BTV NEWS

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

ស្នងការនគរបាលរាជធានីភ្នំពេញ បន្តឧបត្ថម្ភថវិកា២លានរៀលដល់កម្លាំងនគរបាលដែលបង្រ្កាបជនសង្ស័យ០៣នាក់ធ្វើសកម្មភាពឆក់ខ្សែ.កពលរដ្ឋ

ឃាត់ខ្លួនជនសង្ស័យ៦នាក់មុខសញ្ញាលួចម៉ូតូដ៏សកម្មក្នុងភូមិសាស្រ្តខេត្តកោះកុង

សន្តិសុខ និង សង្គម

បង្រ្កាបក្រុមក្មេងទំនើង០៣នាក់ បញ្ជូនទៅតុលាការ ពាក់ព័ន្ធករណីហិង្សាដោយចេតនា

ភ្នំពេញ ៖ កម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃកងរាជអាវុធហត្ថរាជធានីភ្នំពេញ បានបញ្ជូនក្មេងទំនើង ០៣នាក់ ទៅតុលាការ ដើម្បីផ្តន្ទាទោសតាមច្បាប់ ពាក់ព័ន្ធករណីហិង្សាដោយចេតនា ប្រើដាវ និងកាំបិត ដេញកាប់ជនរងគ្រោះបណ្តាលឲ្យរងរបួស ។ អាវុធហត្ថរាជធានីភ្នំពេញ ប្រាប់ឲ្យដឹងថា កាលពីវេលាម៉ោងប្រមាណ ០០ និង៣០នាទី រំលងអាធ្រាត្រ ឈានចូល ថ្ងៃទី០៣ ខែមករា ឆ្នាំ២០២៥ មានករណីហិង្សា បង្កឡើងដោយ ជនសង្ស័យមួយក្រុមជិះម៉ូតូ ០៥គ្រឿង បានធ្វើសកម្មភាពយកដាវ និងកាំបិត ដេញកាប់ជនរងគ្រោះបណ្តាលឲ្យរងរបួសខ្នង និងដៃឆ្វេង នៅចំណុចមុខភោជនីយដ្ឋានម្លប់ធ្នង់ ផ្លូវ១៩៥២ ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ភ្លាមៗនោះ ក្រោយពេលទទួលបានព័ត៌មាន កម្លាំងអាវុធហត្ថរាជធានីភ្នំពេញ ក្នុងខណ្ឌសែនសុខ បានចុះដល់កន្លែងកើតហេតុធ្វើការឃាត់ខ្លួន ក្មេងទំនើង ០៣នាក់ ១-ឈ្មោះ ពៅ ម៉េងហ៊ាង ភេទប្រុស អាយុ១៨ឆ្នាំ, ២-ឈ្មោះ រិទ្ធ ជានី ភេទប្រុស អាយុ១៧ឆ្នាំ, ៣-ឈ្មោះ វង្ស ចិត្រា ភេទប្រុស ១៦ឆ្នាំ វត្ថុតាងចាប់យក កាំបិតផ្គាក់ ចំនួន ០១ដើម, ម៉ូតូ ០២គ្រឿង ១-ម៉ាកបីត ពណ៌ក្រហម-ស ស្លាកលេខ ភ្នំពេញ 11B-5909, ២-ម៉ាកហុងដា សេ១២៥ ស៊េរី០១៩ ពណ៌ខ្មៅ ស្លាកលេខ ត្បូងឃ្មុំ 1G-4757។ ក្រោមវិធានការជំនាញក្មេងទំនើងទាំង០៣នាក់ បានសារភាពឲ្យដឹងដូចៗគ្នាថា ពួកខ្លួនពិតជាបានចូលរួមជាមួយបក្ខពួកផ្សេងទៀត ប្រព្រឹត្តអំពើហិង្សាខាងលើ ប្រាកដមែន ។ ចំណែកឯបក្ខពួកដែលរត់គេចខ្លួន ជំនាញ អាវុធហត្ថរាជធានីភ្នំពេញ កំពុងស្រាវជ្រាវឃាត់ខ្លួនបន្តទៀត ៕ ដោយ ៖ តារាវុទ្ធី

ឃាត់ខ្លួនមេបញ្ជាការរងកងរាជអាវុធហត្ថខេត្តតាកែវ និងមន្រ្តី២នាក់មកសួរនាំពាក់ព័ន្ធគ្រឿងញៀន

តាកែវ៖ កំលាំងកងរាជអាវុធហត្ថលើផ្ទៃប្រទេសកាលពីថ្ងៃទី៣០ ខែធ្នូ ឆ្នាំ ២០២៤ បានចុះឃាត់ខ្លួនមេបញ្ជាការរងកងរាជអាវុធហត្ថខេត្តតាកែវលោកវរៈសេនីយ៍ឯក ង៉ែត ចាន់ធី និងមន្ត្រីអាវុធហត្ថ ២នាក់ទៀត យកសួរនាំនៅរាជធានីភ្នំពេញ។លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវបានប្រាប់ឲ្យដឹងថា ពិតជាមានការឃាត់ខ្លួនមន្រ្តីអាវុធហត្ថ៣នាក់ពិតប្រាកដមែន។ ហើយកំពុងតែសួរនាំនៅអាវុធហត្ថលើផ្ទៃប្រទេស។លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធលើផ្ទៃប្រទេសបានថ្លែងឲ្យដឹងថា ករណីនេះមិនមែនជាការឃាត់ខ្លួននោះទេ តែជាការស្រាវជ្រាវ និងហៅមកសួរនាំដើម្បីអនុវត្តន៍ទៅតាមនិតិវិធីតែប៉ុណ្ណោះ។លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសមិនបានប្រាប់ថាគេហៅមកសួរនាំនេះពាក់ព័ន្ធរឿងអ្វីនោះទេដោយលោកបានថ្លែងថា «នៅពេលសួរនាំរួចហើយយើងនិងចេញសេចក្ដីប្រកាសព័ត៌មាននេះ»។បើយោងតាមប្រភពខ្លះសុំមិនបញ្ចេញឈ្មោះ ការឃាត់ខ្លួនមេបញ្ជាការរងកងរាជអាវុធហត្ថខេត្តតាកែវលោក ង៉ែត ចាន់ធី និងមន្ត្រីអាវុធហត្ថពីរនាក់ទៀតយកទៅសួរនាំនៅពេលនេះ អាចពាក់ព័ន្ធទៅនិងករណីគ្រឿងញៀន ព្រោះលោកធ្លាប់កាន់តំណែងជាមេបញ្ជាការរងទទួលផែនស្រាវជ្រាវនិងបង្ក្រាបបទល្មើសជាច្រើនឆ្នាំមុន និងផ្លាស់មកកាន់តួនាទីជាមេបញ្ជាការរងទទួលផែនប្រតិបត្តិការ ហើយកន្លងមកក៏មានការឃាត់ខ្លួនប្រធានការិយាល័យប្រឆាំងគ្រឿងញៀនខេត្តតាកែវផងដែរពាក់ព័ន្ធទៅនឹងការជួញដូរគ្រឿងញៀនប្រមាណមួយតោន៕

