BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

អូស្ត្រាលីនិយាយថា ទីក្រុង Canberra ត្រូវការនាវាមុជទឹកដើរដោយថាមពលនុយក្លេអ៊ែរ ដើម្បីទប់ឥទ្ធិពលយោធាចិន

អូស្ត្រាលី៖ យោងតាមរដ្ឋមន្ត្រីក្រសួងការពារជាតិអូស្ត្រាលីលោក Richard Marles កិច្ចព្រមព្រៀងដែលមានតម្លៃ ២៤៥ពាន់លានដុល្លារអាមេរិករបស់ប្រទេសអូស្ត្រាលី ក្នុងការទិញនាវាមុជទឹកជំនាន់ថ្មីដើរដោយថាមពលនុយក្លេអ៊ែរចំនួន ៥គ្រឿង ចាំបាច់ក្នុងការទប់ទល់ការកើនឡើងឥទ្ធិពលយោធាក្នុងតំបន់ដែលចេះតែរីកធំរបស់ចិន។ លោក Marles បាននិយាយមុនពេលដែលអះអាងថា បានប្រាប់ប្រទេសចិនថាកិច្ចព្រមព្រៀងរយៈពេល ៣០ឆ្នាំនេះ ដែលនឹងបង្កើតការងារចំនួន ២០.០០០កន្លែងសម្រាប់ប្រជាជនអូស្ត្រាលីថា ការបរាជ័យក្នុងការធ្វើ ដូច្នេះនឹងមើលឃើញយើងត្រូវបានថ្កោលទោសដោយប្រវត្តិសាស្ត្រ។ ជាការឆ្លើយតប ទីក្រុងប៉េកាំងបានជំរុញឲ្យអាមេរិក ចក្រភពអង់គ្លេស និងអូស្ត្រាលីបោះបង់ចោលផ្នត់គំនិតសង្គ្រាមត្រជាក់ និងល្បែងដែលគ្មានលទ្ធផល ងាកទៅរកការបំពេញកាតព្វកិច្ចអន្តរជាតិរបស់ខ្លួនដោយភាពស្មោះត្រង់ និងធ្វើកិច្ចការកាន់តែច្រើនថែមទៀតជួយដល់សន្តិភាព និងស្ថិរភាពតំបន់។ រដ្ឋមន្ត្រីការពារជាតិអូស្ត្រាលីលោក Richard Marles បាននិយាយថា ខ្លួនបានខិតខំប្រឹងប្រែងផ្នែកការទូតយ៉ាងទូលំទូលាយអស់រយៈពេលជាច្រើនខែ មុនការប្រកាសកាលពីថ្ងៃចន្ទអំពីកិច្ចព្រមព្រៀងនេះ រួមទាំងការហៅទូរស័ព្ទជាង ៦០លើកទៅកាន់មេដឹកនាំក្នុងតំបន់ និងពិភពលោក។ លោកបានបន្តថា ប្រទេសអូស្ត្រាលីថែមទាំងបានស្នើផ្ដល់ព័ត៌មានវិវត្តន៍នៅក្នុងតំបន់ឲ្យចិន៕អត្ថបទ៖ សុខមាន

