នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ  ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”
កម្ពុជា-សហភាពសេដ្ឋកិច្ចអឺរ៉ុប-អាស៊ី​ (EAEU) ពិនិត្យ​ និង​ ពិចារណា​លើកិច្ច​ព្រមព្រៀង​ពាណិជ្ជកម្មសេរី (FTA)
លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

សម្តេចតេជោ ហ៊ុន សែន ពេញចិត្តដែលតុលាការបារាំងចេញសាលក្រមជូនសម្តេចដោយយុត្តិធម៌

2022/10/11 10:30:42 am        278
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានប្រកាសថ្លែងអំណរគុណដល់តុលាការបារាំង ដែលបានផ្តល់យុត្តិធម៌ និងភាពស្អាតស្អំជូនសម្តេច ពីការចោទប្រកាន់ដោយគ្មានមូលដ្ឋានរបស់ជនម្នាក់ឈ្មោះ សម រង្ស៊ី ដោយសម្តេចបញ្ជាក់ថា «ទៅពីខ្មែរដល់បារាំង ខ្ញុំចង់បានតែប៉ុណ្ណឹង»។ថ្លែងក្នុងឱកាសប្រគល់សញ្ញាបត្រជូននិស្សិតជ័យលាភី សាកលវិទ្យាល័យភ្នំពេញអន្តរជាតិ នៅមជ្ឈមណ្ឌលសន្និបា តនិងពិព័រណ៌អន្តរជាតិជ្រោយចង្ វានាព្រឹកថ្ងៃទី ១១តុលា សម្តេចតេជោ ហ៊ុន សែន នាយករដ្ឋមន្ត្រីបានឆ្លៀតលើកយកការដែលតុលាការក្រុងប៉ារីសប្រទេសបារាំង បានចេញសាលក្របផ្តល់នូវយុត្តិធម៌ជូនសម្តេច ការដែល លោក សម រង្ស៊ី បានមួលបង្កាច់ចោទប្រកាន់សម្តេចថា បាននៅពីក្រោយការធ្លាក់ឧទ្ធម្ភាគចក្រស្លាប់ នាយឧត្តមសេនីយ៍ ហុក ឡងឌី ។សម្តេចបញ្ជាក់ថា សម្តេចចង់បានតែបណ្ណឹង គឺភាពស្អាតស្អំ ចេញដោយតុលាការបារាំងយ៉ាងដូច្នេះ ហើយបើទោះបីតុលាការបារាំងផ្តល់មិនដាក់ទោសទណ្ឌ លោក សម រង្ស៊ី ដោយផ្តល់ភាពអនុគ្រោះក៏ដោយ ប៉ុន្តែសម្តេចក៏នឹងមិនប្តឹងឧទ្ទរទៀតទេ គឺសម្តេចចង់បានតែបណ្ណឹង ប៉ុន្តែបើទណ្ឌិត សម រង្ស៊ី មិនសុខចិត្តប្តឹងឧទ្ធរណ៍សម្តេចនឹងតាមកំដរដល់ទីបញ្ចប់។សូមបញ្ជាក់ថា កាលពីខែសីហា ឆ្នាំ២០១៩ សម្តេចតេជោ ហ៊ុន សែន និងលោក ឌី វិជ្ជា តាមរយៈមេធាវីរាជរដ្ឋាភិបាលកម្ពុជា និងមេធាវីបារាំង បានដាក់ពាក្យបណ្តឹងជាផ្លូវការ២ដាច់ដោយឡែកពីគ្នា ដើម្បីប្តឹងបុគ្គល សម រង្ស៉ី ពីបទ «បរិហារកេរ្តិ៍ជាសាធារណៈចំពោះបុគ្គល» ទៅកាន់តុលាការទីក្រុងប៉ារីស ប្រទេសបារាំង ។ការសម្រេចដាក់ពាក្យប្តឹងនេះ បានធ្វើឡើងបន្ទាប់ពី លោក សម រង្ស៉ី បានបង្ហោះបំផ្លើសការពិតដោយចោទប្រកាន់ថា សម្តេចតេជោ ហ៊ុន សែន ជាអ្នកនៅពីក្រោយការស្លាប់របស់ លោក ហុក ឡង់ឌី អតីតអគ្គស្នងការនគរបាលជាតិកម្ពុជា។ពាក់ព័ន្ធនឹងករណីនេះ លោក សម រង្សី ត្រូវបានតុលាការទីក្រុងប៉ារីស ប្រទេសបារាំង បានលើកសម្អាងហេតុដោយបញ្ជាក់ច្បាស់ថា សម រង្ស៉ី ពិតជាបាននិយាយបរិហារកេរ្តិ៍ចំពោះសម្តេចតេជោ ដែលពុំអាចប្រកែកបាន៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រជូននិស្សិត សាកលវិទ្យាល័យ ភ្នំពេញអន្តរជាតិ (PPIU)

