BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

នគរបាលរដ្ឋ California និយាយថា ជនសង្ស័យបាញ់សម្លាប់មនុស្ស ១០នាក់នៅក្លឹបរាំកម្សាន្តថ្ងៃបុណ្យចូលឆ្នាំចិនបាញ់សម្លាប់ខ្លួនឯងនៅក្នុងរថយន្ត

អាមេរិក៖ ការតាមប្រមាញ់ខ្មាន់កាំភ្លើងម្នាក់ដែលបានបើកការបាញ់ប្រហារសម្លាប់មនុស្ស ១០នាក់នៅក្លឹបរាំកម្សាន្តក្នុងទីក្រុង Los Angeles បានបញ្ចប់កាលពីថ្ងៃអាទិត្យ នៅពេលក្រុមអាជ្ញាធររកឃើញជនល្មើសស្លាប់ ដោយសារបាញ់សម្លាប់ខ្លួនឯងនៅក្នុងរថយន្តដែលរូបគេបានបើករត់គេចខ្លួន បន្ទាប់ពីមនុស្សបានរារាំងការប៉ុនប៉ងការបាញ់ប្រហារលើកទី២ របស់ខ្មាន់កាំភ្លើងរូបនេះ។ស្នងការនគរបាលតំបន់ Los Angeles រដ្ឋ California លោក Robert Luna បានកំណត់អត្តសញ្ញាណជនសង្ស័យជាបុរសជនជាតិអាស៊ីវ័យ ៧២ឆ្នាំ ឈ្មោះ Huu Can Tran និងនិយាយថា ពុំមានជនសង្ស័យផ្សេងទៀតនោះទេ។ លោកបានបន្ថែមថា គេនៅមិនទាន់ដឹងច្បាស់នៅឡើយទេពីមូលហេតុ នាំឈានដល់ការបាញ់ប្រហារសម្លាប់មនុស្ស ១០នាក់ និង ១០នាក់រងរបួសអំឡុងថ្ងៃប្រារព្ធពិធីបុណ្យចូលឆ្នាំចិននេះ។ ខ្មាន់កាំភ្លើងម្នាក់បានបើកការបាញ់ប្រហារ ខណៈសហគមន៍ក្នុងតំបន់កំពុងប្រារព្ធពិធីបុណ្យចូលឆ្នាំចិន នៅទីតាំងមួយក្នុងទីក្រុងម៉ុនធើរ៉េ ផាក ដែលអ្នកឃើញហេតុការណ៍និយាយថា ជនល្មើសបានបាញ់ប្រហារដោយមិនរើសមុខ ដោយប្រើប្រាស់អាវុធពាក់កណ្តាលស្វ័យប្រវត្តិមួយដើម។ លោក Luna និយាយថា ក្រុមមន្ត្រីបានឆ្លើយតបទូរស័ព្ទបន្ទាន់នៅម៉ោង 10.22នាទីយប់កាលពីថ្ងៃសៅរ៍ និងបានឃើញមនុស្សសម្រុកចាកចេញពីក្លឹបកម្សាន្តនោះ។ ក្រុមមន្ត្រីបាននិយាយថា ជនរងគ្រោះទាំង ១០នាក់នោះមានស្ត្រី ៥នាក់ និងបុរស ៥នាក់៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពក្នុងពិធីប្រគល់សញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) ជិត ៧ពាន់នាក់ ដែលបានបញ្ចប់ការសិក្សាដោយជោគជ័យ នៅព្រឹកថ្ងៃទី២៣ ខែមករា ឆ្នាំ២០២៣នេះ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC។និស្សិតជ័យលាភីដែលត្រូវទទួលសញ្ញាបត្រនេះរួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចំនួនសរុប ៦,៧៩១នាក់ នារី ២,៩៤០នាក់ មកពី សាខា (ភ្នំពេញ កំពង់ចាម កំពង់ធំ និងកំពត)។ ក្នុងចំណោមនិស្សិតជ័យលាភីនេះ មាននិស្សិតអាហារូបករណ៍សម្តេចតេជោ និងសម្តេចកិតិ្តព្រឹទ្ធបណ្ឌិត ចំនួន ១៧៨នាក់ នារី ១០៥នាក់ផងដែរ។ក្នុងចំណោមនិស្សិតជ័យលាភីទាំងអស់ អ្នកមានការងារធ្វើ មានចំនួន ៦,៥៦២នាក់ ស្មើនឹងជិត ៩៧ភាគរយ រួមមានកម្រិតបរិញ្ញាបត្ររង ចំនួន ៤០៦នាក់ ស្មើនឹងជាង ៩២ភាគរយ, កម្រិតបរិញ្ញាបត្រ ចំនួន ៤,២៧៩នាក់ ស្មើជាង ៩៦ភាគរយ, កម្រិតបរិញ្ញាបត្រជាន់ខ្ពស់ ចំនួន ១,៨៧៦នាក់ ស្មើនឹងជិត ៩៩ភាគរយ និងកម្រិតបណ្ឌិត ចំនួន ១នាក់ ស្មើ ១០០%៕

