BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

ប្រទេសចិនបន្ថែមផ្នែកសង្គ្រោះបន្ទាន់ និងសម្ភារៈបម្រុងផ្នែកវេជ្ជសាស្ត្រ ដើម្បីទប់ទល់ការកើនឡើងវីរុស COVID-19

ចិន៖ មន្ត្រីជាន់ខ្ពស់ក្រសួងសុខាភិបាលប្រទេសចិន បាននិយាយនៅក្នុងសន្និសីទសារព័ត៌មានក្នុងទីក្រុងប៉េកាំងកាលពីថ្ងៃអង្គារថា ប្រទេសចិននឹងបន្តពង្រីកផ្នែកសង្គ្រោះបន្ទាន់ (ICUs) និងបន្ថែមសម្ភារៈបម្រុងនៃធនធានវេជ្ជសាស្ត្រ និងកន្លែងព្យាបាលសម្រាប់ករណីធ្ងន់ធ្ងរនៃវីរុស COVID-19 ក្នុងគោលបំណងដើម្បីទប់ទល់ការឡើងខ្ពស់នៃជំងឺ COVID-19។ លោកស្រី Jiao Yahui ប្រធានការិយាល័យរដ្ឋបាលវេជ្ជសាស្ត្រ របស់គណៈកម្មាធិការសុខាភិបាលជាតិបាននិយាយថា បច្ចុប្បន្នប្រទេសចិនមានគ្រែសង្គ្រោះបន្ទាន់ (ICU) គ្រប់គ្រាន់ដោយគ្រែមន្ទីរពេទ្យមានប្រហែល ៥.៦លាននៅមន្ទីរពេទ្យ ដោយមានអត្រាចូលសម្រាកព្យាបាលបច្ចុប្បន្នប្រហែល ៦០ភាគរយក្នុងរយៈពេលប៉ុន្មានថ្ងៃថ្មីៗនេះ។ បច្ចុប្បន្ននេះនៅតាមខេត្តដែលជួបប្រទះការកើនឡើងខ្ពស់បំផុតនៃករណីធ្ងន់ធ្ងរ ធនធានគ្រែសង្គ្រោះបន្ទាន់សម្រាប់អ្នកជំងឺជិតឈានដល់ការខ្វះខាតខ្លាំង ដូច្នេះចាំបាច់ត្រូវបន្ថែម ឬពន្លឿនការផ្លាស់ប្តូរគ្រែធម្មតាទៅជាគ្រែសង្គ្រោះបន្ទាន់។ លោកស្រីនិយាយថា ជាទូទៅធនធានគ្រែមន្ទីរពេទ្យជាតិបច្ចុប្បន្ន និងធនធានឧបករណ៍អាចបំពេញតម្រូវការអ្នកជំងឺធ្ងន់ធ្ងរ ហើយយើងនឹងបន្តពង្រឹងបន្ថែមនូវការត្រួតពិនិត្យ ស្ថានភាពជំងឺរាតត្បាតនៅពេលវាវិវត្តន៍។ ទន្ទឹមនឹងនោះ យើងក៏នឹងទាមទារឱ្យមានកិច្ចសហប្រតិបត្តិការ និងការគាំទ្រអន្តរតំបន់ ព្រមទាំងមានការសម្របសម្រួលឲ្យទាន់ពេលវេលា៕អត្ថបទ៖ ប៊ុនថន

