BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

សាច់ញាតិជនរងគ្រោះរង់ចាំ ខណៈកិច្ចប្រឹងប្រែងសង្គ្រោះកើនឡើងបន្ទាប់ពីរញ្ជួយដីនៅទួរគី

ទួរគី៖ សាច់ញាតិជនរងគ្រោះជាច្រើនគ្រួសារ បានមកប្រមូលផ្តុំគ្នានៅកន្លែងនៃអគារបាក់រលំ និងខូចខាតក្នុងទីក្រុងឌីយ៉ាបាគៀ (Diyarbakir) ភាគអាគ្នេយ៍ប្រទេសទួរគី បន្ទាប់ពីរញ្ជួយដីដ៏ខ្លាំងបានបំផ្លាញប្លុកលំនៅឋានទៅជាគំនរកម្ទេចថ្ម និងគំនរឥដ្ឋដែលបាក់បែកនៅរាយពាសពេញ។ ឧប្បត្តិហេតុដែលថតបានដោយកាមេរ៉ារបស់រដ្ឋ TRT Haber បង្ហាញកិច្ចខិតខំប្រឹងប្រែងជួយសង្គ្រោះត្រូវបានបង្កើននៅទីតាំងនោះ ខណៈពលរដ្ឋបានបួងសួងសម្រាប់ព័ត៌មានពីសាច់ញាតិ និងមិត្តភក្តិរបស់ពួកគេ។ ដោយមានសេវាសង្គ្រោះបន្ទាន់ និងអ្នកជួយសង្គ្រោះរួចហើយនៅកន្លែងកើតហេតុ បន្ទាប់ពីគ្រោះរញ្ជួយដីកម្រិត ៧.៨រ៉ិចទ័របានវាយប្រហារ អគារផ្សេងទៀតៗក៏បានបាក់រលំដោយការរញ្ជួយដីកម្រិត ៧.៧រ៉ិចទ័រដោយមានហុយផ្សែងធូលី និងសំឡេងស្រែកពីអ្នកឈរមើលហេតុការណ៍។ ពលរដ្ឋនៅក្នុងទីក្រុង Diyarbakir ជាទីក្រុងដែលមានប្រជាជន ១.២២លាននិយាយថា យើងកំពុងរង់ចាំជាមួយក្តីសង្ឃឹម យើងនឹងទទួលបានដំណឹងល្អ។ លោកនិយាយថា យ៉ាងហោចណាស់អគារចំនួន ២០ខ្នងបានបាក់រលំដោយការរញ្ជួយដីដ៏ខ្លាំង ទោះបីជាទីក្រុងនេះស្ថិតនៅចម្ងាយ ២៧០គីឡូម៉ែត្រពីចំណុចកណ្តាលនៃគ្រោះរញ្ជួយដីក៏ដោយ។ ពលរដ្ឋផ្សេងទៀតដែលបានរត់ឡើងមកលើផ្លូវជាមួយក្រុមគ្រួសាររបស់លោក ការរញ្ជួយដីបានកាត់ផ្តាច់ទំនាក់ទំនងគួរឱ្យព្រួយបារម្ភ។ យើងមានអារម្មណ៍ភ័យខ្លាច និងព្រួយបារម្ភ នៅពេលដែលយើងដឹងថាមានមនុស្សដែលយើងមិនអាចជួយសង្គ្រោះបាន។ មនុស្សជាង ៤,៣០០នាក់បានស្លាប់ និងរាប់ពាន់នាក់ទៀតរងរបួសនៅក្នុងប្រទេសទួរគី និងភាគពាយព្យប្រទេសស៊ីរី។ អ្នកនៅរស់រានមានជីវិតមួយចំនួន កំពុងត្រូវបានទាញយកចេញពីកម្ទេចកម្ទីបាក់បែក ដោយផ្តល់ឱកាសនៃក្តីសង្ឃឹម ទោះបីជាមានការព្រួយបារម្ភថា ចំនួនអ្នកស្លាប់នឹងកើនឡើងក៏ដោយ៕ អត្ថបទ៖ ប៊ុនថន

ប្រមុខអង្គការសហប្រជាជាតិព្រមានពីសង្គ្រាមកាន់តែរីកធំ ខណៈជម្លោះអ៊ុយក្រែនកាន់តែធ្ងន់ធ្ងរ

