BTV NEWS

Giunness World Records ប្រគល់វិញ្ញាបនបត្របញ្ជាក់ពីការបំបែកឯតទគ្គកម្ម «ការតាំងបង្ហាញរថយន្ត SUPER CARS / HYPER CARS ច្រើនជាងគេបំផុតលើពិភពលោក» ជូនប្រជាជាតិកម្ពុជា

មន្ត្រីជាន់ខ្ពស់ក្រសួងវប្បធម៌ អំពាវនាវមន្ត្រី និងពលរដ្ឋចូលរួមថែរក្សាវប្បធម៌ប្រពៃណី នៃការស្លៀកពាក់ឱ្យបានសមរម្យ

នាវាទេសចរណ៍បរទេស ផ្ទុកអ្នកដំណើរចម្រុះជាតិសាសន៍ជាង ២.០០០នាក់ ចូលចតធ្វើទស្សនកិច្ចនៅកម្ពុជា

បីថ្ងៃនៃព្រះរាជពិធីបុណ្យអុំទូកឆ្នាំ២០២៤នេះ មណ្ឌលគិរី ទទួលភ្ញៀវទេសចរបានជាង ៥ម៉ឺននាក់

វប្បធម៌ និងទេសចរណ៍

«សង្ក្រាន្តបាកាន» ខេត្តពោធិ៍សាត់ រយៈពេល៤ថ្ងៃ មានប្រជាពលរដ្ឋច្រើនកុះករចូលមកលេងកម្សាន្តយ៉ាងសប្បាយរីករាយ

ពោធិ៍សាត់៖ សង្ក្រាន្តបាកាន២០២៤ ដែលមានរយៈពេល៤ថ្ងៃពេញ គឺចាប់ថ្ងៃទី១៣ ដល់១៦ ខែមេសា ឆ្នាំ២០២៤ ដែលបានរៀបចំធ្វើឡើងក្នុងបរិវេណវត្តបាកាន ស្ថិតក្នុងឃុំត្រពាំងជង ស្រុកបាកាន មានប្រជាពលរដ្ឋក្មេងចាស់ប្រុសស្រីបានចូលមកទស្សនា លេងកម្សាន្តយ៉ាងច្រើនកុះករ ជាមួយកម្មវិធីយ៉ាងសម្បូរបែប ក្នុងនោះមានការចាប់អារម្មណ៍ខ្លាំងលើការរាំងចង្វាក់ប្រពៃណីខ្មែរ និងរាំទូលក្អមដោយយុវជន ៥០០នាក់មកពីឃុំទាំង៩ក្នុងស្រុកបាកាន។បើតាម ឯកឧត្តមបណ្ឌិត ទី ថានី អនុប្រធានក្រុមការងារចុះជួយស្រុកបាកាន និងជាប្រធានគណៈកម្មការរៀបចំសង្ក្រាន្តបាកានឆ្នាំ២០២៤ បានឲ្យដឹងថា រយៈពេល៤ថ្ងៃពេញនៃសង្ក្រាន្តបាកាន មានកម្មវិធីយ៉ាងច្រើនរួមមានការប្រគំតន្ត្រីដោយតារាចម្រៀងល្បីៗមកភ្នំពេញ តារាកំប្លែងល្បីៗ , កម្មវិធីរាំចង្វាក់ប្រពៃណីខ្មែរ និងប្រកួតរាំម៉ាឌីហ្សុនទូលក្អមដោយយុវជន៥០០នាក់ , កម្មវិធីប្រដាល់បែបស្រុកស្រែ ,ការសម្តែងរបាំងខ្មែរ ,តាំងពិព៌ណស្នាដៃនិងផលិតផលឃុំទាំង៩, ការលេងល្បែងប្រជាប្រិយខ្មែរជាច្រើនមុខ, កម្មវិធីប្រកួតបាល់ទះ , ហើយក៏មានក្រុមDJ និងការរាំកម្សាន្ត ដោយមានបាញ់ទឹកនិងបាញ់ពពុះសាប៊ូរផងដែរ ។ ឯកឧត្តម បានបញ្ជាក់បន្ថែមថា ចំពោះកម្មវិធីរាំចង្វាក់ប្រពៃណីខ្មែរដោយក្រុមយុវជនចំនួន ៥០០នាក់គឺចង់ឲ្យយុវជនចូលរួមថែរក្សានូវអ្វីជារបស់ខ្មែរ ដូនតាយើងបានបន្សល់ទុកឲ្យ ចំណែកការប្រកួតរាំម៉ាឌីហ្សុនទូលក្អមដោយយុវជន៥០០នាក់គឺមានអត្ថន័យចង់ឲ្យយុវជនចេះមានចិត្តអំណត់អត់ធ្មត់ និងជាពិសេសគឺចេះរួមសាមគ្គីភាពគ្នាទើបទទួលបានជ័យជម្នះ ដូចពាក្យ “សាមគ្គី១០ ជ័យជម្នះ១០” ។ក្នុងឱកាសអញ្ជើញជាអធិបតីភាពក្នុងពិធីបើកសង្ក្រាន្តបាកាន២០២៤ កាលពីរសៀលថ្ងៃទី១៣ មេសា ឯកឧត្តម ទី នរិន្ទ ប្រធានក្រុមការងារចុះជួយស្រុកបាកាន បានមានប្រសាសន៍លើកឡើងថា ដើម្បីផ្តល់ភាពសប្បាយរីករាយជូនដល់បងប្អូនប្រជាពលរដ្ឋក្នុងស្រុកបាកាន ក៏ដូចជាក្នុងខេត្តពោធិ៍សាត់ ក្រុមការងារចុះជួយស្រុកបាកាន បានសហការជាមួយអាជ្ញាធរមូលដ្ឋាន ព្រះសង្ឃ និងគណៈកម្មការវត្តបាកាន ដើម្បីរៀបចំសង្ក្រាន្តបាកានឆ្នាំ២០២៤នេះឡើង ក្រោមគំនិតផ្តួចផ្តើមរបស់ ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងារចុះជួយមូលដ្ឋានខេត្តពោធិ៍សាត់ ។ ក្រៅពីសង្ក្រាន្តបាកាន២០២៤នេះដែលជាកម្មវិធីធំថ្នាក់ស្រុក ឯកឧត្តម កែវ រតនៈ ក៏បានណែនាំឲ្យក្រុមការងារតាមឃុំទាំង៩ ក្នុងស្រុកបាកានរៀបចំកម្មវិធីសង្ក្រាន្តតាមឃុំរៀងៗខ្លួនផងដែរ៕

