថៃ​ យ៉ាងច្រើន ​តែ​ក្រុម​ឈ្មួញ​បែ​រ​ជា​នាំចូល​សត្វ​ជ្រូក​ពី​ប្រទេស​ថៃ​ឆ្លង​ចូល​មក​កម្ពុជា​ ហើយ​លក់​ចែកចាយ​ក្នុង​ខេត្ត​ស្ទឹងត្រែង​ និង​ខេត្តព្រះវិហារ ​យ៉ាង​អានាធិបតេយ្យ ដោយ​អាជ្ញាធរ​ និង​សមត្ថកិច្ច​ក្នុង​តំបន់​គ្មាន ​វិធានការ​ក្នុង​ការ​ទប់ស្កាត់​ ឬ​ ចុះ​ពិនិត្យ​ឲ្យ​បាន​ត្រឹមត្រូវ នោះទេ​។ជុំវិញ​ការ​ឃាត់​រថយន្ដ​ដឹក​ជ្រូក​ខាងលើនេះ ​ត្រូវបាន​ លោក ចិត្រ​ ដែល​ជា​អ្នក​រត់​ការ​នាំ​ជ្រូក​ឆ្លងដែន​ចេញពី​ប្រទេស​ឡាវ​ តាម​ច្រកព្រំដែន​ ចំណុចដើម​ល្វា​ បាន​ឲ្យ​ដឹងថា ​ការដែល​គាត់​នាំ​ជ្រូក​នេះ ​គឺ​គាត់​មាន​ច្បាប់ ​ហើយ​សត្វ​ជ្រូក​ទាំងអស់ ​ត្រូវ​បាន​ត្រួតពិនិត្យ​យ៉ាង​ត្រឹមត្រូវ​ពី​ខាង​សមត្ថកិច្ច​របស់​ភាគី​ឡាវ ទើប​គាត់​អាច​នាំ​ចូល​មក​ប្រទេស​កម្ពុជា​នេះ ។អ្នក​នាំ​សត្វ​ជ្រូក ​បាន​បន្តថា ​ការដែល​គាត់​ទិញ​ជ្រូក​ពី​ឡាវ​ មក​លក់​ចែកចាយ​តាម​បណ្ដាល​ខេត្ត​មួយ​ចំនួន​នេះ ​គឺ​គាត់​បាន​រត់ការ​ជាមួយ​សមត្ថកិច្ច​អស់ហើយ​ ជាពិសេស មន្ត្រី​ពេទ្យសត្វ​ក្នុង​ខេត្ត​ស្ទឹងត្រែង​។ពាក់ព័ន្ធ​ករណី​ខាង​លើនេះ​BTV​ News សូម​ការបំភ្លឺ​ពី​លោក សៀង ម៉េង​ហ័ង​ ប្រធានការិយាល័យ​បសុពេទ្យ​ប្រចាំខេត្ត​ស្ទឹងត្រែង ​តាម​ប្រព័ន្ធ​ទូរស័ព្ទ​លេខ ០១៧ ៥៩៩ ៦៨៨​ លើក​ទី​១​ គាត់​ឆ្លើយថា​គាត់​ស្ដាប់​មិន​បានទេ ​ព្រោះ​គាត់​កំពុង​បើកឡាន ក្រោយ​មកទៀត​យើង​ បាន​បន្ដ​ទំនាក់ទំនង​ តែ​ទូរស័ព្ទ​ចូល​តែ​គាត់​មិន​លើក​ មិន​ថា​គាត់​ជាប់រវល់​ ឬក៏​មាន​ចេតនា​គេចវេះ ​ឬ​បិទបាំង​ព័ត៌មាន​នេះ តែ​ទោះបីយ៉ាងណា​ក្រុម​អ្នកយកព័ត៌មាន​ក្នុង​ខេត្ត​ និង​ព្យាយាម​ស្រាវជ្រាវ​បន្ត​ទៀត​ដើម្បី​រក​ការពិត​៕អត្ថបទ ៖ មាស ផល្លា

អគ្គិភ័យ​ឆេះ​រោងចក្រ​ខ្សែភ្លើង​មួយ​នៅ​ក្នុង​តំបន់​សេដ្ឋកិច្ច​ពិសេស​7NG បណ្តាល​ឲ្យ​កម្មករ​រងរបួស​ស្រាល​ម្នាក់​

