BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

អតីតនាយករដ្ឋមន្ត្រីអ៊ីស្រាអែលលោក Netanyahu និយាយថា ក្រុមរបស់លោកជិតឈានដល់ជ័យជម្នះក្នុងការបោះឆ្នោតហើយ

អ៊ីស្រាអែល៖ អតីតនាយករដ្ឋមន្ត្រីអ៊ីស្រាអែលលោក Benjamin Netanyahu បាននិយាយនៅថ្ងៃពុធនេះថា សម្ព័ន្ធភាពស្ដាំនិយមរបស់លោកជិតឈានដល់ជ័យជម្នះដ៏ធំធេងក្នុងការបោះឆ្នោត បន្ទាប់ពីការស្ទង់មតិក្រោយការបោះឆ្នោតបានព្យាករណ៍ថា ក្រុមចម្រុះរបស់លោកទទួលបានសំឡេងភាគច្រើនស្ដួចស្ដើងក្នុងសភា ដែលជាការបើកផ្លូវសម្រាប់ការវិលត្រឡប់មកកាន់តំណែងជាថ្មីរបស់លោក។ លោក Netanyahu បានប្រាប់ក្រុមអ្នកគាំទ្រទាំងទឹកមុខញញឹម នៅទីស្នាក់ការបោះឆ្នោតរបស់លោកនៅក្នុងទីក្រុង Jerusalem ថា យើងបានឈ្នះការបោះឆ្នោតផ្ដល់ទំនុកចិត្តដ៏ច្រើនសម្បើមពីប្រជាជនអ៊ីស្រាអែល។ លោកបានប្រាប់ក្រុមមនុស្សដែលកំពុងសាទររូបលោកថា យើងជិតឈានដល់ជ័យជម្នះដ៏ធំហើយ។ ដោយមានការគាំទ្រខ្លាំងពីសម្ព័ន្ធមិត្តស្តាំនិយមជ្រុលរបស់លោក លោក Netanyahu ស្ថិតក្រោមការកាត់ក្តីពីបទពុករលួយដែលលោកបានបដិសេធនោះ កំពុងតែស្ថិតក្នុងដំណើរឆ្ពោះទៅកាន់អំណាចជាថ្មី នេះបើយោងតាមការស្ទង់មតិក្រោយការបោះឆ្នោត របស់ទូរទស្សន៍អ៊ីស្រាអែលកាលពីល្ងាចថ្ងៃអង្គារ ថ្ងៃទី១ ខែវិច្ឆិកា ដែលបានព្យាករណ៍ពីប្លុករបស់លោកក្នុងចំណោមគណបក្សចំនួន៤ ដែលទទួលបានអាសនៈចំនួន ៦២ ក្នុងចំណោមអាសនៈចំនួន ១២០ របស់សភា។លទ្ធផលចុងក្រោយមិនត្រូវបានរំពឹងទុកទេរហូតដល់ចុងសប្ដាហ៍នេះ។ ការកាន់អំណាចរយៈពេល ១២ឆ្នាំរបស់លោក Netanyahu បានបញ្ចប់កាលពីខែមិថុនា ឆ្នាំ២០២១ នៅពេលអ្នកនិយមកណ្ដាលលោក Yair Lapid បានគ្រប់គ្រងសម្ព័ន្ធភាពដ៏ផុយស្រួយនៃប្លុកអ្នកសេរីនិយម ស្តាំនិយម និងគណបក្សអារ៉ាប់ជាលើកដំបូង និងដែលបានដឹកនាំប្រទេសមួយឆ្នាំក្នុងការគ្រប់គ្រងរបស់ខ្លួន៕អត្ថបទ៖ សុខមាន

នាយករដ្ឋមន្ត្រីឥណ្ឌាពិនិត្យទីតាំងបាក់ស្ពាន និងបានជួបជនរងគ្រោះ

ឥណ្ឌា៖ នាយករដ្ឋមន្ត្រីឥណ្ឌាលោក Narendra Modi បានទាមទារឲ្យចងចាំនូវបទពិសោធន៍ ខណៈលោកបានចុះពិនិត្យកន្លែងបាក់ស្ពានដែលបានបណ្តាលឲ្យមនុស្ស ១៣៥នាក់ស្លាប់ និងបានជួបជាមួយអ្នករងរបួសមួយចំនួននៅមន្ទីរពេទ្យកាលពីថ្ងៃអង្គារ។ ស្ពានយោលសម័យអាណានិគមឆ្លងកាត់ទន្លេ Macchchhu ត្រូវបានប្រមូលផ្តុំទៅដោយអ្នកទស្សនាជាច្រើននៅពេលដែលស្ពាននេះបានបាក់។ មនុស្សជាច្រើនបានស្ថិតក្នុងទីក្រុងដើម្បីប្រារព្ធពិធីបុណ្យ Diwali និង Chhath Puja នៅពេលដែលស្ពានបានបាក់នៅល្ងាចថ្ងៃអាទិត្យ ដោយបានធ្វើឲ្យមនុស្សច្រើននាក់ធ្លាក់ចូលទឹកទន្លេរប្រហែល ១០ម៉ែត្រ។រដ្ឋាភិបាលរដ្ឋបាននិយាយនៅក្នុងសេចក្តីថ្លែងការណ៍ថា មនុស្ស ១៥២នាក់ត្រូវបានធូស្រាល និងបានចេញពីមន្ទីរពេទ្យ ខណៈ ១៧នាក់កំពុងនៅទទួលការព្យាបាល។ នគរបាលឥណ្ឌាបានចាប់ខ្លួនមនុស្ស ៩នាក់កាលពីថ្ងៃចន្ទដោយចោទប្រកាន់ពីបទមនុស្សឃាត។ អ្នកដែលត្រូវបានចាប់ខ្លួននោះ រួមមានអ្នកលក់សំបុត្រដែលត្រូវបានចោទប្រកាន់ថា បានអនុញ្ញាតឱ្យមនុស្សច្រើនហួសហេតុឡើងលើស្ពាន និងអ្នកម៉ៅការដែលទទួលបន្ទុកជួសជុលស្ពាន៕អត្ថបទ៖ ប៊ុនថន

