BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

កូរ៉េខាងជើងព្រមានពីដំណាក់កាលមិនអាចគ្រប់គ្រងបាន ខណៈសមយុទ្ធដែនអាកាសអាមេរិក-កូរ៉េខាងត្បូងនៅតែបន្ត

កូរ៉េខាងជើង៖ សារព័ត៌មានកូរ៉េខាងត្បូងបានរាយការណ៍ថា កូរ៉េខាងជើងបានព្រមានកូរ៉េខាងត្បូង និងសហរដ្ឋអាមេរិកថា ការសម្រេចចិត្តរបស់ពួកគេក្នុងការបន្ត សមយុទ្ធយោធាដែនអាកាសរួមគ្នាមានឈ្មោះថា Vigilant Storm នឹងរុញច្រានភាពតានតឹងឈានដល់ដំណាក់កាលគ្រប់គ្រងលែងបាន។ ទីក្រុងព្យុងយ៉ាងបានចោទប្រកាន់ថា ជាការសម្រេចចិត្តដ៏គ្រោះថ្នាក់បំផុតពីសំណាក់ទីក្រុងវ៉ាស៊ីនតោន និងសេអ៊ូលកាលពីថ្ងៃព្រហស្បតិ៍ក្នុងការបន្តសមយុទ្ធដែនអាកាសរបស់ពួកគេ ឆ្លើយតបទៅនឹងការបាញ់មីស៊ីលបាលិស្ទិករបស់កូរ៉េខាងជើង រួមទាំងមីស៊ីលដែលគេសង្ស័យថាជាមីស៊ីលបាលិស្ទិកអន្តរទ្វីប ICBM កាលពីថ្ងៃព្រហស្បតិ៍សប្ដាហ៍នេះ។ ទីភ្នាក់ងារសារព័ត៌មាន Yonhap របស់កូរ៉េខាងត្បូងបានរាយការណ៍ថា លោក Pak Jong-chon លេខានៃគណៈកម្មការមជ្ឈិមបក្សពលករកូរ៉េកំពុងកាន់អំណាច បានចេញការព្រមាននេះនៅក្នុងសេចក្ដីថ្លែងការណ៍ចេញផ្សាយ ដោយសារព័ត៌មានរដ្ឋ។ យោងតាមសារព័ត៌មាន Yonhap លោកបាននិយាយថា វាពិតជាជម្រើសដ៏គ្រោះថ្នាក់ និងការសម្រេចចិត្តខុស។ កូរ៉េខាងជើងបានបាញ់មីស៊ីលជាច្រើនគ្រាប់ចូលសមុទ្រកាលពីថ្ងៃព្រហស្បតិ៍ រួមទាំងមួយគ្រាប់អាចជាមីស៊ីលអន្តរទ្វីបបាលិស្ទីក ICBM ដែលអាចបរាជ័យក្នុងការសាកល្បងនេះ ដែលជំរុញឲ្យសហរដ្ឋអាមេរិក និងកូរ៉េខាងត្បូងបន្តសមយុទ្ធដែនអាកាសបានធ្វើឲ្យទីក្រុងព្យុងយ៉ាងផ្ទុះកំហឹងខ្លាំង។កូរ៉េខាងត្បូងបាននិយាយនៅថ្ងៃសុក្រនេះថា កូរ៉េខាងជើងបានបាញ់កាំភ្លើងធំប្រហែល ៨០គ្រាប់ចូលក្នុងព្រំដែនទឹកទាំងពាក់កណ្ដាលអាធ្រាត្រ ខណៈក្រុមរដ្ឋមន្ត្រីការពារជាតិមកពីទីក្រុងសេអ៊ូល និងវ៉ាស៊ីនតោនប្ដេជ្ញាបង្ហាញការតាំងចិត្ត ប្រឈមនឹងការបាញ់សាកល្បងមីស៊ីលជាបន្តបន្ទាប់ពីកូរ៉េខាងជើង។ គួររំលឹកថា កាលពីថ្ងៃពុធ ទី២ ខែវិច្ឆិកាសប្ដាហ៍នេះ កូរ៉េខាងជើងបានបាញ់មីស៊ីលយ៉ាងហោចណាស់ ២៣គ្រាប់ជាចំនួនច្រើនបំផុតក្នុងរយៈពេលតែមួយថ្ងៃ រួមទាំងមួយគ្រាប់ដែលបានធ្លាក់ក្បែរឆ្នេរសមុទ្រកូរ៉េខាងត្បូងជាលើកដំបូង៕អត្ថបទ៖ សុខមាន

លោក Biden ព្រមានថា ពលរដ្ឋដែលមិនទទួលយកលទ្ធផលឆ្នោតបង្កការគំរាមកំហែងដល់ប្រជាធិបតេយ្យ

