BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

អាមេរិកត្រៀមអនុម័តបញ្ជូនរថក្រោះ Abrams ទៅអ៊ុយក្រែន ខណៈអាល្លឺម៉ង់នឹងបញ្ជូនរថក្រោះឡេភឺតជំនាន់ទី២

អាមេរិក៖ មន្ត្រីសហរដ្ឋអាមេរិកពីររូបបាននិយាយកាលពីថ្ងៃអង្គារថា សហរដ្ឋអាមេរិកត្រៀមខ្លួនដើម្បីចាប់ផ្តើមដំណើរការ ដែលនៅទីបំផុតនឹងបញ្ជូនរថក្រោះប្រយុទ្ធ M1 Abrams រាប់សិបគ្រឿងទៅកាន់អ៊ុយក្រែន។ ការសម្រេចចិត្តបែបនេះរបស់សហរដ្ឋអាមេរិក ធ្វើឡើងប៉ុន្មានថ្ងៃបន្ទាប់ពីទីក្រុងវ៉ាស៊ីនតោនបានបដិសេធមិនបញ្ជូនរថក្រោះ Abrams ទោះបីជាមានការទាមទារពីទីក្រុង Kyiv និងសម្ពាធសាធារណៈពីទីក្រុងប៊ែកឡាំងក៏ដោយ ខណៈខ្លួនប្រឈមនឹងការអំពាវនាវឱ្យបញ្ជូនរថក្រោះប្រយុទ្ធឡេភឺត (Leopard) ផលិតនៅអាល្លឺម៉ង់។ អធិការបតីអាល្លឺម៉ង់លោក Olaf Scholz កាលពីថ្ងៃអង្គារបានសម្រេចបញ្ជូនរថក្រោះប្រយុទ្ធឡេភឺតជំនាន់ទី២ (Leopard 2) ទៅកាន់អ៊ុយក្រែន និងអនុញ្ញាតឱ្យប្រទេសផ្សេងទៀតដូចជាប៉ូឡូញអនុវត្តដូច្នេះ។ ទីក្រុង Kyiv បានស្នើសុំអស់រយៈពេលជាច្រើនខែមកហើយ សម្រាប់រថក្រោះប្រទេសលោកខាងលិចដែលខ្លួននិយាយថា ត្រូវការយ៉ាងខ្លាំងសម្រាប់កងកម្លាំងចល័តរបស់ខ្លួន ដើម្បីវាយបំបែកខ្សែការពាររបស់រុស្ស៊ី និងដណ្តើមយកមកវិញទឹកដីដែលត្រូវបានចូលគ្រប់គ្រងនៅភាគខាងកើត និងខាងត្បូង។ ប្រភពមួយប្រាប់សារព័ត៌មាន Reuters ថា ប្រទេសអាល្លឺម៉ង់នឹងបញ្ជូនរថក្រោះឡេភឺតជំនាន់ទី២ (Leopard 2) ទៅកាន់ប្រទេសអ៊ុយក្រែនដើម្បីជួយប្រយុទ្ធប្រឆាំងការវាយលុកចូលរបស់រុស្ស៊ី។ ទីក្រុង Kyiv អះអាងថា រថក្រោះប្រយុទ្ធទំនើបធុនធ្ងន់នឹងផ្តល់ឱ្យខ្លួននូវកម្លាំងបាញ់ និងការចល័តដែលអ៊ុយក្រែនត្រូវការយ៉ាងខ្លាំង ក្នុងការដណ្តើមយកទឹកដីនៅភាគខាងកើត និងខាងត្បូងមកវិញ។ ថាតើត្រូវផ្គត់ផ្គង់រថក្រោះទាំងនោះឬអត់ បានគ្របដណ្ដប់លើកិច្ចពិភាក្សាក្នុងចំណោមសម្ព័ន្ធមិត្តប្រទេសលោកខាងលិចរបស់ទីក្រុង Kyiv ក្នុងរយៈពេលប៉ុន្មានសប្តាហ៍កន្លងទៅនេះ។ រថក្រោះឡេភឺតជំនាន់ទី២ (Leopard 2) ដែលផលិតដោយអាល្លឺម៉ង់ត្រូវបានគេមើលឃើញយ៉ាងទូលំទូលាយថា ជាជម្រើសដ៏ល្អបំផុតដែលងាយស្រួលក្នុងការដាក់ពង្រាយ។ ប៉ុន្តែទីក្រុងប៊ែរឡាំងបានប្រុងប្រយ័ត្នចំពោះចំណាត់ការនេះ ដែលនឹងធ្វើឲ្យរុស្ស៊ីផ្ទុះសង្គ្រាមកាន់តែធំ។ កាលពីថ្ងៃអង្គារ ប្រទេសប៉ូឡូញបានបង្កើនសម្ពាធលើប្រទេសអាល្លឺម៉ង់ ដោយស្នើសុំជាផ្លូវការដើម្បីអនុញ្ញាតឱ្យនាំចេញរថក្រោះប្រយុទ្ធឡេភឺតជំនាន់ទី២ (Leopard 2) របស់ខ្លួនទៅកាន់អ៊ុយក្រែន៕អត្ថបទ៖ ប៊ុនថន

