BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

មនុស្ស ៨៤នាក់ស្លាប់ក្នុងរយៈពេល ៣ថ្ងៃដំបូងដោយរលកកម្ដៅនៅប្រទេសអេស្ប៉ាញ

អេស្ប៉ាញ៖ វិទ្យាស្ថានសុខភាព Carlos III ដែលរាយការណ៍ទៅក្រសួងសុខាភិបាលអេស្ប៉ាញបាននិយាយកាលពីថ្ងៃសុក្រថា មនុស្ស ៨៤នាក់ត្រូវបានគេរាយការណ៍ថាបានស្លាប់ ដោយសាររលកកម្ដៅដែលបានកើតឡើងនៅប្រទេសអេស្ប៉ាញចាប់តាំងពីថ្ងៃទី១០ ខែកក្កដា។ អ្នកស្លាប់ទាំងអស់ត្រូវបានរាយការណ៍កាលពីថ្ងៃទី១០ ដល់ថ្ងៃទី១២ ខែកក្កដាដែលត្រូវបានសន្និដ្ឋានថា ដោយសារកម្ដៅក្តៅខ្លាំងលើសពី ៤០អង្សាសេនៅក្នុងតំបន់ធំៗរបស់ប្រទេស។ សីតុណ្ហភាពបានកើនឡើងលើសពី ៤៥អង្សាសេ នៅភាគខាងត្បូង និងនិរតីប្រទេស។ រលកកម្ដៅត្រូវបានគេព្យាករណ៍ថានឹងបន្តរហូតដល់សប្តាហ៍ក្រោយ ហើយចំនួនអ្នកស្លាប់ត្រូវបានគេព្រួយបារម្ភថានឹងកើនឡើង។ នេះជារលកកម្ដៅខ្លាំងទី២ ក្នុងឆ្នាំនេះនៅប្រទេសអេស្ប៉ាញ។ក្រសួងសុខាភិបាលបានឲ្យដឹងថា រលកកម្ដៅលើកដំបូងបានកើតឡើងពីថ្ងៃទី១១ ដល់ថ្ងៃទី២០ ខែមិថុនាបានឆក់យកជីវិតមនុស្ស ៨២៩នាក់នៅទូទាំងប្រទេស ដែលនៅពេលនោះសីតុណ្ហភាពបានឡើងដល់ ៤៤.៥អង្សាសេ។ អាជ្ញាធរបានណែនាំឲ្យប្រជាពលរដ្ឋទទួលទានទឹកឲ្យបានច្រើន ចៀសវាងការហាត់ប្រាណច្រើនពេក និងស្នាក់នៅក្នុងលំនៅឋានឲ្យបានច្រើនតាមដែលអាចធ្វើទៅបាន៕អត្ថបទ៖ ប៊ុនថន

លោក Zelenskyy សន្យានាំយកអ្នកទទួលខុសត្រូវការវាយប្រហារនៅទីក្រុងរបស់អ៊ុយក្រែនមកកាត់ទោស

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃសុក្របានថ្លែងសារជាថ្មីនូវការប្តេជ្ញាចិត្តរបស់លោក ក្នុងការនាំយកអ្នកទទួលខុសត្រូវចំពោះការវាយប្រហារដ៏ឃោរឃៅលើទីក្រុង Vinnytsia មកកាត់ទោស។ ការវាយប្រហារដោយមីស៊ីលកាលពីថ្ងៃព្រហស្បតិ៍ទៅលើទីក្រុង Vinnytsia បណ្តាលឲ្យមនុស្សយ៉ាងហោចណាស់ 23នាក់ស្លាប់រួមមានទាំងកុមារ 3នាក់ជាក្មេងស្រីអាយុ 4ឆ្នាំ និងក្មេងប្រុស 2នាក់អាយុ 7ឆ្នាំនិង 8ឆ្នាំ។ ជាមួយគ្នានេះលោក Zelenskyy បានថ្កោលទោសការវាយប្រហារកាលពីថ្ងៃសុក្រលើទីក្រុង Mykolaiv ភាគខាងត្បូង។ អាជ្ញាធរនៅក្នុងទីក្រុង Mykolaiv បាននិយាយថា ការផ្ទុះយ៉ាងហោចណាស់ 10លើកបានកើតឡើងនៅក្នុងទីក្រុងភាគខាងត្បូងកាលពីពេលយប់ ដោយចោទប្រកាន់ប្រទេសរុស្ស៊ីថាបានវាយប្រហារលើសាកលវិទ្យាល័យ។ក្រុមអ្នកជួយសង្គ្រោះនៅតែបន្តរុះរើតាមគំនរបាក់បែក កាលពីថ្ងៃសុក្រស្វែងរកអ្នកដែលបាត់ខ្លួន បន្ទាប់ពីការវាយប្រហារដោយមីស៊ីលរបស់រុស្ស៊ីបណ្តាលមនុស្សយ៉ាងហោចណាស់ 23នាក់ស្លាប់ និងជាង 100នាក់រងរបួសនៅក្នុងទីក្រុងភាគកណ្តាលរបស់អ៊ុយក្រែន។ ការវាយប្រហារដោយមីស៊ីលពីនាវាមុជទឹករុស្ស៊ី ដែលបានបាញ់កាលពីថ្ងៃព្រហស្បតិ៍លើទីក្រុង Vinnytsia របស់អ៊ុយក្រែន គឺជាការវាយប្រហារដែលបានឆក់យកជីវិតជនស៊ីវិល និងបណ្តាលឲ្យមានការថ្កោលទោសពីអន្តរជាតិ៕អត្ថបទ៖ ប៊ុនថន