មន្ទីរពេទ្យក្នុងទីក្រុងប៉េកាំងប្រឹងប្រែងដើម្បីព្យាបាលអ្នកជំងឺ COVID-19 ទាំងអស់

ចិន៖ មន្ទីរពេទ្យនៅទីក្រុងប៉េកាំងកំពុងប្រឹងប្រែងអស់ពីសមត្ថភាព ដើម្បីពង្រឹងសមត្ថភាពរបស់ពួកគេ និងផ្តល់សេវាកាន់តែប្រសើរដល់អ្នកជំងឺ COVID-19។ នៅក្នុងមន្ទីរពេទ្យ BTCH ក្នុងទីក្រុងប៉េកាំង បុគ្គលិកពេទ្យកំពុងធ្វើការទាំងយប់ទាំងថ្ងៃ ដើម្បីព្យាបាលអ្នកជំងឺនៅក្នុងគ្លីនិកគ្រុនក្តៅផ្នែកសង្គ្រោះបន្ទាន់ និងផ្នែកជំងឺផ្លូវដង្ហើម។ ដើម្បីដោះស្រាយការកើនឡើងករណីឆ្លង មន្ទីរពេទ្យបានបន្ថែមគ្រែសម្រាប់អ្នកជំងឺ ដែលបានបង្កើនបន្ទុកការងាររបស់បុគ្គលិកពេទ្យយ៉ាងច្រើន។ លោក ដុង ជែហុង (Dong Jiahong) ប្រធានមន្ទីរពេទ្យបាននិយាយថា យើងបានពង្រីកបន្ទប់សង្គ្រោះបន្ទាន់ដែលមានទំហំធំជាងមុន ដើម្បីផ្ទុកអ្នកជំងឺ COVID-19 អ្នកជំងឺត្រូវសង្គ្រោះបន្ទាន់ និងអ្នកជំងឺធ្ងន់ធ្ងរបន្ថែមទៀត។ យោងតាមលោកប្រធានមន្ទីរពេទ្យបានឲ្យដឹងថា បុគ្គលិកពេទ្យមានបន្ទុកការងាររបស់ពួកគេដែលបានកើនឡើងពី ២ ទៅ ៣ដងចាប់តាំងពីពាក់កណ្តាលខែធ្នូឆ្នាំមុន។ លោក ស៊ី ហ្សីជី (Xie Zhiyi) ប្រធាននាយកដ្ឋានគ្រប់គ្រងមន្ទីរពេទ្យបាននិយាយថា បុគ្គលិកពេទ្យជាង ១,០០០នាក់ និងជំនួយការពេទ្យរាប់រយនាក់មិនបានព្រងើយកន្តើយឡើយ យើងកំពុងធ្វើការអស់ពីសមត្ថភាព ព្រោះនេះជាកិច្ចការ និងបេសកកម្មរបស់យើង។ ដើម្បីព្យាបាលអ្នកជំងឺដែលរស់នៅក្នុងសហគមន៍ មន្ទីរពេទ្យក៏បានធ្វើការជាមួយមណ្ឌលសុខភាពសហគមន៍ ដែលអាចឱ្យគ្រូពេទ្យគ្រួសារអាចផ្តល់សេវាដល់លំនៅឋានដល់ប្រជាពលរដ្ឋ។ ក្នុងរយៈពេលពីរខែចុងក្រោយនេះ គ្រូពេទ្យគ្រួសារបានផ្តល់សេវាថែទាំតាមលំនៅឋានដល់អ្នកជំងឺ COVID-19 ជាង ៨,៣០០នាក់៕អត្ថបទ៖ ប៊ុនថន

ឯកឧត្តម ហ៊ុន ម៉ាណែត កោតសរសើរ និងវាយតម្លៃខ្ពស់ចំពោះស្នាដៃ និងសមិទ្ធផលការងារក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន

ភ្នំពេញ៖ ឯកឧត្តម ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញសំណេះសំណាលជាមួយក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន នាកិច្ចប្រជុំបូកសរុបការងារឆ្នាំ២០២២ និងលើកទិសដៅសម្រាប់ឆ្នាំ២០២៣ នៅថ្ងៃទី២០ ខែមករា ឆ្នាំ២០២៣។ ឯកឧត្តម ហ៊ុន ម៉ាណែត សូមកោតសរសើរ និងវាយតម្លៃខ្ពស់ចំពោះស្នាដៃ និងសមិទ្ធផលការងារជាច្រើនដែលថ្នាក់ដឹកនាំ និងសមាជិក-សមាជិកានៃក្រុមមេធាវីទាំងពីរយន្តការខិតខំសម្រេចបានក្នុងឆ្នាំ២០២២ កន្លងទៅនេះ ដែលសម្រាប់ក្រុមមេធាវីរាជរដ្ឋាភិបាលរួមមានជាអាទិ៍៖ ការពិគ្រោះយោបល់ផ្នែកច្បាប់ជូនរាជរដ្ឋាភិបាល និងក្រសួង-ស្ថាប័នរដ្ឋ ព្រមទាំងការតំណាង និងការជួយការពារក្តីជូនរាជរដ្ឋាភិបាល និងថ្នាក់ដឹកនាំជាន់ខ្ពស់របស់ជាតិ នៅចំពោះមុខគ្រប់ស្ថាប័នមានសមត្ថកិច្ច និងសាលាជម្រះក្តីគ្រប់ជាន់ថ្នាក់ និងសម្រាប់ក្រុមមេធាវីស្ម័គ្រចិត្តសម្តេចតេជោសែនគឺមានដូចជា៖ ការទទួលពិគ្រោះយោបល់, ការតំណាង និងការជួយការពារក្តីដោយឥតយកកម្រៃជូនស្ត្រី-កុមារីងាយរងគ្រោះដែលមានជីវភាពក្រីក្រខ្សត់ខ្សោយ និងខ្វះការការពារសិទ្ធិតាមផ្លូវច្បាប់។ ទាំងអស់នេះពិតជាបានបង្ហាញអំពីតួនាទីដ៏មានសារៈសំខាន់របស់មេធាវី ដែលជាអ្នកវិជ្ជាជីវៈច្បាប់ឯករាជ្យ និងសេរី ក្នុងការចូលរួមចំណែកថែរក្សាសន្តិភាព ស្ថិរភាព និងការអភិវឌ្ឍរបស់ប្រទេសកម្ពុជាក្នុងបរិបទនៃសង្គមប្រជាធិបតេយ្យផ្អែកលើនីតិរដ្ឋ ក៏ដូចជាការពង្រឹងជំនឿទុកចិត្តរបស់ប្រជាពលរដ្ឋមកលើយុត្តិធម៌សង្គម និងការធានាបាននូវភាពសុខដុមរមនាតាមរយៈការសម្របសម្រួលដោះស្រាយទំនាស់ផ្សេងៗ។ ឯកឧត្ដមជំរុញថ្នាក់ដឹកនាំ និងសមាជិក-សមាជិកានៃក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន បន្តចូលរួមចំណែកជាមួយរាជរដ្ឋាភិបាលក្នុងការរៀបចំនីតិរដ្ឋ, ការកែទម្រង់ច្បាប់ និងប្រព័ន្ធយុត្តិធម៌, ការប្រយុទ្ធប្រឆាំងនឹងអំពើពុករលួយ, ការពង្រឹងយុត្តិធម៌សង្គម និងការពារសិទ្ធិរបស់ប្រជាពលរដ្ឋ ដើម្បីពង្រឹងនិរន្តរភាពនៃការកសាងអភិវឌ្ឍជាតិឱ្យមានមូលដ្ឋានរឹងមាំ ស្របតាមគោលនយោបាយដែលបានដាក់ចេញដោយរាជរដ្ឋាភិបាល ដែលមានសម្តេចតេជោ ជាប្រមុខដឹកនាំ។ឯកឧត្ដមសូមបន្តប្រតិបត្តិ និងប្រកាន់ខ្ជាប់នូវវិធានវិជ្ជាជីវៈមេធាវី ដែលមានចែងនៅក្នុងច្បាប់ស្តីពីលក្ខន្តិកៈមេធាវី, ក្រមសីលធម៌ និងបទបញ្ជាផ្ទៃក្នុងនៃគណៈមេធាវី ក៏ដូចជាសេចក្តីសម្រេចផ្សេងៗរបស់គណៈមេធាវី និងរក្សាឱ្យបាននូវសុចរិតភាព និងភាពស្មោះត្រង់ ដើម្បីលើកតម្កើងឧត្តមប្រយោជន៍នៃយុត្តិធម៌ ព្រមទាំងកិត្តិយស សេចក្តីថ្លៃថ្នូរ និងតម្លៃនៃវិជ្ជាជីវៈមេធាវី ហើយក៏សូមបន្តពង្រឹងសមត្ថភាពចំណេះដឹង និងជំនាញវិជ្ជាជីវៈឱ្យស្របទៅនឹងការវិវឌ្ឍជឿនលឿននៃសង្គម ក៏ដូចជាការសម្របខ្លួននៅនឹងដំណើរសមាហរណកម្ម និងការប្រកួតប្រជែងនៅក្នុងតំបន់ និងសកលលោក។ សូមបន្តចូលរួមចំណែកកសាងសង្គមមួយប្រកបដោយយុត្តិធម៌ សមធម៌ និងសុខដុមរមនា សម្រាប់ទាំងអស់គ្នា ជាពិសេសការបន្តផ្តល់សេវាជំនួយផ្នែកច្បាប់ដោយឥតគិតថ្លៃដល់ប្រជាពលរដ្ឋក្រីក្រខ្វះលទ្ធភាពទទួលបានសេវាផ្លូវច្បាប់ ស្របតាមគោលការណ៍សតិសម្បជញ្ញៈ សីលធម៌វិជ្ជាជីវៈ និងកាតព្វកិច្ចផ្លូវច្បាប់ក្នុងនាមជាមេធាវី និងក្នុងតួនាទីជាមេធាវីស្ម័គ្រចិត្តសម្តេចតេជោសែន៕

