BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

ហ្វាំងឡង់ជាប់ឈ្មោះជាប្រទេសសប្បាយរីករាយជាងគេបំផុតរបស់ពិភពលោករយៈពេល ៦ឆ្នាំជាប់ៗគ្នា

ហ្វាំងឡង់៖ ហ្វាំងឡង់នៅតែរក្សាបានតំណែងរបស់ពួកគេ ជាប្រទេសដែលមានប្រជាពលរដ្ឋមានសុភមង្គល សប្បាយរីករាយជាងគេបំផុតនៅលើពិភពលោក សម្រាប់រយៈពេល ៦ឆ្នាំជាប់ៗគ្នា។ នេះបើយោងតាមរបាយការណ៍ World Happiness Report បានបញ្ចេញឲ្យដឹងកាលពីថ្ងៃចន្ទ។ របាយការណ៍ដែលបានចងក្រងឡើងដោយក្រុមអ្នកវិទ្យាសាស្ត្រនៅសហរដ្ឋអាមេរិក និងផ្អែកលើការស្ទង់មតិដោយវិទ្យាស្ថាន Gallup ដែលបានសាកសួរប្រជាពលរដ្ឋទូទាំងប្រទេស ពីការពេញចិត្តនឹងជីវិតរស់នៅរបស់ពួកគេ។ ជាមួយនឹងហ្វាំងឡង់ ប្រទេសដាណឺម៉ាក និងអ៊ីសឡង់ស្ថិតក្នុងចំណោមប្រទេសកំពូលទាំង ៣ ដែលមានប្រជាពលរដ្ឋសប្បាយរីករាយជាងគេបំផុតនៅលើពិភពលោក។ ចំណែកឯអ៊ីស្រាអែលបានហក់ពីចំណាត់ថ្នាក់លេខ ៥ មកឈរនៅចំណាត់ថ្នាក់លេខ ៤ វិញ ក្នុងនោះប្រទេសហូឡង់ជាប់ចំណាត់ថ្នាក់លេខ ៥។ ប្រទេសផ្សេងទៀតដែលស្ថិតក្នុងចំណោមប្រទេសកំពូលទាំង ១០ ដែរនោះរួមមានប្រទេសស៊ុយអែត ន័រវ៉េស ស្វីស លុចសំបួរ និងប្រទេសនូវែលសេឡង់។ ទោះបីជាយ៉ាងណាក៏ដោយអាល្លឺម៉ង់បានធ្លាក់ ២ចំណាក់ថ្នាក់កាលពីឆ្នាំមុនមកឈរនៅចំណាត់ថ្នាក់លេខ ១៦វិញ។ ដោយឡែកសហរដ្ឋអាមេរិកឈរនៅចំណាត់ថ្នាក់លេខ ១៥, ចក្រភពអង់គ្លេសឈរនៅចំណាត់ថ្នាក់លេខ ១៩ និងបារាំងឈរនៅចំណាត់ថ្នាក់លេខ ២១។ ស្របពេលនោះដែរ អាហ្វហ្គានីស្ថាន និងលីបង់នៅតែបន្តក្លាយជាប្រទេសដែលគ្មានសុភមង្គលជាងគេបំផុតនៅលើពិភពលោក៕ អត្ថបទ៖ សារ៉ាត់

លោក Xi និងលោក Putin ជួបគ្នានៅក្រុងមូស្គូ ខណៈរុស្ស៊ីស្វាគមន៍ផែនការសន្តិភាពនៅអ៊ុយក្រែនរបស់ចិន