អ៊ុយក្រែន៖ ប្រមុខអង្គការសហប្រជាជាតិលោក Antonio Guterres បានព្រមានពិភពលោកថា ជម្លោះអាចកំពុងបោះជំហានទៅរកសង្គ្រាមកាន់តែធំ ខណៈការប្រឈមនឹងការរីកកាន់តែធំនៃជម្លោះរវាងរុស្ស៊ី និងអ៊ុយក្រែន។ នៅក្នុងសុន្ទរកថាទៅកាន់មហាសន្និបាតអង្គការសហប្រជាជាតិចំនួន ១៩៣ប្រទេសកាលពីថ្ងៃចន្ទ ក្នុងពេលបង្ហាញពីចំណុចអាទិភាពសម្រាប់ឆ្នាំ២០២៣ របស់លោក លោក Guterres បានរិះគន់ការឈ្លានពានរបស់រុស្ស៊ីលើអ៊ុយក្រែន ដោយនិយាយថា សង្គ្រាមកំពុងបង្កការរងទុក្ខដល់ពលរដ្ឋអ៊ុយក្រែនរាប់លាននាក់ ព្រមទាំងបានប៉ះពាល់ខ្លាំងដល់ពិភពលោកទាំងមូលទៀតផង។ លោកថា ក្ដីរំពឹងសម្រាប់សន្តិភាពកាន់តែតិចទៅៗ។ ឱកាសនៃការរីកកាន់តែធំ និងធ្ងន់ធ្ងរនៃជម្លោះនៅតែកើនឡើងខ្លាំង។ ខ្ញុំបារម្ភថា ពិភពលោកនឹងដើរធ្លាក់ក្នុងសង្គ្រាមកាន់តែធ្ងន់ធ្ងរដោយមិនដឹងខ្លួន។ ខ្ញុំបារម្ភថា បានត្រឹមតែបើកភ្នែកឈរមើល។ ជម្លោះដែលមានរយៈពេលជិត ១ឆ្នាំបានកំពុងរីកកាន់តែធំនៅក្នុងពេលប៉ុន្មានសប្ដាហ៍នេះ ដោយមានការវាយប្រយុទ្ធដ៏ខ្លាំងក្លារវាងកងកម្លាំងរុស្ស៊ី និងអ៊ុយក្រែន ដណ្ដើមគ្រប់គ្រងទីក្រុងនានាក្នុងភាគខាងកើតអ៊ុយក្រែន៕អត្ថបទ៖ សុខមាន

ការបំផ្លិចបំផ្លាញដ៏មហាសាលដោយសារការរញ្ជួយដីនៅទួរគី និងស៊ីរី

ទួរគី៖ ការរញ្ជួយដីដ៏ខ្លាំងក្លាបានឆក់យកជីវិតមនុស្សជិត ៤ពាន់នាក់ និងរាប់ពាន់នាក់ផ្សេងទៀតរងរបួសនៅទូទាំងប្រទេសទួរគី និងភាគពាយព្យប្រទេសស៊ីរីកាលពីថ្ងៃចន្ទ។ ការរញ្ជួយដីកម្រិត ៧.៨រ៉ិចទ័រនេះបានផ្ដួលរំលំអគារអឹផាតមិនជាច្រើននៅក្នុងទីក្រុងនានារបស់ប្រទេសទួរគី និងស៊ីរីក្លាយជាគំនរថ្ម។ សារព័ត៌មាន Reuters បានបង្ហាញវីដេអូនៃការបំផ្លិចបំផ្លាញដ៏ធ្ងន់ធ្ងរនៅក្នុងទីក្រុង Kahramanmaras របស់ប្រទេសទួរគី ជាទីដែលមនុស្សប្រញាប់ប្រញាល់ទៅឲ្យដល់អ្នកនៅរស់រានមានជីវិតក្រោមអគារបាក់រលំ។ ការរញ្ជួយទី២ មានកម្លាំងខ្លាំងល្មមអាចផ្ដួលអគារជាច្រើនថែមទៀត ដូចជាការរញ្ជួយលើកដំបូងដែរដែលបានអង្រួនពាសពេញតំបន់ បង្កគ្រោះថ្នាក់ដល់ក្រុមអ្នកសង្គ្រោះដែលកំពុងព្យាយាមទាញសាកសពចេញពីគំនរកម្ទេចថ្ម។ ការតភ្ជាប់បណ្ដាញ Internet ដ៏ទន់ខ្សោយ និងផ្លូវរងការបំផ្លិចបំផ្លាញរវាងទីក្រុងនានា ដែលរងការប៉ះពាល់ធ្ងន់ធ្ងរនៅក្នុងភាគខាងត្បូងប្រទេសទួរគី ប៉ះពាល់ដល់មនុស្សរាប់លាននាក់ បង្កការរាំងស្ទះដល់កិច្ចខិតខំប្រឹងប្រែងជួយសង្គ្រោះ និងការដោះស្រាយការប៉ះពាល់។ សីតុណ្ហភាពនៅក្នុងតំបន់មួយចំនួនត្រូវគេរំពឹងថានឹងធ្លាក់ចុះត្រជាក់ខ្លាំង ដែលធ្វើឲ្យស្ថានភាពកាន់តែដុនដាបសម្រាប់មនុស្សដែលជាប់ក្រោមគំនរកម្ទេចថ្ម ឬអ្នកបាត់បង់លំនៅឋាន។ កាលពីថ្ងៃចន្ទនោះក៏មានភ្លៀងធ្លាក់ផងដែរ ក្រោយមានព្យុះព្រិលធ្លាក់ទូទាំងប្រទេសទួរគីកាលពីចុងសប្ដាហ៍៕ អត្ថបទ៖ សុខមាន

ជំនួយ និងអ្នកជួយសង្គ្រោះបានប្រញាប់ប្រញាល់មកទួរគី និងស៊ីរី បន្ទាប់ពីរញ្ជួយដីដ៏ខ្លាំងក្លា

