BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

តុលាការខ្មែរក្រហម នឹងប្រកាសសាលដីកាបណ្តឹងសាទុក្ខ លោក ខៀវ សំផន នៅថ្ងៃទី២២ ខែកញ្ញា

ភ្នំពេញ៖ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ឬហៅថាតុលាការខ្មែរក្រហម នឹងប្រកាសសាលាដីកាជុំវិញបណ្តឹងសាទុក្ខអតីតប្រមុខរដ្ឋនៃរបបប្រជាធិបតេយ្យកម្ពុជា លោក ខៀវ សំផន ក្នុងសំណុំរឿង០០២/០២ នៅថ្ងៃទី២២ ខែកញ្ញា ឆ្នាំ២០២២។ អង្គជំនុំជម្រះសាលាដំបូងនៃតុលាការខ្មែរក្រហម កាលពីថ្ងៃទី១៦ ខែវិច្ឆិកា ឆ្នាំ២០១៨ បានកាត់ទោស លោក ខៀវ សំផន ឱ្យជាប់គុកអស់មួយជីវិត ពីបទប្រព្រឹត្តអំពើប្រល័យពូជសាសន៍ប្រឆាំងនឹងជនជាតិវៀតណាម,ឧក្រិដ្ឋកម្មប្រឆាំងមនុស្សជាតិ និងការបំពារបំពានយ៉ាងធ្ងន់ធ្ងរលើអនុសញ្ញាក្រុងហ្សឺណែវ៕

ចក្រភពអង់គ្លេស និងពិភពលោកគោរពព្រះវិញ្ញាណក្ខន្ធ និងលាចុងក្រោយចំពោះព្រះមហាក្សត្រី Elizabeth ទីII

អង់គ្លេស៖ ចក្រភពអង់គ្លេស និងពិភពលោកបាននិយាយលាចុងក្រោយចំពោះមហាក្សត្រី Elizabeth ទីII នៅព្រះរាជពិធីបុណ្យសពកាលពីថ្ងៃចន្ទដែលមានការចូលរួមពីបណ្ដាប្រធានាធិបតី ព្រះមហាក្សត្រ ព្រះអង្គម្ចាស់ និងនាយករដ្ឋមន្ត្រី ព្រមទាំងពលរដ្ឋសាមញ្ញទូទៅដែលបានចេញប្រមូលផ្ដុំតាមដងផ្លូវនៃទីក្រុងឡុងដ៍ ដើម្បីគោរពវិញ្ញាណក្ខន្ធដល់ព្រះមហាក្សត្រីដែលបានឡើងគ្រងរាជសម្បត្តិរយៈពេល ៧០ឆ្នាំ។ សមាជិកគ្រួសាររាជវង្សបានហែអមយ៉ាងស្ងៀមស្ងាត់ នៅពីក្រោយក្រុមអ្នកសែងព្រះមជ្ឈូសាតុបតែងដោយមកុដចក្រភព ភូគោលមាស និងដំបងរាជ្យ។ បណ្ដាមេដឹកនាំពិភពលោក និងរាជវង្សបរទេសបានចូលរួមជាមួយព្រះមហាក្សត្រ Charles ទីIII ហើយសមាជិកគ្រួសាររាជវង្សស្ថិតក្នុងចំណោមអ្នកហែហមមជ្ឈូសារបស់មហាក្សត្រីនៅព្រះវិហារ Westminster Abbey។ ព្រះមជ្ឈូសារបស់មហាក្សត្រី Elizabeth ទីII ត្រូវបានដាក់ចុះក្នុងសាលបញ្ចុះនៅព្រះរាជដំណាក់ St George's Chapel ក្នុងព្រះរាជវាំង Windsor ក្រោយពិធីបុណ្យព្រះសពកាលពីថ្ងៃចន្ទ ទី១៩ ខែកញ្ញា។ ព្រះសពរបស់ព្រះមហាក្សត្រីត្រូវបានបញ្ចុះនៅជាមួយព្រះសា្វមីរបស់ទ្រង់គឺព្រះអង្គម្ចាស់ Philip នៅក្នុងពិធីបួងសួងជាលក្ខណៈឯកជនក្នុងព្រះរាជដំណាក់ Windsor។ កាណុងកាំភ្លើងត្រូវបានបាញ់ ហើយកណ្ដឹងត្រូវបានរោរិ៍ ខណៈដែលព្រះមជ្ឈូសារបស់ព្រះមហាក្សត្រី Elizabeth ទីII ត្រូវបានដង្ហែនៅតាមមហាវិថី The Mall ក្នុងទីក្រុងឡុដ៍ ជាផ្នែកមួយនៃកម្មវិធីបុណ្យព្រះសពរបស់ទ្រង់។ក្រុមអ្នកកាន់ទុក្ខរាប់រយនាក់បានឈរតម្រង់ជួរនៅតាមដងផ្លូវនានា ខណៈព្រះមជ្ឈូសាត្រូវបានដង្ហែទៅកាន់ព្រះរាជវាំង Windsor ជាទីដែលព្រះសពរបស់ទ្រង់ត្រូវបានបញ្ចុះ។ ក្រុមអ្នកកាន់មរណទុក្ខចុងក្រោយបានឈរតម្រង់ជួគោរពព្រះវិញ្ញាណក្ខន្ធនៅព្រះមជ្ឈូសារបស់ព្រះមហាក្សត្រី Queen Elizabeth ទីII កាលពីព្រឹកព្រលឹមថ្ងៃចន្ទ។ មនុស្សរាប់រយនាក់នៅខាងក្រៅព្រះរាជដំណាក់ Windsor បានប្រមូលផ្ដុំគ្នាកាលពីព្រឹកព្រលឹមថ្ងៃចន្ទ ដោយស៊ូទ្រាំនឹងអាកាសធាតុត្រជាក់ និងភ្លៀងធ្លាក់ ដើម្បីចាប់កន្លែងល្អៗសម្រាប់ពិធីបុណ្យព្រះសពរបស់មហាក្សត្រី Elizabeth។ ចំណែកនៅខាងក្រៅចក្រភពអង់គ្លេសវិញគឺនៅទីក្រុង Hong Kong កាលពីយប់ថ្ងៃចន្ទ មនុស្សរាប់រយនាក់បានប្រមូលផ្ដុំគ្នានៅខាងក្រៅស្ថានកុងស៊ុលចក្រភពអង់គ្លេស ដើម្បីមើលពិធីបុណ្យព្រះសពព្រះមហាក្សត្រី Elizabeth II។ មនុស្សនៅតែបន្តទៅកាន់ទីនោះដើម្បីគោរពវិញ្ញាណក្ខន្ធដោយដាក់ផ្កា អុជទៀន និងបើកភ្លើងឧបករណ៍អេឡិចត្រូនិករបស់ពួកគេផងដែរ។រីឯនៅប្រទេសនេប៉ាល់ ព្រះសង្ឃកាន់សាសនាព្រះពុទ្ធជាច្រើនអង្គ បានរៀបចំពិធីកម្មសាសនាបួងសួងពិសេសក្នុងវត្តមួយនៅទីក្រុង Kathmandu កាលពីថ្ងៃចន្ទដើម្បីគោរពព្រះវិញ្ញាណក្ខន្ធព្រះមហាក្សត្រី Elizabeth ទីII។ នៅក្នុងទីប្រជុំជន Kibera នៃរដ្ឋធានី Nairobi របស់ប្រទេសកេនយ៉ា មនុស្សម្នាជាច្រើនបានប្រមូលផ្ដុំគ្នានៅមុខទូរទស្សន៍កាលពីថ្ងៃចន្ទ ដើម្បីមើលព្រះរាជពិធីបុណ្យរបស់អតីតព្រះមហាក្សត្រីចក្រភពអង់គ្លេស Elizabeth II៕អត្ថបទ៖ សុខមាន