ចិនព្រមានពីវិថីដ៏គ្រោះថ្នាក់ ក្រោយកិច្ចព្រមព្រៀងទិញនាវាមុជទឹក AUKUS

ចិន៖ ប្រទេសចិនបានបង្ហាញក្ដីបារម្ភលើវិធានការបង្កើតឡើង ដោយសម្ព័ន្ធមិត្តសហរដ្ឋអាមេរិក ចក្រភពអង់គ្លេស និងអូស្ត្រាលីហៅថា AUKUS ដើម្បីបង្កើនវត្តមានយោធាប្រមូលផ្ដុំរបស់ខ្លួននៅក្នុងតំបន់ឥណ្ឌូ-ប៉ាស៊ីហ្វិក ក្រោយការសម្រេចចិត្តរបស់ទីក្រុងវ៉ាស៊ីនតោន ក្នុងការលក់នាវាមុជទឹកដើរដោយថាមពលនុយក្លេអ៊ែរចំនួន ៥គ្រឿងឲ្យទៅទីក្រុងកង់ប៊ើរ៉ា (Canberra)។ លោក Wang Wenbin អ្នកនាំពាក្យក្រសួងការបរទេសចិនបាននិយាយ នៅឯសន្និសីទសារព័ត៌មានមួយកាលពីថ្ងៃអង្គារ ខណៈកំពុងធ្វើអត្ថាធិប្បាយលើការសម្រេចចិត្តរបស់ប្រធានាធិបតីអាមេរិកលោក Joe Biden ចំពោះការផ្គត់ផ្គង់ហាតវ៉ែ (hardware) យោធាឲ្យទៅប្រទេសអូស្ត្រាលីថា ប្លុកត្រីភាគីនេះបានដើរលើផ្លូវខុស និងគ្រោះថ្នាក់កាន់តែខ្លាំង។ ការសម្រេចចិត្តលក់នាវាមុជទឹកដែលត្រូវបានដំណើរការ ដោយសារធាតុអ៊ុយរ៉ានីញ៉ូមក្នុងកម្រិតដែលអាចប្រើផលិតអាវុធបានត្រូវបានប្រកាសនៅសប្ដាហ៍នេះ ក្រោយជំនួបរវាងលោក Bide នាយករដ្ឋមន្ត្រីអង់គ្លេសលោក Rishi Sunak និងនាយករដ្ឋមន្ត្រីអូស្ត្រាលីលោក Anthony Albanese នៅមូលដ្ឋានទ័ពជើងទឹកក្នុងរដ្ឋ California សហរដ្ឋអាមេរិក។ លោក Wang បានព្រមានថា កិច្ចព្រមព្រៀងនេះនឹងបង្កការប៉ះពាល់កាន់តែធំដល់សន្តិភាពនៅក្នុងតំបន់ឥណ្ឌូ-ប៉ាស៊ីហ្វិក និងអាចឈានទៅរកការរត់ប្រណាំងគ្រឿងសព្វាវុធ ប៉ះពាល់ដល់ប្រព័ន្ធមិនរីកសាយអាវុធនុយក្លេអ៊ែរអន្តរជាតិ និងសន្តិភាព និងស្ថិរភាពក្នុងតំបន់។ នៅពេលត្រូវបានសួរកាលពីថ្ងៃចន្ទថា តើទីក្រុងប៉េកាំងត្រូវបានបញ្ជាក់ក្នុងការពិចារណាកិច្ចព្រមព្រៀងទិញនាវាមុជទឹកដើរដោយថាមពលនុយក្លេអ៊ែរថា ជាការគំរាមកំហែងសន្តិសុខ ឬជាទង្វើឈ្លានពានដែរឬទេ លោក Biden បានឆ្លើយថា “ទេ”៕អត្ថបទ៖ សុខមាន

បំណាក់ដីបណ្តាលឲ្យមនុស្ស ៨នាក់ស្លាប់នៅតំបន់អាម៉ាហ្សូនប្រទេសប្រេស៊ីល

ប្រេស៊ីល៖ ប្រព័ន្ធផ្សព្វផ្សាយក្នុងស្រុកបានរាយការណ៍ថា គ្រាអាសន្នរដ្ឋត្រូវបានប្រកាសកាលពីថ្ងៃចន្ទនៅក្នុងទីក្រុង Manaus របស់ប្រទេសប្រេស៊ីល បន្ទាប់ពីបំណាក់ដីបង្កឡើងដោយភ្លៀងធ្លាក់ខ្លាំងបណ្តាលឲ្យមនុស្សយ៉ាងហោចណាស់ ៨នាក់ស្លាប់។ រូបភាពពីយានដ្រូននៃមហន្តរាយបំណាក់ដីបានបង្ហាញពីការបំផ្លាញ នៅក្នុងតំបន់លំនៅឋានស្ថិតនៅក្នុងតំបន់មានហានិភ័យខ្ពស់នៅរដ្ឋធានីនៃរដ្ឋ Amazonas ក្នុងតំបន់ Amazon របស់ប្រទេសប្រេស៊ីល។ ក្នុងអំឡុងពេលព្រឹកព្រលឹមថ្ងៃចន្ទ ពលរដ្ឋ និងក្រុមអ្នកជួយសង្គ្រោះបានធ្វើការរួមគ្នា ដើម្បីស្វែងរកអ្នកនៅរស់រានមានជីវិតនៅក្នុងគំនរកម្ទេចកម្ទីរ។ យោងតាមប្រព័ន្ធផ្សព្វផ្សាយក្នុងស្រុកបានរាយការណ៍ថា ជនរងគ្រោះចំនួន ៤នាក់ជាមនុស្សពេញវ័យ និង ៤នាក់ផ្សេងទៀតជាកុមារ ហើយអ្នកនៅរស់ជីវិតពីគ្រោះថ្នាក់ ៣នាក់ត្រូវបានគេជួយសង្គ្រោះ៕អត្ថបទ៖ ប៊ុនថន

សមរភូមិដណ្ដើមក្រុង Bakhmut កាន់តែក្ដៅគគុក ខណៈតុលាការឧក្រិដ្ឋកម្មអន្តរជាតិស្វែងរកដីកាចាប់ខ្លួនមន្ត្រីរុស្ស៊ី

