នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

លោកហ្សេឡិនស្គី ធ្វើការសន្ទនាជាអន្តរជាតិលើកដំបូងនៃឆ្នាំ ២០២៤ ជាមួយនាយករដ្ឋមន្ត្រីកាណាដា

2024/01/02 12:29:50 pm        212
Facebook Telegram Linkin
លោកប្រធានាធិបតី វ៉ូឡូមៀ ហ្សេឡិនស្គី (Volodymyr Zelenskyy) បានធ្វើសន្ទនាជាអន្តរជាតិលើកដំបូងរបស់ខ្លួននៅឆ្នាំ ២០២៤ ជាមួយនាយករដ្ឋមន្ត្រីកាណាដា លោក ចាស្ទីន ទ្រូដូ (Justin Trudeau)។លោកប្រធានាធិបតីអ៊ុយក្រែន បាននិយាយថា ពួកគេ បានពិភាក្សាជាចម្បងលើបញ្ហាសន្តិសុខ ដែលលោកបានជូនដំណឹងទៅនាយករដ្ឋមន្ត្រីកាណាដាអំពីការវាយប្រហារដោយមីស៊ីល និងយានដ្រូនរបស់រុស្ស៊ីទៅលើទីក្រុង និងភូមិនានារបស់អ៊ុយក្រែន។លោកហ្សេឡិនស្គី បានបញ្ជាក់ថា ភាគីទាំងពីរ បានពិភាក្សាការងារលើការធានាសន្តិសុខ ហើយបានព្រមព្រៀងថា ក្រុមរបស់ពួកគេ នឹងបង្កើនកិច្ចសន្ទនាទ្វេភាគី ក្នុងពេលឆាប់ៗនេះ ដើម្បីឈានដល់កិច្ចព្រមព្រៀងដែលពាក់ព័ន្ធ។មេដឹកនាំអ៊ុយក្រែនរូបនេះ បានថ្លែងថា៖«ខ្ញុំដឹងគុណចំពោះលោកនាយករដ្ឋមន្រ្តី ទ្រូដូ សម្រាប់ឆន្ទៈរបស់លោកក្នុងការជួយពួកយើង ក្នុងការការពារដែនអាកាសរបស់អ៊ុយក្រែន ជាពិសេសតាមរយៈការផ្តល់នូវប្រព័ន្ធការពារដែនអាកាស NASAMS និងមីស៊ីលបន្ថែមទៀត»។លោកបានបន្ថែមថា ពួកគេក៏បាននិយាយអំពីការរៀបចំកិច្ចប្រជុំទី៤នៃក្រុមទីប្រឹក្សា ដែលកំពុងធ្វើការដើម្បីអនុវត្តរូបមន្តសន្តិភាព ដែលវានឹងប្រព្រឹត្តទៅនៅពាក់កណ្តាលខែមករា នៅទីក្រុង Davos ប្រទេសស្វ៊ីស។

រុស្ស៊ីចាប់ខ្លួនជនអន្តោប្រវេសន៍រាប់ពាន់នាក់ នៅឯពិធីបុណ្យចូលឆ្នាំថ្មី

2024/01/02 12:25:17 pm        245
Facebook Telegram Linkin
ប្រព័ន្ធផ្សព្វផ្សាយរុស្ស៊ីបានរាយការណ៍កាលពីថ្ងៃចន្ទថា នគរបាលរុស្ស៊ីបានឃុំខ្លួនជនអន្តោប្រវេសន៍រាប់ពាន់នាក់នៅទូទាំងប្រទេសក្នុងការវាយឆ្មក់ក្នុងឱកាសចូលឆ្នាំសកល ដោយភាគច្រើននៃពួកគេ ប្រឈមនឹងការនិរទេសទៅប្រវេសន៍កំណើតវិញ។ទីភ្នាក់ងារសារព័ត៌មានរដ្ឋ RIA របស់រុស្ស៊ីបានរាយការណ៍ថា ជនអន្តោប្រវេសន៍ប្រហែល៣ពាន់នាក់ ត្រូវបានឃុំខ្លួននៅទីក្រុង សេន ភីធឺស្បើក (St. Petersburg) ដែលជាទីក្រុងធំបំផុតទីពីររបស់ប្រទេសរុស្ស៊ី ក្នុងអំឡុងឆែកឆេរ ដើម្បីទប់ស្កាត់ឧក្រិដ្ឋកម្ម ។ទីភ្នាក់ងារសារព័ត៌មានរដ្ឋ RIA បានដកស្រង់ប្រភពពីភ្នាក់ងារអនុវត្តច្បាប់ដែលមិនបញ្ចេញឈ្មោះថា ជនអន្តោប្រវេសន៍ជាង ៦០០ នាក់ ត្រូវបានឃុំខ្លួននៅក្នុងប្រទេសរុស្ស៊ីពាក់ព័ន្ធនឹងការបំពានផ្សេងៗនៃច្បាប់ធ្វើអនន្តោប្រវេសន៍ ។ ទីភ្នាក់ងារសារព័ត៌មានរដ្ឋខាងលើ បានបន្ថែមថា មនុស្សជាង ១០០ នាក់ប្រឈមនឹងការនិរទេស។សារព័ត៌មានអនឡាញ SOTA របស់រុស្ស៊ីបាននិយាយថា បុរសម្នាក់មកពីប្រទេសតាជីគីស្ថាន ដែលស្លៀកពាក់ជាតាណូអែល ស្ថិតក្នុងចំណោមជនអន្តោប្រវេសន៍ជាច្រើនដែលត្រូវបានឃុំខ្លួននៅទីក្រុងមូស្គូ។នៅទីក្រុងឆេលយ៉ាប៊ីនស៍(Chelyabinsk)ភាគខាងលិចរបស់ប្រទេសរុស្ស៊ី ស្ថាប័នស៊ើបអង្កេតកំពូលរបស់រុស្ស៊ី ដែលជាគណៈកម្មាធិការស៊ើបអង្កេតបាននិយាយថា ខ្លួនកំពុងបើកសំណុំរឿងព្រហ្មទណ្ឌលើក្រុមជនអន្តោប្រវេសន៍បីនាក់ពាក់ព័ន្ធនឹងសកម្មភាពហឹង្សា ប្រឆាំងនឹងទាហានរុស្ស៊ី និងប្រពន្ធរបស់ពួកគេ។ គណៈកម្មាធិការនេះ បាននិយាយនៅលើ Telegram ថា ក្រុមជនអន្តោប្រវេសន៍ក្នុងស្ថានភាពស្រវឹងបានវាយប្រហារយុវជនពីរនាក់ដែលត្រូវបានពង្រាយពីខ្សែបន្ទាត់ជួរមុខ ក្នុងនោះ ទាហានម្នាក់ត្រូវបានវាយដោយដំបង៕