សមត្ថកិច្ចបង្ក្រាបក្មេងទំនើងជាង៥០ករណី ក្នុងខែធ្នូ ចុងឆ្នាំ២០២៤នេះ!

គិតចាប់ពីថ្ងៃទី២ ដល់ថ្ងៃទី៣០ ខែធ្នូ ឆ្នាំ២០២៤នេះ សមត្ថកិច្ចក្រសួងមហាផ្ទៃ បានបន្តប្រតិបត្តិការបង្រ្កាបករណីក្មេងទំនើងទូទាំងប្រទេសបានជាង ៥០ករណី និងឃាត់ខ្លួនបានក្រុមក្មេងទំនើងបានជិត២០០នាក់។ នេះបើតាមអ្នកនាំពាក្យរងក្រសួងមហាផ្ទៃ លោកបណ្ឌិត ទូច សុឃៈ។បើតាមលោកបណ្ឌិត មូលដ្ឋានដែលមានករណីក្មេងទំនើងត្រូវបានបង្ក្រាបច្រើនជាងគេ រួមមាន រាជធានីភ្នំពេញ កំពង់ចាម បាត់ដំបង កំពត កំពង់ស្ពឺ សៀមរាប បន្ទាយមានជ័យ កណ្ដាល ពោធិ៍សាត់ ស្វាយរៀង កំពង់ធំ ក្រចេះ និងខេត្តតាកែវ។ អ្នកនាំពាក្យរងក្រសួងមហាផ្ទៃ បានបញ្ជាក់ថា ក្រុមក្មេងទំនើងដែលសមត្ថកិច្ចបង្ក្រាបបាននោះ បានធ្វើសកម្មភាពជាក្រុមៗ ទាំងទ្រង់ទ្រាយធំ និងតូច ហើយក្នុងចំណោមនោះ ភាគច្រើនត្រូវបានសមត្ថកិច្ចបញ្ជូនសំណុំរឿងទៅតុលាការ និងកំពុងឃុំខ្លួនក្នុងពន្ធនាគារ។លោកបណ្ឌិត ទូច សុឃៈ បានបន្ថែមថា កិច្ចប្រតិបត្តិការនេះ ក៏កាន់តែសកម្មឡើង បន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដាក់ចេញនូវវិធានការយ៉ាងម៉ឺងម៉ាត់បំផុត ក្នុងការបង្ក្រាបក្មេងទំនើង ដោយគ្មានការលើកលែង និងគ្មានការយោគយល់ ពោលដាច់ខាតត្រូវតែដាក់ពន្ធនាគារ។ ក្នុងនាមជាសេនាធិការជូនរាជរដ្ឋាភិបាល ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ក៏បានជំរុញបន្ថែមទៀត ឱ្យអាជ្ញាធរ និងនគរបាល បន្តយកចិត្តទុកដាក់បង្ក្រាបករណីក្មេងទំនើង តាមទស្សនៈ ងើបមួយបង្ក្រាបមួយ ងើបពីរបង្ក្រាបពីរ៕

មនុស្សបួននាក់បានបញ្ជូនទៅដាក់ពន្ធនាគារក្រោយបន្តផ្សព្វផ្សាយល្បែងខុសច្បាប់តាមប្រព័ន្ធអនឡាញ

