BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

ប្រធានទីភ្នាក់ងារ IAEA នឹងពិភាក្សាអំពីសុវត្ថិភាពនៅរោងចក្រនុយក្លេអ៊ែរ Zaporizhzhia ជាមួយរុស្ស៊ី

អ៊ុយក្រែន៖ ប្រធានទីភ្នាក់ងារថាមពលអាតូមិកអន្តរជាតិ (IAEA) នឹងធ្វើទស្សនកិច្ចនៅប្រទេសរុស្ស៊ីនៅដើមសប្តាហ៍ក្រោយ សម្រាប់ការពិភាក្សាអំពីមធ្យោបាយធានាសុវត្ថិភាពនៅរោងចក្រថាមពលនុយក្លេអ៊ែរ Zaporizhzhia ក្នុងប្រទេសអ៊ុយក្រែន។សេចក្តីប្រកាសរបស់អគ្គនាយកទីភ្នាក់ងារ IAEA លោក Rafael Grossi កាលពីថ្ងៃសុក្រ ធ្វើឡើងបន្ទាប់ពីមានការព្រួយបារម្ភជាបន្តបន្ទាប់នៅរោងចក្រនេះ ដែលស្ថិតនៅក្រោមការគ្រប់គ្រងរបស់កងទ័ពរុស្ស៊ី។ លោកនិយាយថា ការបាញ់ផ្លោងកាលពីថ្ងៃព្រហស្បតិ៍ បានធ្វើឱ្យខូចបណ្តាញថាមពលដែលផ្តល់ចរន្តអគ្គិសនី ដល់ម៉ាស៊ីនរ៉េអាក់ទ័រមួយរបស់រោងចក្រ ហើយម៉ាស៊ីនរ៉េអាទ័រនេះត្រូវបានបង្ខំឱ្យពឹងផ្អែកលើម៉ាស៊ីនភ្លើង ដើម្បីផ្គត់ផ្គង់បន្ទាន់ជាបណ្តោះអាសន្ន។លោក Grossi បានបញ្ជាក់ថា ម៉ាស៊ីនរ៉េអាទ័រដូចគ្នានេះក៏បានបាត់បង់ការផ្គត់ផ្គង់ថាមពលខាងក្រៅ ដោយសារការបាញ់ផ្លោងកាលពីថ្ងៃទី21 ខែកញ្ញា ហើយបានដំណើរការជាបណ្តោះអាសន្នដោយម៉ាស៊ីនភ្លើង។ លោក Grossi និយាយថា មានតម្រូវការបន្ទាន់មួយ ដើម្បីបង្កើតបរិយាកាសស្ថេរភាពបន្ថែមទៀតសម្រាប់រោងចក្រ និងបុគ្គលិករោងចក្រ ដែលលោកនឹងធ្វើទស្សនកិច្ចទៅកាន់ប្រទេសរុស្ស៊ី សម្រាប់ការពិភាក្សាបន្ថែមអំពីសំណើរបស់ទីភ្នាក់ងារ IAEA ដើម្បីបង្កើតតំបន់ការពារនៅជុំវិញទីតាំងរោងចក្រនេះ៕អត្ថបទ៖ ប៊ុនថន

លោក Zelenskyy និយាយថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េក្នុងសប្តាហ៍មុន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយនៅក្នុងសុន្ទរកថារបស់លោកកាលពីថ្ងៃសុក្រថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េកាលពីសប្តាហ៍មុន។ លោក Zelenskyy និយាយថា ជាសរុបផ្ទៃដីរបស់យើងចំនួន 2,434គីឡូម៉ែត្រការ៉េ និងទីតាំងលំនៅឋានចំនួន 96កន្លែងត្រូវបានរំដោះរួចហើយ ចាប់តាំងពីការចាប់ផ្តើមប្រតិបត្តិការវាយលុក។ ទន្ទឹមនឹងនេះរដ្ឋមន្ត្រីក្រសួងការបរទេសរុស្ស៊ីលោក Sergey Lavrov បាននិយាយថា ប្រធានាធិបតីអ៊ុយក្រែនលោក Volodymyr Zelenskyy បានអំពាវនាវដល់មេដឹកនាំប្រទេសលោកខាងលិច ឲ្យបើកការវាយប្រហារនុយក្លេអ៊ែរជាមុនទៅលើប្រទេសរុស្ស៊ី។ លោក Lavrov បាននិយាយនៅក្នុងកិច្ចប្រជុំរបស់គណៈកម្មការគណបក្សកាន់អំណាច សម្រាប់ការគាំទ្រជនរួមជាតិដែលរស់នៅក្រៅប្រទេស និងកិច្ចសហប្រតិបត្តិការអន្តរជាតិ។ កាលពីថ្ងៃព្រហស្បតិ៍ ប្រធានាធិបតីអ៊ុយក្រែនលោក Volodymir Zelenskyy បាននិយាយនៅក្នុងការឆ្លើយតបចំពោះសំណួរអំពីអ្វីដែលថា អង្គការ NATO គួរតែរារាំងរុស្ស៊ីមិនឲ្យប្រើប្រាស់អាវុធនុយក្លេអ៊ែរ ក្នុងអំឡុងពេលសុន្ទរកថាតាមវីដេអូទៅកាន់វិទ្យាស្ថានមួយរបស់ប្រទេសអូស្ត្រាលី ដោយបាននិយាយថា អង្គការ NATO គួរតែធ្វើអ្វីដែលរុស្ស៊ីមិនអាចធ្វើទៅបានក្នុងការប្រើប្រាស់អាវុធនុយក្លេអ៊ែរ៕អត្ថបទ៖ ប៊ុនថន

