នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

សម្តេចតេជោ៖ អ្វីដែលយើងបាននិងកំពុងធ្វើគឺដើរត្រូវទិសហើយ

2023/06/30 09:46:01 am        119
Facebook Telegram Linkin
ពោធិ៍សាត់៖ ក្នុងពិធីចុះជួបសំណេះសំណាលជាមួយកម្មករ-កម្មការិនីសរុបប្រមាណ ៦៨៦៨នាក់ មកពីរោងចក្រ សហគ្រាស ចំនួន១០ ក្នុងខេត្តពោធិ៍សាត់​ នៅព្រឹកថ្ងៃទី៣០ខែមិថុនានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញនូវមោទកភាពថា អ្វីដែលយើងបាននិងកំពុងធ្វើសព្វថ្ងៃនេះ គឺដើរត្រូវទិសហើយ។សម្តេចតេជោ ហ៊ុន សែន ប្រមុខរាជរដ្ឋាភិបាល បានគូសបញ្ជាក់បែបនេះ ដោយផ្អែកលើការ​ស្ទង់មតិ​របស់ជន បរទេសដែលសម្តេច​បានជួលដោយស្ងាត់ៗ​ដើម្បីចង់ដឹងអំពីអ្វីដែលធ្វើត្រូវ​និងអ្វីដែល​នៅខ្វះចន្លោះ។អំពីការស្ទង់មតិនេះសម្ដេចតេជោ មានប្រសាសន៍បន្តថា ​ទោះជាយ៉ាងណា លទ្ធផលនេះឱ្យឃើញ​តែ​មនុស្សប៉ុន្មាននាក់ទេ​ រួចហើយរកវិធី ​កែសម្រួលដោយស្ងាត់ៗ រាប់ទាំងការស្ទង់មតិទៅ​លើ​បុគ្គលម្នាក់ៗ តែម្តង នៃបក្សនយោបាយនានា រួមទាំង នៅក្នុងបក្សប្រជាជនផងដែរ ហើយ តាម​រយៈនៃការស្ទង់មតិនេះ ក៏បានរកឃើញថា អ្នកដែលបានបោះឆ្នោតឲ្យសម្ដេចភាគ​ច្រើន​ស្ត្រី មានច្រើនជាងបុរស​ដែលសំឡេងគាំទ្របែបនេះ មានជាច្រើនឆ្នាំមកហើយៗ​តាមរយៈការរក​ឃើញលទ្ធផល ​នៃចំណុចវិជ្ជមាន ​និងអវិជ្ជមានមួយចំនួនបាន​ជា​រាជរដ្ឋាភិបាល ​ក៏ដូចជាខាង​គណបក្សបាន​បញ្ជូន​មន្ត្រី​ឱ្យទៅជួយមូលដ្ឋាន៕

ឯកឧត្តម វេង សាខុន៖ សម្តេចតេជោ ហ៊ុន សែន តែងគិតគូរពីជីវភាព និងស្ថានភាពរស់នៅរបស់អតីតយុទ្ធជន និងគ្រួសារអតីតយុទ្ធជនពលី

2023/06/30 09:43:19 am        132
Facebook Telegram Linkin
ត្បូងឃ្មុំ៖ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្ត​កំពង់ចាម បានអញ្ជើញជាអធិបតីភាពក្នុងពិធីសំណេះសំណាល និងបំពាក់គ្រឿងឥស្សរិយយសមេដាយការពារជាតិជូនដល់អតីតយុទ្ធជន និងគ្រួសារអតីតយុទ្ធជនពលី នៅស្នាក់ការគណបក្សស្រុកតំបែរ ខេត្តត្បូងឃ្មុំ នៅព្រឹកថ្ងៃទី៣០ ខែមិថុនា ឆ្នាំ២០២៣នេះ។មានប្រសាសន៍ទៅកាន់បងប្អូនជាអតីតយុទ្ធជន និងគ្រួសារជនពលីចំនួន ២០៩នាក់ នាព្រឹកនេះ ឯកឧត្តម វេង សាខុន បានពាំនាំនូវបណ្តាំផ្ញើសាកសួរសុខទុក្ខ និងក្តីនឹករលឹកបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងតែគិតគូរ បារម្ភអំពីជីវភាព និងស្ថានភាពរស់នៅរបស់ប្រជាពលរដ្ឋយើង ជាពិសេសបងប្អូនយើងដែលជាអតីតយុទ្ធជន និងគ្រួសារអតីតយុទ្ធជនពលីក្នុងបុព្វហេតុជាតិយើង។ឯកឧត្តមបានបញ្ជាក់ថា ដើម្បីបុព្វហេតុរំដោះជាតិ ការពារជាតិ ការពារអាយុជីវិតប្រជាជនយើង អតីតយុទ្ធជនយើងទាំងអស់បានចូលរួមជាមួយសម្តេចតេជោ ធ្វើការលះបង់គ្រប់បែបយ៉ាង និងពលីកម្មយ៉ាងធំធេងបំផុត បូជាសាច់ស្រស់ឈាមស្រស់ លូនក្រាបលើសមរភូមិទាំងថ្ងៃទាំងយប់ ក្រោមភ្លៀង ផ្គរ រន្ទះ ក្តៅរងារ ពលីជីវិត ដោយឥតរារែកនោះឡើយ។យើងទាំងអស់គ្នាធ្លាប់បានឆ្លងកាត់នូវសោកនាដកម្មនៃរបបប្រល័យពូជសាសន៍ និងភ្លើងសង្រ្គាមដែលបានធ្វើឱ្យប្រទេសយើងប្រេះបាក់បែក ប្រជាជនយើងពោរពេញទៅដោយទឹកភ្នែក ព្រាត់ប្រាសក្រុមគ្រួសារ ជីវភាពខ្វះខាត និងខ្វះស្បៀងអាហារសម្រាប់បរិភោគ ហើយបងប្អូនអតីតយុទ្ធជនយើងខ្លះបានស្លាប់ ខ្លះទៀតក៏បានរួចផុតពីក្ដីស្លាប់ តែក៏ត្រូវធ្លាក់ខ្លួនពិការភាពដល់សព្វថ្ងៃនេះ។ ដូច្នេះ ដើម្បីបញ្ចៀសសោកនាដកម្មនេះកុំឱ្យកើតមានឡើងមកវិញ យើងទាំងអស់គ្នាត្រូវខិតខំប្រឹងប្រែងរួមគ្នាថែរក្សាសុខសន្តិភាព ស្ថេរភាពសង្គមនេះឱ្យបានគង់វង្សដូចបច្ចុប្បន្ននេះ យើងទាំងអស់គ្នាត្រូវបន្តរួមដំណើរជាមួយសម្តេចតេជោ តាមរយៈការបោះឆ្នោតគាំទ្រសម្តេចតេជោ ជានាយករដ្ឋមន្ត្រី និងគណបក្សប្រជាជនកម្ពុជា លេខរៀងទី១៨ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះកុំអាក់ខានឱ្យសោះ។ ក្នុងឱកាសនេះផងដែរ ឯកឧត្តមក៏បាននាំយកអំណោយដ៏ថ្លៃថ្លាជាថវិការបស់សម្តេចតេជោ និងសម្តេចកិត្តិព្រឹទ្ធបណ្ឌិត មកជូនបងប្អូនអតីតយុទ្ធជន និងគ្រួសារជនពលីចំនួន ២០៩នាក់ ដោយក្នុងម្នាក់ៗទទួលបាន ៥ម៉ឺនរៀល ស្មើៗគ្នា៕

