BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

សម្ដេចតេជោ ហ៊ុន សែន នឹងអញ្ជើញសំណេះសំណាលជាមួយប្រជាពលរដ្ឋ និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់១ នៅព្រឹកស្អែកនេះ

ភ្នំពេញ៖ នៅព្រឹកថ្ងៃទី១៤ ខែមីនា ឆ្នាំ២០២៣ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជួបសំណេះសំណាល ជាមួយប្រជាពលរដ្ឋ ដែលបានផ្លាស់ប្តូរទីលំនៅទៅទីតាំងថ្មី និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់១ ស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ ។វារីអគ្គិសនីស្ទឹងពោធិ៍សាត់១ ដែលមានអនុភាព ៨០មេហ្គាវ៉ាត់ (MW) មានទីតាំងស្ថិតនៅភូមិស្ទឹងថ្មី ឃុំប្រម៉ោយ ស្រុកវាលវែង ពោធិ៍សាត់។ វារីអគ្គិសនីនេះ គ្រោងនឹងដាក់ឱ្យដំណើរការនៅក្នុងឆ្នាំ២០២៦ នាពេលខាងមុខនេះ ដោយបច្ចុប្បន្ននេះ ក្រុមហ៊ុនកំពុងដំណើរការសាងសង់ទំនប់។គម្រោងវារីអគ្គិសនីស្ទឹងពោធិ៍សាត់១ គឺជាគម្រោងវារីអគ្គិសនីទី២ របស់ខេត្តពោធិ៍សាត់ បន្ទាប់ពីគម្រោងវារីអគ្គិសនីទី១ គឺវារីអគ្គិសនីស្ទឹងអាតៃ ស្ថិតនៅភូមិឆាយលូក ឃុំអូរសោម ស្រុកវាលវែង មានអនុភាព១២០មេហ្គាវ៉ាត់(MW) កំពុងដំណើរការ៕

ប្រធានាធិបតីចិនបញ្ជាក់ពីតម្រូវការពង្រឹងសន្តិសុខជាតិនៅក្នុងសុន្ទរកថាបិទកិច្ចប្រជុំ

ចិន៖ ប្រធានាធិបតីចិនលោក Xi Jinping នៅថ្ងៃចន្ទនេះបានបញ្ជាក់លើតម្រូវការ ក្នុងការពង្រឹងសន្តិសុខជាតិនៅក្នុងសុន្ទរកថាដំបូងរបស់លោក ចាប់តាំងពីត្រូវបានបោះឆ្នោតជ្រើសរើសជាប្រធានាធិបតីរបស់ប្រទេស សម្រាប់អាណត្តិទី៣ ជាប្រវត្តិសាស្ត្រ។ លោក Xi បានក្លាយជាមេដឹកនាំដ៏មានឥទ្ធិពលបំផុតរបស់ប្រទេសចិនកាលពីសប្តាហ៍មុន ខណៈលោកត្រូវបានជាប់ឆ្នោតជាថ្មីទៀតសម្រាប់រយៈពេល ៥ឆ្នាំក្នុងការគ្រប់គ្រងប្រទេសដែលមានប្រជាជនច្រើនជាងគេលើពិភពលោក។ លោក Xi ដែលមានអាយុ ៦៩ឆ្នាំនៅថ្ងៃចន្ទនេះបានថ្លែងអំណរគុណដល់គណៈប្រតិភូរាប់ពាន់នាក់ នៅក្នុងមហាសាលប្រជាជនក្នុងទីក្រុងប៉េកាំង ដែលបានបោះឆ្នោតឲ្យលោកសម្រាប់អាណត្តិទីបីដោយប្តេជ្ញាថា យកតម្រូវការរបស់ប្រទេសជាបេសកកម្មរបស់លោក និងផលប្រយោជន៍របស់ប្រជាជនជាវិធានការរបស់លោក។ លោក Xi បានថ្លែងទៅកាន់គណៈប្រតិភូថា សន្តិសុខគឺជាមូលដ្ឋាននៃការអភិវឌ្ឍន៍ ខណៈស្ថិរភាពគឺជាតម្រូវការជាមុនសម្រាប់ភាពរីចម្រើន។ យើងត្រូវតែជំរុញពេញលេញនូវទំនើបភាវូបនីយកម្មនៃវិស័យការពារជាតិ និងកងកម្លាំងប្រដាប់អាវុធ ហើយកសាងកងកម្លាំងប្រដាប់អាវុធរបស់ប្រជាជនទៅជាមហាកំផែងដែក ដែលការពារប្រកបដោយប្រសិទ្ធភាពនូវអធិបតេយ្យភាពជាតិ សន្តិសុខ និងផលប្រយោជន៍អភិវឌ្ឍន៍។ លោក Xi ក៏បានអំពាវនាវឱ្យមានស្ថិរភាពបង្រួបបង្រួមនៅក្នុងទីក្រុងហុងកុង និងការបង្រួបបង្រួមជាមួយកោះតៃវ៉ាន់ជាកោះស្វ័យការពារ ដែលទីក្រុងប៉េកាំងចាត់ទុកថាជាផ្នែកនៃទឹកដីរបស់ខ្លួន៕អត្ថបទ៖ ប៊ុនថន

