BTV NEWS

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

ព័ត៌មានសំខាន់ៗ

សម្តេចតេជោ ហ៊ុន សែន ស្នើអោយមីយ៉ាន់ម៉ាពិចារណាឡើងវិញ នូវការផ្តន្ទាទោស និងជៀសវាងការអនុវត្តការកាត់ទោសប្រហារជីវិតដល់អ្នកប្រឆាំង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន បានស្នើអោយមីយ៉ាន់ម៉ាពិចារណាឡើងវិញ នូវការផ្តន្ទាទោស និងជៀសវាងការអនុវត្តការកាត់ទោសប្រហារជីវិតដល់អ្នកប្រឆាំង។យោងតាមសារសម្តេចតេជោ ហ៊ុន សែន ផ្ញើជូនឯកឧត្តម មីន អោងលាំង មេដឹកនាំប្រទេសមីយ៉ាន់ម៉ា មានខ្លឹមសារថា ការផ្តន្ទាទោស និងផែនការប្រហារជីវិតលើបុគ្គលមួយចំនួនដែលប្រឆាំងនឹងក្រុមប្រឹក្សារដ្ឋបាលរដ្ឋ បានបង្កឱ្យមានការព្រួយបារម្ភយ៉ាងខ្លាំងក្នុងចំណោមរដ្ឋសមាជិកអាស៊ាន ក៏ដូចជាដៃគូខាងក្រៅរបស់អាស៊ាន។ កម្ពុជាជឿជាក់ថា ផែនការប្រហារជីវិតនេះ ប្រសិនបើត្រូវបានអនុវត្ត ប្រាកដជានឹងបង្កឱ្យមានប្រតិកម្មអវិជ្ជមានរីករាលដាលពេញសហគមន៍អន្តរជាតិ។ នេះក៏នឹងជះឥទ្ធិពលយ៉ាងធ្ងន់ធ្ងរដល់កិច្ចខិតខំប្រឹងប្រែងរបស់អាស៊ាន និងកម្ពុជា ក្នុងឋានៈជាប្រធានអាស៊ាន ដើម្បីគាំទ្រមីយ៉ាន់ម៉ាឱ្យវិលទៅរកភាពប្រក្រតីឡើងវិញ និងស្វែងរកដំណោះស្រាយដោយសន្តិវិធីចំពោះវិបត្តិបច្ចុប្បន្ន តាមរយៈដំណើរការសន្ទនាដែលមានបរិយាប័ន្ន ស្របតាមកិច្ចព្រមព្រៀងជាឯកច្ឆ័ន្ទប្រាំចំណុចរបស់អាស៊ាន។

វិមានក្រឹមឡាំងបញ្ជាក់ថា ប្រតិបត្តិការសឹកពិសេសនៅអ៊ុយក្រននឹងបញ្ចប់នៅពេលសម្រេចគោលដៅ

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍ថា ប្រតិបត្តិការសឹកពិសេសរបស់ប្រទេសរុស្ស៊ីនៅអ៊ុយក្រែននឹងបញ្ចប់ទៅបាន នៅពេលគោលដៅរបស់ខ្លួនសម្រេចបានជោគជ័យ។ អ្នកនាំពាក្យវិមានក្រឹមឡាំងរូបនេះបានចង្អុលបង្ហាញថា លោកប្រធានាធិបតីរុស្ស៊ី Vladimir Putin បានគូសបញ្ជាក់ពីកិច្ចការសម្រាប់ប្រតិបត្តិការសឹកពិសេសនេះ។ ការសម្រេចបានតាមផែនការទាំងនេះនឹងមានន័យថា ជាការបញ្ចប់ប្រតិបត្តិការសឹកពិសេសនេះ។ ជាមួយគ្នានោះដែរលោក Peskov ពុំបានអត្ថាធិប្បាយលើសេចក្ដីថ្លែងការណ៍ដែលថា លទ្ធផលនៃប្រតិបត្តិការសឹកពិសេសនេះមិនអាចសម្រេចបាន ក្រោមរបបអ៊ុយក្រែនបច្ចុប្បន្ន។ នៅពេលប្រកាសចាប់ផ្ដើមប្រតិបត្តិការសឹកពិសេសនៅក្នុងប្រទេសអ៊ុយក្រែនកាលពីថ្ងៃទី២៤ ខែកុម្ភៈ លោកប្រធានាធិបតីរុស្ស៊ី Vladimir Putin បានដាក់ចេញគោលដៅមួយចំនួន។ ក្នុងចំណោមគោលដៅទាំងនោះ រួមមានការបញ្ចប់របបដឹកនាំផ្ដាច់ការណាស៊ីនិយមលើប្រជាជនអ៊ុយក្រែននិយាយភាសារុស្ស៊ី និងធ្វើឲ្យប្រទេសអ៊ុយក្រែនគ្មានកងទ័ព៕អត្ថបទ៖ សុខមាន

