BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

អង្គការសុខភាពពិភពលោកនៅតែប្រុងប្រយ័ត្នខ្ពស់បំផុតសម្រាប់វីរុស COVID-19

WHO៖ អង្គការសុខភាពពិភពលោកនិយាយថា វីរុស Covid-19 នៅតែបន្តជាភាពអាសន្នរួមផ្នែកសុខភាពសាធារណៈនៃការព្រួយបារម្ភជាអន្តរជាតិ។ អង្គការសុខភាពពិភពលោកនៅតែប្រុងប្រយ័ត្នខ្ពស់បំផុត ដែលខ្លួនបានចេញសេចក្តីប្រកាសកាលពីចុងខែមករា ឆ្នាំ២០២០ ស្របតាមការណែនាំពីគណៈកម្មាធិការនៃក្រុមអ្នកជំនាញអន្តរជាតិ ដែលបានជួបប្រជុំកាលពីថ្ងៃសុក្រមុន។ នៅក្នុងកិច្ចប្រជុំនេះ អ្នកជំនាញបានបង្ហាញការព្រួយបារម្ភរបស់ពួកគេ ចំពោះចំនួនអ្នកស្លាប់ខ្ពស់ដោយសារជំងឺ Covid-19 និងការទទួលវ៉ាក់សាំងបង្ការមិនគ្រប់គ្រាន់នៅក្នុងប្រទេសកំពុងអភិវឌ្ឍន៍។ គណៈកម្មាធិការបាននិយាយថា វីរុសបំប្លែងថ្មី Omicron បានរាលដាលយ៉ាងងាយស្រួល ប៉ុន្តែមានការថយចុះរវាងករណីឆ្លងវីរុស និងជំងឺធ្ងន់ធ្ងរ បើប្រៀបធៀបទៅនឹងវីរុសបំប្លែងខ្លួនថ្មីនៃការព្រួយបារម្ភកាលពីពេលមុន។ គណៈកម្មាធិការបាននិយាយថា វីរុសនៅតែរក្សាសមត្ថភាពក្នុងការវិវត្តទៅជាវីរុសបំប្លែងខ្លួនថ្មី ដោយមានលក្ខណៈមិនអាចស្មានទុកជាមុនបាន។ វាបានបង្ហាញពីតម្រូវការសម្រាប់ការធ្វើឱ្យប្រសើរឡើងនូវការតាមដាន និងការរាយការណ៍អំពីការចូលសម្រាកនៅមន្ទីរពេទ្យ ការចូលព្យាបាលនៅផ្នែកសង្គ្រោះបន្ទាន់ និងចំនួនអ្នកស្លាប់។ អង្គការសុខភាពពិភពលោកបានអំពាវនាវឱ្យភាគីរដ្ឋទាំងអស់ បង្កើនការចាក់វ៉ាក់សាំងដុសជំរុញបង្ការវីរុស ប្រុងប្រយ័ត្នចំពោះវីរុសបំប្លែងខ្លួនថ្មីដែលកំពុងបង្ហាញខ្លួន និងផ្តល់ឱ្យអង្គការសុខភាពពិភពលោក (WHO) នូវទិន្នន័យតាមដានលម្អិត៕អត្ថបទ៖ ប៊ុនថន