គណបក្សប្រជាជនកម្ពុជា បើកសន្និបាត វិសាមញ្ញ ដើម្បីកំណត់ទិសដៅទៅការបោះឆ្នោតឆ្នាំ២០២៣

ភ្នំពេញ៖ នៅព្រឹកថ្ងៃទី១៦ ខែកក្កដា ឆ្នាំ២០២២ គណបក្សប្រជាជនកម្ពុជា បានប្រារព្ធសន្និបាតវិសាមញ្ញរបស់គណៈកម្មាធិការកណ្ដាលគណបក្ស នៅវិមាន៧មករា រយ:ពេលពីរថ្ងៃនៅថ្ងៃទី ១៦ និង ១៧ ខែកក្កដា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា, សម្ដេចអគ្គមហាពញ្ញាចក្រី ហេង សំរិន ប្រធានកិត្តយសគណបក្សប្រជាជនកម្ពុជា, សម្ដេចក្រឡាហោម ស ខេង, សម្ដេចវិបុលសេនាភក្ដី សាយ ឈុំ, សម្ដេចពិជ័យសេនា ទៀ បាញ់, លោកជំទាវ កិត្តិសង្គហបន្ឌិត ម៉ែន សំអន អនុប្រធានគណបក្ស និងមានការចូលរួមពីសមាជិកគណកម្មាធិការកណ្ដាលគណបក្ស ចំនួន ៧៤៣រូប លើ ៨៦៥រូប ។អង្គសន្និបាតក៏បានបើកទូលាយដោយមានការអញ្ជើញឯកឧត្តម លោកជំទាវជាសមាជិក សមាជិកាព្រឹទ្ធសភា រដ្ឋសភា រាជរដ្ឋាភិបាល មន្ត្រីជាន់ខ្ពស់មួយចំនួននៅតាមក្រសួង-ស្ថាប័នរាជធានី-ខេត្ត ក្រុង ស្រុក ខណ្ឌ អង្គការមហាជន ក្រុមការងារចុះជួយមូលដ្ឋាន ឱ្យចូលរួម និងមានការផ្តល់វេទិបញ្ចេញមតិពិភាក្សាលើរបាយការណ៍ សំដៅស្វែងរកចំណុចខ្លាំង និងចំណុចខ្សោយ និងកំណត់ទិសដៅសម្រាប់ភារកិច្ចនៅពេលបន្តទៀត ក្នុងនោះមានចំនួនសរុប ៣.៤៧៤រូប។ឯកឧត្តម ម៉ម សារិន នាយកខុទ្ទកាល័យគណបក្សប្រជាជនកម្ពូជានិងជាគណ:ចាត់តាំងកម្មវិធី សន្និបាតបានបញ្ជាក់ថា៖អង្គសន្និបាត បានធ្វើឡើងនាពេលនេះ ស្របពេលដែលគណបក្សទទួលបានជោគជ័យក្នុងការបោះឆ្នោតក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ នាពេលថ្មីៗកន្លងមកនេះ។ថ្លែងបើកសន្និបាត សម្ដេចតេជោ ហ៊ុន សែន ប្រធានគណបក្ស បានលើកឡើងថា សន្និបាតនៅពេលនេះ បានបើកទូលាយទាំងគណៈកម្មាធិការកណ្ដាលផង និងមន្ត្រីនៅថ្នាក់មូលដ្ឋានមកចូលរួមជាមួយផងដែរ។ សម្ដេចប្រធានបានបន្តថា ដោយសារស្ថានភាពនៃវិបត្តិជំងឺកូវីដ-១៩ បានរំខានដល់ការជួបជុំរបស់យើង ហើយស្ថានភាពនេះបានធូស្រាល យើងក៏មានការជួបជុំនៅពេលនេះ។ សម្ដេចតេជោ បានបញ្ជាក់ថា ការបើកសន្និបាតនាពេលនេះ ក៏ដើម្បីស្វែងរកចំណុចខ្លាំង និងចំណុចខ្សោយស្វែងរកហេតុ និងផល ក្នុងការបោះឆ្នោតក្រុមប្រឹក្សាឃុំ-សង្កាត់ អាណត្តិទី៥ កន្លងមក ហើយនឹងពិភាក្សាពីគោលដៅ ដើម្បីបំពេញបន្ថែម ឈានទៅរកការឈ្នះឆ្នោតក្នុងការបោះឆ្នោតតំណារាស្ត្រ នាឆ្នាំ២០២៣ ពេលខាងមុខនេះ។ សម្ដេចពញាចក្រី ហេង សំរិន ប្រធានកិត្តិយសគណបក្ស បានថ្លែងថា លទ្ធផលនៃការអនុវត្តទិសដៅ គោលការណ៍ គោលនយោបាយ សេចក្ដីណែនាំ និងសេចក្ដីសម្រេចចិត្តនានារបស់ថ្នាក់កណ្ដាលបានធ្វើឱ្យតួនាទីដឹកនាំរបស់គណបក្សកាន់តែលេចធ្លោទាំងនៅក្នុង និងក្រៅប្រទេស ហើយជោគជ័យនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ បញ្ជាក់ថា ប្រជាជនកម្ពុជា នៅតែត្រូវការតួនាទីរបស់គណបក្សប្រជាជនបន្តទៀតក្នុងការដឹកនាំកម្ពុជា។ សម្ដេចពញាចក្រីក៏បានលើកឡើងអំពីលក្ខណៈពិសេសរបស់គណបក្សប្រជាជនថា៖ជាគណបក្សដែលមានភាពត្រឹមត្រូវខាងនយោបាយ មានការគាំទ្រពីប្រជាជន មានរចនាសម្ព័ន្ធចាត់តាំងរឹងមាំ ធនធានមនុស្សប្រកបដោយគុណធម៌ និងសមត្ថភាពសាមគ្គីភាព ឯកភាពផ្ទៃក្នុងរឹងមាំ និងមានរបៀបធ្វើការងារត្រឹមត្រូវ។ ទាំងអស់នេះធ្វើឱ្យយើងជម្នះបាននូវការលំបាកទាំងឡាយ ជាពិសេសធ្វើឱ្យបរាជ័យនូវរាល់ឧបាយកលរបស់ពួកប្រឆាំងជ្រុលនិយម ដែលតែងយកជើងរាទឹក និងប៉ុនប៉ងបំផ្លាញដល់ដំណើរការដឹកនាំរបស់គណបក្សប្រជាជនកម្ពុជា។សម្ដេចពញាចក្រី បានបញ្ជាក់ថា កម្មវត្ថុនៃការពិភាក្សារបស់អង្គសន្និបាតនៅពេលនេះ គឺជាការស្វែងរកឱ្យឃើញនូវរាល់ហេតុ និងផលទាក់ទងដល់លទ្ធផលនៃការបោះឆ្នោតជ្រើសរើសក្រុមប្រឹក្សាឃុំសង្កាត់ក្នុងឆ្នាំនេះ ដើម្បីមានមូលដ្ឋានជំរុញធ្វើឱ្យគណបក្សទទួលបានជ័យជម្នះនៅការបោះឆ្នោតជ្រើសតាំងតំណាងរាស្ត្រនៅឆ្នាំ២០២៣ ខាងមុខ។សម្ដេចវិបុលសេនាភក្ដី សាយ ឈុំ អនុប្រធាន និងជាអគ្គលេខាបក្ស បានលើកឡើងថា ឆ្លងកាត់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ថ្ងៃទី៥ ខែមិថុនា ឆ្នាំ២០២២ បានឆ្លុះបញ្ចាំងពីភាពចាស់ទុំនយោបាយនៃដំណើការប្រជាធិបតេយ្យសេរី ពហុបក្សនៅកម្ពុជា ស្របតាមរដ្ឋធម្មនុញ្ញ និងច្បាប់របស់កម្ពុជា។ ជោគជ័យនេះបានបង្ហាញនូវការគាំទ្រដ៏រឹងមាំ និងការផ្ដល់យុត្តិធម៌ពីប្រជាជនដល់គណបក្ស។សម្ដេចវិបុលសេនាភក្ដី បានបញ្ជាក់ថា យើងមិនត្រូវមានមោទនភាពពេក ចំពោះលទ្ធផលបោះឆ្នោតនេះទេ ដោយយើងត្រូវប្រឹងប្រែងពុះពារជម្នះ ហើយបន្តធ្វើសកម្មភាពឥតថមថយប្រកបដោយប្រសិទ្ធភាពទាំងក្នុងការអនុវត្តកម្មវិធីនយោបាយ ទាំងក្នុងការកសាងពង្រឹងគណបក្សទាំងការផ្សារភ្ជាប់បម្រើប្រជាជន ហើយព្យាយាមលុបបំបាត់នូវបាតុភាពអសកម្មដែលធ្វើឱ្យប្រជាជនថ្នាំងថ្នាក់ដើម្បីធានាមូលដ្ឋានដ៏រឹងមាំសម្រាប់ជ័យជម្នះរបស់គណបក្សយើង។ សូមជម្រាបថា គណបក្សប្រជាជនកម្ពុជា មានសមាជិកគណកម្មាធិការកណ្ដាលចំនួន ៨៦៥រូប តែមកដល់ថ្ងៃនេះ មានសមាជិក បានទទួលមរណភាព និងសុំលាឈប់ពីគណបក្ស ទៅធ្វើជាសមាជិកគណកម្មាធិការជាតិរៀបចំការបោះឆ្នោត ដោយបច្ចុប្បន្ន មានសមាជិកគណកម្មាធិការកណ្ដាលនៅសល់ចំនួន ៨២៦រូប ៕