សម្តេចពិជ័យសេនា ទៀ បាញ់ ៖ ក្រសួងការពារជាតិកម្ពុជា គាំទ្រយ៉ាងពេញទំហឹងចំពោះគោលការណ៍ចិនតែមួយ មិនថាកាលៈទេសៈណានោះឡើយ

កំពង់ឆ្នាំង៖ សម្តេចពិជ័យសេនាទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានថ្លែងអះអាងជាថ្មីម្តងទៀតថា ក្រសួងការពារជាតិកម្ពុជាគាំទ្រយ៉ាងពេញទំហឹងចំពោះគោលការណ៍ចិនតែមួយ មិនថាកាលៈទេសៈណានោះឡើយ។ថ្លែងក្នុងពិធីប្រគល់-ទទួលរថយន្ត និងសម្ភារយោធាមួយចំនួនធំ ដែលជាជំនួយឥតសំណងរបស់ក្រសួងការពារជាតិ នៃសាធាររដ្ឋប្រជាមានិតចិន ជូនក្រសួងការពារជាតិកម្ពុជា នៅមជ្ឈមណ្ឌលហ្វឹកហ្វឺន កងរាជអាវុធហត្ថភ្នំជុំរីករាយ ស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី២០ ខែកញ្ញា ឆ្នាំ២០២២នេះ សម្តេចពិជ័យសេនាទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានថ្លែងថា រាល់ជំនួយឥតសំណងរបស់ភាគីចិន បានផ្តល់ជូនដល់កងទ័ពកម្ពុជា គឺជាសក្ខីកម្មមួយឆ្លុះបញ្ចាំងអំពីទំនាក់ទំនងរវាងកងទ័ពកម្ពុជា និងចិនឲ្យកាន់តែខ្លាំងក្លាបន្ថែមទៀត។គួរបញ្ជាក់ថា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំកម្ពុជា អញ្ជើញជាអធិបតីភាពក្នុងពិធីប្រគល់-ទទួលរថយន្ត និងសម្ភារយោធាមួយចំនួនធំ ដែលជាជំនួយឥតសំណងរបស់ក្រសួងការពារជាតិ នៃសាធាររដ្ឋប្រជាមានិតចិន ជូនក្រសួងការពារជាតិកម្ពុជា នៅមជ្ឈមណ្ឌលហ្វឹកហ្វឺន កងរាជអាវុធហត្ថភ្នំជុំរីករាយ ស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី២០ ខែកញ្ញា ឆ្នាំ២០២២នេះ។