អតីតប្រធានាធិបតីរុស្ស៊ីព្យាករណ៍ការផ្ទុះសង្គ្រាមនៅក្នុងសហភាពអឺរ៉ុប

រុស្ស៊ី៖ អតីតប្រធានាធិបតីរុស្ស៊ីលោក Dmitry Medvedev ដែលជាសម្ព័ន្ធមិត្តស្មោះត្រង់របស់លោកប្រធានាធិបតី Vladimir Putin ត្រូវបានផ្ដល់ការងារថ្មីមួយនៅសប្ដាហ៍នេះ បានព្យាករណ៍សង្គ្រាមរវាងអាល្លឺម៉ង់ និងបារាំងនៅឆ្នាំក្រោយ និងសង្គ្រាមស៊ីវិលនៅសហរដ្ឋអាមេរិក ដែលនឹងនាំឲ្យមហាសេដ្ឋីជំនួញលោក Elon Musk ក្លាយជាប្រធានាធិបតី។ លោក Medvedev ដែលជាអនុប្រធានក្រុមប្រឹក្សាសន្តិសុខផ្ដល់យោបល់របស់លោក Putin បានកាន់តំណែងជាប្រធានាធិបតីអំឡុង ៤ឆ្នាំដែលកាលនោះលោក Putin បានកាន់តំណែងជានាយករដ្ឋមន្ត្រី។ លោកទំនងជាត្រូវបានគេមើលឃើញឡើងកូដនៅក្នុងវិមានក្រឹមឡាំង ដែលបាននិយាយកាលពីថ្ងៃចន្ទថា ពេលនេះលោកនឹងកាន់តំណែងជាអនុប្រធានរបស់លោក Putin ក្នុងគណៈកម្មការត្រួតពិនិត្យឧស្សាហកម្មយោធា។ នៅក្នុងតារាងនៃការព្យាករណ៍របស់លោកសម្រាប់ឆ្នាំ២០២៣ ខាងមុខដែលបានចេញផ្សាយនៅលើបណ្ដាញ Telegram និងគណនី Twitter ផ្ទាល់ខ្លួនរបស់លោក លោកក៏បានទស្សន៍ទាយផងដែរពីការចូលជាសមាជិកជាថ្មី របស់សហភាពអឺរ៉ុបពីសំណាក់ចក្រភពអង់គ្លេស ដែលនឹងបានត្រឹមតែភាពបរាជ័យត្រឡប់មកវិញ៕អត្ថបទ៖ សុខមាន

តុលាការយោធាមីយ៉ាន់ម៉ានឹងប្រកាសសាលក្រមចុងក្រោយក្នុងសំណុំរឿងក្ដីរបស់លោកស្រី Aung San Suu Kyi នៅថ្ងៃសុក្រសប្ដាហ៍នេះ

មីយ៉ាន់ម៉ា៖ ប្រភពមួយដែលបានដឹងពីសំណុំរឿងក្ដីរបស់លោកស្រីបាននិយាយថា តុលាការនៅក្នុងសហភាពមីយ៉ាន់ម៉ាដែលគ្រប់គ្រងដោយយោធានឹងប្រកាសសាលក្រមចុងក្រោយរបស់ខ្លួន ក្នុងសំណុំរឿងប្រឆាំងនឹងមេដឹកនាំដែលត្រូវបានទម្លាក់ចេញពីតំណែងគឺលោកស្រី Aung San Suu Kyi នៅថ្ងៃសុក្រសប្ដាហ៍នេះ ដែលជាការសរុបដំណើរការរឿងក្ដីដ៏វែងឆ្ងាយ ដែលត្រូវបានថ្កោលទោសនៅក្នុងបណ្ដាប្រទេសលោកខាងលិចថា ជារឿងគ្មានការអៀនខ្មាស់។ លោកស្រី Suu Kyi វ័យ ៧៧ឆ្នាំ ត្រូវបានចាប់ខ្លួននៅពេលដែលយោធាបានដណ្តើមអំណាចកាលពីថ្ងៃទី១ ខែកុម្ភៈ ឆ្នាំមុននៅក្នុងរដ្ឋប្រហារ ដែលបានបញ្ចប់រយៈពេលមួយទសវត្សរ៍នៃលទ្ធិប្រជាធិបតេយ្យ និងបានធ្វើឲ្យប្រទេសនេះធ្លាក់ចូលទៅក្នុងភាពវឹកវរ។ លោកស្រីត្រូវបានឃុំខ្លួននៅពន្ធនាគារក្នុងទីក្រុងណៃពីដោ (Naypyitaw) ដោយគ្មានមេធាវី លើកលែងតែថ្ងៃជនុំជំរះក្ដី បន្ទាប់ពីត្រូវបានឃុំខ្លួននៅក្នុងផ្ទះនៅក្នុងទីតាំងដែលត្រូវបានគេដឹង។ ម្ចាស់ជយលាភីណូបែលសន្តិភាព ដែលជាឥស្សរជនជានិមិត្តរូបល្បីល្បាញបំផុតរបស់សហភាពមីយ៉ាន់ម៉ា ត្រូវបានផ្ដន្ទាទោសជាច្រើនករណី និងបានកាត់ទោសឲ្យជាប់ពន្ធនាគារកំបាំងមុខយ៉ាងហោចណាស់ ២៦ឆ្នាំកាលពី ១២ខែកន្លងទៅក្នុងសំណុំរឿងក្ដី ដែលត្រូវបានទាត់ចោលដោយក្រុមអ្នករិះគន់ថា ជាឈុតឆាកបង្កើតឡើងដើម្បីបំបាក់ក្រុមប្រឆាំងដ៏ធំបំផុតរបស់របបយោធាមួយនេះ៕អត្ថបទ៖ សុខមាន