ការខូចខាតហេដ្ឋារចនាសម្ព័ន្ធអ៊ុយក្រែនមានទំហំទឹកប្រាក់ប្រមាណជាង ១០០ពាន់លានដុល្លារអាមេរិក

អ៊ុយក្រែន៖ សាកលវិទ្យាល័យមួយរបស់ប្រទេសអ៊ុយក្រែនបាននិយាយថា ទំហំទឹកប្រាក់នៃការខូចខាតហេដ្ឋារចនាសម្ព័ន្ធរបស់ប្រទេសនេះ ដោយសារការវាយប្រហាររបស់រុស្ស៊ីបានកើនឡើង ១០៣.៩ពាន់លានដុល្លារអាមេរិក។ សាកលវិទ្យា Kyiv School of Economics បានផ្ដល់ការប៉ាន់ប្រមាណនេះនៅក្នុងរបាយការណ៍មួយ ដែលបានបញ្ចេញកាលពីថ្ងៃព្រហស្បតិ៍សប្ដាហ៍នេះ។ របាយការណ៍នេះបាននិយាយថា ទំហំទឹកប្រាក់នៃការខូចខាតដោយផ្ទាល់ចំពោះអគារលំនៅឋានបានកើនឡើង ៣៩.៣ពាន់លានដុល្លារអាមេរិកគិតត្រឹមថ្ងៃពុធសប្ដាហ៍នេះ។ ទិន្នន័យសម្រាប់ផ្លូវថ្នល់ត្រូវបានប៉ាន់ប្រមាណមានទំហំទឹកប្រាក់ប្រហែល ៣០ពាន់លានដុល្លារអាមេរិក សហគ្រាសឧស្សាហកម្ម និងរោងចក្រមានទំហំទឹកប្រាក់ ១១.៤លានដុល្លារអាមេរិក អាកាសយានដ្ឋានស៊ីវិលមានទំហំទឹកប្រាក់ ៦.៨ពាន់លានដុល្លារអាមេរិក និងស្ថានីយរថភ្លើង និងយានជំនិះផ្សេងៗ ២.៦ពាន់លានដុល្លារអាមេរិក។របាយការណ៍នេះក៏បានបង្ហាញពីការខូចខាតកាន់តែច្រើនឡើងផងដែរលើអគារវេជ្ជសាស្ត្រ និងសាលារៀន។ របាយការណ៍ដដែលបាននិយាយថា ស្ថាប័នអប់រំកម្រិតទាប និងខ្ពស់បានខូចខាតដែលមានទំហំទឹកប្រាក់ ១.៦ពាន់លានដុល្លារអាមេរិក ស្ថាប័នសុខាភិបាល ១.១ពាន់លានដុល្លារអាមេរិក និងសាលាមត្តេយ្យចំនួន ៥០០លានដុល្លារអាមេរិក៕អត្ថបទ៖ សុខមាន

កងកម្លាំងអ៊ុយក្រែនកំពុងទប់ទល់នឹងទាហានរុស្ស៊ីនៅភាគខាងកើត ខណៈវាយបកនៅភាគខាងជើង និងខាងត្បូង

