BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

សម្តេចតេជោ ហ៊ុន សែន បានអញ្ជើញបើកសន្និសីទ «ចក្ខុវិស័យប្រទេសកម្ពុជាឆ្នាំ២០២២»

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីបើកសន្និសីទ «ចក្ខុវិស័យកម្ពុជាឆ្នាំ២០២២» នៅសណ្ឋាគារសុខា ភ្នំពេញ នៅព្រឹកថ្ងៃទី០៦ ខែតុលា ឆ្នាំ២០២២។សន្និសីទ «ចក្ខុវិស័យប្រទេសកម្ពុជា» គឺជាវេទិកាដ៏មានសារៈសំខាន់ប្រមូលផ្តុំអ្នកជំនាញ បើកកិច្ចពិភាក្សាលើប្រធានបទនានា ពាក់ព័ន្ធបញ្ហាសេដ្ឋកិច្ច និងសង្គម ដើម្បីជាធាតុចូលសម្រាប់ដោះស្រាយបញ្ហាប្រឈម និងស្វែងរកកាលានុវត្តភាពសម្រាប់ជំរុញដល់ការអភិវឌ្ឍនៅកម្ពុជា។សន្និសីទ «ចក្ខុវិស័យប្រទេសកម្ពុជាឆ្នាំ២០២២» រៀបចំធ្វើឡើងក្រោមមូលបទ «ការស្តារកម្ពុជាឡើងវិញ៖ ការអភិវឌ្ឍប្រកបដោយនិរន្តរភាព បន្ទាប់ពីវិបត្តិជំងឺកូវីដ១៩»។សន្និសីទចក្ខុវិស័យប្រទេសកម្ពុជាឆ្នាំ២០២២នេះ មានការចូលរួមពីថ្នាក់ដឹកនាំប្រហែល ៤០០នាក់ មកពីថ្នាក់ជាតិ និងថ្នាក់ក្រោមជាតិ នៃរាជរដ្ឋាភិបាលកម្ពុជា ស្ថានទូតបរទេស តំណាងបេសកកម្មការទូតបរទេសនានា ប្រចាំកម្ពុជា ទីភ្នាក់ងារអង្គការសហប្រជាជាតិ វិស័យឯកជន ដៃគូអភិវឌ្ឍន៍ ស្ថាប័នអប់រំ វិទ្យាស្ថានសិក្សាស្រាវជ្រាវ និងអង្គការមិនមែនរដ្ឋាភិបាលជាតិ-អន្តរជាតិនៅប្រទេសកម្ពុជាផងដែរ។ក្នុងពិធីបើកសន្និសីទនៅព្រឹកនេះ សម្តេចតេជោ ហ៊ុន សែន ថ្លែងសុន្ទរកថាគន្លឹះពាក់ព័ន្ធនឹងវិបត្តិជំងឺកូវីដ១៩ ក៏ដូចជាយុទ្ធសាស្ត្រមួយចំនួនរបស់រាជរដ្ឋាភិបាល ក្នុងការស្តារប្រទេសក្រោយវិបត្តិនៃជំងឺឆ្លងសាកលមួយនេះ។ ក្នុងសន្និសីទនេះ ក៏នឹងមានការជជែកពិភាក្សាទៅលើប្រធានបទសំខាន់ៗមួយចំនួនទៀតផងដែរ៕

អ៊ុយក្រែនស្ដីបន្ទោសសហភាពអឺរ៉ុបចំពោះការពន្យារពេលផ្ដល់ជំនួយផ្នែកសេដ្ឋកិច្ច

អ៊ុយក្រែន៖ មន្ត្រីជាន់ខ្ពស់មួយរូបរបស់អ៊ុយក្រែនបានព្រមានថា ការពន្យារពេលផ្ដល់ជំនួយផ្នែកសេដ្ឋកិច្ចពីសហភាពអឺរ៉ុបដល់អ៊ុយក្រែនគឺមិនអាចទទួលយកបានទេ ហើយត្រូវតែត្រូវបានដោះស្រាយដើម្បីបញ្ចៀសគ្រោះមហន្តរាយ ដោយចង្អុលបង្ហាញពីកង្វះថវិកាដ៏ច្រើន ខណៈសហភាពអឺរ៉ុបបានអនុម័តកញ្ចប់ថវិកាជំនួយមួយផ្សេងទៀតចំនួន ៤.៩ពាន់លានដុល្លារអាមេរិក។ ថ្លែងទៅកាន់សារព័ត៌មាន Politico នៅសប្ដាហ៍នេះ ទីប្រឹក្សាសេដ្ឋកិច្ចរបស់លោកប្រធានាធិបតី Vlodimir Zelensky លោក Oleg Ustenko បានរិះគន់ប្លុកសហភាពអឺរ៉ុប បន្ទាប់ពីបានព្រមព្រៀងថានឹងបញ្ជូនកញ្ចប់ជំនួយមួយផ្សេងទៀតចន្លោះពាក់កណ្ដាលខែតុលានេះ និងនៅដំណាច់ឆ្នាំនេះ ដោយទទូចថា ភាពចាំបាច់របស់ប្រទេសលោកត្រូវតែត្រូវបានដោះស្រាយឲ្យបានឆាប់។ លោក Ustenko បានប្រាប់សារព័ត៌មានមួយថា រដ្ឋមន្ត្រីហិរញ្ញវត្ថុរបស់យើងរងសម្ពាធខ្លាំងណាស់ នៅពេលលោកបញ្ជូនសែកទាំងនេះទៅកាន់យោធាដើម្បីបើកប្រាក់បៀវត្សរ៍ យើងត្រូវតែឲ្យលុយនេះទៅដល់ដៃរបស់លោក។ ដូច្នេះការពន្យារពេលមួយសប្ដាហ៍ ឬច្រើនសប្ដាហ៍ជារឿងមិនអាចទទួលយកបានទេ។ខណៈសហភាពអឺរ៉ុបដំបូងបានអនុម័តជំនួយចំនួន ៨.៨ពាន់លានដុល្លារកាលពីខែឧសភាឆ្នាំមុន មានតែចំណែកតូចមួយប៉ុណ្ណោះដែលត្រូវបានបញ្ជូនមកទល់ពេលនេះ។ ការផ្ដល់ជំនួយចុងក្រោយបំផុតនឹងគ្រប់គ្រាន់សម្រាប់ការចំណាយចំនួន ៤.៩ពាន់លានដុល្លារក្នុង ៣ដំណាក់កាលដែលត្រូវផ្ទេរមុនដំណាច់ឆ្នាំ២០២២ ទោះបីជាកញ្ចប់ជំនួយដំបូងដែលនៅសល់ទំនងជាមិនត្រូវបានផ្ដល់រហូតដល់ឆ្នាំក្រោយក៏ដោយ៕អត្ថបទ៖ សុខមាន