លោក Zelenskiy និយាយថា ទាហានរុស្ស៊ីជាង ១,១០០នាក់ស្លាប់ក្នុងរយៈពេលមិនដល់ ១សប្តាហ៍នៅ Bakhmut

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយកាលពីថ្ងៃអាទិត្យថា កងកម្លាំងរុស្ស៊ីបានស្លាប់ជាង ១.១០០នាក់ក្នុងរយៈពេលមិនដល់ ១សប្តាហ៍ក្នុងការប្រយុទ្ធគ្នានៅជិតទីក្រុង Bakhmut ភាគខាងកើតអ៊ុយក្រែន។ លោក Zelenskiy និយាយថា ក្នុងរយៈពេលមិនដល់ ១សប្តាហ៍ដោយចាប់ផ្តើមពីថ្ងៃទី៦ ខែមីនា យើងអាចសម្លាប់ទាហានសត្រូវជាង ១,១០០នាក់នៅក្នុងតំបន់ទីក្រុង Bakhmut តែមួយ ដែលជាការបាត់បង់ទាហានរបស់រុស្ស៊ីដ៏ច្រើននៅទីក្រុង Bakhmut ហើយសម្ភារសត្រូវរាប់សិបគ្រឿងត្រូវបានបំផ្លាញ ដូចជាឃ្លាំងផ្ទុកគ្រាប់រំសេវរបស់រុស្សីច្រើនជាង ១០កន្លែង។ លោក Zelenskyy បានសម្តែងទំនុកចិត្តថា កងកម្លាំងរបស់លោកនឹងការពារបានយ៉ាងជោគជ័យនូវទីក្រុង Bakhmut ជាទីក្រុងយុទ្ធសាស្ត្រពីការឈ្លានពានរបស់រុស្ស៊ី ដែលទីក្រុងនេះជាបន្ទាយរបស់អ៊ុយក្រែននៅតំបន់ Donetsk ភាគខាងកើតប្រទេស។ ទន្ទឹមនឹងនេះ សម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន និងជាប្រធានក្រុមទាហានស៊ីឈ្នួលរុស្ស៊ី Wagner លោក Yevgeny Prigozhin បាននិយាយកាលពីថ្ងៃអាទិត្យថា ស្ថានភាពនៅទីក្រុង Bakhmut មានសភាពតឹងតែងខ្លាំង។ នៅក្នុងសេចក្តីថ្លែងការណ៍ដែលចេញផ្សាយដោយអង្គភាពសារព័ត៌មានលោក Prigozhin បាននិយាយថា ខណៈអ្នកប្រយុទ្ធរបស់លោកកាន់តែខិតទៅកណ្តាលទីក្រុងការប្រយុទ្ធកាន់តែពិបាក ហើយកាំភ្លើងធំ និងរថក្រោះកាន់តែច្រើនតម្រង់មកលើទាហានរបស់លោក។ លោក Progozhin និយាយថា យើងកំពុងរុលចូលទៅមុខ ហើយយើងនឹងនៅតែរុលទៅមុខទៀត។ លោក Progozhin បានអះអាងថា សមាជិកកងទ័ពរុស្ស៊ីបានជួយកងទ័ពរបស់លោកដោយការផ្តល់គ្រាប់រំសេវ៕អត្ថបទ៖ ប៊ុនថន

អាមេរិក និងកូរ៉េខាងត្បូងធ្វើសមយុទ្ធយោធារួមគ្នានៅថ្ងៃចន្ទនេះ ដែលការបង្កហេតុរបស់កូរ៉េខាងជើងអាចធ្វើទៅបាន