ទួរគី៖ រដ្ឋាភិបាលជាច្រើនប្រទេសបានប្រញាប់ប្រញាល់បញ្ជូនជំនួយ បុគ្គលិក និងឧបករណ៍ ដើម្បីជួយដល់កិច្ចខិតខំប្រឹងប្រែងជួយសង្គ្រោះនៅក្នុងតំបន់ដែលរងគ្រោះដោយរញ្ជួយដីនៅប្រទេសទួរគី និងស៊ីរី។ សហភាពអឺរ៉ុបបានប្រមូលផ្តុំក្រុមអ្នកស្វែងរក និងជួយសង្គ្រោះដើម្បីជួយប្រទេសទួរគី ខណៈប្រព័ន្ធផ្កាយរណបខូភឺនីគូស (Copernicus) របស់ប្លុកចំនួន ២៧ប្រទេសមានភាពសកម្មដើម្បីផ្តល់សេវាផែនទីសង្គ្រោះបន្ទាន់។ យ៉ាងហោចណាស់មានប្រទេសសមាជិកចំនួន ១៣ បានផ្តល់ជំនួយ។ សហភាពអឺរ៉ុបបាននិយាយថា ខ្លួនក៏ត្រៀមផ្តល់ជំនួយដល់ប្រទេសស៊ីរីតាមរយៈកម្មវិធីជំនួយមនុស្សធម៌របស់ខ្លួន។ សហរដ្ឋអាមេរិកកំពុងសម្របសម្រួលជំនួយសង្គ្រោះបន្ទាន់ដល់ទួរគី ដែលជាសមាជិកសម្ព័ន្ធយោធាណាតូ រួមទាំងក្រុមជាច្រើនទៀតដើម្បីជួយដល់កិច្ចខិតខំប្រឹងប្រែងស្វែងរក និងជួយសង្គ្រោះ។ ដៃគូមនុស្សធម៌ដែលគាំទ្រដោយសហរដ្ឋអាមេរិកក៏កំពុងឆ្លើយតប ចំពោះការបំផ្លិចបំផ្លាញនៅក្នុងប្រទេសស៊ីរីផងដែរ។ នៅរដ្ឋកាលីហ្វ័រញ៉ា ក្រុមអ្នកពន្លត់អគ្គិភ័យ និងវិស្វករសំណង់ជិត ១០០នាក់នៅទីក្រុង Los Angeles រួមជាមួយនឹងសត្វសុនខដែលបានទទួលការហ្វឹកហ្វឺនពិសេសជិត ១០ក្បាលត្រូវបានបញ្ជូនទៅកាន់ប្រទេសទួរគីដើម្បីជួយក្នុងការសង្គ្រោះ។ ក្រុមអ្នកជួយសង្គ្រោះរុស្ស៊ីមកពីក្រសួងសង្គ្រោះបន្ទាន់ កំពុងរៀបចំធ្វើដំណើរដោយយន្តហោះទៅកាន់ប្រទេសស៊ីរី ជាកន្លែងដែលយោធារុស្ស៊ីត្រូវបានដាក់ពង្រាយនៅក្នុងប្រទេសនេះរួចហើយ ដែលបានបញ្ជូនអង្គភាពចំនួន ១០ មានបុគ្គលិក ៣០០នាក់ដើម្បីជួយសម្អាតកម្ទេចកម្ទី និងស្វែងរកអ្នកនៅរស់រានមានជីវិត។ យោធារុស្ស៊ីបានបង្កើតទីតាំងដើម្បីចែកចាយជំនួយមនុស្សធម៌ ហើយរុស្ស៊ីក៏បានផ្តល់ជំនួយដល់ប្រទេសទួរគីផងដែរ។ ប្រទេសស៊ីរីដែលរងការបំផ្លិចបំផ្លាញដោយសង្គ្រាមកំពុងអំពាវនាវឱ្យអង្គការសហប្រជាជាតិ និងរដ្ឋជាសមាជិកទាំងអស់ជួយក្នុងកិច្ចខិតខំប្រឹងប្រែងសង្គ្រោះដោយផ្តល់សេវាសុខភាព ទីជម្រក និងជំនួយស្បៀងអាហារ។ តំបន់ដែលរងផលប៉ះពាល់នៅក្នុងប្រទេសស៊ីរីត្រូវបានបែងចែករវាងទឹកដីដែលគ្រប់គ្រងដោយរដ្ឋាភិបាល និងតំបន់ដែលចូលកាន់កាប់ដោយក្រុមប្រឆាំងរបស់ប្រទេស៕ អត្ថបទ៖ សុខមាន

សពលោកជំទាវមហាសទ្ធាភិរ័ក្ខធម្មសិរីរតន៍អគ្គមហាឧបាសិកាពុទ្ធសាសនូបត្ថម្ភក៍ ប៊ុន សុថា ត្រូវបានដង្ហែពីគេហដ្ឋានក្នុងខណ្ឌទួលគោកមកបញ្ចុះនៅវត្តបទុមវតី

