BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

២ឆ្នាំបន្ទាប់ពីរដ្ឋប្រហារយោធា ជីវិតពលរដ្ឋមីយ៉ាន់ម៉ាបានផ្លាស់ប្តូរយ៉ាងខ្លាំង

មីយ៉ាន់ម៉ា៖ រយៈពេល ២ឆ្នាំចាប់តាំងពីរដ្ឋប្រហារយោធានៅសហភាពមីយ៉ាន់ម៉ា ដែលបានបណ្តេញរដ្ឋាភិបាលជាប់ឆ្នោតរបស់លោកស្រី Aung San Suu Kyi ជីវិតធម្មតារបស់ប្រជាជនជួបភាពស្មុគស្មាញ ខណៈមនុស្សរាប់លាននាក់បានភៀសខ្លួនចេញពីលំនៅឋានរបស់ពួកគេ និងត្រូវបានផ្លាស់ទីលំនៅនៅជុំវិញពិភពលោក។ យុវជនអាយុ ២១ឆ្នាំម្នាក់ឈ្មោះ Aye Chan ជាកម្មកររោងចក្រផលិតមីមុនរដ្ឋប្រហារ លោកបានភ្ញាក់ពីដំណេកនៅថ្ងៃទី១ ខែកុម្ភៈ ឆ្នាំ២០២១ ជាថ្ងៃរដ្ឋប្រហារ ដើម្បីស្វែងរកអ៊ីនធឺណិតដែលត្រូវបានកាត់ផ្តាច់។ នៅព្រឹកថ្ងៃកើតមានរដ្ឋប្រហារលោកភ្ញាក់ឡើងហើយប្រើទូរស័ព្ទ ប៉ុន្តែគ្មានអ៊ីនធឺណិតនោះទេ ដំបូងលោកគិតថា មកពីលោកមិនបានបង់វិក្កយបត្រថ្លៃទូរស័ព្ទរបស់លោក ដូច្នេះលោកបានបញ្ចូលលុយ ប៉ុន្តែវានៅតែមិនដំណើរការ។ សំណួរដំបូងរបស់លោកគឺអ្វីទៅជារដ្ឋប្រហារ ហើយហេតុអ្វីបានជាមានរដ្ឋប្រហារ? ក្រោយមកលោកបានចូលរួមក្នុងការតវ៉ាប្រឆាំងរដ្ឋប្រហារ។ នៅពេលដែលក្រុមអ្នកតវ៉ាចាប់ផ្តើមកាន់អាវុធ លោកបានចូលរួមជាមួយពួកគេ ហើយធ្វើដំណើរទៅហ្វឹកហាត់នៅតំបន់ព្រំដែន។ វាពិតជានឿយហត់ខ្លាំង ហើយលោកស្ទើរតែបោះបង់វាចោល។ អំឡុងការវាយប្រហារដោយយោធាកាលពីឆ្នាំមុន លោកបានបាត់បង់ជើងម្ខាងបន្ទាប់ពីការផ្ទុះគ្រាប់។ ទោះបីជាលោកបាត់បង់ជើងម្ខាងក៏ដោយ ក៏លោកមិនសោកស្តាយចំពោះការចូលរួមតស៊ូនេះដែរ ដោយលោកនិយាយថា ប្រសិនបើលោកជាសះស្បើយ លោកនឹងត្រលប់ទៅធ្វើសង្គ្រាមវិញរហូតដល់ទីបញ្ចប់។ ពលរដ្ឋម្នាក់ទៀតនៅពេលយោធាឡើងកាន់អំណាច នាង Han Lay អាយុ ២៣ឆ្នាំជាតារាម៉ូដែល ដែលត្រៀមចូលរួមការប្រកួតបវរកញ្ញាអន្តរជាតិនៅប្រទេសថៃ។ បន្ទាប់ពីបានចូលរួមក្នុងការតវ៉ាជាមួយមិត្តភក្តិរបស់នាង នាងបានសម្រេចចិត្តប្រើវេទិការបស់នាង ដើម្បីនិយាយអំពីស្ថានភាពនៅក្នុងសហភាពមីយ៉ាន់ម៉ា។ នៅលើឆាក នាងបានទប់ទឹកភ្នែក ខណៈនាងនិយាយអំពីអំពើហិង្សាយោធានៅថ្ងៃដែលក្រុមបាតុករជាង ១៤០នាក់ត្រូវបានសម្លាប់។ វីដេអូនេះត្រូវបានចែកចាយ ហើយបន្ទាប់ពីនោះយោធាមីយ៉ាន់ម៉ាបានចោទប្រកាន់នាងពីបទបះបោរ។ នាងត្រូវបានឃុំខ្លួននៅព្រលានយន្តហោះក្នុងទីក្រុងបាងកកអស់រយៈពេលជាច្រើនថ្ងៃ ដោយសុំអង្វរតាមបណ្តាញសង្គមកុំឲ្យបញ្ជូននាងត្រឡប់ទៅមីយ៉ាន់ម៉ាវិញ។ នាងនិយាយថា នគរបាលមីយ៉ាន់ម៉ាកំពុងនៅអាកាសយានដ្ឋានដើម្បីស្វែងរកជួបនាង ប៉ុន្តែនាងបានបដិសេធ ហើយបានទាក់ទងទៅកាន់ទីភ្នាក់ងារជនភៀសខ្លួនរបស់អង្គការសហប្រជាជាតិ៕អត្ថបទ៖ ប៊ុនថន