អគ្គស្នងការរង និងជាអ្នកនាំពាក្យរបស់អគ្គស្នងការដ្ឋាននគរបាលជាតិ ឧត្តមសេនីយ៍ឯក ជា ពៅ បានឲ្យ ដឹងថា កាលកន្លងទៅថ្មីៗនេះ កងកម្លាំងនគរបាលជាតិបានចាប់ខ្លួនយុវជនជាជនជាតិខ្មែរចំនួនបួននាក់បញ្ជូនទៅដាក់ពន្ធនាគារ ក្រោយពួកគេទាំងបួននាក់នេះបន្តបង្ហោះផ្សព្វផ្សាយល្បែងខុសច្បាប់តាមប្រព័ន្ធអនឡាញ ដោយមិនស្តាប់តាមសារាចរណែនាំរបស់ក្រសួងមហាផ្ទៃ។ឧត្តមសេនីយ៍ឯក ជា ពៅ បានបញ្ជាក់ថា ជនជាប់ចោទទាំងបួននាក់នេះត្រូវបានកងកម្លាំងនគរបាលចាប់ខ្លួនកាលពីថ្ងៃទី២៥ ខែធ្នូ ឆ្នាំ២០២៤កន្លងទៅនេះ នៅទឹកដីខណ្ឌដង្កោរាជធានីភ្នំពេញ ពីបទពួកគេបានបង្ហោះការផ្សព្វផ្សាយល្បែងខុសច្បាប់ ដើម្បីអូសទាញប្រជាពលរដ្ឋឲ្យចូលលេងល្បែងស៊ីសង់ ខុសច្បាប់តាមផេក ឬអនឡាញរបស់ពួកគេនោះ។បើតាមអ្នកនាំពាក្យរបស់អគ្គស្នងការដ្ឋាននគរបាលរូបនេះ ក៏បានបញ្ជាក់ឲ្យដឹងផងដែរថា អគ្គស្នងការនគរបាលជាតិ បាននិងកំពុងធ្វើយុទ្ធនាការដូចភ្លៀងរលឹម ដើម្បីចាត់វិធានការចំពោះបុគ្គលណាដែលបន្តបង្ហោះ ឬផ្សព្វផ្សាយល្បែងស៊ីសងខុសច្បាប់ ខណៈរាជរដ្ឋាភិបាលក៏បានកំពុងបង្កើតគណៈកម្មការអន្តរក្រសួង ដើម្បីត្រួតពិនិត្យ និងបង្រ្កាបចំពោះករណីនេះផងដែរ ដោយចាប់ពីពេលនេះតទៅនឹងគ្មានការលើកលែង និងយោគយល់នោះឡើយប្រសិនបើពួកគេនៅតែបន្តរឹងទទឹងបង្ហោះ ឬផ្សព្វផ្សាយ ដោយបង្ហោះមួយចាត់វិធានការមួយ។សូមបញ្ជាក់ថា កាលពីថ្ងៃទី៤ ខែធ្នូ ឆ្នាំ២០២៤កន្លងទៅថ្មីៗនេះ សួងមហាផ្ទៃ បានចេញសារាចរណែនាំឱ្យបញ្ឈប់រាល់ការផ្សព្វផ្សាយល្បែងស៊ីសងខុសច្បាប់ ដោយសេចក្តីណែនាំនេះ ធ្វើឡើងបន្ទាប់ពីក្រសួងសង្កេតឃើញថា បណ្តាញទំនាក់ទំនងសង្គម និងប្រព័ន្ធផ្សព្វផ្សាយមួយចំនួន បានផលិតរូបភាព វីដេអូ និងមាតិកាល្បែងស៊ីសងខុសច្បាប់ ព្រមទាំងផ្សព្វផ្សាយល្បែងស៊ីសងទាំងនេះ ដើម្បីអូសទាញប្រជាពលរដ្ឋឱ្យចូលលេងល្បែងស៊ីសងខុសច្បាប់ដោយផ្ទាល់ ឬតាមប្រព័ន្ធអនឡាញ (Online)នោះ។តាមរយៈសារាចរណែនាំនោះ ក្រសួងសង្កេតឃើញផងដែរថា ក្នុងសកម្មភាពផ្សព្វផ្សាយ និងចែករំលែកបន្ត(Share) អំពីល្បែងស៊ីសងខុសច្បាប់ទាំងនេះ ក៏មានការចូលរួមពីបុគ្គលមានប្រជាប្រិយភាព និងអ្នកផលិតមាតិកាសង្គមមួយចំនួនផងដែរ ដែលជាហេតុធ្វើឱ្យសាធារណជនមានការភាន់ច្រឡំ ហើយបន្តចែកចាយរូបភាព វីដេអូ និងមាតិកាទាំងនោះ ធ្វើឱ្យប៉ះពាល់យ៉ាងធ្ងន់ធ្ងរដល់សន្តិសុខសណ្តាប់ធ្នាប់សាធារណៈ និងសុវត្ថិភាពសង្គម។ទាក់ទងនឹងសារាចរណែនាំរបស់ក្រសួងមហាផ្ទៃនេះដែរ អ្នកនាំពាក្យរបស់អគ្គស្នងការដ្ឋាននគរ បាលជាតិក៏បានធ្វើការឆ្លើយតប និងបដិសេធទាំងស្រុងចំពោះជនអគតិនៅក្រៅស្រុកមួយក្តាប់តូចដែលបានផ្សព្វផ្សាយបែបញុះញង់អុចអាលថា កងកម្លាំងប្រដាប់អាវុធរបស់អគ្គស្នងការនគរបាលជាតិ មិនបានស្តាប់តាមការណែនាំ ឬបទបញ្ជារបស់រាជរដ្ឋាភិបាលលើករណីបង្រ្កាប់បនល្បែង ឬការផ្សព្វផ្សាយល្បែងខុសចាប់តាមអនឡាញផងដែរ ដោយលោកបានចាត់ទុកថា ការផ្សព្វផ្សាយព័ត៌មានមិនពិតរបស់ជនអគតិ ទាំងនោះគឺមានចេតនាបំបែកបំបាក់ និងធ្វើឲ្យបងប្អូនប្រជាពលរដ្ឋមានការយល់ច្រឡំជាដើមនោះ៕ អត្ថបទ បាន ចក់

កម្លាំងនាយកដ្ឋាននគរបាលព្រហ្មទណ្ឌ ឃាត់ខ្លួនឧក្រិដ្ឋជនវៀតណាម១២នាក់ ករណីចាប់ជំរិតជនជាតិចិន នៅក្រុងបាវិត

ភ្នំពេញ៖ កម្លាំងនាយកដ្ឋាននគរបាលព្រហ្មទណ្ឌ បានឃាត់ខ្លួន ឧក្រិដ្ឋជនវៀតណាម១២នាក់ ជាបន្តបន្ទាប់ ក្រោយទទួលបានពាក្យបណ្ដឹងថាមានករណីចាប់ជំរិតជនជាតិចិន នៅក្រុងបាវិត ខេត្តស្វាយរៀង។ប្រតិបត្តិកា បានធ្វើឡើងនាវេលាម៉ោង១២៖០០នាទីរសៀល ថ្ងៃទី២៩ ខែធ្នូ ឆ្នាំ២០២៤ កម្លាំងជំនាញបានស្រាវជ្រាវរកឃើញ ជនរងគ្រោះត្រូវបានក្រុមជនសង្ស័យបង្ខាំងចាក់សោរទុកនៅក្នុងផ្ទះជួលមួយកន្លែងស្ថិតនៅក្នុងភូមិតាពៅ សង្កាត់បាវិត ខេត្តស្វាយរៀង និងបានឃាត់ខ្លួនជនសង្ស័យជាបន្តបន្ទាប់ចំនួន១២នាក់។គួរបញ្ជាក់ផងដែរកាលពីថ្ងៃទី២៧ ខែធ្នូ ឆ្នាំ២០២៤ កម្លាំងនាយកដ្ឋាននគរបាលព្រហ្មទណ្ឌបានទទួលបណ្តឹងករណីចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស នៅចំណុចសង្កាត់បាវិត ក្រុងបាវិត ខេត្តស្វាយរៀង ទៅលើជនរងគ្រោះឈ្មោះ CHEN YITONG ភេទប្រុស អាយុ២៥ឆ្នាំ ជនជាតិចិន បង្កឡើងដោយជនមិនស្គាល់អត្តសញ្ញាណមួយក្រុម ជិះរថយន្តម៉ាកស្តារិច ពណ៌ស មិនស្គាលផ្លាកលេខ។ជនសង្ស័យទាំង១២នាក់ ត្រូវបាននាំខ្លួនមកកាន់នាយកដ្ឋាននគរបាលព្រហ្មទណ្ឌដើម្បីធ្វើការសាកសួរ៕អត្ថបទ៖ កុម្ភៈ