រុស្ស៊ី៖ ប្រធានាធិបតីចិនលោក Xi Jinping បានជួបជាមួយមិត្តជាទីស្រឡាញ់លោក Vladimir Putin នៅទីក្រុងមូស្គូកាលពីថ្ងៃចន្ទ ទី២០ ខែមីនា ដោយជំរុញចំណងមិត្តភាពសេដ្ឋកិច្ចជាមួយសម្ព័ន្ធមិត្ត ដែលលោកមើលឃើញថាជាឥទ្ធិពលដ៏ខ្លាំងក្នុងការទប់នឹងប្រទេសលោកខាងលិចផង ជំរុញតួនាទីរបស់ទីក្រុងប៉េកាំងជាអ្នកកសាងសន្តិភាពដ៏មានសក្តានុពលនៅអ៊ុយក្រែនផង។ លោក Putin និយាយថា លោកស្វាគមន៍ផែនការរបស់ទីក្រុងប៉េកាំងក្នុងការដោះស្រាយ «វិបត្តិធ្ងន់ធ្ងរ» នៅអ៊ុយក្រែន នៅពេលចាប់ផ្តើមកិច្ចពិភាក្សាជាមួយលោក Xi នៅវិមានក្រឹមឡាំង។ លោក Putin បានប្រាប់លោក Xi ដែលបានមកដល់ទីក្រុងមូស្គូកាលពីថ្ងៃចន្ទ ក្នុងការចាប់ផ្តើមដំណើរទស្សនកិច្ចផ្លូវរដ្ឋរយៈពេល ៣ថ្ងៃថា ដែលលោកបានត្រៀមខ្លួនរួចជាស្រេច ដើម្បីពិភាក្សាអំពីសំណើសន្តិភាពនៅអ៊ុយក្រែនរបស់ប្រទេសចិន។ លោក Putin បានប្រាប់លោក Xi ថា យើងតែងតែបើកចំហសម្រាប់ការចរចា។ យើងពិតជានឹងពិភាក្សាអំពីបញ្ហាទាំងអស់នេះ រួមទាំងគំនិតផ្តួចផ្តើមរបស់លោក ដែលយើងអនុវត្តដោយការគោរព។ ទីក្រុងវ៉ាស៊ីនតោនបានរិះគន់ដំណើរទស្សនកិច្ចរបស់លោក Xi ដោយនិយាយថា ពេលវេលាបង្ហាញថា ទីក្រុងប៉េកាំងកំពុងផ្តល់ឱ្យទីក្រុងមូស្គូនូវ «ការគាំទ្រផ្នែកការទូត» ដើម្បីប្រព្រឹត្តឧក្រិដ្ឋកម្មបន្ថែមទៀត។ លោក Xi ជាមេដឹកនាំដំបូងគេដែលបានជួបប្រធានាធិបតីរុស្ស៊ី ចាប់តាំងពីតុលាការព្រហ្មទណ្ឌអន្តរជាតិ (ICC) បានចេញដីកាចាប់ខ្លួនលោកកាលពីថ្ងៃសុក្រ ជុំវិញការនិរទេសកុមារអ៊ុយក្រែនទៅកាន់ប្រទេសរុស្ស៊ី ក្នុងអំឡុងពេលដែលខ្លួនបានវាយលុកលើអ៊ុយក្រែនពេញមួយឆ្នាំ។ ទីក្រុងមូស្គូនិយាយថា បទចោទប្រកាន់នេះគឺជាផ្នែកមួយនៃ «ការបង្ហាញអរិភាពយ៉ាងច្បាស់លាស់» ហើយបានបើកសំណុំរឿងព្រហ្មទណ្ឌប្រឆាំងរដ្ឋអាជ្ញា និងចៅក្រមរបស់តុលាការ ICC ។ រុស្ស៊ីកំពុងបង្ហាញពីដំណើរទស្សនកិច្ចរបស់លោក Xi ជាលើកដំបូងរបស់លោកចាប់តាំងពីទទួលបានអាណត្តិទី៣ មិនធ្លាប់មានពីមុនមកក្នុងខែនេះ ដែលជាភស្តុតាងបង្ហាញថា ខ្លួនមានមិត្តដ៏មានឥទ្ធិពលក្នុងការប្រឈមជាមួយប្រទេសលោកខាងលិចក្នុងអរិភាព។ ទីក្រុងមូស្គូបានបដិសេធការនិរទេសកុមារដោយខុសច្បាប់ពីអ៊ុយក្រែន ដោយនិយាយថា ខ្លួនបាននាំយកកុមារកំព្រាដើម្បីការពារពួកគេ៕អត្ថបទ៖ ប៊ុនថន

អាមេរិក រុស្ស៊ី និងចិនប៉ះទង្គិចគ្នានៅមហាសន្និបាតអង្គការសហប្រជាជាតិរឿងមីស៊ីលកូរ៉េខាងជើង

