BTV NEWS

គ្រូបង្វឹកកម្ពុជា ផ្ដាំកូនក្រុមត្រូវបង្ហាញខ្លួនឲ្យល្អ ពេលជួបទីម័រល្ងាចនេះ ដើម្បីមានឱកាសកោះហៅលើកក្រោយ

យុវជនកងយោធពលខេមរភូមិន្ទ បន្ដទទួលឱកាសមាសចូលរួមព្រឹត្តិការណ៍អន្ដរជាតិ នៅចិន

ឯកឧត្តមឧបនាយករដ្ឋមន្ត្រី ស៊ុន ចាន់ថុល បន្តជាប់ជាប្រធានសហព័ន្ធកីឡាក្នុងទឹកកម្ពុជាអាណត្តិទី៨ ឆ្នាំ២០២៥-២០២៩

យុទ្ធគុនចម្រុះកម្ពុជាឈ្នះមេដាយកម្រិតទ្វីប ៣គ្រឿង ខណៈមន្ដ្រីសហព័ន្ធទទូចឲ្យមានការគាំទ្របន្ថែម

ព័ត៌មានកីឡា

Cristiano Ronaldo វិលមកហ្វឹកហាត់ជុំគ្នាវិញក្រោមបញ្ជារបស់ Erik ten Hag

បាល់ទាត់៖ ខ្សែប្រយុទ្ធក្រុមបិសាចក្រហម Manchester United, Cristiano Ronaldo បានត្រលប់មកហ្វឹកហាត់ជុំគ្នាវិញជាមួយមិត្តរួមក្រុមហើយ បន្ទាប់ពីត្រូវបានអ្នកចាត់ការ Erik ten Hag ចាត់បញ្ជាឱ្យហ្វឹកហាត់ម្នាក់ឯងសប្តាហ៍មុន។ កីឡាករវ័យ ៣៧ឆ្នាំរូបនេះបានបដិសេធមិនផ្លាស់ប្តូរចូលនៅចុងម៉ោងពេល Manchester United យកឈ្នះ Tottenham Hotspur កាលពីថ្ងៃពុធសប្តាហ៍មុន ហើយក្រោយមកក៏ត្រូវបានដកឈ្មោះពីបញ្ជីក្រុមពេលស្មើនៅទឹកដី Chelsea កាលពីថ្ងៃសៅរ៍។ ដោយមិនមានការបញ្ចេញឱ្យដឹងពីផ្ទៃក្នុងក្លិប Manchester United តែត្រូវបានគេដឹងថា មានការជជែករកដំណោះស្រាយរវាងអ្នកចាត់ការ Erik ten Hag និង Cristiano Ronaldo ប៉ុន្មានថ្ងៃកន្លងមកនេះ។បន្ទាប់ពីសប្តាហ៍ដ៏ក្តៅគគុករបស់ Ronaldo ពេញមួយសប្តាហ៍គេសង្កេតឃើញអតីតខ្សែប្រយុទ្ធ Real Madrid និង Juventus រូបនេះត្រលប់មកហ្វឹកហាត់នៅទីលានហ្វឹកហាត់ Carrington ប្រកបដោយទឹកមុខញញឹមរីករាយប្រសើរជាងមុន។ Ronaldo ត្រូវបានគេរំពឹងថានឹងចូលលេងវិញពេល Manchester United ទទួល Sheriff Tiraspol នៅថ្ងៃព្រហស្បតិ៍ស្អែកនេះនៃក្របខណ្ឌ UEFA Europa League។ ខ្សែការពារអង់គ្លេស Harry Maguire និងខ្សែបម្រើហូឡង់ Donny van der Beek ក៏គេឃើញត្រលប់មកហ្វឹកហាត់វិញដែរក្រោយជាពីរបួស៕អត្ថបទ៖នាង សុភាវុធ

