BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

BREAKING NEWS (Update): មនុស្សយ៉ាងហោចណាស់ ៣៤នាក់ស្លាប់ក្នុងការបាញ់ប្រហារនៅប្រទេសថៃ

ស្នងការរងនគរបាល បាននិយាយថា មនុស្សយ៉ាងហោចណាស់ ៣៤នាក់ បានស្លាប់ ក្នុងការបាញ់ប្រហារមួយនៅខេត្តភាគឦសាន ប្រទេសថៃ។ យោងតាមនគរបាលក្នុងតំបន់បានឲ្យដឹងថា ជនសង្ស័យនៅមានសេរីភាពនៅឡើយ។ ជនរងគ្រោះរួមមានទាំងកុមារ២២នាក់ រួមមនុស្សពេញវ័យ។ អត្រាកាន់កាប់កាំភ្លើងនៅក្នុងប្រទេសថៃនៅមានកម្រិតខ្ពស់ បើប្រៀបធៀបទៅនឹងបណ្តាប្រទេសមួយចំនួននៅក្នុងតំបន់ ប៉ុន្តែតួលេខផ្លូវការមិនបានរួមបញ្ចូលចំនួនដ៏ច្រើននៃអាវុធខុសច្បាប់។

អង្គការពាណិជ្ជកម្មពិភពលោកព្យាករណ៍ថា កំណើនពាណិជ្ជកម្មនឹងមានល្បឿនយឺតនៅឆ្នាំក្រោយ

ស្វីស៖ អង្គការពាណិជ្ជកម្មពិភពលោក (WTO) កំពុងព្យាករណ៍ថា ទំហំពាណិជ្ជកម្មសកលនឹងកើនឡើងយឺតត្រឹមតែ ១% ប៉ុណ្ណោះនៅឆ្នាំក្រោយ ខណៈវិបត្តិ និងបញ្ហាប្រឈមដាក់បន្ទុកលើទីផ្សារ រួមទាំងតម្លៃថាមពលហក់ឡើងខ្ពស់អត្រាការប្រាក់កើនឡើង និងភាពមិនច្បាស់លាស់អំពីទិន្នផលផលិតកម្មរបស់ប្រទេសចិន ក្នុងពេលមានការរីករាលដាលជំងឺកូវីដ-១៩។ស្ថាប័នពាណិជ្ជកម្មដែលមានមូលដ្ឋាននៅទីក្រុងហ្សឺណែវបាននិយាយកាលពីថ្ងៃពុធថា បរិមាណទំនិញដែលបានដឹកជញ្ជូនរវាងប្រទេសជាច្រើនត្រូវបានគេរំពឹងថា នឹងកើនឡើង ៣.៥% នៅឆ្នាំនេះគឺកើនឡើងពី ៣% ដែលអង្គការពាណិជ្ជកម្មពិភពលោក (WTO) រំពឹងទុកនៅក្នុងការព្យាករណ៍ដំបូងរបស់ខ្លួនសម្រាប់ឆ្នាំនេះកាលពីខែមេសា។ នៅឆ្នាំ២០២៣ ការព្យាករណ៍សម្រាប់ទំហំពាណិជ្ជកម្មនឹងកើនឡើងត្រឹមតែ ១% ប៉ុណ្ណោះដែលធ្លាក់ចុះពី ៣.៤% ដែលត្រូវបានរំពឹងទុកកាលពីពេលមុន។ អគ្គនាយកអង្គការពាណិជ្ជកម្មពិភពលោក លោកស្រី Ngozi Okonjo-Iweala បានថ្លែងនៅទីស្នាក់ការកណ្តាលក្នុងទីក្រុងហ្សឺណែវថា រូបភាពសម្រាប់ឆ្នាំ២០២៣ នឹងជួបការលំបាកកាន់តែខ្លាំង។ សេដ្ឋកិច្ចវិទូរបស់អង្គការពាណិជ្ជកម្មពិភពលោកនិយាយថា នៅឆ្នាំនេះការកើនឡើងដែលបានព្យាករណ៍ខ្ពស់នៃទំហំពាណិជ្ជកម្ម គឺផ្តើមចេញពីទិន្នន័យល្អប្រសើរបានមកដល់នៅពាក់កណ្តាលឆ្នាំ ដែលរួមចំណែកដល់ការព្យាករណ៍កាន់តែច្បាស់ និងការរីកចម្រើននៃទំហំពាណិជ្ជកម្មមកពីប្រទេសផលិតប្រេង និងឧស្ម័ននៅមជ្ឈិមបូព៌ា ខណៈការផ្គត់ផ្គង់មកពីប្រទេសរុស្ស៊ីត្រូវបានគេគេចបញ្ចៀស ហើយបណ្តាប្រទេសដែលកំពុងប្រើប្រាស់បានស្វែងរកប្រភពផ្សេងមកជំនួស។អង្គការ WTO បានដាក់ចេញនូវកត្តាជាច្រើនដែលថ្លឹងថ្លែងលើពាណិជ្ជកម្ម រួមទាំងតម្លៃថាមពលខ្ពស់ដែលបណ្តាលមកពីសង្គ្រាមរបស់រុស្ស៊ីនៅអ៊ុយក្រែន ដែលបានជំរុញឱ្យប្រទេសមួយចំនួនរួមទាំងប្រទេសសមាជិកសហភាពអឺរ៉ុប ដែលជាអ្នកប្រើប្រាស់ប្រេង និងឧស្ម័នធម្មជាតិធំរបស់រុស្ស៊ី ដាក់ទណ្ឌកម្មសេដ្ឋកិច្ចលើទីក្រុងមូស្គូ។ លោកស្រី Okonjo-Iweala និយាយថា បច្ចុប្បន្ននេះសេដ្ឋកិច្ចពិភពលោកប្រឈមនឹងវិបត្តិច្រើន។ ការរឹតត្បិតរូបិយវត្ថុកំពុងថ្លឹងថ្លែងលើកំណើននៅទូទាំងពិភពលោក រួមទាំងនៅសហរដ្ឋអាមេរិកផងដែរ។ លោកស្រីនិយាយថា តម្លៃថាមពលខ្ពស់នៅអឺរ៉ុបកំពុងដាក់សម្ពាធលើគ្រួសារ និងពាណិជ្ជកម្ម ហើយនៅក្នុងប្រទេសចិនការផ្ទុះឡើងជំងឺ COVID-19 បន្តប៉ះពាល់ផលិតកម្ម និងជីវភាពសេដ្ឋកិច្ចធម្មតា៕អត្ថបទ៖ ប៊ុនថន