ភ្នំពេញ៖ នៅព្រឹកថ្ងៃទី០៧ ខែកុម្ភៈ ឆ្នាំ២០២៣នេះ សពលោកជំទាវ មហាសទ្ធាភិរ័ក្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍ ប៊ុន សុថា ប្អូនស្រីបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានដង្ហែពីគេហដ្ឋានក្នុងខណ្ឌទួលគោក មកបញ្ចុះនៅវត្តបទុមវតី រាជធានីភ្នំពេញ។យោងតាមសារសម្តេចតេជោ ហ៊ុន សែន ត្រូវជាបងថ្លៃ លោកជំទាវ មហាសទ្ធាភិរ័ក្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍ ប៊ុន សុថា នៅល្ងាចថ្ងៃទី០៦ ខែកុម្ភៈ ឆ្នាំ២០២៣មានខ្លឹមសារសោកស្តាយ និងអាឡោះអាល័យបំផុត ចំពោះលោកជំទាវ ប៊ុន សុថា ត្រូវជាប្អូនថ្លៃស្រីរបស់ម្តេច ដែលបានមរណភាពកាលពីថ្ងៃទី៣ ខែកុម្ភៈ ឆ្នាំ២០២៣កន្លងទៅនេះក្នុង ជន្មាយុ៦៧ឆ្នាំ ដោយរោគាពាធ។សម្តេចបានសរសេរថា « បែកគ្នាដោយមិនបានលាគឺជារឿងមិនអស់ចិត្តសម្រាប់ក្រុមគ្រួសារតែនេះជាក្រិត្យក្រមធម្មជាតិដែលមិនអាចជៀសវាងបានគឺ កើត ចាស់ ឈឺ ស្លាប់តែអ្វីជាការសោកស្តាយគឺនៅត្រង់មនុស្សដែលមានអាយុច្រើនធ្វើបុណ្យសពឲ្យមនុស្សដែលមានអាយុតិចជាង។ ជាគ្រួសារមួយដែលមិនធ្លាប់មានទំនាស់ទោះតូចក្តី ធំក្តី មិនដែលមានភាពរកាំរកូសសូម្បីពាក្យសំដីមួយម៉ាត់ ការបែកគ្នាដោយគ្មានពេលជួបវិញពិតជាបានធ្វើឲ្យក្រុមគ្រួសារកាន់តែអាឡោះអាល័យនឹកស្រណោះដល់ពេលដែលកន្លងហួសពិសេសកូន ចៅនិងក្មួយៗដែលម្តាយជីដូននិងម្តាយមីងបានមើលថែទាំដល់ពួកគេ»៕

សម្តេចតេជោសម្តែងការសោកស្តាយ និងអាឡោះអាល័យចំពោះប្អូនថ្លៃស្រីរបស់សម្តេចដែលទទួលមរណភាព

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្តែងការសោកស្តាយ និងអាឡោះអាល័យបំផុត ចំពោះលោកជំទាវ ប៊ុន សុថា ត្រូវជាប្អូនថ្លៃស្រីរបស់ម្តេច ដែលបានមរណភាពកាលពីថ្ងៃទី៣ ខែកុម្ភៈ ឆ្នាំ២០២៣កន្លងទៅនេះក្នុង ជន្មាយុ៦៧ឆ្នាំ ដោយរោគាពាធ។តាមរយៈផេកហ្វេសបុកផ្ទាល់របស់សម្តេច នាយប់ថ្ងៃទី៦ ខែកុម្ភៈ ឆ្នាំ២០២៣នេះសម្តេចបានសរ សេរថា« ប្អូនស្រីថ្ងៃស្អែកបែកគ្នា!» សល់តែមួយយប់ទៀតប៉ុណ្ណោះរូបកាយប្អូននឹងត្រូវបញ្ចុះទៅក្នុងព្រះធរណីដែលជាទីកន្លែងសម្រាកចុងក្រោយរបស់ប្អូន។បែកគ្នាដោយមិនបានលាគឺជារឿងមិនអស់ចិត្តសម្រាប់ក្រុមគ្រួសារតែនេះជាក្រិត្យក្រមធម្មជាតិដែលមិនអាចជៀសវាងបានគឺ កើត ចាស់ ឈឺ ស្លាប់តែអ្វីជាការសោកស្តាយគឺនៅត្រង់មនុស្សដែលមានអាយុច្រើនធ្វើបុណ្យសពឲ្យមនុស្សដែលមានអាយុតិចជាង។ ជាគ្រួសារមួយដែលមិនធ្លាប់មានទំនាស់ទោះតូចក្តីធំក្តីមិនដែលមានភាពរកាំរកូសសូម្បីពាក្យសំដីមួយម៉ាត់ ការបែកគ្នាដោយគ្មានពេលជួបវិញពិតជាបានធ្វើឲ្យក្រុមគ្រួសារកាន់តែអាឡោះអាល័យនឹកស្រណោះដល់ពេលដែលកន្លងហួសពិសេសកូន ចៅនិងក្មួយៗដែលម្តាយជីដូននិងម្តាយមីងបានមើលថែទាំដល់ពួកគេ»៕

អ៊ីស្រាអែលនិយាយថា «វិធានការត្រូវបានសម្រេច» បន្ទាប់ពីប៉ាឡេស្ទីនបាញ់សម្លាប់ប្រជាជនអ៊ីស្រាអែល ៧នាក់

