នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានាធិបតីចិន ស៊ី ជីនពីង បានហៅសម្ដេចតេជោថាជាមិត្តចាស់ ខណៈទំនាក់ទំនងកម្ពុជា-ចិន​មាន​ភាព​រឹងមាំដូចផ្ទាំងសិលា
សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈមួយចំនួន
សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី
សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

ព័ត៌មានសំខាន់ៗ

អង្គការ​សុខភាព​ពិភពលោក​រំពឹង​ថា ​ករណីជំងឺ​អុត​ស្វា​នឹង​ឆ្លង​រាលដាល​ទូទាំង​ពិភពលោក​

2022/05/23 10:22:20 am        1088
Facebook Telegram Linkin
​WHO៖ អង្គការ​សុខភាព​ពិភពលោក (WHO) និយាយថា​ ខ្លួន​រំពឹងថា​នឹង​រកឃើញ​ករណី​ឆ្លង​ជំងឺ​អុត​ស្វា (monkeypox) បន្ថែម​ទៀត ខណៈ​ជំងឺ​នេះ​បាន​ឆ្លង​រាលដាល​នៅក្នុង​ប្រទេស​មួយចំនួន ជាទី​ដែល​មិន​ទំនង​ថា​នឹង​ត្រូវ​រក​ឃើញ​នៅ​ក្នុង​ប្រទេស​ទាំងនោះ​សោះ​។​ ​ករណី​ឆ្លង​ជំងឺ​អុត​ស្វា​មួយ​ចំនួន​ត្រូវ​បាន​រក​ឃើញ ក្នុង​បណ្ដា​ប្រទេស​នៅ​តំបន់​អាមេរិក​ខាងជើង និង​សហភាព​អឺរ៉ុប​កាល​ពីដើម​ខែ​ឧសភា ដែល​នាំ​ឲ្យ​មាន​ក្ដី​បារម្ភ​ខ្លាំង​ចំពោះ​ជំងឺ​ប្រភេទ​នេះ ​ជំងឺឆ្លង​ដែល​ត្រូវបាន​រកឃើញ​ដំបូង​ក្នុងប្រទេស​កុង​ហ្គោ​នៃ​ទ្វីបអាហ្វ្រិក​កំពុង​ឆ្លង​រាលដាល​ខ្លាំង​។ ​ប្រទេស​អូស្ត្រាលី​បច្ចុប្បន្ន​កំពុង​តាមដាន​ករណី​ឆ្លង​ដំបូង បន្ទាប់ពី​បុរស​វ័យ​ខ្ទង់ ​40ឆ្នាំ​ម្នាក់​បានធ្វើ​ដំណើរ​ទៅ​ដល់​ទីក្រុង Sydney ដែលមាន​ផ្ទុក​ជំងឺ​នេះ ខណៈ​ដែល​ក្រុម​អាជ្ញាធរ​សុខាភិបាល​ក្នុង​ទីក្រុង​ Quebec ​របស់​ប្រទេស​កាណាដា​កំពុង​តាមដាន ​បន្ទាប់ពី​មាន​ករណី​សង្ស័យ​លើ​មនុស្ស​រាប់​សិប​នាក់​បាន​លេចឡើង​។​ភ្នាក់ងារ​អង្គការសហប្រជាជាតិ​បាន​និយាយ​ថា គិត​ត្រឹម​ថ្ងៃ​សៅរ៍​ចុង​សប្ដាហ៍​មុន ករណី​ឆ្លង​ដែល​បាន​បញ្ជាក់​ចំនួន 92នាក់ និង​ករណី​សង្ស័យ​ថា​កើត​ជំងឺ​អុតស្វា 28នាក់​ត្រូវបាន​រាយការណ៍​ពីរ​ដ្ឋ​សមាជិក​ចំនួន 12 ដែល​វីរុស​នេះ​មិន​មែនជា​ជំងឺ​រាតត្បាត​នោះទេ ទីភ្នាក់ងារ​អង្គការ​នេះ​បាន​បន្ថែម​ថា ខ្លួន​នឹង​ផ្តល់​ការណែនាំ និង​អនុសាសន៍​បន្ថែម​ទៀត​នៅ​ក្នុង​រយៈពេល​ប៉ុន្មាន​ថ្ងៃ​ខាងមុខនេះ​ សម្រាប់​ប្រទេស​នានា​អំពី​វិធី​កាត់បន្ថយ​ការ​ឆ្លង​រាលដាល​នៃ​ជំងឺ​អុត​ស្វា​នេះ​៕អត្ថបទ៖ សុខមាន

លោក ហ៊ុន ម៉ាណែត សំណេះសំណាលជាមួយក្រុមការងារក្នុងរចនាសម្ព័ន្ធក្រុមការងារយុវជនគណបក្សខេត្តស្វាយរៀង ព្រមទាំងបេក្ខជនពេញសិទ្ធិ និងបម្រុង ឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥

2022/05/22 04:49:21 pm        566
Facebook Telegram Linkin
ស្វាយរៀង៖ លោក ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានយុវជនគណបក្សថ្នាក់កណ្តាល បានអញ្ជើញសំណះសំណាលជាមួយសកម្មជន វាគ្មិនជាយុវជនគណបក្ស និងក្រុមការងារក្នុងរចនាសម្ព័ន្ធក្រុមការងារយុវជនគណបក្សខេត្តស្វាយរៀង ព្រមទាំងបេក្ខជនពេញសិទ្ធិ និងបម្រុង ឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ នៅខេត្តស្វាយរៀង នាព្រឹកថ្ងៃទី២២ ខែឧសភា ឆ្នាំ២០២២។ លោក ហ៊ុន ម៉ាណែត សូមអរគុណចំពោះក្រុមការងារយុវជនគណបក្សខេត្តស្វាយរៀង ដែលបានខិតខំរៀបចំពិធីជួបជុំក្នុងលក្ខណៈជាមហាគ្រួសារបក្ស ដោយមានក្រោមការគាំទ្ររបស់គណៈកម្មាធិការគណបក្សខេត្ត ស្របពេលដែលថ្ងៃនេះ គឺជាថ្ងៃទី២ នៃការប្រកាសបើកដំណើរការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥។ ចាប់ពីថ្ងៃម្សិលមិញមក អ្នកគាំទ្រគណបក្សប្រជាជនកម្ពុជានៅគ្រប់ទិសទីពេញផ្ទៃប្រទេស រួមទាំងនៅក្នុងបណ្តាឃុំ-សង្កាត់ទាំង ៨០ នៅក្នុងខេត្តស្វាយរៀងផ្ទាល់ បានចេញធ្វើសកម្មភាពក្នុងយុទ្ធនាការឃោសនាយ៉ាងគគ្រឹកគគ្រេង ដែលជាការបង្ហាញឱ្យឃើញនូវកិត្យានុភាព និងកម្លាំងមហាសាមគ្គីដ៏ក្លៀវក្លាស្វាហាប់ សំដៅឈានឆ្ពោះទៅសម្រេចបាននូវជោគជ័យលើសលប់ក្នុងពេលខាងមុខនេះ។លោក ហ៊ុន ម៉ាណែត បានបន្តថា យុទ្ធនាការឃោសនានេះ មានបំណងឱ្យគណបក្សនយោបាយផ្សព្វផ្សាយអំពីគោលនយោបាយ និងកម្មវិធីនយោបាយក្នុងការអភិវឌ្ឍឃុំ-សង្កាត់ដល់អង្គបោះឆ្នោត។ ខុសឆ្ងាយពីយុទ្ធសាស្ត្ររបស់ដៃគូប្រកួតប្រជែងមួយចំនួន ដែលភាគច្រើនផ្តោតលើការវាយប្រហាររិះគន់ខុសការពិត ឬការសន្យាប្រជាភិថុតិ, ចំណុចខ្លាំងដែលជាកត្តាកំណត់ជោគជ័យរបស់គណបក្សប្រជាជនកម្ពុជា គឺការផ្សព្វផ្សាយអំពីស្នាដៃ និងសមិទ្ធផលសំខាន់ធំៗ ដែលគណបក្សខិតខំសម្រេចបានតាំងពីអតីតកាល មកដល់បច្ចុប្បន្ន និងដោយមានការបូកសរុប និងវាយតម្លៃច្បាស់លាស់ពីមួយអាណត្តិទៅមួយអាណត្តិ ក៏ដូចជាការធានាទាំងស្រុងជូនប្រជាពលរដ្ឋនូវការប្តេជ្ញាចិត្តឥតងាករេក្នុងការបន្តនូវបុព្វហេតុបម្រើជាតិ និងប្រជាជនក្នុងគ្រប់កាលៈទេសៈ ជាពិសេសការការពារឱ្យបានដាច់ខាតនូវនិរន្តរភាពនៃសុខសន្តិភាព ស្ថិរភាព និងការអភិវឌ្ឍលើគ្រប់វិស័យនៅកម្ពុជា។ លោកបញ្ជាក់ថា ការរួមគ្នាជាធ្លុងសាមគ្គីរវាងក្រុមការងារយុវជនគណបក្សគ្រប់លំដាប់ថ្នាក់ក្នុងខេត្តស្វាយរៀង និងគណៈកម្មាធិការបក្សខេត្ត, គណៈកម្មាធិការបក្សក្រុងស្រុក និងឃុំសង្កាត់ ព្រមទាំងមន្ត្រីគណបក្សគ្រប់ផ្នែកគ្រប់ថ្នាក់ គឺជាកត្តាសំខាន់មួយឆ្ពោះទៅកាន់ជោគជ័យ។ ជាមួយនឹងសមាជិកដ៏ច្រើននៅក្នុងខេត្តស្វាយរៀងប្រមាណជាង ៣ សែននាក់ ដូច្នេះការគ្រប់គ្រងមិនងាយស្រួលនោះឡើយ គឺទាមទារចាំបាច់ឱ្យមានការដឹកនាំនៅក្រោមគណៈបញ្ជាការឯកភាពនៃគណៈកម្មាធិការបក្សខេត្ត ដោយមានឋានានុក្រមច្បាស់លាស់ ដើម្បីសម្រួលដល់ការប្រមូលផ្តុំក្នុងរូបភាពជាកម្លាំងសរុប និងធ្វើសកម្មភាពឱ្យមានលក្ខណៈស៊ីសង្វាក់ និងធានាបាននូវប្រសិទ្ធភាពខ្ពស់។ ពិតណាស់ ការផ្តល់ឱកាសដល់ការចូលរួមរបស់កម្លាំងយុវជន ត្រូវបានថ្នាក់ដឹកនាំ និងអង្គការចាត់តាំងគណបក្សប្រជាជនកម្ពុជាគ្រប់ថ្នាក់ ចាត់ទុកជាការងារស្នូលចាប់តាំងពីពេលដែលគណបក្សត្រូវបានបង្កើតឡើង និងធ្វើសកម្មភាព។ជាក់ស្តែង ថ្នាក់ដឹកនាំកំពូលរបស់គណបក្ស ជាពិសេស សម្តេចតេជោ ប្រធានគណបក្ស ក៏តែងបានយកចិត្តទុកដាក់ជាខ្លាំងលើការងារពង្រឹងអង្គការចាត់តាំងយុវជន និងការងារកសាងសមាជិកគណបក្សក្នុងជួរយុវជន ដើម្បីជាយន្តការជំនួយឱ្យគណបក្សលើការងារបំផុសយុវជនឱ្យមានស្មារតីស្នេហាជាតិ ស្រឡាញ់ប្រជាជន បម្រើប្រជាជនដោយឥតលក្ខខណ្ឌ ជឿជាក់លើការដឹកនាំរបស់គណបក្ស ហ៊ានការពារគណបក្ស និងក៏ជាយន្តការសំខាន់មួយជាជំនួយដល់គណបក្សក្នុងការកសាងកម្លាំងបន្តវេន។ ជាពិសេស ក្នុងដំណាក់កាលនៃការឃោសនាបោះឆ្នោត ដូចក្នុងពេលនេះ គឺដើម្បីជំរុញឱប្រជាពលរដ្ឋទូទៅ និងយុវជន ទៅចុះឈ្មោះបោះឆ្នោត ទៅបោះឆ្នោត និងបោះឆ្នោតជូនគណបក្សប្រជាជនកម្ពុជា។ទន្ទឹមនឹងលោកផ្តល់ទស្សទានថា ការរក្សា និងពង្រឹងការឯកភាពទស្សនៈ គោលជំហរ សតិអារម្មណ៍ ក៏ជាកិច្ចការសំខាន់ចាំបាច់ផងដែរ។ សមាជិកម្នាក់ៗ អាចមានការគិតពិចារណាយល់ឃើញ និងរបៀបរបបការងារផ្សេងៗគ្នា ប៉ុន្តែអ្វីដែលត្រូវប្រកាន់ខ្ជាប់ គឺការរក្សាបាននូវបេះដូង និងទស្សនៈរួមថា យើងអនុវត្តសិទ្ធនយោបាយរបស់យើង ដោយបានសម្រេចចិត្តត្រឹមត្រូវក្នុងការចូលរួមជីវភាពនយោបាយជាមួយគណបក្សប្រជាជនកម្ពុជា ព្រោះគណបក្សយើងជាគណបក្សដែលបានកសាងនូវស្នាដៃជាប្រវត្តិសាស្ត្រយ៉ាងច្រើនជូនជាតិ និងបានផ្តល់ភាពកក់ក្តៅជូនប្រជាជន ព្រមទាំងការធានានូវលំនឹងស្ថិរភាពគ្រប់បែបយ៉ាងសម្រាប់អនាគត។ នៅក្នុងដំណើរជីវិតរបស់គណបក្សយើង គឺមានទាំងសមាសធាតុចាស់ និងថ្មីនៅលាយឡំគ្នា។ អ្វីដែលចាស់ គឺបុព្វហេតុដើម្បីជាតិ និងប្រជាជន ដែលប្រកាន់យកតាំងពីការបង្កើតក្នុងឆ្នាំ១៩៥១ មក ហើយក៏នឹងបន្តជានិច្ចនិរន្តន៍តទៅមុខទៀត។ ចំពោះអ្វីដែលថ្មីរហូត គឺដំណើរការកែទម្រង់ និងកែលម្អប្រសិទ្ធភាពការងារជាប់ជាប្រចាំ សំដៅធ្វើយ៉ាងធានាឱ្យបាននូវវឌ្ឍនភាពសង្គម, ការរីកចម្រើនលូតលាស់ផ្នែកសេដ្ឋកិច្ច និងជីវភាពកាន់តែប្រសើរឡើងរបស់ប្រជាពលរដ្ឋ ក៏ដូចជាការបើកលំហរសិទ្ធិសេរីភាពគ្រប់យ៉ាងជូនប្រជាពលរដ្ឋ ក្រោមបរិយាកាសនៃសុខសន្តិភាព ស្ថិរភាព និងក្នុងក្របខ័ណ្ឌនៃសង្គមប្រជាធិបតេយ្យផ្អែកលើគោលការណ៍នីតិរដ្ឋ៕