កុមារច្រើននាក់ស្លាប់ ខណៈគ្រោះរាំងស្ងួតនៅប្រទេសសូម៉ាលីនឹងនាំមកនូវគ្រោះទុរ្ភិក្ស

សូម៉ាលី៖ គ្រោះទុរ្ភិក្សអាចត្រូវបានប្រកាសនៅក្នុងប្រទេសសូម៉ាលី ក្នុងរយៈពេលប៉ុន្មានសប្តាហ៍ខាងមុខនេះ ដែលនឹងប៉ះពាល់ដល់មនុស្សរាប់សែននាក់នៅក្នុងតំបន់ជួបគ្រោះរាំងស្ងួត ដ៏អាក្រក់បំផុតចំនួនពីររបស់ប្រទេស និងនៅក្នុងជំរំជម្លៀសខ្លួន។ ការប្រកាសបែបនេះគឺកម្រកើតមាន ហើយជាសញ្ញានៃផលវិបាកធ្ងន់ធ្ងរដោយគ្រោះរាំងស្ងួតដ៏អាក្រក់បំផុត ក្នុងរយៈពេលជាច្រើនទសវត្សមកនេះនៅតំបន់នៃទ្វីបអាហ្វ្រិក។ យោងតាមទិន្នន័យរបស់អង្គការសហប្រជាជាតិបានឲ្យដឹងថា មនុស្សរាប់ពាន់នាក់បានស្លាប់ រួមទាំងកុមារជិត ៩០០នាក់ដែលមានអាយុក្រោម ៥ឆ្នាំដោយសារតែកង្វះអាហារូបត្ថម្ភ។ អង្គការសហប្រជាជាតិនិយាយថា កុមារស្ថិតក្នុងស្ថានភាពកង្វះអាហារូបត្ថម្ភកន្លះលាននាក់ប្រឈមនឹងការស្លាប់។ គ្រោះរាំងស្ងួតបានធ្វើឱ្យក្រុមអ្នកចិញ្ចឹមសត្វ និងកសិករមានការភ្ញាក់ផ្អើលខ្លាំងដោយសាររដូវភ្លៀងធ្លាក់ពុំមានភ្លៀងដែលបានចាប់ផ្តើមតាំងពី ២ឆ្នាំមុន។មនុស្សជាង ១លាននាក់បានចាកចេញពីលំនៅឋានរបស់ពួកគេ ដើម្បីស្វែងរកវាលស្មៅបៃតង។ ប៉ុន្តែអ្នកភៀសខ្លួនទាំងនេះកំពុងប្រឈមភាពអត់ឃ្លានកាន់តែខ្លាំងឡើង ខណៈស្ថានភាពរបស់ពួកគេកាន់តែធ្ងន់ធ្ងរដោយកង្វះជំនួយ វត្តមានរបស់ក្រុមជ្រុលនិយមអ៊ីស្លាម និងផលប៉ះពាល់នៃជម្លោះនៅអ៊ុយក្រែន។ ប្រជាជននិយាយថា យើងកំពុងអំពាវនាវដល់អង្គការក្រៅរដ្ឋាភិបាលដើម្បីជួយផ្តល់ទីជម្រក អាហារ និងទឹកសម្រាប់បរិភោគ។ ស្ត្រីម្នាក់និយាយថា តម្លៃប្រេងឆា និងសម្ភារៈផ្សេងៗបានឡើងថ្លៃទ្វេដង ធ្វើឲ្យវាកាន់តែពិបាកសម្រាប់ប្រជាជនភៀសខ្លួនដើម្បីទទួលបានអាហារ និងប័ណ្ណដែលផ្តល់ឲ្យទីភ្នាក់ងារផ្តល់ជំនួយ៕អត្ថបទ៖ ប៊ុនថន

