BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

មនុស្ស ៦នាក់ស្លាប់ បន្ទាប់ពីរថយន្តក្រុងធ្លាក់ពីស្ពានចូលក្នុងទន្លេក្នុងប្រទេសអេស្ប៉ាញ

អេស្ប៉ាញ៖ អង្គភាពសេវាសង្គ្រោះបន្ទាន់បាននិយាយកាលពីថ្ងៃអាទិត្យថា មនុស្ស ៦នាក់ស្លាប់ និង ២នាក់បានរងរបួស បន្ទាប់ពីរថយន្តក្រុងដឹកអ្នកដំណើរមួយគ្រឿងបានធ្លាក់ពីលើស្ពាន ហើយបានធ្លាក់ចូលទៅក្នុងទន្លេដែលពេញហៀរនៅភាគពាយ័ព្យប្រទេសអេស្ប៉ាញ។ អ្នកនៅរស់រានមានជីវិតពីរនាក់ មានអ្នកបើកបររថយន្តអាយុ ៦៣ឆ្នាំ និងអ្នកដំណើរស្ត្រីម្នាក់ត្រូវបានក្រុមជួយសង្គ្រោះទាញចេញពីទឹកទន្លេដោយប្រើខ្សែពួរ ហើយត្រូវបានបញ្ជូនទៅកាន់មន្ទីរពេទ្យនៅក្បែរនោះ។ អ្នកនាំពាក្យនគរបាលបានប្រាប់សារព័ត៌មានរ៉យទ័រថា អ្នកបើកបរបានធ្វើតេស្តអវិជ្ជមានចំពោះជាតិអាល់កុល និងគ្រឿងញៀន។ អ្នកនាំពាក្យនិយាយថា ប្រតិបត្តិការស្វែងរក និងជួយសង្គ្រោះនៅជុំវិញស្ពាននៅពេលនេះបានបញ្ចប់ ខណៈក្រុមវិស្វករព្យាយាមស្វែងរកមធ្យោបាយដើម្បីទាញយករថយន្តដែលធ្លាក់ចេញពីទន្លេ Lerez។ ចរន្តទឹកខ្លាំង និងលំហូរខ្ពស់នៅទន្លេដោយសារតែភ្លៀងធ្លាក់ខ្លាំងពាសពេញតំបន់ Galicia បានរារាំងកិច្ចខិតខំប្រឹងប្រែងដើម្បីស្រង់យកសាកសពកាលពីចុងសប្តាហ៍។ រថយន្តបានរអិលចេញពីផ្លូវត្រង់នៅលើស្ពាន ហើយបានធ្លាក់ចូលទៅក្នុងទឹកទន្លេកម្ពស់ក្រោមស្ពានយ៉ាងហោចណាស់ ៤០ម៉ែត្រនៅម៉ោងប្រហែល ៩.៣០យប់ម៉ោងក្នុងតំបន់ ប៉ុន្តែមូលហេតុនៅពុំទាន់ច្បាស់នៅឡើយ។ ដំបូងឡើយអាជ្ញាធរបានរាយការណ៍ថា មនុស្សសរុប ៩នាក់នៅលើរថយន្តក្រុងនៅពេលវាធ្លាក់ចូលទន្លេ ប៉ុន្តែចំនួននេះត្រូវបានគេជឿថាមានត្រឹម ៨នាក់ ដោយផ្អែកលើរបាយការណ៍អ្នកបាត់ខ្លួនដែលបានដាក់ដោយសាច់ញាតិជនរងគ្រោះ។ ប្រធានតំបន់ Galicia លោក Alfonso Rueda បានបង្ហាញពីលក្ខខណ្ឌអាកាសធាតុមិនអំណោយផលខ្លាំង ជាមូលហេតុមួយក្នុងចំណោមមូលហេតុដែលអាចកើតមានគ្រោះថ្នាក់នេះ៕អត្ថបទ៖ ប៊ុនថន

ករណីឆ្លង COVID-19 កើនឡើងក្នុងប្រទេសចិន ក្នុងពេលមានភាពមិនស្របគ្នារវាងទិន្នន័យជាតិ និងទិន្នន័យតំបន់

