BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

ទីក្រុង Dnipro របស់អ៊ុយក្រែនរងគ្រោះធ្ងន់ធ្ងរ ខណៈរុស្ស៊ី និងបេឡារុសធ្វើសមយុទ្ធយោធា

អ៊ុយក្រែន៖ ចំនួនអ្នកស្លាប់ពីការវាយប្រហារដោយមីស៊ីលនៅទីក្រុង Dnipro របស់អ៊ុយក្រែនបានកើនឡើង ខណៈសាកសពជាច្រើនត្រូវបានទាញយកចេញពីកម្ទេចកម្ទី នៃការវាយប្រហារដ៏ឃោរឃៅបំផុតមួយចាប់តាំងពីការវាយលុករបស់រុស្ស៊ី មកលើអ៊ុយក្រែនបានចាប់ផ្តើមកាលពី ១១ខែមកនេះ។ ប្រជាជនបានប្រមូលផ្តុំគ្នាកាលពីថ្ងៃចន្ទ ដើម្បីមើលនៅពេលដែលរថយន្តស្ទូចបានស្ទូចយកចេញផ្នែកដួលរលំ នៃអគារលំនៅឋានរចនាបទសូវៀតដែលត្រូវបានរងការបំផ្លាញ ដោយការវាយប្រហារនៅភាគកណ្តាលប្រទេសអ៊ុយក្រែនកាលពី ២ថ្ងៃមុន។ អង្គភាពសេវាសង្គ្រោះបន្ទាន់របស់អ៊ុយក្រែនបាននិយាយថា មនុស្ស ៤០នាក់បានស្លាប់ក្នុងនោះមានកុមារ ៣នាក់ ហើយមនុស្ស ៣៤នាក់ផ្សេងទៀតនៅបាត់ខ្លួននៅឡើយ។ ទីក្រុង Kyiv បានដាក់កំហុសលើទីក្រុងមូស្គូចំពោះការវាយប្រហារនេះ ប៉ុន្តែវិមានក្រឹមឡាំងបាននិយាយថា កងកម្លាំងរុស្ស៊ីមិនទទួលខុសត្រូវ និងបានចង្អុលទៅរកទ្រឹស្តីមិនអាចបញ្ជាក់បាន ដែលបានផ្សព្វផ្សាយនៅលើប្រព័ន្ធផ្សព្វផ្សាយសង្គមថា ប្រព័ន្ធការពារដែនអាកាសអ៊ុយក្រែនបានបង្កការបំផ្លាញ។ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា កងកម្លាំងប្រដាប់អាវុធរុស្ស៊ីមិនបានវាយប្រហារអគារលំនៅឋាន ឬហេដ្ឋារចនាសម្ព័ន្ធសង្គមនោះទេ។ ពួកគេវាយប្រហារគោលដៅយោធា និងបានលើកឡើងថា ការការពារដែនអាកាសរបស់ទីក្រុង Kyiv បានបាញ់ទម្លាក់មីស៊ីលរបស់រុស្ស៊ី។ ការកើនឡើងការខាតបង់ដោយសារការវាយប្រហារនេះបានកើតឡើង ខណៈប្រទេសរុស្ស៊ី និងសម្ព័ន្ធមិត្តជិតស្និទ្ធរបស់ខ្លួនគឺប្រទេសបេឡារុសធ្វើសមយុទ្ធយោធារួមគ្នា។ បេឡារុសជាប្រទេសតែមួយគត់ដែលបានគាំទ្ររុស្ស៊ី ដោយបានអនុញ្ញាតឱ្យកងកម្លាំងរបស់ទីក្រុងមូស្គូ ចាប់ផ្តើមការវាយលុករបស់ពួកគេពីទឹកដីប្រទេសបេឡារុសកាលពីខែកុម្ភៈ៕អត្ថបទ៖ ប៊ុនថន

អ្នកដំណើរអំឡុងចូលឆ្នាំថ្មីរបស់ចិនមិនបារម្ភពីវីរុស COVID-19 ទេ ទោះមានសេចក្ដីរាយការណ៍ករណីស្លាប់កើនឡើងក៏ដោយ