PSG ស៊ុត Maccabi Haifa ៧គ្រាប់ តែ Juventus ធ្លាក់ត្រឹមវគ្គវិលជុំក្នុងពូល

បាល់ទាត់៖ ក្រុមជើងឯកបារាំង Paris Saint Germain មិនធានាបានកៅអីលេខ១ ក្នុងពូល H នៅឡើយទេនៅក្របខណ្ឌ UEFA Champions League បើទោះជាបំបាក់ក្រុមភ្ញៀវអ៊ីស្រាអែល Maccabi Haifa ដល់ទៅ ៧-២ ក្តី។ ខ្សែប្រយុទ្ធជួរមុនរបស់ PSG ទាំងបីនាក់ Messi, Neymar និង Mbappe សុទ្ធតែរកបានគ្រាប់បាល់រៀងៗខ្លួនក្នុងចំណោម ៧គ្រាប់យប់មិញ។ ក្រុមម្ចាស់ផ្ទះ PSG ៧គ្រាប់រកបានដោយ Messi ២គ្រាប់, Mbappe ២គ្រាប់, Neymar ១គ្រាប់ និង Carlos Soler ១គ្រាប់ ខណៈមួយគ្រាប់ទៀតជាគ្រាប់បាល់ចូលទីខ្លួនឯងរបស់ខ្សែការពារ Maccabi Haifa។ Messi ស្ទើរតែសម្រេចបាន Hat-Trick ជាកំណត់ត្រា ៩លើកនៅ UCL ទៅហើយតែត្រូវរារាំងដោយរបាទី។ យ៉ាងណាក្តី ២គ្រាប់នេះក៏បានធ្វើឱ្យ Messi ក្លាយជាកីឡាករទី១ ដែលស៊ុតបញ្ចូលទីបាន ៨០គ្រាប់ក្នុងវគ្គវិលជុំក្នុងពូលនៅ UC ផងដែរ។លទ្ធផលនេះធ្វើឱ្យ PSG ទទួលបានបីពិន្ទុបន្ថែមមាន ១១ពិន្ទុតែមិនទាន់ធានាបានកៅអីលេខ១ ក្នុងពូលនៅឡើយដោយសារតែក្រុមព័រទុយហ្កាល់ Benfica យកឈ្នះ Juventus ៤-៣ មាន ១១ពិន្ទុដូចគ្នា។ Juventus បានធ្លាក់ចេញត្រឹមវគ្គវិលជុំក្នុងពូលជាលើកដំបូងរាប់តាំងពីរដូវកាល ២០១៣-១៤ ក្រោយបរាជ័យនេះ៕អត្ថបទ៖នាង សុភាវុធ

ពីបើកឆាកចាញ់ប្រកួតដំបូង Chelsea ឡើងវគ្គ ១៦ក្រុម UCL ក្រោយឈ្នះ RB Salzburg

បាល់ទាត់៖ ក្រុមជើងឯក UEFA Champions League ឆ្នាំ២០២១ តោខៀវ Chelsea បានធានាកៅអីនៅវគ្គ ១៦ក្រុមចុងក្រោយហើយក្រោយយកឈ្នះនៅទឹកដីអូទ្រីស Red Bull Salzburg។ ចាប់ផ្តើមរដូវកាលថ្មី UCL ចាញ់នៅទឹកដី Dinamo Zagreb ក្រុមតោខៀវ Chelsea បានផ្លាស់ប្តូរមុខមាត់ថ្មីក្រោមការដឹកនាំរបស់លោក Graham Potter ដោយឈ្នះ ៣ និងស្មើ ១ នៅក្នុងពូល E នេះ។ Matteo Kovacic គឺជាអ្នកបើកការនាំមុខមុនឱ្យ Chelsea នៅនាទីទី២៣ តែម្ចាស់ផ្ទះក៏តាមស្មើវិញនៅដើមវគ្គទី២ ដោយ Junior Adamu។ ខ្សែប្រយុទ្ធអាល្លឺម៉ង់ Kai Havertz គឺជាអ្នកសម្រេចគ្រាប់វ័យជ័យជំនះឱ្យ Chelsea ធានាបានកៅអីនៅវគ្គ ១៦ក្រុមចុងក្រោយ ក៏ដូចជាបញ្ចប់ស្ថិតិប្រកួតមិនចាញ់ក្នុងដី ៤០ប្រកួតជាប់គ្នារបស់ Red Bull Salzburg ផងដែរ។ តាមរយៈលទ្ធផលដែល AC Milan យកឈ្នះនៅទឹកដី Dinamo Zagreb ៤-០ យប់មិញផងដែរនោះមានន័យថា Chelsea កក់កៅអីជុំបន្តដោយដាច់ក្រុមលេខ៣ Salzburg ៤ពិន្ទុ។ ប្រកួតចុងក្រោយ AC Milan និងទទួល Salzburg នៅកីឡដ្ឋាន San Siro ប្រទេសអ៊ីតាលី ខណៈម្ចាស់ផ្ទះ AC Milan ត្រូវការត្រឹមស្មើដើម្បីឡើងជុំបន្ត៕អត្ថបទ៖នាង សុភាវុធ