លោក Zelenskyy ថ្កោលទោសរុស្ស៊ី បន្ទាប់ពីការវាយប្រហារក្រុង Vinnytsia បណ្ដាលឲ្យមនុស្ស 23នាក់ស្លាប់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានថ្កោលទោសការវាយប្រហារដោយមីស៊ីលរបស់រុស្ស៊ីលើទីក្រុង Vinnytsia ភាគកណ្តាលប្រទេសអ៊ុយក្រែន បណ្តាលឲ្យមនុស្សយ៉ាងហោចណាស់ 23នាក់ស្លាប់ក្នុងនោះមានកុមារ 3នាក់ និងរងរបួសជាង 100នាក់កាលពីថ្ងៃព្រហស្បតិ៍។ លោក Zelenskyy បានចោទប្រកាន់រុស្សីពីការបាញ់ផ្លោងមីស៊ីលទៅលើជនស៊ីវិលដោយចេតនា និងបានអំពាវនាវជាថ្មីម្តងទៀតសម្រាប់រុស្ស៊ីឲ្យត្រូវបានគេប្រកាសថា ជារដ្ឋគាំទ្រភេរវកម្ម។ ក្រុមមន្ត្រីបាននិយាយថា មីស៊ីល Kalibr បំពាក់លើនាវា ត្រូវបានបាញ់ចេញពីនាវាមុជទឹករុស្ស៊ីនៅសមុទ្រខ្មៅ ដែលបានវាយប្រហារអគារលំនៅឋានជនស៊ីវិលក្នុងទីក្រុង Vinnytsia ជាទីក្រុងមានចម្ងាយ 268គីឡូម៉ែត្រភាគនិរតីរដ្ឋធានី Kyiv។ អភិបាលក្រុង Vinnytsia លោក Serhiy Borzov បាននិយាយថា ប្រព័ន្ធការពារដែនអាកាសរបស់អ៊ុយក្រែនបានបាញ់ទម្លាក់មីស៊ីល 2គ្រាប់ក្នុងចំណោមមីស៊ីល 4គ្រាប់របស់រុស្សីដែលបាញ់ចូលមក។ស្នងការនគរបាលជាតិលោក Ihor Klymenko បាននិយាយថា រហូតមកដល់ពេលនេះមានតែសាកសព 6នាក់ប៉ុណ្ណោះត្រូវបានគេកំណត់អត្តសញ្ញាណ ខណៈមនុស្ស 39នាក់នៅបាត់ខ្លួននៅឡើយ។ ការវាយប្រហារនេះបានកើតឡើង ខណៈដែលមន្ត្រីរដ្ឋាភិបាលមកពីប្រទេសប្រមាណ 40 បានជួបប្រជុំគ្នានៅទីក្រុងឡាអេ ប្រទេសហូឡង់ ដើម្បីពិភាក្សាអំពីការសម្របសម្រួលការស៊ើបអង្កេត និងការកាត់ទោសឧក្រិដ្ឋកម្មសង្គ្រាមដែលកើតមាននៅក្នុងប្រទេសអ៊ុយក្រែន។ លោក Zelenskyy បានអំពាវនាវឱ្យបង្កើតយន្តការមួយ សម្រាប់ការរឹបអូសទ្រព្យសម្បត្តិរបស់រុស្ស៊ីនៅជុំវិញពិភពលោក និងប្រើប្រាស់ទ្រព្យសម្បត្តិនេះ ដើម្បីផ្តល់សំណងដល់ជនរងគ្រោះដោយភេរវកម្មរុស្ស៊ី៕អត្ថបទ៖ ប៊ុនថន