ចិន៖ ក្រុមជនចំណាកស្រុករបស់ចិនរាប់ពាន់នាក់បានសម្រុកចាកចេញពីទីក្រុង Shanghai ធ្វើដំណើរទៅកាន់ស្រុកកំណើតរបស់ខ្លួនកាលពីថ្ងៃចន្ទ ទី១៦មករា ដើម្បីប្រារព្ធពិធីបុណ្យចូលឆ្នាំថ្មីប្រពៃណីចិនជាមួយក្រុមគ្រួសាររបស់ពួកគេ ស្របពេលមានសេចក្ដីរាយការណ៍ពីការស្លាប់ដោយសារវីរុស COVID-19 កើនឡើងខ្ពស់នៅទូទាំងប្រទេស។ លោក ចៅ នីង កម្មករចំណាកស្រុកម្នាក់បានប្រាប់សារព័ត៌មាន Reuters នៅខាងក្រៅស្ថានីយរថភ្លើងក្រុង Shanghai ថា មនុស្សជាច្រើនកំពុងធ្វើតេស្តរកឃើញវិជ្ជមានវីរុស ហើយអ្នកខ្លះអវិជ្ជមាន។ យ៉ាងណាខ្ញុំមិនបារម្ភពីវីរុសនេះទេ។ ចំនែកអ្នកមួយចំនួនទៀតបានបង្ហាញពីភាពសប្បាយរីករាយរបស់ពួកគេ ដែលមានឱកាសធ្វើដំណើរទៅកាន់ស្រុកកំណើត ក្រោយការបិទព្រំដែន ៣ឆ្នាំមកនេះ។ ការសម្រុកធ្វើដំណើរកាន់តែច្រើនឡើង នៅមុនថ្ងៃសម្រាកនៃពិធីបុណ្យចូលឆ្នាំថ្មីតាមចន្ទគតិរបស់ចិន នៅពេលដែលមនុស្សរាប់លាននាក់វិលត្រឡប់មកពីទីក្រុងតូចធំនានា ចូលទៅកាន់ទីប្រជុំជន និងតំបន់ជនបទផ្សេងៗ បានបង្កឲ្យមានក្ដីបារម្ភកាន់តែច្រើនថា សកម្មភាពនេះនឹងនាំឲ្យមានករណីឆ្លងវីរុសកូរ៉ូណាកើនឡើង អំឡុងការប្រារព្ធពិធីបុណ្យដែលនឹងចូលមកដល់នៅថ្ងៃសៅរ៍ ទី២១មករាសប្ដាហ៍នេះ។ អ្នកដំណើរយ៉ាងច្រើនដែលមានស្ពាយកាបូប និងអូសវ៉ាលីគ្រប់ដៃបានសម្រុកចូលទៅក្នុងស្ថានីយរថភ្លើង ដ៏សំខាន់ក្នុងរដ្ឋធានីប៉េកាំងកាលពីថ្ងៃចន្ទ សំដៅទៅកាន់ស្រុកកំណើតជួបជុំគ្រួសារសម្រាប់ថ្ងៃបុណ្យចូលឆ្នាំថ្មី ដែលក្រុមអ្នកជំនាញសុខភាពបារម្ភថា វាអាចរុញដោលឲ្យមានការផ្ទុះឆ្លងរាលដាលវីរុស COVID-19 កាន់តែខ្លាំងនៅក្នុងតំបន់ជនបទនានាដែលមានសម្ភារៈបរិក្ខារពេទ្យមិនគ្រប់គ្រាន់៕អត្ថបទ៖ សុខមាន

ចិន និងអង្គការសុខភាពពិភពលោកព្រមព្រៀងពង្រឹងការផ្លាស់ប្ដូរបច្ចេកទេសក្នុងការទប់ស្កាត់ និងគ្រប់គ្រងជំងឺឆ្លង

ចិន៖ លោក Mi Feng អ្នកនាំពាក្យគណៈកម្មការសុខាភិបាលជាតិកាលពីថ្ងៃចន្ទបាននិយាយថា ប្រទេសចិន និងអង្គការសុខភាពពិភពលោកបានព្រមព្រៀងគ្នាពង្រឹងការផ្លាស់ប្ដូរបច្ចេកទេស និងកិច្ចសហប្រតិបត្តិការលើការទប់ស្កាត់ និងគ្រប់គ្រងការឆ្លងរាលដាលវីរុស និងសន្តិសុខសុខភាពសកលរួមគ្នា។ ថ្លែងក្នុងសន្និសីទសារព័ត៌មានមួយក្នុងទីក្រុងប៉េកាំង លោក Mi បាននិយាយថា ចិនតែងតែការពារប្រជាពលរដ្ឋ និងអាយុជីវិតរបស់ពួកគេសំខាន់ជាងអ្វីៗទាំងអស់ ចាប់តាំងពីជំងឺឆ្លងនេះបានផ្ទុះឡើងកាលពី ៣ឆ្នាំកន្លងទៅ និងបានជួយយ៉ាងពេញទំហឹងដល់ពិភពលោកក្នុងការប្រយុទ្ធប្រឆាំងនឹងវីរុស COVID-19។ លោកថា កាលពីថ្ងៃទី១៤ ខែមករាប្រធានគណៈកម្មការសុខាភិបាលជាតិចិនលោក Ma Xiaowei បានសន្ទនាតាមទូរស័ព្ទជាមួយប្រមុខអង្គការសុខភាពពិភពលោក លោក TedrosAdhanom Ghebreyesus ដើម្បីផ្លាស់ប្ដូរយោបល់ស្ដីពីការឆ្លើយតបវីរុសរាតត្បាតសកល។ អង្គការសុខភាពបានស្នើឲ្យប្រទេសចិនបញ្ចេញព័ត៌មាន ស្ដីពីជំងឺឆ្លងនេះជាសាធារណៈ។ គណៈកម្មការនេះក៏បានកត់សម្គាល់ផងដែរថា រដ្ឋាភិបាលចិនកំពុងបង្កើនកិច្ចខិតខំប្រឹងប្រែងពង្រីកការព្យាបាលតាមគ្លីនិក និងសេវាសង្គ្រោះបន្ទាន់គ្រប់ក្រុមមនុស្សទាំងអស់៕អត្ថបទ៖ សុខមាន

