BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

ប្រធានាធិបតីអ៊ុយក្រែនសរសេរលិខិតអញ្ជើញមេដឹកនាំចិនលោក Xi Jinping ចូលរួមការពិភាក្សា

អ៊ុយក្រែន៖ ភរិយារបស់លោកប្រធានាធិបតីអ៊ុយក្រែន Volodymyr Zelenskyy លោកស្រី Olena Zelenska បាននិយាយកាលពីថ្ងៃពុធថា លោក Volodymyr Zelenskyy បានសរសេរលិខិតអញ្ជើញលោកប្រធានាធិបតីចិន Xi Jinping សម្រាប់ការពិភាក្សាដែលត្រូវបានអនុញ្ញាតនៅក្នុងទីក្រុង Davos ប្រទេសស្វីសទៅកាន់គណៈប្រតិភូរបស់ចិន។ លោក Zelenskyy បានព្យាយាមទាក់ទងម្ដងហើយម្ដងទៀតជាមួយលោក Xi ចាប់តាំងពីការវាយលុករបស់រុស្ស៊ីទៅលើអ៊ុយក្រែនកាលពីថ្ងៃទី២៤ ខែកុម្ភៈឆ្នាំមុន ដោយរំពឹងថា ទីក្រុងប៉េកាំងនឹងប្រើឥទ្ធិពលរបស់ខ្លួនលើមេដឹកនាំរុស្ស៊ី Vladimir Putin។ ក្នុងអំឡុងការថ្លែងកាលពីថ្ងៃអង្គារនៅវាទិកាសេដ្ឋកិច្ចពិភពលោក ក្នុងទីក្រុងរមណីយដ្ឋាន Davos លោកស្រី Zelenska បាននិយាយថា លោកស្រីមានលិខិតសម្រាប់ជូនលោក Xi ប៉ុន្តែលោកស្រីបានផ្ដល់ការលម្អិតថ្មីអំឡុងសន្និសិទសារព័ត៌មានកាលពីថ្ងៃពុធ។ លោកស្រីបានប្រាប់អ្នកសារព័ត៌មានថា នេះជាកាយវិការ និងការអញ្ជើញសម្រាប់ការសន្ទនា ហើយខ្ញុំសង្ឃឹមយ៉ាងមុតមាំថា នឹងមានការឆ្លើយតបវិញចំពោះការអញ្ជើញនេះ។ គួររម្លឹកថា ប្រទេសចិន និងរុស្ស៊ីបានប្រកាសពីមិត្តភាពគ្មានដែនកំណត់កាលពីខែកុម្ភៈឆ្នាំមុន ភ្លាមៗមុនលោក Putin បញ្ជាឲ្យកងទ័ពរបស់លោកវាយចូលប្រទេសអ៊ុយក្រែន៕អត្ថបទ៖ សុខមាន

ការធ្វើដំណើរក្នុងឱកាសបុណ្យចូលឆ្នាំចិននៅចិនបង្កើនក្តីបារម្ភពីវិបត្តិ COVID-19 នៅតំបន់ជនបទ