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ស្រីលង្កា៖ ក្រុមអ្នកតវ៉ាបានចាកចេញពីអគាររដ្ឋាភិបាលនានា កាលពីថ្ងៃព្រហស្បតិ៍ក្នុងប្រទេសស្រីលង្កា ដោយបានស្ដារឡើងវិញនូវភាពស្ងប់ស្ងាត់ចំពោះប្រទេសដែលធ្លាក់ក្នុងវិបត្តិសេដ្ឋកិច្ច ហើយចុងក្រោយប្រធានាធិបតីដែលរងសម្ពាធខ្លាំងរូបនេះ បានផ្ញើសារអេឡិចត្រូនិកពីការលាលែងពីតំណែង ដែលក្រុមបាតុករបានស្វែងរកអស់ជាច្រើនខែមកនេះ។ ក្រុមអ្នកតវ៉ាបានចាកចេញពីវិមានប្រធានាធិបតី នៅក្នុងមជ្ឈមណ្ឌលពាណិជ្ជកម្ម Fort ក្រោយការស្រែកពាក្យស្លោកខ្លាំងៗគាំទ្រការតស៊ូ ដើម្បីផ្ដួលរំលំរដ្ឋាភិបាលរបស់លោកប្រធានាធិបតី Gotabaya Rakapaksa។ ប្រធានាធិបតី Gotabaya Rajapaksa បានភៀសខ្លួនមួយថ្ងៃមុននេះក្រោមសម្ពាធពីក្រុមបាតុករ ដែលខឹងសម្បារចំពោះការដួលរលំសេដ្ឋកិច្ចរបស់ប្រទេសកោះមួយនេះ។ យោងតាមមន្ត្រីម្នាក់បានឲ្យដឹងថា លោកប្រធានាធិបតីរូបនេះបានផ្ញើលិខិតលាលែងពីតំណែង មួយថ្ងៃយឺតជាងការសន្យា។ប៉ុន្តែដោយមានការប្រឆាំងដ៏ខ្លាំងក្លា និងភាពច្របូកច្របល់ថា អ្នកណាជាអ្នកទទួលខុសត្រូវចំពោះការដោះស្រាយបញ្ហាជាច្រើនរបស់ប្រទេសនេះ ទំនងជាមិនទាន់អាចខិតទៅជិតដំណោះស្រាយទម្លាយវិបត្តិនេះទេ បន្ទាប់ពីការលាលែងរបស់លោក Rajapaksa។ ហើយលោកប្រធានាធិបតីបានធ្វើឱ្យហ្វូងមនុស្សកាន់តែខឹងសម្បារ ដោយធ្វើឱ្យនាយករដ្ឋមន្ត្រីរបស់លោកក្លាយជាមេដឹកនាំស្តីទី។ ក្រុមបាតុករបានជំរុញឱ្យមេដឹកនាំទាំងពីរចាកចេញ និងបង្កើតរដ្ឋាភិបាលរួបរួមមួយដើម្បីដោះស្រាយវិបត្តិសេដ្ឋកិច្ច ដែលបានបង្កឱ្យមានកង្វះខាតស្បៀងអាហារ ប្រេងឥន្ធនៈ និងតម្រូវការផ្សេងៗទៀត៕អត្ថបទ៖ សុខមាន

ឯកឧត្តម លី ធុជ ៖ ខេត្តប្រវត្តិសាស្រ្តត្បូងឃ្មុំ នឹងក្លាយជាខេត្តអស់មីនដំបូង ក្រោមគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

ត្បូងឃ្មុំ៖ ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន ក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងជាប្រធានអាជ្ញាធរមីន កាលពីថ្ងៃទី១៥ ខែកក្កដា ឆ្នាំ២០២២ បានជួបសំណេះសំណាលជាមួយកម្លាំងបោសសម្អាតមីននៃមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម (NPMEC) និងបេីកការដ្ឋានបោសសម្អាតមីននៅខេត្តត្បូងឃ្មុំ។ឯកឧត្តម ទេសរដ្ឋមន្រ្តី លី ធុជ បានបញ្ជាក់ថា ខេត្តប្រវត្តិសាស្រ្តត្បូងឃ្មុំ នឹងក្លាយជាខេត្តអស់មីនដំបូង ក្រោមការគាំទ្រពីគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ។ឯកឧត្តមទេសរដ្ឋមន្រ្តី បានលើកឡើងថា ខេត្តត្បូងឃ្មុំ ជាខេត្តប្រវត្តិសាស្រ្ត ដែលសម្តេចតេជោ បានសម្រេចចិត្ត និងពលីសាច់ស្រស់ ឈាមស្រស់ ដើម្បីរំដោះប្រទេសជាតិ និងសង្រ្គោះប្រជាពលរដ្ឋចេញពីរបបប្រល័យពូជសាសន៍កាលពីឆ្នាំ១៩៧៧ ហើយខេត្តត្បូងឃ្មុំ ក៏ជាខេត្តមួយដែលរងផលប៉ះពាល់ច្រើនដោយសារគ្រាប់មីន និងសំណល់ជាតិផ្ទុះពីសង្រ្គាម។ អាជ្ញាធរមីន បានចាត់ទុកខេត្តត្បូងឃ្មុំនេះ ជាខេត្តអាទិភាពក្នុងការអនុវត្តគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដើម្បីប្រកាសជាខេត្តអស់មីន ក្រោមអធិបតីភាពរបស់ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងមេបញ្ជាការកងទ័ពជើងគោក ក្នុងរយៈពេល ៦ ខែ ខាងមុខនេះ។ឯកឧត្តមទេសរដ្ឋមន្រ្តី បានស្នើសុំឲ្យកងកម្លាំងរក្សាសន្តិភាព NPMEC ត្រូវបោសសម្អាត និងកម្ទេចគ្រាប់មីនឲ្យអស់ចេញពីទឹកដីដែលពោរពេញដោយប្រវត្តិសាស្រ្តនេះ។ ជាមួយគ្នានេះ ឯកឧត្តមទេសរដ្ឋមន្រ្តី បានវាយតម្លៃខ្ពស់ចំពោះកងកម្លាំងរក្សាសន្តិភាព NPMEC ដែលបាននាំមកនូវកិត្តិយសជូនជាតិមាតុភូមិ និងនាំយកទង់ជាតិកម្ពុជានៅឆាកអន្តរជាតិ ជាពិសេសចូលរួមផ្តល់នូវសុខសុវត្ថិភាព ផ្តល់សេចក្តីសុខ និងផ្តល់សុខដុមរមនាដល់ប្រទេសនិងប្រជាជនទាំងឡាយណា ដែលធ្លាប់រងគ្រោះដោយសារសង្រ្គាមដូចកម្ពុជា និងដល់ប្រទេសណាដែលមានតម្រូវការ ក្នុងក្របខណ្ឌអង្គការសហប្រជាជាតិ។ឯកឧត្តមទេសរដ្ឋមន្រ្តី បានបញ្ជាក់បន្ថែមទៀតថា ក្រោមចលនាជាតិរបស់សម្តេចតេជោនាយករដ្ឋមន្រ្តី មានប្រជាជនគ្រប់ទិសទី បានគាំទ្រ និងចូលរួមយ៉ាងផុសផុលបរិច្ចាគវិភាគទានផ្ទាល់ខ្លួន ក្នុងការចូលរួមដោះស្រាយបញ្ហាគ្រាប់មីននៅកម្ពុជា និងឆ្ពោះទៅកម្ពុជាសូន្យមីននៅឆ្នាំ២០២៥៕