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskiy បាននិយាយថា អនាគតរបស់អ៊ុយក្រែនអាស្រ័យលើការប្រយុទ្ធគ្នាជាមួយរុស្ស៊ីទាំងក្នុង និងជុំវិញទីក្រុង Bakhmut ដោយភាគីទាំង២ បានពិពណ៌នាពីសមរភូមិប្រយុទ្ធឥតឈប់ ខណៈទីក្រុង Moscow បង្កើនយុទ្ធនាការរដូវរងាដើម្បីដណ្ដើមយកទីក្រុងតូចភាគខាងកើតមួយនេះ។ ប្រភពមួយបានប្រាប់សារព័ត៌មាន Reuters ថា ក្នុងអ្វីដែលនឹងក្លាយជាករណីឧក្រិដ្ឋកម្មអន្តរជាតិ ដំបូងកើតចេញពីការវាយលុករបស់រុស្ស៊ី តុលាការឧក្រិដ្ឋកម្មអន្តរជាតិ (ICC) ត្រូវគេរំពឹងថានឹងស្វែងរកការចាប់ខ្លួនមន្ត្រីមួយចំនួនរបស់រុស្ស៊ី ពីបទនិរទេសកុមារដោយបង្ខំចេញពីអ៊ុយក្រែន និងដាក់គោលដៅលើហេដ្ឋារចនាសម្ព័ន្ធស៊ីវិល។ ទីក្រុង Moscow ប្រាកដជានឹងច្រានចោលដីកាចាប់ខ្លួនក្រុមមន្ត្រីរបស់ខ្លួន ប៉ុន្តែតុលាការឧក្រិដ្ឋកម្មសង្គ្រាមអាចធ្វើឲ្យទំនាក់ទំនងការទូតរបស់ទីក្រុង Moscow ឯកាកាន់តែខ្លាំង ដោយសារតែយុទ្ធនាការដែលបានសម្លាប់មនុស្សរាប់ពាន់នាក់ និងបង្កឲ្យមានការប្រយុទ្ធគ្នាដ៏ធ្ងន់ធ្ងរបំផុតរបស់អឺរ៉ុបចាប់តាំងពីសង្គ្រាមលោកលើកទី២ មក។ ទីក្រុង Bakhmut បានក្លាយជាចំណុចសំខាន់នៃការវាយប្រហាររបស់រុស្ស៊ី ដែលកាលពីចុងសប្ដាហ៍នេះភាគីទាំង២ ត្រូវគេរាយការណ៍ថាបានរងការបាត់បង់កម្លាំងកងទ័ពធ្ងន់ធ្ងរ។ កងកម្លាំងរុស្ស៊ីដែលដឹកនាំដោយទាហានស៊ីឈ្នួលវ៉េកណា (Wagner) ដណ្ដើមយកបានភាគខាងកើតរបស់ទីក្រុងនេះ ប៉ុន្តែពុំអាចឡោមព័ទ្ធទីក្រុងនេះបានទាំងស្រុង៕អត្ថបទ៖ សុខមាន

កំណើនអ្នកស្លាប់ដោយសារព្យុះស៊ីក្លូន Freddy នៅប្រទេសម៉ាឡាវីកើនឡើងដល់ជិត ១០០នាក់

ម៉ាឡាវី៖ ទីភ្នាក់ងារគ្រោះមហន្តរាយរបស់ប្រទេសបាននិយាយកាលពីថ្ងៃចន្ទថា មនុស្សជិត ១០០នាក់បានស្លាប់នៅក្នុងសង្កាត់ភាគខាងត្បូងប្រទេសម៉ាឡាវី បន្ទាប់ពីព្យុះស៊ីក្លូន Freddy បានត្រលប់មកកាន់ប្រទេសអាហ្វ្រិកខាងត្បូងមួយនេះដ៏កម្រ ដោយនាំមកនូវទឹកភ្លៀងធ្លាក់ខ្លាំងបណ្តាលឲ្យមានទឹកជំនន់។ លោក Charles Kalemba ស្នងការនៃនាយកដ្ឋានគ្រប់គ្រងកិច្ចការគ្រោះមហន្តរាយបាននិយាយថា ចំនួនអ្នកស្លាប់បានកើនឡើងដល់ ៩៩នាក់ ប៉ុន្តែតួលេខនេះត្រូវគេរំពឹងថា ចំនួនអ្នកស្លាប់នឹងកើនឡើងបន្ថែមទៀត។ មនុស្ស ១៣៤នាក់ផ្សេងទៀតបានរងរបួស ហើយមនុស្ស ១៦នាក់ត្រូវបានគេរាយការណ៍ថាបានបាត់ខ្លួន បន្ទាប់ពីព្យុះស៊ីក្លូន Freddy ជាព្យុះមានរយៈពេលយូរបំផុតក្នុងកំណត់ត្រា បានរំខានដល់ការឆ្លងកាត់ទ្វីបអាហ្វ្រិកខាងត្បូងកាលពីចុងសប្តាហ៍ជាលើកទីពីរ ដែលបានត្រលប់មកវិញបន្ទាប់ពីព្យុះនេះកើតឡើងលើកទី១ កាលពីចុងខែកុម្ភៈ។ រដ្ឋធានីពាណិជ្ជកម្ម Blantyre របស់ប្រទេសម៉ាឡាវីបានកត់ត្រាចំនួនអ្នកស្លាប់ ៨៥នាក់។ លោក Kalemba បាននិយាយថា មនុស្សច្រើនជាង ១០,០០០នាក់បានរងផលប៉ះពាល់ដោយសារព្យុះនេះ។ តំបន់លំនៅឋានក្នុងរដ្ឋធានី Blantyre ត្រូវបានគ្របដណ្ដប់ដោយទឹកល្បាប់ ខណៈប្រតិបត្តិការរុករក និងជួយសង្គ្រោះបានជីកកកាយថ្មដើម្បីស្វែងរកសាកសពដែលជាប់។ ឥទ្ធិពលនៃព្យុះស៊ីក្លូនបានបង្កបញ្ហាកាន់តែច្រើនឡើងលើប្រទេសមួយនេះ ដែលកំពុងប្រឈមការផ្ទុះឡើងជំងឺអាសន្នរោគដ៏កាចសាហាវក្នុងប្រវត្តិសាស្ត្ររបស់ខ្លួន ដែលបានសម្លាប់មនុស្សច្រើនជាង ១,៦០០នាក់ចាប់តាំងពីឆ្នាំមុន៕អត្ថបទ៖ ប៊ុនថន