មនុស្សច្រើននាក់បាត់ខ្លួន ខណៈទូកជនអន្តោប្រវេសន៍លិចនៅជិតកោះប្រទេសក្រិក

ក្រិក៖ អាជ្ញាធរបាននិយាយថា ប្រតិបត្តិការជួយសង្គ្រោះកំពុងដំណើរការនៅជិតកោះភាគខាងត្បូងប្រទេសក្រិក ជាកន្លែងដែលទូកដឹកជនអន្តោប្រវេសន៍រហូតដល់ ១០០នាក់បានបុកផ្ទាំងថ្ម និងបានលិចក្នុងពេលមានខ្យល់បក់ខ្លាំងកាលពីល្ងាចថ្ងៃពុធ។ ឆ្មាំសមុទ្របាននិយាយថា នាវារបស់ខ្លួន ទូកឯកជន និងឧទ្ធម្ភាគចក្រជួយសង្គ្រោះបានចូលរួមនៅក្នុងកិច្ចខិតខំប្រឹងប្រែងនៅជិតឆ្នេរសមុទ្រនៃកោះ Kythira ចម្ងាយប្រមាណ ២២៥គីឡូម៉ែត្រភាគខាងត្បូងទីក្រុង Athens។ ក្រុមមន្ត្រីបាននិយាយថា មានតែមនុស្ស ៧នាក់ប៉ុណ្ណោះត្រូវបានជួយសង្គ្រោះរហូតមកដល់ពេលនេះ ប៉ុន្តែមន្ត្រីពុំបានផ្តល់ព័ត៌មានលម្អិតផ្សេងទៀតអំពីការបាត់ខ្លួនជនអន្តោប្រវេសន៍នោះទេ។ ទូកបានបុកផ្ទាំងថ្មនៅជិតកំពង់ផែភូមិ Diakofti ភាគខាងកើតកោះ ក្នុងពេលដែលខ្យល់នៅតំបន់នោះមានល្បឿនរហូតដល់ ៧០គីឡូម៉ែត្រក្នុងមួយម៉ោង។ ក្រុមអ្នកជួយសង្គ្រោះបានទម្លាក់ខ្សែពួរ ដើម្បីជួយជនអន្តោប្រវេសន៍ឡើងមកលើច្រាំងថ្មនៅមាត់សមុទ្រ។ មន្ត្រីក្នុងតំបន់និយាយថា សាលារៀនមួយកន្លែងនៅក្នុងតំបន់ត្រូវបើក ដើម្បីផ្តល់ទីជម្រកសម្រាប់អ្នកដែលត្រូវបានជួយសង្គ្រោះ។ជនអន្តោប្រវេសន៍ភាគច្រើនដែលទៅដល់ប្រទេសក្រិក ធ្វើដំណើរពីប្រទេសជិតខាងទួរគី ប៉ុន្តែក្រុមអ្នករត់ពន្ធបានប្តូរផ្លូវក្នុងរយៈពេលប៉ុន្មានខែថ្មីៗនេះ ក្នុងកិច្ចប្រឹងប្រែងមួយដើម្បីបញ្ចៀសការល្បាតរបស់អាជ្ញាធរ នៅលើដែនទឹកជុំវិញកោះប្រទេសក្រិកក្បែរឆ្នេរសមុទ្រប្រទេសទួរគី។ កោះ Kythira ស្ថិតនៅចម្ងាយប្រហែល ៤០០គីឡូម៉ែត្រភាគខាងលិចប្រទេសទួរគី ហើយនៅលើផ្លូវមួយដែលជារឿយៗត្រូវបានប្រើប្រាស់ដោយក្រុមអ្នករត់ពន្ធ ដើម្បីឆ្លងកាត់ប្រទេសក្រិក ហើយឆ្ពោះទៅកាន់ប្រទេសអ៊ីតាលី៕អត្ថបទ៖ ប៊ុនថន

លោក Zelenskyy ប្រាប់មេដឹកនាំរុស្ស៊ីថា អ្នកចាញ់សង្គ្រាមហើយ ខណៈរុស្ស៊ីបន្តកេណ្ឌកងទ័ព