UN៖ កាលពីថ្ងៃចន្ទសហរដ្ឋអាមេរិកបានចោទប្រទេសចិន និងរុស្ស៊ីថា បានលើកទឹកចិត្តឲ្យកូរ៉េខាងជើងបាញ់មីស៊ីល ដោយរារាំងការឆ្លើយតបជារួមពីក្រុមប្រឹក្សាសន្តិសុខអង្គការសហប្រជាជាតិលើបញ្ហានេះ។ ឯកអគ្គរដ្ឋទូតអាមេរិកប្រចាំនៅអង្គការសហប្រជាជាតិលោកស្រី Linda Thomas-Greenfield បានរិះគន់ទីក្រុងប៉េកាំង និងទីក្រុងមូស្គូ ចំពោះការបដិសេធក្នុងការចូលរួមផ្នែកការទូតប្រកបដោយឆន្ទៈស្មោះត្រង់ និងបានចោទប្រកាន់ថា ការរារាំងរបស់ប្រទេសទាំង២ ក្នុងក្រុមប្រឹក្សានេះបានជំរុញឲ្យកូរ៉េខាងជើងបាញ់មីស៊ីលបាលីស្ទីក ដែលត្រូវបានហាមប្រាម។ កាលពីខែឧសភាឆ្នាំទៅ ប្រទេសចិន និងរុស្ស៊ីបានបោះឆ្នោតវ៉េតូលើសេចក្ដីសម្រេចដាក់ទណ្ឌកម្មថ្មីលើទីក្រុងព្យុងយ៉ាង។ ក្រុមប្រឹក្សាសន្តិសុខនេះពុំបានចេញសេចក្ដីសម្រេចណាមួយឡើយលើបញ្ហានេះ ទោះបីជាមានមីស៊ីលជាច្រើនគ្រាប់ត្រូវបានបាញ់ដោយប្រទេសកូរ៉េខាងជើង ដែលបានកើតឡើងចុងក្រោយកាលពីចុងសប្ដាហ៍នេះក៏ដោយ៕អត្ថបទ៖ សុខមាន

រដ្ឋអាជ្ញាជាន់ខ្ពស់តុលាការព្រហ្មទណ្ឌអន្តរជាតិ៖ ដីកាចាប់ខ្លួនលោក Putin បានក្លាយជាពេលវេលាសោកសៅ

អង់គ្លេស៖ រដ្ឋអាជ្ញាជាន់ខ្ពស់នៃតុលាការព្រហ្មទណ្ឌអន្តរជាតិ (ICC) បាននិយាយថា ដីកាចាប់ខ្លួនរបស់ស្ថាប័ននេះសម្រាប់ប្រធានាធិបតីរុស្ស៊ី Vladimir Putin គឺជាពេលវេលាដ៏សោកសៅជាជាងពេលវេលានៃជ័យជម្នះ។ លោក Karim Khan អំពាវនាវដល់មេដឹកនាំពិភពលោកជួយបង្កើនការផ្ដល់មូលនិធិ សម្រាប់ការស៊ើបអង្កេតរបស់ ICC ដោយព្រមានថា ទ្វារនៃឱកាសការស្វែងរកយុត្តិធម៌នៅក្នុងប្រទេសអ៊ុយក្រែនកំពុងបិទ។ រដ្ឋអាជ្ញាអង់គ្លេសរូបនេះបានប្រើសុន្ទរកថានៅព្រឹត្តិការណ៍ប្រមូលផ្ដុំក្នុងទីក្រុងឡុងដ៍ នៃបណ្ដារដ្ឋមន្ត្រីយុត្តិធម៌មកពីប្រទេសជាង៤០ ដើម្បីបង្កើនការគាំទ្រសម្រាប់កិច្ចខិតខំប្រឹងប្រែងរបស់ក្រុមចៅក្រម ក្នុងការកាត់ទោសលោក Putin ពីបទឧក្រិដ្ឋកម្មសង្គ្រាមនៅក្នុងប្រទេសអ៊ុយក្រែន។ តុលាការព្រហ្មទណ្ឌអន្តរជាតិបានចេញដីកាចាប់ខ្លួនលោក Putin និងស្នងការរបស់លោកទទួលបន្ទុកសិទ្ធិកុមារ ជុំវិញការនិរទេសកុមារអ៊ុយក្រែនដោយខុសច្បាប់ទៅកាន់រុស្ស៊ី។ ប្រទេសរុស្ស៊ីកាលពីថ្ងៃចន្ទបានឆ្លើយតបទៅនឹងចំណាត់ការនេះ ដោយបានប្រកាសពីការបើកការស៊ើបអង្កេតឧក្រិដ្ឋកម្មទៅលើលោក Khan វិញដោយនិយាយថា លោកបានចោទប្រកាន់មនុស្សម្នាក់ដែលគេដឹងថា គ្មានកំហុស និងកំពុងរៀបចំផែនការការវាយប្រហារលើតំណាងនៃរដ្ឋបរទេស ដែលទទួលបានការគាំពារជាអន្តរជាតិ៕អត្ថបទ៖ សុខមាន