យោធាមីយ៉ាន់ម៉ា និងក្រុមអ្នកតវ៉ាប្រឆាំងរបបសឹកចោទដាក់គ្នា ជុំវិញការវាយប្រហារសម្លាប់មនុស្សប្រហែល ៣០នាក់

មីយ៉ាន់ម៉ា៖ របបសឹកសហភាពមីយ៉ាន់ម៉ា និងក្រុមអ្នកតវ៉ាប្រឆាំងយោធាបានចោទដាក់គ្នាកាលពីថ្ងៃចន្ទ ទាក់ទងនឹងការវាយប្រហារសម្លាប់មនុស្សប្រហែល ៣០នាក់ដែលកំពុងស្នាក់នៅក្នុងវត្តអារាមមួយកន្លែងនៅក្នុងរដ្ឋ Shan ភាគខាងត្បូងប្រទេសនេះ។យោងតាមកងកម្លាំងការពារជាតិការ៉ែន ទាហានបានបាញ់សម្លាប់មនុស្ស ៣៣នាក់រួមទាំងព្រះសង្ឃពុទ្ធសាសនា ៣អង្គ ក្រោយបញ្ជាឲ្យជនស៊ីវិលដែលកំពុងរស់នៅក្នុងវត្តអារាមមួយចេញមកក្រៅទាំងអស់។ ក្រុមឧទ្ទាមចំនួន២ ដែលកំពុងធ្វើប្រតិបត្តិការនៅជុំវិញរដ្ឋ Shan គឺក្រុមកងកម្លាំងការពារជាតិការ៉ែន (KNDF) និងក្រុមកងកម្លាំងការពារជាតិ Pa-O និយាយថា ទាហានបានចូលទៅក្នុងភូមិ Nam Neint កាលពីថ្ងៃសៅរ៍។ ប្រទេសនៅអាស៊ីអាគ្នេយ៍មួយនេះបានធ្លាក់ក្នុងភាពវឹកវរ ចាប់តាំងពីរដ្ឋប្រហារដោយយោធារយៈពេល ២ឆ្នាំកន្លងមកនេះ ដោយកងកម្លាំងយោធាកំពុងវាយបង្ក្រាបកងកម្លាំងការពារប្រជាជន (PDFs) រាប់សិបទីតាំងនៅទូទាំងប្រទេសនេះ។ក្រុមអ្នកភូមិ និងសារព័ត៌មាននានាបានរាយការណ៍ពីការសម្លាប់ និងដុតបំផ្លាញលំនៅឋានកើនឡើងពីសំណាក់កងកម្លាំងយោធា នៅក្នុងតំបន់ជាច្រើនរបស់ប្រទេសនេះ ខណៈពួកគេព្យាយាមក្រោកប្រឆាំងរដ្ឋប្រហារដែលបានទម្លាក់រដ្ឋាភិបាលជាប់ឆ្នោតលោកស្រី Aung San Suu Kyi។ អ្នកនាំពាក្យរបបដឹកលោក Zaw Min Tun បានបញ្ជាក់ថា មានការប៉ះទង្គិចគ្នានៅក្នុងភូមិ Nam Neint កាលពីថ្ងៃសៅរ៍ ហើយក្រុមអ្នកប្រយុទ្ធប្រឆាំងរដ្ឋប្រហារមួយចំនួនត្រូវបានសម្លាប់។ លោកក៏បានបញ្ជាក់ផងដែរថា ជនស៊ីវិលមួយចំនួនបានស្លាប់នៅក្នុងភូមិនេះ ប៉ុន្តែបានដាក់ការស្ដីបន្ទោសការស្លាប់ទាំងនោះទៅលើក្រុមអ្នកប្រយុទ្ធកងកម្លាំងការពារប្រជាជន៕អត្ថបទ៖ សុខមាន

ប្រធានាធិបតីចិននឹងនិយាយជាមួយលោក Zelenskyy បន្ទាប់ពីដំណើរទស្សនកិច្ចទៅរុស្ស៊ីសប្ដាហ៍ក្រោយ