ក្រុមសង្គ្រោះធ្វើដំណើរពីផ្ទះមួយទៅផ្ទះមួយនៅរដ្ឋ Florida ស្វែងរកអ្នកនៅរស់បន្ទាប់ពីព្យុះ Ian

អាមេរិក៖ ក្រុមសង្គ្រោះបានធ្វើដំណើរពីផ្ទះមួយទៅផ្ទះមួយនៅទីក្រុងឆ្នេរសមុទ្រ Fort Myers Beach រដ្ឋ Florida ដើម្បីស្វែងរកអ្នកនៅរស់ បន្ទាប់ពីព្យុះដ៏មានឥទ្ធិពល Ian បណ្តាលឲ្យមនុស្សយ៉ាងហោចណាស់ ១១០នាក់ស្លាប់រហូតមកដល់ពេលនេះនៅរដ្ឋ Florida និង ៤នាក់នៅរដ្ឋ North Carolina។ ក្រុមជួយសង្គ្រោះបាននឹងកំពុងរុករកក្នុងបំណែកថ្មបាក់បែក ដើម្បីស្វែងរកអ្នកនៅរស់រានមានជីវិត បន្ទាប់ពីព្យុះ Ian នៅទីក្រុងឆ្នេរសមុទ្រ Fort Myers Beach។ ក្រុមសង្គ្រោះនិយាយថា យើងកំពុងធ្វើការដើម្បីជួយប្រជាជនដែលបានជ្រើសរើសទីជម្រកនៅនឹងកន្លែង ហើយព្យាយាមតស៊ូជាមួយស្ថានភាពគ្មានទឹក និងអគ្គិសនីប្រើប្រាស់។ ព្យុះដ៏មានឥទ្ធិពល Ian បានធ្វើដំណើរចេញពីរដ្ឋ Florida ប៉ុន្តែប្រជាជន និងបុគ្គលិកសង្គ្រោះបន្ទាន់កំពុងវាយតម្លៃពីការខូចខាត និងស្វែងរកអ្នកដែលនៅតែជាប់នៅខាងក្នុងលំនៅឋានដែលលិចទឹក ឬត្រូវបានបំផ្លាញ។ចំនួនអ្នកស្លាប់ដោយសារខ្យល់ព្យុះបានកើនឡើងក្នុងរយៈពេលប៉ុន្មានថ្ងៃថ្មីៗនេះ ទាំងដោយសារតែគ្រោះថ្នាក់ដែលបង្កឡើងដោយការបោសសម្អាត និងខណៈកំពុងស្វែងរក និងជួយសង្គ្រោះ។ ក្រុមមន្ត្រីបាននិយាយថា គិតត្រឹមថ្ងៃចន្ទ មនុស្សជាង ២,៣៥០នាក់ត្រូវបានជួយសង្គ្រោះនៅទូទាំងរដ្ឋ។ នៅភាគនិរតីនៃរដ្ឋ Florida រូបភាពពីលើអាកាសបានបង្ហាញពីទំហំនៃការបំផ្លិចបំផ្លាញដែលបន្សល់ទុកដោយព្យុះ Ian៕អត្ថបទ៖ ប៊ុនថន

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយមេបញ្ជាការកងទ័ពជើងគោកហ្វីលីពីន

ភ្នំពេញ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានជួបសំណេះសំណាល និងពិភាក្សាការងារជាមួយនឹង ឯកឧត្តម ឧត្តមសេនីយ៍ឯក ROMEO S BRAWNER JUNIOR មេបញ្ជាការកងទ័ពជើងគោកហ្វីលីពីន កាលពីថ្ងៃទី០៤ ខែតុលា ឆ្នាំ២០២២ ក្នុងឱកាសនៃដំណើរបំពេញទស្សនកិច្ច និងចូលរួមពិព័រណ៌ការពារដែនគោកអន្តរជាតិ (Land Forces International Land Defence Exposition) នៅក្នុងប្រទេសអូស្ត្រាលី។ក្នុងជំនួបនេះ ឧត្តមសេនីយ៍ឯក ហ៊ុន ម៉ាណែត បានវាយតម្លៃខ្ពស់ចំពោះកិច្ចសហប្រតិបត្តិការល្អ ដែលមានកន្លងមករវាងកងទ័ពជើងគោក នៃប្រទេសទាំងពីរ ជាពិសេសការសម្រេចបាននូវលទ្ធផលជាក់ស្តែងនៃកិច្ចសហការរវាងអង្គភាពចំណុះកងទ័ពទាំងពីរ និងការហ្វឹកហ្វឺនបណ្តុះបណ្តាលធនធានមនុស្ស។ ជាមួយគ្នានេះដែរ លោកឧត្តមសនីយ៍ ក៏បានលើកឡើងអំពីគោលគំនិតក្នុងការពង្រីកកិច្ចសហប្រតិបត្តិការបន្ថែមទៀតនាពេលអនាគត។ជាការឆ្លើយតប ឧត្តមសេនីយ៍ឯក ROMEO S BRAWNER JUNIOR បានឯកភាពចំពោះការវាយតម្លៃរបស់ ឧត្តមសេនីយ៍ឯក ហ៊ុន ម៉ាណែត លើកិច្ចសហប្រតិបត្តិការកន្លងមក ព្រមទាំងបានបញ្ជាក់ការគាំទ្រចំពោះគោលគំនិតក្នុងការពង្រឹង និងពង្រីកទំនាក់ទំនងកងទ័ពទាំងពីរបន្ថែមទៀតនៅពេលអនាគត។ក្រៅពីនេះ មេបញ្ជាការកងទ័ពជើងគោកនៃប្រទេសទាំងពីរ ក៏បានចែករំលែកអំពីបទពិសោធន៍ក្នុងការប្រយុទ្ធប្រឆាំងនឹងជំងឺកូវីដ-១៩ ជាអាទិ៍ ការដាក់ចេញនូវវិធានការផ្សេងៗ និងការចូលរួមរបស់កងទ័ពក្នុងយុទ្ធនាការចាក់វ៉ាក់សាំង៕

