BTV NEWS

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

ព័ត៌មានសំខាន់ៗ

ប្រេសិតពិសេសរុស្ស៊ីប្រចាំ UN ដើរចេញពីកិច្ចប្រជុំស្ដីពីវិបត្តិអ៊ុយក្រែន ព្រោះសេចក្ដីថ្លែងការណ៍របស់សហភាពអឺរ៉ុប

UN៖ អគ្គរដ្ឋទូតរុស្ស៊ីប្រចាំនៅអង្គការសហប្រជាជាតិលោក Vassily Nebenzia បានដើរចេញទាំងកំហឹងពីកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃចន្ទ ខណៈប្រធានក្រុមប្រឹក្សាសហភាពអឺរ៉ុបលោក Charles Michel បានថ្លែងទៅកាន់គណៈកម្មការដែលមានសមាជិក ១៥ប្រទេសមួយនេះ និងបានចោទប្រកាន់ក្រុង Moscow ពីបទដុតបញ្ឆេះឲ្យមានវិបត្តិស្បៀងអាហារសកល កើតចេញពីការវាយលុកចូលប្រទេសអ៊ុយក្រែន។ លោក Michel ក៏បានចោទប្រកាន់កងទ័ពរុស្ស៊ីផងដែរពីបទប្រព្រឹត្តឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ ពិសេសយោងទៅលើរបាយការណ៍នានា ស្ដីពីការរំលោភបំពានផ្លូវភេទដោយហិង្សា ជាការយកចិត្តទុកដាក់នៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ និងហៅសកម្មភាពនោះថា របៀបមួយនៃការធ្វើទារុណកម្ម ភេរវកម្ម និងការបង្ក្រាប។ អំឡុងអានសេចក្ដីថ្លែងការណ៍របស់លោកនៅពេលចាប់ផ្ដើមកិច្ចប្រជុំនោះ លោក Nebenzia បានទាត់ចោលដាច់អហង្ការរាល់ការចោទប្រកាន់ ទាក់ទងអំពើហិង្សាផ្លូវភេទពីសំណាក់កងទ័ពរុស្ស៊ី ដោយថ្កោលទោសនូវអ្វីដែលលោកបាននិយាយថា ជាការកុហក។ខណៈលោកចាកចេញពីកិច្ចប្រជុំក្រុមប្រឹក្សាសន្តិសុខ អំឡុងសេចក្ដីថ្លែងការណ៍របស់លោក Michel លោក Nebenzia ដែលកំពុងខឹងខ្លាំងបានប្រាប់សារព័ត៌មាន Reuters ថា លោកមិនអាចទ្រាំអង្គុយស្ដាប់រឿងកុហកដែលលោក Charles Michel មកទីនេះដើម្បីរំខានដល់កិច្ចប្រជុំនេះបានទេ៕ អត្ថបទ៖ សុខមាន

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

ភ្នំពេញ៖ លោកជំទាវ កិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមកាងារគណបក្សខេត្តស្វាយរៀង បានថ្លែងនូវការកោតសរសើរ និងអំណរគុណដល់ថ្នាក់ដឹកនាំក្រុមការងារ និងថ្នាក់ដឹកនាំគណបក្សគ្រប់លំដាប់ថ្នាក់ទាំងអស់ នៅខេត្តស្វាយរៀង ដែលខិតខំអស់កម្លាំងកាយ និងស្មារតី ដណ្តើមជោគជ័យជូនបក្សក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណិត្តទី៥កន្លងទៅនេះ។