ពលរដ្ឋចិនប្រញាប់ប្រញាល់កក់សំបុត្រធ្វើដំណើរទៅក្រៅប្រទេស ខណៈប្រកាសបើកព្រំដែននៅខែក្រោយ

ចិន៖ ប្រជាជនចិនបានប្រញាប់ប្រញាល់កក់សំបុត្រធ្វើដំណើរទៅក្រៅប្រទេស បន្ទាប់ពីទីក្រុងប៉េកាំងបានប្រកាសថា ខ្លួននឹងបើកព្រំដែនឡើងវិញនៅខែក្រោយ។ រដ្ឋបាលទេសន្តរប្រវេសន៍បាននិយាយថា ការដាក់លិខិតស្នើសុំលិខិតឆ្លងដែនសម្រាប់ពលរដ្ឋចិនដែលចង់ធ្វើដំណើរទៅបរទេស នឹងបន្តដំណើរការឡើងវិញចាប់ពីថ្ងៃទី៨ ខែមករា។ ដំណើរការនេះបានកើតមានឡើង ក្រោយសេចក្ដីប្រកាសកាលពីថ្ងៃចន្ទដែលបានបញ្ចប់ជិត ៣ឆ្នាំនៃវិធានការដាក់ឲ្យនៅដាច់ដោយឡែកដ៏តឹងរ៉ឹងសម្រាប់អ្នកធ្វើដំណើរមកដល់។ ទីតាំងធ្វើដំណើរនានាសុទ្ធតែបែបនេះ ចាប់តាំងពីមានការរាយការណ៍ពីការកើនឡើងនៃករណីស្ទះចរាចរណ៍។ ប៉ុន្តែក្រុមអ្នកទេសចរជនជាតិចិន នឹងមិនបានហាមឃាត់ទៅកាន់ប្រទេសទាំងអស់នោះទេ។ ប្រទេសជប៉ុនដែលជាគោលដៅទេសចរណ៍ដ៏ពេញនិយមបំផុត សម្រាប់អ្នកដំណើរជនជាតិចិនបានប្រកាសថា គ្រប់អ្នកដំណើរទាំងអស់ចេញពីប្រទេសចិន ត្រូវតែបង្ហាញពីឯកសារធ្វើលទ្ធផលតេស្តអវិជ្ជមានវីរុស Covid-19 ឬការដាក់ឲ្យនៅដាច់ដោយឡែករយៈពេល ៧ថ្ងៃដោយសារតែមានករណីឆ្លងហក់ឡើងខ្លាំងនៅក្នុងប្រទេសចិន។ ប្រទេសឥណ្ឌាក៏បាននិយាយផងដែរថា អ្នកដំណើរមកពីប្រទេសចិន ព្រមទាំងប្រទេសផ្សេងទៀតត្រូវតែបង្ហាញពីលទ្ធផលអវិជ្ជមាន Covid-19 នៅពេលពួកគេទៅដល់ ទោះបីជាត្រូវបានប្រកាសមុនការបន្ធូរបន្ថយវិធានការរឹតត្បិតរបស់ទីក្រុងប៉េកាំងក៏ដោយ។ ការបន្ធូរបន្ថយវិធានការធ្វើដំណើរនៅក្នុងប្រទេសចិន ដែលជាផ្នែកចុងក្រោយនៃគោលនយោបាយគ្មានវីរុស Covid-19 របស់ប្រទេសនេះមានឡើង ខណៈប្រទេសនេះប្រយុទ្ធប្រឆាំងនឹងរលកថ្មីនៃការឆ្លងរាលដាលវីរុសកូរ៉ូណា៕ អត្ថបទ៖ សុខមាន