ប្រធានាធិបតីស្រីលង្កាផ្ញើលិខិតលាលែងពីតំណែង ក្រោយគេចខ្លួនពីប្រទេសម៉ាល់ឌីវទៅសិង្ហបុរី

ស្រីលង្កា៖ ប្រធានាធិបតីស្រីលង្កាលោក Gotabaya Rajapaksa បានដាក់លិខិតលាលែងពីតំណែងក្រោយប្រភពចំនួន២ ពីរដ្ឋាភិបាលបាននិយាយកាលពីថ្ងៃព្រហស្បតិ៍ថា បន្ទាប់ពីលោកបានគេចខ្លួនទៅកាន់ប្រទេសសិង្ហបុរី ក្រោយការតវ៉ាធំៗជាច្រើនជុំវិញការដួលរលំសេដ្ឋកិច្ចរបស់ប្រទេសដីកោះមួយនេះ។ គេជឿថា លោកមានបំណងចាកចេញពីប្រទេសស្រីលង្កាមុនការចុះចេញពីតំណែង ដើម្បីគេចចេញពីការចាប់ខ្លួនដែលអាចនឹងកើតឡើងក្រោមរដ្ឋបាលថ្មី។ ប្រភព ២ បាននិយាយថា លោក Rajapaksa បានផ្ញើលិខិតលាលែងពីតំណែងតាមសារអេឡិចត្រូនិក ទៅកាន់ប្រធានសភារបស់ប្រទេសនេះកាលពីព្រលប់ថ្ងៃព្រហស្បតិ៍។ ការិយាល័យរបស់ប្រធានសភាបាននិយាយថា ខ្លួននឹងផ្ទៀងផ្ទាត់ភាពត្រឹមត្រូវរបស់លិខិតនេះ ពីភាពពេញលេញគ្រប់ជ្រុងជ្រោយទាំងអស់សម្រាប់ដំណើរការស្របច្បាប់ និងប្រកាសជាផ្លូវការអំពីការលាលែងពីតំណែងរបស់លោក Rajapaksa នៅថ្ងៃសុក្រនេះ។ ក្នុងរដ្ឋធានីពាណិជ្ជកម្ម Colombo ទាហានបានល្បាតតាមដងផ្លូវនានាដើម្បីអនុវត្តច្បាប់បម្រាមគោចរ។យោងតាមបុគ្គលម្នាក់ដែលដឹងពីស្ថានភាពនេះ លោក Rajapaksa ដែលបានភៀសខ្លួនទៅកាន់ប្រទេសម៉ាល់ឌីវកាលពីថ្ងៃពុធ គេចចេញពីការបះបោរដ៏ធំក្នុងវិបត្តិសេដ្ឋកិច្ចដ៏ធ្ងន់ធ្ងរបំផុតក្រោមការដឹកនាំរបស់លោក បានធ្វើដំណើរទៅកាន់ប្រទេសសិង្ហបុរីតាមជើងហោះហើរ របស់ក្រុមហ៊ុនអាកាសចរណ៍អារ៉ាប៊ីសាអ៊ូឌីត។ អ្នកដំណើរម្នាក់នៅលើជើងហោះហើរ ដែលសុំមិនបញ្ចេញឈ្មោះបានប្រាប់សារព័ត៌មាន Reuters ថា លោក Rajapaksa ត្រូវបានជួបសន្តិសុខមួយក្រុម និងត្រូវគេឃើញចាកចេញពីកន្លែងទទួលភ្ញៀវពិសេស នៅព្រមានយន្តហោះតាមក្បួនរថយន្តពណ៌ខ្មៅ។ បុគ្គលិកក្រុមហ៊ុនអាកាសចរណ៍នៅលើជើងហោះហើរនោះបានប្រាប់សារព័ត៌មាន Reuters ថា ប្រធានាធិបតីរូបនេះដែលបានស្លៀកសម្លៀកបំពាក់ពណ៌ខ្មៅ បានធ្វើដំណើរតាមយន្តហោះពាណិជ្ជកម្មជាមួយភរិយារបស់លោក និងអង្គរក្ស ២នាក់ដែលពិពណ៌នាពីរូបលោកថាមានភាពស្ងប់ស្ងាត់ និងរួសរាយរាក់ទាក់៕អត្ថបទ៖ សុខមាន

UN មើលឃើញភាពរីកចម្រើនក្នុងការនាំចេញគ្រាប់ធញ្ញជាតិអ៊ុយក្រែន ខណៈលោក Zelenskyy លើកឡើងអំពីវិបត្តិស្បៀងអាហារ

ទួរគី៖ អង្គការសហប្រជាជាតិបានរាយការណ៍ពីជំហានឆ្ពោះទៅមុខ ក្នុងកិច្ចពិភាក្សាទល់មុខគ្នាដោយផ្ទាល់លើកដំបូងក្នុងរយៈពេលជាច្រើនខែមកនេះរវាងរុស្ស៊ី និងអ៊ុយក្រែនស្តីពីផែនការបើកច្រកនាំចេញគ្រាប់ធញ្ញជាតិរបស់អ៊ុយក្រែន។ មន្ត្រីមកពីប្រទេសរុស្ស៊ី អ៊ុយក្រែន និងទួរគី រួមទាំងបេសកជនអង្គការសហប្រជាជាតិបានជួបប្រជុំគ្នាកាលពីថ្ងៃពុធ នៅទីក្រុងអ៊ីស្តង់ប៊ុលប្រទេសទួរគី ដើម្បីពិភាក្សាអំពីផែនការនាំចេញគ្រាប់ធញ្ញជាតិអ៊ុយក្រែន ទៅកាន់ទីផ្សារពិភព លោកតាមច្រកសមុទ្រខ្មៅ។ អ៊ុយក្រែនជាប្រទេសនាំចេញស្រូវសាលី ពោត និងប្រេងផ្កាឈូករ័ត្នធំបំផុតមួយរបស់ពិភពលោក។ សង្គ្រាមធ្វើឲ្យបានជាប់គាំងគ្រាប់ធញ្ញជាតិប្រមាណ 22លានតោននៅក្នុងប្រទេសអ៊ុយក្រែន ដែលបានបណ្តាលឲ្យប៉ះពាល់ដល់ការផ្គត់ផ្គង់ស្បៀងអាហារនៅក្នុងប្រទេសកំពុងអភិវឌ្ឍន៍ជាច្រើន និងឡើងថ្លៃតម្លៃស្បៀងអាហារពិភពលោក។ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃពុធបានរាយការណ៍ពីភាពរីកចម្រើននេះដែរ លើកិច្ចពិភាក្សានៅក្នុងប្រទេសទួរគី ដើម្បីអនុញ្ញាតឱ្យមានការនាំចេញផលិតផលកសិកម្ម ពីប្រទេសរបស់លោកតាមរយៈសមុទ្រខ្មៅ។ លោកបាននិយាយថា គណៈប្រតិភូអ៊ុយក្រែនបានរាយការណ៍មកលោកថា មានការរីកចម្រើនក្នុងកិច្ចពិភាក្សានេះ។ លោក Zelenskyy បានអរគុណចំពោះអង្គការសហប្រជាជាតិ និងប្រទេសទួរគីសម្រាប់ការខិតខំប្រឹងប្រែងនេះ។ ជោគជ័យនៃការនាំចេញគ្រាប់ធញ្ញជាតិគឺចាំបាច់មិនត្រឹមតែរដ្ឋរបស់យើងនោះទេ ហើយប្រសិនបើការគំរាមកំហែងរបស់រុស្ស៊ី ចំពោះការដឹកជញ្ជូននៅសមុទ្រខ្មៅអាចត្រូវបានដកចេញ នោះវានឹងបន្ធូរបន្ថយវិបត្តិស្បៀងអាហារធ្ងន់ធ្ងរពិភពលោក៕អត្ថបទ៖ ប៊ុនថន