កូរ៉េខាងត្បូង៖ សហរដ្ឋអាមេរិក និងប្រទេសកូរ៉េខាងត្បូងបានចាប់ផ្តើមសមយុទ្ធយោធារួមគ្នា ជាទៀងទាត់របស់ប្រទេសទាំងពីរនៅថ្ងៃចន្ទនេះ ដោយការហ្វឹកហ្វឺនក្នុងទ្រង់ទ្រាយធំនឹងបន្តឡើងវិញ។ ប៉ុន្តែសមយុទ្ធនេះអាចជំរុញឱ្យប្រទេសកូរ៉េខាងជើងធ្វើសកម្មភាពបង្កហេតុ។ សមយុទ្ធ Freedom Shield រយៈពេល ១១ថ្ងៃនឹងក្លាយជាសមយុទ្ធនិទាឃរដូវលើកដំបូង ចាប់តាំងពីប្រធានាធិបតីកូរ៉េខាងត្បូងលោក Yoon Suk-yeol ចូលកាន់តំណែងកាលពីខែឧសភាឆ្នាំមុន។ សមយុទ្ធនេះនឹងមើលឃើញការហ្វឹកហ្វឺនលើទីលានធំឡើងវិញ ជាលើកដំបូងក្នុងរយៈពេល ៥ឆ្នាំមកនេះ។ សមយុទ្ធនេះត្រូវបានផ្អាកក្រោមរដ្ឋបាលរបស់អតីតប្រធានាធិបតីលោក Moon Jae-in។ ទីភ្នាក់ងារសារព័ត៌មាន Yonhap News របស់កូរ៉េខាងត្បូងបានរាយការណ៍ថា សមយុទ្ធនេះនឹងមានការហ្វឹកហាត់ប្រហែល ២០ប្រភេទ រួមមានទាំងការចូលចតទាំងលើដីគោក និងលើទឹក។ សមយុទ្ធនេះអាចដំណើរការក្នុងពេលដំណាលគ្នា ជាមួយការដាក់ពង្រាយនាវាផ្ទុកយន្តហោះ និងនាវាមុជទឹកដើរដោយថាមពលនុយក្លេអ៊ែររបស់សហរដ្ឋអាមេរិក ទៅកាន់ដែនទឹកក្បែរឧបទ្វីបកូរ៉េ។ យោធាកូរ៉េខាងត្បូងនិយាយថា ខ្លួននឹងពង្រឹងសមត្ថភាពឆ្លើយតបបន្ថែមទៀត តាមរយៈសមយុទ្ធដែលនឹងបង្ហាញពីការអភិវឌ្ឍន៍នុយក្លេអ៊ែរ និងមីស៊ីលទំនើបរបស់ប្រទេសកូរ៉េខាងជើង ព្រមទាំងការផ្លាស់ប្តូរស្ថានភាពសន្តិសុខ។ ប្រទេសកូរ៉េខាងជើងបានតវ៉ាយ៉ាងខ្លាំងចំពោះសមយុទ្ធនេះ ហើយបាននិយាយថា ខ្លួនអាចនឹងឆ្លើយតបជាការបង្កហេតុ ប្រសិនបើសមយុទ្ធនេះបន្តទៅទៀត។ ទីភ្នាក់ងារស៊ើបការណ៍សម្ងាត់របស់កូរ៉េខាងត្បូងបាននិយាយថា ប្រទេសកូរ៉េខាងជើងត្រូវបានគេរំពឹងថា នឹងធ្វើសមយុទ្ធយោធាទ្រង់ទ្រាយធំនៅក្នុងខែមីនា និងខែមេសា។ ទីភ្នាក់ងារនេះនិយាយថា សមយុទ្ធអាចនាំមកនូវការបាញ់មីស៊ីលបាលីស្ទីកអន្តរទ្វីប ប្រើឥន្ធនៈរឹងជាលើកដំបូងរបស់ក្រុងព្យុងយ៉ាង។ ឥន្ធនៈរឹងអាចបាញ់មីស៊ីលបានកាន់តែលឿន បើប្រៀបធៀបទៅនឹងឥន្ធនៈរាវធម្មតា៕អត្ថបទ៖ ប៊ុនថន

ប្រធានក្រុមហ៊ុនទាហានស៊ីឈ្នួលរុស្ស៊ីនិយាយថា ស្ថានភាពនៅក្នុងទីក្រុង Bakhmut យ៉ាប់យ៉ឺនខ្លាំងណាស់

អ៊ុយក្រែន៖ សម្ព័ន្ធមិត្តមួយរូបរបស់លោកប្រធានាធិបតីរុស្ស៊ី Vladimir Putin និងជាប្រធានក្រុមហ៊ុនទាហានស៊ីឈ្នួលរបស់រុស្ស៊ីវ៉េកណា ក្រុប (Wagner group) លោក Yevgeny Prigozhin បាននិយាយកាលពីថ្ងៃអាទិត្យថា ស្ថានភាពនៅក្នុងទីក្រុង Bakhmut របស់ប្រទេសអ៊ុយក្រែនយ៉ាប់យ៉ឺនខ្លាំងណាស់។ នៅក្នុងសេចក្ដីថ្លែងការណ៍ជាសំឡេងដែលបានបញ្ចេញដោយសារព័ត៌មានរបស់លោក លោក Prigozhin បាននិយាយថា ក្រុមអ្នកប្រយុទ្ធរបស់លោកដែលចូលទៅកាន់ជិតដល់កណ្ដាលទីក្រុងនេះ ជួបការលំបាកកាន់តែខ្លាំង ហើយការបាញ់ផ្លោងដោយគ្រាប់កាំភ្លើងធំ និងរថក្រោះបានដាក់គោលដៅលើទាហានរបស់លោក។ លោកបានបន្ថែមថា អ៊ុយក្រែនបានបញ្ជូនទាហានបម្រុងជាបន្តបន្ទាប់ ប៉ុន្តែយើងកំពុងវាយរុលទៅមុខ ហើយយើងនឹងរុលទៅមុខបន្ថែមទៀត។ លោក Progozhin បានពន្យល់ថា សមាជិកនៃកងទ័ពរបស់រុស្ស៊ីបានជួយផ្ដល់គ្រាប់រំសេវឲ្យទាហានរបស់លោក។ លោកថា កាលពីម្សិលមិញយើងបានទទួលរថយន្តដឹកទំនិញចំនួន ១៥គ្រឿង ថ្ងៃនេះយើងទទួលបាន ១២គ្រឿង ហើយខ្ញុំគិតថា យើងនឹងបន្តទទួលបានថែមទៀត លោកបានបន្ថែមថា គ្មានការផ្ទុះជម្លោះណាមួយរវាងក្រុមអ្នកប្រយុទ្ធវ៉េកណា និងកងទ័ពរុស្ស៊ីនោះទេ៕អត្ថបទ៖ សុខមាន