ចិន៖ ខេត្ត Zhejiang របស់ប្រទេសចិនបានរាយការណ៍ករណីឆ្លងវីរុសថ្មីជាង ១លានករណីកាលពីថ្ងៃអាទិត្យ ខណៈចំនួននៃករណីឆ្លងកើនឡើងនៅទូទាំងប្រទេស។ អាជ្ញាធរសុខាភិបាលខេត្តនិយាយថា ចំនួនអ្នកឆ្លងវីរុស Covid-19 ថ្មីត្រូវបានគេរំពឹងថានឹងឡើងដល់កម្រិតខ្ពស់នៅមុនថ្ងៃបុណ្យចូលឆ្នាំសកល ដែលតួលេខប្រចាំថ្ងៃអាចឡើងដល់ ២លាន។ ប៉ុន្តែមជ្ឈមណ្ឌលគ្រប់គ្រង និងបង្ការជំងឺរបស់ប្រទេសចិននិយាយថា ករណីឆ្លងវីរុស COVID-19 ថ្មីទូទាំងប្រទេសបានកើនឡើងត្រឹមតែ ២,៩៤០ករណីប៉ុណ្ណោះកាលពីថ្ងៃសៅរ៍។ មជ្ឈមណ្ឌលនិយាយថា ករណីដែលបានបញ្ជាក់នៅខេត្ត Zhejiang មានត្រឹមតែ ២២ករណីជាចំនួនតិចខ្លាំង បើប្រៀបធៀបទៅនឹងតួលេខដែលត្រូវបានរាយការដោយ រដ្ឋាភិបាលតំបន់។ ភាពខុសគ្នាដ៏ច្រើនត្រូវបានគេមើលឃើញនៅក្នុងការសរុបរបាយការណ៍ប្រចាំថ្ងៃ ដែលត្រូវបានចេញផ្សាយដោយអាជ្ញាធរជាតិ និងអាជ្ញាធរមូលដ្ឋាន។ ខេត្ត Zhejiang គឺជាតំបន់ឧស្សាហកម្មធំមួយដែលមានប្រជាជនប្រមាណ ៦៥លាននាក់ ហើយជាមូលដ្ឋានសម្រាប់ពាណិជ្ជកម្មជប៉ុនជាច្រើន។ មន្ទីរពេទ្យ Peking University Third Hospital ជាមន្ទីរពេទ្យធំមួយនៅក្នុងទីក្រុងប៉េកាំង បានចាត់វិធានការជាច្រើនដើម្បីធានាបាននូវការផ្តល់សេវាទាន់ពេលវេលា និងដោយរលូនសម្រាប់អ្នកជំងឺដែលត្រូវការជំនួយ ដោយមន្ទីរពេទ្យដឹងថាមានភាពតានតឹងពីការកើនឡើងករណីឆ្លងវីរុស COVID-19 ។ ផ្នែកសង្គ្រោះបន្ទាន់ និងផ្នែកអ្នកជំងឺក្រៅនៃមន្ទីរពេទ្យនៅតែមើលឃើញអ្នកជំងឺតម្រង់ដ៏វែង ប៉ុន្តែគ្រប់ផ្នែករបស់មន្ទីរពេទ្យកំពុងដំណើរការដោយរបៀបរៀបរយ។ ជារៀងរាល់ថ្ងៃមានអ្នកជំងឺជាង ៦០០នាក់ចូលមកកាន់ផ្នែកសង្គ្រោះបន្ទាន់ ដែលភាគច្រើនជាមនុស្សចាស់៕អត្ថបទ៖ ប៊ុនថន

ចិនហៅសហរដ្ឋអាមេរិកថា ជាអ្នកគំរាមកំហែងដោយផ្ទាល់ដល់ពិភពលោក

ចិន៖ ក្រសួងការពារជាតិចិនបាននិយាយនៅក្នុងសេចក្តីថ្លែងការណ៍មួយកាលពីសប្ដាហ៍នេះថា ទីក្រុងវ៉ាស៊ីនតោនមានចេតនាបំភាន់ការគំរាមកំហែងរបស់ចិន ជាលេសដើម្បីបង្កើនការចំណាយយោធារបស់ខ្លួនទាំងអស់ ក្នុងកិច្ចខិតខំប្រឹងប្រែងដើម្បីរក្សាការត្រួតត្រាពិភពលោករបស់ខ្លួន បន្ទាប់ពីលោកប្រធានាធិបតីអាមេរិក Joe Biden បានចុះហត្ថលេខាលើការផ្ដល់សិទ្ធិអំណាចផ្នែកការពារជាតិ របស់សហរដ្ឋអាមេរិកឆ្នាំ២០២៣ ឲ្យចូលជាច្បាប់។ លោកវរសេនីយ៍ឯក Tan Kefei អ្នកនាំពាក្យក្រសួងការពារជាតិចិននិយាយថា មានការពិតជាច្រើនបានបង្ហាញលើសពីមួយដងថា សហរដ្ឋអាមេរិកគឺជាអ្នកគំរាមកំហែងដល់សណ្ដាប់ធ្នាប់អន្តរជាតិ និងបង្កភាពច្របូកច្របល់ក្នុងតំបន់។ សេចក្ដីថ្លែងការណ៍នេះបានអះអាងថា ដើម្បីតែផលប្រយោជន៍ផ្ទាល់ខ្លួន សហរដ្ឋអាមេរិកបានដុតបញ្ឆេះឲ្យសង្គ្រាម ប្រឆាំងប្រទេសផ្សេងៗ ឬបង្កើតជម្លោះនានាបណ្ដាលឲ្យមានការបាត់បង់អាយុជីវិតមនុស្សដ៏ច្រើន និងធ្វើឲ្យជនស៊ីវិលគ្មានកំហុសយ៉ាងច្រើនរត់ភៀសខ្លួនចេញពីប្រទេសកំណើតរបស់ពួកគេផងដែរ។ កញ្ចប់ថវិការយោធាអាមេរិកដែលមានទំហំទឹកប្រាក់ដល់ទៅ ៨៥៨ពាន់លានដុល្លារអាមេរិកសម្រាប់សារពើពន្ធឆ្នាំ ២០២៣ ដែលបានអនុម័តផ្ដល់ថវិកា ១០ពាន់លានដុល្លារក្នុងជំនួយសន្តិសុខ និងការផ្គត់ផ្គង់អាវុធឲ្យកោះតៃវ៉ាន់គឺជា សកម្មភាពបង្ករឿងមួយផ្សេងទៀត ក្នុងចំណោមសកម្មភាពបង្កហេតុជាបន្តបន្ទាប់ដែលប៉ះពាល់ធ្ងន់ធ្ងរដល់សន្តិភាព និងស្ថេរភាពនៅក្នុងច្រកសមុទ្រកោះតៃវ៉ាន់ និងបង្កើនហានីភ័យនៃការប្រឈមុខដាក់គ្នាដោយយោធារវាងចិន និងអាមេរិក៕អត្ថបទ៖ សុខមាន