ព្រិលធ្លាក់ខ្លាំងបង្កការរំខាន និងប៉ះពាល់នៅក្នុងប្រទេសមួយចំនួននៅតំបន់អឺរ៉ុប

អឺរ៉ុប៖ ប្រជាពលរដ្ឋនៅក្នុងទីក្រុងដេលនីស (Delnice) របស់ប្រទេសក្រូអាត បានស៊ូទ្រាំនឹងការធ្លាក់ព្រិលដែលនៅតែបន្តនៅសប្ដាហ៍នេះ ខណៈព្រិលធ្លាក់ខ្លាំងបានគ្របដណ្ដប់គ្រប់ទីកន្លែងក្លាយជាទីក្រុងពណ៌ស។ ប្រជាពលរដ្ឋបាននិយាយថា ព្រិលធ្លាក់កាន់តែខ្លាំង និងពិបាកក្នុងការសម្អាតដែលមានរហូតដល់កម្រាស់ ២ម៉ែត្រ។ ទីភ្នាក់ងារអាកាសធាតុក្រូអាតបានចេញការព្រមានថា ស្ថានភាពអាកាសធាតុបច្ចុប្បន្នគ្រោះថ្នាក់ណាស់នៅក្នុងតំបន់នេះ ជាទីដែលទីក្រុងមួយនេះលាតសន្ធឹងពីសមុទ្រអាទ្រីយ៉ាទិក (Adriatic sea) ដែលមានធ្លាក់ព្រិល និងទឹកកកទំនងជារំខានដល់ការធ្វើចរាចរណ៍។ កោះដ៏ធំបំផុតម៉ាឡូកា (Mallorca) របស់អេស្ប៉ាញត្រូវបានប៉ះពាល់ ដោយការធ្លាក់ព្រិលដ៏ធំបំផុតក្នុងរយៈពេលជាង ៥ឆ្នាំនៅសប្ដាហ៍នេះ ក្នុងនោះព្រិលបានធ្លាក់កម្រាស់ ៧សង់ទីម៉ែត្រនៅក្នុងតំបន់ហ្វណាលូតស៍ (Fornalutx) និងសីតុណ្ហភាព -2.4អង្សាសេត្រូវបានកត់ត្រានៅក្នុងតំបន់ជួរភ្នំសេរ៉ា ឌឺ ត្រាម៉ុនតាណា។ តំបន់មួយចំនួននៅក្នុងប្រទេសអ៊ីតាលី ក៏កំពុងប្រឈមនឹងការប្រកាសភាពធ្ងន់ធ្ងរនៃអាកាសធាតុផងដែរ ដោយសារតែការធ្លាក់ព្រិល និងសីតុណ្ហភាពចុះត្រជាក់ដូចជានៅតំបន់ឡេម៉ាឆេ (Le Marche) និងតំបន់អ៊ីមីលីយ៉ា រ៉ូម៉ាណា (Emilia Romagna) របស់ប្រទេសអ៊ីតាលី ជាទីដែលភ្លើងសញ្ញាប្រកាសអាសន្នពណ៌ទឹកក្រូចត្រូវបានបញ្ចេញ ដោយសារតែបញ្ហាអាកាសធាតុនេះបានគំរាមកំហែងដល់មនុស្ស និងទ្រព្យសម្បត្តិ។ ប្រទេសស្លូវ៉ាគី និងអូទ្រីសក៏ត្រូវបានរងផលប៉ះពាល់ផងដែរដោយព្យុះព្រិល ដែលបណ្ដាលឲ្យដាច់ចរន្តអគ្គិសនី ហើយផ្លូវ និងសាលារៀនជាច្រើនត្រូវបានបិទនៅក្នុងតំបន់ខ្លះដូចជាតំបន់ការីនទីយ៉ា (Carinthia) ក្នុងប្រទេសអូទ្រីស ជាទីដែលលំនៅឋានប្រមាណ ៥.០០០ខ្នងគ្មានអគ្គិសនីប្រើប្រាស់៕អត្ថបទ៖ សុខមាន

ភ្លៀងធ្លាក់ខ្លាំងនៅរដ្ឋ Johor ជនរងគ្រោះជាង ៣,៤០០នាក់ត្រូវបានជម្លៀសទៅកាន់មជ្ឈមណ្ឌលសង្គ្រោះ