អាមេរិក៖ ដោយសល់ត្រឹមតែប៉ុន្មានថ្ងៃមុនបិទការស្ទង់មតិ នៅក្នុងការបោះឆ្នោតពាក់កណ្ដាលអាណត្តិដ៏សំខាន់ លោកប្រធានាធិបតី Joe Biden បានព្រមានលទ្ធិប្រជាធិបតេយ្យរបស់សហរដ្ឋអាមេរិក កំពុងប្រឈមហានិភ័យពីការភូតកុហក និងអំពើហិង្សា។ លោកប្រធានាធិបតី Joe Biden បាននិយាយកាលពីថ្ងៃពុធថា ការគំរាមកំហែងទាំងឡាយបង្កឡើងដោយបេក្ខជនមកពីគណបក្សសាធារណរដ្ឋមួយចំនួន ដែលមិនចង់ទទួលយកលទ្ធផលបោះឆ្នោតនៅថ្ងៃទី៨ ខែវិច្ឆិកា ឆ្នាំ២០២២ ខាងមុខ ប្រសិនបើពួកគេបរាជ័យនោះគឺជាការគំរាមកំហែងដល់លទ្ធិប្រជាធិបតេយ្យ ហើយលោកបានស្ដីបន្ទោសអតីតប្រធានាធិបតី Donald Trump ចំពោះការបំផុសគំនិតដល់ពួកគេ។លោក Biden បាននិយាយនៅក្នុងសុន្ទរកថាមួយ ខណៈប្រជាពលរដ្ឋអាមេរិកបោះឆ្នោតដែលនឹងសម្រេចចិត្តថា ឲ្យគណបក្សប្រជាធិបតេយ្យ ឬគណបក្សសាធារណរដ្ឋគ្រប់គ្រងព្រឹទ្ធសភា និងរដ្ឋសភាអាមេរិក។ អាសនៈសរុបទាំងអស់ ៤៣៥រូបនៅក្នុងសភា ដែលគេដាក់ឲ្យដណ្ដើមនៅក្នុងការប្រកួតប្រជែងការបោះឆ្នោតថ្មី រួមជាមួយប្រហែល ១ភាគ៣ នៃអាសនៈព្រឹទ្ធសភា៕អត្ថបទ៖ សុខមាន

រុស្ស៊ីនឹងបន្តការចូលរួមក្នុងកិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ

រុស្ស៊ី៖ ក្រសួងការពារជាតិរុស្ស៊ីបាននិយាយកាលពីថ្ងៃពុធថា រុស្សីនឹងបន្តការចូលរួមរបស់ខ្លួននៅក្នុងកិច្ចព្រមព្រៀង ដែលអនុញ្ញាតឱ្យអ៊ុយក្រែននាំចេញគ្រាប់ធញ្ញជាតិតាមសមុទ្រខ្មៅ រយៈពេលបួនថ្ងៃបន្ទាប់ពីការផ្អាកក្នុងកិច្ចព្រមព្រៀងនេះ។ ទីក្រុងមូស្គូបានដកខ្លួនចេញពីកិច្ចព្រមព្រៀងកាលពីចុងសប្តាហ៍ដោយនិយាយថា ខ្លួនមិនអាចធានាសុវត្ថិភាពនៃនាវាស៊ីវិលដែលឆ្លងកាត់សមុទ្រខ្មៅ ដោយសារតែការវាយប្រហារដោយយានដ្រូនលើក្បួននាវារបស់ខ្លួននៅទីនោះ។ ក្រសួងការពារជាតិនិយាយនៅក្នុងសេចក្តីថ្លែងការណ៍ថា សហព័ន្ធរុស្ស៊ីពិចារណាថា ការធានាដែលទទួលបាននៅពេលនេះទំនងជាគ្រប់គ្រាន់ហើយ នឹងបន្តការអនុវត្តកិច្ចព្រមព្រៀងឡើងវិញ។ ដំណើរនៃការចូលរួមកិច្ចព្រមព្រៀងជាថ្មីនេះ បន្ទាប់ពីមានការសន្ទនាតាមទូរស័ព្ទរវាងប្រធានាធិបតីរុស្ស៊ីលោក Vladimir Putin និងប្រធានាធិបតីទួរគីលោក Tayyip Erdogan កាលពីថ្ងៃអង្គារ និងការសន្ទនាម្តងហើយម្តងទៀតរវាងរដ្ឋមន្ត្រីការពារជាតិរបស់ប្រទេសទាំងពីរ។ក្រសួងបាននិយាយថា ដោយសារការចូលរួមរបស់អង្គការសហប្រជាជាតិ និងប្រទេសទួរគី វាអាចធ្វើទៅបានដើម្បីទទួលបានការធានាជាលាយលក្ខណ៍អក្សរពីប្រទេសអ៊ុយក្រែនថា អ៊ុយក្រែននឹងមិនប្រើប្រាស់ច្រករបៀងមនុស្សធម៌ និងកំពង់ផែអ៊ុយក្រែនដើម្បីធ្វើប្រតិបត្តិការសឹកប្រឆាំងរុស្ស៊ីឡើយ។ សេចក្តីថ្លែងការណ៍នេះបង្ហាញពីការផ្លាស់ប្តូររបស់ទីក្រុងមូស្គូ ដែលកាលពីពេលមុនបាននិយាយថា វានឹងមានហានីភ័យ និងមិនអាចទទួលយកបានសម្រាប់នាវា ដើម្បីបន្តធ្វើដំណើរតាមច្រករបៀងមនុស្សធម៌ ដែលបានបង្កើតឡើងក្រោមកិច្ចព្រមព្រៀងរវាងប្រទេសទួរគី និងអង្គការសហប្រជាជាតិកាលពីខែកក្កដា៕អត្ថបទ៖ ប៊ុនថន