ការបាញ់ប្រហារនៅទូទាំងសហរដ្ឋអាមេរិកបណ្ដាលឲ្យមនុស្ស ១៥នាក់ស្លាប់ និងច្រើននាក់របួស

សហរដ្ឋអាមេរិក៖ ការបាញ់ប្រហារជាបន្តបន្ទាប់បណ្តាលឲ្យមនុស្ស ១៥នាក់ស្លាប់ និងជាង ៦០នាក់ផ្សេងទៀតរងរបួសនៅក្នុងរដ្ឋចំនួន៨ របស់សហរដ្ឋអាមេរិកកាលពីចុងសប្តាហ៍កន្លងទៅនេះ បង្កដោយអំពើហិង្សាដោយកាំភ្លើងដែលបានកើតឡើង ខណៈប្រទេសនេះបន្តកាន់ទុក្ខអ្នកបាត់បង់ជីវិត ក្នុងការបាញ់ប្រហារកាលពីខែមុននៅក្នុងទីក្រុង Buffalo, New York និងក្រុង Uvalde រដ្ឋតិចសាស់។អាជ្ញាធរបាននិយាយថា មនុស្ស ៣នាក់បានស្លាប់ និងយ៉ាងហោចណាស់ ១១នាក់បានរងរបួសនៅក្នុងការបាញ់ប្រហារកាលពីយប់ថ្ងៃសៅរ៍នៅទីក្រុង Philadelphia។ យោងតាមនគរបាលបានឲ្យដឹងថា ក្រុមមន្ត្រីកំពុងល្បាតនៅតំបន់នោះនៅលើផ្លូវ South Street ក្នុងទីក្រុង Philadelphia នៅពេលនោះពួកគេបានឮសម្លេងកាំភ្លើងជាច្រើនគ្រាប់ និងបានឃើញជនសង្ស័យជាច្រើននាក់ បានបាញ់ទៅលើមនុស្សជាច្រើននៅជិតពាក់កណ្តាលអធ្រាត្រ។ យោងតាមនគរបាលបានឲ្យដឹងថា មានមនុស្សរាប់រយនាក់នៅលើផ្លូវ South Street ជាផ្លូវដែលមមាញឹកជាប្រចាំក្នុងអំឡុងពេលចុងសប្តាហ៍ មុនពេលការបាញ់ប្រហារបានផ្ទុះឡើង។ផ្លូវ South Street ត្រូវបានគេស្គាល់ថាជាទីតាំងកម្សាន្ត និងជីវិតពេលយប់ដែលមានបារ ភោជនីយដ្ឋាន និងអាជីវកម្មជាច្រើន។ ស្ថានភាពអ្នករងរបួសដោយការបាញ់កាំភ្លើងនៅមិនទាន់ដឹងនៅឡើយ។ កាំភ្លើងខ្លីចំនួន ២ដើមត្រូវបានរកឃើញ ប៉ុន្តែមិនមានការចាប់ខ្លួនបាននណាម្នាក់នោះទេ។ ការបង្ហោះរបស់នគរបាលនៅលើបណ្តាញ Twitter បានណែនាំប្រជាជនឱ្យជៀសវាងពីតំបន់នោះ៕អត្ថបទ៖ ប៊ុនថន

កូរ៉េខាងត្បូង និងអាមេរិកបាញ់មីស៊ីល ៨គ្រាប់ឆ្លើយតបការបាញ់សាកល្បងមីស៊ីលបាលីស្ទីករបស់កូរ៉េខាងជើង

កូរ៉េខាងត្បូង៖ កូរ៉េខាងត្បូង និងសហរដ្ឋអាមេរិកបានថ្កោលទោស ការបាញ់មីស៊ីលចុងក្រោយបំផុតរបស់កូរ៉េខាងជើង ដោយបានបាញ់មីស៊ីលបាលីស្ទីកចំនួន ៨គ្រាប់ជាការបង្ហាញកម្លាំង និងត្រៀមខ្លួនរបស់សម្ព័ន្ធមិត្តទាំង២ ឆ្លើយតបការបង្ករឿងរបស់ក្រុង Pyongyang។ ការបាញ់នៅព្រឹកថ្ងៃចន្ទនេះ កើតឡើងមួយថ្ងៃបន្ទាប់ពីកូរ៉េខាងជើងបានបាញ់មីស៊ីលបាលីស្ទីក រយៈចម្ងាយខ្លីចូលទៅសមុទ្រក្បែរដែនទឹករបស់ខ្លួន ជាអ្វីដែលក្រុមអ្នកវិភាគនិយាយថា គឺជាការបាញ់សាកល្បង ១លើកមានចំនួនច្រើនគ្រាប់ដ៏ធំបំផុត មិនធ្លាប់មានពីប្រទេសអាវុធនុយក្លេអ៊ែរមួយនេះ។ នៅក្នុងសេចក្ដីថ្លែងការណ៍មួយ នាយសេនាធិការចម្រុះកូរ៉េខាងត្បូងបាននិយាយថា សម្ព័ន្ធមិត្តទាំង២ បានបាញ់មីស៊ីលបាលីស្ទីកចំនួន ៨គ្រាប់ចូលក្នុងសមុទ្រភាគខាងកើតចាប់ផ្ដើមនៅម៉ោង 4:45នាទីព្រឹកម៉ោងក្នុងស្រុកមានរយៈពេលប្រហែល ១០នាទី។លោកប្រធានាធិបតីកូរ៉េខាងត្បូង Yoon Suk-yeol ដែលបានកាន់អំណាចកាលពីខែមុន បានសន្យាប្រកាន់គោលជំហរកាន់តែម៉ឺងម៉ាត់ទល់នឹងកូរ៉េខាងជើង ដែលបានបង្កើនការអភិវឌ្ឍន៍កម្មវិធីមីស៊ីល និងនុយក្លេអ៊ែររបស់ខ្លួន និងបានព្រមព្រៀងជាមួយលោកប្រធានាធិបតីអាមេរិក Joe Biden នៅជំនួបកំពូលកាលពីខែឧសភាក្នុងទីក្រុងសេអ៊ូល ដើម្បីពង្រឹងសកម្មភាពសមយុទ្ធយោធារួមគ្នា និងរួមគ្នាទប់ទល់ការគំរាម៕អត្ថបទ៖ សុខមាន