សម្តេចតេជោ ហ៊ុន សែន ប្រកាសថាឆ្នាំនេះ នឹងប្រារព្ធពិធីបុណ្យអុំទូក និងបុណ្យឯករាជ្យជាតិទ្រង់ទ្រាយធំ

2023/06/30 09:36:10 am        239
Facebook Telegram Linkin
ពោធិ៍សាត់៖ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា នៅក្នុងឆ្នាំ២០២៣នេះ រាជរដ្ឋាភិបាលនឹងរៀបចំព្រះរាជពិធីបុណ្យអុំទូក បណ្ដែតប្រទីប និងអកអំបុក ព្រមទាំងបុណ្យឯករាជ្យជាតិ ឲ្យមានលក្ខណៈទ្រង់ទ្រាយធំ បន្ទាប់ពីអាក់ខានប៉ុន្មានឆ្នាំចុងក្រោយនេះ ដោយសារជាប់​កាតព្វកិច្ច​ផ្សេងៗ និង​បញ្ហានៃការរីករាលដាលនូវជំងឺកូវីដ១៩ជាដើម។សម្តេចតេជោ ហ៊ុន សែន បានបញ្ជាក់ថា ឆ្នាំ្ននេះនឹងត្រូវធ្វើបុណ្យអុំទូកធំនៅរាជធានីភ្នំពេញ រាប់ទាំងបុណ្យឯករាជ្យជាតិផង ពីព្រោះជាខួប៧០ឆ្នាំនៃបុណ្យឯករាជ្យជាតិខ្មែរ។ការប្រកាសរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានេះ គឺបានធ្វើឡើង នៅក្នុង​ឱកាសអញ្ជើញចុះជួបសំណេះសំណាលជាមួយកម្មករនិយោជិតតាមរោងចក្រសហគ្រាសនានា នៅស្រុកក្រគរ ខេត្តពោធិ៍សាត់ នាព្រឹកថ្ងៃទី៣០ ខែមិថុនា ឆ្នាំ២០២៣នេះ៕អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ក្នុងឱកាសអញ្ជើញចុះជួបសំណេះសំណាលជាមួយកម្មករ-កម្មការិនីក្នុងខេត្តពោធិ៍សាត់