នគរបាលបង្ហាញមុខជនសង្ស័យ ១២នាក់ពាក់ព័ន្ធបទល្មើស ៧ករណី

ជនសង្ស័យប្រុស-ស្រី ១២នាក់ ពាក់ព័ន្ធបទល្មើស ៧ករណី រួមមានករណីឆក់ ប្លន់ ... ត្រូវបានកម្លាំងការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បង្ហាញមុខជាសាធារណៈ នាព្រឹកថ្ងៃទី២៧ ខែធ្នូ ឆ្នាំ២០២៤ ក្រោយស្រាវជ្រាវឃាត់ខ្លួនជាបន្តបន្ទាប់។លោកវរសេនីយ៍ឯក ម៉ម សាវន នាយការិយាល័យព្រហ្មទណ្ឌកំរិតស្រាល នៃ ស្នងការដ្ឋាននគរបាលរាជធានីភ្នំពេញប្រាប់ឲ្យដឹងថា រយៈពេល ៤ថ្ងៃ ចាប់ពីថ្ងៃទី២២ ដល់ថ្ងៃទី២៥ ខែធ្នូ ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកំរិតស្រាល សហការជាមួយកម្លាំងអធិការដ្ឋាននគរបាលខណ្ឌ ៧មករា ,កម្លាំងអធិការដ្ឋាននគរបាលខណ្ឌមានជ័យ ស្រាវជ្រាវឃាត់ខ្លួនជនសង្ស័យជាបន្តបន្ទាប់សរុប ១២ នាក់ (ស្រី ០៣នាក់) ពាក់ព័ន្ធបទល្មើសចំនួន ០៧ ករណី ។ករណីទី១ ឆក់យកទូរសព្ទ័ដៃពីប្រជាពលរដ្ឋ នៅចំណុចផ្សារជីបម៉ុង ផ្លូវលេខ១៦៩ ភូមិ០៤ សង្កាត់អូរឫស្សី២ ខណ្ឌ៧មករា រាជធានីភ្នំពេញ កាលពីថ្ងៃទី២១ ខែធ្នូ ឆ្នាំ២០២៤ វេលាម៉ោង១៤ និង១០ នាទី។ ករណីទី២ ឆក់យកទូរសព្ទ័ដៃ នៅចំណុចមុខផ្ទះលេខ២AE0 ផ្លូវព្រះមុន្នីវង្ស ភូមិ០៣ សង្កាត់បឹងព្រលឹត ខណ្ឌ៧មករា រាជធានីភ្នំពេញ កាលពីថ្ងៃទី២៦ ខែតុលា ឆ្នាំ២០២៤ វេលាម៉ោង១៥ និង៣៤ នាទី។ ករណីទី៣ ឆក់យកទូរសព្ទ័ដៃ នៅចំណុចមុខផ្ទះលេខ៤៨ ផ្លូវលេខ១៦១ ភូមិ០៦ សង្កាត់បឹងព្រលឹត ខណ្ឌ៧មករា រាជធានីភ្នំពេញ កាលពីថ្ងៃទី១២ ខែធ្នូ ឆ្នាំ២០២៤ វេលាម៉ោង០១ និង៤០ នាទី។ ករណីទី៤ ឆក់យកទូរសព្ទ័ដៃ នៅចំណុចមុខផ្ទះលេខ៣៩ ផ្លូវលេខ២៣២ ភូមិ១១ សង្កាត់វាលវង់ ខណ្ឌ៧មករា រាជធានីភ្នំពេញ កាលពីថ្ងៃទី០៤ ខែតុលា ឆ្នាំ២០២៤ វេលាម៉ោង ០៧ និង ០៥ នាទី ។ ករណីទី៥ ហិង្សាដោយចេតនាមានស្ថានទម្ងន់ទោស នៅចំណុចមុខក្លឹបហាត់ប្រាណ ផ្លូវជាតិលេខ២ ភូមិព្រែកតានូ សង្កាត់ចាក់អង្រែលើខណ្ឌមានជ័យ រាជធានីភ្នំពេញ កាលពីថ្ងៃទី១៩ ខែធ្នូ ឆ្នាំ២០២៤ វេលាម៉ោង ២៣ និង ៣០ នាទី ។ ករណីទី៦ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ប្រើកាំបិតផ្គាក់កាប់ប្លន់យកម៉ូតូ ១គ្រឿង ម៉ាក ហុងដាសេ១២៥ ពណ៌ ខ្មៅ សេរីឆ្នាំ២០២៣ ពាក់ផ្លាកលេខភ្នំពេញ ១KC-៩៧៤៤) នៅចំណុចចុងស្ពានព្រែកសំរោង ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ កាលពីថ្ងៃទី០៣ ខែធ្នូ ឆ្នាំ២០២៤ វេលាម៉ោង០៣ និង១៥ នាទី ។ ករណីទី៧ ហិង្សាដោយចេតនាមានស្ថានទម្ងន់ទោស នៅចំណុចមុខក្លឹបហាត់ប្រាណ ផ្លូវជាតិលេខ២ ភូមិព្រែកតានូ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ កាលពីថ្ងៃទី១៩ ខែធ្នូ ឆ្នាំ២០២៤ វេលាម៉ោង ២៣ និង ៣០ នាទី ។ចំពោះជនសង្ស័យ និងវត្ថុតាងជំនាញការិយាល័យកំពុងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធី៕ តារាវុទ្ធី

ក្មេងទំនើង៦នាក់កាន់ដាវ និងកាំបិតត្រូវបានសមត្ថកិច្ចចាប់បញ្ជូនមកតុលាការចាត់វិធានការតាមផ្លូវច្បាប់