រុស្ស៊ីនិយាយថា ទាហានបម្រុង ២សែននាក់ត្រូវបានជ្រើសរើសសម្រាប់សង្គ្រាមនៅអ៊ុយក្រែន

រុស្ស៊ី៖ ប្រមុខការពារជាតិរុស្ស៊ីនិយាយថា យោធាបានជ្រើសរើសទាហានបម្រុងជាង ២សែននាក់ ដែលជាផ្នែកមួយនៃការកេណ្ឌទ័ពមួយផ្នែកដែលបានចាប់ផ្តើមកាលពី ២សប្តាហ៍មុន។ រដ្ឋមន្ត្រីក្រសួងការពារជាតិលោក Sergei Shoigu បាននិយាយថា ទាហានដែលបានជ្រើសរើសកំពុងទទួលការហ្វឹកហ្វឺន នៅតំបន់ហ្វឹកហាត់បាញ់កាំភ្លើងចំនួន ៨០កន្លែង មុនពេលត្រូវបានដាក់ពង្រាយទៅកាន់ប្រទេសអ៊ុយក្រែន។ ប្រធានាធិបតីរុស្ស៊ីលោក Vladimir Putin បានបញ្ជាឱ្យមានការកេណ្ឌទ័ពកាលពីថ្ងៃទី២១ ខែកញ្ញា ក្នុងគោលបំណងពង្រឹងកងកម្លាំងដែលកំពុងប្រយុទ្ធនៅអ៊ុយក្រែន។ លោក Shoigu ធ្លាប់បាននិយាយថា ទាហានបម្រុងរហូតដល់ ៣សែននាក់នឹងត្រូវកេណ្ឌឲ្យមកបម្រើសេវា ប៉ុន្តែបទបញ្ជារបស់លោក Putin បានបើកទ្វារសម្រាប់កិច្ចខិតខំប្រឹងប្រែងជ្រើសរើសកងទ័ពកាន់តែច្រើន ហើយប្រព័ន្ធផ្សព្វផ្សាយរុស្ស៊ីមួយចំនួនបានប៉ាន់ប្រមាណថា យោធាពិតជាមានបំណងកេណ្ឌទាហានបម្រុងចំនួន ១លាននាក់ ឬច្រើនជាងនេះ៕អត្ថបទ៖ ប៊ុនថន

សម្តេចតេជោ ហ៊ុន សែន ថ្កោលទោសកូរ៉េខាងជើងក្រោយប្រទេសនេះបាញ់មីស៊ីលឆ្លងកាត់ប្រទេសជប៉ុន