Man City ស្មើនៅផ្ទះ Dortmund ស្របពេល Haaland ត្រូវដូរចេញពាក់កណ្ដាលទី

បាល់ទាត់៖ ខ្សែប្រយុទ្ធជួរមុខរបស់ Manchester City, Erling Haaland ត្រូវបានផ្លាស់ចេញក្រោយចប់វគ្គទី១ សម្រាប់ការប្រកួតស្មើ ០-០ នៅទឹកដីអាល្លឺម៉ង់ Borussia Dortmund យប់មិញ។ Manchester City ដែលធានាបានកៅអីទៅវគ្គបន្តទៅហើយនោះ បានដាក់កីឡាករសំខាន់ឱ្យសម្រាកច្រើនតែលើកលែង Haaland នៅតែចាប់ផ្តើម ១១នាក់ដដែល។ អ្នកចាត់ការសញ្ជាតិអេស្ប៉ាញលោក Pep Guardiola បាននិយាយក្រោយចប់ការប្រកួតថា Haaland មានការប៉ះទង្គិចក្នុងវគ្គទី១ និងបារម្ភថា ខ្សែប្រយុទ្ធន័រវេសរូបនេះអាចមានរបួសលើសពីនេះ ដូច្នេះសម្រេចចិត្តដូរចេញ។ Erling Haaland បានស៊ុតបញ្ចូលទី ២២គ្រាប់ក្នុងការបង្ហាញខ្លួនដំបូងឱ្យ Manchester City ១៥ប្រកួត តែការប្រកួតនៅទឹកដី Dortmund យប់មិញមានឱកាសប៉ះបាល់ត្រឹម ១៣ជើងប៉ុណ្ណោះ និងឱកាសស៊ុតមួយលើកមុនពេលដូចជំនួសដោយ Joao Cancelo។Man City មានឱកាសស៊ុតគ្រាប់ជ័យជំនះពី Riyad Mahrez តែកីឡាករអាល់ហ្សេរីរូបនេះស៊ុតបាល់ពិន័យ ១១ម៉ែត្រមិនចូល តែយ៉ាងណាក្តីលទ្ធផលស្មើនៅទឹកដីអាល្លឺម៉ង់នេះធ្វើឱ្យ Manchester City ធានាបានកៅអីលេខ១ ក្នុងពូលផងដែរ។ Manchester City នឹងត្រូវធ្វើដំណើរទៅទឹកដី Leicester City ថ្ងៃសៅរ៍សប្តាហ៍នេះក្របខណ្ឌ English Premier League។ ដោយឡែកមួយគូទៀតក្នុងពូល F នេះដែរ Sevilla បានយកឈ្នះ Copenhagen ៣-០៕អត្ថបទ៖នាង សុភាវុធ

ក្រុមបាល់បោះរទេះនារីកម្ពុជាត្រៀមចូលរួមប្រកួតអន្ដរជាតិនៅឥណ្ឌានាសប្ដាហ៍ក្រោយ

បាល់បោះរទេះ៖ កម្ពុជាត្រៀមបញ្ជូនក្រុមកីឡាការិនីបាល់បោះរទេះ ចូលរួមប្រកួតពានរង្វាន់គណៈកម្មាធិការអន្ដរជាតិនៃកាកបាទក្រហមឥណ្ឌាលើកទី៣ (3rd Edition of ICRC International Wheelchair Basketball Tournament) ចាប់ពីថ្ងៃទី០៥ ដល់ថ្ងៃទី១២ ខែវិច្ឆិកា ឆ្នាំ២០២២ ខាងមុខនៅប្រទេសឥណ្ឌា។ នេះបើតាមសំណើររបស់គណៈកម្មាធិការជាតិប៉ារ៉ាឡាំពិកកម្ពុជា ដែលបានស្នើទៅក្រសួងអប់រំ យុវជន និងកីឡា ដើម្បីអនុញ្ញាតជាគោលការណ៍បញ្ចូនគ្រូបង្វឹក និងកីឡាការិនីចំនួន ១១នាក់ទៅចូលរួមព្រឹត្តិការណ៍អន្ដរជាតិនៅឥណ្ឌានាចុងសប្ដាហ៍ក្រោយ។ ប្រភពដដែលបានបញ្ជាក់ថា ពានរង្វាន់អន្ដរជាតិនេះសហការរៀបចំដោយគណៈកម្មាធិការអន្ដរជាតិនៃកាកបាទក្រហមកម្ពុជាប្រចាំនៅប្រទេសឥណ្ឌា ជាមួយគណៈកម្មាធិការជាតិបារ៉ាឡាំពិកឥណ្ឌា និងសហព័ន្ធកីឡាបាល់បោះរទេះឥណ្ឌាដែលមាន ៨ប្រទេសចូលរួម រួមមានកម្ពុជា នេបាល់ បង់ក្លាដែស លីប៊ី អាហ្វហ្គានីស្ថាន ស៊ីរី ហ្គាណា និងម្ចាស់ផ្ទះឥណ្ឌា។រីឯការចំណាយទាំងស្រុង ទាំងការធ្វើដំណើរ ការស្នាក់ និងការហូបចុកគឺរ៉ាប់រងដោយគណៈកម្មាធិការអន្ដរជាតិនៃកាកបាទក្រហមឥណ្ឌាប្រចាំនៅប្រទេសកម្ពុជា។ គួរដឹងថា ក្រុមបាល់បោះរទេះនារីកម្ពុជាគឺជាប្រភេទកីឡាជនពិការដ៏មានសក្ដានុពលមួយរបស់កម្ពុជា ដែលទើបសម្រេចលទ្ធផលយ៉ាងគាប់ចិត្ត ក្នុងការប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្ឌូនេស៊ីកាលពីថ្មីៗ ដោយដណ្ដើមបានមេដាយមាស ១គ្រឿងលើវិញ្ញាសា ៣ទល់ ៣ និងមេដាយប្រាក់ ១ លើវិញ្ញាសា ៥ទល់៥៕អត្ថបទ៖ លី ឈុនឡា