ចំនួនអ្នកស្លាប់ដោយសារព្យុះព្រិលទូទាំងសហរដ្ឋអាមេរិកបានកើនឡើងដល់ជាង ៦០នាក់

អាមេរិក៖ ចំនួនអ្នកស្លាប់នៅក្នុងទីក្រុង Buffalo របស់រដ្ឋ New York បានកើនឡើងដល់ ២៨នាក់ ហើយពលរដ្ឋរាប់ពាន់នាក់នៅតែគ្មានអគ្គិសនីប្រើប្រាស់ ស្របពេលព្យុះរដូវរងាដ៏ធ្ងន់ធ្ងរដែលបានវាយប្រហារអាមេរិក។ ចំនួនអ្នកស្លាប់ទូទាំងសហរដ្ឋអាមេរិកបានកើនឡើងដល់ ៦២នាក់ដោយសារឧបទ្ទវហេតុទាក់ទងនឹងអាកាសធាតុ។ នៅក្នុងទីក្រុង Buffalo មន្ត្រីប្រចាំរដ្ឋម្នាក់បាននិយាយថា កម្លាំងនគរបាលកំពុងត្រូវបានបញ្ជូនទៅដើម្បីជួយគ្រប់គ្រងចរាចរណ៍នៅក្នុងទីក្រុងនេះ ជាទីដែលបម្រាមការបើកបរនៅតែដាក់នៅឡើយ។ មានការចូលលួចទំនិញនៅតាមហាងត្រូវបានរាយការណ៍នៅក្នុងតំបន់នៃទីក្រុងនេះ អំឡុងប្រកាសគ្រាអាសន្ន។ ព្យុះរដូវរងាក៏បានបង្ខំឲ្យលុបចោលជើងហោះហើររាប់ពាន់ រួមទាំងប្រមាណ ៤.៨០០ជើងហោះហើរគ្រាន់តែព្រឹកថ្ងៃអង្គារមួយថ្ងៃប៉ុណ្ណោះ។ អ្នកដំណើររាប់ពាន់នាក់ត្រូវបានជាប់នៅអាកាសយានដ្ឋានទូទាំងប្រទេស។ នៅឯសន្និសីទសារព័ត៌មានមួយកាលពីថ្ងៃអង្គារ ក្រុមមន្ត្រីនៅក្នុងតំបន់ Erie របស់រដ្ឋ New York ដែលរួមទាំងទីក្រុង Buffalo បាននិយាយថា គេរំពឹងថាចំនួនអ្នកស្លាប់អាចកើនឡើង ខណៈប្រតិបត្តិការស្វែងរក និងសង្គ្រោះនៅតែបន្ត៕អត្ថបទ៖ សុខមាន