ការតវ៉ាដោយហិង្សាបានផ្ទុះឡើងនៅបារាំងប្រឆាំងការវាយប្រហាររើសអើងពូជសាសន៍លើជនជាតិឃើដ

បារាំង៖ ការប៉ះទង្គិចគ្នានានាបានផ្ទុះឡើងមកដល់ថ្ងៃទី២ កាលពីចុងសប្ដាហ៍នេះរវាងនគរបាល និងក្រុមបាតុករជនជាតិភាគតិចឃើដដែលពោពេញដោយកំហឹង ក្រោយខ្មាន់កាំភ្លើងម្នាក់បាញ់សម្លាប់សមាជិកសហគមន៍ចំនួន ៣នាក់ និង ៤នាក់រងរបួសរបស់ពួកគេ។ រថយន្តជាច្រើនគ្រឿងត្រូវបានក្រឡាប់ មានរថយន្តមួយគ្រឿងត្រូវបានភ្លើងឆេះ បង្អួចហាងលក់ទំនិញនានាត្រូវបានខូចខាត និងមានការបំពួកភ្នួកភ្លើងតូចៗនៅជិតវិមាន Place de la République ជាទីតាំងជាប្រពៃណីមួយសម្រាប់ការតវ៉ានានា ជាទីដែលក្រុមជនជាតិភាគតិចឃើដបាននាំគ្នាតវ៉ាដោយស្ងៀមស្ងាត់កាលពីថ្មីៗនេះ។ ស្នងការនគរបាលទីក្រុងប៉ារីសលោក Laurent Nunez បាននិយាយថា មានអំពើហិង្សាផ្ទុះឡើងភ្លាមៗនៅក្នុងការតវ៉ានោះ ប៉ុន្តែគេមិនទាន់បានដឹងច្បាស់ទេពីមូលហេតុឈានដល់ការផ្ទុះអំពើហិង្សានេះ។ ថ្លែងទៅកាន់សារព័ត៌មាន BFM TV លោក Nunez បាននិយាយថា ក្រុមបាតុកររាប់សិបនាក់បានជាប់ពាក់ព័ន្ធនឹងអំពើហិង្សានេះ ដោយបន្ថែមថាមនុស្ស ១១នាក់ត្រូវបានចាប់ខ្លួន និង ៣០នាក់រងរបួសស្រាល។ ខណៈក្រុមបាតុករមួយចំនួនបានចាកចេញពីទីលានចតុរង្គ ពួកគេបានគប់វត្ថុផ្សេងៗលើនគរបាលដែលបានឆ្លើយតបដោយការបាញ់ឧស្ម័នបង្ហៀរទឹកភ្នែក។ ការតវ៉ានៅតែបន្តរយៈពេល ២ម៉ោងមុនពេលបំបែកជួរ។ គួររម្លឹកថា ខ្មាន់កាំភ្លើងម្នាក់បានបាញ់សម្លាប់មនុស្សនៅមជ្ឈមណ្ឌលវប្បធម៌របស់ជនជាតិភាគតិចឃើដ និងនៅក្បែរហាងកាហ្វេកាលពីថ្ងៃសុក្រ ទី២៣ ខែធ្នូក្នុងសង្កាត់ដ៏មមាញឹកទី១០ ក្នុងទីក្រុងប៉ារីស។ បុរសជនសង្ស័យជាខ្មាន់វាយប្រហារវ័យ ៦៩ឆ្នាំ ដែលក្រុមអាជ្ញាធរនិយាយថា ទើបដោះលែងពីពន្ធនាគារ ជាប់ពាក់ព័ន្ធនឹងករណីឧក្រិដ្ឋកម្មកាលពីមួយឆ្នាំមុនត្រូវបានចាប់ខ្លួន៕អត្ថបទ៖ សុខមាន

អ្នកស្លាប់ដោយសារព្យុះព្រិលតំបន់អាកទិកជាប្រវត្តិសាស្ត្រកើនឡើងដល់ ៣៨នាក់នៅអាមេរិក និងកាណាដា

អាមេរិក៖ មនុស្សយ៉ាងហោចណាស់ ៣៨នាក់ស្លាប់រហូតមកដល់ពេលនេះ ដោយសារព្យុះព្រិលតំបន់អាកទិកដ៏ធ្ងន់ធ្ងរជាប្រវត្តិសាស្ត្រដែលបានបន្តគ្របដណ្ដប់សហរដ្ឋអាមេរិក និងកាណាដា។ ក្រុមមន្ត្រីបាននិយាយថា មនុស្ស ៣៤នាក់បានស្លាប់នៅទូទាំងសហរដ្ឋអាមេរិក ក្នុងនោះតំបន់ដែលរងការវាយប្រហារខ្លាំងក្លាបំផុតគឺទីក្រុង Buffalo ក្នុងរដ្ឋ New York។ អ្នកស្លាប់ ៤នាក់ផ្សេងទៀតនៅក្នុងប្រទេសកាណាដា នៅពេលរថយន្តក្រុងមួយគ្រឿងបានក្រឡាប់នៅលើផ្លូវគ្របដណ្ដប់ដោយទឹកកកជិតទីក្រុង Merritt ក្នុងខេត្ត British Columbia ភាគខាងលិចប្រទេសនេះ។ ព្យុះនេះបានប៉ះពាល់យ៉ាងធ្ងន់ធ្ងររយៈពេលជាច្រើនថ្ងៃ ប៉ុន្តែចរន្តអគ្គិសនីត្រូវបានតភ្ជាប់ឡើងវិញជាបណ្ដើរៗបន្ទាប់ពីបានដាច់។ សារព័ត៌មាន AP បានរាយការណ៍ថា អ្នកប្រើប្រាស់ជាង ២០០.០០០នាក់គ្មានអគ្គិសនីប្រើប្រាស់គិតត្រឹមរសៀលថ្ងៃអាទិត្យ ដែលបានធ្លាក់ចុះពីកម្រិតខ្ពស់បំផុតចំនួន ១.៧លាននាក់។ ជើងហោះហើររាប់ពាន់ត្រូវបានលុបចោល ដែលបានរារាំងមនុស្សជាច្រើនមិនបានជួបជុំគ្រួសារថ្ងៃបុណ្យណូអែល។ ជនជាតិអាមេរិកជាង ៥៥លាននាក់នៅតែស្ថិតក្រោមការណែនាំឲ្យប្រុងប្រយ័ត្នចំពោះខ្យល់ខ្លាំងកាលពីថ្ងៃអាទិត្យ៕ អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសំណេះសំណាល និងបើកការដ្ឋានស្ដារ និងលើកកម្រិតគុណភាពផ្លូវជាតិលេខ៤១