អ៊ុយក្រែន៖ កងកម្លាំងប្រដាប់អាវុធអ៊ុយក្រែននៅតែបន្តវាយប្រហាររុលទៅមុខ ទប់ទល់នឹងកងកម្លាំងរុស្ស៊ីក្នុងទីក្រុង Severodonetsk ភាគខាងកើត ខណៈទប់ទល់ការវាយប្រហារនានាបានដោយជោគជ័យនៅក្នុងភាគខាងជើង និងខាងត្បូងអំឡុងសប្ដាហ៍ទី១៥ ឬថ្ងៃទី១០៧ នៃសង្គ្រាមនេះ។ ការវាយរុលទៅមុខនៅភាគខាងត្បូងបានចាប់ផ្ដើមកាលពីថ្ងៃទី២៨ ខែឧសភា និងនៅថ្ងៃទី២ ខែមិថុនា ប្រធានរដ្ឋបាលយោធាខេត្ត Kherson លោក Hennadiy Lahuta បានរាយការណ៍ថា កងកម្លាំងអ៊ុយក្រែនបានរំដោះយកភូមិចំនួន២០។ នៅក្នុងតំបន់មួយចំនួន កងកម្លាំងអ៊ុយក្រែនបានត្រៀមវាយរុញកងកម្លាំងរុស្ស៊ី នៅតាមខ្សែបន្ទាត់ការពារនានាឲ្យត្រឡប់ក្រោយចម្ងាយប្រមាណ ២៥គីឡូម៉ែត្រ។ កងទ័ពជើងទឹកអ៊ុយក្រែនក៏បាននិយាយនៅលើបណ្ដាញសង្គម Facebook ផងដែរថា ការបាញ់មីស៊ីលប្រឆាំងនាវារបស់ខ្លួនបានបង្ខំឲ្យនាវារុស្ស៊ីដកថយចម្ងាយ ១០០គីឡូម៉ែត្រពីដីគោក និងជំរុញរុស្ស៊ីឲ្យដាក់មីស៊ីលប្រឆាំងនាវាប្រើដោយថាមពលថ្ម Bal និង Bastion នៅលើតំបន់ Crimea។ប្រធានាធិបតីរុស្ស៊ីលោក Vladimir Putin បានផ្តល់អាទិភាពដល់យោធារុស្ស៊ីដែលកាន់កាប់ទាំងតំបន់ Luhansk ទាំង Donetsk ជាខេត្តពីរបង្កើតជាតំបន់ Donbas។ ក្រុមបំបែកខ្លួនគាំទ្ររុស្ស៊ីបានចាប់ផ្តើមប្រយុទ្ធជាលើកដំបូង ដើម្បីគ្រប់គ្រងតំបន់នេះនៅក្នុងឆ្នាំ២០១៤ ខណៈលោក Putin បានទទួលស្គាល់ជាផ្លូវការនូវឯករាជ្យភាពនៃអ្វីដែលហៅថា "សាធារណរដ្ឋប្រជាមានិត" Donetsk និង Luhansk មុនពេលចាប់ផ្តើមការលុកលុយពេញបន្ទុកនៅអ៊ុយក្រែនកាលពីថ្ងៃទី២៤ ខែកុម្ភៈ៕ អត្ថបទ៖ សុខមាន

លោក Putin និយាយថា នឹងពុំមានវាំងននដែកបិទបាំងសេដ្ឋកិច្ចរបស់រុស្ស៊ីនោះទេ

រុស្ស៊ី៖ លោកប្រធានាធិបតីរុស្ស៊ី Vladimir Putin កាលពីថ្ងៃព្រហស្បតិ៍បាននិយាយថា នឹងពុំមានវាំងននដែកបិទបាំងសេដ្ឋកិច្ចរបស់រុស្ស៊ីទាំងស្រុងនោះទេ ទោះរងទណ្ឌកម្មពីលោកខាងលិចក៏ដោយ ព្រោះទីក្រុង Moscow នឹងមិនបិទផ្លូវខ្លួនឯងពីពិភពលោកដូចអតីតសហភាពសូវៀតនោះទេ។ ទណ្ឌកម្មដែលដាក់ដោយលោកខាងលិចជុំវិញការឈ្លានពានរបស់រុស្ស៊ីលើអ៊ុយក្រែន បានធ្វើឲ្យរុស្ស៊ីដែលជាប្រទេសផលិតធនធានធម្មជាតិដ៏ធំបំផុត ក្នុងចំណោមប្រទេសជាច្រើនរបស់ពិភពលោក ឆ្ពោះទៅរកការធ្លាក់ចុះសេដ្ឋកិច្ចដ៏ធំបំផុត ចាប់តាំងពីប៉ុន្មានឆ្នាំបន្ទាប់ពីការដួលរលំនៃសហភាពសូវៀតឆ្នាំ1991។ ពេលត្រូវបានសួរអំពីលទ្ធភាពកិច្ចព្រមព្រៀងជាមួយដៃគូដូចជា ចិន និងឥណ្ឌា ស្របពេលមានការបិទបាំងសេដ្ឋកិច្ចរបស់រុស្ស៊ី លោក Putin ថ្លែងមុនចាប់ផ្ដើមវេទិកាសេដ្ឋកិច្ចទីក្រុង សេន ភីធឺស្ប៊ក (St Petersburg) នៅសប្ដាហ៍ក្រោយថា សេដ្ឋកិច្ចរបស់រុស្ស៊ីនឹងនៅតែបើក។យើងមិនមានសេដ្ឋកិច្ចបិទដូចកាលដែលយើងបានធ្វើនៅសម័យសូវៀត នៅពេលដែលយើងកាត់ខ្លួនឯង បង្កើតអ្វីដែលគេហៅថា វាំងននដែកយើងបង្កើតវាដោយដៃរបស់យើងផ្ទាល់។ យើងនឹងមិនធ្វើកំហុសច្រំដែលម្តងទៀតទេ សេដ្ឋកិច្ចរបស់យើងនឹងបើក៕អត្ថបទ៖ សុខមាន