ម៉ាឡេស៊ី៖ ជនរងគ្រោះដោយទឹកជំនន់ជិត ៣,៥០០នាក់ត្រូវបានគេផ្តល់ទីជម្រកនៅក្នុងមជ្ឈមណ្ឌលសង្គ្រោះបណ្តោះអាសន្ននៅទូទាំងរដ្ឋ Johor ប្រទេសម៉ាឡេស៊ីនៅថ្ងៃពុធនេះ ខណៈភ្លៀងធ្លាក់ខ្លាំងនៅតែបន្តធ្លាក់នៅតំបន់នៃរដ្ឋនេះ។ យោងតាមទីភ្នាក់ងារគ្រប់គ្រងគ្រោះមហន្តរាយជាតិម៉ាឡេស៊ីបានឲ្យដឹងថា រដ្ឋ Johor បានកត់ត្រាជនរងគ្រោះដោយទឹកជំនន់ចំនួន ៣,៤៨២នាក់គិតត្រឹមម៉ោង ៦ព្រឹកថ្ងៃពុធ។ នេះគឺជាការកើនឡើងពីជនរងគ្រោះដោយទឹកជំនន់ចំនួន ២,៩១២នាក់ដែលត្រូវបានកត់ត្រាដោយទីភ្នាក់ងារនេះកាលពី ៦ម៉ោងមុន។ គណៈកម្មាធិការគ្រប់គ្រងគ្រោះមហន្តរាយរបស់រដ្ឋបាននិយាយថា ពេលនេះមានមជ្ឈមណ្ឌលសង្គ្រោះចំនួន ៣៥កន្លែងកំពុងដំណើរការនៅក្នុងរដ្ឋ Johor បន្ទាប់ពីមជ្ឈមណ្ឌលចំនួន ៥កន្លែងផ្សេងទៀតត្រូវបានបើកនៅក្នុងស្រុកចំនួន៥។ គណកម្មាធិការនិយាយថា ស្រុក សេហ្គាម៉ាត (Segamat) គឺជាស្រុកដែលរងផលប៉ះពាល់ខ្លាំងបំផុតដោយទឹកជំនន់ ដែលមានមនុស្ស ១,៣៩២នាក់ស្នាក់នៅក្នុងមណ្ឌលសង្គ្រោះចំនួន ១៣កន្លែង។ ក្រសួងឧតុនិយមម៉ាឡេស៊ីបានព្យាករណ៍នៅព្រឹកថ្ងៃពុធនេះថា នឹងមានភ្លៀងធ្លាក់ខ្លាំងជាបន្តបន្ទាប់នៅក្នុងរដ្ឋ Johor ដោយក្រសួងបានចេញការព្រមាន សម្រាប់ភ្លៀងធ្លាក់ខ្លាំងនៅក្នុងស្រុកដែលរងផលប៉ះពាល់ចំនួន ៦ស្រុក។ កាលពីខែមុន ឧបនាយករដ្ឋមន្ត្រីម៉ាឡេស៊ីលោក Ahmad Zahid Hamidi ដែលជាប្រធានគណៈកម្មាធិការគ្រប់គ្រងគ្រោះមហន្តរាយមជ្ឈិម បានអំពាវនាវឱ្យមានវិធានការរយៈពេលវែងភ្លាមៗ ដើម្បីដោះស្រាយបញ្ហាទឹកជំនន់របស់ប្រទេស រួមទាំងគម្រោងកាត់បន្ថយទឹកជំនន់។ កិច្ចខិតខំប្រឹងប្រែងគ្រប់គ្រងទឹកជំនន់បែបនេះនៅពេលដែលបានបញ្ចប់ វាអាចធានាបាននូវការគ្រប់គ្រងទឹកជំនន់រយៈពេលវែងដ៏ល្អរហូតដល់ឆ្នាំ២១០០៕អត្ថបទ៖ ប៊ុនថន

លោក Biden អំពាវនាវឱ្យមានបម្រាមអាវុធ បន្ទាប់ពីការបាញ់ប្រហារជាបន្តបន្ទាប់នៅរដ្ឋកាលីហ្វ័រញ៉ា