ចិនរិះគន់ទីក្រុងម៉ានីលជុំវិញទំនាក់ទំនងយោធាកាន់តែជិតស្និទ្ធជាមួយអាមេរិក ដោយព្រមានទល់នឹងការនាំចចកចូលផ្ទះ

ចិន៖ ទីក្រុងប៉េកាំងបានបង្កើនការរិះគន់លើការសម្រេចចិត្តរបស់ប្រទេសហ្វីលីពីន ក្នុងការស្វែងរកទំនាក់ទំនងយោធាកាន់តែជិតស្និទ្ធជាមួយសហរដ្ឋអាមេរិក ខណៈចោទប្រកាន់ទីក្រុងវ៉ាស៊ីនតោនអូសទាញប្រទេសនេះប្រឆាំងចិន និងឈានទៅរកជម្លោះភូមិសាស្ត្រនយោបាយ។ ស្ថានទូតចិននៅក្នុងទីក្រុងម៉ានីលបាននិយាយកាលពីថ្ងៃអាទិត្យថា ប្រទេសហ្វីលីពីនត្រូវតែបញ្ឈប់ដំណើរឈានចូលទៅក្នុងផ្លូវអាក្រក់នៃការនាំចចកចូលផ្ទះ ដោយចេញការព្រមានដាច់ណាត់ចំពោះរដ្ឋាភិបាលរបស់លោកប្រធានាធិបតី Ferdinand Marcos Jnr នូវអ្វីដែលជាសេចក្ដីថ្លែងការណ៍ទី២ របស់ខ្លួនលើបញ្ហានេះក្នុងរយៈពេល ៣ថ្ងៃ។ ទោះបីជាមានការប្ដេជ្ញាពង្រឹងទំនាក់ទំនងអំឡុងដំណើររបស់លោក Marcos ទៅកាន់ទីក្រុងប៉េកាំងកាលពីខែមករា ទំនាក់ទំនងទ្វេភាគីត្រូវបានអាប់អួរនៅពេលថ្មីៗ ក្រោយទីក្រុងម៉ានីលបានសម្រេចងាកទៅរកសហរដ្ឋអាមេរិក ដើម្បីប្រឆាំងការអះអាងសិទ្ធិលើដែនទឹករបស់ចិន ខណៈភាពតានតឹងរីកកាន់តែធំជុំវិញជម្លោះដែនទឹកនៅក្នុងសមុទ្រចិនខាងត្បូង។ សេចក្ដីថ្លែងការណ៍ចុងក្រោយរបស់ស្ថានទូតចិនកើតឡើង បន្ទាប់ពីឯកអគ្គរដ្ឋទូតអាមេរិកប្រចាំទីក្រុងម៉ានីលលោក MaryKay Carlson បាននិយាយថា ការសម្រេចចិត្តរបស់លោក Marcos ក្នុងការបើកចំហតំបន់ចំនួន៤ បន្ថែមទៀតដល់កងកម្លាំងអាមេរិក ក្រោមកិច្ចព្រមព្រៀងសហប្រតិបត្តិការការពារដ៏ល្អប្រសើរ នឹងជួយអភិវឌ្ឍន៍សេដ្ឋកិច្ចក្នុងតំបន់៕អត្ថបទ៖ សុខមាន

ក្រសួងព្រះបរមរាជវាំង៖ អគ្គិភ័យឆេះអគារព្រះរាជដំណាក់តូច នៃព្រះរាជដំណាក់ខេត្តសៀមរាប បណ្តាលមកពីឆ្លងចរន្តអគ្គិសនី

ភ្នំពេញ៖ ក្រសួងព្រះបរមរាជវាំង សម្តែងការសោកស្តាយពន់ពេកចំពោះព្រឹត្តិការណ៍ឆេះអគារព្រះរាជដំណាក់តូច នៃព្រះរាជដំណាក់ខេត្តសៀមរាប បណ្តាលមកពីឆ្លងចរន្តអគ្គិសនី(ទុស្សេខ្សែភ្លើង)។