2023/06/30 07:29:02 am        468
Facebook Telegram Linkin
ពោធិ៍សាត់៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៣០ ខែមិថុនា ឆ្នាំ២០២៣​ នេះ បន្ដ អញ្ជើញចុះជួបសំណេះសំណាលជាមួយកម្មករ-កម្មការិនីសរុបប្រមាណ ៦៨៦៨នាក់ មកពីរោងចក្រ សហគ្រាស ចំនួន១០ ក្នុងខេត្តពោធិ៍សាត់។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បានប្រកាសជម្រើសយកអាខោនTiktok ណាដែលប្រើប្រាស់រូប និងឈ្មោះសម្តេច មានចំនួនអ្នកFollowsច្រើនជាងគេមកប្រើប្រាស់អាខោនTiktokផ្លូវការរបស់សម្តេចតែម្តង ខណៈដែលសម្តេចបានលុបអាខោន Facebookជាផ្លូវការ នៅរាត្រីថ្ងៃទី២៩ ខែមិថុនា ឆ្នាំ២០២៣។សម្តេចតេជោ ហ៊ុន សែន បានប្រកាសដល់ក្រុមចង្រៃនៅក្រៅស្រុក ដែលសប្បាយអរ ចំពោះការលុបចោលអាខោនfacebookផ្លូវការរបស់សម្តេច ដោយសម្តេចខ្លួនឯងផ្ទាល់ ដោយសម្តេចបានព្រមានកាត់ផ្តាច់ទំនាក់ទំនងបណ្តាញសង្គមនេះនៅកម្ពុជាតែម្តង ប្រសិនបើពួកប្រឆាំងនៅផ្គើនព្រហើន ។ទោះជាយ៉ាងណា សម្តេចមិន ចង់ឲ្យមានផលប៉ះពាល់ដល់ការប្រើប្រាស់របស់បងប្អូនប្រជាពលរដ្ឋឡើយ។សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋនាំគ្នា download អាខោន tiktok និងបណ្តាញសង្គមផ្សេងៗទៀត ប្រសិនបើមានការគំរាមកំហែង ឬចេតនាណាមួយ ពាក់ព័ន្ធផលលំបាក នៃការប្រើប្រាស់បណ្តាញសង្គមFacebook ដែលជាបណ្តាញមានហានិភ័យខ្ពស់ និងពិបាកក្នុងការគ្រប់គ្រង ការពារ ថែរក្សា។សម្តេចតេជោ ហ៊ុន សែន បានប្រកាសអបអរសាទរ និងថ្លែងអំណរគុណយ៉ាងជ្រៀលជ្រៅ ដល់ប្រជាពលរដ្ឋខេត្តពោធិ៍សាត់ ដែលតែងមានភក្តីភាព ដោយបោះឆ្នោតគាំទ្រគណបក្សប្រជាជនកម្ពុជាគ្រប់ការបោះឆ្នោតទាំងអស់ ឈ្នះភ្លូកទឹកភ្លូកដី។សម្តេចតេជោ ហ៊ុន សែន បានប្រកាសអំពាវនាវឱ្យរួមគ្នាខិតខំរក្សានូវសន្ដិភាព និងស្ថិរភាពនយោបាយ ដើម្បីបង្កើនការអភិវឌ្ឍ និងវិនិយោគនៅកម្ពុជា ស្របតាមគោលនយោបាយ រក្សាចាស់ បង្កើនថ្មីលើការទាក់ទាញវិនិយោគិនមកកាន់កម្ពុជា។សម្តេចតេជោ ហ៊ុន សែន បានប្រកាសថា យោងតាមលទ្ធផលស្ទង់មតិគ្រប់ការបោះឆ្នោតទាំងអស់ មានស្ត្រីច្រើនជាងបុរស បានបោះឆ្នោតគាំទ្រគណបក្សប្រជាជនកម្ពុជា ដែលមានសម្តេចជាប្រធានគណបក្ស។សម្តេចតេជោ ហ៊ុន សែន បញ្ជាក់ថា កម្ពុជាកំពុងដើរនៅលើផ្លូវត្រូវ ក្នុងការដឹកនាំប្រទេសជាតិ ជាពិសេសលើការអភិវឌ្ឍ និងការថែរក្សាសុខសន្ដិភាព និងស្ថិរភាពនយោបាយ ខណៈសម្ដេចក៏បានជួលអ្នកជំនាញបរទេសធ្វើការសិក្សាជាសម្ងាត់ វិភាគលើការងារសំខាន់របស់កម្ពុជា