អំពើហិង្សាដោយកាំភ្លើងនៅសហរដ្ឋអាមេរិកបានកើនឡើងខ្ពស់បំផុតក្នុងខែដំបូងនៅឆ្នាំ២០២៣ នេះ

អាមេរិក៖ អង្គការឃ្លាំមើលហិង្សាដោយអាវុធ ជាគេហទំព័រតាមដានការបាញ់ប្រហារនៅក្នុងសហរដ្ឋអាមេរិក ដែលបានចាប់ផ្ដើមតាមដានការបាញ់បោះដោយសេរីកាលពីឆ្នាំ២០១៤ បានឲ្យដឹងថា សហរដ្ឋអាមេរិកបានជួបប្រទះការបាញ់ប្រហារធំៗចំនួន ៤៤លើកនៅក្នុងឆ្នាំ២០២៣ នេះគិតត្រឹមថ្ងៃទី២៩ ខែមករាដែលជាឆ្នាំអាក្រក់បំផុត។ កាលពីថ្ងៃទី៣០ ខែមករា មានការបាញ់ប្រហារជាច្រើនបានកើតឡើងនៅក្នុងទឹកដីរដ្ឋ Texas, រដ្ឋ Illinois, រដ្ឋ Alabama របស់សហរដ្ឋអាមេរិក ដែលភាគច្រើននៃជនរងគ្រោះគឺជាកុមារ។ យោងតាមអង្គការ Gun Violence Archive ដដែលមានការបាញ់បោះដោយសេរីចំនួន ៦៤១លើកនៅក្នុងសហរដ្ឋអាមេរិកក្នុងឆ្នាំ២០២២ ជាចំនួនខ្ពស់បំផុតទី២ ក្រោមចំនួន ៦៩០លើកក្នុងឆ្នាំ២០២១។ គ្រាន់តែនៅក្នុងសប្ដាហ៍ដំបូងនៃឆ្នាំថ្មី២០២៣ មានហេតុការណ៍បាញ់ប្រហារធំចំនួន៣ បានកើតឡើងនៅក្នុងរដ្ឋ California សម្លាប់មនុស្សជាង ២០នាក់។ សារព័ត៌មានមួយរបស់សហរដ្ឋអាមេរិកបាននិយាយថា គ្មានទីកន្លែងណាមានសុវត្ថិភាពផុតពីអំពើហិង្សាដោយកាំភ្លើងនោះទេ។ ការចុះផ្សាយនេះបាននិយាយថា មានមនុស្សជាង ១០០នាក់បានស្លាប់ និងជាង ២០០នាក់ផ្សេងទៀតរងរបួសជារៀងរាល់ឆ្នាំនៅក្នុងឧបទ្ទវហេតុជាប់ពាក់ព័ន្ធនឹងអាវុធ។ ការបាញ់បោះដោយសេរីបានក្លាយជាមូលហេតុ ធ្វើឲ្យមានកុមារអាមេរិកជាច្រើនស្ថិតក្នុងចំណោមអ្នកស្លាប់៕អត្ថបទ៖ សុខមាន

អាមេរិកបញ្ជូនយានយន្តប្រយុទ្ធ Bradley ៦០គ្រឿងទៅអ៊ុយក្រែន ខណៈបារាំងបញ្ជូនយាន Caesar បន្ថែម ១២គ្រឿង