សហរដ្ឋអាមេរិក និងចក្រភពអង់គ្លេសធ្វើសមយុទ្ធយានដ្រូនរួមគ្នានៅឈូងសមុទ្រពែក្ស

អាមេរិក៖ កងទ័ពជើងទឹកសហរដ្ឋអាមេរិកបានធ្វើសមយុទ្ធយានដ្រូនរួមគ្នា ជាមួយចក្រភពអង់គ្លេសកាលពីថ្ងៃសុក្រនៅឈូងសមុទ្រពែក្ស ដោយបានសាកល្បងនាវាស៊ើបការណ៍គ្មានមនុស្សបើកដូចគ្នា ដែលប្រទេសអ៊ីរ៉ង់ចាប់បានពីរលើកកាលពីប៉ុន្មានខែថ្មីៗនេះនៅតំបន់មជ្ឈិមបូព៌ា។ សមយុទ្ធនេះធ្វើឡើង ខណៈកងទ័ពជើងទឹកអាមេរិកបានប្រាប់ក្រុមហ៊ុនដឹកជញ្ជូនពាណិជ្ជកម្ម នៅក្នុងតំបន់មជ្ឈិមបូព៌ាថា ខ្លួននឹងបន្តប្រើប្រាស់យានដ្រូននៅក្នុងតំបន់ និងបានព្រមានប្រឆាំងការជ្រៀតជ្រែកក្នុងប្រតិបត្តិការរបស់ពួកគេ។ សមយុទ្ធយានដ្រូនធ្វើឡើង នៅពេលដែលមានភាពតានតឹងរវាងសហរដ្ឋអាមេរិក និងអ៊ីរ៉ង់នៅលើសមុទ្រនៅតែមានកម្រិតខ្ពស់ ខណៈការចរចាបានជាប់គាំងជុំវិញកិច្ចព្រមព្រៀងនុយក្លេអ៊ែរ ជាមួយប្រទេសមហាអំណាចពិភពលោក និងខណៈដែលការតវ៉ាទ្រង់ទ្រាយធំបានកើតឡើងនៅក្នុងសាធារណៈរដ្ឋអ៊ីស្លាមមួយនេះ។កងនាវាចរទី5 ដែលមានមូលដ្ឋាននៅមជ្ឈិមបូព៌ារបស់កងទ័ពជើងទឹកបាននិយាយថា សមយុទ្ធកាលពីថ្ងៃសុក្រចូលរួមដោយនាវាចម្បាំងអាមេរិកពីរគ្រឿង និងអង់គ្លេសពីរគ្រឿងនៅលើឈូងសមុទ្រពែក្ស ព្រមទាំងនាវារុករក Saildrone បីគ្រឿង។ យានដ្រូនបានស្វែងរកគោលដៅនៅលើសមុទ្រ បន្ទាប់មកបានបញ្ជូនរូបភាពដែលកាមេរ៉ារបស់វាថតបានទៅនាវាចម្បាំង និងមជ្ឈមណ្ឌលបញ្ជារបស់កងនាវាចរទី5៕អត្ថបទ៖ ប៊ុនថន

សម្តេចតេជោ ហ៊ុន សែន សម្តែងការសោកស្តាយ និងចូលរួមមរណទុក្ខដ៏ក្រៀមក្រំ ចំពោះការបាញ់ប្រហារលើកុមារថៃ