Real Madrid ចាញ់លើកដំបូងរដូវកាលនេះ ខណៈ Leipzig បន្តក្តីសង្ឃឹមទៅជុំបន្ត

បាល់ទាត់៖ ក្រុមការពារតំណែងជើងឯក Real Madrid បានរងបរាជ័យប្រកួតដំបូងក្នុងរដូវកាលនេះ ក្រោយចាញ់នៅទឹកដីអាល្លឺម៉ង់ Red Bull Salzburg ៣-២ ក្នុងពូល F នៃក្របខណ្ឌ UEFA Champions League។ ក្រុមម្ចាស់ផ្ទះ Leipzig ចាប់ផ្តើមការប្រកួតបានយ៉ាងល្អដោយខ្សែការពារក្រូអាស៊ី Josko Gvardiol តែតបញ្ចូលទីនាំមុខនៅនាទីទី១៣ មុនពេលខ្សែប្រយុទ្ធជួរមុខ Christophe Nkunku បង្កើនការនាំមុខ ២-០ នៅនាទីទី១៨។ ខ្សែប្រយុទ្ធប្រេស៊ីល Vinicius Jr ក៏តាមបានមួយគ្រាប់វិញឱ្យ Real Madrid តែអតីតខ្សែប្រយុទ្ធ Chelsea, Timo Werner ក៏ធានាជ័យជំនះឱ្យ Leipzig នៅនាទីទី៨១ ទោះបី Real Madrid រកបានគ្រាប់ចុងក្រោយដោយ Rodrygo នៅនាទីទី៩០+៤ ដែលជាបាល់ពិន័យ ១១ម៉ែត្រ។ ការប្រកួតយប់មិញលោក Carlo Ancelotti បានដាក់ឱ្យកីឡាករសំខាន់ៗជាច្រើនសម្រាកដោយសារ Real Madrid ធានាបានកៅអីលេខ ១ ក្នុងពូល និងទៅជុំបន្តរួចទៅហើយ។ ចំណែក Leipzig នៅពេលនេះនៅសល់ក្តីសង្ឃឹមទៅវគ្គ ១៦ក្រុមចុងក្រោយបន្ទាប់ពី Celtic និង Shakhtar Donetsk បញ្ចប់ដោយលទ្ធផល ១-១ មានន័យថា Leipzig នាំមុខ Shakhtar ៣ពិន្ទុ និងត្រូវការត្រឹមស្មើប៉ុណ្ណោះសម្រាប់ Leipzig នៅពេលធ្វើដំណើរទៅទឹកដីប៉ូឡូញជួប Shakhtar Donetsk នៅជុំចុងក្រោយក្នុងពូលនៅសប្តាហ៍ក្រោយ៕អត្ថបទ៖នាង សុភាវុធ

មន្ដ្រីជំនាញក្រសួងអប់រំជំរុញការធ្វើតេស្ដកាយសម្បទាគ្រប់គ្រឹះស្ថានសិក្សាពីអាយុ ៧ ទៅ ២៤ឆ្នាំ