សម្តេចតេជោ ហ៊ុន សែន អញ្ជើញទៅដល់ប្រទេសស្វីស ប្រកបដោយសុវត្ថិភាពហើយ

2022/05/21 07:18:58 pm        156
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជាទៅដល់ អាកាសយានដ្ឋានអន្តរជាតិ Zurich ប្រទេសស្វីសប្រកបដោយសុវត្ថិភាពហើយ កាលពីវេលាម៉ោង១៣.៣១នាទី(ម៉ោងនៅប្រទេសស្វីស) ត្រូវនឹងម៉ោង១៨.៣១( ម៉ោងនៅទីក្រុងភ្នំពេញ ប្រទេសកម្ពុជា)។ វត្តមាននៃការអញ្ជើញដល់របស់សម្ដេចតេជោនាយករដ្ឋមន្ត្រីនៅអាកាសយាន្តដ្ឋានអន្តរជាតិហ្សួរីច ប្រទេសស្វីស ត្រូវបានការទទួលធ្វើគារវកិច្ចស្វាគមន៍ប្រកបដោយភាពស្និទ្ធស្នាល និងរាក់ទាក់ជាទីបំផុត ពីសំណាក់ តំណាងអ្នករៀបចំវេទិកាសេដ្ឋកិច្ចពិភពលោកលោក(WEF), តំណាងអចិន្ត្រៃយ៍កម្ពុជាប្រចាំអង្គការពាណិជ្ជកម្មពិភពលោក , ឯកអគ្គរាជទូតកម្ពុជាប្រចាំប្រទេសស្វីស និងមន្ត្រីថ្នាក់ដឹកនាំសំខាន់ៗជាច្រើនទៀត៕

ឯកឧត្តម ប្រាក់ សុខុន៖ CPP ដឹកនាំប្រទេសជាង ៤០ឆ្នាំ រឹងមាំបែបនេះ ព្រោះការគាំទ្រ និងស្មោះត្រង់របស់ពលរដ្ឋ

2022/05/21 03:19:13 pm        1194
Facebook Telegram Linkin
ភ្នំពេញ៖ ឯកឧត្តម ប្រាក់ សុខុន អនុប្រធានក្រុមការងារគណបក្សប្រជាជនកម្ពុជា (CPP) ចុះមូលដ្ឋានខេត្តកណ្ដាល និងជាប្រធានក្រុមការងារបក្សចុះមូលដ្ឋានស្រុកស្អាង បានថ្លែងថា គណបក្សប្រជាជនកម្ពុជា បានដឹកនាំប្រទេសរយៈពេលជាង ៤០ឆ្នាំ មានការរឹងមាំបែបនេះ ដោយសារមានការគាំទ្រ និងភាពស្មោះត្រង់របស់ប្រជាពលរដ្ឋ នៅទូទាំងប្រទេស ។នៅក្នុងឱកាសអញ្ជើញបើកយុទ្ធនាការឃោសនារកសំឡេងឆ្នោតនៅថ្ងៃទី២១ ខែឧសភា ឆ្នាំ២០២២ ឯកឧត្តម ប្រាក់ សុខុន មានប្រសាសន៍ថា គណបក្សប្រជាជនកម្ពុជា បាន​លះបង់​នូវ​កម្លាំង​កាយចិត្ត ស្មារតី និងធនធាន ដើម្បីបុព្វហេតុជាតិមាតុភូមិ និងបម្រើប្រជាពលរដ្ឋ ព្រោះ​គណបក្ស​ប្រជាជន​កម្ពុជាកើតពីប្រជាជន ហើយត្រូវតែបម្រើប្រជាជន ។ឯកឧត្តមបានបន្តថា រាជរដ្ឋាភិបាលកម្ពុជានាពេលបច្ចុប្បន្ន ដែលដឹកនាំ​ដោយ​គណបក្ស​ប្រជាជន​កម្ពុជា​ បានអ​ភិវឌ្ឍឲ្យរីកចម្រើនលើគ្រប់វិស័យ ដែលមានទាំងផ្នែកអប់រំ សុខាភិបាល ផ្នែកសង្គម សូម្បីតែសិទ្ធិនយោបាយ និងសិទ្ធិសេរីភាពពហុបក្ស។ឯកឧត្តម ប្រាក់ សុខុន បានបន្ថែមថា ការដឹកនាំដ៏រឹងមាំជាង ៤០ឆ្នាំ​របស់​គណបក្ស​ប្រជាជន​កម្ពុជា ដោយសារ​មានការគាំទ្រជាប់លាប់ជាប្រចាំ ភាពស្មោះត្រង់របស់បងប្អូនប្រជាពលរដ្ឋ រហូតមកដល់ពេលបច្ចុប្បន្ន ហើយសមិទ្ធផលនានា ដែលកម្ពុជាសម្រេចបាន ក៏ជា​ចំណែក​របស់​ពលរដ្ឋដែលបានចូលរួម ។ជាមួយគ្នា ឯកឧត្តមប្រធានក្រុមការងារចុះមូលដ្ឋានស្រុកស្អាង បានអំពាវនាវដល់ពលរដ្ឋ បន្ត​បោះឆ្នោត​គាំទ្របេក្ខ​ជន​មេ​ឃុំចៅសង្កាត់ របស់គណបក្សប្រជាជនកម្ពុជា ដើម្បី​បន្ត​អភិវឌ្ឍ​មូលដ្ឋាន ឲ្យកាន់តែមានភាពរីកចម្រើន៕ អត្ថបទ៖ បាន សុខរិទ្ធ