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃពុធបានផ្តោតលើការដឹកនាំរបស់រុស្ស៊ីដោយនិយាយថា ពួកគេបានចាញ់សង្គ្រាមរួចហើយ។ លោក Zelenskyy បាននិយាយនៅក្នុងសុន្ទរកថារបស់លោកថា ចាញ់សង្គ្រាមព្រោះពេលនេះចូលដល់ថ្ងៃទី២២៤ នៃសង្គ្រាមទ្រង់ទ្រាយធំ ដែលអ្នកត្រូវបានបង្ខំឱ្យពន្យល់ដល់ប្រជាជនរបស់អ្នកអំពីគោលបំណងនៃសង្គ្រាមនេះ។ សម្រាប់បំណងរបស់អ៊ុយក្រែន ដើម្បីធ្វើជាម្ចាស់ផ្ទះការប្រកួតបាល់ទាត់ពិភពលោកឆ្នាំ២០៣០ ជាមួយប្រទេសអេស្ប៉ាញ និងព័រទុយហ្គាល់ លោក Zelenskyy បាននិយាយថា វានឹងក្លាយជានិមិត្តរូបដ៏ខ្លាំងដើម្បីរៀបចំការប្រកួតជាមួយគ្នា។ ប្រធានសហព័ន្ធកីឡាបាល់ទាត់នៃប្រទេសទាំង៣ បានប្រកាសអំពីផែនការនេះនៅក្នុងសន្និសីទសារព័ត៌មានក្នុងប្រទេសស្វីសកាលពីថ្ងៃពុធ។ ក្រសួងការពារជាតិរុស្ស៊ីកាលពីថ្ងៃពុធបានបញ្ចេញវីដេអូ នៃអ្វីដែលខ្លួនបាននិយាយថា ជាក្រុមទាហានកេណ្ឌនៅមជ្ឈមណ្ឌលចុះឈ្មោះក្នុងទីក្រុងមូស្គូ។វីដេអូនេះបានបង្ហាញពីការជួបជុំគ្នាតូចមួយ នៃអ្នកជូនពរឲ្យមានសំណាងល្អសម្រាប់បុរសទាំងនេះ មុនពេលពួកគេចូលក្នុងរថយន្តក្រុងហើយចេញដំណើរ។ នៅក្នុងសេចក្ដីថ្លែងការណ៍ក្រសួងបាននិយាយថា ទាហានបម្រុងត្រូវបានកេណ្ឌចេញពីតំបន់ទីក្រុងមូស្គូ ហើយស្ថិតនៅទីតាំងហ្វឹកហាត់នៅមូលដ្ឋានយោធានៅភាគខាងលិច។ ទាហានទាំងអស់បំពេញតាមបទដ្ឋានសម្រាប់ការប្រើប្រាស់អាវុធធុនតូច ស្តារជំនាញរបស់ពួកគេក្នុងប្រតិបត្តិការ ថែទាំអាវុធ និងឧបករណ៍ពិសេស។ ពួកគេត្រូវបានបណ្ដុះបណ្ដាលលើការការពារនុយក្លេអ៊ែរ អាវុធជីវសាស្ត្រ និងគីមី វិស្វកម្ម យុទ្ធវិធី វេជ្ជសាស្ត្រ ក្នុងចំណោមការបណ្ដុះបណ្ដាលជំនាញផ្សេងៗទៀត៕អត្ថបទ៖ ប៊ុនថន

មនុស្សរាប់ពាន់នាក់ស្លាប់ដោយសារភាពរាំងស្ងួត និងគ្រោះទុរ្ភិក្សនៅសូម៉ាលី

សូម៉ាលី៖ គ្រោះរាំងស្ងួតនៅប្រទេសសូម៉ាលី មិនត្រឹមតែជាកត្តាដើម្បីដាក់កំហុសលើបម្រែបម្រួលអាកាសធាតុ ក្រុមជ្រុលនិយម al-Shabab និងសង្គ្រាមនៅអ៊ុយក្រែនប៉ុណ្ណោះទេ ដែលបានធ្វើឲ្យស្ថានភាពកាន់តែធ្ងន់ធ្ងរ។ ការប្រកាសអំពីគ្រោះទុរ្ភិក្សអាចនឹងត្រូវធ្វើឡើងក្នុងពេលឆាប់ៗនេះក្នុងខែនេះ ដែលរំពឹងថាជាគ្រោះទុរ្ភិក្សធ្ងន់ធ្ងរបំផុតនៅគ្រប់ទីកន្លែងលើពិភពលោក ចាប់តាំងពីគ្រោះទុរ្ភិក្សរបស់ប្រទេសសូម៉ាលីក្នុងមួយទសវត្សកន្លងទៅនេះ។ អង្គការសហប្រជាជាតិនិយាយថា មនុស្សរាប់ពាន់នាក់បានស្លាប់ ហើយកុមារកន្លះលាននាក់ប្រឈមហានិភ័យនៃការស្លាប់។ បម្រែបម្រួលអាកាសធាតុ និងការវាយលុករបស់រុស្ស៊ីលើអ៊ុយក្រែនបានប៉ះពាល់ភាគច្រើននៃពិភពលោក ដែលបណ្តាលឱ្យមានអសន្តិសុខស្បៀងអាហារ។ ការវាយលុករបស់រុស្សីលើអ៊ុយក្រែនបានរារាំងនាវាដឹកគ្រាប់ធញ្ញជាតិ ដែលធ្លាប់មានចំនួនគ្រប់គ្រាន់ដល់មនុស្សរាប់លាននាក់នៅអាហ្វ្រិក។ ការធ្លាក់ចុះការផ្តល់ជំនួយមនុស្សធម៌ក៏បានប៉ះពាល់ធ្ងន់ធ្ងរផងដែរ។ ប្រទេសសូម៉ាលីគឺជាទីជម្រកនៃក្រុម al-Shabab ដែលបានរារាំងជំនួយមិនឲ្យចូលដល់តំបន់ជាច្រើន និងរារាំងប្រជាជនមិនឲ្យចាកចេញ។អ្នកនាំពាក្យរបស់ក្រុម Al-Shabab លោក Ali Mohamud Rage បានចាត់ទុកវិបត្តិនេះថា ជាការសាកល្បងពីព្រះ ដោយអះអាងថា ក្រុមប្រដាប់អាវុធបានផ្តល់អាហារ ទឹក និងការព្យាបាលដោយឥតគិតថ្លៃដល់ប្រជាជន ដែលរងផលប៉ះពាល់ដោយគ្រោះរាំងស្ងួតជាង ៤៧,០០០នាក់ចាប់តាំងពីឆ្នាំមុន។ ប៉ុន្តែមនុស្សជាច្រើនដែលរស់នៅក្រោមការគ្រប់គ្រងរបស់ក្រុម al-Shabab និយាយថា ពួកគេមិនបានឃើញជំនួយបែបនេះទេ។ ផ្ទុយទៅវិញ ពួកគេបាននិយាយថា ក្រុមជ្រុលនិយមនៅតែបន្តការយកពន្ធយ៉ាងច្រើនលើផលដំណាំ និងសត្វចិញ្ចឹមសម្រាប់គ្រួសារ ទោះបីជាដំណាំក្រៀមស្វិត និងសត្វងាប់ ហើយប្រជាជនដែលទទួលបានជំនួយពីខាងក្រៅនឹងត្រូវរងការវាយប្រហារ។ ប្រជាជនមួយចំនួនភៀសខ្លួនចេញពីសហគមន៍នៅពេលយប់ ដើម្បីគេចចេញពីការចាប់អារម្មណ៍របស់ក្រុមអ្នកប្រយុទ្ធ ដោយមានបុរស និងក្មេងប្រុសជាញឹកញាប់ត្រូវបានហាមមិនឲ្យចាកចេញ៕អត្ថបទ៖ ប៊ុនថន