សមត្ថកិច្ចបារាំងបានប្រឈមជាមួយក្រុមអ្នកតវ៉ាទៅលើកំណែទម្រង់សោធននិវត្តន៍

បារាំង៖ អ្នកតវ៉ាលើកំណែទម្រង់ប្រាក់សោធននិវត្តន៍នៅក្រុងរេននេស ភាគខាងលិចប្រទេសបារាំងកាលពីថ្ងៃចន្ទបានប្រតាយប្រតប់ជាមួយនគរបាល ខណៈពួកគេបានដុតរបាំងរាំងផ្លូវដែលធ្វើឲ្យកកស្ទះចរាចរនៅលើផ្លូវជាតិ។ នគរបាលបានបាញ់ឧស្ម័នបង្ហៀរទឹកភ្នែក និងបានរុញក្រុមអ្នកតវ៉ាឲ្យដកថយចេញពីផ្លូវ និងនៅទីវាលក្បែរៗនោះ។ ប្រទេសបារាំងត្រូវគេមើលឃើញមានរលកតវ៉ាជាច្រើនក្នុងប៉ុន្មានសប្ដាហ៍ថ្មីៗនេះ ខណៈរដ្ឋាភិបាលរបស់ប្រធានាធិបតី អេម៉ាណូអែល ម៉ាក្រុង បានបញ្ជូនរំលងការបោះឆ្នោតនៅសភាជាតិ សម្រាប់ប្រព័ន្ធសោធននិវត្ដន៍ ដែលមិនសូវមានការគាំទ្រក្នុងការដំឡើងអាយុចូលនិវត្ដន៍ចាប់ពី ៦២ឆ្នាំដល់អាយុ ៦៤ឆ្នាំ។ ភាពរំជើបរំជួលដោយហិង្សាបានផ្ទុះឡើងនៅក្នុងទីក្រុងជាច្រើន ក្នុងនោះរួមមានរដ្ឋធានីប៉ារីស ហើយក្រុមសហជីពបានប្ដេជ្ញាថានឹងបង្កើនចលនាកូដកម្ម ដែលធ្វើអោយលោក ម៉ាក្រុង ប្រឈមមុខនឹងបញ្ហាប្រឈមដ៏គ្រោះថ្នាក់ ចំពោះរដ្ឋអំណាចរបស់លោក តាំងពីមានការបះបោររបស់ក្រុម "អាវកាក់ពណ៌លឿង" កន្លងមក៕អត្ថបទ៖ ម៉ៅ មករា

លោក ពូទីន៖ រុស្ស៊ីនឹងផ្ដល់គ្រាប់ធញ្ញជាតិទៅអាហ្វ្រិកដោយមិនគិតថ្លៃ បើកិច្ចព្រមព្រៀងសមុទ្រខ្មៅត្រូវបានបន្ថែមរយៈពេល