មនុស្សរាប់ពាន់នាក់ចេញតវ៉ាជាថ្មីនៅកណ្ដាលទីក្រុងអាតែន ក្រោយគ្រោះថ្នាក់រថភ្លើងសម្លាប់មនុស្ស ៥៧នាក់

ក្រិក៖ មនុស្សរាប់ពាន់នាក់បានប្រមូលផ្ដុំគ្នាជាថ្មីទៀតកាលពីថ្ងៃអាទិត្យ នៅកណ្ដាលរដ្ឋធានីអាតែន ប្រទេសក្រិក ជុំវិញគ្រោះមហន្តរាយរថភ្លើងបុកគ្នាដ៏សាហាវសម្លាប់មនុស្ស ៥៧នាក់កាលពីខែមុននៅក្នុងប្រទេសក្រិក។ ក្រុមអ្នកតវ៉ាបានបង្ហាញកំហឹងជុំវិញការធ្វេសប្រហែលសុវត្ថិភាព នៅក្នុងបណ្ដាញផ្លូវរថភ្លើងរបស់ប្រទេសក្រិក និងបានទាមទារឲ្យដាក់ទោសលើអ្នកទទួលខុសត្រូវដែលបង្កឲ្យរថភ្លើងដឹកអ្នកដំណើរ និងរថភ្លើងដឹកទំនិញបុកគ្នាឆក់យកជីវិតមនុស្ស ៥៧នាក់កាលពីថ្ងៃទី២៨ ខែកុម្ភៈ។ នគរបាលបាននិយាយថា មនុស្សជាង ៨ពាន់នាក់បានប្រមូលផ្ដុំគ្នានៅក្នុងទីក្រុងអាតែន នៅខាងក្រៅអគាររដ្ឋសភាដើម្បីតវ៉ាជាថ្មីកាលពីថ្ងៃអាទិត្យ ទី១២មីនា។ ក្រុមអ្នកតវ៉ាបានសម្រុកទៅកាន់ទីលានចតុរង្គ Syntagma របស់រដ្ឋធានីអាតែនដោយក្រវីផ្ទាំងបដាអានថា យើងនឹងមិនភ្លេចឡើយ យើងនឹងមិនលើកទោសឲ្យឡើយ និងឃ្លាថា យើងនឹងក្លាយជាសំឡេងរបស់អ្នកស្លាប់ទាំងអស់។ អ្នកក្រុងអាតែនម្នាក់ដែលចូលរួមការតវ៉ាឈ្មោះ Markella វ័យ ៦៥ឆ្នាំបានប្រាប់ទីភ្នាក់ងារសារព័ត៌មាន AFP ថា កំហឹង និងការមិនពេញចិត្តបាននាំខ្ញុំមកកាន់ទីនេះ ។ អ្នកតវ៉ាម្នាក់ទៀតឈ្មោះ Alexandros វ័យ ២៦ឆ្នាំបាននិយាយថា យើងអស់សង្ឃឹម យើងទាំងអស់គ្នាមិនដឹងថាត្រូវនិយាយថាម៉េច ហើយត្រូវធ្វើអ្វីក្រៅពីការមកប្រមូលផ្ដុំគ្នាតវ៉ានេះ៕អត្ថបទ៖ សុខមាន

អូស្ត្រាលីនឹងបន្តគាំទ្រជួយដល់កម្ពុជា លើវិស័យជាច្រើន ជាពិសេសជួយកម្ពុជា ជាប្រទេសគ្មានមីននៅឆ្នាំ២០២៥