លោក Putin ប្ដេជ្ញារក្សាស្ថិរភាពនៅតំបន់ដែលបានដាក់បញ្ចូលជាឧបសម្ព័ន្ធ ខណៈអ៊ុយក្រែនដណ្ដើមបានដែនដីថែមទៀត

រុស្ស៊ី៖ លោកប្រធានាធិបតី Vladimir Putin បានប្ដេជ្ញាថា ស្ថានភាពនៅក្នុងតំបន់ទាំង៤ ដែលត្រូវបានរុស្ស៊ីដាក់បញ្ចូលជាឧបសម្ព័ន្ធនឹងត្រូវតែមានស្ថិរភាព។ លោកប្រធានាធិបតីរុស្ស៊ីរូបនេះបានប្រកាសដាក់តំបន់ Luhansk, Donetsk, Zaporizhzhia និង Kherson កាលពីសប្ដាហ៍មុន បន្ទាប់ពីការប្រកាសធ្វើប្រជាមតិស្វ័យប្រកាសដោយពុំត្រូវទទួលស្គាល់ជាអន្តរជាតិ។ ការប្ដេជ្ញារបស់លោកមានឡើង ខណៈអ៊ុយក្រែនដណ្ដើមបានមកវិញនូវភូមិមួយចំនួនក្នុងតំបន់ Luhansk និង Kherson។ កងកម្លាំងអ៊ុយក្រែនបានគ្រប់គ្រងផ្នែកសំខាន់ៗនៃតំបន់ចំនួន២ ផ្សេងទៀត និងបានដណ្ដើមកាន់កាប់ទឹកដីមួយចំនួនទៀតក្នុងតំបន់ Donetsk។ ទោះយ៉ាងណាក៏ដោយអ្នកនាំពាក្យវិមានក្រឹមឡាំងលោក Dmitry Peskov និយាយថា រុស្ស៊ីនឹងដណ្ដើមមកវិញរាល់ដែនដីណាមួយដែលត្រូវបានបាត់បង់។ នៅក្នុងសុន្ទរកថាថ្លែងទៅកាន់ក្រុមគ្រូបង្រៀននៅថ្ងៃទិវាគ្រូបង្រៀនរុស្ស៊ីលោក Putin និយាយថា លោកនឹងអភិវឌ្ឍន៍យ៉ាងស្ងៀមស្ងាត់លើដែនដី ដែលត្រូវបានដាក់បញ្ចូលជាឧបសម្ព័ន្ធ៕អត្ថបទ៖ សុខមាន