ប្រជាជនកូរ៉េខាងត្បូងកាន់មរណទុក្ខនៅកន្លែងគោរពវិញ្ញាណក្ខន្ធ និងបានរិះគន់ការឆ្លើយតបរបស់នគរបាល

កូរ៉េខាងត្បូង៖ ក្រុមអ្នកកាន់មរណទុក្ខដែលមួយចំនួនបានយំ ខណៈពួកគេគោរពវិញ្ញាណក្ខន្ធជនរងគ្រោះនៃការរត់ជាន់គ្នាអំឡុងពិធីបុណ្យ Halloween ដែលបានបណ្តាលឲ្យមនុស្ស ១៥៦នាក់ស្លាប់នៅក្នុងសង្កាត់ Itaewon ទីក្រុងសេអ៊ូល។ជនរងគ្រោះភាគច្រើនគឺជាប្រជាជនមានវ័យចន្លោះ ២០ឆ្នាំ ដែលបានសម្រុកចូលមកតាមផ្លូវតូចចង្អៀតមួយ ដែលពិធិបុណ្យ Halloween ត្រូវបានធ្វើឡើងបន្ទាប់ពីវិធានការរឹត្បិតជំងឺកូរ៉ូណា ដែលបានផ្អាកពិធីបុណ្យជាប្រពៃណីនេះរយៈពេល ២ឆ្នាំកន្លងមក។ ប្រជាជនមួយចំនួនបានរិះគន់នគរបាល សម្រាប់ការគ្រប់គ្រងមិនបានគ្រប់គ្រាន់លើប្រជាជនដ៏ច្រើន មុនពេលហេតុការណ៍រត់ជាន់គ្នាកើតឡើង។ កំណើនអ្នកស្លាប់ដោយការរត់ជាន់គ្នាបានកើនឡើងដល់ ១៥៦នាក់ និង ១៥១នាក់ផ្សេងទៀតបានរងរបួស ដែលក្នុងចំណោមនេះ ២៩នាក់ស្ថិតក្នុងស្ថានភាពធ្ងន់ធ្ងរ ហើយជាមួយគ្នានេះក៏មានជនបរទេសយ៉ាងហោចណាស់ ២៦នាក់មកពី ១៤ប្រទេសស្ថិតក្នុងចំណោមអ្នកស្លាប់៕អត្ថបទ៖ ប៊ុនថន

តុលាការប្រេស៊ីលបញ្ជាឲ្យនគរបាលបោសសម្អាតការតវ៉ាបិទផ្លូវពីសំណាក់ក្រុមអ្នកបើករថយន្តដឹកទំនិញគាំទ្រលោក Bolsonaro

ប្រេស៊ីល៖ នគរបាលបានបាញ់ឧស្ម័នបង្ហៀរទឹកភ្នែក លើក្រុមអ្នកគាំទ្រលោកប្រធានាធិបតីប្រេស៊ីល Jair Bolsonaro ដែលបានចាញ់ការបោះឆ្នោត បន្ទាប់ពីពួកគេបានបិទផ្លូវសំខាន់មួយទៅកាន់អាកាសយានដ្ឋានអន្តរជាតិ Guarulhos របស់ទីក្រុង Sao Paulo កាលពីថ្ងៃអង្គារ។ ក្រុមអ្នកតវ៉ាគាំទ្រលោក Bolsonaro បានបិទផ្លូវដោយបង្កើតគំនរកង់រថយន្ត នៅលើផ្លូវហាយវ៉េមួយនៅក្នុងតំបន់ Vrzae Grande នៃរដ្ឋ Mato Grosso state ដែលជារដ្ឋផលិតគ្រាប់ធញ្ញជាតិដ៏សំខាន់មួយ។ នគរបាលប្រេស៊ីលបានចាប់ផ្ដើមបំបែកការតវ៉ារាប់រយកន្លែង បង្កើតឡើងដោយក្រុមអ្នកគាំទ្រលោក Jair Bolsonaro បោសសម្អាតផ្លូវហាយវ៉េ និងផ្លូវផ្សេងៗដែលត្រូវបានបិទទូទាំងប្រទេស ក្នុងការតវ៉ាទៅនឹងការបរាជ័យរបស់លោកប្រធានាធិបតីរូបនេះ នៅក្នុងការបោះឆ្នោតសកលដ៏សំខាន់មួយនេះ។លោក Bolsonaro បានចាញ់ការបោះឆ្នោតដ៏ប្រកៀកប្រកិតជាមួយលោក Luiz Inácio Lula da Silva ប៉ុន្តែលោកពុំទាន់ទទួលយកការបរាជ័យ ឬចេញសេចក្ដីថ្លែងការណ៍ណាមួយអំពីការបរាជ័យ ឬការផ្ទេរអំណាចនៅឡើយ។ ទោះយ៉ាងក៏ដោយក្រុមអ្នកគាំទ្ររបស់លោកបានតវ៉ាថា មានការលួចបន្លំសន្លឹកឆ្នោត ទោះបីមិនអាចផ្ដល់ភស្តុតាងនៃការប្រព្រឹត្តខុសណាមួយក៏ដោយ និងបានដុតកង់រថយន្ត និងចតរថយន្តពាសពេញផ្លូវហាយវ៉េកាលពីថ្ងៃចន្ទ បង្កឲ្យមានភាពចលាចល៕អត្ថបទ៖ សុខមាន

ក្រុមមន្ត្រីលោកខាងលិច៖ អ៊ីរ៉ង់កំពុងត្រៀមបញ្ជូនអាវុធបន្ថែមឲ្យរុស្ស៊ី រួមទាំងមីស៊ីលបាលីស្ទីកដើម្បីប្រើនៅអ៊ុយក្រែន