ភ្នំពេញ ៖ ក្នុងនាមប្រមុខរាជរដ្ឋាភិបាល និងប្រជាជនកម្ពុជា សម្តេចតេជោ ហ៊ុន សែន ចូលរួមសោកស្តាយ និងសម្តែងនូវមរណទុក្ខមរណទុក្ខយ៉ាងក្រៀមក្រំបំផុតជាមួយរាជ រដ្ឋាភិបាលថៃ និងគ្រួសារជនរងគ្រោះក្នុងហេតុការណ៍ បាញ់ប្រហារកាលពីថ្ងៃទី០៦ ខែតុលា ឆ្នាំ២០២២ម្សិលមិញនេះ។ការសម្តែងនូវការសោកស្តាយ និងចូលរួមនូវមរណទុក្ខនេះ បានធ្វើឡើងក្នុងពេលសម្តេចតេជោ ជួបពិភាក្សាការងារជាមួយលោកបណ្ឌិតសាស្ត្រាចារ្យ អនេក ឡៅថាំម៉ាថាត់ (Anek Laothammatas) រដ្ឋមន្ត្រីឧត្តមសិក្សាវិទ្យាសាស្ត្រ ស្រាវជ្រាវ និងនវានុវត្តន៍របស់ថៃ នៅព្រឹកថ្ងៃសុក្រ ទី០៧ ខែតុលា ឆ្នាំ២០២២នេះ។លោក អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងថា នៅចំពោះមុខមន្ត្រីជាន់ខ្ពស់របស់ថៃ សម្តេចតេជោ ក្នុងនាមរាជរដ្ឋាភិបាល និងប្រជាជនកម្ពុជា បានសម្តែងនូវការសោកស្តាយ និងចូលរួមមរណទុក្ខយ៉ាងក្រៀមក្រំបំផុត ចំពោះហេតុការណ៍ដ៏សោកសៅមួយនេះ។សូមបញ្ជាក់ថា នៅថ្ងៃព្រហស្បតិ៍ ទី០៦ ខែតុលា ម្សិលមិញនេះ បុរសជនជាតិថៃម្នាក់ បានធ្វើសកម្មភាពបាញ់ប្រហារសម្លាប់មនុស្សយ៉ាងហោច ៣៤នាក់ នៅខេត្តភាគឦសាន ប្រទេសថៃ។ ជនរងគ្រោះដែលបានបាត់បង់ជីវិតនៅទីនោះ រួមមានក្មេងៗដល់ទៅ ២៣នាក់។មន្ត្រីប៉ូលិសថៃប្រចាំខេត្តណងបួលាំភូ បានឱ្យដឹងថា ខ្មាន់កាំភ្លើង ឈ្មោះ Panya Khamrab មានអាយុ ៣៤ឆ្នាំ បានធ្វើដំណើរទៅកាន់មជ្ឈមណ្ឌលមើលថែទាំកុមារ ដែលស្ថិតក្នុងស្រុកណាក្លាង (Na Klang) ដើម្បីស្វែងរកកូន។ ប៉ុន្តែមិនបានជួបឡើយ ហើយស្រាប់តែបានបើកការបាញ់ប្រហារ នៅក្នុងមជ្ឈមណ្ឌលតែម្ដង។ ក្រោយមកខ្មាន់កាំភ្លើងរូបនេះបានជិះរថយន្ដត្រឡប់ទៅផ្ទះវិញ ហើយបាញ់សម្លាប់ប្រពន្ធកូន និងបាញ់សម្លាប់ខ្លួនឯងតាមក្រោយ។ប្រព័ន្ធផ្សព្វផ្សាយថៃ បានឱ្យដឹងថា ខ្មាន់កាំភ្លើងរូបនេះធ្លាប់ជាអតីតមន្ត្រីប៉ូលិសម្នាក់ ដែលត្រូវបានបណ្ដេញចេញពីតួនាទីកាលពីឆ្នាំ២០២១ ដោយសារប្រើប្រាស់គ្រឿងញៀន។ អ្នកនៅក្នុងតំបន់នោះផ្ទាល់ ក៏សុទ្ធតែស្គាល់យ៉ាងច្បាស់ថា ខ្មាន់កាំភ្លើងរូបនេះជាមនុស្សញៀនថ្នាំផងដែរ។នៅក្នុងការវាយប្រហារដ៏រន្ធត់នេះ ខ្មាន់កំាភ្លើង ប្រដាប់ដោយកាំភ្លើងខ្លីមួយដើម ព្រមទាំងកាំភ្លើង Shot Gun មួយដើម និងកំាបិតមួយផងដែរ។ ភ្លាមៗមិនទាន់មានការបញ្ជាក់ពីមូលហេតុឱ្យច្បាស់ដែលនាំឱ្យខ្មាន់កាំភ្លើងខាងលើ ប្រព្រឹត្តទង្វើដ៏សាហាវយង់ឃ្នងនេះទេ។ ប៉ូលិសថៃ បានសន្និដ្ឋានបឋមថា ការបាញ់ប្រហារនេះ អាចបណ្តាលមកពីឥទ្ធិពលគ្រឿងញៀន៕

ថ្នាក់ដឹកនាំកំពូលថៃចូលរួមរំលែកទុក្ខក្រុមគ្រួសារជនរងគ្រោះក្នុងហេតុការណ៍បាញ់ប្រហារសម្លាប់រង្គាល