សម្ដេចតេជោជូនពរពលរដ្ឋខ្មែរសែស្រឡាយចិន សូមមានលាភសំណាង មានលុយកាក់ហូរចូលគ្រប់ក្រុមគ្រួសារ

ភ្នំពេញ ៖ សូមជូនពរដល់បងប្អូនខ្មែរកាត់ចិនទាំងអស់ និងជនរួមជាតិដែលចូលរួមអបអរសាទរ ពិធីបុណ្យចូលឆ្នាំប្រពៃណីចិន សូមប្រកបតែសេចក្តីសុខ សុភមង្គល ព្រមទាំងមានលាភសំណាងលុយកាក់ហូរចូលគ្រប់ៗក្រុមគ្រួសារកុំបីខាន។ នេះបើតាមហ្វេសប៊ុករបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ផ្សព្វផ្សាយនៅថ្ងៃទី២០ ខែមករា។ហ្វេសប៊ុកសម្ដេចតេជោនាយករដ្ឋមន្ត្រីដដែលបន្តថា ទន្ទឹមនឹងនេះដែរ សូមបងប្អូនមានការប្រុងប្រយ័ត្នខ្ពស់ ចំពោះការចម្អិនម្ហូបអាហារ ដុតក្រដាសសែន ធូប និងទៀន… ដើម្បីចៀសវាងកុំឱ្យមានអគ្គិភ័យកើតឡើង ដែលធ្វើឱ្យរំខានក្នុងថ្ងៃចូលឆ្នាំ ព្រោះតែការធ្វេសប្រហែស។ក្នុងឱកាសបុណ្យចូលឆ្នាំចិននេះដែរ ក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗផងដែរ សូមបើកបរគោរពច្បាប់ចរាចរណ៍ កុំផឹកស្រវឹងក្នុងពេលបើកបរ ត្រូវមានការយោគយល់គ្នា និងប្រុ ងប្រយ័ត្នខ្ពស់ជានិច្ច ទោះបីបើកបរជិត ឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំទាំងអស់គ្នា។ សូមជូនពរបងប្អូនជនរួមជាតិជួបតែសំណាងល្អ ជោគជ័យ និងហេងហេងគ្រប់ៗគ្នាចាប់ពីឆ្នាំថ្មី ២០២៣ នេះតទៅ៕ដោយ៖ គង់ ឌិន

មនុស្សជាង ១លាននាក់តវ៉ាប្រឆាំងកំណែទម្រង់ប្រាក់សោធននិវត្តន៍នៅប្រទេសបារាំង

បារាំង៖ មនុស្សជាង ១លាននាក់បានធ្វើបាតុកម្មក្នុងប្រទេសបារាំងកាលពីថ្ងៃព្រហស្បតិ៍ ដើម្បីតវ៉ានឹងកំណែទម្រង់ប្រាក់សោធននិវត្តន៍ ដោយបាតុករមួយចំនួនបានប៉ះទង្គិចជាមួយនគរបាលនៅទីក្រុងប៉ារីស ខណៈបាតុកម្មបានរំខានដល់ការដឹកជញ្ជូនសាធារណៈ សាលារៀន និងសេវាជាច្រើន។ ក្រសួងមហាផ្ទៃបានដាក់ចំនួនបាតុករសរុប ដែលដើរធ្វើបាតុកម្មប្រឆាំងផែនការរបស់ប្រធានាធិបតីលោក Emmanuel Macron ក្នុងការបន្ថែមអាយុចូលនិវត្តន៍ចំនួន ១.២លាននាក់ រួមទាំង ៨០,០០០នាក់នៅទីក្រុងប៉ារីស។ សហជីព CGT ឆ្វេងនិយមបាននិយាយថា មានមនុស្សជាង ២លាននាក់នៅក្នុងការតវ៉ានៅទូទាំងប្រទេសបារាំង។ ជុំវិញតំបន់ Bastille ទីក្រុងប៉ារីស ក្រុមបាតុករជ្រុលនិយមបានគប់ដប ធុងសំរាម និងគ្រាប់បែកផ្សែងដាក់នគរបាល ដែលបានតបតវិញដោយឧស្ម័នបង្ហូរទឹកភ្នែក និងបំបែកក្រុមអ្នកបង្កបញ្ហា។ ខណៈការហែក្បួនបាតុកម្មបានថយចុះនៅពេលល្ងាច ក្រុមបាតុករវ័យក្មេងមួយក្រុមបានប៉ះទង្គិចជាមួយកងកម្លាំងសន្តិសុខ នៅភាគខាងកើតទីក្រុងប៉ារីស ដោយបានដុតភ្លើងបង្កអគ្គិភ័យជាច្រើន និងបំផ្លាញចំណតរថយន្តក្រុង។ នគរបាលនិយាយថា ពួកគេបានចាប់ខ្លួនមនុស្ស ៣៨នាក់ដែលពាក់ម៉ាស់ មួកសុវត្ថិភាព និងសំលៀកបំពាក់ពណ៌ខ្មៅ។ ផែនការប្រាក់សោធននិវត្តន៍ដែលបង្ហាញដោយរដ្ឋាភិបាលរបស់លោក Macron កាលពីសប្តាហ៍មុននឹងបង្កើនអាយុចូលនិវត្តន៍សម្រាប់ភាគច្រើនពីអាយុ ៦២ឆ្នាំ ក្នុងចំណោមកម្រិតទាបបំផុតនៅក្នុងសហភាពអឺរ៉ុបដល់ ៦៤ឆ្នាំ ហើយនឹងបង្កើនឆ្នាំនៃការរួមចំណែកដែលត្រូវការសម្រាប់ប្រាក់សោធនពេញលេញ៕អត្ថបទ៖ ប៊ុនថន