នាយករដ្ឋមន្ត្រីហ្វាំងឡង់ប្តេជ្ញាគាំទ្រអ៊ុយក្រែន បន្ថែមទៀត និងបង្កើនការផលិតគ្រាប់រំសេវ

2024/01/02 12:12:42 pm        218
Facebook Telegram Linkin
នាយករដ្ឋមន្ត្រីហ្វាំងឡង់ លោក Petteri Orpo បានប្រកាសថា រដ្ឋាភិបាលរបស់ខ្លួន នឹងរក្សាការគាំទ្ររបស់ខ្លួនសម្រាប់អ៊ុយក្រែន និងពង្រឹងសមត្ថភាពការពារជាតិរបស់ខ្លួន។លោក Orpo បាននិយាយថា៖«ប្រទេស និងរដ្ឋហ្វាំងឡង់ ឈរយ៉ាងរឹងមាំនៅពីក្រោយអ៊ុយក្រែន។ ការសម្រេចចិត្តរបស់យើង នៅថ្នាក់ជាតិ ដូចជាការបង្កើនសមត្ថភាពផលិតសម្រាប់គ្រាប់រំសេវធុនធ្ងន់ អនុញ្ញាតឲ្យយើងគាំទ្រអ៊ុយក្រែន ក្នុងរយៈពេលវែង។ យើងក៏កំពុងពង្រឹងសមត្ថភាពការពារផ្ទាល់ខ្លួនរបស់យើង»។ លោកនាយករដ្ឋមន្ត្រី បានសង្កត់ធ្ងន់ថា សង្គ្រាមឈ្លានពានរបស់រុស្ស៊ីប្រឆាំងនឹងអ៊ុយក្រែន បានបន្តអស់ រយៈពេលជិតពីរឆ្នាំហើយ ដោយកត់សម្គាល់ថា វាបានផ្លាស់ប្តូរស្ថានភាពសន្តិសុខ នៅអឺរ៉ុប ខណៈដែល«ទាហានអ៊ុយក្រែន កំពុងប្រយុទ្ធយ៉ាងអង់អាចក្លាហាន ដើម្បីប្រទេសរបស់ពួកគេ ដើម្បីអឺរ៉ុបទាំងមូល និងសម្រាប់គុណតម្លៃរបស់លោកខាងលិច»។លោក Orpo បាននិយាយថា៖ «យើងកំពុងធ្វើការយ៉ាងសកម្ម នៅក្នុងសហភាពអឺរ៉ុប ដើម្បីធានាថា អឺរ៉ុបត្រូវបានរួបរួមជាមួយអ៊ុយក្រែន។ ការចាប់ផ្តើមនៃការចរចាចូលជាសមាជិកជាមួយអ៊ុយក្រែន គឺជាសារនៃក្តីសង្ឃឹមសម្រាប់ប្រជាជនអ៊ុយក្រែន៖ អ៊ុយក្រែនត្រូវបានអញ្ជើញឲ្យចូលរួមជាមួយគ្រួសារអឺរ៉ុប ហើយប្រទេសនេះជាកម្មសិទ្ធិរបស់សហភាពអឺរ៉ុប។