ប្រមុខអង្គការសហប្រជាជាតិព្រមានពីផលប៉ះពាល់ពិភពលោកដោយសារសង្គ្រាមអ៊ុយក្រែនកាន់តែធ្ងន់ធ្ងរខ្លាំង

UN៖ លោក Antonio Guterres អគ្គលេខាធិការអង្គការសហប្រជាជាតិបាននិយាយកាលពីថ្ងៃពុធថា ផលលំបាកសម្រាប់ពិភពលោកកើតចេញពីការវាយលុករបស់រុស្ស៊ីចូលអ៊ុយក្រែនកាន់តែធ្ងន់ធ្ងរខ្លាំង ដោយមនុស្សប្រមាណ ១.៦ពាន់លាននាក់ទំនងជារងផលប៉ះពាល់។ លោកអគ្គលេខាធិការបាននិយាយថា ផលប៉ះពាល់នៃសង្គ្រាមលើសន្តិសុខស្បៀង ថាមពល និងហិរញ្ញវត្ថុមានលក្ខណៈជាប្រព័ន្ធធ្ងន់ធ្ងរ និងមានសន្ទុះល្បឿនលឿនទាក់ទងនឹងផលប៉ះពាល់នៃជម្លោះ ដោយបង្ហាញរបាយការណ៍ទី២ របស់អង្គការសហប្រជាជាតិពាក់ព័ន្ធនឹងផលលំបាកនៃជម្លោះនេះ។ លោកបានបន្ថែមថា សម្រាប់មនុស្សនៅជុំវិញពិភពលោក សង្គ្រាមនេះកំពុងបង្កឲ្យមានរលកនៃភាពអត់ឃ្លាន និងក្រីក្រខ្លាំងមិនធ្លាប់មានដោយបណ្ដាលឲ្យសង្គម និងសេដ្ឋកិច្ចធ្លាក់ក្នុងភាពវឹកវ។លោក Guterres និយាយថា ខណៈដែលវិបត្តិស្បៀងអាហារនៅឆ្នាំនេះកើតឡើងដោយសារខ្វះមធ្យោបាយដឹកជញ្ជូន នៅឆ្នាំក្រោយអាចខ្វះស្បៀងអាហារតែម្ដង។ លោកបានទទូចនៅក្នុងសន្ទរកថាមួយថា មធ្យោបាយតែមួយគត់ដើម្បីបញ្ឈប់វិបត្តិដ៏ធំនេះបានគឺការវាយលុករបស់រុស្ស៊ីលើអ៊ុយក្រែនត្រូវតែបញ្ចប់។ លោក Antonio Guterres បានថ្លែងថា អង្គការសហប្រជាជាតិបាននឹងកំពុងធ្វើការលើកញ្ចប់ ដែលនឹងនាំចេញគ្រាប់ធញ្ញជាតិរាប់លានតោន និងទំនិញផ្សេងទៀតពីអ៊ុយក្រែន និងរុស្ស៊ីដូចជាគ្រាប់ធញ្ញជាតិ និងជីកសិកម្មជាដើម៕អត្ថបទ៖ សុខមាន

អង្គការសហប្រជាជាតិនិយាយថា ជនស៊ីវិលជាង ៤.២០០នាក់ស្លាប់ក្នុងប្រទេសអ៊ុយក្រែនគិតចាប់ពីសង្គ្រាមចាប់ផ្ដើម