អាមេរិក៖ បន្ទាប់ពីការបាញ់ប្រហារជាបន្តបន្ទាប់ដ៏ធំបណ្តាលឲ្យមនុស្សជាង ២០នាក់ស្លាប់នៅរដ្ឋកាលីហ្វ័រញ៉ា សហរដ្ឋអាមេរិក ប្រធានាធិបតីលោក Joe Biden បានអំពាវនាវដល់សភាកាលពីថ្ងៃអង្គារ ឱ្យបញ្ជូនច្បាប់ដាក់បម្រាមអាវុធវាយប្រហារមកកាន់តុរបស់លោក ឱ្យបានឆាប់តាមដែលអាចធ្វើទៅបាន។ ជំនួបជាមួយមេដឹកនាំសភាគណបក្សប្រជាធិបតេយ្យលោក Biden បាននិយាយថា សមាជិកព្រឹទ្ធសភារដ្ឋកាលីហ្វ័រញ៉ាលោក Dianne Feinstein បានបង្ហាញឡើងវិញនូវច្បាប់បម្រាមអាវុធ។ នៅក្នុងការបាញ់ប្រហារ ៣លើកផ្សេងគ្នាក្នុងប៉ុន្មានថ្ងៃថ្មីៗនេះបណ្តាលឲ្យមនុស្ស ២១នាក់ស្លាប់នៅសហរដ្ឋអាមេរិក។ អាជ្ញាធរនិយាយថា ពួកគេនៅតែព្យាយាមកំណត់ពីមូលហេតុនៃការបាញ់ប្រហារទាំង ៣លើកនេះ។ ជនសង្ស័យក្នុងការវាយប្រហារ ២លើកមុនគឺជាបុរសដែលមានអាយុចូលនិវត្តន៍ ដែលចាស់ជាងខ្មាន់កាំភ្លើងធម្មតាក្នុងការបាញ់ប្រហារដ៏ឃោរឃៅ នៅក្នុងសហរដ្ឋអាមេរិក។ រដ្ឋកាលីហ្វ័រញ៉ាមានច្បាប់ហាមប្រាមកាំភ្លើងតឹងរ៉ឹងបំផុតនៅសហរដ្ឋអាមេរិក ជាប្រទេសដែលមានអត្រាមានកាំភ្លើងឯកជនខ្ពស់បំផុតក្នុងពិភពលោក។ រដ្ឋបានហាមប្រាមកាំភ្លើងជាច្រើនប្រភេទដែលស្របច្បាប់នៅក្នុងរដ្ឋផ្សេងទៀត ហើយការទទួលបានអាជ្ញាប័ណ្ណប្រើប្រាស់កាំភ្លើងនៅរដ្ឋកាលីហ្វ័រញ៉ាមានការលំបាក។ ទោះជាយ៉ាងណា អ្នករស់នៅរដ្ឋកាលីហ្វ័រញ៉ាដែលមានចេតនាបំពានច្បាប់ អាចមានអាវុធហាមឃាត់ដោយខុសច្បាប់ពីផ្នែកខ្លះរបស់ប្រទេសដែលកាំភ្លើងត្រូវបានលក់ដោយសេរី។ កាំភ្លើងខ្លីពាក់កណ្តាលស្វ័យប្រវត្តិ ជាកាំភ្លើងដែលកាន់បានយ៉ាងទូលំទូលាយបំផុតនៅក្នុងប្រទេស ហើយប្រភេទខ្លះស្របច្បាប់នៅរដ្ឋកាលីហ្វ័រញ៉ា។ ប៉ុន្តែរដ្ឋហាមឃាត់នូវអ្វីដែលខ្លួនកំណត់ថា ជាអាវុធវាយប្រហារត្រូវបានកំណត់ដោយលក្ខណៈពិសេសរបស់កាំភ្លើង និងរួមបញ្ចូលទាំងកាំភ្លើងពាក់កណ្តាលស្វ័យប្រវត្តិ MAC-10។ ប្រជាជនរដ្ឋកាលីហ្វ័រញ៉ាអាចបន្តកាន់កាប់អាវុធស្របច្បាប់ និងបានចុះបញ្ជីមុនទសវត្សរ៍ឆ្នាំ១៩៩០ ឬដើមទសវត្សរ៍ឆ្នាំ២០០០ អាស្រ័យលើប្រភេទអាវុធ៕អត្ថបទ៖ ប៊ុនថន

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

កូរ៉េខាងត្បូង៖ ព្រិលធ្លាក់ក្រាស់ៗ និងខ្យល់ខ្លាំងបានប៉ះពាល់ដល់តំបន់ភាគខាងត្បូងរបស់ប្រទេសកូរ៉េខាងត្បូង រួមទាំងទីក្រុងក្វាងជូ (Gwangju) កាលពីថ្ងៃអង្គារ ទី២៤មករា រំខានដល់ការធ្វើដំណើរនៅថ្ងៃចុងក្រោយនៃថ្ងៃឈប់សម្រាកបុណ្យចូលឆ្នាំចិន។ យោងតាមទីភ្នាក់ងារសារព័ត៌មាន Yonhap ក្រុមអាជ្ញាធរអាកាសធាតុបានចេញការប្រកាសអាសន្នពីរលកត្រជាក់ភាគច្រើននៅក្នុងប្រទេសនេះ ដោយនៅពេលព្រឹកសីតុណ្ហភាពបានធ្លាក់ចុះដល់ -16.4អង្សាសេនៅក្នុងទីក្រុងសេអ៊ូល និងរហូតដល់ -25.5អង្សាសេនៅក្នុងស្រុកឆេអូវ៉ុន (Cheorwon) ភាគខាងជើង។ អ្នកនាំពាក្យអាកាសយានដ្ឋានមួយបានប្រាប់សារព័ត៌មាន Reuters ថា ជើងហោះហើរក្នុងស្រុកទាំងអស់ ៤៦៦ជើង និងជើងហោះហើរអន្តរជាតិចំនួន ១០ជើងទៀតដែលគ្រោងហោះហើរទៅ និងមកពីអាកាសយានដ្ឋានអន្តរជាតិជេជូ (Jeju) ត្រូវបានលុបចោល។ ចំណែកក្រុមហ៊ុនអាកាសចរណ៍ Korean Air Lines បានបញ្ជាក់ថា ខ្លួនបានលុបចោលជើងហោះហើរ ៨៨ នៃជើងហោះហើរប្រចាំថ្ងៃរបស់ខ្លួនទាំងក្នុង និងក្រៅកោះមួយនេះកាលពីថ្ងៃអង្គារ គឺជាថ្ងៃចុងក្រោយនៃការឈប់សម្រាកពិធីបុណ្យចូលឆ្នាំចិន ជាពេលវេលាមួយក្នុងចំណោមថ្ងៃឈប់សម្រាកធំបំផុតចំនួន ២ របស់កូរ៉េខាងត្បូង៕អត្ថបទ៖ សុខមាន