រយៈពេល៤ថ្ងៃ នៃពិធីបុណ្យចូលឆ្នាំថ្មី ខេត្តត្បូងឃ្មុំ មានភ្ញៀវទេសចរដើរលេងកម្សាន្តជាង៦០ម៉ឺននាក់

ត្បូងឃ្មុំ ៖ ក្រោម ដំបូលសន្តិភាពរយៈពេល០៤ថ្ងៃ នៅថ្ងៃទី១៣ ដល់១៦ ខែមេសា ឆ្នាំ២០២៤ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំរោង ឆស័ក ព.ស ២៥៦៨ នៅទូទាំងខេត្តត្បូងឃ្មុំ មានភ្ញៀវទេសចរ ដើរលេងកម្សាន្តតាមតំបន់រមណីយដ្ឋាននានា ប្រម៉ាណជាង ៦២ ម៉ឺននាក់ នេះបើតាមការបញ្ជាក់របស់លោក អឿន រិទ្ធិប្រធានមន្ទីទេសចរណ៍ ខេត្តត្បូងឃ្មុំ។លោក អឿន រិទ្ធ បានឱ្យដឹងថា រយះពេល ៤ ថ្ងៃ ក្នុងឱកាសបុណ្យចូលឆ្នាំប្រពៃណីជាតិ គឺមានប្រជាពលរដ្ឋ និងភ្ញៀវទេសចរណ៍ដើរលេងកម្សាន្តក្នុងខេត្តត្បូងឃ្មុំប្រម៉ាណជាង៦២ ម៉ឺននាក់ ក្នុងនោះ តំបន់ដែលមានពលរដ្ឋទៅលេងច្រើនជាងគេ គឺនៅបុរីរដ្ឋបាលទីរួមខេត្ត ដែលរដ្ឋបាលខេត្តរៀបចំព្រឹត្តិការណ៍ «សង្ក្រាន្តត្បូងឃ្មុំ» រយៈពេល៤ថ្ងៃ មានភ្ញៀវទេសចរសរុបចំនួន ៥១២, ៣៦០នាក់ ក្រោមការដឹកនាំរៀបចំដោយឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងលោកជំទាវ ម៉េង វ៉ាន់ដានីន នៅរង្វង់មូលមុខសាលាខេត្តត្បូងឃ្មុំ។ព្រឹត្តិការណ៍ សង្ក្រាន្តត្បូងឃ្មុំ ឆ្នាំនេះ រដ្ឋបាលខេត្តបានរៀបចំលេងល្បែងប្រជាប្រិយខ្មែរ ទាញព្រ័ត្រ, លាក់កន្សែង, វាយក្អម, ឡើងសសរខា្លញ់។ ជាមួយគ្នានេះ ក៏មានរៀបចំ «តំបន់ត្រជាក់» បាញ់ទឹក និងប្រគុំតន្រ្តីរាំលេងកម្សាន្តសប្បាយ។ បន្ថែមពីនេះ មានកម្មវិធីលេងកម្សាន្តសប្បាយៗជាច្រើនទៀត ព្រមទាំង រៀបចំស្តង់ពិព័រណ៍ ការប្រគុំតន្រ្តីសម័យ និងការបាញ់កាំជ្រួច អមជាមួយការតុបតែងភ្លើងលម្អនាពេលរាត្រីយ៉ាងស្រស់ស្អាតផងដែរ។រដ្ឋបាលខេត្តត្បូងឃ្មុំ បានរៀបចំ <<សង្ក្រាន្តត្បូងឃ្មុំ>> នៅទីរួមខេត្ត រយៈពេល៤ថ្ងៃ គឺថ្ងៃទី១៣ ដល់១៦ ខែមេសា ឆ្នាំ២០២៤ ដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ ក៏ដូចជាបង្កបរិយាកាសសប្បាយរីករាយជូនពលរដ្ឋ (ក្រោមម្លប់សុខសន្តិភាព) ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ។សូមជម្រាបថា ទោះបីបុណ្យចូលឆ្នាំប្រពៃណីជាតិបានបញ្ចប់ តែតាមវត្តអារាមមួយចំនួនក្នុងខេត្តត្បូងឃ្មុំ នៅបន្តលេងល្បែងប្រជាប្រិយ និងរាំកម្សាន្តនៅឡើយ ខណៈវត្តខ្លះនឹងបន្តលេងរហូតដល់ថ្ងៃ២១ ឬ២២ ខែមេសា៕

«សង្ក្រាន្តវត្តភ្នំ» មានភ្ញៀវទេសចរប្រមាណ ១លាន ៣សែននាក់ចូលរួមទស្សនា និងលេងកម្សាន្ត