ភ្នំពេញមានអគារខ្ពស់ៗចាប់ពី៥ជាន់ឡើងជិត ២០០០អគារ និងមានគម្រោងថ្មី ជាង៥០០គម្រោង

2024/01/02 12:05:37 pm        569
Facebook Telegram Linkin
រាជធានីភ្នំពេញនាពេលបច្ចុប្បន្ននេះមានបុរីជាង៣០០កន្លែង និងមានអគារខ្ពស់ៗជាច្រើន​រហូតជិត ២០០០អគារ។ភ្នំពេញជារាជធានី និងជាទីក្រុងធំជាងគេបំផុតនៃប្រទេសកម្ពុជា និងជាមជ្ឈមណ្ឌលសន្តិសុខ នយោបាយ សេដ្ឋកិច្ច សម្បត្តិវប្បធម៌ និងការទូត។ រាជ​ធានី​ភ្នំពេញ​មាន​ការ​កែ​សម្រួល​ដែនដី​ព្រំប្រទល់​ជា​បន្តបន្ទាប់ដោយសារតែភាពរីកចម្រើននៃសង្គមជាតិ។ បច្ចុប្បន្ន ទោះបីសេដ្ឋកិច្ច​ជាតិ​ត្រូវ​បាន​រាំង​ស្ទះដោ​យវិបត្តិជាសកល និងភាពមិនច្បាស់លាស់នៃសេដ្ឋកិច្ចពិភពលោកយ៉ាងណាក្តី ក៏​គម្រោងអភិវឌ្ឍន៍ជាច្រើន បាននឹងកំពុងដំណើរការសាងសង់ក្នុងរាជធានីភ្នំពេញ ក្នុង​នោះ​នៅ​រា​ជ​ធានី​ភ្នំពេញមានសំណង់បុរីចំនួន ៣១០ កន្លែង អគារខ្ពស់ៗចាប់ពីប្រាំជាន់ឡើងទៅ មានចំនួន ១.៧៧៧ អគារ និងបាននឹងកំពុងពិនិត្យលើឯកសារស្នើសុំ លិខិត​អនុញ្ញាត​សាងសង់​ក្នុង​គម្រោង​ថ្មី​ចំនួន ៥៣៦ គម្រោង លើផ្ទៃក្រឡាសំណង់សរុប ២៦៩.១៦៦ ម៉ែត្រការ៉េ ដែលមាន​ទំហំ​ទុន​វិនិយោគ​ប៉ាន់ស្មានប្រមាណ ១៣២ លានដុល្លាអាមេរិកបន្ថែមទៀត។ នេះបើតាម​ប្រសាសន៍​របស់​ឯកឧត្តម ឃួង ស្រេង អភិបាលរាជធានីភ្នំពេញ បានថ្លែង​ក្នុង​ពិធី​បើក​សន្និបាត​បូក​សរុប​លទ្ធ​ផល​ការងារ​ឆ្នាំ​២០២៣ និងទិសដៅអនុវត្តការងារឆ្នាំ២០២៤ របស់រដ្ឋបាលរាជធានីភ្នំពេញ កាល​ពី​ចុង​ខែ​ធ្នូ ឆ្នាំ២០២៣កន្លងទៅ។ឯកឧត្តម ឃួង ស្រេង បន្ថែមថា ដោយឡែក រោងចក្រវិនិយោគក្នុងរាជធានីភ្នំពេញមានចំនួន ៧៦៣ រោងចក្រ ក្នុងនោះ​រោងចក្រ​ដែល​បាន​ស្នើ​សុំ​ចុះ​បញ្ជី​នៅ​អនុ​គណៈកម្មាធិការ​វិនិយោគ​រាជ​ធានី​ភ្នំពេញ​មានចំនួន ៨១ រោងចក្រ កើនឡើង ១៨ រោងចក្រ មានតម្លៃប៉ាន់ស្មានផលិតផល សរុប ៦.៥៩៣ លានដុល្លាអាមេរិក គឺកើនឡើងយ៉ាងគំហុកក្នុងអត្រាប្រមាណ ២១៨% បើ​ធៀប​នឹង​តម្លៃប៉ាន់ស្មានផលិតផលសរុបក្នុងឆ្នាំ២០២២ កន្លងទៅ ដែល​ជា​ការ​បង្ហាញ​ឱ្យ​ឃើញ​ពី​សញ្ញាណ​វិជ្ជមាននៃការវិនិយោគ ក្រោយពេលបើកដំណើរការសេដ្ឋកិច្ចសង្គមពេញលេញ ឡើង​វិញ​លើ​គ្រប់​វិស័យនារយៈពេល ២ ឆ្នាំចុងក្រោយនេះ៕ អត្ថបទ៖ ប្រាក់ វ៉ាន់ដា 