អាមេរិកបានជំរុញឲ្យអ៊ីស្រាអែល និងប៉ាឡេស្ទីនបន្ធូរបន្ថយភាពតានតឹង

អាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken បានជំរុញឱ្យប្រទេសអ៊ីស្រាអែល និងដែនដីប៉ាឡេស្ទីនបន្ធូរបន្ថយភាពតានតឹងកាលពីថ្ងៃចន្ទ ក្នុងអំឡុងដំណើរទស្សនកិច្ចរបស់លោកទៅកាន់ទីក្រុងហ្សេរុយសាឡឹម ដោយបញ្ជាក់សាជាថ្មីនូវចក្ខុវិស័យសន្តិភាពដែលជាប់គាំងជាយូរមកនៃរដ្ឋទាំងពីរ ដែលជាមធ្យោបាយតែមួយគត់ដើម្បីបន្តដំណើរទៅមុខ។ ដំណើរទស្សនកិច្ចក្នុងពេលមានអំពើហិង្សាដ៏បង្ហូរឈាមខ្លាំងបំផុត ក្នុងរយៈពេលជាច្រើនឆ្នាំមកនេះ លោក Blinken បានរិះគន់យ៉ាងខ្លាំងលើការប្រើប្រាស់កាំភ្លើងរបស់ដែនដីប៉ាឡេស្ទីន នៅខាងក្រៅវិហារមួយកន្លែងដែលធ្វើឲ្យអ៊ីស្រាអែលមានការប្រុងប្រយ័ត្នខ្ពស់ ប៉ុន្តែថែមទាំងបានព្រមានចំពោះការប្រារព្ធពិធីណាមួយ ឬជាការសងសឹកចំពោះការបង្ហូរឈាមបែបនេះ។ មនុស្ស ៧នាក់ត្រូវបានបាញ់សម្លាប់នៅក្នុងការវាយប្រហារកាលពីថ្ងៃសុក្រ ដោយបុរសម្នាក់មកពីទៅក្រុងហ្សេរុយសាឡឹមខាងកើតដែលត្រូវបានសម្លាប់ដោយនគរបាល។ កាលពីមួយថ្ងៃមុននោះ អ៊ីស្រាអែលបានធ្វើការវាយឆ្មក់ខុសពីធម្មតាលើជំរំជនភៀសខ្លួននៅក្រុង Jenin ក្នុងតំបន់ West Bank ដែលខ្លួនបានចូលគ្រប់គ្រង ដោយបានសម្លាប់មនុស្ស ១០នាក់ភាគច្រើនជាខ្មាន់កាំភ្លើង។ ជាមួយគ្នានេះមន្ត្រីពេទ្យបាននិយាយថា យ៉ាងហោចណាស់ជនជាតិប៉ាឡេស្ទីន ៣៥នាក់ រួមមានទាំងក្រុមអ្នកប្រយុទ្ធ និងជនស៊ីវិលបានស្លាប់នៅក្នុងអំពើហិង្សាដែលបានកើនឡើងចាប់តាំងពីថ្ងៃទី១ ខែមករាមក។ ជុំចុងក្រោយនៃកិច្ចចរចាដែលគាំទ្រដោយសហរដ្ឋអាមេរិក លើការបង្កើតរដ្ឋប៉ាឡេស្ទីនជាមួយអ៊ីស្រាអែលបានជាប់គាំងនៅក្នុងឆ្នាំ២០១៤។ បន្ទាប់ពីជួបលោក Netanyahu នៅទីក្រុងហ្សេរុយសាឡឹម លោក Blinken បានរំលឹកឡើងវិញនូវជំនឿរបស់ទីក្រុងវ៉ាស៊ីនតោនថា ដំណោះស្រាយរដ្ឋពីរគឺជាមធ្យោបាយតែមួយគត់ ដើម្បីដោះស្រាយជម្លោះអ៊ីស្រាអែល និងប៉ាឡេស្ទីន៕អត្ថបទ៖ ប៊ុនថន

រុស្ស៊ីនិយាយថា ការចរចាជាមួយអ៊ុយក្រែនលែងមានន័យទៀតហើយ ក្រោយអាមេរិកព្រមព្រៀងបញ្ជូនរថក្រោះ

រុស្ស៊ី៖ អនុរដ្ឋមន្ត្រីការបរទេសរុស្ស៊ីលោក Sergei Ryabkov បានប្រាប់ទីភ្នាក់ងារសារព័ត៌មានរដ្ឋ RIA Novosti ក្នុងបទសម្ភាសន៍ដែលបានបញ្ចេញកាលពីថ្ងៃចន្ទថា ការសម្រេចចិត្តរបស់សហរដ្ឋអាមេរិក និងសម្ព័ន្ធយោធាណាតូក្នុងការបញ្ជូនរថក្រោះទៅអ៊ុយក្រែន បានធ្វើឲ្យការពិភាក្សានានាក្លាយជាឥតន័យសម្រាប់ទីក្រុង Moscow ក្នុងការចរចាណាមួយជាមួយទីក្រុង Kyiv។ លោកបាននិយាយថា ស្ថិតក្រោមលក្ខខណ្ឌបច្ចុប្បន្ន នៅពេលទីក្រុងវ៉ាស៊ីនតោនបានប្រកាសការសម្រេចចិត្តផ្គត់ផ្គង់រថក្រោះ និងប្រទេសសម្ព័ន្ធរបស់ខ្លួនរួមទាំងទីក្រុង Ottawa កំពុងប្រកួតប្រជែងជុំវិញបញ្ហាថា តើប្រទេសណាមួយនឹងផ្គត់ផ្គង់យានប្រយុទ្ធ ជាពិសេសយានប្រយុទ្ធចាស់ៗទៅឲ្យប្រទេសអ៊ុយក្រែន និងថាតើចំនួនដែលបញ្ជូនទៅនោះមានប៉ុន្មាន។ វាពុំមានន័យអ្វីទៀតដើម្បីចរចាទេ ដោយចោទប្រកាន់ទីក្រុងវ៉ាស៊ីនតោនពីបទប្រើប្រាស់អ៊ុយក្រែន ជាមូលដ្ឋានសាកល្បងអាវុធរបស់ខ្លួន។ លោកបានបន្ថែមថា យើងមានបំណងពិចារណាការផ្ដួចផ្ដើមជាក់លាក់ ដើម្បីដោះស្រាយវិបត្តិអ៊ុយក្រែន ប៉ុន្តែគ្មាននរណាម្នាក់បញ្ជាក់ពីការផ្ដួចផ្ដើមទាំងនោះឲ្យបានត្រឹមត្រូវទេ។ អ៊ុយក្រែនបានទទួលការសន្យាកាលពីសប្ដាហ៍មុនជាមួយអាល្លឺម៉ង់ថា ខ្លួននឹងបញ្ជូនរថក្រោះឡេភើតជំនាន់ទី២ ចំនួន ១៤គ្រឿងឲ្យទៅទីក្រុង Kyiv ស្របពេលដែលខ្លួនក៏បានអនុញ្ញាតឲ្យប្រទេសផ្សេងទៀតដែលមានរថក្រោះឡេភើត រួមទាំងប្រទេសន័រវេសដើម្បីផ្គត់ផ្គង់ឲ្យអ៊ុយក្រែនដែរ៕អត្ថបទ៖ សុខមាន