អ៊ុយក្រែន៖ ការិយាល័យឧត្ដមស្នងការសិទ្ធិមនុស្សរបស់អង្គការសហប្រជាជាតិបាននិយាយថា ជនស៊ីវិលយ៉ាងហោចណាស់ ៤,២៥៣នាក់បានស្លាប់គិតត្រឹមថ្ងៃចន្ទដើមសប្ដាហ៍នេះនៅប្រទេសអ៊ុយក្រែន ចាប់តាំងពីរុស្ស៊ីចាប់ផ្ដើមវាយលុក។ ការិយាល័យនេះបាននិយាយកាលពីថ្ងៃអង្គារថា ខ្លួនបានបញ្ជាក់ពីចំនួនមនុស្សស្លាប់ ២,៤៥៥នាក់នៅក្នុងតំបន់ Donetsk និង Luhansk ភាគខាងកើត និងចំនួន ១,៧៩៨នាក់នៅក្នុងតំបន់ផ្សេងៗរបស់ប្រទេសនេះ រួមទាំងទីក្រុង Kyiv និងតំបន់ Kharkiv។ ការិយាល័យដដែលក៏បាននិយាយផងដែរថា ជនស៊ីវិលចំនួន ៥,១៤១នាក់បានរងរបួសអំឡុងសង្គ្រាមនេះ។ ប្រភពដដែលបានបន្ថែមទៀតថា ខ្លួនជឿថា ចំនួនពិតប្រាកដអាចមានខ្ពស់ជាងនេះ ព្រោះទីភ្នាក់ងារនេះកំពុងធ្វើការដើម្បីបញ្ជាក់ពីរបាយការណ៍នានាពីទីក្រុង Mariupol ភាគខាងកើត និងតំបន់ផ្សេងទៀត ជាទីដែលការវាយប្រយុទ្ធនៅតែកំពុងកើតមាននៅឡើយ។ទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិវិញបាននិយាយថា មនុស្សប្រមាណ ៦.៦៤លាននាក់បានភៀសខ្លួនចេញពីប្រទេសអ៊ុយក្រែនគិតត្រឹមថ្ងៃអង្គារសប្ដាហ៍នេះ ចាប់តាំងពីការវាយលុករបស់រុស្ស៊ីចូលអ៊ុយក្រែនកាលពីថ្ងៃទី២៤ ខែកុម្ភៈ។ យោងតាមការចុះផ្សាយរបស់សារព័ត៌មាន Yahoo លោកប្រធានាធិបតីអ៊ុយក្រែន Zelenskyy បាននិយាយថា ទាហានរុស្ស៊ីប្រមាណ ៣០០នាក់បានស្លាប់ជារៀងរាល់ថ្ងៃក្នុងប្រទេសអ៊ុយក្រែន អំឡុងសង្គ្រាមនេះ។ ចំនួនទាហានរុស្ស៊ីស្លាប់សរុបមានជាង ៣១,០០០នាក់៕អត្ថបទ៖ សុខមាន

លោក Zelenskyy អះអាងថា ទាហានរុស្ស៊ីជាង ៣ម៉ឺននាក់ស្លាប់ក្នុងសង្គ្រាមនៅអ៊ុយក្រែន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃអង្គារបានអះអាងថា រុស្ស៊ីបានបាត់បង់ទាហានជាង ៣១.០០០នាក់ចាប់តាំងពីការចាប់ផ្តើមការវាយលុករបស់ខ្លួនកាលពីខែកុម្ភៈ។ លោក Zelenskyy បាននិយាយនៅក្នុងសុន្ទរកថាប្រចាំថ្ងៃរបស់លោក តាមបណ្តាញផ្សព្វផ្សាយសង្គមថា រុស្ស៊ីបានបាត់បង់សម្រាប់សង្គ្រាមគ្មានប្រយោជន៍នេះប្រឆាំងអ៊ុយក្រែន ជាមួយនឹងជីវិតទាហានរបស់ពួកគេជិត ៣០០នាក់ជារៀងរាល់ថ្ងៃ។ លោកនិយាយថា ថ្ងៃមួយនឹងមកដល់សម្រាប់រុស្ស៊ី នៅពេលដែលចំនួននៃការបាត់បង់នឹងលើសពីដែនកំណត់។ ខណៈការប្រយុទ្ធនៅតែបន្តនៅក្នុងតំបន់ Donbas ភាគខាងកើត លោក Zelenskyy បាននិយាយថា ស្ថានភាពមិនបានមើលឃើញការផ្លាស់ប្តូរសំខាន់ណាមួយនោះទេក្នុងរយៈពេល ២៤ម៉ោងមុននេះ ដែលកងកម្លាំងអ៊ុយក្រែនព្យាយាមការពារទីក្រុង Sievierodonetsk និង Lysychansk។ កាលពីថ្ងៃអង្គារ ប្រធានាធិបតីអ៊ុយក្រែនបាននិយាយដោយទទូចថា ខណៈ អ៊ុយក្រែនត្រូវការឲ្យរុស្ស៊ីបរាជ័យនៅលើសមរភូមិ ប៉ុន្តែលោកនៅតែបើកចំហសម្រាប់ការចរចា សន្តិភាពជាមួយប្រធានាធិបតីរុស្ស៊ីលោក Vladimir Putin។ លោក Zelenskyy ក៏បាននិយាយថា កង្វះយុទ្ធោបករណ៍ បានរារាំងដល់កងកម្លាំងអ៊ុយក្រែនមិនអាចឈានទៅមុខ ប្រឆាំងកងទ័ពរុស្ស៊ីដែលមានចំនួនច្រើនលើសលប់។ថ្លែងនៅក្នុងសារជាវីដេអូលោក Zelenskyy និយាយថា ដើម្បីរុលចូលទៅមុខបានកងទ័ពអ៊ុយក្រែននឹងត្រូវការយុទ្ធោបករណ៍យ៉ាងហោចណាស់ ១០ដងបន្ថែមទៀត។ យើងមានគោលបំណងកាន់តែច្រើន ប៉ុន្តែយើងមានយុទ្ធោបករណ៍តិច ដូច្នេះយើងមិនអាចរុលឆ្ពោះទៅមុខខ្លាំងបាននោះទេ។ ការថ្លែងរបស់លោកធ្វើឡើង នៅពេលដែលរុស្ស៊ីបានអះអាង កាលពីថ្ងៃអង្គារថា បានគ្រប់គ្រង ៩៧% នៃខេត្តមួយក្នុងចំណោមខេត្តទាំងពីរដែលបង្កើតតំបន់ Donbas របស់អ៊ុយក្រែន ដែលធ្វើឱ្យវិមានក្រឹមឡាំងកាន់តែខិតទៅជិតគោលដៅរបស់ខ្លួន ក្នុងការដណ្តើមយកតំបន់ឧស្សាហកម្មភាគខាងកើតទាំងស្រុងមានអណ្តូងរ៉ែធ្យូងថ្ម និងរោងចក្រ៕អត្ថបទ៖ ប៊ុនថន