មនុស្ស ៤៩នាក់ស្លាប់ដោយសារអគ្គិភ័យឆេះឃ្លាំងដាក់ទូទំនិញនៅប្រទេសបង់ក្លាដែស

បង់ក្លាដែស៖ មន្ត្រី និងប្រព័ន្ធផ្សព្វផ្សាយក្នុងតំបន់បានរាយការណ៍កាលពីថ្ងៃអាទិត្យថា អគ្គិភ័យធំមួយនៅឃ្លាំងផ្ទុកទូទំនិញមួយកន្លែងនៅជិតទីក្រុងកំពង់ផែនៅភាគអាគ្នេយ៍ប្រទេសបង់ក្លាដែស បានបណ្តាលឲ្យមនុស្សយ៉ាងហោចណាស់ ៤៩នាក់ស្លាប់ និងជាង ៣០០នាក់ផ្សេងទៀតបានរងរបួស ខណៈក្រុមអ្នកពន្លត់អគ្គិភ័យបានព្យាយាមដើម្បីគ្រប់គ្រងអគ្គិភ័យនេះ។អគ្គិភ័យនៅឃ្លាំង BM Inland Container Depot ជាក្រុមហ៊ុនវិនិយោគរួមគ្នាដោយប្រទេសហូឡង់-បង់ក្លាដែសបានឆាបឆេះកាលពីយប់ថ្ងៃសៅរ៍ បន្ទាប់ពីមានការផ្ទុះនៅក្នុងទូទំនិញមួយផ្ទុកសារធាតុគីមី។ មូលហេតុនៃអគ្គិភ័យនេះមិនទាន់អាចកំណត់បានភ្លាមៗនៅឡើយនោះទេ។ យោងតាមលោក Main Uddin អគ្គនាយកអង្គភាពសេវាពន្លត់អគ្គិភ័យ និងការពារជនស៊ីវិលបង់ក្លាដែសបានឱ្យដឹងថា យ៉ាងហោចណាស់អ្នកពន្លត់អគ្គិភ័យ ៥នាក់ស្ថិតនៅក្នុងចំណោមអ្នក ស្លាប់ ហើយអ្នកពន្លត់អគ្គិភ័យ ១៥នាក់ផ្សេងទៀតកំពុងព្យាបាលរបួស។ លោក Uddin និយាយថា ការផ្ទុះជាច្រើនបានកើតឡើងបន្តបន្ទាប់គ្នាក្រោយពីការផ្ទុះដំបូង ខណៈអគ្គិភ័យបន្តការរាលដាល។អ្នកជំនាញគ្រឿងផ្ទុះមកពីអង្គភាពយោធាប្រទេសបង់ក្លាដែស បានមកជួយក្រុមអ្នកពន្លត់អគ្គិភ័យ។ ក្រុមមន្ត្រី និងប្រព័ន្ធផ្សព្វផ្សាយក្នុងតំបន់បាននិយាយថា ការផ្ទុះបានធ្វើឱ្យបែកបង្អួចអគារនៅក្បែរនោះ។ នាយករដ្ឋមន្ត្រីលោកស្រី Sheikh Hasina បានបង្ហាញភាពរន្ធត់ចំពោះឧប្បត្តិហេតុ និងបានបញ្ជាឱ្យមានការរៀបចំឲ្យបានគ្រប់គ្រាន់ ដើម្បីព្យាបាលអ្នករងរបួស។ ប្រទេសបង់ក្លាដែសមានប្រវត្តិនៃមហន្តរាយឧស្សាហកម្ម រួមមានទាំងរោងចក្រដែលឆេះមានកម្មករជាប់នៅខាងក្នុង។ ក្រុមអ្នកឃ្លាំមើលបានដាក់កំហុសលើអំពើពុករលួយ និងការអនុវត្តច្បាប់ធូររលុង៕អត្ថបទ៖ ប៊ុនថន