និងស្វែងរកបញ្ហាមកធ្វើការដោះស្រាយផងដែរ។សម្តេចតេជោ ហ៊ុន សែន ប្រកាសឱ្យទូតកម្ពុជាទាំងអស់ ប្រចាំនៅតាមបណ្ដាប្រទេសផ្សេងៗ ត្រូវចេះធ្វើសេដ្ឋកិច្ច។ បើមិនចេះធ្វើ សេដ្ឋកិច្ច គឺមិនអនុញ្ញាតឱ្យធ្វើជាតំណាងរបស់កម្ពុជា ប្រចាំនៅតាមបណ្ដាប្រទេសទាំងឡើយ។សម្តេចតេជោ ហ៊ុន សែន បន្តអំពាវនាវឱ្យរួមគ្នាថែរក្សាសន្ដិភាពរបស់កម្ពុជា ទោះក្នុងតម្លៃណាក៏ដោយ ដោយមិនទុកឱ្យអានុភាពប្រទេសណាមួយមកមកបំផ្លាញសន្ដិភាពរបស់កម្ពុជានោះទេ។សម្តេចបញ្ជាក់ថា «បើការពារសន្ដិភាពមិនបាន កុំនិយាយទៅដល់ការអភិវឌ្ឍ ប៉ុន្ដែគួរនិយាយពីការត្រៀមរបួស ត្រៀមស្លាប់ និងត្រៀមភ្លើងឆេះផ្ទះទៅវិញ»។សម្តេចតេជោ ហ៊ុន សែន ថ្លែងថា បញ្ហាបាតុកម្មទាមទារប្រាក់ខែ មិនមែនជារឿងព្រួយបារម្ភចំពោះកម្មករនិយោជិតទៀតនោះទេ ប៉ុន្ដែអ្វីដែលត្រូវគិតគូគឺរដ្ឋបាលក្នុងរោងចក្រ និងអាជ្ញាធរត្រូវគោរពសិទ្ធិកម្មករ។«បើសិនមានបញ្ហាអ្វីកើតឡើងផ្នែករដ្ឋបាល និងអាជ្ញាធរត្រូវរួមគ្នាដោះស្រាយឱ្យបានឆាប់កុំទៅពឹងពាក់សហជីពឱ្យសោះ»។សម្តេចតេជោ ហ៊ុន សែន ប្រកាសថា ឆ្នាំនេះរាជរដ្ឋាភិបាលនឹងចាត់តាំងរៀបចំព្រះរាជពិធីបុណ្យអុំទូក បណ្តែតប្រទីប អកអំបុក សំពះព្រះខែ ដ៏ធំនៅទីក្រុងភ្នំពេញ ក្រៅពីនេះក៏នឹងរៀបចំព្រះរាជពិធីបុណ្យឯករាជ្យជាតិដ៏ធំផងដែរ។សម្តេចតេជោ ហ៊ុន សែន បានថ្លែងណរគុណដល់ម្ចាស់រោងចក្រដែលផ្ដល់ការងារដល់កម្មករកម្មការិនី មានពិការភាពចូលធ្វើការហើយផ្ដល់ការអនុគ្រោះឱ្យចេញពីធ្វើការមុនម៉ោងដូចស្រ្ដីមានផ្ទៃពោះថែមទៀត។ ខណៈរាជដ្ឋាភិបាលបានលើកទឹកចិត្តដល់រោងចក្រសហគ្រាស និងក្រុមហ៊ុនផ្ដល់ការងារដល់ជនមានពិការភាពចំនួន ២ ភាគរយនៃចំនួនកម្មករនិយោជិតសរុបទាំអស់។សម្តេចតេជោ ហ៊ុន សែន បញ្ជាក់ថា សម្ដេចបានចុះហត្ថលេខាលើអនុក្រឹត្យរួចហើយ ចំពោះការដំឡើងការឧបត្ថម្ភសាច់ប្រាក់ដល់ស្រ្ដីមានផ្ទៃពោះ តាមរយៈការអនុវត្តកម្មវិធីឧបត្ថម្ភសាច់ប្រាក់បន្ថែមទៀតជូនស្រ្ដីមានផ្ទៃពោះ និងកូនមានអាយុ ២ ឆ្នាំ ដែលនេះជាគោលនយោបាយគាំពារសង្គមរបស់រាជរដ្ឋាភិបាលចំពោះប្រជាពលរដ្ឋជាស្រ្ដី។សម្តេចតេជោ ហ៊ុន សែន៖«ខ្ញុំសូមបញ្ជាក់ខ្ញុំមិនឱ្យប្រទេសកម្ពុជាខូចខាតដោយសារកូនខ្ញុំទេ ប៉ុន្ដែខ្ញុំនឹងឱ្យកូនខ្ញុំធ្វើការអភិវឌ្ឍកម្ពុជាលើសខ្ញុំ»។សម្តេចតេជោ ហ៊ុន សែន ប្រកាសថា បើមាននរណាបង្កើតគណនីហ្វេសប៊ុកដាក់ឈ្មោះសម្ដេច គឺជាគណនីក្លែងក្លាយទាំងអស់ ខណៈសម្ដេចបានសម្រេចលុបចោលគណនីហ្វេសប៊ុក ឈប់ប្រើប្រាស់ជាផ្លូវការតាំងពីថ្ងៃទី ២៩ ខែមិថុនា ឆ្នាំ ២០២៣នេះ។