ភ្នំពេញ៖ មន្ត្រីជំនាញនៃក្រសួងអប់រំ យុវជន និងកីឡាបានធ្វើការជំរុញដល់អង្គភាពក្រោមឱវាទ ក៏ដូចជាមន្ទីរគ្រប់រាជធានីខេត្តត្រូវជំរុញការធ្វើតេស្ដកាយសម្បទាសិស្សានុសិស្សគ្រប់គ្រឹះស្ថានអប់រំពីអាយុ ៧ឆ្នាំទៅ ២៤ឆ្នាំដើម្បីពង្រឹងវិស័យអប់រំកាយ និងកីឡាបន្ថែមលើការអប់រំចំណេះដឹងទូទៅ។នេះបើតាមការបញ្ជាក់របស់លោក ដួង មាសចំរើន អគ្គនាយករងនៃអគ្គនាយកដ្ឋានកីឡា ថ្លែងក្នុងពិធីបើកសិក្ខាសាលាស្ដីពីការរៀបចំចងក្រងទិន្នន័យតេស្ដកាយសម្បទាអាស៊ានពីអាយុ ៧ឆ្នាំ ដល់ ២៤ឆ្នាំនៅគ្រឹះស្ថានសិក្សាចំណេះទូទៅ និងឧត្តមសិក្សា ដែលរៀបចំដោយនាយកដ្ឋានអប់រំកាយ និងកីឡានៃក្រសួងអប់រំ យុវជន និងកីឡានៅថ្ងៃទី២៦ ខែតុលា ឆ្នាំ២០២២។ លោក បឹង គឹមតោ ប្រធាននាយកដ្ឋានអប់រំកាយ និងកីឡាបានគូសបញ្ជាក់ថា សិក្ខាសាលានេះ ពិតជាមានសារៈសំខាន់ណាស់ សម្រាប់អង្គភាពពាក់ព័ន្ធដើម្បីពង្រឹងវិស័យអប់រំកាយ និងកីឡាក្នុងវិស័យអប់រំ ដើម្បីឆ្លើយតបផែនការរបស់ក្រសួងអប់រំ យុវជន និងកីឡា ក៏ដូចជាកិច្ចសហការថ្នាក់តំបន់ និងអន្ដរជាតិ។ លោកថា សិក្ខាសាលានេះផ្ដោតលើវត្ថុបំណងសំខាន់ចំនួន ៦ រួមមាន៖ ១-ដើម្បីឆ្លើយតបទៅនឹងកិច្ចសហប្រតិបត្តិការក្នុងតំបន់ និងអន្ដរជាតិលើវិស័យអប់រំកាយ និងកីឡា។ ២-ពង្រឹងការអនុវត្តក្របខណ្ឌកម្មវិធីសិក្សាថ្នាក់ជាតិឲ្យបានពេញលេញ ២ម៉ោងក្នុងមួយសប្ដាហ៍ ហើយក្នុងនោះការរៀបចំចងក្រងទិន្នន័យតេស្ដកាយសម្បទាសិស្ស និស្សិត ដែលកំពុងសិក្សាក្នុងគ្រឹះស្ថានសិក្សាចំណេះទូទៅ និងឧត្តមសិក្សា។៣-ក្លាយជាគ្រូបង្គោលថ្នាក់ក្រោមជាតិតាមរាជធានី-ខេត្តចូលរួមបំប៉នបុគ្គលិកអប់រំ លោកគ្រូ អ្នកគ្រូ នៅសាលារបស់ខ្លួន សាលាឧបសម្ព័ន្ធ កម្រង និងក្រុង ស្រុក ខណ្ឌរបស់ខ្លួន។ ៤-ជាអ្នកពិនិត្យតាមដានវាយតម្លៃ និងបូកសរុបលទ្ធផលប្រចាំឆ្នាំ នៃការៀរបចំចងក្រងនិន្នន័យតេស្ដកាយសម្បទាសិស្សានុសិស្ស នៅតាមគ្រឹះស្ថានសិក្សាទាំងអស់នៅក្រោមឱវាទរបស់ខ្លួន។ ៥-ថ្នាក់ក្រោមជាតិចូលរួមសហការជាមួយអង្គភាពជំនាញថ្នាក់ជាតិ ដើម្បីរៀបចំចងក្រងទិន្នន័យតេស្ដកាយសម្បទាកុមារ និងយុវជនពីអាយុ ៧ ដល់ ២៤ឆ្នាំតាមរាជធានី-ខេត្តទាំង ២៥ រៀងរាល់ឆ្នាំ។ ៦-ស្របតាមគោលបំណងនេះ ដើម្បីឆ្លើយតបចក្ខុវិស័យរបស់ក្រសួងអប់រំ យុវជន និងកីឡា ដើម្បីផ្ដោតលើសមាសភាពអប់រំទាំង ៥ រួមមានការអប់រំបញ្ញា អប់រំសិល្បៈ អប់រំពលកម្ម អប់រំសោភ័ណ និងអប់រំកាយ និងកីឡា ក្នុងនោះការរៀបចំចងក្រងទិន្នន័យតេស្ដកាយសម្បទាអាស៊ានគឺជាការងារចាំបាច់ និងមានសារៈសំខាន់មួយ ដើម្បីឆ្លើយតបទៅនឹងកិច្ចសហប្រតិបត្តិការក្នុងតំបន់ និងអន្ដរជាតិផងដែរ។ជាមួយគ្នានោះ លោក ដួង មាសចំរើន ក្នុងនាមមន្ដ្រីជំនាញបានអំពាវនាវដល់សិក្ខាកាមដែលជាតំណាងរាជធានី-ខេត្តទាំងអស់ត្រូវខិតខំសិក្សាស្វែងយល់ពីអត្ថប្រយោជន៍ពីការរៀបចំសិក្ខាសាលានេះ ហើយយកចំណេះដឹងទាំងអស់ទៅផ្សព្វផ្សាយ និងអនុវត្តឲ្យមានគុណភាពតាមគ្រឹះស្ថាននៅក្រោមឱវាទរបស់ខ្លួន ដ្បិតនេះក៏ជាចលនាមួយដ៏សំខាន់ ដើម្បីរួមចំណែកអភិវឌ្ឍន៍វិស័យកីឡាជាតិផងដែរ ពិសេសគាំទ្រយុទ្ធនាការជាតិនៃដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

កីឡាជាតិលើកទី៣ ត្រូវតែជោគជ័យក្នុងការរៀបចំគ្រប់ទម្រង់ ដើម្បីជាពិសោធន៍ត្រៀមស៊ីហ្គេម