អង្គការសុខភាពពិភពលោករាយការណ៍ការកើនឡើងចំនួនអ្នកជំងឺ COVID-19 ចូលព្យាបាលក្នុងមន្ទីរពេទ្យនៅចិន

ចិន៖ យោងតាមរបាយការណ៍ចេញផ្សាយដោយ អង្គការសុខភាពពិភពលោកកាលពីថ្ងៃព្រហស្បតិ៍សប្ដាហ៍នេះ ប្រទេសចិនបានរាយការណ៍ពីការហាក់ឡើងយ៉ាងខ្លាំងនៃចំនួនអ្នកជំងឺ COVID-19 ចូលសម្រាកព្យាបាលនៅមន្ទីរពេទ្យរហូតដល់ថ្ងៃទី១៥ ខែមករា ជាចំនួនខ្ពស់បំផុតចាប់តាំងពីវីរុសរាតត្បាតសកនេះបានចាប់ផ្ដើម។ ទោះយ៉ាងណាអង្គការនេះបាននិយាយថា ខ្លួនបានរង់ចាំទិន្នន័យលម្អិតដែលត្រូវបានបែងចែកដាច់ពីគ្នា នៅសប្ដាហ៍នៃការរាយការណ៍ដែលថា មានមនុស្សជិត ៦ម៉ឺននាក់បន្ថែមទៀតបានស្លាប់ពាក់ព័ន្ធនឹងវីរុស COVID-19 នៅមន្ទីរពេទ្យដែលត្រូវបានរាយការណ៍ដោយប្រទេសចិនកាលពីសប្ដាហ៍មុន និងពុំបានបូកបញ្ចូលចំនួនទាំងនោះនៅក្នុងចំនួនសរុបនោះទេ។ យោងតាមរបាយការណ៍របស់អង្គការសុខភាពពិភពលោក ផ្អែកលើទិន្នន័យផ្ដល់ឲ្យដោយទីក្រុងប៉េកាំង ចំនួនអ្នកជំងឺចូលសម្រាកព្យាបាលនៅមន្ទីរពេទ្យ នៅក្នុងប្រទេសចិនបានហក់ឡើងក្នុងរង្វង់ ៧០% រហូតដល់ ៦៣.៣០៧នាក់លើសពីសប្ដាហ៍កន្លងទៅ។ នេះគឺជាចំនួនខ្ពស់បំផុតប្រចាំសប្ដាហ៍ ដែលបានចិនបានរាយការណ៍ចាប់តាំងពីវីរុស COVID-19 បានផ្ទុះរាលដាលកាលពីជាង ៣ឆ្នាំមុន។ ក្រុមអាជ្ញាធរសុខាភិបាលបាននិយាយកាលពីថ្ងៃព្រហស្បតិ៍ថា ចំនួនអ្នកជំងឺ COVID-19 ដែលត្រូវការការព្យាបាលជាចាំបាច់នៅក្នុងមន្ទីរពេទ្យនានារបស់ចិន បានកើនឡើងដល់កម្រិតខ្ពស់បំផុត ខណៈមនុស្សរាប់លាននាក់បានធ្វើដំណើរទូទាំងប្រទេស ដើម្បីជួបជុំក្រុមគ្រួសារដែលបានរង់ចាំជាយូរមកហើយ បានបង្កក្ដីបារម្ភពីការផ្ទុះរាលដាលថ្មីបន្ថែមទៀត៕អត្ថបទ៖ សុខមាន

រុស្ស៊ីព្រមានថា ខ្លួននឹងអាចប្រើអាវុធនុយក្លេអ៊ែរ ប្រសិនបើចាញ់ក្នុងសង្គ្រាមអ៊ុយក្រែន