ក្នុងឱកាសចូលឆ្នាំថ្មីរយៈពេល៤ថ្ងៃ មានភ្ញៀវទេសចរ និងប្រជាពលរដ្ឋទៅទស្សនា និងលេងកម្សាន្តនៅសង្ក្រាន្តវត្តភ្នំ ប្រមាណ១លាន ៣សែននាក់។ក្នុងឱកាសចូលឆ្នាំថ្មីប្រពៃណីជាតិខ្មែរ រយៈពេល៤ថ្ងៃ មានភ្ញៀវទេសចរ និងប្រជាពលរដ្ឋទៅទស្សនា និងលេងកម្សាន្តនៅសង្ក្រាន្តវត្តភ្នំ ប្រមាណ ១លាន ៣សែននាក់ ដោយគិតចាប់ពីថ្ងៃទី១៣ រហូតដល់ថ្ងៃទី១៦ ខែមេសា ឆ្នាំ២០២៤។ នេះបើតាមអ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្ដី បានឱ្យដឹងនៅព្រឹកថ្ងៃទី១៧ ខែមេសានេះ។លោក ម៉េត មាសភក្ដី បន្ថែមថា សម្រាប់ថ្ងៃទី១ ត្រូវនឹងថ្ងៃទី១៣ ខែមេសា ភ្ញៀវទេសចរជាតិ និងអន្តរជាតិ បានចូលរួមលេងកម្សាន្តចូលឆ្នាំខ្មែរប្រពៃណីជាតិនៅសង្ក្រាន្តវត្តភ្នំជាង ២៣ម៉ឺននាក់។ នៅថ្ងៃចូលឆ្នាំទី២ ប្រមាណ២៥ម៉ឺននាក់ ថ្ងៃចូលឆ្នាំទី៣ ប្រមាណ ៣០ម៉ឺននាក់ និងថ្ងៃចូលឆ្នាំទី៤ ត្រូវនឹងថ្ងៃទី១៦ ខែមេសា ដែលជាថ្ងៃចុងក្រោយ គឺចំនួនភ្ញៀវទេសចរជាតិ និងអន្តរជាតិបានកើនឡើងរហូតដល់ចំនួនប្រមាណ ៥២ម៉ឺននាក់។ បើសរុបទាំង៤ថ្ងៃនៃពិធីចូលឆ្នាំថ្មីប្រពៃណីជាតិខ្មែរនេះ គឺមានភ្ញៀវទេសចរ និងប្រជាពលរដ្ឋទស្សនា និងលេងកម្សាន្តនៅសង្ក្រាន្តវត្តភ្នំប្រមាណ ១លាន ៣សែននាក់។អ្នកនាំពាក្យរដ្ឋបាលរាជធានីភ្នំពេញ ក៏បានបញ្ជាក់ដែរថា ចំពោះការងារសន្តិសុខ និងសណ្ដាប់ធ្នាប់សាធារណៈ នៅក្នុងឱកាសថ្ងៃចូលឆ្នាំថ្មីនេះ គឺបានដំណើរការទៅដោយរលូន ពុំមានអ្វីកើតឡើងគួរឱ្យកត់សម្គាល់ឡើយ ដោយសារកម្លាំងមានសមត្ថកិច្ចបានល្បាតនៅគ្រប់ទីកន្លែង និងការពារបានយ៉ាងល្អ ដើម្បីបង្កភាពសប្បាយរីករាយជូនដល់ប្រជាពលរដ្ឋនៅគ្រប់ទីកន្លែង៕ អត្ថបទ៖ ប្រាក់ វ៉ាន់ដា

ចូលឆ្នាំប្រពៃណីជាតិខ្មែរខេត្តតាកែវទទួលបានភ្ញៀទេសចរជាតិ និងអន្តរជាតិប្រមាណជាង ៤០ម៉ឺននាក់

តាកែវ៖ រយៈពេល៤ថ្ងៃនៃពិធីបុណ្យចូលឆ្នាំប្រពៃណីយ៍ជាតិខ្មែ ឆ្នាំ ២០២៤នេះ ខេត្តតាកែវ ទទួលបានភ្ញៀវទេសចរជាតិ និងអន្តរជាតិមកចូលលេងកម្សាន្តចំនួនជាង ៤០ ម៉ឺននាក់។ឯកឧត្តម អ៊ូច ភា អភិបាលខេត្តតាកែវ បានថ្លែងប្រាប់ទូរទស្សន៍ BTV ឱ្យដឹងថា នៅតាមតំបន់រមណីយដ្ឋាននានានៅក្នុងខេត្តតាកែវ មានបងប្អូនប្រជាពលរដ្ឋជាច្រើនបានមកលេងកម្សាន្តយ៉ាងច្រើនកុះករ ពោលនៅទូទាំងខេត្តតាកែវទទួលបានភ្ញៀវទេសចរណ៍ជាតិនិងអន្តរជាតិចំនួនជាង ៤០ ម៉ឺននាក់។ឯកឧត្តមអភិបាលខេត្តតាកែវបានថ្លៃងបន្តថា ឆ្លើយតបទៅនឹងកំណើនភ្ញៀវទេសចរជាតិ និងអន្តរជាតិដែលបានអញ្ជើញមកចូលរួមលេងកម្សាន្តនៅក្នុងឱកាសបុណ្យចូលឆ្នាំប្រពៃណីជាតិខ្មែរក្នុងរយៈពេល ៤ ថ្ងៃកន្លងមកនេះ អាជ្ញាធខេត្តបានរៀបចំរក្សាសន្តិសុខសណ្ដាប់ធ្នាប់ជូនបងប្អូនប្រជាពលរដ្ឋបានយ៉ាងល្អប្រសើរ ដោយពុំមានបញ្ហអ្វីកើតឡើងនោះទេ។ ក្នុងរយៈពេល៤ថ្ងៃកន្លងមកនេះមានករណីគ្រោះថ្នាក់ចរាចរណ៍កើតឡើងទៅមួយករណីប៉ុណ្ណោះ៕

ពលរដ្ឋមកលេងកម្សាន្តខេត្តកំពង់ឆ្នាំងក្នុងឱកាសសង្ក្រាន្តឆ្នាំថ្មីនេះមានប្រមាណ ៣៤ម៉ឺននាក់