2022/10/11 09:59:56 am        480
Facebook Telegram Linkin
ភ្នំពេញ៖ នៅព្រឹកថ្ងៃទី១១​ ខែតុលា​ ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រ ជូន​និស្សិត​សាកលវិទ្យាល័យភ្នំពេញអន្តរជាតិ (PPIU) បន្ទាប់​ពី​ពួក​គេ​បាន​បញ្ចប់​ការ​សិក្សា​ដោយ​ជោគជ័យ។ និស្សិតជ័យលាភីដែលទទួលសញ្ញាបត្រនៅព្រឹកនេះ រួមមាន៖ ថ្នាក់បញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ សរុបប្រមាណ ២,១១៥ នាក់ មាននារី ១,១៣៩នាក់។ ក្នុងនោះ មានព្រះសង្ឃ ២៩អង្គ, និស្សិតពិការចំនួន ៣០ នាក់ នារី ៩នាក់ និងនិស្សិត​អាហារូបករណ៍​របស់សម្តេចតេជោ និង សម្តេចកិត្តិព្រឹទ្ធបណ្ឌិត ១៤៤នាក់ នារី៥៣នាក់។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន ប្រកាសថ្លែងអំណរគុណដល់តុលាការកំពូល ដែល​បាន​ផ្តល់​យុត្តិធម៌​ដល់​គ្រួសារលោកស្រី ទេព កុលាប និងគ្រួសារ កាលពី១០ឆ្នាំមុន ដែលជាការចាប់ផ្តើម នៃ​ការ​រីក​ចម្រើន នៃសាកលវិទ្យាល័យ ភ្នំពេញអន្តរជាតិ (PPIU) មកដល់បច្ចុប្បន្ននេះ។- សម្តេចតេជោ ហ៊ុន សែន បានបញ្ជាក់ថា ដើម្បីសង្គ្រោះលោកស្រីទេព កុលាប លោកជំទាវ ហ៊ុន​ ម៉ាណា បានប្រើប្រាស់លុយជាង២លានដុល្លារសហរដ្ឋអាមេរិកទុកសម្រាប់ប្រើប្រាស់ធ្វើទំនើបកម្ម និង​ទប់កំខាតទូរទស្សន៍បាយ័នទៅជួយលោកស្រីកទេព កុលាប ដើម្បីសងទៅលោកឧកញ៉ា កុក អាន។- សម្តេចតេជោ ហ៊ុន សែន បានប្រកាសហៅខ្លួនឯងថា ជាបុរសចិត្តដែក តែភ្នែកទន់។ សម្តេច​បញ្ជាក់​ថា «លោកមិនអាចឈរមើលរឿងអយុត្តិធម៌កើតឡើងបានឡើយ ក្នុងនោះមាន​រឿង​រប​ស់​លោក​ស្រីទេព កុលាប និងក្រុមគ្រួសារផងដែរ»។- សម្តេចតេជោ ហ៊ុន សែន បានបញ្ជាក់ថា ទោះយើងមិនមានរៀបចំ ព្រះរាជពិធីបុណ្យអុំទូកថ្នាក់ជាតិនៅឆ្នាំនេះក៏ពិតមែន តែតាមបណ្តាខេត្ត និងមូលដ្ឋាននានាទូទាំងប្រទេស ចាប់ផ្តើមនាំគ្នារៀបចំការប្រណាំងទូក និងកម្មវិធីកម្សាន្តនានា ផ្តល់ការកម្សាន្តសប្បាយរីករាយដល់ប្រជាពលរដ្ឋ។- សម្តេចតេជោ ហ៊ុន សែន បានប្រកាសពីកិច្ចខិតចំប្រឹងប្រែង និងការត្រៀមរៀបចំ កិច្ច​ប្រជុំ​កំពូល​អាស៊ាន និងកិច្ចប្រជុំកំពូលពាក់ព័ន្ធនានានៅកម្ពុជានាពេលឆាប់ៗខាងមុខនេះ ដែល​កម្ពុជា​ធ្វើ​ជា​ម្ចាស់​ផ្ទះ និងជាមោទកភាពសម្រាប់ជាតិខ្មែរទាំងមូល។- សម្តេចតេជោ ហ៊ុន​ សែន បានផ្តល់អនុសាសន៍ដល់ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា(ស្តាប់ហើយត្រូវអនុវត្តន៍ភ្លាម) ពាក់ព័ន្ធ​ការ​ផ្លាស់ប្តូរ​ទី​កន្លែង​របស់ឪពុកម្តាយ អាណាព្យាបាលក្មេងៗ ឬសិស្សានុសិស្ស ត្រូវ​ប្រាកដថា​ទោះ​ពួក​គាត់​ចល័ត​ដល់​ទីណាក៏ដោយ ត្រូវឱ្យពួកគេទទួលបានការអប់រំ បណ្តុះបណ្តាល។- សម្តេចតេជោ ហ៊ុន ​សែន បានប្រកាសដោយសម្តែងមោទកភាព និងសប្បាយរីករាយយ៉ាងខ្លាំង ចំពោះការចូលរួមរបស់វិស័យឯកជន វិនិយោគលើការអប់រំ បណ្តុះបណ្តាល គ្រប់កម្រិត ដែលជាការធានា និងចូលរួមជាមួយរាជរដ្ឋាភិបាលលើការបណ្តុះបណ្តាលធនធានមនុស្ស។- សម្តេចតេជោ ហ៊ុន សែន បានប្រកាសដល់សាកលវិទ្យាល័យ និងគ្រឹះស្ថានសិក្សា ទាំងអស់សូមផ្តោតសំខាន់ និង​កុំបោះបង់​ចោល​ការ​បណ្តុះបណ្តាល​លើ​វគ្គ​ជំនាញ​ (បណ្តុះបណ្តាលលើឯកទេស ឬជំនាញ)ព្រោះវគ្គទាំងនោះ មានសារសំខាន់ និងជាតម្រូវការជាក់ស្តែងនាពេលបច្ចុប្បន្ន។- សម្តេចតេជោ ហ៊ុន សែន បានប្រកាសថា ការបញ្ចប់មុងតំណែងឯកឧត្តម វេង សាខុន រដ្ឋមន្ត្រី​ក្រសួង​កសិកម្ម រុក្ខាប្រមាញ់ និងនេសាទ គឺធ្វើឡើងស្របតាមតាមមាត្រ នៃច្បាប់របស់​ព្រះរាជា​ណា​ចក្រ​កម្ពុជា។- សម្តេចតេជោ ហ៊ុន សែន បានហៅក្រុមអ្នករិះគន់ពាក់ព័ន្ធការបញ្ចប់មុខតំណែងឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ គឺជាមនុស្សល្ងង់ ខ្វះការ​សិក្សា​ស្រាវជ្រាវ។- សម្តេចតេជោ ហ៊ុន​ សែន បានបញ្ជាក់ថា ការបញ្ចប់មុខតំណែងឯកឧត្តម វេង សាខុន មិន​មាន​អ្វី​ធ្ងន់​ធ្ងរ​នោះទេ គ្រាន់តែធ្វើមិនបានដូចអ្វីដែលសម្តេចចង់បានតែប៉ុណ្ណោះ ហើយ​សម្តេច​ក៏​បាន​ទូល​ព្រះមហាក្សត្រ​រួចហើយដែរ ដើម្បីតែងតាំងឯកឧត្តម វេង សាខុន ជារដ្ឋមន្ត្រី ប្រតិភូអមនាយករដ្ឋមន្ត្រី។- សម្តេចតេជោ ហ៊ុន សែន ប្រកាសដល់អ្នករៀបរៀងភាពយន្តជីវប្រវត្តិសម្តេចក្នុងសម័យតស៊ូ សូមធ្វើឱ្យផ្ចិតផ្ចង់ កុំខ្ជះខ្ជាយ និងឱ្យត្រឹមត្រូវ តាមភាពជាក់ស្តែងសម័យនោះ ព្រោះប្រវត្តិសាស្ត្រមិនអាចបំភ្លៃបានឡើយ។- សម្តេចតេជោ ហ៊ុន សែន ប្រកាសថា ភាពយន្តប្រវត្តិសាស្ត្ររៀបរាប់ពីការតស៊ូរបស់សម្តេចតេជោ ហ៊ុន សែន ក្នុងសម័យសង្គ្រាម គ្រោងប្រើប្រាស់ថវិកាប្រមាណ ៦លានដុល្លារសហរដ្ឋអាមេរិក ដែល​ថវិកាទាំងនោះ គឺជាថវិកាផ្ទាល់ខ្លួន ដោយមិនមាន​ប្រើប្រាស់​ថវិកា​រដ្ឋ​មួយ​កាក់​មួយ​សេន​ណាឡើ​យ។- សម្តេចតេជោ ហ៊ុន សែន ដាក់បទបញ្ជាដល់នាយឧត្ដមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទឲ្យរឹតបន្តឹងការការពារសន្តិសុខឲ្យខ្ពស់បំផុត(ផ្លូវគោក, ផ្លូវទឹក និងអាកាស) ដើម្បីការពារសន្តិភាព សុវត្ថិភាពដល់ប្រមុខរដ្ឋ ប្រមុខរាជរដ្ឋាភិបាលអាស៊ាន និងប្រទេសផ្សេងទៀតដែលនឹងមកចូលរួមកិច្ចប្រជុំកំពូលអាស៊ាននៅរាជធានីភ្នំពេញនាខែវិច្ឆិកាខាងមុខនេះ។- សម្តេចតេជោ ហ៊ុន សែន បានប្រកាសថ្លែងអំណរគុណដល់តុលាការបារាំង ដែលបានផ្តល់យុត្តិធម៌ និងភាពស្អាតស្អំជូនសម្តេច ពីចោទប្រកាន់ដោយគ្មានមូលដ្ឋានរបស់ជនម្នាក់ឈ្មោះ សម រង្ស៊ី ដោយសម្តេចបញ្ជាក់ថា «ទៅពីខ្មែរដល់បារាំង ខ្ញុំចង់បានតែប៉ុណ្ណឹង»។- សម្តេចតេជោ ហ៊ុន សែន បានប្រកាសមិនប្តឹងឧទ្ធរណ៍ទៅតុលាការបារាំងដោយសារការមិនទទួលបានប្រាក់សំណង ១អឺរ៉ូពីជនម្នាក់ឈ្មោះ សម រង្ស៊ី ឡើយ ព្រោះអ្វីដែលសម្តេចទទួលបាន គឺយុត្តិធម៌ និងភាពស្អាតស្អំពីតុលាការបារាំង គឺគ្រប់គ្រាន់ជាទីពេញចិត្តហើយ។- សម្តេចតេជោ ហ៊ុន​ សែន ប្រកាសជំហរជាអន្តរជាតិរបស់កម្ពុជាមិនគាំទ្រ មិនលើកទឹកចិត្តឱ្យមានការប្រើប្រាស់កម្លាំង ដើម្បីរំលោភបំពានលើអធិបតេយ្យភាពប្រទេសផ្សេងឡើយ ដោយសម្តេចចោទជាសំនួរថា «បើគេរំលោភបំពានលើយើង តើយើងគិតយ៉ាងម៉េច..?»សង្កថាសម្តេចតេជោ ហ៊ុន សែន ចប់នៅវេលាម៉ោង ០៩ និង៥១នាទី