អាមេរិក៖ សហរដ្ឋអាមេរិកបានបញ្ជូនយានយន្តប្រយុទ្ធ Bradley ចំនួន ៦០គ្រឿងទៅកាន់ប្រទេសអ៊ុយក្រែន ជាផ្នែកមួយនៃកញ្ចប់សព្វាវុធថ្មីដើម្បីជួយប្រយុទ្ធប្រឆាំងការវាយលុករបស់រុស្ស៊ី។ សហរដ្ឋអាមេរិកបានបញ្ជូនសព្វាវុធ ដែលមានសមត្ថភាពកាន់តែច្រើនទៅកាន់ប្រទេសអ៊ុយក្រែន ខណៈសង្គ្រាមកើនឡើង ហើយតម្រូវការរបស់អ៊ុយក្រែនបានផ្លាស់ប្តូរ ដែលប្រព័ន្ធសព្វាវុធស្មុបន្ថែមទៀតរួមមានទាំងប្រព័ន្ធកាំភ្លើងធំបាញ់រ៉ុក្កែតចល័ត (HIMARS) និងប្រព័ន្ធកាំមីស៊ីលបាញ់ពីដីទៅអាកាសទំនើប (NASAMS) ត្រូវបានដឹកជញ្ជូនទៅកាន់ទីក្រុង Kyiv។ កាលពីថ្មីៗនេះ សហរដ្ឋអាមេរិកបានសន្យាបញ្ជូនប្រព័ន្ធមីស៊ីលប៉ាទ្រីយ៉ូត (Patriot) ដើម្បីទប់ទល់ការវាយប្រហារដោយមីស៊ីល និងយានដ្រូនរបស់រុស្ស៊ី។ Bradley ជារថពាសដែកបំពាក់កាំភ្លើងដ៏មានឥទ្ធិពល ត្រូវបានគេប្រើប្រាស់ជាចម្បងដោយកងទ័ពសហរដ្ឋអាមេរិក ដើម្បីដឹកកងទ័ពនៅជុំវិញសមរភូមិចាប់តាំងពីពាក់កណ្តាលទសវត្សរ៍ឆ្នាំ១៩៨០។ តាមសេចក្តីរាយការណ៍ រដ្ឋបាលប្រធានាធិបតី Joe Biden បានសម្រេចបញ្ជូនរ៉ុក្កែតរយៈចម្ងាយឆ្ងាយទៅកាន់ប្រទេសអ៊ុយក្រែន ដែលនឹងផ្តល់ឲ្យកងកម្លាំងទីក្រុងគីវនូវសមត្ថភាពដើម្បីវាយប្រហារគោលដៅកាន់តែឆ្ងាយ។ កាំភ្លើងធំបាញ់គ្រាប់រ៉ុក្កែតរយៈចម្ងាយឆ្ងាយ GLSDB បាញ់បានក្នុងចម្ងាយ ១៥០គីឡូម៉ែត្រនឹងជាផ្នែកមួយនៃកញ្ចប់ជំនួយយោធានៅពេលខាងមុខ សម្រាប់អ៊ុយក្រែនដែលមានតម្លៃជាង ២ពាន់លានដុល្លារ។ ទន្ទឹមនឹងនេះ រដ្ឋមន្ត្រីក្រសួងការពារជាតិបារាំងលោក Sebastien Lecornu បាននិយាយកាលពីថ្ងៃអង្គារថា ប្រទេសបារាំងនឹងបញ្ជូនយានយន្ត Caesar ចំនួន ១២គ្រឿងបន្ថែមទៀតទៅកាន់ប្រទេសអ៊ុយក្រែន។ លោកបាននិយាយនៅពេលសួរអំពីការផ្គត់ផ្គង់យន្តហោះចម្បាំងទៅឲ្យប្រទេសអ៊ុយក្រែនថា «វាគ្មានបម្រាមអ្វីនោះទេ»។ លោកនិយាយថា ប្រទេសបារាំង និងអ៊ុយក្រែនបានពិភាក្សាអំពីការបណ្តុះបណ្តាល អ្នកបើកយន្តហោះអ៊ុយក្រែនឱ្យបើកយន្តហោះចម្បាំងរបស់បារាំង ប៉ុន្តែមិនទាន់មានការសម្រេចចិត្តណាមួយត្រូវបានធ្វើឡើងនៅឡើយទេ។ លោក Lecornu បានបញ្ជាក់ឡើងវិញនូវជំហររបស់ប្រទេសបារាំង នៅពេលនិយាយអំពីការផ្គត់ផ្គង់អាវុធដល់អ៊ុយក្រែន ដោយនិយាយថា វានឹងមិនធ្វើឱ្យសមត្ថភាពការពារជាតិរបស់បារាំងចុះខ្សោយនោះទេ វានឹងមានប្រយោជន៍ក្នុងការជួយអ៊ុយក្រែនក្នុងជម្លោះជាមួយរុស្ស៊ី ហើយអាវុធនឹងប្រើសម្រាប់តែអ៊ុយក្រែនដើម្បីការពារខ្លួនប៉ុណ្ណោះ៕អត្ថបទ៖ ប៊ុនថន

UN៖ រយៈពេលពីរឆ្នាំបន្ទាប់ពីរដ្ឋប្រហារ មីយ៉ាន់ម៉ានៅតែប្រព្រឹត្តឧក្រិដ្ឋកម្មប្រឆាំងមនុស្សជាតិ

មីយ៉ាន់ម៉ា៖ រយៈពេលពីរឆ្នាំបន្ទាប់ពីរដ្ឋប្រហារយោធាថ្ងៃទី១ ខែកុម្ភៈ ឆ្នាំ២០២១ នៅសហភាពមីយ៉ាន់ម៉ាដែលបានបណ្តេញរដ្ឋាភិបាលជាប់ឆ្នោតរបស់លោកស្រី Aung San Suu Kyi បានបន្សល់ទុកនូវដំណើរជីវិតដ៏ស្មុគស្មាញ។ ក្រុមឃ្លាំមើលជម្លោះដែលមានមូលដ្ឋាននៅសហរដ្ឋអាមេរិក អាក្លេត (Acled) និយាយថា មនុស្សប្រហែល ១៩,០០០នាក់បានស្លាប់កាលពីឆ្នាំមុន ខណៈការបង្ក្រាបលើការតវ៉ា បាននាំឱ្យមនុស្សជាច្រើនចាប់កាន់អាវុធប្រឆាំងយោធា។ យោងតាមអង្គការសហប្រជាជាតិ ដែលបានចោទប្រកាន់យោធាពីឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិបានឲ្យដឹងថា ប្រជាជនប្រមាណ ១.២លាននាក់បានជម្លៀសខ្លួនចេញពីទីលំនៅ និងជាង ៧០.០០០នាក់បានចាកចេញពីប្រទេស។ យោធាមីយ៉ាន់ម៉ានិយាយថា ខ្លួនកំពុងធ្វើយុទ្ធនាការស្របច្បាប់ប្រឆាំង «ភេរវករ»។ បេសកជនពិសេសរបស់អង្គការសហប្រជាជាតិ ប្រចាំនៅអង្គការសហប្រជាជាតិកាលពីថ្ងៃអង្គារបាននិយាយថា វាចូលដល់ខួប២ឆ្នាំនៃការបរាជ័យរបស់យើងក្នុងនាមសហគមន៍អន្តរជាតិ ក្នុងការដោះស្រាយវិបត្តិនេះដោយប្រសិទ្ធភាព។ លោក Tom Andrews អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅសហភាពមីយ៉ាន់ម៉ាបានចេញរបាយការណ៍មួយថា «ខុសច្បាប់» ដែលកំពុងតែពិនិត្យមើលការអះអាងរបស់យោធាមីយ៉ាន់ម៉ា ខណៈរដ្ឋាភិបាលឆ្លើយតបអន្តរជាតិ។ លោកនិយាយថា វាមានសារៈសំខាន់ខ្លាំង ដែលយើងក្នុងនាមសហគមន៍អន្តរជាតិស្វែងយល់ពីតួនាទីដ៏សំខាន់ ពិសេសដែលយើងមានក្នុងការទទួលស្គាល់ភាពស្របច្បាប់ ឬភាពមិនស្របច្បាប់របស់របបយោធា ហើយនោះជាអ្វីដែលរបាយការណ៏បានលើកឡើង។ មានរឿងរ៉ាវបីដែលរបបយោធាត្រូវការទ្រទ្រង់ខ្លួនឯង ត្រូវការថវិកា ត្រូវការអាវុធ និងត្រូវការភាពស្របច្បាប់។ របបយោធានេះពុំមានភាពស្របច្បាប់នោះទេ ក្នុងក្រសែភ្នែកប្រជាជនមីយ៉ាន់ម៉ា៕អត្ថបទ៖ ប៊ុនថន