កីឡាជាតិ៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) នឹងត្រូវសហការជាមួយក្រសួងអប់រំ យុវជន និងកីឡា ដើម្បីចូលរួមរៀបចំការប្រកួតកីឡាជាតិលើកទី៣ ពីថ្ងៃទី១៩ ដល់ថ្ងៃទី៣០ ខែវិច្ឆិកាខាងមុខ ដើម្បីជំរុញព្រឹត្តិការណ៍នេះឲ្យទទួលបានជោគជ័យគ្រប់ទម្រង់ សម្រាប់ជាពិសោធន៍ត្រៀមឆ្ពោះទៅព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ នេះបើតាមប្រសាសន៍របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិជាតិ CAMSOC ក្រោយបញ្ចប់កិច្ចប្រជុំពិភាក្សាផ្លាស់ប្ដូរយោបល់ក្នុងការរៀបចំពិធីបើក-បិទកីឡាជាតិលើកទី៣ កាលពីថ្ងៃទី២៥ ខែតុលា ក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ CAMSOC ហើយក៏មានការចូលរួមពីលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡាផងដែរ។ ឯកឧត្តមបន្ដថា កិច្ចប្រជុំថ្ងៃនេះផ្តោតសំខាន់ទៅលើនីតិវិធី និងរបៀបរបបនៃការរៀបចំកីឡាជាតិ ដែលមានកិច្ចការជាច្រើនដែលត្រូវយកចិត្តទុកដាក់ខ្ពស់ទាំងការរៀបចំ ការប្រកួត និងសន្តិសុខសណ្តាប់ឆ្នាប់ជាដើម ដែលមានអ្នកចូលរួមប្រមាណ ៥ម៉ឺននាក់នៅក្នុងពហុកីឡដ្ឋានជាតិមរតកតេជោ។ កាលពីកីឡាជាតិលើកទី១ ឆ្នាំ២០១៦ និងកីឡាជាតិលើកទី២ ឆ្នាំ២០១៨ ត្រូវបានរៀបចំឡើងនៅពហុកីឡដ្ឋានជាតិអូឡាំពិក ដោយការរៀបចំមានលក្ខណៈខុសគ្នាទាំងទីតាំង និងការរៀបចំជាដើម។បទពិសោធនៃការរៀបចំកីឡាជាតិ ២លើកកន្លងមកជាគំរូ ឬលំនាំមួយក្នុងការផ្តល់លក្ខណៈងាយស្រួលជាទម្រង់រួមគ្នា ដើម្បីយកទៅច្នៃប្រឌិតឲ្យកាន់តែលេចធ្លោនាកីឡាជាតិលើកទី៣ នាខែក្រោយនេះ។ ដោយសារកិច្ចសហការល្អ និងគោលការណ៍ដឹកនាំល្អរបស់ឯកឧត្តមបណ្ឌិតសភាចារ្យ ហង់ជួន ណារ៉ុន ក៏ដូចជាឯកឧត្តមបណ្ឌិត ថោង ខុន ជំរុញឲ្យដំណើរការរៀបចំនេះបានរលូន។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន។ ឯកឧត្តមបន្ថែមថា ចំពោះកិច្ចការរបស់ CAMSOC វិញ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធាន CAMSOC ក៏បានផ្តល់ការណែនាំជាអនុសាសន៍ឲ្យគណៈកម្មការជំនាញ ត្រូវខិតខំសហការជួយដល់ព្រឹត្តិការណ៍ជាតិលើកទី៣ នេះឲ្យទទួលបានជោគជ័យដើម្បីជាជំហានថ្មីមួយកាន់តែជាក់ច្បាស់ ក្នុងដំណើរឆ្ពោះទៅទទួលរៀបចំធ្វើម្ចាស់ផ្ទះស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជាឲ្យទទួលបានជោគជ័យផងដែរ៕អត្ថបទ៖ លី ឈុនឡា

Unai Emery ចាកចេញពី Villarreal មកដឹកនាំ Aston Villa

បាល់ទាត់៖ ក្លិប Aston Villa បានប្រកាសតែងតាំងលោក Unai Emeri ជាអ្នកចាត់ការថ្មីបន្តតំណែងពីលោក Steven Gerrard ដែលត្រូវបានដកតំណែងកាលពីថ្ងៃអាទិត្យ។ អតីតអ្នកចាត់ការ Arsenal រូបនេះនឹងចាកចេញពីក្លិបអេស្ប៉ាញ Villarreal មកដឹកនាំ Aston Villa ចាប់ពីថ្ងៃទី១ ខែវិច្ឆិកាខាងមុខ។ Aston Villa បានចំណាយលុយ ៥.២លានផោនដើម្បីផ្តាច់កុងត្រារបស់អ្នកចាត់ការវ័យ ៥០ឆ្នាំរូបនេះនៅ Villarreal។ លោក Aaron Danks នៅតែដឹកនាំ Aston Villa បណ្តោះអាសន្នសិនសម្រាប់ការប្រកួតចុងសប្តាហ៍នេះនៅទឹកដី Newcastle។ លោក Unai Emery ត្រូវបានតែងតាំងឱ្យដឹកនាំ Villarreal កាលពីឆ្នាំ២០២០ និងបានឈ្នះពាន UEFA Europa League ក្នុងរដូវកាលដំបូង ២០២០-២១ ក្នុងតំណែងក្រោយឈ្នះ Manchester United នៅវគ្គផ្តាច់ព្រ័ត្រ។ ក្លិបអេស្ប៉ាញមួយនេះក៏បានឡើងដល់វគ្គពាក់កណ្តាលផ្តាច់ព្រ័ត្រដែរនៅក្របខណ្ឌ UEFA Champions League ក្រោមការដឹកនាំរបស់លោក Emery តែចាញ់ Liverpool សរុបទាំងពីរជើង ៥-២។លោក Unai Emery ក៏ធ្លាប់មានអាជីពដឹកនាំនៅទឹកដីអង់គ្លេសដែរគឺដឹកនាំក្រុមកាំភ្លើងធំ Arsenal មុនចាកចេញទៅកាន់ Villarreal។ ក្រោមការដឹកនាំរបស់ Emery, Arsenal ឡើងដល់វគ្គផ្តាច់ព្រ័ត្រ Europa League តែចាញ់ Chelsea នៅឆ្នាំ២០១៩ ហើយក៏ត្រូវដកតំណែងវិញក្រោយ Arsenal ចាប់ផ្តើមរដូវកាលថ្មីមិនឈ្នះសោះ ៧ប្រកួតដំបូងដែលជាស្ថិតិអាក្រក់បំផុតតាំងពីខែកុម្ភៈ ឆ្នាំ១៩៩២៕អត្ថបទ៖នាង សុភាវុធ