ចិន៖ សារព័ត៌មាន Wall Street Journal បានរាយការណ៍កាលពីថ្ងៃទី១៣មីនា ដោយសំអាងប្រភពពីមនុស្សដែលបានដឹងបញ្ហានេះថា លោកប្រធានាធិបតីចិន Xi Jinping គ្រោងនិយាយជាមួយលោកប្រធានាធិបតីអ៊ុយក្រែន Volodymyr Zelenskyy បន្ទាប់ពីលោកជួបមេដឹកនាំរុស្ស៊ីលោក Vladimir Putin នៅក្នុងទីក្រុង Moscow នៅសប្ដាហ៍ក្រោយ។ សារព័ត៌មានខាងលើនេះបានសរសេរថា ការសន្ទនាដំបូងរវាងមេដឹកនាំចិន និងអ៊ុយក្រែន ចាប់តាំងពីការវាយលុកពេញបន្ទុករបស់រុស្ស៊ីលើអ៊ុយក្រែន ត្រូវគេរំពឹងថានឹងធ្វើឡើងតាម online។ យោងតាមការចុះផ្សាយដំណើររបស់លោក Xi ទៅកាន់រុស្ស៊ី និងជាការពិភាក្សាដ៏សំខាន់ជាមួយលោក Zelensky នឹងឆ្លុះបញ្ចាំងពីបំណងប្រាថ្នារបស់ទីក្រុងប៉េកាំង ក្នុងការក្លាយជាអ្នកពាក់ព័ន្ធកាន់តែពេញលេញបន្ថែមទៀត ក្នុងការជួយសម្របសម្រួលបញ្ចប់សង្គ្រាមរបស់រុស្ស៊ីនៅអ៊ុយក្រែន។ ប្រភពមួយចំនួនក៏បានប្រាប់សារព័ត៌មាន WSJ ផងដែរថា ប្រធានាធិបតីចិនកំពុងពិចារណាធ្វើដំណើរទៅកាន់ប្រទេសនៅអឺរ៉ុបផ្សេងទៀត ជាផ្នែកមួយនៃដំណើររបស់លោកទៅកាន់ប្រទេសរុស្ស៊ី ទោះបីជាគម្រោងរបស់លោកពុំទាន់បានសម្រេចថាយ៉ាងណាក៏ដោយ។ នៅក្នុងថ្ងៃជាមួយនោះសារព័ត៌មាន Reuters ក៏បានរាយការណ៍ផងដែរថា ដំណើរទស្សនកិច្ចរបស់លោក Xi ទៅកាន់ទីក្រុង Moscow អាចកើតឡើងនៅដើមសប្ដាហ៍ក្រោយ៕អត្ថបទ៖ សុខមាន

អាមេរិក អង់គ្លេស និងអូស្ត្រាលីព្រមព្រៀងលើគម្រោងទិញនាវាមុជទឹកដើរដោយថាមពលនុយក្លេអ៊ែរ

អាមេរិក៖ មេដឹកនាំសហរដ្ឋអាមេរិក ចក្រភពអង់គ្លេស និងអូស្ត្រាលីបានបង្ហាញផែនការលម្អិតថ្មីរបស់ខ្លួន ក្នុងការបង្កើតកងនាវាជើងទឹកនៃនាវាមុជទឹកដើរដោយថាមពលនុយក្លេអ៊ែរជំនាន់ថ្មី។ ក្រោមកិច្ចព្រមព្រៀងអាគូស (Aukus agreement) ប្រទេសអូស្ត្រាលីនឹងទទួលបាននាវាមុជទឹកដើរដោយថាមពលនុយក្លេអ៊ែរយ៉ាងហោចណាស់ ៣គ្រឿងពីសហរដ្ឋអាមេរិក។សម្ព័ន្ធមិត្តទាំងនេះក៏នឹងធ្វើការរួមគ្នាផងដែរ ដើម្បីបង្កើតកងនាវាជើងទឹកថ្មីដោយប្រើបច្ចេកវិទ្យាទំនើប រួមទាំងម៉ាស៊ីនរ៉េអាក់ទ័រផលិតឡើងដោយក្រុមហ៊ុនផលិតរថយន្តទំនើប Rolls-Royce នៅអង់គ្លេស។ សន្ធិសញ្ញានេះមានគោលបំណងទប់ឥទ្ធិពលនៃការរីកចម្រើនខ្លាំងរបស់ប្រទេសចិន នៅក្នុងតំបន់ឥណ្ឌូ-ប៉ាស៊ីហ្វិក។ ថ្លែងជាមួយបណ្ដាមេដឹកនាំផ្សេងទៀតនៅក្នុងទីក្រុង San Diego រដ្ឋ California ប្រធានាធិបតីសហរដ្ឋអាមេរិកលោក Joe Biden បានសង្កត់ធ្ងន់ថា នាវាទាំងនោះនឹងមិនមានផ្ទុកអាវុធនុយក្លេអ៊ែរទេ ហើយនឹងមិនបង្កគ្រោះថ្នាក់ដល់ការប្ដេជ្ញាចិត្តរបស់អូស្ត្រាលី ក្នុងនាមជាប្រទេសគ្មាននុយក្លេអ៊ែរនោះដែរ។ ក្រោមកិច្ចព្រមព្រៀងដែលបានគូសបញ្ជាក់កាលពីថ្ងៃចន្ទ សមាជិកនៃកងនាវាចរអូស្ត្រាលី (RAN) នឹងត្រូវបានស្នាក់នៅមូលដ្ឋាននាវាមុជទឹករបស់សហរដ្ឋអាមេរិក និងចក្រភពអង់គ្លេសចាប់ពីឆ្នាំនេះ ដើម្បីទទួលបានជំនាញចាំបាច់ក្នុងការប្រើប្រាស់នាវាមុជទឹកទាំងនោះ។ ចាប់ពីឆ្នាំ២០២៧ សហរដ្ឋអាមេរិក និងចក្រភពអង់គ្លេសនឹងដាក់មូលដ្ឋាននុយក្លេអ៊ែរមួយចំនួនតូចនៅឯមូលដ្ឋាន RAN នៅទីក្រុង Perth ភាគខាងលិចប្រទេសអូស្ត្រាលី មុនពេលអូស្ត្រាលីទិញនាវាមុជទឹក Virginia-class របស់សហរដ្ឋអាមេរិកចំនួន ៣គ្រឿងនៅដើមទសវត្សរ៍ឆ្នាំ២០៣០ ជាមួយនឹងជម្រើសក្នុងការទិញពីរបន្ថែមទៀត៕អត្ថបទ៖ សុខមាន