សម្ដេចតេជោ ហ៊ុន សែន ផ្ញើសារទៅអ្នកភូមិព្រះដាក់កុំមានការព្រួយបារម្ភ «មិនមានឱ្យរុះរើ ចាកចេញទៅរុនតាឯកទេ»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើរសារពិសេសជូនប្រជាពលរដ្ឋរស់នៅឃុំព្រះដាក់ ស្រុកបន្ទាយស្រី ខេត្តសៀមរាប ដែលទទួលបានព័ត៌មានមិនច្បាស់ថាមានការរុះរើ ឬដោះដូរលំឋានពួកគាត់មកកាន់តំបន់រុនតាឯក និងអំពាវនាវឲ្យប្រជាពលរដ្ឋស្ងប់ចិត្ត។អញ្ជើញមានប្រសាសន៍ក្នុងឱកាសបើកសន្និសីទចក្ខុវិស័យប្រទេសកម្ពុជា ឆ្នាំ ២០២២ ក្រោមប្រធានបទ «ការស្ដារកម្ពុជាឡើងវិញពីវិបត្តិនៃជំងឺកូវីដ-១៩៖ការអភិវឌ្ឍប្រកបដោយនិរន្តរភាព បន្ទាប់ពីជំងឺកូវីដ-១៩»សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានឆ្លៀតផ្ញើសារទៅកាន់ប្រជាពលរដ្ឋនៅភូមិ ឃុំព្រះដាក់ ស្រុកបន្ទាយស្រី ខេត្តសៀមរាប ដែលបានមកជួបជុំតវ៉ាមិនឱ្យមានការរុះរើផ្លាស់ប្តូរលំនៅដ្ឋានចេញពីភូមិព្រះដាក់ទៅនៅរុនតាឯក ថាសូមកុំមានការព្រួយបារម្ភ គឺមិនមានការប៉ះពាល់ណាមួយឃុំព្រះដាក់នោះទេ។សម្តេចបានបន្តជំរាបជូនពីការគិតគូរលើផលប៉ះពាល់ដល់ហេដ្ឋារចនាសម្ព័ន្ធអង្គរដែលមានបារាយណ៍ខាងលិចនិងខាងកើត។បារាយណ៍លិចអត់មានបញ្ហាទេ ប៉ុន្តែបារាយណ៍ខាងកើតមានបញ្ហាកង្វះទឹក និងមានបារាយណ៍១ទៀត ហៅថាបារាយណ៍រលីស ដែលយើង កំពុងតែសិក្សាថា តើយើងអាចដាក់ទឹកបានប៉ុន្មាន ដើម្បីទ្រទ្រង់ឲ្យអង្គរនេះ ដែលឯកអគ្គរដ្ឋទូតជប៉ុន ដែលស្ថិតនៅជាសហប្រធានICCនៅទីនេះ ក៏បានដឹងហើយៗចំណុចដែលយើងត្រូវធ្វើដោយមានការប្រុងប្រយ័ត្ន។បញ្ហាសំខាន់នៅទីនេះ គឺមិនទាមទារដាក់ទឹករហូតដល់៣០លានម៉ែត្រគូប ដែលទាញយកប្រជាជនទាំងអស់ចេញពីឃុំព្រះដាក់ក៏អត់ដែរ។ យើងបានគិតគូរយ៉ាងល្អិតល្អន់អំពីបញ្ហានេះ។សម្តេចបន្តថា «ប្រហែលជាតម្រូវការរបស់យើងមានត្រឹមសិក្សាទៅលើទាក់ទងជាមួយនឹងរឿងបាតអាងតែប៉ុណ្ណោះ ដែលយើងអាចនឹងដាក់ទឹកបានប៉ុន្មាន នឹងត្រូវដោះស្រាយជាមួយប្រជាពលរដ្ឋដែលកំពុងទទួលផលនៅទីនោះយ៉ាងម៉េច? ដើម្បីម្ខាងការពារសម្រាប់ប្រជាជនដែលរស់នៅទីនោះ ឯម្ខាងទៀត គឺដើម្បីដោះស្រាយការពារអង្គររបស់យើង»។សម្តេចបញ្ជាក់ថា «អ្វីដែលជាកិច្ចការបន្ទាន់របស់យើងនៅពេលនេះ គឺអ្នកដែលរស់នៅ ក្រោយឆ្នាំ១៩៧៩ ដែលរស់នៅព័ទ្ធជុំវិញប្រាសាទ តាំងទីលំនៅដោយខុសច្បាប់ ឬអាចថាមិនស្របជាមួយលក្ខខណ្ឌតម្រូវរបស់អង្គការយូនីស្កូ សម្រាប់បេតិកភណ្ឌ យើងកំពុងបន្តចាប់ឆ្នោត និងរៀបចំដីសម្រាប់ការសាងសង់លំនៅឋាន ខណៈពេលនេះរុនតាឯកនៅសល់ត្រឹម២០០ឡូត៍ប៉ុណ្ណោះ ដែលត្រូវរក្សាជាដីបំរុងទុក។ក្រៅពីនេះត្រូវទៅរៀបចំនៅតំបន់ពាក់ស្នែង។ដូច្នេះសូមប្រជាពលរដ្ឋនៅឃុំព្រះដាក់មានការស្ងប់ចិត្តព្រោះរាជរដ្ឋាភិបាលមិនអាចទៅធ្វើទទឹងទិសរុះរើលំនៅដ្ឋានដែលកំពុងរស់នៅរាប់រយឆ្នាំមកហើយនោះទេ»៕

អ៊ីរ៉ង់រៀបចំបាតុកម្មប្រឆាំងការតវ៉ាបន្ថែមទៀត ខណៈភាពរំជើបរំជួលនៅតែបន្ត និងអ្នកស្លាប់កើនដល់ ៩២នាក់