Real Madrid ធ្វើដំណើរទៅទឹកដី Leipzig យប់នេះដោយគ្មាន Luka Modric

បាល់ទាត់៖ ក្រុមការពារតំណែងជើងឯក UEFA Champions League, Real Madrid នឹងមិនមានវត្តមានខ្សែបម្រើកណ្តាល Luka Modric ឡើយក្នុងជំនួបទល់នឹងម្ចាស់ផ្ទះអាល្លឺម៉ង់ RB Leipzig។ បើតាមគេហទំព័ររបស់ក្លិប Real Madrid កីឡាករវ័យ ៣៧ឆ្នាំរូបនេះស្ថិតក្នុងបញ្ជីសំរាប់ការប្រកួតទី៥ ក្នុងពូលទល់នឹង Leipzig តែក៏ត្រូវកាត់ឈ្មោះចេញវិញដោយមិនបញ្ជាក់មូលហេតុ។ ខ្សែបម្រើក្រូអាស៊ីរូបនេះត្រូវបានផ្លាស់ចេញនៅនាទីទី៧៧ អំឡុងការប្រកួតឈ្នះលើក្រុមភ្ញៀវ Sevilla កាលពីថ្ងៃចុងសប្តាហ៍កន្លងទៅនៅក្របខណ្ឌអេស្ប៉ាញ La Liga។ Real Madrid កំពុងអវត្តមានកីឡាករសំខាន់ៗស្រាប់មុនការប្រកួតរាត្រីនេះដូចជា Karim Benzema, Federico Valverde និងអ្នកចាំទី Thibaut Courtois ដោយអ្នកទាំងបីសុទ្ធតែមានបញ្ហារបួសបន្តិចបន្តួច។ Real Madrid ត្រូវការឈ្នះនៅទឹកដី Leipzig យប់នេះដើម្បីធានាឱ្យបានកៅអីលេខ ១ ក្នុងពូល ដើម្បីមានលទ្ធផលចាប់ឆ្នោតជួបក្រុមខ្សោយជាងនៅវគ្គ ១៦ក្រុមចុងក្រោយ។ Real Madrid គឺជាបេក្ខភាពឈានមុខគេដដែលក្នុងការប្រជែងជើងឯក UCL រដូវកាលនេះបន្ទាប់ពីលេងឈ្នះ ១៤ ក្នុងចំណោម ១៦ប្រកួតចុងក្រោយគ្រប់ក្របខណ្ឌ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អាជ្ញាធរស្ដារប្រឡាយរំដោះទឹកភ្លៀងរដូវវស្សា និងកសាងស្ថានីយបូមទឹកថ្មីមួយទៀតនៅគីឡូម៉ែត្រលេខ៩

កម្ពុជា-អូស្រ្តាលី បន្តពង្រឹងកិច្ចសហប្រតិបត្តិការ ធានាដល់ប្រសិទ្ធភាពគម្រោង និងកម្មវិធីជំនួយនៅកម្ពុជា

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ឯកអគ្គរដ្ឋទូតចិន អញ្ជើញចុះសួរសុខទុក្ខ និងនាំយកអំណោយស្ថានទូតចិន ចែកជូនបងប្អូនប្រជាពលរដ្ឋភៀសសឹក ដែលមិនទាន់អាចវិលត្រឡប់ទៅលំនៅដ្ឋានវិញ នៅមណ្ឌលសុវត្ថិភាពវត្តពើងអង្កាម

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភថវិកា ១០ម៉ឺនដុល្លារ និងសម្តែងការសោកស្តាយយ៉ាងក្រៃលែងជូនប្រធានសមាគមកាកបាទក្រហមចិន ចំពោះគ្រោះមហន្តរាយទឹកជំនន់នៅប្រទេសចិន

ប្រទេសក្រិក ប្រយុទ្ធទប់ទល់ចំហេះព្រៃ និងគ្រោះរាំងស្ងួត ខណៈបានបិទរោងចក្រថាមពលនុយក្លេអ៊ែររបស់ហុងគ្រី

លោកLula អាយុ៨០ឆ្នាំ របស់ប្រេស៊ីល ទទួលបានការតែងតាំងជាបេក្ខជនប្រធានាធិបតីលើកទី៧

ប្រជាជនអេស្ប៉ាញ ទៅប្រមូលផ្តុំគ្នានៅទីក្រុងម៉ាឌ្រីដ ជុំវិញបញ្ហាតំបន់ហ៊ុមព័ទ្ធអាហ្វ្រិកខាងជើង

ខ្មាន់បំផ្ទុះគ្រាប់បែកអត្តឃាតសម្លាប់មនុស្ស ១៤ នាក់នៅខាងក្រៅប៉ុស្តិ៍នគរបាលមួយក្នុងប្រទេសប៉ាគីស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Cristiano Ronaldo វិលមកហ្វឹកហាត់ជុំគ្នាវិញក្រោមបញ្ជារបស់ Erik ten Hag