រុស្ស៊ី៖ ខណៈសហរដ្ឋអាមេរិកត្រៀមប្រកាសការផ្ដល់ជំនួយយោធាថ្មីដល់ប្រទេសអ៊ុយក្រែន ហើយទីក្រុង Kyiv ជំរុញដល់ដៃគូលោកខាងលិចរបស់ខ្លួនឲ្យផ្ដល់រថក្រោះទំនើបៗ និងអាវុធធុនធ្ងន់ផ្សេងទៀតទីក្រុង Moscow បានឆ្លើយតបកាលពីថ្ងៃព្រហស្បតិ៍ដោយការគំរាមស្រដៀងគ្នាកាលពីកន្លងទៅ។ ជាថ្មីម្ដងទៀតរុស្ស៊ីបានសំដៅដល់ឃ្លាំងអាវុធនុយក្លេអ៊ែររបស់ខ្លួន ដើម្បីរារាំងសហរដ្ឋអាមេរិក និងសម្ព័ន្ធយោធាណាតូរបស់ខ្លួនកុំឲ្យជួយអ៊ុយក្រែន ទប់ទល់នឹងការលុកលុយពេញបន្ទុករបស់ប្រធានាធិបតី Vladimir Putin ដែលបានបើកការវាយប្រហារអូសបន្លាយជិត ១១ខែមកនេះ។ អតីតប្រធានាធិបតីរុស្ស៊ីលោក Dmitry Medvedev ជាសម្ព័ន្ធមិត្តដ៏សំខាន់របស់លោក Putin ដែលបច្ចុប្បន្នកាន់តំណែងជាអនុប្រធានក្រុមប្រឹក្សាសន្តិសុខជាតិរុស្ស៊ីបាននិយាយថា នេះមិនមែនជាការលើកឡើងឲ្យរួចតែពីមាត់នោះទេ។ ការបរាជ័យរបស់មហាអំណាចនុយក្លេអ៊ែរមួយនេះនៅក្នុងសង្គ្រាម អាចបង្កឲ្យមានសង្គ្រាមនុយក្លេអ៊ែរ នេះបើតាមការសរសេរបង្ហោះនៅលើបណ្ដាញ Telegram របស់លោក។ លោក Medvedev បានបន្ថែមថា មហាអំណាចនុយក្លេអ៊ែរមិនធ្លាប់បរាជ័យក្នុងជម្លោះធំៗ ដែលការសម្រេចលើជោគវាសនារបស់ខ្លួននោះទេ វោហាសាស្ត្ររបស់លោកបានកើនឡើងកាន់តែខ្លាំងឡើង ក្នុងអំឡុងពេលនៃសង្គ្រាមជិតមួយឆ្នាំ។ នៅពេលសួរថា តើសេចក្តីថ្លែងការណ៍ដ៏គួរឲ្យភ្ញាក់ផ្អើលរបស់លោក Medvedev បង្ហាញពីការកើនឡើងនៃជម្លោះនៅអ៊ុយក្រែន ឬការប្រឈមដាក់គ្នាកាន់តែធំរបស់រុស្ស៊ីជាមួយលោកខាងលិចនោះ ឬយ៉ាងណា អ្នកនាំពាក្យជាន់ខ្ពស់របស់វិមានក្រឹមឡាំងបាននិយាយកាលពីថ្ងៃព្រហស្បតិ៍ថា ការអត្ថាធិប្បាយនេះគឺស្របតាមគោលការណ៍នុយក្លេអ៊ែររបស់រុស្ស៊ី។ គោលការណ៍នុយក្លេអ៊ែររបស់ទីក្រុង Moscow អនុញ្ញាតឲ្យមានការវាយប្រហារដោយនុយក្លេអ៊ែរ បន្ទាប់ពីមានការឈ្លានពានប្រឆាំងនឹងសហព័ន្ធរុស្ស៊ី នៅពេលរដ្ឋមួយនេះរងការគំរាមកំហែង៕អត្ថបទ៖ សុខមាន

រុស្ស៊ីព្រមានពីសង្គ្រាមថ្មីពេញបន្ទុក ប្រសិនបើសម្ព័ន្ធណាតូបន្តផ្ដល់អាវុធឲ្យអ៊ុយក្រែន