សម្តេចតេជោ ហ៊ុន សែន៖ ..[]...កុំអីឡើង ចាប់មនុស្សឃុំឃាំង រឿងទំនាស់ដីធ្លី

ភ្នំពេញ ៖ សម្តេចតេ ជោ ហ៊ុន សែន នាយក រដ្ឋមន្ត្រី បានចង្អុលបង្ហាញចំៗទៅកាន់សមត្ថកិច្ចគ្រប់ជាន់ខ្ពស់ « ....[]...កុំអីឡើងចាប់ មនុស្ស ឃុំឃាំង, កុំអីអាងចាប់ចង» ក្នុងសំណុំវិវាទ ដីធ្លី ព្រោះករណីរដ្ឋប្បវេណី ។ថ្លែងក្នុងពិធីបិទសន្និបាតក្រសួងរៀបចំដែនដី នគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ សម្ដេចតេជោ ហ៊ុន សែន បានអំពាវនាវដល់មន្ត្រីនគរបាលយុត្តិធម៌ កុំងងឹត ងងុលរឿងចាប់ចងមនុស្ស ក្នុងបញ្ហាវិវាទដីធ្លី ។សម្តេចតេជោ ហ៊ុន សែន បានព្រមាន កុំអាងបុណ្យមានស័ក្តិ ,កុំអាងពាក់ផ្គាយពាក់ លោកខែ ក៏សម្តេចអាចដកចេញបានដែរ៕

សម្ដេចតេជោ ហ៊ុន សែន៖ ក្រោយចប់សង្គ្រាម ធ្វើឱ្យតម្លៃដីធ្លីនៅគ្រប់កន្លែងឡើងថ្លៃ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា ក្រោយចប់សង្គ្រាម ធ្វើឱ្យតម្លៃដីធ្លីនៅគ្រប់កន្លែងឡើងថ្លៃ។ថ្លែងក្នុងពិធីបិទសន្និបាតក្រសួងរៀបចំដែនដី នគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ សម្ដេចតេជោ ហ៊ុន សែន ជំរុញឱ្យបន្តពង្រីកវិសាលភាពសាងសង់ស្ថានីយវាស់វែងអចិន្ត្រៃយ៍ដោយផ្កាយរណប ឱ្យបានទូទាំងប្រទេស។ទន្ទឹមនឹងនោះ សម្ដេចតេជោ ហ៊ុន សែន ជំរុញឱ្យក្រសួងរៀបចំដែនដី នគរូបនីយកម្ម និងសំណង់ ត្រូវបន្តលើកទឹកចិត្តដល់ការកសាងលំនៅដ្ឋានតម្លៃសមរម្យ ដើម្បីពលរដ្ឋមានផ្ទះសម្បែងរស់នៅសមរម្យ៕

សម្តេចតេជោ ហ៊ុន សែន ជំរុញឱ្យបន្តដោះស្រាយបញ្ហាទំនាស់ដីធ្លីក្រៅប្រព័ន្ធតុលាការតាមមូលដ្ឋានឱ្យកាន់តែមានប្រសិទ្ធភាពខ្ពស់