កូរ៉េខាងជើងបាញ់មីស៊ីលបាលីស្ទីករយៈចម្ងាយខ្លី ២គ្រាប់ប្រឆាំងសមយុទ្ធរួមគ្នារវាងអាមេរិក-កូរ៉េខាងត្បូង

កូរ៉េខាងជើង៖ យោធាកូរ៉េខាងត្បូងបាននិយាយថា កូរ៉េខាងជើងបានបាញ់មីស៊ីលបាលីស្ទីករយៈចម្ងាយខ្លីចំនួន ២គ្រាប់ទៅក្បែរឆ្នេរសមុទ្រភាគខាងកើតរបស់ខ្លួននៅថ្ងៃអង្គារនេះ ជាការសាកល្បងអាវុធចុងក្រោយបំផុត ខណៈកូរ៉េខាងត្បូង និងសហរដ្ឋអាមេរិកបន្តសមយុទ្ធយោធារួមគ្នាទ្រង់ទ្រាយធំបំផុត ក្នុងរយៈពេលជាច្រើនឆ្នាំមកនេះ។ នាយសេនាធិការសម្រុះកូរ៉េខាងត្បូងបាននិយាយថា មីស៊ីលទាំង ២គ្រាប់នោះត្រូវបានបាញ់នៅម៉ោងប្រហែល 7.40នាទីព្រឹកម៉ោងក្នុងស្រុកចេញពីខេត្ត Hwanghae ខាងត្បូង ជិតតំបន់ឆ្នេរភាគខាងលិចរបស់ប្រទេសនេះ។ នាយសេនាធិការសម្រុះកូរ៉េខាងត្បូងបានបន្ថែមនៅក្នុងសេចក្ដីថ្លែងការណ៍មួយថា យោធាកូរ៉េខាងត្បូងបានដាក់ឲ្យស្ថិតក្នុងការប្រុងប្រយ័ត្នខ្ពស់ និងត្រៀមលក្ខណៈពេញលេញ ក្រោមការសម្របសម្រួលដ៏ជិតស្និទ្ធជាមួយសហរដ្ឋអាមេរិក។ លោកនាយករដ្ឋមន្ត្រីជប៉ុន Fumio Kishida និយាយថា ប្រទេសជប៉ុនកំពុងប្រមូលព័ត៌មានពីមីស៊ីលដែលបានបាញ់នោះ ហើយពុំមានការបញ្ជាក់ទេថា មីស៊ីលទាំងនោះបានបង្កការខូចខាតនៅក្នុងប្រទេសជប៉ុន។ ការបាញ់នេះកើតឡើង ២ថ្ងៃ បន្ទាប់ពីកូរ៉េខាងជើងបានបាញ់សាកល្បងអាវុធដែលគេហៅថា ជាមីស៊ីលតម្រង់គោលដៅយុទ្ធសាស្ត្រចំនួន ២គ្រាប់ចេញពីនាវាមុជទឹក និងតិចជាងមួយសប្ដាហ៍ បន្ទាប់ពីមេដឹកនាំកូរ៉េខាងជើងលោក Kim Jong Un បញ្ជាឲ្យបង្កើនសកម្មភាពសមយុទ្ធយោធាដើម្បីរារាំង និងឆ្លើយតបសង្គ្រាមពិតប្រាកដមួយក្នុងករណីចាំបាច់។ សូមបញ្ជាក់ថា កងកម្លាំងកូរ៉េខាងត្បូង និងសហរដ្ឋអាមេរិកបានចាប់ផ្ដើមសមយុទ្ធយោធារួមគ្នារយៈពេល ១១ថ្ងៃ ដែលមានឈ្មោះថា "Freedom Shield 23" កាលពីថ្ងៃចន្ទ ទី១៣មីនា ដែលមានទ្រង់ទ្រាយធំបំផុតមិនធ្លាប់ចាប់តាំងពីឆ្នាំ២០១៧ មក ដើម្បីប្រឆាំងនឹងការគំរាមកំហែងដែលចេះតែកើនឡើងរបស់កូរ៉េខាងជើង៕អត្ថបទ៖ សុខមាន