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

អាហ្វហ្គានីស្ថាន៖ ក្រុមមន្ត្រីតាលីបង់បាននិយាយថា យ៉ាងហោចណាស់មនុស្ស ១២៤នាក់ស្លាប់នៅក្នុងសីតុណ្ហភាពត្រជាក់ខ្លាំងនៅប្រទេសអាហ្វហ្គានីស្ថាន។ អ្នកនាំពាក្យក្រសួងគ្រប់គ្រងគ្រោះមហន្តរាយបាននិយាយថា សត្វពាហនៈប្រមាណ ៧ម៉ឺនក្បាលបានងាប់នៅក្នុងរដូវរងា ដែលត្រជាក់ខ្លាំងបំផុតក្នុងរយៈពេលមួយទសវត្សរ៍កន្លងទៅនេះ។ ទីភ្នាក់ងារជំនួយជាច្រើនបានផ្អាកប្រតិបត្តិការជាច្រើនសប្តាហ៍កន្លងទៅនេះ បន្ទាប់ពីក្រុមតាលីបង់បានហាមប្រាមស្ត្រីអាហ្វហ្គានីស្ថាន មិនឱ្យធ្វើការនៅអង្គការក្រៅរដ្ឋាភិបាល។ រដ្ឋមន្ត្រីក្រុមតាលីបង់ម្នាក់និយាយថា ទោះបីជាមានអ្នកស្លាប់ក៏ដោយក៏បទបញ្ជានឹងមិនត្រូវបានផ្លាស់ប្តូរឡើយ។ រដ្ឋមន្ត្រីស្តីទីក្រសួងគ្រប់គ្រងគ្រោះមហន្តរាយលោក Mullah Mohammad Abbas Akhund បានប្រាប់សារព័ត៌មាន BBC ថា តំបន់ជាច្រើននៃប្រទេសអាហ្វហ្គានីស្ថានបច្ចុប្បន្ន ត្រូវបានកាត់ផ្តាច់ទាំងស្រុងដោយការធ្លាក់ព្រិល។ ឧទ្ធម្ភាគចក្រយោធាត្រូវបានបញ្ជូនទៅជួយសង្គ្រោះ ប៉ុន្តែមិនអាចចុះចតបាននៅតំបន់ភ្នំភាគច្រើន។ រដ្ឋមន្ត្រីស្តីទីបាននិយាយថា ការព្យាករណ៍សម្រាប់រយៈពេល ១០ថ្ងៃបន្ទាប់បង្ហាញថា សីតុណ្ហភាពនឹងមានកម្តៅល្មម។ ប៉ុន្តែលោកនៅតែព្រួយបារម្ភអំពីការកើនឡើងចំនួនអ្នកស្លាប់ជនជាតិអាហ្វហ្គានីស្ថាន និងសត្វចិញ្ចឹមរបស់ពួកគេ។ លោក Mullah Akhund និយាយថា ភាគច្រើននៃអ្នកដែលបានបាត់បង់ជីវិតដោយសារភាពត្រជាក់ ដូចជាអ្នកគង្វាល ឬអ្នករស់នៅក្នុងតំបន់ជនបទ។ ពួកគេពុំមានលទ្ធភាពទទួលបានការថែទាំសុខភាពនោះទេ។ យើងព្រួយបារម្ភអំពីអ្នកដែលរស់នៅក្នុងតំបន់ភ្នំ ខណៈផ្លូវភាគច្រើនដែលឆ្លងកាត់ភ្នំត្រូវបានបិទដោយសារតែព្រិល។ រថយន្តបានជាប់គាំងនៅទីនោះ ហើយអ្នកដំណើរបានស្លាប់ក្នុងសីតុណ្ហភាពត្រជាក់៕អត្ថបទ៖ ប៊ុនថន