ករណីឆ្លងជំងឺអុតស្វាក្រៅទ្វីបអាហ្វ្រិកហក់ឡើងដល់ ៧៨០នាក់ក្នុងរយៈពេល ៣សប្ដាហ៍

ទ្វីបអាហ្វ្រិក៖ អង្គការសុខភាពពិភពលោកបាននិយាយថា មានករណីឆ្លងជំងឺអុតស្វាចំនួន ៧៨០នាក់នៅក្នុងប្រទេសជាច្រើន ជាទីដែលវីរុសនេះកម្រប្រទះឃើញ។ ចំនួននេះបានកើនឡើង ២៥៧ករណីដែលខ្លួនបានរាយការណ៍កាលពីមួយសប្ដាហ៍មុន។ អង្គការនេះនិយាយថា ទិន្នន័យសម្រាប់រយៈពេល ៣សប្ដាហ៍កន្លងទៅប្រហែលជាការប៉ាន់ស្មានមិនដល់ ហើយវាយតម្លៃកម្រិតហានិភ័យសកលត្រឹមមធ្យម។ ការឆ្លងនេះជាធម្មតាមានកម្រិតស្រាល ប៉ុន្តែនេះជាលើកដំបូងដែលជំងឺនេះបានឆ្លងរាលដាលយ៉ាងទូលំទូលាយ នៅខាងក្រៅតំបន់អាហ្វ្រិកភាគកណ្ដាល និងខាងលិច។ អង្គការសុខភាពពិភពលោកបាននិយាយថា ករណីឆ្លងជំងឺអុតស្វាត្រូវបានរកឃើញនៅក្នុងប្រទេសចំនួន ២៧ ជាទីដែលវាក្លាយជាជំងឺឆ្លងរួចទៅហើយ មានន័យថាមានតំបន់ជាច្រើនទៀតដែលគេសង្ឃឹមថានឹងរកឃើញជំងឺនេះ។ ភាគច្រើននៃការរកឃើញករណីឆ្លងថ្មីៗនៃជំងឺអុតស្វានេះមាននៅក្នុងតំបន់អឺរ៉ុប អាមេរិកខាងជើង ព្រមទាំងមួយចំនួនតូចនៅក្នុងប្រទេសម៉ិកស៊ិក អាហ្សង់ទីន ម៉ារ៉ុក និងអារ៉ាប់រួម៕អត្ថបទ៖ សុខមាន

មនុស្ស ៥០នាក់រួមទាំងកុមារជាច្រើននាក់បានស្លាប់ក្នុងការវាយប្រហារនៅព្រះវិហារក្នុងប្រទេសនីហ្ស៊េរីយ៉ា