អ៊ីរ៉ង់៖ ការធ្វើបាតុកម្មតបជុំមួយទៀតត្រូវបានរៀបចំឡើងដើម្បីគាំទ្ររដ្ឋអ៊ីរ៉ង់ ខណៈការតវ៉ាដែលបានផ្ទុះឡើងបន្ទាប់ពីការស្លាប់របស់ស្ត្រីវ័យ ២២ឆ្នាំឈ្មោះ Mahsa Amini ក្នុងពេលនគរបាលឃាត់ខ្លួនកាលពីថ្ងៃទី១៦ ខែកញ្ញា នៅដំណាច់សប្ដាហ៍ទី៣ នៃការតវ៉ា។ ការតវ៉ាគាំទ្ររដ្ឋាភិបាលក្នុងទីក្រុងតេអេរ៉ង់ភាគខាងជើង បានចាប់ផ្ដើមកាលពីរសៀលថ្ងៃពុធ។ ដូចជាការធ្វើបាតុកម្ម ២ជុំកន្លងទៅដែរ សកម្មភាពទាំងនោះត្រូវបានប្រកាសតាមសារព័ត៌មានរដ្ឋ និងការផ្ញើសារអត្ថបទដ៏ច្រើន និងត្រូវគេរំពឹងថានឹងថ្កោលទោសការធ្វើកុបកម្មនាពេលថ្មីៗ និងឧក្រិដ្ឋកម្មនៃក្រុមបង្កការបះបោរ។ សកម្មភាពកាលពីថ្ងៃពុធគឺជាថ្ងៃទី១៩ ចាប់តាំងពីការតវ៉ាចាប់ផ្ដើមផ្ទុះឡើងអំឡុងមនុស្ស ៩៣នាក់បានស្លាប់ និងជាច្រើននាក់ទៀតត្រូវបានចាប់ខ្លួន។ លោក Ali Salehi អគ្គមេធាវីរបស់ទីក្រុងតេអេរ៉ង់បានប្រកាសកាលពីថ្ងៃអង្គារថា មនុស្សជាង ៤០០នាក់ដែលបានចាប់ខ្លួនក្នុងអំពើកុបកម្មនៅក្នុងទីក្រុងតេអេរ៉ង់ត្រូវបានដោះលែងវិញ ក្រោយសន្យាថានឹងលែងប្រព្រឹត្តិទង្វើបែបនេះតទៅទៀត៕ អត្ថបទ៖ សុខមាន

សម្តេចតេជោ៖ ការបាញ់មីស៊ីល ឆ្លងប្រទេសជប៉ុនពីសំណាក់កូរ៉េខាងជើងមិនមែនជាការលេងសើចនោះទេ

សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា ការបាញ់កាំជ្រួចមីស៊ីលឆ្លងប្រទេសជប៉ុនពីសំណាក់ប្រទេសកូរ៉េខាងជើងកាលពីថ្ងៃទី៤កន្លងទៅថ្មីៗនេះ មិនមែនជាការលេងសើចនោះទេ ដោយបញ្ហានេះគឺបានកំពុងគំរាមកំហែងយ៉ាងខ្លាំងចំពោះសន្តិសុខក្នុងតំបន់ក៏ដូចជាពិភពលោកនោះ។ថ្លែងនៅក្នុងឱកាសអញ្ជើញជាអធិបតីដ៏ខ្ពង់ខ្ពស់ ថ្លែងបើកសន្និសីទ «ចក្ខុវិស័យប្រទេសកម្ពុជា ឆ្នាំ២០២២» នៅសណ្ឋាគារ សុខាភ្នំពេញនាព្រឹកថ្ងៃទី៦ ខែតុលា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា កម្ពុជាបានថ្កោលទោសរួចមកហើយទាក់ទងនឹងការបាញ់កាំជ្រួចមីស៊ីលរបស់ប្រទេសកូរ៉េ ខាងជើងនេះ ដែលកត្តានេះកម្ពុជានៅតែប្រកាន់គោលជំហរបស់ខ្លួនដដែល។ នៅក្នុងអំឡុងពេលជួបពិភាក្សាទ្វេភាគី ជាមួយឯកឧត្តម ម៉ានូអែល ម៉ារ៉េរ៉ូ គ្រុស នាយករដ្ឋមន្រ្តីគុយបា កាលពីថ្ងៃទី៤ ខែតុលានេះ សម្តេចតេជោ ហ៊ុន សែន នាយករដ្ឋមន្រ្តី បានលើកឡើងថា សម្តេចថ្កោលទោសការបាញ់ម៉ីស៊ីលឆ្លងកាត់ប្រទេសជប៉ុន ដែលបានធ្វើឡើងដោយសាធារណរដ្ឋប្រជាមានិតប្រជាធិបតេយ្យកូរ៉េ ។ សម្តេចបានសង្កត់ធ្ងន់ថា «ឥរិយាបទរបស់សាធារណរដ្ឋប្រជាមានិតប្រជាធិបតេយ្យកូរ៉េ គឺប្រកបដោយគ្រោះថ្នាក់ និងជាការបំពានមួយទៀតទៅលើសេចក្តីសម្រេចនៃក្រុមប្រឹក្សាសន្តិសុខអង្គការសហប្រជាជាតិ»៕ អត្ថបទ៖ បាន ចក់

កូរ៉េខាងជើងបន្តបាញ់មីស៊ីល ២គ្រាប់បន្ថែមទៀត ខណៈអាមេរិកបញ្ជូននាវាផ្ទុកយន្តហោះទៅឧបទ្វីបកូរ៉េជាថ្មី