ចិន៖ គេតែងបានលឺសំឡេងអ៊ូអរស្ទើររាល់ថ្ងៃនៅពាក់កណ្ដាតអាធ្រាត្រ។ ក្រោយមកមានការបាញ់កាំជ្រួចភ្ញី និងសកម្មភាពផ្សេងទៀតលាយឡំដោយចម្រៀងបុណ្យសពដែលបានប្រគំនៅលើស្គរ និងសំឡេងផ្លុំស្នែងតាមប្រពៃណី។ ពិធីបុណ្យជាច្រើនដែលមានន័យថា ជាការបញ្ជូនព្រលឹងនៃអ្នកស្លាប់ចេញពីការរងទុក្ខមានឡើង ខណៈការផ្ទុះរាលដាលដ៏ធ្ងន់ធ្ងរបំផុតនៃវីរុសរាតត្បាតសកលកូរ៉ូណារបស់ចិន ឆ្លងរាលដាលទៅកាន់ទីជនបទដែលងាយរងគ្រោះបន្ថែមទៀត។ អ្នកដំណើរវ័យ ២៤ឆ្នាំដែលកំពុងធ្វើដំណើរទៅកាន់ស្រុកកំណើតរបស់នាងនៅស្រុក Taoyuan ភាគខាងត្បូងខេត្ត Hunan សម្រាប់ការប្រារព្ធពិធីបុណ្យចូលឆ្នាំថ្មីប្រពៃណីចិន ដែលជាថ្ងៃឈប់សម្រាកដ៏ធំបំផុតរបស់ចិនបាននិយាយថា ខានមានពេលវេលាដ៏ល្អនេះច្រើនឆ្នាំមកហើយ។ ពិធីបុណ្យចូលឆ្នាំថ្មីតាមចន្ទគតិលើកដំបូងរបស់ចិន ដោយគ្មានការរឹតត្បិតការឆ្លងរាលដាលវីរុស Covid-19 បានផ្ដល់ឱកាសឲ្យគ្រួសារដែលបានបែកគ្នានៅទូទាំងប្រទេស បានជួបជុំគ្នា មួយចំនួនក្នុងចំណោមពួកគេមានពេលបានជួបជុំគ្នាជាលើកដំបូង ក្នុងពេលប៉ុន្មានឆ្នាំមកនេះ។ ប៉ុន្តែកម្មករចំណាកស្រុក និស្សិត និងមនុស្សជាច្រើនទៀតដែលកំពុងធ្វើដំណើរចេញពីទីក្រុងនានា ដែលបានបិទដោយសារការទប់ស្កាត់ការឆ្លងវីរុស អាចនាំវីរុសនេះត្រឡប់ទៅស្រុកកំណើតរបស់ពួកគេ ដែលបង្កក្ដីបារម្ភកើនឡើង ពិសេសសម្រាប់មនុស្សចាស់។ ថ្ងៃឈប់សម្រាកដែលមានរយៈពេល ៤០ថ្ងៃនៅក្នុងប្រទេសចិន ដែលត្រូវគេស្គាល់ថាជាពិធីបុណ្យនិទាឃៈរដូវ ត្រូវបានគេហៅថាជាការធ្វើចំណាកស្រុករបស់មនុស្សប្រចាំឆ្នាំដ៏ធំបំផុតតែមួយគត់។ ក្រសួងដឹកជញ្ជូនចិនបាននិយាយនៅខែនេះថា ខ្លួនរំពឹងថានឹងមានអ្នកដំណើរជាង ២ពាន់លាននាក់ ដែលចំនួននេះកើនឡើងទ្វេដងលើសឆ្នាំមុន និងប្រមាណ ៧០លើសកាលពីឆ្នាំ២០១៩៕អត្ថបទ៖ សុខមាន

កងកម្លាំងរុស្ស៊ីវាយរុលទៅមុខដណ្ដើមគ្រប់គ្រងទីក្រុង Soledar ទោះបីរងការបរាជ័យដ៏ធំក៏ដោយ