លោកវរសេនីយ៍ឯកសោម សោភណ្ឌ័ អធិការនគរបាលស្រុកស្វាយជ្រំ ខេត្តស្វាយរៀងឲ្យដឹងនៅរសៀលថ្ងៃទី២៦ ខែធ្នូ ឆ្នាំ២០២៤ ថាកម្លាំងនគរបាលបានសហការជាមួយនឹងប្រជាការពារធ្វើការចាប់ឃាត់ខ្លួនក្មេងទំនើងចំនួន ៦នាក់ ក្រោយពីមន្ត្រីមានសមត្ថកិច្ចទទួលបានព័ត៌មានពីមូលដ្ឋានថាមានក្មេងធ្វើសកម្មភាព ជិះម៉ូតូចំនួន ៣គ្រឿង កាន់ដាវ និងកាំបិត អូសតាមបណ្តោយផ្លូវថ្នល់ធ្វើសកម្មភាព ក្នុងភូមិសាស្ត្រ ឃុំពោធិរាជ និងឃុំដូនសរ កាលពីថ្ងៃ២៥ ខែធ្នូ ឆ្នាំ២០២៤ ។លោកអធិការបានបញ្ជាក់ថា នៅចំពោះមុខសមត្ថកិច្ច ក្មេងទំនើងទាំង ៦នាក់ បានឆ្លើយសារភាពថា នៅថ្ងៃទី២៥ខែធ្នូឆ្នាំ២០២៤ វេលាម៉ោង១រសៀល បក្សពួកខ្លួន បានបបួលគ្នាជិះម៉ូតូចំនួន ៣គ្រឿងបានដាក់ដាវ និងកាំបិតក្នុងកែបម៉ូតូជិះចេញពីឃុំធ្លក ស្រុកស្វាយជ្រំ ក្នុងគោលបំណងជិះម៉ូតូដើរលេងនៅក្នុងក្រុងស្វាយរៀង រហូតដល់ម៉ោង១និង៥០នាទីរសៀល ទើបពួកគាត់បានបបួលគ្នាជិះម៉ូតូចេញពីក្រុងស្វាយរៀងវិញ មកដល់ចំណុចលើភូមិទទា សង្កាត់ចេក ក្រុងស្វាយរៀង ក៏កាន់ដាវ និងកាំបិតអូសតាមបណ្តោយថ្នល់បានចម្ងាយប្រហែល ១៥០០ម៉ែត្រ ក៏ឈប់អូសក៏ជិះម៉ូតូទៅដល់ភូមិអញ្ចាញ ឃុំពោធិរាជ ស្រុកស្វាយជ្រំ ក្រុមបក្សពួកខ្លួនក៏កាន់ដាវនិងកាំបិតអូសលើថ្នល់ម្តងទៀតបានចម្ងាយប្រហែល៥០០ម៉ែត្រទើបឈប់បាននាំគ្នាជិះម៉ូតូចូលផ្ទះ។បន្ទាប់មកក៏យកដាវ និងកាំបិតដាក់ក្នុងកែបម៉ូតូបបួលគ្នាជិះម៉ូតូដើរលេង ទៅកញ្ចុះលក់ដូរដងព្រែកស្ថិតនៅភូមិដូនស ឃុំដូនស ស្រុកស្វាយជ្រំ ពេលក្រុមបក្សពួកខ្លួនកំពុងអង្គុយលេង ស្រាប់តែសមត្ថកិច្ចមកដល់បានឃាត់ពួកខ្លួនទាំង៦នាក់ និងដកហូតវត្ថុតាងកាំបិត និងដាវនៅក្នុងកែបម៉ូតូរបស់ពួកខ្លួន។ក្រោយពីបានស្តាប់ចម្លើយសារភាពរបស់មុខសញ្ញាក្មេងទំនើងរួចហើយ លោកអធិការនគរបាលស្រុកស្វាយជ្រំ បានរាយការណ៍ជូនលោកឧត្តមសេនីយ៍ទោ ស្នងការ នគរបាលខេត្ត និងបានសុំយោបល់ លោក ខាំ សុផារី ព្រះរាជអាជ្ញាអមសាលាដំបូងខេត្តស្វាយរៀង ឃាត់ខ្លួនមុខសញ្ញាក្មេងទំនើងទាំង ៦នាក់នៅអធិការដ្ឋាននគរបាលស្រុកស្វាយជ្រំ។រហូតដល់ ថ្ងៃទី២៦ ខែធ្នូ ឆ្នាំ២០២៤ កម្លាំងជំនាញអធិការដ្ឋាននគរបាលស្រុកស្វាយជ្រំ បានបញ្ជូនក្រុមក្មេងទំនើងទៅផែនការងារនគរបាលព្រហ្មទណ្ឌ ដើម្បីចាត់ការតាមច្បាប់៕

នគរបាល នៅតែបន្តឹងការបង្ក្រាប ក្រុមជនបង្កបទល្មើសអសន្តិសុខសង្គមនានា ក្នុងរាជធានីភ្នំពេញ