អាមេរិកនិយាយថា កូរ៉េខាងជើងផ្គត់ផ្គង់គ្រាប់កាំភ្លើងធំដល់រុស្ស៊ី

អាមេរិក៖ ក្រុមមន្ត្រីបាននិយាយកាលពីថ្ងៃពុធថា សហរដ្ឋអាមេរិកមានព័ត៌មានដែលបង្ហាញថា កូរ៉េខាងជើងកំពុងផ្គត់ផ្គង់ដោយសម្ងាត់ដល់ប្រទេសរុស្ស៊ី នូវគ្រាប់កាំភ្លើងធំសម្រាប់សង្គ្រាមរបស់ខ្លួននៅក្នុងប្រទេសអ៊ុយក្រែន។ អ្នកនាំពាក្យក្រសួងការបរទេសសហរដ្ឋអាមេរិកលោក Ned Price បាននិយាយនៅក្នុងសន្និសីទសារព័ត៌មានថា យើងមានព័ត៌មានបែបនេះ ទោះបីជាមានការបដិសេធជាសាធារណៈ ដែលយើងបានដឹងពីកូរ៉េខាងជើងក៏ដោយថា កូរ៉េខាងជើងកំពុងផ្គត់ផ្គង់ដោយសម្ងាត់ដល់សង្គ្រាមរុស្ស៊ីនៅអ៊ុយក្រែន នូវគ្រាប់កាំភ្លើងធំជាច្រើនគ្រាប់។ អ្នកនាំពាក្យសន្តិសុខជាតិរបស់សេតវិមានលោក John Kirby បាននិយាយថា ទីក្រុងវ៉ាស៊ីនតោននឹងពិភាក្សាជាមួយអង្គការសហប្រជាជាតិ លើបញ្ហាទំនួលខុសត្រូវលើការដឹកជញ្ជូនគ្រាប់កាំភ្លើងធំ។ លោក Ned Price បាននិយាយថា ទណ្ឌកម្មស្ថិតក្នុងចំណោមជម្រើសដូចក្នុងករណីផ្តល់អាវុធរបស់ប្រទេសអ៊ីរ៉ង់ដល់រុស្ស៊ី។លោកនិយាយថា ដូចដែលយើងកំពុងប្រើគ្រប់ឧបករណ៍ ហើយនឹងប្រើគ្រប់មធ្យោបាយដើម្បីប្រឆាំងការផ្តល់អាវុធរបស់អ៊ីរ៉ង់ដល់រុស្ស៊ី យើងនឹងធ្វើដូចគ្នានៅពេលនិយាយអំពីការផ្តល់អាវុធរបស់កូរ៉េខាងជើងដល់រុស្ស៊ី។ សហរដ្ឋ អាមេរិកកាលពីខែកញ្ញាបានដាក់ទណ្ឌកម្ម លើក្រុមហ៊ុនប្រទេសអ៊ីរ៉ង់ដែលបានចោទប្រកាន់ថា បានសម្របសម្រួលជើងហោះហើរយោធា ដើម្បីដឹកជញ្ជូនយានដ្រូនរបស់អ៊ីរ៉ង់ទៅកាន់ប្រទេសរុស្ស៊ី និងក្រុមហ៊ុនចំនួន ៣ផ្សេងទៀតដែលខ្លួនបាននិយាយថា ពាក់ព័ន្ធនឹងការផលិតយានដ្រូនរបស់អ៊ីរ៉ង់៕អត្ថបទ៖ ប៊ុនថន

នគរបាលទទួលការហៅទូរស័ព្ទជាច្រើន រយៈពេល ៤ម៉ោងមុនសោកនាដកម្មរត់ជាន់គ្នា

កូរ៉េខាងត្បូង៖ ការហៅទូរស័ព្ទដំបូងពីសង្កាត់ Itaewon ទៅកាន់នគរបាលកូរ៉េខាងត្បូងបានធ្វើឡើងនៅម៉ោង ៦:៣៤នាទីម៉ោងក្នុងតំបន់កាលពីថ្ងៃសៅរ៍ មានរយៈពេលប្រមាណ ៤ម៉ោងមុនពេលមានក្រុមមនុស្សច្រើនប្រជ្រៀតគ្នាក្នុងពិធីបុណ្យ Halloween ដែលបានប្រែក្លាយទៅជាស្ថានភាពបណ្តាលឲ្យមានមនុស្សស្លាប់។ អ្នកហៅទូរស័ព្ទបានទទូចអំពីចំនួនមនុស្សជាច្រើនស្ថិតក្នុងគ្រោះថ្នាក់ ដែលកំពុងប្រជ្រៀតរុញច្រានគ្នានៅលើផ្លូវលំតូចចង្អៀតមួយ និងបានទទូចឲ្យនគរបាលអនុវត្តការគ្រប់គ្រងហ្វូងមនុស្ស មុនពេលអ្វីៗក្លាយជាកំហុស។ រូបភាពកំណត់ត្រាបង្ហាញពីបញ្ជីសន្ទនាតាមទូរស័ព្ទចូល ពីអ្នកហៅទូរស័ព្ទទៅកាន់ខ្សែទូរស័ព្ទឆ្លើយតបបន្ទាន់ ១១២ របស់ប្រទេសកូរ៉េខាងត្បូង ដោយប្រាប់នគរបាលពីហ្វូងមនុស្សកើនឡើងច្រើន នៅលើផ្លូវចង្អៀតក្នុងសង្កាត់ Itaewon និងទទូចឲ្យមានការគ្រប់គ្រងមនុស្ស។ អ្នកហៅទូរស័ព្ទនិយាយទៅកាន់បណ្តាញទូរស័ព្ទជំនួយបន្ទាន់របស់នគរបាលថា វាជាផ្លូវតូចចង្អៀត។ មនុស្សជាច្រើនកំពុងតម្រង់ជួរនៅខាងក្រៅក្លឹបកម្សាន្ត ហើយអ្នកផ្សេងទៀតបានចេញដើរមកលើផ្លូវ។ ដោយសារតែពួកគេប្រជ្រៀតគ្នា មនុស្សអាចជាន់គ្នារហូតដល់ស្លាប់។ខ្ញុំគិតថា អ្នកចាំបាច់ត្រូវគ្រប់គ្រងមនុស្សនៅលើផ្លូវ។ ២ ទៅ ៣ម៉ោងបន្ទាប់មកការហៅទូរស័ព្ទបន្ថែមទៀតបានចូលមក ដែលបានហៅបន្ទាន់ដល់នគរបាលថា មនុស្សជាច្រើនកំពុងដួលនៅលើផ្លូវ និងបាននិយាយថា ឧប្បត្តិហេតុធំអាចកើតមាន។ នៅម៉ោង ៨:៣៣នាទីដោយសារតែហ្វូងមនុស្សច្រើន មនុស្សកំពុងដួល រឿងរ៉ាងជាច្រើនហួសពីការគ្រប់គ្រង។ ការហៅទូរស័ព្ទចុងក្រោយទៅកាន់នគរបាលត្រូវបានទទួលនៅម៉ោង១០ មុនពេលមនុស្សចាប់ផ្តើមដួលលើគ្នា។ មួយស្របក់ក្រោយមកភាពចលាចលបានផ្ទុះឡើង ដែលក្នុងឧប្បត្តិហេតុនេះបណ្តាលឲ្យមនុស្សយ៉ាងហោចណាស់ ១៥៦នាក់ស្លាប់ និងរងរបួស ១៥០នាក់ផ្សេងទៀត។ ជាសរុបមានការហៅទូរស័ព្ទចំនួន ១១លើកទៅកាន់នគរបាលដែលមួយលើកៗបានប្រាប់ពីភាពគ្រោះថ្នាក់កំពុងកើនឡើង៕អត្ថបទ៖ ប៊ុនថន