ថៃ៖ អាជ្ញាធរនិយាយថា ខ្មាន់កាំភ្លើងដែលបានវាយប្រហារនៅមជ្ឈមណ្ឌលថែទាំកុមារនៅក្នុងប្រទេសថៃ ហើយក្រោយមកបានបាញ់ចេញពីរថយន្តរបស់ខ្លួន ខណៈគេចខ្លួន ដែលក្នុងហេតុការណ៍នេះបានបណ្តាលមនុស្ស ៣៧នាក់បានស្លាប់រួមមានកុមារ ២៤នាក់។ នាយករដ្ឋមន្ត្រីថៃលោក Prayuth Chan-ocha បានសម្ដែងភាពសោកស្ដាយខ្លាំងបំផុតចំពោះជនរងគ្រោះ និងគ្រួសាររបស់ពួកគេ ហើយអាជ្ញាធរនិយាយថា កំពុងស៊ើបអង្កេតចំពោះអ្វីដែលបណ្តាលឲ្យខ្មាន់កាំភ្លើងប្រព្រឹត្តដូច្នេះ។ ជាមួយគ្នានេះ ឧបនាយករដ្ឋមន្ត្រីរបស់ប្រទេសបានទៅពិនិត្យ និងសួរសុខទុក្ខអ្នករងរបួសនៅមន្ទីពេទ្យក្នុងខេត្ត Nongbua Lamphu នៅព្រឹកថ្ងៃសុក្រនេះ។ លោក Anutin Charnvirakul បានជួប និងលោងលោមចិត្តសមាជិកក្រុមគ្រួសារជនរងគ្រោះ ខណៈពួកគេរងចាំព័ត៌មានមនុស្សជាទីស្រលាញ់របស់ពួកគេ។ ឧបនាយករដ្ឋមន្ត្រីលោក Anutin គឺជារដ្ឋមន្ត្រីក្រសួងសុខាភិបាល៕អត្ថបទ៖ ប៊ុនថន

លោក Biden ព្រមានថា លោក Putin មិនមែននិយាយលេងសើចពីការគំរាមប្រើនុយក្លេអ៊ែរទេ

អាមេរិក៖ លោកប្រធានាធិបតីអាមេរិក Joe Biden បានព្រមានថា ហានិភ័យនៃសង្គ្រាមនុយក្លេអ៊ែរគឺមានកម្រិតខ្ពស់បំផុតចាប់តាំងពីវិបត្តិមីស៊ីលគុយបាកាលពីឆ្នាំ១៩៦២ និងបាននិយាយថា លោកកំពុងព្យាយាមបញ្ជាក់លើអ្វីដែលជាគោលដៅរបស់លោក Vladimir Putin ដែលអាចធ្វើដើម្បីបញ្ចៀសការរីកធំថែមទៀតនៃជម្លោះនេះ។ ថ្លែងនៅឯកម្មវិធីរៃអង្គាសថវិកាក្នុងទីក្រុង New York កាលពីយប់ថ្ងៃព្រហស្បតិ៍ លោក Biden បាននិយាយថា ប្រធានាធិបតីរុស្ស៊ីមិនមែននិយាយលេងសើចទេ នៅពេលលោក Putin និយាយពីការប្រើប្រាស់អាវុធនុយក្លេអ៊ែរតាកទិកដ៏មានឥទ្ធិពល ឬអាវុធជីវសាស្ត្រ ឬអាវុធគីមី ព្រោះយោធារបស់លោក Putin គឺអ្នកអាចនិយាយបានថា មានសមត្ថភាពខ្លាំង។ លោក Biden បានលើកឡើងថា យើងមិនដែលប្រឈមទៅនឹងគំនិតនៃការប្រើសង្គ្រាមនុយក្លេអ៊ែរទេ ចាប់តាំងពីសម័យអតីតប្រធានាធិបតីអាមេរិកលោក John F. Kennedy និងប្រទេសមីស៊ីលគុយបា ដោយលោកបន្ថែមថា យើងមានការគំរាមដោយផ្ទាល់នៃការប្រើប្រាស់អាវុធនុយក្លេអ៊ែរ ប្រសិនបើបញ្ហានានាពិតជាបន្តដើរទៅមុខ។ក្រុមមន្ត្រីជាន់ខ្ពស់អាមេរិកបានព្រមានថា រុស្ស៊ីនឹងប្រឈមផលវិបាកធ្ងន់ធ្ងរបំផុត បើទីក្រុង Moscow បានប្រើអាវុធនុយក្លេអ៊ែរមែន និងនិយាយថា ពួកគេបានទាក់ទងជាលក្ខណៈឯកជនជាមួយក្រុមមន្ត្រីរុស្ស៊ី ទោះយ៉ាងណាក៏ដោយសហរដ្ឋអាមេរិកមិនបានពន្យល់ជាសាធារណៈថា តើខ្លួននឹងឆ្លើយតបបែបណាចំពោះការប្រើនុយក្លេអ៊ែរ ដែលមានវិសាលភាពបំផ្លិចបំផ្លាញយ៉ាងធំធេងពីសំណាក់ទីក្រុង Moscow៕អត្ថបទ៖ សុខមាន

ចំនួនអ្នកស្លាប់ក្នុងការបាញ់ប្រហារនៅសាលារៀនប្រទេសថៃកើនដល់ ៣៧នាក់ ខណៈខ្មាន់កាំភ្លើងប្រើកាំភ្លើង និងកាំបិត