សម្តេចតេជោ ហ៊ុន សែន បន្ដអញ្ជើញចុះជួបសំណេះសំណាលជាមួយកម្មករ-កម្មការិនីប្រមាណ ៦៨៦៨នាក់ ក្នុងខេត្តពោធិ៍សាត់

2023/06/30 06:52:19 am        186
Facebook Telegram Linkin
ពោធិ៍សាត់៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៣០ ខែមិថុនា ឆ្នាំ២០២៣​ នេះ បន្ដ អញ្ជើញចុះជួបសំណេះសំណាលជាមួយកម្មករ-កម្មការិនីសរុបប្រមាណ ៦៨៦៨នាក់ មកពីរោងចក្រ សហគ្រាស ចំនួន១០ ក្នុងខេត្តពោធិ៍សាត់។

ស្ពានបេតុងប្រវែង១៤៤ម៉ែត្រ ជាចំណងដៃរបស់សម្តេចតេជោ ផ្ដល់ជូនប្រជាពលរដ្ឋ​ខេត្តព្រះវិហារ ត្រូវបានសម្ពោធដាក់ឱ្យប្រើប្រាស់ជាផ្លូវការ

2023/06/29 03:07:13 pm        258
Facebook Telegram Linkin
ព្រះវិហារ៖ នៅព្រឹកថ្ងៃទី២៩ ខែមិថុនានេះ ឯកឧត្តម មាស សុភា ទេសរដ្ឋមន្ត្រី​រដ្ឋមន្ត្រី​ទទួល​បន្ទុក​កិច្ចការពិសេស​ និងជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី បាន​អញ្ជើញ​សម្ពោធដាក់ឱ្យប្រើប្រាស់ជាផ្លូវការ​ស្ពានបេតុងមានប្រវែង១៤៤ម៉ែត្រ ជាអំណោយដ៏ថ្លៃថ្លា​របស់សម្តេចតេជោ ហ៊ុន សែន នាយករដ្ឋមន្ដ្រី នៃកម្ពុជា សម្រាប់ជាចំណងដៃសម្រាប់​ប្រជាជនខេត្ត​ព្រះវិហារ ។ឯកឧត្តម គីម រិទ្ធី អភិបាលខេត្តព្រះវិហារ បានឱ្យដឹងថា ស្ពាននេះជា​សមិទ្ធផលថ្មី​របស់​ផ្តល់ជូនដល់​ប្រជាពលរដ្ឋ​នៅក្នុងខេត្តព្រះវិហារ ​និង​ជា​ចំណង​ដៃថ្មី ​សម្រាប់​ប្រយោជន៍​រួម​ និង​បញ្ជាក់ឱ្យ​ឃើញ​ថា រាជ​រដ្ឋាភិបាល​បាន​យកចិត្តទុកដាក់ខ្ពស់​សម្រាប់ប្រជាជននៅ​តាម​ទី​ជនបទ ​ពិសេស​ប្រជាជន​នៅ​ក្នុង​ខេត្តព្រះវិហារ ​ដើម្បី​សម្រួល​ដល់ការដឹកជញ្ជូន​កសិផល​នានា​មក​កាន់​ទីផ្សារ​បាន​យ៉ាង​ឆាប់​រហ័ស។ក្នុងឱកាសនោះ ​ឯកឧត្តម មាស សុភា បាន​ថ្លែង​ការ​កោត​សរសើរ​ដល់​អាជ្ញាធរ​ដែនដី​ដែល​បាន​ជួយ​សម្រួល​ដល់ការសាងសង់ស្ពាននេះ​ទទួលបាន​ជោគជ័យ​ និង​បាន​ពាំនាំ​ប្រសាសន៍​ផ្ដាំផ្ញើ​សាកសួរ​សុខទុក្ខ​ពី​សំណាក់​សម្តេចតេជោ ​និងសម្តេចកិត្ដិព្រឹទ្ធបណ្ឌិត ​ជូន​ចំពោះប្រជាពលរដ្ឋ នៅទូទាំង​ខេត្តព្រះវិហារ។ឯកឧត្តម មាស សុភា បានបន្ថែមថា សម្តេចតេជោ បាន​ផ្តល់​អាទិភាព៤យ៉ាងជាសំខាន់ ក្នុងការ​ដឹកនាំ​កសាង និងអភិវឌ្ឍន៍​ជូនប្រទេសជាតិទី១,ផ្លូវគមនាគមន៍​ មាន​ផ្លូវស្ពាន​ចាប់តាំង​ពី​ទី​ក្រុងរហូត​ដល់ជនបទ ទី២,ភ្លើង កាលពីដើមប្រជាពលរដ្ឋ​នៅតាមទីជនបទ ប្រើ​កន្លុះ​ និង​ចង្កៀង​ប្រេងកាត ​ចុះពេលនេះ ​មាន​ភ្លើង​អគ្គិសនី​ប្រើ​ដល់​ជនបទទី៣,វិស័យ​ទឹកស្អាត ​ពី​ដើម​ភូមិនីមួយៗ​មានតែ​អណ្តូងដៃ ​តែ​ពេលនេះ​ ទឹកស្អាត​តបណ្តាញ​ដល់​ទីជនបទ​ យើង​មាន​អាង​ធំៗ​ស្តុក​ទឹកទុក​ស្រោច​ស្រព​ដំណាំ​អាច​ធ្វើស្រូវបាន២ ដងក្នុង១ឆ្នាំ និងទី៤,វិស័យ​ធនធានមនុស្ស​ពី​ដើម​សាលារៀន មានតែ​នៅ​តាម​ក្រុងស្រុក ​ពេលនេះ​វិទ្យាល័យ អនុវិទ្យាល័យ​ចូល​ដល់​ឃុំ​សង្កាត់​ហើយ ​ប្រទេស​ជឿន​លឿន​ទៅ​បាន​អាស្រ័យ​លើ​ធនធានមនុស្ស។ឯកឧត្តម មាស សុភា បាន​អំពាវនាវ​ដល់​ប្រជាជន​នៅទូទាំងខេត្តព្រះវិហារ ​សូម​អញ្ជើញ​ទៅ​បោះឆ្នោត​នៅថ្ងៃទី២៣ខែក្រោយនេះ ​ដើម្បី​ជ្រើសរើស​ថ្នាក់​ដឹកនាំ​ដែល​បាន​ជួយ​ដល់​ការ​កសាងប្រទេសជាតិឱ្យ​មាន​ការរីកចម្រើន​ពិសេស​ថ្នាក់​ដឹកនាំ​ដែល​កំពុង​បំរើ​ផលប្រយោជន៍​របស់​បងប្អូន​ប្រជាពលរដ្ឋយើង៕ 

អ្នកគោរពបូជា ប្រារព្ធពិធីយាងត្រឡប់មកវិញរបស់ទេវ:ហិណ្ឌូ ខណៈដែលពិធីបុណ្យរាជរថបញ្ចប់នៅឥណ្ឌា