មនុស្ស ៦នាក់ស្លាប់ក្នុងហេតុការណ៍បាញ់ប្រហារនៅលំនៅឋានមួយក្នុងរដ្ឋ California សហរដ្ឋអាមេរិក

អាមេរិក៖ ក្រុមមន្ត្រីនគរបាលបាននិយាយថា មនុស្ស ៦នាក់រួមទាំងម្ដាយវ័យ ១៧ឆ្នាំ និងកូនតូចអាយុ ៦ខែបានស្លាប់ក្នុងការបាញ់ប្រហារកាលពីព្រឹកថ្ងៃចន្ទ ទី១៦មករា នៅលំនៅឋានមួយក្នុងភាគកណ្ដាលរដ្ឋ California សហរដ្ឋអាមេរិក ហើយក្រុមអាជ្ញាធរកំពុងតាមចាប់ខ្លួនជនសង្ស័យយ៉ាងហោចណាស់ ២នាក់។ ការិយាល័យស្នងការតំបន់ទូល៊ែ (Tulare) បាននិយាយថា នគរបាលបានឆ្លើយតបទៅនឹងរបាយការណ៍នៃការបាញ់បោះដោយសេរីជាច្រើនគ្រាប់ ទៅលើលំនៅឋានមួយក្នុងតំបន់ហ្គោសិន (Goshen) ភាគខាងកើតទីក្រុងវីសាលីយ៉ា (Visalia)។ លោក Mike Boudreaux បានប្រាប់ក្រុមអ្នកសារព័ត៌មានថា ពួកលោកជឿថា នេះមិនមែនជាការប្រព្រឹត្តិអំពើហិង្សាធម្មតាទេ។ ពួកលោកជឿថា ហេតុការណ៍នេះគឺជាការដាក់គោលដៅលើក្រុមគ្រួសារមួយនេះដែរម្ដង។ លោកជឿថា ពិតមានជាប់ពាក់ព័ន្ធនឹងក្រុមជនទំនើងក្នុងករណីនេះ ពួកលោកកំពុងបើកការស៊ើបអង្កេតទាក់ទងនឹងគ្រឿងញៀនផងដែរ។ លោកថា មានជនរងគ្រោះម្នាក់ត្រូវបានរកឃើញនៅរស់រានមានជីវិត និងរងរបួស នៅពេលក្រុមអាជ្ញាធរទៅដល់កន្លែងកើតហេតុ តែក្រោយមកត្រូវបានប្រកាសថាបានស្លាប់នៅមន្ទីរពេទ្យ។ នគរបាលបានរកឃើញជនរងគ្រោះស្លាប់ ២នាក់នៅលើផ្លូវ និងជនរងគ្រោះទី៣ នៅមាត់ទ្វារ។ លោកបានបន្ថែមថា ជនរងគ្រោះ ៣នាក់ទៀតត្រូវបានរកឃើញនៅក្នុងផ្ទះ រួមទាំងបុរសម្នាក់ដែលនៅមានជីវិត តែក្រោយមកបានស្លាប់នៅមន្ទីរពេទ្យនោះ៕អត្ថបទ៖ សុខមាន

ចិនត្រៀមទប់ទល់ការហក់ឡើងករណីឆ្លងវីរុស COVID-19 ថ្ងៃឈប់សម្រាក ខណៈពលរដ្ឋសម្រុកទៅស្រុកកំណើត