ភ្នំពេញ៖ អូស្ត្រាលីបានអះអាងថានឹងបន្តគាំទ្រជួយកម្ពុជាលើវិស័យជាច្រើន ដូចជាសេដ្ឋកិច្ច វិនិយោគ កសិកម្ម ជាពិសេសជួយឱ្យកម្ពុជាជាប្រទេសគ្មានមីននៅឆ្នាំ២០២៥ តាមការគ្រោងទុករបស់រដ្ឋាភិបាលកម្ពុជា ។ការបញ្ជាក់អះអាងរបស់ភាគីអូស្ត្រាលីបែបនេះ ខណៈសម្តេចតេជោ ហ៊ុនសែន នាយករដ្ឋមន្ត្រីកម្ពុជាបានអនុញ្ញាតឲ្យឯកឧត្ដម ចាស្ទីន ខេវិន វ៉ាយអេត(Justin Kevin Wayatt) ឯកអគ្គរដ្ឋទូតអូស្ត្រាលីប្រចាំកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី១៣ ខែមីនា ឆ្នាំ២០២៣នេះ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោនាយករដ្ឋមន្ត្រីបានឱ្យដឹងថា បានគោរពជម្រាបជូនសម្ដេចតេជោថា ឯកឧត្តមពិតជាមានសេចក្តីរីករាយណាស់ដែលបានវិលត្រឡប់មកបំពេញការងារនៅព្រះរាជាណាចក្រកម្ពុជា បន្ទាប់ពីរយៈពេលជាង២០ឆ្នាំកន្លងមក។ឯកឧត្តមបានជម្រាបជូនសម្ដេចតេជោថា នៅពេលនេះកម្ពុជាមានការរីកលូតលាស់និងអភិវឌ្ឍន៍យ៉ាងឆាប់រហ័ស ហើយឯកឧត្តមក៏សូមសំដែងនូវការគោរពចំពោះការដឹកនាំដ៏វៃឆ្លាតរបស់សម្ដេចតេជោក្នុងការទប់ស្កាត់ការរីករាលដាលជំងឺ កូវីដ-១៩ កន្លងមក ការរៀបចំនិងដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធនៅព្រះរាជាណាចក្រកម្ពុជា កាលពីឆ្នាំទៅដែលនាំមកជូនកម្ពុជានូវកិត្តិនាម កិត្តិសព្ទដ៏ល្អរន្ទីរ ក៏ដូចជាបានគោរពជម្រាបជូនសម្ដេចតេជោថា ក្នុងអាណត្តិជាឯកអគ្គរដ្ឋទូតនៅព្រះរាជាណាចក្រកម្ពុជាឯកឧត្តមនិងប្រឹងប្រែងធ្វើយ៉ាងណាពង្រឹងទំនាក់ទំនងរវាងប្រទេសទាំងពីរនិងកិច្ចសហប្រតិបត្តិការប្រកបដោយប្រសិទ្ធភាពខ្ពស់និងក្នុងភាពជាដៃគូលើវិស័យមួយចំនួន ដូចជាការ ជំរុញពង្រឹងទំនាក់ទំនងរវាងប្រជាជននិងប្រជាជន ទំនាក់ទំនងរវាងអ្នកវិនិយោគនិងអ្នកវិនិយោគ ជំរុញកិច្ចសហប្រតិបត្តិការលើវិស័យកសិកម្ម លើវិស័យសុខាភិបាល លើវិស័យដោះមីនធ្វើយ៉ាងណាជួយគាំទ្រកម្ពុជាឲ្យបានសម្រេចនូវគោលដៅប្រទេសគ្មានមីននៅឆ្នាំ២០២៥ កិច្ចសហប្រតិបត្តិការលើវិស័យសង្គមកិច្ច វិស័យលទ្ធិប្រជាធិបតេយ្យនិងសិទ្ធិមនុស្ស វិស័យការពារជាតិនិងវិស័យទប់ស្កាត់ឧក្រិដ្ឋកម្មឆ្លងដែនការជួញដូរគ្រឿងញៀនជួញដូរមនុស្សនិងឧក្រិដ្ឋកម្មផ្សេងៗទៀត។ជាការឆ្លើយតប សម្ដេចតេជោ បានសំដែងនូវការស្វាគមន៍និងអបអរសាទរជូនចំពោះឯកឧត្តមវ៉ាយអេត ដែលត្រូវបានតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពរបស់អូស្ត្រាលីប្រចាំកម្ពុជា។សម្ដេចក៏បានសំដែងនូវការរីករាយចំពោះកិច្ចសហប្រតិបត្តិការរវាងប្រទេសទាំងពីរជាពិសេសលើវិស័យកសិកម្មដែលអូស្ត្រាលីបានជួយកម្ពុជាបង្កើតជាវិទ្យាស្ថានកាឌី សម្រាប់ការស្រាវជ្រាវ ហើយការស្រាវជ្រាវនេះសោតទៀតក៏បាននាំកម្ពុជាទៅដល់ការស្រាវជ្រាវបានពូជស្រូវដ៏ល្អជាប់ចំណាត់ថ្នាក់លេខមួយនិងពូជស្រូវដទៃទៀត។សម្ដេចតេជោក៏បានថ្លែងអំណរគុណផងដែរជូនចំពោះរដ្ឋាភិបាលនិងប្រជាជនអូស្ត្រាលីដែលកន្លងមកបានជួយកម្ពុជាក្នុងការផ្ដល់វ៉ាក់សាំងសម្រាប់ទប់ស្កាត់ការីរាលជំងឺ កូវីដ-១៩។សម្ដេចបានមានប្រសាសន៍ថាជោគជ័យរបស់កម្ពុជាលើការទប់ស្កាត់ជំងឺកូវីដ-១៩ គឺមិនអាចកាត់ផ្ដាច់បានពីការគាំទ្រនិងជួយពីប្រទេសអូស្ត្រាលីទេ។សម្ដេចតេជោក៏បានថ្លែងអំណរគុណផងដែរជូនដល់រដ្ឋាភិបាលនិងប្រជាជនអូស្ត្រាលីដែលបានជួយដល់កម្ពុជាលើបញ្ហាដោះមីននិងកិច្ចសហប្រតិបត្តិការលើវិស័យសេដ្ឋកិច្ចពាណិជ្ជកម្ម វិនិយោគ រួមនឹងវិស័យដទៃទៀត។គួរបញ្ជាក់ថា ឯកឧត្តម ចាស្ទីន វ៉ាយអេត ត្ត្រូវបានរដ្ឋាភិបាលអូស្ត្រាលីតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពប្រចាំកម្ពុជា ជំនួសឯកឧត្តម បាប្លូ កាង។បើតាមស្ថានទូតអូស្ត្រាលីប្រចាំកម្ពុជា បានឱ្យដឹងថា នេះគឺជាលើកទីពីរហើយ ដែលឯកឧត្តម ចាស្ទីន វ៉ាយអេត បានមកបម្រើការងារនៅប្រទេសកម្ពុជា បន្ទាប់ពីបានមកធ្វើការងារការទូតដំបូងបង្អស់ របស់លោកនៅកម្ពុជាកាលពីជាង២០ឆ្នាំមុន៕