អាមេរិកបង្កើនការប្រកាសអាសន្នជំងឺអុតស្វា ខណៈករណីឆ្លងទូទាំងពិភពលោកកើនឡើងជាង ១.០០០នាក់

សហរដ្ឋអាមេរិក៖ មជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិកបានបង្កើនការណែនាំស្ដីពីជំងឺអុតស្វា ដោយជំរុញឲ្យប្រជាពលរដ្ឋបង្កើនការប្រុងប្រយ័ត្នបន្ថែមទៀត ស្របពេលករណីឆ្លងវីរុសនេះបានហក់ឡើងដល់ជាង ១,០០០នាក់។ មជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិកបានដំឡើងការប្រកាសអាសន្នដល់កម្រិតទី២ កាលពីថ្ងៃចន្ទ ដោយជំរុញឲ្យប្រជាពលរដ្ឋអនុវត្តន៍ការប្រុងប្រយ័ត្នឲ្យបានខ្ជាប់ខ្ជួន ដើម្បីទប់ស្កាត់ការឆ្លងរាតត្បាតដែលបានរាលដាលដល់ ២៩ប្រទេសដែលមិនធ្លាប់មានជំងឺប្រភេទនេះពីមុខមកកាលពីមួយខែកន្លងទៅ។ ការប្រកាសអាសន្នកម្រិតខ្ពស់បំផុតទី៣ នឹងមិនអនុញ្ញាតឲ្យមានការធ្វើដំណើរណាដែលមិនចាំបាច់។ ខណៈទីភ្នាក់ងារសុខភាពសាធារណៈមួយនេះបាននិយាយថា បញ្ហាប្រឈមចំពោះសាធារណៈទូទៅនៅតែមានកម្រិតទាប ការប្រកាសអាសន្នកម្រិតខ្ពស់បំផុតបានជំរុញមនុស្សជៀសវាង ការប្រាស្រ័យទាក់ទាក់ទងជិតស្និទ្ធជាមួយអ្នកជំងឺ រួមមានអ្នកទាំងឡាយដែលមានដំបៅលើស្បែក ឬប្រដាប់ភេទ ព្រមទាំងប៉ះពាល់សត្វឈឺ ឬងាប់។ដំបូងមជ្ឈមណ្ឌលនេះបានផ្ដល់អនុសាសន៍នៅលើគេហទំព័ររបស់ខ្លួនថា អ្នកដំណើរត្រូវពាក់ម៉ាស់ដើម្បីជួយទប់ស្កាត់ការឆ្លងរាលដាលនៃជំងឺអុតស្វា ប៉ុន្តែក្រោយមកបានលុបចោលវិញ។ ជំងឺអុតស្វាគឺជាជំងឺដ៏កម្រមួយបណ្ដាលមកពីការឆ្លងវីរុសអុតស្វា ដែលមានរោគសញ្ញាផ្សេងៗរួមទាំងមានកន្ទួលលើស្បែក ក្ដៅខ្លួន ឈឺក្បាល ឈឺសាច់ដុំ ហើម និងឈឺឆ្អឹងខ្នង៕អត្ថបទ៖ សុខមាន

សម្ព័ន្ធមិត្តរបស់លោក Putin និយាយថា លោកនឹងធ្វើគ្រប់យ៉ាងដើម្បីធ្វើឲ្យសត្រូវរបស់រុស្ស៊ីរលាយ