អ៊ុយក្រែន៖ កាលពីថ្ងៃទី១២ ខែមករា កងកម្លាំងរុស្ស៊ីបានវាយដណ្ដើមគ្រប់គ្រងទីក្រុងផលិតអំបិល របស់អ៊ុយក្រែននៅក្នុងតំបន់ Donetsk ជាការដណ្ដើមបានលើកដំបូងចាប់តាំងពីខែកក្កដាមក។ វាជាសប្ដាហ៍ដ៏អាក្រក់សម្រាប់ប្រទេសអ៊ុយក្រែន។ ២ថ្ងៃក្រោយមកកងកម្លាំងរុស្ស៊ីបានបាញ់ស្រោចរ៉ូកែតប្រមាណ ៥០គ្រាប់ទៅលើទីក្រុងជាច្រើនរបស់អ៊ុយក្រែន។ អគារអឹផាតមិនដ៏ធំមួយនៅក្នុងទីក្រុងឌីនីប្រូ (Dnipro) សម្លាប់មនុស្សជាង ៤០នាក់នៅក្នុងការវាយប្រហារដ៏បំផុតមួយ ក្នុងចំណោមការវាយប្រហារធំៗជាច្រើនរបស់សង្គ្រាមនេះ។ ប្រធានាធិបតីអ៊ុយក្រែនបានស្ដីបន្ទោសរុស្ស៊ី ប៉ុន្តែវិមានក្រឹមឡាំងបានច្រានចោលការទទួលខុសត្រូវ ចំពោះការវាយប្រហារទាំងនោះ។ ហើយកាលពីព្រឹកថ្ងៃទី១៨ ខែមករាសប្ដាហ៍នេះ រដ្ឋមន្ត្រីក្រសួងមហាផ្ទៃអ៊ុយក្រែនបានស្លាប់រួមជាមួយមនុស្ស ១៤នាក់ រួមទាំងកុមារផ្សេងទៀតនៅពេលឧទ្ធម្ភាគចក្រមួយគ្រឿងបានធ្លាក់ នៅខាងក្រៅមជ្ឈមណ្ឌលថែទាំងកុមារជិតទីក្រុង Kyiv។ ហេតុការណ៍នេះពុំទាន់ត្រូវបានគេដឹងភ្លាមៗទេ ពីមូលហេតុនាំឲ្យមានឧបទ្ទវហេតុនេះ។ ទីក្រុង Soledar ដែលជាទីក្រុងផលិតអំបិលបានធ្លាក់ចូលក្នុងដៃកងកម្លាំងរុស្ស៊ី មួយសប្ដាហ៍បន្ទាប់ពីការវាយប្រយុទ្ធគ្នាដ៏ក្ដៅគគុក។ ក្រសួងការពារជាតិរុស្ស៊ីបានប្រកាសជ័យជម្នះមួយថ្ងៃបន្ទាប់ ខណៈដែលប្រភពយោធានានារបស់រុស្ស៊ីបាននិយាយថា ទាហានរបស់ទីក្រុង Moscow បានវាយរុលទៅមុខចូលទៅតំបន់ Krasnaya Gora ស្ថិតក្នុងតំបន់ខេត្ត Donetska ឆ្ពោះទៅភាគនិរតី។ ប៉ុន្តែអ្នកនាំពាក្យកងកម្លាំងអ៊ុយក្រែនក្នុងភាគខាងកើតបាននិយាយថា ទាហានរបស់ទីក្រុង Kyiv នៅតែកំពុងប្រយុទ្ធដណ្ដើមទីក្រុង Soledar ជាមួយទាហានរុស្ស៊ី និងចោទរុស្ស៊ីថា កំពុងផ្សព្វផ្សាយព័ត៌មានមិនពិត៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញពិនិត្យមើលវឌ្ឍនភាពនៃការសាងសង់«មន្ទីរពេទ្យជាតិតេជោសន្ដិភាព»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញពិនិត្យមើលវឌ្ឍនភាពនៃការសាងសង់«មន្ទីរពេទ្យជាតិតេជោសន្ដិភាព» ដែលមានទីតាំងស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ ព្រមទាំងសំណេះសំណាលជាមួយកម្មករសំណង់នៅក្នុងការដ្ឋានមន្ទីរពេទ្យនេះប្រមាណ ១.២០០នាក់។អគារ«មន្ទីរពេទ្យជាតិតេជោសន្ដិភាព»មានចំនួន១១អគារដែលមានអគារព្យាបាល និងសង្គ្រោះបន្ទាន់(E)មានទំហំ ៧,៤៨០ ម៉ែត្រការ៉េ,អគារព្យាបាលកម្រិតធ្ងន់(H1និង H2)មានគ្រែសរុបចំនួន៥២៧គ្រែ, អគារព្យាបាលកម្រិតស្រាល(H3,H4,H5,H6និងH7)មានគ្រែសរុប៨,៩៦៩ គ្រែ,គ្រែបុគ្គលិកពេទ្យប្រចាំការមានចំនួន៤៦គ្រែនិងគ្រែបុគ្គលិកស្នាក់នៅចំនួន២០៦ គ្រែ,អគារបច្ចេកទេស(T1),អគារបច្ចេកទេស (T2),អគារផ្គត់ផ្គង់និងព័ត៌មាន(A)មានទំហំ២,៨៣៥ ម៉ែត្រការ៉េ,អគារស្នាក់នៅសម្រាប់បុគ្គលិក (S)មានគ្រែសរុបចំនួន ២៣៤ គ្រែ។ ចំណតរថយន្តមានផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួនច្បារព័ណ៌បៃតងទំហំ ៤,៤៩០ ម៉ែត្រការ៉េ ។មន្ទីរពេទ្យជាតិតេជោសន្ដិភាពនេះស្ថាបនាដោយក្រុមហ៊ុន ស៊ីជេអ៊ីស៊ី CJEC.co,Ltd សហការជាមួយសាលារាជធានីភ្នំពេញ។ មន្ទីរពេទ្យជាតិតេជោសន្ដិភាពនេះត្រូវបានរដ្ឋបាលរាជធានីភ្នំពេញបើកការដ្ឋានសាងសង់កាលពីថ្ងៃទី១៤ ខែកុម្ភៈ ឆ្នាំ២០២២ ។មន្ទីរពេទ្យជាតិដ៏ធំមួយនេះគ្រោងនឹងបញ្ចប់ការសាងសង់ រួចជាស្ថាពរនិងដាក់ឲ្យដំណើរការជាផ្លូវការនៅខែមិថុនាឆ្នាំ២០២៣។ «មន្ទីរពេទ្យជាតិ តេជោសន្ដិភាព» នឹងក្លាយជាមន្ទីរពេទ្យជាតិធំជាងគេនៅប្រទេស កម្ពុជាដែលនឹងផ្ដល់នូវសេវាគ្រប់ផ្នែកទាំងអស់ ជូនប្រជាពលរដ្ឋទូទាំងប្រទេស ។ ក្នុងករណីមានជំងឺឆ្លងលក្ខណៈទ្រង់ទ្រាយធំមន្ទីរពេទ្យជាតិដ៏ធំមួយនេះអាចមានលទ្ធភាពទទួលអ្នកជំងឺដោយមិនមានការព្រួយបារម្ដនោះទេដោយមន្ទីរពេទ្យនេះបំពាក់សម្ភារៈបរិក្ខារវេជ្ជសាស្ត្រទំនើបៗស្របតាមលក្ខណៈស្តង់ដារ៕