សិស្សជាង១ម៉ឺននាក់ ប្រឡងប្រជែងចូលរៀននៅសាកលវិទ្យាល័យភូមិន្ទភ្នំពេញនៅថ្ងៃនេះ

2024/01/02 11:54:13 am        388
Facebook Telegram Linkin
ឆ្នាំសិក្សា ២០២៣-២០២៤នេះ ជាឆ្នាំដំបូង ដែលសាកលវិទ្យាល័យភូមិន្ទភ្នំពេញ អនុវត្ត​ការ​ផ្លាស់​ប្ដូរ​ថ្មី ដោយតម្រូវឱ្យសិស្សគ្រប់រូបត្រូវប្រឡងចូល។ ការប្រឡងដែលធ្វើឡើងនៅថ្ងៃទី ២ ខែមករា ឆ្នាំ២០២៤នេះ គឺមានវត្តមានសិស្សចូលរួមប្រឡងរហូតជាង ១៣ ០០០នាក់។ ចំនួននេះ មិន​ទាន់​រាប់​បញ្ចូលបេក្ខជនត្រៀមប្រឡងចូលវិទ្យាស្ថានភាសាបរទេស នៅចុង​សប្ដាហ៍​ខាង​មុខ​នេះ​នោះ​ទេ​។នៅថ្ងៃទី២ ខែមករា ឆ្នាំ ២០២៤នេះ សាកលវិទ្យាល័យភូមិន្ទភ្នំពេញ បានរៀបចំការ​ប្រឡង​ដើម្បី​ជ្រើស​រើស​សិស្ស​ដែល​មានសមត្ថភាពឱ្យចូលសិក្សាឆ្នាំ មូលដ្ឋាន។ នេះជាឆ្នាំដំបូង នៃកំណែ​ទម្រង់​ទាំង​ស្រុង ក្នុងការជ្រើសរើសនិស្សិតរបស់សាកលវិទ្យាល័យ។ ការប្រឡងនៅថ្ងៃនេះ គឺមាន​បេក្ខជន​រហូត​ដល់​ជាង១៣ ០០០នាក់។ ចំនួននេះមិនទាន់បានរាប់បញ្ចូលចំនួនបេក្ខជន ដែល​ដាក់​ពាក្យ​ប្រឡង​ចូល​សិក្សា​នៅ​វិទ្យាស្ថានភាសាបរទេស នៅចុងសប្ដាហ៍នេះនោះទេ។បេក្ខជន ដែលមកប្រឡងនៅថ្ងៃនេះ ពួកគេម្នាក់ៗលើកឡើងជាការគាំទ្រ ចំពោះ​ការ​រៀបចំ​ឱ្យ​មាន​ការ​ប្រឡង​ចូល​ដើម្បីសិក្សានេះ។ ការគាំទ្រដោយពួកគេមើលឃើញថា ការរៀបចំនេះ​គឺ​ផ្ដល់​ផល​វិជ្ជមាន​សម្រាប់​បេក្ខជន បូករួមទាំង​ភាព​វិជ្ជមាន​សម្រាប់​សង្គម​ជាតិ​ទាំង​មូល​ក្នុង​ការ​បណ្ដុះ​ធន​ធាន​មនុស្ស ដើម្បីអភិវឌ្ឍន៍ប្រទេសជាតិ។ពាក់ព័ន្ធនឹងការតម្រូវឱ្យសិស្សគ្រប់រូប ត្រូវឆ្លងកាត់ការប្រឡងប្រជែងចូលសិក្សានេះ គឺធ្វើ​ឡើង​ក្រោម​ហេតុផល​សំខាន់ចំនួន ២។ នេះជាការលើកឡើងកន្លងទៅ របស់ ឯកឧត្តម ជេត ជាលី សាកលវិទ្យាធិការ នៃសាកលវិទ្យាល័យភ្នំពេញ។ ហេតុផលសំខាន់ទី ១គឺការ​ចម្រាញ់​យក​ធនធាន​មនុស្ស​ដែល​ពូកែ និងហេតុផលទី ២គឺដោយសារខ្វះបន្ទប់សិក្សា។សូមជម្រាបថា កន្លងទៅសាកលវិទ្យាល័យភូមិន្ទភ្នំពេញ កំណត់​ឱ្យ​មាន​ការ​ប្រឡង​ចូល​សិក្សា​សម្រាប់​តែ មុខជំនាញមួយចំនួនប៉ុណ្ណោះ។ ការប្រឡងចូលកន្លងទៅ គឺសម្រាប់សិស្ស នៅ វិទ្យាស្ថាន​ភាសាបរទេស ដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ជាដើម។ តែ​សម្រាប់​ឆ្នាំ​សិក្សា​ថ្មី​នេះ គឺគ្រប់មុខជំនាញសិក្សាទាំងអស់ ត្រូវតែឆ្លងកាត់ការប្រឡងប្រជែង ដើម្បីមានសិទ្ធិ មាន​សមត្ថភាពគ្រប់គ្រាន់សម្រាប់ការសិក្សា៕ អត្ថបទ៖ គឹមហុក

ពលរដ្ឋ និងអ្នកវិភាគ៖ ទិវាសន្តិភាព ជាស្មារតីជាតិរួមគ្នាបន្តរក្សាសន្តិភាព និងស្ថិរភាព

2024/01/02 11:33:52 am        266
Facebook Telegram Linkin
ប្រជាពលរដ្ឋ និងអ្នកវិភាគ លើកឡើងថា ការកំណត់ទិវាសន្តិភាពរបស់កម្ពុជា គឺជាស្មារតីជាតិ​រួម​គ្នា​បន្ត​រក្សាសន្តិភាព និងស្ថិរភាពរបស់ប្រទេសកម្ពុជា។ស្របពេលរាជរដ្ឋាភិបាលចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវា​សន្តិភាព​នៅ​កម្ពុជា» ប្រជាពលរដ្ឋ បានសម្តែងការគាំទ្រចំពោះការកំណត់នេះ ដែលជា​ការ​បំផុស​ដល់​ប្រជាពលរដ្ឋ​ទាំងអស់ ជាពិសេសយុវជនជំនាន់​ក្រោយ​ចងចាំ​ជានិច្ច​នូវ​សុខ​សន្តិភាព​ពេញ​លេញ និងការឯកភាពជាតិដែលកម្ពុជាខិតខំរកមកដោយលំបាករហូតមានស្ថិរភាព ការ​រីក​ចម្រើន​មក​ដល់​បច្ចុប្បន្ន។ជាមួយគ្នាលោកបណ្ឌិត គិន ភា អ្នកវិភាគនយោបាយ លើកឡើងថា ទិវាសន្តិភាព គឺជា​ការ​ដាស់​ស្មារតី​ឲ្យ​ប្រជាពលរដ្ឋចងចាំចំពោះសន្តិភាព និងជាសារសន្តិភាពសម្រាប់បណ្តាប្រទេសក្នុងតំបន់ ដើម្បី​ឲ្យ​ក្លាយជាស្មារតីរួមគ្នាដើម្បីសន្តិភាព ហើយបញ្ជៀសបាននូវសង្គ្រាមទាំងស្រុង។សូមជម្រាបថា ការកំណត់ ទិវាសន្តិភាពរបស់កម្ពុជា ២៩ ធ្នូ ជារៀងរាល់ឆ្នាំ គឺជា​ការ​ឆ្លើយ​តប​ទៅ​នឹង​បំណង​ប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រឡាញ់សន្តិភាព និងការស្អប់ខ្ពើមសង្គ្រាម ហើយជា​ការរំលឹកដល់ការសម្រេចបាននូវការបញ្ចប់សង្គ្រាមទាំងស្រុង និងការ​កសាង​បាន​នូវ​សន្តិភាព និងឯកភាពជាតិពេញលេញ នៅព្រះរាជាណាចក្រកម្ពុជា ដោយនយោបាយឈ្នះ ឈ្នះ កាលពី ថ្ងៃទី២៩ ខែធ្នូ ឆ្នាំ១៩៩៨៕ អត្ថបទ សេក ឧត្តម