ពលរដ្ឋអាល្លឺម៉ង់រាប់រយនាក់តវ៉ាប្រឆាំងគោលនយោបាយបញ្ជូនរថក្រោះឲ្យអ៊ុយក្រែន

អាល្លឺម៉ង់៖ មនុស្សរាប់រយនាក់បានដើរក្បួនតវ៉ាក្នុងរដ្ឋធានី Berlin និងទីក្រុង Nuremberg ក្នុងរដ្ឋ Bavarian តវ៉ាប្រឆាំងនឹងចំណាត់ការរបស់រដ្ឋាភិបាលអាល្លឺម៉ង់ផ្ដល់អាវុធធុនធ្ងន់ឲ្យទៅអ៊ុយក្រែន រួមទាំងរថក្រោះឡេភើតជំនាន់ទី២។ ក្រុមអ្នកចូលរួមក្បួនតវ៉ាបានបង្ហាញក្ដីបារម្ភថា ទីបំផុតទៅអាល្លឺម៉ង់អាចនឹងត្រូវបានអូសទាញចូលក្នុងសង្គ្រាមដ៏ធំជាមួយរុស្ស៊ី ដោយសារតែជួយអ៊ុយក្រែន។ ក្រុមអ្នកតវ៉ាបានស្រែកពាក្យស្លោកផ្សេងៗ និងវាយស្គរ។ បដាមួយក្នុងចំណោមបដាជាច្រើនបានសរសេរថា យើងគឺជាបន្ទាត់ក្រហម។ នគរបាលបានតាមឃ្លាំមើលព្រឹត្តិការណ៍នេះដោយពុំមានការប៉ះទង្គិចគ្នា ឬការចាប់ខ្លួនមនុស្សនោះទេ។ ថ្លែងប្រាប់ទូរទស្សន៍ Ruptly ម្នាក់ក្នុងចំណោមអ្នកតវ៉ាបាននិយាយថា អ៊ុយក្រែននឹងមិនអាចមានលទ្ធភាពសងថ្លៃអាវុធដែលលោកខាងលិចបានផ្ដល់ឲ្យនោះទេ។ លោកបានអះអាងថា គឺប្រជាជនអាល្លឺម៉ង់ទេដែលនឹងត្រូវចេញសងប្រាក់ទាំងនោះ។ យោងតាមអ្នកចូលរួមបាតុកម្មនេះ មិនត្រូវឲ្យមានសង្គ្រាមណាមួយពាក់ព័ន្ធនឹងអាល្លឺម៉ង់ទេ ហើយក៏គ្មានការបញ្ជូនអាវុធ ឬអ្វីផ្សេងដែរ ព្រោះអាល្លឺម៉ង់នឹងស្ថិតនៅចន្លោះកណ្ដាលម្ដងទៀត។ លោកបានអះអាងថា នោះជាអ្វីដែលអាមេរិកចង់បានប៉ុណ្ណោះ។ អ្នកតវ៉ាម្នាក់ទៀតនិយាយថា ប្រសិនបើអ្វីៗដើរតាមផ្លូវនេះ អាល្លឺម៉ង់អាចនឹងមមើដើរចូលក្នុងសង្គ្រាមលោកលើកទី៣ ដោយមិនដឹងខ្លួន៕អត្ថបទ៖ សុខមាន