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្តែងការសោកស្តាយ និងធ្វើការថ្កោលទោសចំពោះការបាញ់មីស៊ីលពីសំណាក់ប្រទេសកូរ៉េខាងជើងឆ្លងកាត់ប្រទេសជប៉ុនកាលពីថ្ងៃទី៤ ខែតុលា ឆ្នាំ២០២២ម្សិលមិញនេះ។យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ដែល ដែលបានឲ្យដឹងនាព្រឹកថ្ងៃទី៥ ខែតុលា ឆ្នាំ២០២២នេះថា ក្នុងអំឡុងពេលជួបពិភាក្សាទ្វេភាគី ជាមួយឯកឧត្តម ម៉ានូអែល ម៉ារ៉េរ៉ូ គ្រុស នាយករដ្ឋមន្រ្តីគុយបា ដែលកំពុងទស្សនកិច្ចនៅកម្ពុជា នៅថ្ងៃអង្គារទី០៤ ខែតុលា ឆ្នាំ២០២២សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានជម្រាបសមភាគីថា សម្តេចថ្កោលទោសការបាញ់ម៉ីស៊ីល ឆ្លងកាត់ប្រទេសជប៉ុន ដែលបានធ្វើឡើងដោយសាធារណរដ្ឋប្រជាមានិតប្រជាធិប-តេយ្យកូរ៉េ ។តាមរយៈសេចក្តីប្រកាសព័ត៌មានខាងលើនេះសម្តេចតេជោនាយករដ្ឋមន្ត្រីបានប្រសាសន៍ថា «ឥរិយាបទរបស់សាធារណរដ្ឋប្រជាមានិតប្រជាធិបតេយ្យកូរ៉េ គឺប្រកបដោយគ្រោះថ្នាក់ និងជាការបំពានមួយទៀតទៅលើសេចក្តីសម្រេចនៃក្រុមប្រឹក្សាសន្តិសុខអង្គការសហប្រជាជាតិ»។សម្តេចតេជោនាយករដ្ឋមន្ត្រីក៏បានបញ្ចេញទស្សនៈ ចំពោះសង្គ្រាមនៅអ៊ុយក្រែនផងដែរ។ កម្ពុជាយល់អំពីហេតុផលប្រវត្តិសាស្រ្តយល់អំពីការព្រួយបារម្មណ៍ផ្នែកសន្តិសុខ និងភាពស្មុគស្មាញនៃបញ្ហា ប៉ុន្តែសម្តេចតេជោនាយករដ្ឋមន្រ្តីបានមានប្រសាសន៍ថា កម្ពុជាមិនយល់ស្របចំពោះការចូលលុកលុយប្រទេសអ៊ុយក្រែន និងការភ្ជាប់ជាតំបន់ចំណុះ ពីប្រទេសអធិបតេយ្យមួយនោះទេ។ សម្តេចតេជោបានសង្កត់ធ្ងន់ទៀតថា« កម្ពុជា ក្នុងនាមជាប្រទេសតូច ប្រកាន់នូវការគោរពអធិបតេយ្យបូរណភាពដែនដី និងឯករាជ្យភាពនយោបាយ នៃរដ្ឋសមាជិក និងធម្មនុញ្ញអ.ស.ប»។បើតាមសេចក្តីប្រកាសព័ត៌មានរបស់ក្រសួងការបរទេសបានឲ្យដឹងផងដែរថា នៅក្នុងកិច្ចជំនួប រវាងសម្តេចតេជោ ហ៊ុន សែន និងនាយករដ្ឋមន្រ្តីគុយបា ភាគីទាំងពីរក៏បានផ្លាស់ប្តូរមតិ ពាក់ព័ន្ធនឹងបញ្ហាតំបន់ និងអន្តរជាតិ និងបានប្តេជ្ញា ពង្រឹងទំនាក់ទំនងនៃប្រទេសទាំងពីរ(កម្ពុជា-គុយបា) ចំណងមិត្តភាព និងសហប្រតិបត្តិការលើវិស័យជាច្រើន មានដូចជា វិស័យអប់រំ សុខាភិបាល វប្បធម៌ កសិកម្ម ពាណិជ្ជកម្ម និងទំនាក់ទំនងលើឆាកអន្តរជាតិជាដើម៕ អត្ថបទ៖ បាន ចក់

កូរ៉េខាងត្បូង និងអាមេរិកធ្វើសមយុទ្ធបាញ់មីស៊ីលតវ៉ាទៅនឹងការបាញ់មីស៊ីលរបស់កូរ៉េខាងជើង

កូរ៉េខាងត្បូង៖ យោធាកូរ៉េខាងត្បូង និងសហរដ្ឋអាមេរិកបានបាញ់មីស៊ីលពីផ្ទៃដីទៅផ្ទៃដី នៅព្រឹកថ្ងៃពុធនេះម៉ោងក្នុងតំបន់ ដើម្បីឆ្លើយតបទៅនឹងការបង្កហេតុដោយការបាញ់មីស៊ីលបាលីស្ទីកចុងក្រោយបំផុត របស់ប្រទេសកូរ៉េខាងជើង។ ក្រសួងការពារជាតិកូរ៉េខាងត្បូងបាននិយាយថា យោធាបានបាញ់ប្រព័ន្ធមីស៊ីលនៃយុទ្ធវិធីកងទ័ព (ATACMS) សរុបចំនួន ៤គ្រាប់ចូលទៅកាន់សមុទ្រខាងកើត។ យោធានិយាយថា សមយុទ្ធបាញ់គ្រាប់ពិតនេះគឺមានគោលបំណង បង្ហាញពីសមត្ថភាពវាយប្រហារស៊ីបគោលដៅប្រឆាំងកូរ៉េខាងជើង។ កូរ៉េខាងជើងបានសាកល្បងសព្វាវុធរយៈចម្ងាយឆ្ងាយបំផុតរបស់ខ្លួនមិនធ្លាប់មានកាលពីថ្ងៃអង្គារ ជាមីស៊ីលបាលីស្ទីកមានសមត្ថភាពបំពាក់ក្បាលគ្រាប់នុយក្លេអ៊ែរដែលបានហោះលើប្រទេសជប៉ុន ហើយអាចទៅដល់ដែនដីកោះហ្គាំសមុទ្រប៉ាស៊ីហ្វិករបស់សហរដ្ឋអាមេរិក និងហួសពីនេះ ដោយបង្ខំឱ្យរដ្ឋាភិបាលជប៉ុនចេញការប្រកាសជូនដំណឹងអំពីការជម្លៀស និងផ្អាកសេវារថភ្លើង។អ្នកជំនាញមួយចំនួនបាននិយាយថា ការបាញ់មីស៊ីលរបស់កូរ៉េខាងជើងគឺជាការបង្ហាញអាវុធបង្កហេតុបំផុតរបស់ខ្លួននៅឆ្នាំនេះ ខណៈប្រទេសនេះជំរុញឱ្យបង្កើតឃ្លាំងអាវុធនុយក្លេអ៊ែរពេញលេញ មានសមត្ថភាពអាចគំរាមដល់ដីគោករបស់សហរដ្ឋអាមេរិក និងសម្ព័ន្ធមិត្ត។ ជាមួយគ្នានេះកងកម្លាំងទ័ពអាកាសកូរ៉េខាងត្បូង និងសហរដ្ឋអាមេរិកបានធ្វើសមយុទ្ធដែនអាកាសកាលពីថ្ងៃអង្គារ ដើម្បីឆ្លើយតបទៅនឹងការបាញ់មីស៊ីលបាលីស្ទីកចុងក្រោយបំផុត របស់កូរ៉េខាងជើង។ នាយសេនាធិការចម្រុះបាននិយាយថា យន្តហោះចម្បាំង F-15K ចំនួន ៤គ្រឿងរបស់កូរ៉េខាងត្បូង និងយន្តហោះ F-16 ចំនួន ៤គ្រឿងរបស់សហរដ្ឋអាមេរិកបានចូលរួមក្នុងសមយុទ្ធនេះ។ នៅក្នុងសមយុទ្ធទម្លាក់គ្រាប់បែក យន្តហោះចម្បាំង F-15K បានទម្លាក់គ្រាប់បែក JDAM ចំនួន ២គ្រាប់នៅលើគោលដៅមួយនៅលើកោះ Jikdo ដែលគ្មានមនុស្សរស់នៅនៅសមុទ្រភាគខាងលិច៕អត្ថបទ៖ ប៊ុនថន