ក្រុមមន្ត្រីចិននិយាយថា រលកឆ្លងវីរុស COVID-19 បច្ចុប្បន្នកំពុងឈានដល់ទីបញ្ចប់ហើយ

ចិន៖ ក្រុមមន្ត្រីសុខភាពចិននិយាយថា រលកឆ្លងវីរុស Covid-19 នាពេលបច្ចុប្បន្នរបស់ប្រទេសនេះកំពុងឈានដល់ទីបញ្ចប់ហើយ។ មជ្ឈមណ្ឌលគ្រប់គ្រង និងបង្ការជំងឺឆ្លងរបស់ប្រទេសចិន បាននិយាយនៅក្នុងរបាយការណ៍មួយថា ចំនួនករណីឆ្លងធ្ងន់ធ្ងរ និងស្លាប់ដោយសារវីរុស Covid-19 កំពុងធ្លាក់ចុះ។ មជ្ឈមណ្ឌលនេះនិយាយថា គេពុំបានមើលឃើញការហក់ឡើងវិញនៃការណីឆ្លងទេ អំឡុងថ្ងៃឈប់សម្រាកពិធីបុណ្យចូលឆ្នាំថ្មីប្រពៃណីចិនកាលពីសប្ដាហ៍មុន ជាទីដែលមនុស្សរាប់លាននាក់បានជួបជុំគ្រួសារ។ ជាមួយគ្នានេះមានសំណួរជាច្រើនបានលើកឡើង អំពីសេចក្ដីរាយការណ៍នៃការឆ្លងរាលដាលវីរុស Covid-19 របស់ប្រទេសចិន។ ប៉ុន្តែក្រុមអ្នកជំនាញនិយាយថា ការធ្លាក់ចុះដែលបានរាយការណ៍នៅពេលនេះ ឆ្លើយតបទៅនឹងពេលវេលាដែលត្រូវគេរំពឹងទុកថា រលកករណីឆ្លងដ៏ធំកំពុងឈានទៅរកទីបញ្ចប់ហើយ។ វីរុសនេះបានឆ្លងរាលដាលពាសពេញទីក្រុងតូច-ធំរបស់ចិន ក្រោយក្រុមអាជ្ញាធរបានដកវិធានគ្មានវីរុស ឬ zero-Covid ដ៏តឹងរ៉ឹងកាលពីខែធ្នូ។ ប៉ុន្តែចំនួនអ្នកជំងឺទៅគ្លីនិកពិគ្រោះអាការៈក្ដៅខ្លួនបានធ្លាក់ចុះជាង ៩០% រហូតដល់ខែមករានេះ ហើយចំនួនអ្នកជំងឺចូលសម្រាកនៅមន្ទីរពេទ្យបានធ្លាក់ចុះជាង ៨៥% ដែរ៕អត្ថបទ៖ សុខមាន

ប្រធានាធិបតីអ៊ុយក្រែន៖ ការសងសឹកដ៏ខ្លាំងក្លាបានចាប់ផ្តើមហើយ ខណៈរុស្ស៊ីអះអាងពីការដណ្តើមបានដែនដីអ៊ុយក្រែន

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយកាលពីថ្ងៃចន្ទ ទី៣០មករាថា រុស្ស៊ីបានចាប់ផ្ដើមការសងសឹកដ៏ខ្លាំងក្លាទល់នឹងការតស៊ូរបស់អ៊ុយក្រែន ចំពោះការលុកលុយរបស់ខ្លួន ខណៈកងកម្លាំងរុស្ស៊ីបានអះអាងពីការដណ្ដើមដែនដីកាន់តែច្រើនថែមទៀត នៅភាគខាងកើតប្រទេសរបស់លោក។ លោក Zelenskyy បានព្រមានជាច្រើនសប្ដាហ៍មកហើយថា ទីក្រុង Moscow មានបំណងបង្កើនការវាយប្រហារលើអ៊ុយក្រែន បន្ទាប់ពីផ្អាកការវាយសម្រុកខ្លាំងរយៈពេល ២ខែនៅតាមសមរភូមិជួរមុខដែលលាតសន្ធឹងទូទាំងតំបន់ភាគខាងត្បូង និងខាងកើត។ ខណៈគ្មានសញ្ញានៃការពង្រីកការវាយលុកថ្មី រដ្ឋបាលរបស់រុស្ស៊ីដែលបានគ្រប់គ្រងផ្នែកមួយចំនួននៃខេត្ត Donetsk ភាគខាងកើតរបស់អ៊ុយក្រែន លោក Denis Pushilin បាននិយាយថា ទាហានរុស្ស៊ីបានគ្រប់គ្រងតំបន់មួយនៅក្នុងទីក្រុង Vuhledar ជាទីក្រុងផលិតអំបិលដែលរងការបំផ្លិចបំផ្លាញ។ លោក Yan Gagin ទីប្រឹក្សារបស់លោក Pushilin បាននិយាយថា ក្រុមអ្នកប្រយុទ្ធមកពីទាហានស៊ីឈ្នួលវ៉េកណាគ្រុប របស់រុស្ស៊ី បានដណ្ដើមគ្រប់គ្រងផ្លូវសម្រាប់ប្រើប្រាស់ ក្នុងការផ្គត់ផ្គង់ជំនួយកងទ័ពចូលទៅក្នុងទីក្រុង Bakhmut ជាទីក្រុងមួយដែលជាគោលដៅចម្បងរបស់ទីក្រុង Moscow រយៈពេលជាច្រើនខែមកនេះ៕អត្ថបទ៖ សុខមាន