នីហ្ស៊េរីយ៉ា៖ ក្រុមក្មាន់កាំភ្លើងបានបើកការបាញ់ប្រហារ និងបំផ្ទុះគ្រឿងផ្ទុះសម្លាប់មនុស្សរាប់សិបនាក់ នៅព្រះវិហារកាតូល្លិកមួយកន្លែងក្នុងប្រទេសនីហ្ស៊េរីយ៉ាភាគនិរតី។ អំពើហិង្សានេះបានកើតឡើង ខណៈក្រុមអ្នកបួងសួងបានប្រមូលផ្ដុំគ្នានៅព្រះវិហារកាតូល្លិកសេន ហ្វ្រង់ស៊ីស (St Francis Catholic Church) ក្នុងរដ្ឋ Ondo កាលពីថ្ងៃអាទិត្យ។ ក្នុងចំណោមអ្នកស្លាប់មានកុមារជាច្រើននាក់ផងដែរ។ លោក Adelegbe Timileyin តំណាងឲ្យទីក្រុង Owo ជាកន្លែងកើតហេតុបាននិយាយថា មនុស្សយ៉ាងហោចណាស់ ៥០នាក់បានស្លាប់។វេជ្ជបណ្ឌិតមួយរូបនៅមន្ទីរពេទ្យមួយក្នុងទីក្រុង Owo បាននិយាយថា សាកសពជិត ៥០នាក់ត្រូវបានយកចេញពីមណ្ឌលសុខភាពសហព័ន្ធ និងមន្ទីរពេទ្យកាតូល្លិកសេនល្វីសរបស់ទីក្រុង Owo។ ក្រុមអាជ្ញាធរពុំបានបញ្ជាក់ភ្លាមៗពីចំនួនអ្នកស្លាប់សរុបផ្លូវការនោះទេ។ ហើយក៏ពុំទាន់មានក្រុមណាមួយចេញមុខទទួលស្គាល់ ការវាយប្រហារកាលពីថ្ងៃអាទិត្យនោះទេ៕អត្ថបទ៖ សុខមាន

ប្រធានាធិបតីទួរគី៖ អឺរ៉ុបកំពុងភ័យស្លន់ស្លោព្រោះជម្លោះនៅក្នុងប្រទេសអ៊ុយក្រែន

ទួរគី៖ លោកប្រធានាធិបតីទួរគី Recep Tayyip Erdogan បាននិយាយកាលពីថ្ងៃអាទិត្យថា សហភាពអឺរ៉ុបកំពុងភ័យស្លន់ស្លោដោយសារតែជម្លោះនៅក្នុងប្រទេសអ៊ុយក្រែន។ លោក Erdogan បាននិយាយថា នៅពេលដែលប្រទេសរបស់លោកទទួលបានជោគជ័យ ក្នុងការដោះស្រាយបញ្ហាជនអន្តោប្រវេសន៍ខុសច្បាប់រយៈពេល ១១ឆ្នាំ ពួកលោកកំពុងឃ្លាំមើលភាពស្លន់ស្លោនៅក្នុងសហភាពអឺរ៉ុប ដោយសារវិបត្តិសង្គ្រាមរវាងរុស្ស៊ី-អ៊ុយក្រែន។ ពួកលោកកំពុងបន់ស្រន់ឲ្យពិភពលោករួចផុតពីពេលវេលាដ៏អាក្រក់ ដែលកំពុងជួបប្រទះនៅពេលនេះ។ លោក Erdogan បានថ្លែងថា ពួកលោកកំពុងមើលឃើញភាពស្លន់ស្លោទូទាំងសហភាពអឺរ៉ុប ដោយនិយាយថា របបដែលលោកខាងលិចបង្កើតឡើងដើម្បីធានាសន្តិសុខ និងវិបុលភាពរបស់ខ្លួនកំពុងដួលរលំហើយ។ប្រធានាធិបតីទួរគីរូបនេះបានសង្កត់ធ្ងន់ថា ទីក្រុងអង់ការ៉ាជំទាស់ការចូលជាសមាជិកណាតូរបស់ប្រទេសហ្វាំងឡង់ និងស៊ុយអែត ព្រោះខ្លួនមិនទទួលយកការអះអាងរបស់ប្រទេសទាំង២ ចំពោះទំនាក់ទំនងជាមួយក្រុមអ្នកតំណាងគណបក្សពលករឃើតខុសច្បាប់នៅក្នុងប្រទេសទួរគី។ កាលពីថ្ងៃសៅរ៍ អ្នកនាំពាក្យរបស់លោកប្រធានាធិបតីទួរគី លោក Ibrahim Kalin បាននិយាយថា ទួរគីយល់ពីជំហររបស់ប្រទេសនានាចំពោះរុស្ស៊ី ប៉ុន្តែទីក្រុងអង់ការ៉ាជឿថា ខ្លួននៅតែមានបំណងរក្សាទំនាក់ទំនងដោយបើកចំហជាមួយក្រុងមូស្គូ៕អត្ថបទ៖ សុខមាន