រុស្ស៊ី៖ លោក Dmitry Medvedev អតីតប្រធានាធិបតីរុស្ស៊ីបាននិយាយនៅក្នុងសារបង្ហោះលើបណ្ដាញ Telegram កាលពីថ្ងៃអង្គារថា លោកនឹងធ្វើគ្រប់បែបយ៉ាងដើម្បីធ្វើឲ្យសត្រូវរបស់ប្រទេសរុស្ស៊ីរលាយ។ លោក Medvedev បាននិយាយថា ពួកគេគឺជាសត្វតិរច្ឆាន និងកាកសំណល់។ ពួកគេចង់ឲ្យយើងស្លាប់ ពួកគេចង់ឲ្យរុស្ស៊ីខ្ទេច។ លោក Medvedev ដែលជាសម្ព័ន្ធមិត្តរបស់លោក Putin បច្ចុប្បន្នជាអនុប្រធានក្រុមប្រឹក្សាសន្តិសុខជាតិរុស្ស៊ី។ លោក Dmitry Medvedev បានបញ្ជាក់កាលពីថ្ងៃអង្គារពីបំណងប្រាថ្នាកម្ទេចសត្រូវរបស់ក្រុង Moscow នៅក្នុងការបង្ហោះសារគំរាមនៅលើបណ្ដាញសង្គម Telegram។ លោក Medvedev និយាយថា មានមនុស្សជាច្រើនតែងសួរលោកហេតុអ្វីបានជាបង្ហោះសារនៅលើ Telegram សាហាវខ្លាំងម្ល៉េះ។ ចម្លើយគឺលោកស្អប់ពួកគេ។ ពួកគេគឺជាសត្វតិរច្ឆាន និងកាកសំណល់។ ដរាបណាលោកនៅមានជីវិត លោកនឹងធ្វើគ្រប់យ៉ាងតាមដែលអាចធ្វើទៅបាន ដើម្បីធ្វើឲ្យពួកគេរលាយ។គេមិនច្បាស់ថា ការបង្ហោះនេះសំដៅដល់អ្នកណា ឬទៅលើអ្វីនោះទេ ប៉ុន្តែបានកើតមានឡើងនៅពេលលោក Medvedev ដែលជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ីលោក Vladimir Putin បានបញ្ចេញសំឡេងដ៏តានតឹងកាន់តែខ្លាំងឡើងទៅកាន់ទីក្រុង Kyiv និងលោកខាងលិច ស្របពេលមានសង្គ្រាមដោយគ្មានហេតុផលរបស់រុស្ស៊ីចូលទៅអ៊ុយក្រែន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ្នកការទូតជាន់ខ្ពស់របស់ចិន ជួបអនុប្រធានសន្តិសុខអ៊ីរ៉ង់ ក្រោយកិច្ចពិភាក្សាជាមួយអាមេរិក នៅស្វីស

វិមានក្រឹមឡាំង ចោទប្រកាន់អ៊ុយក្រែនថា បានគំរាមកំហែងដល់អធិបតេយ្យភាពរបស់បេឡារុស

អតីតរដ្ឋមន្រ្តីដឹកជញ្ជូនអេស្ប៉ាញ ត្រូវបានកាត់ទោសឲ្យជាប់ពន្ធនាគាររយៈពេល ២៤ឆ្នាំ ក្នុងករណីពុករលួយ

កងទ័ពស៊ូដង់ទទួលយកអ្នករត់ចោលជួររបស់កងកម្លាំង RSF នៅ Darfur បង្កការខឹងសម្បារនៅក្នុងចំណោមពលរដ្ឋ

ទីក្រុងប៉េកាំងប្ដេជ្ញាពង្រឹងទំនាក់ទំនងជាមួយបង់ក្លាដែស ខណៈនាយករដ្ឋមន្ត្រីគ្រោងទស្សនកិច្ចនៅចិន

ទីក្រុងមូស្គូបាញ់ទម្លាក់យានដ្រូនក្រុងគីវជាង ៨០គ្រឿង ខណៈការវាយប្រហាររុស្ស៊ីសម្លាប់មនុស្ស ៦នាក់នៅអ៊ុយក្រែន

ទីភ្នាក់ងារប្រឆាំងអំពើពុករលួយម៉ាឡេស៊ី បើកការស៊ើបអង្កតករណីផ្ទេរដំរីទៅកាន់សួនសត្វជប៉ុន

ប្រភព៖ ឥណ្ឌាកំពុងចរចាលក់មីស៊ីលល្បឿនលឿនជាងសំឡេង BrahMos ទៅអារ៉ាប់រួម

EU វាយតម្លៃឡើងវិញពីកិច្ចប្រជុំជាមួយអង់គ្លេស នៅខែកក្កដា ក្រោយលោក Starmer ប្រកាសចុះចេញពីតំណែង