អាមេរិកនិយាយថា ក្រុមមេបញ្ជាការកងទ័ពរុស្ស៊ីបានពិភាក្សាពីការប្រើប្រាស់អាវុធនុយក្លេអ៊ែរនៅអ៊ុយក្រែន

អាមេរិក៖ មន្ត្រីអាមេរិក ២នាក់បានប្រាប់សារព័ត៌មាន CBS ថា ក្រុមមេដឹកនាំយោធាជាន់ខ្ពស់រុស្ស៊ីបានពិភាក្សាគ្នាកាលពីខែមុនពីមធ្យោបាយ និងពេលវេលាដែលពួកគេអាចប្រើប្រាស់អាវុធនុយក្លេអ៊ែរ នៅលើសមរភូមិក្នុងប្រទេសអ៊ុយក្រែន។ មន្ត្រីទាំង ២រូបនោះបានប្រាប់ដៃគូផ្សាយអាមេរិករបស់សារព័ត៌មាន BBC ថា លោក Vladimir Putin ពុំបានចូលរួមក្នុងការពិភាក្សានោះទេ។ សេតវិមានបាននិយាយថា ខ្លួនមានការព្រួយបារម្ភកាន់តែខ្លាំងឡើង អំពីការប្រើប្រាស់អាវុធនុយក្លេអ៊ែរដ៏មានឥទ្ធិពលប៉ុន្មានខែមកនេះ។ ប៉ុន្តែបានបញ្ជាក់ថា សហរដ្ឋអាមេរិកមើលមិនឃើញពីសញ្ញានៃការត្រៀមរបស់រុស្ស៊ី ក្នុងការប្រើប្រាស់អាវុធប្រភេទនេះទេ។ ដំណឹងនោះបានធ្វើឲ្យមានការវាយតម្លៃផ្នែកចារកម្មពីលោកខាងលិចមុននេះថា ទីក្រុង Moscow មិនបានរំកិលអាវុធនុយក្លេអ៊ែររបស់ខ្លួនឡើយ។អ្នកនាំពាក្យវិមានក្រឹមឡាំងលោក Dmitry Peskov បានចោទលោកខាងលិចពីបទមានចេតនាបំប៉ោងព័ត៌មាន ទោះបីជាពេលវេលានៃការពិភាក្សាកម្រិតកំពូលខាងយោធារុស្ស៊ីកាលពីពាក់កណ្ដាលខែតុលា វាជារឿងសំខាន់យ៉ាងណាក៏ដោយ។ កាលពីចុងខែកញ្ញា លោកប្រធានាធិបតី Putin បានបង្កើនវោហារសស្ត្រនុយក្លេអ៊ែររបស់លោក និងការប្រឆាំងលោកខាងលិច ដោយនិយាយពីការប្រើប្រាស់គ្រប់មធ្យោបាយទាំងអស់ ដើម្បីការពាររុស្ស៊ី និងដែនដីអ៊ុយក្រែនដែលខ្លួនបានគ្រប់គ្រង ដែលលោកបានដាក់បញ្ចូលជាឧបសម្ព័ន្ធរួចទៅហើយ៕អត្ថបទ៖ សុខមាន

រុស្ស៊ី៖ លោកខាងលិចត្រូវតែបញ្ឈប់ការជំរុញឲ្យមានជម្លោះ ដើម្បីបញ្ចៀសគ្រោះមហន្តរាយនុយក្លេអ៊ែរ