កំពង់ឆ្នាំង៖ ក្នុងឱកាសសង្ក្រានឆ្នាំថ្មីប្រពៃណីខ្មែរឆ្នាំ២០២៤នេះ ខេត្តកំពង់ឆ្នាំង មានភ្ញៀវជាតិប្រមាណជាង ៣៤ម៉ឺននាក់ និងអន្តរជាតិចំនួន១៨២នាក់ បានចូលមកលេងកម្សាន្តនៅតាមទីតាំងប្រារព្ធសង្ក្រាន្តឆ្នាំថ្មី និងតាមតំបន់រមណីដ្ឋាននានាក្នុងខេត្តកំពង់ឆ្នាំង។ នេះបើយោងតាមការបញ្ជាក់ពីលោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង។លោក សេង សាលី បានបន្តថា សង្ក្រានឆ្នាំថ្មីប្រណៃណីខ្មែរឆ្នាំ២០២៤នេះ អាជ្ញាធរខេត្តកំពង់ឆ្នាំងបានរៀបចំកន្លែងលេងកំសាន្តចំនួន៣ទីតាំង ១.សួនបាញ់ទឹកឯកឧត្តមបណ្ឌិតសភាចារ្យ អ៊ុក រ៉ាប៊ុន ខាងមុខសាលាខេត្ត ដោយបានរៀបចំជាកន្លែងសំរាប់ប្រារព្ធពិធីចូលសង្ក្រាន្តឆ្នាំថ្មី កន្លែងលេងល្បែងប្រជាប្រិយប្រពៃណីខ្មែរ និងរាំមកន្សាន្តតាមប្រពៃណីខ្មែរផងដែរ។ ទី២. តំបន់ត្រជាក់ ជាកន្លែងលេងទឹក និងរាំកម្សាន្ត។ ទី៣. សួនច្បារវិមានឯករាជ្យ ជាកន្លែងប្រគុំតន្ត្រីខ្នាតធំរបស់ទូរទស្សន៍បាយ័ន សំរាប់ប្រជាពលរដ្ឋ និងភ្ញៀវទេសចរកំសាន្តពេលរាត្រី។ ក្នុងសង្ក្រាន្តឆ្នាំថ្មីប្រពៃណីខ្មែរឆ្នាំនេះ អាជ្ញាធខេត្តកំពង់ឆ្នាំងបានរៀបចំលេងល្បែងប្រពៃណីខ្មែរមាន របាំត្រុតឆៃយ៉ាំ ទាញព្រ័ត្រ វាយក្អម ចោលឈូង បោះអង្គុញ លាក់កន្សែង និងរាំវង់ រាំក្បាច់ រាំក្បាច់ សារ៉ាវ៉ាន់ ដើម្បីបង្កើននូវបរិយាកាសសប្បាយផ្សារភ្ជាប់នូវភាពស្និទ្ធស្នាលរវាងថ្នាក់ដឹកនាំគ្រប់ជាន់ថ្នាក់ ក្នុងន័យសាមគ្គីភាពពេញក្នុងរយៈពេល៤ថ្ងៃផងដែរ ។ឯកឧត្តម ស៊ុន សុវណ្ណារិទ្ធិ ប្រធានគណៈបញ្ជាការឯកភាពរដ្ឋបាលខេត្តកំពង់ឆ្នាំង បានពង្រឹងយ៉ាងម៉ឺងម៉ាត់ដល់កងកម្លាំងទាំងអស់ អោយរក្សាអោយខាងតែបាននូវសន្តិសុខសណ្តាប់ធ្នាប់ និងកាត់បន្ថយករណីគ្រោះថ្នាក់ចរាចរជូនបងប្អូនប្រជាពលរដ្ឋ យុវជន និងភ្ញៀវទេសចរ នៅតាមវត្តអារាម ទីរមណីយដ្ឋាន ទីកន្លែងប្រារព្វពីធីសង្ក្រានឆ្នាំថ្មី និងតាមដងផ្លូវផងដែរ។ បងប្អូនប្រជាពលរដ្ឋ យុវជន និងភ្ញៀវទេសចរ ដែលមកកំសាន្តក្នុងខេត្តកំពង់ឆ្នាំង បានចូលរួមលេងយ៉ាងសប្បាយរីករាយយ៉ាងខ្លាំង គ្មានព្រួយបារម្ភអ្វីឡើយ ហើយភាពសប្បាយរីករាយទាំងនេះបញ្ជាក់ឲ្យឃើញថា ដោយសារកត្តាសុខសន្តិភាពពេញលេញក្នុងប្រទេស ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ៕ អត្ថបទ៖ កាំង ហុងវាស្នា

ភ្ញៀវជាតិ និងអន្តរជាតិជាង២៤ម៉ឺននាក់ ចូលរួមលេងកម្សាន្ត ក្នុងពិធីបុណ្យចូលឆ្នាំថ្មីប្រពៃណីជាតិខ្មែរ នៅខេត្តកំពង់ធំ

កំពង់ធំ៖ ព្រឹត្តិការណ៍សង្ក្រាន្តកំពង់ធំ ឆ្នាំ២០២៤ រយៈពេល៤ថ្ងៃ មានភ្ញៀវទេសចរជាតិ និងអន្តរជាតិ មកទស្សនា និងលេងកម្សាន្តល្បែងប្រជាប្រិយប្រមាណជាង ២៤ម៉ឺននាក់។ តាមរបាយការណ៍របស់មន្ទីរទេសចរណ៍ខេត្តកំពង់ធំបានឱ្យដឹងថា ក្នុងរយៈពេល៤ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរមានប្រជាពលរដ្ឋ ភ្ញៀវទេសចរជាតិ និងអន្តរជាតិ មកទស្សនានៅតាមរមណីយដ្ឋាន លេងកម្សាន្តនៅតំបន់សង្រ្កាន្តកំពង់ធំ មានសរុបចំនួន ២៤៤,៣៣៧នាក់ ក្នុងនោះមាន ភ្ញៀវជាតិចំនួន ២៤៤,២៣២នាក់ និងភ្ញៀវអន្តរជាតិចំនួន ១០៥នាក់។ពិធីបុណ្យចូលឆ្នាំថ្មីប្រពៃណីជាតិ នៅក្នុងខេត្តកំពង់ធំ ឆ្នាំនេះ រដ្ឋបាលខេត្ត ប្រារព្ធកម្មវិធីសង្រ្កាន្តកំពង់ធំ នៅបរិវេណសាលាវិទ្យាល័យ ហ៊ុន សែន កំពង់ធំ និងបានរៀបកន្លែងកំសាន្តជាច្រើន ក្នុងនោះក៏បានរៀបចំនូវ ការបង្ហាញពីវប្បធម៌ ប្រពៃណី របស់ជនជាតិដើមភាគតិច ការប្រគំតន្ត្រី និងការលេងល្បែងប្រជាប្រិយកម្សាន្តចំនួន ១១ ប្រភេទ ដូចជា បោះអង្គុញ ទាញព្រ័ត្រ ចោលឈូង លាក់កន្លែង ពាំពងមាន់ ដណ្តើមស្លឹកឈើ ប្រដាល់បិទមុខ និងឡើងសសរខ្លាញ់ជាដើម។ ទន្ទឹមជាមួយគ្នានេះផងដែរ នៅតាមបណ្តា ក្រុង ស្រុក វត្តអារាម ក៏មានការរៀបចំព្រមៗគ្នា សម្រាប់ប្រជាពលរដ្ឋ នៅតាមមូលដ្ឋានលេងកំសាន្ត ប្រកបដោយសាមគ្គីភាព ក្នុងស្មារតី សប្បាយរួមគ្នា ក្នុងនាមភាតរភាព ចូលរួមថែរក្សាប្រពៃណីជាតិ។ អ្វីដែលគួរឱ្យគត់សម្គាល់នោះគឺ ព្រឹតិ្តការណ៍សង្ក្រាន្តខេត្តកំពង់ធំ និងសង្រ្កាន្តតាមបណ្តាក្រុង ស្រុក បានចូលរួមសប្បាយរីករាយ ប្រកបដោយ សុខសុវត្ថិភាព ធានាបាននូវសន្តិសុខ សណ្តាប់ធ្នាប់ល្អ និងមានការទទួលខុសត្រូវខ្ពស់ ក្រោមការយកចិត្តទុកដាក់បំផុតពីសំណាក់ កងកម្លាំង និងអាជ្ញាធរគ្រប់លំដាប់ថ្នាក់។ ព្រឹត្តិការណ៍សង្ក្រាន្តនេះ ពិតជាឆ្លុះបញ្ចាំងពីសាមគ្គីភាពរបស់ប្រជាពលរដ្ឋ គ្រប់មជ្ឈដ្ឋាន ក្រោមដំបូលនៃសន្តិភាព និងស្ថេរភាពសង្គម៕