នៅថ្ងៃទី២៦ ខែធ្នូ ឆ្នាំ២០២២នេះ សម្ដេចអគ្គមហានសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាល និងបើកការដ្ឋានស្ដារ និងលើកកម្រិតគុណភាពផ្លូវជាតិលេខ៤១ ដែលមានប្រវែងសរុប ៩៥,២៧គីឡូម៉ែត្រ។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន បានប្រកាសសុំការអធ្យាស្រ័យពីប្រជាពលរដ្ឋរស់នៅតាមសងខាងផ្លូវជាតិលេខ៤១ និងប្រជាពលរដ្ឋធ្វើដំណើរពេលការដ្ឋានបានចាប់ផ្តើម ដែលនឹងមានផលប៉ះពាល់ខ្លះជៀសមិនរួច តែទៅពេលរួចរាល់ផ្លូវនេះនឹងផ្តល់អត្ថប្រយោជន៍រាប់មិនអស់ដល់ប្រជាពលរដ្ឋ និងសង្គមជាតិ។- សម្តេចតេជោ ហ៊ុន សែន បានបញ្ជាក់ថា ដោយសារទំនាក់ទំនងមិត្តភាពកម្ពុជា-ចិន កម្ពុជាបាននាំផលិតផលកសិកម្មទៅប្រទេសចិនជាច្រើនដោយផ្ទាល់ជាបន្តបន្ទាប់ដូចជា៖ ផ្លែឈើស្រស់ និងចុងក្រោយនេះ គឺការនាំត្រីប្រាទៅកាន់ទីផ្សារប្រទេសចិនផងដែរ។- សម្តេចតេជោ ហ៊ុន សែន បានបញ្ជាក់ថា កំណើនយានយន្តដ៏ច្រើនលើសលប់របស់កម្ពុជា បានក្លាយជាអតុល្យភាពមួយក្នុងសង្គម ខណៈផ្លូវជាច្រើនមានភាពតូចចង្អៀត ដែលទាមទារឱ្យមានការស្តារ និងលើកកម្រិតគុណភាពជាចាំបាច់។- សម្តេចតេជោ ហ៊ុន សែន បានប្រកាសថា រាជរដ្ឋាភិបាលកំពុងប្រឹងប្រែងធ្វើយ៉ាងម៉េច កុំឱ្យមានអតុល្យភាពទំនិញ និងតម្រូវការខ្លាំងពេក ដូចជា៖ អ្នកចិញ្ចឹមជ្រូក ចង់ឱ្យសាច់ជ្រូកបានថ្លៃ ខណៈដែលអ្នកទទួលទានសាច់ជ្រូក ចង់ឱ្យសាច់ជ្រូកចុះថោកជាដើម..[]..។- សម្តេចតេជោ ហ៊ុន សែន បានប្រកាសថា ពីមុនកម្ពុជាខ្វះខាតស្បៀង សម្រាប់ប្រជាពលរដ្ឋទទួលទាន តែពេលនេះកម្ពុជាសល់ស្បៀង(ស្រូវ-អង្ករ)ប្រមាណ ៤លានតោនក្នុងមួយឆ្នាំៗ ដែលទាមទារឱ្យរាជរដ្ឋាភិបាលប្រឹងប្រែងរកទីផ្សារ ដើម្បីបញ្ចេញស្រូវ-អង្ករ លើសតម្រូវការប្រើប្រាស់ក្នុងស្រុកចេញ។- សម្តេចតេជោ ហ៊ុន សែន បានបញ្ជាក់ថា សេដ្ឋកិច្ចសកលបានរងផលប៉ះពាល់យ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ដែលមួយផ្នែកបណ្តាលមកពីការរាតត្បាតមេរោកជំងឺកូវីដ-១៩ ,បញ្ហាសង្គ្រាមរុស្ស៊ី-អ៊ុយក្រែន និងបញ្ហាទណ្ឌកម្មសេដ្ឋកិច្ចជាដើម។- សម្តេចតេជោ ហ៊ុន សែន បានប្រកាសថា ទោះបីពិភពលោក រួមទាំងកម្ពុជាផង រងផលប៉ះពាល់ដោយសេដ្ឋកិច្ចសកល ជាពិសេសវិបត្តិថាមពល ក៏តម្លៃអគ្គិសនីនៅកម្ពុជា មិនឡើងថ្លៃឡើយ តែសម្តេចក៏សូមអំពាវនាវដល់ប្រជាពលរដ្ឋប្រើប្រាស់អគ្គិសនីដោយភាពសន្សំសំចៃខ្ពស់។- សម្តេចតេជោ ហ៊ុន សែន បានប្រកាសអំពាវនាវដល់គ្រួសារ ដែលមានឪពុក-ម្តាយ-យាយ-តា ចាស់ជរា