រុស្ស៊ីបាត់បង់ដែនដីកាន់តែច្រើននៅអ៊ុយក្រែន ក្រោយការដណ្ដើមបាន ខណៈព្យាយាមដាក់បញ្ចូលជាឧបសម្ព័ន្ធ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា យោធារបស់ប្រទេសលោកបានវាយរុលទៅមុខយ៉ាងឆាប់រហ័សប្រឆាំងនឹងកងកម្លាំងរុស្ស៊ី និងបានរំដោះទីប្រជុំជនរាប់សិបកន្លែងក្នុងភាគខាងត្បូង និងខាងកើតកាលពីសប្ដាហ៍មុន។ ខណៈលោកប្រធានាធិបតី Vladimir Putin បានបាត់បង់ដែនដីកាន់តែច្រើន ដែលលោកកំពុងព្យាយាមដាក់បញ្ចូលក្នុងឧបសម្ព័ន្ធ រដ្ឋាភិបាលរបស់លោកកាលពីថ្ងៃអង្គារបានព្យាយាម បញ្ចប់ការប្រកាសរបស់ខ្លួនសម្រាប់តំបន់៤ របស់អ៊ុយក្រែន ដោយបច្ចុប្បន្ននេះពុំមានតំបន់ណាមួយត្រូវបានគ្រប់គ្រងទាំងស្រុង ដោយទាហានរុស្ស៊ីទៀតទេ។ សភាជាន់ខ្ពស់នៃអង្គនិតិបញ្ញត្តិរបស់រុស្ស៊ីដែលជាក្រុមប្រឹក្សាសហព័ន្ធ កាលពីថ្ងៃអង្គារបានអនុម័តសេចក្ដីសម្រេចក្នុងការដាក់បញ្ចូលជាឧបសម្ព័ន្ធ នៃដែនដីរបស់អ៊ុយក្រែនមានតំបន់ Donetsk Kherson Luhansk និង Zaporizhzhia ដែលជាការផ្គើនទៅនឹងច្បាប់អន្តរជាតិ និងមានឡើងមួយថ្ងៃបន្ទាប់ពីសភាជាន់ទាបបានអនុម័តដូចគ្នានេះ។ ទោះយ៉ាងណាក៏ដោយយោធាទីក្រុង Kyiv នៅតែបន្តវាយរុលទៅមុខ ចូលក្នុងតំបន់មួយចំនួនដែលពេលនេះរុស្ស៊ីអះអាងថា ជាដែនដីរបស់ខ្លួន៕អត្ថបទ៖ សុខមាន