អឺរ៉ុប៖ ក្រុមមន្ត្រីមកពីប្រទេសមួយនៅលោកខាងលិច ដែលបានតាមដានយ៉ាងយកចិត្តទុកដាក់លើកម្មវិធីអាវុធរបស់អ៊ីរ៉ង់ បានប្រាប់សារព័ត៌មាន CNN ថា អ៊ីរ៉ង់កំពុងត្រៀមបញ្ជូនអាវុធប្រមាណ ១,០០០ប្រភេទរួមទាំងមីស៊ីលរយៈបាលីស្ទីករយៈចម្ងាយខ្លីបាញ់ពីដីទៅដី និងយានដ្រូនវាយប្រហារបន្ថែមទៀតទៅឲ្យរុស្ស៊ីប្រើប្រាស់ក្នុងសង្គ្រាមរបស់ខ្លួននៅអ៊ុយក្រែន។ ការដឹកជញ្ជូននឹងត្រូវបានតាមដានយ៉ាងយកចិត្តទុកដាក់បំផុត ព្រោះនឹងក្លាយជាជំហានដំបូងរបស់អ៊ីរ៉ង់ដែលបញ្ជូនមីស៊ីលបាញ់ស៊ីបគោលដៅដ៏ទំនើបទៅឲ្យរុស្ស៊ី ដែលអាចជួយបង្កើនសមត្ថភាពនៅសមរភូមិរបស់វិមានក្រឹមឡាំង។ ក្រុមមន្ត្រីទាំងនោះនិយាយថា ការបញ្ជូនអាវុធចុងក្រោយពីអ៊ីរ៉ង់ទៅកាន់រុស្ស៊ី បានរួមបញ្ចូលទាំងយានដ្រូនចំនួន ៤៥០គ្រឿងដែលរុស្ស៊ីបានប្រើប្រាស់បំផ្លិចបំផ្លាញក្នុងប្រទេសអ៊ុយក្រែនរួចទៅហើយ។ ក្រុមមន្ត្រីអ៊ុយក្រែនបាននិយាយកាលពីសប្ដាហ៍មុនថា ពួកគេបានបាញ់ទម្លាក់យានដ្រូនអ៊ីរ៉ង់ជាង ៣០០គ្រឿង។ការបញ្ជូនអាវុធវគ្គថ្មីដែលត្រូវគេរំពឹងទុកនេះ នឹងបង្ហាញពីសន្ទុះខ្លាំងនៃការគាំទ្ររបស់អ៊ីរ៉ង់ ចំពោះកិច្ចខិតខំប្រឹងប្រែងសម្រាប់សង្គ្រាមរបស់រុស្ស៊ី។ ខណៈពេលមិនទាន់ដឹងច្បាស់ថា ពេលណាអាវុធទាំងនោះនឹងបានទៅដល់រុស្ស៊ី ក្រុមមន្ត្រីជឿជាក់ថា អាវុធទាំងនោះពិតជានឹងត្រូវបានបញ្ជូនទៅមុនដំណាច់ឆ្នាំនេះ។ ក្នុងរយៈពេលប៉ុន្មានសប្ដាហ៍ថ្មីៗនេះ យានដ្រូនរបស់អ៊ីរ៉ង់ទាំងនេះត្រូវបានប្រើប្រាស់ ដាក់គោលដៅលើហេដ្ឋារចនាសម្ព័ន្ធសំខាន់ៗនៅក្នុងប្រទេសអ៊ុយក្រែន៕ អត្ថបទ៖ សុខមាន

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំងអស់ទាញយកប្រយោជន៍ពីអាសិបជាអតិបរមា