នាយករដ្ឋមន្ត្រីហុងគ្រីនិយាយថា ជម្លោះអ៊ុយក្រែនអាចបន្តរហូតដល់ឆ្នាំ២០៣០

ហុងគ្រី៖ លោកនាយករដ្ឋមន្ត្រីហុងគ្រី Viktor Orban បាននិយាយថា ដោយយោងតាមវិទ្យុអឺរ៉ុបសេរី (RFE/RL) គ្រប់គ្រងដោយរដ្ឋរបស់សហរដ្ឋអាមេរិក ជម្លោះអ៊ុយក្រែនអាចបន្តរហូតដល់ឆ្នាំ២០៣០។ លោក Orban ត្រូវគេរាយការណ៍បានថ្លែងបែបនេះកាលពីមួយសប្ដាហ៍មុន នៅឯកិច្ចប្រជុំបិទទ្វារពាក់ព័ន្ធនឹងគណៈបក្សកាន់អំណាច Fidesz របស់លោក ដោយព័ត៌មានលម្អិតនោះពេលនេះកំពុងត្រូវបានបែកធ្លាយដល់ប្រព័ន្ធផ្សព្វផ្សាយ។ វិទ្យុអឺរ៉ុបសេរី (RFE/RL) បានរាយការណ៍កាលពីថ្ងៃសុក្រ ដោយសំអាងប្រភពពីក្រុមអ្នកចូលរួមកិច្ចប្រជុំក្នុងភូមិ Kotcse កាលពីថ្ងៃទី១០ ខែកញ្ញាថា មេដឹកនាំហុងគ្រីរូបនេះបានប្រាប់ក្រុមអ្នកគាំទ្ររបស់លោកថា លោកជឿថា អ៊ុយក្រែនអាចបាត់បង់ទឹកដីចន្លោះពី ១ភាគ៣ និងពាក់កណ្ដាលនៃដែនដីរបស់ខ្លួនដោយសារតែជម្លោះជាមួយរុស្ស៊ី។ លោក Orban បានព្រមានថា ការវាយប្រយុទ្ធគ្នារវាងទីក្រុង Moscow និងទីក្រុង Kiev ដែលត្រូវបានជួយជ្រោមជ្រែងដោយសហរដ្ឋអាមេរិក និងសហភាពអឺរ៉ុប និងប្រទេសផ្សេងទៀតអាចបន្តដល់ឆ្នាំ២០៣០។ លោកនាយករដ្ឋមន្ត្រីរូបនេះបាននិយាយថា វិបត្តិនៅអ៊ុយក្រែនបានចាប់ផ្ដើមឡើងដោយជម្លោះក្នុងតំបន់ ប៉ុន្តែពាក់ព័ន្ធនឹងលោកខាងលិចដែលធ្វើឲ្យជម្លោះនេះក្លាយជាបញ្ហាសកល៕អត្ថបទ៖ សុខមាន

រញ្ជួយដីកម្រិត ៦.៨រិចទ័រវាយប្រហារភាគអាគ្នេយ៍កោះតៃវ៉ាន់បណ្ដាលឲ្យមនុស្ស ១៤៦នាក់រងរបួស