ប្រជាពលរដ្ឋជាង ១០ម៉ឺននាក់បានចូលមកលេងកម្សាន្ត ពិធីបុណ្យចូលឆ្នាំថ្មីប្រពៃណីជាតិខ្មែរ ក្នុងខេត្ដស្ទឹងត្រែង

ស្ទឹងត្រែងសង្ក្រាន្ត បានទាក់ទាញប្រជាពលរដ្ឋ និងភ្ញៀវទេសចរមកពីតាមរាជធានីខេត្តជាង ១០ម៉ឺននាក់ បានចូលមកលេងកម្សាន្តក្នុងពិធីបុណ្យចូលឆ្នាំថ្មីប្រពៃណីជាតិខ្មែរនៅខេត្តស្ទឹងត្រែង រយៈពេល ៤ថ្ងៃនេះ។លោក អ៊ន ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងបានឲ្យដឹងថា អាជ្ញាធរខេត្តបានរៀបចំព្រឹត្តិការណ៍សង្ក្រាន្ដឆ្នាំថ្មី ដែលមានទីតាំង ស្របតាមដងទន្លេសេកុងក្នុងក្រុងស្ទឹងត្រែង បានទាក់ទាញបងប្អូនប្រជាពលរដ្ឋ និងភ្ញៀវទេសចរមកពីបណ្ដាលខេត្តផ្សេងចូលមក លេងល្បែងរបាំប្រជាប្រិយ និងរាំលេងកម្សាន្តសប្បាយរីករាយ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ។លោកប្រធានមន្ទីរ បានបន្តថា ក្នុងរយៈពេល៤ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរក្នុងឆ្នាំ២០២៤នេះ ភ្ញៀវមកពតាមបណ្ដាលខេត្តផ្សេងៗ និងពលរដ្ឋមកពីតាមឃុំស្រុកទូទាំងខេត្តស្ទឹងត្រែង មានចំនួនសរុប ១០៩៥៩២នាក់ មានការកើនឡើង៧៨,៨០% ប្រៀបធៀបរយៈពេល៤ថ្ងៃដូចគ្នាកាលពីឆ្នាំ២០២៣។លោក ឆយ សុវណ្ណា ភ្ញៀវទេសចរមកពីខេត្តកំពង់ឆ្នាំងបានសំដែងនៅទឹកចិត្តសប្បាយរីករាយដោយបញ្ជាក់ថា នេះជាឆ្នាំទី៣ហើយ ដែលលោកបាននាំក្រុមគ្រួសារមិត្តភ័ក្តបងប្អូនមកលេងកម្សាន្ដ។លោក ម៉ែន គង់ ប្រធានក្រុមការងារសហភាពសហព័ន្ធយុវជនប្រចាំខេត្តស្ទឹងត្រែងបានឲ្យដឹងថា ព្រឹត្តការណ៍ស្ទឹងត្រែងសង្ក្រាន្ត មានរយៈពេល៤ថ្ងៃចាប់ពីថ្ងៃទី១៣ដល់ថ្ងៃទី១៦ ខែមេសា ឆ្នាំ២០២៤នេះ មានគោលបំណងបង្កើនភាពសម្បាយរីករាយដល់មហាគ្រួសារខ្មែរ ដោយមិនប្រកាន់និន្នាការនយោបាយ ឬសាសនា ពណ៌សម្បុរ អ្វីទាំងអស់។ ជាមួយគ្នានេះ ព្រឹត្តិការណ៍នេះ ក៏បានគាស់រំលើងនូវល្បែងប្រជាប្រិយខ្មែរ ដែលមានពីមុនមកឲ្យយុវជនជំនាន់ក្រោយបានចូលរួមលេងកម្សាន្ដ។លោកបន្តថា ស្ទឹងត្រែងសង្ក្រាន្ដដែលអាជ្ញាធរបានរៀបចំឡើងនៅក្នុងប្រធានបទឆ្នាំ២ឥ២៤នេះ គឺរួមចំណែកទៅនឹងសង្ក្រាន្ដរបស់កម្ពុជាយើងទាំងមូល នៃពីធីបុណ្យចូលឆ្នាំថ្មីប្រពៃណីជាតិខ្មែរ ដែលយើងហៅថាសង្ក្រាន្តសន្តិភាព ហើយនិមិត្តសញ្ញាសម្រាប់សង្ក្រាន្តរបស់ខេត្តស្ទឹងត្រែង គឺរូបកងចក្រ។សូមបញ្ជាក់ថា ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែររយៈពេល៤ថ្ងៃ សម្រាប់ខេត្តស្ទឹងត្រែង បានប្រព្រឹត្តទៅដោយរលូន មិនមានចោរលួច មិនមានកើតឡើងនៅអំពើហិង្សា ឬបាតភាពមិនល្អកើតឡើងនោះឡើយ គឺកម្លាំងសមកិច្ចបានការពារសុវត្ថិភាពជូនប្រជាពលរដ្ឋចូលមកលេងកម្សាន្ដបានល្អប្រសើរ៕ អត្ថបទ៖ មាស ផល្លា