ថៃ៖ អតីតមន្ត្រីនគរបាលម្នាក់ដែលត្រូវបានចោទប្រកាន់ពីបទគ្រឿងញៀន បានសម្រុកចូលទៅក្នុងមជ្ឈមណ្ឌលថែទាំកុមារពេលថ្ងៃមួយកន្លែងកាលពីថ្ងៃព្រហស្បតិ៍ក្នុងប្រទេសថៃ ដោយបានសម្លាប់សិស្សសាលាមត្តេយ្យ និងគ្រូបង្រៀនរាប់សិបនាក់ ហើយបន្ទាប់មកបានបាញ់មនុស្សបន្ថែមទៀតនៅពេលខ្មាន់កាំភ្លើងរូបនេះរត់គេចខ្លួន។ យ៉ាងហោចណាស់មនុស្ស ៣៧នាក់បានស្លាប់ក្នុងនោះមានកុមារ ២៤នាក់នៅក្នុងការបាញ់ប្រហារដ៏ឃោឃៅបំផុតក្នុងប្រវត្តិសាស្ត្ររបស់ប្រទេសថៃ។ យោងតាមតាមសេចក្តីរាយការណ៍ ខ្មាន់កាំភ្លើងត្រូវបានគេបណ្ដេញចេញពីកងកម្លាំងនគរបាលកាលពីដើមឆ្នាំនេះ បានបាញ់សម្លាប់ខ្លួនឯងបន្ទាប់ពីសម្លាប់ប្រពន្ធ និងកូននៅផ្ទះ។ ការវាយប្រហារនេះបានកើតឡើងនៅក្នុងទីក្រុងជនបទ Uthai Sawan ក្នុងខេត្ត Nongbua Lamphu ភាគឦសានប្រទេសថៃ ជាតំបន់ក្រីក្របំផុតមួយរបស់ប្រទេសថៃ។ យោងតាមការរាយការណ៍របស់ប្រព័ន្ធផ្សព្វផ្សាយថៃបានឲ្យដឹងថា ខ្មាន់កាំភ្លើងក៏បានប្រើកាំបិតក្នុងការវាយប្រហារនេះដែរ ហើយបន្ទាប់មកបានរត់គេចខ្លួនចេញពីអគារសាលារៀន។ គ្រូបង្រៀនម្នាក់ដែលបានឃើញហេតុការណ៍បាញ់ប្រហារដ៏សាហាវ នៅមជ្ឈមណ្ឌលថែទាំកុមារនៅភាគឦសានប្រទេសថៃបាននិយាយថា បុគ្គលិកបានចាក់សោទ្វារ នៅពេលនោះពួកគេបានឃើញខ្មាន់កាំភ្លើងសម្រុកចូលមកខាងក្នុងអគារសាលារៀន។នាយករដ្ឋមន្ត្រីថៃលោក Prayuth Chan-ocha បានសម្តែងនូវទុក្ខសោកខ្លាំងបំផុតរបស់លោកចំពោះជនរងគ្រោះ និងក្រុមគ្រួសាររបស់ពួកគេ និងបាននិយាយថា អាជ្ញាធរកំពុងស៊ើបអង្កេតពីហេតុផលរបស់ខ្មាន់កាំភ្លើង។ ឧត្តមសេនីយ៍ Damrongsak Kittipraphat ស្នងការនគរបាលជាតិបាននិយាយថា បន្ទាប់ពីមានការសម្លាប់រង្គាលនៅមណ្ឌលថែទាំកុមារក្នុងខេត្ត Nong Bua Lamphu ខ្មាន់កាំភ្លើងបានបាញ់សម្លាប់ខ្លួនឯងនៅផ្ទះ ហើយប្រពន្ធ និងកូនប្រុសម្នាក់របស់ខ្មាន់កាំភ្លើងក៏ត្រូវបានគេប្រទះឃើញស្លាប់។ លោកនិយាយថា មនុស្សប្រហែល ១០នាក់បានរងរបួសក្នុងការវាយប្រហារនោះ ហើយនគរបាលបានកំណត់អត្តសញ្ញាណខ្មាន់កាំភ្លើងមានឈ្មោះ Panya Kamrab អាយុ ៣៤ឆ្នាំ៕អត្ថបទ៖ ប៊ុនថន

រុស្ស៊ីនិយាយថា ការអត្ថាធិប្បាយរបស់លោក Zelenskyy ជាការអំពាវនាវឲ្យចាប់ផ្ដើមសង្គ្រាមពិភពលោក