ប៉ាគីស្ថានរៀបចំពិធីបុណ្យសពដ៏ធំសម្រាប់ជនរងគ្រោះពីការបំផ្ទុះគ្រាប់បែកអត្តឃាតដែលបានសម្លាប់មនុស្ស ៥៩នាក់

ប៉ាគីស្ថាន៖ ពិធីបុណ្យសពដ៏ធំមួយត្រូវបានធ្វើឡើងប្រមូលផ្ដុំដោយវត្តមាននគរបាល សម្រាប់ការគោរពដល់ជនរងគ្រោះនៃការបំផ្ទុះគ្រាប់នៅក្នុងភាគពាយ័ព្យនៃទីក្រុង Peshawar របស់ប្រទេសប៉ាគីស្ថានកាលពីរសៀលថ្ងៃចន្ទ។ មឈូសចំនួន២៧ ត្រូវបានតម្រៀបនៅលើដី ខណៈក្រុមអ្នកកាន់ទុក្ខធ្វើពិធីបួងសួងនៅប៉ុស្តិ៍នគរបាលនៅក្នុងទីក្រុង Peshawar។ ខ្មាន់បំផ្ទុះគ្រាប់បែកអត្តឃាតម្នាក់បានបំផ្ទុះខ្លួនឯង នៅក្នុងព្រះវិហារដែលមានមនុស្សណែនណាន់តាន់តាប់ ស្របពេលមានការយាមកាមសន្តិសុខយ៉ាងតឹងរ៉ឹងនៅក្នុងបរិវេណក្នុងប្រទេសប៉ាគីស្ថានកាលពីថ្ងៃចន្ទ បានសម្លាប់មនុស្ស ៥៩នាក់ ដែលជាការវាយប្រហារចុងក្រោយដោយក្រុមសកម្មប្រយុទ្ធបះបោរអ៊ីស្លាម មានបំណងដាក់គោលដៅលើនគរបាល។ នគរបាលនិយាយថា ខ្មាន់វាយប្រហារទំនងជាបានឆ្លងកាត់របាំងការពារសន្តិសុខ ដែលត្រូវបានយាមកាមដោយកងកម្លាំងសន្តិសុខចូលទៅក្នុងតំបន់ក្រហម ដែលមានទីស្នាក់ការនគរបាល និងការិយាល័យប្រឆាំងភេរវកម្មនៅទីនោះ។ លោកនាយករដ្ឋមន្ត្រីប៉ាគីស្ថាន Shehbaz Sharif បានថ្កោលទោសការវាយប្រហារនេះ។ ក្រុមមន្ត្រីបាននិយាយថា ខ្មាន់បំផ្ទុះគ្រាប់បែកបានបំផ្ទុះគ្រឿងផ្ទុះជាប់ខ្លួនរបស់គេ នៅពេលដែលមនុស្សរាប់រយនាក់ឈរតម្រង់ជួរបួងសួងក្នុងព្រះវិហារ៕ អត្ថបទ៖ សុខមាន

អាមេរិកនិយាយថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រអ៊ីរ៉ង់

អាមេរិក៖ មន្ត្រីសហរដ្ឋអាមេរិកម្នាក់បាននិយាយកាលពីថ្ងៃអាទិត្យថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រយោធាក្នុងប្រទេសអ៊ីរ៉ង់។ អ៊ីរ៉ង់បានអះអាងថា ស្ទាក់ចាប់បានយានដ្រូនដែលបានវាយប្រហារគោលដៅ លើឧស្សាហកម្មយោធាមួយកន្លែងនៅជិតទីក្រុងអ៊ីសហ្វាហាន (Isfahan) ភាគកណ្ដាល ហើយបាននិយាយថា ពុំមានអ្នកស្លាប់ របួស ឬខូចខាតធ្ងន់ធ្ងរនោះទេ។ ទំហំនៃការខូចខាតមិនអាចបញ្ជាក់ដោយឯករាជ្យបានទេ ខណៈប្រព័ន្ធផ្សព្វផ្សាយរដ្ឋអ៊ីរ៉ង់បានបញ្ចេញវីដេអូដែលបង្ហាញពន្លឺនៅលើអាកាស និងរថយន្តសង្គ្រោះបន្ទាន់នៅកន្លែងកើតហេតុ។ អ៊ីស្រាអែលបាននិយាយជាយូរមកហើយថា ខ្លួននឹងវាយប្រហារគោលដៅរបស់អ៊ីរ៉ង់ ប្រសិនបើផ្នែកការទូតបរាជ័យក្នុងការទប់ស្កាត់កម្មវិធីនុយក្លេអ៊ែរ ឬមីស៊ីលរបស់ទីក្រុងតេអេរ៉ង់។ អ្នកនាំពាក្យមន្ទីរបញ្ចកោណឧត្តមសេនីយ៍ Patrick Ryder បាននិយាយថា គ្មានកងកម្លាំងយោធាអាមេរិកជាប់ពាក់ព័ន្ធក្នុងការវាយប្រហារនៅក្នុងប្រទេសអ៊ីរ៉ង់នោះទេ ប៉ុន្តែបានបដិសេធមិនធ្វើអត្ថាធិប្បាយបន្ថែម។ មន្ត្រីអាមេរិកម្នាក់និយាយថា វាទំនងជាប្រទេសអ៊ីស្រាអែលជាប់ពាក់ព័ន្ធ។ ទីក្រុងតេអេរ៉ង់មិនបានដាក់កំហុសជាផ្លូវការចំពោះអ្វីដែលរដ្ឋមន្ត្រីការបរទេសលោក Hossein Amirabdollahian បានចាត់ទុកថា ជាការវាយប្រហារដ៏កំសាកក្នុងគោលបំណងបង្កើតអសន្តិសុខនៅក្នុងប្រទេសអ៊ីរ៉ង់។ ប៉ុន្តែទូរទស្សន៍រដ្ឋបានផ្សាយការអត្ថាធិប្បាយដោយសមាជិកសភាលោក Hossein Mirzaie ដែលបាននិយាយថា មានការសន្និដ្ឋានយ៉ាងខ្លាំងថា អ៊ីស្រាអែលនៅពីក្រោយការវាយប្រហារនេះ។ ការវាយប្រហារនេះបានកើតឡើងក្នុងពេលមានភាពតានតឹងរវាងអ៊ីរ៉ង់ និងប្រទេសលោកខាងលិច ជុំវិញសកម្មភាពនុយក្លេអ៊ែររបស់ទីក្រុងតេអេរ៉ង់ និងការផ្គត់ផ្គង់អាវុធរបស់ខ្លួន រួមទាំងយានដ្រូនអត្តឃាតរយៈចម្ងាយឆ្ងាយ សម្រាប់សង្គ្រាមរបស់រុស្ស៊ីនៅអ៊ុយក្រែន ក៏ដូចជាបាតុកម្មប្រឆាំងរដ្ឋាភិបាលជាច្រើនខែនៅក្នុងប្រទេសនេះ។ លោក Amirabdollahian ថ្លែងតាមទូរទស្សន៍ថា សកម្មភាពបែបនេះនឹងមិនប៉ះពាល់ដល់ការប្តេជ្ញាចិត្ត របស់អ្នកជំនាញរបស់យើងក្នុងការអភិវឌ្ឍន៍ទៅមុខលើការងារនុយក្លេអ៊ែរ ដោយសន្តិភាពរបស់យើងនោះទេ៕អត្ថបទ៖ ប៊ុនថន