ចូលឆ្នាំ៤ថ្ងៃ ខេត្តបន្ទាយមានជ័យ មានភ្ញៀវទេសចរលេងកម្សាន្តនៅតំបន់ទេសចរណ៍នានាជាង ៨៥ម៉ឺននាក់

បន្ទាយមានជ័យ៖ រយៈពេល៤ថ្ងៃ (ថ្ងៃទី១៣-១៦ ខែមេសា) នៃពិធីបុណ្យចូលឆ្នាំថ្មី ប្រពៃណីជាតិខ្មែរ ភ្ញៀវទេសចរជាតិ-អន្តរជាតិ មកលេងកម្សាន្តនៅតំបន់ទេសចរណ៍នានា នៅទូទាំងខេត្តបន្ទាយមានជ័យ សរុបមានចំនួន ៨៦២.១៦២នាក់ ភ្ញៀវជាតិមានចំនួន ៨៥៨.៧៨៨នាក់ ភ្ញៀវអន្តរជាតិចំនួន ៣.៣៧៤នាក់។ នេះបើតាមការបញ្ជាក់ពីលោក ឈឿន សេរីវុធ ប្រធានទេសចរណ៍ខេត្តបន្ទាយមានជ័យ បានប្រាប់ឱ្យដឹងនៅព្រឹកថ្ងៃទី១៧ ខែមេសា ឆ្នាំ២០២៤។ លោក ឈឿន សេរីវុធ ប្រធានទេសចរណ៍ខេត្តបន្ទាយមានជ័យ ក៏បានឱ្យដឹងថា នៅថ្ងៃទី១-មានភ្ញៀវទេសចរសរុបមានចំនួន១២៦.៤៨១នាក់ ក្នុងនោះភ្ញៀវទេសចរអន្តរជាតិចំនួន ៧៦៥នាក់, ថ្ងៃទី២-មានភ្ញៀវទេសចរសរុបមានចំនួន១៩០.៤៣៨នាក់ ក្នុងនោះភ្ញៀវទេសចរអន្តរជាតិចំនួន ៣៨៦នាក់, ថ្ងៃទី៣-មានភ្ញៀវទេសចរសរុបមានចំនួន ២៤១.៥៥៦នាក់ ក្នុងនោះភ្ញៀវទេសចរអន្តរជាតិចំនួន ១.០៦៩នាក់, ថ្ងៃទី៤-មានភ្ញៀវទេសចរសរុបមានចំនួន ៣០៣.៦៨៧នាក់ ក្នុងនោះភ្ញៀវទេសចរអន្តរជាតិចំនួន ១.១៥៤នាក់ ។ លោកប្រធានទេសចរណ៍ខេត្ត ក៏បានបញ្ជាក់ឱ្យដឹងថា ចំនួនភ្ញៀវទេសចរក្នុងឆ្នាំ២០២៤ បើប្រៀបធៀបនឹងឆ្នាំ២០២៣ មានការកើនឡើងចំនួន៣២,៦៣%, ភ្ញៀវជាតិកើនឡើង ៣២,៤៣% និងអន្តរជាតិកើនឡើង ១១៨,៨០%៕ អត្ថបទ រឿង ចន្ទ្រា

រយៈពេល៤ថ្ងៃ នៃបុណ្យចូលឆ្នាំថ្មី ខេត្តសៀមរាបទទួលបានភ្ញៀវទេសចរដើរលេងកម្សាន្តជាង ១លាន២សែននាក់

ក្នុងរយៈពេល៤ថ្ងៃ នៃព្រឹត្តិការណ៍សៀមរាបសង្ក្រាន្ត អបអរសាទរបុណ្យចូលឆ្នាំថ្មីប្រពៃណីជាតិខ្មែរ ខេត្តសៀមរាប ទទួលបានភ្ញៀវទេសចរ និងបងប្អូនប្រជាពលរដ្ឋមកលេងកម្សាន្តប្រមាណជាង១លាន២សែននាក់។យោងតាមរបាយការណ៍ របស់លោកធិម សេរីវុឌ្ឍ ប្រធានស្តីទីមន្ទីរទេសចរណ៍ខេត្តសៀមរាបបានឲ្យដឹងថា សម្រាប់រយៈពេល ០៤ ថ្ងៃ នៃថ្ងៃបុណ្យចូលឆ្នាំថ្មីប្រពៃណីខ្មែរ ភ្ញៀវទេសចរ និងបងប្អូនប្រជាពលរដ្ឋដើរលេងកម្សាន្តក្នុងខេត្តសៀមរាប សរុបមានចំនួនប្រមាណ ១,២៣៩,៨០៨ នាក់ ក្នុងនោះ ភ្ញៀវទេសចរបរទេសមានចំនួន ១៦,៨០៨ នាក់ ភ្ញៀវទេសចរជាតិ និងបងប្អូនប្រជាពលរដ្ឋមានចំនួន ប្រមាណ ១,២២៣,០០០ នាក់។របាយការណ៍ដដែលឲ្យដឹងបន្ថែមថា សម្រាប់ថ្ងៃទី១៦ ខែមេសា ដែលជាថ្ងៃចុងក្រោយនៃពិធីសៀមរាបសង្ក្រាន្តនោះ ខេត្តទេសចរណ៍មួយនេះទទួលបានភ្ញៀវទេសចរ និងបងប្អូនប្រជាពលរដ្ឋដើរលេងកម្សាន្តក្នុងខេត្តសៀមរាប សរុបមានចំនួនប្រមាណ ២៨៣,៨១៧ នាក់ ក្នុងនោះ៖ ភ្ញៀវទេសចរបរទេសមានចំនួន ៣,៨១៧ នាក់ និងភ្ញៀវទេសចរជាតិមានចំនួន ប្រមាណ ២៨០,០០០ នាក់ ។ សូមជម្រាបថា ព្រឹត្តិការណ៍សៀមរាបសង្ក្រាន្តឆ្នាំ២០២៤នេះ ប្រារព្ធធ្វើឡើងរយៈពេល៤ថ្ងៃ ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ ដើម្បីអបអរសាទរ បុណ្យចូលឆ្នាំថ្មីប្រពៃណីជាតិខ្មែរ។ ក្នុងព្រឹត្តិការណ៍នេះ មានការរៀបចំកម្មវិធីជាច្រើន រួមមានពិធីសាសនា កម្មវិធីតាំងបង្ហាញវត្ថុសិល្បៈនានា និងកម្មវិធីកម្សាន្តជាច្រើនផងដែរ៕