ភ្នំពេញ ៖ កម្លាំងនគរបាល នៃស្នងការដ្ឋាននគរបាលរាជធានីភ្នំពេញ នៅតែបន្តឹងសកម្មភាពរបស់ខ្លួន ក្នុងការបង្ក្រាបរាល់សកម្មភាពរបស់ក្រុមជនទាំងឡាយ ដែលបង្ក ឬប្រព្រឹត្តិអំពើអសន្តិសុខសង្គមនានា ដោយមិនបន្ធូរបន្ថយដៃនោះឡើយ ។ ជាក់ស្តែង នាព្រឹកថ្ងៃទី២១ ខែធ្នូ ឆ្នាំ២០២៤នេះ ស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខក្រុមជនសង្ស័យចំនួន២២នាក់ ពាក់ព័ន្ធនឹង០៤បទល្មើសផ្សេងៗ ដែលប្រព្រឹត្តិទៅក្នុងខណ្ឌចំនួន០៥ មានខណ្ឌចំការមន , មានជ័យ , កំបូល , ៧មករា និងខណ្ឌដូនពេញ ។ ជនសង្ស័យទាំង២២នាក់ ត្រូវបានកម្លាំងសមត្ថកិច្ចព្រហ្មទណ្ឌកម្រិតស្រាល សហការជាមួយកម្លាំងនគរបាលតាមបណ្តាអធិការដ្ឋាននគរបាលខណ្ឌនីមួយៗខាងលើ ធ្វើការបង្ក្រាបបានជាបន្តបន្ទាប់ និងនៅតាមទីតាំងផ្សេងៗផ្សេងៗគ្នា បន្ទាប់ពីក្រុមទាំងនោះ បានប្រព្រឹត្តិបទល្មើសរួច ។ ជនទាំង២២នាក់ ពាក់ព័ន្ធករណី ៖ ធាក់ប្លន់យកម៉ូតូ , ករណីលួចទ្រព្យសម្បត្តិ , ករណីឆក់ទ្រព្យសម្បត្តិ និងករណីហិង្សាកាប់គ្នាបង្ករបួសស្នាម ។ ក្រោយធ្វើការបង្ហាញមុខជាសាធារណះរួចមក កម្លាំងសមត្ថកិច្ចបានបញ្ចូនខ្លួនក្រុមជនសង្ស័យទាំង២២នាក់ ទៅកាន់អយ្យការអមសាលាដំបូងរាជធានីភ្នំពេញ ដើម្បីចាត់ការទៅតាមផ្លូវច្បាប់ ។ សូមបញ្ជាក់ថា ៖ នៅព្រឹកថ្ងៃខែដដែលនេះ ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានដឹកនាំកិច្ចប្រជុំដាក់ផែនការបន្តពង្រឹងកិច្ចការងារការពារសន្តិសុខ រក្សាសណ្តាប់ធ្នាប់ សុវត្ថិភាពសង្គម ផងដែរ ។ កិច្ចប្រជុំនោះ មានការចូលរួមពីលោកស្នងការរង ជំនួយការឯកឧត្តមស្នងការ លោកអនុប្រធានផែនការងារ លោក-លោកស្រីនាយការិយាល័យជំនាញទាំង៣៣ លោកអធិការខណ្ឌទាំង១៤ និងមន្រ្តីពាក់ព័ន្ធផងដែរ ៕ អត្ថបទ ៖ លីហេង

កម្លាំងសមត្ថកិច្ចឃាត់ខ្លួនជនសង្ស័យ៣នាក់រឹបអូសគ្រឿងញៀនជាង ២គីឡូក្រាម

អនុវត្តតាមយោបល់ដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃ ស្នងការដ្ឋាននគរបាលខេត្តបាត់ដំបងនិងដោយបានការសម្របសម្រួលលើនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង និងឯកឧត្តម កើត វណ្ណារ៉េត ព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យ លោកវរសេនីយ៍ឯកសុខ និមល ស្នងការរងផែនជំនាញប្រឆាំងគ្រឿងញៀនសហការជាមួយកម្លាំងនគរបាលខេត្តបន្ទាយមានជ័យដឹកនាំធ្វើការបង្រ្កាបករណីគ្រឿងញៀនមួយករណី ដោយបានឃាត់ខ្លួនជនសង័្សយចំនួន៣នាក់នៅ ក្នុងមូលដ្ឋានក្រុងបាត់ដំបង ស្រុកថ្មគោលនិងខេត្តបន្ទាយមានជ័យនៅថ្ងៃទី១៥-១៦ ខែធ្នូ ឆ្នាំ២០២៤។ជនសង្ស័យទាំង៣នាក់ដែលត្រូវបានឃាត់ខ្លួនរួមមាន៖ ១-ឈ្មោះឆាយ កុសល ភេទប្រុស អាយុ ៣៦ឆ្នាំ រស់នៅភូមិជំនីក ឃុំអន្លង់វិល ស្រុកសង្កែ ខេត្តបាត់ដំបង,២-ឈ្មោះ ចាន់ វណ្ណដា ភេទប្រុសអាយុ ១៨ឆ្នាំ រស់ នៅភូមិតារាងបាល់ សង្កាត់កំពង់ស្វាយ ក្រុងសិរីសោ ភ័ណ ខេត្តបន្ទាយមានជ័យ និងទី៣-ឈ្មោះ ចាន់ ម៉ារីណា ភេទស្រី អាយុ ២៥ឆ្នាំ រស់ នៅភូមិតារាងបាល់ សង្កាត់កំពង់ស្វាយ ក្រុងសិរីសោ ភ័ណ ខេត្តបន្ទាយមានជ័យ។វត្ថុតាងចាប់យកបានរួមមាន៖ថ្នាំញៀនប្រភេទមេតំហ្វេតាមីន (ម៉ាទឹកកក ICE) សរុបចំនួន ១០ថង់ ទម្ងន់ ២៥១១,៥៦ក្រាម (ថ្នាំសុទ្ធ) ,ម៉ូតូចំនួន២គ្រឿង ,ទូរស័ព្ទដៃចំនួន៥គ្រឿង (ចាស់) និងជញ្ជីងសម្រាប់ថ្លឹងថ្នាំញៀន១គ្រឿង។បន្ទាប់ពីឃាត់ខ្លួន សមត្ថកិច្ចបានចាត់ចែងរៀបចំសំណុំរឿងបញ្ជូនទៅសាលាដំបូងខេត្តបាត់ដំបង ដើម្បីអនុវត្តទោសទៅតាមផ្លូវច្បាប់៕