រុស្ស៊ី៖ រុស្ស៊ីបាននិយាយកាលពីថ្ងៃពុធថា ការបញ្ចៀសការប៉ះទង្គិចគ្នាដោយនុយក្លេអ៊ែរ រវាងមហាអំណាចនុយក្លេអ៊ែររបស់ពិភពលោកគឺជាចំណុចចម្បងបំផុតរបស់ខ្លួន ប៉ុន្តែបានចោទប្រកាន់លោកខាងលិចពីបទជំរុញឲ្យមានការបង្ករឿងតាមរយៈអាវុធមហាប្រល័យ។ បណ្ដារដ្ឋធានីលោកខាងលិចបាននិយាយថា ទីក្រុង Moscow ជាអ្នកនៅពីក្រោយការបង្កើនវោហារសាស្ត្រនុយក្លេអ៊ែរ ចាប់តាំងពីរុស្ស៊ីវាយលុកចូលក្នុងប្រទេសអ៊ុយក្រែនកាលពីថ្ងៃទី២៤ ខែកុម្ភៈ ដោយថ្មីៗនេះបានចោទប្រកាន់ទីក្រុង Kyiv ពីបទរៀបគម្រោងប្រើគ្រាប់បែកផ្ទុកសារធាតុវិទ្យុសកម្ម ដោយពុំបានផ្ដល់ភស្តុតាងឡើយ។ ទីក្រុង Kyiv បានច្រានចោលការប្រើប្រាស់ផែនការណាមួយប្រភេទនេះ។ ក្រសួងការបរទេសរុស្ស៊ីបាននិយាយថា ខ្លួនបារម្ភថា ប្រទេសទាំង៥ ដែលបានប្រកាសខ្លួនឯងជាមហាអំណាចនុយក្លេអ៊ែរ កំពុងរំកិលចូលមាត់ជ្រោះនៃជម្លោះប្រដាប់អាវុធដោយផ្ទាល់ ហើយថាលោកខាងលិចត្រូវតែបញ្ឈប់ការលើកទឹកចិត្តឲ្យមានការបង្ករឿង ដើម្បីបញ្ចៀសពីមហន្តរាយនុយក្លេអ៊ែរ។ ទីក្រុង Moscow បានលើកឡើងថា ខ្លួនប្រកាន់ភ្ជាប់លើសេចក្ដីប្រកាសរួមដែលបានចេញរួមគ្នាជាមួយសហរដ្ឋអាមេរិក ចិន ចក្រភពអង់គ្លេស និងបារាំងកាលពីខែមករា ដោយបញ្ជាក់ច្បាស់ពីទំនួលខុសត្រូវរួមក្នុងការបញ្ចៀសសង្គ្រាមនុយក្លេអ៊ែរ៕ អត្ថបទ៖ សុខមាន

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានផ្តល់អនុសាសន៍ឱ្យប្រទេសសមាជិកអេកម៉ិច និងCLMV គួរបង្កើនកិច្ចសហប្រតិបត្តិការលើការអភិវឌ្ឍ ទេសចរណ៍ជនបទ សហគមន៍ និងអេកូទេសចរណ៍ឲ្យក្លាយជា ឆ្អឹងខ្នងនៃការអភិវឌ្ឍ វិស័យទេសចរណ៍ប្រកបដោយភាពធន់ និងចីរភាព។តាមរយៈសារលិខិតស្វាគមន៍របស់សម្តេចសម្រាប់ បើកកិច្ចប្រជុំរដ្ឋមន្ត្រីទេសចរណ៍អេកម៉ិច (ACMECS) លើកទី៥ និងកិច្ចប្រជុំរដ្ឋមន្ត្រីទេសចរណ៍ CLMV លើកទី៦ដែលប្រារព្ធនៅខេត្តសៀមរាប នាព្រឹកថ្ងៃទី៣វិច្ឆិកានេះ ជាមួយនឹងបង្ហាញមោទនភាព ដែលកម្ពុជាបានទទួលធ្វើជាម្ចាស់ផ្ទះរៀបចំកិច្ចប្រជុំអន្តរជាតិធំៗ ជាច្រើន បន្ទាប់ពីការប្រកាសបើកប្រទេសឡើងវិញ ចាប់ពីចុងឆ្នាំ២០២១ មកសម្តេចក៏បានយកឱកាសចែករំលែកនូវការគិតគូរមួយចំនួន ដល់កិច្ចប្រជុំរដ្ឋមន្ត្រីទេសចរណ៍អេកម៉ិក និង CLMV ថា៖គួរបង្កើនកិច្ចសហប្រតិបត្តិការលើការអភិវឌ្ឍផលិតផលថ្មីៗ ការបំពេញឲ្យគ្នា ទៅវិញទៅមក និងផ្ដល់នូវភាពសំបូរបែបដល់ទេសចរ ស្របតាមការប្រែប្រួលនិន្នាកាទេសចរណ៍ ក្រោយវិបត្តិកូវីដ-១៩។សម្ដេចតេជោនាយករដ្ឋមន្ត្រីបានមានប្រសាសន៍ថា ក្នុងបរិបទឌីជីថលូបនីយកម្ម ប្រទេសអេកម៉ិក និង CLMV គួរជំរុញការផ្លាស់ប្ដូរបទពិសោធន៍ លើ ដំណើរការបរិវត្តកម្មឌីជីថលក្នុងវិស័យទេសចរណ៍ ក្នុងនោះគួរដកពិសោធន៍គ្នាទៅវិញ ទៅមក លើការអនុវត្តកម្មវិធីអក្ខរកម្មឌីជីថលក្នុងវិស័យទេសចរណ៍ ការអភិវឌ្ឍជំនាញឌីជីថល ក៏ដូចជា ការប្រើប្រាស់បច្ចេកវិទ្យាឌីជីថល ក្នុងការបង្កើនផលិតភាព និងឧត្តមភាពប្រកួតប្រជែង។អេកម៉ិក និងCLMV គួរគិតគូរជំរុញលំហូរទេសចរផ្ទៃក្នុងតំបន់អាម៉ិក (ACMECS-Intra Traveler) និង លំហូរទេសចរផ្ទៃក្នុងតំបន់ CLMV (CLMV-Intra Traveler) ដោយត្រូវគិតគូរ ផងដែរ លើការបង្កើនការតភ្ជាប់ផ្លូវគោក ផ្លូវអាកាស និងផ្លូវទឹក បន្ថែមទៀត ព្រមទាំងជំរុញ ទេសចរណ៍បើកបរដោយខ្លួនឯង (Self-Driving Tour)។ សម្រាប់ការទាក់ទាញទេសចរពី ប្រទេសទី៣ សម្តេចបានគាំទ្រឲ្យបន្តផ្សព្វផ្សាយក្រោមយុទ្ធនាការ "ប្រទេសប្រាំ គោលដៅទេសចរណ៍ តែមួយ” និង "ប្រទេសបួន គោលដៅទេសចរណ៍តែមួយ”។ដើម្បីសម្របសម្រួលការអនុវត្តផែនការសកម្មភាពទេសចរណ៍អេកម៉ិក និង CLMV ដែលបាន ដាក់ចុះ សម្តេចក៏បានគាំទ្រនូវការគិតគូរបង្កើតឲ្យមានយន្តការស្ថាប័នទេសចរណ៍អេកម៉ិក និង CLMV ដែលអាចជាលេខាធិការដ្ឋាន ឬរចនាសម្ព័ន្ធណាមួយ ហើយកម្ពុជាមានសេចក្តីរីករាយក្នុងការទទួលធ្វើជាម្ចាស់ផ្ទះ៕