កូរ៉េខាងជើង៖ កូរ៉េខាងជើងបានបាញ់មីស៊ីលបាលីស្ទីករយៈចម្ងាយខ្លីចំនួន ២គ្រាប់សំដៅទៅផ្ទៃទឹកភាគខាងកើតរបស់ខ្លួននៅថ្ងៃព្រហស្បតិ៍នេះ ខណៈសហរដ្ឋអាមេរិកបានបញ្ជូននាវាមួយ ក្នុងចំណោមនាវាផ្ទុកយន្តហោះជាច្រើនរបស់ខ្លួនជាថ្មីទៅជិតឧបទ្វីបកូរ៉េ ឆ្លើយតបការបាញ់សាកល្បងមីស៊ីលបាលីស្ទីក ដែលមានសមត្ថភាពបំពាក់ក្បាលគ្រាប់នុយក្លេអ៊ែរដ៏មានឥទ្ធិពលកាលពីព្រឹកថ្ងៃអង្គារសប្ដាហ៍ រំលងប្រទេសជប៉ុនមុនធ្លាក់ចូលមហាសមុទ្រប៉ាស៊ីហ្វិក។ នាយសេនាធិការចម្រុះកូរ៉េខាងត្បូងបាននិយាយក្នុងសេចក្ដីថ្លែងការណ៍ថា ការបាញ់ទាំងនេះបានធ្វើឡើងរយៈពេល២២នាទីនៅខាងក្រៅតំបន់រដ្ឋធានីរបស់កូរ៉េខាងជើង។ ប្រភពខាងលើនិយាយថា កូរ៉េខាងត្បូងបានបង្កើនការតាមដាន និងបន្តត្រៀមក្នុងការសម្របសម្រួលជាមួយសហរដ្ឋអាមេរិក។ លោកនាយករដ្ឋមន្ត្រីជប៉ុន Fumio Kishida ក៏បានបញ្ជាក់ផងដែរថា ពីការបាញ់មីស៊ីលរបស់កូរ៉េខាងជើង ដោយនិយាយថា ការបាញ់អាវុធទាំងនោះគឺជាទង្វើដែលមិនអាចអត់ឱនឲ្យបាន។ការបាញ់មីស៊ីលចុងក្រោយបង្ហាញថា មេដឹកនាំកូរ៉េខាងជើងលោក Kim Jong Un ប្ដេជ្ញាបន្តការសាកល្បងអាវុធក្នុងគោលបំណងបង្កើនឃ្លាំងគ្រាប់នុយក្លេអ៊ែររបស់លោក ផ្គើនទៅនឹងទណ្ឌកម្មអន្តរជាតិ។ ការបាញ់ទាំងនេះគឺជាជុំទី៦ នៃការសាកល្បងអាវុធក្នុងពេលជិត ២សប្ដាហ៍ ដែលបានជំរុញឲ្យមានការថ្កោលទោសពីសហរដ្ឋអាមេរិក និងប្រទេសផ្សេងទៀត។ រដ្ឋមន្ត្រីការពារជាតិជប៉ុនលោក Yasukazu Hamada បាននិយាយថា មីស៊ីលដែលកូរ៉េខាងជើងបានបាញ់នៅព្រឹកថ្ងៃព្រហស្បតិ៍នេះ បានហោះចម្ងាយពី 350 ទៅ 800គីឡូម៉ែត្រក្នុងរយៈកម្ពស់អតិប្បបរមា 50 ទៅ 100គីឡូម៉ែត្រ មុនពេលធ្លាក់ចូលនៅខាងក្រៅតំបន់សេដ្ឋកិច្ចផ្ដាច់មុខរបស់ជប៉ុន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

បូលីវី ចុះកិច្ចព្រមព្រៀងជាមួយសហជីពកម្មករក្រោយការតវ៉ាប្រឆាំងរដ្ឋាភិបាលរយៈពេល៥០ថ្ងៃ

អ្នកគាំទ្រកងជីវពលអ៊ីរ៉ាក់ដែលគាំទ្រអ៊ីរ៉ង់ បានទៅប្រមូលផ្តុំគ្នានៅខាងក្រៅស្ថានទូតអ៊ីរ៉ង់ក្នុងទីក្រុង Baghdad

អ៊ីរ៉ង់ នាំចេញប្រេងឆៅចំនួន១៨លានបារ៉ែលក្នុងរយៈពេល ៥ ថ្ងៃកន្លងទៅនេះ

អាមេរិក ប្រកាសការចរចាជុំថ្មីរវាងអ៊ីស្រាអែលនិងលីបង់ក្នុងទីក្រុងវ៉ាស៊ីនតោន នៅសប្តាហ៍ក្រោយ

មនុស្សយ៉ាងហោចណាស់៣០នាក់ស្លាប់ នៅជំរំប្រទេសកុងហ្គោដែលបង្ហាញថាជំងឺអេបូឡា អាចរាលដាលយ៉ាងឆាប់រហ័ស

សហគ្រាសក្នុងស្រុកគាំទ្រវិធានការរបស់រាជរដ្ឋាភិបាលក្នុងការទប់ស្កាត់ការគេចពន្ធ និងការនាំចូលទំនិញខុសច្បាប់

នាយករដ្ឋមន្ត្រីអ៊ីតាលី៖ លោក Trump ប្រឌិតរឿងទាំងស្រុង ដែលថាលោកស្រីបានអង្វរសុំលោកថតរូបជាមួយ

បេសកជនអ៊ីស្រាអែល និងមន្ត្រីអង្គការសហប្រជាជាតិប៉ះពាក្យសម្តីគ្នាក្នុងសវនាការស្តីពីកុមារក្នុងជម្លោះ

អនុប្រធានាធិបតីអាមេរិក លោក JD Vance៖ ការចរចាជាមួយអ៊ីរ៉ង់អាចប៉ះពាល់ដល់ការកើនឡើងផ្នែកនយោបាយ

បេសកជនរបស់លោក Trump ធ្វើដំណើរទៅកាន់ប្រទេសស្វីសសម្រាប់ការចរចារវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

BREAKING NEWS (Update): មនុស្សយ៉ាងហោចណាស់ ៣៤នាក់ស្លាប់ក្នុងការបាញ់ប្រហារនៅប្រទេសថៃ