2021/04/27 02:59:58 am        26
Facebook Telegram Linkin
ភ្នំពេញ ៖ អគ្គិភ័យ​បាន​ឆាបឆេះ​រោង​បាយ នៅក្នុង​រោងចក្រ​ផលិត​ខ្សែភ្លើង​មួយកន្លែង ​ដែលមាន​ឈ្មោះថា​ ឃ្យុ​ង​ស៊ី​ង​ ស្ថិតនៅក្នុង​តំបន់​សេដ្ឋកិច្ច​ពិសេស​7NG​ បាន​បណ្តាល​ឲ្យ​កម្មករ​ម្នាក់​បំរើការ​នៅក្នុង​រោងចក្រ​នេះ ​រងរបួស​ស្រាល ​និង​ខូចខាត​សម្ភារៈ​មួយ​ចំនួន​តួច​ផងដែរ​។យោងតាម​របាយការណ៍​របស់ លោក ប៊ុន ផេង​អភិបាលស្រុក​ខ្សាច់កណ្ដាល ​បាន​ឲ្យ​ដឹងថា ​ហេតុការណ៍ ​ឆេះ​រោង​បាយ​នៅ​ក្នុង​រោងចក្រ​នេះ ​គឺ​នៅ​ព្រឹក​ថ្ងៃទី ២៤ ខែ​មិនា​ ឆ្នាំ​២០២១​ ស្ថិតនៅ​តំបន់​សេដ្ឋកិច្ច​ពិសេស (7NG) ភូមិ​វិហារ​សួគ៌​ឃុំ​វិហារ​សួគ៌ ស្រុក​ខ្សាច់កណ្ដាល​ ខេត្តកណ្ដាល​។ រោងចក្រ​នេះ ​បណ្ដោយ​១២០​ម៉ែត្រ ​ទទឹង​៨០​ម៉ែត្រ ភ្លើង​បាន​ឆេះ​រោង​បាយ​កម្មករ​ មាន​ទំហំ ​បណ្ដោយ​៨០​ម៉ែត្រ និង​ទទឹង​១៥​ម៉ែត្រ ។ យ៉ាងណាក៏ដោយ​ការ​ឆេះ​ត្រូវ​បាន​អាជ្ញាធរ​ជួយ​អន្តរាគមន៍​ទាន់ពេលវេលា​។ប្រភព​ បាន​បន្តទៀតថា ករណីនេះ​ បណ្ដាល​ឲ្យ​កម្មករ ​ម្នាក់ ឈ្មោះ ភឹម រដ្ឋា ភេទ​ប្រុស​អាយុ​២៤​ឆ្នាំ រស់នៅ​ភូមិ​ព្រៃ​ចាស់ ​ឃុំ​វិហារ​សួគ៌​ ស្រុក​ខ្សាច់កណ្ដាល ​រង​របួស​ស្រាល ​និង​ខូចខាត​សម្ភារៈ ​មាន ម៉ាស៊ីនភ្លើង​ធំ​ចំនួន​០១​គ្រឿង​ ម៉ាស៊ីន​ស្កេ​ន​ក្រយ៉ៅ​ដៃ​១៥​គ្រឿង ​តុ​បាយ​ កៅអី ​កង្ហារ ​មួយ​ចំនួន​ផងដែរ​។សូមបញ្ជាក់ថា ម្ចាស់​រោងចក្រ​ដែល​បាន​ឆេះ​នេះ គឺ​ឈ្មោះ ចាង សាង​ហូ ភេទ ប្រុស អាយុ ៤៦​ឆ្នាំ (​ជា​ជនជាតិ​កូរ៉េខាងត្បូង​) ​ហើយ​រោងចក្រ​នេះ​ មាន​កម្មករ​រោងចក្រ​មាន​ចំនួន​១៦៧៥​នាក់​ ស្រី​១៣១៨​នាក់ ដែល​កំពុង​ធ្វើការ​។ ការ​សន្និដ្ឋាន​របស់​អាជ្ញាធរ​ បាន​បញ្ជាក់ថា ​ការឆេះ​នេះ​ គឺ​ដោយសារ​ទុសេ​ខ្សែភ្លើង​ នៅក្បែរ​រោង​បាយ​ហើយ​បាន​ឆាបឆេះ​ផ្នែក​រោង​ម៉ាស៊ីន​រហូតដល់​រោង​បាយ​តែ​មិន​ឆេះ​ចូល​កន្លែង​កម្មករ​ធ្វើការ​ឡើយ​។ ​ក្រោយពី​មានការ​ឆេះ​ភ្លាមៗ​នោះ​ មន្ត្រី​ជំនាញ​សណ្ដាប់ធ្នាប់​ស្រុក​ខ្សាច់កណ្ដាល ​បាន​ប្រើ​រថយន្ត​ពន្លត់​អគ្គិភ័យ​ ស្រុក​ខ្សាច់កណ្ដាល​០១​គ្រឿង ​និង​រថយន្ត​ទឹក (7NG) ចំនួន​០២​គ្រឿង​ ប្រើប្រាស់​ទឹក​អស់​ចំនួន​២៥​គីប ទើប​រលត់​ទាំងស្រុង​៕​អត្ថបទ​ ៖ បាន ចក់ 