UN និយាយថា ជនស៊ីវិលជាង ៧.០០០នាក់ស្លាប់នៅប្រទេសអ៊ុយក្រែនចាប់តាំងពីការវាយលុក

អ៊ុយក្រែន៖ របាយការណ៍របស់អង្គការសហប្រជាជាតិនិយាយថា ចំនួនអ្នកស្លាប់ជាជនស៊ីវិលនៅប្រទេសអ៊ុយក្រែនមានលើសពី ៧០០០នាក់ ចាប់តាំងពីការវាយលុករបស់រុស្ស៊ីចាប់ផ្តើមកាលពីខែកុម្ភៈឆ្នាំមុន។ យ៉ាងហោចណាស់មនុស្ស ៤០នាក់ត្រូវបានបញ្ជាក់ថាបានស្លាប់ នៅក្នុងការវាយប្រហារដោយមីស៊ីលកាលពីថ្ងៃសៅរ៍ លើអគារអឹផាត់មឹនកម្ពស់ ៩ជាន់ក្នុងទីក្រុង Dnipro ភាគខាងកើត។ អាជ្ញាធរគ្រាអាសន្នរបស់អ៊ុយក្រែនបាននិយាយថា កុមារ ៣នាក់ស្ថិតក្នុងចំណោមជនរងគ្រោះ ហើយ ២៥នាក់ផ្សេងទៀតនៅបាត់ខ្លួននៅឡើយ។ រុស្ស៊ីបានអះអាងថា អគារក្នុងទីក្រុង Dnipro ត្រូវបានវាយប្រហារបណ្តាលមកពីសកម្មភាពប្រព័ន្ធការពារដែនអាកាសរបស់អ៊ុយក្រែន។ ប្រធានាធិបតីអ៊ុយក្រែនលោក Volodymyr Zelenskyy បានថ្កោលទោសទីក្រុងមូស្គូ។ លោកបាននិយាយថា អ្នកគ្រប់គ្នាដែលជាប់ពាក់ព័ន្ធក្នុងឧក្រិដ្ឋកម្មសង្គ្រាមនេះ នឹងត្រូវកំណត់អត្តសញ្ញាណ ហើយនឹងនាំយកមកកាត់ទោស។ អគ្គលេខាធិការអង្គការសហប្រជាជាតិលោក Antonio Guterres បានរិះគន់យ៉ាងខ្លាំងចំពោះការវាយប្រហារដោយមីស៊ីលនេះ។ នៅក្នុងសេចក្តីថ្លែងការណ៍ដែលចេញផ្សាយតាមរយៈអ្នកនាំពាក្យរបស់លោក Guterres បាននិយាយថា ការវាយប្រហារមកលើជនស៊ីវិល និងហេដ្ឋារចនាសម្ព័ន្ធស៊ីវិលរំលោភលើច្បាប់មនុស្សធម៌អន្តរជាតិ។ ពួកគេត្រូវតែបញ្ចប់ភ្លាមៗ។ ការិយាល័យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សបានរាយការណ៍ថា យ៉ាងហោចណាស់ជនស៊ីវិល ៧,០៣១នាក់ត្រូវបានសម្លាប់នៅក្នុងប្រទេសអ៊ុយក្រែននៅចន្លោះថ្ងៃទី២៤ ខែកុម្ភៈឆ្នាំមុន ខណៈការវាយលុកបានចាប់ផ្តើម និងរហូតដល់ថ្ងៃទី១៥ ខែមករានេះ ហើយជនរងគ្រោះ ៤៣៣នាក់គឺជាកុមារ៕អត្ថបទ៖ ប៊ុនថន

ក្រុងប៉េកាំងនិយាយថា ប្រទេសចិនបានវិលមករកសភាពធម្មតាវិញហើយ ក្រោយបញ្ចប់ការរឹតត្បិតការឆ្លងវីរុស COVID-19