អង្គការពាណិជ្ជកម្មពិភពលោកព្យាករណ៍ថា កំណើនពាណិជ្ជកម្មនឹងមានល្បឿនយឺតនៅឆ្នាំក្រោយ

មនុស្សច្រើននាក់បាត់ខ្លួន ខណៈទូកជនអន្តោប្រវេសន៍លិចនៅជិតកោះប្រទេសក្រិក

លោក Zelenskyy ប្រាប់មេដឹកនាំរុស្ស៊ីថា អ្នកចាញ់សង្គ្រាមហើយ ខណៈរុស្ស៊ីបន្តកេណ្ឌកងទ័ព

មនុស្សរាប់ពាន់នាក់ស្លាប់ដោយសារភាពរាំងស្ងួត និងគ្រោះទុរ្ភិក្សនៅសូម៉ាលី

លោក Putin ប្ដេជ្ញារក្សាស្ថិរភាពនៅតំបន់ដែលបានដាក់បញ្ចូលជាឧបសម្ព័ន្ធ ខណៈអ៊ុយក្រែនដណ្ដើមបានដែនដីថែមទៀត

សម្ដេចតេជោ ហ៊ុន សែន ផ្ញើសារទៅអ្នកភូមិព្រះដាក់កុំមានការព្រួយបារម្ភ «មិនមានឱ្យរុះរើ ចាកចេញទៅរុនតាឯកទេ»

អ៊ីរ៉ង់រៀបចំបាតុកម្មប្រឆាំងការតវ៉ាបន្ថែមទៀត ខណៈភាពរំជើបរំជួលនៅតែបន្ត និងអ្នកស្លាប់កើនដល់ ៩២នាក់

សម្តេចតេជោ៖ ការបាញ់មីស៊ីល ឆ្លងប្រទេសជប៉ុនពីសំណាក់កូរ៉េខាងជើងមិនមែនជាការលេងសើចនោះទេ

កូរ៉េខាងជើងបន្តបាញ់មីស៊ីល ២គ្រាប់បន្ថែមទៀត ខណៈអាមេរិកបញ្ជូននាវាផ្ទុកយន្តហោះទៅឧបទ្វីបកូរ៉េជាថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

BREAKING NEWS (Update): មនុស្សយ៉ាងហោចណាស់ ៣៤នាក់ស្លាប់ក្នុងការបាញ់ប្រហារនៅប្រទេសថៃ

អង្គការ​ពាណិជ្ជកម្ម​ពិភពលោក​ព្យាករណ៍​ថា​ កំណើន​ពាណិជ្ជកម្ម​នឹង​មាន​ល្បឿន​យឺត​នៅ​ឆ្នាំក្រោយ​

មនុស្ស​ច្រើន​នាក់​បាត់​ខ្លួន ខណៈ​ទូក​ជនអន្តោប្រវេសន៍​លិច​នៅ​ជិត​កោះ​ប្រទេស​ក្រិក

លោក Zelenskyy ប្រាប់​មេដឹកនាំ​រុស្ស៊ី​ថា អ្នក​ចាញ់​សង្គ្រាម​ហើយ ខណៈ​រុស្ស៊ី​បន្ត​កេណ្ឌ​កងទ័ព

មនុស្ស​រាប់ពាន់នាក់​ស្លាប់​ដោយសារ​ភាព​រាំងស្ងួត​ និង​គ្រោះ​ទុរ្ភិក្ស​នៅ​សូ​ម៉ាលី​

សម្ដេចតេជោ ហ៊ុន សែន ផ្ញើសារទៅអ្នកភូមិព្រះដាក់កុំមានការព្រួយបារម្ភ «មិនមានឱ្យរុះរើ ចាកចេញទៅរុនតាឯកទេ»

សម្តេចតេជោ៖ ការបាញ់មីស៊ីល ឆ្លងប្រទេសជប៉ុន​ពី​សំណាក់​កូរ៉េខាង​ជើង​មិនមែន​ជា​ការ​លេង​សើច​នោះ​ទេ

កូរ៉េខាងជើងបន្តបាញ់មីស៊ីល ២គ្រាប់បន្ថែមទៀត ខណៈអាមេរិក​បញ្ជូននាវាផ្ទុក​យន្តហោះ​ទៅ​ឧបទ្វីប​កូរ៉េជាថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការពាណិជ្ជកម្មពិភពលោកព្យាករណ៍ថា កំណើនពាណិជ្ជកម្មនឹងមានល្បឿនយឺតនៅឆ្នាំក្រោយ

មនុស្សច្រើននាក់បាត់ខ្លួន ខណៈទូកជនអន្តោប្រវេសន៍លិចនៅជិតកោះប្រទេសក្រិក

លោក Zelenskyy ប្រាប់មេដឹកនាំរុស្ស៊ីថា អ្នកចាញ់សង្គ្រាមហើយ ខណៈរុស្ស៊ីបន្តកេណ្ឌកងទ័ព

មនុស្សរាប់ពាន់នាក់ស្លាប់ដោយសារភាពរាំងស្ងួត និងគ្រោះទុរ្ភិក្សនៅសូម៉ាលី

សម្តេចតេជោ៖ ការបាញ់មីស៊ីល ឆ្លងប្រទេសជប៉ុនពីសំណាក់កូរ៉េខាងជើងមិនមែនជាការលេងសើចនោះទេ

កូរ៉េខាងជើងបន្តបាញ់មីស៊ីល ២គ្រាប់បន្ថែមទៀត ខណៈអាមេរិកបញ្ជូននាវាផ្ទុកយន្តហោះទៅឧបទ្វីបកូរ៉េជាថ្មី