ឯកឧត្តម ហ៊ុន ម៉ានី មានក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពពសហព័ន្ធយុវជនកម្ពុជា(សសយក) នៅព្រឹកថ្ងៃទី១៣ ខែមីនា ឆ្នាំ២០២៣នេះ បានសរសេរលើបណ្តាញសង្គមFacebook ដោយសម្តែងក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប។សារឯកឧត្តម ហ៊ុន ម៉ានី បានបញ្ជាក់ថា «ទូលព្រះបង្គំពិតជាមានសេចក្តីរន្ធត់ និងសោកស្តាយពន់ពេក ដោយបានទទួលដំណឹងអំពីអគ្គិភ័យដែលបានឆាបឆេះ ព្រះរាជដំណាក់ខេត្តសៀមរាបកាលពីយប់ថ្ងៃទី១២ ខែមីនា ឆ្នាំ២០២៣នេះ។ គិតត្រឹមព្រឹកនេះ ស្ថានការណ៍នៃអគ្គិភ័យនេះ ត្រូវបានគ្រប់គ្រងយ៉ាងពេញលេញហើយ»។ឯកឧត្តមបញ្ជាក់ថា «ចេញពីព្រឹត្តិការណ៍ដ៏អាក្រក់នេះ ទូលព្រះបង្គំសូមលើកហត្ថបួងសួងដល់វត្ថុសក្តសិទ្ធក្នុងលោក ទេវតាថែរក្សាទឹកដីព្រះរាជាណាចក្រកម្ពុជា ទេវតាថែរក្សាប្រាង្គប្រាសាទអង្គរ យាងប្រោះព្រុំស័ព្ទសាធុការពរជ័យថ្វាយព្រះករុណាជាអម្ចាស់ជីវិតលើត្បូង និងសម្តេចម៉ែ ជាទីសក្ការៈដ៏ខ្ពង់ខ្ពស់បំផុត សូមព្រះអង្គទាំងទ្វេមានព្រះរាជសុខភាពបរិបូរណ៍ ព្រះរាជកាយពលមាំមួន។ សូមព្រះអង្គទាំងទ្វេទុកព្រះទ័យលើកូនចៅទាំងអស់គ្នាចុះ»។ឆ្លៀតឱកាសនេះដែរ ឯកឧត្តម ហ៊ុន ម៉ានីក៏សូមថ្លែងអំណរគុណ ចំពោះកិច្ចខិតខំប្រឹងប្រែងរបស់អាជ្ញាធរមូលដ្ឋាន និងមានសមត្ថកិច្ច ជាពិសេសកម្លាំងអគ្គិភ័យ ដែលបានប្រឹងប្រែងអស់ពីលទ្ធភាពដើម្បីគ្រប់គ្រងស្ថានការណ៍៕

បណ្ដាញសង្គម

ព័ត៌មានថ្មីៗ

ក្រសួងធម្មការ និងសាសនា បន្តផ្សព្វផ្សាយ «នាទីព្រះពុទ្ធសាសនាផ្សារភ្ជាប់នឹងសង្គម» លើកទី៣៣០

អ៊ីរ៉ាក់ចាប់ខ្លួនមន្ត្រី ៤៧នាក់ ពីបទពុករលួយ មុនពេលនាយករដ្ឋមន្ត្រីទៅបំពេញទស្សនកិច្ចនៅសហរដ្ឋអាមេរិក

រុស្ស៊ី៖ គ្មានសញ្ញាណាមួយនៃហេដ្ឋារចនាសម្ព័ន្ធនុយក្លេអ៊ែរ ត្រូវបានដាក់ពង្រាយនៅក្នុងប្រទេសហ្វាំងឡង់ទេ

ការស្តារឡើងវិញនូវការធ្វើនាវាចរណ៍នៅច្រកសមុទ្រហ័រមូស នឹងចំណាយពេលច្រើនខែ ដោយសារគ្រាប់ មីន