កូរ៉េខាងជើងបាញ់មីស៊ីលបាលីស្ទិករំលងជប៉ុនដែលតម្រូវឲ្យមានការប្រកាសឲ្យពលរដ្ឋរត់ចូលក្នុងជម្រកសុវត្ថិភាព

កូរ៉េខាងជើង៖ កូរ៉េខាងជើងបានបាញ់មីស៊ីលបាលីស្ទិកជាច្រើនគ្រាប់នៅថ្ងៃព្រហស្បតិ៍នេះ រួមទាំងមួយគ្រាប់ដែលបានធ្វើឲ្យមានការប្រកាសអាសន្នឲ្យពលរដ្ឋក្នុងតំបន់មួយចំនួននៃភាគកណ្ដាល និងខាងជើងប្រទេសជប៉ុនរត់ចូលក្នុងជម្រកសុវត្ថិភាព ជាការបាញ់សាកល្បងមីស៊ីលដ៏ច្រើនបំផុតក្នុងរយៈពេល ១ឆ្នាំដោយប្រទេសអាវុធនុយក្លេអ៊ែរកូរ៉េខាងជើង។ នាយករដ្ឋមន្ត្រីជប៉ុនបានថ្លែងប្រាប់ក្រុមអ្នកសារព័ត៌មានថា មួយក្នុងចំណោមមីស៊ីលដែលកូរ៉េខាងជើងបានបាញ់នៅព្រឹកថ្ងៃព្រហស្បតិ៍នេះ អាចជាមីស៊ីលបាលីស្ទិកអន្តរទ្វីប (ICBM)។ ចំណែកយោធាកូរ៉េខាងត្បូងបានឲ្យដឹងថា កូរ៉េខាងជើងបានបាញ់មីស៊ីល ៣គ្រាប់នៅព្រឹកថ្ងៃព្រហស្បតិ៍នេះ ក្នុងនោះមួយគ្រាប់ទំនងជាមីស៊ីលបាលីស្ទិកអន្តរទ្វីប (ICBM) និង ២គ្រាប់ទៀតអាចជាមីស៊ីលរយៈចម្ងាយខ្លី។ ការបាញ់ទាំងនេះមានឡើងមួយថ្ងៃ បន្ទាប់ពីកូរ៉េខាងជើងបានបាញ់មីស៊ីលយ៉ាងហោចណាស់ ២៣គ្រាប់ជាចំនួនច្រើនបំផុតក្នុងរយៈពេលតែមួយថ្ងៃ រួមទាំងមួយគ្រាប់ដែលបានធ្លាក់ក្បែរឆ្នេរសមុទ្រកូរ៉េខាងត្បូងជាលើកដំបូង។ប្រជាពលរដ្ឋក្នុងខេត្ត Miyagi, Yamagata និងខេត្ត Niigata ក្នុងភាគខាងជើងជប៉ុន ត្រូវបានព្រមាននៅថ្ងៃព្រហស្បតិ៍នេះឲ្យពលរដ្ឋរត់ចូលក្នុងជម្រកសុវត្ថិភាព នេះបើយោងតាមប្រព័ន្ធផ្សព្វផ្សាយការប្រកាសអាសន្នរបស់ជប៉ុន។ ការព្រមាននេះបាននិយាយថា មីស៊ីលមួយគ្រាប់បានហោះរំលងលើប្រទេសជប៉ុន។ ក្រោយមកក្រសួងការពារជាតិជប៉ុនបាននិយាយថា មីស៊ីលពុំបានហោះរំលងទឹកដីរបស់ប្រទេសជប៉ុនទេ។ ប្រព័ន្ធផ្សព្វផ្សាយ FNN បានរាយការណ៍ដោយសំអាងប្រភពនានាពីរដ្ឋាភិបាលថា រយៈពេលប្រមាណ ២៥នាទីបន្ទាប់ពីការបាញ់លើកដំបូងត្រូវបានរាយការណ៍។ ឆ្មាំសមុទ្រជប៉ុនបាននិយាយថា មីស៊ីលមួយគ្រាប់បានធ្លាក់។ មីស៊ីលនេះបានធ្លាក់នៅក្នុងមហាសមុទ្រប៉ាស៊ីហ្វិកចម្ងាយ ១,១០០គីឡូម៉ែត្រភាគខាងកើតប្រទេសជប៉ុន៕អត្ថបទ៖ សុខមាន