មនុស្សជាង ៥០នាក់បានស្លាប់នៅក្នុងឧបទ្ទវហេតុចំនួន២ នៅប៉ាគីស្ថាន

ប៉ាគីស្ថាន៖ មនុស្សច្រើនជាង ៥០នាក់បានស្លាប់នៅក្នុងគ្រោះថ្នាក់ ២ផ្សេងគ្នានៅក្នុងប្រទេសប៉ាគីស្ថានកាលពីថ្ងៃអាទិត្យ។ យ៉ាងហោចណាស់មនុស្ស ៤១នាក់បានស្លាប់ នៅពេលដែលរថយន្តក្រុងមួយគ្រឿងបានធ្លាក់ចូលទៅក្នុងជ្រោះមួយ ហើយបានឆាបឆេះនៅភាគនិរតី ខណៈកុមារយ៉ាងហោចណាស់ ១០នាក់បានលង់ទឹកក្នុងឧបទ្ទវហេតុលិចទូកនៅភាគពាយព្យប្រទេស។ អ្នកស្លាប់ទាំងអស់ដែលបានរកឃើញក្នុងឧបទ្ទវហេតុលិចទូក មកដល់ពេលនេះនៅបឹងមួយមានអាយុចន្លោះពី ៧ ទៅ ១៤ឆ្នាំ។ ឧបទ្ទវហេតុក្រឡាប់រថយន្តក្រុងបានកើតឡើងនៅជិតទីក្រុង Bela ភាគខាងត្បូងខេត្ត Balochistan នៅពេលដែលរថយន្តកំពុងធ្វើដំណើរទៅកាន់ទីក្រុងកំពង់ផែ Karachi។ មន្ត្រីក្នុងតំបន់ Hamza Anjum បានប្រាប់ទីភ្នាក់ងារសារព័ត៌មានថា សាកសពចំនួន ៤០នាក់ត្រូវបានគេរកឃើញ រួមជាមួយនឹងអ្នករងរបួសចំនួន ៣នាក់ដែលម្នាក់បានស្លាប់ភ្លាមៗពេលបញ្ជូនទៅកាន់មន្ទីរពេទ្យ ហើយអ្នកនៅរស់រានមានជីវិតទាំង ២នាក់ស្ថិតក្នុងស្ថានភាពរបួសធ្ងន់។ តាមសេចក្តីរាយការណ៍បានឲ្យដឹងថា រថយន្តក្រុងបានបុកបង្គោលភ្លើងនៅលើស្ពានមួយកន្លែង មុនពេលកើតហេតុធ្លាក់ទៅក្នុងជ្រោះ។ អាជ្ញាធរតំបន់និយាយថា យើងនឹងស៊ើបអង្កេតមូលហេតុនៃគ្រោះថ្នាក់នេះ ហើយការធ្វើតេស្ត DNA នឹងត្រូវបានប្រើដើម្បីកំណត់អត្តសញ្ញាណសាកសព។ ទូកមួយគ្រឿងដែលបានលិចស្ថិតនៅបឹងមួយក្នុងខេត្ត Khyber Pakhtunkhwa ជិតព្រំដែនជាមួយប្រទេសអាហ្វហ្គានីស្ថាន។ មន្ត្រីនគរបាលក្នុងតំបន់លោក Mir Rauf បាននិយាយថា កុមារ ១០នាក់ស្លាប់ ហើយកុមារ ១១នាក់ផ្សេងទៀតត្រូវបានជួយសង្គ្រោះ ហើយ ៦នាក់ស្ថិតក្នុងស្ថានភាពធ្ងន់ធ្ងរ ខណៈ ៩នាក់ទៀតត្រូវគេជឿថាបាត់ខ្លួន។ ទូកដែលពួកគេកំពុងធ្វើដំណើរនោះបានដឹកមនុស្សជាង ២០នាក់ក្នុងការធ្វើដំណើរពេលមួយថ្ងៃពីសាលារៀនអ៊ីស្លាមក្នុងតំបន់ Madrassa នៅពេលរថយន្តបានក្រឡាប់៕អត្ថបទ៖ ប៊ុនថន

ចំនួនអ្នកស្លាប់ដោយសារអាកាសធាតុត្រជាក់ខ្លាំងនៅអាហ្វហ្គានីស្ថានកើនឡើងដល់ ១៧០នាក់

អាហ្វហ្គានីស្ថាន៖ ចំនួនមនុស្សដែលត្រជាក់ខ្លាំងរហូតដល់ស្លាប់ នៅក្នុងប្រទេសអាហ្វហ្គានីស្ថានដោយសារស្ថានភាពអាកាសធាតុ ដែលបានកើនឡើងរយៈពេលប្រមាណ ៣សប្ដាហ៍មកនេះបានហក់ឡើងដល់ ១៧០នាក់។ អាហ្វហ្គានីស្ថានកំពុងជួបប្រទះអាកាសធាតុរដូវរងាត្រជាក់បំផុត ក្នុងរយៈពេលប៉ុន្មានឆ្នាំថ្មីៗនេះ។ សីតុណ្ហភាពបានធ្លាក់ចុះដល់ ១០ក្រោមសូន្យអង្សារនៅពេលយប់ក្នុងរដ្ឋធានីកាប៊ុល និងរហូតដល់ ៣០ក្រោមសូន្យអង្សារនៅក្នុងតំបន់មួយចំនួន។ លោក Shafiullah Rahimi អ្នកនាំពាក្យក្រសួងគ្រប់គ្រងគ្រោះមហន្តរាយធម្មជាតិតាលីបង់បាននិយាយថា មនុស្សយ៉ាងហោចណាស់ ១៧០នាក់បានបាត់បង់ជីវិតដោយសារតែភាពត្រជាក់ទូទាំងប្រទេស ដោយបន្ថែមថា អ្នកស្លាប់ភាគច្រើនមាននៅក្នុងខេត្ត Gor ខេត្ត Badahshan ខេត្ត Bamyan ខេត្ត Paktika និងខេត្ត Paktiya។ លោក Rahimi បាននិយាយថា មានភូមិជាច្រើនមិនអាចចូលទៅដល់ ពិសេសនៅក្នុងខេត្ត Bamyan និងខេត្ត Gor នៅលើភ្នំ Hindikus។ យើងត្រូវការជំនួយអន្តរជាតិ ១០០% សម្រាប់ពេលបច្ចុប្បន្ននេះ ព្រោះជំនួយរបស់យើងមិនគ្រប់គ្រាន់ទេ។ ស្ថានភាពនឹងមិនអាចគ្រប់គ្រងបានទេ ប្រសិនបើមិនអាចបំពេញតម្រូវការរបស់ប្រជាពលរដ្ឋបានទេនោះ៕អត្ថបទ៖ សុខមាន