ចិន៖ លោក Liu He ឧបនាយករដ្ឋមន្ត្រីចិនបានប្រាប់វាទិកាសេដ្ឋកិច្ចពិភពលោកកាលពីថ្ងៃអង្គារ ខណៈលោកបានអញ្ជើញមិត្តភ័ក្ដិបរទេសឲ្យទៅទស្សនកិច្ចប្រទេសរបស់លោកថា ប្រទេសចិនបានវិលត្រឡប់ទៅរកសភាពធម្មតាវិញហើយ ក្រោយដកការរឹតត្បិតវិធានការទប់ស្កាត់ឆ្លងវីរុស Covid-19។ ប្រទេសចិនបានបោះបង់ចោលវិធានការគ្មាន covid ឬ "zero-Covid" របស់ខ្លួនកាលពីខែមុន ក្រោយការអនុវត្តន៍ ៣ឆ្នាំក្នុងការរឹតត្បិតដ៏តឹងរ៉ឹងបំផុតនៃការឆ្លងរាលដាលវីរុសរាតត្បាតសកលក្នុងពិភពលោក។ លោក Liu បានប្រាប់កិច្ចប្រជុំពិភពលោកនៅក្នុងទីក្រុង Davos ប្រទេសស្វីសថា ការផ្លាស់ប្តូរបានប្រព្រឹត្តិប្រកបដោយស្ថិរភាព និងរលូន។ លោកថា ពេលវេលាដែលមានករណីឆ្លងហក់ឡើងដល់ចំណុចកំពូល និងការវិលត្រឡប់ទៅរកសភាពធម្មតាវិញមានភាពលឿនរហ័ស។ លោកថា ឧស្សាហកម្ម ម្ហូបអាហារ និងភេសជ្ជៈ និងទេសចរណ៍បានចាប់ផ្ដើមវិលទៅរកសភាពធម្មតាវិញហើយ ខណៈដែលមនុស្សប្រមាណ ៥ពាន់លាននាក់ត្រូវគេរំពឹងថានឹងធ្វើដំណើរ អំឡុងថ្ងៃឈប់សម្រាកនៃពិធីបុណ្យចូលឆ្នាំថ្មីប្រពៃណីចិន ដែលនឹងចាប់ផ្ដើមនៅចុងសប្ដាហ៍នេះ។ លោកក៏បានជំរុញផងដែរឲ្យជនបរទេសចូលទៅលេងកម្សាន្តនៅប្រទេសចិន ក្រោយវិធានការតម្រូវឲ្យដាក់នៅដាច់ដោយឡែក សម្រាប់ការមកដល់របស់ជនបរទេសត្រូវបានដកចេញកាលពីសប្ដាហ៍មុន៕អត្ថបទ៖ សុខមាន

សហភាពអឺរ៉ុបគ្រោងបង្កើតឃ្លាំងស្តុកអាវុធនុយក្លេអ៊ែរនៅជាប់ព្រំដែនរុស្ស៊ី

អឺរ៉ុប៖ គណៈកម្មការអឺរ៉ុបបានប្រកាសកាលពីថ្ងៃអង្គារថា ខ្លួននឹងបង្កើតឃ្លាំងបម្រុងយុទ្ធសាស្ត្រនៃសម្ភារៈ និងការផ្គត់ផ្គង់លើកដំបូង ដែលអាចផ្ដល់ការឆ្លើយតបដល់បណ្ដាសមាជិកសហភាពអឺរ៉ុប ចំពោះឧបទ្ទវហេតុអាវុធគីមី ឬនុយក្លេអ៊ែរដ៏ខ្លាំងក្លានៅថ្ងៃណាមួយ។ ឃ្លាំងស្តុកអាវុធនេះនឹងត្រូវបង្កើតឡើងនៅក្នុងប្រទេសហ្វាំងឡង់ ដែលផ្ដល់ការងាយស្រួលដល់រដ្ឋនីមួយៗនៅតំបន់បាល់ទីក។ គណៈកម្មការអឺរ៉ុបសម្រាប់ការគ្រប់គ្រងវិបត្តិលោក Janez Lenarcic បាននិយាយថា ជម្លោះនៅអ៊ុយក្រែនបានបញ្ជាក់ពីតម្រូវការ ក្នុងការបង្កើតឃ្លាំងស្តុកអាវុធដែលនឹងផ្ដល់នូវសុវត្ថិភាពជាចម្បង រហ័ស និងការឆ្លើយតបដែលត្រូវបានសម្របសម្រួលនៅកម្រិតសហភាពអឺរ៉ុប។ យោងតាមសារព័ត៌មាន EuroNews ឃ្លាំងស្តុកនេះនឹងរួមមានវិធានការណ៍វេជ្ជសាស្ត្រសំខាន់ៗ បូករួមទាំងវ៉ាក់សាំង និងថ្នាំប្រឆាំងមេរោគ ឧបករណ៍វេជ្ជសាស្ត្រ និងឧបករណ៍ឆ្លើយតបជំនាញដែលត្រូវការ ដើម្បីឆ្លើយតបទៅនឹងគ្រោះថ្នាក់ជីវសាស្ត្រ វិទ្យុសកម្ម និងនុយក្លេអ៊ែរ។ តាមទ្រឹស្ដីទីតាំងនេះគួរតែអាចបញ្ជូនការផ្គត់ផ្គង់ក្នុងរយៈពេល ១២ម៉ោង បន្ទាប់ពីសមាជិកដែលរងផលប៉ះពាល់ទទួលយកការផ្តល់ជូនជំនួយរបស់សហភាពអឺរ៉ុប។ ទីក្រុងប្រ៊ុចសែលបានអនុម័តថវិកាចំនួន ២៤២លានអឺរ៉ូស្មើ ២៦១លានដុល្លារអាមេរិកក្នុងការផ្តល់មូលនិធិសម្រាប់កម្មវិធីនេះ ក្នុងគោលបំណងដើម្បីឲ្យមានការត្រៀមលក្ខខណៈរួចរាល់ សម្រាប់ប្រើប្រាស់នៅឆ្នាំ២០២៤៕អត្ថបទ៖ សុខមាន