សហរដ្ឋអាមេរិកចោទប្រកាន់រុស្ស៊ីពីបទបំពានសន្ធិសញ្ញានុយក្លេអ៊ែរដែលនៅសល់ចុងក្រោយ

អាមេរិក៖ រដ្ឋបាលរបស់លោកប្រធានាធិបតីសហរដ្ឋអាមេរិក Joe Biden ត្រូវគេរាយការណ៍ថា បានចោទប្រកាន់រុស្ស៊ីពីបទបំពានការអនុវត្តសន្ធិសញ្ញាអាវុធនុយក្លេអ៊ែរ ដែលនៅសល់ចុងក្រោយរវាងប្រទេសទាំង២ ដោយការបិទការធ្វើត្រួតពិនិត្យនៅលើទីតាំង។ សារព័ត៌មាន Wall Street Journal បានរាយការណ៍ថា ក្រសួងការបរទេសសហរដ្ឋអាមេរិកបានដាក់ការចោទប្រកាន់នេះ ដែលក្លាយជាការអះអាងលើកដំបូងពីសហរដ្ឋអាមេរិកថា ទីក្រុង Moscow បានបំពានការអនុវត្តសន្ធិសញ្ញា New START នៅក្នុងរបាយការណ៍មួយដែលបានផ្ញើទៅកាន់សភាកាលពីថ្ងៃអង្គារ។ របាយការណ៍ដដែលនេះក៏បានអះអាងផងដែរថា ក្រុមមន្ត្រីរុស្ស៊ីបានច្រានចោលសំណើរបស់សហរដ្ឋអាមេរិកជួបគ្នា ដើម្បីដោះស្រាយក្ដីកង្វល់ជុំវិញការអនុវត្តសន្ធិសញ្ញានេះ។ ក្រសួងការបរទេសអាមេរិកបាននិយាយ នៅក្នុងសេចក្ដីថ្លែងការណ៍មួយទៅកាន់សារព័ត៌មាន Reuters ថា ការច្រានចោលសកម្មភាពត្រួតពិនិត្យនៅលើទីតាង រារាំងសហរដ្ឋអាមេរិកមិនឲ្យប្រើប្រាស់សិទ្ធិសំខាន់ក្រោមសន្ធិសញ្ញានេះ និងគំរាមកំហែងដល់លទ្ធភាពជោគជ័យ នៃការគ្រប់គ្រងអាវុធនុយក្លេអ៊ែររវាងសហរដ្ឋអាមេរិក និងរុស្ស៊ី។ ជម្លោះនេះអាចនឹងបន្ថែមលើក្ដីកង្វល់ដែលថា មហាអំណាចនុយក្លេអ៊ែរទាំង២ របស់ពិភពលោកលែងអាចធ្វើការជាមួយគ្នាទៀតលើគោលដៅមិនរីកសាយអាវុធ ស្របពេលទំនាក់ទំនងរវាងទីក្រុង Washington និង Moscow កំពុងធ្លាក់ដល់ចំណុចសូន្យ។ វិមានក្រឹមឡាំងបាននិយាយកាលពីដើមខែនេះថា ទំនាក់ទំនងរវាងអាមេរិក និងរុស្ស៊ីអាចយ៉ាប់យ៉ឺនគ្រប់ពេលវេលា និងពុំមានសង្ឃឹមថានឹងធូរស្រាលឡើយ ខណៈទីក្រុង Washington បានធ្វើអន្តរាគមន៍ប្រឆាំងរុស្ស៊ីនៅក្នុងវិបត្តិអ៊ុយក្រែន៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឱ្យសមាគមគ្រឹះស្ថានឧត្តមសិក្សា ជួបសម្តែងការគួរសម និងពិភាក្សាការងារ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃពុធ ទី០១ ខែកុម្ភៈ ឆ្នាំ២០២៣នេះ បានអនុញ្ញាតឱ្យថ្នាក់ដឹកនាំ និងសមាជិកសមាគមគ្រឹះស្ថានឧត្តមសិក្សា ចូលជួបសម្តែងការគួរសម និងពិភាក្សាការងារមួយចំនួនលើវិស័យអប់រំថ្នាក់ឧត្តមសិក្សា នៅវិមានសន្តិភាព។