តំណាងអយ្យការសម្រេចចោទជនត្រូវចោទ អិត ឆេងហ៊ត ពីបទ ប៉ុនប៉ងឃាតកម្ម

ភ្នំពេញ៖ លោក ឆាយ ហុង ព្រះរាជអាជ្ញារង និងជាអ្ននាំពាក្យនៃអយ្យការអមសាលាដំបូងរាជធានីភ្នំពេញ បានបញ្ជាក់ឲ្យដឹងនាល្ងាចថ្ងៃទី១១ ខែធ្នូឆ្នាំ២០២៤នេះ ពាក់ព័ន្ធករណីនេះ តំណាងអយ្យការបានសម្រេចចោទប្រកាន់លើបុគ្គលឈ្មោះ អ៉ិត ឆេងហ៊ត ភេទប្រុស ពីបទ ប៉ុនប៉ងឃាតកម្ម យោងតាមមាត្រា ២៧ និងមាត្រា ១៩៩ នៃក្រមព្រហ្មទណ្ឌ។ ហើយនិងបញ្ជូនសំណុំរឿងទៅចៅក្រមដើម្បីបន្តនីតិវីធី។គួបញ្ជាក់ផងដែរ នៅព្រឹកថ្ងៃទី១១ ខែធ្នូឆ្នាំ២០២៤នេះ នគរបាលព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខជនសង្ស័យម្នាក់នេះពាក់ព័ន្ធនឹងករណីប៉ុនប៉ងឃាតកម្មជាសាធារណៈរួចបានបញ្ជូនទៅតុលាការ។គួរំលឹកផងដែរ កាលពីថ្ងៃទី០៦ ខែ វិច្ឆិកា ឆ្នាំ២០២៤ វេលាម៉ោង១៦ និង៣៥ នាទីមានករណី ករណីប៉ុនប៉ងឃាតកម្មប្រព្រឹត្តនៅ ចំណុចមុខសាលាសុវណ្ណភូមិ ផ្លូវបេតុង ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ គឺបណ្ដាមកពីគំនុំដែលជនសង្ស័យឈ្មោះ អ៊ុត ឆេងហ៊ត បានស្គាល់រាប់អាន និងស្រឡាញ់គ្នាជាសង្សា ដោយលួចលាក់ ជាមួយឈ្មោះ ហ៊ុន រចនា ភេទ ស្រី អាយុ ៤០ ឆ្នាំ ជនជាតិ ខ្មែរ ដែលពេលនោះ ឈ្មោះ ហ៊ុន រចនា មានប្តី និងមានកូនចំនួន ០៤ នាក់ កំពុងរស់នៅជាមួយគ្នា ។ លុះដល់ថ្ងៃមិនចាំ ខែមករា ឆ្នាំ ២០២៤ ជនរងគ្រោះឈ្មោះ ឃឹម ដារិទ្ធ ប្រើគណនីតឹកតុកឈ្មោះ ដារិទ្ធ បានយករូបថតរបស់គាត់ដើរលេង ជាមួយឈ្មោះ ហ៊ុន រចនា មកផុសក្នុងគណនីតឹកតុករបស់គាត់ និងយករូបថតនេះផ្ញើមកគណនីតឹកតុករបស់ ជនសង្ស័យឈ្មោះ CHHENG HORT និងសរសេរអក្សរថា កុំទៅរញ៉េរញ៉ៃជាមួយឈ្មោះ ហ៊ុន រចនា ទៀត បើ មិនចង់ងាប់ និងមិនចង់មានរឿង ហើយចាប់ពីពេលនោះមកជនរងគ្រោះឈ្មោះ ឃឹម ដារិទ្ធ បានឆាត និងទូរស័ព្ទទៅជេរ ប្រមាថ ជនសង្ស័យ ដោយពាក្យអសុរស និងឈ្លោះជេរគ្នាទៅវិញ ទៅមក តាមទូរសព្ទ័ ជាបន្តបន្ទាប់ រហូតដល់ជនសង្ស័យខឹង និងគុំចាំសងសឹកលើជនរងគ្រោះ តែម្តង។លុះដល់ថ្ងៃកើតហេតុដោយជនសង្ស័យក៏បានជិះម៉ូតូយកទៅទុកនៅក្នុងស្ថានីយ៍ប្រេងឥន្ធនៈPTT ដែលនៅជាប់ សាលារៀនសុវណ្ណភូមិនោះ ហើយបានដើរទៅរកជនរងគ្រោះនិងបានយកពូថៅចេញពីក្នុងកាបូបស្ពាយ មកធ្វើ សកម្មភាពកាប់លើជនរងគ្រោះ ចំក្បាលពីក្រោយចំនួន ០៤ ទៅ ០៥ ពូថៅ រយះចេញឈាមជាច្រើន រួចហើយ ជនសង្ស័យបានកាន់ពូថៅ រត់មកយកម៉ូតូដែលទុកនៅស្ថានីយ៍ប្រេងឥន្ធនៈ PTT ហើយបោះពូថៅចោលនៅលើ សួនច្បារមុខស្ថានីយ៍ប្រេងនោះ រួចយកម៉ូតូជិះគេចខ្លួនបាត់តែម្តង ។ ក្រោយប្រព្រឹត្តបទល្មើសរួច ជនសង្ស័យបានគេចខ្លួនរហូត ដល់ថ្ងៃទី០៩ ខែធ្នូ ឆ្នាំ២០២៤ ទើបកម្លាំងកម្លាំងនគរបាលនៃស្នងការដ្ឋាននគរបាលរាជធានីភ្នំពេញសហការជាមួយនគរបាលខណ្ឌដង្កោស្រាវជ្រាវហើយឈានទៅសហការឃាត់ខ្លួនជនសង្ស័យបាននៅចំណុចការដ្ឋានសំណង់ ក្រុងបាវិត ខេត្តស្វាយរៀង៕អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

ឯកឧត្តម ចាយ បូរិន អញ្ជើញជាអធិបតីពិធីសម្ពោធសមិទ្ធផលនានា នៅឃុំនាងទើត ស្រុកតំបែរ ខេត្តត្បូងឃ្មុំ

ឯកឧត្តម ឌិត ទីណា ស្នើវិស័យធនាគារជួយពិនិត្យលទ្ធភាពក្នុងការផ្តល់អត្រាការប្រាក់ទាបដល់កសិករ

ឯកឧត្តម អ៊ី ឈាន និងលោកជំទាវ បាន ស្រីមុំ នាំយកអំណោយសម្តេចកិត្តិព្រឹត្តបណ្ឌិត ប្រគល់ជូនកងកម្លាំងនៅតាមខ្សែរព្រំដែនក្នុងភូមិសាស្ត្រខេត្តប៉ៃលិន

អគ្គនាយកដ្ឋាន ក.ប.ប. គ្រោងចុះផ្សព្វផ្សាយដល់អាជីវករលក់ផ្លែទុរេន ដើម្បីបង្ហាញផលប៉ះពាល់នៃសារធាតុ អូរ៉ាមីនអូ