កោះតៃវ៉ាន់៖ រញ្ជួយដីដ៏ខ្លាំងបានធ្វើឲ្យរញ្ជួយតំបន់ភាគច្រើននៅកោះតៃវ៉ាន់កាលពីថ្ងៃអាទិត្យ ដោយបានបណ្តាលឲ្យអគារកម្ពស់ ៣ជាន់បាក់រលំ និងបានធ្វើឲ្យមនុស្ស ៤នាក់ជាប់នៅខាងក្នុង ព្រមទាំងបានធ្វើឲ្យភ្ញៀវទេសចរប្រមាណ ៤០០នាក់ជាប់គាំងនៅតំបន់ភ្នំ។ ការិយាល័យអាកាសធាតុកោះតៃវ៉ាន់បាននិយាយថា រញ្ជួយដីនេះមានជម្រៅ ៧.៣គីឡូម៉ែត្រដោយមានចំណុចកណ្តាលរបស់វានៅក្នុងតំបន់ Taitung។ ស្នងការតំបន់ Taitung លោកស្រី April Yao បានសរសេរនៅលើបណ្តាញសង្គម Facebook របស់លោកស្រីថា រញ្ជួយដីនេះមានកម្លាំងខ្លាំង ខណៈទីភ្នាក់ងារព័ត៌មានកណ្តាលបានបង្ហាញរូបភាព ទំនិញបានរង្គើធ្លាក់ចេញពីធ្នើរនៅក្នុងហាង។ លំនៅឋានច្រើនជាង ៧ពាន់ខ្នងត្រូវបានរាយការណ៍ថា គ្មានអគ្គិសនីប្រើប្រាស់ក្នុងតំបន់ Yuli ហើយទុយយោទឹកត្រូវបានបំផ្លាញ។ការិយាល័យអាកាសធាតុនិយាយថា រញ្ជួយដីអាចកើតឡើងនៅពាសពេញកោះតៃវ៉ាន់។ អគារនានាបានរញ្ជួយរយៈពេលខ្លីក្នុងទីក្រុងតៃប៉ិ ខណៈមួយចំនួនបាក់រលំ។ កាលពីឆ្នាំ២០១៦ មនុស្សជាង ១០០នាក់បានស្លាប់ដោយការរញ្ជួយដីនៅភាគខាងត្បូងកោះតៃវ៉ាន់ ហើយរញ្ជួយដីកម្រិត ៧.៣រ៉ិចទ័រកាលពីឆ្នាំ១៩៩៩ បណ្តាលឲ្យមនុស្សជាង ២,០០០នាក់ស្លាប់៕អត្ថបទ៖ ប៊ុនថន

ព្យុះទីហ្វុង Nanmadol ប៉ះពាល់ដល់ចរាចរណ៍ក្នុងតំបន់នៅប្រទេសជប៉ុន

ជប៉ុន៖ ព្យុះទីហ្វុង Nanmadol ដែលបានបក់បោកមកដល់កោះ Kyushu របស់ប្រទេសជប៉ុនកាលពីរសៀលថ្ងៃអាទិត្យបានប៉ះពាល់ដល់ចរាចរណ៍ក្នុងតំបន់ និងបណ្តាលឲ្យបិទហាងទំនិញ។ នៅទីក្រុង Kumanoto ព្យុះទី១៤ នៅឆ្នាំនេះបានបញ្ឈប់សេវាកម្មរថភ្លើងល្បឿនលឿន Shinkansen ទៅកាន់ទីក្រុង Kagoshima និងបានផ្អាករថភ្លើងល្បឿនលឿន Shinkansen ទៅក្រុង Hakata នៃខេត្ត Fukuoka ចាប់កាលពីរសៀលថ្ងៃអាទិត្យ។ ពលរដ្ឋក្នុងតំបន់និយាយថា ខ្ញុំមានគម្រោងត្រលប់ទៅទីក្រុង Nagoya វិញពីទីនេះ ប៉ុន្តែជើងហោះហើរទាំងអស់ត្រូវបានលុបចោល ដូច្នេះខ្ញុំត្រូវជិះរថភ្លើង Shinkansen។ ពេលដំបូងខ្ញុំនឹងជិះរថយន្តក្រុងត្រលប់ទៅវិញ ប៉ុន្តែរថយន្តក្រុងទាំងអស់ពុំមានបម្រើសេវាកម្មឡើយ ដូច្នេះខ្ញុំត្រូវជិះរថភ្លើង Shinkansen ទៅកាន់ទីក្រុង Hakata។ ខ្ញុំបានដឹងថា ព្យុះទីហ្វុងនឹងបក់ឆ្ពោះទៅកាន់តំបន់ Kanto ហើយវាមានកម្លាំងខ្លាំង ដូច្នេះខ្ញុំគិតថាវាគួឲ្យព្រួយបារម្ភ។ ពលរដ្ឋនិយាយថា ប្រជាជនបានរងផលប៉ះពាល់ដោយព្យុះទីហ្វុង មជ្ឈមណ្ឌលពាណិជ្ជកម្ម និងភោជនីយដ្ឋាននៅទីក្រុង Kumanoto ត្រូវបានបិទជាបណ្តោះអាសន្ន ហើយហាងទំនិញមួយចំនួនអស់ទំនិញផ្គត់ផ្គង់។ ព្យុះទីហ្វុងដ៏មានឥទ្ធិពលមួយនេះបានបោកបក់ទៅកាន់តំបន់ភាគខាងត្បូងប្រទេសជប៉ុន ដោយមានខ្យល់បក់ និងភ្លៀងធ្លាក់ខ្លាំងកាលពីថ្ងៃអាទិត្យ បណ្តាលឱ្យដាច់ចរន្តអគ្គិសនី និងធ្វើឲ្យរាំងស្ទះដល់ការដឹកជញ្ជូនតាមផ្លូវគោក និងផ្លូវអាកាស ព្រមទាំងមានការជម្លៀសមនុស្សរាប់ពាន់នាក់៕អត្ថបទ៖ ប៊ុនថន