យុទ្ធនាការឃោសនាបោះឆ្នោតរបស់ឃោសនិក និងសមាជិក សមាជិកា​គណបក្សប្រជាជន​កម្ពុជា​ក្រុងស្វាយរៀង

2022/05/21 01:57:34 pm        1064
Facebook Telegram Linkin
ស្វាយរៀង៖ នៅព្រឹកថ្ងៃទី២១ ខែឧសភា ឆ្នាំ២០២២នេះ លោក ឌី វិជ្ជា ប្រធានក្រុមការងារចុះជួយក្រុងស្វាយរៀង បានដឹកនាំសមាជិក សមាជិកាបក្សរបស់ខ្លួនស្វែងរកការគាំទ្រពីប្រជាពលរដ្ឋនៅតាមមូលដ្ឋានសង្កាត់នីមួយៗ។សូមជម្រាបជូនថា នៅថ្ងៃទី២១ឧសភានេះ គឺជាថ្ងៃបើកយុទ្ធនាការឃោសនារកសំឡេងឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ។ បណ្ដាបក្សនយោបាយនានាដែលបានដាក់ឈ្មោះចូលប្រកួតប្រជែងក្នុងការបោះឆ្នោតនេះបាននិងកំពុងធ្វើសកម្មភាពឃោសនាពីគោលនយោបាយរបស់ខ្លួននៅតាមទីសាធារណៈ ដើម្បីបញ្ចុះបញ្ចូលអ្នកបោះឆ្នោតឲ្យបោះឆ្នោតគាំទ្របេក្ខជន ឬគណបក្សនយោបាយណាមួយ។ គួររម្លឹកផងដែរថា ដំណើរការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ មានរយៈពេល២សប្តាហ៍ គិតចាប់ ពីថ្ងៃទី២១ ខែឧសភា រហូតដល់ថ្ងៃទី៣ ខែមិថុនា ឆ្នាំ២០២១ ខណៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ នឹងប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ខាងមុខនេះ ដោយមានគណបក្សនយោបាយចំនួន១៧ បានចូលរួម៕

សម្ដេចក្រឡាហោម៖ បក្សប្រជាជនប្ដេជ្ញាអនុវត្តគោលនយោបាយអភិវឌ្ឍមូលដ្ឋាន និងកសាងនូវ​សមិទ្ធផលថ្មីៗ​បន្ថែមទៀត

2022/05/21 11:53:43 am        1049
Facebook Telegram Linkin
បាត់ដំបង៖ សម្ដេចក្រឡាហោម ស ខេង ប្រធានក្រុមការងារ​គណបក្ស​ប្រជាជន​កម្ពុជា​ចុះមូលដ្ឋាន​ខេត្តបាត់ដំបង និងខេត្តព្រៃវែង បានថ្លែងថា គណបក្សប្រជាជនកម្ពុជា បន្ត​ប្ដេជ្ញា​អនុវត្ត​នូវគោលយោបាយអភិវឌ្ឍមូលដ្ឋាន ដោយកសាងនូវសមិទ្ធផលថ្មីៗបន្ថែមទៀត ដើម្បី​បម្រើ​ផល​ប្រយោជន៍​របស់ប្រជាពលរដ្ឋ។ក្នុងពិធីបើកយុទ្ធនាការឃោសនារកសំឡេងឆ្នោត ដោយមានការចូលរួម យ៉ា​ង​ច្រើន​កុះករ​ពី​សមាជិក សមាជិកា និងអ្នកគាំទ្រ​គណបក្សប្រជាជនកម្ពុជា សម្ដេចក្រឡាហោម ស ខេង មាន​ប្រសាសន៍​ថា នាថ្ងៃទី៥ ខែមិថុនា ឆ្នាំ២០២២ខាងមុខនេះ ជាថ្ងៃ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់ អាណត្តិទី៥ ដែលជាការបោះឆ្នោតដ៏មានសារៈសំខាន់បំផុត សម្រាប់ប្រទេសជាតិ ក៏ដូច​ជា​សម្រាប់​ការអភិវឌ្ឍឃុំ-សង្កាត់ នីមួយៗ ។សម្ដេចបានបន្តថា ជនរួមជាតិបានឃើញច្បាស់រួចហើយ នូវសកម្មភាពសមិទ្ធផល និង​គោល​នយោបាយ​ដ៏​ត្រឹមត្រូវរបស់គណបក្សប្រជាជនកម្ពុជា សូមអញ្ជើញទៅបោះឆ្នោត និង​បោះឆ្នោត​ជូន​គណបក្សប្រជាជនកម្ពុជា ដែលមានរូបទេវតាបាចផ្កា ជាសញ្ញាសម្គាល់ ឱ្យ​បាន​គ្រប់ៗ​គ្នា​កុំ​បីខាន​នៅ​តាមការិយាល័យបោះឆ្នោតឃុំ-សង្កាត់ របស់បងប្អូន ។សម្ដេច​ក្រឡាហោម បានបន្ថែមថា គណបក្សប្រជាជនកម្ពុជា ប្ដេជ្ញាអនុវត្តរាល់គោលការណ៍ និង​ទិសដៅ​គោលនយោបាយអភិវឌ្ឍន៍ឃុំ-សង្កាត់ អាណត្តិទី៥ ឆ្នាំ២០២២-២០២៧ ឱ្យបាន​សម្រេច​លទ្ធផល​ខ្ពស់ បង្កើតជាសមិទ្ធផលធំៗ ថ្មីៗទៀតជូនជាតិ និងបំណងប្រាថ្នារបស់ប្រជាជនគ្រប់រូប នៅ​គ្រប់មូលដ្ឋានក្នុងជំហរ ហ៊ានគិត ហ៊ានធ្វើ និងហ៊ានទទួលខុសត្រូវ រួមជាមួយ​នឹង​ការ​គាំទ្រ​យ៉ាង​ធំធេង​ពីប្រជាជន ។គួរបញ្ជាក់ថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ធ្វើឡើងចាប់ពីថ្ងៃទី២១ ខែឧសភា ដល់ថ្ងៃទី៣ ខែមិថុនា ឆ្នាំ២០២២ ។ សម្រាប់​ខេត្តបាត់ដំបង មានគណបក្សនយោបាយចំនួន១០ បាន​ចុះឈ្មោះប្រកួត​ប្រជែង​ការ​បោះឆ្នោត​ជ្រើស​រើស​ក្រុមប្រឹក្សាឃុំ-សង្កាត់ អាណត្តិទី៥នេះ ចំណែកការិយាល័យបោះឆ្នោតមានចំនួន ១៦៨៥ លើ១០៣ឃុំ-សង្កាត់ ។ ចំពោះប្រជាពលរដ្ឋមានអាយុចាប់ពី១៨ឆ្នាំឡើង ដែល​បាន​ចុះ​ឈ្មោះបោះឆ្នោ​ត​មា​នជាង ៧៣ម៉ឺននាក់ ៕ អត្ថបទ៖ នឿត សុភក្ត្រា