ប្រទេសចិនត្រូវបានរងការប៉ះពាល់ដោយសីតុណ្ហភាពត្រជាក់បំផុតមិនធ្លាប់មាន

ចិន៖ ប្រព័ន្ធផ្សព្វផ្សាយរដ្ឋចិនបានរាយការណ៍កាលពីថ្ងៃអង្គារ ទី២៤មករាថា ទីក្រុង Mohe ភាគខាងជើងរបស់ប្រទេសចិន បានរងការប៉ះពាល់ពីសីតុណ្ហភាពត្រជាក់បំផុតមិនធ្លាប់មាន។ យោងតាមប្រព័ន្ធផ្សព្វផ្សាយរដ្ឋ CCTV ទីក្រុង Mohe ដែលព្រំដែនជាប់ជាមួយរុស្ស៊ីនៅភាគខាងជើង បានកត់ត្រាសីតុណ្ហភាពត្រជាក់ប្រហែល -53អង្សាសេ ជាការចុះត្រជាក់មិនធ្លាប់មានដែលកាលពីឆ្នាំ១៩៦៩ សីតុណ្ហភាពចុះត្រជាក់ដល់ -52.3អង្សាសេ។ ការកត់ត្រាពីសីតុណ្ហភាពត្រជាក់បំផុតនេះ ត្រូវបានធ្វើឡើងនៅស្ថានីយព្យាករណ៍អាកាសធាតុក្នុងទីប្រជុំជន Amur នៃទីក្រុង Mohe ក្នុងខេត្ត Heilongjiang ដែលក្លាយជាសីតុណ្ហភាពត្រជាក់បំផុតដែលធ្លាប់បានកត់ត្រានៅក្នុងខេត្តនេះ និងការចុះទាបបំផុតដែលត្រូវបានតាមដានដោយប្រព័ន្ធឧតុនិយមចិន។ ទីក្រុង Mohe តែងត្រូវបានសំដៅដល់ទីក្រុងតំបន់អាកទិករបស់ចិន និងមួយក្នុងចំណោមតំបន់មួយចំនួននៅក្នុងប្រទេសនេះ ដែលងាយរងផលប៉ះពាល់ដោយបម្រែបម្រួលអាកាសធាតុ។ រដូវរងាក្នុងទីក្រុងនេះចាប់ផ្ដើមពីពាក់កណ្ដាលខែតុលា និងបន្តរហូតដល់ចុងខែមេសា ហើយសីតុណ្ហភាពជាមធ្យមអាចស្ថិតនៅក្រោមសូន្យមានរយៈពេល ៨ខែជារៀងរាល់ឆ្នាំ៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីប្រតិភូអមរដ្ឋមន្ត្រីនៃក្រសួងអឺរ៉ុប និងការបរទេសបារាំង ចូលជួបសម្តែងការគួរសម និងពិភាក្សាការងារ

ភ្នំពេញ៖ សម្តេចតេជោ ហ៊ុន សែន នៅព្រឹកថ្ងៃទី២៥ ខែមករា ឆ្នាំ២០២៣នេះ បានអនុញ្ញាតឱ្យលោក អូលីវៀ បិច Olivier Becht រដ្ឋមន្ត្រី ប្រតិភូអមរដ្ឋមន្ត្រីនៃក្រសួងអឺរ៉ុប និងការបរទេសបារាំង ទទួលបន្ទុកពាណិជ្ជកម្មក្រៅប្រទេស ចូលជួបសម្តែងការគួរសម និងពិភាក្សាការងារ។លោក អូលីវៀ ប៊ិច (Olivier Becht) រដ្ឋមន្ត្រីប្រតិភូនៃក្រសួងអឺរ៉ុប និងការបរទេសបារាំងទទួលបន្ទុកពាណិជ្ជកម្មក្រៅប្រទេស ការទាក់ទាញវិនិយោគិន និងជនជាតិបារាំងនៅបរទេស បានអញ្ជើញមកបំពេញទស្សនកិច្ចនៅ ប្រទេសកម្ពុជា ចាប់ពីថ្ងៃទី ២៤-២៥ ខែមករា ឆ្នាំ២០២៣នេះ ក្នុងគោលដៅពង្រឹងកិច្ចសហប្រតិបត្តិការសេដ្ឋកិច្ចរវាងប្រទេសបារាំងនិងកម្ពុជា។ ដំណើរទស្សនកិច្ចនេះធ្វើឡើងបន្ទាប់ជំនួបរវាងសម្តេចតេជោនាយករដ្ឋមន្រ្តី ហ៊ុន សែន និងលោកប្រធានាធិបតីបារាំង អេម៉ានុយអ៊ែល ម៉ាក្រុង នៅទីក្រុងប៉ារីស៍ កាលពីថ្ងៃទី១៣ ខែធ្នូ ឆ្នាំ២០២២កន្លងទៅ។ ដំណើរទស្សនកិច្ចរសប់លោក អូលីវៀ ប៊ិច នៅប្រទេសកម្ពុជា ក៏មានការអមដំណើរដោយគណៈប្រតិភូធុរជនដឹកនាំដោយសហព័ន្ធធុរកិច្ចបារាំង MEDEF International និង Business France ផងដែរ។ បន្ទាប់ពីជួបពិភាក្សាការងារជាមួយ សម្តេបអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា លោក អូលីវៀ ប៊ិច ក៏នឹងជួបពិភាក្សាការងារជាមួយថ្នាក់ដឹកនាំនយោបាយកម្ពុជាជាច្រើនរូបទៀតដូចជា ឯកឧត្តម ប៉ាន សូរស័ក្ដិ រដ្ឋមន្ត្រីក្រសួង ពាណិជ្ជកម្ម និងឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជាផងដែរ។ នេះបើតាមសេចក្ដីប្រកាសព័ត៌មានរបស់ស្ថានទូតបារាំងប្រចាំកម្ពុជា។ ស្ថានទូតបារាំងបញ្ជាក់ថា ដំណើរទស្សនកិច្ចនេះ បានបង្ហាញពីការប្ដេជ្ញាចិត្តកាន់តែខ្លាំងឡើងៗរបស់ប្រទេសបារាំងនៅតំបន់អាស៊ាន ដែលធ្លុះបញ្ចាំងឱ្យឃើញតាមរយៈការចូលរួមរបស់លោកប្រធានាធិបតីបារាំងក្នុងកិច្ចប្រជុំកំពូលប្រទេស G20 កាលពីចុងឆ្នាំ ២០២២ នៅកោះបាលី និងកិច្ចប្រជុំសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុងបាងកក៕