ភ្នំពេញ៖ សម្ដេចតេជោ ហ៊ុន សែន បានជំរុញឱ្យបន្តដោះស្រាយបញ្ហាទំនាស់ដីធ្លីនៅក្រៅប្រព័ន្ធតុលាការ នៅតាមមូលដ្ឋានឱ្យបាន កាន់តែមានប្រសិទ្ធភាពខ្ពស់។ថ្លែងក្នុងពិធីបិទសន្និបាតក្រសួងរៀបចំដែនដី នគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ សម្ដេចតេជោ ហ៊ុន សែន បានផ្តល់អនុសាសន៍ដល់ក្រសួងរៀបចដែនដី នគរូបនីយកម្ម និងសំណង់ ត្រូវពង្រឹងប្រសិទ្ធភាពលើការងារជំនាញរបស់ខ្លួន និងមន្ត្រីជំនាញ ត្រូវបន្តអនុវត្តចុះបញ្ជីដីធ្លីទាំងអស់ ដើម្បីធានានូវសុវត្ថិភាពនៃការកាន់កាប់ដីធ្លី។សម្ដេចតេជោ ហ៊ុន សែន មានប្រសាសន៍ថា «ការងារកែទម្រង់ដីធ្លី បានធ្វើឱ្យជម្លោះដីធ្លីធ្លាក់ចុះគួរឱ្យកត់សម្គាល់»។ សម្តេចក៏បានផ្តល់អនុសាសន៍ដល់ឯកឧត្តមឧបនាយករដ្ឋមន្ត្រីជា សុផារ៉ា ឱ្យពង្រឹងប្រសិទ្ធភាពការងារជំនាញរបស់ក្រសួងដែនដី មន្ត្រីជំនាញ ត្រូវបន្តអនុវត្តចុះបញ្ជីដីធ្លីទាំងអស់ ដើម្បីធានានូវសុវត្ថិភាពនៃការកាន់កាប់ដីធ្លី៕

សម្ដេចតេជោ ហ៊ុន សែន អញ្ជើញជាអធិបតីបិទសន្និបាតក្រសួងរៀបចំដែនដី នគររូបនីយកម្ម និងសំណង់

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងរៀបចំដែនដីនគររូបនីយកម្ម និងសំណង់ នៅរសៀលថ្ងៃទី២៧ ខែធ្នូ ឆ្នាំ២០២២នេះ។ពិធីបិទសន្និបាតនេះ ធ្វើឡើងនៅទីស្តីការក្រសួងរៀបចំដែនដី នគររូបនីយកម្ម និងសំណង់។ក្រៅពីអញ្ជើញបិទសន្និបាតបូកសរុបការងារ របស់ក្រសួង សម្តេចតេជោ ហ៊ុន សែន ក៏នឹងអញ្ជើញកាត់ខ្សែបូរសម្ពោធដាក់ឱ្យប្រើប្រាស់អគារ មន្ទីរ ពិសោធន៍ ជាតិ សំណង់ របស់ក្រសួងដែលមានតម្លៃប្រមាណ ៣លានដុល្លារ ទើបសាងសង់បញ្ចប់កាលពីពេលថ្មីៗនេះផងដែរ៕

កាំភ្លើងធំអ៊ុយក្រែនដាក់គោលដៅទីតាំងរបស់រុស្ស៊ី ខណៈលោក Zelenskiy និយាយថា ស្ថានភាពនៅសមរភូមិពិបាក