រុស្ស៊ី៖ រុស្ស៊ីកំពុងព្រមានពីសង្គ្រាមរីកកាន់តែធំដ៏គ្រោះថ្នាក់បំផុត ប្រសិនបើសម្ព័ន្ធយោធាណាតូបញ្ជូនអាវុធធុនធ្ងន់ ដូចជារថក្រោះប្រយុទ្ធ និងប្រព័ន្ធមីស៊ីលរយៈចម្ងាយឆ្ងាយទៅឲ្យអ៊ុយក្រែន។ សេចក្ដីថ្លែងការណ៍ព្រមានពីវិមានក្រឹមឡាំងកាលពីថ្ងៃព្រហស្បតិ៍ បានកើតឡើងមុនជំនួបម្ចាស់ជំនួយដ៏សំខាន់មួយ ខណៈបណ្ដាប្រទេសលោកខាងលិចពិចារណា ផ្ដល់គ្រឿងយុទ្ធោបករណ៍ដ៏មានឥទ្ធិពលបន្ថែមទៀតទៅឲ្យអ៊ុយក្រែន ស្របពេលកងកម្លាំងរុស្ស៊ីកំពុងបង្កើនការវាយប្រយុទ្ធកាន់តែខ្លាំង ដើម្បីដណ្ដើមគ្រប់គ្រងដែនដី។ សម្ព័ន្ធមិត្តលោកខាងលិចបានប្ដេជ្ញាផ្ដល់អាវុធតម្លៃរាប់ពាន់លានដុល្លារអាមេរិក សម្រាប់អ៊ុយក្រែនកាលពីថ្ងៃព្រហស្បតិ៍ ហើយប្រទេសខ្លះបានសន្យាបញ្ជូនរថក្រោះឲ្យទីក្រុង Kyiv ដែលបានស្នើ ប្រសិនបើប្រទេសអាល្លឺម៉ង់យល់ព្រម។ ប៉ុន្តែអាល្លឺម៉ង់ពុំបានផ្ដល់សញ្ញានៃការបោះបង់សិទ្ធិវ៉េតូនោះទេ លើការបញ្ជូនអាវុធដែលខ្លួនបារម្ភថានឹងធ្វើឲ្យទីក្រុង Moscow ផ្ទុះកំហឹង។ អាល្លឺម៉ង់បានប្រឈមសម្ពាធកាន់តែខ្លាំងក្នុងការផ្គត់ផ្គង់រថក្រោះដល់ទីក្រុង Kyiv ហើយប្រធានាធិបតីអ៊ុយក្រែនលោក Volodymyr Zelenskyy បានបង្ហាញការខកចិត្ត ព្រោះតែការទទួលបានអាវុធធុនធ្ងន់មិនគ្រប់គ្រាន់។ ចាប់តាំងពីចក្រភពអង់គ្លេសបានប្រកាសកាលពីសប្ដាហ៍មុនថា ខ្លួននឹងបញ្ជូនរថក្រោះ Challenger 2 ទីក្រុងប៊ែរឡាំងបានប្រឈមនឹងសម្ពាធកាន់តែខ្លាំងក្នុងការបញ្ជូនរថក្រោះ Leopard 2 របស់ខ្លួន យ៉ាងហោចណាស់ក៏ជាការបើកផ្លូវសម្រាប់ប្រទេសផ្សេងទៀតដូចជាប្រទេសប៉ូឡូញផងដែរ ដើម្បីបញ្ជូនគ្រឿងយុទ្ធោបករណ៍ផលិតដោយអាល្លឺម៉ង់ពីស្តុកផ្ទាល់ខ្លួនរបស់ពួកគេ។ វិមានក្រឹមឡាំងបានដាក់សម្ពាធលើលោកខាងលិច កុំឲ្យផ្ដល់អាវុធធុនធ្ងន់ដល់អ៊ុយក្រែនដែលមានសមត្ថភាពវាយប្រហារលើកងកម្លាំងនិងដែនដីរបស់រុស្ស៊ី៕អត្ថបទ៖ សុខមាន

សភាវៀតណាមអនុម័តការសុំលាលែងពីតំណែងរបស់ប្រធានាធិបតី

វៀតណាម៖ រដ្ឋសភាប្រទេសវៀតណាមកាលពីថ្ងៃពុធ បានអនុម័តការសុំលាលែងពីតំណែងរបស់ប្រធានាធិបតី វៀតណាមលោក ង្វៀន សួនហ្វុក (Nguyen Xuan Phuc) មួយថ្ងៃបន្ទាប់ពីលោកបានសុំលាលែងពីតំណែង ជាផ្នែកមួយនៃការជំរុញប្រឆាំងអំពើពុករលួយ។ ការលាលែងភ្លាមៗ និងមិនធ្លាប់មានពីមុនមករបស់លោក ធ្វើឡើងក្នុងអំឡុងពេលនៃភាពចលាចលនយោបាយដ៏សំខាន់នៅក្នុងប្រទេសវៀតណាម ជាកន្លែងដែលការបោសសម្អាតប្រឆាំងអំពើពុករលួយ និងការប្រជែងគ្នាក្នុងក្រុមដែលបានមើលឃើញរដ្ឋមន្ត្រីជាច្រើនរូបត្រូវបានបណ្តេញចេញ។ ប្រព័ន្ធផ្សព្វផ្សាយរដ្ឋបាននិយាយថា នៅក្នុងកិច្ចប្រជុំវិសាមញ្ញមួយដែលត្រូវបានបិទចំពោះប្រព័ន្ធផ្សព្វផ្សាយអន្តរជាតិ សមាជិករដ្ឋសភា ៩៣ភាគរយបានបោះឆ្នោតអនុម័តលើការលាលែងរបស់លោក Phuc។ ដោយនៅមិនទាន់មានអ្នកបន្តតំណែងនៅឡើយលោក វ៉ូ ធិ អាញ់សួន(Vo Thi Anh Xuan) អនុប្រធានាធិបតីបច្ចុប្បន្ននឹងក្លាយជាប្រធានាធិបតីបណ្ដោះអាសន្ន ដោយស្វ័យប្រវត្តិតាមរដ្ឋធម្មនុញ្ញ។ ការលាលែងភ្លាមៗរបស់លោក Phuc គឺជាស្ថានភាពមិនធម្មតាមួយនៅក្នុងប្រទេសវៀតណាម ដែលជាធម្មតាការផ្លាស់ប្តូរនយោបាយត្រូវបានរៀបចំយ៉ាងប្រុងប្រយ័ត្ន។ ឧបនាយករដ្ឋមន្ត្រីពីររូបគឺលោក ផាម ប៊ិញមិញ (Pham Binh Minh) និងលោក វូ ឌុកដាំ (Vu Duc Dam) ត្រូវបានបណ្តេញចេញពីតំណែងក្នុងខែនេះក្នុងការបោសសម្អាតប្រឆាំងអំពើពុករលួយ ដែលនាំទៅដល់ការចាប់ខ្លួនមន្ត្រីរាប់សិបនាក់ផ្សេងទៀត ដោយការចោទប្រកាន់អំពើពុករលួយជាច្រើនទាក់ទងនឹងកិច្ចព្រមព្រៀង ដែលធ្វើឡើងជាផ្នែកមួយនៃការឆ្លើយតបជំងឺរាតត្បាត Covid-19 របស់ប្រទេសវៀតណាម។ អគ្គលេខាធិកាលោក ង្វៀន ភូត្រុង (Nguyen Phu Trong) ជាអ្នកមានឥទ្ធិពលបំផុតនៅក្នុងបក្សត្រូវបានគេមើលឃើញយ៉ាងទូលំទូលាយថា ជាស្ថាបត្យករនៅពីក្រោយការប្រឆាំងអំពើពុករលួយ ដែលបានបង្ហាញនូវប្រជាប្រិយភាពក្នុងចំណោមសាធារណជនវៀតណាម៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