ឧត្តមនាវីឯក ទៀ សុខា អញ្ជើញចុះសំណេះសំណាល និងយកអំណោយសម្តេចប្រធានព្រឹទ្ធសភា និងសម្តេចធិបតី ចែកជូនដល់នាវិកបញ្ជាការដ្ឋានកងទ័ពជើងទឹក

អ៊ុយក្រែនប្រាប់ថា ខ្លួនបានបាញ់ទម្លាក់យន្តហោះចម្បាំងរុស្ស៊ី Su-35

អ៊ីស្រាអែលទទួលស្គាល់ថា បានគាំទ្រក្រុមប្រដាប់អាវុធប្រឆាំងក្រុមហាម៉ាស នៅហ្កាហ្សា

ក្រុមអ្នករៀបចំ៖ នាវាជំនួយរបស់សកម្មជន នៅក្បែរតំបន់ហ្កាហ្សា ក្រោយទៅដល់ឆ្នេរអេហ្ស៊ីប

ឧត្តមសេនីយ៍អាល្លឺម៉ង់៖ អឺរ៉ុបអាចគាំទ្រកិច្ចប្រឹងប្រែងសង្រ្គាមរបស់អ៊ុយក្រែន ដោយគ្មានអាមេរិក

ជប៉ុន៖ មាន «វឌ្ឍនភាព" តែមិនទាន់មាន «កិច្ចព្រមព្រៀង» សម្រាប់កិច្ចពិភាក្សាពន្ធជាមួយអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

បង្រ្កាបក្រុមក្មេងទំនើង០៣នាក់ បញ្ជូនទៅតុលាការ ពាក់ព័ន្ធករណីហិង្សាដោយចេតនា

ឃាត់ខ្លួនមេបញ្ជាការរងកងរាជអាវុធហត្ថខេត្តតាកែវ និងមន្រ្តី២នាក់មកសួរនាំពាក់ព័ន្ធគ្រឿងញៀន

សមត្ថកិច្ចបង្ក្រាបក្មេងទំនើងជាង៥០ករណី ក្នុងខែធ្នូ ចុងឆ្នាំ២០២៤នេះ!

មនុស្សបួននាក់បានបញ្ជូនទៅដាក់ពន្ធនាគារក្រោយបន្តផ្សព្វផ្សាយល្បែងខុសច្បាប់តាមប្រព័ន្ធអនឡាញ

កម្លាំងនាយកដ្ឋាននគរបាលព្រហ្មទណ្ឌ ឃាត់ខ្លួនឧក្រិដ្ឋជនវៀតណាម១២នាក់ ករណីចាប់ជំរិតជនជាតិចិន នៅក្រុងបាវិត

នគរបាលបង្ហាញមុខជនសង្ស័យ ១២នាក់ពាក់ព័ន្ធបទល្មើស ៧ករណី

ក្មេងទំនើង៦នាក់កាន់ដាវ និងកាំបិតត្រូវបានសមត្ថកិច្ចចាប់បញ្ជូនមកតុលាការចាត់វិធានការតាមផ្លូវច្បាប់

នគរបាល នៅតែបន្តឹងការបង្ក្រាប ក្រុមជនបង្កបទល្មើសអសន្តិសុខសង្គមនានា ក្នុងរាជធានីភ្នំពេញ

កម្លាំងសមត្ថកិច្ចឃាត់ខ្លួនជនសង្ស័យ៣នាក់រឹបអូសគ្រឿងញៀនជាង ២គីឡូក្រាម

តំណាងអយ្យការសម្រេចចោទជនត្រូវចោទ អិត ឆេងហ៊ត ពីបទ ប៉ុនប៉ងឃាតកម្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បង្រ្កាបក្រុមក្មេងទំនើង០៣នាក់ បញ្ជូនទៅតុលាការ ពាក់ព័ន្ធករណីហិង្សាដោយចេតនា

ឃាត់ខ្លួនមេបញ្ជាការរងកងរាជអាវុធហត្ថខេត្តតាកែវ និងមន្រ្តី២នាក់មកសួរនាំពាក់ព័ន្ធគ្រឿងញៀន

សមត្ថកិច្ចបង្ក្រាបក្មេងទំនើងជាង៥០ករណី ក្នុងខែធ្នូ ចុងឆ្នាំ២០២៤នេះ!

មនុស្សបួននាក់បានបញ្ជូនទៅដាក់ពន្ធនាគារក្រោយបន្តផ្សព្វផ្សាយល្បែងខុសច្បាប់តាមប្រព័ន្ធអនឡាញ

កម្លាំងនាយកដ្ឋាននគរបាលព្រហ្មទណ្ឌ ឃាត់ខ្លួនឧក្រិដ្ឋជនវៀតណាម១២នាក់ ករណីចាប់ជំរិតជនជាតិចិន នៅក្រុងបាវិត

នគរបាលបង្ហាញមុខជនសង្ស័យ ១២នាក់ពាក់ព័ន្ធបទល្មើស ៧ករណី

ក្មេងទំនើង៦នាក់កាន់ដាវ និងកាំបិតត្រូវបានសមត្ថកិច្ចចាប់បញ្ជូនមកតុលាការ​ចាត់វិធានការ​តាមផ្លូវច្បាប់

​នគរបាល នៅតែបន្តឹងការបង្ក្រាប ក្រុមជនបង្កបទល្មើសអសន្តិសុខសង្គមនានា ក្នុងរាជធានីភ្នំពេញ

កម្លាំងសមត្ថកិច្ចឃាត់ខ្លួនជនសង្ស័យ៣នាក់រឹបអូសគ្រឿងញៀនជាង ២គីឡូក្រាម

តំណាងអយ្យការសម្រេចចោទជនត្រូវចោទ អិត ឆេងហ៊ត ពីបទ ប៉ុនប៉ងឃាតកម្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្មេងទំនើង៦នាក់កាន់ដាវ និងកាំបិតត្រូវបានសមត្ថកិច្ចចាប់បញ្ជូនមកតុលាការចាត់វិធានការតាមផ្លូវច្បាប់

នគរបាល នៅតែបន្តឹងការបង្ក្រាប ក្រុមជនបង្កបទល្មើសអសន្តិសុខសង្គមនានា ក្នុងរាជធានីភ្នំពេញ