សូមគិតគូរខ្ពស់ដល់សុខភាពពួកគាត់ឱ្យបានដិតដល់បំផុតក្នុងរដូវរងារនេះ ព្រោះអាកាសធាតុត្រជាក់ប៉ះពាល់ដល់មនុស្សចាស់ណាស់។- សម្តេចតេជោ ហ៊ុន សែន ប្រកាសអំពាវនាវឱ្យប្រជាពលរដ្ឋដែលប្រើប្រាស់ដងផ្លូវ សូមគោរពច្បាប់ចរាចរណ៍ និងប្រុងប្រយ័ត្នជាប់ជានិច្ច ខណៈដែលគ្រោះថ្នាក់ចរាចរណ៍បានកើតឡើងរៀងរាល់ថ្ងៃ បណ្តាលឱ្យមានមនុស្សស្លាប់-របួស និងខូតខាតទ្រព្យសម្បត្តិជាច្រើន។- សម្តេចតេជោ ហ៊ុន សែន បញ្ជាក់ថា ពីមុនសម្តេចធ្លាប់ប្រកាសឱ្យប្រជាពលរដ្ឋគោរពច្បាប់ចរាចរណ៍ ជាជាងខ្លាចនគរបាលចរាចរណ៍ចាប់ផាកពិន័យ តែពេលនេះសម្តេចសូមអំពាវនាវ«ឱ្យខ្លាចការបាត់បង់អាយុជីវិតខ្លួនឯង និងអ្នកដទៃ...[]..»។- សម្តេចតេជោ ហ៊ុន សែន សូមថ្លែងអំណរគុណដល់ក្រសួងអប់រំ យុវជន និងកីឡា ,លោកគ្រូ-អ្នកគ្រូ,គណៈកម្មការរៀបចំការប្រឡងបាក់ឌុប,ស.ស.យ.ក, សមត្ថកិច្ច និងអាជ្ញាធរមូលដ្ឋាននៅទូទាំងប្រទេសដែលបានយកចិត្តទុកដាក់ខិតខំរៀបចំការប្រឡងបាក់ឌុបប្រកបដោយជោគជ័យ។- សម្តេចតេជោ ហ៊ុន សែន ប្រកាសសូមចូលរួមអបអរសាទរជាមួយឪពុក-ម្តាយ,អាណាព្យាបាល និងចៅៗទាំងអស់ ដែលទើបប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) នៅទូទាំងប្រទេស ទោះក្នុងកម្រិតនិទ្ទេសអ្វីក៏ដោយ។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋឱ្យបន្តនាំគ្នាប្រុងប្រយ័ត្នខ្ពស់ជាប់ជានិច្ចពីការឆ្លងរីករាលដាលជំងឺកូវីដ-១៩ ខណៈដែលតួលេខ នៃករណីឆ្លងប្រចាំថ្ងៃជំងឺកូវីដ-១៩ មានការឡើងចុះក្នុងកម្រិតតិចតួចក៏ដោយ។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋខេត្តកណ្តាល និងកំពង់ស្ពឺ ដែលបានបោះឆ្នោតគាំទ្រគណបក្សប្រជាជនកម្ពុជា ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ហើយសម្តេចសង្ឃឹមយ៉ាងមុតមាំថា ប្រជាពលរដ្ឋខេត្តកំពង់ស្ពឺ និងកណ្តាល នឹងបន្តបោះឆ្នោតជូនគណបក្សប្រជាជនកម្ពុជា ក្នុងការបោះឆ្នោតសកលឆ្នាំ២០២៣ និងការបោះឆ្នោតជាបន្តបន្ទាប់។- សម្តេចតេជោ ហ៊ុន សែន បានប្រកាសបន្តយុទ្ធនាការបោសសម្អាតគ្រាប់មីន និងយុទ្ធភ័ណ្ឌសល់ពីសង្គ្រាម ដើម្បីផ្តល់ដីសុវត្ថិភាព និងស្នាមញញឹមដល់ប្រជាពលរដ្ឋ។- សម្តេចតេជោ ហ៊ុន សែន បានបន្តប្រកាសអំពាវនាវដល់ប្រជាពលរដ្ឋឱ្យនាំគ្នាទៅទទួលវ៉ាក់សាំងកូវីដ-១៩ ទាំងដូលមូលដ្ឋាន និងដូសជំរុញទី៣,ទី៤ ព្រមទាំងដូសបន្តបន្ទាប់ឱ្យបានគ្រប់ៗគ្នា តាមទីកន្លែង និងតាមការណែនាំរបស់ក្រុមគ្រូពេទ្យចាក់វ៉ាក់សាំងបង្ការជំងឺកូវីដ-១៩។សង្កថាសម្តេចតេជោ ហ៊ុន សែន ចប់នៅវេលាម៉ោង ០៩ និង៣១នាទី