អ៊ីស្រាអែល៖ នាយករដ្ឋមន្ត្រីអ៊ីស្រាអែលលោក Benjamin Netanyahu បានជំរុញប្រជាជនកុំធ្វើអ្វីឲ្យខុសច្បាប់ចំពោះអំពើហិង្សា និងបាននិយាយថា វិធានការត្រូវបានសម្រេច ហើយគណៈរដ្ឋមន្ត្រីរបស់លោកនឹងជួបប្រជុំគ្នា ដើម្បីបន្តការពិភាក្សាជុំវិញការឆ្លើយតប។ ខ្មាន់កាំភ្លើងប៉ាឡេស្ទីនម្នាក់បានបាញ់សម្លាប់មនុស្ស ៧នាក់ និងរងរបួស ៣នាក់នៅក្នុងវិហារមួយកន្លែងនៅជាយក្រុងហ្សេរុយសាឡឹមកាលពីថ្ងៃសុក្រ ទី២៧ ខែមករា ជាការវាយប្រហារដែលបង្កើនការភ័យខ្លាចនៃការបង្ហូរឈាម មួយថ្ងៃបន្ទាប់ពីការវាយឆ្មក់របស់អ៊ីស្រាអែលដែលបានសម្លាប់មនុស្សច្រើនបំផុតនៅតំបន់ West Bank ក្នុងរយៈពេលជាច្រើនឆ្នាំមកនេះ។ នគរបាលនិយាយនៅក្នុងសេចក្តីថ្លែងការណ៍ថា ខ្មាន់កាំភ្លើងគឺជាជនជាតិប៉ាឡេស្ទីនអាយុ ២១ឆ្នាំរស់នៅទីក្រុងហ្សេរុយសាឡឹមខាងកើត ដែលទំនងជាបានធ្វើសកម្មភាពតែម្នាក់ឯងក្នុងការវាយប្រហារនៅក្នុងតំបន់ ដែលអ៊ីស្រាអែលបានបញ្ចូលជាឧបសម្ព័ន្ធទៅក្នុងក្រុងហ្សេរុយសាឡឹម បន្ទាប់ពីសង្គ្រាមមជ្ឈិមបូព៌ាឆ្នាំ១៩៦៧។ ការវាយប្រហារដែលនគរបាលអ៊ីស្រាអែលបានចាត់ទុកថា ជាឧប្បត្តិហេតុភេរវកម្មបានបង្ហាញពីការព្រួយបារម្ភការកើនឡើងអំពើហិង្សា បន្ទាប់ពីមានការប៉ះទង្គិចនៅតំបន់ West Bank ដែលឈានដល់ការវាយឆ្មក់នៅក្រុង Jenin បណ្តាលឲ្យជនជាតិប៉ាឡេស្ទីនយ៉ាងតិច ៩នាក់ស្លាប់៕អត្ថបទ៖ ប៊ុនថន