អ៊ីរ៉ង់បានបញ្ជូននាវាចម្បាំងទៅកាន់សមុទ្រក្រហម ស្របពេលភាពតានតឹងឡើងកម្ដៅកាន់តែខ្លាំង

2024/01/02 11:05:17 am        402
Facebook Telegram Linkin
ទីភ្នាក់ងារសារព័ត៌មាន Tasnim របស់អ៊ីរ៉ង់បានរាយការណ៍ថា នាវាចម្បាំង អាល់បស (Alborz) របស់អ៊ីរ៉ង់បានចូលក្នុងសមុទ្រក្រហមតាមរយៈច្រកសមុទ្រ បាប អាល់ ម៉ាន់ដេប(Bab al-Mandeb)ជាយុទ្ធសាស្ត្រ ស្របពេលមានភាពតានតឹងកាន់តែខ្លាំងឡើងលើផ្លូវទឹកដ៏សំខាន់ជាសកល។ទីភ្នាក់ងារព័ត៌មាននេះ បាននិយាយកាលពីថ្ងៃចន្ទថា នាវាពិឃាត Alborz បានចូលសមុទ្រក្រហម ដោយឆ្លងកាត់ផ្លូវទឹក Bab al-Mandeb នៅចុងភាគខាងត្បូងនៃសមុទ្រក្រហម ដោយភ្ជាប់ជាមួយឈូងសមុទ្រ អាដែន(Aden) ក្នុងមហាសមុទ្រឥណ្ឌា។ ប្រភពខាងលើបានបន្ថែមថា កងនាវាជើងទឹករបស់អ៊ីរ៉ង់បាននិងកំពុងប្រតិបត្តិការនៅក្នុងតំបន់នេះ ដើម្បីធានាផ្លូវដឹកជញ្ជូន ការវាយប្រហារពីចោរសមុទ្រ ក្នុងចំណោមគោលបំណងផ្សេងទៀតចាប់តាំងពីឆ្នាំ ២០០៩មក។ សហរដ្ឋអាមេរិកកាលពីដើមខែធ្នូ បានបង្កើតក្រុមការងារកងទ័ពជើងទឹកចម្រុះជាតិសាសន៍សម្រាប់សមុទ្រក្រហម បន្ទាប់ពីការវាយប្រហារដោយមីស៊ីល និងយានដ្រូនពីសំណាក់ក្រុមឧទ្ទាមហ៊ួធី(Houthi) របស់ប្រទេសយេម៉ែន ដែលមានសម្ព័ន្ធមិត្តជាមួយអ៊ីរ៉ង់ លើនាវាជំនួញ ដែលនាំឱ្យក្រុមហ៊ុនដឹកជញ្ជូនផ្អាកការឆ្លងកាត់តំបន់ដែលមានភាពតានតឹងខាងយោធាខ្លាំងនាពេលបច្ចុប្បន្ននេះ។ក្រុមហ៊ួទីនិយាយថា ការវាយប្រហារនេះគឺជាការបង្ហាញសាមគ្គីភាពជាមួយប៉ាឡេស្ទីននៅក្នុងតំបន់ហ្កាហ្សាស្ទ្រីបដែលត្រូវបានរងការឡោមព័ទ្ធ ជាទីដែលអ៊ីស្រាអែលកំពុងបន្តយុទ្ធនាការទម្លាក់គ្រាប់បែករយៈពេលជាច្រើនខែមកនេះ។យោងតាមសភាដឹកជញ្ជូនអន្តរជាតិ ១២ ភាគរយនៃពាណិជ្ជកម្មពិភពលោកឆ្លងកាត់សមុទ្រក្រហម ដែលផ្តល់ផ្លូវកាត់ឆ្លងកាត់ទ្វីបអាហ្រ្វិកតាមរយៈព្រែកជីកស៊ុយអេ។របាយការណ៍របស់សារព័ត៌មានTasnim កើតឡើងមួយថ្ងៃបន្ទាប់ពីឧទ្ធម្ភាគចក្រកងទ័ពជើងទឹកអាមេរិកបានបាញ់ទៅលើក្រុមឧទ្ទាមហ៊ួធី ដែលប៉ុនប៉ងឡើងលើនាវាដឹកទំនិញមួយក្បែរប្រទេសយេម៉ែន ដោយក្រុមឧទ្ទាមរាយការណ៍ថា អ្នកប្រយុទ្ធចំនួន ១០ នាក់បានស្លាប់៕

អាមេរិកកំពុងតាមដានការបោះឆ្នោតតៃវ៉ាន់ យ៉ាងយកចិត្តទុកដាក់ ខណៈចិនអះអាងសិទ្ធិគ្រប់គ្រងជាថ្មី