2023/06/29 02:32:57 pm        138
Facebook Telegram Linkin
ឥណ្ឌា៖ កាលពីថ្ងៃពុធម្សិលមិញ ក្រុមហិណ្ឌូសាសនិក បានជួបជុំគ្នានៅទីក្រុងប្រាសាទភាគខាងកើត Puriរបស់ប្រទេសឥណ្ឌាដើម្បីមើលស្តេចចក្រវាឡហិណ្ឌូចាកានាថ Jagannath ពេលដែលព្រះអង្គ ត្រូវបានគេនាំយកមកកាន់ប្រាសាទធំវិញ ក្រោយរយៈពេល៨ថ្ងៃ ។  ពិធីបុណ្យនេះ ធ្វើឡើងដើម្បីរំឭកការយាងដំណើរប្រចាំឆ្នាំរបស់ព្រះទេវ: តាមក្បួនរាជរថតុបតែងយ៉ាងស្អាត និងជាពិសេស ទៅកាន់ប្រាសាទ Gundichaដែលស្ថិតនៅចម្ងាយ ២គ.មពីប្រាសាទធំ Puri Jagannath ។  ក្រុមអ្នកគោរពបូជា និងក្រុមអ្នកបួស បានទាញព្រះរាជរថរបស់ស្តេចចក្រវាឡJagannath ព្រះឣនុជ Balabhadra (ព:ល:ភក្ត្រា) និង ព្រះភគិនីរបស់ព្រះអង្គគឺព្រះនាងសុភក្ត្រា ពេលដែលពួកគេរាំគោរព ដើម្បីជាកិច្ចបញ្ចប់ពិធីបុណ្យធំ  គួរឲ្យដឹងថា ពិធីបុណ្យព្រះរាជរថ ឬ 'រថយាត្រាចាប់ផ្តើមជារៀងរាល់ឆ្នាំជាមួយពិធីបុណ្យ'បុណ្ណមីយាត្រា' ឬបុណ្យស្រង់ទឹក ជាទីដែលបណ្តាឣង្គទេវ:ស្រង់ទឹក១០៨ក្អម ក្រោយពេលដែលទេវ:មួយឣង្គគង់នៅអង្គឯងរយៈពេល២សប្តាហ៍ ពេលដែលគេមានជំនឿថា ស្តេចចក្រវាឡ ចាកានាថ (Jagannath) ទ្រង់ប្រឈួន។ ពេលពិធីចប់ ទេវ:ទាំង៣អង្គ ត្រូវបានយកចេញពីរាជរថ ៕

សម្តេចតេជោ ប្រកាសឧបត្ថម្ភដល់មន្រ្ដីរាជការ កម្មសិក្សា និងជាប់កិច្ចសន្យា ដូចកម្មការិនីមានផ្ទៃពោះដែរ

2023/06/29 01:54:59 pm        217
Facebook Telegram Linkin
កណ្ដាល៖ សម្ដេចតេជោ ហ៊ុន សែន បានប្រកាសផ្ដល់ការឧបត្ថម្ភដល់ស្ត្រីជាមន្ត្រីរាជការ កម្មសិក្សា និងជាប់កិច្ច សន្យា ដែលមានផ្ទៃពោះ ឱ្យទទួលបានអត្ថប្រយោជន៍ដូចកម្មការីមានផ្ទៃពោះដែរ ខណៈដែលអត្ថប្រយោជន៍បន្ថែម ពីគោលនយោបាយគាំពារសង្គមមដល់ស្ត្រីមានផ្ទៃពោះ នឹងអនុវត្តពីថ្ងៃទី១ ខែសីហា ឆ្នាំ២០២៣។សម្តេចតេជោ ហ៊ុន សែន ក្នុងពេលថ្លែងសំណេះសំណាលជាមួយកម្មករ ​កម្មការិនី ជិត២ម៉ឺននាក់ ក្នុងស្រុកអង្គស្នួល ​ខេត្តកណ្តាល ​នៅព្រឹកថ្ងៃទី២៩ ខែមិថុនានេះ បានថ្លែងបង្ហើបឱ្យដឹងថា តាមការប៉ាន់ស្មាន ការចំណាយក្នុងជួរមន្ត្រីរាជការ កងកម្លាំង ក្នុងមួយឆ្នាំអស់ថវិកាតែប្រមាណជាង ៣លានដុល្លារប៉ុណ្ណោះ ដែលមិនច្រើនពេកនោះទេ​ ដែលបើប្រៀបជាមួយកម្មការិនី និងពលរដ្ឋក្រីក្រវិញ គឺនៅទាបជាង។ សម្ដេចតេជោ ហ៊ុន សែន ​ក៏កំពុងគិតគូរផ្ដល់ការឧបត្ថម្ភដល់ស្រ្ដីមានផ្ទៃពោះជាកងទ័ព​ និងនគរបាលផងដែរ ​ប៉ុន្ដែកិច្ចការនេះនឹងត្រូវដាក់ឱ្យពិភាក្សាដោយឡែករវាងក្រសួងសេដ្ឋកិច្ច ក្រួសងការពារជាតិ ​និងក្រសួងមហាផ្ទៃ ។ គោលនយោបាយគាំពារសង្គម ត្រូវបានដាក់ចេញ​ជាបន្តបន្ទាប់ ​ដើម្បីឆ្លើយតបជាមួយនឹងសុខុមាលភាពរបស់ប្រជាជន ៕អត្ថបទ៖ មុត សុទ្ធ 