រុស្ស៊ី៖ ប្រទេសរុស្ស៊ីកាលពីថ្ងៃចន្ទបានដាក់ចេញលក្ខខណ្ឌ សំរាប់ការយល់ព្រមឲ្យសុពលភាពបន្ដកិច្ចព្រមព្រៀងនាំចេញគ្រាប់ធញ្ញជាតិតាមសមុទ្រខ្មៅ ហើយលោកប្រធានាធិបតី វ្ល៉ាឌីមៀ ពូទីន បាននិយាយថា ក្រុងម៉ូស្គូអាចបញ្ជូនគ្រាប់ធញ្ញជាតិទៅបណ្ដាប្រទេសនៅអាហ្វ្រិកដោយមិនគិតថ្លៃ ប្រសិនបើលក្ខខណ្ឌខាងលើមិនមានឧបសគ្គ។ កិច្ចព្រមព្រៀងដែលអនុញ្ញាតឲ្យនាំចេញគ្រាប់ធញ្ញជាតិ ដោយសុវត្ថិភាពពីប្រទេសអ៊ុយក្រែន និងកំពង់ផែសមុទ្រខ្មៅរបស់រុស្ស៊ីត្រូវបានចាប់ផ្ដើមជាថ្មីកាលពីថ្ងសៅរ៍សំរាប់រយៈពេល ៦០ថ្ងៃ ដែលត្រឹមតែពាក់កណ្តាលនៃរយៈពេលទាមទារឲ្យបន្ថែម បន្ទាប់ពីក្រុងម៉ូស្គូបាននិយាយថា ការបន្ដកិច្ចព្រមព្រៀងណាមួយហួសពីថ្ងៃទី១៨ ខែឧសភា នឹងអាស្រ័យទៅលើការដកទណ្ឌកម្មចេញខ្លះរបស់បស្ចិមប្រទេស។ក្រសួងការបរទេសរុស្ស៊ីក្នុងការបង្ហោះសេចក្ដីថ្លែងការណ៍ នៅលើគេហទំព័ររបស់ខ្លួនកាលពីថ្ងៃចន្ទបានសម្រេចថា ក្រុងម៉ូស្គូបានសំរេចដាក់កម្រិតទៅលើការបន្ដកិច្ចព្រមព្រៀង ៦០ថ្ងៃជុំវិញបញ្ហាដែលខ្លួនហៅថា កង្វះភាពរីកចំរើននៅក្នុងការធ្វើឲ្យប្រក្រតីភាពឡើងវិញ នៃការនាំចេញកសិផលក្នុងស្រុក។ ដោយឡែកអ៊ុយក្រែនរួមជាមួយទួរគី និងអង្គការសហប្រជាជាតិចង់ឲ្យបន្ដកិច្ចព្រមព្រៀងនេះរយៈពេល ១២០ថ្ងៃ៕អត្ថបទ៖ ម៉ៅ មករា

ទីក្រុង Kyiv និយាយថា ចិនគួរតែដាក់សម្ពាធលើរុស្ស៊ី ដើម្បីបញ្ចប់សង្គ្រាមនៅអ៊ុយក្រែន

អ៊ុយក្រែន៖ អ្នកនាំពាក្យក្រសួងការបរទេសអ៊ុយក្រែនលោក Oleg Nikolenko បាននិយាយកាលពីថ្ងៃចន្ទថា ទីក្រុង Kyiv រំពឹងថា ប្រទេសចិននឹងប្រើឥទ្ធិពលរបស់ខ្លួនលើរុស្ស៊ី ដើម្បីបញ្ចប់សង្គ្រាមនៅក្នុងប្រទេសអ៊ុយក្រែន។ លោក Nikolenko បាននិយាយនៅក្នុងសេចក្ដីថ្លែងការណ៍មួយផ្ញើទៅកាន់សារព័ត៌មាន Reuters ភ្លាមៗ បន្ទាប់ពីប្រធានាធិបតីចិនលោក Xi Jinping បានទៅដល់ទីក្រុង Moscow សម្រាប់ជំនួបជាមួយសមភាគីរុស្ស៊ីលោក Vladimir Putin។ គេរំពឹងទុកថា លោក Xi នឹងជំរុញតួនាទីរបស់ទីក្រុងប៉េកាំង ជាអ្នកសម្របសម្រួលសន្តិភាពដ៏សំខាន់ក្នុងជម្លោះ ក្រោយការបញ្ចេញផែនការសន្តិភាព ១២ចំណុច។ ទីក្រុង Kyiv និយាយថា សកម្មភាពឈានទៅរកសន្តិភាពណាមួយ ត្រូវតែទាក់ទងនឹងការដកកងទ័ពរុស្ស៊ីទាំងស្រុង និងគោរពអធិបតេយ្យភាពរបស់អ៊ុយក្រែន។ អ្នកនាំពាក្យរូបនេះនិយាយថា អ៊ុយក្រែនត្រៀមខ្លួនជានិច្ចក្នុងការចូលរួមការសន្ទនាយ៉ាងជិតស្និទ្ធបំផុតជាមួយចិន ដើម្បីស្ដារសន្តិភាពនៅក្នុងប្រទេសអ៊ុយក្រែន ស្របតាមគោលការណ៍ដែលបានចែងនៅក្នុងធម្មនុញ្ញរបស់អង្គការសហប្រជាជាតិ និងសេចក្ដីសម្រេចចុងក្រោយលើបញ្ហានេះរបស់មហាសន្និបាតអង្គការសហប្រជាជាតិ៕អត្ថបទ៖ សុខមាន