ប៉ាគីស្ថានអស់ថវិកាសម្រាប់ស្រោចស្រង់ប្រទេសក្រោយទឹកជំនន់ ខណៈ UN ស្នើជំនួយបន្ថែម

ប៉ាគីស្ថាន៖ រដ្ឋមន្ត្រីទទួលបន្ទុកបម្រែបម្រួលអាកាសធាតុរបស់ប្រទេសប៉ាគីស្ថាន បាននិយាយកាលពីថ្ងៃអង្គារថា ប្រទេសនេះអស់ថវិកាសម្រាប់ចំណាយលើការស្រោចស្រង់ប្រទេសឡើងវិញ ពីទឹកជំនន់ដ៏មហន្តរាយនាពេលថ្មីៗនេះ ដោយជំរុញឲ្យមានជំនួយអន្តរជាតិបន្ទាន់នៅអង្គការសហប្រជាជាតិ ខណៈមូលនិធិចាំបាច់របស់ប្រទេសនេះត្រូវបានបង្កើនដល់ចំនួន ៥ដង។ អង្គការសហប្រជាជាតិបានអំពាវនាវឲ្យមានការផ្ដល់ជំនួយមនុស្សធម៌បន្ថែម សម្រាប់ការចំណាយលើស ៥ដងរបស់របស់ប៉ាគីស្ថានរហូតដល់ ៨១៦លានដុល្លារអាមេរិក ពីកញ្ចប់ថវិកាដែលធ្លាប់ចំណាយត្រឹមតែ ១៦០លានដុល្លារអាមេរិក ខណៈជំងឺកើតចេញពីទឹក និងក្ដីបារម្ភពីភាពអត់ឃ្លានបង្កឲ្យមានគ្រោះថ្នាក់ថ្មីទៀត បន្ទាប់ពីទឹកជំនន់ដ៏មហន្តរាយមិនធ្លាប់មានរយៈពេលប៉ុន្មានសប្ដាហ៍មកនេះ បណ្ដាលមកពីបម្រែបម្រួលអាកាសធាតុ។ មនុស្សជាង ៧លាននាក់ត្រូវបានជម្លៀសចេញពីលំនៅឋាន។រដ្ឋមន្ត្រីក្រសួងសេដ្ឋកិច្ចប៉ាគីស្ថានលោក Ayaz Sadiq បានប្រាប់កិច្ចប្រជុំនៅអង្គការសហប្រជាជាតិថា ប្រទេសនេះនឹងត្រូវការពេលជាច្រើនឆ្នាំទៀតដើម្បីស្ថាបនាឡើងវិញ និងជួយស្ដារកាយនីតិសម្បទាដល់មនុស្សរាប់លាននាក់ ដែលលំនៅឋានរបស់ពួកគេត្រូវបានបំផ្លាញដោយសារទឹកជំនន់។ ទឹកជំនន់បណ្ដាលមកពីភ្លៀងមូសុងខុសពីធម្មតា និងការរលាយដុំទឹកកក បានជន់លិចផ្ទៃដីដ៏ធំរបស់ប្រទេសស្ថិតនៅតំបន់អាស៊ីខាងត្បូងមួយនេះ និងបានសម្លាប់មនុស្សជិត ១,៧០០នាក់ភាគច្រើនជាស្ត្រី និងកុមារ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីអ៊ីតាលី៖ លោក Trump ប្រឌិតរឿងទាំងស្រុង ដែលថាលោកស្រីបានអង្វរសុំលោកថតរូបជាមួយ

បេសកជនអ៊ីស្រាអែល និងមន្ត្រីអង្គការសហប្រជាជាតិប៉ះពាក្យសម្តីគ្នាក្នុងសវនាការស្តីពីកុមារក្នុងជម្លោះ

អនុប្រធានាធិបតីអាមេរិក លោក JD Vance៖ ការចរចាជាមួយអ៊ីរ៉ង់អាចប៉ះពាល់ដល់ការកើនឡើងផ្នែកនយោបាយ

បេសកជនរបស់លោក Trump ធ្វើដំណើរទៅកាន់ប្រទេសស្វីសសម្រាប់ការចរចារវាងអាមេរិក និងអ៊ីរ៉ង់

ក្រសួងបរិស្ថានសម្រេចជ្រើសរើសសហគមន៍តំបន់ការពារធម្មជាតិ នៅខេត្តពោធិ៍សាត់ ធ្វើជាគំរូដំបូងគេដាំស្មៅយក្ស

សមត្ថកិច្ចចុះត្រួតពិនិត្យ៤ទីតាំង ក្នុងក្រុងប៉ោយប៉ែតរកឃើញជនបរទេសស្នាក់នៅជាង១០០នាក់ ដែលកំពុងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា

ជនជាតិវៀតណាមចំនួន ៩៨នាក់ ព័ន្ធករណីOnline Scams ត្រូវបានបណ្ដេញចេញពីកម្ពុជា

ភ្ញៀវអន្តរជាតិជាង ១០០ប្រទេស លៀងសាយភោជន៍នៅព្រះលានជល់ដំរី ក្នុងថ្ងៃបិទបញ្ចប់មហាសន្និបាតកាយឫទ្ធិនារីពិភពលោក

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីកម្មវិធី “រាត្រីកម្ពុជា”

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន បានអញ្ជើញបើកសន្និសីទ «ចក្ខុវិស័យប្រទេសកម្ពុជាឆ្នាំ២០២២»

អ៊ុយក្រែនស្ដីបន្ទោសសហភាពអឺរ៉ុបចំពោះការពន្យារពេលផ្ដល់ជំនួយផ្នែកសេដ្ឋកិច្ច

កុមារច្រើននាក់ស្លាប់ ខណៈគ្រោះរាំងស្ងួតនៅប្រទេសសូម៉ាលីនឹងនាំមកនូវគ្រោះទុរ្ភិក្ស

ក្រុមសង្គ្រោះធ្វើដំណើរពីផ្ទះមួយទៅផ្ទះមួយនៅរដ្ឋ Florida ស្វែងរកអ្នកនៅរស់បន្ទាប់ពីព្យុះ Ian