ពលរដ្ឋ​ប្រទះឃើញ​​គ្រាប់​យុទ្ធភ័ណ្ឌ​​ជាច្រើន​​នៅ​ក្នុង​​ស្រុកចំនួន៣​​នៃ​​ខេត្តបាត់ដំបង

2021/04/27 02:59:58 am        1227
Facebook Telegram Linkin
បាត់ដំបង​៖ គ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់ ​ត្រូវបាន​ប្រជាពលរដ្ឋ​ប្រទះឃើញ​នៅ​ក្នុងស្រុកបាណន់​, ស្រុកបវេល, និងស្រុកគាស់ក្រឡ ​ស្ថិត​ក្នុង​ខេត្តបាត់ដំបង ​នៅ​ថ្ងៃទី២៣ ខែមីនា ឆ្នាំ២០២១។សេចក្តីរាយការណ៍ បានឲ្យដឹងថា ករណីទី១ ​ត្រូវ​បាន​ប្រជាពលរដ្ឋជាម្ចាស់ស្រែ​ ឈ្មោះ រឿម គង់ ភេទប្រុស អាយុ ៤២ឆ្មាំ រស់នៅភូមិថ្មី ឃុំកន្ទឺ១ ​ស្រុកបាណន់ ​ប្រទះឃើញនៅក្នុងដំបូកដីស្រែ ដែលមាន​ចំនួន​សរុប២៩គ្រាប់ ក្នុងនោះមាន​គ្រាប់​ទំហំ 60​មីលីម៉ែត្រ​​ចំនួន ១៩គ្រាប់, គ្រាប់ DK82 ចំនួន ០៤គ្រាប់, គ្រាប់ 80​មីលីម៉ែត្រ​ចំនួន០៤គ្រាប់, គ្រាប់ 75​មីលីម៉ែត្រ​ចំនួន ០១គ្រាប់, គ្រាប់ B40 ចំនួន ០១គ្រាប់។ករណីទី២​ ត្រូវបានប្រជាពលរដ្ឋ ឈ្មោះ ទឹម ស៊ីណាក់ ​ភេទប្រុស អាយុ ៦៤ឆ្នាំ រស់នៅចំណុច​ទួលសង្កែបបួយ​ ស្ថិតនៅភូមិកោះរាម ​ឃុំខ្នាចរមាស ​ស្រុកបវេល ​បាន​ប្រទះឃើញ​ខណៈ​ពេល​កំពុងកាយដី​ធ្វើផ្លូវថ្នល់​នៅចំណុចខាងលើ ​ដែល​មានចំនួនសរុប០៦គ្រាប់ ក្នុងនោះមាន​គ្រាប់ 8០​មីលីម៉ែត្រ​ចំនួន ០១គ្រាប់, គ្រាប់​​B40ចំនួន០១គ្រាប់, មីន​69​ចំនួន០១គ្រាប់, គ្រាប់​បែកដៃ​ចំនួន០៣គ្រាប់។ដោយឡែក ​ករណីទី៣ ត្រូវ​បាន​ព្រះសង្ឃប្រទះឃើញ​នៅក្នុងដី ខណៈដែល​ព្រះសង្ឃ​គង់នៅ​ក្នុងវត្តបុរាណ​និវេសន៍​ (ហៅវត្តគាស់ក្រឡ) ​ស្ថិតក្នុងភូមិមុខវត្ត ឃុំគាស់ក្រឡ ​ស្រុកគាស់ក្រឡ បាន​ជីកកាយ​ដី​ ដើម្បីដាក់លូធ្វើបង្គន់អនាម័យ ​ចំនួន១៦កេះ​ ស្មើនឹង៤០០០គ្រាប់​ ជាប្រភេទ (PKF ផលិតនៅសហរដ្ឋអាមេរិច)។បច្ចុប្បន្ន​ គ្រាប់យុទ្ធភ័ណ្ឌមិនទាន់ផ្ទុះទាំងនោះ​ ក្រោយពីប្រមូល​​បានរួចរាល់ហើយ ត្រូវបាន​​សមត្ថកិច្ច​ប្រគល់​ជូន​ឣង្គភាពស៊ីម៉ាក់ ​ដើម្បី​យក​ទៅរក្សារទុក ​និង​ធ្វើការ​កម្ទេច​​ចោល​ នៅពេលក្រោយ ៕