ក្រុមអ្នកតវ៉ាអំពាវនាវឲ្យប្រទេសបារាំងដកខ្លួនចេញពីសម្ព័ន្ធយោធាណាតូ

បារាំង៖ ក្រុមបាតុកររាប់ពាន់នាក់ បានអំពាវនាវកាលពីចុងសប្ដាហ៍នេះឲ្យប្រទេសបារាំងដកខ្លួនចេញពីអង្គការសន្ធិសញ្ញាអាតាល្លង់ទិកខាងជើង កាត់ថា NATO និងបញ្ឈប់ការដឹកជញ្ជូនអាវុធឲ្យអ៊ុយក្រែនជាបន្ទាន់។ យោងតាមសារព័ត៌មាន RIA Novosti យុទ្ធនាការក្បួនតវ៉ាសម្រាប់សន្តិភាព "March for Peace" បានចាប់ផ្ដើមជិតព្រឹទ្ធសភាបារាំង ។ក្រុមបាតុករបានក្រវីផ្ទាំងបដាសរសេរថាបញ្ឈប់សង្គ្រាមដែលត្រូវបានបង្កឡើងដោយសហរដ្ឋអាមេរិក និងសម្ព័ន្ធណាតូ និងពាក្យថាសេរីភាព ការពិត និងការតស៊ូ ។