មេដឹកនាំពិភពលោកព្យាយាមសង្គ្រោះកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន-រុស្ស៊ី

អ៊ុយក្រែន៖ មេដឹកនាំពិភពលោកកំពុងព្យាយាមសង្គ្រោះកិច្ចព្រមព្រៀង ដែលនឹងនាំចេញស្បៀងអាហារដល់ប្រទេសដែលត្រូវការច្រើនបំផុត។ ក្រុមមេដឹកនាំកំពុងជំរុញឱ្យប្រធានាធិបតីរុស្ស៊ីលោក Vladimir Putin បន្តការដឹកជញ្ជូនគ្រាប់ធញ្ញជាតិឡើងវិញចេញពីកំពង់ផែសមុទ្រខ្មៅ។ កាលពីថ្ងៃសៅរ៍ ប្រទេសរុស្ស៊ីបានដកខ្លួនចេញពីកិច្ចព្រមព្រៀង ដែលសម្របសម្រួលដោយប្រទេសទួរគី និងអង្គការសហប្រជាជាតិ។ រុស្ស៊ីនិយាយថា យានដ្រូនរបស់អ៊ុយក្រែនបានវាយប្រហារក្បួននាវារបស់ពួកគេ នៅក្នុងកំពង់ផែ Sevastopol តំបន់គ្រីមៀ។ ពួកគេបានរិះគន់អ៊ុយក្រែន ចំពោះការធ្វើឲ្យនាវាដឹកគ្រាប់ធញ្ញជាតិ និងនាវាអមរបស់រុស្ស៊ីស្ថិតក្នុងហានិភ័យ។ ប្រធានាធិបតីទួរគីលោក Recep Tayyip Erdogan បានទូរស័ព្ទទៅកាន់លោក Putin កាលពីថ្ងៃអង្គារ និងបានស្នើឱ្យលោកដកចេញការសម្រេចចិត្តរបស់លោកវិញ។ លោកPutin និយាយថា លោកនឹងពិចារណានៅពេលដែលការស៊ើបអង្កេតលើការវាយប្រហារដោយយានដ្រូនត្រូវបានបញ្ចប់។ប្រធានាធិបតីទួរគីលោក Tayyip Erdogan បាននិយាយ បន្ទាប់ពីរុស្ស៊ីបានផ្អាកការចូលរួមរបស់ខ្លួននៅក្នុងគំនិតផ្តួចផ្តើមនាំចេញគ្រាប់ធញ្ញជាតិថា ប្រទេសទួរគីនឹងបន្តកិច្ចប្រឹងប្រែង សម្រាប់កិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ ទោះបីជារុស្ស៊ីស្ទាក់ស្ទើរក៏ដោយ។ ក្នុងពេលរុស្ស៊ីមានអាកប្បកិរិយាស្ទាក់ស្ទើរ យើងនឹងបន្តការខិតខំប្រឹងប្រែងយ៉ាងមុតមាំក្នុងការបម្រើមនុស្សជាតិ។ រដ្ឋមន្ត្រីការបរទេសទួរគីលោក Mevlut Cavusoglu និយាយនៅទីក្រុងអង់ការ៉ាថា ត្រូវតែមានចំណាត់ការជាក់ស្តែង ដើម្បីដកចេញរបាំងលើការនាំចេញគ្រាប់ធញ្ញជាតិ និងជីពីប្រទេសរុស្ស៊ី និងអ៊ុយក្រែន។លោកនិយាយថា ពិភពលោកទាំងមូលត្រូវការទំនិញទាំងនេះ។ លោក Cavusoglu និយាយថា លោក Erdogan បានធ្វើការអំពាវនាវទៅកាន់ប្រធានាធិបតីអ៊ុយក្រែនលោក Volodymyr Zelenskyy ដោយលោក Zelenskyy បានជឿជាក់លើអ្នកចរចាពីប្រទេសទួរគី និងអង្គការសហប្រជាជាតិថា នឹងអាចធ្វើឲ្យស្ថានភាពល្អប្រសើរ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

តម្លៃប្រេងកើនឡើងបន្ទាប់ពីអ៊ីរ៉ង់បិទច្រកសមុទ្រ Hormuz ម្តងទៀត ខណៈលោក Trump គំរាមវាយប្រហារថ្មី

លោក Trump ៖លោក Starmer នឹងលាលែងពីតំណែង ខណៈសង្ស័យថានាយករដ្ឋមន្ត្រីអង់គ្លេសអាចនឹងចុះចេញនៅថ្ងៃចន្ទនេះ

អឺរ៉ុប ត្រៀមទប់ទល់រលកកម្ដៅដ៏អូសបន្លាយ ខណៈសីតុណ្ហភាពឡើងដល់ ៤០ អង្សាសេ

សម្តេចធិបតីនាយករដ្ឋមន្ត្រី អនុញ្ញាតជូន ឯកអគ្គរដ្ឋទូតតួកគីយេ ប្រចាំកម្ពុជា ចូលជួបសម្តែងការគួរសម

ក្នុងស្មារតីជាតិតែមួយ ថ្នាក់ដឹកនាំមន្ទីរព័ត៌មានខេត្តព្រះវិហារ នាំយកស្បៀងអាហារឧបត្ថម្ភជូនវីរកងទ័ពជួរមុខ ក្នុងភូមិសាស្ត្រស្រុកជាំក្សាន្ត