មេដឹកនាំពិភពលោក និងរាជវង្សបានមកដល់ចក្រភពអង់គ្លេសចូលរួមបុណ្យព្រះសពម្ចាស់ក្សត្រី

អង់គ្លេស៖ មេដឹកនាំពិភពលោក និងឥស្សរជនបានមកដល់ព្រះរាជវាំង Buckingham ដែលត្រូវបានរៀបចំទទួលដោយមហាក្សត្រ Charles III។ ក្នុងចំណោមភ្ញៀវមកចូលរួមមានរាជវង្សមកពីអឺរ៉ុប រួមមានមហាក្សត្រ Felipe របស់ប្រទេសអេស្បាញ, ម្ចាស់ក្សត្រីប្រទេសដាណឺម៉ាក Margrethe II ជាមួយនឹងព្រះរាជបុត្រាគឺព្រះអង្គម្ចាស់ Frederik និងគ្រួសាររាជវង្សប្រទេសហូឡង់។ ប្រធានាធិបតីសហរដ្ឋអាមេរិកលោក Joe Biden និងស្ត្រីទី១ លោកស្រី Jill Biden បានចុះហត្ថលេខាលើសៀវភៅរំលែកទុក្ខជាផ្លូវការដើម្បីគោរពដល់ម្ចាស់ក្សត្រី Elizabeth។ លោកប្រធានាធិបតី និងស្ត្រីទី១ ស្ថិតក្នុងចំណោមមានចាប់ពីប្រជាជនក្នុងតំបន់ និងភ្ញៀវទេសចររហូតដល់មេដឹកនាំពិភពលោក ដែលចូលមកគោរពព្រះវិញ្ញាណក្ខន្ធនៅអគារ Westminster Hall ជាកន្លែងដែលព្រះសពរបស់ម្ចាស់ក្សត្រីដាក់តម្កល់នៅទីនោះ។ប្រធានាធិបតីបារាំងលោក Emmanuel Macron និងស្ត្រីទី១ លោកស្រី Brigitte Macron បានគោរពវិញ្ញាណក្ខន្ធម្ចាស់ក្សត្រី Elizabeth II នៅទីក្រុងឡុងដ៍កាលពីថ្ងៃអាទិត្យ។ ប្រធានាធិបតីបារាំង និងស្ត្រីទី១ បានស្ថិតនៅក្នុងអគារ Westminster Hall ខណៈអ្នកកាន់ទុក្ខបានតម្រង់ជួរឆ្លងកាត់ព្រះមជ្ឈូសា ដើម្បីគោរពព្រះវិញ្ញាណក្ខន្ធព្រះមហាក្សត្រី។ ឥស្សរជនបរទេសបានបន្តគោរពព្រះវិញ្ញាណក្ខន្ធម្ចាស់ក្សត្រី Elizabeth II ខណៈបានចុះហត្ថលេខាលើសៀវភៅរំលែកទុក្ខជាផ្លូវការ។ មេដឹកនាំមកពីជុំវិញពិភពលោកបានធ្វើដំណើរមកកាន់ទីក្រុងឡុងដ៍ មុនពេលពិធីបុណ្យព្រះសពរដ្ឋរបស់ព្រះមហាក្សត្រីដែលនឹងប្រារព្ធឡើងនៅថ្ងៃចន្ទនេះ៕អត្ថបទ៖ ប៊ុនថន

ព្រះរាជពិធីបុណ្យសពរបស់មហាក្សត្រី Elizabeth ទីII នឹងប្រព្រឹត្តទៅនៅម៉ោង ៦ល្ងាចថ្ងៃនេះ

អង់គ្លេស៖ ចក្រភពអង់គ្លេស មេដឹកនាំពិភពលោក និងគ្រួសាររាជវង្សមកពីទូទាំងពិភពលោកនឹងជួបជុំគ្នានៅថ្ងៃចន្ទនេះ ដើម្បីលាជាចុងក្រោយចំពោះមហាក្សត្រី Elizabeth ដែលជាការបង្ហាញចុងក្រោយនៃយុគ្គសម័យរបស់ទ្រង់ នៅឯពិធីបុណ្យផ្លូវរដ្ឋដែលមានការរៀបចំយ៉ាងអធិកអធម។នៅម៉ោង ៦ព្រឹក ឬស្មើនឹងម៉ោង ១:៣០នាទីរសៀលម៉ោងនៅសិង្ហបុរី រយៈពេលតម្កល់ព្រះសពផ្លូវការនឹងបញ្ចប់ក្រោយតម្កល់រយៈពេល ៤ថ្ងៃដែលមានមនុស្សរាប់ម៉ឺននាក់បានតម្រង់ជួរគោរពព្រះវិញ្ញាណក្ខន្ធ របស់មហាក្សត្រគ្រងរាជសម្បត្តិយូរជាងគេបំផុតរបស់ចក្រភពអង់គ្លេសនៅសាលប្រវត្តិសាស្ត្រ Westminster Hall របស់ទីក្រុងឡុងដ៍។ ភ្លាមៗមុនម៉ោង ១១ព្រឹកម៉ោងនៅអង់គ្លេស ព្រះមជ្ឈូសាធ្វើពីឈើអូកគ្របដណ្ដប់ដោយទង់ជាតិតាមរបៀបរាជវង្ស ដោយមានតម្កល់មកុដចក្រភពនៅពីខាងលើ និងដាក់នៅលើកាំភ្លើងរាជរដ្ឋ និងអូសដោយទាហានជើងទឹកទៅកាន់ព្រះវិហារ Westminster Abbey ដើម្បីរៀបចំពិធីបុណ្យសពរបស់ទ្រង់។ក្នុងចំណោមការជួបជុំដែលមានមនុស្សប្រមាណ ២,០០០នាក់ នឹងមានវត្តមានមេដឹកនាំពិភពលោកចំនួន ៥០០រូបរួមទាំងប្រធានាធិបតីអាមេរិកលោក Biden, ព្រះចៅអធិរាជជប៉ុន Naruhito, អនុប្រធានាធិបតីចិនលោក Wang Qishan និងប្រធានាធិបតីអាហ្វ្រិកខាងត្បូងលោក Cyril Ramaphosa៕អត្ថបទ៖ សុខមាន