PSG ស៊ុត Maccabi Haifa ៧គ្រាប់ តែ Juventus ធ្លាក់ត្រឹមវគ្គវិលជុំក្នុងពូល

ពីបើកឆាកចាញ់ប្រកួតដំបូង Chelsea ឡើងវគ្គ ១៦ក្រុម UCL ក្រោយឈ្នះ RB Salzburg

Man City ស្មើនៅផ្ទះ Dortmund ស្របពេល Haaland ត្រូវដូរចេញពាក់កណ្ដាលទី

ក្រុមបាល់បោះរទេះនារីកម្ពុជាត្រៀមចូលរួមប្រកួតអន្ដរជាតិនៅឥណ្ឌានាសប្ដាហ៍ក្រោយ

Real Madrid ចាញ់លើកដំបូងរដូវកាលនេះ ខណៈ Leipzig បន្តក្តីសង្ឃឹមទៅជុំបន្ត

មន្ដ្រីជំនាញក្រសួងអប់រំជំរុញការធ្វើតេស្ដកាយសម្បទាគ្រប់គ្រឹះស្ថានសិក្សាពីអាយុ ៧ ទៅ ២៤ឆ្នាំ

កីឡាជាតិលើកទី៣ ត្រូវតែជោគជ័យក្នុងការរៀបចំគ្រប់ទម្រង់ ដើម្បីជាពិសោធន៍ត្រៀមស៊ីហ្គេម

Unai Emery ចាកចេញពី Villarreal មកដឹកនាំ Aston Villa

Real Madrid ធ្វើដំណើរទៅទឹកដី Leipzig យប់នេះដោយគ្មាន Luka Modric

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Cristiano Ronaldo វិល​មក​ហ្វឹកហាត់​ជុំគ្នា​វិញ​ក្រោម​បញ្ជា​របស់ Erik ten Hag

PSG ស៊ុត Maccabi Haifa ៧​គ្រាប់ ​តែ Juventus ធ្លាក់​ត្រឹម​វគ្គ​វិលជុំ​ក្នុង​ពូ​ល

ពី​បើកឆាក​ចាញ់​ប្រកួត​ដំបូង Chelsea ឡើង​វគ្គ ១៦​ក្រុម​ UCL ក្រោយ​ឈ្នះ RB Salzburg

Man City ស្មើ​នៅផ្ទះ Dortmund ស្របពេល Haaland ត្រូវ​ដូរ​ចេញ​ពាក់កណ្ដាល​ទី

ក្រុម​បាល់បោះ​រទេះ​នារី​កម្ពុជាត្រៀម​ចូលរួម​ប្រកួត​អន្ដរជាតិនៅ​ឥណ្ឌានា​សប្ដាហ៍​ក្រោយ​

Real Madrid ចាញ់​លើកដំបូង​រដូវ​កាល​នេះ​ ខណៈ Leipzig បន្ត​ក្តី​សង្ឃឹម​ទៅ​ជុំ​បន្ត

កីឡា​ជាតិ​លើក​ទី​៣ ត្រូវតែ​ជោគជ័យ​ក្នុង​ការ​រៀបចំ​គ្រប់​ទម្រង់ ដើម្បី​ជា​ពិសោធន៍​ត្រៀម​ស៊ី​ហ្គេម​

Unai Emery ចាក​ចេញពី Villarreal មក​ដឹកនាំ Aston Villa

Real Madrid ធ្វើដំណើរ​ទៅ​ទឹកដី Leipzig យប់​នេះ​ដោយ​គ្មាន Luka Modric

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Cristiano Ronaldo វិលមកហ្វឹកហាត់ជុំគ្នាវិញក្រោមបញ្ជារបស់ Erik ten Hag

PSG ស៊ុត Maccabi Haifa ៧គ្រាប់ តែ Juventus ធ្លាក់ត្រឹមវគ្គវិលជុំក្នុងពូល

ពីបើកឆាកចាញ់ប្រកួតដំបូង Chelsea ឡើងវគ្គ ១៦ក្រុម UCL ក្រោយឈ្នះ RB Salzburg

Man City ស្មើនៅផ្ទះ Dortmund ស្របពេល Haaland ត្រូវដូរចេញពាក់កណ្ដាលទី

ក្រុមបាល់បោះរទេះនារីកម្ពុជាត្រៀមចូលរួមប្រកួតអន្ដរជាតិនៅឥណ្ឌានាសប្ដាហ៍ក្រោយ

Real Madrid ចាញ់លើកដំបូងរដូវកាលនេះ ខណៈ Leipzig បន្តក្តីសង្ឃឹមទៅជុំបន្ត

កីឡាជាតិលើកទី៣ ត្រូវតែជោគជ័យក្នុងការរៀបចំគ្រប់ទម្រង់ ដើម្បីជាពិសោធន៍ត្រៀមស៊ីហ្គេម

Unai Emery ចាកចេញពី Villarreal មកដឹកនាំ Aston Villa

Real Madrid ធ្វើដំណើរទៅទឹកដី Leipzig យប់នេះដោយគ្មាន Luka Modric