សម្តេចតេជោ ហ៊ុន សែន អញ្ជើញប្រគល់សញ្ញាបត្រជូននិស្សិត សាកលវិទ្យាល័យភ្នំពេញអន្តរជាតិ (PPIU) ជាង២ពាន់នាក់

2022/10/11 07:54:30 am        395
Facebook Telegram Linkin
ភ្នំពេញ៖ នៅព្រឹកថ្ងៃទី១១ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យភ្នំពេញអន្តរជាតិ (PPIU) បន្ទាប់ពីពួកគេបានបញ្ចប់ការសិក្សាដោយជោគជ័យ។និស្សិតជ័យលាភីដែលទទួលសញ្ញាបត្រនៅព្រឹកនេះ រួមមាន៖ ថ្នាក់បញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ សរុបប្រមាណ ២,១១៥ នាក់ មាននារី ១,១៣៩នាក់។ ក្នុងនោះ មានព្រះសង្ឃ ២៩អង្គ, និស្សិតពិការចំនួន ៣០ នាក់ នារី ៩នាក់ និងនិស្សិតអាហារូបករណ៍របស់សម្តេចតេជោ និង សម្តេចកិត្តិព្រឹទ្ធបណ្ឌិត ១៤៤នាក់ នារី៥៣នាក់៕

សម្តេចតេជោអំពាវនាវឱ្យគ្រប់គ្រឹះស្ថានសិក្សាយកចិត្តទុកដាក់បង្កើតកាយរឹទ្ធិដើម្បីជាស្នូលផ្នែកសីលធម៌

2022/10/10 05:02:43 pm        32
Facebook Telegram Linkin
ភ្នំពេញ​ ៖ក្នុងឱកាសអញ្ជើញជាអធិបតីបិទមហាសន្និបាតកាយរឹទ្ធិជាតិកម្ពុជា អាណត្តិទី៤ នៅវិទ្យាស្ថានបច្ចេកវិទ្យាកម្ពុជានារសៀលថ្ងៃទី១០តុលា សម្ដេចតេជោ ហ៊ុន សែន នាយករដ្ឋមន្ត្រីបានអំពាវនាវឱ្យគ្រប់បណ្តាគ្រឹះស្ថានសិក្សាទាំងអស់យកចិត្តទុកដាក់បង្កើតកាយរឹទ្ធិ​ដើម្បីជាស្នូលផ្នែក១នៃការលើកកំពស់សីលធម៌ក្នុងសង្គម។​សម្តេចបានណែនាំឱ្យបង្កើតកាយរិទ្ធិនេះដោយមិនប្រើប្រាស់ថវិការដ្ឋទេ សូមយកចិត្តទុកដាក់​រកសប្បុរសជនជួយឧបត្ថម្ភគាំទ្រ។សម្តេចបាន អំពាវនាវសប្បុរសជន វិស័យឯកជន និងអង្គការមិនមែនរដ្ឋាភិបាល សូមបន្តចូល​រួមឧបត្ថម្ភជាធនធាន និងមធ្យោបាយនានា ដើម្បីជំរុញចលនាអប់រំ តាមប្រព័ន្ធកាយរឹទិ្ធកម្ម រួមចំណែកលើកកម្ពស់ការអប់រំចំណេះដឹង ជំនាញនិងសីលធម៌ក្នុងស្រទាប់យុវជនកម្ពុជាប្រកបដោយ ប្រសិទ្ធភាព ។សម្តេចបានសំដែងនូវមោទនភាពចំពោះការរីកចម្រើននៃចលនាកាយ-រឹទិ្ធជាតិកម្ពុជានៅទូទាំងប្រទេស ជាមួយនឹងការកសាងបាននូវសមាជិកកាយរឹទ្ធិក្នុងស្រទាប់កុមារ និងយុវជន ទាំងក្នុងគ្រឹះ- ស្ថានសិក្សា និងសហគមន៍គ្រប់មជ្ឈដ្ឋានប្រមាណជាង ១៧ ម៉ឺននាក់ ។ សម្តេចបន្តថា កាយរឹទិ្ធជាតិកម្ពុជា គឺជាអង្គការចាត់តាំងយុវជន ដ៏សកម្មដែលមានគោលនយោបាយ និងកម្មវិធីច្បាស់លាស់ ធ្វើឱ្យយុវជនកម្ពុជាផ្លាស់ប្តូរឥរិយាបថការរស់នៅ ហើយក្លាយជាពលរដ្ឋល្អ និងជាពលរដ្ឋគំរូ ជាមួយនឹងការចេះយោគយល់អធ្យាស្រ័យគ្នា ចាប់ផ្តើមពីបុគ្គល ក្រុមគ្រួសារនិងសហគមន៍ ៕ អត្ថបទ៖ មុត​ សុទ្ធ​