លោក Biden ព្រមានលោក Putin កុំឲ្យប្រើប្រាស់អាវុធនុយក្លេអ៊ែរតាកទិកក្នុងសង្គ្រាមអ៊ុយក្រែន

សហរដ្ឋអាមេរិក៖ លោកប្រធានាធិបតីអាមេរិក Joe Biden បានព្រមានរុស្ស៊ីមិនឲ្យប្រើប្រាស់អាវុធគីមី ឬអាវុធនុយក្លេអ៊ែរតាកទិកក្នុងសង្គ្រាមនៅអ៊ុយក្រែន។ ថ្លែងអំឡុងកិច្ចសម្ភាសន៍ជាមួយទូរទស្សន៍ CBS News លោក Biden បាននិយាយថា សកម្មភាពនេះនឹងផ្លាស់ប្ដូរការពិតនៃសង្គ្រាម ដែលខុសពីអ្វីៗទាំងអស់ចាប់តាំងពីសង្គ្រាមលោកលើកទី២ មក។ លោកពុំបានបញ្ជាក់ថា តើអាមេរិកនឹងមានការឆ្លើយតបអ្វីនោះទេ បើរុស្ស៊ីនឹងប្រើប្រាស់អាវុធប្រភេទនេះមែន។ លោកប្រធានាធិបតីរុស្ស៊ី Vladimir Putin បានដាក់កងកម្លាំងនុយក្លេអ៊ែររបស់ប្រទេសស្ថិតក្នុងការត្រៀមលក្ខខណៈពិសេស ក្រោយការវាយលុករបស់ខ្លួនលើអ៊ុយក្រែនកាលពីថ្ងៃទី២៤ ខែកុម្ភៈ។ លោកបានប្រាប់ក្រុមប្រមុខការពារជាតិថា ដោយសារតែសេចក្ដីថ្លែងការណ៍បង្កជម្លោះដោយលោកខាងលិច។អាវុធនុយក្លេអ៊ែរមានជិត ៨០ឆ្នាំហើយ ហើយប្រទេសភាគច្រើនមើលឃើញអាវុធទាំងនោះថា ជាកម្លាំងទប់ការវាយប្រហារដែលបន្តធានាដល់បញ្ហាសន្តិសុខជាតិរបស់ខ្លួន។ យោងតាមសហព័ន្ធនៃក្រុមអ្នកវិទ្យាសាស្ត្រអាមេរិក ប្រទេសរុស្ស៊ីមានក្បាលគ្រាប់នុយក្លេអ៊ែរប្រមាណ ៥,៩៧៧គ្រាប់។ អាវុធនុយក្លេអ៊ែរតាកទិកគឺជាអាវុធដែលអាចប្រើបានក្នុងចម្ងាយខ្លី ផ្ទុយពីអាវុធនុយក្លេអ៊ែរយុទ្ធសាស្ត្រដែលអាចបាញ់បានក្នុងចម្ងាយឆ្ងាយជាង និងបង្កើនការបំផ្លិចបំផ្លាញនៃសង្គ្រាមនុយក្លេអ៊ែរទាំងអស់៕អត្ថបទ៖ សុខមាន