សម្តេចតេជោ ហ៊ុន សែន អញ្ជើញបើកការដ្ឋានស្តារ និងលើកកម្រិតគុណភាពផ្លូវជាតិលេខ៤១ ប្រវែងជាង ៩៥គីឡូម៉ែត្រ

កំពង់ស្ពឺ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីសំណេះសំណាល និងបើកការដ្ឋានស្តារ និងលើកកម្រិតគុណភាព ផ្លូវជាតិលេខ៤១ ប្រវែងសរុប ៩៥,២៧គីឡូម៉ែត្រ នៅព្រឹកថ្ងៃទី២៦ ខែធ្នូ ឆ្នាំ២០២២នេះ ។ ផ្លូវជាតិលេខ៤១ ចាប់ពីថ្នល់ទទឹង (ចំណុចប្រសព្វផ្លូវជាតិលេខ៤ )ដល់ជុំគិរី(ខេត្តកំពត) នឹងត្រូវស្តារ លើកកម្រិតគុណភាព ក្រោយឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន។គម្រោងស្តារ និងលើកកម្រិតគុណភាពផ្លូវជាតិលេខ៤១ ត្រូវសាងសង់ជាប្រភេទផ្លូវក្រាលបេតុងកៅស៊ូ AC កម្រាស់ ៥សង់ទីម៉ែត្រ និងពង្រីកទទឹងតួផ្លូវរហូតដល់ ១២ម៉ែត្រ។ គម្រោងនេះនឹងសាងសង់បន្ថែមសំណង់សិល្បការ្យផ្សេងៗរួមមាន៖ ពង្រីកស្ពានចាស់ចំនួន ០១កន្លែង ប្រវែងសរុប ២០០ម៉ែត្រ ដាក់លូគ្រប់ប្រភេទចំនួន ៣១៥កន្លែង បំពាក់កាមេរ៉ាត្រួតពិនិត្យល្បឿនចំនួន ០៨កន្លែង រួមទាំងបំពាក់ផ្លាកសញ្ញាចរាចរណ៍ គំនូសសញ្ញាចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ។គម្រោងនេះ នឹងត្រូវអនុវត្តការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ដោយប្រើរយៈពេលសាងសង់សរុបចំនួន ៤០ខែ ដែលនឹងបញ្ចប់នៅអំឡុងឆ្នាំ២០២៦។ផ្លូវជាតិលេខ៤១ គឺផ្លូវតភ្ជាប់សេដ្ឋកិច្ចដ៏មានសារៈសំខាន់ដែលឆ្លងកាត់ខេត្តចំនួន ០៤ រួមមាន៖ ខេត្តកណ្តាល ខេត្តកំពង់ស្ពឺ ខេត្តតាកែវ និងខេត្តកំពត ដែលផ្លូវនេះក្រោយបញ្ចប់ការសាងសង់ នឹងដើរតួនាទីសំខាន់ក្នុងការជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញគ្រប់ប្រភេទ ព្រមទាំងកសិផល ដំណាំស្រូវ ដំណាំកៅស៊ូ ម្រេច ផលនេសាទ អំបិល និងផ្លែឈើផ្សេងៗ ទៅកាន់ទីផ្សារក្នុងស្រុក និងទីផ្សារអន្តរជាតិផងដែរ។

សហរដ្ឋអាមេរិកវាយតម្លៃខ្ពស់ភាពជាអ្នកដឹកនាំរបស់កម្ពុជាលើអាស៊ាន ក្នុងឆ្នាំដែលមានបញ្ហាប្រឈមថ្នាក់តំបន់ និងសាកលលោក

ភ្នំពេញ៖ សហរដ្ឋអាមេរិកវាយតម្លៃខ្ពស់ចំពោះភាពជាអ្នកដឹកនាំរបស់កម្ពុជាលើអាស៊ាន ក្នុងឆ្នាំដែលមានបញ្ហាប្រឈមថ្នាក់តំបន់ និងសាកលលោក។សេចក្តីប្រកាសព័ត៌មានរបស់ស្ថានទូតអាមេរិកនៅថ្ងៃទី២៤ ខែធ្នូនេះមានខ្លឹមសារថា នៅពេលឆ្នាំ២០២២ ជិតបញ្ចប់ លោកឯកអគ្គរដ្ឋទូត Murphy និងបុគ្គលិកបានទទួលសម្តេចនាយករដ្ឋមន្រ្តី ហ៊ុន សែន និងគណ:ប្រតិភូដែលជាទីប្រឹក្សាជាន់ខ្ពស់របស់លោកនៅស្ថានទូតអាមេរិកនៅភ្នំពេញ។ សហរដ្ឋអាមេរិកវាយតម្លៃខ្ពស់ចំពោះភាពជាអ្នកដឹកនាំរបស់កម្ពុជាលើអាស៊ាន ក្នុងឆ្នាំដែលមានបញ្ហាប្រឈមថ្នាក់តំបន់ និងសាកលលោក ការគាំទ្រចំពោះកិច្ចប្រជុំកំពូលពិសេស សហរដ្ឋអាមេរិក អាស៊ាន នៅទីក្រុង Washington បដិសណ្ឋារកិច្ចចំពោះការចូលរួមរបស់លោកប្រធានាធិបតី Biden នៅក្នុងកិច្ចប្រជុំកំពូលកាលពីខែវិច្ឆិកានៅភ្នំពេញ ហើយនឹងការគាំទ្រចំពោះការដំឡើងភាពជាដៃគូជាយុទ្ធសាស្រ្តគ្រប់ជ្រុងជ្រោយ សហរដ្ឋអាមេរិក អាស៊ាន។ស្ថានទូតអាមេរិកប្រកាសថា “យើងសូមស្វាគមន៍ជំហររបស់កម្ពុជា ក្នុងការលើកកម្ពស់ធម្មនុញ្ញរបស់អង្គការសហប្រជាជាតិ ការពារបូរណភាពទឹកដី និងសហការគាំទ្រដំណោះស្រាយរបស់អង្គការសហប្រជាជាតិ ដែលថ្កោលទោសការឈ្លានពានរបស់រុស្ស៊ីលើអ៊ុយក្រែន”។ ដោយសម្លឹងទៅកាន់ឆ្នាំថ្មី លោកឯកអគ្គរដ្ឋទូត Murphy និងសម្តេចនាយករដ្ឋមន្រ្តី ហ៊ុន សែន បានពិភាក្សាលើវិធីកែលម្អទំនាក់ទំនងទ្វេភាគី។ យើងរំពឹងថា ឆ្នាំ២០២៣ ល្អប្រកបដោយផ្លែផ្កា ហើយអាចបន្តការខិតខំក្នុងការពង្រឹងមិត្តភាពរវាងប្រជាជនអាមេរិក និងប្រជាជនកម្ពុជា៕