សម្តេចក្រឡាហោម ស ខេង អញ្ជើញបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅការិយាល័យបោះឆ្នោតអនុវិទ្យាល័យសោហ៊ឺ សង្កាត់ស្វាយប៉ោ

បាត់ដំបង៖ នៅព្រឹកថ្ងៃអាទិត្យ ៦កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៥ ខែមិថុនា ឆ្នាំ២០២២ នេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអ្នកតំណាងរាស្ត្រមណ្ឌលបាត់ដំបង បានអញ្ជើញបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នៅការិយាល័យបោះឆ្នោតស្ថិតក្នុងអនុវិទ្យាល័យសោហ៊ឺ សង្កាត់ស្វាយប៉ោ ក្រុងបាត់ដំបង។

សម្តេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញបោះឆ្នោត ជ្រើសរើសក្រុមប្រឹក្សាឃុំ/សង្កាត់ នៅខេត្តត្បូងឃ្មុំ

ត្បូងឃ្មុំ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញទៅបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នាព្រឹកថ្ងៃទី៥ ខែមិថុនា ឆ្នាំ២០២២ នៅការិយាល័យបោះឆ្នោតក្នុងវិទ្យាល័យសម្តេច ហេង សំរិន អន្លង់ជ្រៃ ស្ថិតក្នុងភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ដែលជាស្រុកកំណើតសម្តេចផ្ទាល់។សម្តេចប្រធានរដ្ឋសភាបានបង្ហាញក្តីសប្បាយរីករាយនៅពេលឃើញប្រជាពលរដ្ឋចេញទៅបោះឆ្នោត ជ្រើសរើសអ្នកដឹកនាំនៅមូលដ្ឋានរបស់ខ្លួនដោយក្តីរីករាយ ដោយសេរី តាមឆន្ទៈ របស់ខ្លួន គ្មានអំពើហិង្សា។ការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់ គឺជាដំណើរការប្រជាធិបតេយ្យនៅថ្នាក់ក្រោមជាតិ ដោយផ្តល់ឱកាសជូនប្រជាពលរដ្ឋជ្រើសរើសអ្នកដឹកនាំនៅក្នុងមូលដ្ឋានខ្លួនដោយផ្ទាល់ ជាការអនុវត្តគោលនយោបាយវិមជ្ឈការ និងវិសហមជ្ឈការរបស់រាជរដ្ឋាភិបាល៕

បណ្ដាញសង្គម

ព័ត៌មានថ្មីៗ

មនុស្ស ៣នាក់ស្លាប់ នៅប្រទេសបារាំង ខណៈសីតុណ្ហភាពកើនឡើងជាង ៤០អង្សាសេ អំឡុងរលកកម្តៅនៅអឺរ៉ុប

តំបន់គ្រីមៀ ផ្អាកការបោះជំរំរដូវក្តៅរបស់ក្មេងៗ ខណៈការវាយប្រហាររបស់អ៊ុយក្រែនធ្វើឲ្យជួបកង្វះខាតប្រេង

អ្នកការទូតជាន់ខ្ពស់របស់ចិន ជួបអនុប្រធានសន្តិសុខអ៊ីរ៉ង់ ក្រោយកិច្ចពិភាក្សាជាមួយអាមេរិក នៅស្វីស

វិមានក្រឹមឡាំង ចោទប្រកាន់អ៊ុយក្រែនថា បានគំរាមកំហែងដល់អធិបតេយ្យភាពរបស់បេឡារុស

អតីតរដ្ឋមន្រ្តីដឹកជញ្ជូនអេស្ប៉ាញ ត្រូវបានកាត់ទោសឲ្យជាប់ពន្ធនាគាររយៈពេល ២៤ឆ្នាំ ក្នុងករណីពុករលួយ

កងទ័ពស៊ូដង់ទទួលយកអ្នករត់ចោលជួររបស់កងកម្លាំង RSF នៅ Darfur បង្កការខឹងសម្បារនៅក្នុងចំណោមពលរដ្ឋ