សម្តេចតេជោឆ្លើយតបបែបចំអកឲ្យក្រុមប្រឆាំងក្រោយរិះគន់សម្តេចរឿងបញ្ចប់តំណែងរដ្ឋមន្រ្តីក្រសួងកសិកម្ម

2022/10/10 04:48:59 pm        53
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានឆ្លើយតប​បែបចំអក​ជាថ្មីម្តង​ទៀតដល់​ក្រុម​ប្រឆាំង​​​​​ជាពិសេស​​គឺ​​ទណ្ឌិត ​​ អេង ឆៃអៀង​ បច្ចុប្បន្ន​កំពុងនីរទេសខ្លួន​នៅ​ក្រៅ​ប្រទេស ក្រោយពី ទណ្ឌិតរូបនេះបានរិះគន់សម្តេច តាមរយៈហ្វេសបុក​ទាក់ទងនឹងការ​បញ្ចប់​មុខតំណែង​រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទកាលពីកន្លងទៅថ្មីៗនេះ។នៅក្នុងឱកាសអញ្ជើញបិទពិធីមហាសន្និបាតកាយរឹទ្ធិជាតិកម្ពុជា អាណត្តិទី៤ នារសៀលថ្ងៃទី១០ខែតុលា ឆ្នាំ២០២២នេះសម្តេចតេជោ ហ៊ុន សែន នាយករដ្ឋមន្រ្តីបានថ្លែងថា កាលពីម្សិលមិញ​សម្តេចបានឆ្លើយ​តបម្តងហើយ​តាមរយៈហ្វេសបុកទាក់ទងក្រុមប្រឆាំងផ្កាប់មុខ ប៉ុន្តែការឆ្លើយតបរបស់សម្តេចនោះ ត្រូវបានបុគ្គលនោះ(ទណ្ឌិត អេង ឆៃអៀង)បានចោទប្រកាន់សម្តេចថាបានប្រមាថដល់គេទៅវិញ។​សូមបញ្ជាក់ថា តាមរយៈហ្វេសបុកនារសៀលថ្ងៃទី៩ ខែតុលា ឆ្នាំ២០២២នេះ សម្តេចតេជោ ហ៊ុន សែន សរសេរថា ដើម្បីចូលរួមចំណែកជួយក្រុមប្រឆាំងផ្កាប់មុខឲ្យមានចំណេះដឹងដែលអាចឈានទៅកាន់​អំណាចនៅជាតិក្រោយ។ សូមអស់លោកបើកមើលមាត្រា២១ជំពូក២នៃរដ្ឋធម្មនុញ្ញដែលចែងអំពីព្រះមហាក្សត្រ​បន្ទាប់ទៅ​សូមអាន​មាត្រា២០ជំពូកទី៣នៃច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី។ សម្តេចបានបន្តថា ដោយសារតែខ្វះការចេះដឹងទើបបានតែចេះតែជាប់គុកនិងរត់ចោលស្រុកហើយមកចោទគេថាផ្តាច់ការ។គប្បីប្រឹងរៀនសូត្របន្ថែមដើម្បីឈានទៅកាន់អំណាចនៅជាតិក្រោយ និងសូមកុំវក់​ជាមួយល្បែង​ច្រើនពេក។​នេះជាបំណងល្អរបស់សម្តេចសម្រាប់ក្រុមល្ងង់។ ការលើកឡើងរបស់សម្តេចតាមរយៈហ្វេសបុកនេះគឺបានធ្វើឡើងភ្លាមៗបន្ទាប់ពីអាខោនហ្វេសបុករបស់ទណ្ឌិត អេង ឆៃអៀង បានលើកឡើងថា ការបញ្ចប់មុខតំណែងរដ្ឋមន្រ្តី(ឯកឧត្តម វេង សាខុន​រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ) ដោយមិនបានឆ្លងកាត់ការអនុម័តយល់ព្រមពីរដ្ឋសភា គឺរំលោភមាត្រា១១៩ថ្មី នៃរដ្ឋធម្មនុញ្ញនោះ។ យ៉ាងណាក៏ដោយសម្តេចតេជោ ហ៊ុន សែន នាយករដ្ឋមន្រ្តី ចំអកដល់ទណ្ឌិតនោះថា គប្បីប្រឹងរៀនសូត្របន្ថែមដើម្បីឈានទៅកាន់អំណាចនៅជាតិក្រោយ និងសូមកុំវក់ជាមួយល្បែងច្រើនពេក៕ អត្ថបទ ៖ បាន ចក់