ព្យុះ Tornado វាយ​បោកបក់​លើ​ប្រទេស​អាល្លឺម៉ង់​បណ្ដាល​ឲ្យ​មនុស្ស​យ៉ាងតិច ​30នាក់​រង​របួស​

2022/05/21 11:24:11 am        676
Facebook Telegram Linkin
​អាល្លឺម៉ង់៖ អាជ្ញាធរ​បាន​និយាយ​ថា ព្យុះ Tornado បាន​បោកបក់​ឆ្លងកាត់​ទីក្រុង Paderborn ភាគ​ខាងលិច​ប្រទេស​អាល្លឺម៉ង់​កាលពី​ថ្ងៃ​សុក្របណ្ដាល​ឲ្យ​មនុស្ស​យ៉ាងហោចណាស់​ 30​នាក់​រង​របួស ខណៈ​ព្យុះ​នេះ​បាន​បោកបក់​បំប៉ើង​ដំបូល​ផ្ទះ ​ផ្ដួល​រលំ​ដើមឈើ និង​បាន​បំ​ប៉ើង​កម្ទេចកំទី​ហោះ​ទៅ​លើ​អាកាស​។ ​ក្រុម​មន្ត្រី​ឧតុនិយម​ព្រមាន​ថា​នឹង​មាន​ភ្លៀង និង​ព្រិល​ធ្លាក់​ខ្លាំង​នៅ​ភាគ​ខាងលិច និង​ភាគ​កណ្ដាលប្រទេស​អាល្លឺម៉ង់​ជាមួយ​នឹង​ព្យុះ​ដែល​បង្កើត​កម្លាំង​ខ្យល់​បក់​រហូតដល់ ​130គីឡូម៉ែត្រ​ក្នុង​មួយ​ម៉ោង​។​ ​ព្យុះ​កាលពី​ថ្ងៃ​ព្រហស្បតិ៍​បាន​បង្អាក់​ចរាចរណ៍​រួច​ទៅ​ហើយ ផ្តួល​រំលំ​ដើមឈើ​ដែល​បាន​ដួល​មក​លើផ្លូវ​រថភ្លើង និង​ផ្លូវថ្នល់ ហើយ​ជំនន់​ទឹកភ្លៀង​បាន​ជន់​លិច​បន្ទប់​ក្រោម​ដី​រាប់​រយ​កន្លែង​នៅ​ភាគ​ខាង​លិច​ប្រទេស​អាល្លឺម៉ង់​។​នគរបាល​ទីក្រុង Paderborn បាន​និយាយ​កាលពី​ថ្ងៃ​សុក្រ​ថា ​មនុស្ស​ពី 30 ទៅ 40នាក់​បាន​រង​របួស ហើយ​យ៉ាងហោចណាស់​ 10​នាក់​ក្នុងចំណោម​ពួកគេ​រង​របួស​ធ្ងន់​។ ​នគរបាល​បាន​ជំរុញ​ប្រជាជន​ឱ្យ​ស្នាក់​នៅ​ក្នុង​លំនៅឋាន​ ដើម្បី​កុំ​ឱ្យ​រាំងស្ទះ​ដល់​កិច្ចប្រឹងប្រែង​ជួយ​សង្គ្រោះ ឬ​បង្ក​គ្រោះថ្នាក់​ដល់​ខ្លួនឯង៕អត្ថបទ៖ ប៊ុនថន

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូកម្ពុជាទៅចូលរួមវេទិកាសេដ្ឋកិច្ច​ពិភពលោក រយៈពេល៥ថ្ងៃ នៅប្រទេសស្វីស