ភ្នំពេញ៖ នៅសណ្ឋាគារសូហ្វីតែលភ្នំពេញនាព្រឹកថ្ងៃទី២វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្តល់កិត្តិយសដ៏ឧត្តុង្គឧត្តម បើកវេទិកាពិគ្រោះ យោបល់កម្រិតខ្ពស់ក្នុងឱកាសខួបអនុស្សាវរីយ៍១០ឆ្នាំ ស្តីពីកិច្ច ព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(អាសិប) និងការប្រកាសជាផ្លូវការនៃសៀវភៅស្ដីពីក្របខណ្ឌ សម្រាប់ការធ្វើសមាហរណកម្មតំបន់របស់វិទ្យាស្ថានស្រាវជ្រាវសេដ្ឋកិច្ចអាស៊ាននិងអាស៊ីបូព៌ា(ERIA) ផងដែរ។ សម្ដេចបានរម្លឹកថា អាសិប ត្រូវបានប្រកាសឲ្យចាប់ផ្ដើមចរចា កាលពីឆ្នាំ២០១២នៅរាជធានីភ្នំពេញ ក្នុងឱកាស នៃកិច្ចប្រជុំកំពូលអាស៊ានលើកទី២១ ដែលកម្ពុជាជាប្រធានអាស៊ាន។ដើម្បីបង្កើនប្រសិទ្ធភាពនៃការទាញយកអត្ថប្រយោជន៍ពីកិច្ចព្រមព្រៀងអាសិបសម្ដេចតេជោ ហ៊ុន សែន បានចែករំលែកនូវទស្សនៈផ្ទាល់ខ្លួនមួយចំនួន ដូចខាក្រោម៖ ទី១-កាគីសមាជិក និង ភាគីហត្ថលេខីនៃកិច្ចព្រមព្រៀងអាសិបទាំងអស់ ជាពិសេសភាគី សមាជិកដែលជាប្រទេសអភិវឌ្ឍន៍តិចតួច គួរបង្កើនកិច្ចសហការនិងគាំទ្រគ្នាទៅវិញទៅមក ក្នុង ការអនុវត្តកិច្ចព្រមព្រៀងអាសិបនេះឱ្យបានពេញលេញ ដើម្បីទាញយកអត្ថប្រយោជន៍ ឱ្យបានជា អតិបរមា ដើម្បីសម្រេចបាននូវគោលបំណងនេះ លេខាធិការដ្ឋានអាសិបគួរតែត្រូវបង្កើតឡើងឱ្យ កាន់តែឆាប់តាមតែអាចធ្វើទៅបាន ដោយត្រូវពិចារណាលើគ្រប់ទិដ្ឋភាព និងលក្ខខណ្ឌចាំបាច់នានា សំដៅធានាបានអព្យាក្រឹត្យភាព ឯករាជ្យភាព កាលានុវត្តភាពសម្រាប់ការអភិវឌ្ឍ និងការចូលរួមក្នុង ការធ្វើសមាហរណកម្មតំបន់។ ក្នុងទិសដៅនេះ ខ្ញុំសូមបញ្ជាក់ជាថ្មីផងដែរថា កម្ពុជានៅតែមានចំណាប់អារម្មណ៍ក្នុងការទទួលតាំងលេខាធិការដ្ឋានអាសិបនៅទីក្រុងភ្នំពេញ និងត្រៀមខ្លួនជាស្រេច ក្នុងការផ្តល់ការគាំទ្រនិងសម្បទានចាំបាច់នានា។ទី២-ខ្ញុំសូមលើកទឹកចិត្តយ៉ាងទទូចឱ្យភាគីសមាជិកនិងភាគីហត្ថលេខីទាំងអស់នៃ អាសិប ចាប់ផ្តើមពិភាក្សាលើនីតិវិធីសម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀតឱ្យបានឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំចូលជាសមាជិកជាបន្តនៅក្នុងអំឡុងឆ្នាំក្រោយនេះ ។ទី៣-កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិកនិងភាគី ហត្ថលេខីនៃអាសិបសំដៅគាំទ្រនិងលើកកម្ពស់ប្រសិទ្ធភាពនៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍តិចតួចរួមទាំងកម្ពុជា និងសូមអំពាវនាវដល់សមាជិកទាំងអស់នៃអាសិបពនឿនការពិភាក្សាលើយន្តការនៃការប្រើប្រាស់កិច្ចសហប្រតិបត្តិការសេដ្ឋកិច្ចនិងបច្ចេកទេសនេះឱ្យបានឆាប់ចែករំលែកឧត្តមានុវត្តន៍ក្នុងការអនុវត្តកិច្ចព្រមព្រៀងពាណិជ្ជកម្មសេរីនានា ដើម្បីប្រែក្លាយកិច្ចព្រមព្រៀងអាសិបនេះឱ្យទៅជាយន្តការរួមមួយដែលគាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។ទី៤-វិស័យឯកជនជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និងបង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាពសកម្មភាពលើកកម្ពស់ការយល់ដឹង និងវេទិកាពិគ្រោះយោបល់ជាមួយវិស័យឯកជន ដែលនឹងអាចក្លាយជាក្របខណ្ឌ ដើម្បីពិភាក្សាផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា។ សម្ដេចបានលើកទឹកចិត្តយ៉ាងទទូច ឱ្យភាគីសមាជិក និងភាគីហត្ថលេខីទាំងអស់ នៃអាសិប ចាប់ផ្តើមពិភាក្សាលើនីតិវិធី សម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀត ឱ្យបានឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំ ចូលជាសមាជិកជាបន្តនៅក្នុងអំឡុងឆ្នាំក្រោយនេះ ។សម្ដេចបានបញ្ជាក់ថា កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិក និង ភាគី ហត្ថលេខី នៃអាសិប សំដៅគាំទ្រ និងលើកកម្ពស់ប្រសិទ្ធភាព នៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍តិចតួចរួមទាំងកម្ពុជា និងសូមអំពាវនាវដល់ សមាជិកទាំងអស់នៃអាសិប ពន្លឿនការពិភាក្សាលើយន្តការ នៃការប្រើប្រាស់កិច្ចសហប្រតិបត្តិការ សេដ្ឋកិច្ចនិងបច្ចេកទេសនេះ ឱ្យបានឆាប់ ចែករំលែកឧត្តមានុវត្តន៍ ក្នុងការអនុវត្តកិច្ចព្រមព្រៀង ពាណិជ្ជកម្មសេរីនានា ដើម្បីប្រែក្លាយកិច្ចព្រមព្រៀងអាសិបនេះឱ្យទៅជាយន្តការរួមមួយ ដែល គាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។សម្ដេចបន្តថា វិស័យឯកជន ជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និង បង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់ ។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាព សកម្មភាពលើកកម្ពស់ការយល់ដឹង និងវេទិកាពិគ្រោះយោបល់ ជាមួយវិស័យឯកជន ដែលនឹងអាចក្លាយជាក្របខណ្ឌ ដើម្បីពិភាក្សា ផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា ។គួរបញ្ជាក់ថា កិច្ចព្រមព្រៀងអាសិប បានចូលជាធរមាននៅដើមឆ្នាំ២០២២នេះ បន្ទាប់ពីឆ្លងកាត់ដំណាក់កាលដ៏ស្មុគស្មាញ ក្នុងការចរចាជាច្រើន ចាប់តាំងពីបានចាប់ផ្តើមចរចាក្នុងឆ្នាំ២០១២ នៅរាជធានីភ្នំពេញ នៃព្រះរាជាណាចក្រកម្ពុជា ក្រោមការដឹកនាំរបស់កម្ពុជាដែលជាប្រធានអាស៊ាន ។អាសិបគឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោកដែលគ្របដណ្តប់ជិត៣០% នៃផលិតផលសរុបក្នុងស្រុកពិភពលោក នឹងចំនួនប្រជាជន ព្រមទាំងទំហំពាណិជ្ជកម្មរបស់ពិភពលោក។វេទិកាជាន់ខ្ពស់នាពេលនេះ ក៏រួមបញ្ចូលផងដែរនូវការដាក់ឱ្យប្រើប្រាស់សៀវភៅទី២ របស់ ERIA ស្ដីពីកិច្ចព្រម ព្រៀងអាសិប ក្រោមមូលបទ “ ថាមវន្តនៃអាស៊ីបូព៌ា និងកិច្ចព្រមព្រៀងភាពជាគូសេដ្ឋកិច្ចគ្រប់ជ្រុងជ្រោយអាសិប៖ ក្របខ័ណ្ឌសម្រាប់សមាហរណកម្មក្នុងតំបន់ ដែលសៀវភៅទី១ ត្រូវបានដាក់ឱ្យប្រើប្រាស់កាលពីដើមឆ្នាំ២០២២នេះ នៅទីក្រុងភ្នំពេញ។ ERIAក៏ទើបតែបញ្ចប់កំណែលើកទី៣ ស្ដីពីផែនការអភិវឌ្ឍអាស៊ីគ្រប់ជ្រុងជ្រោយ Comprehensive Asia Development Plan, CADP 3.0 ដែលត្រូវបានលើកយកមកពិភាក្សាផងដែរអំពីតួនាទីនៃកិច្ចព្រមព្រៀងអាសិប ដែលដើរតួយ៉ាងសំខាន់ក្នុងសមាហរណកម្មសេដ្ឋកិច្ចតំបន់អាស៊ីបូព៌ា។នៅក្នុងវេទិកានេះ រដ្ឋមន្ត្រីពាណិជ្ជកម្មកម្ពុជាក៏មានសុទិដ្ឋិនិយមចំពោះសក្ដានុពលនៃផែនការអភិវឌ្ឍអាស៊ីគ្រប់ជ្រុងជ្រោយ CADP 3.0 ដែលរួមចំណែកដល់ការសម្រេចបាននូវសេដ្ឋកិច្ចរួមបញ្ចូលគ្នាប្រកប ដោយភាពច្នៃប្រឌិត មានលក្ខណៈរួមគ្នា និងនិរន្តរភាពសេដ្ឋកិច្ចក្នុងតំបន់ ហើយការសិក្សា ដែលធ្វើឡើងដោយ ERIA នឹងផ្តល់ អត្ថប្រយោជន៍ដល់ភាគីពាក់ព័ន្ធទាំងអស់ដើម្បីអាចទទួលបានអត្ថប្រយោជន៍ជាអតិបរមាពីកិច្ចព្រមព្រៀងអាសិប៕ អត្ថបទ៖ មុត សុទ្ធ