មេដឹកនាំចិនធ្វើដំណើរទៅកាន់ប្រទេសរុស្ស៊ីក្នុងដំណើរទស្សនកិច្ចដើម្បីសន្តិភាព

រុស្ស៊ី៖ ប្រធានាធិបតីចិនលោក Xi Jinping ចាប់ផ្តើមដំណើរទស្សនកិច្ចផ្លូវរដ្ឋទៅកាន់ប្រទេសរុស្ស៊ីនៅថ្ងៃចន្ទ ទី២០ ខែមីនានេះ ជាដំណើរទស្សនកិច្ចដែលទីក្រុងប៉េកាំងចាត់ទុកថា ជាដំណើរទស្សនកិច្ចដើម្បីសន្តិភាព ខណៈខ្លួនព្យាយាមដើរតួជាអ្នកសម្របសម្រួលក្នុងសង្គ្រាមរបស់លោក Vladimir Putin នៅអ៊ុយក្រែន។ ដំណើរទស្សនកិច្ចរយៈពេលបីថ្ងៃរបស់លោក Xi ជាដំណើរទស្សនកិច្ចលើកដំបូងរបស់លោកទៅរុស្ស៊ី ដែលជាសម្ព័ន្ធមិត្តចិនដ៏សំខាន់មួយសម្រាប់រយៈពេលជិតបួនឆ្នាំមកនេះ ហើយត្រូវបានទីក្រុងមូស្គូចាត់ទុកថា បានឈានជើងចូលក្នុងយុគសម័យថ្មីនៃទំនាក់ទំនង។ ដំណើរទស្សនកិច្ចនេះក៏កើតឡើងក្នុងរយៈពេលជាងមួយឆ្នាំ បន្ទាប់ពីការវាយលុករបស់រុស្ស៊ីលើប្រទេសជិតខាងអឺរ៉ុប ដែលបានធ្វើឲ្យទីក្រុងមូស្គូមានភាពឯកោនៅលើឆាកអន្តរជាតិ។ ដំណើរទស្សនកិច្ចនេះក៏នឹងត្រូវបានតាមដានយ៉ាងដិតដល់ ក្នុងរដ្ឋធានីរបស់ប្រទេសលោកខាងលិចផងដែរ សម្រាប់សញ្ញាដែលថាលោក Xi អាចនឹងជំរុញឲ្យមានកិច្ចចរចាសន្តិភាពរវាងទីក្រុងមូស្គូ និងទីក្រុង Kyiv។ សារព័ត៌មាន Wall Street Journal បានរាយការណ៍ថា លោក Xi ក៏អាចមានផែនការសន្ទនាតាមទូរស័ព្ទលើកដំបូង ជាមួយប្រធានាធិបតីអ៊ុយក្រែនលោក Volodymyr Zelenskyy ចាប់តាំងពីសង្គ្រាមបានចាប់ផ្តើម។ ទីប្រឹក្សាគោលនយោបាយការបរទេសជាន់ខ្ពស់របស់លោកពូទីន លោក Yuri Ushakov បានប្រាប់ទីភ្នាក់ងារសារព័ត៌មានរុស្ស៊ីថា លោក Xi និងលោក Putin នឹងមានជំនួបទល់មុខក្រៅផ្លូវការ និងពិសារអាហារពេលល្ងាចនៅថ្ងៃចន្ទនេះ មុនពេលកិច្ចពិភាក្សានៅថ្ងៃអង្គារ។ វិមានក្រឹមឡាំងនិយាយថា មេដឹកនាំទាំងពីរនឹងចុះហត្ថលេខាលើកិច្ចព្រមព្រៀងមួយ ស្តីពីការពង្រឹងភាពជាដៃគូគ្រប់ជ្រុងជ្រោយរបស់ប្រទេសទាំងពីរ និងទំនាក់ទំនងជាយុទ្ធសាស្ត្រដែលឈានចូលក្នុងយុគសម័យថ្មី ព្រមទាំងសេចក្តីប្រកាសរួមស្តីពីកិច្ចសហប្រតិបត្តិការសេដ្ឋកិច្ចរុស្ស៊ី-ចិនរហូតដល់ឆ្នាំ២០៣០៕អត្ថបទ៖ ប៊ុនថន

ក្រុមធនាគារកណ្ដាលព្យាយាមរក្សាភាពស្ងៀមស្ងាត់នៅលើទីផ្សារ ក្រោយធនាគារស្វីស UBS គ្រោងទិញធនាគារ Credit Suisse

អឺរ៉ុប៖ ធនាគារខ្នាតយក្ស UBS នឹងទិញធនាគារគូប្រជែង Credit Suisse ដែលកំពុងជួបបញ្ហាក្នុងតម្លៃជិត ៣.២៥ពាន់លានដុល្លារអាមេរិក ក្នុងកិច្ចព្រមព្រៀងមួយធ្វើឡើងដោយក្រុមនិយ័តករ ក្នុងកិច្ចខិតខំប្រឹងប្រែងដើម្បីបញ្ចៀសភាពរំជើបរំជួលបន្ថែមនៅលើទីផ្សារក្នុងប្រព័ន្ធធនាគារសកល។ ក្រុមអាជ្ញាធរស្វីសបានជំរុញឲ្យធនគារ UBS ទិញគូប្រជែងរបស់ខ្លួន ក្រោយផែនការមួយសម្រាប់ធនាគារ Credit Suisse ក្នុងការខ្ចីប្រាក់ចំនួន ៥០ពាន់លានប្រង់ស្មើនឹង ៥៤ពាន់លានដុល្លារអាមេរិកបានបរាជ័យក្នុងការជួយសង្គ្រោះក្រុមវិនិយោគិន និងអតិថិជនធនាគារ។ ភាគហ៊ុនធនាគារ Credit Suisse និងធនាគារផ្សេងទៀតបានដាំក្បាលចុះនៅសប្ដាហ៍នេះ ក្រោយការដួលរលំធនាគារចំនួន២ នៅសហរដ្ឋអាមេរិក បានបង្កក្ដីបារម្ភចំពោះភាពរង្គោះរង្គើស្ថាប័នធំៗនៅក្នុងប្រព័ន្ធហិរញ្ញវត្ថុសកល។ ធនាគារ Credit Suisse ស្ថិតក្នុងចំណោមគ្រឹះស្ថានហិរញ្ញវត្ថុជាង ៣០ ដែលត្រូវបានគេស្គាល់ថាជាប្រព័ន្ធសេវាធនាគារសកលដ៏សំខាន់ ហើយក្រុមអាជ្ញាធរមានការព្រួយបារម្ភអំពីការដួលរលំ ប្រសិនបើធនាគារនេះបរាជ័យ។ ខណៈប្រកាសកាលពីយប់ថ្ងៃអាទិត្យថា ការដួលរលំមិនអាចគ្រប់គ្រងបាននៃធនាគារ Credit Suisse នឹងបង្កឲ្យមានផលវិបាកមិនអាចគណនាបានសម្រាប់ប្រទេសនេះ និងប្រព័ន្ធហិរញ្ញវត្ថុអន្តរជាតិ ប្រធានធនាគារស្វីសលោក Alain Berset បាននិយាយថា នេះគឺជាកិច្ចព្រមព្រៀងជាប្រវត្តិសាស្ត្រសម្រាប់ស្ថិរភាពនៃហិរញ្ញវត្ថុអន្តរជាតិ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Putin ទទួលស្គាល់ពីកង្វះប្រេងឥន្ធនៈ បន្ទាប់ពីការវាយប្រហាររបស់អ៊ុយក្រែន