2024/01/02 11:01:25 am        226
Facebook Telegram Linkin
កាលពីខែមុន លោក Joe Biden និងលោក Xi Jinping បានដើរកាត់សួនច្បារដ៏ខៀវស្រងាត់នៃវិមានដ៏ធំនៅរដ្ឋកាលីហ្វ័រនីញ៉ា ចូលរួមក្នុងការសន្ទនាដ៏ស្និទ្ធស្នាល និងប្រកបដោយភាពស្មោះត្រង់។នោះគឺជាកិច្ចប្រជុំកំពូលទល់មុខគ្នាលើកដំបូងរបស់មេដឹកនាំទាំង២ក្នុងរយៈពេលមួយឆ្នាំផ្ដោតលើបញ្ហាកោះតៃវ៉ាន់ ដែលលោកប្រធានាធិបតី ចិន Xi បានប្រាប់សមភាគីសហរដ្ឋអាមេរិកថា តៃវ៉ាន់គឺជាបញ្ហាដ៏សំខាន់ និងគ្រោះថ្នាក់បំផុតនៅក្នុងទំនាក់ទំនងដ៏ប្រេះស្រាំរវាងប្រទេសទាំងពីរ។ គោលនយោបាយរបស់ទីក្រុងប៉េកាំងចំពោះកោះស្វ័យគ្រប់គ្រង ដែលខ្លួនអះអាងថាជាឆន្ទៈរបស់ខ្លួនជាថ្មីម្តងទៀតគឺស្ថិតនៅក្រោមការយកចិត្តទុកដាក់យ៉ាងខ្លាំង នៅពេលអ្នកបោះឆ្នោតនៅតៃវ៉ាន់ទៅបោះឆ្នោតនៅថ្ងៃទី ១៣ ខែមករា ដើម្បីជ្រើសរើសមេដឹកនាំថ្មី និងសភា ហើយសហរដ្ឋអាមេរិកនឹងតាមដានយ៉ាងដិតដល់បំផុត។ នៅពេលនេះ លោក វីលៀម ឡៃឈីងតេ (William Lai Ching-te)ជាមេដឹកនាំលំដាប់ទី២របស់គណបក្ស និងជាបេក្ខជននៃគណបក្សប្រជាធិបតេយ្យជឿនលឿនដែលកំពុងកាន់អំណាច (DPP) ត្រូវបានគេរំពឹងថានឹងឈ្នះការបោះឆ្នោតខាងមុខ។ លទ្ធផលនោះទំនងជាដាក់ចំណាត់ថ្នាក់ក្រុងប៉េកាំងដែលហៅលោកមឡៃ ថាជាជនបំបែកខ្លួនទាមទារ ឯករាជ្យភាព និងដុតបញ្ឆេះឲ្យមានភាពតានតឹងបន្តនៅទូទាំងច្រកសមុទ្រតូចចង្អៀតដែលខណ្ឌចែកកោះនេះពីប្រទេសចិន។លោក Rorry Daniels នាយកគ្រប់គ្រងនៃវិទ្យាស្ថានគោលនយោបាយសង្គមអាស៊ីបានប្រាប់ សារព័ត៌មាន Al Jazeera ថា ទីក្រុងវ៉ាស៊ីនតោនបានត្រៀមយ៉ាងល្អដើម្បីដោះស្រាយនឹងជម្រើសណាមួយដែលម្ចាស់ឆ្នោតតៃវ៉ាន់បង្កើត ប៉ុន្តែពិតជានឹងមានឱកាស និងបញ្ហាប្រឈមផ្សេងៗគ្នាអាស្រ័យលើលទ្ធផលនៃការបោះឆ្នោត ដោយបន្ថែមថាសហរដ្ឋអាមេរិកនឹងកំពុងពិចារណាយុទ្ធសាស្ត្រសម្រាប់សញ្ញានយោបាយសមស្រប ដើម្បីរារាំងការឆ្លើយតបណាមួយរបស់យោធាចិន៕

សម្តេចធិបតី ប្រកាសអបអរសាទរដល់បងប្អូនកម្មករ និយោជិតទទួលបានប្រាក់ខែគោល ២០៤ដុល្លារ ក្នុងឆ្នាំ២០២៤នេះ

2024/01/02 09:54:55 am        437
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសអបអរសាទរ ដល់​បង​ប្អូន​កម្មករ និយោជិត ទាំងអស់​ដែល​នឹង​ទទួល​បាន​ប្រាក់​ឈ្នួល​អប្បបរមា​២០៤ដុល្លារ​អាមេរិក​សម្រាប់​ឆ្នាំ​២០២៤នេះ គឺកើនឡើងជាងឆ្នាំ២០២៣ចំនួន៤ដុល្លារ។តាមរយៈឆាណែលតេលេក្រាម នាថ្ងៃទី២ ខែធ្នូ ឆ្នាំ២០២៤នេះ សម្តេចធិបតី បានលើកឡើងថា «អបអរ​សាទរ! ចាប់ពីខែមករា ឆ្នាំ២០២៤នេះតទៅ បងប្អូនកម្មករ និយោជិត​ក្នុង​វិស័យ​វាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ នឹងទទួល​បាន​ប្រាក់​ឈ្នួល​អប្បបរមា ២០៤ដុល្លារ ក្នុង ១ខែ គឺកើនជាងខែធ្នូ ឆ្នាំ២០២៣ ចំនួន ៤ដុល្លារអាមេរិក»។ចាប់​ពីខែមករា ឆ្នាំ ២០២៤ នេះតទៅ កម្មករ-និយោជិត រោងចក្រផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប នឹងទទួលបាន​ប្រាក់​ឈ្នួល​អប្បបរមា​ថ្មី​ចំនួន ២០៤ដុល្លារ ក្នុងមួយខែ ខណៈប្រាក់ឈ្នួលឆ្នាំកាលពី២០២៣កន្លងទៅទទួលបានត្រឹមតែ ២០០ដុល្លារនោះ។សូមបញ្ជាក់ថា ប្រាក់ឈ្នួលអប្បបរមាចំនួន ២០៤ ដុល្លារនេះ គឺជាប្រាក់​ខែ​គោល​ប្រចាំ​ខែ​របស់​កម្មករ និយោជិត ហើយក្រៅពីប្រាក់ខែគោល បងប្អូនកម្មករ-និយោជិត នឹង​ទទួល​បាន​ប្រាក់​អត្ថ​ប្រយោជន៍​ផ្សេង​ៗទៀត ដូចជា ប្រាក់សោហ៊ុយធ្វើដំណើរ និងស្នាក់នៅចំនួន៧ ដុល្លារក្នុងមួយខែ ប្រាក់​រង្វាន់ធ្វើការទៀងទាត់ចំនួន១០ដុល្លារ ក្នុងមួយខែ ប្រាក់​ថ្លៃ​បាយ​សម្រាប់​ការ​ធ្វើ​ការងារ​បន្ថែម​ម៉ោង​ដោយ​ស្ម័គ្រចិត្តចំនួន២,០០០ រៀល ក្នុងមួយម៉ោង ឬ ការទទួលបាន​បាយ​មួយ​ពេល​ដោយ​ឥត​គិត​ថ្លៃ និងប្រាក់រង្វាន់អតីតភាពការងារចាប់ពី ២ ទៅ ១១ ដុល្លារ ក្នុងមួយខែ ដែលធ្វើ​ការ​ចាប់​ពី​ឆ្នាំ​ទី២ ដល់ឆ្នាំទី ១១។ សរុបមកជាមធ្យមក្នុងមួយខែ កម្មករ-និយោជិត ម្នាក់ៗ នឹង​ទទួល​បាន​ប្រាក់​ឈ្នួល​យ៉ាងតិចចំនួនពី ២២០ ទៅ ២៣៦ ដុល្លារអាមេរិក៕ អត្ថបទ៖ បាន ចក់