សម្ដេចតេជោ ហ៊ុន សែន អញ្ជើញសំណេះសំណាលជាមួយប្រជាពលរដ្ឋ និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់១

ពោធិ៍សាត់៖ នៅព្រឹកថ្ងៃទី១៤ ខែមីនា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបសំណេះសំណាល ជាមួយប្រជាពលរដ្ឋ ដែលបានផ្លាស់ប្តូរទីលំនៅទៅទីតាំងថ្មី និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់១ ស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ ។វារីអគ្គិសនីស្ទឹងពោធិ៍សាត់១ ដែលមានអនុភាព ៨០មេហ្គាវ៉ាត់ (MW) មានទីតាំងស្ថិតនៅភូមិស្ទឹងថ្មី ឃុំប្រម៉ោយ ស្រុកវាលវែង ពោធិ៍សាត់។វារីអគ្គិសនីនេះ គ្រោងនឹងដាក់ឱ្យដំណើរការនៅក្នុងឆ្នាំ២០២៦ នាពេលខាងមុខនេះ ដោយបច្ចុប្បន្ននេះ ក្រុមហ៊ុនកំពុងដំណើរការសាងសង់ទំនប់។គម្រោងវារីអគ្គិសនីស្ទឹងពោធិ៍សាត់១ គឺជាគម្រោងវារីអគ្គិសនីទី២ របស់ខេត្តពោធិ៍សាត់ បន្ទាប់ពីគម្រោងវារីអគ្គិសនីទី១ គឺវារីអគ្គិសនីស្ទឹងអាតៃស្ថិតនៅភូមិឆាយលូក ឃុំអូរសោម ស្រុកវាលវែង មានអនុភាព១២០មេហ្គាវ៉ាត់(MW) កំពុងដំណើរការ៕

បណ្ដាញសង្គម

ព័ត៌មានថ្មីៗ

អនុប្រធានទី១ គ.ជ.គ.ម អញ្ជើញដឹកនាំកិច្ចប្រជុំលើរបាយការណ៍លទ្ធផលការងារគ្រប់គ្រងគ្រោះមហន្តរាយខែមិថុនា និងលើកទិសដៅការងារអនុវត្តបន្តខែកក្កដា

កម្ពុជានឹងរៀបចំពិព័រណ៍អាហារខ្មែរ ដើម្បីលើកកម្ពស់ផលិតផលក្នុងស្រុក និងពង្រីកទីផ្សារដល់សហគ្រិន

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ក្រសួងបរិស្ថានរៀបចំកូនឈើ៥លានដើម សម្រាប់ចែកជូនពលរដ្ឋក្នុងពិព័រណ៍ «ពន្លកបៃតង» នៅខែក្រោយ

ក្រសួងមុខងារសាធារណៈ៖ «វិស័យអប់រំ» ជាវិស័យអាទិភាពលំដាប់ទីមួយរបស់រាជរដ្ឋាភិបាល ដើម្បីកសាង និងអភិវឌ្ឍមូលធនមនុស្ស ប្រកបដោយគុណភាពខ្ពស់ និងសុខភាពល្អ ដែលជាទ្រព្យសកម្មជាតិដ៏រឹងមាំ

លោកជំទាវបណ្ឌិត ពេជ ចន្ទមុន្នីហ៊ុនម៉ាណែត អញ្ជើញសម្ពោធដាក់ឲ្យដំណើរការសារមន្ទីរព្រះវិហារអដ្ឋរស្ស និងពុទ្ធាភិសេកព្រះបដិមាព្រះសម្មាសម្ពុទ្ធអង្គធំ ក្នុងរមណីយដ្ឋានភ្នំព្រះរាជទ្រព្យ (ឧដុង្គ)

អ្នកនាំពាក្យក្រសួងការងារ៖ គិតត្រឹម ៥ខែដើមឆ្នាំ២០២៦នេះ ចំនួនសហគ្រាស ក្រុមហ៊ុន រោងចក្រនៅកម្ពុជាមានចំនួន ៤៧ ២៩៩ សហគ្រាស កើនឡើងចំនួន ៦៥០សហគ្រាស

អាជ្ញាធរខេត្តកំពង់ស្ពឺ សម្ពោធផ្លូវបេតុងក្រាលកៅស៊ូលើខ្នងភ្នំឧទ្យានជាតិសុរាម្រិតកុសមៈគីរីរម្យ ដើម្បីលើកកម្ពស់វិស័យទេសចណ៍