សម្តេចតេជោ ហ៊ុន សែន អញ្ជើញជាអធិបតី បិទមហាសន្និបាតកាយរឹទ្ធិជាតិកម្ពុជា

2022/10/10 03:31:50 pm        698
Facebook Telegram Linkin
ភ្នំពេញ ៖ នៅរសៀល ថ្ងៃទី១០ ខែតុលា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជាអធិបតីពិធីបិទមហាសន្និបាតកាយឫទ្ធិជាតិកម្ពុជា ដែលពិធីនេះធ្វើឡើងនៅវិទ្យាស្ថានបច្ចេកវិទ្យាកម្ពុជា។ ​សម្តេចតេជោ ហ៊ុន សែន មានសេចក្តីរីករាយ និងសូមចូលរួមអបអរសាទរកាយឫទ្ធិជាតិកម្ពុជា​ដែល​សម្រេច​បាននូវលទ្ធផលគួរជាទីមោទនៈនៃមហាសន្និបាតកាយរឹទិ្ធជាតិកម្ពុជា ក្នុងរយៈពេលពេញមួយថ្ងៃមកនេះ។សម្តេចតេជោបានកោតសរសើរ និងវាយតម្លៃខ្ពស់ចំពោះថ្នាក់ដឹកនាំក្រសួងអប់រំយុវជន និងកីឡា និងកាយរឹទ្ធិ​ជាតិកម្ពុជាដែលបានខិតខំប្រឹងប្រែងជំរុញចលនាកាយឫទ្ធិជាតិកម្ពុជាឱ្យមានការរីកចម្រើនដូចបណ្តាប្រទេសនានា ដោយបានកសាងកម្លាំងបន្តវេនប្រកបដោយសក្តានុពល និងមានភក្តីភាព​ជាមួយរាជរដ្ឋាភិបាល​ក្នុងកិច្ចអភិវឌ្ឍជាតិមាតុភូមិ ។សម្តេចតេជោនាយករដ្ឋមន្ត្រីបានមានប្រសាសន៍ថា រាជរដ្ឋាភិបាលតែងតែផ្តល់អាទិភាព​លើការពង្រឹង​សកម្មភាពបណ្តុះបណ្តាលយុវជនជំនាន់ក្រោយ តាមរយៈសកម្មភាពចលនាកាយឫទ្ធិកម្ពុជា​ដែល​ជាកម្លាំងចលករសម្រាប់ ការងារអប់រំ ការហាត់ពត់លត់ដំ ទាំងប្រាជ្ញា ស្មារតី ព្រមទាំងកាយសម្បទា ប្រកបដោយសក្តានុពល រួមជាមួយចំណេះដឹង សីលធម៌ល្អ ចរិយាសម្បត្តិថ្លៃថ្នូរ ក្លាយជាពលរដ្ឋគំរូ ស្របតាមចក្ខុវិស័យអង្គការពិភពលោកនៃចលនាកាយឫទ្ធិ គឺការកសាង ពិភពលោក​មួយប្រកប​ដោយសមត្ថភាព​សម្រាប់យុវជនទាំងបច្ចុប្បន្ន និងអនាគត ។ដូច្នេះ ការពង្រឹងភាពជាអ្នកដឹកនាំនិងការបណ្តុះបណ្តាលជំនាញកាយរឹទិ្ធកម្មដល់មេដឹកនាំកាយរឹទិ្ធនៅ​ថ្នាក់ជាតិ ថ្នាក់រាជធានីខេត្ត ក្រុង ស្រុក ខណ្ឌ ជាពិសេសមេកងឯកភាព ដែលជាសកលវិទ្យាធិការ នាយក នាយិកា គ្រឹះស្ថានសិក្សាសាធារណៈ និងឯកជនទូទាំងប្រទេស ពិតជាបានរួមចំណែក​ជាមួយ​រាជរដ្ឋាភិបាល​ក្នុងការអភិវឌ្ឍធនធានមនុស្ស និងពិតជាបានឆ្លើយតបទៅនឹង គោលនយោបាយ​ជាតិស្តីពីការ​អភិវឌ្ឍ​យុវជនកម្ពុជា ។ សម្តេចតេជោ ហ៊ុន សែន ក៏បានផ្តល់ការលើកទឹកចិត្តលើចំណុចសំខាន់ៗចំនួនប្រាំពីរ ដើម្បីភាពរីកចម្រើននៃចលនាកាយឫទ្ធិជាតិកម្ពុជា។ ចុងបញ្ចប់សម្តេចតេជោ ហ៊ុន សែន បានអបអរសាទរ និងប្រកាសទទួលស្គាល់ក្រុមប្រឹក្សា និង គណៈកម្មាធិការប្រតិបតិ្តកាយឫទ្ធិជាតិកម្ពុជាអាណត្តិទី ៤ ឆ្នាំ ២០២២-២០២៦ តាមស្មារតីអង្គមហាសន្និបាត និងបានអំពាវនាវសប្បុរសជន វិស័យឯកជន និងអង្គការមិនមែនរដ្ឋាភិបាល សូមបន្តចូលរួមឧបត្ថម្ភជាធនធាន និងមធ្យោបាយនានា ដើម្បីជំរុញចលនាអប់រំ តាមប្រព័ន្ធកាយឫទ្ធិកម្ម រួមចំណែកលើកកម្ពស់​ការ​អប់រំចំណេះដឹង ជំនាញនិងសីលធម៌ក្នុងស្រទាប់យុវជនកម្ពុជាប្រកបដោយ ប្រសិទ្ធភាព៕ អត្ថបទៈ មុត​ សុទ្ធ​