បណ្ដាញសង្គម

ព័ត៌មានថ្មីៗ

ស.ស.យ.ក និងគណៈបញ្ជាការឯកភាព​រាជធានី​ភ្នំពេញ​វាយ​តម្លៃ​ខ្ពស់​ពី​ការ​រៀប​ចំ​ព្រឹត្តិការណ៍​នគរសង្ក្រាន្ត
04/19/2026 03:04 PM
Facebook Telegram Linkin
កុងហ្គោ និងក្រុមឧទ្ទាមយល់ព្រមបន្ធូរបន្ថយការធ្វើដំណើរសម្រាប់ក្បួនរថយន្តជំនួយ និងចៀសវាងការវាយប្រហារជនស៊ីវិល
04/19/2026 01:04 PM
Facebook Telegram Linkin
អ្នកនពាំពាក្យ៖ សមរភូមិក្រោយ និងសមរភូមិមុខត្រូវបានផ្សារភ្ជាប់គ្នាយ៉ាងជិតស្និទ្ធ ល្អិតរមួត តាម​រយៈ​ការ​ចែករម្លែកកា​រសប្បាយរីករាយ ការលំបាក និងការផ្ញើសារសួរសុខទុក្ខ
04/19/2026 12:04 PM
Facebook Telegram Linkin
ប្រធានាធិបតីប្រេស៊ីល និងនាយករដ្ឋមន្រ្តីអេស្ប៉ាញលើកកម្ពស់គោលនយោបាយវឌ្ឍនភាព
04/19/2026 12:04 PM
Facebook Telegram Linkin
អ្នកនាំពាក្យ៖ កិច្ចការពារបូរណភាពទឹកដី និងប្រជាជនជាអាទិភាពខ្ពស់បំផុតរបស់រាជរដ្ឋាភិបាល ខណៈ​កម្ពុជា​សង្ឃឹម​ថាភាគីថៃនឹងបន្តគោរពតាមខ្លឹមសារនៃសេចក្តីប្រកាសរួម
04/19/2026 11:04 AM
Facebook Telegram Linkin
គណៈប្រតិភូសភាកម្ពុជា ជួបពិភាក្សាទ្វេភាគីជាមួយប្រធានរដ្ឋសភាតួកគីយ៉េ និង​ថ្លែង​សុន្ទរកថា​ក្នុង​មហាសន្និបាត IPU លើកទី១៥២
04/19/2026 11:04 AM
Facebook Telegram Linkin
មេដឹកនាំកំពូលអ៊ីរ៉ង់៖ កងទ័ពជើងទឹកត្រៀមខ្លួនរួចរាល់ក្នុងការបង្កបរាជ័យដ៏ជូរចត់ថ្មីដល់អាមេរិក និងអ៊ីស្រាអែល
04/19/2026 11:04 AM
Facebook Telegram Linkin
ក្រសួងស្ថាប័ន មន្រ្ដីរាជការ និងពលរដ្ឋ ថ្វាយព្រះពរ​ព្រះករុណា​ព្រះមហាក្សត្រ​ឆាប់​បាន​ជា​សះ​ស្បើយ​ពី​ព្រះរោគ
04/19/2026 10:04 AM
Facebook Telegram Linkin
សម្ដេចតេជោ និងសម្ដេចធិបតី ថ្វាយ​ព្រះពរ​ព្រះករុណា​ព្រះមហាក្សត្រ​ឆាប់​បាន​ជា​សះស្បើយ​ពី​ព្រះ​រោគ
04/19/2026 10:04 AM
Facebook Telegram Linkin
ពលរដ្ឋ និងភ្ញៀវទេសចរ ចូលទស្សនា ព្រលានយន្តហោះពោធិ៍ចិន មាន​ចំនួន​ច្រើន​លើស​ការ​រំពឹង​ទុក
04/19/2026 10:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.