គណបក្សសាធារណរដ្ឋរិះគន់លោក Biden ជុំវិញបាឡុងរបស់ចិន

អាមេរិក៖ មួយថ្ងៃបន្ទាប់ពីយន្តហោះចម្បាំងរបស់សហរដ្ឋអាមេរិក បានបាញ់ទម្លាក់បាឡុងស៊ើបការណ៍របស់ចិនដែលសង្ស័យ ខណៈការចោទប្រកាន់បានលេចចេញលើអ្វីដែលអូសបន្លាយពេលយូរ។ សមាជិកសភាមកពីគណបក្សសាធារណរដ្ឋ បានរិះគន់ប្រធានាធិបតីគណបក្សប្រជាធិបតេយ្យសហរដ្ឋអាមេរិកលោក Joe Biden សម្រាប់ការមិនបាញ់ទម្លាក់បាឡុងចារកម្ម។ ព្រឹទ្ធសមាជិកលោក Tom Cotton នៃរដ្ឋ Arkansas និយាយថា យើងគួរតែបាញ់ទម្លាក់បាឡុងនេះ ដែលយើងមិនគួរអនុញ្ញាតឱ្យវាឆ្លងកាត់ទ្វីបអាមេរិកទាំងមូលនោះទេ។ វត្ថុហោះដែលគួរឱ្យសង្ស័យនេះត្រូវបានគេប្រទះឃើញកាលពីជាងមួយសប្តាហ៍មុន ដោយចូលទៅក្នុងដែនអាកាសសហរដ្ឋអាមេរិកក្បែររដ្ឋអាឡាស្កា។ បាឡុងបានហោះអណ្តែតលើប្រទេសកាណាដា ហើយក្រោយមកត្រឡប់ទៅលើទឹកដីអាមេរិកនៅរដ្ឋម៉ុនតាណា បន្ទាប់មកបន្តឆ្ពោះទៅឆ្នេរសមុទ្រអាត្លង់ទិក ជាកន្លែងដែលបាឡុងត្រូវបានបាញ់ទម្លាក់ដោយយន្តហោះចម្បាំងបំបាំងកាយ F-22 នៅឆ្នេរសមុទ្រនៃរដ្ឋ South Carolina កាលពីថ្ងៃសៅរ៍។ លោក Biden បាននិយាយថា លោកបានចេញបញ្ជាកាលពីថ្ងៃពុធសប្តាហ៍កន្លងទៅនេះ ដើម្បីបាញ់ទម្លាក់បាឡុង បន្ទាប់ពីវាបានឆ្លងចូលទៅក្នុងរដ្ឋ Montana ប៉ុន្តែមន្ទីរបញ្ចកោណបានផ្តល់យោបល់ឱ្យរង់ចាំរហូតដល់វាអាចត្រូវបានបាញ់ទម្លាក់នៅលើទឹក ដើម្បីការពារជនស៊ីវិលពីការធ្លាក់កម្ទេចកម្ទីរមកដី។ រដ្ឋមន្ត្រីក្រសួងការពារជាតិលោក Lloyd Austin បាននិយាយថា យោធាអាមេរិកអាចប្រមូលការស៊ើបការណ៍សម្ងាត់ដ៏មានតម្លៃដោយសិក្សាពីបាឡុង។ លោកនិយាយថា បាឡុងស៊ើបការណ៍របស់ចិនចំនួន ៣ផ្សេងទៀតបានឆ្លងកាត់សហរដ្ឋអាមេរិក ក្នុងអំឡុងពេលរដ្ឋបាលរបស់ប្រធានាធិបតីសាធារណរដ្ឋលោក Donald Trump ដែលការអះអាងនេះបានជំរុញឱ្យមានការបដិសេធយ៉ាងខឹងសម្បាពីអតីតប្រធានាធិបតី។ លោក Trump បានសរសេរនៅលើប្រព័ន្ធផ្សព្វផ្សាយសង្គមថា ប្រទេសចិនមានការគោរពយ៉ាងខ្លាំងចំពោះលោក Trump សម្រាប់រឿងដែលបានកើតឡើងនេះ ហើយវាមិនដែលកើតឡើងនោះទេ។ ប្រទេសចិនអះអាងថា បាឡុងនេះគឺជានាវាអាកាសដែលប្រើប្រាស់សម្រាប់គោលបំណងឧតុនិយម និងវិទ្យាសាស្ត្រ ដែលបានរេចូលទៅក្នុងដែនអាកាសសហរដ្ឋអាមេរិកដោយចៃដន្យ។ កាលពីថ្ងៃអាទិត្យទីក្រុងប៉េកាំងបានថ្កោលទោសថា ជាការប្រតិកម្មហួសហេតុ ចំពោះប្រតិបត្តិការរបស់សហរដ្ឋអាមេរិកដែលបានបាញ់ទម្លាក់វាពីលើអាកាស៕អត្ថបទ៖ ប៊ុនថន

យ៉ាងហោចមនុស្ស ២៤នាក់ស្លាប់ក្នុងប្រទេសឈីលី ខណៈភ្លើងឆេះព្រៃបានរាលដាល

ឈីលី៖ ក្រុមអ្នកពន្លត់អគ្គីភ័យបានប្រយុទ្ធនឹងភ្លើងឆេះព្រៃដ៏សន្ធោសន្ធៅ នៅក្នុងប្រទេសឈីលីកាលពីថ្ងៃអាទិត្យ ដោយបានស្វែងរកការគ្រប់គ្រងគ្រោះមហន្តរាយធម្មជាតិដ៏អាក្រក់បំផុត របស់ប្រទេសក្នុងរយៈពេលជាច្រើនឆ្នាំមកនេះ ខណៈចំនួនអ្នកស្លាប់បានកើនឡើងដល់យ៉ាងហោចណាស់ ២៤នាក់ និងជិត ១,០០០នាក់ផ្សេងទៀតរងរបួស។ ជំនួយអន្តរជាតិត្រូវបានកំណត់ពេលមកដល់កាលពីថ្ងៃអាទិត្យ ពីប្រទេសមួយចំនួនដែលបានសន្យាថានឹងផ្តល់ធនធាន រួមទាំងយន្តហោះ និងក្រុមអ្នកពន្លត់អគ្គីភ័យជំនាញ ខណៈភ្លើងឆេះព្រៃខ្លាំងបំផុតបានឆេះបំផ្លាញព្រៃឈើ និងដីចំការដែលស្ថិតនៅជុំវិញតំបន់ចំនួនបី។ រដ្ឋាភិបាលរបស់ប្រធានាធិបតីលោក Gabriel Boric បានចេញសេចក្តីប្រកាសគ្រាអាសន្នសម្រាប់តំបន់ជនបទភាគខាងត្បូងភាគច្រើន ក្នុងកិច្ចខិតខំប្រឹងប្រែងដើម្បីពន្លឿនការសង្គ្រោះ។ ក្រុមមន្ត្រីបាននិយាយកាលពីថ្ងៃអាទិត្យថា អគ្គិភ័យបានឆាបឆេះលើផ្ទៃដីប្រមាណ ២៧០,០០០ហិកតា។ រលកកំដៅដែលបក់បោកនៅក្នុងរដូវក្តៅនៃអឌ្ឍគោលខាងត្បូង បានធ្វើឱ្យកិច្ចខិតខំប្រឹងប្រែងមានភាពស្មុគស្មាញក្នុងការពន្លត់អណ្តាតភ្លើង ដោយសារតែសីតុណ្ហភាពនៅក្នុងតំបន់មួយចំនួន ដែលរងផលប៉ះពាល់ខ្លាំងបំផុតមានលើសពី ៤០អង្សាសេ។ មន្ត្រីក្រសួងមហាផ្ទៃនិយាយថា អគ្គិភ័យប្រហែល ២៦០កន្លែងកំពុងមានសកម្មភាពនៅទូទាំងតំបន់ដែលស្ងួតហួតហែង ដោយ ២៨កន្លែងត្រូវបានចាត់ទុកថាមានគ្រោះថ្នាក់ខ្លាំង។ មនុស្សជិត ១,៥០០នាក់បានភៀសខ្លួនចេញទៅកាន់ទីជម្រកសុវត្ថិភាពក្នុងតំបន់ ហើយយ៉ាងហោចណាស់ ២៦នាក់ក្នុងចំណោមអ្នករងរបួស ៩៧០នាក់ត្រូវបានចុះបញ្ជីក្នុងស្ថានភាពធ្ងន់ធ្ងរនៅមន្ទីរពេទ្យក្នុងតំបន់។ អាជ្ញាធរកាលពីថ្ងៃសៅរ៍បាននិយាយថា ជំនួយនឹងមកដល់ក្នុងពេលឆាប់ៗនេះពីប្រទេសនានា រួមមានសហរដ្ឋអាមេរិក អាហ្សង់ទីន អេក្វាឌ័រ ប្រេស៊ីល និងវ៉េណេស៊ុយអេឡា ព្រមទាំងក្រុមបុគ្គលិកជំនាញមកពីប្រទេសអេស្ប៉ាញ៕អត្ថបទ៖ ប៊ុនថន