ឧត្តមនាវីឯក ទៀ សុខា៖ ការយកថ្ងៃទី២៩ធ្នូជា «ទិវាសន្តិភាពនៅកម្ពុជា» ជាការបំផុសស្មារតី​ដល់ខ្មែរជំនាន់ក្រោយ ឲ្យបានជ្រួតជ្រាបបន្ថែមទៀតពីគុណតម្លៃនៃសុខសន្តិភាព

2024/01/02 08:47:49 am        466
Facebook Telegram Linkin
ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាអគ្គលេខាធិការរង នៃ​គណៈ​កម្មាធិការ​ជាតិ​សន្តិសុខលម្ហសមុទ្រ ប្រកាសគាំទ្រ​ដល់​រាជរដ្ឋាភិបាល​ដែល​បាន​សម្រេច​យក​ថ្ងៃ​ទី២៩ ខែធ្នូ ជារៀងរាល់ឆ្នាំ ជា«ទិវាសន្តិភាពនៅកម្ពុជា» ខណៈ​ការ​កំណត់​នេះ​គឺ​ពិត​ជា​ត្រឹម​ត្រូវ​បំផុត​ ដើម្បី​ជា​ការ​បំផុស​ស្មារតី​ដល់​ខ្មែរ​ជំនាន់​ក្រោយ​ឲ្យ​បាន​ជ្រួត​ជ្រាប​បន្ថែម​ទៀត​ពី​គុណ​តម្លៃ​នៃ​សុខ​សន្តិភាព ដែលរកបានដោយកម្រនេះ។ថ្លែងតាមរយៈតេលេក្រាមនាព្រឹកថ្ងៃទី២ ខែមករា ឆ្នាំ២០២៤នេះ បន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្រេចចេញអនុក្រឹត្យកំណត់យករាល់ថ្ងៃទី២៩ ជា​រៀង​រាល់​ឆ្នាំ​ជា​ «ទិវាសន្តិភាពនៅកម្ពុជា»ហើយក៏ជាថ្ងៃជាតិផ្លូវការមួយនៅព្រះរាជាណាចក្រកម្ពុជា ដោយ​ឲ្យ​មានការឈប់សម្រាកជាសាធារណៈផងដែរនោះ ឧត្តមនាវីឯក ទៀ សុខា បាន​លើក​ឡើង​ថា «ខ្ញុំសូមប្រកាសគាំទ្រ យ៉ាងពេញទំហឹង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា ដោយកំណត់យកថ្ងៃទី២៩ ខែធ្នូ ជា ទិវាសន្តិភាពនៅកម្ពុជា»។ឧត្តមនាវីឯក បានបន្ថែមទៀតថា ការកំណត់យកថ្ងៃទី២៩ ខែធ្នូ ជា «ទិវាសន្តិភាពនៅកម្ពុជា» ជា​គំនិត​ប្រកប​ដោយគតិបណ្ឌិតដ៏ខ្ពង់ខ្ពស់បំផុត និងប្រកបដោយទស្សនវិស័យវែងឆ្ងាយរបស់ សម្តេច​មហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់​ជា​ឧត្តម​ប្រយោជន៍​របស់​ជាតិ​មាតុភូមិ។ ជាពិសេស គឺជាការសម្តែង​នូវ​កត្តញ្ញូ​តា​ធម៌​រលឹក​ដឹង​គុណ​ចំពោះ​សម្តេច​តេជោ ហ៊ុន សែន ដែលជាស្ថាបនិក និងជាអគ្គមគ្គុទេសក៍ឯក ព្រមទាំងប្រតិបត្តិករទាំងអស់ ដែល​បាន​ខិតខំប្រឹងប្រែងនាំមកនូវសុខសន្តិភាពសម្រាប់ជាតិកម្ពុជា។ «កាន់តែសំខាន់បំផុតគឺជាការក្រើនរំលឹក និងបំផុ​ស​ស្មារតី​ដល់​ខ្មែរ​ជំនាន់​ក្រោយ​បាន​ជ្រួត​ជ្រាប​ពី​គុណ​តម្លៃ​នៃ​សុខសន្តិភាព និងត្រូវរួមគ្នា​ថែ​រក្សា​ឱ្យ​បាន​នូវ​សុខ​សន្តិភាព​ដោយ​មិន​ត្រូវ​ឱ្យ​បាត់​បង់​ពី​ជាតិ​កម្ពុជា​ជា​ដាច់ខាត»។តាមអនុក្រឹត្យរបស់រាជរដ្ឋាភិបាលកម្ពុជា នាថ្ងៃទី១ ខែមករា ឆ្នាំ២០២៤នេះ បាន​លើក​ឡើង​ផង​ដែរ​ថា «ទិវាសន្តិភាពនៅកម្ពុជា»នេះ ត្រូវបានកំណត់ជាថ្ងៃឈប់ សម្រាកជាសាធារណៈ ហើយ​គ្រប់​ក្រសួង ស្ថាប័នរដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិ និងវិស័យឯកជន ត្រូវ​ចូល​រួម​បំផុសស្មារតីប្រជាជនកម្ពុជាឲ្យយល់ដឹងអំពីគុណតម្លៃនៃសន្តិភាព លើក​កម្ពស់​វប្បធម៌​សន្តិភាព និងរួមគ្នាថែរក្សាការពារសន្តិភាពនៅកម្ពុជាឲ្យបានគង់វង្សជារៀងរហូងផងដែរ។ក្នុងនាមកងកម្លាំងមួយរូប និងតំណាងឲ្យបញ្ជាការកងទ័ពជើងទឹក និងជាអគ្គលេខាធិការ នៃ​គណៈកម្មាធិការ​ជាតិសន្តិសុខលម្ហសមុទ្រ ឧត្តមនាវីឯក ទៀ សុខា បានគាំទ្រពេញទំហឹង​ចំពោះ​ទិវា​ដ៏​មានសារៈសំខាន់ចំ ពោះជាតិ និងប្រជាជនខ្មែរគ្រប់រូបគប្បីត្រូវចងចាំ និងគោរពតាម៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