មេដឹកនាំយោធាជាន់ខ្ពស់របស់អ៊ុយក្រែន និងសហរដ្ឋអាមេរិកបានជួបពិភាក្សាជុំវិញតម្រូវការបន្ទាន់

ប៉ូឡូញ៖ មន្ត្រីយោធាជាន់ខ្ពស់សហរដ្ឋអាមេរិកបានធ្វើដំណើរទៅកាន់ប្រទេសប៉ូឡូញ និងបានពិភាក្សាជាមួយសមភាគីអ៊ុយក្រែនក្នុងជំនួបទល់មុខគ្នាជាលើកដំបូង ខណៈសង្គ្រាមរបស់រុស្ស៊ីនៅអ៊ុយក្រែនឈានចូលជិតគម្រប់ ១ឆ្នាំ។ អគ្គមេបញ្ជាការកងទ័ពសហរដ្ឋអាមេរិកលោក Mark Milley ដែលជាប្រធាននាយសេនាធិការចម្រុះបានជួបរយៈពេលជាច្រើនម៉ោង ជាមួយមន្ត្រីប្រមុខយោធារបស់អ៊ុយក្រែនលោកឧត្ដមសេនីយ៍ Valerii Zaluzhnyi នៅក្នុងទីតាំងពុំបានបញ្ជាក់មួយក្នុងប្រទេសប៉ូឡូញភាគអាគ្នេយ៍ជិតព្រំដែនអ៊ុយក្រែន។ លោក Zaluzhnyi បាននិយាយថា លោកបានគូសបញ្ជាក់ពីតម្រូវការបន្ទាន់ សម្រាប់កងកម្លាំងរបស់លោកកាលពីថ្ងៃអង្គារជាមួយលោក Milley។ មេដឹកនាំទាំង២ បានពិភាក្សាគ្នាជាញឹកញាប់អំពីតម្រូវការយោធារបស់អ៊ុយក្រែន និងស្ថានភាពនៃសង្គ្រាមកាលពីពីឆ្នាំមុន ប៉ុន្តែពុំដែលបានជួបគ្នាដោយផ្ទាល់ទេ។ ជំនួបនេះមានឡើង ខណៈសហគមន៍អន្តរជាតិបង្កើនជំនួយយោធាដល់អ៊ុយក្រែន រួមទាំងការពង្រីកការហ្វឹកហាត់របស់ទាហានអ៊ុយក្រែនដោយសហរដ្ឋអាមេរិក និងការផ្ដល់ខែលការពារមីស៊ីលប៉ាទ្រីយ៉ូត រថក្រោះ និងការបង្កើនការការពារដែនអាកាស និងប្រព័ន្ធអាវុធផ្សេងទៀតដោយសហរដ្ឋអាមេរិក និងកម្លាំងចម្រុះរបស់សហភាពអឺរ៉ុប និងបណ្ដាប្រទេសផ្សេងទៀត។ ជំនួបនេះក៏បានកើតឡើងផងដែរ ស្របពេលមានការវាយប្រយុទ្ធគ្នាដ៏ខ្លាំងក្លានៅក្នុងខេត្ត Donetsk ភាគខាងកើត ជាទីដែលកងកម្លាំងរុស្ស៊ីដែលមានជំនួយ ពីក្រុមទាហានស៊ីឈ្នួលវ៉េកណាគ្រុបរាប់ពាន់នាក់ក្នុងការកែប្រែស្ថានការណ៍ ក្រោយការដើរថយក្រោយនៅសមរភូមិប្រយុទ្ធក្នុងពេលប៉ុន្មានខែថ្មីៗនេះ៕អត្ថបទ៖ សុខមាន