អ៊ុយក្រែន៖ កងពលតូចកាំភ្លើងធំរបស់អ៊ុយក្រែនបានបាញ់ផ្លោងចេញពីទីក្រុង Bakhmut កាលពីថ្ងៃចន្ទដាក់គោលដៅលើទីតាំងរបស់រុស្ស៊ីនៅជុំវិញទីក្រុងសមរភូមិតំបន់ Donbas។ ចាប់តាំងពីខែសីហាមក កងកម្លាំងរុស្ស៊ីបានជាប់គាំងនៅក្នុងការប្រយុទ្ធ និងបន្តប្រយុទ្ធយកទីក្រុង Bakhmut ជាទីក្រុងឧស្សាហកម្មក្នុងតំបន់ Donetsk ដែលមានប្រជាជនមុនសង្គ្រាមប្រមាណ ៧០,០០០នាក់។ ទីក្រុងភាគខាងកើតរបស់អ៊ុយក្រែនមួយនេះ បានក្លាយជាគោលដៅនៃការប៉ុនប៉ងរបស់រុស្ស៊ី ដើម្បីរុលចូលទៅមុខក្នុងការប្រយុទ្ធដែលបានបណ្តាលឲ្យទាហានរាប់ពាន់នាក់ស្លាប់។ ទីប្រឹក្សាប្រធានាធិបតីអ៊ុយក្រែនលោក Volodymyr Zelenskyy បានចោទប្រកាន់រុស្ស៊ីកាលពីថ្ងៃសៅរ៍ពីការធ្វើឲ្យទីក្រុង Bakhmut រងទុក្ខលំបាកខ្លាំង ដោយរិះគន់អ្នកដែលអំពាវនាវឱ្យទីក្រុង Kyiv ស្វែងរកការចរចាសន្តិភាពជាមួយរុស្ស៊ី។ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃចន្ទថា ស្ថានភាពនៅសមរភូមិតំបន់ Donbas ជួបការលំបាក និងរងទុក្ខខ្លាំង ហើយតម្រូវឱ្យមានភាពខ្លាំង និងការផ្តោតការយកចិត្តទុកដាក់ទាំងអស់របស់ប្រទេស។ លោក Zelenskyy បាននិយាយថា ជាដំបូងគឺបញ្ហានៅសមរភូមិទីក្រុង Bakhmut, Kreminna និងទីក្រុងផ្សេងទៀតនៅក្នុងតំបន់ Donbas ដែលត្រូវការភាពខ្លាំង និងការផ្តោតការយកចិត្តទុកដាក់។ អ្នកដណ្តើមចូលគ្រប់គ្រងកំពុងដាក់ពង្រាយធនធានទាំងអស់ដែលមានសម្រាប់ពួកគេ ហើយទាំងនេះគឺជាធនធានដ៏សន្ធឹកសន្ធាប់ដើម្បីរុលទៅមុខចូលទីក្រុងមួយចំនួនទៀត។ លោកនិយាយថា ការខ្វះអគ្គិសនីនៅតែបន្តមានសម្រាប់មនុស្សជិត ៩លាននាក់ដែលគ្មានអគ្គិសនីប្រើប្រាស់។ បុគ្គលិកអគ្គិសនីបានជួសជុលបណ្តាញអគ្គិសនី បន្ទាប់ពីការវាយប្រហាររបស់រុស្ស៊ីម្តងហើយម្តងទៀត ដែលបានភ្ជាប់បណ្តាញជាច្រើនឡើងវិញក្នុងឱកាសបុណ្យណូអែល ប៉ុន្តែបញ្ហានៅតែមាន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា

កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ

នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ

អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មានការសម្របសម្រួលជាមួយទីក្រុងតេអេរ៉ង់

ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ

មន្ត្រីជាន់ខ្ពស់៖ លីបង់ទាមទារឲ្យអ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី

រញ្ជួយដីកម្រិត ៦,៥រ៉ិចទ័រ វាយប្រហារកោះ នៅភាគខាងត្បូងនៃប្រទេសហ្វីលីពីន

UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី

អ៊ីស្រាអែលទម្លាក់ខិត្តប័ណ្ណ នៅទីក្រុងរបស់លីបង់ ដោយបញ្ជាឲ្យប្រជាជនចាកចេញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រទេសចិនបន្ថែមផ្នែកសង្គ្រោះបន្ទាន់ និងសម្ភារៈបម្រុងផ្នែកវេជ្ជសាស្ត្រ ដើម្បីទប់ទល់ការកើនឡើងវីរុស COVID-19

អតីតប្រធានាធិបតីរុស្ស៊ីព្យាករណ៍ការផ្ទុះសង្គ្រាមនៅក្នុងសហភាពអឺរ៉ុប

តុលាការយោធាមីយ៉ាន់ម៉ានឹងប្រកាសសាលក្រមចុងក្រោយក្នុងសំណុំរឿងក្ដីរបស់លោកស្រី Aung San Suu Kyi នៅថ្ងៃសុក្រសប្ដាហ៍នេះ