លោកPutin និយាយបង្ហើបពី«កិច្ចព្រមព្រៀង»ប៉ុន្តែលោកTrumpថា«គ្មានកិច្ចព្រមព្រៀងទេ រង់ចាំរហូតដល់មានកិច្ចព្រមព្រៀង»
08/16/2025 09:08 AM
Facebook Telegram Linkin
លោកTrump៖ គ្មានកិច្ចព្រមព្រៀងណាមួយត្រូវបានឈានដល់ជាមួយលោកPutin ជុំវិញការបញ្ចប់សង្គ្រាមនៅអ៊ុយក្រែនឡើយ
08/16/2025 09:08 AM
Facebook Telegram Linkin
រដ្ឋមន្ត្រីស្តីទីក្រសួងការបរទេសធ្វើបទបង្ហាញអំពីការវិវត្តថ្មីៗនៃសភាពការណ៍ព្រំដែនកម្ពុជា-ថៃ ដល់សមាជិកអង្គទូតបរទេស និងទីភ្នាក់ងារ UN ប្រចាំកម្ពុជា
08/16/2025 09:08 AM
Facebook Telegram Linkin
[BREAKING NEWS] លោក Trump និងលោក Putin ធ្វើសន្និសីទសារព័ត៌មានរួមគ្នានៅអាឡាស្កា ក្រោយជំនួបទល់មុខគ្នា
08/16/2025 06:08 AM
Facebook Telegram Linkin
[BREAKING NEWS] លោក Trump និងលោក Putin បានបញ្ចប់កិច្ចប្រជុំដែលចាប់ផ្តើមដោយការចាប់ដៃគ្នាយ៉ាងកក់ក្តៅ ផ្ដោតលើសង្គ្រាមដ៏បង្ហូរឈាមនៅក្នុងប្រទេសអ៊ុយក្រែន
08/16/2025 05:08 AM
Facebook Telegram Linkin
ឯកឧត្ដមរដ្ឋមន្ត្រី ជា វ៉ាន់ដេត អញ្ជើញជាចូលរួមកម្មវិធីជាមួយវិស័យឯកជននិងទីភ្នាក់ងារជំនាញនៃប្រទេសម៉ាឡេស៊ី
08/15/2025 10:08 PM
Facebook Telegram Linkin
បុរសប៉ាឡេស្ទីនជម្លៀសខ្លួនពិបាកស្វែងរកស្បៀងអាហារសម្រាប់ក្រុមគ្រួសាររបស់លោកនៅតំបន់ហ្កាហ្សា
08/15/2025 08:08 PM
Facebook Telegram Linkin
លោក Trump៖ អ៊ុយក្រែន គឺជាអ្នកសម្រេចដោយផ្ទាល់ ជុំវិញការដោះដូរដែនដី
08/15/2025 08:08 PM
Facebook Telegram Linkin
អេស្ប៉ាញទទួលបានយន្តហោះទម្លាក់ទឹក Canadair ចំនួន ២គ្រឿងពីបារាំង ដើម្បីជួយពន្លត់ភ្លើងឆេះព្រៃ
08/15/2025 08:08 PM
Facebook Telegram Linkin
នគរបាល៖ មនុស្ស ២នាក់ រងរបួសនៅក្នុងហេតុការណ៍បាញ់ប្រហារ ក្បែរវិហារឥស្លាម នៅស៊ុយអែត
08/15/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.