កូរ៉េខាងជើងបាញ់មីស៊ីលជាង ១០គ្រាប់ ដែលជំរុញឲ្យកូរ៉េខាងត្បូងចេញការព្រមានការវាយឆ្មក់តាមអាកាស

កូរ៉េខាងត្បូង៖ កូរ៉េខាងត្បូងនិយាយថា កូរ៉េខាងជើងបានបាញ់មីស៊ីលសរុបជាង ១០គ្រាប់ក្បែរឆ្នេរសមុទ្រភាគខាងកើត និងភាគខាងលិចរបស់ខ្លួន។ យោធាកូរ៉េខាងត្បូងបានឲ្យដឹងថា មីស៊ីលជាច្រើនប្រភេទបានហោះទៅកាន់តំបន់ឆ្នេរសមុទ្រភាគខាងកើត និងខាងលិចរបស់ឧបទ្វីបកូរ៉េ ប៉ុន្តែពុំបានផ្ដល់ព័ត៌មានលម្អិតបន្ថែមទៀតទេ។ នាយសេនាធិការចម្រុះកូរ៉េខាងត្បូងបាននិយាយនៅក្នុងសេចក្ដីថ្លែងការណ៍ថា កូរ៉េខាងជើងបានបាញ់មីស៊ីលជាច្រើនគ្រាប់ចេញពីតំបន់ឆ្នេរសមុទ្រ Wonsan ភាគខាងកើតរបស់ខ្លួននៅព្រឹកថ្ងៃពុធនេះ។ នៅពេលមុននេះ យោធាកូរ៉េខាងត្បូងបាននិយាយថា ខ្លួនបានតាមដានមីស៊ីលបាលីស្ទីករយៈចម្ងាយខ្លីចំនួន ៣គ្រាប់ដែលបានបាញ់ចេញពីតំបន់ឆ្នេរសមុទ្រភាគខាងកើតរបស់ឧបទ្វីបនេះ។ មួយគ្រាប់ក្នុងចំណោមមីស៊ីលទាំងនោះបានធ្លាក់ជិតព្រំដែនកូរ៉េទាំង២ ដែលជំរុញឲ្យកូរ៉េខាងត្បូងចេញការព្រមានវាយឆ្មក់តាមដែនអាកាស នៅលើកោះមួយក្នុងចំណោមកោះជាច្រើនរបស់ខ្លួន។ការបាញ់ជាច្រើនគ្រាប់នេះមានឡើងប៉ុន្មានម៉ោង ក្រោយកូរ៉េខាងជើងចេញការគំរាមខ្លាំងៗក្នុងការប្រើប្រាស់អាវុធនុយក្លេអ៊ែរ ដើម្បីធ្វើឲ្យសហរដ្ឋអាមេរិក និងកូរ៉េខាងត្បូងទូទាត់សងការខូចខាតធ្ងន់ធ្ងរបំផុតក្នុងប្រវត្តិសាស្ត្រ ដែលជាការផ្ទុះឡើងភាពតានតឹងនៃវោហារសាស្ត្រដ៏ក្កៅគគុក ដាក់គោលដៅលើសកម្មភាពសមយុទ្ធទ្រង់ទ្រាយធំដែលនៅតែបន្ត រវាងគូប្រជែងរបស់ខ្លួនគឺសហរដ្ឋអាមេរិក និងកូរ៉េខាងត្បូង៕អត្ថបទ៖ សុខមាន

កូរ៉េខាងជើងលើកឡើងថា សមយុទ្ធយោធាសហរដ្ឋអាមេរិក-កូរ៉េខាងត្បូងមិនអាចអត់ឱនឲ្យតទៅទៀតបានទេ