លោក Vance៖ អ៊ីរ៉ង់នឹងអនុញ្ញាតឲ្យអធិការកិច្ចនុយក្លេអ៊ែររបស់ UN ចូលប្រទេសវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

វិមានក្រឹមឡាំងបញ្ជាក់ថា ប្រតិបត្តិការសឹកពិសេសនៅអ៊ុយក្រននឹងបញ្ចប់នៅពេលសម្រេចគោលដៅ

ការខូចខាតហេដ្ឋារចនាសម្ព័ន្ធអ៊ុយក្រែនមានទំហំទឹកប្រាក់ប្រមាណជាង ១០០ពាន់លានដុល្លារអាមេរិក

កងកម្លាំងអ៊ុយក្រែនកំពុងទប់ទល់នឹងទាហានរុស្ស៊ីនៅភាគខាងកើត ខណៈវាយបកនៅភាគខាងជើង និងខាងត្បូង

លោក Putin និយាយថា នឹងពុំមានវាំងននដែកបិទបាំងសេដ្ឋកិច្ចរបស់រុស្ស៊ីនោះទេ

ប្រមុខអង្គការសហប្រជាជាតិព្រមានពីផលប៉ះពាល់ពិភពលោកដោយសារសង្គ្រាមអ៊ុយក្រែនកាន់តែធ្ងន់ធ្ងរខ្លាំង

អង្គការសហប្រជាជាតិនិយាយថា ជនស៊ីវិលជាង ៤.២០០នាក់ស្លាប់ក្នុងប្រទេសអ៊ុយក្រែនគិតចាប់ពីសង្គ្រាមចាប់ផ្ដើម

លោក Zelenskyy អះអាងថា ទាហានរុស្ស៊ីជាង ៣ម៉ឺននាក់ស្លាប់ក្នុងសង្គ្រាមនៅអ៊ុយក្រែន

អាមេរិកបង្កើនការប្រកាសអាសន្នជំងឺអុតស្វា ខណៈករណីឆ្លងទូទាំងពិភពលោកកើនឡើងជាង ១.០០០នាក់

សម្ព័ន្ធមិត្តរបស់លោក Putin និយាយថា លោកនឹងធ្វើគ្រប់យ៉ាងដើម្បីធ្វើឲ្យសត្រូវរបស់រុស្ស៊ីរលាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

វិមាន​ក្រឹម​ឡាំង​បញ្ជាក់ថា ប្រតិបត្តិការ​សឹក​ពិសេស​នៅ​អ៊ុយ​ក្រ​ន​នឹង​បញ្ចប់​នៅពេល​សម្រេច​គោលដៅ​

លោក Putin និយាយ​ថា​ នឹង​ពុំ​មាន​វាំងនន​ដែក​បិទបាំង​សេដ្ឋកិច្ច​របស់​រុស្ស៊ី​នោះទេ

លោក Zelenskyy អះអាងថា ទាហានរុស្ស៊ីជាង ៣ម៉ឺន​នាក់ស្លាប់ក្នុងសង្គ្រាមនៅអ៊ុ​​យ​​ក្រែន​

អាមេរិក​បង្កើន​ការ​ប្រកាស​អាសន្ន​ជំងឺ​អុត​ស្វា ខណៈ​ករណី​ឆ្លង​ទូទាំង​ពិភពលោក​កើនឡើង​ជាង ​១.០០០​នាក់​

សម្ព័ន្ធមិត្ត​របស់​លោក Putin និយាយ​ថា លោក​នឹង​ធ្វើ​គ្រប់យ៉ាង​ដើម្បី​ធ្វើ​ឲ្យ​សត្រូវ​របស់​រុស្ស៊ី​រលាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វិមានក្រឹមឡាំងបញ្ជាក់ថា ប្រតិបត្តិការសឹកពិសេសនៅអ៊ុយក្រននឹងបញ្ចប់នៅពេលសម្រេចគោលដៅ

លោក Putin និយាយថា នឹងពុំមានវាំងននដែកបិទបាំងសេដ្ឋកិច្ចរបស់រុស្ស៊ីនោះទេ

លោក Zelenskyy អះអាងថា ទាហានរុស្ស៊ីជាង ៣ម៉ឺននាក់ស្លាប់ក្នុងសង្គ្រាមនៅអ៊ុយក្រែន

អាមេរិកបង្កើនការប្រកាសអាសន្នជំងឺអុតស្វា ខណៈករណីឆ្លងទូទាំងពិភពលោកកើនឡើងជាង ១.០០០នាក់

សម្ព័ន្ធមិត្តរបស់លោក Putin និយាយថា លោកនឹងធ្វើគ្រប់យ៉ាងដើម្បីធ្វើឲ្យសត្រូវរបស់រុស្ស៊ីរលាយ