2022/05/21 06:06:30 am        1018
Facebook Telegram Linkin
ភ្នំពេញ៖ នៅរាត្រីថ្ងៃទី២០ ឈានចូលថ្ងៃទី២១ ខែឧសភា ឆ្នាំ២០២២ វេលាម៉ោង ០០:៣០នាទី សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន​អញ្ជើញ​ដឹកនាំគណៈប្រតិភូជាន់ខ្ពស់កម្ពុជា ធ្វើដំណើរ​ចាក​ចេញ​ពី​ប្រទេស​កម្ពុ​ជា​ឆ្ពោះទៅ​កាន់​ប្រទេសស្វីស ដើម្បីទៅចូលរួមកិច្ចប្រជុំប្រចាំឆ្នាំ២០២២ របស់វេទិកាសេដ្ឋកិច្ចពិភពលោក ក្រោម​មូលបទ “ការត្រៀមខ្លួនសម្រាប់យុគសម័យក្រោយជំងឺកូវីដ” ដែលនឹងប្រព្រឹត្តទៅចាប់ពីថ្ងៃទី២២ ដល់ ថ្ងៃទី២៦ ខែឧសភា ឆ្នាំ២០២២ នៅទីក្រុងដាវ៉ស-ក្លូស្ទ័រ (Davos-Klosters) ប្រទេសស្វីស។ការអញ្ជើញ​ចូលរួមកិច្ចប្រជុំខាងលើនេះ ធ្វើឡើងតបតាមការអញ្ជើញរបស់លោកសាស្រ្តាចារ្យ ក្លោស ឆ្វាប់ (Klaus Schwab) ស្ថាបនិក និងជាប្រធានប្រតិបត្តិវេទិកាសេដ្ឋកិច្ចពិភពលោក។អញ្ជើញអមសម្តេចតេជោនាយករដ្ឋមន្រ្តី នៅក្នុងកិច្ចប្រជុំនេះ រួមមានឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន, ឯកឧត្តម ប៉ាន សូរស័ក្តិ រដ្ឋមន្រ្តីក្រសួងណាពិជ្ជកម្ម និងមន្ត្រីជាន់ខ្ពស់ នៃរាជរដ្ឋាភិបាលកម្ពុជាមួយចំនួនផ្សេងទៀត ព្រមទាំងសមាជិកមួយចំនួនរបស់សភាពាណិជ្ជកម្មកម្ពុជាផងដែរ។ក្នុងឱកាសចូលរួមក្នុងវេទិកានេះ សម្តេចតេជោនាយករដ្ឋមន្រ្តី ហ៊ុន សែន នឹងអញ្ជើញថ្លែងសុន្ទរកថា ប្រកបដោយអត្ថន័យខ្លឹមសារនៅក្នុងពិធីបិទកិច្ចពិភាក្សាជាមួយភាគីពាក់ព័ន្ធក្រោមប្រធានបទ “ទស្សនវិស័យយុទ្ធសាស្ត្រលើអាស៊ាន” និងនៅក្នុងកម្មវិធីអាហារការងារថ្ងៃត្រង់ក្រៅផ្លូវការជាមួយថ្នាក់ដឹកនាំសេដ្ឋកិច្ចពិភពលោក ក្រោមប្រធានបទ «ការស្តារសន្តិភាព និងសណ្តាប់ធ្នាប់ឡើងវិញ»។ក្រៅពីអញ្ជើញចូលរួមក្នុងវេទិកាខាងលើ សម្តេចតេជោនាយករដ្ឋមន្រ្តី ក៏រំពឹងថា នឹងមានជំនួបពិភាក្សាការងារជាមួយថ្នាក់ដឹកនាំនៃប្រទេសមួយចំនួន ក៏ដូចជាទទួលការចូលជួបសម្តែងការគួរសមពីសំណាក់ឥស្សរជននយោបាយ និងធុរជនពិភពលោកផងដែរ។ក្នុងឱកាសស្នាក់នៅប្រទេសស្វីស សម្តេចតេជោនាយករដ្ឋមន្ត្រី ហ៊ុន សែន នឹងអញ្ជើញថ្លែងសុន្ទរកថាបើក “រាត្រីកម្ពុជា” (CAMBODIA NIGHT) ដែលជាព្រឹត្តការណ៍រៀបចំដោយក្រុមហ៊ុន វើលដ៏ ប្រ៊ីជ គ្រុប (WorldBridge Group) ក្នុងគោលបំណង ដើម្បីលើកស្ទួយអំពីធុរកិច្ចបរទេសនៅក្នុងប្រទេសកម្ពុជា។ ជាមួយគ្នានោះ សម្តេចតេជោ ហ៊ុន សែន ក៏នឹងជួបសំណេះសំណាលជាមួយបងប្អូនជនរួមជាតិខ្មែរ ដែលរស់នៅប្រទេសស្វីស និងបណ្តាប្រទេសអឺរ៉ុបផងដែរ៕

សម្តេចតេជោ ហ៊ុន សែន៖ ដំណើរការចាក់វ៉ាក់សាំងកូវីដ-១៩ ដូសជំរុញទី៥ នឹងចាប់ផ្តើមនៅថ្ងៃទី០៩ មិថុនា ឆ្នាំ២០២២

2022/05/20 06:44:29 pm        637
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រកាសសម្រេចបើកយុទ្ធនាការចាក់វ៉ាក់សាំងកូវីដ-១៩ ដូសជំរុញទី៥ នៅថ្ងៃទី០៩ ខែមិថុនា ឆ្នាំ២០២២ តទៅ។ យោងតាមសារសំឡេងសម្តេចតេជោ ហ៊ុន សែន ប្រកាសប្រាប់ជនរួមជាតិ នៅល្ងាចថ្ងៃទី២០ ខែឧសភា បញ្ជាក់ថា សម្រាប់អ្នកដែលត្រូវទទួលបានវ៉ាក់សាំងដូសជំរុញទី៤រួចរាល់ហើយ និងមានថេរវេលាកំណត់ជាក់លាក់ សម្រេចដោយគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខ័ណ្ឌទូទាំងប្រទេស យ៉ាងតិចចំនួន៣ខែ ទើបអាចទទួលវ៉ាក់សាំងដូសទី៥បាន។ ទន្ទឹមនឹងនោះ សម្តេចតេជោ ហ៊ុន សែន នាយករដ្ឋមន្ត្រី ក៏បានផ្ញើសារជូនជនរួមជាតិពីដំណើរទៅកាន់ទីក្រុងដាវ៉ូស ប្រទេសស្វីស នៅរំលងអាធ្រាត្រឈានឆ្លងចូលថ្ងៃទី២១ ខែឧសភានេះ និងស្ថានភាពកាន់តែធូរស្រាល នៃជំងឺកូវីដ-១៩នៅកម្ពុជាផងដែរ។ សម្តេចតេជោ ហ៊ុន សែន បានប្រកាសថា រយៈពេល១៤ថ្ងៃជាប់ៗនេះ កម្ពុជាមិនមានករណីឆ្លងថ្មី និងករណីស្លាប់ថ្មីដោយជំងឺកូវីដ-១៩ទេ ហើយករណីជាសះស្បើយ បានបន្តជាសះស្បើយជាបន្តបន្ទាប់ ដែលមកទល់នឹងពេលនេះ មានអ្នកជំងឺកូវីដ-១៩ តែចំនួន ៨នាក់ប៉ុណ្ណោះ កំពុងសម្រាកព្យាបាលបន្តតាមមន្ទីរពេទ្យនានា។ សម្តេចតេជោ ហ៊ុន សែន បានបញ្ជាក់ថា ក្នុងចំណោម ៨នាក់ ដែលកំពុងសម្រាកព្យាបាល គឺពួកគាត់មានជំងឺផ្សេងៗទៀត មិនត្រឹមតែកូវីដ-១៩នោះទេ ដែលទាមទារឲ្យពួកគាត់ត្រូវនៅសម្រាកព្យាបាលបន្ត និងទទួលបានការយកចិត្តទុកដាក់ខ្ពស់ពីក្រុមគ្រូពេទ្យ៕