សម្តេចតេជោណែនាំឱ្យកម្មករទៅពិនិត្យព្យាបាលជំងឺនៅមន្ទីរពេទ្យតេជោសន្តិភាព ដោយមិនគិតប្រាក់

2023/06/29 01:45:08 pm        205
Facebook Telegram Linkin
កណ្ដាល៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានណែនាំដល់កម្មករកម្មការិនី​ឱ្យទៅរកសេវា សុខាភិបាលមិនគិតថ្លៃ នៅឯមន្ទីរពេទ្យតេជោសន្តិភាព និងបានអំពាវនាវដល់ប្រជាពលរដ្ឋទូទៅ ឱ្យចូលរួមប្រើប្រាស់សេវាមន្ទីរពេទ្យនេះផងដែរ ដែលកំពុងត្រូវបានសាងសង់ជិតរួចរាល់ និងបើកដំណើរការជាបណ្ដើរៗដែរហើយ ។សម្តេចតេជោ ហ៊ុន សែន ក្នុងឱកាសអញ្ជើញបន្តចុះជួបសំណេះសំណាលជាមួយកម្មករ កម្មការិនី ជិត២ម៉ឺននាក់ មកពីរោងចក្រ សហគ្រាស ចំនួន១១ ក្នុងស្រុកអង្គស្នួល ខេត្តកណ្តាល នៅព្រឹកថ្ងៃទី២៩ ខែមិថុនានេះ​ បានថ្លែងប្រាប់ទៅសាធារណជនថា ការកសាងបន្ថែមនូវមន្ទីរពេទ្យ​ខ្នាតធំ​មួយនេះឡើង ក្រោយទទួលបានបទពិសោធន៍ពីការឆ្លងរីករាលដាលនៃជំងឺកូវីដ-១៩ ដែល​ធ្វើឱ្យមានការខ្វះខាតមន្ទីរ ពេទ្យក្នុងការទទួលព្យាបាលអ្នកឆ្លងជំងឺនោះ ​កាលពីពេលនោះ ។សម្តេចតេជោ បានបញ្ជាក់ថា ម្យ៉ាងទៀត ​ការកសាងមន្ទីរពេទ្យដ៏ធំមួយនេះឡើង ​ដើម្បីពង្រីកសេវា សុខាភិបាល​ឱ្យកាន់តែទូលំទូលាយ ដែលនេះគឺជាការយកចិត្តទុកដាក់គិតគូរទៅដល់​សុខុមាលភាព​របស់ ប្រជាជន។មន្ទីរពេទ្យជាតិតេជោសន្ដិភាព ដែលមានទីតាំងស្ថិតនៅក្នុងភូមិសាស្ត្រសង្កាត់គោករកា ​ខណ្ឌព្រែក ព្នៅ ត្រូវបានបើកការដ្ឋានសាងសង់ ​កាលពីថ្ងៃទី១៤ ខែកុម្ភៈ ឆ្នាំ២០២២ ហើយមន្ទីរពេទ្យជាតិ​ដ៏ធំមួយនេះ​ គ្រោងនឹងបញ្ចប់ការសាងសង់ស្ថាពរ​ និងដាក់ឲ្យដំណើរការជាផ្លូវការ ​នៅខែមិថុនា ឆ្នាំ២០២៣ ៕អត្ថបទ៖ មុត សុទ្ធ

អ្នកវិភាគ៖ ទស្សនកិច្ចផ្លូវរដ្ឋនៅអាមេរិក ជួយលោក Modi ទទួលបានសន្ទុះ មុនការបោះឆ្នោតសកលរបស់ឥណ្ឌា នៅឆ្នាំក្រោយ