រុស្ស៊ី៖ អ្នកនាំពាក្យវិមានក្រឹមឡាំងកាលពីថ្ងៃព្រហស្បតិ៍បាននិយាយថា ការអំពាវនាវដល់សម្ព័ន្ធណាតូរបស់លោកប្រធានាធិបតីអ៊ុយក្រែន Volodymyr Zelenskyy ឲ្យបើកការវាយប្រហារបង្ការទុកជាមុនទល់នឹងរុស្ស៊ី គឺជាការអំពាវនាវឲ្យចាប់ផ្ដើមសង្គ្រាមពិភពលោក។ លោក Dmitry Peskov បានប្រាប់ទីភ្នាក់ងារសារព័ត៌មានរដ្ឋរុស្ស៊ី RIA Novosti ថា សេចក្ដីថ្លែងការណ៍បែបនេះមិនខុសអីនឹងការអំពាវនាវឲ្យចាប់ផ្ដើមសង្គ្រាមពិភពលោកមួយផ្សេងទៀត ដែលនឹងបង្កមហន្តរាយដ៏ធ្ងន់ធ្ងរមិនអាចស្មានដល់ ដោយជំរុញឲ្យសហគមន៍អន្តរជាតិកុំនៅស្ងៀមចំពោះការអត្ថាធិប្បាយរបស់លោក Zelenskyy។ លោក Peskov បានអះអាងបន្ថែមទៀតថា សហរដ្ឋអាមេរិក និងអង់គ្លេសគឺជាអ្នកគ្រប់គ្រងសកម្មភាពរបស់ទីក្រុង Kiev តាមជាក់ស្ដែង ហើយត្រូវតែទទួលខុសត្រូវចំពោះសកម្មភាព និងសេចក្ដីថ្លែងការណ៍នានារបស់លោក Zelenskyy និងរដ្ឋបាលរបស់លោក។ការអត្ថាធិប្បាយរបស់លោក Zelenskyy មានឡើងអំឡុងបទសម្ភាសន៍តាមវីដេអូជាមួយវិទ្យាស្ថាន Lowy របស់អូស្ត្រាលី។ ទន្ទឹមនឹងនេះដែរ រុស្ស៊ីបានកោះអញ្ជើញឯកអគ្គរដ្ឋទូតបារាំងលោក Pierre Levy ជុំវិញការគាំទ្រខាងយោធាដែលត្រូវបានផ្ដល់ដោយប្រទេសបារាំងដល់អ៊ុយក្រែន៕អត្ថបទ៖ សុខមាន

វិមានក្រឹមឡាំងនិយាយថា សហភាពអឺរ៉ុបត្រូវតែសម្រេចចិត្តថា តើខ្លួនឈរនៅកន្លែងណាក្នុងជម្លោះអ៊ុយក្រែន

រុស្ស៊ី៖ អ្នកនាំពាក្យក្រសួងការពារបរទេសរុស្ស៊ីលោកស្រី Maria Zakharova បាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា សហភាពអឺរ៉ុបត្រូវតែសម្រេចចិត្តថា តើខ្លួនចង់ឲ្យជម្លោះនៅអ៊ុយក្រែនត្រូវបានដោះស្រាយតាមច្រកការទូត ឬតាមឥរិយាបថហិង្សា។ ពេលត្រូវបានសួរចំពោះការអត្ថាធិប្បាយលើសំណើ ដែលត្រូវបានរាយការណ៍របស់ប្រទេសអូទ្រីស ក្នុងការរៀបចំការចរចាបន្ធូរបន្ថយភាពតានតឹង លោកស្រី Zakharova បាននិយាយថា ទីក្រុង Moscow អាចសម្លឹងមើលការផ្ដួចផ្ដើមបែបនេះ បន្ទាប់ពីសហភាពអឺរ៉ុបដឹងខ្លួនឯងថា ត្រូវឈរនៅកន្លែងណាសម្រាប់ជម្លោះនៅអ៊ុយក្រែន។ លោកស្រី Zakharova បាននិយាយថា ដំបូងសហភាពអឺរ៉ុបគួរតែសម្រេចចិត្តដោយខ្លួនឯង ដោយជំរុញឲ្យប្លុកនេះសម្រេចចិត្តថា តើខ្លួនកំពុងស្វែងរកគោលនយោបាយបរទេសបង្រួបបង្រួម ឬការសម្រេចចិត្តទាំងនោះត្រូវបានដោះស្រាយដោយរដ្ឋជាសមាជិកនិមួយៗ។លោកស្រីបាននិយាយថា ប្រទេសរុស្ស៊ីបានឮម្តងហើយម្តងទៀតនូវ "សេចក្តីថ្លែងការណ៍ផ្ទុយគ្នា" ដែលចេញមកពីសហភាពអឺរ៉ុប។ លោកស្រី Zakharova បានកត់សម្គាល់ថា គំនិតផ្តួចផ្តើមជាច្រើនដែលសន្មតិថា ត្រូវបានដាក់ចេញដោយរដ្ឋជាសមាជិក ហើយក្រោយមកត្រូវបានដកចេញ ឬលែងធ្វើទៀត ព្រោះវាមិនត្រូវបានអនុម័តដោយទីក្រុងប្រ៊ុចសែល៕អត្ថបទ៖ សុខមាន

សហគមន៍ថៃនៅអាមេរិកតក់ស្លុតចំពោះហេតុការណ៍បាញ់ប្រហារសម្លាប់មនុស្សជិត ៤០នាក់នៅប្រទេសថៃ