មេដឹកនាំ​កូរ៉េខាងជើង​ពិនិត្យ​សម​យុទ្ធ​បាញ់​មី​ស៊ី​ល​របស់​កងកម្លាំង​នុយក្លេអ៊ែរ

2022/10/10 03:09:34 pm        493
Facebook Telegram Linkin
​កូរ៉េខាងជើង៖ កូរ៉េខាងជើង​បាន​បាញ់​មី​ស៊ី​ល​បាលី​ស្ទីក​រយៈ​ចម្ងាយ​ជិត​ចំនួន ២​គ្រាប់​ចូល​ទៅ​កាន់​ដែនទឹក​ភាគ​ខាងកើត​របស់ខ្លួន​កាលពី​ថ្ងៃអាទិត្យ ជាការ​សាកល្បង​អាវុធ​ចុងក្រោយ​បំផុត មួយថ្ងៃ​បន្ទាប់ពី​ប្រទេស​នេះ​បាន​ព្រមាន​ពី​ការដាក់​ពង្រាយ​ជាថ្មី​ នូវ​នាវា​ផ្ទុក​យន្តហោះ​របស់​សហរដ្ឋអាមេរិក​នៅ​ជិត​ឧបទ្វីប​កូរ៉េ ដែល​កំពុង​ធ្វើឱ្យមាន​ភាព​តានតឹង​នៅក្នុង​តំបន់​។​ ​នាយសេនាធិការ​ចម្រុះ​របស់​​កូរ៉េខាងត្បូង​បាន​និយាយ​នៅក្នុង​សេចក្តីថ្លែងការណ៍​ថា កូរ៉េខាងត្បូង​បានឃើញ​ការបាញ់​មី​ស៊ី​ល​ចំនួន ​២​គ្រាប់​កាលពី​ថ្ងៃអាទិត្យ​នៅ​ចន្លោះ​ម៉ោង ១:៤៨ ដល់​ម៉ោង ១:៥៨រំលង​អធ្រាត្រ​ម៉ោង​ក្នុង​តំបន់​ពី​ទីក្រុង​ឆ្នេរសមុទ្រ Munchon ភាគ​ខាងកើត​របស់​កូរ៉េខាងជើង​។​ យោធា​របស់​​កូរ៉េខាងត្បូង​បាន​បង្កើន​ការ​ឃ្លាំមើល​របស់​ខ្លួន និង​នៅតែ​ត្រៀម​ខ្លួន​ក្នុងការ​សម្របសម្រួល​យ៉ាង​ជិតស្និទ្ធ​ជាមួយ​សហរដ្ឋអាមេរិក​។​ ការ​ខិតខំ​ប្រឹង​ប្រែង​របស់​កូរ៉េខាងជើង​លើ​សមត្ថភាព​បាញ់​មី​ស៊ី​ល​ពី​នាវាមុជទឹក​ នឹង​ក្លាយ​ជា​ការ​អភិវឌ្ឍន៍​ដ៏​គួរ​ឱ្យ​ព្រួយបារម្ភ​សម្រាប់​គូបដិបក្ខ​របស់​ខ្លួន​។ កូរ៉េខាងជើង​ត្រូវបាន​គេ​ជឿថា​ បាន​សាកល្បង​បាញ់​មី​ស៊ី​ល​លើក​ចុងក្រោយ​ចេញពី​នាវាមុជទឹក​កាលពី​ខែ​ឧសភា។ការ​បាញ់​លើក​នេះ​ជា​ការ​សាកល្បង​អាវុធ​លើក​ទី​៧ ​របស់​កូរ៉េខាងជើង​ក្នុង​រយៈពេល​ពីរ​សប្តាហ៍ ដែល​បាន​ធ្វើឡើង​ប៉ុន្មាន​ម៉ោង​បន្ទាប់ពី​សហរដ្ឋអាមេរិក និង​កូរ៉េខាងត្បូង​បាន​បញ្ចប់​ការ​ធ្វើ​សម​យុទ្ធ​យោធា​រយៈពេល​ ២​ថ្ងៃ​នៅ​ឆ្នេរ​សមុទ្រ​ភាគ​ខាងកើត​នៃ​ឧបទ្វីប​កូរ៉េ​។ សម​យុទ្ធ​នេះ​រួមមាន​នាវា​ផ្ទុក​យន្តហោះ​ដើរ​ដោយ​ថាមពល​នុយក្លេអ៊ែរ USS Ronald Reagan និង​ក្រុម​នាវា​ប្រយុទ្ធ​ដែល​បាន​វិល​ត្រឡប់​មក​តំបន់​នោះ​វិញ បន្ទាប់ពី​កូរ៉េខាងជើង​បាន​បាញ់​មី​ស៊ី​ល​ដ៏​មាន​ឥទ្ធិពល​រំលង​លើ​ប្រទេស​ជប៉ុន​កាលពី​សប្តាហ៍​មុន ដើម្បី​ប្រឆាំង​សម​យុទ្ធ​កាលពី​ពេលមុន​របស់​ក្រុម​នាវា​ផ្ទុក​យន្តហោះ​ជាមួយ​ប្រទេស​កូរ៉េខាងត្បូង៕អត្ថបទ៖ ប៊ុន ថន

លោក Zelensky៖ រុស្ស៊ី​គួរតែ​ត្រូវ​បាន​កំណត់​ថា​ជា​រដ្ឋ​ភេរវករ​ ខណៈ​វាយប្រហារ​លើ​ទីក្រុង Zaporizhzhia

2022/10/10 02:49:10 pm        603
Facebook Telegram Linkin
​អ៊ុយក្រែន៖ ប្រធានាធិបតី​អ៊ុយ​ក្រែ​ន​លោក Volodymyr Zelensky កាលពី​ថ្ងៃអាទិត្យ​បាន​បន្ត​ការ​អំពាវ​នាវ​របស់លោក​ឱ្យ​កំណត់​ប្រទេស​រុស្ស៊ី​ថា ​ជា​រដ្ឋ​ភេរវ​ករ​ បន្ទាប់ពី​ការ​បាញ់​ផ្លោង​ទៅលើ​ទីក្រុង Zaporizhzhia បណ្ដាល​ឲ្យ​មនុស្ស​រាប់​សិប​នាក់​ស្លាប់ និង​ជាច្រើន​នាក់​ទៀត​រង​របួស​។ លោក Zelenskyy និយាយ​ថា អំពើ​ភេរវកម្ម​គឺជា​បទឧក្រិដ្ឋ​ដែល​ត្រូវតែ​ទទួល​ទណ្ឌកម្ម​។ ​អំពើ​ភេរវកម្ម​នៅ​កម្រិត​រដ្ឋ​គឺជា​ឧក្រិដ្ឋកម្ម​អន្តរជាតិ​ដ៏​ឃោរឃៅ​បំផុត​មួយ ដែល​គំរាមកំហែង​មិន​ត្រឹម​តែ​ប្រទេស​ណា​មួយ​នោះ​ទេ​នៅ​លើ​ពិភពលោក ប៉ុន្តែ​បាន​គំរាម​ដល់​សហគមន៍​អន្តរជាតិ​ទាំងមូល​។ លោក​និយាយ​ថា រុស្ស៊ី​គួរ​តែ​ត្រូវ​បាន​ថ្កោលទោស និង​ដាក់​ឲ្យ​នៅ​ឯ​កោ​នៅ​គ្រប់​កម្រិត​ នៅមុន​ការបោះឆ្នោត​មហាសន្និបាត​អង្គការសហប្រជាជាតិ​នៅ​ពេល​ខាងមុខ ដោយសារតែ​ការប៉ុនប៉ង​របស់​រុស្ស៊ី​ក្នុង​ការ​ដាក់បញ្ចូល​តំបន់​នានា ​របស់​អ៊ុយ​ក្រែ​ន​ជា​ឧប​សម្ព័ន្ធ​។​ ​មន្ត្រី​ជាន់ខ្ពស់​ម្នាក់​នៅក្នុង​ទីក្រុង​របស់​អ៊ុយ​ក្រែ​ន​បាន​និយាយ​កាលពី​ថ្ងៃអាទិត្យ​ថា ការវាយប្រហារ​របស់​រុស្ស៊ី​លើ​ទីក្រុង Zaporizhzhia ពេញ​មួយ​យប់​បាន​វាយប្រហារ​លើ​អគារ​លំនៅឋាន បណ្តាល​ឲ្យ​មនុស្ស​ច្រើន​នាក់​ស្លាប់​។លេខា​ក្រុមប្រឹក្សា​ទីក្រុងលោក Anatoliy Kurtev បាន​និយាយថា ទីក្រុង​នេះ​ត្រូវបាន​វាយប្រហារ​ដោយ​គ្រាប់​រ៉ុក្កែត​ពេញ​មួយ​យប់ ហើយ​លំនៅឋាន​ឯកជន​យ៉ាងតិច​ ៥​ខ្នង​ត្រូវបាន​បំផ្លាញ​ទាំងស្រុង និង​ប្រហែល ៤០​ខ្នង​រង​ការខូចខាត​។ បន្ទាប់ពី​ការវាយប្រហារភ្លាមៗ​នោះ​ក្រុមប្រឹក្សា​ទីក្រុង​បាន​និយាយថា មនុស្ស ១៧​នាក់​ស្លាប់ ប៉ុន្តែ​ក្រោយមក​បាន​កែប្រែ​តួលេខ​អ្នកស្លាប់​ដោយ​នគរបាល​ក្នុង​តំបន់​បាន​រាយការណ៍​ថា មនុស្ស ១៣​នាក់​ស្លាប់ និង​ជាង ៦០​នាក់​រងរបួស ដែល​យ៉ាងហោចណាស់ ១០​នាក់​ជា​កុមារ​៕អត្ថបទ៖ ប៊ុន ថន