កូរ៉េខាងជើង៖ ស្របពេលមានការគំរាមកំហែងពីកូរ៉េខាងជើង កងកម្លាំងរបស់សហរដ្ឋអាមេរិក និងកូរ៉េខាងត្បូងបន្តធ្វើសមយុទ្ធយោធានៅតាមព្រំដែនកូរ៉េ។ ជាការតវ៉ា កូរ៉េខាងជើងបានបាញ់សាកល្បងមីស៊ីលជាបន្តបន្ទាប់។ ប៉ុន្តែសហរដ្ឋអាមេរិក និងកូរ៉េខាងត្បូងនៅតែបន្តសមយុទ្ធយោធារួមគ្នា យ៉ាងគគ្រឹកគគ្រេងដោយមិនខ្វល់អ្វីទាំងអស់។ ទោះយ៉ាងណា កងកម្លាំងសហរដ្ឋអាមេរិក និងកូរ៉េខាងត្បូងបានចាប់ផ្ដើមសមយុទ្ធរួមគ្នាធំបំផុតកាលពីម្សិលមិញ។ យន្តហោះរាប់រយគ្រឿងមកពីកងកម្លាំងអាកាសនៃប្រទេសទាំង២ ត្រូវបានរួមគ្នានៅក្នុងការធ្វើសមយុទ្ធទាំងយប់ទាំងថ្ងៃ។ នៅក្នុងស្ថានភាពនេះ កូរ៉េខាងជើងបានចេញការព្រមានជាសាធារណៈថា កូរ៉េខាងជើងនឹងសងសឹកសហរដ្ឋអាមេរិកវិញយ៉ាងធ្ងន់ធ្ងរ បើមិនបញ្ឈប់សមយុទ្ធសង្គ្រាមរួមគ្នាជាមួយកូរ៉េខាងត្បូងទេនោះ។ នៅក្នុងសេចក្ដីថ្លែងការណ៍មួយ ចេញដោយក្រសួងការបរទេសកូរ៉េខាងជើងនិយាយថា ប្រសិនបើសហរដ្ឋអាមេរិកមិនចង់បានការវិវឌ្ឍន៍ធ្ងន់ធ្ងរ ដែលមិនស្របទៅនឹងផលប្រយោជន៍សន្តិសុខរបស់ខ្លួនទេនោះ ត្រូវតែបញ្ឈប់សមយុទ្ធយោធាឥតប្រយោជន៍នេះភ្លាម។ បើពុំនោះទេនឹងត្រូវទទួលខុសត្រូវទាំងស្រុងចំពោះផលវិបាកទាំងអស់។ ប្រសិនបើសហរដ្ឋអាមេរិកបន្តចូលរួមក្នុងសកម្មភាពបង្ករឿងខាងយោធាពេញបន្ទុកបែបនេះទៀត កូរ៉េខាងជើងនឹងចាត់វិធានការសងសឹកកាន់តែធ្ងន់ធ្ងរថែមទៀត យើងនឹងធ្វើ៕អត្ថបទ៖ សុខមាន

សម្តេចតេជោ សោកស្តាយសោកនាដកម្មនៅអ៊ុយគ្រែន និងត្រៀមខ្លួនជាស្រេចក្នុងការបញ្ជូនអ្នកដោះមីនទៅប្រទេសនេះ