លោក Biden និយាយថា អាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន

សហរដ្ឋអាមេរិក៖ លោកប្រធានាធិបតីអាមេរិក Joe Biden បាននិយាយក្នុងបទសម្ភាសន៍ចាក់ផ្សាយតាមទូរទស្សន៍កាលពីថ្ងៃអាទិត្យថា កងកម្លាំងសហរដ្ឋអាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន ដែលជាសេចក្ដីថ្លែងការណ៍ច្បាស់លាស់បំផុតរបស់លោកលើបញ្ហានេះ។ ពេលត្រូវបានសួរនៅក្នុងបទសម្ភាសន៍មួយក្នុងកម្មវិធីព័ត៌មាន ៦០នាទីរបស់ទូរទស្សន៍ CBS ថា តើកងកម្លាំងអាមេរិកនឹងការពារកោះស្វ័យគ្រប់គ្រងដែលចិនអះអាងថា ជាដែនដីរបស់ខ្លួននោះ ឬអត់ លោកបានឆ្លើយថា ពិតមែនហើយ បើមានរឿងនេះកើតឡើងមែន នោះគឺជាការវាយប្រហារដែលមិនធ្លាប់មាន។ ដោយត្រូវបានបញ្ជាក់ថា តើលោកចង់បានន័យថា មិនដូចជានៅក្នុងប្រទេសអ៊ុយក្រែន កងកម្លាំងអាមេរិកទាំងប្រុស ទាំងស្រីនឹងការពារកោះនេះក្នុងករណីមានការឈ្លានពានពីចិន លោក Biden បានឆ្លើយថា មែនហើយ។បទសម្ភាសន៍នេះគឺជាពេលវេលាចុងក្រោយបំផុតដែលលោក Biden ទំនងជាបោះជំហានហួសគោលជំហរជាយូរមកហើយ ដែលធ្លាប់បានបញ្ជាក់ពីគោលនយោបាយរបស់អាមេរិកលើកោះតៃវ៉ាន់ ប៉ុន្តែសេចក្ដីថ្លែងការណ៍របស់លោកពេលនេះច្បាស់ជាងការលើកឡើងកាលពីកន្លងទៅ អំពីការតាំងចិត្តរបស់ទាហានអាមេរិកក្នុងការការពារកោះនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ថាមពលកកើតឡើងវិញ កំពុងរីកចម្រើនយ៉ាងឆាប់រហ័សនៅតំបន់ម៉ុងហ្គោលីខាងក្នុងរបស់ចិន

អនុប្រធានាធិបតី លោក Vance៖ អាមេរិករំពឹងថា ច្រកសមុទ្រ Hormuz នឹងបើកឲ្យចរាចរដោយមិនបង់ថ្លៃ

តម្លៃឧស្ម័នអឺរ៉ុប ធ្លាក់ចុះជាង ៦% ខណៈកិច្ចព្រមព្រៀងរវាងអាមេរិក និងអ៊ីរ៉ង់ សម្រាលកង្វល់ពីការផ្គត់ផ្គង់ LNG

លោក Lavrov ៖ ទីក្រុងមូស្គូប្តេជ្ញាចិត្តចំពោះតែសំណើសន្តិភាពរបស់អាមេរិក និងច្រានចោលឱសានវាទរបស់អឺរ៉ុប

ឥណ្ឌា និងស្លូវ៉ាគី ឯកភាពបង្កើនទំនាក់ទំនងដល់កម្រិតភាពជាដៃគូយុទ្ធសាស្រ្ត

ចិនជំរុញឲ្យមានការសន្ទនា ខណៈរុស្ស៊ី និងអ៊ុយក្រែន វាយប្រហារគ្នាដោយមីស៊ីល និងយានដ្រូនទ្រង់ទ្រាយធំ

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់ ឬបញ្ឈប់លក់បន្តប្រហិតហតដករបស់ក្រុមហ៊ុន TSP

រយៈពេល៣ថ្ងៃ ក.ប.ប. រាជធានីភ្នំពេញនិងសមត្ថកិច្ចចម្រុះរកឃើញទំនិញមានប្រភពដើមពីប្រទេសថៃ ចំនួន ១១២មុខ មានទម្ងន់ជាង ២៦តោន

ប្រធានាធិបតីកូរ៉េខាងត្បូង អំពាវនាវឲ្យអត់ធ្មត់ អំឡុងការតវ៉ា ទាក់ទងនឹងការខ្វះខាតសន្លឹកឆ្នោត

ចិនបញ្ជាក់ថា ការពង្រីកយោធារបស់ខ្លួន ជួយដល់សន្តិភាពពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

តុលាការខ្មែរក្រហម នឹងប្រកាសសាលដីកាបណ្តឹងសាទុក្ខ លោក ខៀវ សំផន នៅថ្ងៃទី២២ ខែកញ្ញា

ចក្រភពអង់គ្លេស និងពិភពលោកគោរពព្រះវិញ្ញាណក្ខន្ធ និងលាចុងក្រោយចំពោះព្រះមហាក្សត្រី Elizabeth ទីII

នាយករដ្ឋមន្ត្រីហុងគ្រីនិយាយថា ជម្លោះអ៊ុយក្រែនអាចបន្តរហូតដល់ឆ្នាំ២០៣០

រញ្ជួយដីកម្រិត ៦.៨រិចទ័រវាយប្រហារភាគអាគ្នេយ៍កោះតៃវ៉ាន់បណ្ដាលឲ្យមនុស្ស ១៤៦នាក់រងរបួស