រដ្ឋបាលខេត្តបាត់ដំបងរៀបចំការសម្ដែងល្ខោនខោលជូនពលរដ្ឋ និងភ្ញៀវទេសចរទស្សនាកម្សាន្តអបអរបុណ្យចូលឆ្នាំខ្មែរ

បាត់ដំបង៖ រដ្ឋបាលខេត្តបាត់ដំបង បានរៀបចំឱ្យមានការសម្ដែងសិល្បៈល្ខោនខោលជូនប្រជាពលរដ្ឋ និងភ្ញៀវទេសចរទស្សនាកម្សាន្តក្នុងព្រឹត្តិការណ៍សង្រ្កាន្តបាត់ដំបង ដើម្បីអបអរសាទរក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ។ក្រុមល្ខោនខោលដែលបានចូលរួមសម្ដែងនេះ គឺជាក្រុមបង្កើតឡើងដោយព្រឹទ្ធាចារ្យនាដកោសល្យវិជ្ជា ជា ហ៊ា និងជាក្រុមដែលមានវ័យចំណាស់តែមួយគត់នៅក្នុងខេត្តបាត់ដំបង។ ព្រឹទ្ធាចារ្យ ជា ហ៊ា បច្ចុប្បន្នមានអាយុ ៩៥ឆ្នាំ ត្រូវព្រះករុណា ព្រះបាទ ព្រះបរមនាថ នរោត្តម សីហមុនី ប្រោសព្រះរាជទានគោរមងារ«នាដកោសល្យវិជ្ជា» កាលពីឆ្នាំ២០១២។ តាំងពីឆ្នាំ១៩៨២ ព្រឹទ្ធាចារ្យ ជា ហ៊ា បានបង្កើតក្រុមល្ខោនខោល ឬ របាំក្បាំងមុខ រួចទៅហើយនៅខេត្តបាត់ដំបង។ ដោយសារគុណបំណាច់ចំពោះសិល្បៈវប្បធម៌ជាតិ ក្រសួងវប្បធម៌ និងវិចិត្រសិល្បៈ បានដាក់បញ្ចូលឈ្មោះរបស់ ព្រឹទ្ធាចារ្យ ជា ហ៊ា ទៅក្នុងប្រព័ន្ធមរតកមនុស្សរស់របស់ជាតិ។លោក ជា ណុច អ្នកដឹកនាំរឿង និងសម្របសម្រួលក្នុងក្រុមល្ខោនខោលបាត់ដំបង បានបង្ហាញអារម្មណ៍សប្បាយរីករាយដែលមានទស្សនិកជនយ៉ាងច្រើនកុះករបានចូលរួមគាំទ្រ និងទស្សនាការសម្ដែងល្ខោនខោល។លោក ជា ណុច អំពាវនាវដល់ទស្សនិកជន ជាពិសេសប្រជាជនខ្មែរឱ្យចូលរួមគាំទ្រសិល្បៈល្ខោនខោលដែលជាល្ខោនមួយដ៏កម្រ។សូមរំលឹកថា ការសម្ដែងសិល្បៈល្ខោនខោលក្នុងព្រឹត្តិការណ៍សង្រ្កាន្តបាត់ដំបងឆ្នាំ២០២៤ ធ្វើឡើងរយៈពេល២រាត្រី គឺនៅរាត្រីថ្ងៃទី១៤-១៥ ខែមេសា ឆ្នាំ២០២៤ ក្នុងតំបន់តន្រ្តីស្រុកស្រែនៅបរិវេណវិទ្យាល័យនេតយ៉ង់។ល្ខោនខោល ដែលអ្នកសម្ដែងសុទ្ធតែជាបុរស ជាទម្រង់ល្ខោនបុរាណខ្មែរមួយដែលមានមានរូបរាងតាំងពីដើមសម័យអង្គរ ហើយត្រូវបានអង្គការយូណេស្កូទទួលស្គាល់ និងចុះឈ្មោះក្នុងបញ្ជីបេតិកភណ្ឌអរូបីកាលពីខែវិច្ឆិកា ឆ្នាំ២០១៨៕

បណ្ដាញសង្គម

ព័ត៌មានថ្មីៗ

ប្រធានក្រុមប្រឹក្សា GCTP៖ កម្ពុជាជាប្រទេសមានសុខសុវត្ថិភាពជាមួយប្រជាជនដែលមានភាពរួសរាយរាក់ទាក់បំផុត

គណៈប្រតិភូប្រធានសភានៃប្រទេសជាមិត្ត៖ ដំណើរស្វែងរកសុខសន្ដិភាពរបស់កម្ពុជា គឺជាគំរូ និងបទពិសោធន៍ដ៏ជោគជ័យមួយដែលគួរតែត្រូវបានផ្សព្វផ្សាយ និងចែករំលែកទៅកាន់បណ្ដាប្រទេសនានានៅលើពិភពលោក

រដ្ឋមន្ត្រីការពារប្រទេសវៀតណាមប្ដេជ្ញាបន្តពង្រឹង និងពង្រីកកិច្ចសហប្រតិបត្តិការលើវិស័យការពារជាតិជាមួយកម្ពុជា