លោក Zelenskyy រុះរើគណៈរដ្ឋមន្ត្រីអ៊ុយក្រែនជុំវិញអំពើពុករលួយ ខណៈប្រទេសមានសង្គ្រាម

អ៊ុយក្រែន៖ ការលាលែងចេញពីតំណែង ការបណ្តេញចេញពីតំណែង និងការតែងតាំងឡើងវិញជាបន្តបន្ទាប់ បានធ្វើឲ្យកក្រើករដ្ឋាភិបាលរបស់អ៊ុយក្រែនកាលពីថ្ងៃចន្ទ និងថ្ងៃអង្គារ ខណៈលោកប្រធានាធិបតីអ៊ុយក្រែន Volodymyr Zelenskyy និងបណ្ដាមេដឹកនាំផ្សេងទៀតបានបញ្ជាក់ពីការរុះរើតំណែងជាន់ខ្ពស់ជាច្រើន។ការិយាល័យទំនាក់ទំនងសម្រាប់គណៈរដ្ឋមន្ត្រីអ៊ុយក្រែន បានជូនដំណឹងដល់សភារបស់ប្រទេសថា ខ្លួនបានបណ្តេញអនុរដ្ឋមន្ត្រីចំនួន ៦រូប និងអ្នកគ្រប់គ្រងតំបន់ចំនួន ៥ សម្រាប់ហេតុផលដែលមិនត្រូវបានបង្ហាញ។ អំឡុងសុន្ទរកថាពេលយប់កាលពីថ្ងៃចន្ទលោក Zelenskyy និយាយថា យើងបានសម្រេចចិត្តដោះដូរបុគ្គលិករួចទៅហើយ ដោយអ្នកខ្លះត្រូវធ្វើនៅថ្ងៃនេះ និងខ្លះទៀតត្រូវធ្វើនៅថ្ងៃស្អែក ដោយផ្តោតលើមន្ត្រីថ្នាក់តំបន់ផ្សេងៗនៅក្នុងក្រសួងនានា និងគណៈកម្មការរដ្ឋាភិបាលកណ្ដាលក្នុងតំបន់ និងប្រព័ន្ធអនុវត្តច្បាប់។ អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃអង្គារថា សហរដ្ឋអាមេរិកបានស្វាគមន៍ចំណាត់ការដ៏ឆាប់រហ័សរបស់លោក Zelenskyy ដោយបន្ថែមថា ពលរដ្ឋអ៊ុយក្រែនចង់បានអភិបាលកិច្ចល្អនៅក្នុងប្រទេស។ លោក Price បាននិយាយថា សហរដ្ឋអាមេរិកពុំបានដឹងថា ជំនួយរបស់ខ្លួនត្រូវបានពាក់ព័ន្ធនឹងការចោទប្រកាន់អំពើពុករលួយបែបនេះសោះ ប៉ុន្តែនៅតែបន្តតាមដានយ៉ាងយកចិត្តទុកដាក់។លោក Viacheslav Shapovalov បានដាក់លិខិតលាលែងពីតំណែងសរសេរដោយដៃ មួយថ្ងៃបន្ទាប់ពីមានរបាយការណ៍ថ្មីដែលបានចោទប្រកាន់ការិយាល័យរបស់លោក ទាក់ទងអំពើពុករលួយ។ របាយការណ៍នេះបានចោទប្រកាន់លោក Shapovalov ពីបទប្រើប្រាស់ជំនួយយោធាទិញចំណីអាហារ និងសំលៀកបំពាក់រដូវរងាដែលមានតម្លៃលើសទីផ្សារ។ លោក Oleksiï Simonenko រដ្ឋអាជ្ញារងអ៊ុយក្រែនបានលាលែងពីតំណែងក្រោយបណ្តាញព័ត៌មានផ្សាយថា លោកបានលួចទៅដើរកម្សាន្តនៅអេស្ប៉ាញ ស្របពេលប្រទេសកំពុងផ្ទុះសង្គ្រាម ផ្ទុយនឹងច្បាប់ហាមឃាត់មិនឲ្យមនុស្សប្រុសពេញកម្លាំងប្រយុទ្ធចាកចេញពីប្រទេស៕អត្ថបទ៖ សុខមាន