មនុស្សរាប់រយនាក់បានស្លាប់ក្នុងគ្រោះរញ្ជួយដីកម្រិត ៧.៩រ៉ិចទ័រនៅប្រទេសទួរគី និងស៊ីរី

ស៊ីរី៖ សារព័ត៌មានរដ្ឋ និងប្រភពពីក្រុមមន្ទីរវេជ្ជសាស្ត្របាននិយាយថា មនុស្សរាប់រយនាក់បានស្លាប់នៅក្នុងប្រទេសស៊ីរីនៅថ្ងៃចន្ទនេះ ខណៈអគារជាច្រើនបានដួលរលំ ក្រោយការរញ្ជួយដីកម្រិត ៧.៨រ៉ិចទ័រមានចំណុចកណ្ដាលនៃការរញ្ជួយនៅក្នុងប្រទេសក្បែរខាងគឺទួរគី។ ក្រសួងសុខភិបាលនិយាយថា មនុស្សរាប់រយនាក់បានស្លាប់ និងរាប់រយនាក់ផ្សេងទៀតរងរបួសនៅក្នុងតំបន់គ្រប់គ្រងដោយរដ្ឋាភិបាលនៃប្រទេសស៊ីរីហែកហួរដោយសង្រ្គាម ខណៈមន្ទីរពេទ្យមួយបានប្រាប់សារព័ត៌មាន AFP ថា មនុស្សជាច្រើននាក់បានស្លាប់នៅក្នុងភាគខាងជើងគ្រប់គ្រងដោយក្រុមគាំទ្រទួរគី។ លោកប្រធានាធិបតីទួរគី Recep Tayyip Erdogan បាននិយាយក្រុមស្វែងរក និងជួយសង្រ្គោះត្រូវបានបញ្ជូនភ្លាមៗ ទៅកាន់តំបន់ទាំងឡាយដែលរងការបំផ្លិចបំផ្លាញដោយការរញ្ជួយដី។ មជ្ឈមណ្ឌលស្រាវជ្រាវរបស់អាល្លឺម៉ង់សម្រាប់ការសិក្សាពីដែនដី (GFZ) បាននិយាយថា ការរញ្ជួយដីនេះបានអង្រួនជម្រៅ ១០គីឡូម៉ែត្រជិតទីក្រុង Kahramanmaras ក្នុងប្រទេសទួរគីភាគខាងត្បូង ខណៈក្រុមឃ្លាំមើលការរញ្ជួយដីបាននិយាយថា លទ្ធភាពនៃហានីភ័យរលកស៊ូណាមិកំពុងត្រូវបានវាយតម្លៃ។ យោងតាមសារព័ត៌មាន Reuters ការរញ្ជួយបានបន្តប្រហែលមួយនាទី ហើយបង្អួចអគារជាច្រើនត្រូវបានខូចខាតនៅក្នុងតំបន់ Diyarbakir ចម្ងាយ ៣៥០គីឡូម៉ែត្ររហូតដល់ភាគខាងកើត។ ទូរទស្សន៍ TRT និង Haberturk បានបង្ហាញពីមនុស្សកំពុងប្រមូលផ្ដុំគ្នា នៅជុំវិញអគារដែលរងការខូចខាតនៅក្នុងទីក្រុង Kahramanmaras កំពុងតាមស្វែងរកអ្នកនៅមានជីវិត។អភិបាលខេត្ត Sanliurfa ភាគអាគ្នេយ៍របស់ប្រទេសទួរគីលោក Salih Ayhan បាននិយាយនៅលើបណ្ដាញ Twitter ថា ការរញ្ជួយដីនេះបានបំផ្លិចបំផ្លាញអគារជាច្រើន ហើយយើងបានជំរុញឲ្យប្រជាពលរដ្ឋទៅកាន់កន្លែងមានសុវត្ថិភាព។ សារព័ត៌មានរដ្ឋរបស់ប្រទេសស៊ីរីបាននិយាយថា អគារមួយចំនួនបានដួលរលំនៅក្នុងខេត្ត Aleppo ខណៈដែលប្រភពមួយនៅក្នុងទីក្រុង Hama ប្រទេសស៊ីរីបាននិយាយថា នៅក្នុងទីក្រុងនេះក៏មានអគារមួយចំនួនបានបាក់រលំដែរ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ជម្រើសជាតិនារីកម្ពុជា ចាប់ផ្ដើមប្រមូលផ្ដុំត្រៀមជើងឯកអាស៊ាន ខណៈលីគនារី ត្រូវសម្រាកជាង ១ខែ