ឯកឧត្តម លី ធុជ ចាត់ទុកដំណើរឈ្វេងយល់សារមន្ទីរតេជោសន្តិភាព សម្រាប់សកម្មភាពមីននឹងអាចជំរុញបន្តធ្វើការរួមគ្នាឆ្ពោះទៅរកគោលដៅចុងក្រោយនៃពិភពលោកមួយដែលគ្មានមីន

ដំណើរទស្សនកិច្ចតាមក្រវាត់ព្រំដែនប៉ែកឦសានជើងទី៩ ប្រព្រឹត្តទៅដោយជោគជ័យ និងការជឿជាក់លើរាជរដ្ឋាភិបាល អំពីកិច្ចការពារអធិបតេយ្យភាពជាតិ និងបូរណភាពទឹកដី

ឯកឧត្តម លី ធុជ ទទួលជួបពិភាក្សាការជាមួយ អគ្គនាយកទីភ្នាក់ងារស្វីសសម្រាប់អភិវឌ្ឍន៍ និងកិច្ចសហប្រតិបត្តិការ ដែលអញ្ជើញចូលរួមក្នុងកិច្ចប្រជុំកំពូលសៀមរាប-អង្គរ

មនុស្សប្រមាណ ៣០០០នាក់ ចូលរួមដង្ហែក្បួនក្នុងឧទ្យានអង្គរ បង្ហាញពីឆន្ទៈរួម «ពិភពលោកមួយដែលគ្មានគ្រាប់មីន»

ក្រុមការងាររាជរដ្ឋាភិបាលចុះមូលដ្ឋានឃុំកណ្តឹង និងអាជ្ញាធរធ្វើវេទិកាសាធារណ: ដើម្បីដោះស្រាយបញ្ហាប្រឈមជូនពលរដ្ឋ

សម្ដេចតេជោ ហ៊ុន សែន៖ រាជរដ្ឋាភិបាលអាណត្តិថ្មីដាក់ចេញយុទ្ធសាស្រ្តបញ្ចកោណសម្លឹងទៅមុខ សម្រាប់រយៈពេល ២៥ ឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

«សង្ក្រាន្តបាកាន» ខេត្តពោធិ៍សាត់ រយៈពេល៤ថ្ងៃ មានប្រជាពលរដ្ឋច្រើនកុះករចូលមកលេងកម្សាន្តយ៉ាងសប្បាយរីករាយ

រយៈពេល៤ថ្ងៃ នៃពិធីបុណ្យចូលឆ្នាំថ្មី ខេត្តត្បូងឃ្មុំ មានភ្ញៀវទេសចរដើរលេងកម្សាន្តជាង៦០ម៉ឺននាក់

«សង្ក្រាន្តវត្តភ្នំ» មានភ្ញៀវទេសចរប្រមាណ ១លាន ៣សែននាក់ចូលរួមទស្សនា និងលេងកម្សាន្ត

ចូលឆ្នាំប្រពៃណីជាតិខ្មែរខេត្តតាកែវទទួលបានភ្ញៀទេសចរជាតិ និងអន្តរជាតិប្រមាណជាង ៤០ម៉ឺននាក់

ពលរដ្ឋមកលេងកម្សាន្តខេត្តកំពង់ឆ្នាំងក្នុងឱកាសសង្ក្រាន្តឆ្នាំថ្មីនេះមានប្រមាណ ៣៤ម៉ឺននាក់

ចូលឆ្នាំ៤ថ្ងៃ ខេត្តបន្ទាយមានជ័យ មានភ្ញៀវទេសចរលេងកម្សាន្តនៅតំបន់ទេសចរណ៍នានាជាង ៨៥ម៉ឺននាក់

រយៈពេល៤ថ្ងៃ នៃបុណ្យចូលឆ្នាំថ្មី ខេត្តសៀមរាបទទួលបានភ្ញៀវទេសចរដើរលេងកម្សាន្តជាង ១លាន២សែននាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

«សង្ក្រាន្តបាកាន» ខេត្តពោធិ៍សាត់ រយៈពេល៤ថ្ងៃ មានប្រជាពលរដ្ឋច្រើនកុះករចូលមកលេងកម្សាន្ត​យ៉ាងសប្បាយរីករាយ

រយៈពេល៤ថ្ងៃ នៃពិធីបុណ្យចូលឆ្នាំថ្មី ខេត្តត្បូងឃ្មុំ មានភ្ញៀវទេសចរដើរលេងកម្សាន្តជាង៦០ម៉ឺននាក់

«សង្ក្រាន្តវត្តភ្នំ» មានភ្ញៀវទេសចរប្រមាណ ១លាន ៣សែននាក់ចូលរួមទស្សនា និងលេងកម្សាន្ត

ចូលឆ្នាំប្រពៃណីជាតិខ្មែរខេត្តតាកែវទទួលបានភ្ញៀទេសចរជាតិ និងអន្តរជាតិប្រមាណជាង ៤០ម៉ឺននាក់

ពលរដ្ឋមកលេងកម្សាន្តខេត្តកំពង់ឆ្នាំងក្នុងឱកាសសង្ក្រាន្តឆ្នាំថ្មីនេះមានប្រមាណ ៣៤ម៉ឺននាក់

ចូលឆ្នាំ៤ថ្ងៃ​ ខេត្តបន្ទាយមានជ័យ​ មានភ្ញៀវទេសចរលេងកម្សាន្ត​នៅតំបន់ទេសចរណ៍នានា​ជាង​ ៨៥ម៉ឺននាក់​

រយៈពេល៤ថ្ងៃ នៃបុណ្យចូលឆ្នាំថ្មី ខេត្តសៀមរាបទទួលបានភ្ញៀវទេសចរដើរលេងកម្សាន្តជាង ១លាន២សែននាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

«សង្ក្រាន្តបាកាន» ខេត្តពោធិ៍សាត់ រយៈពេល៤ថ្ងៃ មានប្រជាពលរដ្ឋច្រើនកុះករចូលមកលេងកម្សាន្តយ៉ាងសប្បាយរីករាយ

ចូលឆ្នាំ៤ថ្ងៃ ខេត្តបន្ទាយមានជ័យ មានភ្ញៀវទេសចរលេងកម្សាន្តនៅតំបន់ទេសចរណ៍នានាជាង ៨៥ម៉ឺននាក់