WHO៖ រលកកម្ដៅនៅអឺរ៉ុប ជាប់ពាក់ព័ន្ធនឹងការស្លាប់មនុស្ស១.៣០០នាក់ខណៈអាល្លឺម៉ង់ឡើងដល់កំណត់ត្រា ៤១.៧ អង្សាសេ

មន្ត្រីអាមេរិកនិយាយថា អ៊ីរ៉ង់ និងអាមេរិក បានយល់ព្រមបញ្ឈប់ការវាយប្រហារ និងបន្តការចរចា

មន្ត្រីជំនាញកិច្ចការព្រំដែន៖ ទោះបីថៃប្រើផែនទីណាក៏ដោយក៏មិនអាចបញ្ជាក់ថា ប្រាសាទខ្នារជារបស់ថៃដែរ

ក្រសួងពាណិជ្ជកម្ម ចុះបញ្ជីជាផ្លូវការផលិតផល “ទុរេនបែកអន្លូង” ជាម៉ាកសមូហភាព (Collective Mark) លើកកម្ពស់អត្តសញ្ញាណផលិតផលខ្មែរ និងពង្រឹងការការពារកម្មសិទ្ធិបញ្ញា

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ហ្វាំ​ង​ឡង់​ជាប់​ឈ្មោះ​ជា​ប្រទេស​សប្បាយរីករាយ​ជាងគេ​បំផុត​របស់​ពិភពលោក​រយៈពេល ៦​ឆ្នាំ​ជាប់ៗ​គ្នា​

អាមេរិក រុស្ស៊ី និង​ចិន​ប៉ះទង្គិច​គ្នា​នៅ​មហាសន្និបាត​អង្គការសហប្រជាជាតិរឿង​មី​ស៊ី​ល​កូរ៉េខាងជើង​

រដ្ឋអាជ្ញា​ជាន់ខ្ពស់​តុលាការ​ព្រហ្មទណ្ឌ​អន្តរជាតិ​៖​ ដីកាចាប់ខ្លួន​លោក Putin បាន​ក្លាយ​ជា​ពេលវេលា​សោកសៅ​

សមត្ថកិច្ច​បារាំង​បាន​ប្រឈម​ជាមួយ​ក្រុមអ្នកតវ៉ា​ទៅលើ​កំណែទម្រង់​សោធន​និវត្តន៍​

ទីក្រុង Kyiv និយាយថា ចិន​គួរតែ​ដាក់​សម្ពាធ​លើ​រុស្ស៊ី ដើម្បី​បញ្ចប់​សង្គ្រាម​នៅ​អ៊ុយ​ក្រែ​ន​