2023/06/29 01:39:15 pm        104
Facebook Telegram Linkin
ឥណ្ឌា៖ ដំណើរទស្សនកិច្ចផ្លូវរដ្ឋរបស់នាយករដ្ឋមន្ត្រីឥណ្ឌា លោក Narendra Modi ទៅកាន់សហរដ្ឋអាមេរិក កាលពីសប្តាហ៍មុន ដែលនាំឲ្យមានឱកាសវិនិយោគ កិច្ចព្រមព្រៀងការពារជាតិ និងការសន្យានៃការបង្កើតការងារថ្មីរាប់ពាន់កន្លែង ជួយឲ្យរូបលោកទទួលបាននូវសន្ទុះដ៏ខ្លាំ ងនៅមុនការបោះឆ្នោតទូទៅរបស់ប្រទេសឥណ្ឌា នាឆ្នាំក្រោយ។អ្នកសង្កេតការណ៍ជាច្រើន បានលើកឡើងថា មូលដ្ឋានគ្រឹះរបស់លោកឥឡូវនេះ ត្រូវបានពង្រឹងឡើងវិញ ដោយអ្នកគាំទ្របានសាទរ ចំពោះដំណើរទៅកាន់សហរដ្ឋអាមេរិកនេះ ដោយសារទទួលបានភាពជោគជ័យដ៏ត្រចះត្រចង់ ខណៈដែលនេះជាលើកទី១របស់លោកជាមួយនឹងឋានៈការទូតពេញលេញនៃដំណើរទស្សនកិច្ចផ្លូវរដ្ឋ។ជាក់ស្ដែង អ្នកកាសែតចាស់វស្សា លោក Nilanjan Mukhopadhay ដែលបានសរសេរសាទរជីវប្រវត្តិរបស់នាយករដ្ឋមន្ត្រីឥណ្ឌា បាននិយាយថា ព្រឹត្តិការណ៍ក្នុងពិធីនានា ដូចជាអាហារពេលល្ងាចបែបរដ្ឋ និងសុន្ទរកថារបស់លោកទៅកាន់សភាសហរដ្ឋអាមេរិក ដែលជាធម្មតាត្រូវបានបម្រុងទុកតែសម្រាប់ដៃគូជិតស្និទ្ធបំផុតរបស់សហរដ្ឋអាមេរិក បង្ហាញថា ឋានៈរបស់ប្រទេសឥណ្ឌាក្រោមការដឹកនាំរបស់លោក Modi បានឡើងខ្ពស់ដល់កម្រិតថ្មីមួយ។តែយ៉ាងណាក្ដី សំណួរពាក់ព័ន្ធនឹងសិទ្ធិជនជាតិភាគតិច និងការដើរថយក្រោយនៃលទ្ធិប្រជាធិបតេយ្យ នៅក្នុងប្រទេសដែលមានប្រជាជនច្រើនជាងគេលើពិភពលោកមួយនេះ ត្រូវបានលើកឡើងជាថ្មីម្តងទៀត ក្នុងអំឡុងដំណើរទស្សនកិច្ចរបស់លោកទៅកាន់សហរដ្ឋអាមេរិកនេះ ដោយសមាជិកសភាអាមេរិកប្រហែល ៧០នាក់ បានសរសេរលិខិតផ្ញើទៅកាន់ប្រធានាធិបតីអាមេរិក លោក Joe Biden ដែលជាការប៉ុនប៉ងដាក់សម្ពាធដល់រដ្ឋបាលរបស់លោកឲ្យលើកយកបញ្ហាសិទ្ធិមនុស្សមកជជែកជាមួយលោក Modi៕

បណ្ដាញសង្គម

ព័ត៌មានថ្មីៗ

មនុស្ស ៣នាក់ស្លាប់ នៅប្រទេសបារាំង ខណៈសីតុណ្ហភាពកើនឡើងជាង ៤០អង្សាសេ អំឡុងរលកកម្តៅនៅអឺរ៉ុប
06/22/2026 08:06 PM
Facebook Telegram Linkin
តំបន់គ្រីមៀ ផ្អាកការបោះជំរំរដូវក្តៅរបស់ក្មេងៗ ខណៈការវាយប្រហាររបស់អ៊ុយក្រែនធ្វើឲ្យជួបកង្វះខាតប្រេង
06/22/2026 08:06 PM
Facebook Telegram Linkin
អ្នកការទូតជាន់ខ្ពស់​របស់ចិន ជួបអនុប្រធានសន្តិសុខអ៊ីរ៉ង់ ក្រោយកិច្ច​​ពិភាក្សាជាមួយ​អាមេរិក នៅ​ស្វីស​
06/22/2026 08:06 PM
Facebook Telegram Linkin
វិមានក្រឹមឡាំង ចោទប្រកាន់អ៊ុយក្រែនថា បាន​គំរាមកំហែងដល់អធិបតេយ្យភាពរបស់បេឡារុស
06/22/2026 08:06 PM
Facebook Telegram Linkin
អតីតរដ្ឋមន្រ្តីដឹកជញ្ជូនអេស្ប៉ាញ ត្រូវបានកាត់ទោសឲ្យជាប់ពន្ធនាគាររយៈពេល ២៤ឆ្នាំ ក្នុងករណីពុករលួយ
06/22/2026 08:06 PM
Facebook Telegram Linkin
កងទ័ពស៊ូដង់ទទួលយកអ្នករត់ចោលជួររបស់កងកម្លាំង RSF នៅ Darfur បង្កការខឹងសម្បារនៅក្នុងចំណោមពលរដ្ឋ
06/22/2026 08:06 PM
Facebook Telegram Linkin
ទីក្រុងប៉េកាំងប្ដេជ្ញា​ពង្រឹងទំនាក់ទំនងជាមួយបង់ក្លាដែស ខណៈនាយករដ្ឋមន្ត្រីគ្រោងទស្សនកិច្ចនៅចិន
06/22/2026 07:06 PM
Facebook Telegram Linkin
ទីក្រុងមូស្គូបាញ់ទម្លាក់យានដ្រូនក្រុងគីវជាង ៨០គ្រឿង ខណៈការវាយប្រហាររុស្ស៊ីសម្លាប់មនុស្ស ៦នាក់នៅអ៊ុយក្រែន
06/22/2026 07:06 PM
Facebook Telegram Linkin
ទីភ្នាក់ងារប្រឆាំងអំពើពុករលួយម៉ាឡេស៊ី បើកការស៊ើបអង្កតករណីផ្ទេរដំរីទៅកាន់សួនសត្វជប៉ុន
06/22/2026 07:06 PM
Facebook Telegram Linkin
ប្រភព៖ ឥណ្ឌាកំពុងចរចាលក់មីស៊ីលល្បឿនលឿនជាងសំឡេង BrahMos ទៅអារ៉ាប់រួម
06/22/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.