នយោបាយវៀតណាម៖ មានការផ្លាស់ប្តូរអំណាច ខណៈប្រធានាធិបតីវៀតណាម លាលែងពីតំណែង

ប្រធានាធិបតីវៀតណាម លោក ង្វៀន សួនហ្វុក(Nguyen Xuan Phuc) បានប្រកាសថា លោក លាលែងចេញពីតំណែង ដែលបង្កឱ្យមានការផ្លាស់ប្តូរអំណាចដ៏មានសក្តានុពលក្នុងចំណោមមេដឹកនាំប្រទេសដែលគ្រប់គ្រងដោយរបបកុម្មុយនិស្តមួយនេះ។ការផ្លាស់ប្តូរនេះត្រូវបានគេនិយាយយ៉ាងទូលំទូលាយ និងបន្ទាប់ពីការចាកចេញរបស់ឧបនាយករដ្ឋ មន្ត្រីចំនួនពីររូប ដែលបានបម្រើការនៅក្រោមការគ្រប់គ្រងរបស់លោក។ លោក Phuc ជាអតីតនាយករដ្ឋមន្ត្រី បានកាន់តំណែងជាប្រធានាធិបតីចាប់តាំងពីឆ្នាំ ២០២១។ ដំណឹងថាលោកលាលែងពីតំណែងកើតមានឡើងក្នុងអំឡុងពេល នៃការជំរុញការប្រឆាំងអំពើពុករលួយ ដឹកនាំដោយក្រុមអ្នកគាំទ្រដ៏រឹងរុះ ខណៈសមាជិកបក្សកុម្មុយនិស្តរាប់រយនាក់កំពុងត្រូវបានស៊ើបអង្កេត។ការលាលែងពីតំណែងរបស់លោកប្រធានាធិបតី តម្រូវឱ្យមានការអនុម័តពីរដ្ឋសភាដែលនឹងរៀបចំការបោះឆ្នោតវិសាមញ្ញនៅថ្ងៃពុធនេះ ហើយត្រូវបានគេរំពឹងថា នឹងមានលក្ខណៈជាផ្លូវការ។ ការបញ្ជាក់ពីប្រព័ន្ធផ្សព្វផ្សាយរដ្ឋផ្លូវការរបស់វៀតណាមនិយាយថា លោកប្រធានាធិបតីកំពុងលាលែងពីតំណែង បន្ទាប់ពីមានការរំពឹងទុកជាច្រើនសប្តាហ៍ថា លោកនឹងចាកចេញពីតំណែងនេះ។ សេចក្តីថ្លែងការណ៍របស់គណបក្សមួយ បានកោតសរសើរការដឹកនាំរបស់លោក Phuc ប៉ុន្តែបាននិយាយថា លោកមានទំនួលខុសត្រូវផ្នែកនយោបាយ ចំពោះការរំលោភបំពាន និងការប្រព្រឹត្តខុសរបស់មន្ត្រីជាច្រើនរូបនៅក្រោមការគ្រប់គ្រងរបស់លោក រួមមានទាំងឧបនាយករដ្ឋមន្ត្រីពីររូបដែលបានលាលែងពីតំណែងកាលពីដើមខែនេះ ហើយរដ្ឋមន្ត្រីពីររូប និងមន្ត្រីផ្សេងទៀតកំពុងប្រឈមមុខនឹងការចោទប្រកាន់ព្រហ្មទណ្ឌ។ សេចក្តីថ្លែងការណ៍បាននិយាយថា ខណៈលោកដឹងយ៉ាងច្បាស់អំពីទំនួលខុសត្រូវរបស់លោកចំពោះបក្ស និងប្រជាជន លោក Phuc បានដាក់សំណើសុំលាលែងពីតំណែងរបស់លោក និងចូលនិវត្តន៍។ អគ្គលេខាធិការបក្សដ៏រឹងរូស លោក ង្វៀន ភូត្រុង(Nguyen Phu Trong) ដែលត្រូវបានផ្តល់អាណត្តិទី ៣ ដែលមិនធ្លាប់មានពីមុនមកក្នុងសមាជបក្សកាលពីឆ្នាំមុន ទំនងជាកំពុងពង្រឹងអំណាចរបស់លោកដោយការបណ្តេញមន្ត្រីជាន់ខ្ពស់ដែលគេមើលឃើញថា ជាអ្នកគាំទ្រលោកខាងលិច និងគាំទ្រវិស័យពាណិជ្ជកម្ម។

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជា និវត្តន៍មកដល់កម្ពុជាវិញហើយ ដោយសុវត្ថិភាព

ភ្នំពេញ៖ នៅរសៀលថ្ងៃទី១៧ ខែមករា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា ធ្វើដំណើរត្រឡប់មកដល់រាជធានីភ្នំពេញ ព្រះរាជាណាចក្រកម្ពុជាវិញហើយដោយសុវត្ថិភាព បន្ទាប់ពីបានបំពេញទស្សនកិច្ចផ្លូវការនៅសាធារណរដ្ឋម៉ាល់ឌីវ ប្រកបដោយលទ្ធផលដ៏ត្រចះត្រចង់។

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានាធិបតីអ៊ុយក្រែនសរសេរលិខិតអញ្ជើញមេដឹកនាំចិនលោក Xi Jinping ចូលរួមការពិភាក្សា