ពលរដ្ឋចិនប្រញាប់ប្រញាល់កក់សំបុត្រធ្វើដំណើរទៅក្រៅប្រទេស ខណៈប្រកាសបើកព្រំដែននៅខែក្រោយ

ចំនួនអ្នកស្លាប់ដោយសារព្យុះព្រិលទូទាំងសហរដ្ឋអាមេរិកបានកើនឡើងដល់ជាង ៦០នាក់

សម្តេចតេជោ ហ៊ុន សែន៖ ..[]...កុំអីឡើង ចាប់មនុស្សឃុំឃាំង រឿងទំនាស់ដីធ្លី

សម្ដេចតេជោ ហ៊ុន សែន៖ ក្រោយចប់សង្គ្រាម ធ្វើឱ្យតម្លៃដីធ្លីនៅគ្រប់កន្លែងឡើងថ្លៃ

សម្ដេចតេជោ ហ៊ុន សែន អញ្ជើញជាអធិបតីបិទសន្និបាតក្រសួងរៀបចំដែនដី នគររូបនីយកម្ម និងសំណង់

កាំភ្លើងធំអ៊ុយក្រែនដាក់គោលដៅទីតាំងរបស់រុស្ស៊ី ខណៈលោក Zelenskiy និយាយថា ស្ថានភាពនៅសមរភូមិពិបាក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អតីត​ប្រធានាធិបតី​រុស្ស៊ី​ព្យាករណ៍​ការផ្ទុះ​សង្គ្រាម​នៅក្នុង​សហភាព​អឺរ៉ុប​

ពលរដ្ឋ​ចិន​ប្រញាប់ប្រញាល់​កក់​សំបុត្រ​ធ្វើដំណើរ​ទៅ​ក្រៅប្រទេស ខណៈ​ប្រកាស​បើក​ព្រំដែន​នៅ​ខែក្រោយ​

ចំនួន​អ្នកស្លាប់​ដោយសារ​ព្យុះ​ព្រិល​ទូទាំង​សហរដ្ឋអាមេរិក​បាន​កើន​ឡើងដល់​ជាង ​៦០​នាក់

សម្តេចតេជោ ហ៊ុន សែន៖ ..[]...កុំអីឡើង ចាប់មនុស្សឃុំឃាំង រឿងទំនាស់ដីធ្លី

សម្ដេចតេជោ ហ៊ុន សែន៖ ក្រោយចប់សង្គ្រាម ធ្វើឱ្យតម្លៃដីធ្លីនៅគ្រប់កន្លែងឡើងថ្លៃ

សម្ដេចតេជោ ហ៊ុន សែន អញ្ជើញជាអធិបតីបិទសន្និបាតក្រសួងរៀបចំដែនដី នគររូបនីយកម្ម និងសំណង់

កាំភ្លើង​ធំ​អ៊ុយ​ក្រែ​ន​ដាក់​គោលដៅ​ទីតាំង​របស់​រុស្ស៊ី ខណៈ​លោក Zelenskiy និយាយថា ​ស្ថានភាព​នៅ​សមរភូមិ​ពិបាក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតប្រធានាធិបតីរុស្ស៊ីព្យាករណ៍ការផ្ទុះសង្គ្រាមនៅក្នុងសហភាពអឺរ៉ុប

ពលរដ្ឋចិនប្រញាប់ប្រញាល់កក់សំបុត្រធ្វើដំណើរទៅក្រៅប្រទេស ខណៈប្រកាសបើកព្រំដែននៅខែក្រោយ

ចំនួនអ្នកស្លាប់ដោយសារព្យុះព្រិលទូទាំងសហរដ្ឋអាមេរិកបានកើនឡើងដល់ជាង ៦០នាក់

កាំភ្លើងធំអ៊ុយក្រែនដាក់គោលដៅទីតាំងរបស់រុស្ស៊ី ខណៈលោក Zelenskiy និយាយថា ស្ថានភាពនៅសមរភូមិពិបាក