សម្តេចអគ្គមហាពញាចក្រីហេង សំរិន៖ រាជរដ្ឋាភិបាលដឹកនាំដោយគណបក្សប្រជាជនមានចក្ខុវិស័យវែងឆ្ងាយ ត្រឹមត្រូវ បានធ្វើឱ្យសង្គមជាតិមានការអភិវឌ្ឍរីកចម្រើនមិននឹកស្មានដល់

2022/05/20 11:02:57 am        748
Facebook Telegram Linkin
ត្បូងឃ្មុំ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានមានប្រសាសន៍លើកឡើងថា រាជរដ្ឋាភិបាលដឹកនាំដោយគណបក្សប្រជាជនមានចក្ខុវិស័យវែងឆ្ងាយ និងមានមាគ៌ាត្រឹមត្រូវ ច្បាស់លាស់ បានធ្វើសង្គមជាតិមានការអភិវឌ្ឍ រីកចម្រើនជឿនលឿនដែលមិននឹកស្មានដល់ ពីព្រោះថាក្រោយថ្ងៃរំដោះ៧មករាឆ្នាំ១៩៧៩ គឺគ្មានអ្វីទំាងអស់។ របបប៉ុលពតបានបំផ្លិចបំផ្លាញសង្គមជាតិទំាងធនធានមនុស្សនិងហេដ្ឋារចនាសម្ព័ន្ធសង្គម។ សម្តេចប្រធានរដ្ឋសភាបានលើកឡើងថា បច្ចុប្បន្ននេះប្រជាជនរស់នៅតំបន់ដាច់ស្រយាលនានា លែងជួបការលំបាកដូចពេលមុនៗទៀតហើយ ការធ្វើដំណើរទៅមក បានឆាប់រហ័សទាន់ចិត្ដ ជីវភាពរស់នៅរបស់ប្រជាជនមានភាពប្រែប្រួលថ្មី។ បណ្ដាទីក្រុង ដូចជា រាជធានីភ្នំពេញ និងនៅតាមបណ្ដាខេត្ដ ទីប្រជុំជន មានផ្សារទំនើបធំៗ អគារបុរីនានា ភូមិគ្រឹះទំនើបៗ និងអគារខ្ពស់ៗរាប់សិបជាន់ បានសាងសង់រួច និងកំពុងសាងសង់ គួរឱ្យមានមោទនភាពចំពោះការរីកចម្រើនយ៉ាងឆាប់រហ័ស ស័ក្តិសមជា «ប្រទេសកំពុងអភិវឌ្ឍន៍»។ សម្តេចប្រធានរដ្ឋសភាបានលើកឡើងដូច្នេះ នៅក្នុងឱកាសសម្តេច បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីសម្ពោធ ដាក់ឱ្យប្រើប្រាស់ជាផ្លូវការនូវ អាគារសិក្សាថ្មី១ខ្នង កម្ពស់ ២ជាន់ មាន១២បន្ទប់ រួមទាំងទីចាត់ការ បណ្ណាល័យ បន្ទប់ពិសោធន៍ និងបន្ទប់កុំព្យូទ័រ ដែលបំពាក់ទៅដោយសម្ភារៈ បរិក្ខាសិក្សាទំនើប នៅវិទ្យាល័យសម្តេចចក្រី ហេង សំរិន អន្លង់ជ្រៃ ស្ថិតនៅឃុំកក់ ស្រុកពញាក្រែក ខេត្តត្បូងឃ្មុំ ព្រមទាំងសមិទ្ធផលផ្សេងទៀតដូចជា ផ្លូវបេតុង តារាងបាល់បោះ របងខ្លោងទ្វារថ្មី និងការជួសជុលអាគារសិក្សាចាស់ចំនួន៦ខ្នង អមដោយសួនច្បារថ្មីផងដែរ។សមិទ្ធផលទំាងដែលសម្ពោធដាក់ឲ្យប្រើប្រាស់នៅព្រឹកថ្ងៃទី២០ ខែឧសភា ឆ្នាំ២០២២នេះ ជាចំណងដៃថ្មីមួយទៀត របស់សម្តេចនិងសម្តេចធម្មវិសុទ្ធវង្សា សៅ ទី ហេង សំរិន ដែលបានចូលរួមអភិវឌ្ឍន៍យ៉ាងច្រើន ជូនប្រជាពលរដ្ឋ នៅឃុំកក់ ស្រុកពញាក្រែក ខេត្តត្បូងឃ្មុំ ដែលជាស្រុកកំណើតរបស់សម្តេចផ្ទាល់ ជារៀងរហូតមកទំាងខាងវិស័យពុទ្ធចក្រ និងអាណាចក្រ មានវត្តអារាម ផ្លូវថ្នល់ មន្ទីរពេទ្យ មណ្ឌលសុខភាព ប្រឡាយទឹករួមនិងលំនៅដ្ឋាន ជាដើម។ នៅក្នុងឱកាសនោះ សម្តេចអគ្គមហាពញាចក្រី ហេង សំរិន បានថ្លែងអំណរគុណយ៉ាងជ្រាលជ្រៅចំពោះសប្បុរសជនទាំងអស់ ជាពិសេសក្រុមការងារដែលបានបរិច្ចាគទាំងកម្លាំងកាយ កម្លាំងចិត្ត ធនធានសម្ភារៈ និងថវិកា ដើម្បីរួមចំណែកដល់ការកសាងអាគារសិក្សាថ្មីនេះឱ្យមានជារូបរាងឡើង។ សម្តេចប្រធានរដ្ឋសភា បានសម្តែងនូវការនឹករលឹក និងសួរសុខទុក្ខជូនចំពោះលោកគ្រូ អ្នកគ្រូ មន្រ្តីរាជការទាំងអស់ ពិសេស លោកគ្រូ អ្នកគ្រូ ដែលបានចូលនិវត្តន៍ និងសូមថ្លែងអំណរគុណចំពោះគុណូបការៈ កិច្ចខិតខំប្រឹងប្រែង និងការលះបង់ដ៏មានតម្លៃមិនអាចកាត់ថ្លៃបានរបស់អ្នកទាំងអស់គ្នា ក្នុងការផ្តល់ការអប់រំ សិលធម៌ និងចំណេះដឹងដល់កូនចៅប្រជាពរដ្ឋនៅទូទាំងស្រុកពញាក្រែក ឱ្យក្លាយជាធនធានមនុស្សដ៏ល្អសម្រាប់សង្គមជាតិយើង។ សម្តេចបានបញ្ជាក់រាជរដ្ឋាភិបាលបានលើកកម្ពស់តម្លៃវិជ្ជាជីវៈ និងកិត្តិយសគ្រូបង្រៀន តាមរយៈការប្រារព្ធទិវាគ្រូបង្រៀនជារៀងរាល់ឆ្នាំ នៅថ្ងៃទី៥ តុលា ដែលជាទិវារំលឹកគុណគ្រូសម្រាប់ជាការចងចាំរបស់យុវជនគ្រប់ជំនាន់។សម្តេចអគ្គមហាពញាចក្រីហេង សំរិន បានអំពាវនាវនិងលើកទឹកចិត្តដល់ប្រជាពលរដ្ឋនៅស្រុកពញាក្រែក ខេត្តត្បូងឃ្មុំ ក៍ដូចជានៅទូទំាងប្រទេសនាំកូនចៅទៅចុះសិក្សាឲ្យបានគ្រប់គ្នា មានតែចំណេះដឹងទេដែលជាស្ពានពន្លឺផ្លូវជីវិតដ៏ត្រចេះត្រចង់របស់កូនៗគ្រប់រូប ទៅថ្ងៃអនាគត។ សម្តេចក៏បានលើកទឹកចិត្តដល់គណៈគ្រប់គ្រងសាលា លោកគ្រូ អ្នកគ្រូ ត្រូវបំផុសផ្សព្វផ្សាយកម្មវិធីអប់រំ សុខភាព សីលធម៌ និងគុណធម៌ ឱ្យបានទូលំទូលាយ និងបង្កើតស្មារតីស្រឡាញ់ បរិស្ថានធម្មជាតិ បង្កើនការដាំដុះរុក្ខជាតិតាមសាលារៀន ប្រែក្លាយបរិវេណសាលារៀនឱ្យពោរពេញដោយបរិស្ថាន ធម្មជាតិ រំលេចភាពបៃតង ដើម្បីទាក់ទាញឱ្យស្រឡាញ់ការសិក្សារៀនសូត្រនៅតាមសាលារៀន៕