ចិន៖ ក្រុមអ្នកដំណើរដែលស្ពាយ និងអូសវ៉ាលីគ្រប់ដៃបានសម្រុកទៅកាន់ស្ថានីយរថភ្លើង និងអាកាសយានដ្ឋាននានានៅក្នុងទីក្រុងធំៗរបស់ប្រទេសចិននៅថ្ងៃចន្ទនេះ សំដៅទៅកាន់លំនៅឋានសម្រាប់រដូវបុណ្យឈប់សម្រាកនៅសប្ដាហ៍នេះ ដែលក្រុមអ្នកជំនាញសុខភាពបារម្ភថា អាចរុញឲ្យការឆ្លងរាលដាលវីរុស COVID-19 ហក់ឡើងខ្ពស់ ដែលបានអះអាងថាមានមនុស្សរាប់ពាន់នាក់ស្លាប់។ មុនថ្ងៃឈប់សម្រាកក្នុងឱកាសបុណ្យចូលឆ្នាំថ្មីប្រពៃណីចិន ដែលគេស្គាល់ថាជាបុណ្យនិទាឃៈរដូវដែលនឹងចូលមកដល់ជាផ្លូវការនៅថ្ងៃទី២១ ខែមករាសប្ដាហ៍នេះ សារព័ត៌មានរដ្ឋបានផ្សព្វផ្សាយព្រោងព្រាតពីស្ថានភាពនៅមន្ទីរពេទ្យ និងគ្លីនិកនៅតាមតំបន់ជនបទ និងការបង្កើន ការផ្គត់ផ្គង់ឱសថ និងគ្រឿងបរិក្ខារផ្សេងៗ។ វេជ្ជបណ្ឌិតម្នាក់នៅក្នុងខេត្តសានស៊ី បាននិយាយនៅក្នុងអត្ថបទចេញផ្សាយដោយសារព័ត៌មានក្នុងស្រុក Red Star News ថា ការឆ្លងវីរុស COVID-19 ខ្ពស់បំផុតនៅក្នុងភូមិស្រុករបស់យើងបានកើនឡើងខ្ពស់ ប៉ុន្តែពិធីបុណ្យនិទាឃៈរដូវជិតចូលមកដល់ ហើយក្រុមអ្នកភូមិពិសេសមនុស្សចាស់នឹងប្រឈមខ្ពស់នៃការឆ្លងវីរុសនេះ។ រថភ្លើងល្បឿនលឿនតភ្ជាប់ពីតំបន់រដ្ឋបាលពិសេសទីក្រុង Hong Kong និងចិនដីគោកបានចាប់ផ្ដើមធ្វើប្រតិបត្តិការឡើងវិញកាលពីថ្ងៃអាទិត្យ ក្រោយការផ្អាកសេវាកម្ម ៣ឆ្នាំ។ យោងតាមសារព័ត៌មាន Reuters ស្ថានីយរថភ្លើងដ៏សំខាន់មួយរបស់ទីក្រុងប៉េកាំង បានពេញណែនដោយអ្នកដំណើរដែលកំពុងចាកចេញពីរដ្ឋធានីនេះ ក្នុងពេលប៉ុន្មានថ្ងៃថ្មីៗនេះត្រឡប់ទៅកាន់ស្រុកកំណើតរបស់ខ្លួន ក្នុងឱកាសពិធីបុណ្យចូលឆ្នាំថ្មីនេះ៕អត្ថបទ៖ សុខមាន

សម្តេចតេជោ ហ៊ុន សែន ចាប់ផ្តើមបំពេញទស្សនកិច្ចផ្លូវការ នៅសាធារណរដ្ឋម៉ាល់ឌីវ

នៅព្រឹកថ្ងៃទី១៧ ខែមករា ឆ្នាំ ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់របស់កម្ពុជា ចាប់ផ្ដើមបំពេញទស្សកិច្ចផ្លូវការ នៅសាធារណរដ្ឋម៉ាល់ឌីវ ដោយការទទួលគារវកិច្ចស្វាគមន៍យ៉ាងកក់ក្ដៅបំផុត ដោយរបស់ ឯកឧត្តម អ៊ីប្រាហ៊ីម ម៉ូហាមេដ សូលី ប្រធានាធិបតីសាធារណរដ្ឋម៉ាល់ឌីវ នៅវិមានប្រធានាធិបតី នៅទីក្រុងម៉ាល សាធារណរដ្ឋម៉ាល់ឌីវ។សម្តេចតេជោ នាយករដ្ឋមន្ត្រីកម្ពុជាបានអញ្ជើញចុះហត្ថលេខាលើសៀវភៅក្រាំងមាស និងថតរូបអនុស្សាវរីយ៍ និងបានអញ្ជើញចូលរួមប្រជុំការងារជាមួយ ប្រធានាធិបតីម៉ាល់ឌីវ ឯកឧត្តម អ៊ីប្រាហ៊ីម ម៉ូហាមេដ សូលី ផងដែរ។ដំណើរទស្សនកិច្ចរបស់ សម្តេចតេជោនាយករដ្ឋមន្ត្រី ទៅកាន់ប្រទេសម៉ាល់ឌីវនាពេលនេះ នឹងផ្ដល់កាលានុវត្តភាពសម្រាប់ភាគីទាំងពីរធ្វើការពិនិត្យមើលឡើងវិញនូវដែនវិសាលភាពទាំងមូលនៃកិច្ចសហប្រតិបត្តិការទ្វេភាគី រួមទាំងការស្វែងរកអភិក្រមថ្មីៗ ដើម្បីពង្រឹងបន្ថែមទៀតនូវកិច្ចសហប្រតិបត្តិការលើវិស័យពាណិជ្ជកម្ម ការវិនិយោគ ការតភ្ជាប់ សុខាភិបាល វប្បធម៌ កសិកម្ម និងការអភិវឌ្ឍធនធានមនុស្ស ដែលផ្តល់ផលប្រយោជន៍ទៅវិញទៅមកសម្រាប់ប្រទេស និងប្រជាជនទាំងពីរ។ខណៈនេះដែរសម្ដេចតេជោ ហ៊ុន សែន និងឯកឧត្តម អ៊ីប្រាហ៊ីម ម៉ូហាមេដ សូលី បាននឹងកំពុងធ្វើសន្និសីទសារព័ត៌មានរួមគ្នា ពីវិមានប្រធានាធិបតីនៃសាធារណរដ្ឋម៉ាឌៀវ ផងដែរ។ https://fb.watch/i4HuuYb0zo/