សហរដ្ឋអាមេរិកនឹងបង្ខំដៃគូឲ្យអនុវត្តការដាក់ទណ្ឌកម្មប្រឆាំងរុស្ស៊ី

អាមេរិក៖ សារព័ត៌មាន Reuters បានរាយការណ៍កាលពីថ្ងៃចុងសប្ដាហ៍ថា មន្ត្រីជាន់ខ្ពស់ទទួលបន្ទុកការដាក់ទណ្ឌកម្មរបស់ក្រសួងរតនាគារសហរដ្ឋអាមេរិក នឹងធ្វើដំណើរទៅកាន់ប្រទេសទួរគី និងអារ៉ាប់រួមនៅសប្ដាហ៍ក្រោយ ដើម្បីព្រមានក្រុមមន្ត្រី និងផ្នែកពាណិជ្ជកម្មថា ទីក្រុងវ៉ាស៊ីនតោននឹងដាក់ទោសពួកគេ ប្រសិនបើពួកគេគេចវេសមិនដាក់ទណ្ឌកម្មលើរុស្ស៊ី។ អ្នកនាំពាក្យក្រសួងរតនាគារបានប្រាប់ទីភ្នាក់ងារសារព័ត៌មានថា លោក Brian Nelson អនុរដ្ឋលេខាធិការទទួលបន្ទុកភេរវកម្ម និងចារកម្មហិរញ្ញវត្ថុរបស់ក្រសួងនេះនឹងធ្វើដំណើរទៅកាន់ប្រទេសអូម៉ង់ (Oman) អារ៉ាប់រួម និងទួរគីនៅចន្លោះថ្ងៃសុក្រ និងថ្ងៃអាទិត្យ។ នៅជំនួបជាមួយក្រុមមន្ត្រីរដ្ឋាភិបាល គ្រឹះស្ថានពាណិជ្ជកម្ម និងហិរញ្ញវត្ថុ លោក Nelson នឹងព្រមានពួកគេថា ពួកគេអាចនឹងបាត់បង់ផ្លូវចូលទៅកាន់ទីផ្សារសហរដ្ឋអាមេរិក ពាក់ព័ន្ធនឹងការធ្វើពាណិជ្ជកម្មជាមួយអង្គភាពដែលត្រូវបានរងទណ្ឌកម្ម។ ក្រុមមន្ត្រីសហរដ្ឋអាមេរិកបានបញ្ជាក់ដដែលៗថា ប្រទេសទួរគីគឺជាចំណុចសំខាន់នៃការបំពានទណ្ឌកម្ម ហើយក្រុមមន្ត្រីលោកខាងលិចដែលពុំបានបញ្ចេញឈ្មោះបានប្រាប់សារព័ត៌មាន Financial Times កាលពីខែសីហាថា ពួកគេបារម្ភខ្លាំងណាស់អំពីការការធ្វើពាណិជ្ជកម្មរវាងបណ្ដាក្រុមហ៊ុនរបស់ប្រទេសទទួរគី និងអង្គភាពរបស់រុស្ស៊ីដែលត្រូវបានរងទណ្ឌកម្ម។ ទីក្រុង Ankara បានឆ្លើយតបថា ខ្លួននឹងមិនអនុញ្ញាតឲ្យមានការបំពានទណ្ឌកម្មដោយគ្រឹះស្ថាន ឬ បុគ្គលណាមួយឡើយ ក្រោយការសន្ទនាតាមទូរស័ព្ទជាមួយអនុរដ្ឋមន្ត្រីក្រសួងរតនាគារអាមេរិកលោក Wally Adeyemo ដែលទំនងជាបានគំរាមកំហែងដល់ភាពជោគជ័យនៃសេដ្ឋកិច្ចរបស់ទួរគី និងភាពស្មោះត្រង់នៃវិស័យធនាគាររបស់ខ្លួន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ

ឯកឧត្តមបណ្ឌិត អ៊ាង សុផល្លែត អញ្ជើញជាអធិបតីប្រកាសសមាជិកថ្មី របស់គណបក្សប្រជាជនកម្ពុជាប្រចាំខេត្តត្បូងឃ្មុំចំនួនជាង២ពាន់នាក់

ជនជាតិចិន១៧០នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

អ្នកទេសចរប្រៀបប្រដូច ទឹកដីជីផាត ខេត្តកោះកុង ជាឋានសួគ៌សម្រាប់អ្នកទេសចរ ចូលចិត្តដើរលេងកម្សាន្តមិនចេះរីងស្ងួត

មេបញ្ជាការកងទ័ពជើងទឹក៖ កងទ័ពជើងទឹកបន្តអនុវត្តជាប់ជានិច្ចនូវការងារហ្វឹកហ្វឺន បំប៉នជំនាញដើម្បីលើក កម្ពស់សមត្ថភាពរបស់យោធិន

អនុប្រធានទី១អាជ្ញាធរមីន អំពាវនាវដល់ប្រទេសទាំងអស់ រើសយកភាពជាដៃគូ និងកិច្ចសហប្រតិបត្តិការជាជាងការប្រឈមមុខដាក់គ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសុខភាពពិភពលោកនៅតែប្រុងប្រយ័ត្នខ្ពស់បំផុតសម្រាប់វីរុស COVID-19