លោក Netanyahu និយាយថា កុំខ្វល់ខ្វាយខ្លាំងពេកពីសន្តិភាពជាមួយប៉ាឡេស្ទីន

អ៊ីស្រាអែល៖ លោកនាយករដ្ឋមន្ត្រីអ៊ីស្រាអែល Benjamin Netanyahu បាននិយាយថា អ្នកដទៃអាចលះបង់ដើម្បីការចរចាស្វែងរកសន្តិភាពជាមួយប៉ាឡេស្ទីនបាន តែរូបលោកបានជ្រើសរើសវិធីផ្សេងពីនោះ នៅក្នុងបទសម្ភាសន៍មួយជាមួយអ្នកសម្របសម្រួលកម្មវិធីរបស់ទូរទស្សន៍ CNN លោក Jake Tapper កាលពីថ្ងៃអង្គារ។ លោកនិយាយថា នៅពេលជម្លោះរវាងអារ៉ាប់-អ៊ីស្រាអែលបានផ្ទុះឡើងរហូតដល់បញ្ចប់ទៅវិញ ខ្ញុំគិតថា យើងនឹងវិលត្រឡប់ទៅរកប៉ាឡេស្ទីន និងទទួលយកដំណើរការសន្តិភាពជាមួយប៉ាឡេស្ទីន។ នៅពេលត្រូវបានសួរដោយលោក Tapper អំពីការព្រួយបារម្ភរបស់រដ្ឋបាលលោក Biden ដែលថា ការតាំងទីលំនៅនៅតំបន់ West Bank ដែលកាន់កាប់ដោយអ៊ីស្រាអែលអាចធ្វើឲ្យភាពតានតឹងកាន់តែធ្ងន់ធ្ងរដែរ ឬទេ លោក Netanyahu បានចង្អុលបង្ហាញពីភាពជោគជ័យនៃកិច្ចព្រមព្រៀង Abraham សម័យអតីតប្រធានាធិបតីអាមេរិកលោក Trump ដែលធ្វើឲ្យមានទំនាក់ទំនងធម្មតារវាងអ៊ីស្រាអែល និងប្រទេសនៅអារ៉ាប់មួយចំនួន។ ខ្ញុំបានដើរជុំវិញជនជាតិប៉ាឡេស្ទីន ខ្ញុំបានទៅរដ្ឋនៅអារ៉ាប់ដោយផ្ទាល់ ហើយបានបង្កើតគំនិតថ្មីនៃសន្តិភាព… ខ្ញុំបានបង្កើតកិច្ចព្រមព្រៀងសន្តិភាពជាប្រវត្តិសាស្ត្រចំនួន៤ គឺកិច្ចព្រមព្រៀង Abraham ដែលជាកិច្ចព្រមព្រៀងសន្តិភាព ២ដងដែលអ្នកកាន់តំណែងមុនរបស់ខ្ញុំទាំងអស់រយៈពេល ៧០ឆ្នាំកន្លងទៅបានឯកភាពគ្នា។ ការអធិប្បាយរបស់លោកកើតឡើង ស្របពេលមានភាពតានតឹងដ៏ក្ដៅគគុកសម្រាប់អ៊ីស្រាអែល។ ប្រជាជនប៉ាឡេស្ទីន និងអ៊ីស្រាអែលបានរងការបង្ហូរឈាមដ៏គួរឲ្យភ័យខ្លាចកាលពីសប្តាហ៍មុន ហើយការភ័យខ្លាចកាន់តែខ្លាំងឡើងថា ស្ថានភាពនឹងមិនអាចគ្រប់គ្រងបាន។ កាលពីថ្ងៃព្រហស្បតិ៍សប្តាហ៍មុន គឺជាថ្ងៃដ៏សាហាវបំផុតសម្រាប់ប្រជាជនប៉ាឡេស្ទីននៅតំបន់ West Bank ដែលគ្រប់គ្រងដោយអ៊ីស្រាអែលក្នុងរយៈពេលជិតពីរឆ្នាំ ក្រោយមានការបាញ់ប្រហារនៅជិតសាលាប្រជុំក្រុង Jerusalem កាលពីយប់ថ្ងៃសុក្រ ដែលអ៊ីស្រាអែលបានចាត់ទុកថា ជាការវាយប្រហារភេរវកម្មដ៏អាក្រក់បំផុតរបស់ខ្លួនក្នុងរយៈពេលប៉ុន្មានឆ្នាំថ្មីៗនេះ៕អត្ថបទ៖ សុខមាន

ប្រមុខការទូតអាមេរិក Antony Blinken បញ្ចប់ដំណើរទស្សនកិច្ចនៅមជ្ឈិមបូព៌ាដោយគ្មានលទ្ធផល

អ៊ីស្រាអែល៖ ប្រមុខការទូតសហរដ្ឋអាមេរិកលោក Antony Blinken បានបញ្ចប់ដំណើរទស្សនកិច្ចរបស់លោកទៅកាន់តំបន់មជ្ឈិមបូព៌ាដោយគ្មានលទ្ធផល ក្នុងការបន្ធូរបន្ថយភាពតានតឹងរវាងអ៊ីស្រាអែល និងប៉ាឡេស្ទីន ដោយនិយាយថា វាអាស្រ័យទៅលើពួកគេតែប៉ុណ្ណោះក្នុងការបញ្ចប់អំពើហិង្សា ប៉ុន្មានថ្ងៃក្រោយការបង្ហូរឈាម។លោក Blinken បាននិយាយថា លោកបានស្ដាប់លឺក្ដីបារម្ភដ៏ជ្រាលជ្រៅអំពីស្ថានភាពបច្ចុប្បន្ន អំឡុងជំនួបប្រជុំនៅក្នុងប្រទេសអ៊ីស្រាអែល និងតំបន់ West Bank គ្រប់គ្រងដោយអ៊ីស្រាអែល ប៉ុន្តែស្ថានភាពជ្រុលហួសពីការអំពាវនាវឲ្យបន្ធូរបន្ថយភាពតានតឹង ដែលលោកបានសំដៅដល់ការគ្មានការផ្ដួចផ្ដើមគំនិតថ្មីពីសហរដ្ឋអាមេរិក។ ថ្លែងនៅសន្និសីទសារព័ត៌មាននៅក្នុងទីក្រុង Jerusalem លោក Blinken បាននិយាយថា លោកបានលឺគំនិតជាក់លាក់មួយចំនួនពីអ៊ីស្រាអែល និងប៉ាឡេស្ទីន ប៉ុន្តែបានបន្ថែមថា វាអាស្រ័យទៅលើរដ្ឋទាំង២ នេះខ្លួនឯងប៉ុណ្ណោះ។ ពួកគេត្រូវតែធ្វើការរួមគ្នាស្វែងរកច្រក ឆ្ពោះទៅការកាត់បន្ថយភាពតានតឹងទាំងសងខាងនៃអំពើហិង្សាជាបន្តបន្ទាប់ថ្មីៗនេះ ហើយលោកក៏បានសង្ឃឹមផងដែរថា នឹងឈានឆ្ពោះទៅរកជំហានវិជ្ជមានដើម្បីកសាងទំនុកចិត្តលើគ្នាឡើងវិញ។ ដំណើរទស្សនកិច្ចដែលបានបញ្ចប់នៅក្នុងប្រទេសអេហ្ស៊ីបមានផែនការជាយូរមកហើយ ប៉ុន្តែលោកបានទៅដល់មជ្ឈិមបូព៌ាចំពេលស្ថានការណ៍ក្ដៅគគុកបានផ្ទុះឡើងរវាងអ៊ីស្រាអែល និងប៉ាឡេស្ទីន។ ក្រោយជំនួបជាមួយនាយករដ្ឋមន្ត្រីអ៊ីស្រាអែលលោក Benjamin Netanyahu នៅក្នុងទីក្រុង Jerusalem កាលពីថ្ងៃចន្ទលោក Blinken បានធ្វើដំណើរទៅទីក្រុង Ramallah ក្នុងតំបន់ West Bank កាលពីថ្ងៃអង្គារ និងបានជួបពិភាក្សាជាមួយមេដឹកនាំប៉ាឡេស្ទីនលោក Mahmoud Abbas និងនាយករដ្ឋមន្ត្រីរបស់លោកគឺលោក Mohammad Shtayyeh៕អត្ថបទ៖ សុខមាន