លោក Zelenskyy និយាយថា មនុស្ស ៣០នាក់ស្លាប់ក្នុងការវាយប្រហារដោយមីស៊ីលរបស់រុស្ស៊ី

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃអាទិត្យបាននិយាយថា ប្រឹងប្រែងជួយសង្គ្រោះនៅទីក្រុង Dnipro នឹងបន្តដរាបណានៅតែមានឱកាសស្វែងរកអ្នកនៅរស់ បន្ទាប់ពីមីស៊ីលរបស់រុស្ស៊ីបានវាយប្រហារអគារអឺផាត់មឹនមួយកន្លែង។លោក Zelenskyy និយាយថា មនុស្ស ៣០នាក់ត្រូវបានចុះបញ្ជីរួចហើយថាបានស្លាប់ រួមមានទាំងកុមារម្នាក់ ហើយមនុស្សជាង ៣០នាក់ផ្សេងទៀតត្រូវបានរាយការណ៍ថាបាត់ខ្លួន។ អភិបាលក្រុង Dnipro លោក Borys Filatov បានប្រាប់សារព័ត៌មានរ៉យទ័រកាលពីថ្ងៃអាទិត្យថា ឱកាសនៃការជួយសង្គ្រោះអ្នកនៅរស់រានមានជីវិតបន្ថែមទៀតគឺមានតិចតួច។ អគាអឹផាត់មឹនរនេះត្រូវបានវាយប្រហារ ក្នុងអំឡុងពេលការវាយប្រហាររបស់រុស្ស៊ីជាបន្តបន្ទាប់ទៅលើអ៊ុយក្រែនកាលពីថ្ងៃសៅរ៍ ដែលជាការវាយប្រហារចុងបំផុតនៃការវាយប្រហារដោយមីស៊ីល ក្នុងរយៈពេលប៉ុន្មានខែថ្មីៗនេះលើហេដ្ឋារចនាសម្ព័ន្ធសំខាន់ៗ ដែលបានបណ្តាលឱ្យប្រទេសនេះធ្លាក់ចូលទៅក្នុងភាពងងឹត និងបណ្តាលឲ្យជនស៊ីវិលច្រើននាក់ស្លាប់។រុស្ស៊ីមានផែនការធ្វើសមយុទ្ធទ័ពអាកាសរួមគ្នាជាមួយប្រទេសបេឡារុស ដែលជាសម្ព័ន្ធមិត្តជិតខាងចាប់ពីថ្ងៃចន្ទនេះ ដល់ថ្ងៃទី១ ខែកុម្ភៈ ដែលប្រទេសបេឡារុសមានព្រំដែនជាប់ប្រទេសអ៊ុយក្រែន។ នាយសេនាធិការនៃកងកម្លាំងប្រដាប់អាវុធអ៊ុយក្រែននិយាយថា រុស្ស៊ីបាននឹងកំពុងបង្កើតក្រុមទ័ពអាកាសរបស់ខ្លួន នៅក្នុងប្រទេសបេឡារុសក្នុងការដឹកនាំសមយុទ្ធរួម។ កងកម្លាំងប្រដាប់អាវុធអ៊ុយក្រែនព្រមានថា ការគំរាមកំហែងនៃការវាយប្រហារដោយមីស៊ីល និងការវាយប្រហារតាមអាកាសពីប្រទេសបេឡារុសកំពុងកើនឡើង៕អត្ថបទ៖ ប៊ុនថន

ចិនរាយការណ៍ករណីស្លាប់ពាក់ព័ន្ធវីរុស COVID-19 កើនឡើងខ្ពស់ ក្រោយការរិះគន់ទិន្នន័យអ្នកឆ្លង និងស្លាប់