ស៊ីរីថ្កោលទោសការឈ្លានពានរបស់អ៊ីស្រាអែល និងអំពានាវឲ្យមានវិធានការរបស់អង្គការសហប្រជាជាតិ

លោក PUTIN និយាយថា រុស្ស៊ីត្រៀមខ្លួនរួចជាស្រេច ដើម្បីបន្តការចរចាជាមួយអាមេរិក

ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្តល្មើសមានតែការអនុវត្តផ្លូវច្បាប់ប៉ុណ្ណោះ

ប្រព័ន្ធផ្សព្វផ្សាយ៖ អាមេរិកលែងចាត់ទុកអ៊ីស្រាអែលជាសម្ព័ន្ធមិត្តពិសេសទៀតហើយ

ក្រុមហេសបូឡានិយាយថា ខ្លួននឹងធ្វើការប្រឆាំងកិច្ចព្រមព្រៀងក្របខណ្ឌលីបង់-អ៊ីស្រាអែល

អនុប្រធានទី១ គ.ជ.គ.ម អញ្ជើញដឹកនាំកិច្ចប្រជុំលើរបាយការណ៍លទ្ធផលការងារគ្រប់គ្រងគ្រោះមហន្តរាយខែមិថុនា និងលើកទិសដៅការងារអនុវត្តបន្តខែកក្កដា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានាធិបតីចិនបញ្ជាក់ពីតម្រូវការពង្រឹងសន្តិសុខជាតិនៅក្នុងសុន្ទរកថាបិទកិច្ចប្រជុំ

លោក Zelenskiy និយាយថា ទាហានរុស្ស៊ីជាង ១,១០០នាក់ស្លាប់ក្នុងរយៈពេលមិនដល់ ១សប្តាហ៍នៅ Bakhmut

អាមេរិក និងកូរ៉េខាងត្បូងធ្វើសមយុទ្ធយោធារួមគ្នានៅថ្ងៃចន្ទនេះ ដែលការបង្កហេតុរបស់កូរ៉េខាងជើងអាចធ្វើទៅបាន

ប្រធានក្រុមហ៊ុនទាហានស៊ីឈ្នួលរុស្ស៊ីនិយាយថា ស្ថានភាពនៅក្នុងទីក្រុង Bakhmut យ៉ាប់យ៉ឺនខ្លាំងណាស់

មនុស្សរាប់ពាន់នាក់ចេញតវ៉ាជាថ្មីនៅកណ្ដាលទីក្រុងអាតែន ក្រោយគ្រោះថ្នាក់រថភ្លើងសម្លាប់មនុស្ស ៥៧នាក់

អូស្ត្រាលីនឹងបន្តគាំទ្រជួយដល់កម្ពុជា លើវិស័យជាច្រើន ជាពិសេសជួយកម្ពុជា ជាប្រទេសគ្មានមីននៅឆ្នាំ២០២៥

ឯកឧត្តម ហ៊ុន ម៉ានី មានក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​ចិន​បញ្ជាក់​ពី​តម្រូវ​ការពង្រឹង​សន្តិសុខ​ជាតិ​នៅក្នុង​សុន្ទរកថា​បិទ​កិច្ចប្រជុំ​

លោក Zelenskiy​ និយាយថា ទាហាន​រុស្ស៊ី​ជាង ១,១០០​នាក់​ស្លាប់​ក្នុង​រយៈពេល​មិន​ដល់ ​១​សប្តាហ៍​នៅ Bakhmut

ប្រធាន​ក្រុមហ៊ុន​ទាហាន​ស៊ីឈ្នួល​រុស្ស៊ី​និយាយថា ​ស្ថានភាព​នៅក្នុង​ទីក្រុង Bakhmut យ៉ាប់យ៉ឺន​ខ្លាំងណាស់

អូស្ត្រាលីនឹងបន្តគាំទ្រជួយដល់កម្ពុជា លើវិស័យជាច្រើន ជាពិសេសជួយកម្ពុជា ជាប្រទេសគ្មានមីននៅឆ្នាំ២០២៥

ឯកឧត្តម ហ៊ុន ម៉ានី មានក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីចិនបញ្ជាក់ពីតម្រូវការពង្រឹងសន្តិសុខជាតិនៅក្នុងសុន្ទរកថាបិទកិច្ចប្រជុំ

លោក Zelenskiy និយាយថា ទាហានរុស្ស៊ីជាង ១,១០០នាក់ស្លាប់ក្នុងរយៈពេលមិនដល់ ១សប្តាហ៍នៅ Bakhmut

ប្រធានក្រុមហ៊ុនទាហានស៊ីឈ្នួលរុស្ស៊ីនិយាយថា ស្ថានភាពនៅក្នុងទីក្រុង Bakhmut យ៉ាប់យ៉ឺនខ្លាំងណាស់