វិបត្តិសេដ្ឋកិច្ច និងនយោបាយដ៏ធ្ងន់ធ្ងរបំផុតនៅស្រីលង្កាមិនធ្លាប់មានក្នុងពេលជាច្រើនទសវត្សរ៍

ស្រីលង្កា៖ ប្រទេសស្រីលង្កាត្រូវបានជាប់គាំងក្នុងវិបត្តិនយោបាយ និងសេដ្ឋកិច្ចដ៏ធ្ងន់ធ្ងរ ហើយប្រធានាធិបតីរបស់ប្រទេសនេះបានចាកចេញពីប្រទេស ប៉ុន្មានថ្ងៃបន្ទាប់ពីក្រុមអ្នកតវ៉ាដ៏ច្រើនបានសម្រុកចូលវិមានរបស់លោក។ ប្រទេសកោះដែលមានប្រជាជន ២២លាននាក់មួយនេះបានញាំញីអស់រយៈពេលជាច្រើនខែ ដោយសារការដាច់ចរន្តថាមពលអគ្គិសនី កង្វះស្បៀងអាហារ និងប្រេងឥន្ធនៈធ្ងន់ធ្ងរ និងអតិផរណាខ្ពស់នៅក្នុងភាពចលាចលដ៏ធ្ងន់ធ្ងរបំផុត។ កាលពីថ្ងៃទី១ ខែមេសា លោកប្រធានាធិបតី Gotabaya Rajapaksa បានប្រកាសដាក់ប្រទេសក្នុងគ្រាអាសន្ន ដោយផ្ដល់អំណាចដល់កងកម្លាំងសន្តិសុខអាចចាប់ខ្លួន និងឃុំខ្លួនជនសង្ស័យទាំងឡាយបានបន្ទាប់ពីការតវ៉ាដ៏ធំ។ កាលពីថ្ងៃទី៣ ខែមេសា ការលាលែងពីតំណែងស្ទើរតែទាំងអស់ របស់គណៈរដ្ឋមន្ត្រីស្រីលង្កានៅកិច្ចប្រជុំពេលយប់ បានទុកឲ្យលោកប្រធានាធិបតី Rajapaksa និងបងប្រុសរបស់លោកដែលជានាយករដ្ឋមន្ត្រីគឺលោក Mahinda Rajapaksa ឯកា។ នៅថ្ងៃទី៥ ខែមេសា បញ្ហារបស់ប្រធានាធិបតី Rajapaksa កាន់តែដុនដាបខ្លាំង ខណៈរដ្ឋមន្ត្រីហិរញ្ញវត្ថុលោក Ali Sabry បានលាលែងពីតំណែង មួយថ្ងៃបន្ទាប់ពីលោកត្រូវបានតែងតាំង។ កាលពីថ្ងៃទី១០ ខែមេសា ក្រុមវេជ្ជបណ្ឌិតរបស់ស្រីលង្កានិយាយថា ពួកគេជិតអស់ឱសថជួយសង្គ្រោះជីវិតមនុស្សហើយ ដោយព្រមានថា វិបត្តិនោះអាចសម្លាប់មនុស្សកាន់តែច្រើនជាងវីរុសកូរ៉ូណាទៅទៀត។នៅថ្ងៃទី១២ ខែមេសា រដ្ឋាភិបាលបានប្រកាសថា ខ្លួនកំពុងខកខានការសងបំណុលបរទេសចំនួន ៥១ពាន់លានដុល្លារអាមេរិកជាដំណាក់កាលចុងក្រោយ បន្ទាប់ពីអស់ទុនបម្រុងរូបិយប័ណ្ណបរទេសក្នុងការនាំចូលមុខទំនិញចាំបាច់។ នៅថ្ងៃទី១៩ ខែមេសា នគរបាលបានសម្លាប់អ្នកតវ៉ាម្នាក់ជាលើកដំបូង ក្នុងការតវ៉ាប្រឆាំងរដ្ឋាភិបាលរយៈពេលជាច្រើនសប្ដាហ៍។ មនុស្ស ៩នាក់បានស្លាប់ និងរាប់រយនាក់រងរបួសក្នុងការវាយប្រហារសងសឹក ដែលកើតមានក្រោយហ្វូងមនុស្សដាក់គោលដៅអ្នកដែលទទួលខុសត្រូវ សម្រាប់អំពើហិង្សាទាំងនោះ និងដុតបំផ្លាញលំនៅឋានរបស់ក្រុមអ្នកនយោបាយមួយចំនួន។ លោក Mahinda Rajapaksa បានលាលែងតំណែងជានាយករដ្ឋមន្ត្រី និងត្រូវបានជួយដោយទាហាន បន្ទាប់ពីក្រុមបាតុកររាប់ពាន់នាក់សម្រុកចូលវិមានរបស់លោកនៅក្នុងទីក្រុង Colombo។ នៅថ្ងៃទី១០ ខែមេសា ក្រសួងការពារជាតិបានបញ្ជាឲ្យទាហានបាញ់សម្លាប់ ជនណាដែលពាក់ព័ន្ធក្នុងករណីលួចប្លន់ ឬបង្កគ្រោះថ្នាក់ដល់ជីវិត។ ថ្ងៃទី១០ ខែមិថុនា អង្គការសហប្រជាជាតិបានព្រមានថា ស្រីលង្កាកំពុងប្រឈមវិបត្តិមនុស្សធម៌ធ្ងន់ធ្ងរ ដែលមនុស្សរាប់លាននាក់ត្រូវការជំនួយជាចាំបាច់រួចទៅហើយ។ នៅថ្ងៃទី២៧ ខែមិថុនា រដ្ឋាភិបាលបាននិយាយថា ស្រីលង្កាជិតអស់ប្រេងឥន្ធនៈ និងផ្អាកការលក់ប្រេងទាំងអស់ លើកលែងតែសេវាកម្មចាំបាច់។នៅថ្ងៃទី១ ខែកក្កដា រដ្ឋាភិបាលបានបញ្ចេញទិន្នន័យបង្ហាញពីអតិផរណា បានហក់ឡើងដល់កម្រិតខ្ពស់បំផុតក្នុងខែទី៩ ជាប់គ្នា មួយថ្ងៃបន្ទាប់ពីមូលនិធិរូបិយវត្ថុអន្តរជាតិស្នើឲ្យស្រីលង្កាព្យាយាមទប់ការឡើងតម្លៃ។ នៅថ្ងៃទី៩ ខែកក្កដា លោកប្រធានាធិបតី President Rajapaksa បានរត់គេចខ្លួនពីវិមានផ្លូវការរបស់លោកនៅក្នុងទីក្រុង Colombo ដោយមានការជួយពីកងទ័ពភ្លាមៗមុនក្រុមបាតុករសម្រុកចូលវិមាននោះ។ នៅថ្ងៃទី១៣ ខែកក្កដា លោកប្រធានាធិបតី Rajapaksa បានឡើងយន្តហោះយោធាចេញដំណើរទៅកាន់ប្រទេសកោះ Maldives អមដំណើរដោយភរិយារបស់លោក និងអង្គរក្ស ១នាក់។ បន្ទាប់ពីប្រធានាធិបតីស្រីលង្ការត់គេចខ្លួនចេញពីប្រទេសនេះកាលពីព្រឹកថ្ងៃពុធ ប៉ុន្មានម៉ោងមុនការសន្យាលាលែងពីតំណែងរបស់លោក ក្រុមបាតុកររាប់ពាន់នាក់បានទាមទារឲ្យលោកនាយករដ្ឋមន្ត្រីចុះចេញពីតំណែងដែរ ដោយប្រមូលផ្ដុំគ្នានៅខាងក្រៅការិយាល័យរបស់លោក និងបានសម្រុកចូលក្នុងបរិវេណនោះ ខណៈពួកគេបានចូលទៅកាន់អគារផ្លូវការផ្សេងទៀតក្នុងពេលប៉ុន្មានថ្ងៃថ្មីៗនេះ៕អត្ថបទ៖ សុខមាន