សម្តេចរដ្ឋសភាធិបតី ឃួន សុដារី អញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា

Cody Gakpo ស្នើសុំឯកជនភាព ក្រោយបាត់បង់កូនក្នុងផ្ទៃ ខណៈកំពុងបំពេញភារកិច្ចនៅ World Cup

សមាគមអតីតយុទ្ធជន បើកវគ្គបណ្តុះបណ្តាលស្តីពីការងាររដ្ឋបាល និងការងារបេឡាមរណសង្គ្រោះ ជូន អ.ន.ក.ខេត្ត កំពង់ចាម

ប្រធាន NOCC ជំរុញចលនា «ហាត់ប្រាណ និងលេងកីឡាអស់មួយជីវិត» ដើម្បីអភិវឌ្ឍមូលធនមនុស្សជួយសេដ្ឋកិច្ច និងសង្គមជាតិ

ជប៉ុនត្រៀមខ្លួនរួចរាល់ និងចង់ឈ្នះប្រេស៊ីលលើកដំបូង មុនពេលជួបគ្នានៅវគ្គ៣២ ក្រុមចុងក្រោយ

ហាវ សុខនេត្រ សម្រេចប្ដូរទ្រនំថ្មី មុនផែនការ ជាមួយការប្ដេជ្ញាខ្ពស់ ដើម្បីមានឱកាសលេង

អ្នកគាំទ្ររាប់ពាន់នាក់សម្រុកទស្សនាពានរង្វាន់ FIFA World Cup នៅទីក្រុង Miami

អាចទេ! វិសាខា ឡើងជួបបញ្ជាការដ្ឋានអង្គរក្ស នៅវគ្គផ្ដាច់ព្រ័ត្រតេជោលីគ តបការចង់បានអ្នកគាំទ្រ?

អ៊ីស្រាអែល បំផ្លាញហេដ្ឋារចនាសម្ព័ន្ធក្រោមដីរបស់ក្រុមហេសបូឡានៅប្រទេសលីបង់ភាគខាងត្បូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សាច់ញាតិ​ជនរងគ្រោះ​រង់ចាំ ខណៈ​កិច្ចប្រឹងប្រែង​សង្គ្រោះ​កើន​ឡើង​បន្ទាប់ពី​រញ្ជួយ​ដី​នៅ​ទួរគី

ប្រមុខ​អង្គការសហប្រជាជាតិ​ព្រមាន​ពី​សង្គ្រាម​កាន់តែ​រីក​ធំ ខណៈ​ជម្លោះ​អ៊ុយ​ក្រែ​ន​កាន់តែ​ធ្ងន់ធ្ងរ​

ការបំផ្លិចបំផ្លាញ​ដ៏​មហាសាល​ដោយសារ​ការរញ្ជួយ​ដី​នៅ​ទួរគី និង​ស៊ី​រី​

ជំនួយ និង​អ្នក​ជួយសង្គ្រោះ​បាន​ប្រញាប់ប្រញាល់​មក​ទួរគី និង​ស៊ី​រី បន្ទាប់ពី​រញ្ជួយ​ដី​ដ៏​ខ្លាំងក្លា​

សម្តេចតេជោសម្តែងការសោកស្តាយ និងអាឡោះអាល័យចំពោះប្អូនថ្លៃស្រីរបស់សម្តេចដែលទទួលមរណភាព

គណបក្ស​សាធារណរដ្ឋ​រិះគន់​លោក Biden ជុំវិញ​បា​ឡុង​របស់​ចិន

យ៉ាងហោច​មនុស្ស ២៤នាក់​ស្លាប់​ក្នុងប្រទេស​ឈី​លី ខណៈ​ភ្លើង​ឆេះ​ព្រៃ​បាន​រាលដាល​

មនុស្សរាប់រយនាក់បានស្លាប់ក្នុងគ្រោះរញ្ជួយដីកម្រិត ៧.៩រ៉ិចទ័រនៅប្រទេសទួរគី និង​ស៊ីរី​