ចិន៖ ប្រទេសចិនបាននិយាយកាលពីចុងសប្ដាហ៍នេះថា មនុស្សជិត ៦០.០០០នាក់បានស្លាប់នៅក្នុងមន្ទីរពេទ្យ ចាប់តាំងពីខ្លួនបានបោះបង់ចោលគោលនយោបាយគ្មានវីរុស COVID ឬ zero-Covid កាលពីខែមុន ជាការកើនឡើងដ៏ច្រើនពីចំនួនដែលបានរាយការណ៍កាពីកន្លងទៅ ហើយចំនួននេះត្រូវបានបញ្ចេញ ក្រោយការរិះគន់ពីការផ្ដល់ទិន្នន័យស្លាប់ និងឆ្លងវីរុសកូរ៉ូណារបស់ប្រទេសនេះ។ កាលពីដើមខែធ្នូ ទីក្រុងប៉េកាំងបានបោះបង់ចោលយ៉ាងតក់ក្រហល់ នូវការរឹតត្បិតរបស់ខ្លួនរយៈពេល ៣ឆ្នាំទប់ស្កាត់ការឆ្លងរាលដាលវីរុសដោយការធ្វើតេស្តញឹកញាប់ ហាមប្រាមការធ្វើដំណើរ និងការបិទខ្ទប់ទ្រង់ទ្រាយធំក្រោយការតវ៉ាកាលពីដើមខែវិច្ឆិកា ហើយករណីឆ្លងបានហក់ឡើងចាប់តាំងពីពេលនោះមក នៅទូទាំងប្រទេសដែលមានប្រជាជន ១.៤ពាន់លាននាក់។ លោក ជីយ៉ាវ យ៉ាហ៊ុយ (Jiao Yahui) ប្រធានការិយាល័យរដ្ឋបាលវេជ្ជសាស្ត្រ ក្រោមឱវាទគណៈកម្មការសុខាភិបាលជាតិចិនបានប្រាប់សន្និសីទសារព័ត៌មានថា នៅចន្លោះថ្ងៃទី៨ ខែធ្នូ និង១២ ខែមករា ឆ្នាំ២០២៣ នេះចំនួនអ្នកស្លាប់ពាក់ព័ន្ធនឹងវីរុស Covid នៅក្នុងបណ្ដាមន្ទីរពេទ្យនានាទូទាំងប្រទេសចិនបានឡើងដល់ ៥៩.៩៣៨នាក់។ អង្គការសុខភាពពិភពលោកដែលកាលពីដើមសប្ដាហ៍នេះបាននិយាយថា ចិនពុំបានរាយការណ៍ច្បាស់លាស់នៃចំនួនអ្នកស្លាប់ដោយសារវីរុស និងបានអំពាវនាវឲ្យផ្ដល់ព័ត៌មានបន្ថែមទៀតកាលពីថ្ងៃសៅរ៍ បានស្វាគមន៍ការប្រកាសរបស់ទីក្រុងប៉េកាំង ខណៈកំពុងបន្តស្នើឲ្យផ្ដល់ទិន្នន័យកាន់តែលម្អិតថែមទៀត៕ អត្ថបទ៖ សុខមាន

រញ្ជួយដីកម្រិត ៦.២រ៉ិចទ័រធ្វើឲ្យរញ្ជួយភាគខាងលិចប្រទេសឥណ្ឌូនេស៊ី ប៉ុន្តែគ្មានការជូនដំណឹងអំពីរលកយក្សស៊ូណាមិ

ឥណ្ឌូនេស៊ី៖ រញ្ជួយដីនៅបាតសមុទ្រដ៏ខ្លាំងបានធ្វើឲ្យរញ្ជួយ នៅភាគខាងលិចប្រទេសឥណ្ឌូនេស៊ីនៅព្រឹកថ្ងៃចន្ទ ទី១៦ ខែមករានេះ។ ប៉ុន្តែភ្លាមៗនៅពុំទាន់មានរបាយការណ៍អំពីការខូចខាតធ្ងន់ធ្ងរ ឬអ្នកស្លាប់ និងរបួសនៅឡើយទេ។ ទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក (USGS) បាននិយាយថា ការរញ្ជួយដីកម្រិត ៦.២រ៉ិចទ័របានកើតឡើងនៅចម្ងាយ ៤៨គីឡូម៉ែត្រភាគអាគ្នេយ៍ទីក្រុង Singkil ជាទីក្រុងឆ្នេរសមុទ្រក្នុងខេត្តអាឆេ (Aceh) ក្នុងជម្រៅ ៣៧គីឡូម៉ែត្រ។ រញ្ជួយដីបានកើតឡើងនៅម៉ោងប្រហែល ៦.៣០ព្រឹកម៉ោងក្នុងតំបន់ ហើយទីភ្នាក់ងារ USGS បានពិនិត្យឡើងវិញពីការវាស់ស្ទង់ដំបូងនៃការរញ្ជួយដីនៅត្រឹមកម្រិត ៦.០រ៉ិចទ័រដោយមានជម្រៅ ៤៨គីឡូម៉ែត្រ។ ទីភ្នាក់ងារឧតុនិយម អាកាសធាតុ និងភូមិសាស្ត្ររបស់ប្រទេសឥណ្ឌូនេស៊ីបានដាក់កម្រិត ៦.២រិចទ័រ និងបាននិយាយថា ពុំមានការគំរាមកំហែងពីរលកយក្សស៊ូណាមិនោះទេ ខណៈទីភ្នាក់ងារគ្រោះមហន្តរាយរបស់ប្រទេសនិយាយថា ពុំមានរបាយការណ៍ភ្លាមៗអំពីអ្នកស្លាប់ ឬការខូចខាតធ្ងន់ធ្ងរនោះទេ។ លោក Abdul Muhari អ្នកនាំពាក្យទីភ្នាក់ងារកាត់បន្ថយគ្រោះមហន្តរាយ បាននិយាយនៅក្នុងសេចក្តីថ្លែងការណ៍ថា ការរញ្ជួយដីបានធ្វើឱ្យមនុស្សមានការភ័យស្លន់ស្លោ។ វាត្រូវបានគេសន្និដ្ឋានថា មានចន្លោះពី ៣ ទៅ ១០វិនាទីនៅក្នុងស្រុកចំនួន ៤ ក្នុងខេត្តអាឆេ (Aceh) និងភាគខាងជើងខេត្តកោះ Sumatra។ ប្រទេសឥណ្ឌូនេស៊ីដែលជាប្រជុំកោះដ៏ធំមានប្រជាជនជាង ២៧០លាននាក់ តែងតែរងការវាយប្រហារដោយការរញ្ជួយដី និងបំផ្ទុះភ្នំភ្លើង ដោយសារតែទីតាំងរបស់ប្រទេសនៅលើកងភ្លើង។ រញ្ជួយដីកម្រិត ៥.៦រ៉ិចទ័រកាលពីថ្ងៃទី២១ ខែវិច្ឆិកាឆ្នាំមុន បានបណ្តាលឲ្យមនុស្សយ៉ាងហោចណាស់ ៣៣១នាក់ស្លាប់ និងរបួសជិត ៦០០នាក់នៅក្នុងទីក្រុងស៊ានជូ (Cianjur) ភាគខាងលិចកោះជ្វា។ វាជាគ្រោះមហន្តរាយខ្លាំងបំផុតនៅក្នុងប្រទេសឥណ្ឌូនេស៊ី ចាប់តាំងពីការរញ្ជួយដី និងរលកយក្សស៊ូណាមិក្នុងឆ្នាំ២០១៨ នៅកោះ Sulawesi បណ្តាលឲ្យមនុស្សប្រហែល ៤,៣៤០នាក់ស្លាប់៕អត្ថបទ៖ ប៊ុនថន