បំណាក់​ដី​នៅ​ទូទាំង​ទីក្រុង​ប្រទេស​វ៉េ​ណេ​ស៊ុយ​អេ​ឡា​បណ្តាល​ឲ្យ​មនុស្ស​ ២៥​ស្លាប់

2022/10/10 02:33:34 pm        398
Facebook Telegram Linkin
​វ៉េ​ណេ​ស៊ុយ​អេ​ឡា៖ អាជ្ញាធរ​បាន​និយាយ​កាលពី​ថ្ងៃអាទិត្យ​ថា បំណាក់​ដី​បង្កឡើង​ដោយ​ទឹកជំនន់ និង​ភ្លៀង​ធ្លាក់​ខ្លាំងជាច្រើន​ថ្ងៃ​ បាន​បោកបក់​ទូទាំង​ទីក្រុង​មួយ​នៅ​ភាគ​កណ្តាល​ប្រទេស​វេ​ណេ​ស៊ុយ​អេ​ឡា បណ្តាល​ឲ្យ​មនុស្ស​យ៉ាង​ហោច​ណាស់ ២៥​នាក់​ស្លាប់ ខណៈ​ទឹកជំនន់​បាន​ហូរ​នាំយក​ដីល្បាប់ ថ្ម និង​ដើមឈើ​ឆ្លងកាត់​សង្កាត់​នានា ហើយ​មនុស្ស​រាប់សិប​នាក់​បាន​បាត់​ខ្លួន​។​ ​ពលរដ្ឋ​តំបន់ Las Tejerías ក្រុង ​Santos Michelena ជាទី​ក្រុង​កសិឧស្សាហកម្ម​ក្នុង​រដ្ឋ Aragua ចម្ងាយ ៨៧​គីឡូម៉ែត្រ​ភាគ​និរតី​ទីក្រុង Caracas មាន​ពេល​ត្រឹមតែ​ប៉ុន្មាន​វិនាទី​ប៉ុណ្ណោះ​ ដើម្បី​ទៅដល់​ទី​សុវត្ថិភាព​កាលពី​ល្ងាច​ថ្ងៃ​សៅរ៍ ខណៈ​កម្ទេចកម្ទី​បាន​ធ្លាក់​មកពី​លើ​ភ្នំ​មកលើ​ពួកគេ​។ អនុ​ប្រធានាធិបតី​លោកស្រី Delcy Rodríguez បាន​ប្រាប់​ប្រព័ន្ធ​ផ្សព្វផ្សាយ​ថា ​ចំនួន​អ្នកស្លាប់​ផ្លូវការ​បាន​កើនឡើង​ដល់ ២៥​នាក់ បន្ទាប់ពី​ការរកឃើញ​សាកសព​ចំនួន ២០​នាក់​កាលពី​ថ្ងៃអាទិត្យ​។​​វីដេអូ​ចេញផ្សាយ​កាលពី​ថ្ងៃអាទិត្យ​បានបង្ហាញ​លំនៅឋាន និង​អគារ​ពាណិជ្ជ​មួយចំនួនរង​ការខូចខាត ខណៈ​ពលរដ្ឋ​មក​មើល​ជុំវិញ​តំបន់​នោះ​។ ទីជម្រក​ត្រូវបាន​រៀបចំឡើង​ សម្រាប់​ការពារ​អ្នក​ដែល​បាត់បង់​លំនៅឋាន​របស់​ពួកគេ​។ អាជ្ញាធរ​និយាយ​កាលពី​ថ្ងៃអាទិត្យ​ថា ក្រុម​អ្នក​ជួយសង្គ្រោះ​កំពុង​បំពេញការងារ​ដើម្បី​ស្វែងរក និង​ជួយសង្គ្រោះ​ដោយមាន​ជំនួយ​ពី​សត្វ​សុនខ និង​យាន​ដ្រូ​ន​។ ​បុគ្គលិក​សង្គ្រោះ និង​គ្រឿងចក្រ​ធុន​ធ្ងន់បាន​ទាញ​យកចេញ​កម្ទេចកម្ទី ​ដើម្បី​សម្អាត​ផ្លូវ និង​ស្តារ​សេវា​អគ្គិសនី និង​ទឹក​ដើម្បី​ប្រើប្រាស់​ឡើងវិញ​៕អត្ថបទ៖ ប៊ុន ថន

នគរបាល​ថៃ​ចាប់ខ្លួន​អ្នកសារព័ត៌មាន CNN ២​នាក់​ពី​បទ​បំពាន​ចូល​កន្លែង​ប្រព្រឹត្ត​ឧក្រិដ្ឋកម្ម​