អាមេរិកបានជំរុញឲ្យអ៊ីស្រាអែល និងប៉ាឡេស្ទីនបន្ធូរបន្ថយភាពតានតឹង

រុស្ស៊ីនិយាយថា ការចរចាជាមួយអ៊ុយក្រែនលែងមានន័យទៀតហើយ ក្រោយអាមេរិកព្រមព្រៀងបញ្ជូនរថក្រោះ

ក្រុមមន្ត្រីចិននិយាយថា រលកឆ្លងវីរុស COVID-19 បច្ចុប្បន្នកំពុងឈានដល់ទីបញ្ចប់ហើយ

ប៉ាគីស្ថានរៀបចំពិធីបុណ្យសពដ៏ធំសម្រាប់ជនរងគ្រោះពីការបំផ្ទុះគ្រាប់បែកអត្តឃាតដែលបានសម្លាប់មនុស្ស ៥៩នាក់

អាមេរិកនិយាយថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រអ៊ីរ៉ង់

មនុស្សជាង ៥០នាក់បានស្លាប់នៅក្នុងឧបទ្ទវហេតុចំនួន២ នៅប៉ាគីស្ថាន

ចំនួនអ្នកស្លាប់ដោយសារអាកាសធាតុត្រជាក់ខ្លាំងនៅអាហ្វហ្គានីស្ថានកើនឡើងដល់ ១៧០នាក់

សហរដ្ឋអាមេរិកនឹងបង្ខំដៃគូឲ្យអនុវត្តការដាក់ទណ្ឌកម្មប្រឆាំងរុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សុខភាព​ពិភពលោក​នៅតែ​ប្រុងប្រយ័ត្ន​ខ្ពស់បំផុត​សម្រាប់​វីរុស COVID-19

អាមេរិក​បាន​ជំរុញ​ឲ្យ​អ៊ីស្រាអែល និង​ប៉ា​ឡេ​ស្ទី​ន​បន្ធូរបន្ថយ​ភាព​តានតឹង

រុស្ស៊ី​និយាយថា ការចរចា​ជាមួយ​អ៊ុយ​ក្រែ​ន​លែង​មានន័យ​ទៀតហើយ​ ក្រោយ​អាមេរិក​ព្រមព្រៀង​បញ្ជូន​រថក្រោះ​

ក្រុមមន្ត្រី​ចិន​និយាយថា រលក​ឆ្លងវីរុស COVID-19 បច្ចុប្បន្នកំពុង​ឈានដល់​ទីបញ្ចប់​ហើយ​

អាមេរិក​និយាយថា អ៊ីស្រាអែល​ទំនងជា​នៅ​ពីក្រោយ​ការវាយប្រហារ​ដោយ​យាន​ដ្រូ​ន​លើ​រោងចក្រ​អ៊ីរ៉ង់​

មនុស្ស​ជាង ៥០​នាក់​បាន​ស្លាប់​នៅក្នុង​ឧបទ្ទវហេតុ​ចំនួន​២ ​នៅ​ប៉ា​គី​ស្ថាន​

ចំនួន​អ្នកស្លាប់​ដោយសារ​អាកាសធាតុ​ត្រជាក់​ខ្លាំង​នៅ​អា​ហ្វ​ហ្គា​នី​ស្ថាន​កើនឡើង​ដល់ ​១៧០​នាក់​

សហរដ្ឋអាមេរិក​នឹង​បង្ខំ​ដៃគូ​ឲ្យ​អនុវត្ត​ការដាក់ទណ្ឌកម្ម​ប្រឆាំង​រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោកនៅតែប្រុងប្រយ័ត្នខ្ពស់បំផុតសម្រាប់វីរុស COVID-19

អាមេរិកបានជំរុញឲ្យអ៊ីស្រាអែល និងប៉ាឡេស្ទីនបន្ធូរបន្ថយភាពតានតឹង

រុស្ស៊ីនិយាយថា ការចរចាជាមួយអ៊ុយក្រែនលែងមានន័យទៀតហើយ ក្រោយអាមេរិកព្រមព្រៀងបញ្ជូនរថក្រោះ

ក្រុមមន្ត្រីចិននិយាយថា រលកឆ្លងវីរុស COVID-19 បច្ចុប្បន្នកំពុងឈានដល់ទីបញ្ចប់ហើយ

អាមេរិកនិយាយថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រអ៊ីរ៉ង់

មនុស្សជាង ៥០នាក់បានស្លាប់នៅក្នុងឧបទ្ទវហេតុចំនួន២ នៅប៉ាគីស្ថាន

ចំនួនអ្នកស្លាប់ដោយសារអាកាសធាតុត្រជាក់ខ្លាំងនៅអាហ្វហ្គានីស្ថានកើនឡើងដល់ ១៧០នាក់

សហរដ្ឋអាមេរិកនឹងបង្ខំដៃគូឲ្យអនុវត្តការដាក់ទណ្ឌកម្មប្រឆាំងរុស្ស៊ី