ព្យុះទីហ្វុង Nanmadol ប៉ះពាល់ដល់ចរាចរណ៍ក្នុងតំបន់នៅប្រទេសជប៉ុន

មេដឹកនាំពិភពលោក និងរាជវង្សបានមកដល់ចក្រភពអង់គ្លេសចូលរួមបុណ្យព្រះសពម្ចាស់ក្សត្រី

ព្រះរាជពិធីបុណ្យសពរបស់មហាក្សត្រី Elizabeth ទីII នឹងប្រព្រឹត្តទៅនៅម៉ោង ៦ល្ងាចថ្ងៃនេះ

លោក Biden ព្រមានលោក Putin កុំឲ្យប្រើប្រាស់អាវុធនុយក្លេអ៊ែរតាកទិកក្នុងសង្គ្រាមអ៊ុយក្រែន

លោក Biden និយាយថា អាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

តុលាការខ្មែរក្រហម នឹងប្រកាសសាលដីកាបណ្តឹងសាទុក្ខ លោក ខៀវ សំផន នៅថ្ងៃទី២២ ខែកញ្ញា

ចក្រភព​អង់គ្លេស​ និង​ពិភពលោក​គោរព​ព្រះ​វិញ្ញាណក្ខន្ធ ​និង​លា​ចុងក្រោយ​ចំពោះ​ព្រះមហាក្សត្រី ​Elizabeth ទីII

នាយករដ្ឋមន្ត្រី​ហុង​គ្រី​និយាយ​ថា ជម្លោះ​អ៊ុយ​ក្រែ​ន​អាច​បន្ត​រហូតដល់​ឆ្នាំ​២០៣០

រញ្ជួយ​ដី​កម្រិត ៦.៨រិច​ទ័​រ​វាយប្រហារ​ភាគ​អាគ្នេយ៍​កោះ​តៃវ៉ាន់​បណ្ដាល​ឲ្យ​មនុស្ស​ ១៤៦​នាក់​រងរបួស​

ព្យុះ​ទី​ហ្វុ​ង Nanmadol ប៉ះពាល់​ដល់​ចរាចរណ៍​ក្នុង​តំបន់​នៅ​ប្រទេស​ជប៉ុន​

មេដឹកនាំ​ពិភពលោក និង​រាជវង្សបាន​មកដល់​ចក្រភព​អង់គ្លេស​ចូលរួម​បុណ្យ​ព្រះ​សព​ម្ចាស់​ក្ស​ត្រី​

ព្រះ​រាជពិធី​បុណ្យ​សព​របស់​មហាក្សត្រី Elizabeth​ ទី​II​ នឹង​ប្រព្រឹត្តទៅ​នៅ​ម៉ោង​ ៦​ល្ងាច​ថ្ងៃនេះ

លោក Biden ព្រមាន​លោក Putin កុំ​ឲ្យ​ប្រើប្រាស់​អាវុធ​នុយក្លេអ៊ែរ​តាក​ទិ​ក​ក្នុង​សង្គ្រាម​អ៊ុយ​ក្រែ​ន​

លោក Biden និយាយថា អាមេរិក​នឹង​ការពារ​កោះ​តៃវ៉ាន់​ក្នុងករណី​មានការ​ឈ្លានពាន​ពី​ប្រទេស​ចិន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចក្រភពអង់គ្លេស និងពិភពលោកគោរពព្រះវិញ្ញាណក្ខន្ធ និងលាចុងក្រោយចំពោះព្រះមហាក្សត្រី Elizabeth ទីII

នាយករដ្ឋមន្ត្រីហុងគ្រីនិយាយថា ជម្លោះអ៊ុយក្រែនអាចបន្តរហូតដល់ឆ្នាំ២០៣០

រញ្ជួយដីកម្រិត ៦.៨រិចទ័រវាយប្រហារភាគអាគ្នេយ៍កោះតៃវ៉ាន់បណ្ដាលឲ្យមនុស្ស ១៤៦នាក់រងរបួស

ព្យុះទីហ្វុង Nanmadol ប៉ះពាល់ដល់ចរាចរណ៍ក្នុងតំបន់នៅប្រទេសជប៉ុន

មេដឹកនាំពិភពលោក និងរាជវង្សបានមកដល់ចក្រភពអង់គ្លេសចូលរួមបុណ្យព្រះសពម្ចាស់ក្សត្រី

ព្រះរាជពិធីបុណ្យសពរបស់មហាក្សត្រី Elizabeth ទីII នឹងប្រព្រឹត្តទៅនៅម៉ោង ៦ល្ងាចថ្ងៃនេះ

លោក Biden ព្រមានលោក Putin កុំឲ្យប្រើប្រាស់អាវុធនុយក្លេអ៊ែរតាកទិកក្នុងសង្គ្រាមអ៊ុយក្រែន

លោក Biden និយាយថា អាមេរិកនឹងការពារកោះតៃវ៉ាន់ក្នុងករណីមានការឈ្លានពានពីប្រទេសចិន