មន្ទីរពេទ្យក្នុងទីក្រុងប៉េកាំងប្រឹងប្រែងដើម្បីព្យាបាលអ្នកជំងឺ COVID-19 ទាំងអស់

សម្ដេចតេជោជូនពរពលរដ្ឋខ្មែរសែស្រឡាយចិន សូមមានលាភសំណាង មានលុយកាក់ហូរចូលគ្រប់ក្រុមគ្រួសារ

មនុស្សជាង ១លាននាក់តវ៉ាប្រឆាំងកំណែទម្រង់ប្រាក់សោធននិវត្តន៍នៅប្រទេសបារាំង

អង្គការសុខភាពពិភពលោករាយការណ៍ការកើនឡើងចំនួនអ្នកជំងឺ COVID-19 ចូលព្យាបាលក្នុងមន្ទីរពេទ្យនៅចិន

រុស្ស៊ីព្រមានថា ខ្លួននឹងអាចប្រើអាវុធនុយក្លេអ៊ែរ ប្រសិនបើចាញ់ក្នុងសង្គ្រាមអ៊ុយក្រែន

រុស្ស៊ីព្រមានពីសង្គ្រាមថ្មីពេញបន្ទុក ប្រសិនបើសម្ព័ន្ធណាតូបន្តផ្ដល់អាវុធឲ្យអ៊ុយក្រែន

សភាវៀតណាមអនុម័តការសុំលាលែងពីតំណែងរបស់ប្រធានាធិបតី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

មន្ទីរពេទ្យ​ក្នុង​ទីក្រុង​ប៉េកាំង​ប្រឹងប្រែង​ដើម្បី​ព្យាបាល​អ្នកជំងឺ COVID-19 ទាំងអស់

សម្ដេចតេជោជូនពរពលរដ្ឋខ្មែរសែស្រឡាយចិន សូមមានលាភសំណាង មានលុយកាក់ហូរចូលគ្រប់ក្រុមគ្រួសារ

មនុស្ស​ជាង​ ១​លាន​នាក់​តវ៉ា​ប្រឆាំង​កំណែទម្រង់​ប្រាក់​សោធន​និវត្តន៍​នៅ​ប្រទេស​បារាំង​

រុស្ស៊ី​ព្រមាន​ថា ខ្លួន​នឹង​អាច​ប្រើ​អាវុធ​នុយក្លេអ៊ែរ ប្រសិនបើ​ចាញ់​ក្នុង​សង្គ្រាម​អ៊ុយ​ក្រែ​ន​

រុស្ស៊ី​ព្រមាន​ពី​សង្គ្រាម​ថ្មី​ពេញបន្ទុក ប្រសិនបើ​សម្ព័ន្ធ​ណា​តូប​ន្ត​ផ្ដល់​អាវុធ​ឲ្យ​អ៊ុយ​ក្រែ​ន​

សភា​វៀតណាម​អនុម័ត​ការសុំ​លាលែង​ពី​តំណែង​របស់​ប្រធានាធិបតី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ទីរពេទ្យក្នុងទីក្រុងប៉េកាំងប្រឹងប្រែងដើម្បីព្យាបាលអ្នកជំងឺ COVID-19 ទាំងអស់

មនុស្សជាង ១លាននាក់តវ៉ាប្រឆាំងកំណែទម្រង់ប្រាក់សោធននិវត្តន៍នៅប្រទេសបារាំង

រុស្ស៊ីព្រមានថា ខ្លួននឹងអាចប្រើអាវុធនុយក្លេអ៊ែរ ប្រសិនបើចាញ់ក្នុងសង្គ្រាមអ៊ុយក្រែន

រុស្ស៊ីព្រមានពីសង្គ្រាមថ្មីពេញបន្ទុក ប្រសិនបើសម្ព័ន្ធណាតូបន្តផ្ដល់អាវុធឲ្យអ៊ុយក្រែន

សភាវៀតណាមអនុម័តការសុំលាលែងពីតំណែងរបស់ប្រធានាធិបតី