សម្ដេចតេជោ ហ៊ុន សែន ជំរុញឲ្យបំផ្ទុះការផ្សព្វផ្សាយដំណើររាប់ថយក្រោយ ១០០ថ្ងៃឆ្ពោះទៅស៊ីហ្គេម២០២៣

ស៊ីហ្គេម៖ សម្តេចតេជោ ហ៊ុន សែន នាយរកដ្ឋមន្ត្រីនៃព្រះរាជាណាចក្រកម្ពុជា បានជំរុញដល់ប្រព័ន្ធផ្សព្វផ្សាយទាំងអស់បំផ្ទុះការផ្សព្វផ្សាយពីដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជានាខែឧសភាខាងមុខ ពិសេសក្នុងឱកាសនៅសល់ ១០០ថ្ងៃ គិតត្រឹមថ្ងៃទី២៥ ខែមករាខាងមុខ ដើម្បីបំផុសស្មារតីគាំទ្រវិស័យកីឡាជាតិក្រោមពាក្យស្លោក “កីឡារស់ក្នុងសន្ដិភាព”។ ការជំរុញរបស់សម្ដេចតេជោនាយករដ្ឋមន្ដ្រីធ្វើឡើងក្នុងពិធីជួបសំណេះសំណាល និងពិសាអាហារសាមគ្គីលើកទី៥ ជាមួយអ្នកសារព័ត៌មានប្រមាណជិត ៥ពាន់នាក់កាលពីថ្ងៃទី១៤ ខែមករា ឆ្នាំ២០២៣ កន្លងទៅ នៅសាលពិព័រណ៍កោះពេជ្រ។ សម្ដេចតេជោ ហ៊ុន សែន មានប្រសាសន៍ថា នៅថ្ងៃទី២៥ ខែមករា ឆ្នាំ២០២៣ ខាងមុខនេះ ប្រព័ន្ធផ្សព្វផ្សាយទាំងអស់សូមចូលរួមយុទ្ធនាការផ្សព្វផ្សាយការរាប់ថយក្រោយ ១០០ថ្ងៃនៃព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា ឱ្យបានផុលផុសដើម្បីឲ្យប្រជាពលរដ្ឋ ទាំងក្នុង និងក្រៅប្រទេសបានដឹង និងបំផុសស្មារតីលើកទឹកចិត្តដល់កីឡាករ-កីឡាការិនីឲ្យខិតខំហ្វឹកហាត់ ដើម្បីទទួលបានមេដាយច្រើនក្នុងការប្រកួតនាពេលខាងមុខ។ គួរបញ្ជាក់ថា ស៊ីហ្គេមលើកទី៣២ នឹងប្រព្រឹត្តទៅពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ ខាងមុខ ដោយគិតត្រឹមថ្ងៃទី១៦ ខែមករានេះគឺនៅសល់រយៈពេល ១០៩ថ្ងៃ។ ប៉ុន្ដែនៅថ្ងៃទី២៥ ខែមករាខាងមុខ គណៈកម្មាធិការជាតិ CAMSOC ក្រោមការដឹកនាំរបស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ នឹងរៀបចំនូវកម្មវិធីរាប់ថយក្រោយ ១០០ថ្ងៃនៃដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា ហើយក៏ដើម្បីបង្ហាញថា កម្ពុជាបានត្រៀមខ្លួនរួចរាល់ ដើម្បីទទួលរៀបចំការប្រកួតកីឡាប្រចាំតំបន់ ២ឆ្នាំម្ដងនេះផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