ក្រុមប្រឹក្សាធម្មនុញ្ញប្រគល់ស្តម្ភរដ្ឋធម្មនុញ្ញចម្លង ដើម្បីតម្កល់នៅសាលារាជធានី-ខេត្ត សម្រាប់ប្រារព្ធពិធីគោរពរដ្ឋធម្មនុញ្ញ

មន្រ្ដីជាន់ខ្ពស់ក្រសួងអភិវឌ្ឍន៍ជនបទ ដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងលើកទិសដៅបន្ត របស់មន្ទីរអភិវឌ្ឃន៍ជនបទខេត្តកំពត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អូស្ត្រាលីនិយាយថា ទីក្រុង Canberra ត្រូវការនាវាមុជទឹកដើរដោយថាមពលនុយក្លេអ៊ែរ ដើម្បីទប់ឥទ្ធិពលយោធាចិន

ចិនព្រមានពីវិថីដ៏គ្រោះថ្នាក់ ក្រោយកិច្ចព្រមព្រៀងទិញនាវាមុជទឹក AUKUS

បំណាក់ដីបណ្តាលឲ្យមនុស្ស ៨នាក់ស្លាប់នៅតំបន់អាម៉ាហ្សូនប្រទេសប្រេស៊ីល

កំណើនអ្នកស្លាប់ដោយសារព្យុះស៊ីក្លូន Freddy នៅប្រទេសម៉ាឡាវីកើនឡើងដល់ជិត ១០០នាក់

យោធាមីយ៉ាន់ម៉ា និងក្រុមអ្នកតវ៉ាប្រឆាំងរបបសឹកចោទដាក់គ្នា ជុំវិញការវាយប្រហារសម្លាប់មនុស្សប្រហែល ៣០នាក់

ប្រធានាធិបតីចិននឹងនិយាយជាមួយលោក Zelenskyy បន្ទាប់ពីដំណើរទស្សនកិច្ចទៅរុស្ស៊ីសប្ដាហ៍ក្រោយ

អាមេរិក អង់គ្លេស និងអូស្ត្រាលីព្រមព្រៀងលើគម្រោងទិញនាវាមុជទឹកដើរដោយថាមពលនុយក្លេអ៊ែរ

កូរ៉េខាងជើងបាញ់មីស៊ីលបាលីស្ទីករយៈចម្ងាយខ្លី ២គ្រាប់ប្រឆាំងសមយុទ្ធរួមគ្នារវាងអាមេរិក-កូរ៉េខាងត្បូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិន​ព្រមាន​ពី​វិថី​ដ៏​គ្រោះថ្នាក់ ក្រោយ​កិច្ចព្រមព្រៀង​ទិញ​នាវាមុជទឹក AUKUS

បំណាក់​ដី​បណ្តាល​ឲ្យ​មនុស្ស ៨នាក់​ស្លាប់​នៅ​តំបន់​អា​ម៉ា​ហ្សូ​ន​ប្រទេស​ប្រេ​ស៊ី​ល​

កំណើន​អ្នកស្លាប់​ដោយសារ​ព្យុះ​ស៊ីក្លូន Freddy នៅ​ប្រទេស​ម៉ាឡាវី​កើនឡើង​ដល់​ជិត ​១០០​នាក់

ប្រធានាធិបតី​ចិន​នឹង​និយាយ​ជាមួយ​លោក ​Zelenskyy​ បន្ទាប់ពី​ដំណើរ​ទស្សនកិច្ច​ទៅ​រុស្ស៊ី​សប្ដាហ៍​ក្រោយ

អាមេរិក អង់គ្លេស និង​អូស្ត្រាលីព្រមព្រៀង​លើ​គម្រោង​ទិញ​នាវាមុជទឹក​ដើរ​ដោយ​ថាមពលនុយក្លេអ៊ែរ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិនព្រមានពីវិថីដ៏គ្រោះថ្នាក់ ក្រោយកិច្ចព្រមព្រៀងទិញនាវាមុជទឹក AUKUS

បំណាក់ដីបណ្តាលឲ្យមនុស្ស ៨នាក់ស្លាប់នៅតំបន់អាម៉ាហ្សូនប្រទេសប្រេស៊ីល

កំណើនអ្នកស្លាប់ដោយសារព្យុះស៊ីក្លូន Freddy នៅប្រទេសម៉ាឡាវីកើនឡើងដល់ជិត ១០០នាក់

ប្រធានាធិបតីចិននឹងនិយាយជាមួយលោក Zelenskyy បន្ទាប់ពីដំណើរទស្សនកិច្ចទៅរុស្ស៊ីសប្ដាហ៍ក្រោយ

អាមេរិក អង់គ្លេស និងអូស្ត្រាលីព្រមព្រៀងលើគម្រោងទិញនាវាមុជទឹកដើរដោយថាមពលនុយក្លេអ៊ែរ