អង្គការសហប្រជាជាតិនិយាយថា ជនស៊ីវិលជាង ៦.៨០០នាក់បានស្លាប់ក្នុងសង្គ្រាមនៅអ៊ុយក្រែន

អ៊ុយក្រែន៖ ការិយាល័យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សបាននិយាយថា យ៉ាងហោចណាស់ជនស៊ីវិលអ៊ុយក្រែន ៦,៨២៦នាក់បានស្លាប់ដោយការវាយប្រហាររបស់រុស្ស៊ីចាប់តាំងពីសង្គ្រាមចាប់ផ្តើម។ តួលេខនេះសរុបរួមក្នុងរយៈពេលចន្លោះពីថ្ងៃទី២៤ ខែកុម្ភៈ នៅពេលដែលរុស្ស៊ីចាប់ផ្តើមការវាយលុកដោយយោធារបស់ខ្លួន និងរហូតដល់ថ្ងៃទី១៨ ខែធ្នូ។ ការិយាល័យបាននិយាយថា អ្នកស្លាប់រួមមានកុមារ ៤២៨នាក់។ នៅតាមតំបន់ អ្នកស្លាប់ជាជនស៊ីវិលចំនួន ៤,០៣៦នាក់ត្រូវបានកត់ត្រានៅទីក្រុង Donetsk និង Luhansk ភាគខាងកើត និង ២,៧៩០នាក់នៅក្នុងតំបន់ផ្សេងទៀតរបស់អ៊ុយក្រែន រួមទាំងទីក្រុង Kyiv។ បន្ថែមលើនេះជនស៊ីវិលចំនួន ១០.៧៦៩នាក់បានរងរបួស។ ការិយាល័យបាននិយាយថា តួលេខជាក់ស្តែងគឺខ្ពស់ជាងនេះ ខណៈរបាយការណ៍ពីទីតាំងមួយចំនួនដែលមានជម្លោះខ្លាំងនៅតែបន្ត រួមមានទាំងទីក្រុង Mariupol ដែលកំពុងរង់ចាំការបញ្ជាក់៕អត្ថបទ៖ ប៊ុនថន

ការតវ៉ាដោយហិង្សាជាច្រើននៅទីក្រុងប៉ារីស បន្ទាប់ពីខ្មាន់កាំភ្លើងបានសម្លាប់មនុស្ស ៣នាក់

បារាំង៖ នគរបាលបង្ក្រាបកុប្បកម្មបានបាញ់ឧស្ម័នបង្ហូរទឹកភ្នែក ដើម្បីបំបែកក្រុមមនុស្សដែលមានកំហឹងនៅទីក្រុងប៉ារីសកាលពីល្ងាចថ្ងៃសុក្រ បន្ទាប់ពីខ្មាន់កាំភ្លើងម្នាក់បានសម្លាប់មនុស្ស ៣នាក់នៅមជ្ឈមណ្ឌលវប្បធម៌ជនជាតិឃឺដ និងហាងកាហ្វេមួយកន្លែងនៅក្បែរនោះក្នុងរដ្ឋធានីប្រទេសបារាំង។ ការបង្កអគ្គិភ័យបានកើតឡើងនៅតាមផ្លូវមួយកន្លែង នៅមិនឆ្ងាយពីកន្លែងកើតហេតុនៃការបាញ់ប្រហារ ខណៈវត្ថុជាច្រើនត្រូវបានគប់មកលើមន្ត្រីនគរបាល។ មេធាវីនៅមជ្ឈមណ្ឌលវប្បធម៌ជនជាតិឃឺដនិយាយថា មនុស្សបីនាក់ដែលបានស្លាប់គឺជាជនជាតិឃឺដ ហើយ ៣នាក់ផ្សេងទៀតបានរងរបួស ក្នុងនោះម្នាក់រងរបួសធ្ងន់ធ្ងរអាចប៉ះពាល់ដល់អាយុជីវិត។ មេដឹកនាំជនជាតិឃឺដបានអំពាវឲ្យមានការការពារប្រសើរជាងនេះ សម្រាប់សហគមន៍របស់ពួកគេ ខណៈរដ្ឋមន្ត្រីក្រសួងមហាផ្ទៃបារាំងនិយាយថា នគរបាលកំពុងបន្ថែមកម្លាំងសន្តិសុខនៅទីតាំងសហគមន៍ជនជាតិឃឺដ។ លោកបានស្នើឱ្យអង្គភាពសេវានគរបាលទាំងអស់នៅក្នុងទីក្រុងប៉ារីស និងកន្លែងផ្សេងទៀតក្នុងប្រទេសការពារកន្លែងដែលសហគមន៍ជនជាតិឃឺដរស់នៅ។ ឃាតករគឺជាជនជាតិបារាំងមានអាយុ 69ឆ្នាំដែលបុរសរូបនេះពុំត្រូវបានចាត់ទុកថា ជាជនជ្រុលនិយមដោយអង្គភាពសេវាស៊ើបការណ៍សម្ងាត់ មានដូចជាអគ្គនាយកដ្ឋានសន្តិសុខផ្ទៃក្នុង ឬអង្គភាពសេវាចារកម្មជាតិ។ មេដឹកនាំជនជាតិឃឺដបានអំពាវនាវជាយូរមកហើយ ឱ្យមានការការពារប្រសើរជាងមុននៅសហគមន៍របស់ពួកគេ ចាប់តាំងពីការសម្លាប់ស្ត្រីជនជាតិឃឺដ ៣នាក់កាលពីមួយទសវត្សរ៍មុន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា

កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ

នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ

អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មានការសម្របសម្រួលជាមួយទីក្រុងតេអេរ៉ង់

ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ

មន្ត្រីជាន់ខ្ពស់៖ លីបង់ទាមទារឲ្យអ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី

រញ្ជួយដីកម្រិត ៦,៥រ៉ិចទ័រ វាយប្រហារកោះ នៅភាគខាងត្បូងនៃប្រទេសហ្វីលីពីន

UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី

អ៊ីស្រាអែលទម្លាក់ខិត្តប័ណ្ណ នៅទីក្រុងរបស់លីបង់ ដោយបញ្ជាឲ្យប្រជាជនចាកចេញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៦នាក់ស្លាប់ បន្ទាប់ពីរថយន្តក្រុងធ្លាក់ពីស្ពានចូលក្នុងទន្លេក្នុងប្រទេសអេស្ប៉ាញ

ករណីឆ្លង COVID-19 កើនឡើងក្នុងប្រទេសចិន ក្នុងពេលមានភាពមិនស្របគ្នារវាងទិន្នន័យជាតិ និងទិន្នន័យតំបន់

ចិនហៅសហរដ្ឋអាមេរិកថា ជាអ្នកគំរាមកំហែងដោយផ្ទាល់ដល់ពិភពលោក

ការតវ៉ាដោយហិង្សាបានផ្ទុះឡើងនៅបារាំងប្រឆាំងការវាយប្រហាររើសអើងពូជសាសន៍លើជនជាតិឃើដ

អ្នកស្លាប់ដោយសារព្យុះព្រិលតំបន់អាកទិកជាប្រវត្តិសាស្ត្រកើនឡើងដល់ ៣៨នាក់នៅអាមេរិក និងកាណាដា

សម្តេចតេជោ ហ៊ុន សែន អញ្ជើញបើកការដ្ឋានស្តារ និងលើកកម្រិតគុណភាពផ្លូវជាតិលេខ៤១ ប្រវែងជាង ៩៥គីឡូម៉ែត្រ

អង្គការសហប្រជាជាតិនិយាយថា ជនស៊ីវិលជាង ៦.៨០០នាក់បានស្លាប់ក្នុងសង្គ្រាមនៅអ៊ុយក្រែន

ការតវ៉ាដោយហិង្សាជាច្រើននៅទីក្រុងប៉ារីស បន្ទាប់ពីខ្មាន់កាំភ្លើងបានសម្លាប់មនុស្ស ៣នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស ​៦​នាក់​ស្លាប់ ​បន្ទាប់ពី​រថយន្តក្រុង​ធ្លាក់​ពី​ស្ពាន​ចូលក្នុង​ទន្លេ​ក្នុងប្រទេស​អេ​ស្ប៉ា​ញ

ចិន​ហៅ​សហរដ្ឋអាមេរិក​ថា​ ជា​អ្នក​គំរាម​កំហែង​ដោយផ្ទាល់​ដល់​ពិភពលោក​

ការតវ៉ា​ដោយ​ហិង្សា​បាន​ផ្ទុះឡើងនៅ​បារាំង​ប្រឆាំង​ការវាយប្រហារ​រើសអើង​ពូជសាសន៍លើ​ជនជាតិ​ឃើ​ដ​

សម្តេចតេជោ ហ៊ុន សែន អញ្ជើញបើកការដ្ឋានស្តារ និងលើកកម្រិតគុណភាពផ្លូវជាតិលេខ៤១ ប្រវែងជាង ៩៥គីឡូម៉ែត្រ

អង្គការសហប្រជាជាតិ​និយាយថា ជន​ស៊ីវិល​ជាង ៦.៨០០​នាក់​បាន​ស្លាប់​ក្នុង​សង្គ្រាម​នៅ​អ៊ុយ​ក្រែ​ន​

ការតវ៉ា​ដោយ​ហិង្សា​ជាច្រើន​នៅ​ទីក្រុង​ប៉ារីស បន្ទាប់ពី​ខ្មាន់កាំភ្លើង​បានសម្លាប់​មនុស្ស​ ៣​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៦នាក់ស្លាប់ បន្ទាប់ពីរថយន្តក្រុងធ្លាក់ពីស្ពានចូលក្នុងទន្លេក្នុងប្រទេសអេស្ប៉ាញ

ចិនហៅសហរដ្ឋអាមេរិកថា ជាអ្នកគំរាមកំហែងដោយផ្ទាល់ដល់ពិភពលោក

ការតវ៉ាដោយហិង្សាបានផ្ទុះឡើងនៅបារាំងប្រឆាំងការវាយប្រហាររើសអើងពូជសាសន៍លើជនជាតិឃើដ

អង្គការសហប្រជាជាតិនិយាយថា ជនស៊ីវិលជាង ៦.៨០០នាក់បានស្លាប់ក្នុងសង្គ្រាមនៅអ៊ុយក្រែន

ការតវ៉ាដោយហិង្សាជាច្រើននៅទីក្រុងប៉ារីស បន្ទាប់ពីខ្មាន់កាំភ្លើងបានសម្លាប់មនុស្ស ៣នាក់