អាមេរិក៖ អតីតនគរបាលម្នាក់ដែលកំពុងប្រឈមនឹងបទចោទប្រកាន់ពាក់ព័ន្ធគ្រឿងញៀន បានសម្រុកចូលមណ្ឌលថែទាំកុមារពេលថ្ងៃកាលពីថ្ងៃព្រហស្បតិ៍ក្នុងប្រទេសថៃសម្លាប់កុមាររាប់សិបនាក់ និងគ្រូបង្រៀន ក្រោយមកបានបាញ់ប្រហារលើមនុស្សជាច្រើនទៀត មុនពេលបាញ់សម្លាប់ខ្លួនឯង។ មនុស្សយ៉ាងហោចណាស់ ៣៧នាក់បានស្លាប់ក្នុងការបាញ់ប្រហារដ៏សាហាវបំផុត ក្នុងប្រវត្តិសាស្ត្ររបស់ប្រទេសនេះ។ ការបាញ់ប្រហារនេះបានធ្វើឲ្យប្រជាពលរដ្ឋជាច្រើន នៅក្នុងសហគមន៍ថៃធំបំផុតរបស់ទីក្រុង Los Angeles មានការតក់ស្លុត។ ព្រះសង្ឃព្រះនាម ព្រះវិទេសធម្មវុន្ទ Phra Vides Dhammavond ព្រះចៅអធិការនៅវត្តថៃ (Wat Thai temple) ក្នុងតំបន់ North Hollywood នៃទីក្រុង Los Angeles រដ្ឋ California បានមានសង្ឃដីកាថា មនុស្សគ្រប់គ្នាបានតក់ស្លុត ព្រោះជារឿងដែលនឹកស្មានមិនដល់ ពិសេសកើតឡើងចំពោះកុមារ។ ហើយហេតុការណ៍នេះក៏ធ្វើឲ្យប្រទេសទាំងមូលរន្ធត់ផងដែរ។គ្រូបង្រៀនម្នាក់បានប្រាប់សារព័ត៌មានថៃ PBS ថា ជនល្មើសបានចេញពីរថយន្ត ហើយចាប់ផ្ដើមបាញ់ទៅលើបុរសម្នាក់ដែលកំពុងទទួលទានអាហារថ្ងៃត្រង់នៅខាងក្រៅ បន្ទាប់មកបានបាញ់រះជាច្រើនគ្រាប់ទៀត។ អ្នកឃើញហេតុការណ៍ម្នាក់ទៀតនិយាយថា បុគ្គលិកមជ្ឈមណ្ឌលថែទាំកុមារបានចាក់សោទ្វារ ប៉ុន្តែជនសង្ស័យបានបាញ់រះចូលទៅខាងក្នុង។ ការស្លាប់ទាក់ទងនឹងការបាញ់ប្រហារក្នុងប្រទេសថៃ មានចំនួនទាបជាប្រទេសនានាដូចជាសហរដ្ឋអាមេរិក និងប្រេស៊ីល ប៉ុន្តែខ្ពស់ជាងនៅក្នុងប្រទេសជប៉ុន និងសិង្ហបុរីដែលមានច្បាប់គ្រប់គ្រងការប្រើប្រាស់អាវុធដ៏តឹងរ៉ឹង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែលនៅទូទាំងលីបង់បណ្តាលឲ្យមនុស្សយ៉ាងតិច ៤៧នាក់ ស្លាប់ និង ៩៧នាក់រងរបួស

ជនជាតិចិន១៦៤នាក់ពាក់ ព័ន្ធករណី Online Scams ត្រូវបានបណ្ដេញចេញពីកម្ពុជា

អ៊ីរ៉ង់ចេញនីតិវិធីថ្មីសម្រាប់នាវាដែលស្នើសុំឆ្លងកាត់ច្រកសមុទ្រហ័រមូស

ក្រុមហ៊ួទីនៅយេម៉ែនព្រមានអំពីការឆ្លើយតបទៅនឹងការបង្កើនភាពតានតឹងបន្ថែមទៀតរបស់អ៊ីស្រាអែលនៅលីបង់

កម្មវិធី “បរិច្ចាគឈាម ចងចាំវីរភាព"រំលឹកដល់ការលះបង់របស់សម្ដេចតេជោ និងដើម្បីជួយសង្គ្រោះជីវិត

មេដឹកនាំហេសបូឡាប្តេជ្ញាតស៊ូ ខណៈអ៊ីស្រាអែលនៅតែបន្តវាយប្រហារទៅលើប្រទេសលីបង់ខាងត្បូង

បូលីវី ចុះកិច្ចព្រមព្រៀងជាមួយសហជីពកម្មករក្រោយការតវ៉ាប្រឆាំងរដ្ឋាភិបាលរយៈពេល៥០ថ្ងៃ

អ្នកគាំទ្រកងជីវពលអ៊ីរ៉ាក់ដែលគាំទ្រអ៊ីរ៉ង់ បានទៅប្រមូលផ្តុំគ្នានៅខាងក្រៅស្ថានទូតអ៊ីរ៉ង់ក្នុងទីក្រុង Baghdad

អ៊ីរ៉ង់ នាំចេញប្រេងឆៅចំនួន១៨លានបារ៉ែលក្នុងរយៈពេល ៥ ថ្ងៃកន្លងទៅនេះ

អាមេរិក ប្រកាសការចរចាជុំថ្មីរវាងអ៊ីស្រាអែលនិងលីបង់ក្នុងទីក្រុងវ៉ាស៊ីនតោន នៅសប្តាហ៍ក្រោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានទីភ្នាក់ងារ IAEA នឹងពិភាក្សាអំពីសុវត្ថិភាពនៅរោងចក្រនុយក្លេអ៊ែរ Zaporizhzhia ជាមួយរុស្ស៊ី