មន្ត្រីសុខាភិបាល៖ ជំងឺគ្រុនឈាម នៅស្រីលង្កា ឈានដល់កម្រិតរាតត្បាត ខណៈការឆ្លងលើស ៥០.០០០ករណី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទីក្រុង Dnipro របស់អ៊ុយក្រែនរងគ្រោះធ្ងន់ធ្ងរ ខណៈរុស្ស៊ី និងបេឡារុសធ្វើសមយុទ្ធយោធា

អ្នកដំណើរអំឡុងចូលឆ្នាំថ្មីរបស់ចិនមិនបារម្ភពីវីរុស COVID-19 ទេ ទោះមានសេចក្ដីរាយការណ៍ករណីស្លាប់កើនឡើងក៏ដោយ

មនុស្ស ៦នាក់ស្លាប់ក្នុងហេតុការណ៍បាញ់ប្រហារនៅលំនៅឋានមួយក្នុងរដ្ឋ California សហរដ្ឋអាមេរិក

ចិនត្រៀមទប់ទល់ការហក់ឡើងករណីឆ្លងវីរុស COVID-19 ថ្ងៃឈប់សម្រាក ខណៈពលរដ្ឋសម្រុកទៅស្រុកកំណើត

សម្តេចតេជោ ហ៊ុន សែន ចាប់ផ្តើមបំពេញទស្សនកិច្ចផ្លូវការ នៅសាធារណរដ្ឋម៉ាល់ឌីវ

លោក Zelenskyy និយាយថា មនុស្ស ៣០នាក់ស្លាប់ក្នុងការវាយប្រហារដោយមីស៊ីលរបស់រុស្ស៊ី

ចិនរាយការណ៍ករណីស្លាប់ពាក់ព័ន្ធវីរុស COVID-19 កើនឡើងខ្ពស់ ក្រោយការរិះគន់ទិន្នន័យអ្នកឆ្លង និងស្លាប់

សម្ដេចតេជោ ហ៊ុន សែន ជំរុញឲ្យបំផ្ទុះការផ្សព្វផ្សាយដំណើររាប់ថយក្រោយ ១០០ថ្ងៃឆ្ពោះទៅស៊ីហ្គេម២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទីក្រុង Dnipro របស់​អ៊ុយ​ក្រែ​ន​រងគ្រោះ​ធ្ងន់ធ្ងរ​ ខណៈ​រុស្ស៊ី និង​បេឡា​រុស​ធ្វើ​សមយុទ្ធ​យោធា

មនុស្ស ​៦​នាក់​ស្លាប់​ក្នុង​ហេតុការណ៍​បាញ់​ប្រហារ​នៅ​លំនៅឋាន​មួយ​ក្នុង​រដ្ឋ California សហរដ្ឋអាមេរិក​

ចិន​ត្រៀម​ទប់ទល់​ការ​ហក់​ឡើង​ករណី​ឆ្លង​វីរុស COVID-19 ថ្ងៃ​ឈប់សម្រាក ​ខណៈ​ពលរដ្ឋ​សម្រុក​ទៅ​ស្រុកកំណើត

សម្តេចតេជោ ហ៊ុន សែន ចាប់ផ្តើមបំពេញទស្សនកិច្ចផ្លូវការ នៅសាធារណរដ្ឋម៉ាល់ឌីវ

លោក Zelenskyy​ និយាយថា ​មនុស្ស​ ៣០​នាក់​ស្លាប់​ក្នុង​ការ​វាយប្រហារ​ដោយ​មី​ស៊ី​ល​របស់​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទីក្រុង Dnipro របស់អ៊ុយក្រែនរងគ្រោះធ្ងន់ធ្ងរ ខណៈរុស្ស៊ី និងបេឡារុសធ្វើសមយុទ្ធយោធា

មនុស្ស ៦នាក់ស្លាប់ក្នុងហេតុការណ៍បាញ់ប្រហារនៅលំនៅឋានមួយក្នុងរដ្ឋ California សហរដ្ឋអាមេរិក

ចិនត្រៀមទប់ទល់ការហក់ឡើងករណីឆ្លងវីរុស COVID-19 ថ្ងៃឈប់សម្រាក ខណៈពលរដ្ឋសម្រុកទៅស្រុកកំណើត

លោក Zelenskyy និយាយថា មនុស្ស ៣០នាក់ស្លាប់ក្នុងការវាយប្រហារដោយមីស៊ីលរបស់រុស្ស៊ី