កិច្ចចរចាអាមេរិក-អ៊ីរ៉ង់ បានចូលដល់ថ្ងៃទី២ បន្ទាប់ពីការគំរាមរបស់លោក Trump និងការបិទច្រកសមុទ្រ Hormuz

ក្រសួងបរិស្ថាន៖ការពង្រឹង និងការចូលរួមការពារនិងអភិរក្សធនធានធម្មជាតិ ជួយធានាសន្តិសុខស្បៀង សេដ្ឋកិច្ចសហគមន៍មូលដ្ឋាន ចីរភាពបរិស្ថាន

តុលាការសម្រេចឃុំខ្លួនជនបរទេសសរុបចំនួន ១៩នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អរគុណថ្នាក់ដឹកនាំ អាជ្ញាធរកម្ពុជា ជួយសម្រួល និងរក្សាសុវត្ថិភាពជូនគណៈប្រតិភូអន្តរជាតិចូលរួមមហាសន្និបាតកាយប្ញទ្ធិនារីពិភពលោក

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កូរ៉េខាងជើងព្រមានពីដំណាក់កាលមិនអាចគ្រប់គ្រងបាន ខណៈសមយុទ្ធដែនអាកាសអាមេរិក-កូរ៉េខាងត្បូងនៅតែបន្ត

លោក Biden ព្រមានថា ពលរដ្ឋដែលមិនទទួលយកលទ្ធផលឆ្នោតបង្កការគំរាមកំហែងដល់ប្រជាធិបតេយ្យ

រុស្ស៊ីនឹងបន្តការចូលរួមក្នុងកិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ

អាមេរិកនិយាយថា កូរ៉េខាងជើងផ្គត់ផ្គង់គ្រាប់កាំភ្លើងធំដល់រុស្ស៊ី

នគរបាលទទួលការហៅទូរស័ព្ទជាច្រើន រយៈពេល ៤ម៉ោងមុនសោកនាដកម្មរត់ជាន់គ្នា

អាមេរិកនិយាយថា ក្រុមមេបញ្ជាការកងទ័ពរុស្ស៊ីបានពិភាក្សាពីការប្រើប្រាស់អាវុធនុយក្លេអ៊ែរនៅអ៊ុយក្រែន

រុស្ស៊ី៖ លោកខាងលិចត្រូវតែបញ្ឈប់ការជំរុញឲ្យមានជម្លោះ ដើម្បីបញ្ចៀសគ្រោះមហន្តរាយនុយក្លេអ៊ែរ

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

កូរ៉េខាងជើងបាញ់មីស៊ីលបាលីស្ទិករំលងជប៉ុនដែលតម្រូវឲ្យមានការប្រកាសឲ្យពលរដ្ឋរត់ចូលក្នុងជម្រកសុវត្ថិភាព

មេដឹកនាំពិភពលោកព្យាយាមសង្គ្រោះកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន-រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Biden ព្រមាន​ថា​ ពលរដ្ឋ​ដែល​មិន​ទទួលយក​លទ្ធផល​ឆ្នោត​បង្ក​ការ​គំរាម​កំហែង​ដល់​ប្រជាធិបតេយ្យ​

រុស្ស៊ី​នឹង​បន្ត​ការចូលរួម​ក្នុង​កិច្ចព្រមព្រៀង​នាំចេញ​គ្រាប់​ធញ្ញជាតិ​នៅ​សមុទ្រ​ខ្មៅ​

អាមេរិក​និយាយថា កូរ៉េខាងជើង​ផ្គត់ផ្គង់​គ្រាប់កាំភ្លើង​ធំ​ដល់​រុស្ស៊ី​

នគរបាល​ទទួល​ការ​ហៅ​ទូរស័ព្ទ​ជាច្រើន រយៈពេល ​៤​ម៉ោង​មុន​សោកនាដកម្ម​រត់​ជាន់គ្នា​

រុស្ស៊ី​៖ ​លោកខាងលិច​ត្រូវតែ​បញ្ឈប់​ការជំរុញ​ឲ្យ​មាន​ជម្លោះ ដើម្បី​បញ្ចៀស​គ្រោះមហន្តរាយ​នុយក្លេអ៊ែរ​

សម្តេចតេជោ៖ អេកម៉ិច និង CLMV គួរបង្កើនកិច្ចសហប្រតិបត្តិការអភិវឌ្ឍសហគមន៍និង អេកូទេសចរណ៍

មេដឹកនាំ​ពិភពលោក​ព្យាយាម​សង្គ្រោះ​កិច្ចព្រមព្រៀង​នាំចេញ​គ្រាប់​ធញ្ញជាតិ​អ៊ុយ​ក្រែ​ន​-​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Biden ព្រមានថា ពលរដ្ឋដែលមិនទទួលយកលទ្ធផលឆ្នោតបង្កការគំរាមកំហែងដល់ប្រជាធិបតេយ្យ

រុស្ស៊ីនឹងបន្តការចូលរួមក្នុងកិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ

អាមេរិកនិយាយថា កូរ៉េខាងជើងផ្គត់ផ្គង់គ្រាប់កាំភ្លើងធំដល់រុស្ស៊ី

នគរបាលទទួលការហៅទូរស័ព្ទជាច្រើន រយៈពេល ៤ម៉ោងមុនសោកនាដកម្មរត់ជាន់គ្នា

រុស្ស៊ី៖ លោកខាងលិចត្រូវតែបញ្ឈប់ការជំរុញឲ្យមានជម្លោះ ដើម្បីបញ្ចៀសគ្រោះមហន្តរាយនុយក្លេអ៊ែរ

មេដឹកនាំពិភពលោកព្យាយាមសង្គ្រោះកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន-រុស្ស៊ី