សម្តេចតេជោ ហ៊ុន សែន ស្វាមន៍ការរាប់ថយក្រោយ១០០ថ្ងៃ នៃព្រឹត្តិការណ៍ស៊ីហ្គេមលើកទី៣២ ដែលកម្ពុជាត្រូវធ្វើជាម្ចាស់ផ្ទះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា នៅថ្ងៃទី២៥ ខែមករា ឆ្នាំ២០២៣នេះ កម្ពុជាចាប់ផ្តើមយុទ្ធនាការជាតិរាប់ថយក្រោយ១០០ថ្ងៃ សម្រាប់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។ ១០០ថ្ងៃចុងក្រោយនេះ ជាពេលវេលាដែលយើងត្រូវបំពេញបន្ថែមឲ្យសព្វគ្រប់ពេញលេញបន្ថែមទៀត ទាំងការរៀបចំបដិសណ្ឋារកិច្ចដល់គណៈប្រតិភូកីឡាទាំងឡាយ ដែលចូលមកប្រកួតក្នុងប្រទេសរបស់យើង ដើម្បីអោយកម្ពុជាយើងទទួលបាននូវភាពជោគជ័យក្នុងការធ្វើជាម្ចាស់ផ្ទះនេះ៕

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកត្រៀមអនុម័តបញ្ជូនរថក្រោះ Abrams ទៅអ៊ុយក្រែន ខណៈអាល្លឺម៉ង់នឹងបញ្ជូនរថក្រោះឡេភឺតជំនាន់ទី២

ព្រិលធ្លាក់ខ្លាំងបង្កការរំខាន និងប៉ះពាល់នៅក្នុងប្រទេសមួយចំនួននៅតំបន់អឺរ៉ុប

ភ្លៀងធ្លាក់ខ្លាំងនៅរដ្ឋ Johor ជនរងគ្រោះជាង ៣,៤០០នាក់ត្រូវបានជម្លៀសទៅកាន់មជ្ឈមណ្ឌលសង្គ្រោះ

លោក Biden អំពាវនាវឱ្យមានបម្រាមអាវុធ បន្ទាប់ពីការបាញ់ប្រហារជាបន្តបន្ទាប់នៅរដ្ឋកាលីហ្វ័រញ៉ា

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

ប្រទេសចិនត្រូវបានរងការប៉ះពាល់ដោយសីតុណ្ហភាពត្រជាក់បំផុតមិនធ្លាប់មាន

លោក Zelenskyy រុះរើគណៈរដ្ឋមន្ត្រីអ៊ុយក្រែនជុំវិញអំពើពុករលួយ ខណៈប្រទេសមានសង្គ្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ព្រិល​ធ្លាក់​ខ្លាំង​បង្ក​ការរំខាន និង​ប៉ះពាល់​នៅក្នុង​ប្រទេសមួយ​ចំនួន​នៅ​តំបន់​អឺរ៉ុប

ភ្លៀង​ធ្លាក់​ខ្លាំង​នៅ​រដ្ឋ​ Johor ជនរងគ្រោះ​ជាង​ ៣,៤០០​នាក់​ត្រូវបាន​ជម្លៀស​ទៅកាន់​មជ្ឈមណ្ឌល​សង្គ្រោះ

លោក Biden អំពាវនាវ​ឱ្យមាន​បម្រាម​អាវុធ បន្ទាប់ពី​ការបាញ់ប្រហារ​ជា​បន្តបន្ទាប់​នៅ​រដ្ឋ​កាលីហ្វ័រ​ញ៉ា

ស្ថានភាព​អាកាសធាតុ​ធ្ងន់ធ្ងរ​រំខាន​ដល់​ការធ្វើដំណើរ​ក្នុងឱកាស​ចូលឆ្នាំ​ចិន​នៅ​កូរ៉េខាងត្បូង

អាកាសធាតុ​ត្រជាក់​បណ្តាល​ឲ្យ​មនុស្ស​យ៉ាងហោចណាស់ ១២៤​នាក់​ស្លាប់​នៅ​អា​ហ្វ​ហ្គា​នី​ស្ថាន

ប្រទេស​ចិន​ត្រូវបាន​រង​ការប៉ះពាល់​ដោយ​សីតុណ្ហភាព​ត្រជាក់​បំផុត​មិន​ធ្លាប់មាន

លោក Zelenskyy រុះរើ​គណៈរដ្ឋមន្ត្រី​​អ៊ុយ​ក្រែ​ន​ជុំវិញ​អំពើពុករលួយ​ ខណៈ​ប្រទេស​មាន​សង្គ្រាម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព្រិលធ្លាក់ខ្លាំងបង្កការរំខាន និងប៉ះពាល់នៅក្នុងប្រទេសមួយចំនួននៅតំបន់អឺរ៉ុប

ភ្លៀងធ្លាក់ខ្លាំងនៅរដ្ឋ Johor ជនរងគ្រោះជាង ៣,៤០០នាក់ត្រូវបានជម្លៀសទៅកាន់មជ្ឈមណ្ឌលសង្គ្រោះ

លោក Biden អំពាវនាវឱ្យមានបម្រាមអាវុធ បន្ទាប់ពីការបាញ់ប្រហារជាបន្តបន្ទាប់នៅរដ្ឋកាលីហ្វ័រញ៉ា

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

ប្រទេសចិនត្រូវបានរងការប៉ះពាល់ដោយសីតុណ្ហភាពត្រជាក់បំផុតមិនធ្លាប់មាន

លោក Zelenskyy រុះរើគណៈរដ្ឋមន្ត្រីអ៊ុយក្រែនជុំវិញអំពើពុករលួយ ខណៈប្រទេសមានសង្គ្រាម