លោក Zelenskyy និយាយថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េក្នុងសប្តាហ៍មុន

សហរដ្ឋអាមេរិក និងចក្រភពអង់គ្លេសធ្វើសមយុទ្ធយានដ្រូនរួមគ្នានៅឈូងសមុទ្រពែក្ស

សម្តេចតេជោ ហ៊ុន សែន សម្តែងការសោកស្តាយ និងចូលរួមមរណទុក្ខដ៏ក្រៀមក្រំ ចំពោះការបាញ់ប្រហារលើកុមារថៃ

ថ្នាក់ដឹកនាំកំពូលថៃចូលរួមរំលែកទុក្ខក្រុមគ្រួសារជនរងគ្រោះក្នុងហេតុការណ៍បាញ់ប្រហារសម្លាប់រង្គាល

លោក Biden ព្រមានថា លោក Putin មិនមែននិយាយលេងសើចពីការគំរាមប្រើនុយក្លេអ៊ែរទេ

រុស្ស៊ីនិយាយថា ការអត្ថាធិប្បាយរបស់លោក Zelenskyy ជាការអំពាវនាវឲ្យចាប់ផ្ដើមសង្គ្រាមពិភពលោក

វិមានក្រឹមឡាំងនិយាយថា សហភាពអឺរ៉ុបត្រូវតែសម្រេចចិត្តថា តើខ្លួនឈរនៅកន្លែងណាក្នុងជម្លោះអ៊ុយក្រែន

សហគមន៍ថៃនៅអាមេរិកតក់ស្លុតចំពោះហេតុការណ៍បាញ់ប្រហារសម្លាប់មនុស្សជិត ៤០នាក់នៅប្រទេសថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធាន​ទីភ្នាក់ងារ ​IAEA ​នឹង​ពិភាក្សា​អំពី​សុវត្ថិភាព​នៅ​រោងចក្រ​នុយក្លេអ៊ែរ Zaporizhzhia ជាមួយ​រុស្ស៊ី​

លោក Zelenskyy និយាយថា​ កងទ័ព​អ៊ុយ​ក្រែ​ន​រំដោះ​បាន​ផ្ទៃដី 776គីឡូម៉ែត្រ​ការ៉េ​ក្នុង​សប្តាហ៍​មុន​

សហរដ្ឋអាមេរិក និង​ចក្រភព​អង់គ្លេស​ធ្វើ​សមយុទ្ធ​យាន​ដ្រូ​ន​រួមគ្នា​នៅ​ឈូង​សមុទ្រ​ពែ​ក្ស​

សម្តេចតេជោ ហ៊ុន សែន សម្តែងការសោកស្តាយ និងចូលរួមមរណទុក្ខដ៏ក្រៀមក្រំ ចំពោះការបាញ់ប្រហារលើកុមារថៃ

លោក Biden ព្រមាន​ថា លោក Putin មិនមែន​និយាយ​លេងសើច​ពី​ការ​គំរាម​ប្រើ​នុយក្លេអ៊ែរ​ទេ

រុស្ស៊ី​និយាយថា ការអត្ថាធិប្បាយ​របស់​លោក Zelenskyy ជាការ​អំពាវនាវ​ឲ្យ​ចាប់ផ្ដើម​សង្គ្រាម​ពិភព​លោក​

សហគមន៍​ថៃ​នៅ​អាមេរិក​តក់ស្លុត​ចំពោះ​ហេតុការណ៍​បាញ់ប្រហារ​សម្លាប់​មនុស្ស​ជិត ​៤០​នាក់​នៅ​ប្រទេស​ថៃ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានទីភ្នាក់ងារ IAEA នឹងពិភាក្សាអំពីសុវត្ថិភាពនៅរោងចក្រនុយក្លេអ៊ែរ Zaporizhzhia ជាមួយរុស្ស៊ី

លោក Zelenskyy និយាយថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េក្នុងសប្តាហ៍មុន

សហរដ្ឋអាមេរិក និងចក្រភពអង់គ្លេសធ្វើសមយុទ្ធយានដ្រូនរួមគ្នានៅឈូងសមុទ្រពែក្ស

លោក Biden ព្រមានថា លោក Putin មិនមែននិយាយលេងសើចពីការគំរាមប្រើនុយក្លេអ៊ែរទេ

រុស្ស៊ីនិយាយថា ការអត្ថាធិប្បាយរបស់លោក Zelenskyy ជាការអំពាវនាវឲ្យចាប់ផ្ដើមសង្គ្រាមពិភពលោក

សហគមន៍ថៃនៅអាមេរិកតក់ស្លុតចំពោះហេតុការណ៍បាញ់ប្រហារសម្លាប់មនុស្សជិត ៤០នាក់នៅប្រទេសថៃ