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយមេបញ្ជាការកងទ័ពជើងគោកហ្វីលីពីន

រុស្ស៊ីនិយាយថា ទាហានបម្រុង ២សែននាក់ត្រូវបានជ្រើសរើសសម្រាប់សង្គ្រាមនៅអ៊ុយក្រែន

សម្តេចតេជោ ហ៊ុន សែន ថ្កោលទោសកូរ៉េខាងជើងក្រោយប្រទេសនេះបាញ់មីស៊ីលឆ្លងកាត់ប្រទេសជប៉ុន

កូរ៉េខាងត្បូង និងអាមេរិកធ្វើសមយុទ្ធបាញ់មីស៊ីលតវ៉ាទៅនឹងការបាញ់មីស៊ីលរបស់កូរ៉េខាងជើង

រុស្ស៊ីបាត់បង់ដែនដីកាន់តែច្រើននៅអ៊ុយក្រែន ក្រោយការដណ្ដើមបាន ខណៈព្យាយាមដាក់បញ្ចូលជាឧបសម្ព័ន្ធ

ប៉ាគីស្ថានអស់ថវិកាសម្រាប់ស្រោចស្រង់ប្រទេសក្រោយទឹកជំនន់ ខណៈ UN ស្នើជំនួយបន្ថែម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន បានអញ្ជើញបើកសន្និសីទ «ចក្ខុវិស័យប្រទេសកម្ពុជាឆ្នាំ២០២២»

អ៊ុយ​ក្រែ​ន​ស្ដីបន្ទោស​សហភាព​អឺរ៉ុប​ចំពោះ​ការ​ពន្យារពេល​ផ្ដល់​ជំនួយ​ផ្នែក​សេដ្ឋកិច្ច​

កុមារ​ច្រើន​នាក់​ស្លាប់ ខណៈ​គ្រោះ​រាំងស្ងួត​នៅ​ប្រទេស​សូ​ម៉ាលី​នឹង​នាំមក​នូវ​គ្រោះ​ទុរ្ភិក្ស​

ក្រុម​សង្គ្រោះ​ធ្វើដំណើរ​ពី​ផ្ទះ​មួយ​ទៅផ្ទះ​មួយ​នៅ​រដ្ឋ Florida ស្វែងរក​អ្នក​នៅ​រស់​បន្ទាប់ពី​ព្យុះ Ian

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយមេបញ្ជាការកងទ័ពជើងគោកហ្វីលីពីន

រុស្ស៊ី​និយាយថា ​ទាហាន​បម្រុង ២​សែន​នាក់​ត្រូវ​បាន​ជ្រើសរើស​សម្រាប់​សង្គ្រាម​នៅ​អ៊ុយ​ក្រែ​ន​

សម្តេចតេជោ ហ៊ុន សែន ថ្កោល​ទោស​កូរ៉េខាងជើង​ក្រោយប្រទេស​នេះ​បាញ់​មីស៊ីល​ឆ្លងកាត់​ប្រទេស​ជប៉ុន

កូរ៉េខាងត្បូង និងអាមេរិក​ធ្វើ​សមយុទ្ធ​បាញ់​មីស៊ីល​តវ៉ា​ទៅ​នឹង​ការបាញ់​មីស៊ីល​របស់​កូរ៉េខាងជើង

ប៉ា​គី​ស្ថាន​អស់​ថវិកា​សម្រាប់​ស្រោចស្រង់​ប្រទេស​ក្រោយ​ទឹកជំនន់ ខណៈ UN ស្នើ​ជំនួយ​បន្ថែម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ុយក្រែនស្ដីបន្ទោសសហភាពអឺរ៉ុបចំពោះការពន្យារពេលផ្ដល់ជំនួយផ្នែកសេដ្ឋកិច្ច

កុមារច្រើននាក់ស្លាប់ ខណៈគ្រោះរាំងស្ងួតនៅប្រទេសសូម៉ាលីនឹងនាំមកនូវគ្រោះទុរ្ភិក្ស

ក្រុមសង្គ្រោះធ្វើដំណើរពីផ្ទះមួយទៅផ្ទះមួយនៅរដ្ឋ Florida ស្វែងរកអ្នកនៅរស់បន្ទាប់ពីព្យុះ Ian

រុស្ស៊ីនិយាយថា ទាហានបម្រុង ២សែននាក់ត្រូវបានជ្រើសរើសសម្រាប់សង្គ្រាមនៅអ៊ុយក្រែន

សម្តេចតេជោ ហ៊ុន សែន ថ្កោលទោសកូរ៉េខាងជើងក្រោយប្រទេសនេះបាញ់មីស៊ីលឆ្លងកាត់ប្រទេសជប៉ុន

កូរ៉េខាងត្បូង និងអាមេរិកធ្វើសមយុទ្ធបាញ់មីស៊ីលតវ៉ាទៅនឹងការបាញ់មីស៊ីលរបស់កូរ៉េខាងជើង

ប៉ាគីស្ថានអស់ថវិកាសម្រាប់ស្រោចស្រង់ប្រទេសក្រោយទឹកជំនន់ ខណៈ UN ស្នើជំនួយបន្ថែម