លោក Biden និយាយថា សហរដ្ឋអាមេរិកនឹងមិនផ្តល់យន្តហោះ F-16 ដល់អ៊ុយក្រែននោះទេ

អាមេរិក៖ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃចន្ទបានថ្លែងទៅកាន់អ្នកសារព័ត៌មានថា សហរដ្ឋអាមេរិកនឹងមិនផ្តល់យន្តហោះចម្បាំង F-16 ដល់ប្រទេសអ៊ុយក្រែននោះទេ។ រដ្ឋមន្ត្រីការពារជាតិអ៊ុយក្រែនកាលពីសប្តាហ៍មុនបាននិយាយថា ពេលនេះលោកនឹងជំរុញការស្នើសុំយន្តហោះចម្បាំងជំនាន់ទី៤ របស់ប្រទេសលោកខាងលិចដូចជាយន្តហោះ F-16 របស់សហរដ្ឋអាមេរិក បន្ទាប់ពីទទួលបានការផ្គត់ផ្គង់រថក្រោះប្រយុទ្ធរាប់សិបគ្រឿង។ លោក Biden កាលពីថ្ងៃចន្ទបាននិយាយផងដែរថា លោកនឹងទៅបំពេញទស្សនកិច្ចនៅប្រទេសប៉ូឡូញ ប៉ុន្តែមិនដឹងថា នៅពេលណានោះទេ បន្ទាប់ពីមានសេចក្តីរាយការណ៍ថា លោកកំពុងពិចារណាដំណើរទស្សនកិច្ចទៅកាន់ទ្វីបអឺរ៉ុប ដើម្បីឲ្យស្របពេលនឹងខួបថ្ងៃទី២៤ ខែកុម្ភៈ នៃការវាយលុករបស់រុស្ស៊ីលើអ៊ុយក្រែន។ អ៊ុយក្រែនទទួលបានការជំរុញខ្លាំងសម្រាប់កងទ័ពរបស់ខ្លួនកាលពីសប្តាហ៍មុន នៅពេលដែលអាល្លឺម៉ង់ និងសហរដ្ឋអាមេរិកបានប្រកាសផែនការផ្តល់រថក្រោះធុនធ្ងន់ ដោយបញ្ចប់ភាពជាប់គាំងផ្នែកការទូតជាច្រើនសប្តាហ៍លើបញ្ហានេះ។ ប៉ូឡូញដែលជាប្រទេសជិតខាងរបស់អ៊ុយក្រែន នៅលើព្រំដែនភាគខាងលិចរបស់ខ្លួនបានដាក់ជំហរជាសម្ព័ន្ធមិត្តដ៏រឹងមាំបំផុតមួយរបស់រដ្ឋាភិបាលទីក្រុង Kyiv៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ

ឯកឧត្តមបណ្ឌិត អ៊ាង សុផល្លែត អញ្ជើញជាអធិបតីប្រកាសសមាជិកថ្មី របស់គណបក្សប្រជាជនកម្ពុជាប្រចាំខេត្តត្បូងឃ្មុំចំនួនជាង២ពាន់នាក់

ជនជាតិចិន១៧០នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

អ្នកទេសចរប្រៀបប្រដូច ទឹកដីជីផាត ខេត្តកោះកុង ជាឋានសួគ៌សម្រាប់អ្នកទេសចរ ចូលចិត្តដើរលេងកម្សាន្តមិនចេះរីងស្ងួត

មេបញ្ជាការកងទ័ពជើងទឹក៖ កងទ័ពជើងទឹកបន្តអនុវត្តជាប់ជានិច្ចនូវការងារហ្វឹកហ្វឺន បំប៉នជំនាញដើម្បីលើក កម្ពស់សមត្ថភាពរបស់យោធិន

អនុប្រធានទី១អាជ្ញាធរមីន អំពាវនាវដល់ប្រទេសទាំងអស់ រើសយកភាពជាដៃគូ និងកិច្ចសហប្រតិបត្តិការជាជាងការប្រឈមមុខដាក់គ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

២ឆ្នាំបន្ទាប់ពីរដ្ឋប្រហារយោធា ជីវិតពលរដ្ឋមីយ៉ាន់ម៉ាបានផ្លាស់ប្តូរយ៉ាងខ្លាំង

អំពើហិង្សាដោយកាំភ្លើងនៅសហរដ្ឋអាមេរិកបានកើនឡើងខ្ពស់បំផុតក្នុងខែដំបូងនៅឆ្នាំ២០២៣ នេះ

អាមេរិកបញ្ជូនយានយន្តប្រយុទ្ធ Bradley ៦០គ្រឿងទៅអ៊ុយក្រែន ខណៈបារាំងបញ្ជូនយាន Caesar បន្ថែម ១២គ្រឿង