នាយករដ្ឋមន្ត្រីស្រីលង្កាប្រាប់ឲ្យយោធាចាត់វិធានការគ្រប់យ៉ាងដែលចាំបាច់ក្នុងការស្តារសណ្ដាប់ធ្នាប់

ស្រីលង្កា៖ លោកនាយករដ្ឋមន្ត្រីស្រីលង្កា Ranil Wickremesinghe បានប្រាប់ឲ្យកងកម្លាំងយោធាចាត់វិធានការគ្រប់យ៉ាងដែលចាំបាច់ដើម្បីស្ដារសណ្ដាប់ធ្នាប់ បន្ទាប់ពីក្រុមបាតុករបានសម្រុកចូលការិយាល័យរបស់លោកកាលពីថ្ងៃពុធ។ ក្រុមអ្នកតវ៉ាដែលកំពុងទាមទារឲ្យនាយករដ្ឋមន្ត្រីស្រីលង្កាចុះចេញពីតំណែងភ្លាមៗ បានសម្រុកចូលបរិវេណការិយាល័យរបស់លោក ដោយបាតុករមួយចំនួនបានឡើងជញ្ជាំងអគារក្នុងទីក្រុងកូឡុំបូ ខណៈហ្វូងមនុស្សបានបង្កើនការគាំទ្ររបស់ខ្លួន និងបានគប់ដបទឹកទៅលើកងកម្លាំងសន្តិសុខនៅខាងក្នុងបរិវេណនោះ។ នគរបាលបានដាក់ពង្រាយកាណុងបាញ់ទឹក និងបានប្រើឧស្ម័នបង្ហូរទឹកភ្នែកដើម្បីបំបែកការតវ៉ានោះ។ លោក Wickremesinghe ត្រូវបានតែងតាំងជាប្រធានាធិបតីស្ដីទីដោយលោកប្រធានាធិបតី Gotabaya Rajapaksa ដែលបានរត់ភៀសខ្លួនចេញពីប្រទេសនេះទៅប្រទេសកោះម៉ាល់ឌីវស៍ (Maldives)។ប៉ុន្តែការសម្រេចចិត្តទុកឲ្យលោកទទួលបន្ទុកតំណែងនេះ បានបង្កឲ្យមានការតវ៉ាជាច្រើនបន្ថែមទៀត ទាមទារឲ្យលោកនាយករដ្ឋមន្ត្រីត្រូវតែចាកចេញពីតំណែងដែរ។ ស្រីលង្កាត្រូវបានញាំញីដោយវិបត្តិសេដ្ឋកិច្ចដ៏ធ្ងន់ធ្ងរបំផុត ក្នុងរយៈពេលប៉ុន្មានទសវត្សរ៍មកនេះ។ មានការស្ដីបន្ទោសជាច្រើនទៅលើរដ្ឋបាលលោក Rajapaksa ចំពោះវិបត្តិនេះ និងមើលឃើញលោក Wickremesinghe ដែលបានក្លាយជានាយករដ្ឋមន្ត្រីកាលពីខែឧសភាថា ជាចំនែកមួយនៃបញ្ហានេះ។ កាលពីថ្ងៃពុធជាលើកទី២ ក្នុងពេលមិនដល់មួយសប្ដាហ៍ ក្រុមអ្នកតវ៉ាបានសម្រុកចូលទៅក្នុងអគាររដ្ឋដែលមានធានាសុវត្ថិភាពខ្ពស់។ ពេលនេះគឺជាការិយាល័យរបស់នាយករដ្ឋមន្ត្រី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ថាមពលកកើតឡើងវិញ កំពុងរីកចម្រើនយ៉ាងឆាប់រហ័សនៅតំបន់ម៉ុងហ្គោលីខាងក្នុងរបស់ចិន