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្តែងនូវការសោកស្តាយចំពោះសោកនាដកម្ម ដែលបានកំពុងកើតឡើងនៅប្រទេសអ៊ុយគ្រែន ខណៈសម្តេចក៏បានត្រៀមខ្លួនរួចជាស្រេចផងដែរ ដើម្បីបញ្ជូនអ្នកដោះមីនកម្ពុជាទៅបណ្តុះបណ្តាលអ្នកដោះមីននៅប្រទេសអ៊ុយគ្រែន ក្នុងពេលវេលាសមស្របណាមួយ។ នេះបើយោងតាមសេចក្តីប្រកាសព័ត៌មានក្រសួងការបរទេស និងសហប្រតិបត្តិការអន្តរជាតិក្រោយជំនួបតាមទូរស័ព្ទរវាងសម្តេចតេជោ ហ៊ុន សែន នាយករដ្ឋមន្រ្តីកម្ពុជា និងលោក វ៉ូទ្យូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយគ្រែន កាលពីម្សិលមិញ។តាមសេចក្តីប្រកាសព័ត៌មានរបស់ក្រសួងការបរទេសបានបង្ហាញថា លោកហ្ស៊ែលឡិនស្គី បានសម្តែងការពេញចិត្ត និងថ្លែងអំណរគុណយ៉ាងជ្រាលជ្រៅបំផុតចំពោះកម្ពុជា ដែលបានគាំទ្រ និងបានចូលជាសហស្ថាបនិកសេចក្តីសម្រេចចិត្តរបស់មហាសន្តិបាតអង្គការសហប្រជាជាតិ និងជំហរជាក់លាក់របស់កម្ពុជាពាក់ព័ន្ធនឹងសង្រ្គាមអ៊ុយគ្រែន។ នៅក្នុងកិច្ចជំនួបតាមទូរស័ព្ទដ៏កម្រ និងជាលើកដំបូងបំផុតរវាងថ្នាក់ដឹកនាំកំពូលនៃប្រទេសទាំង ពីរនេះ សម្តេចតេជោ ហ៊ុន សែន នាយករដ្ឋមន្រ្តីក៏បានសម្តែងនូវការសោកស្តាយចំពោះសោកនាដកម្ម ដែលបាននិងកំពុងកើតឡើងនៅអ៊ុយគ្រែន។ សម្តេចក៏បាន«សម្តែងក្តីបារម្ភចំពោះការវាយប្រហារថ្មីៗទៅ លើទីក្រុងគៀវ និងទីក្រុងផ្សេងៗក្នុងប្រទេសអ៊ុយគ្រែន ដែលបណ្តាលឲ្យមានការបាត់បង់ជីវិតប្រជាជន ការរងរបួសជាច្រើន និងខូចខាតដល់ហេដ្ឋារចនាសម្ព័ន្ធស៊ីវិល ដាច់ចរន្តអគ្គិសនី និងទឹកស្អាតយ៉ាងធ្ងន់ធ្ងរ ហើយបណ្តាលឲ្យមានវិបត្តិថាមពល និងស្បៀងអាហារធ្ងន់ធ្ងរ ព្រមទាំងអតិផរណាកើនឡើងនៅទូទាំងសកលលោក»។ នៅកិច្ចសន្ទនានេះដែរ សម្តេចតេជោនាយករដ្ឋមន្រ្តី ក៏បានចែករំលែកបទពិសោធន៍ ដែលកម្ពុជាបានឆ្លងកាត់សង្រ្គាមនាពេលកន្លងមក ប្រាប់ទៅកាន់លោកប្រធានាធិតបតី ហ្ស៊ែលឡិនស្គីផងដែរ ដោយ សម្តេចបានបង្ហាញថា«គ្មានសង្រ្គាមណាមួយអាចបញ្ចប់បានដោយប្រើប្រាស់សង្រ្គាមនោះទេ»។ សម្តេចតេជោបានប្រាប់ដល់លោកហ្ស៊ែលឡិនស្គីទៀតថា«កម្ពុជាផ្តល់សារៈសំខាន់ដល់ការចរចា និងដោះស្រាយ ដោយសន្តិវិធី» ហើយសង្ឃឹមថាភាគីពាក់ព័ន្ធទាំងអស់នឹងដោះស្រាយគ្នាដោយសន្តិវិធីផងដែរ។ នៅក្នុងកិច្ចជំនួបនោះដែរ សម្តេចតេជោ ហ៊ុន សែន ក៏បានបញ្ជាក់ជំហររបស់កម្ពុជាចំពោះសង្រ្គាម នៅអ៊ុយគ្រែនថា កម្ពុជាប្រកាន់ខ្ជាប់នូវការគោរពគោលការណ៍ ដែលមានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពាន ការគំរាម ឬការប្រើប្រាស់ទន្រ្ទានយកទឹកដីពីប្រ ទេសដទៃនោះឡើយ។ យ៉ាងណាក៏ដោយសម្តេចតេជោ ហ៊ុន សែន បានប្រាប់ដល់លោកហ្ស៊ែលឡិនស្គីផងដែរថា ដោយ មានការសហការជាមួយរដ្ឋាភិបាលជប៉ុន កម្ពុជាត្រៀមខ្លួនរួចជាស្រេចក្នុងការបញ្ជូនអ្នកដោះមីនរបស់កម្ពុ ជាទៅជួយបណ្តុះបណ្តាលដល់អ្នកដោះមីនរបស់អ៊ុយគ្រែនតាមពេលវេលាសមស្របណាមួយផងដែរ។ បើតាមសេចក្តីប្រកាសព័ត៌មានរបស់ក្រសួងការបរទេសដដែលបានឲ្យដឹងផងដែរថា នៅក្នុងកិច្ចជំនួបនេះ លោកហ្ស៊ែលឡិនស្គី បានស្វាគមន៍ចំពោះបំណងរបស់កម្ពុជាក្នុងការជួយបណ្តុះបណ្តាលលើវិស័យដោះមីននៅអ៊ុយគ្រែន និងគាំទ្រសំណើររបស់សម្តេចតេជោ ដែលចង់ឲ្យមានឯកអគ្គរាជទូត-រដ្ឋទូតនៃប្រទេសទាំងពីរនោះ។ ដោយឡែកសម្រាប់ទំទាក់ទំនង រវាងអ៊ុយគ្រែន និងអាស៊ាន លោកហ្ស៊ែលឡិនស្គីបានថ្លែងអំណរ គុណចំពោះសេចក្តីថ្លែងការណ៍ទាំងបីររបស់អាស៊ាន គាំទ្រដល់អ៊ុយគ្រែន និងកិច្ចខិតខំប្រឹងប្រែងរបស់កម្ពុជា ចំពោះសំណើរអ៊ុយគ្រែនសុំចូលជាភាគីនៃសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍(TAC។ លោកប្រធានាធិបតីអ៊ុយគ្រែន ក៏បានស្នើសុំសម្តេចតេជោ ថ្លែងសន្ទរកថាតាមប្រព័ន្ធវិដេអូ ក្នុងពេលកិច្ចប្រជុំអាស៊ានដែលកម្ពុជាធ្វើជាម្ចាស់ផ្ទះនាពេលខាងមុខនេះផងដែរ ខណៈសំណើរនេះត្រូវ បានសម្តេចតេជោនាយករដ្ឋមន្រ្តីឆ្លើយតបថា កម្ពុជានឹងបន្តធ្វើការជាមួយប្រទេសជាសមាជិកអាស៊ាន ដើម្បីឆ្លើយតបនឹងគោលបំណងរបស់អ៊ុយគ្រែន។បើតាមសេចក្តីប្រកាសព័ត៌មានក៏បានឲ្យដឹងផងដែរថា សម្តេចតេជោ ហ៊ុន សែន នាយករដ្ឋមន្រ្តី នឹងទៅបំពេញទស្សនកិច្ចនៅប្រទេសអ៊ុយគ្រែនក្នុងពេលវេលាសមស្របណាមួយ បន្ទាប់ពីលោកហ្ស៊ែលឡិនស្គី បានគោរពអញ្ជើញសម្តេចក្នុងពេលដែលសន្ទនាតាមទូរស័ព្ទនោះ៕ អត្ថបទ៖ បាន ចក់

សម្តេចតេជោ ហ៊ុន សែន៖ កម្ពុជាប្រកាន់គោលការណ៍មានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពានប្រទេសដទៃ