ទីក្រុងប៉េកាំងប្ដេជ្ញាពង្រឹងទំនាក់ទំនងជាមួយបង់ក្លាដែស ខណៈនាយករដ្ឋមន្ត្រីគ្រោងទស្សនកិច្ចនៅចិន

ទីក្រុងមូស្គូបាញ់ទម្លាក់យានដ្រូនក្រុងគីវជាង ៨០គ្រឿង ខណៈការវាយប្រហាររុស្ស៊ីសម្លាប់មនុស្ស ៦នាក់នៅអ៊ុយក្រែន

ទីភ្នាក់ងារប្រឆាំងអំពើពុករលួយម៉ាឡេស៊ី បើកការស៊ើបអង្កតករណីផ្ទេរដំរីទៅកាន់សួនសត្វជប៉ុន

ប្រភព៖ ឥណ្ឌាកំពុងចរចាលក់មីស៊ីលល្បឿនលឿនជាងសំឡេង BrahMos ទៅអារ៉ាប់រួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

ការបាញ់ប្រហារនៅទូទាំងសហរដ្ឋអាមេរិកបណ្ដាលឲ្យមនុស្ស ១៥នាក់ស្លាប់ និងច្រើននាក់របួស

កូរ៉េខាងត្បូង និងអាមេរិកបាញ់មីស៊ីល ៨គ្រាប់ឆ្លើយតបការបាញ់សាកល្បងមីស៊ីលបាលីស្ទីករបស់កូរ៉េខាងជើង

មនុស្ស ៤៩នាក់ស្លាប់ដោយសារអគ្គិភ័យឆេះឃ្លាំងដាក់ទូទំនិញនៅប្រទេសបង់ក្លាដែស

ករណីឆ្លងជំងឺអុតស្វាក្រៅទ្វីបអាហ្វ្រិកហក់ឡើងដល់ ៧៨០នាក់ក្នុងរយៈពេល ៣សប្ដាហ៍

មនុស្ស ៥០នាក់រួមទាំងកុមារជាច្រើននាក់បានស្លាប់ក្នុងការវាយប្រហារនៅព្រះវិហារក្នុងប្រទេសនីហ្ស៊េរីយ៉ា

ប្រធានាធិបតីទួរគី៖ អឺរ៉ុបកំពុងភ័យស្លន់ស្លោព្រោះជម្លោះនៅក្នុងប្រទេសអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

ការបាញ់ប្រហារ​នៅ​ទូទាំង​សហរដ្ឋអាមេរិក​បណ្ដាល​ឲ្យមនុស្ស ​១៥​នាក់​ស្លាប់ និង​ច្រើន​នាក់​របួស

មនុស្ស ៤៩​នាក់​ស្លាប់ដោយសារ​អគ្គិភ័យ​ឆេះ​ឃ្លាំង​ដាក់​ទូ​ទំនិញនៅ​ប្រទេស​បង់​ក្លា​ដែ​ស​

ករណី​ឆ្លង​ជំងឺ​អុត​ស្វា​ក្រៅ​ទ្វីប​អាហ្វ្រិក​ហក់​ឡើង​ដល់ ៧៨០​នាក់​ក្នុង​រយៈពេល ​៣​សប្ដាហ៍​

ប្រធានាធិបតី​ទួរគី៖​ អឺរ៉ុប​កំពុង​ភ័យ​ស្លន់ស្លោ​ព្រោះ​ជម្លោះ​នៅ​ក្នុង​ប្រទេស​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការបាញ់ប្រហារនៅទូទាំងសហរដ្ឋអាមេរិកបណ្ដាលឲ្យមនុស្ស ១៥នាក់ស្លាប់ និងច្រើននាក់របួស

មនុស្ស ៤៩នាក់ស្លាប់ដោយសារអគ្គិភ័យឆេះឃ្លាំងដាក់ទូទំនិញនៅប្រទេសបង់ក្លាដែស

ករណីឆ្លងជំងឺអុតស្វាក្រៅទ្វីបអាហ្វ្រិកហក់ឡើងដល់ ៧៨០នាក់ក្នុងរយៈពេល ៣សប្ដាហ៍

ប្រធានាធិបតីទួរគី៖ អឺរ៉ុបកំពុងភ័យស្លន់ស្លោព្រោះជម្លោះនៅក្នុងប្រទេសអ៊ុយក្រែន