អនុប្រធានាធិបតី លោក Vance៖ អាមេរិករំពឹងថា ច្រកសមុទ្រ Hormuz នឹងបើកឲ្យចរាចរដោយមិនបង់ថ្លៃ

តម្លៃឧស្ម័នអឺរ៉ុប ធ្លាក់ចុះជាង ៦% ខណៈកិច្ចព្រមព្រៀងរវាងអាមេរិក និងអ៊ីរ៉ង់ សម្រាលកង្វល់ពីការផ្គត់ផ្គង់ LNG

លោក Lavrov ៖ ទីក្រុងមូស្គូប្តេជ្ញាចិត្តចំពោះតែសំណើសន្តិភាពរបស់អាមេរិក និងច្រានចោលឱសានវាទរបស់អឺរ៉ុប

ឥណ្ឌា និងស្លូវ៉ាគី ឯកភាពបង្កើនទំនាក់ទំនងដល់កម្រិតភាពជាដៃគូយុទ្ធសាស្រ្ត

ចិនជំរុញឲ្យមានការសន្ទនា ខណៈរុស្ស៊ី និងអ៊ុយក្រែន វាយប្រហារគ្នាដោយមីស៊ីល និងយានដ្រូនទ្រង់ទ្រាយធំ

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់ ឬបញ្ឈប់លក់បន្តប្រហិតហតដករបស់ក្រុមហ៊ុន TSP

រយៈពេល៣ថ្ងៃ ក.ប.ប. រាជធានីភ្នំពេញនិងសមត្ថកិច្ចចម្រុះរកឃើញទំនិញមានប្រភពដើមពីប្រទេសថៃ ចំនួន ១១២មុខ មានទម្ងន់ជាង ២៦តោន

ប្រធានាធិបតីកូរ៉េខាងត្បូង អំពាវនាវឲ្យអត់ធ្មត់ អំឡុងការតវ៉ា ទាក់ទងនឹងការខ្វះខាតសន្លឹកឆ្នោត

ចិនបញ្ជាក់ថា ការពង្រីកយោធារបស់ខ្លួន ជួយដល់សន្តិភាពពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៨៤នាក់ស្លាប់ក្នុងរយៈពេល ៣ថ្ងៃដំបូងដោយរលកកម្ដៅនៅប្រទេសអេស្ប៉ាញ

លោក Zelenskyy សន្យានាំយកអ្នកទទួលខុសត្រូវការវាយប្រហារនៅទីក្រុងរបស់អ៊ុយក្រែនមកកាត់ទោស

គណបក្សប្រជាជនកម្ពុជា បើកសន្និបាត វិសាមញ្ញ ដើម្បីកំណត់ទិសដៅទៅការបោះឆ្នោតឆ្នាំ២០២៣

លោក Zelenskyy ថ្កោលទោសរុស្ស៊ី បន្ទាប់ពីការវាយប្រហារក្រុង Vinnytsia បណ្ដាលឲ្យមនុស្ស 23នាក់ស្លាប់

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ប្រធានាធិបតីស្រីលង្កាផ្ញើលិខិតលាលែងពីតំណែង ក្រោយគេចខ្លួនពីប្រទេសម៉ាល់ឌីវទៅសិង្ហបុរី

UN មើលឃើញភាពរីកចម្រើនក្នុងការនាំចេញគ្រាប់ធញ្ញជាតិអ៊ុយក្រែន ខណៈលោក Zelenskyy លើកឡើងអំពីវិបត្តិស្បៀងអាហារ

វិបត្តិសេដ្ឋកិច្ច និងនយោបាយដ៏ធ្ងន់ធ្ងរបំផុតនៅស្រីលង្កាមិនធ្លាប់មានក្នុងពេលជាច្រើនទសវត្សរ៍

នាយករដ្ឋមន្ត្រីស្រីលង្កាប្រាប់ឲ្យយោធាចាត់វិធានការគ្រប់យ៉ាងដែលចាំបាច់ក្នុងការស្តារសណ្ដាប់ធ្នាប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ៨៤នាក់​ស្លាប់​ក្នុង​រយៈពេល ៣ថ្ងៃ​ដំបូង​ដោយ​រលក​កម្ដៅ​នៅ​ប្រទេស​អេ​ស្ប៉ា​ញ

លោក Zelenskyy សន្យា​នាំ​យក​អ្នកទទួលខុសត្រូវ​ការ​វាយប្រហារ​នៅ​ទីក្រុង​របស់​អ៊ុយ​ក្រែ​ន​មក​កាត់ទោស

គណបក្សប្រជាជនកម្ពុជា បើកសន្និបាត វិសាមញ្ញ ដើម្បីកំណត់ទិសដៅទៅការបោះឆ្នោតឆ្នាំ២០២៣

លោក Zelenskyy ថ្កោលទោស​រុស្ស៊ី បន្ទាប់ពី​ការវាយប្រហារ​ក្រុង ​Vinnytsia បណ្ដាល​ឲ្យ​មនុស្ស 23​នាក់​ស្លាប់​

ស្ថានភាព​នៅ​ស្រីលង្កា​ហាក់​ស្ងប់ស្ងាត់ ក្រោយ​ប្រធានាធិបតី​លាលែង​ពី​តំណែង

ប្រធានាធិបតី​ស្រីលង្កា​ផ្ញើ​លិខិត​លាលែង​ពី​តំណែង ក្រោយ​គេចខ្លួន​ពី​ប្រទេស​ម៉ា​ល់​ឌី​វ​ទៅ​សិង្ហ​បុរី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៨៤នាក់ស្លាប់ក្នុងរយៈពេល ៣ថ្ងៃដំបូងដោយរលកកម្ដៅនៅប្រទេសអេស្ប៉ាញ

លោក Zelenskyy សន្យានាំយកអ្នកទទួលខុសត្រូវការវាយប្រហារនៅទីក្រុងរបស់អ៊ុយក្រែនមកកាត់ទោស

លោក Zelenskyy ថ្កោលទោសរុស្ស៊ី បន្ទាប់ពីការវាយប្រហារក្រុង Vinnytsia បណ្ដាលឲ្យមនុស្ស 23នាក់ស្លាប់

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ប្រធានាធិបតីស្រីលង្កាផ្ញើលិខិតលាលែងពីតំណែង ក្រោយគេចខ្លួនពីប្រទេសម៉ាល់ឌីវទៅសិង្ហបុរី