ភ្នំពេញ៖ សម្តេចតេជោ ហ៊ុន សែន បានប្រកាសចំពោះការសន្ទនាជាមួយប្រធានាធិបតីអ៊ុយក្រែនថា កម្ពុជាប្រកាន់គោលការណ៍មានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពាន ការគំរាម ឬការប្រើប្រាស់កម្លាំងលើអធិបតេយ្យ បូរណភាពទឹកដីរបស់រដ្ឋឯករាជ្យ និងមិនគាំទ្រការបំបែករដ្ឋ ឬទន្ទ្រានយកទឹកដីពីប្រទេសដទៃឡើយ។សម្តេចតេជោ ហ៊ុន សែន ប្រកាសថា ដោយមានការសហការជាមួយប្រទេសបជប៉ុន កម្ពុជាត្រៀមខ្លួនរួចជាស្រេចក្នុងការបញ្ជូនអ្នកដោះមីនរបស់កម្ពុជាទៅជួយបណ្តុះបណ្តាលដល់អ្នកដោះមីនអ៊ុយក្រែន តាមពេលវេលាសមស្របណាមួយ។សម្តេចតេជោ ហ៊ុន សែន សម្តែងការសោកស្តាយចំពោះសោកនាដកម្ម ដែលបាននឹងកំពុងកើតឡើងនៅប្រទេសអ៊ុយក្រែន ដោយសម្តេចមានការព្រួយបារម្ភចំពោះការវាយប្រហារថ្មីៗនៅទីក្រុងគៀវ និងក្រុងផ្សេងៗរបស់អ៊ុយក្រែន៕

បណ្ដាញសង្គម

ព័ត៌មានថ្មីៗ

កិច្ចចរចាអាមេរិក-អ៊ីរ៉ង់ បានចូលដល់ថ្ងៃទី២ បន្ទាប់ពីការគំរាមរបស់លោក Trump និងការបិទច្រកសមុទ្រ Hormuz

ក្រសួងបរិស្ថាន៖ការពង្រឹង និងការចូលរួមការពារនិងអភិរក្សធនធានធម្មជាតិ ជួយធានាសន្តិសុខស្បៀង សេដ្ឋកិច្ចសហគមន៍មូលដ្ឋាន ចីរភាពបរិស្ថាន

តុលាការសម្រេចឃុំខ្លួនជនបរទេសសរុបចំនួន ១៩នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អរគុណថ្នាក់ដឹកនាំ អាជ្ញាធរកម្ពុជា ជួយសម្រួល និងរក្សាសុវត្ថិភាពជូនគណៈប្រតិភូអន្តរជាតិចូលរួមមហាសន្និបាតកាយប្ញទ្ធិនារីពិភពលោក

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ

សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំងសមុទ្រនៅភាគខាងកើតប្រទេសលីប៊ី

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធទិវាយោគៈអន្តរជាតិ ដើម្បីជំរុញសកម្មភាពកីឡា និងទេសចរណ៍

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អតីតនាយករដ្ឋមន្ត្រីអ៊ីស្រាអែលលោក Netanyahu និយាយថា ក្រុមរបស់លោកជិតឈានដល់ជ័យជម្នះក្នុងការបោះឆ្នោតហើយ

នាយករដ្ឋមន្ត្រីឥណ្ឌាពិនិត្យទីតាំងបាក់ស្ពាន និងបានជួបជនរងគ្រោះ

ប្រជាជនកូរ៉េខាងត្បូងកាន់មរណទុក្ខនៅកន្លែងគោរពវិញ្ញាណក្ខន្ធ និងបានរិះគន់ការឆ្លើយតបរបស់នគរបាល

តុលាការប្រេស៊ីលបញ្ជាឲ្យនគរបាលបោសសម្អាតការតវ៉ាបិទផ្លូវពីសំណាក់ក្រុមអ្នកបើករថយន្តដឹកទំនិញគាំទ្រលោក Bolsonaro

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំងអស់ទាញយកប្រយោជន៍ពីអាសិបជាអតិបរមា

កូរ៉េខាងជើងបាញ់មីស៊ីលជាង ១០គ្រាប់ ដែលជំរុញឲ្យកូរ៉េខាងត្បូងចេញការព្រមានការវាយឆ្មក់តាមអាកាស

កូរ៉េខាងជើងលើកឡើងថា សមយុទ្ធយោធាសហរដ្ឋអាមេរិក-កូរ៉េខាងត្បូងមិនអាចអត់ឱនឲ្យតទៅទៀតបានទេ

សម្តេចតេជោ សោកស្តាយសោកនាដកម្មនៅអ៊ុយគ្រែន និងត្រៀមខ្លួនជាស្រេចក្នុងការបញ្ជូនអ្នកដោះមីនទៅប្រទេសនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នាយករដ្ឋមន្ត្រី​ឥណ្ឌា​ពិនិត្យ​ទីតាំង​បាក់​ស្ពាន និង​បាន​ជួប​ជនរងគ្រោះ​

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំង​អស់​ទាញយក​ប្រយោជន៍​ពី​អាសិប​ជាអតិបរមា

កូរ៉េខាងជើង​លើកឡើងថា សមយុទ្ធ​យោធា​សហរដ្ឋអាមេរិក​-​កូរ៉េខាងត្បូងមិនអាច​អត់ឱន​ឲ្យ​តទៅទៀត​បានទេ​

សម្តេចតេជោ សោកស្តាយសោកនាដកម្មនៅអ៊ុយគ្រែន និងត្រៀមខ្លួនជា​ស្រេចក្នុង​ការបញ្ជូន​អ្នកដោះមីន​ទៅប្រទេសនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីឥណ្ឌាពិនិត្យទីតាំងបាក់ស្ពាន និងបានជួបជនរងគ្រោះ

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំងអស់ទាញយកប្រយោជន៍ពីអាសិបជាអតិបរមា

កូរ៉េខាងជើងលើកឡើងថា សមយុទ្ធយោធាសហរដ្ឋអាមេរិក-កូរ៉េខាងត្បូងមិនអាចអត់ឱនឲ្យតទៅទៀតបានទេ

សម្តេចតេជោ សោកស្តាយសោកនាដកម្មនៅអ៊ុយគ្រែន និងត្រៀមខ្លួនជាស្រេចក្នុងការបញ្ជូនអ្នកដោះមីនទៅប្រទេសនេះ