UN៖ រយៈពេលពីរឆ្នាំបន្ទាប់ពីរដ្ឋប្រហារ មីយ៉ាន់ម៉ានៅតែប្រព្រឹត្តឧក្រិដ្ឋកម្មប្រឆាំងមនុស្សជាតិ

ពលរដ្ឋអាល្លឺម៉ង់រាប់រយនាក់តវ៉ាប្រឆាំងគោលនយោបាយបញ្ជូនរថក្រោះឲ្យអ៊ុយក្រែន

សហរដ្ឋអាមេរិកចោទប្រកាន់រុស្ស៊ីពីបទបំពានសន្ធិសញ្ញានុយក្លេអ៊ែរដែលនៅសល់ចុងក្រោយ

សម្តេចតេជោ ហ៊ុន សែន អនុញ្ញាតឱ្យសមាគមគ្រឹះស្ថានឧត្តមសិក្សា ជួបសម្តែងការគួរសម និងពិភាក្សាការងារ

លោក Netanyahu និយាយថា កុំខ្វល់ខ្វាយខ្លាំងពេកពីសន្តិភាពជាមួយប៉ាឡេស្ទីន

ប្រមុខការទូតអាមេរិក Antony Blinken បញ្ចប់ដំណើរទស្សនកិច្ចនៅមជ្ឈិមបូព៌ាដោយគ្មានលទ្ធផល

លោក Biden និយាយថា សហរដ្ឋអាមេរិកនឹងមិនផ្តល់យន្តហោះ F-16 ដល់អ៊ុយក្រែននោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

២​ឆ្នាំ​បន្ទាប់ពី​រដ្ឋប្រហារ​យោធា ជីវិត​ពលរដ្ឋ​មី​យ៉ាន់​ម៉ា​បាន​ផ្លាស់ប្តូរ​យ៉ាងខ្លាំង

អំពើហិង្សា​ដោយ​កាំភ្លើង​នៅ​សហរដ្ឋអាមេរិក​បាន​កើនឡើង​ខ្ពស់បំផុត​ក្នុង​ខែ​ដំបូង​នៅ​ឆ្នាំ​២០២៣​ នេះ

អាមេរិក​បញ្ជូន​យានយន្ត​ប្រយុទ្ធ Bradley ៦០​គ្រឿង​ទៅ​អ៊ុយ​ក្រែ​ន ខណៈ​បារាំង​បញ្ជូន​យាន Caesar បន្ថែម ​១២​គ្រឿង​

ពលរដ្ឋ​អាល្លឺម៉ង់​រាប់រយ​នាក់​តវ៉ា​ប្រឆាំង​គោលនយោបាយ​បញ្ជូន​រថក្រោះ​ឲ្យ​អ៊ុយ​ក្រែ​ន​

សហរដ្ឋអាមេរិក​ចោទប្រកាន់​រុស្ស៊ី​ពីបទ​បំពាន​សន្ធិសញ្ញា​នុយក្លេអ៊ែរ​ដែល​នៅសល់​ចុងក្រោយ​

សម្តេចតេជោ ហ៊ុន សែន អនុញ្ញាតឱ្យសមាគមគ្រឹះស្ថានឧត្តមសិក្សា ជួបសម្តែងការគួរសម និងពិភាក្សាការងារ

លោក Netanyahu និយាយថា កុំ​ខ្វល់ខ្វាយ​ខ្លាំងពេក​ពី​សន្តិភាព​ជាមួយ​ប៉ា​ឡេ​ស្ទី​ន​

ប្រមុខការទូតអាមេរិក Antony Blinken បញ្ចប់ដំណើរទស្សនកិច្ចនៅមជ្ឈិមបូព៌ាដោយគ្មានលទ្ធផល

លោក Biden និយាយថា សហរដ្ឋអាមេរិក​នឹងមិន​ផ្តល់​យន្តហោះ F-16 ដល់​អ៊ុយ​ក្រែ​ន​នោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

២ឆ្នាំបន្ទាប់ពីរដ្ឋប្រហារយោធា ជីវិតពលរដ្ឋមីយ៉ាន់ម៉ាបានផ្លាស់ប្តូរយ៉ាងខ្លាំង

អំពើហិង្សាដោយកាំភ្លើងនៅសហរដ្ឋអាមេរិកបានកើនឡើងខ្ពស់បំផុតក្នុងខែដំបូងនៅឆ្នាំ២០២៣ នេះ

អាមេរិកបញ្ជូនយានយន្តប្រយុទ្ធ Bradley ៦០គ្រឿងទៅអ៊ុយក្រែន ខណៈបារាំងបញ្ជូនយាន Caesar បន្ថែម ១២គ្រឿង

ពលរដ្ឋអាល្លឺម៉ង់រាប់រយនាក់តវ៉ាប្រឆាំងគោលនយោបាយបញ្ជូនរថក្រោះឲ្យអ៊ុយក្រែន

សហរដ្ឋអាមេរិកចោទប្រកាន់រុស្ស៊ីពីបទបំពានសន្ធិសញ្ញានុយក្លេអ៊ែរដែលនៅសល់ចុងក្រោយ

លោក Netanyahu និយាយថា កុំខ្វល់ខ្វាយខ្លាំងពេកពីសន្តិភាពជាមួយប៉ាឡេស្ទីន

លោក Biden និយាយថា សហរដ្ឋអាមេរិកនឹងមិនផ្តល់យន្តហោះ F-16 ដល់អ៊ុយក្រែននោះទេ