ការធ្វើដំណើរក្នុងឱកាសបុណ្យចូលឆ្នាំចិននៅចិនបង្កើនក្តីបារម្ភពីវិបត្តិ COVID-19 នៅតំបន់ជនបទ

កងកម្លាំងរុស្ស៊ីវាយរុលទៅមុខដណ្ដើមគ្រប់គ្រងទីក្រុង Soledar ទោះបីរងការបរាជ័យដ៏ធំក៏ដោយ

សម្តេចតេជោ ហ៊ុន សែន អញ្ជើញពិនិត្យមើលវឌ្ឍនភាពនៃការសាងសង់«មន្ទីរពេទ្យជាតិតេជោសន្ដិភាព»

UN និយាយថា ជនស៊ីវិលជាង ៧.០០០នាក់ស្លាប់នៅប្រទេសអ៊ុយក្រែនចាប់តាំងពីការវាយលុក

ក្រុងប៉េកាំងនិយាយថា ប្រទេសចិនបានវិលមករកសភាពធម្មតាវិញហើយ ក្រោយបញ្ចប់ការរឹតត្បិតការឆ្លងវីរុស COVID-19

សហភាពអឺរ៉ុបគ្រោងបង្កើតឃ្លាំងស្តុកអាវុធនុយក្លេអ៊ែរនៅជាប់ព្រំដែនរុស្ស៊ី

មេដឹកនាំយោធាជាន់ខ្ពស់របស់អ៊ុយក្រែន និងសហរដ្ឋអាមេរិកបានជួបពិភាក្សាជុំវិញតម្រូវការបន្ទាន់

នយោបាយវៀតណាម៖ មានការផ្លាស់ប្តូរអំណាច ខណៈប្រធានាធិបតីវៀតណាម លាលែងពីតំណែង

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជា និវត្តន៍មកដល់កម្ពុជាវិញហើយ ដោយសុវត្ថិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​អ៊ុយ​ក្រែ​ន​សរសេរ​លិខិត​អញ្ជើញ​មេដឹកនាំ​ចិនលោក Xi Jinping ចូលរួម​ការពិភាក្សា​

ការធ្វើដំណើរ​ក្នុងឱកាស​បុណ្យចូលឆ្នាំ​ចិន​នៅ​ចិន​បង្កើន​ក្តីបារម្ភ​ពី​វិបត្តិ ​COVID-19 នៅ​តំបន់​ជនបទ​

កងកម្លាំង​រុស្ស៊ី​វាយ​រុលទៅមុខ​ដណ្ដើម​គ្រប់គ្រង​ទីក្រុង Soledar ទោះបី​រង​ការបរាជ័យ​ដ៏​ធំ​ក៏ដោយ​

សម្តេចតេជោ ហ៊ុន សែន អញ្ជើញពិនិត្យមើលវឌ្ឍនភាពនៃការសាងសង់«មន្ទីរពេទ្យជាតិតេជោសន្ដិភាព»

UN និយាយថា ជន​ស៊ីវិល​ជាង ៧.០០០​នាក់​ស្លាប់​នៅ​ប្រទេស​អ៊ុយ​ក្រែ​ន​ចាប់តាំងពី​ការវាយលុក

សហភាព​អឺរ៉ុប​គ្រោង​បង្កើត​ឃ្លាំង​ស្តុក​អាវុធ​នុយក្លេអ៊ែរ​នៅជាប់​ព្រំដែន​រុស្ស៊ី​

នយោបាយវៀតណាម៖ មានការផ្លាស់ប្តូរអំណាច ខណៈប្រធានាធិបតីវៀតណាម លាលែងពីតំណែង

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជា និវត្តន៍​មកដល់​កម្ពុជា​វិញហើយ ដោយសុវត្ថិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីអ៊ុយក្រែនសរសេរលិខិតអញ្ជើញមេដឹកនាំចិនលោក Xi Jinping ចូលរួមការពិភាក្សា

ការធ្វើដំណើរក្នុងឱកាសបុណ្យចូលឆ្នាំចិននៅចិនបង្កើនក្តីបារម្ភពីវិបត្តិ COVID-19 នៅតំបន់ជនបទ

កងកម្លាំងរុស្ស៊ីវាយរុលទៅមុខដណ្ដើមគ្រប់គ្រងទីក្រុង Soledar ទោះបីរងការបរាជ័យដ៏ធំក៏ដោយ

UN និយាយថា ជនស៊ីវិលជាង ៧.០០០នាក់ស្លាប់នៅប្រទេសអ៊ុយក្រែនចាប់តាំងពីការវាយលុក

សហភាពអឺរ៉ុបគ្រោងបង្កើតឃ្លាំងស្តុកអាវុធនុយក្លេអ៊ែរនៅជាប់ព្រំដែនរុស្ស៊ី

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជា និវត្តន៍មកដល់កម្ពុជាវិញហើយ ដោយសុវត្ថិភាព