2022/10/10 12:28:14 pm        317
Facebook Telegram Linkin
​ថៃ៖ ក្រុម​អ្នកសារព័ត៌មាន CNN ២​នាក់​ត្រូវបាន​ចាប់ខ្លួននៅក្នុង​ទីក្រុង Udon Thani ពីបទ​បំពាន​ច្បាប់​ចូល​ក្នុង​ទីតាំង​ប្រព្រឹត្ត​ឧក្រិដ្ឋកម្មនៅ​កន្លែងកើតហេតុ​សម្លាប់រ​ង្គា​ល​ក្នុង​ខេត្ត Nong Bua Lamphu ​ប្រទេស​ថៃ​កាលពី​ថ្ងៃអាទិត្យ​។ ​អ្នកសារព័ត៌មាន​ជនជាតិ​អូស្ត្រាលី អ្នកស្រី Anna Coren វ័យ ៤៧​ឆ្នាំ​ដែល​បាន​រាយការណ៍​ពី​ខាង​ក្នុង​មណ្ឌល​ថែទាំ​កុមារ និង​កាមេរ៉ា​មែន​ជនជាតិ​អង់គ្លេស​របស់​អ្នកស្រី​គឺ​លោក Daniel Hodge​ វ័យ ៣៤ឆ្នាំត្រូវ​បាន​នាំ​ខ្លួន​ទៅកាន់​ប៉ុស្តិ៍​នគរបាល Na Klang ដែល​មាន​មាន​សិទ្ធិ​អំណាច​លើ​កន្លែង​កើត​ហេតុ​ឧក្រិដ្ឋកម្ម​។ ​ការ​ចាប់​ខ្លួន​នេះ​មាន​ឡើងបន្ទាប់ពី​ប្រធាន​អង្គការ​រដ្ឋបាល​ឃុំ Uthai Sawan លោក Danaichoke Boonsom បាន​ដាក់​ពាក្យបណ្ដឹង​ប្រឆាំង​ក្រុមហ៊ុន​បណ្ដាញ​សារព័ត៌មាន CNN នៅប៉ុស្តិ៍​នគរបាល ​Na Klang​។ ​លោក Danaichoke បាន​និយាយ​ថា ​សារព័ត៌មាន CNN បាន​បំពាន​យ៉ាង​ធ្ងន់ធ្ងរ​លើ​ច្បាប់​តំបន់ ពិសេស​សាច់ញាតិ​របស់​ក្រុម​ជនរងគ្រោះ​។​សារព័ត៌មាន CNN បាន​ផ្សព្វផ្សាយ​រូបភាព​ក្រាហ្វិក​ពី​មណ្ឌល​ថែទាំ​កុមារ ដែល​ធ្វើ​ឲ្យ​ផ្ទុះ​កំហឹង​ជា​សាធារណៈ និង​ការ ចោទប្រកាន់​ពី​សារព័ត៌មាន​ថៃ​ថា បាន​បំពាន​លើ​ក្រមសីលធម៌​អ្នកសារព័ត៌មាន​។ ​នគរបាល​ថៃ​កំពុង​ស៊ើបអង្កេត​ពី​របាយការណ៍​មួយ​ដែល​ថា ក្រុមការងារ​សារព័ត៌មាន CNN បាន​ចូល​ទៅ​ក្នុង​ទីតាំង​ប្រព្រឹត្តិ​ឧក្រិដ្ឋកម្ម​នៅ​មណ្ឌល​ថែទាំ​កុមារ​ពេល​ថ្ងៃ ជាទី​ដែល​សិស្ស​មត្តេយ្យ​ជាង ​២០​នាក់​បាន​ស្លាប់ ​ខណៈ​ពួកគេ​កំពុង​ឈរ​រាយការណ៍​ពី​ការវាយប្រហារ​នោះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន
06/20/2026 03:06 PM
Facebook Telegram Linkin
ប្រទេសន័រវែសស្វែងរកការហាមឃាត់ការធ្វើពាណិជ្ជកម្មជាមួយនឹងអ្នកតាំងលំនៅឋានអ៊ីស្រា អែលខុសច្បាប់
06/20/2026 03:06 PM
Facebook Telegram Linkin
ជនអន្តោប្រវេសន៍នីហ្សេរីយ៉ាដែលវិលត្រឡប់មកពីអាហ្វ្រិកខាងត្បូង កំពុងប្រឈមនឹងបញ្ហាសេដ្ឋកិច្ច
06/20/2026 03:06 PM
Facebook Telegram Linkin
សម្ដេចពិជ័យសេនា ទៀ បាញ់ ណែនាំដល់ស្ថាប័នពាក់ព័ន្ធឱ្យបន្ដរៀបចំអភិវឌ្ឍន៍តំបន់ប្រវត្តិសាស្ត្រយោធាកម្ពុជា X-16
06/20/2026 02:06 PM
Facebook Telegram Linkin
មេដឹកនាំសហភាពអឺរ៉ុបឯកភាពគ្នាបន្តទណ្ឌកម្មលើប្រទេសរុស្ស៊ីរយៈពេលមួយឆ្នាំទៀត
06/20/2026 02:06 PM
Facebook Telegram Linkin
មន្ត្រីជាន់ខ្ពស់៖ អ៊ីរ៉ង់មិនដកពីការចរចាអំពីបទឈប់បាញ់នៅប្រទេសលីបង់ជាមួយអាមេរិកទេ
06/20/2026 02:06 PM
Facebook Telegram Linkin
WHOនិយាយថា ការផ្ទុះឡើងនៃជំងឺអេបូឡានៅកុងហ្គោបានឆ្លងដល់គ្រូពេទ្យចំនួន ៧៥នាក់ ចាប់តាំងពីខែឧសភាមក
06/20/2026 02:06 PM
Facebook Telegram Linkin
សម្តេចពិជ័យសេនា ទៀ បាញ់ អញ្ជើញជាអធិបតី ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧) នៅខេត្តត្បូងឃ្មុំ
06/20/2026 01:06 PM
Facebook Telegram Linkin
ការវាយប្រហាររបស់អ៊ីស្រាអែលនៅទូទាំងលីបង់បណ្តាលឲ្យមនុស្សយ៉ាងតិច ៤៧នាក់ ស្លាប់ និង ៩៧នាក់រងរបួស
06/20/2026 01:06 PM
Facebook Telegram Linkin
ជនជាតិចិន១៦៤នាក់ពាក់ ព័ន្ធករណី Online Scams ត្រូវបានបណ្ដេញចេញពីកម្ពុជា
06/20/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.