បណ្ដាញសង្គម

ព័ត៌មានថ្មីៗ

ទោះបីឡើង អ្នកគាំទ្រអាមេរិកសម្ដែងការខកចិត្តក្រោយក្រុមចាញ់តួកគី ឯអូស្ត្រាលីបានត្រឹមស្មើប៉ារ៉ាហ្កាយ
06/26/2026 02:06 PM
Facebook Telegram Linkin
អាមេរិកគំរាមកាត់បន្ថយការផ្គត់ផ្គង់ឧស្ម័នទៅឲ្យសហភាពអឺរ៉ុប ចំពេលមានជម្លោះលើច្បាប់បរិស្ថាន
06/26/2026 02:06 PM
Facebook Telegram Linkin
ប្រធានាធិបតីចិន ស៊ី ជីនពីង បានហៅសម្ដេចតេជោថាជាមិត្តចាស់ ខណៈទំនាក់ទំនងកម្ពុជា-ចិន​មាន​ភាព​រឹងមាំដូចផ្ទាំងសិលា
06/26/2026 02:06 PM
Facebook Telegram Linkin
លោក Katz ៖ កងទ័ពអ៊ីស្រាអែល នឹងបន្តនៅក្នុងប្រទេសលីបង់ ស៊ីរី និងហ្កាហ្សា «ដោយគ្មានកំណត់ពេលវេលា»
06/26/2026 02:06 PM
Facebook Telegram Linkin
ពីដើមឆ្នាំ២០២៥ ដល់ថ្ងៃទី២២ខែមិថុនានេះ សមត្ថកិច្ចកម្ពុជា បង្ក្រាប​អំពើ​ឆបោក​តាម​ប្រព័ន្ធ​បច្ចេក​វិទ្យា​ជាង ៥០០ទីតាំង ដកហូត និងព្យួរអាជ្ញាប័ណ្ណកាស៊ីណូ ២៥ទីតាំង
06/26/2026 01:06 PM
Facebook Telegram Linkin
«ពង្រឹង ជាជាងពង្រីក»៖ ក្រសួងមុខងារសាធារណៈ និងក្រសួងធម្មការ ជួបពិភាក្សា​សម្រួច​រចនា​សម្ព័ន្ធ​ការងារ​នៃអង្គភាពចំណុះជៀសវាងការអនុវត្តតួនាទីជាន់គ្នា
06/26/2026 01:06 PM
Facebook Telegram Linkin
ទូតកម្ពុជាប្រចាំសាធារណរដ្ឋកូរ៉េ ជួបជាមួយក្រុមហ៊ុនខ្មែរ ពិភាក្សា​លើការនាំ​ផលិតផល​បន្ថែម​ទៅកាន់ទីផ្សារកូរ៉េ
06/26/2026 01:06 PM
Facebook Telegram Linkin
ជម្រើសជាតិនារីកម្ពុជា ទទួលបានឈាមថ្មី ត្រៀមប្រជែងជើងឯកអាស៊ាន ក្រោយខកខានពីរដូវកាលមុន
06/26/2026 01:06 PM
Facebook Telegram Linkin
ប្រធានក្រុមហ៊ុន CCCC របស់ចិន បានប្ដេជ្ញាចំពោះមុខសម្ដេចតេជោ អនុវត្តគម្រោងព្រែកជីកហ្វូណនតេជោឱ្យបានជោគជ័យ
06/26/2026 01:06 PM
Facebook Telegram Linkin
Manchester City ព្រមព្រៀងផ្ទេរ Elliot Anderson ពី Nottingham Forest ក្នុងតម្លៃបំបែកកំណត់ត្រាក្លិប
06/26/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.